ဆိုဗီယက် ဘာကြောင့် ကျဆုံးသလဲ အပိုင်း(၁) ရဲဘော်ကြင်မောင် အရေးတော်ပုံဆောင်းပါး(၈)
အရေးတော်ပုံ ဂျာနယ် အတွဲ(၁) အမှတ်(၃) မှာ
ထွန်းသော် ကလောင်နာမည်နဲ့ ရေးခဲ့တာပါ။
ထွန်းသော် ကလောင်နာမည်နဲ့ ရေးခဲ့တာပါ။
(၂၀၁၁) ခုနှစ်
မာ့စ်ဝါဒနဲ့
ကွန်မြူနစ်အရေးတော်ပုံအကြောင်းလေ့လာသူတွေ ဖတ်သင့်တဲ့ ဆောင်းပါးပါ။
စာနည်းနည်းများလို့ လုပ်ရလွယ်အောင် နောက်ပြီး ဖတ်ရလည်းလွယ်အောင်
အပိုင်းခွဲတင်လိုက်ပါတယ်။
ကျဆုံးသွားရတဲ့အကြောင်းအချက်တွေ များတယ်။
အရေးကြီးဆုံး ၃ ချက်ကိုပဲ တင်ပြ
ဆွေးနွေးလိုတယ်။့
ပထမအချက်က မာ့က်စ်ဝါဒအခြေခံအတွေးအခေါ်နဲ့သွေဖည်သွားလို့။
ပထမအချက်က မာ့က်စ်ဝါဒအခြေခံအတွေးအခေါ်နဲ့သွေဖည်သွားလို့။
တိုင်းပြည်တိုင်း၊ ပြည်သူတိုင်း၊
ပါတီတိုင်းမှာ ကိုယ်စီအမျိုးသား အကျိုးစီးပွား ရှိတယ်ဆိုတာကို အသိအမှတ်မပြုလို့။့
တတိယအချက်က အပြောင်းအလဲတွေနဲ့အညီ မိမိပေါ်လစီကို ထိန်းညှိမှုမလုပ်နိုင်လို့။
တတိယအချက်က အပြောင်းအလဲတွေနဲ့အညီ မိမိပေါ်လစီကို ထိန်းညှိမှုမလုပ်နိုင်လို့။
ပထမအချက်ကို ရှင်းလင်းချက်။
မာ့က်စ်ဝါဒအခြေခံအတွေးအခေါ်က
“ကုန်ထုတ်စွမ်းအားစုတွေအတွက် ဖွံ့ဖြိုးတိုးတက်မှုအခြေအနေနဲ့အခန်းကဏ္ဍ ရှိနေသေးသမျှ
အဲဒီ လူမှုရေးစနစ်ဟာ ဘယ်တော့မှ ပျောက်ကွယ်သွားမှာမဟုတ်ဘူး။ ပြီးတော့လည်း သူ့ကိုအစားထိုးမယ့်
ကုန်ထုတ်ဆက်ဆံမှုအသစ်ဟာ ဆက်ဆံမှုဟောင်းအတွင်းမှာပဲသန္ဓေတည်ပြီး ရုပ်ဘ၀အခြေအနေရင့်မှည့်လာမှ
မွေးဖွားလာရမှာ ဖြစ်တယ်။ မရင့်မှည့်သေးဘဲမွေးဖွားရင် လျှောမွေးပဲဖြစ်မယ်။
ဒါမှမဟုတ် ချူချာတဲ့သန္ဓေသားပဲမွေးဖွားလာမှာ ဖြစ်တယ်” လို့ဆိုတယ်။ (ကိုယ်နားလည်သလို
သဘောကိုပဲယူပြီး ရေးတာပါ)
ရုရှားပြည်ကိုကြည့်။ သူဟာ ခေတ်နောက်ကျတဲ့နိုင်ငံကြီးပဲ။
မာ့က်စ်တို့က ဆိုရှယ်လစ်တော်လှန်ရေးလုပ်နိုင်တဲ့တိုင်းပြည်တွေက ရှေ့တန်းရောက်
တိုင်းပြည်တွေဖြစ်တဲ့ ဂျာမနီ၊ ပြင်သစ်၊ အင်္ဂလန်တို့ပဲလို့ယူဆခဲ့တယ်။ ရုရှား မပါဘူး။
လီနင်ကလည်း ဒါကို လက်ခံတယ်။ နယ်ချဲ့အချင်းချင်း စစ်ဖြစ်နေတာကိုချက်ကောင်းယူပြီး
ရုရှားက တော်လှန်ရေးစနက်တံကိုဖောက်ခွဲလိုက်ရင် နောက်ကနေ ရှေ့တန်းရောက် တိုင်းပြည်တွေရဲ့တော်လှန်ရေးတွေ
ဆက်တိုက်ပေါက်ကွဲလာမှာပဲလို့ တွက်တယ်။ (လီနင်ရဲ့
၁၉၁၇အောက်တိုဘာတော်လှန်ရေးနောက်ပိုင်း ရေးသမျှဆောင်းပါးတွေကိုကြည့်) ဒါပေမဲ့
သူတွက်သလို ဖြစ်မလာဘူး။ ဂျာမနီမှာလည်း ခဏကလေး တော်လှန်ရေးဖြစ်တယ်။ ချေမှုန်း ခံလိုက်ရတယ်။
ပြင်သစ်နဲ့ အင်္ဂလန် ဘာမှမဖြစ်ဘူး။ ကမ္ဘာစစ်မှာနိုင်လိုက်လို့ ဝမ်းသာအားရ
ဖြစ်နေကြတာပဲ ရှိတယ်။ ကိုလိုနီသစ်တွေ တိုးလာလို့ အုပ်စိုးသူတွေက သူတို့ရလာတဲ့အကျိုးအမြတ်ထဲကနေ
နည်းနည်းပါးပါး အရိုးအရင်းတွေစွန့်ကြဲတာကိုရပြီး ကျေနပ်နေကြတယ်။
တော်လှန်ရေးလုပ်ဖို့ သိပ်မစဉ်းစားဘူး။ အဲဒီတော့ လီနင်က အခြေအနေဲ့အညီထိန်းညှိတာကို
ရဲရဲလုပ်တယ်။ ၁၉၂၀ တဝိုက်မှာရေးတဲ့ ဆောင်းပါးတွေမှာ ကိုလိုနီ၊ ကိုလိုနီတပိုင်းတိုင်းပြည်တွေက
အမျိုးသားဒီမိုကရေစီတော်လှန်ရေးတွေပေါ်လာဖို့ ပြတ်ပြတ်သားသား လှုံ့ဆော်တယ်။
အားပေးတယ်။ ကွန်မြူနစ်ပါတီတွေပေါ်ဖို့ မြေတောင်မြှောက်ပေးတယ်။ အာရှတိုက်မှာ ကွန်မြူနစ်ပါတီတွေ
တိုင်းပြည်လိုက် ပေါ်လာတာဟာ အဲဒီ ၁၉၂၀ နဲ့ နောက်ပိုင်းမှာပဲ ဖြစ်တယ်။
ဆိုဗီယက် ဘာကြောင့် ကျဆုံးသလဲ အပိုင်း(၂)
ဗမာပြည်မှာက ထုံးစံအတိုင်း နောက်ကျပါတယ်။ လီနင်က
ပြည်တွင်းရေးမှာလည်း ကုန်ထုတ်စွမ်းအားစုကို ဖွံ့ဖြိုးတိုးတက်လာစေဖို့
စီးပွားရေးပေါ်လစီသစ် (NEP) ချမှတ်တယ်။ ဒါပေမဲ့ သူ့အနေနဲ့ အကောင်အထည်မဖော်နိုင်ခဲ့ဘူး။
သေနတ်ပစ်လုပ်ကြံခံရပြီးကတည်းက သူ့ကျန်းမာရေးက မကောင်းတော့ဘူး။ ၁၉၂၄ မှာ
ကွယ်လွန်တယ်။ သူသာ ကျန်းမာနေရင်၊ အသက်ရှင်နေရင် စီးပွားရေးပေါ်လစီသစ်ကို ရဲရဲကြီးအကောင်အထည်ဖော်မှာပဲ။
သူကပြည်သူလူထုရဲ့ထောက်ခံမှုကို တခဲနက်ရနေတာပဲ။
စတာလင်ကတော့ စီးပွားရေးပေါ်လစီသစ်ကို
မလုပ်ဘူး။ အာဏာအမွေဆက်ခံရေးကိစ္စမှာပဲ နစ်မွန်းနေတယ်။ ဒါပေမဲ့ စတာလင်အတွက် အခွင့်သာစေတာက
(၁၉၂၉-၁၉၃၀) အမေရိကားကစလိုက်တဲ့ စီးပွားရေးကပ်ကြီးဆိုက်တာပဲ။ ၁၉၃၀ စီးပွားရေးကပ်ရဲ့အကျိုးဆက်က
ရှေ့တန်းရောက်တိုင်းပြည်တွေမှာ သပိတ်တိုက်ပွဲ၊ ကိုလိုနီနဲ့
ကိုလိုနီတပိုင်းတိုင်းပြည်တွေမှာ လယ်သမားသူပုန်တွေ ပေါ်တာပဲ။
(ဆရာစံသူပုန်ထချိန်တုန်းက တရုတ်ပြည်မှာ၊ အိန္ဒိယပြည်မှာ၊ မလေးယားမှာ
လယ်သမားသူပုန်ပေါ်တယ်)။
နောက်အခွင့်သာတာက အီတလီမှာ
‘ဖက်ဆစ်’အစိုးရ၊ဂျာမနီမှာ ‘နာဇီ’အစိုးရ တက်လာတာပဲ။ စစ်နိုင်တဲ့အင်္ဂလိပ်၊ ပြင်သစ်က
ဖိထောင်းတာ ခံရလို့ ဂျာမန်လူထုက ဟစ်တလာကိုအားပေးထောက်ခံလိုက်ကြတယ်။
ဒုတိယကမ္ဘာစစ်ဖြစ်တော့မယ်ဆိုတာကိုလည်း လူတိုင်းလောက် သိနေကြပြီ။ ဟစ်တလာကလည်း
ဘော်လ်ရှီဗစ်ကွန်မြူနစ်ကိုတိုက်ဖျက်မယ်လို့ပဲ ကြွေးကြော်နေတာပဲ။ တကယ်တမ်း
စပြီးတိုက်တော့သာ အင်္ဂလိပ်၊ ပြင်သစ်ကိုတိုက်တာပဲ။
စတာလင်က တိုင်းချစ်ပြည်ချစ်ဝါဒကို
ပြတ်ပြတ်သားသားကိုင်စွဲခွင့် ရသွားတယ်။ အတိုချုပ်လိုက်တော့ ဒုတိယကမ္ဘာစစ်ဖြစ်တယ်။
နိုင်လိုက်တယ်။ ဆိုရှယ်လစ်နိုင်ငံတွေ အပြိုင်းအရိုင်းပေါ်တယ်။ တရုတ်တော်လှန်ရေး
အောင်ပွဲခံတယ်။ စတာလင်က အောင်မြင်မှုနဲ့ ယစ်မူးတယ်။ ပေါ်လစီထိန်းညှိမှုလုပ်ဖို့
လီနင်ပြောခဲ့တဲ့စီးပွားရေးပေါ်လစီသစ်လုပ်ဖို့ စိတ်မကူးဘူး။ ကမ္ဘာစစ်ဒဏ်ကြောင့်
ရုရှားတပြည်လုံး အထိနာနေတယ်။ လီနင်ရဲ့ စီးပွားရေးပေါ်လစီသစ်ကိုသာလုပ်ခဲ့ရင်
အချိန်ကောင်းပဲ။ ဒါပေမဲ့ စတာလင် မလုပ်ခဲ့ဘူး။ မလုပ်ခဲ့ရုံမက ပိုဆိုးတာကို လုပ်တယ်။
(ဒုတိယအချက်မှာ တင်ပြမယ်)။
ဒုတိယအချက်ကို ရှင်းလင်းချက်။
ဘယ်လိုပဲ ညီနောင်ပါတီလို့ပြောပြော
တိုင်းပြည်က ၂ ပြည်၊ ပြည်သူက ၂ ရပ်၊ ပါတီက ၂ ခု ရှိကြတာဖြစ်လို့ အကျိုးစီးပွားက
ဘယ်သူနဲ့ ဘယ်သူမှ တထပ်တည်းမကျနိုင်ဘူး။ အရှေ့ဥရောပနိုင်ငံတွေကို ဆိုဗီယက်က
သူပဲမွေးမြူပြီးနန်းတင်ထားတာဖြစ်လို့ ငယ်နိုင်လို သဘောထားပြီး အနိုင်ကျင့်တယ်။ တရုတ်ပါတီကတော့
သူ့အစွမ်းအစနဲ့သူ ရေရှည်တိုက်ပြီးအောင်ပွဲရတာပဲ။ (နယ်ချဲ့ချင်း စစ်ဖြစ်ကြတာရဲ့
အကျိုးဆက်ပါ၊ ရုရှားတော်လှန်ရေးက ပထမကမ္ဘာစစ်ကနေအောင်ပွဲရသလို တရုတ်တော်လှန်ရေးက
ဒုတိယကမ္ဘာစစ်ကနေ အောင်ပွဲရတာ)။
ကွန်မြူနစ်အင်တာနေရှင်နယ် (Comintern)ဖျက်သိမ်းပြီးကတည်းက
ကွန်မြူနစ်ပါတီတွေဟာ ပါတီချင်းဆက်ဆံရေးမှာ မူ ၄ချက်အရပဲ ဆက်ဆံသင့်တာပဲ။ မူ ၄
ချက်ဆိုတာက လွတ်လပ်မယ်၊ လုံးဝတန်းတူရမယ်၊ အပြန်အလှန်လေးစားရမယ်၊ တဦးအတွင်းရေး တဦးက
ဝင်မစွက်ရဆိုတာပဲ။ ခေါင်းဆောင်ပါတီ၊ နောက်လိုက်ပါတီ မရှိရဘူး။ အစ်ကိုကြီးပါတီ၊ ညီလေးပါတီ
မရှိရဘူး။
ဆိုဗီယက်ပါတီ (CPSU) က အင်တာနေရှင်နယ်
ရှိတုန်းကလို ခေါင်းဆောင်ပါတီလုပ်ချင်နေတော့ အကျိုးစီးပွားချင်း ထိပ်တိုက်တွေ့တာတွေ
ရှိလာတယ်။ အထူးသဖြင့် တရုတ်ပြည်ကွန်မြူနစ်ပါတီ (CPC)နဲ့ ဖြစ်တယ်။ ကြာလာတော့
ပွင့်ပွင့်လင်းလင်း လူသိရှင်ကြားဝေဖန်တာတွေ ဖြစ်လာတယ်။ ကြိတ်ပြီးဖြစ်တာကနေ
ဗြောင်ဖြစ်လာတာပဲ။ နောက်ဆုံးတော့ ဆိုဗီယက်ကို ဆိုရှယ်လစ်စကားပြောပြီးနယ်ချဲ့နေတဲ့
‘ဆိုရှယ်နယ်ချဲ့’လို့ ပြောတော့တာပဲ။ အမေရိကန်နဲ့ရင်ကြားစေ့တာကို
ပွင့်ပွင့်လင်းလင်းလုပ်တော့တာပဲ။
၁၉၇၀ ပြည့်လွန်နှစ်တွေမှာနဲ့ ၁၉၈၀ ပြည့်လွန်နှစ်တွေမှာ
ဆိုဗီယက်ကတဖက်၊ အမေရိကန်၊ တရုတ်ကတဖက် အတိအလင်းအားပေးတဲ့ စစ်ပွဲကလေးတွေ ဖြစ်ခဲ့တယ်။
(ကမ္ဘောဒီးယား၊ အာဖဂန်နစ္စတန်)။ အာဖဂန်နစ္စတန်စစ်မှာတော့ ဆိုဗီယက်နွံနစ်တော့တာပဲ။ ကျွံသွားပြီ
နှုတ်မရတော့ဘူး။ ဆိုဗီယက် ကျဆုံးရတာပဲ။ ဆိုဗီယက် ကျဆုံးတာမှာ တရုတ်က တခန်းတကဏ္ဍပါနေတယ်ဆိုတာက
ရှင်းနေတာပဲ။ CPB (ဗကပ)က ဒီဖြစ်စဉ်မှာ အနီးကပ်လေ့လာခဲ့ရတာဖြစ်တယ်။ ဆိုရှယ်နယ်ချဲ့က
နယ်ချဲ့သစ်ဖြစ်တယ်။ အရင်းရှင်နယ်ချဲ့က နယ်ချဲ့ဟောင်း ဖြစ်တယ်။ နယ်ချဲ့ဟောင်းက
တလျှောက်လုံးသွေးစုပ်နေရတဲ့ ကြမ်းပိုး(ဂျပိုး) ပဲ။ အငမ်းမရ သွေးမစုပ်ဘူး။
သွေးစုပ်ခွင့် ပြတ်လပ်နေတဲ့ဂျပိုး ကတော့ သွေးစုပ်ခွင့်ရစဆိုတော့
သွေးစုပ်ကြမ်းတယ်ဆိုတဲ့အပြောအဆိုတွေ ကြားလာခဲ့ရတာပဲ။
အခြေခံအကျိုးစီးပွားချင်း
ပဋိပက္ခဖြစ်တာတွေက သူတို့အကြားမှာ များပါတယ်။ ကာယကံရှင်တွေလည်း ပြောချင်ရင်ပြောပါစေ။
ဆက်လက်ဖော်ပြသွားပါမယ်။
ဆိုဗီယက် ဘာကြောင့် ကျဆုံးသလဲ အပိုင်း(၃)
ရဲဘော်ကြင်မောင်
ဗကပ’က ဒီဟာမျိုးမှာ ဝင်ပြောလေ့မရှိပါဘူး။
ကိုယ့်ကိစ္စကိုပဲ ပြောပါမယ်။ တရုတ်ပြည်ကွန်မြူနစ်ပါတီက ဆိုဗီယက်နဲ့လမ်းခွဲတော့
ယူဂိုစလပ်ပါတီ (တီတိုး)နဲ့ ပြန်လည်သင့်မြတ်ကြတယ်။ တရုတ်ပြည်ကွန်မြူနစ်ပါတီက
ဗကပကိုလည်း ယူဂိုပါတီနဲ့ ပြန်လည်သင့်မြတ် စေချင်တယ်။ ဒါပေမဲ့ ဗကပ မှာက
ယူဂိုပါတီ(တီတိုး)နဲ့ ရှင်းစရာရှိတယ်။ တရုတ်ပြည်ကွန်မြူနစ်ပါတီနဲ့ယူဂိုပါတီတို့က
အာဏာရပါတီတွေပဲ။ အယူအဆအတွေးအခေါ်မှာပဲ တချိန်က ကွဲကြတာဖြစ်တယ်။ အဲဒီကိစ္စပြေလည်ရင်
ပြန်လည်သင့်မြတ်လို့ရတာပဲ။ ဗကပမှာက ရှင်းစရာ ရှိတယ်။ ၁၉၅၅ တခိုက
ဖဆပလဆိုရှယ်လစ်အစိုးရကိုဆွဲဆောင်ဖို့၊ ခရုရှက်တို့ လာတယ်။ တီတိုးတည်း လာတယ်။ ခရုရှက်က
ဖဆဆိုရှယ် အစိုးရကို နိုင်ငံရေး၊ စီးပွားရေးအကူအညီတွေပေးတယ်။ တီတိုးက
စစ်ရေးအကူအညီပါပေးတယ်။ ဒီ အစိုးရက ဗမာပြည်ကွန်မြူနစ်ပါတီကို ဆန့်ကျင်တဲ့
ပြည်တွင်းစစ်လုပ်နေတာကို မသိတာမဟုတ်ဘူး။ သိလျက်နဲ့ စစ်လက်နက်အကူအညီ ပေးခဲ့တယ်။
ဒီကိစ္စမှာ သူတို့ မှားပါတယ်လို့ပြောမှပဲ ဗကပက ပြန်လည်သင့်မြတ်ပြီး ညီအစ်ကိုပါတီဆက်ဆံရေးလုပ်နိုင်မှာပဲ။
ဒီကိစ္စမှာ တစ်နေလို့ပဲ ၂ ပါတီ ပြန်လည် သင့်မြတ်ရေး မအောင်မြင်ခဲ့ပါဘူး။ အဓိကပြောချင်တာက
တိုင်းပြည်က ၂ ပြည်၊ ပြည်သူက ၂ ရပ်၊ ပါတီက၂ ခု ဖြစ်နေရင် သူ့အကျိုးစီးပွား၊
ကိုယ့်အကျိုးစီးပွား ကွဲပြားကြမှာပဲ။ အကျိုးစီးပွားချင်းကိုက်ညီမှသင့်မြတ်နိုင်မှာပဲဆိုတာကို
တင်ပြချင်တာပါ။
ဆိုဗီယက်ဟာ သူ့အကျိုးစီးပွားကို
သူများတကာက လိုက်နာ ရမယ်လို့လုပ်ခဲ့လို့ ကြာလေတကောင်ကြွက် အထီးကျန်ဖြစ်ပြီး
ကျဆုံးရတာပဲ။
တတိယအချက်ကို ရှင်းလင်းချက်။
ကမ္ဘာမှာ အပြောင်းအလဲတွေများတယ်။ ကိုယ်တွေးထားသလို
မဖြစ်တာတွေလည်းရှိတယ်။ အခြေအနေတွေပြောင်းရင် ကိုယ်က လိုက်လျော ညီထွေဖြစ်အောင်
ထိန်းညှိရမှာပဲ။ ထိန်းညှိတာမှာ ပျော့ပျောင်းလွန်းရင်လည်း ပန်းပြားပင်
ပေါ်လစီပဲဖြစ်မယ်။ သိပ်ပြီးတင်းမာတောင့်တင်း နေရင်လည်း တရားသေ၊ အစွန်းရောက်ပဲဖြစ်လိမ့်မယ်။
ဘယ်လောက် ထိန်းညှိရမလဲ။ ဘယ်ဟာကတော့ ‘မူ’ပဲ။ လျှော့လို့မဖြစ်ဘူးဆိုတာမှာ
ရှင်းနေရမှာပါ။ နိုင်ငံတကာဆက်ဆံရေးမှာသာမက ပြည်တွင်းဆက်ဆံရေးမှာပါ ဒီအတိုင်းဖြစ်ရမှာပါ။
ဆိုဗီယက်ပါတီ (CPSU) ကတော့ အဲဒါတွေနဲ့
ပြောင်းပြန်ပဲလိုက်ပြီး လုပ်နေသလိုပဲ။ ခရုရှက်တက်လာတော့ မာနက တလူလူနဲ့။ ဘရက်ဇညက်ကျတော့
ပါးစပ်သာသရမ်းတာ မဟုတ်ဘူး။ လက်ကပါသရမ်းတော့ အာဖဂန်မှာ နွံနစ်တယ်။ နောက်တော့ သက်ကြီး
ရွယ်အိုတွေက တယောက်တလှည့်တက်ကြတယ်။ ပေါ်လစီထိန်းညှိဖို့ မစဉ်းစားဘူး။ သူတို့က
တော်လှန်ရေးမျိုးဆက်တွေပဲ။ လီနင်ကိုလေ့လာပြီး ထိန်းညှိတဲ့အလုပ် လုပ်သင့်တယ်။
ဒါပေမဲ့ မလုပ်ကြဘူး။ ဂိုဗာချော့ဗ်က တော်လှန်ရေးမျိုးဆက် မဟုတ်ဘူး။ သူ့လက်ထက်မှာ
ဆိုဗီယက်ကျဆုံးတာပဲ။ ဘယ်ပါတီဖြစ်ဖြစ်ပါ။ အခြေအနေနဲ့အညီ ထိန်းညှိတာမလုပ်ရင်
အနှေးနဲ့အမြန်ကျဆုံးမှာပဲ။
နိဂုံး-
ပထမအချက်ကို ပြန်ကောက်ပါဦးမယ်။ အခု
ကမ္ဘာ့အခြေ အနေရော ဗမာပြည်အခြေအနေပါ ပြောင်းနေပြန်ပြီ။ အမေရိကားက စီးပွားရေးကပ်က ကမ္ဘာကို
ပြန့်နေပြန်ပြီ။ ကမ္ဘာလွှမ်းခြုံတဲ့ခေတ်၊ နည်းပညာ (IT) ခေတ်ဖြစ်လို့
ဖြစ်ပေါ်မှုမြန်တယ်။ ငွေရေးကြေးရေးစစ် (Currency War) ကုန်ထုတ်လုပ်ရေးသာမက
ကွန်ပြူတာအင်တာနက်ဆိုင်ဘာစစ်(Cyber War)ဆိုတဲ့အသံတွေ ကြားနေရတယ်။
စစ်အင်အားတိုးတာ၊
စစ်ရေးလေ့ကျင့်တာတွေကလည်း စိပ်လာတယ်။ အားလုံးကလည်း အာရှအရှေ့မြောက်နဲ့ အရှေ့တောင်မှာချည်းပဲ။
မိမိတို့လည်း ထိန်းညှိဖို့ဘာလိုနေသလဲဆိုတာ စဉ်းစားရပါမယ်။ သူများညီအစ်ကိုပါတီတွေ
ဘယ်လိုထိန်းညှိသလဲဆိုတာလည်း လေ့လာရပါမယ်။ အထူးသတိထားရမှာက စနစ်ဟောင်းရဲ့ဝမ်းကြာတိုက်မှာပဲ
စနစ်သစ်က သန္ဓေတည်ရမယ်။ လစေ့ရက်စေ့မှပဲ ကျန်းမာသန်စွမ်းတဲ့
သန္ဓေသားမွေးဖွားနိုင်မယ်ဆိုတာပါ။ ။
