မဟတ္တမဂန္ဓီ၊ မာတင်လူသာကင်းနှင့်တစ်စုံပြည့်သူများ (မျိုးမြင့်ချို)

         တလောက မြန်မာပြည်မှမိတ်ဆွေတဦး အလည်လာသဖြင့်သွားတွေ့နှုတ်ဆက်ရင်း အလ္လပသလ္လပပြောဖြစ်၏။ သူက လက်တွေ့နိုင်ငံရေးနှင့် မိုင်သိန်းချီဝေးသူ။ ခေတ်ပညာတတ်၊ လူလတ်တန်းစား၊ စီးပွားရေသမားပေါက်စ။ “ဘယ်အစိုးရတက်တက်.. ငါ့အစိုးရ”ဆိုသည့် ဆောင်ပုဒ်အတိုင်းနေသူဖြစ်သော်လည်း အမှား/အမှန်ကိုမြင်တတ်သူ။ ခက်နေသည်က သူ့အတွေးအခေါ်က လက်ခံထားသည့် အမှား/အမှန်သည် သူ့အကျိုးစီးပွားနှင့်ယှဉ်လျှင် အမှန်/အမှားပြောင်းပြန် ဖြစ်ဖြစ်သွား၏။ ၉ဝ တုန်းက အန်င်အယ်လ်ဒီ၊ ၂ဝ၁ဝ ကျတော့ ကြံ့ဖွံ့။

သူက ဒီဘက်ခေတ်မြန်မာပြည်တွင် “အာဏာပိုင်” ဆိုသည့်ဝေါဟာရ ဖောင်းပွခေတ်စားနေခြင်းကို နားကလော နေဟန်တူ၏။ “မင်း ..စဉ်းစားကြည့်ကွာ..ငါးတန်းတောင်မအောင်၊ ဘယ်ခေတ်မှာမှ လူရာအသွင်းမခံရဖူးတဲ့ ကလေကချေတွေက ရပ်ကွက်လူကြီးတက်လုပ်။ ထစ် ကနဲရှိ ကျနော်တို့ရပ်ကွက်အာဏာပိုင်များက..ဆိုပြီးအော်နေတာကွ” ဟုဆိုတော့ ကျနော်က “ဒါဆိုရင်ကွာ ငါးတန်းလည်းအောင်မယ်.. ခေတ် တခေတ်ခေတ်မှာလည်းလူရာဝင်ခဲ့သူက အဲသလိုအော်ရင်ရော” လို့ မေးမိသည်။ သူကချက်ခြင်းပင် “နည်းနည်းတော်သေးတာပေါ့ကွာ.. လူကြားတော့ကောင်းသေးတာပေါ့” ဟုပြန်ဖြေ၏။ “ဒါဆို..အဲဒီကောင်တွေနေရာမှာ မင်းတို့ဝင်လုပ်ရင်ရော” လို့ ကျနော်က အထွန့်ထပ်တက်ကြည့်မိသည်။ “ငါ့အနေနဲ့ကတော့ သေတောင်မလုပ်ဘူး..အဲသလိုကောင်တွေနဲ့တွဲပြီး.. မင်း..စဉ်းစားကြည့်လေကွာ သူတို့နဲ့သွားတွဲလိုက်တာ နဲ့ရပ်ကွက်ကပါ ငါ့ကိုစောက်မြင်ကပ်မှာပေါ့ကွ” ဟုပြော၏။ ကျနော်က “ဒါဆိုမင်းက အဲဒီကောင်တွေ တွင်ကျယ်နေတာကို လည်းမကြိုက် အဲဒီ ကောင်တွေနဲ့လည်း တွဲမလုပ်နိုင်ဆိုတော့..မင်းက ဘယ်လိုဖြစ်ချင်တာလဲ” ဟု ထပ်မေးမိ၏။ သူက “ဟေ့ကောင်..မင်းက နိုင်ငံရေးတွေပါလာပြီ” ဟုဆိုပြီး ဘေးဘီကို မလုံမလဲလှမ်းကြည့်သည်ကို သတိထားလိုက်မိသည်။ သူ အမေရိကားမှာ ကျနော်နှင့်စကားပြောနေခြင်းကို မေ့သွားဟန်တူသည်။ စကားလမ်းကြောင်းက သိသိသာသာပြောင်းသွားပြီး စကားစပြတ်သွား၏။

ကျနော်က သူ့စကားများထဲမှ “အာဏာပိုင်” ဆိုသည့်ဝေါဟာရကို အတွေးပွားနေမိသည်။ အာဏာကိုမည်သူပိုင်သနည်းဟု  ဆိုလိုက်သည်နှင့် “ပြည်သူ” သို့မဟုတ် “လူထု” ဆိုသည်များကို တန်းကနဲပြေးမြင်မိကြမည်။ မှန်၏။ နိုင်ငံရေးကျမ်းကြီးကျမ်းခိုင် များနှင့်နိုင်ငံ ရေးသမားများ၏နှုတ်ဖျားမှ ဆီသည်မလက်သုတ်ဖြစ်မတတ် မြင်ရကြားဖန်များလှသည့်ဝေါဟာရ။ အာဏာသည် လူထုဆီကလာလာ ဘယ်သူ့ဆီကလာလာ၊ နိုင်ငံရေးသမားအတွက် မိမိတည်ဆောက်ချင်သည့် နိုင်ငံတော်ပုံစံကိုဖေါ်ရန် အာဏာ လိုအပ်၏။ အာဏာမရှိလျှင် ဘာမှလုပ်မရ။ နိုင်ငံရေးလုပ်ပြီး “အာဏာလိုချင်လို့လုပ်တာမဟုတ်” ဆိုလျှင် အာဏာလည်း ဘယ်တော့မှမရတတ်။ ဘာမှလည်းလုပ်မရ။ အာဏာယူရေး သဘောထားရှိသော်လည်း အခြေအနေနှင့်“လမ်းစဉ်” မကိုက်သဖြင့် လမ်းခွပ်လတ်တွင် “လျှောမွေး” ဖြစ်သွားကြရသည်များလည်းရှိသေး၏။

ဤနေရာတွင် အာဏာဟုဆိုလျှင် “နိုင်ငံရေးအာဏာ” ကိုဆိုလိုပြီး၊ နိုင်ငံရေးဟုဆိုက “အာဏာနိုင်ငံရေး” ကိုဆိုခြင်း ပင်ဖြစ်သည်။ သူ တော်ကောင်းတရား ပွားများအားထုတ်နေသည့်သူတော်စင်နှင့် နိုင်ငံရေးသမားအကြား “စည်း” အလွန် “ထူ” ပါသည်။ အာဏာရယူရေးအတွက် ယေဘုယျအားဖြင့် နည်းလမ်း ၂ သွယ်ရှိ၏။ လက်နက်ကိုင်တော်လှန်ရေးနှင့်လူထုတိုက်ပွဲ။ ဤ ၂ ခု သည် နည်းနာအရသာ ၂  ခု ဖြစ် ရ၏။ လက်တွေ့တွင် လက်နက်ကိုင်တော်လှန်ရေးက လူထုတိုက်ပွဲနှင့်ဆက်စပ်ယူမှရသည်။ ကျနော်က လက်နက်ကိုင်တော်လှန်ရေးကို အားသန်သူမဟုတ်။ ထို့ကြောင့် ဤအကြောင်းမပြောလို။ မပြောတတ်။ မပြောနိုင်။ ပြောနိုင်စွမ်းလည်းမရှိ။

လူထုတိုက်ပွဲဟု ကျနော်တို့နှုတ်ကျိုးလာကြသည့် (Mass Movement) နေရာတွင် အကြမ်းမဖက်ရေးလှုပ်ရှားမှု (Non-Violence) ဆိုသည့်ဝေါဟာရက တစတစနေရာယူလာသည်ကိုတွေ့ရ၏။ စကားလုံးတိုင်း၏နောက်ကွယ်တွင် အဘိဓမ္မာ ရှိကြသည်ချည်းဖြစ်၏။ အချို့စကားလုံးများသည် သူချည်းသက်သက်တွေးကြည့်သည်ထက် ဆန့်ကျင်ဖက်နှင့်တွဲကြည့်မှ ပိုထင်းလာသည်လည်းရှိ၏။ (ဥပမာ- အစိုးရ..ဆိုသည်ကို အစိုး မရ…ဆိုသည်နှင့်တွဲကြည့်သည့်သဘော) လူထုတိုက်ပွဲဟူသည့် စကားလုံးတွင် “တိုက်ပွဲ” ဆိုသည်မှာ “လူထု” ဆိုသည်နှင့် တသားတည်းတထပ်တည်းဖြစ်နေသည်ကို တွေ့ရမည်ဖြစ်သည်။ တိုက်ပွဲရှိသည့်လူထုနှင့် လူထုပါသည့်တိုက်ပွဲ။

ကျနော်က (Violence) ကို အကြမ်းဖက်ခြင်း၊ (Non-Violence) ကို အကြမ်းမဖက်ခြင်းဟု ဘာသာပြန်ခြင်းကို ဘဝင်မကျ။ (Non-Violence)ကို “လက်နက်မကိုင်သည့်တော်လှန်ရေး” ဟု နားလည်ထား၏။ တချို့က (Non-Violence) ဟုဆိုလိုက်သည်နှင့် “လုပ်သမျှခံရေး.. ပြန်မလုပ်ရေး” ဟုထင်တတ်သည်မှာလည်း မဟုတ်သေး။ “လက်နက်မကိုင်သည့်တော်လှန်ရေး”သည် အာဏာ ဖီဆန်ရေးနှင့်တွဲမှ တစ်စုံပြည့်၏။ ထိုသို့မဟုတ်က တခြမ်းပဲ့။ “လက်နက်မကိုင်သည့်တော်လှန်ရေး” သည် “လုပ်သမျှခံရေး” မဟုတ်။

ရှေ့နေဘဝ တောင်အာဖရိကမှစ၍ အရိုက်အနှက်ခံခဲ့ပြီး သူတပါးလက်ချက်ဖြင့် အသက်ထွက်သွားခဲ့ရရှာသည့်ဂန္ဓီကြီး၏ တသက်တာတွင် “မတရားသည့်အမိန့်အာဏာမှန်သမျှ” ကို “ဖီဆန်” ခဲ့သည်သာဖြစ်၏။ မာတင်လူသာကင်းနှင့်ဂန္ဓီကြီး၏ “ရန်ကိုရန်ခြင်းမတုန့်နှင်း” အတွေးအခေါ်နှင့်လုပ်ဟန်မှာ “အာဏာဖီဆန်ခြင်း” နှင့်တွဲထား၏။ အာဏာဖီဆန်ရေးမပါသည့် (Non-Violence) သည် တစ်စုံမပြည့်။

ထို့ကြောင့်  (Mass Movement) “လူထုတိုက်ပွဲ” ဟုဆိုဆို (Non-Violence) “လက်နက်မကိုင်တော်လှန်ရေး” ဟုပြောပြော “အာဏာဖီဆန်ရေး” မပါလျှင် လိုရာမပေါက်။ ခရီးမရောက်။ မပြီးမြောက်။

မျိုးမြင့်ချို

read more

ဘက်လိုက်ခြင်းရသ

ကျနော်အမေရိကားရောက်ပြီှးမှ ဖြစ်လာရသည့်မိတ်ဆွေများထဲတွင် ဓါတ်ပုံသတင်းစာဆရာနှင့် ကိုယ်ပိုင်သတင်းကုမ္ဗဏီထူထောင်သူဖြစ်သည့် ဂျွန်ဂီဗားရ်ဆိုသူတယောက်လည်းပါ၏။ သူနှင့်ကျနော်စသိပုံ ကလည်း ဒီကလူတွေအမြင်အရဆိုလျှင် ထူးသည်ဟုဆိုရမည်။ ဘယ်သူကမှမိတ်ဆက်မပေးပဲ သိလာခြင်း ဖြစ်သည်။ သူနှင့်ဆုံတိုင်း စကားတွေအများကြီးပြောဖြစ်၏။ နိုင်ငံရေး၊ ဘာသာရေး၊ ကိုယ်ပိုင် ယဉ်ကျေးမှုများ၊ မတူသူများအတူနေကြခြင်း၊ သတင်းစာများအကြောင်း စသည်ဖြင့် တော်တော်စုံသည်။ များသောအားဖြင့် ကျနော်ကနားထောင်သမား။ သူက အတွေ့အကြုံစုံသလောက် မှတ်မှတ်သားသားလည်း ရှိသူ။ ပြောလည်း အတော်ပြောနိုင်သူဖြစ်၏။  အမေရိကန်တက္ကသိုလ်တခုက သတင်းစာပညာ၊ ဓါတ်ပုံ ပညာတို့ဖြင့် ကျောင်းပြီး ပြီးနောက် နိုင်ငံတော်တော်များတွင် နှစ်အတန်ကြာလှည့်လည်နေထိုင်ခဲ့သူ။ စစ်ဘေး၊ ရောဂါဘေးနှင့် သဘာဝ အန္တရာယ်ဘေးသင့်သည့်ဒေသများကို ပိုစိတ်ဝင်စားသူ။ လူမျိုးစု မျိုးဖြုတ်သတ်ဖြတ်ရေး (Ethnic Cleansing) ဖြစ်နေသည့် နိုင်ငံများဒေသများကို ပိုစိတ်ဝင်စားသူ၊ ယခု အမေရိကန်ပြည်ထောင်စု အင်ဒီယားနားပြည်နယ်ကို ပြန်ရောက်လာသူ။ 

          တနေ့ သူက ကျနော့်အား ဖို့ဝိန်းမြို့ရောက် မြန်မာပြည်သားရွှေ့ပြောင်းအခြေချနေထိုင်သူများနှင့် ဒုက္ခသည်များဘဝအကြောင်း မှတ်တမ်းကားတိုလေးတခုလောက် ရိုက်ချင်ကြောင်း၊ ကျနော့်အကူအညီ 

လိုကြောင်းပြောလာပါသည်။  ကျနော်က မဆိုင်းမတွပင် သူလိုအပ်သည်ကိုအတတ်နိုင်ဆုံး ကူညီမည် ဖြစ်ကြောင်းပြောပြီး ဘာလို့ ဒီမှတ်တမ်းကားရိုက်ချင်ရတာလဲဟု မေးကြည့်မိသည်။

          အမေရိကန်ပြည်ထောင်စု၏ ပထမဆုံးသမ္မတကြီးဂျော့ခ်ျဝေါ်ရှင်တန်မှ လက်ရှိသမ္မတ ဘရက်ခ် အိုဘားမားအထိ အားလုံးသည်နိုင်ငံတကာမှ အမေရိကန်ပြည်ထောင်စုသို့ ပြောင်းရွှေ့အခြေချနေထိုင်လာသူ များ၏ သားစဉ်မြေးဆက်များဖြစ်ကြောင်း၊ နယ်ပယ်အသီးသီးတွင် ထင်ရှားကျော်ကြားသူများရော သာမန်လူ များရော အားလုံးမှာလည်း ထိုအတိုင်းပင်ဖြစ်ကြောင်း၊ အမေရိကန်ပြည်ထောင်စုကို လက်ရှိ အဆင့်နေရာ သို့ ရောက်အောင်ဆောင်ကျဉ်းပေးခဲ့ကြသူ၊ ပေးနေကြသူများနှင့်ပေးကြဦးမည့်သူများမှာလည်း ထိုသို့ပြောင်းရွှေ့ အခြေချနေထိုင်သူများပင်ဖြစ်ကြောင်း၊ ယင်းတို့ကြောင့်သာ အမေရိကန်ပြည်ထောင်စုဖြစ် လာကြောင်း၊ ထို့ကြောင့်လည်း  နိုင်ငံတကာမှပြောင်းရွှေ့အခြေချနေထိုင်လိုသူများအား အမေရိ ကန်ပြည်ထောင်စုက အစဉ်နွေးထွးလှိုက်လှဲစွာကြိုဆိုကြောင်း၊ယဉ်ကျေးမှုစုံအတူယှဉ်တွဲ နေထိုင်နိုင်ခြင်းအား အားပေးအားမြှောက်ပြုသလို ထိုသို့နေထိုင်နေကြခြင်းကိုလည်း ဂုဏ်ယူကြကြောင်း၊ လူတဦးချင်းစီ၏ လွတ်လပ်ခွင့်အပေါ် အခြေပြုကာ လူ့အဝန်းအဝိုင်းတခုလုံးကိုမြှင့်တင်ယူသည်မှာ အမေရိကန်၏နှုန်းစံ တန်ဖိုးဖြစ်ကြောင်း၊ အမေရိကန်လူမျိုးဆိုသည်မှာ ကမ္ဘာပေါ်တွင်မရှိကြောင်း၊ Native American ဟုဆိုသည့် အမေရိကန်ဇာတိဖွား အမေရိကန်ချက်မြုတ်များ အမေရိကန်န်ိင်ငံသားဖြစ်ပြီးသူများကို ယေဘုယျခြုံငုံပြီး အမေရိကန်လူမျိုးဟု ခေါ်ကြကြောင်း၊ ပြောကြေးဆိုလျင် အမေရိကန်ပြည်ထောင်စုတွင် တခြားလူမျိုးသွေး မနှောပဲ လူမျိုးတမျိုးတည်းက ဆင်းသက်ပေါက်ဖွားလာသူထက် လူမျိုးစုံပေါင်းဖက်ပြီးဆင်းသက်လာသူ ဦးရေမှာ များသထက်များများလာကြောင်း၊ လူမျိုးဆိုသည်ထက် လူသားဖြစ်မှု၊ လူသားဆန်မှု၊ လူ့တန်ဖိုးနှင့် လူ့ဂုဏ်သိက္ခာကို ပိုအလေးထား ကြကြောင်း၊ မျိုးချစ်စိတ်ဆိုသည်မှာ မကောင်းသည့်အရာဟုသူ မမြင်ကြောင်း၊ သို့သော် အလွန်အကျွံ မျိုးချစ်စိတ်နှင့်မူမမှန်သည့်မျိုးချစ်စိတ်တို့၏ရလဒ်မှာမူ ပဋိပက္ခနှင့် စစ်ပွဲများသာဖြစ်ကြောင်း၊ ထို့ကြောင့် လူမျိုး၊ ဘာသာ၊ ယဉ်ကျေးမှု၊ သမိုင်းနောက်ခံတူသည့်လူမျိုးကို သာ ပြန်ချစ်တတ်သည့်မျိုးချစ်စိတ်အစား၊ လူကို၊ လူသားကိုချစ်သည့် လူသားချစ်စိတ်ကိုသာ သူ ပိုနှစ်သက်ကြောင်း၊ တိုင်းတပါးကျူးကျော်မှုကိုခံရပြီး ကိုလိုနီ ဘဝ၏ခါးသီးမှုကို ပြင်းစွာခံရသူများတွင် မျိုးချစ်စိတ်ဆိုသည် အားကောင်းမောင်းသန် စွဲမြဲနေတတ်ကြောင်း၊ ထိုအခြေအနေကမှတဆင့် တိုင်းခြားသားကြောက်စိတ် (သို့) မကြိုက်စိတ် (Xenophobia) တွေအထိ ဖြစ်လာတတ်ကြောင်း၊ တိုင်းတပါးကျူးကျော်သိမ်းပိုက်မှုကိုတွန်းလှန်ရာတွင် မျိုးချစ်စိတ်အရင်းမခံလျှင် မရနိုင်ကြောင်း၊ သို့သော် မျိုးချစ်စိတ်ဆိုသည်မှာ အထိအရှလွယ်သည့်ကိစ္စဖြစ်သလို အညှာလွယ်သူအား သိမ်းသွင်းယူရာတွင် အလွန်ထက်မြက်သည့် လက်နက်ဖြစ်ကြောင်း၊ အမျိုးသားရေးအလံသက်သက် အလွှမ်းခံအညှာလွယ်သည့် လူ့အဖွဲ့အစည်းသည် လက်ရှိကမ္ဘာ၏စီးကြောင်းတွင်မျှောလိုက်ရင်း အကျိုးစီးပွား ဖြစ်ထွန်းနိုင်စရာ မမြင်ကြောင်း၊ အင်ဒီယားနားပြည်သည် နိုင်ငံတကာမှဒုက္ခသည်အဖြစ် ရောက်ရှိလာသူများအား တိုးတိုးပြီးလက်ခံလာခြင်းကို လူမျိုးစုံယဉ်ကျေးမှုစုံ အတူနေထိုင်နိုင်ခြင်း၏ပြယုဂ်ဟု သူမြင်ကြောင်း၊ ဒုက္ခသည်များနှင့်ပြောင်းရွှေ့အခြေချနေထိုင်သူတချို့ကဆိုလျင် အင်ဒီယားနားပြည်နယ်ကို Home (အိမ်) ဟု ပင် သဘောထားလာကြကြောင်း၊ ပြည်နယ်၏ဘက်စုံဖွံ့ဖြိုးရေးတွင် ပြောင်းရွှေ့လာသူများနှင့် ဒုက္ခသည် များ၏အခန်းမှာ အရေးပါသည့်နေရာသို့ သိသိသာသာဝင်လာကြောင်း၊ ထို့ကြောင့် သူက မြန်မာနိုင်ငံ သားရွှေ့ပြောင်းအခြေချသူများနှင့်ဒုက္ခသည်များအကြောင်း ရိုက်ရန်စိတ်ကူးပေါ်ခြင်းဖြစ်ကြောင်း စသည်တို့အား တနံတလျား ပြောပါတော့သည်။

          သူ့တနံတလျားများတွင် ကျနော်သိပြီးသားများ မသိသေးသည်များ၊ လက်ခံနိုင်သည်များ မခံနိုင်သည်များ၊ သဘောတူသည်များ မတူသည်များ၊  နှစ်သက်သည်များ မနှစ်သက်သည်များ၊ ဘဝင်ကျသည်များ မကျသည်များလည်းရှိ၏။ သို့သော် ကိစ္စမရှိ။ ကျနော်တို့စကားပြောနိုင်၏။ ငြင်းနိုင် ခုန်နိုင်၏။ သူ့အမြင် ကိုယ့်အမြင် လွတ်လွတ်လပ်လပ်ဖလှယ်နိုင်၏။ လွတ်လွတ်လပ်လပ်လည်း ကွဲလွဲနိုင်ကြ၏။ ကွဲလည်းကွဲလွဲ ကြ၏။ လွတ်လပ်ခြင်း၏ရသဟု ဆိုနိုင်မည်ထင်၏။

         

          လွတ်လပ်ခြင်း၏ရသကိုခံစားခဲ့ဖူးပြီး ထိုရသပျောက်ဆုံးခဲ့ရသူများကသာ လွတ်လပ်ခြင်းကို ပိုမြတ်နိုး ပိုတန်ဖိုးထား ပိုလည်းတောင့်တောင့်တတရှိ၏ ဆိုသည့်အကောက်အယူမျိုးသည် မမှန်ဟုကျနော်မထင်ပါ။ ထို ပျောက်ဆုံးသွားသည့်ရသအတွက် သံနှင့်သွေး၊ ချွေးနှင့်မျက်ရည်၊ တော်လှန်ရေးနှင့်စစ်ပွဲများက သမိုင်း သက်သေဖြစ်ပါသည်။ ကျနော်တို့မျိုးဆက်က အမှောင်ခေတ်တွင်လူဖြစ်လာရသူများ၊ မွေးကတည်း က မွေးရာပါအခွင့်အရေး ပျောက်ဆုံးခဲ့ရပြီးသူများ၊ လွတ်လပ်ခြင်း၏ရသဆိုသည်ကို မမြည်းစမ်းဖူးကြသူများ၊ မရဖူးသေးသည့်အရာကိုရချင်သူများ၊ မှန်သည်ဟုယုံကြည်သည့်ဘက်မှရပ်ခံ၍ မမှန်ဟုထင်သည့်ဘက်ကို တိုက်လှန်နေသူများ၊ ရွေးချယ်မှုအတွက် ကိုယ့်ကိုယ်ကိုထုဆစ်နေသူများဖြစ်ပါသည်။

         

ရွေးချယ်မှုတွင်လည်း   ̔ဓမ္မနှင့်အဓမ္မ̔ ရှိပါသည်။ ထို ̔ဓမ္မနှင့်အဓမ္မ̔ ဆိုသည်မှာ လူ့သမိုင်းရှိသလောက် တိုက်နေရသည့် ဘက်၂ဘက် ဖြစ်ပါသည်။ ကြိုက်သည့် ̔ဘက်̔ ကို ရွေးနိုင်ပါသည်။ ယင်း ဘက်၂ဘက် တွင် ̔ကြား̔ ဆိုသည်မှာမရှိပါ။ ထို့ကြောင့် ကျနော် ̔ဘက်̔ လိုက်ခဲ့ပါသည်။ ̔ဘက်̔ လိုက်ရပါသည်။ ̔ဘက်̔ လိုက်ရ ပါဦးမည်။

မျိုးမြင့်ချို

         

read more

စစ်သချိင်္ုင်း၊သခင်အုန်းမြင့်နှင့်ဆောက်လက်စအတွေးများ (မျိုးမြင့်ချို)

“လူထုကနေရွေးချယ်တင်မြှောက်လိုက်တဲ့အစိုးရ တရပ်ရပ်ပေါ်လာပြီဆိုပါတော့ဗျာ၊ အဲဒီအစိုးရကနေ ခင်ဗျားတို့မြို့ကလေးအတွက် အရင်ဆုံးလုပ်ပေးစေချင်တာက ဘာများလဲဗျ” တဲ့။ အခွံချွတ်ပြီးသားမြေပဲဆန်လှော်များအား ပလပ်စတစ်အိပ်များတွင်ထည့်ကာ ကျောက်တုံးငယ်တတုံးဖြင့် တဒိုင်းဒိုင်းထုချေနေရင်းက အခန်းတွင်းမှ လှမ်းမေးလိုက်သည့် သူ့အမေးကို ရုတ်တရက်ကျနော်ပြန်မဖြေနိုင်ခဲ့။ အပြင်ဘက်ကနေသံတိုင်များကို ခပ်လျော့လျော့ကိုင်မတ်တပ်ရပ်ရင်း သူလုပ်နေပုံကိုသာ ကြည့်နေမိသည်။ “အဘ..မြေပဲဆန်တွေက များလှချည်လား..၊ ဘာလုပ်ဖို့လဲ” ဟုသာ မေးလိုက်ဖြစ်သည်.၊ သူ့အခန်းဖေါ်က “ထောင်ဝင်စာ အားနည်းတဲ့အခန်းတွေကို ဝေဖို့လေ…လို့ ပြန်ဖြေပြီး၊ ထောင်ဝင်စာအိပ်ထဲက ပုဇွန်ခြောက်ထောင်းကြော်နှင့် ငါးခြောက်ထောင်းကြော်ထုတ်များ ချပေးလိုက်သည်ကိုမြင်၏။ သူက အထုတ်သေးသေးထဲကအကြော်များကို အထုတ်ကြီးကြီးတထုတ်ထဲ ပေါင်းလိုက်သည်။ ဒီ့နောက် အခုနထောင်းထားပြီးသား မြေပဲဆန်ရှစ်စိတ်ကွဲများနှင့် သမအောင်အထုတ်ကို ဟိုလှည့်သည်လှည့် မွှေနေတော့သည်။ “ဒီအတိုင်းဆိုရင်မဝေလောက်ဖူးလေဗျာ..နောက်ပြီး ကျနော်က အငံအစပ်ကလည်းရှောင်တော့ သူများတွေကြိုက်မှာလည်းမဟုတ်ဘူးဗျ.. ဆိုတော့ ကိုအေးငွေပါတဲ့ ငါးပိကျော်လေးက အငံလည်းလေးတယ်..အစပ်လည်းပြင်းတယ်ဗျ..၊ သူ့ငါးပိကျော်လေးရယ်..ကျနော်ပါတဲ့ အကြော်တွေရယ်အပြင် မြေပဲဆန်ရယ်ပါရောသမလိုက်တော့ ပွားလည်းပွား၊ အရသာလည်းရှိ.. များများလည်းဝေနိုင်တာပေါ့ဗျာ။

“အခန်း သုံး တက်ထားမယ်” အစောင့်ဝါဒါ၏ သတိပေးသံကြောင့် အခန်းပြန်တက်ခဲ့ရသည်။ ထိုနေ့က သူ့အမေးကိုမဖြေဖြစ်ခဲ့။

ကိုထင်အောင်က ဗာဒံရွက်ပေါ် တံမြက်စည်းတံချောင်းဖြင့် တခုခုရေးခြစ်နေသည်။ အဘဦးမောင်ကြီးက ရင်ကျပ်ပန်းနာထသဖြင့် သူ့ရှူဆေးဗူးကလေးထုတ်ပြီး ရှူနေ၏။ ကျနော်နှင့် ကိုမိုးဝင်းက ခြေရင်းဘက်နားမှာထိုင်ရင်း စကားပြောနေချိန်။ အခန်းပေါက်ဝတွင်ထိုင်ကာ လက်ဖဝါးနှင့်လက်ချောင်းကြွက်သားများ သန်မာစေရန်ဆိုပြီး သံပုရာသီးခန့် သစ်သားလုံးလေး ၂ လုံးကိုလက်ထဲတွင် ဟိုပြောင်းသည်ရွှေ့ လှုပ်ကာလှုပ်ကာ လေ့ကျင့်ခန်းလုပ်နေသည့် အဘ ဦးစိုးဝင်း(ရဲဘော်သုံးကျိပ်ဝင် ဗိုလ်ဇေယျ၏ ညီအငယ်ဆုံး) က “ပြောပါဦးကိုမျိုးမြင့်ရဲ့” ဟု ကျနော်ပြောလက်စ စကားဆက်ကိုပြန်ကောက်ရင်း ထောက်ပေးလိုက်သည်။ “ရေချိုးချတုန်းက အဘဦးအုန်းမြင့်တောင် ကျနော့်ကိုမေးနေသေးတယ်..အဘရဲ့” “ခင်ဗျားက ဘာပြန်ဖြေလိုက်လဲ” “ဘာမှတောင်မဖြေလိုက်ရပါဘူး အဘရာ” “ခင်ဗျားကရော ဘာလုပ်ပေးစေချင်တုန်းဗျ..၊ ခင်ဗျားတို့မြို့ကလေးမှာ” “ကျနော်လား..အဘ..၊ နယ်ချဲ့ဆန့်ကျင်ရေး၊ ဖက်ဆစ်တော်လှန်ရေးနဲ့ အမျိုးသားလွတ်မြောက်ရေးတိုက်ပွဲတွေမှာ ကျဆုံးသွားကြတဲ့ တပ်မတော်သားတွေအတွက် စစ်သင်္ဂျီုင်းတခုလောက်တော့ သတ်သတ်ဆောက်ပေးစေချင်တယ်” အဘဦးမောင်ကြီးက မသိမသာတချက်လှမ်းကြည့်သည်။ ဘာမှဝင်မပြောသေး။ ကိုထင်အောင်နှင့် ကိုမိုးဝင်းကငြိမ်နေသည်။ နောက်တော့ အဘဦးမောင်ကြီးက “တပ်မတော်သားတွေအတွက်ပဲလား ကျန်တဲ့ တပ်မတော်သားမဟုတ်တဲ့ အသက်ပေးခဲ့ကြသူတွေအတွက်ရော…” တဲ့။ “အဲဒါကတော့ အဘရာ လုပ်ပေးနိုင်ရင်ပိုကောင်းသလို လုပ်လည်းလုပ်ပေးသင့်ပါတယ် ကျနော်အခုပြောတာက ကျနော်ကိုယ်တိုင်လည်း စစ်သားဖြစ်ခဲ့ဖူးတာရယ်.. နောက်ပြီး ကျနော့်စိတ်အခံက ပေါ်လာတဲ့အတွေးရယ်ကြောင့် တပ်မတော်သားတွေအတွက် သတ်သတ်လို့ပြောမိတာပါ…။ တကယ်တမ်းကျတော့ အားလုံးအတွက်လုပ်ပေးရမှာပါ…။ ဒါပေမယ့် ကျနော်ကတော့ တပ်မတော်သားတွေအတွက် သတ်သတ်ကိုလုပ်ပေးစေချင်ပါတယ်” အခန်းတွင်းမှာ တိတ်ဆိတ်နေသည်။ ဘယ်သူမှ ဘာမှဆက်မပြောကြတော့။ ကျနော့်အတွေးများကသာ ကျနော့်ဇာတိမြို့ကလေးသို့ ရွက်လွှင့်နေတော့သည်။

ဘယ်သူက စခေါ်လို့သည်နေရာ စစ်သဂျိုံင်းလို့တွင်ခဲ့သလဲတော့မသိပါ။ ကျနော်လူလားမြောက်ချိန်မှစပြီး အများနည်းတူသာခေါ်၏။ တကယ်က ဗြိတိသျှဓနသဟာယစစ်သည်များ၏ အောက်မေ့ဖွယ်ဂူဗိမန်။ သည်မြေကိုမြန်မာပြည်က မပိုင်၊ သည်မြေအတွက်အလုပ်လုပ်နေကြသည့် မြန်မာအလုပ်သမားကို ဗြိတိသျှဓနသဟာယအဖွဲ့က လစာငွေအထောက်အပံ့ပေးထား၏။ "ကျနော်တို့ပြည်က သူတို့မြေ" ဖြစ်၏။ စုစုပေါင်းမြေဧကအကျယ်က ၂၀ လောက်ရှိမည်ထင်သည်။ တဝင်းလုံးကို အနက်ရောင်ပလပ်စတစ်အုပ် သံဇကာအပျော့ အကွက်စိတ်ကလေးများဖြင့် စည်းရိုးကာထား၏။ စည်းရိုးအတွင်းမှ စည်းရိုးနှင့်အညီ ပုဏ္ဏရိတ်ပန်းရောင်စုံတို့ စိုက်ပေးထားပြီး ပန်းများကလည်းအမြဲလိုလို ပွင့်နေတတ်သည်။ အသီးသီးချိန်ကျတော့ ကျနော်တို့က ပန်းသီးဟုခေါ်သည့် ပုဏ္ဏရိတ်သီးလေးများ နီနီဝါဝါ။ ကျနော်တို့ကလေးများက ထိုအသီးလေးများ ခူးစားရသည်ကိုကြိုက်၏။

ဝင်ဝင်ချင်း အရင်ဆုံးတွေ့ရမည်ကတော့ လူ၂ရပ်ခန့်မြင့်သည့် ကျောက်သားဂူကြီး၊ အပေါ်ဘက်တွင် အရာရှိချပ်ဝတ်တန်ဆာများနှင့် ဓါးရှည်ကြီးမြှောက်ကာ စစ်ချီရန်အမိန့်ပေးနေဟန် ကြေးဝါမြင်းစီးရုပ်တု၊ အောက်မှာထိုသူ၏ အမည်နှင့်ရာထူးအဆင့်အပါအဝင် အချက်အလက်တချို့ထွင်းထားသည့် ကြေးဝါပြားကြီးကပ်လျက်။ ထိုနေရာလွန်သည်နှင့် ဝင်းကြီးတဝင်းလုံးအမြဲတမ်းလိုလို အလိုအလျှောက်ပန်းပေးသည့် ရေပန်းများ၊ တယုတယမွေးကာ၊ မြက်ရိတ်စက်ဖြင့် တိတိကျကျ သပ်သပ် ရပ်ရပ်ဖြတ်ထား ရိတ်ထားသည့် အမြဲစိမ်းမြက်ခင်း၊ မြက်ခင်းများအကြားမှ ကျောက်ပြားခင်း လူသွားလမ်းကလေးများ။ လမ်းဘေးဝဲယာတွင် ရောင်စုံပန်းပင်ငယ်ကလေးများ။ မြန်မာပြည်တွင်ရှိသမျှ ရွက်လှပန်းနှင့်ပန်းပေါင်းစုံ သည်နေရာမှာရှိသည်ဟု ထင်ရလောက်အောင်ပန်းမျိုးစုံသည်။ ထို လူသွားလမ်းလေးများ ထိုရောင်စုံပန်းခင်းများ၊ ထို မြက်ခင်းစိမ်းများကြားတွင် တထွာခန့်မြင့်ပြီး တပေ တပေခွဲပတ်လည် ကျောက်တုံးကလေးများ အစီအရီ။ ဘယ်ထောင့်ကနေကြည့်ကြည့် အတန်းတန်းလိုက်အတန်းလိုက် ဒေါင်လိုက်အလျှားလိုက် အားလုံးကွက်တိ။ စုစုပေါင်းဘယ်လောက်ရှိသလဲတော့မမှတ်မိတော့ပါ၊ များတော့တော်တော်များသည်ဟုပဲ ပြောနိုင်တော့သည်။ ထိုကျောက်တုံး လေးတတုံးချင်းစီ၏ အပေါ်ဘက်မျက်နှာတွင် လက်မဝက်ခန့်ထူသည့်ကြေးဝါပြားများကို မူလီနှင့်စုပ်ထား၏။ ကျောက်တုံးတတုံးသည် လူတယောက်ချင်းစီ၏ အထိမ်းအမှတ်ဂူငယ်လေးများဖြစ်သည်။ ကြေးဝါပြားများအပေါ်မှာ အမည်၊ အသက်၊ ရာထူးအဆင့်၊ တပ်အမှတ်၊ တပ်ဆံဆိပ်၊ ကျဆုံးသည့်နေ့ (တချို့ကျောက်တုံးလေးများဆိုလျှင် ကျဆုံးသည့်တိုက်ပွဲနှင့် နေရာကိုပါရေးထွင်းထားသည်)။ ထိုအရာများကိုကြည့်ကာ သူက ဘာလူမျိုး၊ ဘယ်တိုင်းပြည်က စသဖြင့်သိခွင့်ရသည်။ ကျနော် မှတ်မိသလောက်ကတော့ တပ်သားအများစုမှာ အိန္ဒိယတိုက်သားများ၊ (ပန်ချာပီဟု ကျနော်တို့ခေါ်သည့် ပန်ဂျပ်ဘ်နယ်သားများ) နီပေါလ်လူမျိုးများနှင့် အာဖရိကတိုက်သားများဖြစ်သည်။ အရာရှိနှင့်အကြပ်များမှာ ဗြိတိသျှများဖြစ်သည်ကိုတွေ့ရမည်။ အဆောက်အဦး ဗိသုကာပုံစံများကလည်း မြန်မာမဆန်၊ အမိုးမရှိ အကာမရှိ၊ ပကတိဟင်းလင်းပြင်ထဲတွင် ကျောက်သားကျောက်တိုင်ချည်းသက်သက်။ ရောမခေတ်ကလိုလို။ ဝိတိုရိယခေတ်ကလက်ရာတွေလိုလို ဘာမှန်းတော့သေသေချာချာမသိ။ ကြည့်ရသည်မှာ အမြင်ဆန်းနေသည်။ လှသည်။ စနေတနင်္ဂနွေရက်များတွင် နိုင်ငံခြားသားများ တော်တော်လေးလာတတ်သည်။ သူတို့နှင့်သက်ဆိုင်ရာ အုတ်ဂူများကို ကက်တလောက်တွင်ရှာပြီး ပန်းခြင်းပန်းခွေတွေချမည်။ ဖယောင်းတိုင်တုတ်တုတ်ကြီးတွေကို ဂူလေးတွေပေါ်တွင်ထွန်းမည်။ ပြီးတော့ ဂူလေးတွေရှေ့တွင် ဒူးတုတ်ထိုင်ပြီး ငြိမ်သက် တိတ်ဆိတ်စွာ ဆုတောင်းပဋ္ဌနာပြုမည်။ ကျနော်တို့က ယင်းသို့အချိန်မျိုးများတွင် ထိုနေရာသို့ ရောက်အောင်သွားသည်။ ဘေးကနေပြုံးပြနှုတ်ဆက်ရင် အင်္ဂလိပ်ကြီးတွေက ချောကလက်တို့ သကြားလုံးတို့ ပေးတတ်သည်။ ကံကောင်းလျှင်စာအုပ်လှလ၊ှ ပို့စကဒ်လှလှ၊ ရောင်စုံခဲတန်များ ပေးပေးသွားတတ်သည်ကိုး။ ကျနော်တို့က မြို့ကလေးသို့ တခါတလေရောက်လာတတ်သည့် ဧည့်သည်ဆောင်သည်များကို ထိုနေရာသို့ ခေါ်ခေါ်ပြီးပြရသည်မှာအမော။ လှလည်းလှသည်ကိုး။ ထိုအချိန်က မြန်မာပြည်တွင် အလှဆုံးဆိုသည့်ပန်းခြံတွေထက် လှသည့်နေရာဖြစ်မည်ဟု ကျနော်တို့ကထင်သည်။ တချို့ကဆို ကျနော်တို့မြို့သားတွေက “ဧည့်သည်လာရင် သင်္ဂျီုင်းကုန်းကို လိုက်ပို့တတ်သူတွေ” ဟု ရယ်စရာအဖြစ်တောင် ပြောစမှတ်တွင်သည်။

ခဏတဖြုတ်ထိုင်ရန် လုပ်ပေးထားသည့် နေရာလေးတချို့မှာသာ ကျောက်မျက်နှာကျက်အမိုးကိုတွေ့ရမည်။ ထိုင်ခုံကလေးတွေရော အမိုးကိုထောက်ထား သည့်တိုင်လုံးကြီးတွေရောက ကျောက်သားအစစ်၊ အင်္ဂတေလောင်းထားသည်မဟုတ်။ ထိုအတိုင်းဆက်သွားလျှင် တဝင်းလုံး၏အလည်တည့်တည့်နေရာ ရောက်မည်။ ပင်မအဆောက်အဦးကြီးကိုရောက်မည်။ လူ့ရင်စို့သာသာခန့်မြင့်ပြီး၊ အလျားပေ ၉၀၀ ခန့်ရှိမည့် ကျောက်သားကြမ်းခင်းခုံကြီးပေါ်တွင် လူ ၂ ဖက်စာခန့် လုံးပတ်ရှိပြီး ပေ ၈၀-၉၀ ခန့်မြင့်သည့် ကျောက်သားအစစ် ကျောက်တိုင်လုံးကြီးများ ထူထားသည်။ အလယ်ဗဟိုက ကျောက်သားတိုင်လုံးကြီးများက ပိုလည်းကြီးပြီး ပိုလည်းမြင့်သည်။ ဝင်းတခုလုံး ရှိသမျှကျောက်သားကျောက်ဆိုင်တို့၏ မူလအရောင်ကို အခြားဘာမှ မစွန်းထင်းရအောင်လည်း ချွတ်ဆေးများဖြင့် မပြတ်တိုက်ချွတ်ထားပုံရသည်။ အလယ်ဗဟိုချက်နေရက ကျောက်သားတိုင်လုံးကြီးများရှိရာ ပင်မအဆောက်အဦး၏ အလယ်တည့်တည့်ရောက်လျှင် လူတိုင်း အလိုလိုရပ်မိလျှက်သားဖြစ်ဖြစ်သွားပြီး၊ ဘာကြောင့်အပေါ်တည့်တည့်ကို မော့ကြည့်ဖြစ်သွားတာလဲ မပြောတတ်ပါ။ တစုံတခုကညှိူ့လိုက်ဖမ်းစားလိုက်သလိုလို။ ဘာ့ကြောင့်လဲ။ လူတိုင်းရပ်မိသည်။ ကျောက်တိုင်ကြီးများ၏အောက်ခြေမှစပြီး တဖြည်းဖြည်းချင်း မော့မော့ပြီးကြည့်သွားလိုက်သည်မှာ ဇက်လန်သွားသည်အထိပင်ဖြစ်သည်။ ကျောက်တိုင်လုံးကြီးများအဆုံး တိုင်တွေထိပ်မှာ တင်ထားသည်ကတော့ ကျောက်လက်ကောက်ကြီးလို့ပဲ ပြောရမည်ထင်သည်။ ကျောက်သားကွင်းကြီး။ အလယ်မှာဘာမှမရှိ ကောင်းကင်ကြီးတခုလုံး ဟာလာဟင်းလင်း။ လူက လေထဲရောက်သွား လွင့်ပါသွားတာလိုလို။ ကောင်းကင်ကြီးတခုလုံးက ကိုယ့်အပေါ်ပြိုကျလာတာလိုလို ထူးထူးဆန်းဆန်းခံစားမှုကို လူတိုင်းရတတ်သည်။ ထိုကျောက်သား လက်ကောက်ကွင်းကြီး၏အတွင်းဘက်တွင် ကျောက်သားကိုထွင်းပြီး ဘာသာစကား ၆ မျိုးဖြင့်(အင်္ဂလိပ်လို၊ အာရဗီလို၊ ဟိန္ဒီလို၊ ဟီဘရူးလို၊ တမီလ်လို၊ မြန်မာလို) ၃ ကြောင်းပါ စာပိုဒ်တပိုဒ်ကို တွေ့ရမည်။ လူတိုင်းဖတ်ဖြစ်အောင် ဖတ်ခိုင်းခံထားရသလို ဖတ်ကြည့်ကြ၏။ မြန်မာလိုတော့ “သူတို့သည် တိုင်းပြည်နှင့်လူမျိုးအတွက် အသက်စွန့်လှူသွားကြသောသူရဲကောင်းများဖြစ်၏” တဲ့။

ထိုစာသားများကိုဖတ်ရတိုင်း ကျနော် အလွန်သဘောကျ၏။ သေသွားသည့်တိုင်အောင် တန်ဖိုးထား ဂုဏ်ပြုထိုက်သူအား တန်ဖိုးထားဂုဏ်ပြုတတ်သည့်အလေ့ကိုလည်း ထာမနာပြု၏။ သို့ရာတွင်ထိုနေရာတွင် ယခု သူတို့၏ သူရဲကောင်းများအဖြစ် တန်ဖိုးထားဂုဏ်ပြုခံများမှာ ကျနော်တို့၏သူရဲကောင်းများ မဟုတ်ကြ။ အတိတ်က ကျနော်မြေကိုလု၊ ကျနော်တို့အားဗိုလ်ကျအနိုင်ကျင့် ကျွန်ဇာတ်သွင်းခဲ့သည့် နယ်ချဲ့သမားတို့၏ လက်ပါးစေများ။ ကျနော်တို့တိုင်းပြည်၏ မျိုးချစ်ခေါင်းဆောင်များ၊ တော်လှန်ရေးသမားများ၊ အညတရ သူရဲကောင်းများကိုသတ်ခဲ့သည့် လူသတ်သမားများ။ ယခုတော့သူတို့က ကျနော်တို့မြေပေါ်တွင် သူတို့ပြည်အတွက် သူရဲကောင်းများအဖြစ် ထည်ထည်ဝါဝါ။ ခန့်ခန့်ငြားငြား။ ကျနော်တို့သူရဲကောင်းတွေအတွက် ကျနော်တို့ပြည်က ကျနော်တို့မြေမှာ ဘာမှမရှိ။

သူက ကျနော့်စကားဆုံအောင် စိတ်ရှည်လက်ရှည် နားထောင်ပေး၏။ စကားဆုံးတော့မှ..“တချို့ကတော့ အစိုးရကို ဆေးရုံတွေ၊ ကျောင်းတွေ၊ လမ်းတံတားတွေ၊ ဒေသဖွံ့ဖြိုးရေးတွေလုပ်ပေးဖို့ အရင်တောင်းမယ် ထင်တယ်..။ အဲဒါတွေကလည်း တကယ့်လက်ငင်း လိုအပ်ချက်တွေလေ..။ တောင်းလည်းတောင်းရမှာပါပဲ..။ ခင်ဗျားက စစ်သားတွေအတွက် စစ်သင်္ဂျီုင်းဆောက်ပေးဖို့ အရင်ဆုံးတောင်းမယ်ဆိုတော့ ..“ကျနော်က ရုတ်တရက် ခင်ဗျားကို လူထူးလူဆန်းလို့ထင်လိုက်တာ..” ဟုဆိုပြီး

“လွတ်လပ်ရေးရပြီး သိတ်မကြာပါဘူး။ အခု ခင်ဗျားရတဲ့စိတ်ကူးမျိုးရှိခဲ့ကြတဲ့ လူပုဂ္ဂိုလ်တွေကနေပြီး အဲဒီတုန်းက အာဏာရ ဖဆပလ အစိုးရကို တဦးချင်းအနေနဲ့ရော စုပေါင်းပြီးတော့ရော ဗမာပြည်မှာ ဖက်ဆစ်တော်လှန်ရေးနဲ့ နယ်ချဲ့ဆန့်ကျင်ရေးမှာ အသက်ပေးလှူသွားခဲ့ကြရသူ မျိုးချစ်ပုဂ္ဂိုလ်တွေအတွက် အထိမ်းအမှတ်အဖြစ် ဂူဗိမန်တခုဆောက်ချင်ကြောင်း တင်ပြအသိပေးခဲ့ကြတယ်။ အစိုးရက ဘယ်လိုအကြောင်း နောက်ခံရှိလို့လဲတော့ မသိဘူးပေါ့လေ။ အင်းမလုပ်အဲမလုပ် လုပ်နေတယ်.။ ဒါနဲ့ပဲ ဒီအတိုင်းတော့မဖြစ်ချေဘူး။ တခုခုတော့လုပ်ကြမှဖြစ်မယ်ဆိုပြီး တိုင်ပင်ကြတာပေါ့ဗျာ။ အကြံရတာက လူထုကို တိုင်းပြည်အဝှမ်းချပြမယ်။ လူထုက လက်ခံလို့ ငွေကြေးလုပ်အား ဝိုင်းဝန်းထည့်ဝင်လာရင် အဲဒါနဲ့ဖြစ်အောင် လုပ်ကြမယ်ပေါ့လေ။ တိုင်းပြည်အခြေအနေကလည်း သိတဲ့အတိုင်းဗျာ။ အမျိုးသားညီညွတ်ရေး အစည်းပြေစအချိန်။ နေရာတိုင်းမှာ သေနတ်သံတွေက တညံညံနဲ့။ ကျနော်တို့ရည်မှန်းချက်ကို ပေါက်အောင်ဆောင်ဖို့ တော်တော်လေး အခက်အခဲတွေရှိနေတယ်။ နောက်ပိုင်းကျတော့ အခုဘောင်ဒရီလမ်းက စစ်ကြောရေးနဲ့တည်းခိုရေးစခန်းဆိုပြီး စစ်ထောက်လှမ်းရေးစခန်း လုပ်ထားတဲ့နေရာမှာ မြေပေးမယ်ဆိုပြီးဖြစ်လာတယ်။ အဲဒီမှာ ဆက်လုပ်သူတွေတော့ ဆက်လုပ်ကြတယ်ဗျ။ ကျနော်က နည်းနည်းဝေးသွားတယ်။ အခု ခင်ဗျားနဲ့တခန်းတည်းနေတဲ့ ကိုစိုးဝင်းတို့က အဲဒီကိစ္စမှာကျနော့်ထက်ပိုပြီး ထဲထဲဝင်ဝင် လုပ်ခဲ့ကိုင်ခဲ့တာဗျ။ သူပိုသိတယ်။ ခင်ဗျားသူ့ကိုမေးကြည့်ရင် တော်တော်လေးပြည့်ပြည့်စုံစုံ သိရနိုင်တယ်”

နောက်နေ့ကျမှ အဘဦးစိုးဝင်းကိုမေးမည်ဟု အားခဲပြီးအခန်းပြန်တက်ခဲ့သည်။ ထောင်တွင်း အခြေအနေများကလည်း မငြိမ်မသက်။ ပြင်ပနိုင်ငံရေးကလည်း ရွေးကောက်ပွဲအသံကြောင့်လှုပ်လှုပ်ရွရွ။ သတင်းတွေကလည်း တနေ့တမျိုးဆိုသလိုဖြစ်နေ၏။ ထောင်အုပ်ချုပ်ရေးအား စစ်ထောက်လှမ်းရေးက အတိအလင်း ဝင်စွက်ဖက်မှုတွေကလည်း လက်ရဲဇက်ရဲနိုင်လွန်းလာသည်။ အဘဦးစိုးဝင်းကျန်းမာရေးကလည်း သိတ်တော့ဟန်မကျလှ။ အဘဦးစိုးဝင်း ထောင်ဆေးရုံ တင်လိုက်ရသည်။ ကျနော် မေးမယ်မေးမယ်နဲ့ မမေးဖြစ်တော့။ နောက်တော့ သိတ်မကြာလိုက် ၁၉၉၀ ခု စက်တင်ဘာ ၂၅ ကြီး ဖြစ်လာသည်။ ကျနော်လည်း ကြိုးတိုက်ရောက်သွားသည်။ ထောင်တွင်းပြစ်ဒဏ်စေ့တော့ ၄တိုက်ပြန်ပို့သည်။ နောက်တော့ တောင်ငူထောင် အပို့ခံရသည်။ အဘဦးစိုးဝင်း ဆုံးသွားသည်ကိုကြားသည်။ အဘဦးအုန်းမြင့် ဘယ်ထောင်ရောက်သွားလဲ ကျနော်ပြန်မမှတ်မိတော့။ အပြင်ရောက်မှ တွေ့ပြီးမေးတာပေါ့လေ ဆိုသည့်စိတ်နှင့် နေခဲ့သည်။ အပြင်ပြန်ရောက်သည်။ ၂၉ ရက်ပဲခံသည်။ အထဲပြန်ရောက်ပြန်သည်။ အင်းစိန်-သာယာဝတီ-အင်းစိန် သံသရာလည်နေချိန်များ။

စူနီရမ်ပါ့ခ် သရီး ဘီ သို့ အကြိမ်များစွာ ရောက်ခဲ့သော်လည်း လက်ငင်းအရေးကိစ္စများကသာ စကားဝိုင်းတွင် နေရာယူထားသည်။ အဘဦးအုန်းမြင့်နှင့် အပြင်မှာ ခဏဆုံချိန်တွေကျပြန်တော့လည်း ထိုအကြောင်း စကားကမရောက်။ လက်ရှိနိုင်ငံရေးအခြေအနေများ၊ အကျဉ်းသားများနှင့်အကျဉ်းသား မိသားစုများထောက်ပံ့ရေး။ ထောင်တွင်းအခြေအနေနှင့် သတင်းအချက်အလက်များ စုဆောင်းရေး။

ကျနော် ထိုင်းဘက်မထွက်ခင် ၁၀ ရက်ခန့်က အဘအိမ်သို့ တခေါက်ရောက်သည်။ ထိုတခေါက်သည် နောက်ဆုံးအခေါက်ဖြစ်မည်ဟုမထင်။ “လာခေါ်ရင် အဆင်သင့်ဖြစ်အောင်လို့ပေါ့ဗျာ” ဟု သူဆိုမှ မြွေအရေခွံအိတ်ဟောင်းတလုံးနှင့် အသင့်ထုတ်ထားသည့် နေ့စဉ်သုံးပစ္စည်းလေးများ.. အမြဲသုံးနေရသည့်ဆေးဝါးများ.. သွားတိုက်ဆေးသွားပွတ်တံ..သဘက်..စောင်ပါးလေးတထည်အပါအဝင် ပစ္စည်းလေးများကို ကြည့်မိသည်။ အသက်ကြီးပါပြီအဘရယ် နားပါဦးဟုပြော့မည့် နှုတ်သည် အလိုလိုဆွံ့သွား၏။ စိတ်ထိခိုက်ရသည်။ ယခုကား ထိခိုက်စရာစိတ် မကျန်အောင်ပင် ထိခိုက်မိပြီထင်၏။

မျိုးမြင့်ချို

read more

စစ်ပူစစ်အေးနောက်ကခေါင်းဖြူခေါင်းပူစရာကိစ္စများ (မျိုးမြင့်ချို)

ဘာလင်တံတိုင်းအပြိုနှင့် ဆိုဗီယက်တို့နေညိုချိန်ကာလများ။ တယောက်က သမိုင်းနိဂုံးချုပ်ပြီ (End of history)ဟု ထ လက် ခမောင်းအခတ်။ သူနှင့်အတူ သမိုင်းကိုဝိုင်းကူချုပ်ပေးကြသူများလည်း ကမူးရှူးတိုးဖြင့် အယူအဆရေးရာစစ်မျက်နှာများတွင် အလံကိုင်ဖြစ်လာ ကြ၏။ တံပိုးသံတလှိုင်လှိုင် တံခွန်ကိုင်တလွှင့်လွှင့်။ အိုင်ဒီယိုလိုဂျီတိုက်ပွဲမရှိတော့။ လစ်ဘရယ်လ်ဒီမိုကရေစီ ပြိုင်ဘက်ကင်းပန်းခင်းသို့ဝင်ပြီ ဆိုသည့်တေးသံများ ဝေဝေဆာဆာ။ တခုဝါဒအပြိုမှာ ဗဟုဝါဒအပျိုဖေါ်ဝင်ချိန်ဟုကြွေးကြော်ရင်း အယူအဆရေးရာနယ်ပယ်တွင် မျက်နှာသစ် များစန်းပွင့်လာကြ၏။ ငြိမ်းချမ်းရေးနိုဘယ်လ်ဆုကို ကွန်မြူနစ်လူပြန်တော်များနှင့် ဒီမိုကရေစီသူရဲကောင်းများ မြိန်ရည်ရှက်ရည်သုံးဆောင်ကြ။ စစ်မက်ရာသီကုန်ပြီ။ လေးနှင့်မြား ဘေးချထားလိုက်ပေရော့။ ပျော်စရာအတိ ပီဘိနေချင့်စဖွယ်ကမ္ဘာမြေ။

စီးပွားရေးဘက်ကကြည့်ဦး။ တကမ္ဘာလုံးဈေးကွက်စီးပွားရေး။ အမြောက်တောင်မချိန်လိုက်ရပဲ အလိုလိုဖွင့်လာသည့်တံခါးများ အပြိုင်းအရိုင်း။ တရုပ်ကြီးက ဆိုရှယ်လစ်ဈေးကွက်စီးပွားရေးဟုလေသံပစ်တော့ လူတချို့က ကျားသားမိုးကြိုး ဒီဝေါဟာရမကြားဖူးဘူး။ ပြဒါး တလမ်းသံတလမ်းဟု ဆိုကြသည်။ နိုင်ငံခြေတက်ကလေးများတွင် တက်ကျမ်းတွေရိုက်မလောက်။ စီမံခန့်ခွဲရေးဆရာတွေ ဗိုလ်ဝင်ခံကြ။ အခွင့်အလမ်းသစ်များနှင့်အတူ ဒေါ်လာစီးကြောင်းနှင့်နိုင်ငံခြားတိုက်ရိုက်ရင်းနှီးမြှုတ်နှံမှုတွေရဖို့ လူလုံးထွက်ထွက်ပြရတာလည်းအမော။ အမြဲတမ်းရန်သူ အမြဲတမ်းမိတ်ဆွေတွေမရှိကြတော့။ ကိုယ်ကျိုးစီးပွားကာကွယ်ရေးတိုက်ဖျက်ရေး..တို့အရေး..တို့အရေး..ဆိုပြီး အစည်း အဝေးကြီးမှာ အော်ပြ..အိမ်ပြန်ရောက်တော့ ရင်ရောကျောပါလုံအောင်ကာကြ၏။ ဝယ်ကြချမ်းကြ၊ သုံးကြစမ်းဖြုန်းကြစမ်း။ နောင်ရေးအေးပြီ။

ကမ္ဘာကြီးလုံခြုံရေးအတွက် မပူနဲ့၊ ငါ့တာဝန်ထားဟုဆိုပြီး အမေရိကန်က ကမ္ဘာ့ပုလိပ်ကြီးအဖြစ်ဘိသိတ်ခံအောင်မြေနင်း၏။ မင်း မြောက်တန်ဆာ ၅ ပါးအတွက် NATO ကိုအားထပ်ဖြည့်၏။ “ဒါဆိုရင် ကုလသမဂ္ဂငြိမ်းချမ်းရေးတပ်တွေ ဘယ်နားသွားထားရတော့မှာလဲ” ဟု ညည်းသူကညည်း၏။ သမီးကညာပဏ္ဏာမဆက်၊ ခြေတော်ရင်းမဝပ်ဆင်းသူများအား ချော့တလီချောက်တလှည့်ဖြင့် တုတ်ပြလိုက်မုန့်ပြလိုက်။ ကောင်းချီးပေးသူရှိသလို ကြိတ်ပြီးမဟာမိတ်ဖွဲ့သူကလည်းဖွဲ့ကြ၏။ ကမ္ဘာ့အစီအစဉ်သစ် အခင်းအကျင်းသစ် New World Order ဖေါ်ရန်နှင့် ပေါ်ရန် နက္ခကြုံချိန်။ ဇာတာစန်းလဂ်တက်ချိန်ဆိုပြီး အူမြူးကြ၏။

ထိုအချိန်ထိ သတင်းစာဆရာတို့နှင့်အတူ လူတချို့က အမေရိကန်သည် ယဉ်ကျေးမှုစုံပျော်ဝင်အိုး (Multi-Cultural Melting Pot) ဟု တွင်တွင်ကျယ်ကျယ်သုံးနေကြဆဲ။ ထိုဝေါဟာရကို ခံတွင်းလိုက်သကြလို အမြိုက်ဆေးသဖွယ် နှုတ်တက်ရွရွလည်းအသုံးချခဲ့ကြ၏။ ကမ္ဘာမြေအနှံ့က လာနေလိုသူတွေလာကြ။ ဘုန်းကြီးကျောင်းက ဟင်းလေးအိုးကြီးလို ချို၊ချဉ်၊ငံ၊စပ်၊ဖန်၊ခါး တပြိုင်တည်းခံစားနိုင်သည့်အရပ်။ လွတ်လပ်လိုက်သည့်ဖြစ်ခြင်း။ ယဉ်ကျေးမှုစုံကို တအိုးတည်းရောချက် တဝိုင်းတည်းထိုင်ကာ တပျော်တပါးစားကြပါစို့ဟု ဆိုလိုက်သံပင်။ အမေရိကန်ဇာတ်မသွင်း (Americanization)။ အမေရိကန်နိုက်ဇေးရှင်းမလုပ်။

နောက်တော့ သိတ်မကြာလိုက် တော်ဖလာက လှမ်းသတိပေးသည်။ “သိတ်လည်းအူမြူးမနေကြနဲ့ဦး.. လစ်လပ်သွားတဲ့အိုင်ဒီယို လိုဂျီ တိုက်ပွဲကွက်လပ်မှာ မတူတဲ့ယဉ်ကျေးမှုတွေထိပ်တိုက်တိုးပြီး (Clash of Civilization) ယမ်းအိုးကြီးတွေပေါက်တော့မယ်.. သတိဝီရိယ ကလေးနဲ့နေကြ.. လေးနဲ့မြားလည်း ဘေးချမထားကြနဲ့” ဆိုတော့မှ ဘေးဘီကို အလန့်တကြားခေါင်းထောင်ကြည့်ကြ၏။ တွေ့လိုက်ရချိန်မှာ နားရွက်တံတွေးစိုသွားပြီ။ ထိတ်အပုတ်ခံလိုက်ရပြီ။ အမွှာမျှော်စင်အုတ်ခဲပုံကြီးအောက်မှာ အစတေးခံလိုက်ရရှာသည့် အမေရိကန်ပြည်သူ များနှင့် မီးသတ်သမားများတို့၏ သွေးပျက်ဖွယ်အသံနက်ကြီးများ။

အရေးပေါ်အခြေအနေမို့ သမ္မတက စစ်ဦးစီးချုပ်ရာထူးကိုယူရ၏။ အိုစမာဘင်လာဒင့်လက်ချက်ဖြစ်ကြောင်း၊ ငါနဲ့မပေါင်းငါ့ရန်သူ..ဟု မန်မဲကာ အာဖဂန်ကိုဝင်တိုက်ရန်စစ်ပြင်၏။ သိက္ခာအချခံလိုက်ရလေခြင်းဆိုသည့် လူထု၏ရှက်စိတ်နှင့်နာကျည်းစိတ်အညှာကိုကိုင်ပြီး နိုင်ငံ ရေးသမားနှင့်စစ်ကုန်သည်ပေါင်းကာ တိုင်းပြည်ကိုသွေးဆူအောင်လုပ်ပြီး အာဖဂန်ကိုဝင်တိုက်၏။ ကုလသမဂ္ဂ၏ အမေရိကန်ပြည်သူတို့ အပေါ်စာနာစိတ်က အာဖဂန်နွံတွင် နိုင်ငံတချို့ကိုအမေရိကန်နှင့်အတူ ကျွံသွားစေ၏။ နောက်တော့ ကုလကိုပါဘေးချိတ်ပြီး အီရတ်ကိုထပ် တိုက်ပြန်၏။ ရေနံဝေစုလေးအတွက် ဒေါင်းနင်းလမ်းက နောက်လိုက်နောက်ပါ။ စစ်ကုန်သည်များကြီးပွားကြသလောက် တိုင်းပြည်ငါးပါး မှောက်တော့၏။

၉/၁၁ အပြီးမှာ အမေရိကန်အလံတွေ ပိုလွှင့်လာ၏။ အစ္စလာမ်ကမ္ဘာကိုဝါးလုံးဖြင့် သိမ်းရိုက်သူကရိုက်၏။ ထိန်းထိန်းသိမ်းသိမ်းလုပ်ဖို့ ပြောသူကပြော၏။ မရတော့ စစ်ဆိုသည်မှာ တိုက်မိလျှင်ရပ်ဖို့အတော်ခက်၏။ အခု ရပ်မရတော့။ “ဒုတိယဗီယက်နမ်ကိုဆန့်ကျင်ကြ” ကြွေးကြော်သံတွေ ပြည်တွင်းပြည်ပမှာညံလာ၏။ ဆိုတော့ လူလျှော့စားရိတ်လျှော့ လျှော့ရတော့၏။ ချစ်လှပါသည်ဆိုသည့် တိုက်ဖေါ်များ လည်း နှမ်းထွက်မကိုက်တော့ တပ်ပြန်ရုပ်၏။

သမိုင်းနိဂုံးဆရာက သူပြောတာလောသွားသည်ဟုဆိုပြီး အရှက်ပြေပြန်ဆုတ်၏။ သံယောင်လိုက်သူတို့ အီလည်လည်ဖြစ်ကျန်ခဲ့ သည်။ ဒုက္ခအမျိုးမျိုးခံ၊ ခေါင်းခံတိုက်၊ အပြောင်းအလဲအပြီး ဒီမိုကရေစီသူရဲကောင်းများ တိုင်းပြည်ဦးသျှောင်ဖြစ်ချိန်မကြာလိုက်။ ပြည်တွင်းစစ် နှင့် ပြဿနာပေါင်းသောင်းခြောက်ထောင်။ ဂျာအေးသူ့အမေရိုက်။ နိုင်ငံရေးစင်မြင့်ပေါ်မှ ဆင်းပြေးသူပြေးကြ၏။ အိုင်ဒီယိုလော်ဂျီထက် အမျိုး သားရေးဇန်းတင်ပြီး အထည်ကြီးပျက်ဘဝကို ပြန်ဆယ်မနိုင်တန်ကောင်းရဲ့ဆိုကာ ပွင့်လင်းစနိုင်ငံငယ်တို့၏ ရွေးကောက်ပွဲများက အမျိုးသား ရေးနှင့်ဘာသာရေးအယူသည်းသူများ၊ အာဏာစွန့်ကွန်မြူနစ်များအား အထွဋ်ပြန်တင်လာကြ၏။ ရွှေထီးကိုပြန်လွမ်းသူတွေဒုနှင့်ဒေး။ လေးမြားတပြင်ပြင်။ စစ်သံ တပေးပေး။ ရင်အေးစရာမရှိ။

ဈေးကွက်စီးပွားရေးကို ကိုလိုနီလက်သစ်ဝါဒသဖွယ် လုပ်သူကလုပ်၏။ ခံရသူကမကြိုက်။ မခံရအောင်လုပ်သူကလည်းလုပ်၏။ တရုပ်က လူသားချင်းစာနာမှုတွေပေးမယ်လို့မပြော။ မင်းတို့အိမ်မှာ ငါ..ဆိုင်လာဖွင့်မယ်ဆိုကာ ဆိုင်ခန်းငှားပြီး ပိုက်ဆံတွေဒလဟောသွန်ချ လိုက်၏။ တိုင်းပြည်ကို “ဘုံဝါဒ” မှ “ဘုံကျောင်းဘဝ” အဖြစ်ပြောင်းယူပြီး နိုင်ငံတကာကတရုပ်တန်းတွေကို အာဏာအဝန်းအဝိုင်းနှင့် ထည်လဲ တွဲခိုင်းရေးမူချ၏။ “သူ့ပြည်တွင်းရေးကိစ္စငါနဲ့မဆိုင်”ပြောကာ သူ့ဆိုင်နှင့်သူ့အထိုင်ငြိမ်ရေးအတွက် အိမ်ရှင်ဘက်မှခပ်ပါပါ။ “နင်တန် နင်တန်.. ပန်းကန်ကွဲ”ပင်မပြော။ “ကျားသားမိုးကြိုး”တွေက ငြိမ်ပြီး “အောင်မြင်ရင်နမူနာ၊ ကျဆုံးရင်သင်္ခန်းစာ” ဆိုနေ၏။ အာရှတိုက်၏လူမမာကြီးကား ကမ္ဘာ့မြီရှင်ကြီးနေရာ ဦးတည်သွားနေ၏။ ဒီတော့မှ ပြည်တွင်းဖြစ်ကိုအားပေးကြ၊ “ရှေးထုံးမပယ်နဲ့ဈေးသုံးမလွယ်နဲ့”တွေ ဖြစ်လာပြန်သည်။ ကွန်မြူနစ်ဆိုင်းဘုတ်အောက်က အရင်းရှင်ရုပ် ဘယ်လောက်သက်ဇိုးရှည်မလဲဆိုတာ ဘယ်သူမှတပ်အပ်မပြောနိုင်သေး။

ကမ္ဘာ့ပုလိပ်ကြီးလည်း အာဖဂန်နှင့်အီရတ် စစ်နွံတွင်စစ်ကျွံပြီး ခြေကုန်လက်ပမ်းကျလာ၏။ စစ်စရိတ်ထောင်းသဖြင့် တိုင်းပြည်လည်း ထောင်းလမောင်းကြေလိုက်လာ၏။ တကြော့ပြန်စီးပွားပျက်ဂယက်ကလည်း ထလာနေ၏။ “ကိုယ့်ကိုယ်ကိုယ်လေးလည်းအားကိုးကြပါဦး” လုပ်လာ၏။ မိတ်ဆွေနိုင်ငံများဘက်လှည့်ပြီး “ကြည့်လုပ်ကြဦး” ဆိုတော့ ထိုသူတွေကလည်း အင်တင်တင်။ ယူရိုငွေနှင့်ဥရောပသမဂ္ဂကို ပွဲ ထုတ်နေရင်းမို့ အင်း..အဲ သိတ်မလုပ်။ နိုင်ငံခြားအရံငွေကို ဒေါ်လာအစား ယူရိုကိုပြောင်းထားရေးတွေ တွင်ကျယ်လာ၏။ ကမ္ဘာ့အစီအစဉ် သစ်နေရာတွင် “ပြောင်းပြစ်ရမယ်” Change..Change တွေဖြစ်လာ၏။ ဇာတာညှိုးချိန်မို့ နေတိုး NATO ယတြာလည်း မင်းလောင်းကို မကြေတော့။

အစွန်းရောက်တွေကို ကမ္ဘာလှည့်သုတ်သင်နေချိန်တွင် ကိုယ့်ကိုယ်ကိုယဉ်ကျေးမှုစုံပျော်ဝင်အိုး လို့ခေါ်ရတာမျက်နှာပူစရာဖြစ်လာ၏။ တဝိုင်းတည်းထိုင် တပြိုင်တည်းစားနေတာမဟုတ်တော့ခက်နေသည်။ သည်တော့ စကားလုံးသစ်ကို ကြံဆရပြန်၏။ “ပေါင်းစည်းရင်းကွဲလွဲ၊ ကွဲလွဲရင်းပေါင်းစည်း” Unity in Diversity and Diversity of Unity ဆိုသည်ကို ရှာတွေ့၏။ လူထူလျှင်ကျယ်ကျယ်ပြောကြရတော့၏။ သူတပါးကိုချပြရင်း သင်လည်းပေးရပြန်၏။ “မင်းတို့ပဲ ခုတမျိုးတော်ကြာတမျိုး” ဟုဆိုကာ နှာခေါင်းရှူံ့သူရှူံ့။ “ဟုတ်ပါ့..မှန်ပါ့” လုပ်သူလုပ်။ “ခွတုတ်” တွေလည်း တုတ်ရပြန်၏။ ကမ္ဘာမြေကား ယခုချိန်ထိ မျက်စေ့သူငယ်နားသူငယ် ဖြစ်နေဆဲ။
မျိုးမြင့်ချို

read more

၂၁ ရာစုပင်လုံစိတ်ဓါတ်နှင့်.........(မျိုးမြင့်ချို)

သိတ်မကြာခင်မှာ ၆၄ နှစ်မြောက် ပြည်ထောင်စုနေ့ကိုရောက်တော့မည်။
ပြည်ထောင်စုနေ့ဘာကြောင့်ဖြစ်၊ ဘယ်လိုဖြစ် စသည်များထက် စစ်ခေါင်းဆောင်များက ပြည်ထောင်စုနေ့ဆိုသည်ကို ဘာကြောင့် တစ္ဆေကြောက်သလို ကြောက်နေသနည်းဆိုသည်မှာ စိတ်ဝင်စားစရာပိုကောင်းသည်ဟုမြင်၏။ မနှစ်က ပြည်ထောင်စုနေ့ သန္ဓေတည် ရာ ပင်လုံမြို့ကလေးတွင် ၆၃ နှစ်မြောက်ပြည်ထောင်စုနေ့ကို လောင်းကစားဝိုင်းများစည်ကားစွာဖြင့် ကျင်းပသွားသည်ကို သတင်း များတွင် မြင်လိုက်ဖတ်လိုက်ရသည်။ စိတ်ထိခိုက်ရ၏။ န.အ.ဖ အကြီးအကဲဆိုသူ၏ ပေးပို့လာသော ၅ မိနစ်စာသဝဏ်လွှာ ကို ဒေသခံအာဏာပိုင်ဆိုသူတဦးက ဖတ်ကြားတင်သွင်းရာတွင် ဗိုလ်ချူပ်အောင်ဆန်းအမည်နှင့် ပြည်ထောင်စုနေ့ဖြစ်ပေါ်လာ ပုံနောက်ခံသမိုင်းအကြောင်း တခွန်းတပါဒမျှ မပါ။ နှစ် သန်းပေါင်း ၄ဝ သက်တမ်းရှိ ပုံတောင်ပုံညာ ပရိုင်းမိတ်အကြောင်းမှ ၂ဝ၁ဝ ရွေးကောက်ပွဲအထိအဆုံးတနံတလျားသဝဏ်လွှာတွင် ပြည်ထောင်စုစိတ်ဓါတ်အကြောင်း နှုတ်မဟခဲ့။

ပြည်ထောင်စုဆိုသည်မှာ ပုံသဏ္ဍန်အရရော အနှစ်သာရအရပါ မတူကွဲပြားသည်များ ရှိ၏။ နိုင်ငံနယ်နမိတ်တခုခုအတွင်း အတူနေထိုင်ကြသည့် လူမျိုးစုအသီးသီး၏ ယဉ်ကျေးမှု၊ သမိုင်းနောက်ခံ၊ ဘာသာစကား၊ ကိုးကွယ်ယုံကြည်မှု၊ ဓလေ့ထုံးထမ်း စသည်တို့မှာလည်း မည်သည့်အခါမျှထပ်တူမရှိ။ ထပ်တူပြု၍မရ။ ပြုလည်းမပြုစကောင်း။ သို့သော် ထိုသို့ပြုနိုင်လျှင်ကောင်းအံ့ ဟူသည့်အတွေးမှနေ၍ “တပြည်ထောင်စနစ်”များ ဖေါ်ထုတ်ခဲ့ကြသည်။ သမိုင်းလက်တွေ့အရ မအောင်မြင်ခဲ့ကြ။ တပြည်ထောင် စနစ်တွင် လူမျိုးစုအားလုံး၏အမှတ်အသား (Self Identity) ကိုဖျက်ချလိုက်ပြီး ဘုံသဘောဆောင်သည့် အမှတ်အသား(Common Identity) ကိုဇွတ်သွင်းကြည့်ကြ၏။ အဝိုင်းထဲလေးထောင့်ကို သွင်းယူသည့်သဘော။ မဆံ့။ သည်တော့ ပျက်၏။ ပျက်သွားသည်ကို ပျက်သွားသည်ဟုမပြောပဲ ဖျက်လိုက်ရသည်ဟု ဆင်ခြေပြကြရတော့သည်။ ယေဘုယျအားဖြင့် ထိုနိုင်ငံမျိုးတွေက “တပြည်ထောင်” ဆိုသည့် ဝေါဟာရကို ခံတွင်းတွေ့တတ်ကြသည်။

နောက်တခုက (Self Identity) တွေကိုတော့မဖျက်။ အဲဒါတွေကို အကန့်အသတ်ဖြင့်ခွင့်ပြုပြီး၊ အတူနေသူများထဲက လူများစု (Majority) ကနေ အနည်းစု (Minority) ကို တစတစကြီးစိုးလွှမ်းမိုး ထားခြင်းဖြစ်၏။ ထို နိုင်ငံများတွင် အများစုကတိုင်းပြည် ၏ ဒေသတော်တော်များများကို သူတို့အပိုင်သဘောမျိုးလုပ်ယူပြီး အာဏာပိုင်အဖွဲ့အစည်းအဆင့်ဆင့်တွင်လည်း သူတို့လူ အများကိုသာ နေရာပေး၊ နေရာယူလုပ်ပြီး အာဏာကိုကိုင်ထားတတ်လေ့ရှိသည်။ နယ်ပယ်ဒေသ များအမည်ပေးရာတွင်လည်း အများစုကြီးစိုးထားခြင်းသရုပ်ပေါ်စေရန် အနည်းစုနေထိုင်ရာကို အနည်းစုအမည်ဖြင့်သမုတ်ပြီး၊ အများစုနေထိုင်ရာဒေသများကို အများစုပိုင်အမည်မျိုးတွင်အောင် လုပ်ယူထား၏။ ထိုသူများကလည်း တခါတခါတွင် “ပြည်ထောင်စု” (Union) ဆိုသည့်ဝေါဟာရကို လှိုင်လှိုင်သုံးတတ်ကြသည်။

နောက်တမျိုးက (Self Identity) တွေကို မဖျက်၊ မပြောင်း သူ့အတိုင်းထားပြီး အားလုံးလက်ခံနိုင်မည့် “စံ” တခုပေါ်မှာ အထိုင် ချ ခြင်းဖြစ်သည်။ ထိုအထိုင်ပေါ်တွင် Government of the people, by the people, for the people ဟု သရုပ်သကန်ကို ပုံဖေါ်၏။ ဒေသ အမည်များကိုလည်း “အနည်းစုစွဲ” သို့မဟုတ် “အများစုစွဲ” အမည်မျိုးသမုတ်ခြင်းကိုရှောင်၏။ အာဏာခွဲဝေယူကြရာတွင်လည်း လူမျိုးစုအနည်းအများ အပေါ်အခြေမခံပဲ နေထိုင်ရာဒေသအလိုက် လူအနည်းအများအပေါ် “တည်” ထားသည်ကိုတွေ့ရ၏။ အရေးပေါ်အချိန်များမှလွဲ၍ ကျန်အချိန်များတွင် နိုင်ငံ့အကြီးအကဲလက်တွင် အာဏာကိုစုပုံမထား တတ်။ ဖြန့်ချထား၏။ နိုင်ငံ့အာဏာ ကို အပြန်အလှန်ထိန်းကျောင်းပေးသည့် ရပ်ဝန်းထဲတွင် သတင်းမီဒီယာကိုလည်း ဝင်ပါခွင့်ပေး၏။ ထိုနိုင်ငံတို့က “ပြည်နယ်ပေါင်း စုပြည်ထောင်စု” (United) ဆိုသည်ကို တွင်တွင်သုံးတတ်၏။

နောက်တမျိုးက နီးစပ်ရာနီးစပ်ရာ ဒေသကြီးအတွင်းရှိ အချူပ်အခြာအာဏာပိုင်နိုင်ငံများ၊ နယ်နမိတ်စည်းများကိုဖျက်ချပြီး “နိုင်ငံပေါင်းစုပြည်ထောင်စု” သို့မဟုတ် “ပြည်ထောင်ပေါင်းစုပြည်ထောင်စု” (Confederation) ဆိုသည်ကို ထူထောင်ဖေါ်ဆောင် လိုကြ၏။ ငွေကြေးလည်းတမျိုးတည်း၊ အစိုးရလည်း တခုတည်း၊ ကာကွယ်ရေး(စစ်တပ်)လည်းတခုတည်း၊ အာဏာခွဲဝေရာတွင် ထိုကဲ့သို့ကျင့်သုံးရန် ရည်ရွယ်ကြ၏။ သို့သော် ထိုသူတို့ရန်မှန်းသည့်အတိုင်း နှုန်းပြည့်စံပြည့်နိုင်ငံတော်ကား မမြင်ရသေး။ ဥရောပ သမဂ္ဂကဲ့သို့ ငွေကြေးစနစ်တခုတည်းကို ဘုံသဘောသုံးပြီး (နိုင်ငံအလိုက် ငွေကြေးများရှိနေငြားလည်း) ဥရောပဘုံအစိုးရတရပ် အစပျိုးထူထောင်လာတာမျိုး မြင်နေရပြီဆိုသော်လည်း အချုပ်အခြာအာဏာနှင့် နယ်နမိတ်စည်းများကား အခိုင်ခန့် ရှိနေဆဲ။ ဘယ်တော့မှ ဘယ်လောက်အထိခရီးပေါက်မယ်ကို ဘယ်သူမှမခန့်မှန်းနိုင်ကြသေး။

အထက်တွင်ပြောခဲ့သည်မှာ အကြမ်းဖျဉ်းသဘောဖြစ်ပြီး အပြည့်အစုံကိုသိရန်မူ အချိန်ယူလေ့လာ ရဦးမည်ဖြစ်၏။ တခုခုကို ပြည့်စုံ ကုန်စင်အောင်သိမှပြောရမည်ဆိုလျှင် လူတွင်ပြောစရာစကားမရှိဟုထင်၏။ ယခု ဤအထင်ပေါ်မှ ပြောကြည့်ပါမည်။ န.အ.ဖ သည် “တပြည်ထောင်စနစ်” ကို ထူထောင်ချင်ဦးတော့ ထူထောင်လို့မရ။ မဖြစ်။ ဗမာပြည်တွင် လူမျိုးစုတိုင်းကသူတို့အခွင့်အရေးအတွက် သူတို့လက်တွင် သူတို့တပ်သူတို့သေနတ်နှင့်သူတို့လူထုရှိ၏။ အင်အားသာကွာချင်ကွာမည်။ သူတို့ကိုယ်ပိုင်အမှတ်အသားတွေကို သွားဖျက်လို့မရ။ သွားဖျက်လျှင် ပြဿနာက ယခုထက်ပိုတက်စရာပဲရှိ၏။ ကောင်းစရာမမြင်။ ဆိုတော့ န.အ.ဖ က သည်လမ်းကို မရွေး။ ရွေးလို့မရ။

“ပြည်ထောင်စုစနစ်” (Union) ။ ဒါကိုတော့ န.အ.ဖ ရော မ.ဆ.လ ရောအလွန်ကြိုက်သည်။ လက်တွေ့လည်း ကျင့်သုံး၏။ တခေတ် လုံးထွန်းခဲ့သည့် သူတို့ “သောင်”တွင် “ပြည်ထောင်စုသမ္မတနိုင်ငံ” တို့၊ “ပြည်ထောင်စု ဆိုရှယ်လစ်သမ္မတမြန်မာနိုင်ငံ” တို့ ဆို၍ အမည်အမျိုးမျိုးကင်ပွန်းတပ်ကာ တထပ်တည်းကျသည့် နိုင်ငံတော်ပုံစံကိုသာထူထောင်၏။ မအောင်မြင်။ မအောင်မြင်လည်း သူတို့နောက်မဆုတ်။ ရှိခဲ့သည့်၊ ရှိနေသည့်၊ ရှိနေဦးမည့်ကိုယ်ကျိုးစီးပွား များအတွက် ပြည်ထောင်စု ဆိုသည်ကိုဆက်ကိုင်ထားနေ ဦးမည်။

“ပြည်နယ်ပေါင်းစုပြည်ထောင်စု” (United) ထိုအသံသည် (တနည်းပြောရလျှင် ဖက်ဒရယ်လ်ပြည်ထောင်စုမူ) န.အ.ဖ အတွက် နားအခါးဆုံးဖြစ်၏။ ပြောရလျှင် မြန်မာလူမျိုးသည်လည်း အခြားသောလူမျိုးစုများနည်းတူ လူမျိုးစုတစုသာဖြစ်၏။ ထို့ထက်မပိုချေ။ အဓိကလူမျိုးစုကြီး (၈) ခုအနက်က တခုသာဖြစ်၏။ မြန်မာလူမျိုးစုက အခြားလူမျိုးစုများအား “တိုင်းရင်းသား” များဟု ခေါ်စရာ အကြောင်းမရှိ။ အားလုံးသည် “တိုင်း” နိုင်ငံ တခုတည်းတွင် “ရင်း” နှီးခင်မင်စွာ ဥမကွဲသိုက်မပျက်နေကြသည့် အမျိုး “သား” များဖြစ်၏။ လူမျိုးစုအသီးသီးတွင် ကိုယ်ပိုင်ပြဋ္ဌာန်းခွင့်၊ အုပ်ချုပ်ခွင့်၊ ဥပဒေပြုခွင့်၊ တရားစီရင်ခွင့်ရှိ၏။ ဘယ်သူ့ဘယ်သူမှ လွှမ်းမိုး ချုပ်ကိုင်စရာမလို။ အားလုံးတန်းတူရည်တူသွေးစည်းညီညွတ်စွာ နေနိုင်ရေးဖြစ်၏။ ချုပ်ပြောရလျှင် ထိုကိစ္စသည် ဖက်ဒရယ်လ် မူ ဖြစ်၏။ လူမျိုးစုတိုင်းလည်းလိုအပ်၏။ လိုလား၏။ တိုင်းပြည်အနေအထား အရလည်း ကျင့်သုံးရမည့်မူဖြစ်၏။ အာဏာရှင်အစိုးရ အဆက်ဆက်က ဖက်ဒရယ်လ်မူကိုတလျှောက်လုံး ပုံဖျက်၏။ သာမန်ပြည်သူတို့အကြားတွင် ဖက်ဒရယ်လ်ဟုဆိုလိုက်လျှင်ပဲ “တိုင်းပြည်မှခွဲထွက်ရေး” “Secession” ဟုပြေးမြင်လာအောင်လုပ်ထား၏။ ပြည်သူကို တိုင်းပြည်ကိုမှိုင်းတိုက်၏။ အမှန်က “ခွဲထွက်ရေး” နှင့် “ဖက်ဒရယ်လ်” သည် ပြဒါးတလမ်းသံတလမ်း။ ဘာမှမဆိုင်။ တတိုင်းပြည်ထဲ တွင် ပြည်နယ်ပေါင်းစုံမှ လူမျိုးစုပေါင်းစုံ စုစုစည်းနေရေးသာဖြစ်၏။ ယင်းတို့က “ပြည်ထောင်စုမပြိုကွဲရေး” ဆိုသည့် လှန့်လုံးဖြင့် “ဖက်ဒရယ်လ်” ကို လမ်းမှားပို့၏။ ဖက်ဒရယ်လ်မူကိုကိုင်လျှင် ပြည်တွင်းစစ်နိဂုံးချုပ်မည်။ ပြည်တွင်းစစ်မရှိလျှင်စစ်အင်အား တိုးချဲ့စရာ မလို။ ပြည်တွင်းစစ် ကို လက်ညှိုးထိုးထိုးပြပြီး စစ်အာဏာရှင်က သူ့ကိုယ်သူကယ်တင်ရှင်လုပ်လို့မရ။ ကယ်တင်ရှင်လုပ်ပြလို့မရလျှင် ကိုယ်ကျိုးရှာဖို့ ခက်မည်။ အဆုံးသတ်တော့ တိုင်းပြည်နာ၏။ တိုင်းပြည်အေးချမ်းချင်လျှင်၊ စစ်အာဏာရှင်စနစ်မရှိစေချင်လျှင်၊ စစ်သားကို စစ်သား အလုပ်သာလုပ်စေချင်လျှင် ပြည်ထောင်ပေါင်းစုပြည်ထောင်စု ဖက်ဒရယ်ကိုထောက်ခံကျင့်သုံးရမည်။ စင်စစ် ဗိုလ်ချုပ်အောင်ဆန်းနှင့် လူမျိုးစုခေါင်းဆောင်ကြီးများ ရည်မှန်းပြဋ္ဌာန်းထူထောင်လိုသည့် နိုင်ငံတော်ပုံစံသည် “ပြည်နယ်ပေါင်းစုပြည်ထောင်စု” ဖက်ဒရယ်လ်ပြည်ထောင်စုသာဖြစ်၏။

ပင်လုံစာချုပ်တွင် သဘောတူလက်မှတ်ရေးထိုးခဲ့၏။ အနာဂတ်နိုင်ငံတော်ပုံစံကိုချမှတ်ခဲ့ကြ၏။ ပုံကားယနေ့တိုင်ပေါ် မလာခဲ့။ ဖေါ်ဆောင်ရန် လိုအပ်နေသည့် ဤနိုင်ငံတော်ပုံစံကို ယခုအခါပြန်ဖေါ်ရန် ကြိုးပမ်းအားထုတ်လာနေသည်ကိုမြင်နေရ၏။ မည်မျှဖေါ်နိုင်မဖေါ်နိုင်ဆိုသည်က တပိုင်းဖြစ်၏။ ကြိုးပမ်းမှုကိုကား အသိအမှတ်ပြုကြိုအပ်သည်ဟုမြင်၏။ ဒေါ်အောင် ဆန်းစုကြည် ပြောသလိုပင် ၂၁ ရာစု ပင်လုံစိတ်ဓါတ်ကို အရင်မွေးရမည်မှာသေချာ၏။ ပင်လုံစိတ်ဓါတ်ကိုအခိုင်အမာမမွေးမြူပဲ ပင်လုံညီလာခံကိုလုပ်လို့မရ။ စိတ်ဓါတ်အရေးကြီး၏။ စိတ်ဓါတ်ခိုင်ခိုင်မာပြဋ္ဌာန်းပြီးမှ အလုပ်လက်တွေ့ကို အကောင်အထည်ဖေါ်ရန် နည်းနာရှာရ၏။ စိတ်ဓါတ်နှင့်နည်းနာအလုံအလောက်ရှိပါက အလုပ်လက်တွေ့သည် အကောင်အထည်ဖေါ်ရလွယ်၏။ ၂၁ ရာစုပင်လုံ စိတ်ဓါတ်ကို အခိုင်အမာမွေးမြူခြင်းသည် ဗမာ့လူ့အဖွဲ့ အစည်း၏ လက်ငင်းပြဿနာများ ငြိမ်းချမ်းစွာကိုဖြေရှင်းရန် လမ်းစဖြစ်သည်ဟုမြင်၏။
မျိုးမြင့်ချို

read more

ဒုက္ခသယ်ယောင်ဆောင်သူက ဒုက္ခသည်တွေဆီရေးတဲ့စာ(မျိုးမြင့်ချို)

ဒုက္ခသည်ယောင်ဆောင်သူက ဒုက္ခသည်တွေဆီရေးတဲ့စာ (မျိုးမြင့်ချို)
အမေရိကန်ကြီး စီးပွားပျက်နေပြီတဲ့။ အမျိုးမျိုးပြောကြတယ်။ အမေရိကန်ဆိုတာကလည်း ကမ္ဘာပေါ်မှာ ပညာရှင်ဆိုသူတွေအပေါဆုံး တိုင်းပြည်တွေထဲက တခုမဟုတ်လား။ ပြောမှပေါ့..။ ကောင်းနေတုန်းကတော့ စီမံခန့်ခွဲမှုညံ့တယ်လို့ လေသံတောင်မဟခဲ့သူတွေက “ပျက်မှာပေါ့ အစိုးရစီမံခန့်ခွဲမှုစနစ်ညံ့တာ ကိုး”လို့ ပြောပြန်တယ်။ ကွန်မြူနစ်ဘက် လှည့်ထားတဲ့ပြောင်းဦးကို အကြမ်းဖက်ဝါဒီတွေဘက် ထိုးချိန်လိုက်တော့ “ဒါမှ ဒို့ခေါင်းဆောင်ကွလို့ …” သံကုန်ဟစ် သူတွေက … အခုတော့ “ပျက်မှာပေါ့ အကြမ်းဖက်တိုက်ဖျက်ရေးဆိုပြီး တမိုးလုံးဖျောက်ဆိပ်လုပ်တာကိုး” လို့ ဆိုကြတယ်။ “ရီပတ်ဘလီကင်တွေ သွေးဆာ လို့တိုင်းပြည်ပျက်တာ” လို့ ပြောသူတွေကို “ရီပတ်ဘလီကင်ဖြစ်ဖြစ် ဒီမိုကရက်ဖြစ်ဖြစ် အရင်းရှင်စနစ်ဆိုတာ ဒီအတိုင်း ဖြစ်ကိုဖြစ်ရမှာ” ဆိုပြီး “စကတည်းက ငါမပြောလား သမားတွေ” က ပညာရှိလေသံနဲ့ တရားပြတယ်။ “ပြည်တွင်းက ဘဏ္ဍာအရင်းရှင်ကြီးတွေ၊ စီးပွားရေးသမားတွေနဲ့ လုပ်ငန်းရှင်တွေမသမာလို့” ဆိုပြီး “အတွင်းပြန်ခတ်”တဲ့သူက ခတ်တယ်။ အရင်တုံးက အမေရိကန်တွေကို ကျားကန်ပြီးအားသန်လာခဲ့သူတွေက အခုတော့ အမေရိကန်ဆိုကန်တန်တန် လုပ်ပြချင်နေပြီ။ “ဆရာလောက်ဆို တော်ရောပေါ့.. ဆရာကြီးလို့ အခေါ်မခံချင်ပါနဲ့တော့” “ဒေါ်လာနေရာမှာ တခြားခိုင်မာတဲ့ငွေတခုခု ပြောင်းသုံးကြရင် ဘယ့်နှယ်လဲ” လို့ မေးဆတ်သူတွေလည်းဆတ်နေပြီ။ တခါတုန်းက အာရှတိုက်ရဲ့ လူမမာကြီးလို့ ကင်ပွန်းတပ်ခံခဲ့ရဖူးတဲ့ နဂါးကြီးကလည်း အမြီးတရမ်းရမ်းနဲ့ မီးပန်းတွေမှုတ်မှုတ် ပြနေချိန်ဆိုတော့ ... အင်း …အမေရိကန် ပြည်ထောင်စုနဲ့ငွေကြေး၊ စီးပွားရေးစတာတွေမှာ တိုက်ရိုက်ချိတ်ဆက်ထားတဲ့ နိုင်ငံတွေလည်း မသက်သာလှဘူး။ ဘယ်သူ လက်ခံခံ၊ မခံခံ-အမေရိကန်ဒေါ်လာဟာ ကမ္ဘာသုံးငွေလိုဖြစ်နေတာဆိုတော့ တိုင်းပြည်တိုင်းလိုလို အနည်းနဲ့အများတော့ အဖျား ခတ်မိကြတာချည်းပါပဲ။ ဘယ်လိုဘဲဖြစ်ဖြစ် အမေရိကန်တွေကတော့ ကျွဲထက်ပိုမပိန်အောင် ဗိုသီဗတ်သီနဲ့ ပြန်အဖတ်ဆည်နေတာလည်း အမှန်ပါပဲ။ ထူးခြားတာက ကျနော်တို့ ဗမာနိုင်ငံက စစ်ဗိုလ်တွေကတော့အေးဆေးပါတဲ့။ ဘာမှမဖြစ်ပါဘူးတဲ့။ သူတို့ကို မထိခိုက်ပါဘူးတဲ့။ ဒီနေရာမှာ သူတို့ပြောတဲ့ “သူတို့” ဆိုတာ ဘယ်သူ့ကိုပြောတာလဲ ဆိုတာတော့ အားလုံးလည်းသိပြီးသားမို့ ဘာမှမပြောလိုပါဘူး။ ထားပါတော့လေ။ ကျနော် စိတ်ဝင်စားတာက ဒီမှာ (အမေရိကားမှာ) ရောက်နေကြတဲ့ ကျနော်တို့အပေါ်ရော ဒီဂယက်က ဘယ်အထိပွတ်တိုက်နေသလဲလို့ စစ်ကြည့်မိတယ်။ ကျနော်တို့လို့ ဆိုတဲ့နေရာမှာ လည်း ပညာနဲ့အခြေခံလုပ်ရတဲ့လုပ်သားတွေကို မဆိုလိုပါဘူး။ စက်ရုံအလုပ်ရုံတွေမှာ အလုပ်လုပ်နေကြတဲ့သူတွေကိုပြောတာပါ။ အရင်ကဆို အထည်ချူပ် စက်ရုံမှာလျှောက်မယ့်သူက အထည်ချူပ်တတ်ရင်၊ သန့်ရှင်းရေးအလုပ်လျှောက်မယ့်သူက သန့်ရှင်းရေးလုပ်တတ်ရင်၊ စက်ပစ္စည်းတွေကိုကိုင်တွယ် မောင်းနှင် ရတဲ့ အလုပ်လျှောက်မယ့်သူက အဲဒါတွေကို ကိုင်တွယ်မောင်းနှင်တတ်ရင်ရပြီ။ မတတ်သေးရင်လည်း အလုပ်လုပ်ရင်းသင်ပေးသေးတာ။ ရွေးချယ် စရာတွေလည်း အထိုက်အလျောက်ရှိတယ်။ ဒီမှာ မကြိုက်သေးရင် - ဟိုမှာ ...။ ဟိုမှာ မကြိုက်တော့ရင် ဒီမှာ…။ ပြောင်းဖို့လည်း သိပ်မခက်ဘူး ဆိုပါတော့။ အင်္ဂလိပ် စကားပြောတတ်လား ... ဆိုတာကတော့ မေးရိုးမေးစဉ်အနေနဲ့ မေးတာလောက်ပါ။ အခုတော့ ဒီလို မဟုတ်တော့ဘူး။ အာလူးကြော်စက်ရုံမှာ အလုပ်သွားလျှောက်လျှောက်၊ တည်းခိုခန်းလိုဟာမျိုးမှာ သန့်ရှင်းရေးအလုပ် သွားလျှောက်လျှောက် - အရင်ဆုံးမေးတဲ့စကားက “အင်္ဂလိပ် စကားပြောတတ် လား …” တဲ့။ ခက်တော့တာပေါ့။ ကဗျာဆရာ “မြေနု” ပြောသလို တသက်လုံး “စစ်မက်နဲ့ ကြီးပြင်း၊ ပြေးလွှားရင်းစာငတ်၊ ဘာတတ်လို့လဲ ... ဆရာရယ်” ဆိုသူတွေကို အင်္ဂလိပ်စာတတ်လား ဆိုတော့။ ခမျာများ လက်ပူတိုက် အင်္ဂလိပ်စာလေး၊ စကားလေး အပြေးအလွှား သင်ယူကြရှာပါရဲ့။ ဒါပေမယ့် အလုပ်ရှာရ တာဟာ “ကျောက်စရစ်တောမာခေါင်ခေါင်မှာ၊ အတောင်ပံကျွတ်သည့်ကြိုးကြာ၊ ရေရှာ၍မရသကဲ့သို့” ဆိုတာလောက် မခက်ပေမယ့်၊ လွယ်တော့ မလွယ်လှ ပါဘူး။ ပြဿဒ်က စ လောင်တဲ့မီးကိုး။ ဒီမှာ ညည်းကြတယ်။ တချို့များ ခြူသံတောင်ပါရဲ့။ ထိုင်းလိုနိုင်ငံတွေမှာ ရွှေ့ပြောင်းအလုပ်သမားတွေအဖြစ် လုပ်နေကြတဲ့ ဗမာအလုပ်သမားတွေနဲ့ ပြည်တွင်းကဗမာအလုပ်သမားတွေသာကြားရင် - ဘယ်လိုနေမလဲ မပြောတတ်ပါဘူး။ ဘယ်နားသွားသွား မကြားချင် ချင်၊ ကြားချင်ချင်၊ ကြားရတတ်တဲ့အသံပါ။ တချို့ကတော့ ဒီစီးပွားပျက်လှိုင်း ကိုယ့်ကိုယ်ဆောင့်လာရင်တောင် အသာလေးရှောင်ပေးလိုက်ရုံပဲလို့ ပေါ့ပါ့ပါးပါး ခံယူထားသူတွေ အသံလည်းကြားရတယ်။ ကောင်းပါတယ်။ ငရဲကလာသူအတွက် ပြာပူဆိုတာ အေးဆေးပါဆိုတဲ့သဘော။ တချို့ကတော့ နေသေးသပ ခြုံထဲကလို့ ကြုံးဝါးပြီးပြန်ကောင်းလာချိန်ကို မျှော်တလင့်လင့်နဲ့ပါ။ ဒါလည်းမဆိုးပါဘူး။ အားမတန်ချိန်မှာ မာန်လေးနည်းနည်းလျှော့ထားသလိုပေါ့၊ တချို့ လည်း ခြိုးခြံချွေတာရေး အစီအစဉ်လေးတွေဆွဲလို့။ ဒါလည်း ကောင်းတာပါပဲ။ ရှိတာလေးနဲ့ဝအောင်စား ဆိုတဲ့ အစဉ်အလာဆိုဆုံးမမှုကနေ သွေဖည် မသွားသေးဘူးလို့ ယူ စရာပါ။ ကျနော်ကလည်း ဒီကို မုန့်ဝေချိန်နဲ့လွဲပြီး တုတ်ဝေချိန်နဲ့တည့်တည့်တိုး ရောက်သူဆိုတော့ “မုန့်ဝေချိန် ရွှေထီးဆောင်း ဇာတ်လမ်း” တွေ ပြန်ကြားရတယ်။ ဝမ်းသာတာပေါ့။ ကိုယ့်လူမျိုးတွေ ကောင်းစားခဲ့တာဘဲဟာ။ ဒုက္ခသည်(အစစ်)တွေအနေနဲ့ ရောက်လာကြပြီး၊ ဒီလိုနိုင်ငံမှာ ကိုယ်ပိုင်အိမ်နဲ့၊ ကားကောင်းကောင်းနဲ့၊ အလုပ်ခိုင်ခိုင်နဲ့ နေနိုင်ဖို့ဆိုတာ လွယ်မှမလွယ်ပဲကိုး။ ကိုယ့်လူမျိုးတွေထဲက တချို့နေနိုင်တာမြင်တော့ ပီတိဖြစ် မိတယ်။ “တုတ်ဝေချိန်၊ ဗိန်းဗောင်းတိုက်သံ” တွေကိုတော့ မရောက်လာခင်ကတည်း နားစွန်နားဖျားတွေကြားခဲ့ရပါတယ်။ ရောက်ရောက်ချင်းလည်း ဆောက်နဲ့ထွင်းခံခဲ့ရပါတယ်။ အမေရိကန်အနေနဲ့ “ကိုင်သမျှမြေ ရွှေပြန်ဖြစ်ဖို့” ကို သိပ်မျှော်လင့်မထားဘဲ ရောက်လာသူဆိုတော့ နေသာဖြေသာရှိပါတယ်။ ကြာတော့ “မုန့်ဝေချိန်အလွမ်းဇာတ်”တွေ ပြန် က တာမြင်ရင် အထည်ကြီးပျက် ပျက်ပြနေလားလို့ တွေးမိချင်လာတယ်။ တခါတခါ စိတ်အချဉ်တောင် နည်းနည်း ပေါက်မိတယ်။ ပြောတော့ မပြောမိခဲ့ပါဘူး။ “ဟိုတုန်းကများ - ကားဆို ဇီးရိုး မိုင်းလေ့ဂ်ျမှ။ (Zero Mileage ဆိုတာက ကားအသစ်ကျပ်ချွတ်ကို ပြောတာပါ။ သူများစီးပြီးသား တပတ်ရစ်တွေမသုံးဘူးဆိုတဲ့ သဘော)။ “ပစ္စည်းဆိုရင်လည်း ဘယ်အမှတ်တံဆိပ်မှ” တို့ …“ဈေးဝယ်ရင် ဘယ်ကုန်တိုက် ကြီး တွေမှ” တို့ …“အပြင်ထွက်စားရင်လည်း ဘယ်ဆိုင်မှာမှ” …“ကိုယ့်အိမ်နဲ့ကိုယ်နေတာ၊ အပတ်မင့်န်တွေမှာမနေဘူး” တို့ …ဘာတို့ ညာတို့ပေါ့လေ။ အဲဒါတွေ ကြားမိတော့ “အပြောဝံ့လှပါလား”လို့တော့ တွေးမိပါတယ်။ လက်ထဲရှိတဲ့ငွေယားလေးနဲ့၊ ဘဏ်ကအတိုးနဲ့၊ ချေးယူလိုက်တာလေးနဲ့ပေါင်းပြီး လက်ငင်း ပေးတန်သလောက်ပေးထား၊ ကျန်တာကို လစဉ်အရစ်ကျလေးသွင်းပြီး နေလိုက်ရင်၊ (အလုပ်ကလည်း မြဲနေမယ်ဆိုရင်ပေါ့လေ) … ဘယ်လောက်ဆို ကိုယ်ပိုင်အိမ်လေးနဲ့နေနိုင်ပြီ။ စမတ်ကျကျလေးဖြစ်သွားပြီ … ဆိုတဲ့ အိပ်မက်လှလှလေးတွေ တိမ် ဖြစ်သွားတာမြင်ရတော့ - စိတ်မကောင်းဖြစ်မိတယ်။ ကား ဖိုး၊ အိမ်ဖိုးတွေမပေးနိုင်တော့လို့ ကားတွေ အိမ်တွေပြန်အပ်ရလိုက်ရတာကို ဘဝတခုစာအပျက်အမှတ်နဲ့ “သိမ်ငယ်သံ” တွေကြားတော့ ဘာပြောရမှန်း မသိ သလိုဖြစ်မိတယ်။ လူမည်း မိသားစုတစု အဲသလိုကြုံရတဲ့ဒဏ်မခံနိုင်လို့ ဆိုပြီး တမိသားစုလုံး သတ်သေသွားကြတဲ့အကြောင်း တီဗီထဲကြားလိုက်တော့ ဒီလူတွေ ဒို့လောက်ခံနိုင်ရည်မရှိဘူးလို့ ကြံဖန်တွေးမိတယ်။ ဒီကို ဘယ်လိုပုံစံနဲ့ ရောက်လာ ရောက်လာ၊ အလုပ်သမားတွေအဖြစ်နဲ့ စက်ရုံအလုပ်ရုံတွေမှာ လုပ်ကိုင်နေကြရသူတွေရဲ့ လုပ်ငန်းခွင်အခြေအနေနဲ့ အလုပ်ကရတဲ့ခံစားခွင့်၊ အလုပ်ကြောင့်ရရှိလာတဲ့အကျိုး … စတာတွေမှာလည်း ထိုင်းက ဗမာအလုပ် သမားတွေနဲ့ရော၊ ဗမာပြည်က ဗမာအလုပ်သမားတွေနဲ့ရော မတူပါဘူး။ နိုင်းယှဉ်ချက်အရ ပြောကြကြေးဆိုရင်တော့ ဒီမှာက အပုံကြီးသာပါတယ်။ တနာရီကို ၈ ဒေါ်လာလောက်ရတဲ့ အလုပ်ကလေးတခုလောက် ပုံမှန်ရသွားပြီ၊ မြဲသွားပြီဆိုရင် ကားလေးတစီးလောက်တော့ အရစ်ကျချေတဲ့ စနစ်နဲ့ဝယ်လို့ ရသွားပြီ။ (ကားဆိုတာကလည်း ဒီမှာတော့ မရှိမဖြစ်လူ့အသုံးအဆောင်ပစ္စည်းပါ)။ အပတ်မင့်န် ကောင်းကောင်းလေးတွေမှာ ရေပူရေအေးနဲ့ လေပူလေအေးနဲ့ (ဒါလည်း ရာသီဥတုလိုအပ်ချက်အရ) နေပြီး၊ ပုံမှန်လေး စားလို့သောက်လို့ နေနိုင်နေပါပြီ။ နောက်ပြီး အလုပ်ကအခြေအနေမကောင်းလို့ အနားပေးလိုက်တယ် (Lay off ပေါ့လေ) ဆိုရင်လည်း အလုပ်လက်မဲ့ကြေးလေးလျှောက်ပြီး စားနေလို့ရသေးတယ်။ ဒီလို Lay off စားနေချိန်မှာ အစိုးရက အိမ်လခ၊ မီးလခ(လျှပ်စစ်ခ) ထောက်ပံ့ပေးတဲ့ ရုံးတွေသွားပြီး လျှောက်ကြမယ်ဆိုလည်း တစိတ်တပိုင်းတော့ ရနေကြသေးတယ်။ ပညာအခံရှိသူတွေကျတော့ (လူရည်လေးလည်း လည်မယ်ဆိုရင်) Lay-off စားချိန်ဆို ကျောင်းလေးဘာလေး တက်လိုက်ရင်၊ ပညာသင်ချေးငွေတို့၊ ထောက်ပံ့ကြေးလေးတို့နဲ့ ဖူဖူလုံလုံလေး ရှိကြပါတယ်။ ဒီအချိန်အတွင်းမှာ နောက်ထပ် အလုပ်သစ်ပြန်ရှာရင်း၊ စားလို့နေလို့ ရနေသေး ပါတယ်။ ဆိုလိုတာက - အလုပ်လက်မဲ့ဖြစ်တာချင်းအတူတူ ပူစရာတော့ နည်း သေးတယ်၊ ဆင်းရဲတာချင်းအတူတူ ကိုယ်ပိုင်ကားလေးနဲ့ဆင်းရဲတယ်၊ အနှိမ်ခံရတာချင်းအတူတူ လူလို့တော့အသိအမှတ်ပြု ခံကြရသေးတယ်။ ဘာပဲ ပြောပြော ကိုယ့်မြေမဟုတ်ပေမယ့် ရပ်နေလို့ရသေးတယ်။ ကိုယ့်ရေမဟုတ်ပေမယ့် အဝသောက်လို့ရတယ်။ ကိုယ့်လေမဟုတ်ပေမယ့် အဆုတ်တွေပြည့် သွားအောင် ရှုရှိုက်ခွင့်ရှိတယ်။ ကုန်ကုန်ပြောရရင် လွတ်လပ်တဲ့ကောင်းကင်တခုအောက်ကနေ မနက်ဖြန်တွေကို မစားရဝခမန်း ယုံလို့ ရနေပါသေး တယ်။ ဆုံးရှူံးစရာကျန်သေးတဲ့ ဆုံးရှူံးမှုတွေကို ကြုံနေချိန်တွေမှာ၊ ဆုံးရှူံးစရာ ဘာမှမကျန်တော့အောင် ဆုံးရှူံးနေရသူတွေဘက်ကို ငဲ့ကြည့်လိုက်တော့ - “မုန့်ဝေချိန် အလွမ်းဇာတ်” တွေကိုရော၊ “တုတ်ဝေချိန် ဗိန်းဗောင်းတိုက်သံ”တွေကိုပါ တဝက်တပျက်၊ ဥပက္ခာစိတ်နဲ့ “နားအဝင်ယဉ်တတ်လာပြီ” လို့သာ … ။ ။

read more

သက်ရှိမိုင်း၊ သက်ရှိသမိုင်းနှင့် မိုင်းတပ်သားများအကြောင်း(မျိုးမြင့်ချို)

ကျနော် စစ်မြေပြင်အင်္ဂျင်နီယာတက်တော့ သင်ရတဲ့အထဲမှာ အခြားဘာသာရပ်တွေအပြင် “မိုင်းနှင့်ထောင်ချောက်” “ဖေါက်ခွဲဖျက်ဆီးရေး” “စစ်မြေပြင်ခံစစ်နှင့်အတားအဆီး” ဆိုတဲ့ ဘာသာရပ်တွေလည်း ပါပါတယ်။ မိုင်းတလုံးချင်းစီမှာအသုံးပြုထားတဲ့ ခလုပ်အမျိုးအစားအလိုက် နင်းမိုင်း တိုက်မိုင်း ကြွမိုင်းဆိုပြီးအလွယ်ခေါ်တဲ့လူသတ်မိုင်းတွေ၊ ဖေါက်ဖွဲစက်နဲ့ဖေါက်ခွဲရတဲ့ ရှေ့ထွက်မိုင်းလို မိုင်းမျိုးတွေအပါအဝင်၊ ရေအောက်မှာနဲ့ရေမျက်နှာပြင်နားမှာကပ်ပြီးထောင်တဲ့ ရေမြှုတ်မိုင်း၊ ယဉ်တွေ ကိုထောင်တဲ့ တင့်ဖျက်မိုင်းတွေအကြောင်း၊ ဖြုတ်နည်းတပ်နည်း၊ မိုင်းကွင်းများခင်းကျင်းနည်း၊ ရှင်းနည်း စတာတွေကိုအသေးစိတ်သင်ရပါတယ်။ နောက် ထောင်ချောက်များအကြောင်း ပေါက်ကွဲစေတတ်တဲ့ ပစ္စည်းတွေနဲ့ဆက်စပ်ပြီး ထောင်ချောက်လုပ်နည်းတွေ၊ ဖေါက်ခွဲဖျက်ဆီးရေး (တံတားချိုးတာ၊လမ်းဖျက်တာ) စတာတွေ။ နောက်တော့ စစ်မြေပြင်ခံစစ်စခန်းတွေ တည်ဆောက်ပုံ၊ ခံစစ်တခုချင်းစီရဲ့အရေးပါမှုအလိုက် အတားအဆီးစီစဉ်ပုံတွေသင်ရပါတယ်။

အရပ်အခေါ် “မိုင်းထောင်တယ်” ဆိုတာဟာ မိုင်းတပ်သားတွေပြောတဲ့ “အသက်သွင်းခြင်း” ဖြစ်ပါတယ်။ မက္ကနစ်ဇင်(Mechanism) ဆိုမယ့် ခလုပ်ပိုင်း၊ Spark လို့ပြောတဲ့ မီးပွင့်ခေါင်း၊ အစပျိုးဖေါက်ခွဲပေးမယ့် ဒီတိုနေတာ (Detonator) (ယမ်းအုံကြီးတဲ့မိုင်းတွေမှာ အားမြှင့်ယမ်း (Primer) ဆိုတာထပ်ပိုးရပါသေးတယ်) နဲ့ ယမ်းအုံဆက်စပ်ပြီး၊ နင်းရင်၊ တိုက်ရင် နင်းပြီးပြန်ကြွရင်ပေါက်ကွဲအောင် တပ်ဆင်ပေးရတာဖြစ်ပါ တယ်။ အဲဒါနဲ့ပြောင်းပြန်လုပ်တာကိုတော့ အရပ်အခေါ် ”မိုင်းဖြုတ်တယ်”ဖြစ်ပြီး၊ မိုင်းတပ်သားတွေကတော့ “သက်မဲ့လုပ်ခြင်း”လို့ ပြောပါ တယ်။ အသက်လည်းသွင်းလိုက်တယ် ခလုပ်ကိုလည်းဖြုတ်မိတယ်။ ဒါပေမယ့်မိုင်းကမကွဲဘူး ဆိုရင်တော့ “မိုင်းအ” လို့ခေါ်ပါတယ်။

စာတွေ့နဲ့လက်တွေ့ကိုပေါင်းတဲ့သင်ခန်းစာစတဲ့ ပထမဆုံးနေ့က နည်းပြဆရာအကြပ်ကြီးပေးခဲ့တဲ့ ပထမဆုံးလက်ချာကတော့… “မိုင်းတလုံး ထောင်တာပဲဖြစ်ဖြစ် မိုင်းအလုံးရေသိန်းချီပြီခင်းတာပဲဖြစ်ဖြစ် အဲဒါဟာ မိုင်းကွင်းတခုခင်းကျင်းတာဖြစ်တယ်လို့မှတ်ရမယ်။ မိုင်းကွင်းတခုကို ခင်းပြီဆိုတာနဲ့ မခင်းခင်မှာအရင်ဆုံး မင်းတို့ခံယူထားရမှာက (တစ်)မိမိကိုယ်ကို အန္တရာယ်မဖြစ်ဖို့ (နှစ်)မိမိလူများကို အန္တရာယ်မဖြစ်ဖို့ (သုံး) ရန်သူကိုထိခိုက်စေဖို့ဖြစ်တယ်ဆိုတာပဲ။ စစ်မြေပြင်မှာ မိုင်းတပ်သားဟာ သူ့ကိုယ်သူအန္တရာယ်မဖြစ်မချင်း သူဟာ မိုင်းကွင်းတွေခင်းနေ ရှင်းနေလို့ရသေးတယ်။ သူ့လူတွေကို အန္တရာယ်မဖြစ်မချင်း သူဟာ အပြစ်တင်ခံရတာနဲ့အရေးယူခံရတာကနေလွတ်တယ်။ အဲဒီ ၂ ချက်ကနေ ကင်းနေမှ မိုင်းတပ်သားဟာ ရန်သူကိုထိခိုက်အောင်လုပ်လို့ ရနေမှာဖြစ်တယ်ဆိုတာပဲ” ဖြစ်ပါတယ်။

ကျနော်တပ်ကထွက်ပြီးနောက် တပ်နဲ့ဝေးသွားသလို မိုင်းတွေနဲ့လည်းလှမ်းသွားပါပြီ။ အဲဒီတုန်းက သင်တန်းမှာနည်းပြဆရာအကြပ်ကြီး ပေးခဲ့တဲ့လက်ချာကိုလည်း မှတ်နေစရာမလိုတော့တဲ့ အတူတူဆိုပြီး မေ့သလိုလိုတောင်ထားလိုက်ပါပြီ။ ဒါပေမယ့် တိုက်ဆိုင်တယ်ပဲဆိုမလား မပြောတတ်ပါ။ တရက် မိတ်ဆွေတယောက်နဲ့ အွန်လိုင်းမှာဆုံပါတယ်။ သူက လက်နက်ကိုင်တော်လှန်ရေးကိုယုံကြည်သလို တစုံတရာဖြတ် သန်းမှုလည်းရှိခဲ့သူပါ။ ကျနော်က လက်နက်ကိုင်တော်လှန်ရေးမဟုတ်တဲ့ အခြားနည်း နာတွေကိုယုံကြည်ပြီး ထောင်တွင်းဘဝကိုဖြတ်သန်းလာသူပါ။ မတူတဲ့လမ်းကနေနဲ့တူညီတဲ့ပန်းတိုင်ကို အရောက်သွားကြမယ်လို့ရည်ရွယ်ခဲ့ကြပေမယ့် အခုတော့ သူရောကျနော်ပါ တတိယနိုင်ငံတွေမှာ အခြေချနေပြီး တပိုင်တနိုင်နိုင်ငံရေးဆိုတာလေးနဲ့ ကိုယ့်ကိုယ့်ကိုချွေးသိပ်နေသူတွေဖြစ်နေပါပြီ။ သူနဲ့ကျနော်အွန်လိုင်းမှာ ပြည်တွင်းအခြေအနေနဲ့ဗမာ့နိုင်ငံရေးအခင်းအကျင်း ဆိုတာတွေပြောဖြစ် ပါတယ်။ ပြည်တွင်းနဲ့ပတ်သက်ပြီး ပြည်တွင်းနိုင်ငံရေးလုပ်နေကြသူတွေမှာ အမျိုးအစား ၂ မျိုးရှိတယ်လို့ သူမြင်ကြောင်းပြောပါတယ်။ တမျိုးက “ပေါ်တင်နိုင်ငံရေး”။ နောက်တမျိုးက “ငုတ်လျှိုးနိုင်ငံရေး” လို့ ဆိုပါတယ်။ အစဉ်အဆက်ပြောဆိုသုံးစွဲလာခဲ့ကြတဲ့ “ဥပဒေတွင်းဥပဒေပ” တို့ “မြေပေါ်(အိုဂျီ)၊မြေအောက် (ယူဂျီ)” တို့ဆိုတဲ့ ဝေါဟာရတွေကိုသုံးချင်ဟန် မရှိလို့ဖြစ်မယ်ထင်ပါတယ်။ “ပေါ်တင်နိုင်ငံရေး”မှာ အုပ်စုလိုက်ပြီးရှိကြောင်း ရွေးကောက်ပွဲဝင်လွှတ်တော်တက်မယ့်အစု၊ ရွေးကောက်ပွဲအသိ အမှတ်မပြု ဝင်လည်းမဝင် န.အ.ဖကလည်း ဘယ်လိုထိရမှန်းမသိသေးတဲ့အစု၊ လူမှုရေးမျက်နှာစာနဲ့နိုင်ငံရေး လက္ခဏာဆောင်အစု၊ ကလေး စစ်သားနဲ့အဓမ္မလုပ်အားခေါင်းစဉ်အောက်က သူ့လူကိုယ့်လူ သိပ်မကွဲတဲ့အစုနဲ့တကိုယ်တော်လှုပ်ရှားနေကြသူအစုတွေဖြစ်ပြီး၊ “ငုတ်လျှိုးနိုင်ငံ ရေး” မှာတော့ ဗ.က.သလို ကျောင်းသားအစုတွေ၊ သဏ္ဍန်စုံအမည်စုံနဲ့ စစ်အာဏာရှင်ဆန့်ကျင်ရေး လုပ်နေကြ တဲ့ပျောက်ကြားလူငယ်အစု၊ နည်းပညာအခြေခံအင်တာနက်ကနေ အတွင်းအပြင်ချိတ်ဆက် လှုံ့ဆော်သူများအစုတွေပါကြောင်း အကြမ်းဖျဉ်းဆိုနိုင်တယ်လို့ပြောပါတယ်။ ပြဿနာက အမျိုးအစား ၂ မျိုးစလုံးမှာ လုပ်ရကိုင်ရတာ အကန့်အသတ်အလွန်ကြီးသလို အကျပ်အတည်းလည်း ရှိနေတယ် လို့ဆိုပါတယ်။
(ဖြည့်စာ-- ကျနော်က သူ အမျိုးအစားသတ်မှတ်ပုံနဲ့ အစုအဖွဲ့ခွဲဖြန့်ပြပုံတွေကိုတော့ သူ့အမြင်သာဖြစ်လို့ ဘာမှမငြင်းခုံဖြစ်ပါ။ ဒါပေမယ့် သူ့ အဖြန့်အခွဲအစုတွေထဲက “ကလေးစစ်သားနဲ့ အဓမ္မလုပ်အားခေါင်းစဉ်အောက်က သူ့လူကိုယ့်လူသိပ်မကွဲတဲ့အစု” ဆိုတာနဲ့ပတ်သက် လို့တော့ ပြောဖြစ်ပါတယ်။ ဒီအကြောင်းတော့ နောက်မှရေးမယ်လို့ တွေးထားပါတယ်)
သူက အဲဒီလို အကန့်အသတ်နဲ့အခက်အခဲတွေ ဘယ်လိုဘယ်လောက်ပဲရှိရှိလုပ်ရမယ့်အလုပ်ကိုတော့ လုပ်နေကြရဦးမှာပဲလို့ဆိုပြီး -------“ပေါ်တင်ဖြစ်ဖြစ် ငုတ်လျှိုးဖြစ်ဖြစ်ပေါ့ကွာ ကိုယ်ရွေးချယ်ပြီးသား မူအတိုင်းတော့သွားရမှာပဲ။ အဲဒီလမ်းပေါက်ဖို့ လုပ်ဟန်နဲ့နည်းနာတွေလည်း ရှိနေကြတာပါပဲ။ လုပ်လည်းလုပ်နေကြတာပဲ။ ဒါပေမယ့် အခုတလော ငါတွေးမိနေတာလေးတခုရှိတယ်ကွ။ အဲဒါက လုပ်ဟန်နည်းနာတွေနဲ့လည်းမဆိုင်ပါဘူး။ လုပ်တဲ့နေရာမယ် ဘယ်လိုခံယူမှုထားမလဲဆိုတာပါ။ ဘယ်လိုခံယူမှုမျိုးနဲ့လုပ်မလဲဆိုတာပါ။ မင်းကို အဲဒါပြောမလို့-“ ဆိုပြီး “မင်းစဉ်းစားကြည့်လေ။ လုပ်နေတဲ့သူက သူကိုယ်တိုင်ထောင်ထဲ ရောက်မသွားဖို့အရေးကြီးတယ်။ ထောင်ထဲရောက်သွားရင် ဘာမှ လုပ်မရတော့ဘူး။ ထောင်ထဲကနေဘာမှလုပ်လို့မရဘူး။ ပြည်တွင်းမှာနိုင်ငံရေးကို ထောင်မကျအောင် လုပ်တတ်ဖို့လိုမယ်။ အနိမ့်ဆုံး ထောင်ကျတော့မယ့်အပေါက်တိုးမိရင် ရှောင်တတ်တိမ်းတတ်ဖို့ လိုမယ်။ နောက်တခုက ကိုယ်ကိုယ်တိုင်တော့ ထောင်မကျဘူးကွာ။ ဒါပေမယ့် ကိုယ့်လူတွေ ထောင်ထဲရောက်သွားပြန်တယ်ဆိုလည်း မနိပ်ပြန်ဘူး။ ကိုယ်ကတော့ အပြင်မှာရှိနေပါရဲ့။ ကိုယ့်လူတွေက အတွင်းမှာဆိုပြန်ရင်လည်း ဘာမှလုပ်မရပြန်တော့ဘူးလေကွာ။ သမင်တကောင်မွေးဖို့ မလွယ်ပေမယ့် ကျားစားဖို့ကတော့လွယ်တယ်မဟုတ်လား။ ကိုယ်လည်း အထဲမရောက် ကိုယ့်လူတွေလည်း အပြင်မှာရှိမှ လုပ်စရာရှိတာလုပ်လို့ရမယ်မဟုတ်လားကွ။ ဆိုတော့ကွာ တစ်က ကိုယ်ထောင်ထဲ မရောက်ရေး။ နှစ်က ကိုယ့်လူတွေထောင်ထဲမရောက်ရေး။ သုံးကမှ ကိုယ်လုပ်စရာရှိတာ ဆက်လုပ်နိုင်ရေးပေါ့ကွာ”
ကျနော့် သူနဲ့စကားပြောရင်း မိုင်းနည်းပြအကြပ်ကြီးရဲ့ ပထမဆုံးနေ့က ပထမဆုံးပေးခဲ့တဲ့လက်ချာအပြင် အဲဒီနေ့ကပေးခဲ့တဲ့ ဒုတိယ လက်ချာကို သတိရမိလိုက်ပါတယ်။ သူ့ ဒုတိယလက်ချာက….
“ငါကမင်းတို့ကို မိုင်းကွင်းခင်းကျင်းတဲ့အခါမှာ ခံယူထားရမယ့်သဘောထားတွေကို အရေးပါမှုအလိုက် အမှတ်စဉ်ထိုးပြီး ၁-၂-၃ ဆိုပြီး ပြောသွားတယ်။ တကယ်လည်း ဒါက မိုင်းတပ်သားတယောက်အနေနဲ့ ခံယူထားရမယ့်သဘောတရားပဲ။ ဆိုတော့ လက်တွေ့မှာရှေ့တန်း စစ်မြေ ပြင်တွေရောက်တဲ့အခါမယ် တချို့မိုင်းတပ်သားတွေက အမှတ်စဉ်တစ်နဲ့နှစ်ကိုသောက်တလွဲတွေးပြီး သောက်တလွဲလျှောက်လုပ်ကုန် တာတွေလည်းတကယ့်ကိုရှိတယ်။ မိုင်းခင်းရင်းကိုယ့်ကိုပြန်ထိမှာကြောက်တော့ မိမိအန္တရာယ်မဖြစ်ရေးနဲ့ မိမိလူတွေအန္တရာယ်မဖြစ်ရေးဆိုတာကို ကာဗာလုပ်ပြီး မိုင်းကိုအသက်မသွင်းတော့ ဘူး။ ထောင်တော့ထောင်လိုက်တာပဲ။ မိုင်းအလုံးလိုက်ကြီးကိုမြေကြီးပေါ်မှာ ထောင်ထားလိုက်တာ။ အသက်သွင်းတာမဟုတ်ဘူး။ အသက်မရှိတဲ့မိုင်းဟာ ကျည်ဆံမရှိတဲ့သေနတ်လောက်တောင် အသုံးဝင်တာမဟုတ်ဘူး။ သေနတ်ကမှ ကျည်မရှိပေမယ့်ရိုက်လို့တော့ရသေးတယ်။ ဆိုတော့ အဲသလိုလုပ်တာရဲ့အကျိုးဆက်ကဘာဖြစ်လာသလဲ။ တစ်တချက် မိမိကိုယ်ကိုယ်လည်း အန္တရာယ်တော့ မဖြစ်ဘူး။ နှစ်တချက် မိမိလူတွေကိုလည်းအန္တရာယ်မဖြစ်တော့ဘူး။ သုံးတချက် ရန်သူကိုလည်း ဘာမှမလုပ်နိုင်တော့ဘူး။ ကိုယ့်ခံစစ်စခန်းမှာ အဲသလိုမိုင်းကွင်းမျိုးရှိတာနဲ့မရှိတာဘာမှမထူးဘူး။ အတူတူပဲလို့မင်းတို့ကထင်မယ်။ မတူဘူး၊ ထူးတယ်၊ ဘာမိုင်းကွင်းမှ မရှိတာထက် အဲသလိုမျိုး မိုင်းကွင်းရှိနေတာက အန္တရာယ်ပိုကြီးကြောင်း ငါ့အတွေ့အကြုံနဲ့ယှဉ်ပြီးပြောပြမယ်။ ငါ မိုင်းတပ်သားဘဝနဲ့ ရင်ဆိုင်ကုန်းတခုကိုရောက်တယ်။ ငါ့ရှေ့ကလူက ငါ့ကိုအဲဒီခံစစ်ရဲ့အတားအဆီးတွေနဲ့ မိုင်းကွင်းတွေ ကို မြေပုံတွေနဲ့ပဲလွှဲသွားတာ။ ငါ့မှာရောသူ့မှာရော မြေပြင်ကိုစစ်ဆေးပြီးမှလွှဲပြောင်းလက်ခံလုပ်ဖို့ အချိန်မရလိုက်ခဲ့ဘူး။ တပ်တွေအချိန်းအပြောင်းလုပ်ပြီး နောက်နေ့မနက်လင်းအားကြီးအချိန်မှာ အတွင်းဘက်တတိယခံစစ်စည်းရိုးတိုင်တွေကို လောင်ချာနဲ့လှမ်းပစ်သံကြားတော့မှ ကင်းသမားကလန့်နိုးပြီး အတွဲလိုက်ဆွဲချလိုက်တော့မှ တစခန်းလုံးလန့်ဖြန့်ပြီးနိုးကုန်ကြတာ။ ဒါပေမယ့် နောက်ကျသွားပြီ။ ရန်သူက ဘန်ကာတွေကိုတောင်ဖြိုနေပြီ။ ဘာမှပြန်လုပ်ချိန်မရတော့ဘူး။ အားလုံးခွေးပြေးဝက်ပြေး ပြေးနိုင်လို့လွတ်လာတာ။ နောက်တော့ စခန်းကိုပြန်တိုက်တယ်။ ပြန်ရတယ်။ အဲဒီညကကျတဲ့ ကင်းသမားတွေ အကုန်လုံးအရေးယူခံလိုက်ရတယ်။ ငါ့ကို ဗျူဟာမှူးက မိုင်းတွေ ဘာကြောင့်မကွဲတာလဲ။ ရန်သူကစနစ်တကျဖြုတ်သွားနိုင်ခဲ့လို့သာ စခန်းရဲ့နောက်ဆုံးခံစစ်ခြေကို ကပ်လာနိုင်တာ ဟုတ်မဟုတ်ခေါ်မေးပြီး မိုင်းကွင်းတွေကို ပြန်စစ်ခိုင်းတယ်။ ငါ ပြန်စစ်တော့မှ ဘယ်မိုင်းမှအသက် သွင်းထားတာမရှိတာတွေ့တယ်။ တွေ့တဲ့အတိုင်း အစီရင်ခံလိုက်တယ်။ လွှဲပြောင်း လက်ခံလုပ်စဉ်က မြေပြင်ကိုစစ်ဆေးပြီးမှ လုပ်ခဲ့တာမဟုတ်တဲ့အတွက် ငါလည်းအရေးယူခံရတယ်။ အသက်ရှိနေတဲ့မိုင်းတလုံးဟာ သက်ရှိကင်းသမားတယောက်ထက်စိတ်ချရတယ်။ လူကမှ ပင်ပန်းရင် ကင်းငိုက်တတ်တယ်။ မိုင်းက ဘယ်တော့မှမငိုက်ဘူး။ သေနတ်တလက်ကျည်ထွက်ဖို့ဆိုတာ ပစ်သူလိုတယ်။ အသက်ရှိနေတဲ့မိုင်းက ကွဲဖို့လူမလိုဘူး။ သက်မဲ့မိုင်းဟာ ဘာမှအသုံးမဝင်ဘူး။ ခံစစ်တွေမှာ မိုင်းဟာ လူထက်စိတ်ချရတဲ့ကင်းသမားပဲ။ မိုင်းကိုစိတ်ချပြီး ကင်းသမားဟာ ကင်း ငိုက်တတ်တယ်။ ဒါကြောင့် ကင်းစစ်ဆိုတာထားရတာပဲ။ ငါက ကင်းသမားကင်းငိုက်တာကို အပြစ်မရှိဘူးလို့ပြောတာမဟုတ်ဘူး။ ကင်းသမားလည်းလူပဲ။ မိုင်းက ကင်းစစ်မလိုဘူး။ ဆိုတော့ မိုင်းကိုစိတ်ချပြီး ကင်းသမားကငိုက်တယ်။ ငိုက်တော့ မိုင်းကသက်မဲ့မိုင်းဖြစ်နေတာ။ မိုင်းအဖြစ်သွားတာမဟုတ်ဘူး။ ဆိုတော့ ရန်သူက အတွင်းစည်းထဲအထိ လုံလုံခြုံခြုံရောက်လာတယ်။ သိလိုက်တဲ့အချိန်မှာ နောက်ကျကုန်ပြီ။ ဘာမှမတတ်နိုင်တော့ဘူး။ ဘာမိုင်းကွင်းမှမရှိထားဘူးဆိုတာကို ကင်းသမားကကြိုသိထားရင် ဘယ်လိုလုပ်ငိုက်ရဲမှာလဲ။ မင်းတို့စဉ်းစားကြည့်။ ကင်းသမားဆိုတာ ရန်သူဝင်တိုက်ရင် အရင်ဆုံးသေရမယ့် သူ။ သူကင်းငိုက်ရင် သူဟာအရင်ဆုံးသေလူပဲ။ သူမသေရေးအတွက်တော့ သူစဉ်းစားမှာပဲ။ အေး..အဲဒါပဲ။ မိမိကိုယ်ကိုအန္တရာယ်မဖြစ်ရေး မိမိလူတွေအန္တရာယ်မဖြစ်ရေးဆိုတဲ့ကာဗာနဲ့ မိုင်းကွင်းကိုအသက်မသွင်းရဲရင် အစကတည်းက မိုင်းတပ်သားမလုပ်တာအကောင်းဆုံးပဲ။ အဲသလိုမိုင်းကွင်းမျိုးနဲ့ အဲသလို မိုင်းတပ်သားတွေရှိနေတာထက် မရှိတာကမှ ပိုကောင်းသေးတယ်” ဆိုတာပါပဲ။
ကျနော်စိတ်က အကျဉ်းထောင်အသီးမှာရှိနေတဲ့၊ ၂ ထောင်ကျော်မိုင်းတပ်သားတွေဆီရောက်သွားတယ်။ ရန်သူကိုထိရေးအတွက် မိုင်းတွေ အသက်သွင်းရင်း မိုင်းထိမှာမကြောက်ကြသူတွေ။ ကိုယ့်လူကိုကာကွယ်ရင်း ခြေချော်လက်ချော်မှာ အထိအရှတွေရှိတာမှန်ပေမယ် ရန်သူကို အတွင်းစည်းထဲအထိ အရောက်မခံခဲ့ကြသူတွေ။ သက်ရှိမိုင်းတွေနဲ့ကင်းသမားကို နိုးကြားစေခဲ့ကြသူတွေ။ တစခန်းလုံးကို မိုင်းကွင်းရဲ့ နောက်မှာလုံခြုံစေခဲ့သူတွေ။ ကိုယ့်အသက်နဲ့ရင်းပြီး မိုင်းခင်းနေကြသူတွေ။ သက်ရှိမိုင်းတွေရဲ့ သက်ရှိသမိုင်းတွေ။ အစကတည်းက မိုင်းတပ်သားလုပ်ဖို့ စာရင်းပေးသွင်း သူတွေဖြစ်ကြောင်းတော့ မိတ်ဆွေကိုပြောပြဖြစ်လိုက်ပါတယ်။ မျိုးမြင့်ချို

read more

သာမန်အချိန်မှာသာမန်ပြည်သူဖြစ်ချင်သူ(မျိုးမြင့်ချို)

အခုတလောလူပြောအများဆုံးဖြစ်မည်ထင်သည့် ပြည်တွင်းသတင်းမှာ ပြည်သူ့စစ်မှုထမ်းဥပဒေ အကြောင်းဖြစ်ဖို့များမည်။ ကမ္ဘာကြီး ရွာဖြစ်သွားပြီ၊ ကမ္ဘာကြီး ပြားသွားပြီ၊ ကမ္ဘာမှုပြုခြင်းဖြစ်နေပြီ စသည်ဖြင့် ပြောဆိုသံများထောင်းလမောင်းထမည်မျှပင်ထထ၊ အချုပ်အခြာအာဏာဆိုသည်နှင့် ပတ်သက်လျှင်ကား ထိုအကောက်အယူများမှန်ကန်ကြောင်း ထောက်ပြနိုင်စရာ “အရွေ့” များများ စားစားမယ်မယ်ရရ ဘာတခုမရှိသေးသည်မှာ သေချာဆဲပင်ဖြစ်သည်။ အင်တာနက်နှင့်ခေတ်သစ် နည်းပညာများက နိုင်ငံတို့၏နယ်နမိတ်တို့ကိုဖြုတ်ချလိုက်ပြီဟု ဘယ်သို့ပင်ဆိုဆို သက်ဆိုင်ရာအစိုးရတို့က သူတို့မကြည့်စေ မမြင်စေချင်သည့် အင်တာနက်ဝက်ဘ်ဆိုက်များကို ကန့်ထား ပိတ်ထား ဆို့ထားနေ သည်မှာလည်း အထင်အရှားပင်ဖြစ်သည်။ နိုင်ငံတို့၏ နယ်နမိတ်များ၊ စည်းများ ဖျက်ချလို့ မရနိုင်သေး။ နိုင်ငံအချို့ဆိုလျှင် ခြံစည်းရိုးပင်ခတ်လိုက်သေး၏။ ဘာတတ်နိုင်သနည်း။ ဘာမှမတတ်နိုင်။ သူ့အခြေအနေ သူ့အကျိုးအကြောင်း အဆက်အစပ်တို့ အထင်အရှားရှိနေသည်မှာလည်း မျက်မြင်ပင်ဖြစ် သည်။ နိုင်ငံတို့၏ “အချူပ်အခြာအာဏာနှင့်နယ်နမိတ်စည်းများ” ရှိနေဆဲပင်ဖြစ်သည်။ ဖျက်လို့မရနိုင်သေး၊ ဖျက်လို့မဖြစ်နိုင်သေး။

နိုင်ငံသားတိုင်းစစ်မှုထမ်းရမည်ဆိုခြင်း ဥပဒေအကြောင်းပြောလျှင် နိုင်ငံတကာနှုန်းစံတန်ဖိုးတွေနှင့် ချိန်ကြည့်ကြရမည်ထင်သည်။ နိုင်ငံတကာစံဆိုသည့် အထိုင်ပေါ်မှပြောမှလည်း ခြုံမိမည်ထင်၏။ ကမ္ဘာ့နိုင်ငံတော်တော်များများတွင် နိုင်ငံသားတိုင်းစစ်မှုထမ်းရန်လိုသည် ဆိုသည့်ဥပဒေများရှိတတ်ကြသည်။ ဥပဒေဆိုသည့်အတိုင်း ခြွင်းချက်များလည်းရှိ၏။ မထူးဆန်း။ ထိုသို့ဆိုက ဒါဆိုလျှင် ဒီကိစ္စဟာ “စကားလုပ်ပြောနေစရာအကြောင်းမရှိဘူးလား” ဟု တွေးစရာရှိပါမည်။ စကားလုပ်စရာ ရှိပါသည်။  နိုင်ငံတကာစံများအကြောင်းထက် ဗမာပြည်၏လက်ရှိထုတ်ပြန်လိုက်သည့် စစ်မှုထမ်း ဥပဒေအကြောင်း၊ ထိုဥပဒေလိုအပ်/မလိုအပ်။ ဘာကြောင့် ထိုဥဒေထုတ်ပြန်ရ အကျိုးဆက်ဘာတွေဖြစ် စသည်တို့ကား မပြောမဖြစ်ပြောရမည့်ကိစ္စဖြစ်သည်ဟု ယူဆမိသည်။

နိုင်ငံသားတိုင်းစစ်မှုထမ်းရန်လိုအပ်သည် ဆိုသည့်ဥပဒေကို ယင်းတို့၏ဖွဲ့စည်းအုပ်ချုပ်ပုံအခြေခံ ဥဒေများတွင် ပြဋ္ဌာန်းထားသောသက်ဆိုင်ရာနိုင်ငံတို့သည် ယင်းနိုင်ငံသားတို့အား အမြဲတမ်းအချိန်ပြည့် စစ်သည်တော်များအဖြစ် ကာလအကန့်အသတ်ဖြင့် ပုံမှန်တပ်မတော်များတွင် အမှုထမ်းခိုင်းခြင်းမှာ အလွန်နည်းပါး ပါသည်။ “ကမ္ဘာနှင့်ချီ၍ စစ်ရိပ်စစ်ငွေ့များသန်းလာချိန်၊ တနိုင်ငံကတနိုင်ငံကို ကျူးကျော်စစ်ပြုရန် စစ်ပြင်ချိန်၊ တနိုင်ငံငံ၏ ကျူးကျော်စစ်အားတွန်းလှန်ရန် ခုခံစစ်ပြင်ချိန်” စသည့် အချိန်များတွင်ကား အစိုးရတို့သည် ဖွဲ့စည်းပုံအခြေခံဥပဒေပါပြဋ္ဌာန်းချက်ဆိုသည့် ဝှက်ဖဲအားထုတ်သုံး ကြရတော့သည်။ သာမန်အချိန်တွင် သာမန်ပြည်သူတို့ သတိပင်မထားမိသည့်အချက်ဖြစ်၏။

ကမ္ဘာပေါ်တွင်အကန့်အသတ်နှင့်ဖြစ်နေသည့် စစ်ပူရာဒေသများရှိနေသည် မှန်သော်လည်း တကမ္ဘာ လုံးနှင့်ချီ၍ စစ်ဖြစ်မည့်အလားအလာများ လက်တွေ့တွင် မရှိသေးပါ။ ဗမာပြည်သည် ကမ္ဘာ့အစိတ် အပိုင်းဖြစ်ပါသည်။ ကမ္ဘာနှင့်ချီ၍ စစ်ပူနေခြင်းမရှိသေးသလို စစ်ရိပ်စစ်ငွေ့များလည်းမတွေ့ရသေးပါ။ ကမ္ဘာစစ်ကြီး ဆိုသည့်လှန့်လုံးဖြင့် ထိုဥပဒေပြဋ္ဌာန်းရမည့်အချိန်မဟုတ်ပါ။ မရောက်သေးပါ။ မလိုပါ။

ဗမာပြည်၏ပကတိအခြေအနေအရ တိုင်းတပါးကိုကျူးကျော်စစ်ဆင်နွှဲရန် အကြောင်းတရားအရရော လက်တွေအနေအထားအရရော ဘာမှပြစရာမရှိပါ။ လက်ဆုပ်လက်ကိုင်လည်း ပြမရပါ။ စစ်အင်အား၊ နည်းပညာ၊ စစ်ရေးလေ့ကျင့်မှုတို့တွင်လည်း တိုင်းတပါးအားကျူးကျော်ချင်ဦးတော့ အဖက်ဖက်မှာ နိမ့်နေသေးသည်။ အရည်အသွေးပြည့်ဝသည့်ခေတ်မီတပ်မတော် မဖြစ်သေး။ ခေတ်မီတပ်မတော်များနှင့်မယှဉ်နိုင်သေး။ ထို့အတွက် တိုင်းတပါးအား ကျူးကျော်ရန်ဟူ၍ စစ်သားသစ်စုဆောင်းစရာ၊ ထိုဥပဒေပြဋ္ဌာန်းစရာအကြောင်းမမြင်ပါ။ မရှိပါ။မလိုပါ။

ပတ်လည်နိုင်ငံများကဖြစ်ဖြစ် အဝေးတိုင်းပြည်များကဖြစ်ဖြစ် ဗမာပြည်အားကျူးကျော်စစ် ဆင်နွှဲရန် စစ်ပြင်နေသည့် လက္ခဏာဘာတခုမှမရှိ။ ထိုနိုင်ငံများမှ ငွေကြေး၊ နည်းပညာ၊ အရင်းအနှီး၊ နိုင်ငံခြား တိုက်ရိုက်ရင်းနှီးမြုတ်နှံမှုများသာ ဒလဟောဝင်လာနေသည်။ စစ်ဝင်လာခြင်းမရှိ။ ထို့အတွက် ခုခံစစ်အတွက်၊ “အမျိုးသားရေးတို့၊ အချူပ်အခြာအာဏာကိုကာကွယ်ရန်တို့” ဆိုပြီးစစ်သားသစ် သိမ်းသွင်းယူစရာမလိုအပ်။ တပ်တိုးချဲ့ရန်မလိုအပ်။ နောက်တခုကလည်း သန်း ၅ဝ သောပြည်သူအတွက် စစ်တပ်အင်အား ယခုထက်ပိုရှိနေလည်း “အမျိုးသားသွေးစည်းညီညွတ်မှု” မရှိလျှင် ဘာမှလုပ်မရ။ ဘယ်တော့မှတွန်းလှန်မရ။ အမျိုးသားသွေးစည်းညီညွတ်မှုအတွက် အကောင်းဆုံးပြယုဂ်မှာ ဗမာ့မျိုးချစ်တပ်မတော်၏ အစပင်ဖြစ်သည်။ ဘီအိုင်အေကို ဗိုလ်တေဇဦးဆောင်ပြီးဝင်လာချိန်က ဗမာပြည်တွင် “အမျိုးသားအမြဲတမ်းမတော်” မရှိ။ ကိုယ့်ထမင်းကိုယ်စား ကိုယ့်လက်နက်ကိုယ်ရှာပြီး စစ်သားဖြစ်လာသူတွေသာများ၏။ အမျိုးသားသွေးစည်းညီညွတ်မှုဖြင့်သာ လွတ်လပ်ရေးရယူနိုင်ခဲ့ခြင်းဖြစ်သည်။

အမြင်တချို့က ယခုလုပ်ဆောင်ချက်အား န.အ.ဖ လက်ထက်တွင် တပ်အင်အားတွေတိုးချဲ့လာသည်။ တပ်တွေမှာ နံပတ်တွေသာတိုးလာသော်လည်း ဖွဲ့စည်းပုံမပြည့်၊ တပ်သားအင်အားနှင့်အရာရှိ အချိုးအစားကမညီ ထို့ကြောင့် တပ်ဖွဲ့စည်းပုံဖြည့်ရန်နှင့် အချိုးမညီသည်ကိုညီအောင်လုပ်ခြင်းဖြစ်သည်၊ “ဖွဲ့စည်းပုံပြည့်ရေးနှင့်အချိုးညီရေး” လောက်သာ လုပ်ခြင်းဖြစ်သည်၊ ထို့ထက်မပို ဟုဆိုသည်။ သည့်ထက်ပိုမတွေးချင်တာလား မတွေးမိတာလားမပြောတတ်။ ထိုမျှနှင့် အတွေးရပ်သွားသည်မှာလည်း မသင့်ဟုထင်သည်။

နောက်အမြင်တခုက မငြိမ်းသေးသည့်ပြည်တွင်းစစ်ကို စစ်ဖြင့်အပြီးငြှိမ်းရန်(တနည်းပြောရလျှင် အပြုတ်တိုက်ရန်) တပ်အင်အားတိုးချဲ့ခြင်းဖြစ်သည်။ ကြီးထွားလာမည့်တပ်အင်အားကြီးဖြင့် “ပြည်တွင်း စစ်ကိုအပြုတ်တိုက်ပြီး န.အ.ဖ က ပြည်တွင်းငြိမ်းချမ်းရေးကို တည်ဆောက်ပြရန်” ရည်ရွယ်ခြင်းဖြစ်သည် ဟု ဆိုသည်။ စစ်ပွဲကို သို့မဟုတ် စစ်ပွဲတပွဲကို စစ်ဖြင့်အနိုင်တိုက်၍ရပါသည်။ စစ်ပွဲနိုင်ရုံမျှဖြင့် ငြိမ်းချမ်းရေး ကိစ္စပြီးမြောက်သွားသည်ဟု အဓိပ္ပါယ်မထွက်ပါ။ စစ်ပွဲနောက်တွင် ငြိမ်းချမ်းရေးလုပ်ငန်းစဉ်များ တသီကြီး ရှိနေပါသည်။ စစ်မတိုင်မီ (သို့မဟုတ်) စစ်အတွင်း (သို့မဟုတ်) စစ်အပြီးတွင် စားပွဲဝိုင်းဆွေးနွေးမှုများဖြင့် မျှမျှတတအပေးအယူများ ရှိရပါမည်။ ထိုသို့မဟုတ်မူကား စစ်ပွဲနောက်စစ်ပွဲလိုက် နေပါလိမ့်မည်။

နောက်အမြင်တခုက “နိုင်ငံသားတိုင်းစစ်ပညာတတ်မြောက်ထားဖို့” လိုသည်။ တတ်ထားလျှင်ကောင်းသည်။ စစ်ဖြစ်လျှင် “ရော့သေနတ်” ဆိုပြီးပေးလိုက်ရုံ ဖြင့်ပွဲပြီးသည် ဟုဆိုသည်။ စစ်ပညာတတ်မြောက်ထားလျှင်၊ သင်ယူထားနိုင်လျှင်၊ သင်ပေးထားနိုင်လျှင်ကောင်းပါသည်။ သို့သော် “စစ်ပညာတတ်မြောက်ထားရန် လိုခြင်း”နှင့်“မဖြစ်မနေစစ်မှုထမ်းခိုင်းခြင်း”တွင် ကွာခြားချက်တွေအများကြီးရှိသည်။ မတူ။ ယခုကိစ္စက စစ်ပညာသင်ပေးခြင်း၊ သင်ယူခြင်းမဟုတ်။ မဖြစ်မနေစစ်မှုထမ်းခိုင်းခြင်းဖြစ်သည်။ ကွဲကွဲပြားပြား ရှိရန်၊ မြင်ရန်လိုမည်ထင်သည်။

သို့ဆိုလျှင် ဘာကြောင့် ဒီအချိန်မှာ ဒီဥဒေကိုတိုးတိုးတိတ်တိတ် ထုတ်ပြန်ရသနည်း။ စဉ်းစားစရာ ရှိလာပြီဖြစ်သည်။ န.အ.ဖ အနေဖြင့် နိုင်ငံသားတိုင်းကို သေနတ်ကိုင်ထားသည့် (သို့မဟုတ်) ပစ်တတ် ခတ်တတ်သည့်သူများ(တနည်း စစ်သားများ) အဖြစ်မခံနိုင်ပါ။ စစ်သားဆိုသည်မှာ အမိန့်နာခံခြင်းဆိုသည်နှင့် အသေတုတ်ထားခံရသည့် လူသားများဖြစ်သည်။ လူချင်းလည်းအတူတူ၊ သူရောကိုယ်ပါသေနတ်တလက်စီ ကိုင်ထားတာလည်းအတူတူ၊ အဘယ်ကြောင့် အခြားသူတယောက်၏စကားကို အခြားသူတယောက်က အသက်ပေး၍လိုက်နာနေကြရသနည်း။ ထို အရာသည် “အမိန့်နာခံခြင်း” ပင်ဖြစ်သည်။ မိမိဆန္ဒအလျှောက် စစ်သားဖြစ်လာသူနှင့် မထမ်းမနေရအမိန့်ကြောင့် စစ်သားဖြစ်ရသူမှာ အလွန်ခြားနားပါသည်။ ဆန္ဒအလျှောက်စစ်သားလုပ်သူမှာ စစ်သားမဖြစ်မီကပင် စစ်သားဖြစ်လျှင်ဘယ်လိုနေရ ကျင့်ကြံရမည်ကို ကြိုတွေပြီးသား ဖြစ်နေတတ်သည်။ တနည်းပြောရလျှင် အပိုးကျိုးပြီးသား။ အမိန့်နာခံလိုစိတ်မွေးပြီးသား များဖြစ်နေသည်။ မထမ်းမနေရကြောင့် စစ်သားဖြစ်ရသူမှာကား ထိုသို့မဟုတ်။ ကိုယ့်ကိုယ်ကိုအပိုးချိုးမထား၊ အမိန့်နာခံရန်အဆင်သင့်မဖြစ်။ အမိန့်နာခံလို စိတ်လည်းမရှိတတ်။

သို့အတွက် စစ်သားခြင်းအတူတူမှန်သော်လည်း ကိုင်တွယ်ရပုံမှာခြားနားလာသည်။ ခွဲခြားကိုင်တွယ်ရသည်။ တတန်းတည်းထားလို့မရ။ မဖြစ်။ သည်တော့ မထမ်းမနေရစစ်သားကို အမိန့်ဆိုသည့် ကြိုးဖြင့် နေရာတကာမှာချုပ်လို့မရ။ အလျှော့အတင်းရှိရသည်။ ထားရသည်။ ကိုင်ရတွယ်ရ ခက်လာသည်။ သေစမ်း သတ်စမ်းဟူ၍ အမိန့်ဖြင့်ထိန်းချုပ်ခိုင်းစေရသည့်နယ်ပယ်တွင် “အမိန့်နာခံရေး/မနာခံရေး”ဆိုသည်ထက် ကြီးသောပြဿနာဆိုသည်မှာမရှိ။ သည်တော့ တပ်တွင်းမှာ ပြဿနာတွေတက်လာသည်။ လျော့တိလျောရဲတွေဖြစ်လာသည်။ အာဏာဖီဆန်တာတွေ အမိန့်မနာခံတာတွေဖြစ်လာသည်။ သည်မှာတင် အမိန့်ဆိုသည်ကြိုးသည် ကောင်းကောင်းမမြဲနိုင်တော့။ စစ်တပ်သည် စစ်တပ်နှင့်မတူတော့။ န.အ.ဖသည် သူစိတ်တိုင်းကျထူထောင်သည့်တပ်အား ထို အဖြစ်မျိုးအရောက်မခံနိုင်။ အရောက်ခံလို့မရ။ “စစ်တပ်ဖြင့်ထူထောင်ထားသည့်အာဏာ” သည် စစ်မိန့်အတိုင်းမသွားတော့လျှင် အာဏာလက်ဆုပ်ပြေမည်။ န.အ.ဖက အာဏာလက်ဆုပ်ဖြေချင်သူမဟုတ်။

န.အ.ဖ ပြချင်သည်က ၂ ခု ဖြစ်မည်။ သူ့စိတ်တိုင်းကျရွေးကောက်ပွဲလည်းပြီးပြီ။ သူလိုချင်တာလည်း ရပြီ။ ရွေးကောက်ပွဲဝင်သူတိုင်းကလည်း ၂ဝဝ၈ ဖွဲ့စည်းပုံကိုသစ္စာထားပါမည်ဟု အတိအလင်းပြောပြီးပြီ။ စစ်တပ်ကတိုက်ရိုက်လာမည့် စစ်ဗိုလ်ကိုယ်စားလှယ်တွေလည်း လွှတ်တော်ထဲဝင်ရန်အသင့်ဖြစ်ပြီ။ အကုန်အစင်ပြီးပြီလားဆိုတော့မပြီးသေး “ငါတို့နောက်ကိုဒီအတိုင်းလုပ်သွားတော့မယ်” ဆိုသည်ကို ချပြထားရဦးမည်။ ဤတွင် ယခုဥပဒေရေးပြီး တိုးတိုးတိတ်တိတ်ချပြထားရသည်။ “မင်းတို့ လွှတ်တော်ထဲကကောင်တွေက၊ ငါတို့ရေးပေးလိုက်တာကို ဥပဒေဖြစ်လာအောင်လုပ်၊ အတည်ပြုပြဋ္ဌာန်းပေး၊ မင်းတို့ချင်း နည်းနည်းပါးပါးငြင်းစရာ ခုန်စရာဖြစ်မှာလေးတွေ မသိမသာလေးထည့်ပေးထားမယ်။ အဲဒါလေးတွေကို ငြင်းကြခုန်ကြပေါ့၊ ပြီးရင်ဖြုတ်လိုက်ကွာ၊ လူကြားလည်းကောင်း အမြင်လည်းတင့်တယ် တာပေါ့၊ နောက်နောင်လည်း ဒီအတိုင်းသွားကြတာပေါ့” ဆိုသည်ကို လုပ်ပြခြင်းဖြစ်သည်။ ဒါက “အနာဂတ် မြန်မာနိုင်ငံတော်တွင် တပ်မတော်၏အမျိုးသားရေးဦးဆောင်မှုကဏ္ဍ” ဆိုသည်မှာ ဒီအတိုင်းပင်ဖြစ်ကိုဖြစ်ရမည်ဆိုသည်ကို နိုင်ငံရေးလက်ဦးမှုယူပြီး အစီအစဉ်ရှိရှိ၊ ရည်ရွယ်ချက် ရှိရှိ၊ ခြေလှမ်းရှိရှိ လုပ်ပြခြင်းဖြစ်သည်။

နောက်တကြောင်းက န.အ.ဖ အနေဖြင့် မြောက်ကိုးရီးယားလို “စစ်တပ်ပထမတိုင်းပြည်” တည်ဆောက် မည်ဆိုလျှင် စစ်သားများအားတိုင်းပြည်၏ ကုန်ထုတ်စွမ်းအားစုထဲတွင်ပါဝင်စေရမည်။ တပြိုင်နက်တည်းတွင် စစ်သားသည် စစ်သားလည်းဖြစ် အလုပ်သမားလည်းဖြစ်နေရမည်။ ထိုသို့ဆိုလျှင် တိုင်းပြည်သည် စစ်ဝန် ကိုအထမ်းရသက်သာ၏။ စစ်အင်အားကြီးထွားခြင်းဆိုသည်မှာ စစ်သည်များကိုမှီခိုနေရသည့် မိသားစုဝင် များပါကြီးထွားလာခြင်းဖြစ်သည်။ စစ်သားများ နှင့်ယင်းတို့၏မိသားစုများသည် ကုန်ထုတ်စွမ်းအားစုတွင် မပါပါက တိုင်းပြည်အတွက် “ဝန်ထုံ့ဝန်ပို” ဖြစ်သည်။ ရေရှည်မှာမထမ်းနိုင်။ ဝန်ပိပြီးပြိုမည်။ ထိုသို့လည်း အပြိုမခံနိုင်၊ သူတပ်သားတွေကိုလည်း အလုပ်သမားအဖြစ်မခံနိုင်သည့် န.အ.ဖ အနေဖြင့် အခြားတလမ်းကို စဉ်းစားလာရသည်။ ဤလမ်းမှာ တိုင်းသူပြည်သားတိုင်း စစ်သားဖြစ်ရေးမဟုတ်။ စစ်သားများနှယ် စစ်မိန့်မှန်သမျှ နာခံရမည့်၊ နာခံရသည့်၊ နာခံတတ်သည့်အရပ်သားများ မွေးမြူရေး ဖြစ်လာသည်။ “စစ်မိန့်နာခံသည့်ပြည်သူများတိုင်းပြည်” ကိုထူထောင်လိုခြင်းဖြစ်သည်။

ဤအကြောင်း ၂ ရပ်အတွက် ဤဥဒေကို ဤအချိန်အတွင်း လက်သိပ်ထိုးပြဋ္ဌာန်းလိုက်ခြင်းဖြစ်မည်ဟုထင်၏။
မျိုးမြင့်ချို (၁၊ ၂၃၊ ၂၀၁၁)

read more

အိုးဝေမှအိုးဝေ (မျိုးမြင့်ချို)

အိုးဝေ မှ အိုးဝေ (မျိုးမြင့်ချို)
မလေးရှားရောက် မိတ်ဆွေတဦးက “အိုးဝေ” အမည်ဖြင့် ဂျာနယ်လ်တစောင်ထုတ်နေကြောင်း၊ သူ့ဂျာနယ်အတွက် ကျနော့်စာမူ လိုချင် ကြောင်းပြောလာ၏။ ရေးပေးမည်ဟုပြောလိုက်မိသည်။ ပြောပြီးခါမှ ဘာအကြောင်းရေးရင်ကောင်းမလဲဟုတွေးမိ၏။ ထိုအခါ “အိုးဝေ” “အိုးဝေ” ဆိုသည့်အသံက အသိအာရုံတွင်ပဲ့တင်ထပ်လာ၏။
“အိုးဝေ”..သည် “အိုးဝေ”မျိုးဆက်သာဖြစ်ရပေမည်။
ဗမာ့လွတ်လပ်ရေးအကြောင်းပြောလျှင် ကျောင်းသားခေါင်းဆောင် ကိုအောင်ဆန်း၏ပုံရိပ်သည် လွတ်လပ်ရေးနှင့်တထပ်တည်းကျ၏။ ကိုအောင်ဆန်းအကြောင်းပြောလျှင် “အိုးဝေမဂ္ဂဇင်း”ပါလာမည်။ “အိုးဝေမဂ္ဂဇင်း” အကြောင်းပြောလျှင် ဦးညိုမြပါလာမည်။ ဦးညိုမြအကြောင်း ပြောလျှင် The hell hound at large “ငရဲခွေးကြီးလွတ်နေပြီ” ပါလာမည်။ ငရဲခွေးကြီးလွတ်နေသည်အကြောင်းပြောလျှင် ခေါင်းစုတ်ဖွား အဝတ်အစားဘိုသီဘတ်သီ ခုံဖိနပ်သံတဂွပ်ဂွပ် မျက်နှာမှုံတေတေနှင့်အယ်ဒီတာ့စားပွဲက ကိုအောင်ဆန်း၊ ဒုတိယကျောင်းသားသပိတ်ကြီးနှင့် ကျောင်းသားခေါင်းဆောင်များ၏ ပုံရိပ်များအစီအရီကျလာ၏။ ထိုပုံရိပ်များအကြောင်းပြောလျှင် နယ်ချဲ့ဆန့်ကျင်ရေး၊ ဖက်ဆစ်တော်လှန်ရေး၊ အမျိုးသားလွတ်မြောက်ရေး ကြိုးပမ်းမှုအဆက်ဆက်နှင့် ဗမာ့လွတ်လပ်ရေးတိုက်ပွဲများပါလာ၏။ ထိုအရာများက သမိုင်းခေတ်၏ ဖျောက်မရ မေ့မရသည့်ကွင်းဆက်များ။
ဗမာ့လွတ်လပ်ရေးတိုက်ပွဲခေါ်သံနှင့်အလံကိုင်များ၏မီးရှူးသန့်စင်ရာ တက္ကသိုလ်ကျောင်းသားများသမဂ္ဂ “သမဂ္ဂမဂ္ဂဇင်းအိုးဝေ”။ “အိုးဝေ” အယ်ဒီတာကိုအောင်ဆန်း။
“အိုးဝေအယ်ဒီတာ”၏စာပေခရီးအစသည်(ရေနံချောင်းအမျိုးသားကျောင်းသားဘဝကစခဲ့သည်ဟုဆိုရမည်။ ရေနံချောင်းအမျိုးသားကျောင်း၌ ကျောင်းစာစောင်တစောင်ထုတ်ဝေရာ ကျောင်းသားမောင်အောင်ဆန်းသည် အယ်ဒီတာအဖြစ်တာဝန်ယူခဲ့ရသည်။ ပထမ ဦးစွာဖော်ပြခြင်း ခံရသည့် ဗိုလ်ချုပ်အောင်ဆန်း၏ဆောင်းပါးမှာမူ ဘာသာပြန်ဆောင်းပါးဖြစ်သည်။ ၁၉၃၃ ခုနှစ် နိုဝင်ဘာလထုတ် “ဂန္ထလောကမဂ္ဂဇင်း” တွင်ပါ ရှိခဲ့ခြင်းဖြစ်သည်။ “ပဲခူးကဝေ” ကလောင်အမည်နှင့်ရေးခဲ့ခြင်းဖြစ်သည်။ ထိုစဉ်က တက္ကသိုလ်ကျောင်သား ကိုအောင်ဆန်းသည် ပဲခူးဆောင် တွင်နေသည့်အတွက် “ပဲခူးကဝေ”ဟူ၍ ကလောင်အမည်ယူခဲ့ခြင်းလား…မပြောတတ်။ ဗိုလ်ချုပ်အောင်ဆန်း၏စာပေခရီးတွင် “အယ်ဒီတာ” အဖြစ်က ပိုမို၍ကျော်ကြားထင်ရှားခဲ့သည်ဟုဆိုရမည်။ ၁၉၃၆ တွင် “အိုးဝေမဂ္ဂဇင်း” ၌ တက္ကသိုလ်ကျောင်းသား ကိုအောင်ဆန်းသည် အယ်ဒီတာ့တာဝန်ယူရ၏။ ကိုအောင်ဆန်း အယ်ဒီတာအဖြစ်တာဝန်ယူထုတ်ဝေသည့် “အိုးဝေ”မဂ္ဂဇင်းတွင် “ယမမင်း” အမည်ဖြင့် “ဆရာညိုမြ” ၏ “ငရဲခွေးကြီးလွတ်နေပြီ” (The Hell Hound At Large) အမည်ရှိဆောင်းပါးတပုဒ်ပါလာ၏။ တက္ကသိုလ်အာဏာပိုင်များက ဆောင်းပါးရှင်ကိုအရေးယူရန် ဆောင်းပါးရှင်၏အမည်ရင်းကို အယ်ဒီတာကိုအောင်ဆန်းထံမေး၏။ အယ်ဒီတာ့ကျင့်ဝတ်အရ ဆောင်းပါးရှင် အမည်ထုတ်ဖော်၍ မပြောနိုင်ကြောင်း ကိုအောင်ဆန်းကငြင်းပယ်လိုက်၏။ ကျောင်းအာဏာပိုင် မျက်နှာဖြူကြီးများကမကျေနပ်ကြ။ ဤတွင် အယ်ဒီတာကိုအောင်ဆန်းကို အရေးယူရန်လုံ့လပြုလာကြ၏။ ကိုအောင်ဆန်းအား ကျောင်းမှထုတ်ရန်အထိပင်ကြိုးပမ်းလာကြ၏။ ဤမှ ရန်ကုန်တက္ကသိုလ် ဒုတိယကျောင်းသားသပိတ်ကြီးအထိ။ ကိုလိုနီစနစ်ဆန့်ကျင်ရေး အမျိုးသားလှုပ်ရှားမှုကြီးက ကြီးမားမြင့်တက်ခဲ့၏။ ထိုနှစ်တွင်ထုတ်ဝေသည့် “အိုးဝေ”မဂ္ဂဇင်းအတွဲ - ၆၊ အမှတ် ၁ တွင် အယ်ဒီတာ ကိုအောင်ဆန်းသည် ဤသို့ ခေါင်းကြီးကိုရေး၏။
“ငါ့အား ဖုံးလွှမ်းထားသောလကွယ်သန်းခေါင် ဤမှောင်မိုက်တွင်းမှနေ၍ အနိုင်မခံအရှုံးမပေးတတ်သော ငါ၏စိတ်ကို ဖန်ဆင်းပေးသည့် နတ်သိကြားတို့အား ငါ ကျေးဇူးဆိုပါ၏။
လောကဓံတရားတို့၏ ရက်စက်ကြမ်းကြုတ်သောလက်ဆုတ်တွင်းသို့ ကျရောက်နေရသော်လည်း ငါကားမတုန်လှုပ်၊ မငိုကြွေး၊ ကံတရား၏ ရိုက်ပုတ်ခြင်းဒဏ်ချက်တို့ကြောင့် ငါ့ဦးခေါင်းသည် သွေးသံတို့ဖြင့်ရဲရဲနီ၏။ ညွှတ်ကား မညွှတ်။
ဤဒေါသလောဘတို့ ကြီးစိုးရာဌာန၏အခြားမဲ့၌ကား သေခြင်းတရားသည်ကြောက်မက်ဖွယ်ရာ ငံ့လင့်လျက်ရှိ၏။ သို့သော် ငါကား မတုန်လှုပ် သည်ကိုသာ တွေ့ရအံ့။ နောင်ကိုလည်း ဘယ်တော့မျှမကြောက်သည်ကိုသာ တွေ့ရအံ့။
သုဂတိသို့သွားရာတံခါးဝသည် မည်မျှကျဉ်းမြောင်းသည်ဖြစ်စေ၊ ယမမင်း၏ ခွေးရေပုရပိုက်၌ ငါ့အပြစ်တို့ကိုမည်မျှပင်များစွာ မှတ်သားထား သည်ဖြစ်စေ ငါကား ဂရုမပြု၊ ငါသာလျှင် ငါ့ကံ၏ အရှင်သခင်ဖြစ်၍ ငါသာလျှင် ငါ့စိတ်၏ အကြီးအကဲဖြစ်လေသည်”
(ဒဂုန်တာရာ၏ စာလုံးဆေးစက် ကတ္တီပါကားလိပ်နှင့်ပန်းနုရောင်အို အယ်ဒီတာ့စားပွဲ…မှ)

ကျနော်က အိုးဝေအကြောင်းပြန်တွေးမိ၏။ ထိုမှ ကျောင်းသားခေါင်းဆောင် အယ်ဒီတာကိုအောင်ဆန်း၊ ထိုမှ သခင်အောင်ဆန်း၊ ထိုမှ ဗိုလ်ချုပ်အောင်ဆန်း၊ ထိုမှ ထူထုခေါင်းဆောင်၊ နိုင်ငံ့ခေါင်းဆောင်၊ အမျိုးသားခေါင်းဆောင် ဗမာ့လွတ်လပ်ရေးဗိသုကာ ထိုမှ အာဇာနည် အဖြစ်ကျဆုံးသွားခဲ့ရသည့် ဦးအောင်ဆန်း။
၁၉၄၇ ခုနှစ်၊ ဇူလိုင်လ ၁၄ ရက်။
အတွင်းဝန်ရုံး။
အတွင်းဝန်ရုံးအတွင်းရှိ တိုင်းပြုပြည်ပြုလွှတ်တော်အဆောက်အဦရှေ့ဝရန်တာတွင်မတ်တပ်ရပ်ရင်း သူတို့တတွေ စကားပြောနေကြ၏။ သူတို့ တတွေဟူသည်ကား..ဒီးဒုတ်ဦးဘချို၊ ဗိုလ်ချုပ်အောင်ဆန်း၊ ဆရာဇော်ဂျီ၊ ဆရာမောင်ထင်၊ ဆရာမင်းသုဝဏ်နှင့် ဦးခင်ဇော်တို့ ဖြစ်၏။
ဗိုလ်ချုပ်အောင်ဆန်းက ဘန်ကောက်လုံချည် နံ့သာရောင်၊ ပိုးအင်္ကျီရင်စေ့နှင့် သပ်သပ်ရပ်ရပ်သားသားနားနား။ သူတို့စကားဝိုင်းက စာပေ၊ အနုပညာနှင့်ယဉ်ကျေးမှုအကြောင်းများဖြစ်သည်။
“လွတ်လပ်ရေးရရင် နိုင်ငံရေးကထွက်ပြီး ပညာရေးနဲ့ယဉ်ကျေးမှုတွေလေ့လာမယ်။ အာရှအရှေ့တောင်ပိုင်းမှာလှည့်ပြီး ယဉ်ကျေးမှုတွေကို လေ့လာချင်တယ်”
ဒီးဒုတ်ဦးဘချိုက ဗိုလ်ချုပ်အောင်ဆန်းကိုပြော၏။ ဗိုလ်ချုပ်အောင်ဆန်းက စိတ်အားထက်သန်စွာနှင့်စကားပြောလျှင်…သူ၏ နှုတ်ခမ်းသည် အနည်းငယ် “ထော်”၍ သွားတတ်၏။
“ကျနော်လည်း နိုင်ငံရေးကထွက်မှာပါပဲဆရာ။ ထွက်ပြီးတော့ စာရေးမယ်ကြံတယ်။ ကျနော်တို့ဆီမှာ ဘာသာပြန်တွေ အများကြီးလိုတယ်။ ဘိုင်အိုဂရပ်ဖီ (အတ္ထုပတ္တိစာပေ)တွေလည်းလိုတယ်။ ဘာ့ကြောင့် မရေးကြသလဲမသိဘူး။ ပြီးတော့ ဗမာအက၊ ဗမာ့ဂီတတွေဟာ ဟိုဘက်က လှည့်လာတာတွေရှိတယ်။ ဒါတွေကိုစုံစမ်းရမယ်။ အာရှတိုက်သားတွေတဦးနဲ့တဦး ဘယ်လိုဆက်စပ်မှုရှိတယ်ဆိုတာ လေ့လာရမယ်။ ကျနော်လည်း အနုပညာသမားပါပဲဆရာ”
ဒီးဒုတ်ဦးဘချိုနှင့် ဗိုလ်ချုပ်အောင်ဆန်းတို့က သူတို့လုပ်ဆောင်လိုကြသည့် စာပေယဉ်ကျေးမှုအနုပညာရည်မှန်းချက်များ ဆွေးနွေးနေကြ၏။ ထိုစဉ်က..သူတို့သည် နောင် ၅ ရက်အကြာ၌ ဤအဆောက်အဦကြီးအတွင်း၌ပင် အကြမ်းဖက်သမားတစု၏ လုပ်ကြံ သတ်ဖြတ်ခြင်း ခံရမည်ကို မသိကြ။ တွေးထင်၍ပင် မထား….။
(ဒဂုန်တာရာ၏ စာလုံးဆေးစက်၊ ကတ္တီပါကားလိပ်နှင့်ပန်းနုရောင်အို အယ်ဒီတာ့စားပွဲ…မှ)
သမိုင်းတွင် “အကယ်၍” ဆိုသည်မှာမရှိမှန်းလည်းသိပါ၏။ သို့သော် “အလုပ်ကြံသာမခံခဲ့ရရင်” ဂန္ထလောကမဂ္ဂဇင်း ပဲခူးကဝေမှ စခဲ့သည့်ကလောင်သည် အယ်ဒီတာကိုအောင်ဆန်းအဖြစ်မျှနှင့် ချူပ်ငြိမ်းသွားမည်မဟုတ်သည်မှာ သေချာပါသည်။ ထိုသို့ဆိုလျှင် ကျနော်တို့ “အိုးဝေ” မျိုးဆက်များ၏ အသိပညာဘဏ္ဏာတိုက်တွင် သမိုင်းစာပေ၊ ဘာသာပြန်၊ အထုပ္ပတ္တိ၊ သုတနှင့်ရသ စာကောင်းပေမွန်များ ယခုထက် ပြည့်စုံကြွယ်ဝနေလိမ့်မည်မှာလည်းသေချာပါသည်။ ဦးအောင်ဆန်းလုပ်ကြံခံလိုက်ရခြင်းသည် ကျနော်တို့အတွက် အမျိုးသားခေါင်းဆောင်ကြီး ဆုံးရှူံးခြင်းမျှမက မြန်မာစာပေ၊ ယဉ်ကျေးမှုနှင့် သမိုင်းတခုပါ တပါတည်းဆုံးရှူံးရခြင်းဖြစ်၏။
မျိုးမြင့်ချို
(မူရင်းကဗျာဆရာ ဓါတ်ပုံနဲ့လက်ရေးမူပါပို့လိုက်တယ်။ ထည့်သုံးချင်လည်းသုံးလို့ရအောင်)


William Ernest Henley (August 23, 1849 - July 11, 1903) was a British poet, critic and editor.
Invictus
Out of the night that covers me,
Black as the Pit from pole to pole,
I thank whatever gods may be
For my unconquerable soul.

In the fell clutch of circumstance
I have not winced nor cried aloud.
Under the bludgeonings of chance
My head is bloody, but unbowed.

Beyond this place of wrath and tears
Looms but the Horror of the shade,
And yet the menace of the years
Finds, and shall find, me unafraid.

It matters not how strait the gate,
How charged with punishments the scroll.
I am the master of my fate:
I am the captain of my soul.

William Ernest Henle

read more

၅ကျပ်တန်ဝါးရမ်း၊ သခင်အောင်ဆန်းနှင့် ကမ်းသစ်တပင်အကြောင်း(မျိုးမြင့်ချို)

ဇေဗီးယား (Xavier) ဟူသည့်အမည်ကို ကျနော် ၅ တန်း ၆ တန်းကျောင်းသားအရွယ်လောက်တွင် စတင်ကြားဖူးသည်ထင်၏။နောက်ပိုင်းကျမှ သူနှင့်တွဲ၍ ဟင်္သာခရိုင်တို့ဗမာအစည်းအရုံးညီလာခံ၊ ဇလွန်မြို့၊ ဒေါင့်ကြီးတရားပွဲ၊ ချင်းပြည်နယ်အရေးမဟောရ၊ ကာကွယ်ရေးဥပဒေ၊ ဦးဝမ်းမသူးမောင်၊ ကျုံမငေး သခင်တင်မောင်၊ သခင်အောင်ဆန်းနှင့် ၅ကျပ်တန်ဖမ်းဝရမ်း စသည့် သမိုင်းပုံရိပ်နှင့်ခေတ်ပြိုင် ဇာတ်ကောင်များကို တစတစသိခွင့်ရလာခဲ့၏။ ဇေဗီးယားကိုမူ မျက်ခြေပြတ်သွား၏။

လူအချို့အကြား ၅ ကျပ်တန်ဝရမ်းနှင့်စပ်၍ အမြင်မတူသည်များလည်း ကြားရဖူး၏။ မစ္စတာဇေးဗီးယား၏လက်ထောက် မြန်မာပုလိပ်အရာရှိ တဦးက “စတိလောက်ငွေဖြင့် ဖမ်းဝရမ်းထုတ်လျှင် လူစိတ်ဝင်စားမှာမဟုတ်။ စိတ်မဝင်စားလျှင် ဟိုးလေးတကျော်မဖြစ်။ ဟိုးလေးတကျော်မဖြစ်လျှင် လွတ်ရေးလွယ်၏။ အန္တရာယ်နည်း၏” ဟု တွေးပြီး ဇေးဗီးယားအားအကြံပြုသည်ဆို၏။ ထို့ကြောင့် အောင်ဆန်းသည် ၅ ကျပ်တန် ဝရမ်းပြေးဖြစ်ရ၏။ ထို့ကြောင့်အောင်ဆန်းလွတ်၏ဟု ဆိုသည်။

တချို့က ဇေဗီးယားက အောင်ဆန်းလိုခေါင်းဆောင်ကို နာမ်နှိမ်လိုသဖြင့်၊ အောင်ဆန်းသည် ၅ ကျပ်သာတန်သည့်ဝရမ်းပြေး၊ သောက်ရေး လုပ်စရာမလို ဆိုပြီး “ချိုး” ချင်စိတ် သက်သက်ဖြင့် ထို ဖမ်းဝရမ်းထုတ်ခြင်းဖြစ်၏ဟု ဆိုသည်။ ဖမ်းမိခြင်း မမိခြင်းထက် “မင်းတို့ခေါင်းဆောင် ၅ ကျပ် ထက်ပိုမတန်” လုပ်ပြချင်ခြင်းက အဓိကဟုဆိုသည်။ ထို့ကြောင့် ၅ကျပ်တန်ဖမ်းမိန့်ဖြင့် အောင်ဆန်းခမျာဝရမ်းပြေးရရှာ၏ဟု ဆိုသည်။

“၅ကျပ်ဖြင့်ဖြစ်စေ၊ ၅ သိန်းဖြင့်ဖြစ်စေ ဖမ်းမိန့်မထုတ်သင့်” ဟု မစ္စတာဇေးဗီးယားအားအကြံပြုခဲ့သူ တဦးတလေရှိခဲ့သည်ဟု မကြားမိဖူးပါ။ ထို့ကြောင့် ဇေဗီးယားကို ကျနော်လူချင်းတွေ့ မေးမြန်းကြည့်ချင်သည်။ သို့သော် သူဘယ်ရောက်လို့ဘယ်ပေါက်၊ ဘာဖြစ်လို့ဘာဖြစ်မှန်းကား အစရှာမရတော့။ ခေတ်များခြားသွားပြီ။ သို့သော် ကျနော်မျက်ခြေပြတ်ခဲ့ရသူ..ဇေဗီယား၊ ကျနော်တွေ့ချင်သူ..ဇေဗီးယားအား တွေ့မယ့်တွေ့တော့ အမေရိကားမှာ။ ထိုဝရမ်းနှင့် စပ်သည့် အချိတ်အဆက်တချို့ လည်း သူနှင့်အတူတွေ့ပြန်၏။

၁၉၅၉ ခုနှစ်တွင် Taplinger Publishing Co., Inc. New York,USA မှ လွတ်လပ်ပြီးဗမာပြည်၏ ဒုတိယမြောက်သမ္မတ ဒေါက်တာ ဆာဘဦး၏ ကိုယ်တိုင်ရေးအထုပ္ပတ္တိဖြစ်သော My Burma ဆိုသည့်စာအုပ်ကိုထုတ်ခဲ့၏။ ယင်းစာအုပ်၏ စာမျက်နှာ ၁၄၄ နှင့် ၁၅၁ တွင် သူ့ကိုပြန်တွေ့ရ၏။ “The police official who was the harshest of all was Xavier, an Anglo-Indian born in Burma. He started life as a planter in Moulmein, where he figured as the accused in a sensational murder case. The charge against him was that he tortured one of his employees to death by first smearing him with jaggery and later forcing him to sit night and day for several days on an anthill so the ants could crawl over him and bite him. The man eventually died of exhaustion. Xavier was tried by a judge of the chief Court in Rangoon with European jury. He was found not guilty and acquitted. Not long after he blossomed forth as an Inspector of Police in Rangoon Police Force. He soon acquired a reputation as a fine detective and a good criminal investigator………… စသည်ဖြင့် တမျက်နှာသာသာခန့်ရေးထား၏။ ခြုံ၍ပြန်သော် “ဇေဗီးယားသည် ပုလိပ်အရာရှိများအနက် အကြမ်းဆုံးကောင်ဖြစ်၏။ အင်္ဂလိပ်-အိန္ဒိယကပြား မြန်မာပြည်ပေါက်။ မော်လမြိုင်မှာခြံစိုက်ပြီး ဘဝစခဲ့။ ဟိုးလေး တကျော်ဖြစ်ခဲ့သည့် လူသတ်မှုတခုမှာ တရားခံစွပ်ဆွဲခံရသူ။ ခြံအလုပ်သမားတယောက်ကို ထန်းလျှက်ရည်သုတ်ကြိုးတုတ်ပြီး ပုရွက်ဆိတ်အုံပေါ် ရက် အကြာကြီးတင်ထားပြီးနှိပ်စက်။ နောက်ဆုံး ထိုလူထိုဒဏ်ဖြင့် သေရ။ သူ့အား ရန်ကုန်မှတရားသူကြီးချုပ်က ဥရောပသားဂျူရီလူကြီးများဖြင့်တရားစီရင်။ အပြစ်မရှိဆိုကာ ကွင်းလုံးကျွတ်လွတ်။ သိတ်မကြာမီ ရန်ကုန်ပုလိပ်အဖွဲ့တွင် အင်စပက်တော်ဖြစ်လာ။ ရာဇဝတ်မှုစုံထောက်ကောင်းတဦးအဖြစ် ကျော်စော လာ။ သူနှင့်သူ့အထက်အရာရှိ အလက်ဇန်းဒါးတို့အား ရန်ကုန်မြစ်တွင်းသောင်းကျန်းနေသည့် ဆန်ခိုးဂိုဏ်းတခုအား နှိမ်နင်းရန်အထက်မှတာဝန်ပေး။ သိတ် မကြာလိုက် ဂိုဏ်းခေါင်းဆောင်ဟုဆိုသူအား လက်ရဖမ်းမိ။ ထိုသူ့အိမ်တက်ရှာ။ သက်သေပြစရာဘာမှမတွေ့။ မီးခံသေတ္တာထဲမှ ငွေတသိန်းကျော်ကို သိမ်းယူ ခဲ့။ အမှုရုံးတင်ချိန်တွင် ထိုငွေများအား သက်သေအဖြစ်မတင်။ ငွေတွေဘယ်ရောက်သွားလဲမေးတော့ အမှုစစ်နေတုန်း အကုန်သုံးပစ်လိုက်ရသည်ဟု မျက်နှာ ပြောင်တိုက်ပြီး ခပ်တည်တည်နှင့်ထွက်ဆို။ ရုံးတော်ကိုမထေမဲ့မြင်ပြုမှုကြောင့် ရာထူးကျရင်ကျ၊ မကျရင် ဋ္ဌာနတွင်းအရေးယူခံရမည်ဟု လူအများက ထင်နေ ကြ။ သို့သော် ထိုသို့မဟုတ် အမှုပြီးတော့ဘာမျှမဖြစ်သည့်အပြင် ရာထူးပင်တက်သွား”

ဆက်၍ စာမျက်နှာ ၁၄၅ တွင်…. It was Xavier who was the District Superintendent of Police in charge of Yamethin District when U Saw and police started taking repressive measure against the Thakins. He issued a warrant of arrest against Thakhin Aung San, prominent student leader, for the alleged incitement to a breach of the peace. The warrant could not be executed, as Thakhin Aung San could not be found in the Yamethin District; whereupon Xavier issued a proclamation offering a small reward to anyone who could give information leading to his arrest. He offered a small reward partly to disgrace Thakhin Aung San and partly to make it appear that Thakhin Aung San was not a young leader worth bothering too much about. He evidently did not realize then that Thakhin was already on his way to Japan as one of Thirty Comrades who would come back soon at the head of a large army as the Liberator of Burma. ခြုံ၍ ပြန်လျှင် “ဂဠုန်ဦးစောနှင့်ပုလိပ်များက သခင်များအားနှိပ်ကွပ်စဉ်တွင် ဇေးဗီးယားက ရမည်းသင်းခရိုင်ရာဇဝတ်ဝန်။ ထင်ရှားသည့်ကျောင်းသားခေါင်းဆောင် အောင်ဆန်းအား ငြိမ်ဝပ်ပိပြားရေးကိုပျက်ပြားအောင် လူထုအားသွေးထိုးသည်ဟုဆိုကာ ဖမ်းဝရမ်းထုတ်၏။ ထိုအချိန်တွင် အောင်ဆန်းက ရမည်းသင်းတွင် မရှိတော့။ ထို့ကြောင့် ထိုဖမ်းဝရမ်းလည်းအရာမထင်တော့။ ဤတွင် သူက အောင်ဆန်းကိုဖမ်းမိရန် သတင်းပေးနိုင်သူအား မဖြစ်စလောက်ဆုငွေလေး ပေးမည်ဟု ကြေညာပြန်၏။ သတင်းပေးနိုင်အား ဤမဖြစ်စလောက်ဆုငွေပေးမည်ဟုထုတ်ပြန်ခြင်းမှာ တပိုင်းအားဖြင့် အောင်ဆန်းအား သိက္ခာကျအသရေ ပျက်စေရန် ဖြစ်ပြီး နောက်တပိုင်းမှာ အောင်ဆန်းသည် ဆုငွေအများကြီးထုတ် ဖမ်းနေရလောက်အောင်မတန်။ အပင်ပန်းခံလုပ်ထိုက်စရာမလိုသူ ဟု ဆိုခြင်း။ သူ လုံးလုံးမသိလိုက်သည်က ထိုအချိန်မှာ အောင်ဆန်းက ဗမာပြည်တွင်မရှိတော့..ဂျပန်သို့ခရီးနှင် နှင့်ပြီဆိုခြင်းဖြစ်၏”

စာမျက်နှာ ၁၅၁ တွင် ဦးဘဦးနှင့်ဇေဗီယားလူချင်းဆုံခန်း။ စင်္ကာပူခံတပ်ကျပြီ။ အင်္ဂလိပ်တို့ခြေ မကိုင်မိလက်မကိုင်မိ။ အခြေအနေမကောင်း။ ရန်ကုန်ရှိ ဗြိတိသျှဘုရင်ခံအစိုးရ ပြေးပေါက်ရှာချိန်၊ ဦးဘဦးလည်း သူ့ဆရာသမားများနည်းတူ ပြည်သူကိုထားပြီး ကိုယ်လွတ်ရုန်းရတော့မည်။ ရန်ကုန်ကနေ ပုသိမ်ကိုသွား မိဘများကိုခေါ်၊ မြောင်းမြမှခယ်မနှင့်သားသမီးများသွားခေါ်ကာ ကသာတွင်ပြေးနှင့်နေသည့် ဟိုက်ကုတ်အဖွဲ့နှင့်သွားပေါင်းရန် စီမံကိန်းဆွဲ၏။ နောက်ဆုံးခယ်မနှင့်ကလေးများခေါ်ပြီး ကသာသွားဖို့ ဟင်္သာတရောက်လာ။ ထိုအချိန်က ဂျပန်များ စစ်တောင်းမြစ်ခြေနားကပ်နေလေပြီ။ ဗြိတိသျှနှင့်သူ့ မင်းခစားများအတွက် နောက်ကျသည့်ဖနောင့်သစ္စာဖေါက်။

ဟင်္သတကနေဆက်ထွက်ရန်ပြင်။ သင်္ဘောမရှိ။ ကူသူကယ်သူမဲ့။ မြန်မာလူမျိုးအရေးပိုင် (Deputy Commissioner) တဦးအား အကူအညီတောင်း။ ဆင်ခြေဆင်လက်အမျိုးမျိုးပေးပြီးငြင်း။ ဒါနဲ့နောက်ဆုံး ဇေးဗီးယားနှင့်တွေ့။ ထိုအချိန်တွင် ဇေးဗီးယားက ဟင်္သာတခရိုင်ရာဇဝတ်ဝန်။ ….. District Superintendent of Police who happened to be the Xavier I have already mentioned was very helpful. He managed to get a launch belonging to the Irrawaddy Flotilla Company ………………...when we left, we were soon followed by another launch. On requiring I found out that it was the launch of the Deputy Commissioner of Henzada. I was very annoyed: he could have carried me and my children in his boat, for his destination was the same as mine. Later I learned why he did not want to take us. Soon after we passed Prome, The Deputy Commissioner was called back by Mr. Swithinbank, and on making inquiries I found that he had failed to hand over to Mr. Swithinbank Government treasure worth several lakhs, although directed to do so. However, the District Superintendent of Police, Mr. Xavier, according to reports, did succeed in getting away with some Government treasure on board his launch. Several Deputy Commissioners from Delta similarly managed to abscond with Government treasure. Some of them who were not Burmans went over to India, where a few got into trouble criminally. Burman Deputy Commissioners who were suspected of misappropriating Government treasure were never employed again, either during time of the Japanese occupation or after liberation. ခြုံ၍ပြန်သော်… “သင်္ဘောထွက်လာပြီး သိတ်မကြာခင် မှာ နောက်သင်္ဘောတစီးလိုက်လာ။ မေးမြန်းကြည့်မှ ခုနအကူအညီပေးဖို့ငြင်းခဲ့သည့် မြန်မာအရေးပိုင်၏ သင်္ဘောဖြစ်နေ။ “သွားရမယ့်ခရီးလည်းအတူတူ..ဘာကြောင့် ငါနဲ့ငါ့ကလေးတွေကို တပါတည်း မခေါ်ရတာလဲ” ဟု တွေးပြီးစိတ်ပျက်မိ။ နောက်တော့မှ ဘာ့ကြောင့် ငါတို့ကို သူမခေါ်ပါလိမ့် သဘောပေါက်။ ပြည်မြို့ကိုဖြတ်ပြီးမကြာလိုက် မစ္စတာ ဆွစ်သင်းဘင့်က သူ့ကိုပြန်ခေါ်။ အကြောင်းက အစိုးရဘဏ္ဍာတိုက်မှ ငွေသိန်းပေါင်းများစွာကို ပြန်အပ်ဖို့ညွှန်ကြားထားရက်နှင့် မအပ်ပဲသုတ်လာခဲ့ သည့်အတွက်။ သို့သော် ဇေဗီးယားကား အစိုးရဘဏ္ဍာများ သင်္ဘောနှင့်တိုက်ပြီး လွတ်မြောက်သွားကြောင်း အစီရင်ခံစာများအရသိရ။ ထိုသို့ မင်းဘဏ္ဍာကိုယ့်ဟာမှတ်ခဲ့သည့် မြစ်ဝကျွန်းပေါ်ဒေသမှ မြန်မာမဟုတ်သည့် အရေးပိုင်များက အိန္ဒိယသို့လစ်ကြ၏။ လွတ်သူလွတ်၊ ရာဇဝတ်သင့်သူသင့်ကြ၏။ အလားတူပြုခဲ့ သည့် မြန်မာအရေးပိုင်များကား ဂျပန်ခေတ်တွင်လည်းကောင်း လွတ်လပ်ရေး ခေတ်တွင်လည်းကောင်း ရာထူးနေရာပြန်အခန့်မခံရတော့ပေ”

ကျနော်ခြေရာကောက်၍ရသမျှ ဇေဗီးယားကားဤတွင်ပျောက်ပြန်၏။
ဒေါက်တာဘဦးကိုယ်တိုင်ရေးအထုပ္ပတ္တိကိုဖတ်ရင်း ကံ့ကော်တောမျိုးအောင် ၏ “အလိုက်သင့်မောင်ဘဦး” ကို သတိရမိ၏။
မျိုးမြင့်ချို

read more

အခေါက်အပွေး၊ အသွေးအရောင်နှင့်စေ့ထားသည့်တံခါး (မျိုးမြင့်ချို)

အခေါက်အပွေး၊ အသွေးအရောင်နှင့်စေ့ထားသည့်တံခါး (မျိုးမြင့်ချို)
ကျနော်စစ်သင်တန်းတက်တော့စက်ပစ်ကွင်းဆင်းရ၏။ ကိုက်သုံးရာအကွာတွင် လေးပေပစ်မှတ်ကိုထောင်ထားပြီး
တယောက်ကို ကျည်ဆံ ၅တောင့်နုန်းဖြင့် ပစ်မှတ်၏ဗဟိုချက်တည့်တည့်ကို ပစ်ခိုင်းခြင်း။ ၅တောင့်လုံး မှန်အောင်ပစ်နိုင်သူအား “ကျည်စု” ဆု ပေး၏။ ၅တောင့်လုံး မှန်သူများလည်းရှိ၏။ ဗဟိုကိုထိတန်သလောက်ထိပြီး လေးပေပစ်မှတ်၏ အခြားနေရာ များကို ထိသည်များလည်းရှိ၏။ ရည်ရွယ်ချက်က “ဗဟိုချက်ကို ပစ်ရန်နှင့်ထိရေး”။

အမေရိကန်ပြည်ထောင်စု၊ ဥရောပသမဂ္ဂနှင့်နိုင်ငံအချို့က န.ဝ.တ၊ န.အ.ဖ စစ်အုပ်စုထိပ်သီးများ၊ ဆွေတော်မျိုးတော်များ၊ ယင်းတို့၏ ပုလင်းတူဗူးဆို့များအပေါ် ပစ်မှတ်ထားပြီး စီးပွားရေးအပိတ်အဆို့ အဟန့်အတားလုပ်ထားသည်ကို လူတိုင်းသိပြီး သားဖြစ်၏။ ထိုတွင် ယင်းတို့၏နိုင်ငံခြားဘဏ်များရှိ ငွေသားနှင့်အခြားအပ်နှံထားသည့်ပစ္စည်းများပါ ထုတ်မရတော့။

န.အ.ဖက ထိုလုပ်ဆောင်မှုကို “စီးပွားရေးပိတ်ဆို့မှု” ဆိုသည့်ဝေါဟာရဖြင့် လူထုအားမှိုင်းတိုက်၏။ ဗူးလုံး နားမထွင်းဖြစ်အောင် လုပ်ထား၏။ လူထုနားတွင် “စီးပွားရေးပိတ်ဆို့မှု” ဟုကြားလိုက်သည်နှင့် စိတ်တွင် “ငါတို့ကိုပိတ်ဆို့ ထားတာပါလား” ခံစားစေလိုရင်းဖြစ်၏။ သဘောက “ဗဟိုချက်အားချိန်၍ ပစ်ခြင်းနှင့်ထိရေး” ကို “လေးပေပစ်မှတ်အား ပစ်ခြင်းနှင့်ထိရေး” ဖြစ်သယောင် ဝါဒဖြန့်ခြင်း။

တလျှောက်လုံး သူတို့ကိုင်ထားသည့် မီဒီယာများမှ “စီးပွားရေးပိတ်ဆို့တာ တို့မမှုပါ” ဟုကယောင် ကတမ်း အော်သံများညံနေ အောင်ကြားရသလို၊ တဖက်မှလည်း “စီးပွားရေးပိတ်ဆို့မှုကြောင့် တိုင်းပြည်ကြီး ဘယ်လောက်ပျက်စီး” ဟုပြောနေပြန်၏။ မည်သို့ နားလည်ရ မည်နည်း။ မမှုသူသည် နာကျင်သည်ဟုငြီးတွားပြီး ပျက်စီးပါပြီဟုမပြော။

“တိုင်းပြည်ကြီးပျက်စီး”နေသည်မှာလည်းမှန်၏။ “စီးပွားရေးပိတ်ဆို့မှု” အလုပ်ခံထားရသည်လည်းမှန်၏။ သို့သော် “စီးပွားရေးပိတ် ဆို့မှုနှင့်တိုင်းပြည်ကြီးပျက်စီးခြင်း” ကိုတတွဲတည်းကြည့်ပါက“လုံးရိုက်သည့်အမြင်နှင့်ဝေဝါးသည့်ကောက်ချက်” သာထွက်မည်။ ၁၉၆၂မှ ၁၉၈၈ အထိ ဗမာပြည်ကို ဘယ်သူမှစီးပွားရေးအပိတ်အဆို့မလုပ်။ မရှိ။ တချိန်က အရှေ့တောင် အာရှတွင် အကြွယ်ဝဆုံးတိုင်းပြည်သည် ဘာကြောင့် ၁၉၈ဝ ဝန်းကျင်ရောက်တော့ “ဖွံ့ဖြိုးတိုးတက်မှုအနိမ့်ဆုံးနိုင်ငံ” စာရင်းဝင်သွားရသနည်း။ တိုင်းပြည်ကြီးပျက်စီးရ၏။ မည်သူ ဖျက်ဆီးသနည်း။

ဒီဘက်ခေတ် နှစ် ၂ဝ ကျတော့ ဘာကြောင့်အပိတ်အဆို့တွေ ကြုံလာရသနည်း။ ဒီဘက်ခေတ် အနှစ် ၂ဝ ခရီးတွင် တိုင်းပြည်ကြီး ပို၍ယိုယွင်းပျက်စီးလိုက်လာသည်မှာ ပြောစရာမရှိ။ ပြည်ပထွက်အလုပ်လုပ်ကြရသူများ၊ တတိယနိုင်ငံတွင် အခြေချနေရသူများ၊ ပြည့်တန်ဆာများ၊ အိမ်ဖေါ်များ၊ ဒုစရိုက်မှုများ၊ နိုင်ငံရေးအကျဉ်းသားများ၊ အဓမ္မလုပ်အားပေး၊ ကလေးစစ်သား၊ ပေါ်တာ၊ တောင်းရမ်းစားသောက်ရသူများ၊ ရောဂါဘယများ၊ မူးယစ်ဆေးဝါး၊ တကြော့ပြန်ပြည်တွင်းစစ် စသည်တို့နှင့် လုံးလည်လိုက်နေကာ အဆင်းရောအချင်းပါ အဖျက်ဆီးခံနေရ၏။ ခါးမလှဝမ်းမဝ။ နိုင်ငံနှင့်လူမျိုး၏ဥပဓိ (Identity of nation and nationality) မြင်မကောင်းအောင်ပုံပျက်ရ၏။ မည်သူဖျက်သနည်း။

ယခု သူတို့ လမ်းပြမြေပုံနောက်ဆုံးခြေလှမ်း ပြီးလုပြီ။ ယခင်က သူတို့ပြောချင်သည့်စကားကို သူတို့နှုတ်ကထွက်ရ၏။ ယခု သူတို့ စကားအတွက်ပါးစပ်အငှားလည်းရပြီ။ လွှတ်တော်တွင်းက အငှားပါးစပ်တို့ကိုပြောခိုင်း၏။ ပြောလည်းပြော၏။ ပါးစပ်အငှားနှင့်ပြောတာက “တာ” ပိုသွားမည်ကိုလည်းသိ၏။ သူတို့တုန်းက “တို့မမှုပါ” နှင့် “တိုင်းပြည်ကြီးပျက် စီး” လောက်ပဲ ပြောလို့ရသည်။ ပြောလို့ကောင်းသည်။ အငှားပါးစပ်နှင့်ကျတော့ “တို့မမှုပါ” ထဲ့ပြောလို့မကောင်း။ မဖြစ်။ ဆိုတော့ “ဘာမှမထိရောက်ပါ” “လူထုသာနာသည်” ဆိုပြီး ပြင်ပြောခိုင်းရ၏။

လူထုက အခုမှကောက်ကာငင်ကာ “ထ”နာခြင်းမဟုတ်။ ၆၂ ခုကတည်းက နာလာသည့် အနာဟောင်း အနာဆွေး။ သွေးတိတ်ဖို့ခက်၏။ အနာ၏ဇစ်မြစ်ကိုသိသိနှင့် ဆေးချက်မှန်ကိုမပေးပဲ ရေမန်းဆီမန်း ဥုံဖွအပ်ချလောင်း င်းဖြင့်မရ။ နောက်တချက်က မထိရောက်ဆိုခြင်း။ မှန်၏။ စီးပွားရေးပိတ်ဆို့မှု တခုတည်းဖြင့် နိုင်ငံတခု၏စီးပွားရေး၊ နိုင်ငံရေးအဆောက်အဦတခုလုံး ပြောင်းလဲသွားရသည့်သာဓက ကမ္ဘာပေါ် တွင်မရှိခဲ့။ ခေါင်းဆောင်တို့၏ နိုင်ငံရေးရေချိန်နှင့်အဆုံးအဖြတ်၊ လူထု၏လိုက်ပါနိုင်မှု၊ နိုင်ငံတကာအခင်းအကျင်းနှင့်အခြေအနေ စသည်တို့ ကို ပိတ်ဆို့မှုနှင့်ပေါင်းစပ်ခဲ့ခြင်းကြောင့်သာ အပြောင်းအလဲဖြစ်ရ၏။

၅ တောင့်လုံးမမှန်သဖြင့် မထိရောက်ဟု ပြောလို့မဖြစ်။ မထိရောက်ဆိုလျှင် ဘာလို့အချိန်ကုန်လူပန်းအာညောင်းခံကာ “ရုပ်ပေးပါ၊ ရုပ်ပေးပါ” ဟု အငှားပါးစပ်တို့က တစာစာအော်ကြရသနည်း။ ရှင်းပါသည်။ အရောင်အသွေး အမွှေး အတောင်တူသည့်ငှက်များ အုပ်စုဖွဲ့ပျံသန်း ကြခြင်းဖြစ်၏။

ပိတ်ထားတာကိုဖွင့်ပေးပါဟု အော်နေခြင်းသည် လက်တွေ့နိုင်ငံရေး၏ ပကတိလိုအပ်ချက်မဟုတ်။ အထွေထွေလွတ်ငြိမ်းချမ်းသာခွင့်ဖြင့် နိုင်ငံရေးအကျဉ်းသားများလွှတ်ပေးရန်၊ တောတွင်းကပြန်လာလိုသူများ ဘေးသီရန်မခပြန်လာနိုင်ရန်၊ ၊ အချိန်ကာလတခုသတ်မှတ်ပြီး ပြည်တွင်းစစ်ရပ်စဲရေး ပြည်တွင်းငြိမ်းချမ်းရေးအတွက် အမျိုးသားပြန်လည် သင့်မြတ်ရေးဆွေးနွေးပွဲများလုပ်ရန်သာ လက်တွေ့၏တောင်းဆို လိုအပ်ချက်ဖြစ်၏။ ထိုသို့ဆိုလျှင် ဖွင့်ပေးပါ ပြောစရာမလို။ စေ့ထားသည့်တံခါး အလိုလိုပွင့်၏။
မျိုးမြင့်ချို

read more

ခေတ်မြစ် (မျိုးမြင့်ချို)

ခေတ်မြစ် (မျိုးမြင့်ချို)
“မြစ်တမြစ်မြစ်”ကို ပထဝီပေါ်တင်ကြည့်လျှင် သည်မြစ်ကြီးဘယ်ကစ။ ဘယ်တုန်းကစ။ ဘာတွေဖြစ်ခဲ့။ ဘယ်လိုစီးဆင်းသွား။ ဘယ်မြို့ဘယ်ရွာ ဘယ်နေရာတွေဖြတ်စီး။ ဘယ်နေရာမှာ ဘယ်လောက်ကျယ် ဘယ်လောက်ကျဉ်း။ ဘယ်လောက်ရှည်လို့ ဘယ် လိုဆုံး စသည်များထွက်လာမည်။

“မြစ်”ကို ခေတ်ပေါ်တင်ကြည့်လျှင် သည်မြစ်ကြီးနဲ့အတူ ဘာသမိုင်းတွေမွေးဖွားခဲ့။ ဘာသမိုင်းတွေ ချုပ်ငြိမ်းခဲ့။ ဘာသမိုင်းတွေ စီးဆင်းခဲ့။ ဘာသမိုင်းတွေ စီးဆင်းဆဲ စသည်များမြင်လာမည်။

“မြစ်တမြစ်”ကို ပထဝီပေါ်တင်ကြည့်သည်မှာ မြစ်၏ရုပ်ပိုင်းသဘောကို ထုတ်ယူလို၍ဖြစ်ပြီး၊ “မြစ်” ကို “ခေတ်”ပေါ် တင်ကြည့်သည်မှာ ခေတ်၏ “အရွေ့သဘော”ကို မြင်လို၍ဖြစ်၏။ ထို့ကြောင့် “ပထဝီသဘောမြစ်”သည် “ခေတ်သဘောမြစ်” လိုမဟုတ်။ မတူနိုင်။ တူလို့မဖြစ်။ တူလို့လည်းမရ။ “ပထဝီမြစ်”တွင် အစရှိ၏။ အဆုံးရှိ၏။ “ခေတ်မြစ်” က ထိုသို့မဟုတ်။ လူ့သမိုင်းရှိသရွေ့ တည်၏။ သမနိရှည်၏။

ခေတ်တခေတ်သည် မြစ်တမြစ်မဟုတ်။ ခေတ်ကိုက မြစ်ဖြစ်၏။ မြစ်တွင်ဇာတိရှိ၏။ ဇာတိတွင် ရေတစက်ဖြင့်ချက်မြုတ်ရ၏။ ချက် မြှုတ်ရာမှခေါင်းချရာခရီးတွင် လက်တက်ပေါင်းများစွာကိုလက်ခံပြီး စည်စည်ပင်ပင်ရှင်သန်စီးဆင်း၏။ စီးဆင်းရာတလျှောက်တွင် ကြေသည့် နေရာကြေ၍ကြမ်းသည့်နေရာကြမ်း၏။ ကြေကြေကြမ်းကြမ်းစီးဆင်းရင်း ကွေ့ကွေ့ ကောက် ကောက်လည်းရှိရ၏။ မကွေ့မကောက်လျှင် မြစ် မမြည်တော့။ တခါတရံတွင်မြစ်သည် ဖြောင့်ဖြောင့်မြန်မြန် စီးလိုသဖြင့် မြစ်ကျိုးအင်းများထားခဲ့ပြီး ဆက်ထွက်ရတတ်သေး၏။ မြစ်မှန်လျှင် တကမ်းဖြိုပြီးတသောင် ထွန်းပေးရ၏။ သောင်ထွန်းရင်း ကျွန်းလည်းဖေါ်ရ၏။ ပေါ်သည့်ကျွန်းတိုင်းလည်း နုံးတင်မြေနုမဟုတ်တတ်။

မြစ်တွင် မြစ်ဗီဇသဘောရှိ၏။ ထိုဗီဇသဘောသည် ဇာတိတွင်ပြ၏။ ဇာတိပြရင်းဇာတိချုပ်ရ၏။ ဇာတိမချုပ်ခင် ဇာတ်ရုပ်ဖျောက်၏။ ဇာတ်ရုပ်ပျောက်မြစ်တမြစ်သည် နာမည်အမျိုးမျိုးချန်ခဲ့ပြီးမှ ပင်လယ်ဝတွင်ခေါင်းချ၏။ ခေါင်းချရုံဖြင့် “ဝိဉာဉ်” ကင်းပြီဟုမဆိုနိုင်။ မြစ်၏ဝိဉာဉ် သည် အလျဉ်စီးဆင်းနေသည့်ရေဖြစ်၏။ ရေမခမ်းသရွေ့မြစ်မကန်း။

ဧရာဝတီသည် “မြစ်” ဖြစ်၏။ “မြစ်တမြစ်”မဟုတ်။ ထို့ကြောင့် သူသည် “ခေတ်”လည်းဖြစ်၏။ သူ့ဝိဉာဉ်အလျဉ်သည် မကန်းသေး။ သူ့ဝိဉာဉ်တွင် ခေတ်အလျဉ်တို့အားသယ်ပိုးထားဆဲ။ ဧရာဝတီနှင့်အတူ ခေတ်တို့ စီးဆင်းနေဆဲ။

မြစ်၏ခေါင်းချရာတွင် ပင်လယ်ကိုသန္ဓေတည်၏။ မြစ်ပေါင်းစုံဂဟေဆက်ရာမှ ပင်လယ်ကိုဖွားမြင်လာ၏။ သူက ရေစီးညင်သာသည့်မြစ် ရေစီးကြမ်းသည့်မြစ်ဟု မခွဲခြားပဲ ကြည်ကြည်ဖြူဖြူထွေးပွေ့ယူ၏။ “မြစ်ယဉ်” “မြစ်ရိုင်း” အားလုံးကို သူ့ထံတွင်ရောနှောခိုင်းပြီး၊ မြစ်တိုင်း၏ သမိုင်းကိုလည်း လက်ခံသိမ်းဆည်းပေးထားသေး၏။ “မြစ်” သည် “ခေတ်”ဟုဆိုလျှင် “ပင်လယ်”သည် “ခေတ်တို့၏သမိုင်း”။ ဗီဇသဘော အရပင်လယ်သည် တည်ငြိမ်အေးဆေးဟန် ရှိသော်လည်း ဝန်းကျင်၏စေ့ဆော်မှောက်လှန်မှုကြောင့် တခါတရံတွင် လှိုင်းထန်၏။

လူ့သမိုင်းသည် လှိုင်းထန်၏။ အကောင်းနှင့်အဆိုး၊ အကျိုးနှင့်အပြစ်၊ အနှစ်နှင့်အကာ၊ အာဏာနှင့်ဖီဆန်မှု၊ ဖိစီးမှုနှင့် တွန်းလှန်မှု၊ ဓမ္မနှင့်အဓမ္မ၊ အသစ်အဟောင်းပဋိပက္ခ စသည်တို့ဖြင့် ဗြောင်းဆန်နေသည့် မြစ်တစင်းဖြစ်၏။ အစဉ်စီးဆင်းရင်း အဆက်မပြတ်ရှင်သန်နေ၏။ ခေတ်ဆိုသည့်မြစ်သည် “သမိုင်းခေတ်”များအားကျောပိုးပြီး “ခေတ်တို့၏သမိုင်း” သိမ်းဆည်းရာ ပင်လယ်သို့မျက်နှာမူ၏။ တရွေ့ရွေ့စီးဝင် နေ၏။ ပင်လယ်ရောက်လျှင် သမိုင်းခေတ်များဆုံမည်။ စုံလည်းစုံမည်။ သမိုင်းခေတ်များ ဆုံလျှင်၊ တစုံလုံးကိုမြင်ရ၏။ “ခေတ်မြစ်”နှင့် စီးနေဆဲတွင် သမိုင်းကိုဖြတ်ကြည့်ပါက “ခေတ်တဖြတ်အမြင်” သို့မဟုတ် “မြစ်တဖြတ်အမြင်”ဖြင့်သာ တင်းတိမ်စရာရှိ၏။

သမိုင်းကို “ခေတ်တဖြတ် (သို့) မြစ်တဖြတ်အမြင်” သက်သက်နှင့်ကောက်ကိုင်ကြည့်ပါမူ ယူစရာ “သင်ခန်းစာ” တခုတည်းကိုသာ ပြေးမြင်မိ၏။ အမှန်က ခေတ်တိုင်းတွင် ယူစရာ “သင်ခန်းစာ”များရှိသလို “နမူနာ”များလည်းရှိ၏။ သင်ခန်းစာယူခြင်းမှာ ကောင်းသည့်အရာ ဖြစ်၏။ “နောင်ကို..အရင်လိုမမှားဖို့”ဖြစ်၏။ နမူနာမယူနိုင်လျှင် နှုန်းစံတန်ဖိုးချိန်ဆဖို့ တိုင်းစရာမရှိသလိုဖြစ်တတ်၏။ “အရင်လို..နောင်ကို လည်းမှားတတ်” စရာရှိသေး၏။

ပင်လယ်ရောက်မှ တစုံလုံးကိုမြင်ရမည်ဖြစ်သော်လည်း ပင်လယ်ရောက်မှတစုံလုံးကိုကြည့်ရမည်ဟုမဆိုလို။ မြစ်တဖြတ်အမြင်ကို ပင်လယ်ပေါ်လှမ်းတင်ကြည့်နိုင်ပါမူ “သင်ခန်းစာ” ရော “နမူနာ” ပါ ခပ်ရေးရေးတော့မြင်နိုင်စွမ်းမည်ထင်၏။
(မျိုးမြင့်ချို)

read more