(ထိန်းတော့လည်း ထိန်းကြပါ) မျိုးမြင့်ချို

(ထိန်းတော့လည်း ထိန်းကြပါ)

ဥရောပနဲ့ အနောက်တလွှားက Green Peace လိုဟာကြီးတောင် Anarchist တွေ စီးထားတာ ကျန်တဲ့ Environmental Groups လေးတွေထဲမလည်း မနည်းပါဘူး။ အစိုးရတွေရဲ့ ကမောက်ကမပေါ်လစီတွေ၊ လူတန်းစားကွာဟချက်ကြီးလွန်းတာတွေ၊ ပညာရေးအသုံးစားရိတ်လျှော့ချတာတွေ၊ လူတွေကို အဓမ္မချွေတာရေး လုပ်ခိုင်းနေတာတွေ၊ ကုန်ဈေးနှုန်းမတန်တဆကြီးမြင့်မှုတွေ၊ စီမံခန့်ခွဲမှုညံ့ဖျင်းတာတွေ၊ လူမှုရေး စီးပွားရေးမညီမျှမှုတွေ ကုန်ကုန်ပြောရရင် လိင်ပိုင်းဆိုင်ရာအရ မညီမျှမှုဆန့်ကျင်ရေးလှုပ်ရှားမှုတွေအထိ Anarchists တွေ ထဲထဲဝင်ဝင်ပါနေတာ တွေ့ရပါတယ်။
တခါတခါကျ ဆိုရှယ်လစ်တွေ လက်ဝဲဝါဒီတွေနဲ့ သူတို့ ဒွေးရောယှက်တင်ဖြစ်နေတတ်ကြပြီး တခါတခါမှာ (အဆုံးစွန်ရည်မှန်းချက်အကြောင်းပြောကြတဲ့အခါမျိုးမှာ) မတည့်မရှု မသင့်မမြတ်တွေဖြစ်ကြပါတယ်။ လူမှု/စီးပွား/လူတန်းစားကွာဟမှုအရေး၊ ကျန်းမာရေးနဲ့လူမှုဖူလုံရေး၊ ပတ်ဝန်းကျင်သဘာဝထိန်းသိမ်းရေးလို စတဲ့ကိစ္စတွေမှာတော့ တွဲပြီးလုပ်ကြပေမယ့် လိင်တူကိစ္စတို့၊ မော်တော်ကားဆန့်ကျင်ရေးကိစ္စတို့၊ ဆေးခြောက်တရားဝင်သုံးစွဲရေးကိစ္စတို့၊ ကိုယ်ဝန်ဖျက်ချခွင့်ကိစ္စတို့၊ လင်/မယား အများအပြားထားခွင့်ကိစ္စလို Issues တွေက ပြဒါးတလမ်းသံတလမ်းလိုနေကြတာပါ။

လတ်တလော ဥရောပက Anarchists တွေရဲ့လှုပ်ရှားမှုတွေအနက် ပြင်သစ်က Yellow Vest လိုဟာမျိုးကျတော့ ၂ စုလုံး ပူးပေါင်းဆောင်ရွက်ကြတာပါ။ အစပိုင်း အလယ်ပိုင်းတွေအထိ လူထုထောက်ခံမှုအတော်ကြီးကိုရသလို ဥရောပတလွှားလည်း တောမီးလို့ ပျံ့သွားပါတယ်။ အကြီးအကျယ်သာ မလောင်လိုက်တာပါ။ ခုတော့ ဖျက်ဆီးမီးရှိူ့တာတွေ သောင်းကျန်းလွန်းတာတွေ လူတွေစားကောင်းခြင်းမစားရ အိပ်ကောင်းခြင်းမကောင်းရတွေများလာလို့ အော်ကြော့လန်နေပါပြီ။

တွေးမိတာက ပတ်ဝန်းကျင်သဘာဝထိန်းသိမ်းရေးသမားတွေ Environmentalists အကြောင်းပါ။ သူတို့လုပ်တာတွေထဲမှာ ကောင်းတာတွေ အများကြီးပါတယ်။ တကယ့်အနှစ်သာရသဘောကတော့ အရင်းရှင်ကြီးတွေ အချင်းချင်းဥပဒေတွင်းကနေ စားကျက်လုကြတဲ့အခါ အလှူရှင်ဖေါင်ဒေးရှင်းကောက်ထောင်ပြီး ဒီလူတွေကို စုခိုင်းပြီး မွေးယူလိုက်ပြီး အသံထုတ်ခိုင်းတာပါ။ ဒီလူတွေ့အသံ လွှတ်တော်တွေထဲ(ဥပဒေပြုတဲ့နေရာ)မရောက် ရောက်အောင်လည်း ငွေကြေးဖောဖောသီသီသုံးပြီး မိမိလိုရာဥပဒေဖြစ်လာဖို့ အမတ်တွေကို Lobby နားချနားသွင်းလုပ်ပါတယ်။။ တနည်းပြောရင် အမတ်တွေကို ဝယ်တာပါ။
ကျနော်တို့ အင်ဒီယားနားပြည်နယ်မှာ မစ်ရှီဂန်ပါဝါလျှပ်စစ်ကုမ္ဗဏီ(အနုမြူရော ကျောက်မီးသွေးလောင်စာပါသုံး)နဲ့ Windmill Farms လေရဟတ်ကြီးတွေနဲ့လျှပ်စစ်ထုတ်ရေး(ကုမ္ဗဏီတွေ) Fight ကြတော့ ၂ ဘက်လုံးက ပတ်ဝန်းကျင်သဘာဝ ထိန်းသိမ်းရေးသမားတွေကို စပွန်ဆာပေး ပရိုပိုဆယ်လ်ပေးပြီး ဆန္ဒပြပွဲတွေ၊ ဆီမီနာတွေ ဖိုရမ်တွေ အစည်းအဝေးတွေ အကြီးအကျယ်လုပ်ကြတယ်။ ပြည်နယ်လွှတ်တော်အမတ်တွေကိုလည်း အပြိုင်အဆိုင်အသည်းသန် နားသွင်းကြတာပါ။
အဓိက ကတော့ Windmill Farms တွေက ပြည်နယ်အတွင်းမှာ တိုးချဲ့တပ်ဆင်ပြီး လျှပ်စစ်ဓာတ်အားရောင်းစားဖို့ပါ။ တနည်းပြောရရင် မစ်ရှီဂန်ပါဝါရဲ့ လျှပ်စစ်ဈေးကွက်ကို ဝင်လုတာပါ။ သုံးစွဲသူတွေကတော့ လေရဟတ်လျှပ်စစ်မီးကို လိုချင်သူများပါတယ်။ (မီတာခအများကြီးသက်သာတာကြောင့်ပါ)။

 ပတ်ဝန်းကျင်သဘာဝဝါဒီတွေကလည်း ပိုက်ဆံယူထားတဲ့လူတွေပီပီ သူ့ဘက်သူယက်ပြီး ကောင်းတာပြော အခြားတဘက်ကိုမကောင်းတာပြော ပြောပြီး ကိုယ့်ငွေရှင်အနိုင်ရရေး လုပ်ကြတာပါ။
မစ်ရှီဂန်ပါဝါဘက်ကလူတွေက “လေရဟတ်ကြီးတွေဟာ လေထဲထောင်တားတဲ့ မကောင်းဆိုးဝါးလက်ချောင်းကြီးတွေနဲ့တူပြီး အရုပ်ဆိုးသလို ပတ်ဝန်းကျင်အလှအပတွေကိုပျက်စီးစေတယ်၊ အဲ့ဒါကြီးတွေက တဒီဒီနဲ့အဆက်မပြတ်မြည်သံတွေကြောင့် နားညီးပြီး ကြာတော့လူတွေမှာ စိတ်ကျရောဂါဖြစ်လာတယ်၊ လေထဲပျံနေတဲ့ငှက်တွေဟာ အဲ့ဒါကြီးတွေကို မထိမိအောင်ရှောင်ကွင်းပျံနေရလို့ ပင်ပမ်းအားလျော့ပြီး သားပေါက်နှုန်းတွေကျလာတယ်၊ သဘာဝမျိုးစိတ်တွေ ပါးရှားလာတယ်၊ အကောင်ရေထောင်သောင်းချီပြီး မိုင်ထောင်ချီပျံတဲ့ ဆောင်းခိုငှက်တွေနဲ့ ရွှေ့ပြောင်းငှက်တွေဟာ အဲ့ဒါကြီးတွေနဲ့တိုက်မိပြီး သေကြကြေကြတယ်“ စတာတွေလည်းပါပါတယ်။ ခုဆို သမ္မတကတော့ ကင်န်ဆာဖြစ်စေတဲ့အထဲ အဲ့ဒါကြီးတွေပါ ပါသယောင်ယောင်ပြောနေတာပါ။

Windmill Farms တွေဘက်ကလူတွေကတော့ ကျောက်မီးသွေးအမှုန်ပတွေ အမှုန်တွေ မီးခိုးတွေ အနံ့အသက်တွေနဲ့ အနုမြူစွန့်ပစ်ပစ္စည်းတွေကြောင့် ချောင်းမြောင်း မြစ် ပင်လယ်တွေ၊ သစ်ပင်တောတောင်တွေ၊ တိရိစ္ဆာန်တွေ လူတွေ အဆိပ်သင့်နေပြီ၊ မိန်းမတွေ မြုံကုန်တာများလာတယ်၊ ရောဂါဆန်းတွေများလာတယ်။ လေထု ရေထု မြေထု ညစ်ညမ်းလာတယ် ဘာညာ စသည်ဖြင့်ပေါ့လေ။ နောက်ဆုံးတော့ ငွေပိုတတ်နိုင်တဲ့ နိုင်ငံရေးအဆက်အသွယ်ပိုကောင်းတဲ့ အာဏာအဝန်းအဝိုင်းနဲ့ ပိုထဲဝင်တဲ့မစ်ရှီဂန်ပါဝါက အနိုင်ရသွားပါတယ်။ Windmill Farms တွေ ထပ်တိုးချဲ့မှာကို ခွင့်မပြုပါလို့ ပြည်နယ်လွှတ်တော်က ဆုံးဖြတ်လိုက်ပါတယ်။

တွေးမိတာက ခု အသံအကျယ်လောင်ဆုံးဖြစ်နေတဲ့ မြစ်ဆုံဆည်တည်ဆောက်ရေးကိစ္စမှာလည်း ပတ်ဝန်းကျင်သဘာဝထိန်းသိမ်းရေးဝါဒီတွေလည်း ပါပါတယ်။ မြစ်ဆုံဆည်ကိစ္စဟာ နိုင်ငံရေးပါ။ နိုင်ငံရေးမှာမှ စစ်အုပ်စုကို ဖယ်ထုတ်ပြီး တရားခံအဖြစ်ကနေဖျောက်ပစ်ပြီး အင်န်အယ်လ်ဒီကို တည်တိုက်နေတဲ့ ရည်ရွယ်ချက်ပါပါ ခြေလှမ်းပါပါလုပ်တာပါ။ တည့်တည့် တည်တိုက်တာပါ။ နိုင်ငံရေးဖြစ်တဲ့အတွက် နိုင်ငံရေးနဲ့တွေးတော့ ဘာမှမထူးဆန်းပါဘူး။ အလားတူပဲ နိုင်ငံရေးဖြစ်တဲ့အတွက် အကျိုးစီးပွားအခြေခံဖြစ်တဲ့အတွက် “လူ လု“ကြရမှာပါဘဲ။ လုလိုက်ကြတဲ့လူတွေ တနည်းပြောရရင် အလုခံကြတဲ့လူတွေထဲမှာ လူရိုသေရှင်ရိုသေလို့ဆိုတဲ့ ပတ်ဝန်းကျင်သဘာဝထိန်းသိမ်းရေး ဝါဒီတွေပါနေတာ တွေ့ရမှာပါ။
ဒီတော့ ကျနော်တို့က ပတ်ဝန်းကျင်သဘာဝ ထိန်းသိမ်းရေးသမားဆိုတိုင်း ဘာလဲ ဘာနောက်ခံလဲ ဘယ်လိုပါဝင်လာကြတာလဲ သူတို့နောက်ကွယ်ကလက်တွေက ဘာလက်တွေလဲစတာတွေကို စဉ်းစားကြတဲ့အခါ တွေးတွေးဆဆ ထောက်ထောက်ချင့်ချင့်ရှိဖို့ လိုပါလိမ့်မယ်တွေးမိပါတယ်။
မျိုးမြင့်ချို
ဧပြီ ၂၈၊ ၂ဝ၁၉

read more

(ပြည်သူပြည်သူချင်းဆက်ဆံရေးတဲ့လား) မျိုးမြင့်ချို

(ပြည်သူပြည်သူချင်းဆက်ဆံရေးတဲ့လား)

(ပြည်သူပြည်သူချင်းဆက်ဆံရေးတဲ့လား)

ဗြိတိန်က တရုတ်ရဲ့ ဟွာဝေး 5G ကို အိုကေပြလိုက်တော့ သြစတေးလျ အခက်ပွေပြီး ချီတုံချတုံဖြစ်သွားပါတယ်၊ နိုင်ငံရေးအပေါ် နည်းပညာရဲ့သက်ရောက်မှုလို့ အများပြောနည်းကားပဲပြောရမယ်ထင်တယ်။ တကယ်က နည်းပညာဆိုတာလည်း ပိုက်ဆံပါဘဲ။ ပိုက်ဆံမရှိရင် နည်းပညာလည်းမရှိပါ။ ပိုက်ဆံဟာ သူ့အတိုင်းထားရင် ပိုက်ဆံပဲဖြစ်ပါတယ်။ ပိုက်ဆံကို အရင်းဖြစ်အောင်လုပ်တာဟာ စီးပွားရေးပါ။ လစ်ဘရယ်ဒီမိုကရေစီ တနည်းပြောရရင် အရင်းရှင်နိုင်ငံရေးမှာ ပိုက်ဆံကို အရင်းဖြစ်အောင်လုပ်နိုင်လေလေ စီးပွားဖြစ်လေလေပါ။ စီးပွားဖြစ်လေလေ ပါဝါကြီးလေလေပါ။ အခု တရုတ်က သူ့လက်ထဲက ပိုက်ဆံတွေကို အရင်းဖြစ်သထက်ဖြစ်အောင် လုပ်နေတာပါ။

 
အမေရိကန်ရဲ့ ဆိုဗီယက်ဆန့်ကျင်ရေးအတွက် ပေးခဲ့ရတဲ့အခွင့်အလမ်းတွေကို တရုတ်က ထိထိမိမိအသုံးချရုံမက အကြမ်းဖက်မှုအပေါ်နွှဲတဲ့စစ်ဆိုပြီး အမေရိကန်ကမ္ဘာပတ် စစ်တိုက်နေချိန်မှာ တရုတ်က ကမ္ဘာလှည့်ပြီး စီးပွားရှာနေတာပါ။ ခု အမေရိကန် တရုတ်ကြွေးနွံနစ်ပြီး မရှူနိုင်မကယ်နိုင်ဖြစ်နေချိန်မှာ တရုတ်က ထိပ်ဆုံးကစောင့်နေမယ်လို့ မပြောရုံတမယ်နဲ့ OBI လမ်းဖွင့်နေတာပါ။ တကောင်တည်းပြေးမရမှန်းသိလို့ ရုရှနဲ့ရွှေလမ်းငွေလမ်းဖေါက်နေတာပါ။
နည်းပညာ၊ စစ်ရေးအင်အား စတဲ့နယ်ပယ်တွေမှာ ပခုံးချင်းမယှဉ်နိုင်သေးပေလို့ ခုလို ခတ်လျှိုလျှိုလုပ်နေပုံပါ။ အားချင်းတူလာရင် မင်းဘာကောင်လဲ ငါဘာကောင်လဲလုပ်မှာပါ။ အမေရိကန် အလုပ်မခံချင်ဆုံး အလုပ်မခံနိုင်ဆုံးကလည်း အဲ့ဒါပါဘဲ။ ခက်နေတာက အမေရိကန်ဟာ အရင်လို ရော့ဟဲ့ရော့ဟဲ့ မလုပ်နိုင်တော့လို့ “စားပြီး နားမလည်လုပ်နေတဲ့လူတွေ“ဆိုပြီး သူ့ငယ်မွေးခြံပေါက်နိုင်ငံတွေကို မောင်းမဲနေတာပါ။ မျက်စောင်းတခဲခဲ အံတကြိတ်ကြိတ်ဖြစ်နေတာပါ။
အမေရိကန်ဟာ စူပါ ပါဝါပါ။ စူပါ ပါဝါဆိုတာ အလကားတော့ရခဲ့တာမဟုတ်ပါ။ ငွေကို ရေလို သောက်သောက်လဲသုံးရပါတယ်။ တရုတ်အခြေအနေ (ခုချိန်ထိ)ကြည့်ရတာ စီးပွားရေးစူပါ ပါဝါ ဖြစ်ဖို့ သည်းသည်းမည်းမည်းလုပ်နေပေမယ့် စစ်ရေးစူပါ ပါဝါလုပ်ဖို့အထိတော့ ခြေလှမ်းကျဲတာမတွေ့ရသေးပါ။ ပိုက်ဆံလိုနေသေးလို့လည်း ဖြစ်ပါလိမ့်မယ်။
နိုင်ငံရေး နိုင်ငံရေး ဘယ်လောက်ပြောပြော ပိုက်ဆံမရှိရင် လုပ်မရပါ။ ရတယ်ဆိုရင်လည်း မဖြစ်စလောက်ပါ။ ဓနရှင်နိုင်ငံရေးမှာ ပိုက်ဆံရှိတဲ့လူ သြဇာရှိပါတယ်။ သြဇာထူထောင်ရ လွယ်ပါတယ်။ အပေးအကမ်းရက်ရောတယ် လက်ဖွာတယ်ဆိုတာတွေဟာ အကျိုးစီးပွားနောက်ခံအရ လူမွေး၊ အစိုးရမွေး၊ နိုင်ငံမွေး မွေးယူရတဲ့ ရင်းနှီးမျြပ်နှုံမှုပါ။ လက်ထဲပိုက်ဆံမရှိပဲ နိုင်ငံတွေကို အစိုးရတွေကို မွေးမရပါ။
အခု တရုတ်ကြီး “ပိုက်ဆံ“ တွေကို “အရင်း“ လုပ်နေတာပါ။ လူမွေး၊ အစိုးရမွေး၊ နိုင်ငံမွေးတွေ လုပ်နေတာပါ။ သူက အမေရိကန်ထက် တခုပိုတာက People to People(P to P) လို့ဆိုတဲ့ ပြည်သူပြည်သူတွေချင်းဆက်ဆံရေးကိုပါ ဒစ်ပလိုမေစီထဲ နိုင်ငံခြားရေးပေါ်လစီထဲ ဆွဲသွင်းထားတာပါ။
တရုတ်နဲ့ စီးပွားရေးလုပ်တဲ့နိုင်ငံတွေကိုကြည့်လိုက်ရင် တရုတ်စီမံကိန်းကြီးတွေကို အစိုးရတွေကကြိုက်ပြီး လူထုကမနှစ်မြို့တာပါ။ ခု လက်ပန်းတောင်းတောင်တို့ မြစ်ဆုံတို့ မြို့သစ်တို့စတဲ့ စီမံကိန်းတွေကို နမူနာပြရမှာပါ။ နောက်လည်း လာစရာတွေ တပုံတခေါင်းကြီးရှိပါသေးတယ်။
အရင် နိုင်ငံရေးအစိုးရလက်ထက် ဝန်ကြီးချုပ်ဦးနုက တရုတ်အစိုးရကို ဗကပ ကို အကူအညီအထောက်အခံ မပေးဖို့တောင်းဆိုတော့ တရုတ်ကပြောပါတယ်။ ဝန်ကြီးချုပ်တို့ကို ဆက်ဆံတာက Government to Government (G to G)ဖြစ်ပါတယ်။ ဗကပနဲ့က Party to Party (P to P)ဖြစ်ပါတယ်လို့ ပြန်တုံ့ပြန်တော့ ဦးနု ဆွံ့သွားခဲ့ပါတယ်။ နောက်ပိုင်း (တိန့်ရှောင်ဖိန်လက်ထက်ကစလို့) နိုင်ငံနိုင်ငံခြင်းဆက်ဆံရေး Country to Country (C to C)ဆိုတဲ့သဘောဆောင်တာတွေလည်း သတိထားမိကြမှာပါ။
ဒီဘက်ခေတ် နောက်ပိုင်းကာလတွေကျတော့ ဘယ်နိုင်ငံက ဘာအစိုးရအမျိုးအစားဖြစ်ဖြစ် “စီးပွားရေးလုပ်လို့ဖြစ်ရင် ဆက်ဆံတယ်“ဆိုတဲ့ပုံစံတွေအထိဖြစ်လာပါတယ်။ ဘယ်လောက် လူထုဆန့်ကျင်ရေးလုပ်နေတဲ့အစိုးရဖြစ်ဖြစ် စီးပွားဘက်ဖြစ်အောင် လုပ်ပါတယ်။ ကျင့်ဝတ်တွေ စည်းမျဉ်းတွေ နိုင်ငံတကာနှုန်းစံတွေ ဘေးချိတ်တာတွေ့ရပါတယ်။
ဒီတော့ အဲ့ဒီနိုင်ငံတွေက ပြည်သူတွေက တရုတ်အစိုးရအပေါ်တင်မက တရုတ်ပြည်သူတွေအပေါ်ပါ အမြင်မကြည်တာတွေ၊ တရုတ် (လူမျိုး)ဆန့်ကျင်ရေးတွေအထိ တက်လာတာကို တရုတ်အစိုးရသိလာပါတယ်။ ဒီတင် People to People ဆက်ဆံရေးကို ဖော်ဆောင်လာတာပါ။ လူအများသည်းခြေကြိုက်မယ်လို့လည်း တွက်ထားပုံပေါ်ပါတယ်။ လောလောဆယ်မှာ ဗမာပြည်သူအများ သည်းခြေကြိုက်မကြိုက် မပြောနိုင်သေးပေမယ့် BRI Second အစည်းအဝေးကြီးမှာ ဒေါ်အောင်ဆန်းစုကြည်တော့ သည်းခြေခိုက်သွားပုံပေါ်ပါတယ်။ သူ့ မိန့်ခွန်း နားထောင်ကြည့်ပါ။
ကျနော်တို့ဟာ ပြည်သူတွေပါ။ အဖိနှိပ်ခံတွေပါ။ တရုတ်အုပ်ချုပ်ခံလူတန်းစားဟာလည်း ပြည်သူတွေပါ။ ဒီမိုကရေစီ၊ လွတ်လပ်ခွင့်နဲ့ လူ့အခွင့်အရေးကို ကျနော်တို့နည်းတူ လိုလားနေကြတာပါ။ “တိုင်းပြည်တပြည်မှာ လူအတူတူဖြစ်နေကြရင်ပြည်သူဘဲ“ဆိုတဲ့ ပြည်သူအကဲဖြတ်ချက်နဲ့တော့ ပြည်သူပြည်သူချင်းဆက်ဆံရေးကို မစောကြောမိကြစေလိုပါ။ ပြည်သူပြည်သူချင်းဆက်ဆံရေးဟာကောင်းပါတယ်။ ဒါပေမယ့် ကျနော်တို့ ဘယ် “ပြည်သူ“နဲ့ ဘယ်လိုဆက်ဆံကြမလဲကတော့ ဆုံးဖြတ်ကြရမှာပါ။ မဆက်ဆံလိုတော့ မရပါဘူး။
မျိုးမြင့်ချို
ဧပြီ ၂၆၊ ၂ဝ၁၉

read more

တရုတ်​သမ္မတ ရှီကျင့်​ပင်းရဲ့ မဟာရည်​မှန်းချက် (Ko Nay Nay)

တရုတ်​သမ္မတ ရှီကျင့်​ပင်းရဲ့ မဟာရည်​မှန်းချက် (Ko Nay Nay)

ဧပြီလ ၂၅ရက်​နေ ၂၇ရက်​ အထိကျင်းပပြုလုပ်​မည့်​ တရုတ်​ရဲ့ ဒုတိယအကြိမ်​မြောက်​ BRI ဖိုရမ်​၌ နိုင်​ငံပေါင်း၃၇နိုင်​ငံမှ ခေါင်းဆောင်​များ၊နိုင်​ငံပေါင်း ၁၅၀ တို့မှ ဖိတ်​ကြားထားတဲ့ ဧည့်​သည်​တော်​ဦးရေ ၅၀၀၀ကျော်​၊ ကမ္ဘာ့ဘဏ်​နှင့်​ အပြည်​ပြည်​ဆိုင်​ရာငွေကြေးရန်​ပုံငွေ အဖွဲ့တို့လို နိုင်​ငံတကာအဖွဲ့အစည်း၉၀ကျော်​တို့လည်း စုံစုံလင်​လင်​ ပါဝင်​တက်​ရောက်​ကြမည်​ ဖြစ်​သည်​။ မြန်​မာနိုင်​ငံမှ နိုင်​ငံတော်​ အတ်ိုင်​ပင်​ခံပုဂ္ဂိုလ်​ ဒေါ်အောင်​ဆန်းစုကြည်​လည်း တက်​ရောက်​မည်​လို့ သိရသည်​။

အဲဒီ BRI စီမံကိန်းကြီးဟာ ကမ္ဘာ့မြေထု ရဲ့ ၃ပုံ၂ပုံအထိ ဖြန့်​ကြက်​ထားပြီး၊ နိုင်​ငံပေါင်း၆၅နိုင်​ငံမှ လူဦးရေ ၄.၄ဘီလီယံတို့ကနေ ထုတ်​လုပ်​တဲ့ ဂျီဒီပီ တန်​ဖိုး၂ထရီလီယံ ကျော်​ နှင့်​ဆက်​စပ်​ နေသည်​။ ၎င်းစီမံကိန်းအတွက်​ သတ်​မှတ်​လျာထားတဲ့ ရင်းနှီးမြှုပ်​နှံမှု့ တန်​ဖိုးဟာ ၄-၈ထရီလီယံ အထိ ရှိလေသည်​။ BRIစီမံကိန်းဖြင့်​ ရှီကျင့်​ပင်းသည်​ တရုတ်​ရဲ့စီးပွားရေးကို အနောက်​နိုင်​ငံတို့ရဲ့စီးပွားရေှးင့်​ ဆက်​သွယ်​ဖို့ရန်​ ကြိုးစားဆောင်​ရွက်​ခြင်းသဘောလည်း ဖြစ်​သည်​။

၂၀၁၅ခုနှစ်​ထဲမှာ ပြောကြားခဲ့တဲ့ ရှီကျင့်​ပင်းရဲ့ မိန့်​ခွန်းထဲ၌ တရုတ်​နိုင်​ငံရဲ့ မဟာဗျူဟာမြောက်​ ရည်​မှန်းချက်​တစ်​ခုကတော့ တရုတ်​နိုင်​ငံသားအားလုံးတို့အားဆင်းရဲမွဲတေမှုဘ၀ကနေ လွတ်​ကင်းရေး အကောင်​ထည်​ဖော်​ဆောင်​ရွက်​မည် ဖြစ်​ကြောင်း အလေးပေး မီးမောင်း ထိုးပြောကြားခဲ့သည်​။  ၂၀၁၃ခုနှစ်​ကနေ ၂၀၁၈အထိ ကာလအတွင်း တရုတ်​နှင့်​ စီမံကိန်း ရပ်​၀န်းတလျှောက်​ ရှိ နိုင်​ငံများတို့ရဲ့ ကုန်​သွယ်​မှု တန်​ဖိုးဟာ ဒေါ်လာ ၆ ထရီလီယံ နီးပါးအထိရှိခဲ့ပြီး ၎င်းဒေသရှိ နိုင်​ငံသားများတို့အတွက်​ အလုပ်​အကိုင်​ အခွင့်​အလမ်း ၃သိန်းကျော်​ကိုဖန်​တီးပေးနိုင်​ခဲ့သည်​။ BRI စီမံကိန်းကို လက်​ခံ ပူးပေါင်းလိုကြသည့်​နိုင်​ငံပေါင်း၆၀ကျော်​အထိ ရှိနေပြီး အီတလီ၊နယူးဇီလန်​၊ သြစတြီးယား၊ ကာဇက်​စတန်​ နှင့်​တောင်​အာဖရိကနိုင်​ငံများတို့လည်း ပါဝင်​ကြသည်​။

BRI ဟာ တရုတ်​နှင့်​ ကမ္ဘာ့နိုင်​ငံတို့အား ချိတ်​ဆက်​ပေးမည့်​ ကုန်​သွယ်​ရေးလမ်းကြောင်း ဖောက်​လိုက်​ခြင်းသဘောလည်း ဖြစ်​သည်​။ အနောက် သတင်းမီဒီယာ အများစုတို့က BRI စီမံကိန်းဟာ တရုတ်​ရဲ့ကိုယ်​ကျိူးစီးပွား ရှေ့တန်းတင်​ စီမံကိန်းမျိူးသာ ဖြစ်​ပြီး ကမ္ဘာ့နိုင်​ငံများတို့အတွက်​ အကြွေး ထောင်​ချောက်​ မိနိုင်​သည်​လို့ ဝေဖန်​သတိပေးရေးသားကြသည်​။ ESSB KGရဲ့ စီအီးအို Alawi Shaaban
Swabury ရဲ့အဆိုအရ အာဖရိကနိုင်​ငံတိုင်းကတော့ BRI စီမံကိန်းကို လက်​ကမ်းကြိုကြသည်​က များကြသည်​ဟု ဆ်ိုထားသည်​။ အဲဒီနိုင်​ငံတွေက အခြေခံအဆောက်​အုံ ဖွံ့ဖြိုးမှုရှိစေခြင်းက ကုန်​သွယ်​ရေးလမ်းကြောင်းကို ပိုပြီးဖြောင့်​ဖြူးစေပြီး ဒေသတွင်း အလုပ်​အကိုင်​ ရရှိမှုနှင့်​ စီးပွားရေးဖွံ့ဖြိုးမှုကို ရှိစေနိုင်​သည်ကို ကောင်းစွာနားလည်​ သဘောပေါက်​ကြသည်​ဟု၎င်းက ပြောကြားခဲ့သည်​။

ဥဇဘက်​ကစ္စတန်​နိုင်​ငံရဲ့ အနာဂတ်​ဖွံ့ဖြိုးရေးမဟာဗျူဟာ ပိုင်း၌ BRI စီမံကိန်းကို အမှီပြုထားတာမျိူးလည်း ရှိလေသည်​။နိုင်​ငံခြားကုန်​သွယ်​ရေးလမ်းကြောင်းကိုဖွင့်​ပြီး ပြည်​ပပို့ကုန်​တန်​ဖိုးကို တိုးမြှင့်​နိုင်​ရန်​အတွက်​တရုတ်​ရဲ့ BRIစီမံကိန်းကို ပူးပေါင်းပါဝင်​ လုပ်​ဆောင်​မည်​ဟု ဆိုထားသည်​။ နိင်​ငံများစွာတို့သည်​က လမ်း၊တံတား စီမံကိန်းများလိုမိမိတို့နိုင်​ငံ့များရဲ့ဖွံ့ဖြိုးရေးရည်​မှန်းချက်​များကို အထောက်​အကူ ပြုပေးနိုင်​မည့်​ တရုတ်ရဲ့ BRI စီမံကိန်းကို စိတ်​၀င်​စားမှု့ များစွာ ရှိနေကြသည်​။

တရုတ်​နှင့်​ ကမ္ဘာ့နိုင်​ငံများတို့ရဲ့ကြား၌ BRI စီမံကိန်း၌ ပင်​လယ်​ရေကြောင်းလမ်းဖြင့်​ ထိစပ်​နေသည့်​နိုင်​ငံ့ဆိပ်​ကမ်းပေါင်း ဟာ ၆၀၀ထက်​မနည်း ရှိနေသည်​။ ၂၀၁၈ထဲ၌ မီးရထားလမ်းအားဖြင့်​ တရုတ်​-ဥရောပ တို့ကြားကုန်​ပစ္စည်းတင်​ပို့မှု့ တန်​ဖိုးဟာ ဒေါ်လာ ၁၆ဘီလီယံအထိရှိခဲ့သည်​။ တရုတ်​နှင့်​BRI နိုင်​ငံများတို့ရဲ့ကြား ၂၀၁၇ထဲ၌ ခရီးသွားလည်​ပတ်​မှု့နှုန်းဟာ ၂.၆ဆ မြင့်​တက်​လာခဲ့သည်​။

တရုတ်​သမ္မတ ရှီကျင့်​ပင်းလက်​ထက်​၌ ဟန်​မင်းဆက်​နှင့်​ မင်​ မင်းဆက်​တို့လက်​ထက်​တွင်​ ကြိုးပမ်းအားထုတ်​ခဲ့ဖူးတဲ့ တရုတ်​ပြည်​ရဲ့ စီးပွားရေးကို အနောက်​ရဲ့စီးပွားရေးနှင့်​ ဆက်​သွယ်​နိုင်​ဖို့ ကြိုးစားခဲ့သည့်​ တရုတ်​ရဲ့အိမ်​မက်​ကို အကောင်​ထည်​ဖော်​ရန်​ ကြိုးစားခြင်းလည်းဖြစ်​သည်​။ အစောပိုင်းတုန်းက "One Belt One Road "ဟု အမည်​ ပေးထားရာကနေ "Belt and Road Initiative" လို့ ပြောင်းသုံးလာသည်​။ ၎င်းBRIအသုံး၌ တရုတ်​သည်​ "strategy","project","programme","agenda"တို့လို့ စီမံကိန်း ဘက်​ကိုကိုယ်​စားပြုတဲ့ စကားလုံး၊ အသုံးအနှုန်းများတို့ကို မသုံးဘဲ "initiative" ဆိုသည့်​ စကားလုံး၊ အသုံးအနှုန်းကိုသာ သုံးနှုန်းထားသည်​ကို တွေ့ရသည်​။

BRI စီမံကိန်း၌ Road ဆိုသည်​မှာ တရုတ်​ပြည်​ရဲ့တောင်​ဘက်​ ကမ်းရိုးတန်းကို အရှေ့အာဖရိက၊မြေထဲပင်​လယ်​တို့နှင့်​ ဆက်​သွယ်​ပေးမည့်​ အဓိကပင်​လယ်​ လမ်းကြောင်းစီမံကိန်းကို ဆိုလိုခြင်းဖြစ်​သည်​။ Belt ဆိုတာကတော့ ကုန်းလမ်းကြောင်းအတိုင်းတရုတ်​နိုင်​ငံကို အာရှ အရှေ့အလယ်​ပိုင်းနှင့်​ အရှေ့လယ်​ပိုင်းဒေသ တို့ကို ဖြတ်​ပြီး ဥရောပ သို့ဆက်​သွယ်​ပေးမည့်​ အစီအစဉ်​ ဖြစ်​သည်​။ပထ၀ီအနေအထားအရ BRI ကိုသရုပ်​ခွဲကြည့်​မည်​ဆိုပါက မြောက်​ပိုင်း၊ အလယ်​ပိုင်းနှင့်​ တောင်​ပိုင်း ခါးပတ်​များဟူ၍ ရှိသည်​။မြောက်​ပိုင်းသည်​က အာရှအလယ်​ပိုင်း နှင့်​ ရုရှားကို ဖြတ်​ပြီးဥရောပနှင့်​ ဆက်​သွယ်​သည့်​ လမ်းဖြစ်​သည်​။ အလယ်​ပိုင်းသည်​ကတော့ အာရှအလယ်​ပိုင်း၊ အနောက်​ပိုင်းနှင့်​ ပါရှားပင်​လယ်​ကွေ့ကို ဖြတ်​ပြီး မြေထဲပင်​လယ်​ဆီသို့ဦးတည်​သည့်​လမ်းဖြစ်​သည်​။ တောင်​ပိုင်းသည်​ကတော့ အရှေ့တောင်​ အာရှ၊တောင်​အာရှကနေ အိန္ဒိယသမုဒ္ဒရာဘက်​ကို ဖောက်​ထွက်​မည့်​ လမ်းဖြစ်​သည်​။

လက်​ရှိ၌ ဒုတိယ အကြိမ်​မြောက်​BRI ဖိုရမ်​ မတိုင်​ခင်​ နိုင်​ငံပေါင်း ၄၀တို့က လက်​ခံပူးပေါင်းကြရန်​ လက်​မှတ်​ထိုးထားပြီး နိုင်​ငံပေါင်း ၆၀ကျော်​တို့က ထောက်​ခံထားကြသည်​။ BRI စီမံကိန်းဟာ ရေရှည်​ စီမံကိန်းကြီး ဖြစ်​လို့ ခေါင်းဆောင်​ အပြောင်းအလဲလုပ်​လိုက်​တာနဲ့ သဲထဲရေသွန်​
အနေအထားမျိူးရှိနိုင်​လို့ သမ္မတရှီကျင့်​ပင်းက ပထမသမ္မတသက်​တမ်း ပြည့်​သည့်​နေ့မှာ ဒုတိယ သမ္မတသက်​တမ်း ထမ်းဆောင်​ဖို့ရန်​ ကြိုးစားခြင်းနှင့်​အတူ ဖွဲ့စည်းပုံအခြေခံဥပဒေ အရခွင့်​ပြုထားတဲ့ သမ္မတသက်​တမ်း ၂ကြိမ်​သာ ထမ်းဆောင်​ခွင့်​ ကန့်​သတ်​ချက်​ကို ပယ်​ဖျက်​ခဲ့ပြီး တခြားသော ပြင်​ဆင်​ဖြည့်​စွက်​စရာ အချက်​ ၂၀ကိုလည်း ပြင်​ဆင်​ခဲ့သည်​။ အဲဒီတော့ ရာထူးမြဲ၊ နေရာမြဲ ဘ၀ဖြင့်ရှီကျင့်​ပင်းသည်​ နိုင်​ငံ့ခေါင်းဆောင်​နေရာကို အကန့်​အသတ်​မရှိ တာဝန်​ထမ်းဆောင်​ပြီးတိုင်းပြည်​ ဖွံ့ဖြိုးရေး စီမံကိန်းများကို ဆက်​၍ မိမိစိတ်​ကြိုက်​ အကောင်​အထည်​ ဖော်​လို့ ရနေသည့်​ အနေအထားမျိုး ဖြစ်​သည်​။

လက်​ရှိ၌ သီရိလက်ာနိုင်​ငံ၊ ကမ္ဗောဒီးယား နိုင်​ငံတ်ို့ကတော့ တရုတ်​ရဲ့ BRI စီမံကိန်းကြောင့်​ အကျိူးဖြစ်​ထွန်းမှုနည်းပြီး တရုတ်​ကုမ္ပဏီများ၊ တရုတ်​နိုင်​ငံသားတို့ကစီမံကိန်းအကြောင်းပြပြီး ၎င်းနိုင်​ငံများထဲသို့ ၀င်​ရောက်​ပြီး ရွှေ့ပြောင်းနေထိုင်​မှု့ တွေ များစွာ တိုးလာသည်​ဟူ
သော ညည်းညူသံတွေတော့ ထွက်​လာကြသည်​။

မြန်​မာနိုင်​ငံသည်​လည်း တရုတ်​ရဲ့ BRI စီမံကိန်းတွေမှာ အကျိူးတူ ပူးပေါင်းလုပ်​ဆောင်​ဖို့ရန်​ ရှိနေပြီး၊၂၀၁၈ခုနှစ်​၊ စက်​တင်​ဘာထဲ၌ နှစ်​နိုင်​ငံ အစိုးရတို့ကြား နှစ်​နိုင်​ငံနားလည်​မှု့ စာချွန်​လွှာ MOUကို လက်​မှတ်​ထိုးခဲ့ပြီးဖြစ်​သည်​။ လာမည့်​ BRIဖိုရမ်​သို့လည်း နိုင်​ငံတော်​အတိုင်​ပင်​ခံ ပုဂ္ဂိုလ်​ တက်​ရောက်​မည်​လို့လည်းသိရသည်​။ တရုတ်​-မြန်​မာ ဆက်​ဆံရေး၌ မြန်​မာနိုင်​ငံသည်​ လက်​ရှိအနေအထား၌ မြစ်​ဆုံစီမံကိန်းနှင့်​ ပတ်​သက်​လို့ တရုတ်​ရဲ့ဖိအားပေးမှု့ ကို ခံနေရသည်​။ စစ်​အစိုးရ ခေါင်းဆောင်​ ဦးသန်းရွှေလက်​ထက်​ကတည်းက အစပြုခဲ့တဲ့မြစ်​ဆုံစီမံကိန်းဟာ ဦးသိန်းစိန်​လက်​ထက်​၌ ယာယီရပ်​ဆိုင်းခဲ့ပြီးနောက်​ NLD အစိုးရ လက်​ထက်​မှာ တာဝန်​ယူဖြေရှင်းရမည့်​ အမှိုက်​ထုပ်​ကြီးသဖွယ်​ ရှိနေပါသည်​။
လက်​ရှိNLD အစိုးရသည်​လည်း မြစ်​ဆုံစီမံကိန်းကို ပြန်​စ မည်​ဆိုပါက တရုတ်​ရဲ့ ဖိအားပေးမှုကို လျော့ကျစေနိုင်​ပေမယ့်​ မြန်​မာပြည်​သူတွေရဲ့ ဖိအားပေးမှု့ကို များစွာခံကြရမည်​ဖြစ်​ပြီး လာမည့်​ရွေးကောက်​ပွဲမှာ အနိုင်​ရဖို့ရုန်းကန်​ ရဖို့ရှိနိုင်​မည်​။

လောလောဆယ်​၌ ရခိုင်​အရေးလို ကိစ္စမျိူး၌ ကုလသမဂ္ဂနှင့်​ OIC နိုင်​ငံတို့က မြန်​မာကို အမဲဖျက်​ဖို့ရန်​ ကြိုးစားနေကြသည်​ကို တရုတ်​ကြီးက နိုင်​ငံတကာအရေး၌ မြန်​မာနိုင်​ငံဘက်​က မားမားမတ်​မတ်​ ရပ်​တည်​ပေးခဲ့လို့လက်​ရှိNLD အစိုးရအတွက်​ အကျဉ်းထဲ အကြပ်​ထဲသို့ရောက်​ရှိ နေပြီ ဖြစ်​သည်​။ လက်​ရှိအနေအထား၌ တရုတ်​-မြန်​မာ စီးပွားရေးစင်္ကြန်​ အပိုင်းစီမံကိန်းကို တရုတ်​ဘက်​ကရော၊ မြန်​မာဘက်​ကပါ အကောင်​အထည်​ဖော်​ဖို့ရန်​ သဘောတူထားပြီးဖြစ်​သည်​။ တရုတ်​နိုင်​ငံ၊ယူနန်​ပြည်​ကနေ မူဆယ်​ကိုဖြတ်​ပြီး၊ ရခိုင်​ပြည်​နယ်​အထိ ဖောက်​မယ့်​ မီးရထား လမ်းမကြီးစီမံကိန်းကိုတော့ မြန်​မာဘက်​က လိုက်​လျောရဖို့ ရှိနေပါသည်​။ China Myanmar Economic Corridor( တရုတ်​-မြန်​မာ စီးပွားရေး
စင်္ကြန်)မှာပါဝင်​မည့်​ စီမံကိန်းက ၁၂ခုလောက်​ရှိနေသည်​။ ယခုBRI ဒုတိယအကြိမ်​မြောက်​ ဖိုရမ်​မှာ ဒေါ်အောင်​ဆန်းစုကြည်​သည်​ ၎င်း CMEC နှင့်​ဆိုင်​တဲ့ စီမံကိန်းတွေအတွက်​ နားလည်​မှုစာချွန်​လွှာ ရေးထိုးသွားဖွယ်​ရှိနိုင်​လို့ နားစွင့်​ကြရအောင်လို့ တိုက်​တွန်း​လိုက်​ရပါသည်​။

#KoNayNay
Mon,Apr 22

read more