 |
| သရုပ်ဖော် ကိုထိုက် |
ရန်ကုန်မြို့ထဲ လမ်းဘေးဈေးဆိုင်တွေက အစားအသောက်တွေအကြောင်း၊ အင်တာဗျူး အမေး အဖြေတွေနဲ့တကွ မှတ်တမ်းတင်တယ်။ ဒါတင်ဘယ်ကမလဲ၊ ကိုယ်တော်ချော ၂ ယောက်ဟာ အင်ယားကန် စောင်း ခြံအမှတ် ၅၄ က ဒေါ်အောင်ဆန်းစုကြည်နေအိမ်တောင်ရောက်သွားပြီး အင်တာဗျူးလိုက်သေးတယ်။ ဘာနိုင်ငံရေးမေးခွန်းမှ မပါဘူး။
ဒေါ်စုကို စပြီး မေးတာကိုက ……
“ဘာအစားအသောက်ကို အကြိုက်ဆုံးလဲ”တဲ့။
ဒေါ်အောင်ဆန်းစုကြည်ကလည်း တလေးတစား၊ ခင်ခင်မင်မင်ရယ်မောပြီး …
“ထမင်းပူပူကို ငါးခြောက်ဖုတ် ဆီဆမ်းပြီး စားရတာ အကြိုက်ဆုံးပဲ”လို့ ဖြေတယ်။ သူ့ဖခင်က“ကြည်ရေ…ပဲပြုတ်နဲ့နံပြား ရရင် စားချင်တယ်”လို့ ရေးထားတဲ့ ဒေါ်ခင်ကြည်ဆီပေးခဲ့တဲ့ ဗိုလ်ချုပ်ရဲ့ လက်ရေးမူလေး မျက်စိထဲပြေးမြင်ယောင်မိတယ်။ ဒေါ်အောင်ဆန်းစုကြည်က သူတို့ကို ဘာလချောင်ကြော် လေးတောင် လက်ဆောင်ပေးလိုက်သေးတယ်။ ထားပါတော့၊ အဲဒီအစား အသောက်ဆိုင်ရာ သတင်းသမား တွေ မြို့ပေါ်မှာရော၊ တောတွင်းသူပုန်စခန်းတွေမှာရော သူများလက်ရာလည်းစား၊ ကိုယ့်လက်ရာပါ ချက်ပြုတ် ကြွေးမွေးခဲ့တာလေးတွေကို ရုပ်မြင်သံကြားအစီအစဉ်က ပြသွားတာလေး ပျော်စရာ၊ စိတ်ဝင်စားစရာလေးပါ။
အဲဒီ ဇာတ်လမ်းကြည့်ရင်း ကျနော် စဉ်းစားမိတာက သူတို့ရဲ့ မြန်မာ့မြို့ပေါ်နဲ့ တောတွင်း အစား အသောက်အစီအစဉ်တွေအကြောင်း မဟုတ်ဘူး။ ဒီပုဂ္ဂိုလ်တွေ တရားမ၀င်၊ ဗီဇာမပါ၊ တောထဲကဖြတ်ပြီး .. ဟိုး .. ရန်ကုန်မြို့ထဲအထိ ရောက်သွားတာကိုပါ။
အဲဒီမှာ လုံခြုံရေးကိစ္စတွေအကြောင်း အတွေးထဲဝင်လာပါတယ်။ မျက်ကန်းတစ္ဆေမကြောက်၊ အထောက်အထားဗလာနဲ့ ဇွတ်တိုးသွားတဲ့ဒီလူတွေ ကံကောင်းလှချေလားလို့တောင်တွေးပြီး သူတို့အတွက် ၀မ်းသာပီတိ ဖြစ်မိသေးတယ်။
ပြီးတော့ တချိန်က အိန္ဒိယ-မြန်မာနယ်စပ် မဏိပူပြည်နယ်အတွင်း ဘာအထောက်အထား သက် သေမှမရှိဘဲ သတင်းထောက်ဘ၀နဲ့လှုပ်ရှားသွားလာရင်း ကြုံခဲ့ရတဲ့အိပ်မက်ဆိုးတွေဆီ စိတ်ကရောက်သွား တယ်။
(၂)
လမ်းပေါ်မှာ စစ်ကားကြီး (၃) စီး ရပ်ထားတယ်။ ရှေ့က ကားမှာတော့ လက်နက်ကိုယ်စီ ကိုင် ဆောင်ထားတဲ့ အာသံရိုင်ဖယ်တပ်က အိန္ဒိယ စစ်သားတွေ။ အလယ်မှာရပ်ထားတဲ့ ကားခေါင်းခန်းကို စောစောက ကျနော့်ကို စစ်ဆေးမေးမြန်းခဲ့တဲ့ အာသံလူမျိုး စစ်ဗိုလ်တက်သွားတယ်။ ကားအားလုံးက အမိုးဖွင့်ထားပြီး နောက်ဆုံး ကားမှာလည်း လက်နက်ကိုင်စစ်သားတွေ။ လက်နက်ကိုင် အိန္ဒိယစစ်သားတယောက်က အလယ်က စစ်ထရပ်ကားကြီးပေါ် တက်ဖို့ ကျနော့်ကို သေနပ်ဒင်နဲ့တွန်းပြီး အမိန့်ပေးလိုက်တယ်။
ကားပေါ်မှာလည်း လက်နက်ကိုင် စစ်သား (၈) ယောက်လောက် ရှိတယ်။ ကားပေါ်ရောက်တာနဲ့ ကျနော်ရဲ့လက် (၂) ဘက်ကို ရှေ့ဘက်ဆန့်တန်းခိုင်းပြီး လက်သန်းလောက်တုတ်တဲ့ နိုင်လွန်ကြိုးနဲ့ အထပ် ထပ် တုတ်နှောင်လိုက်တယ်။ ကြည့်ရတာ ကမန်းကတန်း တွေ့ရာကြိုးတချောင်းရှာဖွေဆွဲလာသလိုပါပဲ။ အလဲ့။ စစ်သား (၂) ယောက်က ကျနော့် နောက်ကျောဘက်ကနေ သေနတ်နဲ့တောင် အသင့်ချိန်ထားလို့ပါ လား။
နောက်က စစ်ကားကို လှည့်ကြည့်လိုက်တော့ ဘရင်းကယ်ရီယာကြီးက ကျနော်တို့ ကားဘက် ချိန် ထားလိုက်သေးတယ်။ တကယ့်ကိုဘဲဗျာ။ လက်နက်မပါ၊ ဘာမပါတဲ့ သတင်းထောက်တယောက်ကို လက် နက်ကိုင် စစ်သားတွေအပြည့်နဲ့ ကား (၂) စီး ရှေ့နောက်ညှပ်ပြီးဖမ်းခေါ်တာကို ကျနော် လုံးဝ နားမလည်နိုင် ဘူး။ ကိုယ့်ကိုယ်ကို “ငါကွ” လို့ ရုပ်ရှင်ဇာတ်လိုက်လိုမျိုး ဂုဏ်ယူရတော့မလိုလို။ “ကျနော် ခင်ဗျားတို့ စွပ်စွဲ သလို၊ သူလျှို မဟုတ်ရပါဘူး” လို့ဘဲ အော်ဟစ်ငိုယိုပြီး ရှစ်ခိုးတောင်းပန်ရတော့မလိုဘဲ။ ဘ၀မှာ တခါမှ မကြုံဘူးတဲ့ အဖြစ်။
အချိန်ကလည်း ည (၁၂) နာရီ ထိုးခါနီးနေပြီ။ ဒုတိယကမ္ဘာစစ်ကတည်းကဖောက်ခဲ့တဲ့ အခု မိုးရေး-အင်ဖား အဝေးပြေးလမ်းဟာ ညမိုးချုပ် (၆) နာရီကျော်ရင် ကားအသွားအလာဖြတ်သန်းမှု လုံးဝ မရှိဘူး။ လမ်းပေါ်မှာ ကျနော့်ကို ဖမ်းခေါ်လာတဲ့ ကား (၃) စီးဘဲ ရှိတယ်။ ပထမပိုင်းတော့ ကျနော့်စိတ်ထဲ စိုးရိမ်စိတ်၊ ကြောက်စိတ်တွေဝင်ပြီး သိမ်ငယ်သွားတယ်။ ငါ့ကိုတော့ တမူးစစ်တပ်ကို မလွှဲဘူးဆိုရင်တောင် အနည်းဆုံး အင်ဖားထောင်တော့ သေချာပြီလို့တွက်လိုက်တယ်။ အင်ဖားထောင်ဆိုရင်တော့ ကိစ္စမရှိဘူး။ ကိုယ်လည်း အရင်က တနှစ်နီးနီးနေခဲ့ဘူးတယ်။ ကိုယ့်လူတွေလာပြီး အာမခံနဲ့ခေါ်ထုတ်နိုင်တယ်ဆိုပြီး စိတ်ကို ဖြေလိုက် တယ်။ ဟိုဘက်ကမ်း (မြန်မာစစ်တပ်) တော့ မလွှဲလောက်ဘူးလို့ စိတ်ကသိနေတယ်။ ကျနော့်ကို စစ်ဆေးနေ တုံးကလည်း အာသံစစ်ဗိုလ်လေးကို၊ ခင်ဗျားတို့ ကျနော့်ကိုမယုံလို့ ဖမ်းချင်ဖမ်း။ ဒါပေမဲ့ မြန်မာစစ်တပ်ကို တော့ လုံးဝမလွှဲပါနဲ့လို့ မေတ္တာရပ်ခံခဲ့ပါတယ်။ သူကလည်း ….
“အေးပါ။ မင်းသာ မှန်မှန်ကန်ကန် ဖွင့်ပြောမယ်ဆို မြန်မာဘက် မလွှဲပါဘူး”လို့ ကတိပေးခဲ့တာကိုး။
ပြီးတော့ ကားခေါင်းတွေ ဦးတည်လှည့်ထားတာက အင်ဖားမြို့ဘက်ဆိုတော့ စိတ်က အန္တရာယ်မဖြစ်လောက်ဘူးလို့ သိနေသလိုပဲ။ ကျနော်လည်း ကိုယ့်ကိုယ်ကို သေလူတယောက်လို့ စိတ်ထဲ ဒုန်းဒုန်း ချထားလိုက်တယ်။ အဲလို မိမိကိုယ်ကို သေလူလို့ သတ်မှတ်လိုက်ရင် စိတ်က တည်ငြိမ်သွားတယ်။
ည (၁၂) နာရီ ကျော်ကျော်လောက်မှာ ကားရှေ့ခန်းက စစ်ဗိုလ်က၊ ၀ိုင်ယာလက်စ်နဲ့ အပြန်အလှန် စကားပြောပြီး မကြာခင်မှာ ကားတွေအားလုံး စထွက်ပါတယ်။ လမ်းဘေးဝဲယာ မှောင်မဲနေတယ်။ အချိန်က လည်း အခုလိုပဲ သင်္ကြန်ပြီးကာစ ဧပြီလနောက်ဆုံးပတ်ဆိုတော့၊ အမိုးဟာလာဟင်းလင်းနဲ့ကားပေါ် လိုက်လာ ရပေမဲ့၊ ဆောင်းတွင်းပိုင်းလို ချမ်းစိမ့်တုံ ခိုက်မနေဘူး။
တကယ်တမ်းဆို၊ နယ်စပ်မှာ သတင်းထောက်လှမ်းရင်းအဖမ်းခံရတာ ဒါ ပထမဆုံးတော့ မဟုတ် ဘူး။ အရင်နှစ် (၁၉၉၈) တုန်းကလည်း မိုးရေး နယ်ခြားစောင့်ရဲက တခါ ဖမ်းဘူးတယ်။ အဲဒီတုံးက တည လောက်အိပ်ပြီး ဒေသတွင်း အဖွဲ့အစည်းတွေရဲ့အကူအညီနဲ့ ဟိုဘက်ကမ်း (မြန်မာဘက်) အလွှဲမခံရဘဲ လွတ်မြောက်ခဲ့တာ။ ကျနော်ဟာ၊ ကားပေါ်မှာ တည်တည်ငြိမ်ငြိမ် လိုက်ပါလာရင်း ကိုယ့်ရဲ့ပထမအကြိမ် သတင်းထောက်ဘ၀ အဖမ်းခံရတဲ့ နောက်ကြောင်းတွေကို ပြန်တွေးနေမိတယ်။
(၃)
အမှန်တော့ ဒီနယ်မြေတွေက ယေဘုယျအားဖြင့်ပြောရရင် မငြိမ်းချမ်းတဲ့ နယ်မြေ။ ပြည်တွင်းစစ်ဖြစ်နေတဲ့ ဒေသလို့ ပြောရင်ရတယ်။ မဏိပူပြည်နယ် တခုထဲမှာ ခွဲထွက်ရေး၊ ကသဲ လက်နက်ကိုင်အဖွဲ့ (မှတ်မိသ လောက်) အနည်းဆုံး (၇) ဖွဲ့ရှိတယ်။ ဒါတောင် အင်အားသေးသေးသူပုန်တွေ မပါသေးဘူး။ သူပုန်တွေက အခွန်တွေ၊ ဆက်ကြေးတွေနဲ့ ရပ်တည်နေရတာ။ ပြောရရင် လမ်းဘေးကွမ်းယာဆိုင်ကစလို့၊ မြန်မာ-အိန္ဒိယ ကုန်သွယ်ရေးလမ်းကြောင်းက ကုန်တင်ကားတွေ၊ ကုန်သည်တွေ၊ ဆိုင်ခမ်းတွေကအစ၊ အစိုးရ၀န်ကြီးတွေထံ ကအဆုံး၊ ဆက်ကြေးနဲ့အခွန် တောင်းလေ့ရှိတယ်။ နို့မဟုတ်လည်း သူတို့မှာ ရံပုံငွေ မရှိဘူး။ မူးယစ်ဆေးဝါး မှောင်ခိုမှုကို သူတို့ကိုယ်တိုင် ပြင်းပြင်းထန်ထန်တိုက်ဖျက်တာမို့၊ သူပုန်တွေအတွက် ရစရာဝင်ငွေက၊ ကုန်သွယ်ရေးလမ်းကြောင်းကပဲ ဖြစ်တယ်။
အိန္ဒိယနဲ့ အင်္ဂလိပ်လက်အောက်ကနေ လွတ်လပ်ရေး အတူယူခဲ့ပေမဲ့ မဏိပူရ ပြည်သူတွေအပေါ်၊ နိုင်ငံရေးသြဇာတင်မက၊ စီးပွားရေး၊ ဘာသာရေး၊ လောကမှာရော (စာပေတောင်မှ မဏိပူရ အက္ခရာစာပေကို ကျောင်းသုံးဘာသာအဖြစ် ပြဌာန်းမပေးဘူး။ ဟိန္ဒူစာတွေနဲ့ သင်ကြားနေရတာ) လူမှုရေးနဲ့ယဉ်ကျေးမှု နယ် ပယ်မှာပါ၊ အိန္ဒိယသြဇာတွေ လွမ်းမိုးလာလို့၊ အိန္ဒိယ ဗဟိုအစိုးရကို မဏိပူရပြည်သူတွေ မလိုလားဘူး။
ငါတို့ မွန်ဂိုလွိုက်အနွယ်နဲ့ အာရယာန်တွေ ဆက်စပ်လို့မရပါဘူးလို့ အမြဲ ပြောလေ့ရှိတယ်။ ဒီတော့ ကိုယ်ပိုင်ခွဲထွက်ခွင့်တောင်းတယ်။ လက်နက်ကိုင် တိုက်နေကြတယ်။ ဒါက မဏိပူရပဲ ရှိသေးတယ်။ အိန္ဒိယနဲ့ မြန်မာပြည်ထိစပ်နေတဲ့ နယ်စပ်တလျှောက် (အိန္ဒိယ အရှေ့မြောက်ပိုင်း ပြည်နယ် (၇) ခုလုံးမှာ လွတ်မြောက် ရေးတိုက်ပွဲတွေ ရှိတယ်။ တချို့က ထင်ထင်ရှားရှား၊ တချို့က တိုးတိုးတိတ်တိတ်) ဒါဟာ ဒီမိုကရေစီစနစ် ကျင့် သုံးနေတဲ့အိန္ဒိယနဲ့ ကွန်မြူနစ် တရုတ်တို့ရဲ့နိုင်ငံရေးအရ မတူညီမှုတွေထဲက တခုပါ။
တရုတ်နယ်စပ်မှာက သူပုန်မရှိဘူး။ လက်နက်ကိုင် ထကြွသူမရှိတော့ ငြိမ်းချမ်းတယ်လို့ ဆိုရအုံး မယ်။ အိန္ဒိယနယ်စပ်မှာ မငြိမ်းချမ်းပုံက ကျနော်တို့ဗမာပြည်လိုပဲ။ ဗျူဟာကျတဲ့တောင်ကုန်းတွေမှာ စစ်တပ် စခန်းတွေရှိတယ်။ လုံခြုံရေးစစ်ဆေးရေးဂိတ်တွေရှိတယ်။
တချို့နေရာတွေမှာ ခရီးသည်တွေ ကားပေါ်ကဆင်းပြီး လမ်းဘေးမှာ တန်းစီရပ်နေရတယ်။ အမျိုး သမီး သပ်သပ်၊ အမျိုးသား သပ်သပ်။ ပြီးတော့ စစ်သားတွေက ခန္ဓာကိုယ်အနှံ့ရှာတယ်။ မသင်္ကာတဲ့ ယောင်္ကျားလေးတွေကို ပုခုံးကို ဆုပ်ကိုင်ကြည့်တယ်။ အင်္ကျီလှန်ကြည့်တယ်။ ပုခုံးက မာပြီး ညိုမဲနေရင် (ကျွဲပုခုံး ထနေရင်) မချောင်ဘူး။
ဒီကောင် သူပုန်ဖြစ်နိုင်တယ်။ ကျောပိုးအိပ် အမြဲထမ်းနေကျမို့ ပခုံးက အသားမာတက်နေတယ်လို့ ယူဆတယ်။ ကုလားစစ်သားတွေက ခြေဖျားကနေ၊ ခေါင်းအထိ စေ့စေ့စပ်စပ်ကြည့်ရုံမက၊ မျက်နှာအမူအရာနဲ့ မျက်လုံးကြည့်ပြီး အကဲခတ်တာ ရှိသေးတယ်။ တခါတလေ၊ စစ်ဆေးရေးဂိတ်တခုရောက်ရင် အစစ်ဆေးခံပြီး အထွက်ဂိတ်အထိ (၂) ဖာလုံ၊ (၃) ဖာလုံ လောက်ကို ဟန်မပျက်လမ်းလျှောက်ပြီး (စစ်သားတွေက အကဲခတ် နေတယ်။ မသင်္ကာရင် ထပ်စစ်ဆေးတယ်) သတ်မှတ်နေရာကနေ၊ ကိုယ့်ကားကို စောင့်နေရတယ်။
ဒါကြောင့် မဏိပူရမြို့တော် အင်ဖားမြို့နဲ့ မြန်မာနယ်စပ် တမူးအနီး မိုးရေးမြို့ဟာ မိုင် (၁၀၀) ကျော် လောက်သာကွာပေမဲ့ တနေကုန်ခရီး ဖြစ်သွားတာလည်း ကြုံခဲ့ဘူးတယ်။ လမ်းကလည်း သိပ်အကောင်းကြီး မဟုတ်ဘူး။ မိုးရာသီတောင်ပြိုရင် လမ်းပိတ်လို့ ကားနောက်ကျတာ၊ ကားဘရိတ်ပေါက်ပြီး ဂျောက်(ချောက်) ထဲ ထိုးကျသွားတာ၊ ဓားပြတိုက်တာ၊ ကားမှောက်တာတွေက ဆန်းပြားတဲ့သတင်း မဟုတ်တော့ဘူး။ ကျနော် ကိုယ်တိုင် ဘတ်စ်ကားမှောက်တာ တကြိမ်၊ ကားဘရိတ်ပေါက်လို့ တောင်နံရံနဲ့ဆောင့်ပြီး ရပ်လိုက်ရတာ တကြိမ် ကြုံဘူးတယ်။ ဒီခရီးလမ်းတွေဟာ ဘုရားတရားကိုအောက်မေ့ပြီး သွားလာနေကျ။ ကုသိုလ်ရတဲ့ လမ်းခရီးပေါ့။ ဒီနေရာမှာ၊ ပထမအကြိမ် မဏိပူရ ရဲတွေရဲ့ အဖမ်းမခံရခင် ၀ရမ်းထုတ်ခံရတာလေး အရင် ပြောပြချင်တယ်။ ၁၉၉၈ မိုးရာသီလောက် ဖြစ်မယ်။ အခု ကွယ်လွန်သွားပြီဖြစ်တဲ့ ကိုတင်ဝင်း (အနောက်ဖက် ဒေသ-ကျောင်းသားတပ်မတော် တာဝန်ခံ) က ကျနော့်ကို တယ်လီဖုံးဆက်ခေါ်တယ်။ ဒါနဲ့ သူတို့ရုံးခန်းကို ကျနော်သွားတွေ့တော့ ကျနော်ကို ကြေးနန်းစာရွက်ပိုင်းတခု ပေးတယ်။ သူ့ရဲ့မိတ်ဆွေ အိန္ဒိယ စစ်ထောက် လှမ်းရေးအရာရှိက ပေးလိုက်တာတဲ့။ မင်းကိုလည်း သူတို့နဲ့ လာတွေ့ခိုင်းတယ်ဆိုပြီး ပြောပါတယ်။
စာကို ကျနော် ဖတ်ကြည့်တော့ ကျနော့နာမည်နဲ့ ၀ရမ်းထုတ်ထားတာ ဖြစ်နေတယ်။ စာထဲမှာ “မောင်ညို (၀ါရှင်တန်ဒီစီ အခြေစိုက်၊ လွတ်လပ်တဲ့အာရှအသံ၊ မြန်မာပိုင်းဌာန သတင်းထောက်) ဟာ အိန္ဒိယ-မြန်မာနယ်စပ်မှာနေထိုင်ပြီး အိန္ဒိယ-မြန်မာ (၂) နိုင်ငံဆက်ဆံရေးကို ထိခိုက်ပျက်ပြားစေနိုင်တဲ့၊ မလိုတမာ လုပ်ကြံမှုသတင်းတွေကို ၀ါဒဖြန့်လုပ်ဆောင်နေပါတယ်။ သူ့ကို တွေ့ရှိတဲ့နေရာမှာ အမြန်ဆုံး တားမြစ်အရေး ယူဘို့ အကြောင်းကြားပါတယ်လို့ အင်္ဂလိပ်လို ရေးထားတာပါ။
ကြေးနန်းပို့သူက အိန္ဒိယ အရှေ့မြောက်ပြည်နယ် အတွင်းရေးမှုး (နောင်အခါ နာဂသူပုန်များ အပါ အ၀င်၊ အိန္ဒိယခွဲထွက်ရေးသူပုန်တွေနဲ့ ဗဟိုအစိုးရကိုယ်စား ဆွေးနွေးမှုတွေ ကြားဝင်ဆောင်ရွက်သူ) မစ္စတာ ဂျီကေ ပီလွိုင်း ဖြစ်ပြီး သူ့လက်မှတ်ကိုလည်း တွေ့ရပါတယ်။ ကျနော် အဲဒီစာကို သိမ်းထားလိုက်တယ်။ ကိုတင်ဝင်း မှာလိုက်သလို စစ်ထောက်လှမ်းရေးကိုတော့ သွားတွေ့မနေဘူး။ အဲဒီ စစ်ထောက်လှမ်းရေးဆိုတာ ကျနော်တို့ဆီက သတင်းမေးတာ၊ သတင်းနှိုက်တာ၊ စစ်တပ်သတင်း၊ အတိုက်အခံသတင်း၊ သူပုန်သတင်း၊ ပြည်တွင်းသတင်းမှန်သမျှ မေးမြန်းပြီး သတင်းနဲ့ပုလင်းလဲတဲ့အဖွဲ့ဆိုတာ လူတိုင်းသိတယ်။
ကျနော်ကတော့ သူတို့နဲ့ သိပ် မပတ်သက်ချင်တော့ သွားလည်း မတွေ့တော့ဘူး။ အမှန်တော့ သတင်းထောက်ဆိုတာ ဌာနဆိုင်ရာအဖွဲ့အစည်းတိုင်းနဲ့ ထိတွေ့ဆက်ဆံနေရမှာပါ။ ဒါမှ သူတို့ဆီကလည်း သတင်းတွေ၊ အဆက်အသွယ်တွေ ရတာပေါ့လေ။ ကျနော်က တချို့ဌာနဆိုင်ရာတွေကိုတော့ ဆက်ဆံပါ တယ်။ ဥပမာ (RAW) လို့ ခေါ်တဲ့ အိန္ဒိယစစ်တပ် သုတေသနနဲ့မှတ်တမ်းရုံးဌာနတို့၊ SB အရပ်ဘက် ရဲ ထောက်လှမ်းရေး၊ မူးယစ်ရဲ၊ နိုင်ငံရေးပါတီတွေ၊ ကျောင်းသားသမဂ္ဂတွေ၊ မဏိပူရ လူငယ်အဖွဲ့အစည်းနဲ့ ပြည်နယ်တွင်း (NGO) တွေကိုတော့ ကိုယ့်ရဲ့သတင်းကိစ္စအတွက် ဆက်သွယ်ရတာပါပဲ။ အိန္ဒိယ စစ်ထောက် လှမ်းရေးကိုတော့ အယုံအကြည်မရှိလို့ကို မဆက်ဆံတာပါ။ သူတို့နဲ့ဆက်ဆံရင် အာမီရမ်ကလွဲလို့ ဘာမှ အကျိုးရလဒ် မရှိနိုင်ဘူး။
ကျန်တဲ့အဖွဲ့တွေဆီက သတင်းတွေရတယ်။ စာနာရိုင်းပင်းမှုတွေအပြင် အိန္ဒိယ နိုင်ငံရေးအခြေအနေ နဲ့ ဗဟုသုတတွေသိရတယ်။ ကျနော့်ကို ၀ရမ်းထုတ်တဲ့စာကိုလည်း သိပ်အယုံအကြည် မရှိဘူး။ အစောပိုင်းက တော့၊ ဒါ စစ်ထောက်လှမ်းရေးက လုပ်ကြံရေးသားပြီး ကျနော့ကို ခြိမ်းချောက်တယ်။ နယ်စပ်မှာ မနေရဲအောင် လုပ်တယ်လို့ မြင်နေတယ်။
ဒါပေမဲ့ ၀ရမ်းစာနဲ့ပတ်သက်ပြီး ဖြစ်နိုင်ချေရှိတာတခုက ကျနော့်နာမည်ကို ကိုညိုလို့ဘဲ လူတိုင်း သိထားပေမဲ့ “မောင်ညို”ဆိုပြီး (အင်္ဂလိပ် စာလုံးပေါင်းသတ်ပုံ မှန်မှန်နဲ့) ဖော်ပြထားတာတို့၊ “နှစ်နိုင်ငံ ဆက် ဆံရေး” ပျက်ပြားစေရန်တို့ “မလိုတမာလုပ်ကြံ သတင်းရေးသားမှု” တို့ ဆိုတာက မြန်မာစစ်အစိုးရရဲ့ အာဘော် တွေလေ။ ဒီတော့ ဒီဝရမ်းစာဟာ မြန်မာစစ်တပ်ဘက်က အိန္ဒိယအာဏာပိုင်တွေဆီ ဖိအားပေးလို့ ပေါ်လာတာ လည်း ဖြစ်နိုင်တယ်။
မြန်မာနယ်စပ် အာဏာပိုင်တွေကလည်း သတင်းထောက်တွေ နယ်စပ်လာပြီးသတင်းယူတာ လုံးဝ မလိုလားဘူး။ (၁၉၉၇) အာရ်အက်ဖ်အေမှာ ကျနော် သတင်းပို့ဖြစ်လာပြီးနောက်ပိုင်း၊ အနောက်ဘက်ဒေသနဲ့ ထိစပ်နေတဲ့ ပြည်တွင်းနဲ့နယ်စပ်သတင်းတွေ ခပ်စိပ်စိပ်လွှင့်ထုတ်နိုင်တာ။ အနောက်ဖက်ဒေသ၊ ချင်း၊ ကူကီး၊ နာဂတိုင်းရင်းသားတွေ လူ့အခွင့်အရေးအခြေအနေ နယ်စပ်က သူပုန်လှုပ်ရှားမှုတွေ၊ တိုက်ပွဲသတင်းတွေ၊ လယ်သမားတွေနဲ့ ၀န်ထမ်းတွေနဲ့ (၂) ဘက် ကုန်သွယ်ရေးလမ်းကြောင်းက အခြေအနေတွေ၊ ကုန်သည်တွေ နစ်နာမှုတွေကို မကြာခဏသတင်းလုပ်နေတော့ အာဏာပိုင်တွေနဲ့ သူတို့ ဌာနဆိုင်ရာအချင်းချင်းကြားမှာပါ ပြဿနာရှိလာပါတယ်။
အောက်ခြေက သတင်းလျှို့ဝှက်ထားတာတွေ၊ အထက်ကို သတင်းချက်ခြင်း မတင်ပြနိုင်တာတွေ၊ စစ်ထောက်လှမ်းရေးနဲ့ တခြား အုပ်ချုပ်ရေးဌာနတွေအကြား သဘောထားကွဲလွဲမှုတွေက ကျနော်တို့ ရေဒီယို သတင်းတွေကြောင့် ပိုရှုပ်ထွေးလာပါတယ်။ ဥပမာတခု ပြောပြမယ်။ ကျနော် သတင်းထောက် ဖြစ်ခါစကပါ။ တမူးအခြေစိုက် စစ်တပ်က ဗိုလ်ကြီးတယောက်နဲ့ စစ်သားတချို့ တဖက်နယ်စပ်သူပုန်တွေဆီ ကြားပွဲစားတွေ အကူအညီယူပြီး ကျည်ဆံနဲ့လက်နက်တွေ ခိုးထုတ်ရောင်းစားတယ်။
တပ်ထဲမှာ အချင်းချင်း အတို့အထောင်လုပ်လို့ လက်နက်မှောင်ခိုသတင်း ထွက်လာတယ်။ ဒါနဲ့ စစ်သားလေး (၁) ယောက်ကို လုပ်ကြံ၊ အလောင်းဖျောက်ပြီး လက်နက်တွေနဲ့အတူ တဖက်နယ်စပ် ထွက် ပြေးသွားပါတယ်လို့ သတင်းထုတ်တယ်။ ဒီကိစ္စကို အသေအချာသိတဲ့ လက်နက်ပွဲစားတယောက်က ကျနော့် ကို သတင်းပေးလို့၊ လက်နက်တွေဝယ်တဲ့ ကူကီး သူပုန်တွေဆီကပါ အတည်ပြုချက်ယူပြီး၊ တပ်မတော်ထဲမှာ ဆင်းရဲမွဲတေမှုတွေကြောင့် ဇတ်တူသား စားကုန်ကြပြီဆိုတဲ့အကြောင်း၊ အချက်အလက်တွေနဲ့ သတင်း ထုတ် လိုက်တယ်။ ဒါနဲ့ အထက်ကပါ စုံစမ်းစစ်ဆေးတဲ့အထိလုပ်ပြီး အရေးယူမှုတွေတောင် ဖြစ်ကုန်တယ်။
သတင်းက မှန်တယ်ဆိုပေမဲ့ တပ်မတော်သိက္ခာကျစရာသတင်းမို့ ကျနော်တို့ သတင်းထောက် တွေကို သူတို့ အလိုမရှိဘူး။ ဒါနဲ့ သတင်းထောက်တယောက် နယ်စပ်လာရင်၊ သူ့ကို အထဲက ဘယ်သူတွေ သတင်းပေးသလဲ။ ဒီသတင်းထောက် ဘယ်သူတွေနဲ့တွေ့သလဲ။ ဘယ်တော့ ပြန်မလဲဆိုတာ တန်ပြန် ထောက်လှမ်းစုံစမ်းတာတွေ လုပ်တယ်။ အစောပိုင်း ကျနော်လည်း ကိုယ့်ကို အဲလို လာစုံစမ်းနေမှန်း မသိဘူး။ တရက် နယ်စပ် နမ့်ဖာလုံဈေးထဲမှာ အရက်ဆိုင်ဖွင့်ထားတဲ့လူတယောက် ကျနော်နဲ့ တွေ့ချင်လို့ဆိုပြီးလာ တယ်။ သူက ပြည်တွင်းမှာကတည်းက ကျနော်နဲ့ခင်တဲ့ တမြို့ထဲ၊ တရပ်ကွက်ထဲ နေတဲ့လူ။ တမူးမှာ လ၀က ၀န်ထမ်းလုပ်ရင်း အလုပ်ပြုတ်တော့ အရက်ဆိုင်ဖွင့် ဘ၀ ကြောင်းနေတာ။
ကျနော် သတင်းထောက်မလုပ်ခင်ကတည်းက ကိုယ့်ရပ် ကိုယ်ရွာအကြောင်း သတင်းစကားပြော နေကျ။ သူက ကျနော့်ကို တွေ့တော့ ဘယ်တုံးလာလဲ။ ဘယ်နေ့ ပြန်မလဲ။ မေးတော့ ကျနော်ကလည်း “ဘာ လဲ၊ ဟိုကောင်တွေ ခင်ဗျားကို သတင်းယူဘို့ လွှတ်လိုက်တာလား”လို့ ရုတ်တရက် မေးလိုက်ပါတယ်။ သူ လည်း ကျနော့်ကို မလိမ်ဘူး၊ ပွင့်ပွင့်လင်းလင်းဘဲ ပြောတယ်။
“အေးကွာ။ မင်းရောက်နေတာ သူတို့ ပြောလိုက်လို့။ ငါတောင် မသိဘူး။ မိုးရေးမှာ မောင်ညို ရောက် နေတယ်။ သတင်းသွားမေးချေ။ ဆိုပြီးလွှတ်လိုက်တာ” လို့ပြောပါတယ်။
တကယ်တော့ ကျနော့်ဆီကို သတင်းမေးဘို့လာတာက အဓိက မဟုတ်ဘူး။ ကျနော်နဲ့ ဘယ်ကုန် သည်တွေ၊ ဘယ်အရပ်သားတွေ စကားပြောသလဲဆိုတာကို လာလေ့လာတာ၊ စုံစမ်းခိုင်းတာပါ။ ဒါကြောင့် ကျနော် မိုးလေးနယ်စပ်ရောက်ရင် သတင်းပေးတွေနဲ့တွေ့ဖို့ကိစ္စကို ညနေပိုင်း၊ ညပိုင်းကျမှ လုပ်တယ်။ နေ့ခင်းမှာ လူရှုပ်လို့။
ကျနော် နယ်စပ်တခေါက်လာရင် (၃-၄) ရက်နေပြီး၊ တွေ့စရာရှိသူတွေနဲ့ တွေ့ဆုံ၊ သတင်းတွေ ဆက်သွယ်စုံစမ်းပြီး အင်ဖားကို ပြန်တက်၊ အဲဒီမှာ အသံသွင်းယူလာတဲ့ အင်တာဗျူးတွေ၊ သတင်းတွေကို ချရေး၊ တည်းဖြတ်၊ ပြီးရင် ဌာနကို တယ်လီဖုံးကတဆင့် အသံနဲ့ဖတ်ပြသတင်းပို့။
(၄)
တနေ့ ကျနော် မိုးရေးမှာရှိတဲ့ ကျနော်တို့အဖွဲ့ (မြန်မာနိုင်ငံလုံးဆိုင်ရာ ကျောင်းသားများအဖွဲ့ချုပ် ABSL) ရုံးခန်းမှာ နယ်စပ်ရုံးတာဝန်ခံ ကိုမျိုးနဲ့ စကားပြောနေတုံး၊ မိုးရေးမြို့ SB အရာရှိ ရောက်လာပါတယ်။ သူ့ကို ကျနော် မမြင်ဖူးဘူး။ သူလည်း ကျနော့ကို မသိဘူး။ ကိုမျိုးနဲ့တော့ အတော်လေးရင်းနှီးတယ်။ သူက ကိုမျိုးကို၊ “မောင်ညိုဆိုတာ သိလား”လို့မေးတယ်။ ဒီတော့ ကိုမျိုးက “ကိုညိုကို ပြောတာလား၊ သူဘဲလေ”လို့ အခန်း ဒေါင့်မှာ စာဖတ်နေတဲ့ ကျနော့်ကိုခေါ်ပြီး မိတ်ဆက်ပေးတယ်။ အဲဒီတော့ SB ပုဂ္ဂိုလ်၊ အားတုံ့အားနာမျက်နာနဲ့ ကျနော့်ကို ၀ရမ်းစာထုတ်ပြတယ်။ အတူတူပါဘဲ။ ကျနော့ဆီမှာရှိတဲ့ စာနဲ့။ သူက ကျနော့်ကို နယ်စပ်မှာ မနေ ဘဲ၊ အမြန်ဆုံး အင်ဖားကို ပြန်ဘို့၊ သူလည်း မဖမ်းချင်တဲ့အကြောင်း၊ အားလုံးကို စာနာတဲ့အကြောင်း ပြောပါ တယ်။ ကျနော်ကလည်း တရက်လောက် နေပါရစေ။ အလုပ်ကိစ္စတခု မပြတ်သေးလို့ပါလို့ ပြောတာတောင် လုံးဝ လက်မခံဘူး။
မနက်ဖန်စောစော ကားနဲ့ အင်ဖားပြန်ဘို့ဘဲပြောပြီး၊ နှုတ်ဆက် ထွက်သွားပါတယ်။ အမှန်တော့ ကျနော် တရက် နေရအုံးမှာပါ၊ မိုးရေးက ကူကီးသူပုန်အဖွဲရဲ့အတွင်းရေးမှုးနဲ့ အင်တာဗျူးလုပ်ဘို့ ချိန်းထား တာပါ။ ညနေပိုင်းမှာ မိုးရေးကို အသစ်ပြောင်းလာတဲ့ RAW အဖွဲ့က အရာရှိက ကျနော့်ကို ဗမာပြည်အခြေ အနေ သိချင်လို့၊ တွေ့ချင်တဲ့အကြောင်းလည်း ပြောထားပါတယ်။ ဒါကြောင့်နောက်နေ့ ဘယ်လိုမှ ပြန်ဘို့ မဖြစ်ခဲ့ပါဘူး။
နောက်နေ့ နေ့လည်ပိုင်း အင်တာဗျူးအလုပ်တွေပြီးတော့၊ အသစ်ပြောင်းလာတဲ့ SB အရာရှိရဲ့ အိမ်ကို သွားပါတယ်။ သူက ခပ်ငယ်ငယ်ဘဲ။ (JNU) ဂျဝါဟာလာ နေရူး ယူနီဗာစီတီ ကျောင်းဆင်းပါ။ နယူးဒေလီမှာရှိတဲ့ အဲဒီတက္ကသိုလ်က နိုင်ငံရေးသမားနဲ့ ၀န်ထမ်းကောင်းတွေ ထွက်တဲ့ကျောင်းပါ။ ကျနော်တို့ မကြာခဏ ရောက်ဘူးတယ်။ အဲဒီကျောင်းမှာ ကျနော်တို့ မြန်မာကျောင်းသားအဖွဲ့က မြန်မာ့နိုင်ငံရေး ဆွေး နွေးပွဲတို့၊ တေးဂီတဖျော်ဖြေပွဲ၊ မြန်မာ့အစားအစာ ရံပုံငွေရောင်းချပွဲတွေ၊ ဒေါ်အောင်ဆန်းစုကြည် လွတ် မြောက်ရေး ကင်ပိန်းတွေ မကြာခဏလုပ်ခဲ့တဲ့ကျောင်းပါ။ ကျောင်းဆရာနဲ့ကျောင်းသားတချို့ ကျနော်တို့နဲ့ ရင်နှီးပြီး မြန်မာ့အရေးကို အတော်လေး ထောက်ခံတဲ့ကျောင်းပါ။
နောက်ပိုင်း မြန်မာပြည်က ကျောင်းသူ၊ ကျောင်းသားတချို့ အဲဒီမှာ ကျောင်းလာတက်တာ ကြားဘူး တယ်။ အဲဒီ RAW အရာရှိက အိမ်ရှေ့မြက်ခင်းလေးမှာ ကုလားထိုင်တွေချပေးပြီး ကျနော့ကို မိတ်ဆက်တယ်။ မြန်မာပြည်အကြောင်း သူဖတ်ဖူးတဲ့စာအုပ်တွေ ပြောပြတယ်။ လက်ရှိနိုင်ငံရေးကို မေးတယ်။ မကြာခင် မိုးရေး မြို့ခံ NGO အဖွဲ့အစည်းခေါင်းဆောင်တချို့ ခြံထဲဝင်လာမှ၊ ဒီအရာရှိ ဖိတ်ထားတာ ကျနော်တယောက်ထဲ မဟုတ်ဘူးဆိုတာ သိလိုက်တယ်။ တယောက်နဲ့တယောက် မိတ်ဆက်စကားပြောလို့ သိပ်မကြာခင်မှာဘဲ၊ ထိတ်ပြောင်ပြောင် အရပ်ပုပု၊ မျက်မှန်နဲ့ SB အရာရှိ ပေါက်ချလာရော၊ သူက ကျနော့ကို မြင်တာနဲ့ မျက်စိမျက် နှာတွေ ပျက်ပြီး၊ “မင်းမပြန်ဖြစ်ဘူးလား” လို့ မေးလိုက်ပြီး၊ အိမ်ရှင်အရာရှိနဲ့ ခပ်တိုးတိုး စကားပြောပါတယ်။ အဲဒီနောက် “ဆောရီးဘဲ။ ငါတော့ တာဝန်အရ လုပ်ရတော့မယ်။ မင်း ငါနဲ့ လိုက်ခဲ့ပါ” လို့ပြောပါတယ်။
အိမ်ရှင် အရာရှိပေါက်စလေးကတော့ အူကြောင်ကြောင်၊ အားတုန့်အားနာနဲ့ ဖြစ်သွားပြီး၊ သူ့ကို စားသောက်ပြီးမှခေါ်သွားလို့ မရဘူးလားလို့ မေးပါသေးတယ်။ မရပါဘူး။ ကျနော်လည်း မိုးရေးမြို့စစ်တပ် တောင်ကုန်းပေါ်က၊ လူတရပ်ကျော်မြင့်အောင် ကာထားတဲ့ခြံထဲကနေ အောက်ဘက်က ရဲစခန်းကို ခေါ်သွား တာ ခံလိုက်ရပါတယ်။ ပြီးတော့ ရဲစခန်းကတဆင့် မလှမ်းမကမ်းတောင်ကုန်းပေါ်က ရဲတန်းလျှား လုံးချင်းအိမ် လေးမှာ ကုတင်တလုံးပေးပြီး တည အိပ်လိုက်ရပါတယ်။
နောက်နေ့မနက် လက်ဘက်ရည်တိုက်ပြီး ရဲစခန်း ပြန်ခေါ်သွားတယ်။ ကျနော့်ကို အမှုဖွင့်ဘို့ ရဲအရာ ရှိတယောက်က မေးခွန်းတွေ မေးပါတယ်။ အဲဒီအချိန် ရဲစခန်းထဲ မိုးရေးနယ်ခံ၊ ကူကီးကျောင်းသားအဖွဲ့ ခေါင်း ဆောင်တွေနဲ့ မိုးရေး ကုန်သည်ကြီးများအဖွဲကပုဂ္ဂိုလ်တွေ ၀င်လာတယ်။ ရဲအရာရှိဆီ ကျနော့ကို ဘာကြောင့် ဖမ်းရတာလဲလို့ မေးခွန်းထုတ်တယ်။
ရဲအရာရှိနဲ့ သူတို့ ကသဲ စကားတွေနဲ့ ပြောကြတယ်။ ဒီကြားထဲ မြန်မာဘက်ကမ်းက ရဲတွေကလည်း ဖမ်းဆီးထားတဲ့ မြန်မာနိုင်ငံသားက သူတို့ဆီလွှဲပေးဘို့ စာရေး အကြောင်းကြားတယ်လို့ ရဲမှုးက ပြန်ပြောပြ တယ်။ မိုးရေးနယ်ခံမိတ်ဆွေတွေကတော့ သူ့ကို မလွှဲပေးဘို့။ တကယ်လို့လွှဲရင် သူ့အသက်အန္တရာယ် ရှိနိုင် တယ်လို့ အသိပေးပါတယ်။ ရဲကလည်း မလွှဲဘူးလို့ ပြောပါတယ်။
မိုးရေးရဲက ညနေပိုင်းမှာ၊ ကျနော့ကို ပြန်လွှတ်ပေးလိုက်ပါတယ်။ အဲဒီတုံးက မြန်မာကျောင်းသား အဖွဲ့တွေက မိုးရေးမြို့ခံ ရပ်မိရပ်ဖ အဖွဲ့အစည်းတွေရဲ့အကူအညီမရရင်၊ ကျနော်တို့ ထောင်ထဲ ၀င်ရအုံးမှာ၊ ထောင်ထဲရောက်ရင် တော်သေးတယ်။ တမူးဘက် လွှဲလိုက်ရင်တော့ ……။
နောက်နေ့ မနက် ကျနော် အင်ဖားကို ချောချောမောမော ပြန်နိုင်ခဲ့တယ်။
(၅)
တကယ်တော့ တိုင်းပြည် မအေးချမ်းရင်၊ နိုင်ငံရေး မတည်ငြိမ်ရင် သတင်းထောက်တွေရဲ့နယ်မြေကလည်း ကျဉ်းတတ်တယ်။ သတင်းလွတ်လပ်မှုလည်း မရှိ၊ နိုင်ငံရေးပဋိပက္ခတွေလည်းရှိ၊ ပြည်တွင်းစစ်လည်း ဖြစ်နေ တဲ့ မြန်မာပြည်ဆို ပိုဆိုးတာပေါ့။
သိတဲ့အတိုင်း ကျနော်တို့ သတင်းထောက်တွေဆိုတာ၊ မလိုအပ်ဘဲ စွန့်စားလိုစိတ်ရှိကြသူတွေ မဟုတ်ပါဘူး။ အသက်ကို ဥာဏ်စောင့် သတိနဲ့ သွားလာလှုပ်ရှားကြတာပါ။ ရုပ်ရှင်တွေ၊ စုံထောက်ဝတ္တု တွေထဲက ဇာတ်ကောင်တွေလို၊ လျှို့ဝှက်သဲဖိုဆန်ဆန် သတင်းယူနိုင်သူတွေလည်း မဟုတ်ပါဘူး။ အများပြည် သူတွေကြားမှာပဲ သွားလာ သတင်းယူကြတာပါ။
မကြာခဏ ဒေသတွင်း သတင်းဌာနတွေ၊ အစိုးရအဖွဲ့အစည်းတွေ၊ ဌာနဆိုင်ရာတွေ၊ ကုန်သည်တွေ၊ စီးပွားရေးသမားတွေ၊ ရဲဌာနတွေ၊ နိုင်ငံရေးအဖွဲ့အစည်းတွေကို ချည်းကပ် သတင်းစုံစမ်းရပါတယ်။ ကိုယ်က သူတို့နဲ့ မေးမြန်းစုံစမ်းပြီး ပို့လိုက်တဲ့သတင်းတွေ၊ မီဒီယာတွေမှာ မကြာခဏ လူသိထင်ရှားပါလာပြီဆိုရင်၊ သတင်းပေးသူတွေနဲ့ကိုယ့်အကြား ယုံကြည်မှုတည်ဆောက်နိုင်ခဲ့ပြီလို့ ပြောရမှာပါ။
နောက်ပိုင်း သူတို့ကိုယ်တိုင် လိုလိုလားလားနဲ့ဆက်သွယ်ပြီး သတင်းတွေ ပေးလာတယ်။ ကိုယ့်ဆီ ပေးတဲ့သတင်းကိုခိုင်လုံပြီ၊ ယုံကြည်ရပြီလို့လည်း တထစ်ချတွက်လို့ မရဘူး။ သူသိတာ၊ မြင်တာလောက်ပဲ ပြောပြတာဖြစ်လို့ သတင်းအချက်အလက် မှန်မမှန်၊ ထပ်မံ စုံစမ်းရတာ၊ အတည်ပြု မေးမြန်းရတာတွေတော့ ထုံးစံအတိုင်း လုပ်ရတာပေါ့။
ကျနော်ကတော့ သတင်းရေးမယ်ဆို၊ ကိုယ်ကြားခဲ့၊ ရခဲ့တဲ့ သတင်းဖြစ်စေ၊ သူများတွေ လာပေးတဲ့ သတင်းပဲဖြစ်စေ၊ အရင်ဆုံး သေချာနားထောင်၊ ဖတ်ရှု၊ ပြီးရင် ဒီသတင်း ဖြစ်နိုင်၊ မဖြစ်နိုင် ပြန်စဉ်းစားတယ်။ အရင်က မှတ်ထား၊ ကြားထား၊ သိထားတဲ့ အဲဒီသတင်းနဲ့ဆက်စပ်သတင်းတွေ၊ နောက်ကြောင်း သမိုင်းလေး တွေ ပြန်သုံးသပ်တယ်။ စာနဲ့ချရေးထားတဲ့ အချက်အလက်တွေကို သေချာ ပြန်ဖတ်ပြီး ထပ်ပြီးသိဖို့လိုတဲ့ အချက်အလက်တွေ ရှာတယ်။ မေးခွန်းထုတ်တယ်။ အဲဒီသတင်းနဲ့ဆက်စပ်ပြီး ဘယ်နေရာ၊ ဘယ်ဌာန၊ ဘယ်လူပုဂ္ဂိုလ်တွေကို မေးသင့်သလဲစဉ်းစားပြီးရင် ကိုယ်တိုင်ဖြစ်စေ၊ ဖုံးနဲ့ဖြစ်စေ သိလိုတာ မေးတာဘဲ။ သတင်းရေးဘို့ လုံလောက်သေချာတဲ့ အချက်အလက်တွေမရသေးရင် ထပ်စုံစမ်းပေါ့။ ဒါတွေ နောက်မှ ပြောပါ့မယ်။ အခုပြောချင်တာက၊ နယ်စပ်သတင်းထောက်ဘ၀ရဲ့ လုံခြုံရေး အတွေ့အကြုံတွေပါ။
၁၉၉၉ ဧပြီလထဲမှာ မဏိပူရပြည်နယ်က၊ နာဂ တိုင်းရင်းသားတွေအများဆုံးနေထိုင်တဲ့၊ အူခရူး ဒေသဘက် နာဂမိတ်ဆွေတွေ ဖိတ်လို့သွားခဲ့တယ်။ အခု ABSDF ဥက္ကဌ ကိုသံခဲလည်း ပါတယ်။ ဟိုမှာ မြန်မာဘက်ကလာတဲ့ နာဂတိုင်းရင်းသားတွေနဲ့တွေ့ပြီး၊ သူတို့ ခံစားချက်တွေ နားထောင်၊ သိချင်တာတွေ မေးခွန်းထုတ် အင်တာဗျူးလုပ်၊ ဓာတ်ပုံတွေရိုက်ပြီး အင်ဖား ပြန်လာခဲ့တယ်။
ခရီးရောက်မဆိုက်ဘဲ၊ မိုးရေးနယ်စပ်က မိတ်ဆွေတချို့ ဖုံးဆက်လို့ နောက်တနေ့ နယ်စပ်ဆင်း တယ်။ တခါ အဖမ်းခံရတော့ ကိုယ့်ပုံစံကို ရဲတွေမရိပ်မိအောင်၊ အိန္ဒိယနိုင်ငံသားတွေဝတ်လေ့ရှိတဲ့ အင်္ကျီ ဖားဖားကြီး ၀တ်ပြီးသွားလိုက်တယ်။ (ရီရတယ်၊ လူမသိအောင် အဲဒီအင်္ကျီကြီး ၀တ်သွားမှ၊ ပိုပြီး အမှုကြီးသွား မှန်း နောက်မှ သိရတယ်။) အသွားတော့ အေးအေးဆေးဆေးပါ။ နယ်စပ်မှာ တွေ့စရာလူတွေ တွေ့၊ လုပ်စရာ တွေလုပ်ပြီး အင်ဖား ပြန်တက်လာတယ်။
လမ်းခရီးတ၀က်၊ စစ်တပ်စခန်းရှိတဲ့ တီနိုပယ်လ် တောင်ကုန်းရောက်တော့၊ လုံခြုံရေး ဂိတ်ရှိတာ ကြောင့်၊ ခရီးသည်အားလုံး ကားပေါ်ကဆင်းရတယ်။ ထုံးစံအတိုင်း ပစ္စည်းတွေအားလုံးထားပြီး (၂) ဖာလုံလမ်း လျှောက်၊ အထွက်ဂိတ်က စောင့်နေပေါ့လေ။ ခဏနေတော့၊ တာဝန်ကျ အာသံ စစ်ဗိုလ်တယောက်က ကျနော်တို့ဘက် လျှောက်လာတယ်။ ကျနော့ရဲ့ သားရည်အိတ်အနက်ကြီးကို မြှောက်ပြပြီး “ဒါဘယ်သူ့ အိတ် လဲ” လို့မေးတယ်။ ကျနော့ အိတ်ဖြစ်ကြောင်းပြောတော့ ခဏ လိုက်ခဲ့အုံးဆိုပြီး သားရေအိတ်ကိုဖွင့်ခိုင်းတယ်။ ကျနော်ဖွင့်ပြတယ်။ RFA က ပေးထားတဲ့ ဒီဂျစ်တယ် မီနီဒစ်စ် အသံဖမ်းစက်နဲ့၊ မိုက်ကရိုဖုံးရယ်၊ စာရွက် စာ တမ်းတွေရယ်၊ ဒါပါဘဲ။ သတင်းထောက် အဆောင်အယောင်တွေမှန်း မြင်ရုံနဲ့သိနိုင်တယ်။ ဒါပေမဲ့ အဲဒီ စစ်ဗိုလ်က မကြေနပ်ဘူး။ သူ့ရုံးခန်းကို ခေါ်သွားတယ်။ ကျနော့်ကို ဘယ်ကလာလဲ။ ဘာအလုပ်လုပ်လဲ။ နယ်စပ် ဘာကြောင့်သွားလဲ။ ဘယ်သူနဲ့တွေ့လဲ။ မေးခွန်း အစုံမေးတယ်။ တချိန်လုံး သူများကိုမေးလာတဲ့ သတင်းထောက် ဒီနေရာမှာ ၀ဋ်လည်တော့တာဘဲ။ ကျနော်တို့ စီးလာတဲ့ကားကိုလည်း ပြန်မလွှတ်ဘူး။ ကျနော်လည်း ဘာမှ ညာစရာမှမလိုတာ အမှန်အတိုင်းဘဲ ဖြေတယ်။
ပုဂ္ဂိုလ်ကလည်း ဇွတ်ချည်းဘဲ။ နယူးဒေလီမှာလည်း နေတယ်ဆိုတော့၊ ဘယ်ရပ်ကွက်လဲ၊ ဘာလဲ ဆိုတာတွေနဲ့ မေးခွန်းကမဆုံးနိုင်ဘူး။ ဒါပေမဲ့ နားနားနေနေ လက်ဘက်ရည်တိုက်ပြီး မေးတာပါ။ နောက်မှ ကျနော် သတိထားမိတာက ကျနော့အင်္ကျီက ကုလားအကျီဆိုပေမဲ့၊ ရှည်ရှည် ဖားလျှားကျနေတော့ မွတ်စလင်ဝတ်စုံနဲ့ တူနေတယ်၊ ရုပ်ကလည်းမဲမဲ၊ ဆံပင်က ဖွာလံကျဲနေတော့ ဗမာဆိုတာကို မယုံနိုင်ဘူး။ ခန့်မှန်းကြည့်ရတာ အစ္စလမ်မစ်သူပုန်တွေနဲ့ပတ်သက်ပြီး သူတို့လည်း သတင်းတစုံတရာ ရထားပုံရပါတယ်။ ကျနော့်ကို မဲနေတာ။
ပိုဆိုးသွားတာက အူခရူးဘက် သွားတုံးက နာဂတွေနဲ့အင်တာဗျူးထားတာကို ဖွင့်နားထောင်ပြီး (အင်တာဗျူးတချို့က အင်္ဂလိပ်လို ပြောထားတာတွေ) သူပုန်တွေနဲ့ အဆက်အစပ်ရှိမယ်လို့ ထင်နေတာဘဲ။ ကျနော့ကို စစ်ဆေးတာ (၄) နာရီကြာတယ်။ ကားလမ်းပေါ်မှာ ယာဉ်တန်းအရှည်ကြီး ဖြစ်နေပြီ။ ညနေ (၄) နာရီလောက်ကျတော့ ခရီးသည်တွေနဲ့ယာဉ်တန်းကြီးကို လွှတ်လိုက်တယ်။ ကျနော့်ကိုတော့ ဖမ်းထားလိုက် တယ်။ တညနေလုံး အဲဒီ တီနိုပယ်လ် တောင်ပေါ် စစ်စခန်းမှာ ထိုင်နေရတယ်။ အာသံစစ်ဗိုလ်ရဲ့ဝိုင်ယာလက်စ် စကားသံကို နားညီးနေပြီ။ ည (၁၁) နာရီလောက်ကျတော့ စခန်းထဲ စစ်ကားတွေဝင်လာတယ်။ အာသံရိုင်ဖယ် တပ်က လက်နက်ကိုင်စစ်သားတွေကိုလည်း တွေ့ရတယ်။ သူတို့ ကျနော့ကို တစေ့တစောင်း လာအကဲခတ် ကြတယ်။ ကျနော်ကတော့ စိတ်ပျက်နေပြီ။ ဟိုအတွေး၊ ဒီအတွေးတွေ ၀င်လာပြီ။ ဗမာတပ်က သတင်းပို့ ဖမ်းခိုင်းလို့ ငါ့ကို ဖမ်းပြီးပို့မှာလား၊ ဘာလားနဲ့ အတွေးအမျိုးမျိုး ၀င်လာပြီ။
နောက်ဆုံး ကျနော့်ကို လက်နက်ကိုင်စစ်သားတွေခြံရံနေတဲ့ စစ်ထရပ်ကား (၃) စီးထဲက အလယ်က ကားပေါ် တက်ခိုင်းတယ်။ လက် (၂) ဘက်လုံးကို ဆန့်တန်းခိုင်းပြီး၊ လက်သန်းလောက်တုတ်တဲ့ နိုင်လွန်ကြိုးနဲ့ အထပ်ထပ် တုပ်ထားလိုက်တယ်။
နောက်မှာတော့ သကောင့်သားနှစ်ကောင်က သေနတ်နဲ့ချိန်ထားတယ်။ နောက်က လိုက်လာတဲ့ ကားမှာလည်း ဘရင်းကယ်ဒီယာကြီးနဲ့။ ရှေ့ဆုံးက ကားကလည်း စစ်သားအပြည့်၊ အော် ဖြစ်မှဖြစ်ရလေ။ ကျနော့မှာ သူပုန် အကောင်ကြီးကြီး ဖမ်းမိလာသလိုပုံစံနဲ့ အခေါ်ခံရတာ။ ကိုယ့်အဖြစ်ကိုယ်တွေးပြီး ဟား တိုက်ရယ်ရမလို၊ ချုံးပွဲချပြီးဘဲ ငိုရတော့မလို။ နောက်ဆုံးတော့လဲ သိပ်စိတ်ဓာတ်ကျမနေတော့ဘူး။ လာမယ့် ဘေး ပြေးတွေ့လိုက်တော့မယ်လို့ စိတ်ကို ဒုန်းဒုန်းချလိုက်တယ်။
(ကိုညို)
(ဆောင်းပါးရှင်သည် ၀ါရှင်တန်အခြေစိုက် လွတ်လပ်သော အာရှအသံ (RFA) မြန်မာပိုင်းဌာနတွင် (၁၄) နှစ်ကြာ သတင်းထောက်၊ အကြီးတန်းသတင်းထောက်အဖြစ်လုပ်ဆောင်ခဲ့ပြီး ယခုအခါ စိတ်ယဉ်ကျေးမှု မှတ်စုများအမည်ဖြင့် အပတ်စဉ်ဆောင်းပါးများကို ပြင်ပဆောင်းပါးရှင်အဖြစ်ရေးသားနေသလို၊ ယနေ့မြန်မာ သတင်းဌာန (Burma Today) အယ်ဒီတာအဖြစ်လည်းကောင်း ဆောင်ရွက်နေပါသည်) (ယူတာကဒီနေရာကပါ) http://www.kaungkin.com/index.php?option=com_content&view=article&id=773:2012-05-13-13-25-22&catid=35:2009-04-17-01-29-53&Itemid=61
