Wednesday, August 21, 2013

ဖေ့စ်ဘွတ်ခ်မှာပြောတဲ့ တိုနန့်နန့်လေးတွေ (မျိုးမြင့်ချို)

0 comments
ဖေ့စ်ဘွတ်ခ်မှာပြောတဲ့ တိုနန့်နန့်လေးတွေ (မျိုးမြင့်ချို)
သူက မှားခဲ့မိပါတယ်..ခွင့်လွှတ်ပါဆိုရင်တောင် ခွင့်က ကိုယ့်သဘောနဲ့ကိုယ် တယောက်တည်းလွှတ်ရမယ့်ကိစ္စ 
မဟုတ်ဘူး။ လွှတ်လို့ရမယ့်ကိစ္စ မဟုတ်ဘူး။ တစ်ယောက်တည်းအပေါ် ကျူးလွန်ခဲ့တဲ့ပြစ်မှု မဟုတ်ဘူး။ အများနည်းတူခံရတာမှန်ပေမယ့် ကိုယ့်တစ်ယောက်တည်းအတွက် "ကွက်"လွှတ်တာပါဆိုရင်တော့ ဘာမှပြောစရာမရှိဘူး။ ခုဟာက ကိုယ့်တစ်ယောက်တည်းကိစ္စ မဟုတ်ဘူး။ နောက်တခုက သူက ခွင့်လွှတ်ပါလို့မပြောတဲ့အပြင် သူ"မှန်တာလုပ်ခဲ့တာ ဥပဒေနဲ့အညီလုပ်ခဲ့တာ လုပ်ထိုက်လို့လုပ်ခဲ့တာ"လို့ အတိအလင်းဆိုနေတဲ့ကြားက ခင်ဗျားက ခွင့်လွှတ်ပါတယ်ဆိုတော့ ဘာလဲ။ သူ့ ခွင့်အလွှတ်လိုချင်လို့ ခွင့်လွှတ်ပါရစေဆိုတာလား။ အသားလိုလို့အရိုးတောင်းတဲ့ ခွင့်လွှတ်မှုမျိုးလား။ သြဂုတ် ၂၁၊ ၂ဝ၁၃

”နိုင်ငံရေးဆိုတာ ရန်သူကိုမိတ်ဆွေလုပ်တာ”လို့ဆိုတဲ့ ရပ်ခံချက်နဲ့ သေသည်အထိရှင်သွားခဲ့သူက သူမိတ်ဆွေလုပ်ရေးတွေးတဲ့ ”ရန်သူ”ထံမှာ ဒူးထောက်ခဲ့တာ အညံ့ခံခဲ့တာ လက်နက်ချခဲ့တာမတွေ့ရပဲ တော်လှန်ရေးလို့အသံကောင်းဟစ်ခဲ့ပြီး မိမိတော်လှန်ရေးကိုအစောဆုံးစွန့်ခွာခဲ့သူ၊ သူတော်လှန်ခဲ့တယ်ဆိုတဲ့သူ့ရန်သူဆီဒူးထောက်အညံ့ခံရုံတင်မက အလုပ်အကြွေးပြုဖို့အရေး အသနားပါခံနေတဲ့သူရဲ့အဖြစ်ကိုတွေ့တော့ နည်းနည်းမင်သက်မိတယ်။ ပိုဆိုးတာက အဲ့ဒီတော်လှန်ရေးသမားဆိုသူက ဘယ်လိုမှ ပြန်ချေပ ဖြေရှင်းခွင့်မရှိတော့တဲ့လူကို ထိုးနှက်ပုတ်ခတ်နေတာပဲ။ ခေတ်ကိုက ထောင်ထဲမှာတန်းစီးလုပ်ပြီး သခင်အားရကျွန်ပါးဝလုပ်ခဲ့တဲ့ နိုင်ငံရေးအကျဉ်းသားဟောင်းတို့၊ ကိုယ့်ကိုမတရားထောင်ချမယ့်တရားသူကြီးကို လက်အုပ်လေးချီအသနားခံသလို အပြစ်မရှိသူလိုအပြုအမူနဲ့ဦးတင်ခဲ့တဲ့ နိုင်ငံရေးအကျဉ်းသားဟောင်းတို့လည်း ငြိမ်းချမ်းရေးတို့ အမျိုးသားပြန်လည်သင့်မြတ်ရေးတို့ဆိုပြီး ခတ်တည်တည်နဲ့ ကြောင်သူတော်တရားဟောခွင့်ရထားကြတာကိုး။ သြဂုတ် ၂၀၊ ၂၀၁၃

ခုတလော အဖတ်ဘက်လည်နေတာများတယ်ဗျ။ အရေးကျဲသွားတယ်ဗျာ။ မရေးဖြစ်တာပဲ ခတ်ကောင်းကောင်း ပြောရမလားထင်တာပဲ။ နဂိုကမှ မိတ်ဆွေကနည်းရတဲ့အထဲ။ ရှင်နည်းရာ လူထွက်တဲ့အဂ္ဂတွေကလည်း ခုတလော ပေါပေါလာသလိုပဲ။ ရှိစုမဲ့စုမိတ်ဆွေလေးတွေနဲ့ ငြင်းကြခုန်ကြ အကြိတ်အနယ် အသည်းအသန်တွေပြောကြဆိုကြ၊ ရန်လည်း ခဏခဏဖြစ်ကြတာမှန်ပေမယ့် ရန်သူတော့ဖြစ်မသွားကြဘူး။ ရန်ပဲဖြစ်တယ် ရန်သူမဖြစ်ကြဘူး။ ရန်သူကိုမိတ်ဆွေလုပ်လို့ရတာ/မရတာ ခဏထား။ မိတ်ဆွေကိုတော့ ရန်သူဘယ်တော့မှမလုပ်ဘူး။ ရန်သူနဲ့မိတ်ဆွေဖြစ်ဖို့ မိတ်ဆွေကိုရန်သူ မလုပ်ဘူး။ မဖြစ်ရင်နေ။ မိတ်ဆွေနဲ့ရန်သူဖြစ်ပေးမှ ရန်သူနဲ့မိတ်ဆွေဖြစ်ရမယ်ဆိုတာမျိုးကျ ဘဝကိုက လက်ခံလို့မရတာပါ။ ရန်ဖြစ်လို့မိတ်ဆွေနဲ့မိတ်ပျက်ရင်သာပျက်မယ် ရန်ဘက်တော့အဖြစ်မခံနိုင်ပါခင်ဗျား။ သြဂုတ် ၂၀၊ ၂၀၁၃

ဒီဘိတ်ကာလ်ချားရယ်၊ ခရစ်တစ်ကယ်လ်သင်းကင်းရယ်၊ ပွင့်လင်းမြင်သာမှုရယ်၊ ကက်ပယ်စတီရယ် စတာတွေအပါအဝင် ကာလပေါ်စကားလုံးတွေ ထည်လဲသုံးတတ်မှပဲ ကဗျာဆရာဖြစ်ရတာလိုလို၊ နိုင်ငံရေးသမားဖြစ်ရတာလိုလို၊ အန်ဂျီအိုခေါင်းဆောင် ဖြစ်ရတာလိုလို၊ ခေတ်မီမှာလိုလိုဖြစ်နေတဲ့ခေတ်မှာ ဘာကိုမှ မမှီလိုက်ရတဲ့ခေတ်၊ ဘာအမှီကိုမှ မခိုလိုက်ရတဲ့ခေတ်ကိုရောက်တဲ့အခါ ခေတ်မီရေးက ဘာဖြစ်မလဲ။ ခေတ်မီရေးကို ဘာအဓိပ္ပါယ်နဲ့ဖွင့်မှာလဲဗျာတို့။ အမှန်ကတော့ အဲ့စကားလုံးတွေက ဒီမှာ မဲပြာပုဆိုးဖြစ်သွားတာ၊ ဆီသည်မလက်သုတ်ဖြစ်သွားတာ ကြာပြီ။ ဒီမှာမှ မဟုတ်ပါဘူး မဲဆောက်မှာတောင် ခေတ်မရှိတော့တဲ့စကားလုံးတွေဖြစ်ကုန်ပါပြီ။
သြဂုတ် ၂၁၊ ၂၀၁၃

၂၀၁၅ လွန် ဗမာ့နိုင်ငံရေးအခင်းအကျင်း ဘယ်လိုရှိမယ်တော့ မပြောတတ်ပါ။ ဘာလို့လဲဆို ၂၀၁၅ မတိုင်ခင် ဘာတွေဖြစ်မယ်ဆိုတာတောင် မမှန်းနိုင်သေးလို့ပါ။ သေချာတာကတော့ ခု ရွှေပြည်ကြီးထဲ သူ့ထက်ငါအလုအယက်ပွဲဝင်ခံနေကြတဲ့ ပြည်တွင်းကလူတွေခေါင်းတင်ပေးပြီး ပြည်ပအလှူရှင်ငွေတွေနဲ့
လည်ပတ်နေကြတဲ့အန်ဂျီအိုတွေက သူ့ငွေတွေကို သူ့လူတွေလက်ထဲပြန်ရောက်ဖို့ တနည်းပြောရရင် သူ့ ရင်းနှီးမြှုတ်နှံမှုကို အမြတ်နဲ့တကွပြန်ဖော်ရမယ့်အချိန်ဖြစ်မှာတော့မြင်နေရပါပြီ။ အဲ့ဒီအခါ ခု ပြည်တွင်းခေါင်းဆောင်လူတွေက အမြင့်ဆုံးရာထူးရုံးအုပ်ကြီးအမည်ခံ ဘုံကျွန်ဖြစ်မယ့်ကိန်းပါ။ အခုတွင်ကျယ်နေသူတချို့လည်း လူလျှော့တဲ့အထဲပါ၊ တချို့လည်း အရက်ဝယ်ကြက်ဖမ်းဖြစ်ကြမှာပဲ။ ဒါလည်း ဆန်းတဲ့ကိစ္စတော့ မဟုတ်ပါ။ လူချင်းဘယ်လောက်ရင်းနှီးရင်းနှီးရင်းနှီး ငွေကြေးမြှုတ်နှံမှုမှာ အရင်းအနှီးသာ အခရာဖြစ်တာကိုး။ အဲ့ဒီအချိန်ကျ ဝပ်ရှော့ပ်တို့၊ ဆီမီနာတို့၊ ထရိန်နင်တို့စတဲ့ဝေါဟာရတွေနေရာမှာ ဘာတွေ အစားထိုးလာမလဲ။ သြဂုတ် ၂၁၊ ၂၀၁၃

မသေခင်မှာ ငြိမ်းချမ်းရေးတွေ့သွားခဲ့ချင်သူလည်း သေတာကြာပြီ တွေ့မသွားရဘူး။ မသေမချင်း ငြိမ်းချမ်းရေးအတွက်ရှင်ခဲ့သူလည်း သေပြန်ပြီ တွေ့မသွားရဘူး။ ငြိမ်းချမ်းရေးစင်န်တာရောက် ငြိမ်းချမ်းရေးပွဲစားတွေကတော့ တွေ့တယ်ပြောတာပဲ။ ဘာလဲတော့ မသိဘူး။ ၁၃၀၀ ပြည့် အရေးတော်ပုံကြီးရဲ့ဖိုးသက်ရှည်ငြိမ်းချမ်းရေးသမားကြီးက ကမ္ဘာ့အကြာဆုံးစစ်သက်ရှည်စစ်မက်သူတွေကို နှစ်သက်တယ်လို့၊ သဘောကျစရာကောင်းတယ်တို့၊ ယုံတယ်တို့ တစ်ခွန်းမှမပြောခဲ့တာဟာ ”မူ”မှာ ရေမျောကမ်းတင်မဖြစ်ဘူးဆိုတာရဲ့ပြယုဂ်ပဲလို့တွေးမိတယ်။ သြဂုတ် ၂၁၊ ၂၀၁၃

ရန်သူနဲ့စကားပြောခြင်းတို့ ရန်သူနဲ့လက်ဆွဲနှုတ်ဆက်ခြင်းတို့ စတဲ့စာမျိုးတွေဖတ်ဖူးတယ်ဗျ။ ရန်သူနဲ့ပရောပယီလုပ်ခြင်းတို့ ရန်သူနဲ့ပလီပလာ လုပ်ခြင်းတို့ မဖတ်ဖူးသေးဘူး။ ဖတ်တော့ ဖတ်ရမယ်ထင်တာပဲ တချိန်ချိန်တော့။ သြဂုတ် ၂၁၊ ၂၀၁၃

ကျနော်က Army Reform ဆိုပြီး ဘိုလို အလွယ်ပြောမိတာဗျာ။ ဗမာလိုဆို တပ်ပြုပြင်ရေးလို့သုံးတာ ပိုကောင်းမယ်ထင်တယ်။ ပြန်လည်ပြင်ဆင်တာတို့ဘာတို့ဆိုပြီး စကားလုံးရှည်နေတာထက် တပ်ပြုပြင်ရေးဆိုတာကို ပိုနှစ်သက်ပါတယ်။ တခုခု တနေရာရာမှာယွင်းနေတာကို ပြန်တည့်တာ ပြင်တာ ပြန်ပုံစံချတာ စတဲ့သဘောတွေပါ ပါမယ်ထင်တာပါပဲ။ ထားပါတော့။ အဲ့သလိုပြောတော့ တယောက်ကမေးတယ် "တပ်ပြုပြင်ရေးဆိုတာ ဘာလဲ"တဲ့။ "စစ်တပ်ကို စစ်တပ်နေရာပြန်ပို့တာလို့ပဲ ဆိုပါတော့ဗျာ"ဆိုတော့ သူက "စစ်တပ်နေရာဆိုတာက ဘာလဲ" တဲ့ဗျ။ ကျနော်က "တိုင်းပြည်အုပ်ချုပ်ရေး၊ တရားစီရင်ရေး၊ ဥပဒေပြုရေးစတာတွေဟာ စစ်တပ်နေရာ မဟုတ်ဘူးဗျာ၊ ဆိုတော့ စစ်တပ်နေရာဘာလဲ ခင်ဗျားဘာသာမေးကြည့် ဖြေကြည့်ပါလား" လို့ ပြန်ပြောလိုက်တော့ Unfriend လုပ်လိုက်တယ်ဗျို့။ ကဲ..ခင်ဗျားရော မေးမကြည့် ဖြေမကြည့်ချင်ဘူးလားဗျာ။ Unfriend အလုပ်ခံရမှာ Block အလုပ်ခံရမှာစိုးဘူးဆိုရင်တော့။

ခုပဲ မိတ်ဆွေတယောက်က လှမ်းပြောတယ်။ ”ဆရာ (ဒဂုန်)တာရာ စိုးရိမ်ရတယ်”တဲ့။ လွတ်လပ်ရေးခေတ်မျိုးဆက် ဖိုးသက်ရှည်၊ သက်ရှိသမိုင်း၊ အဘိဓမ္မာနဲ့ဘဝ တစ်သားတည်းကျအောင်နေသူ။ ခုထိ ရှည်သမျှအသက်မှာ ငြိမ်းချမ်းရေး၊ ဒီမိုကရေစီရေး၊ လောကအမွန်ဝါဒ စသည်တို့ဖြင့်သာ မွေ့လျော်သူ။ မဆုံးပါးစေချင်တာမှန်ပေမယ့် ပြန်ကျန်းမာလာပါစေလို့ ဆုမတောင်းလိုပါ။ အနာအကျင်ဝေဒနာ အသက်သာဆုံးနဲ့၊ နောက်ဆုံးဝင်သက်နဲ့ ထွက်သက်အထိ သတိရှိရှိနဲ့၊ ချစ်သူတွေအနားမှာထားပြီး အေးအေးငြိမ်းငြိမ်း ထွက်သွားနိုင်ပါစေ။ (ဆရာ တာရာနဲ့ပတ်သက်လို့) သြဂုတ် ၁၆၊ ၂ဝ၁၃

ယောဂီတဘက်လေးပတ်လို့ လက်အုပ်လေးချီလို့ မျက်လုံးလေးမှိတ်လို့ ကျုံ့ကျုံ့ယုံ့ယုံ့လေးထိုင်လို့ (တခြားလည်းရှိဦးမှာပါ) စတာတွေနဲ့ မယ်ယဉ်ကျေးလေးတွေလို့တင်စားပြီး ဗိုင်းကောင်းကျောက်ဖိ လိုက်ကြတာ ကျနော်တို့ခေတ်မှာ သူငယ်ချင်းတချို့ ပြားသွားတာ ”သားကိုသခင် လင်ကိုဘုရား” ထိဖြစ်ကရောပဲ။ အဲဒီအထိ ပြဿနာမရှိဘူးပဲထား။ ဘယ်ကျတော့ရှိလာသလဲဆို သခင်က ဘိန်းစားဖြစ် ထောင်ကျ၊ ဘုရားက အရက်မူးပြီးမယားရိုက်တဲ့အိမ်ဦးနတ်၊ တပေပေ တဖါးဖါးနဲ့ အဲ့ဒီအမေ အဲ့ဒီမယား ငယ်ငယ်ရွယ်ရွယ်နဲ့ ဒဏ်ပိသေတော့ အသုဘမှာ သူ့အဖေက ”မိုက်လုံးကြီးတဲ့သမီးပေမယ့် မိခင်ကောင်း မယားကောင်းတော့ ပီသပေရဲ့”လို့ မှတ်ချက်ပေးတာကြားရတယ်။ ဒီလိုနဲ့နောက်သမီးတစ်ယောက်လည်း ကျောက်အဖိခံရပြန်တယ်။ အမှန်က ကျောက်ပိသေတဲ့ မိန်းမသားတွေ မိခင်တွေပါ။ (မယ်ယဉ်ကျေးလေးတွေနဲ့ စပ်လို့) သြဂုတ် ၁၆၊ ၂ဝ၁၃

သူနဲ့ကျနော် ၁၉၈၉-၉၁ တုန်းက အင်းစိန်တောရမှာဆုံခဲ့တယ်။ ”ခင်ဗျား ကျနော်နဲ့ ကျနော်တို့အဖွဲ့အပေါ်ဘယ်လိုမြင်သလဲ”လို့ သူ့နိုင်ငံရေးဆောင်ရွက်မှုနဲ့ သူတို့ချည်းသက်သက်ဖွဲ့ထားတဲ့ သူတို့အဖွဲ့အစည်းအကြောင်း ကျနော့်သဘောထား မေးဖူးတယ်။ ”စစ်အာဏာရှင်စနစ်အပေါ် ခင်ဗျားနဲ့ ခင်ဗျားအဖွဲ့အစည်းက ဘယ်လိုသဘောထားသလဲ ဆိုတဲ့အပေါ်ပဲ တည်မယ်ထင်တယ်ဗျ” လို့ ဝေဝေဝါးဝါး ပြန်ဖြေမိတယ်။ သူနဲ့သူ့အဖွဲ့ရဲ့ နိုင်ငံရေးရပ်ခံချက်ကိုမကြိုက်တာမှန်ပေမယ့် ထောင်ထဲရောက်နေသူတွေဆိုတော့ ပြောရမှာ အားနာမိတာလည်း ပါမလားပဲ။ ခုတခါပြန်ဆုံတယ်။ ဟိုတုန်းမေးခွန်းကိုပဲ ခုလည်းပြန်မေးတယ်။ ထူးခြားတာက အဖွဲ့အစည်းအမည်ပြောင်းသုံးလိုက်တာပါပဲ။ သူတို့အဖွဲ့အစည်းအမည်မဟုတ်တော့ပဲ သူတို့နဲ့တဇောင်းစေးနဲ့မျက်ချေးဖြစ်ခဲ့တဲ့အဖွဲ့ကလူတွေနဲ့ပြန်ပေါင်းပြီးဖွဲ့ထားတဲ့အဖွဲ့အမည်ကို တင်ပြီးမေးတာပါ။ အဲ့ဒီအဖွဲ့က နှစ်ဖွဲ့ပေါင်းသွားတယ်ဆိုဆို တွဲသွားတယ်ပြောပြော ပြောလို့ရတဲ့အဖွဲ့ဖြစ်နေပါပြီ။ ရေပန်းလည်း အတော်စားဟန်ရှိပါတယ်။ခုဆို သူလည်း အဲ့ဒီအဖွဲ့မှာ အရေးပါ အရာရောက်သူဖြစ်နေပြီ။ ကျနော်ကလည်း ပြန်ဖြေတယ်။ ”တည်မယ်ထင်တယ်ဗျ” နေရာမှာ ”တည်ပါတယ်”လို့
တိတိလင်းလင်းပြောဖြစ်ပါတယ်။ ဒီတခါတော့ အားမနာမိဘူး။ သူက နိုင်ငံရေးနဲ့အသက်မွေးဝမ်းကြောင်း တထပ်တည်းကျသူဖြစ်သွားလို့ပါ။ ခေတ်စကားနဲ့ အင်္ဂလိပ်လိုပြောရရင် Professional Politician ဖြစ်သွားသူဆိုပါတော့။ ကျနော့်အဖြေ တူနေတာသွားတွေ့တော့ နှစ်ယောက်လုံး ပြုံးမိကြတယ်။ သူကတော့ပြောတယ် ”နိုင်ငံရေးဆိုတာ ဒီလိုပါပဲဗျာ”တဲ့။ သူ့စကားသူ နားလည်/မလည်တော့ မပြောတတ်။ ကျနော်တော့ နားအလှည့်မခံရအေင် မနည်းကြိုးစားယူရတာပါပဲ။ သြဂုတ် ၁၆၊ ၂ဝ၁၃

ဘယ်သူတော့ သမ္မတဖြစ်လောက်ရဲ့။ ဘယ်သူဖြစ်ရင် တိုင်းပြည်တော့ ဘယ်လိုဖြစ်လာမှာပဲ ဘာညာနဲ့ ၂၀၁၅ ကြို နဲ့ ၂၀၁၅ လွန် ကို မျှော်တွေးပြီး ဗမာ့နိုင်ငံရေးသုခမိန်တွေရဲ့ ဟောကိန်းထုတ်သံတွေ ပိုပိုကျယ်လောင်လာတာ သတိထားမိပါတယ်။ ကျနော့်အမြင်ကတော့ ဘယ်သူ သမ္မတဖြစ်ဖြစ်ပါ စစ်တပ်ကို(သေနတ်ပြောင်းကို)အမိန့်မပေးနိုင်သရွေ့ စစ်အုပ်စုရဲ့နာခံတော်အဖြစ်နဲ့ နိုင်ငံရေးအရိုးထုတ်ရမှာလို့ထင်ပါတယ်။ (သမ္မတနဲ့စပ်လို့) သြဂုတ် ၁၆၊ ၂ဝ၁၃

မတရားသင်းဥပဒေကို ကိုလိုနီခေတ်ဦး ၁၉၀၈ ခုနှစ်က စပြဌာန်းခဲ့တာ။ အဲ့ဒီနောက် အနှစ် (၄၀) အကြာမှာ တိုင်းပြည်လွတ်လပ်ရေးရတယ်။ ရှေ့ နှစ်(၄၀)အတွင်း အဲ့ ဥပဒေပြဌာန်းခဲ့သူက အဲ့ဥပဒေကိုင်ပြီး ဘယ်တစ်သင်းတစ်ဖွဲ့ကိုမှ မတရားသင်းအဖြစ် မကြေငြာခဲ့ဘူး။ အဲ့ဥပဒေ ပုဒ်မနဲ့အရေးယူခံခဲ့သူ အရေအတွက်ဟာလည်း ဒီဘက်ခေတ်အဆက်ဆက်၊ အစိုးရအဆက်ဆက်တွေနဲ့ယှဉ်လိုက်ရင် ပြောပလောက်အောင် မရှိဘူး။ အမျိုးသားအစိုးရတွေတက်လာပြီးမှ အကြေငြာခံလိုက်ရတဲ့မတရားအသင်းတွေနဲ့ အဖမ်းခံလိုက်ရတဲ့လူပုဂ္ဂိုလ်တွေဆိုတာ ကြောက်ခမန်းလိလိပဲ။ ဆိုတော့ အဲ့ဥပဒေဟာ လွတ်လပ်တဲ့တိုင်းပြည်တခုမှာ ရှိကိုမရှိသင့်တဲ့ မရှိရမယ့်ဥပဒေပဲ။ ဖျက်ပစ်ရမယ့်ဥပဒေပဲ။ ပြည်တွင်းစစ်ရပ်စဲရေး ပြည်တွင်းငြိမ်းချမ်းရေးကို တကယ်သွားချင်ရင် အာဏာရသူက အဲ့ဥပဒေကိုဖျက်ပေးရမှာဖြစ်သလို မဖျက်ပေးဘူးဆိုရင် ဖျက်ပေးဖို့ပဲတောင်းဆိုရမယ်လို့မြင်တယ်။ လွှတ်တော်တွင်းနည်းထက် လွှတ်တော်ပြင်ပလူထုနည်းနာနဲ့သာ ကြိုးပမ်းလုပ်ဆောင်ရမယ့်ကိစ္စ လုပ်မှရမယ့်အရေးလို့မြင်တယ်။ ”ကျနော်တို့ကို မတရားသင်းကနေဖျက်ပေးပါ”လို့ ဆိုတဲ့နေရာမှာ ”မတရားသင်းဥပဒေကို ဖျက်ပေးပါ”လို့ တောင်းဆိုသံတွေနဲ့အတူ လူထုလှုပ်ရှားမှုတွေ မကြာခင်မှာ မျက်ဝါးထင်ထင်မြင်ရတော့မယ်လို့ တွေးနေမိတယ်။ သြဂုတ် ၁၀၊၂၀၁၃

မနက် အိပ်ယာကအထမှာ ထူးထူးဆန်းဆန်း ဂျိုးကူသံလိုလိုကြားတယ်။ ဒါနဲ့ အပြင်ထွက်ပြီးကြည့်တော့ ဘေးအိမ်ခြံစပ်ကသစ်ပင်ပေါ်မှာ ကူနေတဲ့ငှက်ကလေးတွေ့တယ်။ ဂျိုးတော့ မဟုတ်ဘူး။ ဒါပေမယ့် အသံက ဗမာဂျိုးနဲ့အတော့်ကိုဆင်တယ်။ အံ့ရောပဲ။ ဘေးအိမ်က အမျိုးသမီးကလည်း ကျနော်မော့ကြည့်နေတဲ့ သူတို့သစ်ပင်ပေါ်ကြည့်ရင်း ”ဟိုနေ့က ဒေါင်း (၂) ကောင် လာသွားသေးတယ်။ ခြံထဲလျှောက်တောင်သွားနေသေးတာ”လို့ပြောတယ်။ ကိုယ်ကလည်း ဒေါင်းတို့ ဂျိုးတို့ဆို ကိုယ့်သင်္ကေတရုပ်တွေနဲ့ကိုယ် အလိုလိုနေရင်း စိတ်ကစွဲပြီးသားဆိုတော့ သူ့ကို ပြောမိတယ် ”ငါက ဒေါင်းဆိုလည်း ခွပ်ဒေါင်းမှ ဂျိုးဆိုလည်း ဖြူမှ ပိုကြိုက်တယ်”လို့။ သူမျက်ခုံးပင့်သွားတယ်။ ဂျိုးဖြူဆိုတာ သူနားလည်ပေမယ့် ခွပ်ဒေါင်းတော့ သူမသိဘူး။ ကျနော်ထင်တာက အမေရိကန်ဒေါင်းတွေ မခွပ်ကြလို့လား ဒါမှမဟုတ် ဒေါင်းတွေ အမေရိကန်မှာ မခွပ်ကြတာလား ဒါမှမဟုတ် အမေရိကန်မှာ ခွပ်ဒေါင်းမရှိတာလား။ တွေးစရာတွေနဲ့။ သြဂုတ် ၁၀၊ ၂၀၁၃

အခု ရှစ်လေးလုံးငွေရတုမှာ စစ်ခေါင်းဆောင်ဟောင်းတွေကိုဖိတ်တယ်။ တက်တယ်။ တက်ညီလက်ညီ ဆင်နွှဲတယ်။ စက်တင်ဘာ (၁၈)ရက် တတိယအကြိမ်မြောက် စစ်အာဏာသိမ်းငွေရတုပွဲကြီး ချိမ်ု့ချိမ့်သဲ လုပ်များလုပ်ခဲ့ပြီး (စစ်ဗိုလ်တွေ အဲ့သလိုပွဲကို လူထုကြားချ ကျင်းပရလောက်အောင်တော့မညံ့တာသေချာသည်) ဖိတ်များဖိတ်လို့ကတော့ ဘယ်သူတွေတက်မလဲ။ တခါ ၂၀၀၈ ဖွဲ့စည်းပုံအခြေခံဥပဒေ (အဲ့အချိန်ထိ ခံများခံခဲ့လို့) ငွေရတုကျတော့ ဘယ်သူက ဘယ်သူ့ကိုဖိတ်မလဲ။ ဘယ်သူတွေတက်မလဲ။ မဖြစ်နိုင်တာတွေတွေးတယ်လို့ မထင်ပါ။ ခု ရှစ်လေးလုံးငွေရတုဆိုပြီး ခုလို ကျင်းပဖို့ဖြစ်လာလိမ့်မယ်လို့ ဘယ်သူတွေးမိကြပါသလဲ။ ဖြစ်နိုင်မယ်လို့ ဘယ်သူထင်ခဲ့ကြပါသလဲ။ သြဂုတ် ၁၀၊ ၂၀၁၃



Sunday, August 18, 2013

အမေ့မွေးနေ့မှာပြောတဲ့ ကျနော့်အကြောင်း (မျိုးမြင့်ချို-သြဂုတ် ၁၈၊ ၂ဝ၁၃)

0 comments
အမေ့မွေးနေ့မှာပြောတဲ့ ကျနော့်အကြောင်း (မျိုးမြင့်ချို-သြဂုတ် ၁၈၊ ၂ဝ၁၃)
ကျနော့်တွင် မွေးနေ့နှင့်စပ်၍တကူးတကန့် သိပ်မရှိလှ။ ကျနော့်ဘဝတွင် မွေးနေ့သည် အခြားနေ့များနှင့်မခြား ကုန်လွန်ဖြတ်သန်းသွား၏။ (၅ဝ)မြောက်မွေးနေ့တွင် လူမှန်းသိတတ်စမှစကာ မဆုံးခင်အထိ တွေးမိမြင်မိကြုံမိဖြတ်မိသမျှ လူတွေ၊ အဖြစ်အပျက်တွေ၊ အတွေးတွေကိုရေးမည်ဟု အားခဲကာရေးသော်လည်း တစ်ပုဒ်နှင့် ထန်ကုန်သွား၏။ ဆက်မရေးဖြစ်တော့။ စိတ်သွားပြီးကိုယ်မပါလို့ပဲ သဘောထားရမှာလိုလို။ နောက်တခုက ကိုယ့်မွေးနေ့မှာ သူများမွေးနေ့အကြောင်း နည်းနည်းပါးပါးရေးဖူး၏။ သိတ်မည်မည်ရရတော့မဟုတ်။ ခုတော့ အမေ့မွေးနေ့မှာ ကျနော့်မွေးနေ့အကြောင်းရေးချင်လာ၏။

ကျနော့်မွေးနေ့သည် ၁၉၆၃ ခု၊ ဖေဖော်ဝါရီလ ၁ဝ ရက် (တနင်္ဂနွေနေ့)။ ဗမာလူမျိုးတို့တွင် မွေးနေ့နှင့်မွေးရက်ကို တွဲမှတ်သည့်အလေ့ရှိရုံမက မွေးနေ့ပေါ်တည်ကာ လူ၏စိတ်သဘောမနော၊ စရိုက်နှင့်ကံကြမ္မာတစိတ်တပိုင်းပါ ပေါ်နိုင်ဖော်နိုင်သည်ဟု ”ယုံကြည်စွဲ”ရှိတတ်ကြ၏။ ဥပမာ သောကြာသား စကားများ၊ သားဦးစနေမီးလိုမွှေ စသည်များဖြစ်၏။ တခါ အချိန်။ ဘယ်အချိန်လဲ နေတက်ရေတက်လားဆိုသည်ကရှိသေး၏။ ထို အချိန်အပိုင်းအခြားတို့ကလည်း မွေးနေရှင်၏စရိုက်အပေါ်ထင်ဟပ်သည်ဟု ယုံကြသည်မဟုတ်လား။ ထိုကိစ္စတို့ကို “နေ့စွဲ” စွဲသည်ဟု ဆိုရမည်လားမပြောတတ်။ အမေရိကန်တွေကျတော့ တမျိုး။ မွေးရက်ကိုသာမှတ်၏။ မွေးနေ့ကို မမှတ်။ ရေတက်နေတက်တွေလည်း မရှိ။ ဘာနေ့မွေးလဲမေးလျှင် မသိသူများ၏။ ကိစ္စမရှိ။ ခရစ်သက္ကရာဇ်ကျသည့်အတိုင်း တနှစ်တကြိမ် မပျက်မကွက်နွဲကြ၏။ အကုန်အကျလည်း နိုင်သလောက်ခံတတ်ကြ၏။ ကျနော်ကျတော့ အသက် (၄ဝ)မှာ ပထမဆုံးအကြိမ်မွေးနေ့ကို ထောင်ထဲတွင်လုပ်ဖူး၏။ သည့်အရင်က မလုပ်စဖူး။ ခုလည်း မလုပ်ဖြစ်။ နောင်လည်း လုပ်ဖြစ်စရာအကြောင်း သိတ်မရှိလှ။ အမေလည်း ဒီရောက်မှ နှစ်တိုင်းမပျက် မွေးနေ့အလုပ်ခံရတော့၏။ အရင်က သည်လိုမဟုတ်။ ခုလုပ်ပေးသည့် သူ့မွေးနေ့တွေမှာ သူ့မြေးလေးနှင့် ပြုံးပြုံးပျော်ပျော်မြင်တော့ ကျနော်တို့လည်း စိတ်ချမ်းသာ၏။

မြန်မာတွင် နေ့နမ်အလိုက်အမည်မှည့်သည့် စနစ်ရှိ၏။ နံမည်ကြည့်ပြီး ဘာနေ့သားလဲမှန်းလို့ရသလို ရဟန်းတွေကြတော့ ဘွဲ့အမည်ကြည့်တာနှင့် ဘာနေ့ဖွားမှန်း တန်းကနဲပြောနိုင်၏။ ခုတော့ နောက်မျိုးဆက်မြန်မာတို့က အမည်လှရေးနှင့်ကြီးပွားအောင်မြင်ရေး ရှေ့တန်းအတင် များတော့ နေ့နမ်အလိုက်အမည်ပေးစနစ်ကို ဘယ်နှရာခိုင်နှုန်းအထိဆက်သုံးနေသေးလဲမပြောတတ်။ ကျနော်တို့မောင်နှမတွေက အမည်နေ့ကိုက်နမ်ကိုက် တစ်ယောက်မှမရှိသလို အမေကိုယ်တိုင်လည်း နေ့ကိုက်နမ်ကိုက်မဟုတ်။ အမေ့အမည်က ဒေါ်ကြည်။ လူက ဗုဒ္ဒဟူးသမီး။ ကျနော်တို့လည်း မိဘတို့ မှဲ့တတ်သလိုမှဲ့ခဲ့ကြသည့်အမည်များနှင့် ယခုအထိ။ ကျနော် အမေရိကန်နိုင်ငံသားဖြေတာ အောင်တော့ အင်တာဗျူးလုပ်သည့်အရာရှိက အမည်ပြောင်းချင်သလား ဟုမေး၏။ ကျနော်က မပြောင်းချင်သဖြင့် မပြောင်းခဲ့။ မိဘတို့မှဲ့ခဲ့သည့် အမည်ဖြင့်သာ နေချင်သေချင်၏။ နေ့နမ် မကိုက်လည်း ကိစ္စမရှိ။ မပြောင်းချင်၊ ရှေ့မှာလည်း ထပ်မဆက်ချင်။ တခြားနိုင်ငံသားဖြစ်သွားလည်း ဒီအတိုင်းပဲနေချင်၏။ အမေရိကန်တွေမှာတော့ နေ့နမ်ကိုက်တာမကိုက်တာ မသိ။ ရှိလည်း မရှိ။ သူတို့မှာ (ဖခင်နှင့်လင်သား) မျိုးရိုးအမည်ဖြင့်အမည်မှဲ့သည့်စနစ်၊ ဆက်ခံသည့်စနစ် မဟုတ်လား။ ကျနော်တို့လက်ထပ်စာချုပ် ချုပ်တော့ လက်ထပ်ထိမ်းမြားရေးအရာရှိက ကျနော့်ဇနီးအား အမည်ပြောင်းမလားပြောတော့ မပြောင်းပါဘူးဟုပြန်ဖြေ၏။ သည်တွင် အရာရှိက ပြုံးပြုံးရွှင်ရွှင်နှင့်မျက်ခုံးပင့်ကာ ပခုန်းတွန့်၏။ ကျနော်တို့ ကလည်း ပြန်ပြုံးပြဖြစ်၏။ ရှင်းတော့ ပြမနေချင်။ ပြဖို့လည်းမလိုဟု ထင်၏။ အမှန်က ကျနော်လည်း မိဘပေးခဲ့သည့်အမည်ကို မပြောင်းချင်သလို ဇနီးကိုလည်း သူ့အမည်ဖြင့်သာနေစေ့ချင်၏။ အဲ့ဒီအကြောင်း အမေ့ကိုပြောပြတော့ လက်ကနဲတချက်ပြုံး၏။ အမေ့စိတ်ထဲ ဘယ်လိုရှိမည်မဆိုနိုင်သော်လည်း မျက်နှာကြည့်ရသည်ကတော့ စိတ်ချမ်းသာစရာပင်။

နောက်တခုက အမေရိကန်ရောက် မြန်မာလူကြီးများအတွက် သားသမီးတွေက မွေးနေ့လုပ်ပေးတော့ ဘယ်နှစ်နဲ့လုပ်ရမည်လဲကလည်း ခေါင်းစားစရာ။ လူကြီးတချို့က သူတို့မွေးနေ့ကို ဗမာနှစ်နဲ့မှတ်ကြ၍ဖြစ်၏။ အင်္ဂလိပ်နှစ်နှင့်ဗမာနှစ်က ဘယ်လောက်ကြာမှတစ်ခါထပ်သလဲ ကျနော်လည်း မပြောတတ်။ လူငယ်တွေကတော့ လွယ်လွယ်ပဲ အင်္ဂလိပ်နှစ်ဖြင့်လုပ်ပေးလိုက်၏။ လူကြီးတွေစိတ်ထဲ ထိုနေ့သည် သူတို့အမှန်တကယ်မွေးဖွားခဲ့သည့်နေ့ဟုလက်ခံဖို့ အင်တင်တင်ဖြစ်သလား မပြောတတ်။ အမေ ဒီ စရောက်သည့်နှစ်က အမေ့မွေးနေ့ကို အင်္ဂလိပ်နှစ်ဖြင့် လုပ်ပေး၏။ ဘာမှတော့မပြော။ သို့သော် သူ့မွေးနေ့အပြီး တနေ့ ကျနော်နှင့်နှစ်ယောက်ထဲရှိခိုက် “ဒီနေ့အမေ့မွေးနေ့လေ” ဆိုတော့ ကျနော့်စိတ်ထဲကျင်ကနဲဖြစ်ကာ ထိခိုက်ရ၏။ သူ့မွေးနေ့ကို ဗမာလိုပဲလုပ်ပေးစေချင်သလားဟုတွေးမိကာ မျက်ရည်လည်မိ၏။ တခါတလေ တချို့က မွေးနေ့မေးလျှင် အမေ ဗမာလိုပြန်ပြန်ဖြေတတ်ကို ခုမှသဘောပေါက်ပြီး စိတ်ထဲမကောင်းသလိုဖြစ်၏။

ခု အမေ့အသက် (၈၁)နှစ်ရှိပြီ။ အမေ့မွေးနေ့သည် (၁၂၉၄)ပြာသိုလဆုတ်(၁)ရက်။ တခါတလေကျ အမေက “ပြာသိုလပြည့်ကျော် (၁)ရက်လို့ပြောလည်း ရတယ်”ဟု ဒီက ကလေးတွေကိုပြောပြတတ်၏။ ဒီက ကလေးတချို့က ပြာသိုလလည်းမသိ။ လဆုတ်(၁)ရက်ကို လပြည့်ကျော်(၁)ရက်ဟု ခေါ်ရကောင်းမှန်းလည်း မသိ။ မသိလို့လည်း ဘာမှမဖြစ်။ အပြစ်လည်းဆိုစရာမရှိ။ လောလောဆယ်မှာ ကိစ္စက အကြီး ကြီး မရှိသေး။ ကျနော်ကသာ “ဒီနှစ်တော့ အမေ့မွေးနေ့ကို ဗမာလိုပါလုပ်ပေးဦးမှ”ဆိုကာ တွေးနေမိ၏။ အမေလည်း နှစ်သက်မည်ထင်၏။ အမေ့ဘဝလက်ကျန်နှစ်တို့တွင် တနှစ်(၂)ကြိမ်မွေးနေ့လုပ်ပေးရန် မောင်နှမတွေတိုင်ပင်ရမည်။ မျိုးမြင့်ချို (သြဂုတ် ၁၈ ရက် ၂ဝ၁၃)

Thursday, August 15, 2013

ဗကပ အသက် (၇၄) နှစ် ပြည့်ခဲ့ပြီ (ဗကပ (ဗဟို) ထုတ်ပြန်ချက်)

1 comments
ဗကပ အသက် (၇၄) နှစ် ပြည့်ခဲ့ပြီ (ဗကပ (ဗဟို) ထုတ်ပြန်ချက်)

(၁) (၁၉၃၉) ရောက်မှ ဗမာပြည်ကွန်မြူနစ်ပါတီကို ထူထောင်နိုင်ခဲ့သည်။ မိမိပတ်ဝန်းကျင်တိုင်းပြည်များက ၁၉၂၁ဝ-၂၁ တွင် ကွန်မြူနစ်ပါတီ ထူထောင်နိုင်ခဲ့ကြသော်လည်း မိမိက (၁၉)နှစ် နောက်ကျပြီးမှ ထူထောင်နိုင်ခဲ့သည်။ မာ့က်စ်လီနင်ဝါဒကို သူများနည်းတူ မိမိတို့သည် စောစောကတည်းက လေ့လာခဲ့ကြပါသည်။ ရုရှားအောက်တိုဘာတော်လှန်ရေးအောင်ပွဲခံပြီးကတည်းက မိမိတို့သည် လေ့လာရေးအစုအဖွဲ့များ ဖွဲ့စည်းပြီးလေ့လာခဲ့ကြသည်။ သို့သော် အကြောင်းအချက်(၂)ခုကြောင့် မထူထောင်နိုင်ခဲ့ပါ။

(၂) ထိုအကြောင်းအချက်(၂) ခုမှာ…
(က) ဗမာပြည်သည် (၁၉၃၇)ကျမှ သီးခြားတိုင်းပြည် ဖြစ်ခဲ့ရသည်။ အရင်ကတော့ အိန္ဒိယ(ကုလားပြည်)၏ လက်အောက်ခံ “ပြည်နယ်ခွဲ” အဖြစ် အင်္ဂလိပ်က ထည့်ထားတာ ခံနေရသည်။ ဘင်္ဂလားပြည်နယ်၏လက်အောက်ခံ “ပြည်နယ်ခွဲ”ဖြစ်သည်။ တိုင်းပြည်တပြည်မှာ ကွန်မြူနစ်ပါတီတစ်ခုပဲရှိရမည့် “မူ”အရ ဗမာပြည်က “ကွန်မြူနစ်ပါတီ” မထူထောင်နိုင်ခဲ့ပါ။
(ခ) နောက်အကြောင်းတခုက မိမိတို့၏ပထဝီတည်နေရာကြောင့်ဖြစ်၏။ ကွန်မြူနစ်အင်တာနေရှင်နယ်က ဗမာပြည်ကို အင်ဒိုချိုင်းနား (ကုလားနဲ့တရုတ်)ကျွန်းဆွယ်အတွင်းလို့သတ်မှတ်ကာ ဗမာပြည်ကွန်မြူနစ်ပါတီထူထောင်ပေးဖို့ စင်္ကာပူအခြေစိုက်ဌာနခွဲ(ဗျူရို)သို့ တာဝန်ပေးခဲ့သည်။ ဌာနခွဲတာဝန်ခံက “ဟိုချီမင်း”ဖြစ်သည်။ သူက ဗမာပြည်ကွန်မြူနစ်ပါတီထူထောင်ဖို့ အဆက်အသွယ်ရှာတော့ ရန်ကုန်ရောက်တရုတ်များနဲ့ပဲ အဆက်ရသည်။ ထိုတရုတ်များမှာ ရှန်ဟဲလူသတ်ပွဲ(ချန်ကေရှိတ်ရန်)မှ ထွက်ပြေးလာသူတွေဖြစ်သည်။ ဗမာပြည်တိုင်းရင်းသားများ မဟုတ်ပါ။ သူတို့က ဗမာပြည်မှာ မာ့က်စ်ဝါဒလေ့လာရေးအစုများနဲ့လည်း အဆက်အသွယ်မရှိကြ။ ထို့ကြောင့် တရုတ်ကွန်မြူနစ်များနဲ့ပဲ “ရန်ကုန်ကော်မတီ” ဖွဲ့ဖြစ်သည်။ (ထို “ရန်ကုန်ကော်မတီ”ကို တရုတ်ပြည်ကွန်မြူနစ်ပါတီ၏လက်အောက်ခံအဖြစ်ပဲ တလျှောက်လုံးသတ်မှတ်ခဲ့ပါသည်။ “အိုဗာဆီးပါတီ” “ဝှာချောင်ပါတီ”အဖြစ်ပဲ သူတို့ရပ်တည်ခဲ့ကြပါသည်။

(၃) ထိုအကြောင်း အချက်(၂)ခုက “၁၉၃၇”ရောက်မှ ပျက်ပျယ်သည်။ ဗမာပြည်က ကုလားပြည်နဲ့ “၁၉၃၇” ကျမှ ခွဲသည်။ ကွန်မြူနစ်အင်တာနေရှင်နေနယ်ကလည်း ဗမာပြည်ကို  “စင်္ကာပူဗျူရို” လက်အောက်မှ ထုတ်ပြီး  “ဗြိတိသျှအင်ပါယာဗျူရို”အတွင်းသို့ ထည့်သွင်းလိုက်သည်။ ထိုသို့ဖြင့်  “ဗကပ”ထူထောင်ဖို့ လမ်းပွင့်သွားသည်။ (၁၉၃၉)တွင် ဗကပထူထောင်နိုင်ခဲ့သည်။

(၄) ထိုသို့ ပါတီထူထောင်ရေးနောက်ကျခဲ့ခြင်းကြောင့် “အကျိုးကျေးဇူးကြီး(၂)ခု”ကို ရရှိခဲ့ပါသည်။
(က) ကွန်မြူနစ်ပါတီအင်တာနေရှင်နယ်၏ ကိုလိုနီနဲ့ကိုလိုနီတပိုင်းတိုင်းပြည်များ၏တော်လှန်ရေး လမ်းကြောင်းကိုချမှတ်ပေးသည့် ဆဌမကွန်မြူနစ်အင်တာနေရှင်နယ်အမှုဆောင်အဖွဲ့၏ဆုံးဖြတ်ချက်ကို မိမိတို့ လေ့လာနိုင်ခဲ့သည်။ “6th C.I ဆုံးဖြတ်ချက်များ ဟုခေါ်သည်”
(ခ) ကွန်မြူနစ်အင်တာနေရှင်နယ်၏ အထေထွေအတွင်းရေးမှူး၏ ဖက်ဆစ်ဆန့်ကျင်ရေးအတွေးအခေါ်နဲ့ လမ်းညွှန်ချက်ကို လေ့လာနိုင်ခဲ့သည်။ (ဤအချက်က ပိုပြီးအကျိုးပြုခဲ့ပါသည်။ မထင်မရှား အစုအဖွဲ့လေးဘဝကနေပြီး “ဗကပ”ကို နိုင်ငံရေးအဆင့်မြှင့်တင်ပေးခဲ့သည်)

(၅) (၁၉၈၉)တုန်းက တွင်း(၁)ဗိုလ်ခင်ညွန့်က “ကိုးကန့်-ဝ” ခွဲထွက်တွေကို “ကွန်မြူနစ်ဆိုတာ ကင်ဆာကလပ်စည်းနဲ့တူတယ်၊ အမြစ်ပြတ်အောင်ရှင်းရမယ်၊ အမြစ်မပြတ်ရင် ပြန်ပြီးပွားလာလိမ့်မယ်” လို့ ပြောခဲ့ဖူးသည်။ ယခု  ပါတီ (၇၄)နှစ် ပြည့်ခဲ့ပြီ။  “ဗကပ”ကို “လက်ကျန်”ဟု ဘယ်သူပြောကြဦးမလဲ။

ဗကပ (ဗဟို)

Monday, August 12, 2013

ရှစ်လေးလုံးအရေးတော်ပုံနဲ့ပတ်သက်လို့ (ရဲဘော်ဖိုးသံချောင်း)

0 comments
ရှစ်လေးလုံးအရေးတော်ပုံနဲ့ပတ်သက်လို့ (ရဲဘော် ဖိုးသံချောင်း)
ဗမာပြည်ကွန်မြူနစ်ပါတီဟာ ပါတီတည်ထောင်တာ အနှစ်(၄ဝ)မြောက်တဲ့ ၁၉၇၉ခုနှစ်ကစပြီး ဗမာပြည်မှာ ပါတီစုံစနစ်ပေါ်ပေါက်ရေးဆိုတဲ့ အယူအဆကို ခေါင်းဆောင်ပိုင်းထဲမှာဆွေးနွေးခဲ့ကြပြီး ၁၉၈ဝခုနှစ်မှာ ဒီလမ်းစဉ်ကို အတည်ပြုလိုက်ကြပါတယ်။
အဲဒီနောက်မှာ ပါတီခေါင်းဆောင်တွေက (၁၃ဝဝ) ပြည့်အရေးတော်ပုံတပ်သားများဆီကို လှုံ့ဆော်စည်းရုံးတဲ့စာတွေ ပေးပို့ပါတယ်။ ကိုယ်နဲ့ရင်းနှီးသူတွေဆီကို ပုဂ္ဂိုလ်ရေးသဘောညှိနှိုင်းတဲ့စာတွေဖြစ်ပါတယ်။ စာပါအကြောင်းအရာကတော့ ”ဒီနေ့တိုင်းပြည်ရဲ့အခြေအနေကို မိမိတို့လွတ်လပ်ရေးအတွက်တိုက်ပွဲဝင် လုံးပမ်းခဲ့ကြစဉ်ကနဲ့နှိုင်းယှဉ်ပြပြီး စစ်အာဏာရှင်စနစ်ကို မတိုက်ဖျက်နိုင်လျှင် မိမိတို့တာဝန်မကျေသေး၊ မိမိတို့မသေခင်မှာ စစ်အာဏာရှင်စနစ်ကို တိုက်ဖျက်ပစ်ကြပါစို့” လို့ ဆော်သြထားတာဖြစ်ပါတယ်။ အချိန်အားဖြင့် (၁၃ဝဝ) ပြည့်နှစ်အရေးတော်ပုံကြီး အနှစ်(၅ဝ)ပြည့်မြောက်ချိန်မှာ အရေးတော်ပုံ တစ်ခု ပေါ်ပေါက်လာအောင် လုံးပမ်းကြဖို့လို့ရေးခဲ့ကြပါတယ်။ စာတွေကို ဗိုလ်ချုပ်နေဝင်းနဲ့ဦးနုအပါ နိုင်ငံရေးသမားဟောင်းကြီးတွေ တော်တော်များများဆီကို ပို့နိုင်ခဲ့ပါတယ်။ အဲဒီပေးစာတွေပါသဘောထားကို လက်ခံရရှိသူအားလုံးနီးပါးက သဘောတူကြပါတယ်။ တချို့ ကတက်တက်ကြွကြွ တုံ့ပြန်ကြပါတယ်။ ဦးနုက “အရေးကြုံလာလျှင် မောင်နုကိုရှေ့ဆုံးက တွေ့စေရမည်”လို့ ပါးစပ်က ထုတ်ပြောပါတယ်။ ဦးကျော်ငြိမ်းကတော့ “ဒီတစ်ခါတော့ သခင်ဗသိန်းတင်တို့နဲ့ သဘောထားချင်းကိုက်ညီတယ်”လို့ သူ့အတွင်းပိုင်းမှာပြန်ပြောပါတယ်။ ပမညတလောကကတော့ ဘာမှပြောသံပြန်မကြားရပါ။ ဗိုလ်အောင်ကြီးကတော့ သူရတဲ့စာကို ဗိုလ်နေဝင်းဆီသွားပြပါတယ်။
အဲဒီနောက်မှာတော့ ကျွန်တော်တို့ပါတီက အရင်က ကျောင်းသားသမဂ္ဂခေါင်းဆောင်ဟောင်းတွေ၊ အလုပ်သမားသမဂ္ဂခေါင်းဆောင်ဟောင်းတွေ၊ စာပေအနုပညာသည်တွေဆီကို စာတိုက်ကနေ ပို့စကဒ်တွေပို့ပြီး လှုံ့ဆော်ပြန်ပါတယ်။
နိုင်ငံရေးလုပ်မရလို့ နိုင်ငံရေးနဲ့ကင်းကွာနေရတဲ့ နိုင်ငံရေးသမားတွေ၊ သမဂ္ဂခေါင်းဆောင်ဟောင်းတွေ စာပေအနုပညာရှင်တွေကို နိုင်ငံရေးပြန်လုပ်ကြဖို့ နှိုးဆော်တဲ့သဘောပါ။
တပါတည်းမှာပဲ မြေအောက်လုပ်ငန်းကလည်း ဒီစိတ်ဓာတ်၊ ဒီဦးတည်ချက်နဲ့ လုပ်ငန်းတွေလုပ်ကြပါတယ်။
အရေးတော်ပုံကြီးကို သယ်ဆောင်သွားတာကတော့ ပြည်သူလူထုကြီးပါပဲ၊ အဓိကဇာတ်ကောင်ဟာ ပြည်သူလူထုကြီးဖြစ်ပါတယ်။ ဒီအရေးတော်ပုံကြီးမှာ ပြည်သူလူထုကြီး တခဲနက်ပါဝင်လို့လည်း ဒီအဆင့်ထိကြီးကျယ်ခဲ့၊ သမိုင်းဝင်ခဲ့၊ ဂုဏ်ပြောင်ကြီးမြတ်ခဲ့တာဖြစ်ပါတယ်။ ကျွန်တော်တို့ကွန်မြူနစ်ပါတီကတော့ ကိုယ်သန်တဲ့၊ ကိုယ်နိုင်တဲ့အခန်းက တတ်စွမ်းသမျှပါဝင်ခဲ့တာဖြစ်ပါတယ်။
အရေးတော်ပုံကြီးပေါ်ပေါက်လာတဲ့အခါမှာတော့ မြို့တွေမှာပြည်သူလူထုအပေါ်စစ်ဆင်နေတဲ့တပ်အင်အား လျော့ပါးသွားစေဖို့ရည်ရွယ်ချက်နဲ့ ကျွန်တော်တို့ ပြည်သူ့တပ်မတော်က စစ်ရေးလှုပ်ရှားမှုတွေလုပ်ပါတယ်။ ဒီနေရာမှာ တစ်ခုဖြတ်ပြောချင်ပါတယ်။ တချို့က အဲဒီအချိန်မှာ ဗကပတပ်တွေ ဘာလို့မြို့တွေထဲကို ဝင်မလာတာလဲ။ လာရင် လူထုကကြိုဆိုကြမှာလို့ ပြောကြပါတယ်။ အပြစ်တင်တဲ့သဘောလည်းဆောင်ပါတယ်။ ပြောတဲ့လူတွေက စစ်ရေးသဘောကို သိပ်နားမလည်လို့ပြောတာပါ။ အဲဒီလိုအခြေအနေမျိုးမှာ အစိုးရဟာ မြို့ကာကွယ်ရေးတွေကို ပိုပြီးတင်းတင်းကြပ်ကြပ်လုပ်လေ့ ရှိပါတယ်။ မြို့သိမ်းဖို့ မလွယ်လှပါဘူး။ ဒါကြောင့် ကျွန်တော်တို့ဟာ အသေနေရာယူထားတဲ့ရန်သူထက် လှုပ်ရှားနေတဲ့ရန်သူကိုချေမှုန်းရေးလုပ်တဲ့နည်းကို ရွေးချယ်ခဲ့ပါတယ်။
အထင်ရှားဆုံးတိုက်ပွဲကြီးနှစ်ခုက ရှမ်းပြည်နယ်အရှေ့ပိုင်း မိုင်းယန်းကိုဝိုင်းထားပြီး စစ်ကူလာတဲ့အစိုးရတပ်တွေကိုချေမှုန်းတာနဲ့ ရှမ်းပြည်နယ်မြောက်ပိုင်း တာမိုးညဲ ကုန်းဆာအနီးမှာ တပ်မ(၉၉)ကစစ်ကြောင်းတစ်ကြောင်းကို ချေမှုန်းတာတွေလုပ်နိုင်ခဲ့ပါတယ်။ မိုင်းယန်းတိုက်ပွဲမှာ အစိုးရက တပ်မ(၈၈)၊ (၅၅)နဲ့ ရပခတို့က တပ်ကူတွေလွှတ်ခဲ့ပြီး အဲဒီတပ်ကူတွေကို ကျွန်တော်တို့တပ်တွေကချေမှုန်းတာ အဓိကလုပ်ခဲ့ပါတယ်။ ဗိုလ်ချုပ်တင်အောင်မြင့်ဦးပါ ဒဏ်ရာရ သွားတဲ့ဒီတိုက်ပွဲစဉ်တွေထဲမှာ အစိုးရတပ်က အရာရှိတွေ အများဆုံး ကျဆုံးဒဏ်ရာရတယ်လို့ပြောရင် ရမယ်ထင်ပါတယ်။ မြောက်ပိုင်းကတာမိုးညဲ၊ ကုန်းဆာ တိုက်ပွဲမှာတော့ စစ်ကြောင်းတစ်ကြောင်းလုံး တစ်ယောက်မှမလွတ်ပဲ စစ်ကြောင်းမှူး- ဒုရင်းမှူးဗိုလ်မှူးလှမြင့်အပါ လူ(၂ဝ)ကျော်ကို သုံ့ပမ်းဖမ်းမိပါတယ်။
ဆိုလိုတာ ကျွန်တော်တို့လည်း ကျွန်တော်တို့တတ်နိုင်သမျှ လုပ်ခဲ့တယ်ဆိုတာပါ။
ရှစ်လေးလုံးအရေးတော်ပုံကြီးကို ပုံဖျက်ဖို့ကြိုးစားတယ်ဆိုတာတွေကို ကျွန်တော်တို့လည်း သတိပြုမိပါတယ်။ အဲဒီလိုလုပ်ကြသူတွေထဲမှာ တချို့ကတော့ အရင်ကတည်းက ဆန့်ကျင်ဘက်ကရပ်ပြီး လူထုကိုတိုက်ခိုက်ခဲ့သူတွေဖြစ်ပါတယ်။ တချို့ကျတော့ အခုကျမှ ကိုယ့်အကျိုးစီးပွားအတွက် ပုံဖျက်ကြတာ ဖြစ်ပါတယ်။ အနည်းစုကတော့ ဘာမှတကယ် မသိ၊ မမီလိုက်ပဲ ရမ်းရေး၊ ရမ်းပြောနေကြသူတွေဖြစ်ပါတယ်။
ကျွန်တော့်အမြင်မှာတော့ ရှစ်လေးလုံးအရေးတော်ပုံကြီးရဲ့သမိုင်းဝင်အခန်းနဲ့ ကြီးကျယ်မြင့်မြတ်မှုကို အသိအမှတ်ပြုနိုင်ဖို့ဆိုရင်-
၁။ ဒီအရေးတော်ပုံကြီးရဲ့နောက်ခံအနေအထားကို သဘောပေါက်နားလည်ရပါမယ်။ အဲဒီတုန်းကတိုင်းပြည်အခြေအနေနဲ့ အဲဒီအရင်က တိုက်ပွဲအဆက်ဆက်ရဲ့ဖြစ်စဉ်တွေကို သဘောပေါက်အသိအမှတ်ပြုရပါမယ်။ လူထုကြီးပါဝင်မှုကို အသိအမှတ်ပြုရပါမယ်။
၂။ ဒီကနေ့အထိ ဗမာပြည်မှာဖြစ်ပေါ်နေတာတွေဟာ အရေးတော်ပုံကြီးရဲ့အဆက်တွေဖြစ်တယ်ဆိုတာကို အသိအမှတ်ပြုရပါမယ်။
၃။ ဒီအရေးတော်ပုံကြီးအတွင်းမှာ ကျဆုံးသွားသူအားလုံး- တစ်ယောက်မကျန်- ဘယ်သူမှ မတော်တဆ ကျည်မှန်လို့ကျဆုံးခဲ့ကြတာမဟုတ်ဘူး၊ စစ်အစိုးရက တမင်သတ်ဖြတ်လို့ သေခဲ့တယ်ဆိုတာကို မမေ့ဖို့လိုပါတယ်။
၎။ ဒီကနေ့ အစိုးရလုပ်နေတာတွေဟာ ဒီအရေးတော်ပုံကြီးရဲ့မျှော်မှန်းချက်၊ တောင်းဆိုချက်တွေကို ရှောင်လွှဲဖို့ဖြစ်တယ်ဆိုတာကို သဘောပေါက်ဖို့လိုပါတယ်။
ဒါကြောင့်ကျနော်တို့အနေနဲ့ ပြည်သူလူထုကို အရေးတော်ပုံကြီးရဲ့အခန်းကို မပြတ်ရှင်းပြနေ၊ အရေးတော်ပုံကြီး မပြီးဆုံးသေးကြောင်း မပြတ်သတိပေးနေဖို့ လိုပါတယ်။
ရှစ်လေးလုံးသမိုင်းကိုပြည့်ပြည့်စုံစုံ၊ မှန်မှန်ကန်ကန် မှတ်တမ်းတင်ဖို့ဆိုတာ အမှန်ပဲလိုအပ်ပါတယ်။ ဒါပေမဲ့ ဒီအရေးတော်ပုံကြီးကို နည်းမျိုးပေါင်းစုံဖြိုခွဲခဲ့ စစ်အုပ်စုရဲ့အမွေကိုဆက်ခံထားသူတွေ အာဏာရနေသရွေ့ ရှစ်လေးလုံးမှာ တက်တက်ကြွကြွပါဝင်ခဲ့တဲ့အင်အားစုအားလုံးမပါဝင်နိုင်သေးသရွေ့ ပြည့်စုံဖို့မလွယ်ဘူး ထင်ပါတယ်။
လေးစားလျက်
ရဲဘော်ဖိုးသံချောင်း

Friday, August 9, 2013

၁၉၈၈လူထုလှုပ်ရှားမှုတွင်ပြည်သူ့အသံကို ထင်ဟပ်စေခဲ့သည့် ဘီဘီစီသတင်းထောက်ခရစ္စတိုဖာဂန်းနက်(စ)နှင့် တွေ့ဆုံခြင်း -

0 comments
၁၉၈၈လူထုလှုပ်ရှားမှုတွင်ပြည်သူ့အသံကို ထင်ဟပ်စေခဲ့သည့် ဘီဘီစီသတင်းထောက်ခရစ္စတိုဖာဂန်းနက်(စ)နှင့် တွေ့ဆုံခြင်း -
၈၈၈၈ ငွေရတုနှစ်ပတ်လည်အချိန်အခါသို့ နီးကပ်လာသည်နှင့်အမျှ အများစုက ထိုခမ်းနားစိတ်လှုပ်ရှားစရာအဖြစ်အပျက်များကိုပြန်လည် သုံးသပ်ကာ (မျက်မှောက်နိုင်ငံရေး အပြောင်းအလဲများအတွက်) ၈၈၈၈ လှုပ်ရှားမှု၏ အနက်သက်ရောက်မှုနှင့် ထိရောက်အရေးပါမှုတို့ကို ပြန်လည်ဆန်းစစ်လာကြပေသည်။ အများစုမှာ ၈၈၈၈ လှုပ်ရှားမှုကို မှတ်မိရန် သို့မဟုတ် ဂရုပြုအလေးမူမိရန် လွန်စွာငယ်ရွယ်နေကြပေ သေးသည်။ သို့သော် ယနေ့မြန်မာနိုင်ငံရှိ လူတိုင်းလူတိုင်း၏ဘဝများသည် ထိုကျောင်းသားလှုပ်ရှားမှု၏ရလဒ်ကြောင့် တစ်မျိုးတစ်ဖုံကွဲပြား ခဲ့ပြီဆိုသည်မှာမူ သံသယဖြစ်ဖွယ်မရှိပါချေ။ ၈၈ ကျောင်းသားများသည် မြန်မာနိုင်ငံကိုထာဝရပြောင်းလဲစေခဲ့ပြီ။ သို့ရာတွင် မြန်မာ့နိုင်ငံရေးသမိုင်းတွင် သမိုင်းဝင်အခန်းကဏ္ဍဍမှပါဝင်ခဲ့ဖူးသူတစ်ဦးကို ထိုခေတ်အခါက လူအများကအမှတ်ရဆဲရှိနေပါသေးသည်။ ထိုသူမှာ တိုးရစ်ဗီဇာဖြင့် ထိုင်း၊ ဘင်္ဂလားဒေ့ရ်ှနိုင်ငံတို့မှ ရန်ကုန်သို့ တစ်ကြိမ်မက တိတ်တဆိတ်ဝင်ရောက်လာကာ ဘီဘီစီရေဒီယိုအစီအစဉ် အတွက် ၈၈၈၈ လှုပ်ရှားမှုသတင်းများကိုတင်ဆက်ပေးခဲ့သူ ခရစ္စတိုဖာဂန်းနက်စ် စChrisopher Gunness ပင်ဖြစ်ပါသည်။ သူ၏သတင်းပေးပို့ချက်များကို သန်းနှင့်ချီသောမြန်မာနိုင်ငံသားများက ခုံမင်မက်မောစွာနားထောင်ခဲ့ကြပြီး ၈၈၈၈ လှုပ်ရှားမှု၏ အသက်သွေးကြောသဖွယ် အရေးပါခဲ့လေသည်။

သူသည် ၁၉၈၈ နောက်ပိုင်း ၂၅ နှစ်လုံးလုံးပြည်ဝင်ခွင့်တားမြစ်ခံထားရသော နာမည်ပျက်စာရင်းတွင်ပါဝင်ခဲ့သဖြင့် မြန်မာနိုင်ငံသို့ ထပ်မံ ရောက်လာနိုင်ခြင်းမရှိခဲ့ပါ။ သို့ရာတွင် ယခုအခါ ကုလသမဂ္ဂဌာနတစ်ခုတာဝန်ဖြင့် ဂျေရုစလင်သို့ရောက်ရှိနေသော ခရစ္စတိုဖာဂန်းနက်စ်ကို ပဲ့တင်သံက ဆက်သွယ်မေးမြန်းခဲ့ပါသည်။ ယခုဖော်ပြမည့်အင်တာဗျူးမှာ ပဲ့တင်သံဂျာနယ်သို့ သူ ထုတ်ဖော်ပြောပြသည့် သူ တစ်ကိုယ်ရည် ပုဂ္ဂလိကဖွင့်ဟချက်ပင်ဖြစ်ပါသည်။

မေး။ ၁၉၈၈ မှာ မြန်မာနိုင်ငံကို ဘာလို့လာခဲ့တာလဲ။ ဘယ်တုန်းက ရောက်ခဲ့တာလဲ။
ဖြေ။ ကျွန်တော် မြန်မာနိုင်ငံကို ၁၉၈၈ ဇူလိုင် ၂၂ ရက်မှာလာခဲ့တာပါ။ အကြောင်းကတော့ ဗိုလ်ချုပ်ကြီးနေဝင်းက မဆလပါတီညီလာခံကို extraordinary အထူးညီလာခံဆိုပြီးခေါ်လိုက်လို့ ဖြစ်ပါတယ်။ ဒါကို နည်းနည်းထူးဆန်းတယ်လို့ထင်တယ်။ ရှေ့ပိုင်းမှာ ဖြစ်ခဲ့တဲ့အဖြစ် အပျက်တွေကလည်းရှိနေတော့ ကျွန်တော်နဲ့ဘီဘီစီကအယ်ဒီတာက မြန်မာနိုင်ငံမှာ တစ်ခုခုထူးထူးခြားခြား ကြီးကြီးကျယ်ကျယ်ကိစ္စ ဖြစ်လာတော့မယ်လို့ခံစားရတယ်။ ၁၉၈၇ သြဂုတ်တုန်းက အဲဒီစက်ဆုပ်ဖွယ်အာဏာရှင်ကပဲ နိုင်ငံပိုင်ရေဒီယိုနဲ့တီဗီမှာ အမှားတွေ လုပ်ခဲ့ဖူးပါတယ်လို့ ဝန်ခံထားတာလည်းရှိတယ်လေ။ သူက ဘယ်လိုများ နှိမ့်ချနိုင်တာပါလိမ့်။ ၁၉၈၇ စက်တင်ဘာမှာကျတော့ ၂၅ ကျပ်တန်၊ ၃၅ ကျပ်တန်၊ ၇၅ ကျပ်တန်တွေကို တရားမဝင်ကြေညာခဲ့တာမှာ သာမန်လူအများစုက အတော်ကြီးထိခိုက်ခဲ့ရတယ်။ အဲဒီအချိန်မှာ တပ်မတော်ကတော့ ကြီးပွားနေပြီလေ။ လူတွေက ဒေါသထွက်နေချိန်မှာ လက်နက်မဲ့ကျောင်းသားတွေအပေါ် မတ်နဲ့ဇွန်လမှာ လူသတ်သမားဆန်ဆန် သတ်ဖြတ်နှိပ်ကွပ်ခဲ့တဲ့လုံထိန်းတွေကို မုန်းလာကြပါတယ်။ အဲ့ဒီကိစ္စတွေအတွက် အစိုးရရဲ့တရားဝင်စုံစမ်းရေး ကော်မတီကထုတ်ပြန်ပေးတာတွေကလည်း မျှော်လင့်ထားတဲ့အတိုင်း မှင်ဖြူအုပ်ပေးလိုက်သလိုပဲမို့ လူထုရဲ့မခံချင်စိတ်တွေ ပိုမိုကြီးထွား  လာခဲ့ပါတယ်။ အဲဒီအချိန်မှာ ဦးနေဝင်းထံပေးတဲ့ ဦးအောင်ကြီးရဲ့ သူမတူစာတစ်စောင်ကလည်း ပြုပြင်ပြောင်းလဲရေးလုပ်ဖို့ တောင်းဆိုထားတာပါ။ အဲဒီဖြစ်ရပ်တွေက လန်ဒန်မှာရှိတဲ့ကျွန်တော့်အလုပ်စားပွဲကနေကြည့်တော့ အပြောင်းအလဲရဲ့အနံ့အသက်ကို ရသလိုဖြစ်ပြီး ရန်ကုန်ကို လူကိုယ်တိုင်ရောက်တဲ့အခါမှာတော့ သက်သေထူပြီးဖြစ်နေပါတယ်။ အကြောက်တရားနဲ့ စက်ဆုပ်ရွံရှာမှုတွေဟာ ရန်ကုန်လေထုထဲမှာ ဖမ်းဆုပ်ကိုင်တွယ်လို့တောင် ရနေသလိုပါ။ ဒါပေမယ့် ကျွန်တော်ရော ဘယ်သူကမှ ဒီ အမေ့ခံမြေပေါ်မှာ အပြောင်းအလဲ လေပြေကနေ အပြောင်းလဲတကာ့အပြောင်းလဲဆုံး ဟာရီကိန်းမုန်တိုင်းကြီးဖြစ်လာတော့မယ်လို့ ဘယ်လိုသိနိုင်ခဲ့မှာပါလိမ့်။

မေး။ ၁၉၈၈ မှာ ခရစ္စအတွက် အရေးအကြီးဆုံးအခိုက်အတန့်က ဘယ်အချိန်ပါလဲ။
ဖြေ။ စက္ကန့်နဲ့အတိအကျကို ပြောနိုင်ပါတယ်။ ၁၉၈၈၊ ၈ လပိုင်း၊ ၈ ရက် နံနက် ၈ နာရီ ၈ မိနစ်ပါပဲ။ အဲဒီနေ့က မြန်မာနိုင်ငံအတွက် အမျိုးသားရေးဆိုင်ရာ ကိုယ်ပိုင်အနက်ဖွင့်နိုင်ခဲ့တဲ့အချိန်လို့ ဆိုရမှာပါ။ (moment of national self definition) အဲဒီအချိန်မှာ မြန်မာနိုင်ငံက လူထုကသူတို့အနေနဲ့ ကိုယ့်ကြမ္မာကိုယ်ဆုံးဖြတ်ဖို့ နှစ်ပေါင်းများစွာ အိပ်မက်မက်ခဲ့ရတာတွေ တကယ်ဖြစ်လာနိုင်ချေရှိတယ်လို့ သဘောပေါက်ခဲ့ရပါတယ်။ အဲဒီတုန်းက ကျွန်တော်ဟာ ၇ ရက်ပဲ ဗီဇာရတာမို့ ဘင်္ဂလားဒေ့ရ်ှကိုထွက်သွားခဲ့ရပြီး မြို့တော် ဒက်က္ကာမှာရှိတဲ့ ရှရင်တန်ဟော်တယ်မှာပဲ ဘီဘီစီရုံးခန်းသဘောထားပြီး မြန်မာနိုင်ငံသတင်းတွေကို ပြင်ဆင်ထုတ်လွှင့်ခဲ့ရပါတယ်။ ၈ ရက် ၈ လ၊ ၈၈ မှာ ကျွန်တော်ဟာ မြန်မာပြည်မှာတုန်းကချိတ်ခဲ့တဲ့လူတွေနဲ့ အချိန်အတိအကျချိန်းထားတာမို့ ဖုန်းဆက်ဖို့စောင့်ရင်း စိတ်တွေ လှုပ်ရှားနေခဲ့ ပါတယ်။ ဒီလှိုင်းတွေတက်လာသလိုကို စိတ်လှုပ်ရှားခဲ့ရတာကို မှတ်မိနေပါတယ်။ အထွေထွေသပိတ်ကြီးစတော့ ရန်ကုန်မြို့ရဲ့ လမ်းများပေါ်မှာနဲ့ မြို့ရွာအသီးသီးရဲ့လမ်းတွေပေါ်မှာ ငြိမ်းချမ်းစွာဆန္ဒထုတ်ဖော်ကြတဲ့လူတွေ သန်းနဲ့ချီပြီး ပြည့်နှက်နေခဲ့တယ်လေ။ မြန်မာ့လူထုဟာ သူတို့ရဲ့ကိုယ်ပိုင်ပန်းတိုင်အတွက် ချီတက်တဲ့ခေတ်ကိုရောက်သွားသလိုပါပဲ။

မေး။ ၁၉၈၈ နဲ့ပတ်သက်ရင် ဘယ်အရာကို မျက်စိထဲမှာ ခုထိ တိတိကျကျမြင်ယောင်နေသေးလဲ။
ဖြေ။ ဒီနေ့ထိ ကျွန်တော့်ခေါင်းထဲမှာ ဝဲလည်လှည့်နေသေးတာကတော့ မြန်မာ့လူထုရဲ့သူရသတ္တိ၊ တီထွင်ဉာဏ်နဲ့ဟာသဉာဏ်တွေကို ထင်ဟပ်တဲ့ပုံရိပ်သွင်တွေအများကြီးပေါ့။ နောက်တစ်ခုကတော့ တိုင်းရင်းသားဒေသတစ်ခုက အသက်ခပ်ကြီးကြီးရှေ့နေတစ်ယောက်ရဲ့ ရဲရင့်လှတဲ့အင်တာဗျူးအဖြေတွေပေါ့။ (သူ့ခွင့်ပြုချက်မယူနိုင်လို့ နာမည်မဖော်ပြနိုင်ပေမယ့် သူ့ကို တကယ်ကျေးဇူးတင်နေပါတယ်) ပြီးတော့ စစ်တပ်ကအာဏာသိမ်းတဲ့အချိန်မှာ ကျွန်တော်က အမေရိကန်သံတမန်တစ်ယောက်နဲ့ ဖုန်းလိုင်းပေါ်မှာရှိနေခဲ့တယ်။ SLORC ဆိုတဲ့ အတိုကောက်ဝေါဟာရကို စကြားကြားချင်းပဲ ကျွန်တော့်ခေါင်းထဲမှာ (အင်္ဂလိပ်ဝေါဟာရ Slaught လို ) အသံထွက်တဲ့အတိုင်း အနက်မှာ သတ်ဖြတ်နှိပ်ကွပ်မယ့်သဘောကို ပက်ပက်စက်စက်ကြီးထင်ဟပ်တဲ့ အတိုကောက်စကားလုံးပါလားလို့ တွေးမိပါတယ်။ အဲဒီ အတိုကောက်ရဲ့ဖွင့်ဆိုချက် နိုင်ငံတော်အေးချမ်းသာယာရေးနဲ့ ဖွံ့ဖြိုးရေးကောင်စီဆိုတာမှာလည်း နိုင်ငံရေးလော်မာမှုသမိုင်းတစ်လျှောက်မှာ အင်မတန်ရှေ့နောက်မညီ ကမောက်ကမတွဲဘက်ထားတဲ့စကားစုဆိုတာမျိုး ခံစားရပါတယ်။

မေး။ ကျောင်းသားဘယ်နှစ်ယောက်နဲ့တွေ့ခဲ့ပါလဲ။ ခုထိမှတ်မိနေတဲ့သူ ဘယ်သူတွေရှိပါလဲ။ ဘာလို့မှတ်မိနေတာပါလဲ။ သူတို့နဲ့ပတ်သက်ပြီး ခရစ္စကို ဆွဲဆောင်နိုင်ဆုံးက ဘာဖြစ်မလဲ။ သူတို့ရဲ့တက်ကြွနေတဲ့စိတ်တွေလား၊ ပုန်ကန်လိုနေတဲ့စိတ်တွေလား၊ ဒါမှမဟုတ် သူတို့ရဲ့လှုပ်ရှားမှု အစီအစဉ် စီစဉ်မှုတွေလား။
ဖြေ။ ကျောင်းသားဘယ်နှစ်ယောက်နဲ့တွေ့ခဲ့လဲဆိုတာတော့ မမှတ်မိတော့ပါဘူး။ ဒါပေမယ့် စုစုပေါင်းတော့ အယောက် ၂၀ မကျော်ဘူး ထင်ပါတယ်။ အဲဒီတုန်းက လူအတော်များများဟာ ဘီဘီစီနဲ့စကားမပြောချင်ကြတာ နားလည်ပေးနိုင်စရာပဲလေ။ ဒါပေမယ့် အုပ်စုတစ်စု ကတော့ သူတို့ရဲ့သတ္တိ၊ ဒေါသ၊ အစွမ်းအစတွေကြောင့် ကျွန်တော်နဲ့စကားပြောဖို့ ပေါ်ထွက်ခဲ့ပါတယ်။ ရန်ကုန်Strand ဟိုတယ်မှာ တည်းနေတုန်း တစ်နေ့တော့ အိပ်ခန်းပြန်ရောက်ချိန် ခေါင်းအုံးအောက်မှာ စာတစ်စောင်တွေ့ခဲ့ရပါတယ်။ စာထဲမှာ ဟိုတယ်အပြင်ဘက် နေရာတစ်ခုမှာ ဘယ်အချိန်အတိအကျ ကားနဲ့လာခေါ်မယ်ဆိုတာ ပါပါတယ်။ အဲဒီလိုနဲ့ သူတို့ချိန်းတဲ့အတိုင်း ကျွန်တော်လိုက်သွားခဲ့ပါတယ်။ ကျွန်တော်မှတ်မိတာကတော့ ရန်ကုန်တက္ကသိုလ်ရဲ့အခန်းတစ်ခုထဲ ရောက်သွားပါတယ်။ ကျောင်းသားတွေက အသံတိုးတိုးနဲ့ပဲသူတို့ခံစား ရသမျှနှိပ်စက်ဖိနှိပ်မှုတွေကို ပြောပြပါတယ်။ ကျွန်တော့်ကို အဓိကအံ့အားသင့်စေခဲ့တာကတော့ သူတို့ရဲ့အပြစ်မဲ့မှုနဲ့ လက်နက်ကိုင် တပ်မတော်သားတွေနဲ့ယှဉ်လိုက်ရင် ကိုယ်ခန္ဓာကြံ့ခိုင်မှု လုံးဝအားနည်းလွန်းနေတဲ့ သူတို့ရဲ့ပုံပန်းသဏ္ဍာန်တွေပါပဲ။ ကျောင်းသား တစ်ယောက်က ကျွန်တော့်ကိုတော်လှန်ရေးကို ဘယ်လိုလုပ်ရမလဲလို့မေးတော့ ကျွန်တော်က သူတို့တွေ တော်တော်လေး ရိုးအ ကြသေးတာပဲလို့ တွေးမိခဲ့ပါတယ်။ သတင်းထောက်တစ်ယောက်အနေနဲ့ သူတို့ကိုမြင်မိတာကတော့ လှုပ်ရှားမှုထဲမှာနှစ်မြုပ်ပြီး သတ္တိလည်းရှိ၊ စိတ်ဓာတ်လည်းပိုင်းဖြတ်ထားကြသလို မျှော်လင့်တာတွေကလည်း တကယ့်ကိုစံပြဖြစ်လွန်းသလို ထူးဆန်းတာက အကောင်းလည်းမြင်လွန်း နေပါတယ်။ ဒါပေမယ့် ကျွန်တော့်မှာတော့ လူသတ်တပ်မတော်ကြီးနဲ့ရင်ဆိုင်နေတဲ့သူတို့အတွက် အရမ်းကာရောကို စိုးရိမ်ကြောက်လန့် ခဲ့တာပါ။

မေး။ ၁၉၈၈ ကျောင်းသားလှုပ်ရှားမှုကို ဘယ်လိုထင်ပါသလဲ။ မြန်မာ့သမိုင်းအတွက် အရေးပါတဲ့လှုပ်ရှားမှုလား။ ဒါမှမဟုတ်သိပ်အရေးပါခဲ့တာ မျိုးမရှိလို့ထင်လား။
ဖြေ။ ကျွန်တော်ကတော့ ဒီလှုပ်ရှားမှုဟာ မြန်မာ့သမိုင်းသာမက အာရှဒေသတွင်းသမိုင်းမှာပါ ဖျောက်ဖျက်လို့မရအောင် လုံးဝဥဿုံ အရေးပါတယ်လို့ယုံကြည်ပါတယ်။ ဒီနေ့မြန်မာနိုင်ငံမှာဖြစ်နေတာတွေဟာ ဒီလှုပ်ရှားမှုကနေ အခြေတည်ခဲ့တာပါ။ ကျောင်းသားတွေနဲ့ ၈၈ လှုပ်ရှားသူအားလုံးဟာ မြန်မာနိုင်ငံမှာဒီမိုကရေစီ၊ လူ့ဂုဏ်သိက္ခာကြွယ်ဝချမ်းသာတဲ့အနာဂတ်ကို အာမခံနိုင်သွားအောင် သူတို့ရဲ့ဘဝတွေကို ရင်းခဲ့ကြပါတယ်။ အသက်တွေကို နှင်းခဲ့ကြပါတယ်။ အပြောင်းအလဲဟာ ပြီးပြည့်စုံတဲ့အနေအထားကိုမရောက်သေးပေမယ့် နောက်လာတဲ့ မျိုးဆက်ဟာ ၁၉၈၈ လှုပ်ရှားမှုမျိုးဆက်အပေါ်မှာ ကျေးဇူးတွေ အများကြီးတင်ရှိနေတာပါ။ သူတို့က တကယ့်သူရဲကောင်းတွေပါ။ ကျွန်တော်တို့အနေနဲ့ သူတို့ရဲ့သတ္တိနဲ့ လူ့ဂုဏ်သိက္ခာတွေဟာ အားကျစရာအတုယူစရာဖြစ်ရတဲ့အတွက်ကိုပဲ မေ့လို့မရနိုင်ပါဘူး။ ကမ္ဘာ့အနေအထားကိုကြည့်ပြီး အာရှမှာရှိခဲ့တဲ့စစ်အေးနိဂုံးကို သုံးသပ်ကြည့်မယ်ဆိုရင် ၈၈ မျိုးဆက်ကျောင်းသားထုကြီးဟာ ၂၀ ရာစုမှာရော မြန်မာ့သမိုင်းမှာပါ နေရာမှန်တစ်ခု အခိုင်အမာရသင့်တယ်လို့ ကျွန်တော်မြင်ပါတယ်။ ဒီ ၁၉၈၈ လှုပ်ရှားမှုဆိုတာ တရုတ်ပြည်တီယန်မင် လှုပ်ရှားမှုထက် ၁ နှစ်စောပြီး အင်ဒိုနီးရှားက ဆူဟာတိုကိုဖြုတ်ချတဲ့လှုပ်ရှားမှုထက် ၁ဝ စုနှစ်တစ်ခုလုံးလုံး စောတယ်ဆိုတာကိုမမေ့ကြပါနဲ့။ ၈၈ လှုပ်ရှားမှုနဲ့ကျောင်းသားထုဟာ အာရှနိုင်ငံရေးမှာကို သမိုင်းဝင်ခြေရာတစ်ခု၊ လမ်းတစ်လမ်းဖောက်ထွက်ခဲ့တာပါ။ ၁၉၈၆ ခုနှစ်က ဖိလစ်ပိုင်မှာ မားကို့စ်ကိုဖြုတ်ချခဲ့တာ ပြည်သူ့အာဏာနဲ့ဆိုတာ မှန်သင့်သလောက်မှန်ခဲ့ပါတယ်။ ဒါပေမယ့် နောက်ကွယ်မှာ မားကို့စ်နဲ့ သူ့ရဲ့ခရိုနီတွေကိုတွန်းချခဲ့တာ စူပါပါဝါဖြစ်တဲ့အမေရိကလို့ဆိုရမှာပါ။ အဲဒါနဲ့ယှဉ်ရင် မြန်မာဟာဘယ်သူနဲ့မှလည်း အချိတ်အဆက်မရှိခဲ့ပါဘူး။ မဆလစစ်ဗိုလ်ချုပ်ကြီးတွေရဲ့ ရုန်းကန်လှုပ်ရှားမှုဟာ တကယ်တော့ အထီးကျန်လှုပ်ရှားမှုပါ။ ကြိုတင်ကြံစည်ပြင်ဆင်ခဲ့တာမျိုးလည်း မရှိခဲ့ပါဘူး။ အနောက်နိုင်ငံတွေကပိတ်ဆို့မှုတွေနဲ့အရေးယူတဲ့အချိန်မှာ အာဆီယံနဲ့တရုတ်လိုအိမ်နီးချင်းတွေက အာဏာရှင်အစိုးရကို ဝိုင်းအားပေးခဲ့ကြတာမျိုးပဲရှိတာမို့ ဘယ်သူ့အကူအညီမှ ဟုတ်တိပတ်တိမရခဲ့တဲ့ ၈၈ ကျောင်းသားလှုပ်ရှားမှုဟာ သူရဲကောင်းဆန်တယ်လို့လည်း ပြောလို့ရပါတယ်။ ဒါကြောင့် ကမ္ဘာနဲ့အဝှမ်းကအာဏာရှင်တွေရဲ့ထုံးစံအတိုင်း ထိတ်လန့်ဖွယ်တုံ့ပြန်မှုတွေ အပါအဝင် အခက်အခဲမှန်သမျှကို တောင့်ခံခဲ့ရတဲ့ ဒီလှုပ်ရှားမှုဟာ အာရှမှာရှိတဲ့ဖိနှိပ်ခံလူထုကို ရိုက်ခတ်ခဲ့ပါတယ်။ သူ့နိုင်ငံရဲ့အာဏာရှင်ကို အံတုပြီး နိုင်ငံအနာဂတ်အပြောင်းအလဲကိုလည်း ပုံဖော်ပေးနိုင်ခဲ့ပါတယ်။ တကယ်တော့ ကမ္ဘာ့စစ်အေးခေတ်ဟာ ဥရောပမှာ စတင်ပြီးဆုံးခဲ့တာမဟုတ်ဘဲ အာရှမှာဦးစွာပြီးဆုံးခဲ့တာပါ။ အဲဒီစစ်အေးနိဂုံးမှာ ၈၈ ကျောင်းသားလှုပ်ရှားမှုဟာ ရှေ့တန်းတစ်နေရာက ပါပါတယ်။ ဒီလိုပြောတာ မြှောက်ပင့်ပြောသလို လေကျယ်သလိုဖြစ်နိုင်ပါတယ်။ ဒါပေမယ့် ကျွန်တော်ကအဲဒီလိုကိုယုံကြည်ပါတယ်။

မေး။ ၁၉၈၈ လှုပ်ရှားမှုမှာ ကျောင်းသားတွေရဲ့အခန်းကဏ္ဍကို ဘယ်လိုမြင်သလဲ။ ဦးနု၊ ဦးအောင်ကြီး၊ ဒေါ်အောင်ဆန်းစုကြည်စတဲ့ ခေါင်းဆောင်တွေနဲ့ယှဉ်ရင် ကျောင်းသားခေါင်းဆောင်ဆိုသူတွေက နယ်ရုပ်လေးတွေလောက်ပဲဖြစ်ခဲ့လား။ ဒါမှမဟုတ် ဘာတွေဖြစ်ခဲ့လဲ။
ဖြေ။ ကမ္ဘာရဲ့ ဒီနေ့အခြေအနေကို လှည့်ပတ်ကြည့်ရင်တောင် နိုင်ငံရေးအပြောင်းအလဲအခန်းကဏ္ဍကို အသိအမှတ်မပြုဘဲနေဖို့ မဖြစ်နိုင်ပါဘူး။ လူကြီးနိုင်ငံရေးသမားတွေဆိုတာကတော့ လူငယ်ကျောင်းသားတွေထွင်ခဲ့တဲ့ နိုင်ငံရေးခြေရာလမ်းတစ်လျှောက် သူတို့ကိုယ်တိုင် မလျှောက်နိုင်ချိန်မှာ ဆက်ပြီးတက်လျှောက်ပေးဖို့ ဖြစ်လာတာမျိုးရှိပါတယ်။ ၁၉၈၈ မှာ ကျောင်းသားတွေရဲ့ခေါင်းဆောင်မှုမှာ အဓိက သော့ချက်လိုဖြစ်တဲ့လက္ခဏာသွင်ပြင်ကတော့ သူတို့ရင်ဆိုင်ရတဲ့ကြမ်းတမ်းနှိပ်စက်မှုကြောင့် တစ်ခြားလှုပ်ရှားမှုတွေနဲ့ ကွဲပြားခြားနားလွန်းသလို ရုတ်တရတ်ပေါ်ထွက်လာတာမျိုးလည်းဖြစ်ပါတယ်။ ပြီးတော့ကောင်းကောင်းလည်း အနက်မဖွင့်ထားနိုင်ပါဘူး။ (ဘယ်လိုလှုပ်ရှားမှုမျိုးပါလို့ ဖွင့်ဆိုရှင်းပြဖို့ ခက်တာမျိုးပေါ့။ ဒါ လည်း တကယ့်ကိုအမှန်ပါ) တကယ်တော့ အဲဒီလိုဖြစ်တာကိုက ကျောင်းသားတွေကို ပိုပြီးထိထိရောက်ရောက် စွမ်းနိုင်စေခဲ့တယ်လို့ဆိုရမှာပါ။ (ရယ်စရာလိုတော့ ဖြစ်မှာပေါ့။) ဒါကြောင့်ပဲ ဒီလှုပ်ရှားမှုကြီးက ရပ်လို့မရတော့တာလေ။ မြန်မာ့ကျောင်းသားတွေမှာ ခေါင်းဆောင်အစုအဖွဲ့ဆိုတာ အတည်တကျ အာဏာပိုင်ဖွဲ့စည်းပုံမျိုးလုံးလုံးမရှိဘဲ အချိန်ရဲ့လိုအပ်ချက်နဲ့အမျှ ပြောင်းလဲနေပါတယ်။ ဒါ့အပြင် ပထဝီအနေအထားအလိုက်လည်းပြန့်ကျဲပြီး စုစည်းဖို့ခက်ပြန်ပါတယ်။ ဒီနေရာမှာ ကိုယ်ချစ်ရတဲ့သူတွေ၊ သူငယ်ချင်း တွေကိုခွဲခွာပြီး လှုပ်ရှားမှုဆက်လက်အသက်ဝင်အောင် နယ်စပ်ကိုထွက်ခွာလာခဲ့တဲ့ မိုးသီးဇွန်တို့လို ကျောင်းသားတွေကိုလည်း ထည့်တွက်ရပါမယ်။ ၈၈ ကျောင်းသားတွေဟာ နယ်ရုပ်လေးတွေလိုဖြစ်ခဲ့လားဆိုတာကတော့ ဘယ်သူ့ရဲ့နယ်ရုပ် ဖြစ်ရမှာလဲ။ ဘယ်သူကမှ သူတို့ကိုအဲဒီလိုပြောနိုင်မှာ မဟုတ်ပါဘူး။ ဒီနေ့တွေ့နေရတဲ့အပြောင်းအလဲတွေဟာ သူတို့ကပဲစခဲ့တာပါ။ အခုထိလည်း သူတို့ဟာအကြံသစ်ဉာဏ်သစ်တွေကို သယ်ဆောင်နေပါတယ်။ မြန်မာ့လက်ရှိနိုင်ငံရေးဘဝမှာပေါ်ထွက်လာတဲ့ အပြန်အလှန်ထိန်းကျောင်းမှုဆိုတာကိုလည်း စောင့်ကြည့်ထိန်းကျောင်းပေးနေပါတယ်။ (ချက်စ်စကားနဲ့ပြောရင် ချက်နေပါတယ်ပေါ့) ကျွန်တော်ကတော့ သူတို့ရဲ့လှုပ်ရှားမှုကို တကယ့်ကိုခမ်းနားစွာမြင်မိပါတယ်။ ဒေါ်အောင်ဆန်းစုကြည်နဲ့ပတ်သက်ရင်တော့ ၁၉၈၈ ဇူလိုင်လ ကျွန်တော် ရန်ကုန်မှာရှိစဉ်တုန်းက သူဟာ လူထုမြင်ကွင်းထဲကို မရောက်လာခဲ့သေးပါဘူး။ နောက်တစ်လအကြာ ရွှေတိဂုံမိန့်ခွန်းပြောတော့မှ သူကလူထုကြားကိုရောက်လာတာပါ။ ဒါပေမယ့် သူဟာ ရုတ်တရတ်ထဖြစ်လာတဲ့လှုပ်ရှားမှုထဲပါရာကနေ အစီအစဉ်တကျဖြစ်ပြီး စုစည်းတဲ့နိုင်ငံရေးလှုပ်ရှားမှုကြီးအဖြစ်ကူးပြောင်းရာမှာ အရေးပါတဲ့အခန်းကဏ္ဍကပါဝင်ခဲ့တာကိုတော့ ငြင်းလို့မရနိုင်ပါဘူး။ ဦးနုနဲ့ ဦးအောင်ကြီးတို့လိုလူကြီးတွေကတော့ ဒေါ်အောင်ဆန်းစုကြည်လိုပါပဲ။ ပြည်တွင်းလှုပ်ရှားမှုအနေအထားကနေ ပြည်ပကပါ စိတ်ဝင်စားသွားအောင်၊ အရောင်ပိုထွက်လာအောင် ကူညီရာမှာအရေးပါခဲ့ပါတယ်။

မေး။ ကျောင်းသားတွေဟာ ၈၈ မှာ တကယ့်ခေါင်းဆောင်အစစ်တွေဆိုရင် ဘယ်သူက ၈၈၈၈ ဆိုတာကိုဦးဆောင်ခဲ့လဲ။ ကိုမင်းကိုနိုင်လား၊ ကိုကိုကြီးလား၊ ကိုမင်းဇေယျလား၊ ကိုဌေးကြွယ်လား။
ဖြေ။ ၁၉၈၈ လှုပ်ရှားမှုကို ဘယ်သူကဦးဆောင်ပါတယ်လို့ပြောဖို့တော့ ခက်ပါတယ်။ ကျွန်တော့်အမြင်ကတော့ လှုပ်ရှားမှုဟာ သူ့ အလိုလို ပေါ်ထွက်လာပြီး ခေါင်းဆောင်မှုဟာ အကောင်အထည်သဘောထက် လှိုင်းအရွေ့သဘော ဆန်ပါတယ်။ ခေါင်းဆောင်တွေ အများကြီး ပေါ်ထွက်ခဲ့ပြီး အားလုံးဟာ အရေးကြီးတဲ့အခန်းကဏ္ဍတွေမှာ သူမတူ အရေးပါခဲ့ပါတယ်။ အဲဒီလိုဖြစ်လို့ကို လှုပ်ရှားမှုက ထိရောက်ခဲ့တာလို့ ပြောရမလိုပါပဲ။ မြန်မာ့တပ်မတော်ဟာ ဆယ်စုနှစ်ပေါင်းများစွာ တော်လှန်ပုန်ကန်သူတွေကိုနှိမ်နင်းခဲ့ပါတယ်။ စစ်တပ်မှာ အမြဲတမ်းမှန်တဲ့ အမှန်တရားတစ်ခုကတော့ နောက်ဆုံးစစ်ပွဲတွေကို ဗိုလ်ချုပ်တွေကိုယ်တိုင် တိုက်တယ်ဆိုတာပါ။ ဒါပေမယ့် ၁၉၈၈ မှာတော့ ကိုယ့်ဘာသာကျေနပ်နေတဲ့ မြန်မာ့အာဏာရှင်အစိုးရဟာ ရုတ်တရက်ဆိုသလိုရန်သူ အသစ်တစ်မျိုးကိုရင်ဆိုင်လာရပြီး သူတို့ဘာသာသူတို့ အရှုံးမရှိနိုင်လို့တွေးထင်မှုတွေနဲ့တိမ်းမူးလာပြန်ပါတယ်။ ဒီရန်သူအသစ်ကတော့ တစ်ချိန်လုံးပြောင်းလဲနေတာပါ။ အမျိုးစုံပုံကလည်း အသင်္ချေအနန္တပေါ့။ မြို့ပေါ်က ပညာတတ်လူတန်းစားတွေလေ။ သူတို့ကို စိတ်ဓာတ်ကြနေပြီး သေသေချာချာလည်း မထင်ရှားပေမယ့် စိတ်တူကိုယ်တူ လူငယ်တွေစုဖွဲ့ထားတဲ့အုပ်စုက ဦးဆောင်ပါတယ်။ သူတို့အားလုံးကို တောရောမြို့ပါလူထုကြီးက အပြည့်အဝအားပေးပါတယ်။ ဒါကြောင့် ဒီလို ကျောင်းသားခေါင်းဆောင်တွေ ပေါ်ထွက်လာတဲ့အခါ သွေးကြီးသလောက် လူထုအရေးကြောင့်ကြမဲ့တဲ့စစ်တပ်ဟာ တွေဝေစပြုလာပါတယ်။ ဒီလိုပေါ်ထွက်လာတာဟာ မတော်တဆပဲဖြစ်လာတာလား။ သေချာစီမံခဲ့တာများလားရယ်လို့ပေါ့။ ဒီလိုပြောနိုင်ဖို့ ကျွန်တော့်မှာ သက်သေတွေအများကြီးပဲရှိပါတယ်။ ဥပမာ ဦးစိန်လွင်ဟာ သမ္မတအဖြစ် ၁၈ ရက်ပဲလုပ်ပြီး ရာထူးကဖယ်ရှားခံလိုက်ရတာဟာ စစ်တပ်အနေနဲ့ ယောက်ယက်ခတ်လာတာကိုပြတာ။ အော်ကြီးဟစ်ကျယ်နဲ့ ရွေးထုတ်ခန့်လိုက်ပြန်တဲ့ ဒေါက်တာမောင်မောင်ကလည်း စစ်အစိုးရမတက်ခင် အချိန်ပိုင်းလေးပဲခံလိုက်ပြန်တာပါ။ စစ်တပ်မှာ ကျောင်းသားတွေခေါင်းဆောင်တဲ့ဆန္ဒပြမှုကို ဘယ်လိုကိုင်တွယ်ရမယ် ဆိုတာ အရိပ်အမြွက်လေးတောင် သေချာမသိခဲ့ပါဘူး။ အဖြစ်အပျက်တွေပေါ်လာတိုင်း သူတို့ရွှေ့သမျှတွေကလည်း မှားခဲ့ပါတယ်။ ကျွန်တော်တို့အနေနဲ့ လှုပ်ရှားမှုထဲမှာပါဝင်ခဲ့တဲ့ကြီးကြီးငယ်ငယ်၊ ကျားမ မရွေးအားလုံးကို သူတို့ရဲ့အံ့မခန်းသတ္တိတွေအတွက် အမှတ်ရနေမှာပါ။

မေး။ ၁၉၈၈ မှာတုန်းက ဒေါ်အောင်ဆန်းစုကြည်ရဲ့အခန်းကဏ္ဍကိုရော ဘယ်လိုမြင်ပါသလဲ။ အဲဒီအချိန်က သူ့အပေါ် ပထမဆုံးနဲ့နောက်ဆုံးအမြင်ကို ပြောပြပေးပါလား။
ဖြေ။ ၁၉၈၈ လှုပ်ရှားမှုတွေတစ်ဝက်ကျိုးတဲ့အထိ သူက အတိုက်အခံရယ်လို့ မဖြစ်လာခဲ့သေးပါဘူး။ ဒါပေမယ့် သူ့ရဲ့အခန်းကဏ္ဍက ရေတွက်လို့ရနိုင်တာမျိုးမဟုတ်သလို အခုထိလည်း ဆက်ပြီးရှိနေပါသေးတယ်။ သူက အရင်ကရောအခုပါ ထူးချွန်ထင်ရှားလွန်းခဲ့တဲ့ ပြယုဂ်တစ်ခုပါပဲ။ ဒါပေမယ့် ကျွန်တော်သူနဲ့ လူချင်းမဆုံခဲ့ဖူးသလို သူနဲ့ပတ်သက်တဲ့သတင်းလည်း မတင်ဆက်ဖူးသလောက်ပါပဲ။ သူ့အခန်းကဏ္ဍက လှုပ်ရှားမှုတွေကို ကျောင်းသားတွေက စတင်လုပ်ဆောင်ပြီးနောက်ပိုင်းမှ စတင်လာတာဖြစ်ပါတယ်။

မေး။ ၂ဝဝ၇ လှုပ်ရှားမှုထက်စာရင် ၁၉၈၈ လှုပ်ရှားမှုမှာ လူထုပိုပြီးပါခဲ့တဲ့အပေါ်ရော ဘယ်လိုမြင်ပါသလဲ။
ဖြေ။ ၂ဝဝ၇ တုန်းက ကျွန်တော် မြန်မာပြည်မှာမဟုတ်လို့ ဖြေရတော့ ခက်ပါတယ်။ ၂ဝဝ၇ မှာ လူထုက စစ်အစိုးရရဲ့ နေရာကွက်ကျားပေမယ့် အချိန်ပြည့် ဆက်တိုက်ခံရလွန်းလို့ ကြောက်ရွံ့နေကြပြီဖြစ်ပါတယ်။ မန္တလေးမှာဖြစ်ခဲ့တာတို့ လွှတ်တော်ကိုယ်စားလှယ်တွေကို ဆက်ဆံတာတို့က နမှုနာပေါ့။ ဒါပေမယ့် ၈၈ ကိုပဲပြောပြော ၂ဝဝ၇ ကိုပဲကြည့်ကြည့် အဓိကကျတဲ့အချက်ကတော့ ငယ်ငယ်ကြီးကြီး မြန်မာလူထုကြီးတစ်ရပ်လုံးက တစ်ခြားနိုင်ငံကလူထုတွေခံစားနေရသလို ဒီမိုကရေစီနဲ့စီးပွားရေး ဆိုင်ရာအခွင့်အရေးတွေကိုရရှိဖို့နဲ့ လွတ်လပ်ခွင့်ရဖို့ အင်မတန်မှလိုချင်ဆန္ဒရှိနေကြတာပါပဲ။ မြန်မာလူထုဆိုတာ လူသားမျိုးနွယ်အားလုံးနဲ့ဘာမှမကွာခြားပါဘူး။ သူတို့ခံစားခဲ့ရတာက နှစ်ကာလအလွန်ရှည်ကြာလှပါပြီ။ ကျွန်တော် သူတို့ကြွယ်ဝပြီး သိက္ခာလည်းရှိ၊ ငြိမ်းလည်းငြိမ်းချမ်းတဲ့အနာဂတ် ရှိစေချင်လှပါပြီ။ ဒါပေမယ့် ကျွန်တော်တို့အနေနဲ့ အဲ့ဒီအနေထားအလို့ငှာ ကြိုးစားခဲ့ကြတော့ ၁၉၈၈ သူရဲကောင်းများကိုမမေ့သင့်ပါဘူး။

မေး။ ၈၈၈၈ လှုပ်ရှားမှုနဲ့ပတ်သက်တဲ့ ခရစ္စရဲ့ခံစားချက်နဲ့အတွေ့အကြုံကို ခပ်ကျဉ်းကျဉ်းပုံဖော်ပြရရင် ဘယ်လိုဖြစ်မလဲ။
ဖြေ။ ပထမဆုံးတော့ ၁၉၈၈ မှာ ကျွန်တော့်ကိုအဖိုးမဖြတ်နိုင်လောက်အောင်ကူညီပေးခဲ့ရာက ထောင်ကျခဲ့ရသူတွေ၊ လွတ်လပ်ပြီးကျန်သူတွေ၊ သေဆုံးခဲ့သူတွေ၊ ရှင်ကျန်သူတွေအားလုံး အားလုံးကိုကျေးဇူးတင်သလို လေးစားဂုဏ်ပြုကြောင်း ပြောပါရစေ။ သူတို့မပါဘဲနဲ့ ကျွန်တော် ဘာဆိုဘာမှလုပ်နိုင်ခဲ့မှာမဟုတ်ပါဘူး။ ၁၉၈၈ က အဖြစ်အပျက်တွေကို ကျွန်တော်တင်ဆက်နိုင်ခဲ့တယ်ဆိုတာ မြန်မာလူထုတွေက ကျွန်တော့်ကို သူတို့ရဲ့ဘဝနဲ့ လွတ်လပ်မှုတွေအထိခိုက်ခံပြီး အင်တာဗျူးပေးခဲ့ကြ၊ သုံးသပ်ချက်တွေပြောပေးခဲ့ကြတာကြောင့်ပါ။ အထူးသဖြင့် ရခိုင်လူမျိုးစကားပြန်တစ်ယောက်ဟာ တစ်နေ့ကို ၁၈ နာရီနှုန်းနဲ့ သုံးလတိုင်တိုင် ကျွန်တော်နဲ့အလုပ်အတူ လုပ်ပေးခဲ့ပါတယ်။ သူ့ကို ကျေးဇူးတင်ပါတယ်။ ပြီးတော့ ၈၈ လှုပ်ရှားမှုမှာ သူ့အခန်းကဏ္ဍဘယ်လောက်အထိကြီးမားတယ်ဆိုတာ သူ့ဖာသာသိနေတဲ့ အရှေ့ကြယ် ကို ရောပေါ့။ သူတို့ရဲ့ကျေးဇူးကိုတော့ ဟိုတုန်းကတည်းကရော အခုထိပါမမေ့နိုင်ပါဘူး။ နောက်တစ်ချက်ကတော့ စစ်အစိုးရက လုပ်ကြံခဲ့တဲ့ ဒဏ္ဍာရီဖြစ်တဲ့ ခရစ္စတိုဖာဂန်းနက်စ်ကြောင့် ၈၈ လှုပ်ရှားမှုဖြစ်လာရတယ်ဆိုတာကို ပယ်ဖျက်စေချင်ပါတယ်။ ဒီစွပ်စွဲမှုကိုကြည့်ရင် အတွေ့အကြုံမရှိသေးတဲ့ အသက် ၂ဝ ကျော်သတင်းထောက်တစ်ယောက်က လူထု ၄၅ သန်းကို ကြွလာအောင်လုပ်ခဲ့တယ်ဆိုတာ ဖြစ်မှ မဖြစ်နိုင်တာဘဲ။ တကယ့်အကြောင်းအရင်းကနေလည်း သွေဖီစေပါတယ်။ တကယ်တော့ အဂတိလိုက်စားပြီး ရုန့်ရင်းကြမ်းတမ်းလှတဲ့ ဗိုလ်ချုပ်ကြီးများကို ၂၆ နှစ်ကြာအောင်ဒေါသထွက်နေခဲ့တဲ့လူထုဟာ ပေါက်ကွဲလုဖြစ်နေခဲ့တာကြောင့်ပါ။ ကျွန်တော် လုပ်ခဲ့သမျှအားလုံး ကတော့ အခြေအနေကိုအမှန်အတိုင်းတွေ့မြင်နိုင်အောင် မှန်ထောင်ပြလိုက်တဲ့သဘောပါပဲ။ တကယ့်သူရဲကောင်းတွေကတော့ သူတို့ တွေ့မြင်ရတဲ့အရာတွေအပေါ်မှာ ရုတ်ချည်းဆိုသလို သတ္တိရှိရှိ စိတ်ဆုံးဖြတ်ချက်ပိုင်ပိုင်လုပ်ဆောင်ခဲ့ကြတဲ့ မြန်မာလူထုပါပဲ။ ကျွန်တော်က ဘာသာရေးကိုင်းရှိူင်းသူမဟုတ်ပေမယ့် သမ္မာကျမ်းစာထဲကအကြောင်းတစ်ကြောင်းကို သတိရမိပါတယ်။ သင်ဟာ အမှန်တရားကိုသိရမယ်။ အမှန်တရားက သင့်ကိုလွတ်လပ်စေမယ် ဒီစကားက ၁၉၈၈ မှာရော အခုအထိပါ မြန်မာနိုင်ငံအတွက်မှန်ပါတယ်။ နောက်ဆုံးကတော့ မြန်မာလူထုဟာ သူတို့နည်းသူတို့ဟန်နဲ့ သူတို့ ၁၉၈၈ အဖြစ်အပျက်တွေကို ကိုင်တွယ်ဖြေရှင်းသွားမှာပါ။ လူသားသိက္ခာနဲ့တရားမျှတမှုဆိုတာ ခွဲခြားလို့ရတာမှ မဟုတ်တာပဲ။ ကျွန်တော့်မှာ မြန်မာလူထုဟာ သူတို့ကိုယ်ပိုင်သိက္ခာနဲ့တရားမျှတမှုရရှိအောင် ဘယ်လိုရှာသင့်ပါတယ်ဆိုတဲ့ ဆေးညွန်းတော့မရှိပါဘူး။ ဒါပေမယ့် မြန်မာလူထုမှာသာ သိက္ခာမရှိဘူးဆိုရင် ကျွန်တော်တို့ လူသားအားလုံးရဲ့သိက္ခာဟာလည်း နိမ့်ကျနေဦးမှာပဲဆိုတာကိုတော့ ကျွန်တော် သံသယ မရှိပါဘူး။
ပဲ့တင်သံဂျာနယ်မှ ကူးယူဖော်ပြပါသည် -
http://www.8888peopletoday.net/

၈၈မုိုင်ရှူခင်း (သစ်ကောင်းအိမ်)

0 comments
၈၈မုိုင်ရှူခင်း

မြင်ကွင်းကုို
နတ်သံနဲ့
ရီမစ်လုပ်ထားတဲ့
စစ်ချီသီချင်းနဲ့စဖွင့်တယ်

မြင်ကွင်းက
လက်ဖျံရိုးထဲကဖောက်ထွက်လာတဲ့
လောက်တကောင်နဲ့စဖွင့်တယ်

မြင်ကွင်းက
မင်းနန္ဒာကြိမ်လံးသံကြားရင်
ချစ်သူ့ရင်ခွင်ထဲကတောင်
အလန့်တကြားနုိုးထ
အရှင့်ခြေတော်ရင်းဆီဦးခိုက်ဖို့အရောက်သွားတဲ့
ငမိုးရိပ်ရဲ့သစ္စာစောင့်သိမှုနဲ့စဖွင့်တယ်

၈၈မိုင်င်ရှူခင်းမှာ
ခံစစ်ကုန်းတွေတလုံးပြီးတလုံး
အပေါင်ဆုံးလု့

၈၈မိုင်ရှူခင်းမှာ
နာယကပလ္လင်ထက်
အောင်နက်တောင်နတ်လမ်းဂွေ့ခ်ျနဲ့ဟောင်လို့
၈၈မိုင်ရှူခင်းမှာ
ကွင်းပြင်ထဲ
ငြိမ်းချမ်းရေးလင်းတတွေဝဲလို့

၈၈မိုင်ရှူခင်းမှာ
ကျီးကန်းတအုပ်
ခွေးသေကောင်ပုပ်ကို
ရေစုန်မှာဖောင်လုပ်စီးလို့

၈၈မိုင်ရှူခင်းမှာ
ရန်သူကဝါရှင်တန်ဒီစီအထိတက်သိမ်းထားပြီး
သူရဲကောင်းတွေကကမ္ဘာလှည့်လို့
သူတော်ကောင်းတွေကရွှေတိဂုံဘုရားဖူးထွက်လို့


၈၈မိုင်ရှူခင်းမှာ
တောင်ကွယ်နေစွယ်ချိန်တိမ်အိုတိမ်မင်းတွေ
လူသတ်ကုန်းကို ပြခန်းစောင့်လုပ်လို့

ဂျော့ဆိုးရောစ်နဲ့သားများကုမဏ္ဍီမှာ
သုမနကျောကအရေပြားကို
တလက်မချင်းလှီးဖြတ်
ဆယ်လီဗျစ်တီတွေကလက်မှတ်ထိုးရောင်းလို့

ဆိုင်းသံဗုံသံတွေအောက်မှာ
အတိတ်ကိုလူသတ်အလောင်းဖျောက်လို့
ပစ္စုပ္ဗန်ငရဲပျက်ကိုတိတ်တိတ်ပုန်းကိုယ်ဝန်ဖျက်လို့
အနာဂတ်ကိုလက်ပြန်ကြိုးတုပ်
အနောက်မုခ်ကထုတ်လို့

၈၈မိုင်ရှူခင်းကနေ
တပ်တော်ဦးဆီမျှော်ကြည့်တော့
ဖက်ဆစ်တော်လှန်ရေးသမားတွေကနေ
ဖက်ဆစ်တပ်မတော်ကြီး
အများပြည်သူသဘောမတူ
အမိန့်အာဏာဟူသမျှဖီဆန်ကြကနေ
မီးလောင်ဗုံးမဟုတ်ဘူးမီးခိုးဗုံး

၈၈မိုင်ရှူခင်းကနေ
တပ်တော်ဦးဆီမျှော်ကြည့်တော့
မျှော်ရလှချည်လား
ညောင်ရမ်းမင်းမှသည်
ဒေါ်အောင်ဆန်းစုကြည်
မျှော်ရလှချည်လား
ရေနန်းယာဉ်သာသင်္ဘောပြီးတော့
စကြာဝတေးဘုရင်ရဲ့ဗုံးကြဲလေယာဉ်
မျှော်ရလှချည်လား
၁၉၉ဝ မှသည်
၂၀၁၅
မျှော်ရလှချည်လား


စုတ်ဖြဲထားတဲ့လက်ထပ်စာချုပ်တစောင်လို
ကျကွဲသွားတဲ့ထွေးခံတလုံးလို
အစိတ်စိတ်အမွှာမွှာ
၈၈မိုင်ရှူခင်းရဲ့အနာတရမြေပုံကို
တစချင်းဆက်စပ်ကြည့်မိတော့
သမိုင်းပါမက
ပထဝီဝင်ပါကွေးလို့


သစ်ကောင်းအိမ်

(၃။ သြဂတ်စ်။ ၂၀၁၃)