ရွေးကောက်ပွဲကော်မရှင်ဆိုသည်မှာ(ဇော်လတ်) ၂၀၁၄ ဇန်နဝါရီ (၁)ရက်နေ့ထုတ် အရေးတော်ပုံဂျာနယ်
အတွဲ(၁)၊ အမှတ်(၁၂)မှ။
“ရွေးကောက်ပွဲကော်မရှင်”ဆိုသည်မှာ ပုလိပ်နှင့်တရားသူကြီး၏လုပ်ပိုင်ခွင့်အာဏာကို
တပေါင်းတည်း တပြိုင်တည်းရရှိထားသည့် အဖွဲ့အစည်း၊ ကျင့်သုံးနေသည့်အဖွဲ့အစည်း တရပ်သာ ဖြစ်ပါသည်။“ရွေးကောက်ပွဲကော်မရှင်” သည် ရွေးကောက်ပွဲဆိုင်ရာကိစ္စများနှင့် နိုင်ငံရေး ပါတီများဆိုင်ရာကိစ္စအားလုံးတို့တွင် ပုလိပ်စုံထောက်ကဲ့သို့ စုံစမ်းထောက်လှမ်းစစ်ဆေးနိုင်ပြီး၊
တရားသူကြီးကဲ့သို့လည်း စီရင်ချက် ချမှတ်နိုင်ပါသည်။
“၂ဝဝ၈ အခြေခံဥပဒေ”ပုဒ်မ ၃၉၉ နှင့် ပုဒ် မ ၄ဝ၂ တို့ကို တခေါက်မျှသာဖတ်ကြည့်လျှင်“ရွေးကောက်ပွဲကော်မရှင်”သည်
ပုလိပ်နှင့်တရား သူကြီးကဲ့သို့ လုပ်ပိုင်ခွင့်အာဏာများရှိထားသည့်အချက်ကို လွယ်လင့်တကူ
နားလည်သဘောပေါက်သွားပါလိမ့်မည်။ ရိုးရိုး စစ်ဆေး စီရင်ပိုင်ခွင့်အာဏာ မျိုးမဟုတ်။
“အပြီးအပြတ် အတည်ဖြစ်စေရမည်”ဟူသော စေတလုံး အာဏာမျိုးဖြစ်သည်။
သို့ပါ၍“ ရွေးကောက်ပွဲကော်မရှင်” ဥက္ကဋ္ဌဆိုသည်မှာလည်း “ပုလိပ်တရားသူကြီး”ပင်ဖြစ်ပေတော့သည်။
အဆိုပါ ရွေးကောက်ပွဲကော်မရှင်ဥက္ကဋ္ဌ (ပုလိပ်တရားသူကြီး)အပါအဝင်အဖွဲ့ကို ၂ဝဝ၈ အခြေခံဥပဒေ၊
ပုဒ်မ ၃၉၈ အရ သမ္မတက စိတ်ကြိုက် ခန့်နိုင်သည်။
ပုလိပ်တရားသူကြီးသည် “ပြည်ပငွေကြေးအထောက်အပံ့ယူသည်” ဆိုသည့်ကိစ္စဖြင့် နိုင်ငံရေးပါတီများကို
ခြိမ်းခြောက်နေသော်လည်း သမ္မတ(ဗိုလ်)ဦးသိန်းစိန်ကြံ့ဖွံ့အစိုးရသည် အိမ်နီး/အိမ်ဝေးနိုင်ငံများထိသွား၍
အကူအညီမှန်သမျှပေးပါရန် ခွက်ထိုးခံနေရှာပေသည်။
“ ရွေးကောက်ပွဲကော်မရှင်သည် ကော်မရှင်အလုပ် မလုပ်ဘဲ ပုလိပ်အလုပ် လုပ်နေသည်” ဟူ၍
ဒီချုပ်ဥက္ကဋ္ဌတခါက ပြောဖူးပါသည်။ တကယ်တော့ “ရွေးကောက်ပွဲကော်မရှင်”
သည် ပုလိပ်အလုပ်သာမက တရားသူကြီး၏အလုပ်ကိုလည်း လုပ်ပါသည်။
“၂ဝ၁၂ ကြားဖြတ်ရွေးကောက်ပွဲ”တွင် ဖယောင်းသုတ်ထားသည့်ဆန္ဒမဲလက်မှတ်များကိစ္စနှင့်ပတ်သက်ပြီး
ဒီချုပ်အတွင်းရေးမှူး ဦးဉာဏ်ဝင်းအား နေပြည်တော် ပုဗ္ဗသီရိမြို့နယ်တရားရုံးမှ ပြစ်မှုကြီးအမှတ်
၁၈/၂ဝ၁၃ ၊ ပြစ်မှုဆိုင်ရာဥပဒေ ပုဒ်မ ၁၈၂ “ မမှန်သတင်းပေးမှု ”ဖြင့် ငွေဒဏ် ကျပ်တစ်ထောင်
သို့မဟုတ် ထောင်ဒဏ် တစ်လကျခံစေရန် စီရင်ချက်ချခဲ့ပြီမဟုတ်ပါလော။
ဒီချုပ်အတွင်းရေးမှူး ဦးဉာဏ်ဝင်းက ဤသို့ပြောရှာသည်။ “ ကျွန်တော့်သဘောနဲ့ ကျွန်တော်မဟုတ်ဘူး။
ဒါ ပါတီကို ပြန်တင်ပြတယ်။ ပါတီက အမှားလုပ်တာမဟုတ်လို့ တောင်းပန်ဖို့မလိုဘူးဆိုတော့
ကျွန်တော်အကြောင်းပြန်တယ်။ ဒါကို မကျေနပ်လို့ ကျွန်တော့်ကိုတရားစွဲပါတယ်။ တစ်နှစ်ကျော်ပါပြီ။
နေပြည်တော်ကို အခေါက်ခေါက်အခါခါ လာရပါတယ်။ တရားရုံးနဲ့ တရားဥပဒေစိုးမိုးရေးကိုယုံကြည်တဲ့အတွက်
ဒါကို လုံးဝ Complaint မလုပ်ဘူး။ ကျွန်တော့်ကို
ဒီနေ့ အမိန့်ချပါတယ်။ ဒဏ်ငွေတစ်ထောင် ချပါတယ်။ တကယ်လို့ မဆောင်နိုင်ခဲ့ရင် ထောင်ထဲ
တစ်လ သွားနေရပါမယ်။ ကျွန်တော် ဆောင်လိုက်ပါပြီ”
ယခုတော့ မောင်ကိုယု၏ တချိန်က စာအုပ်တအုပ်၏နာမည်မှာကဲ့သို့ ဦးဉာဏ်ဝင်းဖြစ်ရပြီ။
“တရားခံဖြစ်သွားသောရှေ့နေ”။
လက်ရှိတည်ဆဲဥပဒေများနှင့်တရားရုံးစနစ်မှာ ဦးဉာဏ်ဝင်းတို့ယုံကြည်နေကြသော တရားဥပဒေစိုးမိုးရေး
(လုံးဝ)မဟုတ်သည်ကို ဦးဉာဏ်ဝင်း ကောင်းစွာသိရှိပါလိမ့်မည်။
မတရားသည့်ဥပဒေများ စိုးမိုးနေသည်ကို မပယ်ဖျက်နိုင်သေးသမျှကာလပတ်လုံး ဦးဉာဏ်ဝင်းကိုယ်တိုင်ကြုံတွေ့လိုက်ရသည့်
ခါးသီးဖွယ်ရာ အတွေ့အကြုံများကို ဆက်လက်ရင်ဆိုင်ကြုံတွေ့နေရဦးမည်သာ ဖြစ်သည်။
“ရွေးကောက်ပွဲကော်မရှင်”သည် ၂ဝ၁ဝ ပြည့်နှစ်၊ နိုဝင်ဘာ အထွေထွေရွေးကောက်ပွဲနှင့်
၂ဝ၁၂ ခုနှစ်၊ ဧပြီတွင် ကြားဖြတ်ရွေးကောက်ပွဲ ကျင်းပပေးခဲ့သည်။
“၂ဝ၁ဝ ရွေးကောက်ပွဲ”၌ “ရွေးကောက်ပွဲကော်မရှင်”သည် “ကြိုတင်မဲ”နှင့် အခြားသော
မဲလိမ်မဲခိုး၊ ညစ်ပတ်မှုမျိုးစုံ ကျူးလွန်ခဲ့ကြသည်။ ယင်းကို မျက်နှာပြောင်တိုက်ဖုံးကွယ်၍
လက်ရှိကော်မရှင်ဥက္ကဋ္ဌ (ဗိုလ်)ဦးတင်အေးက “၂ဝ၁ဝ ရွေးကောက်ပွဲကို ရက်ပေါင်း ၈၉ ရက်အတွင်း
ကျင်းပခဲ့ရသဖြင့် တိကျမှန်ကန်မှု အားနည်းခဲ့ရခြင်းဖြစ်သည်”ဟု ထမင်းရည်ပူလာ လျှာလွှဲ တာဝန်မဲ့စကားပြောခဲ့သည်။
“၂ဝ၁၂ ကြားဖြတ်ရွေးကောက်ပွဲ” ကိုမူ “လွတ်လပ်လွန်ပြီး တရားမျှတမှု မရှိခဲ့”ဟု ကော်မရှင်ဥက္ကဋ္ဌဆိုသည်ကိုပင်
သတိမပြုနိုင်တော့ဘဲ ဒီချုပ်အနိုင်ရမှုကို ပြက်ရယ်ပြုသည့်စကားဆိုခဲ့သည်။
တကယ်တော့ ၂ဝ၁၂ ကြားဖြတ်ရွေးကောက်ပွဲသည် လစ်လပ်သွားသည့်ကြံ့ဖွံ့အမတ်နေရာများတွင်ကျင်းပခြင်းဖြစ်ပြီး
ဒီချုပ်အတွက် အဓိက ယှဉ်ပြိုင်ဘက်မှာ ကြံ့ဖွံ့ပါတီနှင့်သာဖြစ်သည်။ ပါတီငယ်များမှာ မပြောပလောက်ချေ။
ထို့အပြင် ကြားဖြတ်ရွေးကောက်ပွဲ၌ “ပါတီငယ်များ
နစ်နာခဲ့ရသည်” ဟု ပြောသည့်အချက်မှာလည်း ဒီချုပ်နှင့် အခြားသောပါတီငယ်များကိုရန်တိုက်ပေးခြင်းသာဖြစ်သည်။
သမာသမတ်ကျသော ကော်မရှင် ဥက္ကဋ္ဌကြီးပါပေ။
လာမည့် “၂ဝ၁၅ အထွေထွေရွေးကောက်ပွဲ”ကို လွတ်လပ်ပြီး တရားမျှတသောရွေးကောက်ပွဲအဖြစ်ကျင်းပပေးမည်ဟု
စကားဦးသန်းထား လိုက်သေးသည်။
၂ဝဝ၈ အခြေခံဥပဒေ၊ ရွေးကောက်ပွဲကော်မရှင်၊ ရွေးကောက်ပွဲကော်မရှင်ဥပဒေနှင့် နိုင်ငံရေးပါတီများမှတ်ပုံတင်ခြင်းဥပဒေတည်ရှိနေသမျှ
မပယ်ဖျက်နိုင်သမျှ၊ သက်သက်ညှာညှာပြောရလျှင် “လွတ်လပ်၍တရားမျှတသောရွေးကောက်ပွဲ”ဆိုသည်ကို
မျှော်လင့် စိတ်ကူးနိုင်လိမ့်မည်ကားမဟုတ်ချေ။ အနိမ့်ဆုံးအားဖြင့် မကြာမီက ပြည်တော်ပြန်ခဲ့သော
ကမ္ဘောဒီးယားမှ ဆမ်ရိန်ဆီ ကြုံတွေ့ရသည့် အတွေ့ အကြုံမျိုးသာ မြန်မာ့အတိုက်အခံပါတီများ
နဖူးတွေ့ဒူးတွေ့ ရင်ဆိုင်ကြရပါလိမ့်မည်။
