၂ဝ၁၄ ဧပြီအလည်မှာရေးဖြစ်တဲ့ တိုနန့်နန့်လေးတွေ(မျိုးမြင့်ချို)
အန်ကယ်လ်ဆမ်ကြီး
အရင်လို ငွေလည်းရွှင် လက်လည်းဖွာနေချိန်ကများ စစ်ဗိုလ်တွေ ခုလောက်
အလှည့်အပြောင်းလုပ်ပြပြီး(တရုတ်နဲ့ပူးတုံခွာ တုံလေးလည်းလုပ်လုပ်ပြ၊ တရုပ်နဲ့
ပိုင်နက်အငြင်း ပွားနေတဲ့ပြဿဿ နာကို ဒေသတွင်းပြဿ နာ၊ အာဆီယံပြဿ
နာအဖြစ်ပဲတင်တော့မှာလိုလို
ဟန်ရေးလေးလည်း ချီချီပြ၊ မြောက်ကိုးရီးယား ထုတ်ပြီး ထိပ်ပုတ်ခေါင်း
ပုတ်လေးလည်းလုပ် လုပ်ပြပြီး) ချူသာစားလို့ကတော့ ကျလိုက်မယ့်ဒေါ်လာတွေတောင်လိုပုံမယ် မှတ်တာပဲ။
ခုတော့ အိမ်ဖြူတော်ခေါ်
ကျောလေးရင်လေး သပ်ပေးတာလောက် ငွေမပါတဲ့ဆုလေးချပေးတာလောက် လူ့အခွင့်အရေးမှတ်တမ်းအပါအဝင် ဟိုမှတ်တမ်း ဒီမှတ်တမ်းလေးမှာ အောင်မှတ်လေးဖြည့်ပေးတာလောက်
အမည်ခံ သူကောင်းပြုတာလေးလောက်နဲ့သာ နှစ်သိမ့်ရလေတယ်။ တပည့်ကျော်နေမဝင်
အထည်ကြီး ကလည်း ပျက်နေချိန်ဆိုတော့"အာ”နဲ့ရင်းလိုက် စစ်ဗိုလ်နဲ့ရဲတွေကို
ဒီမိုကရေစီသင်တန်းပေးလိုက်၊ မစို့မပို့ငွေလေးနဲ့ (တရုတ်ဘက်
ဆက်မပါသွားအောင်) ချူဆီလေးသွင်းပေးလိုက်ပဲ တတ်နိုင်တော့တယ်။
ဥရောပသမဂ္ဂဝင်နိုင်ငံတချို့လည်း ရွှေကျောင်းပြောင်ပြောင်ဝမ်းခေါင်ခေါင်ဆိုတော့ နှုတ်၏စောင်
မခြင်းလောက်ပဲ။ ဥရောပမှာ
အစွာဆုံးဂျာမဏ်ီကြီးခံနေတော့ အခြားဥရောပသားတွေခမျာ
ရွာလွန်ရွက်တိုက်လည်းလုပ်မရဲ။ နောက်ဆုံးတော့ ဂျပန်ကို၊ နော်ဝေကို၊
သြစတေးလျကို စတဲ့နိုင်ငံတွေကို ”မင်းတို့နိုင်သလောက် ဝိုင်းကြကွာ”ဆိုပြီး
အလှူ့လဘက်နဲ့မျက်နှာလုပ်ရတဲ့အဖြစ်။ ဂျပန်ခမျာ ကိုယ့်ဘာသာ
နာလန်သာမထူနိုင်သေးပေမယ့် (အရင်ကလည်းရန်သူဟောင်း ခုလည်း သူ့စီးပွားရေး
အဆင့်နေရာ ဝင်လုသွားတဲ့ ရန်သူသစ်ဖြစ်လာတော့)စားစရာမရှိပေမယ့် တရုတ်ကိုရန်လုပ်စရာရှိတော့ ကြွေးတင် ရှင်ဘုရင်ဆပ်မူနဲ့ လူထုဘဏ္ဍာကို
အစိုးရဥစ္စာလုပ်ပြီး အောက်ပြုတ်နဲ့လိုက်သလို လိုက်တော့ တာပဲ။
လောလောဆယ်မှာတော့ ဂန္ဓာလရာဇ်သားကြီးကတော့ နေသာသပလေညှာက၊ စစ်ဗိုလ်တွေလည်း
ဒီမိုကရေစီချန်ပီယံကြီးတွေအဖြစ်နဲ့ လက်မတထောင်ထောင်၊
ဒီမိုကရေစီသမားတွေကလည်း အတိုက်အခံဆိုတဲ့စကားတောင် နားခါးသတဲ့။
ဘာခေါင်းဆောင် ညာခေါင်းဆောင်တွေခမျာလည်း ဧည့်ခံပွဲတက်ရတာနဲ့
ပွဲကိုက်တာကတမျိုး၊ ငွေထုပ်ပိုက်ဝင်လာတဲ့ပုပုရွရွမှန်သမျှကို
ရွှေကြိုတွေအဖြစ် ဧည့်ထောက်ခံရများပြီး ငွေပုံပေါ်မှာ
ခြေကုန်လက်ပမ်းကျနေရှာပြီ။ လူထုခမျာတော့ နဂိုကမှ ချို့တဲ့နွမ်းပါးရတဲ့အထဲ
မြေသိမ်း လယ်သိမ်း ရွာသိမ်းခံအဖြစ်ဆိုးနဲ့ ကျိုးကျိုးကြေကြေ။
တိုင်းပြည်ကတော့ ကျွဲတွေကြားမှာ ဘယ်တော့များမြေဇာပင်ဖြစ်မလဲနဲ့ ရင်တမမ။
ဒီကြားထဲ ထမင်းရည်ပူကူလျှက်တဲ့ အမျိုးဘာသာ သာသနာအယူသီးအစွန်းရောက်တွေက
မီးလောင်တိုက်သွင်းလိုသွင်းနဲ့။
(အန်ကယ်ဆမ်ကြီးမျက်နှာမွဲ)
ဒီတခေါက် ဥရောပကပြန်လာရင် ခတ်တန်းတန်းနေတော့မလို့ဆိုတဲ့အသံ ဦးဗိုလ်ရွှေမန်းဘက်တော်သားတွေဆီက သဲ့သဲ့ထွက်လာတယ်။ သူ့ကိစ္စပြီးပြီ...တဲ့။
တော်လောက်ပြီ...တဲ့။
နောက်ထပ် ပြည်ပအကူအညီလာစရာလည်း ဂိတ်ဆုံးပြီ..တဲ့။
နိုင်ငံရေးအရတရားဝင်မှုလည်း ဒီ့ထက်ပိုမလိုတော့ဘူး...တဲ့။
အိမ်ဖြူတော်ရော ဘက်ကင်ဟမ်ရော အီးယူပါလီမန်ရော လမ်းပေါက်သွားပြီ...တဲ့။
ဦးဗိုလ်သိန်းစိန်ကတော့ သူ့ကဏ္ဍပြီးသွားပြီမို့ ခွာလိုက်တာကြာပြီ...တဲ့။
သမ္မတကြီးကိုမယုံရင်ပုံပြင်မှတ်ဆိုပြီးတော့...တဲ့။
ဥက္ကဌကြီးဖြောင့်ဖြောင့်မတ်မတ်ကြီး တလှည့်ဖြစ်ချိန်တန်ပြီ...တဲ့။
တချို့က ခုလုပ်နေတဲ့အပစ်ရပ်ကိစ္စတွေမှာ လက်ပန်းတောင်းတုန်းကလို ဗိုက်အငှားနဲ့ဓါးအထိုးခံခိုင်းရေးသဘောထားရှိပေမယ့် ဗိုလ်မင်းအောင်လှိုင်ကတော့ ကာ/လုံထဲမှာပြောတယ်...တဲ့။ အပစ်ရပ်ကိစ္စတွေထဲ ဝင်မပါစေနဲ့...တဲ့။
နော်ဝေ အီးယူနဲ့ ခုဆိုအမေရိကန်တောင် သူ့ရည်မှန်းချက် (ကာချုပ်မူ၆ချက်) ပေါက်ဖို့ဝင်ပါပေးနေပြီ...တဲ့။ သူ့ဇာတ်သူနိုင်တယ်...တဲ့။
အသာခွာပြီး ဦးဗိုလ်တင်အေးနဲ့ တည်သာပေးထားလိုက်...တဲ့။
ခုက ဦးဗိုလ်တင်အေးအလှည့်...တဲ့။ ကော်မရှင်နဲ့ လှည့်ကိုင်ဖို့ဆိုပဲ။ ဒါဆို
ဦးဗိုလ်တင်အေးက ဟောဟောဒိုင်းဒိုင်းသမားကြီးဆိုပေမယ့်
စိတ်ရင်းတော့ကောင်းရှာသားဆိုတဲ့မှတ်ချက်များ ထွက်လာလေဦးမလားပဲ။
(တပ်ထဲတုန်းသူငယ်ချင်း ခု ခေတ်ပျက်သူဌေးအလတ်စား၊ ခင်ညွန့်ခေတ်က သွင်းကုန်ထုတ်ကုန် လုပ်ငန်းလိုင်စင်ရခဏဖြစ်ခဲ့ပြီး ခုတော့ ကုမ္ပဏီပိုင်ရှင်ဖြစ်နေတဲ့မိတ်ဆွေနဲ့ပြောရင်း ရလာတဲ့အစအနလေးတွေစာစီတော့ ထွက်လာတဲ့ကောက်ချက်) (စိမ်းတယ်လို့မှတ်မှာလား)
သင်္ကြန်မှာ
မိန်းကလေးတွေဝတ်စားဆင်ယင်မှုနဲ့ ကခုန်သီဆိုနေတာတွေကိုအမြင်မတော်ဘူးဆို
ကိုယ်လည်းမကြည့်ပဲနေလို့ ရပါတယ်။ သူများလည်း မရှယ်နဲ့ပေါ့။ ဘယ့်နှယ် ခုတော့
တကန်တက ကိုယ်လည်းလိုက်ကြည့် မရမရဓါတ်ပုံတွေ လိုက်ရိုက် ဖေ့စ်ဘွတ်ခ်ပေါ်တင်၊
သူများလည်းရှယ် အောက်မှာလည်း အမနာပတွေရေးနဲ့။ အမေရိကားသင်္ကြန်မှာ
မြန်မာပြည်သား မိန်းကလေးတွေ သင်္ကြန်တွင်း ကချင်ခုန်ဆိုချင်ပျော်ချင်လို့
ဗမာသင်္ကြန်ဝတ်စုံ စိတ်အဆာပြေနဲ့ ကာလအနေအထားအရ ဝတ်ကြတာပါ။
အမြဲတမ်းကြီး အဲ့သလိုဝတ်တယ်များတော့ ထင်ဖို့မလိုပါ။ နိစ္စဓူဝ ဒီက
စတိုင်လ်အတိုင်း ဒီကပုံစံအတိုင်း ဒီက အနေအထိုင်အတိုင်းပဲနေကြတာပါ။
ရေကူးကန်မှာ ဘိခ်ျမှာ ဘီကီနီဝတ်မှာပေါ့၊ ဆွင်းမင်န်းဆုတ် ဝတ်မှာပေါ့၊
ကျောင်းကြတော့ ကျောင်းအလျှောက်၊ အလုပ်ထဲကြတော့ အလုပ်ထဲအလျှောက်၊
အပြင်အလည်အပတ်သွားရင်ရာသီအလိုက် ပွဲအလိုက် သူ့ခန္ဓာအလှပေါ်လွင်စေမယ့်
သင့်တော်ရာရွေးဝတ်ကြပေမပေါ့။ အဲဒါသွားပြီး မယဉ်ကျေးဘူး/ယဉ်ကျေးတယ်ပြောလို့ဖြစ်ပါ့ မလား။ နောက်ပြီး ရွှေပြည်ကြီးကသင်္ကြန်မှာ မိန်းကလေးတွေသာ
ဘယ်သို့ဘယ်ချမ်းသာပြောကြတာပါ။ မူးမူးရူးရူးနဲ့ သူများသားပျိုသမီးပျိုကို
ဝစီကံမြောက် သားပြောမယားပြော ပြောတာမျိုး၊ အမူအယာနဲ့
မဖွယ်မရာလုပ်ပြတာမျိုး၊ ကာကယံမြောက် ကိုယ်ထိလက်ရောက်
ကျူးလွန်တာမျိုးတွေလုပ်နေကြတဲ့ အတောင်နှစ်ဆယ်ဝတ်ဆိုတဲ့
ယောင်္ကျားရင့်မကြီးတွေလုပ်နေတာကြတော့ ဘယ်သူမှမပြောကြပါလား။ လုပ်မှာပေါ့
သူတို့က မလုပ်လုပ်ချင်လာအောင် မြှူဆွယ်နေတာကိုးလို့ဆိုရင်တော့
မုဒိန်းကောင်ကို အပြစ်ပေးအရေးယူပြစ်တင်ရှူံ့ချရမယ့်အစား အကျင့်ခံရတဲ့မိန်းကလေးကို အပြစ်ဖို့နေတာနဲ့ဘာခြားမလဲ။
တခါလာ
ယဉ်ကျေးမှုယဉ်ကျေးမှုနဲ့ အမျိုးသမီးထုအပေါ်ပဲ အပြစ်တင်နေကြပြီး
မဟာဖိုဝါဒကြီးစိုးရေးလုပ်ဖို့ သက်သက်များ ကြံရွယ်လေသလားတောင်
ထင်စရာဖြစ်ရတယ်။ သင်္ကြန်ကို ခုတုန်းလုပ် စီးပွားရေး အမြတ်ထုတ်ကြသူတွေရဲ့
ဝိသမလောဘကိစ္စကြတော့ ပြောတာဆိုတာအသံတိမ်လွန်းလှတယ်။ (ဘက်လိုက်တဲ့သင်္ကြန်)
ဒီနေ့
ဖို့ဝိန်းသင်္ကြန်သွားတယ်၊ နည်းနည်းနောက်ကျပေမယ့် အပေါက်ဝနေ
ထောက်ကြွထောက်ကြွတော့မဖြစ်။ ရင်းသူတချို့မေတ္တာကြောင့်
ကြက်ကြော်နဲ့ခေါက်ဆွဲကြော်လွေးခဲ့ရတယ်။ မုန့်လုံးရေပေါ်မမီလိုက်။
ပွဲစည်တာမှန်ပေမယ့် ခါတိုင်းနှစ်တွေလောက် လူကြိတ်ကြိတ်မတိုး၊ အမေရိကန်က
မြန်မာမလေးတွေ သင်္ကြန်ပါတိတ်ထက်အောက်ဆင်တူနဲ့
လည်ပင်းမှာသင်္ကြန်ပန်းကုံးတွေနဲ့ သနပ်ခါးနဲ့ ပန်းနဲ့ဘာနဲ့ဆိုလည်း
ချစ်စရာကြည့်ကောင်းတာပဲ။ ခဏနေတော့ ဂျင်းပင်န်နဲ့ တီရှပ်နဲ့
ခေတ်ပေါ်အဝတ်အစားလေးတွေလဲပြီး ခန္ဓာနဲ့မျက်နှာအလှဖော်ကာဖော်ကာ သင်္ကြန်ရေ
မစို့မပို့လေးရွှဲကာရွှဲကာနဲ့ဆိုတော့လည်း လှနေကြတာပါပဲ။ အစ္စလာမ်ဘာသာဝင်
လူငယ်လေးတစ်ယောက်နဲ့ကလေးမလေးတစ်ယောက်လည်း သင်္ကြန်သီချင်းတွေဆိုလို့
သင်္ကြန်အကတွေ ကလို့၊ ခရစ်ယာန်ဘာသာဝင် လူငယ်လေးတွေလုံမလေးတွေလည်း
သင်္ကြန်မိတ်ကပ်နှုတ်ခမ်းနီပါးနီတွေဆိုးလို့၊
သူတို့သင်္ကြန်အဆိုအကတွေနားထောင်ရင်း စတိလောက်လေး သင်္ကြန်ရေစိုခဲ့တယ်။
တူးပို့တူးပို့အပါဝင် ကြိုက်သလောက်ကြား ဘယ်တော့မှရိုးအီမသွားမယ့်
သင်္ကြန်သီချင်းတွေကို စည်းကျဝါးကျဆိုလိုက်ကြတာများ သြချလောက်တယ်။
အမူးအမော်ကောင်းသူတွေလည်း သိတ်မတွေ့မိဘူး။ ခါတိုင်းဆို
ဘီယာချောင်းမစီးတောင် ကောင်းပြီး ကကြသူတွေမှမနည်းဘူး၊ တနှစ်မှတခါ
သင်္ကြန်ပိုးဝင်လို့ ခဏတာရူးသွပ်ရတာမဟုတ်လား ပျော်ပေါ့ဘာဖြစ်လဲ၊ သူများ
နည်းနည်းပါးပါးထိခိုက်လည်း ဘယ်တတ်နိုင်ပါ့မလဲ
ခွင့်လွှတ်ရုံအပြင်ဘာပိုလိမ့်မလဲ၊ မိတ်ဆွေတစ်ယောက်နဲ့တွေ့တော့
ပြည်တွင်းမှာဘာတွေထူးသေးလဲဗျ..တဲ့။ ကချင်ဘက်တော့သင်္ကြန်တွင်းကြီး
တီးနေပြန်ပြီဗျ..လို့ ပြန်ဖြေတော့ ဒီမအေ-ိုးတွေအကြောင်းကတော့
ကြားတိုင်းဒေါသထွက်ရတယ်ဗျ၊ ဒီကောင်တွေ
ဒါနဲ့ဆော်မှရမယ့်ကောင်တွေလို့ပြောပြီး လက်ညှိုးကွေးပြတယ်။
သူများတွေပျော်နေချိန်မှာ ကိုယ်လည်းစိတ်လက်ပေါ့ပါးချင်၊ ဘယ်သူ့မှလည်း
စိတ်ဝန်တာမလေးစေချင်တာနဲ့နောက်တော့
အေးဆေးပြောကြတာပေါ့ဗျာလို့ ပြောပြီး
စကားဖြတ်လိုက်ကြတယ်။
ဓါတ်ပုံလေးတွေလည်းရိုက်ခဲ့တယ်။ နောက်တော့တင်ပါမယ်။
(မုန့်လုံးရေပေါ်လွဲတဲ့သင်္ကြန်)
တပ်မတော်တရပ်ရပ်
ခေတ်မီပြီး ကြိုက်သလောက်အင်အားတောင့်တင်းနေပေ့စေ
အမျိုးသားစည်းလုံးညီညွတ်မှုမရှိရင် ဘယ်လိုပြည်ပကျူးကျော်မှုမျိုးကိုမှ
ရင်မဆိုင်နိုင်သလို
နိုင်ငံတာကာငြိမ်းချမ်းရေးထိမ်းသိမ်းမှုတပ်ဖွဲ့တွေထဲဝင်ပါဖို့လည်း
မဖြစ်နိုင်ဘူး။ ဗမာပြည်မှာ အမျိုးသားစည်းလုံးညီညွတ်မှု
ဝါးအစည်းပြေသလိုပြေခဲ့တာ လွတ်လပ်ရေးမတိုင်ခင်ကလေးက စတာပဲ။ ၁၉၄၈ မတ်လ ၂၈
ရက်နေ့ ဗမာပြည်ကွန်မြူနစ်ပါတီ လက်နက်ကိုင်တော်လှန်ရေး ဆင်းမသွားရခင်ကပဲ
အချို့လက်နက်ကိုင်နေရပြီဖြစ်တယ်။ ဒီလောက်အစည်းပြေနေတဲ့ကြားကပဲ
တရုတ်ဖြူကျူးကျော်မှုဖြစ်လာတဲ့အခါမတော့ အစိုးရနဲ့ကွဲနေတဲ့နိုင်ငံရေးကို
ခဏဘေးချပြီး ပြည်ပရန်ကို အတူကာကွယ်ကြသေးတာပဲ။ ဆိုတော့
လက်ရှိစစ်တပ်ဟာ ခေတ်မီအင်အားတောင့်တင်းတဲ့ တပ်မတော်တရပ်ရဲ့
လက္ခဏာနဲ့ညီဖို့မပြောနဲ့ အဘက်ဘက်က ချွတ်ခြုံကျနေတာဖြစ်တယ်။ အထူးသဖြင့်
စစ်ခေါင်းဆောင်တွေရဲ့ကိုယ်ကျိုးရှာ ဝိသမလောဘအပေါ်အခြေခံတဲ့
အတွေးအခေါ်ချွတ်ခြုံကျမှုက အဆိုးဆုံးပဲ။ အဲ့ဒါဟာ ဘက်စုံချွတ်ခြုံကြရမှုရဲ့ အရင်းလက်သည်ပဲ တရားခံပဲ။ ပြည်တွင်းစစ်မီးမွှေးထားပြီး စစ်မိစ္ဆာအာဇီဝနဲ့ ကြွယ်ဝနေကြတဲ့
ဗိုလ်ဆိုးဗိုလ်ယုတ်တွေလက်ထဲကဗမာ့တပ်မတော်ကိုဆယ်ထုတ်ပြီး
လူထုလက်ထဲဆောင်ကျဉ်းပေးနိုင်မှသာ အမျိုးသားစည်းလုံးညီညွတ်မှုရှိတဲ့
ဓနဥစ္စာကုံလုံကြွယ်ဝတဲ့ အင်အားရှိတဲ့ပြည်တပြည်က ခေတ်မီအင်အားတောင့်တင်းတဲ့ ပြည်ထောင်စုတပ်မတော်စစ်စစ်တရပ်အဖြစ် ပေါ်ပေါက်လာမှာပါ။ အင်အားရှိတဲ့တိုင်းပြည်
ဟုတ်/မဟုတ်ကို တိုင်းတာတဲ့စံတွေထဲမှာ အမျိုးသားစည်းလုံးညီညွတ်မှု
ဘယ်လောက်ရှိ/မရှိဆိုတာလည်းပါတယ်။ အင်အားရှိတဲ့တိုင်းပြည်ကပဲ အင်အားရှိတဲ့
တပ်မတော်ကိုမွေးထုတ်ပေးနိုင်တာပါ။ တိုင်းပြည်အင်အားရှိမှ
တပ်မတော်အင်အားရှိမှာပါ။ တပ်မတော်အင်အားရှိမှ တိုင်းပြည်အင်အားရှိမယ်ဆိုတဲ့
စစ်ဝါဒအတွေးအခေါ်ကို ဒီအချိန်မှာမပြင်လို့ ဘယ်အချိန်မှာပြင်မလဲ။
ဒီအချိန်မှာမဖျက်လို့ ဘယ်အချိန်မှာဖျက်မလဲ။
ဗိုလ်ချုပ်တို့ပြောခဲ့တာမို့ဆိုကာ ရေငုံနှုတ်ပိတ်နေရင် သမိုင်းမှာ နောင်လည်း
ဒီစစ်စိုးမိုးရေးရဲ့ အတွေးအခေါ်အရအနိုင်ကျင့်မှုနဲ့ လက်တွေ့ဘဝအရ
စစ်ဝါဒဗိုလ်ကျစိုးမိုးမှုသံသရာက လွတ်လမ်းမမြင်ဘူး။ ဗိုလ်ချုပ်က
သူ့အနေအထား သူ့ခေတ်နောက်ခံနဲ့ သူ့ရုပ်ဘဝအခြေအနေအရပြောခဲ့တာပဲ။
တပ်ကိုင်ပြီး နိုင်ငံရေးစကားပြောရမယ့်အနေအထားမှန်းသိလို့ပဲ။ ဒါတောင်
ဒီအတွေးအခေါ်ကို ကြာကြာမြဲမြဲဆုပ်ကိုင်တာမဟုတ်ဘူး။
ဖဆပလဥက္ကဌလုပ်တော့မယ့်အခါ(အရပ်သားနိုင်ငံရေး) တပ်ကထွက်လိုက်တာပဲ။ နောက်ဆုံးတချက်မြင်မိတာက
ဗိုလ်ချုပ် အဲ့စကားပြောတဲ့အချိန်ဟာ ဗမာ့သမိုင်းမှာ ဘယ်တုန်းကနဲ့မှမတူတဲ့
အမျိုးသားစည်းလုံးညီညွတ်မှုဟာ အထုအထယ်နဲ့အကျစ်လစ်ဆုံး
ရနေရှိနေချိန်ဖြစ်တယ်ဆိုတာပဲ။ ဖက်ဆစ်တော်လှန်ရေးကာလထက်ပိုပြီး လူတွေ၊
ပါတီတွေ၊ သေနတ်တွေစုမိတဲ့အချိန်အခါရယ်လို့ ဗမာ့မြေမှာရှိဦးမလား။
(ခေတ်နောက်ပြန်ဆွဲမယ့်တပ်)
