ကတ္တီပါ ကန့်လန့်ကာ (အောင်ဖြိုးကျော်၊ ပခုက္ကူ)

ပွဲဦးကရန် ခုနစ်သံချီကိုဆွယ်... ဆိုတဲ့သီချင်းကို အမယ်ကြီး  ကောင်းကောင်း ကြားခဲ့ဖူးတယ်။

အသက် ၇ဝ မကျော်ခင် အပျိုပေါက်ဘဝကတည်းက ကြားခဲ့ဖူးတာ။ ရှေးတုန်းကတော့ အဲဒီသီချင်းကို ပွဲမထွက်ခင် ည ၉ နာရီထိုးခါနီးမှာ ဇာတ်စင်က လော်စပီကာကြီးတွေဆီကနေ ကြားရတာရယ်။ ခေတ်နဲ့တွက်ရင် လှည်းခေတ်ပေါ့။ ခုလို တရုတ်ဆိုင်ကယ်ခေတ်၊ ဂွင်ဒေါင်း ထော်လာဂျီခေတ် မဟုတ်ဘူး။ သူ့ရွာကိုယ့်ရွာ ဘုရားပွဲတွေမှာထည့်တဲ့ဇာတ်တွေကို လှည်းတန်းကြီးတွေနဲ့သွားကြည့်ကြရတာ။ ရွာအနီးအဝေး ဇာတ်အကောင်းအညံ့ချိန်ပြီး နေမဝင်ခင်ကသွားကြသလို နေဝင်ပြီးမှသွားကြရတာလည်းရှိတယ်။ လည်ပင်းသိမ် ဖင်ပိုင်းကြီး မြေအိုး ရေဘူးကြီးတွေထဲ သောက်ရေထည့်၊ ထမင်းဟင်းတွေ ဒန်အိုးကြီးတွေထဲ ခူးခပ်ထည့်ပြီးတော့ကို သွားကြည့်ခဲ့ကြရတာ။
လှည်းဝိုင်းကြီးတွေက အကြီးကြီးတွေ၊ စောစောရောက်မှ လှည်းထိုးရတာဇာတ်ခုံနဲ့နီးတယ်။ ဇာတ်စင်ရှေ့တည့်တည့်မြေကြီးမှာ ဖျာစုတ်၊ ပုတ်စုတ်တွေခင်းထားတဲ့မြေဝိုင်း၊ ပြီးမှ တစ်ထွာလောက်မြင့်တဲ့ ဝါးကွပ်ပျစ်ဝိုင်း၊ အဲဒီနောက်ကမှ အနိမ့်အမြင့်အလိုက် ခုတင်တွေ၊ အဲဒီ ခုတင်တွေနောက်ကမှ လှည်းဝိုင်းက ကပ်ထိုးရတာ။ နောက်များကျလို့ကတော့ ဇာတ်ခုံပေါ်က မင်းသမီးမင်းသားတွေကို မှုန်မှုန်ပဲမြင်ကြ ရတယ်။
အဲဒီတုန်းကတော့ ပခုက္ကူမြို့ခံဇာတ်တွေထဲက  ရွှေမန်းအောင်ဝင်းပဲ ခဏခဏကြည့်ရတာ။ တခြားရွာကြီးတွေကထည့်တဲ့ ရွှေနန်းတင်တို့လို မုံရွာဇာတ်၊ မန္တလေးဇာတ်ကြီးတွေကိုတော့ ကြိုးကြားကြိုးကြားမှ ကြည့်ကြရတာပေါ့။ ဇာတ်ကြီးတွေဆိုတော့ အိမ်ခြေများတဲ့ရွာကြီးတွေမှ ထည့်နိုင်တာကလား၊ အဲဒီဇာတ်တွေများပါလို့ကတော့ နေမဝင်ခင် ရောက်အောင်သွားနိုင်ရင် သွား၊ မသွားနိုင်လို့ကတော့ လှည်းဝိုင်း နောက်မြီးကနေ ဇာတ်သမီးဇာတ်သားကို ရုပ်သေးရုပ်လောက်ပဲမြင်ရတယ်။

တချို့လည်း လှည်းပေါ်က ဆင်း၊ ရွာခံလူတွေခင်းထားတဲ့မြေဝိုင်းထဲဝင် ရွာခံအသိတွေနဲ့တိုးဝှေ့ကြည့်ရတယ်။ အသိမရှိရင်တော့ လက်လှုပ် ခြေလှုပ်ကိုပဲအားပြု၊ ရသေ့စိတ်ဖြေပွဲဆိုတာကိုကျေနပ်လိုက်ရတယ်။ ပွဲဟေ့ဆိုရင် မက်ရေစက်ရေ ရွာတိုင်းရှိတယ်။ ရှိဆို ခုခေတ်လို ဗီဒီယို ဆိုတာ ဝေး၊ တီဗွီလည်း မပေါ်သေး။ ရေဒီယိုတောင် အိမ်တိုင်းမရှိသေးတဲ့ခေတ်ကိုး။ ဒီတော့ ဇာတ်ဆိုမှဇာတ်၊ ပွဲဆိုမှ ပွဲပေါ့။
ဆိုတော့ကာ ဘုရားပွဲရဲ့အသက်က ဇာတ်ပဲ။ ဘုရားပွဲ လူစည်မစည် ထည့်တဲ့ဇာတ်ပေါ်မှာ တည်တယ်။ မုံရွာဇာတ်ဟေ့ မန္တလေးဇာတ်ဟေ့လို့ အသံကြားတာနဲ့ မရောက်ခင် တစ်လကိုးသီတင်းက အားခဲထားကြတာဆိုတော့ အဲဒီခေတ် ဇာတ်ပွဲအခင်းအကျင်းက ခုခေတ် ပွဲခင်းဆိုတာ တွေနဲ့ ဆီနဲ့ရေလိုကွာတယ်။
တစ်နှစ်တစ်ခါလုပ်တဲ့ မြို့ပေါ်က သီဟိုဠ်ရှင်ဘုရားပွဲရောက်ရင်တော့ ရုံလာသွင်းတဲ့ ထိတ်ထိတ်ကြဲဇာတ်တွေကို တစ်နှစ်တစ်မျိုး မရိုးရလေအောင် အမယ်ကြီး ကြည့်ဖြစ်တယ်။ ရွှေမန်းသဘင်ဆိုရင် တင်မောင် ကနေ သားစဉ်မြေးဆက်၊ ပန်တျာကြည်လင်၊ စိန်မာဒင်၊ ပုလင်းစိန်၊ ဖန်ခွက်စိန်၊ မြို့တော်သိန်းအောင်၊ မောင်ယဉ်အောင်ကနေ ဘီအီးဒီအောင်သိုက်... တော်တော်များတယ်။ ဆိုတော့ကာ အမယ်ကြီး ပွဲကြည့်သက်က သက်တမ်းရဲ့တစ်ဝက်ကို တော်တော်ကြီးကျော်တယ်။ တော်ရုံတန်ရုံဇာတ်တော့ ဇာတ်လို့ ဘယ်ထင်မတုံး။ ပွဲရည်က တော်တော်ကြီးကို ဝနေတာ။ ဒါပေမယ့် အဲဒီတုန်းက အမယ်ကြီးတို့ရွာလေးက မြို့နဲ့ ၅ မိုင်လောက်ဝေးပြီး ပေတစ်ရာလမ်းဘေးကပ်နေတာမို့ တောမခေါင်ပေမယ့် အိမ်ခြေ ၅ဝ လောက်ရှိတဲ့ရွာပိန်၊ ရွာသိမ်လေးဆိုတော့ မြို့ဇာတ်တောင် တစ်ခါတလေမှ အနိုင်နိုင် ကပ်နိုင်တာရယ်။
မိုးခေါင် လေခေါင် နှစ်ဝါများထပ်ပြီဆိုရင်တော့ မြို့က မင်းသမီးနှစ်လက် ငှား၊ ရွာခံ တစ်ခြမ်းပဲ့ စိန်ကျားပျံဆိုင်းလေး၊ ရွာလူရွှင်တော်လေးနဲ့ ဖျစ်ဖျစ်ညှစ်ညှစ် ရယ်ရတဲ့နှစ်တွေလည်းရှိတယ်။ ဇာတ်ကြီးတွေကိုတော့ အိမ်ခြေ သုံးလေးရာရှိတဲ့ရွာတွေမှ ထည့်နိုင်တာကလား။ ထမင်း ထုပ်နဲ့ လှည်းအုပ်နဲ့ အိမ်ပစ်ယာပစ် ရွာလုံးကျွတ်ကြည့်တာ။ လှည်းဝိုင်းရောက်လို့ ဗွေဆိုးဆိုး နွားစိမ်းချင်းတွေ့ ဝုန်းခနဲ ထခွေ့ရင် သူ့နွား ကိုယ့်နွား ဆွဲ၊ လှည်းပြို ရေဘူးကွဲတော့တာ။
ဆိုတော့ကာ ပွဲဦးကရန် ခုနစ်သံချီကိုဆွယ်...ဆိုတာ  အမယ်ကြီးနဲ့မစိမ်းတဲ့အပြင် သူ့ခေတ်နဲ့သူ့အခါ တရင်းတနှီးကြီးကို ရှိခဲ့တာ။ ဒါပေမယ့် ဘယ်ဇာတ်လာလာ အဲဒီအသံက ပွဲထွက်ခါနီး ၉ နာရီတီးလောက်မှ ကြားရတာ။ တချို့ပွဲက ၉ နာရီကျော်မှထွက်တာလည်းရှိတယ်။ ဇာတ်ကြောဆွဲတာပေါ့။ အဲ မဟုတ်သေးဘူး၊  အဲဒီလိုပြောရင် ရောကုန်မယ်။ ခေတ်လူတွေနားလည်အောင် ပွဲကြောဆွဲတယ်လို့ပြောရမယ်။
အမယ်ကြီး အသက် ၇ဝ ကျော်တော့ အဲဒီ ခုနစ်သံချီက နေမဝင်ခင်က ဆွယ်တယ်။
ဇာတ်ကောင်းလို့လား၊ ပွဲခင်းလူစည်လို့လားဆိုတော့ ခုကာလ ခေတ်ပွဲခင်းဆိုတာကို အမယ်ကြီးက ရယ်ချင်တယ်။ တကယ်။ ရှေးခေတ်က အိမ်ခြေ ၅ဝ လောက်ရှိတဲ့ အမယ်ကြီးတို့ရွာလေးက အိမ်ခြေ ၃ဝဝ နားကပ်လာသလို ရွာဘေးက ပေတစ်ရာလမ်းကလည်း ရေစကြိုအနီးဆုံး မန္တလေးတင် မဆုံးတော့ဘူး။ ဆားလင်းကြီးဘက်က ပတ် ဂန့်ဂေါကနေ ချင်းပြည်ထိပေါက်တယ်။

အင်း ခုနင်က ခုနစ်သံ ချီ ဘယ်ရောက် သွားပတုံး။
အဲ ဟုတ်ပြီ နေမဝင်ခင်က ဆွယ်တယ်။
အမယ်ကြီးတို့အိမ်က ဘုန်းကြီးကျောင်းနဲ့ ဝင်းနံရံပဲခြားတယ်။ ဇာတ်ခုံဆိုတာကလည်း ရှေးခေတ်တုန်းကလို ဝါးနဲ့ တစ်နှစ်တစ်ခါ မဆောက် ကြတော့ဘူး။ လူတစ်ရပ်လောက်မြင့်တဲ့ အုတ်ခုံနဲ့ သွပ်တွေ အကျအနမိုးထားတဲ့ ခေတ်ကာလ ဇာတ်ခုံကြီးက အမယ်ကြီးတို့အိမ်နဲ့ တည့်တည့်ကြီး၊ ဟည်းနေတယ်။ နောက်ဖေးဝင်းနံရံကို ခြေဖျားထောက်တာနဲ့ ဇာတ်စင်နဲ့ပွဲခင်းကို အကုန်မြင်ရတယ်။ မလွယ်ပေါက်ကနေ ခြေလေး ငါးလှမ်း လှမ်းလိုက်တာနဲ့ ပွဲခင်းထဲ ဗျင်းခနဲရောက်အောင်ကို နီးတယ်။ ဆိုတော့ကာ နေမဝင်ခင်က ခုနစ်သံချီဆွယ်နေတာကို အမယ်ကြီး ကြားနေရရုံတင်မဟုတ်ဘူး၊ မြင်ကို မြင်နေရတာ။
+++++++++++++++++++++++++++++++++++++++
“ထမင်းစားတော့မယ်”
စကားအဆုံးမှာ အဘိုးကြီးက ထန်းပက်လက်ကုလားထိုင်ပေါ်ကနေ ထတဲ့ပြီး မီးဖိုချောင်ဘက် သုတ်ခနဲထွက်တယ်။ ဟိုတုန်းက အဲဒီလိုပြောသံကြားတာနဲ့ အမယ်ကြီးက အဘိုးကြီးအရင် ရောက်နှင့်ပြီးသား။ အခုတော့ အတွေးလွန်နေတာရော ရောင်ပြီး တဆစ်ဆစ် ကိုက်နေတဲ့ဒူးနှစ်လုံးကြောင့်ရော အမယ်ကြီး မီးဖိုချောင်ထဲ အရင်မရောက်နိုင်တော့ဘူး။ ငုတ်တုတ်ကုလားထိုင်ပေါ်ကနေ ဒူးနှစ်လုံး လက်နဲ့ဖိ၊ ကျွတ်ကျွတ် စုတ်သံပေး၊ ခပ်ကုန်းကုန်းထပြီးမှ လိုက်ဝင်ရတယ်။ ထင်တဲ့အတိုင်းပဲ။ စားပွဲပေါ်က ဧည့်ကြွင်းဧည့်ကျန်တွေနဲ့ စားနှင့်နေပြီ။ ဟိုတုန်းကအတိုင်း အဘိုးကြီးက ဘာမှမပြောင်းလဲဘူး။ ဗီရိုပုလေးထဲက ဦးချဖယ်ထားတဲ့ဟင်းခွက်တွေ စားပွဲပေါ်ချပေးရင်း “အဘိုးကြီးနှယ် တော့်မလဲ ငယ်ကျင့်က မပျောက်ပါလား၊ စားမယ်ဆိုရင် တစ်ပန်းကန်လောက်က ကုန်နေပြီ၊ ဗီရိုလေးဘာလေး  ဖွင့်ပြုကြည့်ပါဦးတော့လား။ မရှိတဲ့သွားနဲ့ အရိုးအရင်းတွေ တော် ဘယ့်နှယ်ဝါးမတုံး”လို့ မြည်တယ်၊ တွန်တယ်။
အမယ်ကြီး ဖျစ်ဖျစ်မြည်သံကို အဘိုးကြီးက မတုံ့ပြန်ဘူး။ ပါးစောင်ထဲက ဟင်းတုံးကို သွားဖုံးနဲ့ ဖိဝါးနေရလို့လည်းဖြစ်နိုင်တယ်။
“ဘွားနုရေ...ခရုမ ရေ ...”
အိမ်ရှေ့က ခေါ်သံပေါ်လာတော့ အမယ်ကြီး၊ အဘိုးကြီးကို တဖျစ်တောက်တောက် မလုပ်နိုင်တော့ဘူး။ မီးဖိုထဲကနေ အိမ်ရှေ့ပြန်ထွက်ရ ပြန်တယ်။ ရွာပိုင်မီးစက်ကပေးထားတဲ့ အိမ်ထဲက  နှစ်ပေချောင်းနဲ့ လမ်းမီးနှစ်ပေချောင်းက ထင်းထင်းကြီးဝင်းနေပေမယ့် ညရောက်တာနဲ့ အမယ်ကြီး လူလုံးမကွဲတာ ကြာပြီ။
“ဟဲ့ ဘယ်သူ တွေတုံး”လို့ အမယ်ကြီး အသံပေးတော့ “ကျွန်တော်တို့ပါ ဘွားနု၊ ရွှေစင်ဝင်းနဲ့ ဇာနည်ပါ”လို့ ဖြေသံကြားမှ နောက်တိုးသမီးနဲ့ ဇီးကွက်သမီးလို့ စိတ်ကသိတယ်။ မျက်လုံးက မသိလိုက်ဘူး။
“ထွက်သွားပါပကော ဟဲ့။ G.T.C က ဆရာမတွေရော၊ တစ်အုပ်ကြီး မီးလှည့် ကြည့်ကြမတဲ့”
စကားဆုံးတော့ ကလေးမတွေက အိမ်ထဲမဝင်ဘဲ လှည့်ထွက်တယ်။ အလိုတော် ဘောင်းဘီရှည်တွေနဲ့ပါလား။ သူတို့မြင်မှ အိမ်က မြေးမ ဘာဝတ်သွားပါလိမ့်လို့ အမယ်ကြီး ပူပူပင်ပင်တွေးမိပြန်တယ်။
+++++++++++++++++++++++++++++++++++++++++++++++

ခုနစ် သံချီက အဲဒီလို အဲဒီလိုဆွယ်တယ်။
ညနေ သုံးနာရီလောက်ကတည်းက ဘုရားကြီးအာရုံခံတန်ဆောင်းထိပ် ဂေါပကအသံချဲ့စက်က “ဂွီဂွီ ဂစ်တစ် ဂစ်တစ် အလှူခံဌာန စတင်ဖွင့်လှစ်ပါပြီ”ဆိုပြီး တစ်သံချီ စဆွယ်တယ်။ သိပ်မကြာဘူး။ ဘုန်းကြီးကျောင်းအသံချဲ့စက်ကနေ “မီးစက်မောင်းတဲ့ ကိုအောင်မြင့်သန်း၊ ဘုရားနဲ့ကျောင်းက အသစ်ထွန်းမယ့်မီးတွေစမ်းရအောင် စက်ခန်းသော့ယူပြီး အမြန်ပြန်လာခဲ့ပါ”ဆိုပြီး နှစ်သံချီ ဆွယ်တယ်။
ခဏနေတော့ ဇာတ်စင်က “ပွဲငှားကော်မတီလူကြီးမင်းများ ခင်ဗျာ ဇာတ်စင်မှာသုံးဖို့ ဖျာနဲ့ကုလားထိုင်များလိုအပ်နေပါတယ်”ဆိုပြီး သုံးသံချီ ဆွယ်တယ်။ အဲဒီဟာ မဆုံးသေးခင် ဓမ္မာရုံအသံချဲ့စက်က “ဓမ္မစကြာဝတ်အသင်းသူအားလုံး ဓမ္မာရုံထဲကို အမြန်ဆုံးလာခဲ့ကြပါရှင်”ဆိုပြီး လေးသံချီ ဆွယ်တယ်။ အသံမဆုံးတဆုံးမှာ ဥက္ကဋ္ဌအိမ်ကနေ “ဒီနေ့ည ကင်းတွဲများကိုကြေညာပါမယ်။ မောင်ဘယ်သူနဲ့ မောင်ဘယ်ဝါ၊ ဘယ်နှနာရီ”ဆိုပြီး ငါးသံချီဆွယ်ပြန်တယ်။ ငါးသံချီမဆုံးခင် ဒိုးပတ်အဖွဲ့က ပတုံ ပတုံဆိုတဲ့ဒိုးသံနဲ့ “ဦးရွှေရိုး ဒေါ်မိုးကမယ့် ကျွဲကြီးနဲ့သခွားသီး၊ ဒိုးပတ်အဖွဲ့တွေစုံနေပြီ အမြန်ဆုံးလာခဲ့ပါ”ဆိုပြီး ခြောက်သံချီဆွယ်တယ်။
ဆိုတော့ကာ နေမဝင်ခင်ကတည်းက ရွာထဲမှာရော ပွဲခင်းမှာပါ ခုနစ်သံချီရုံတင်မကတော့ဘူး။ ပွဲဦးကရန်က ဆယ့်လေးငါးသံချီကို ချီမယ် ဆွယ်မယ်လို့ အမယ်ကြီးထင်တယ်။
စိတ်က တောရောက်တောင်ရောက်နဲ့ မီးဖိုထဲကအဘိုးကြီးကို အမယ်ကြီး ခဏမေ့သွားတယ်။ သတိရတော့ အဘိုးကြီးက သွားကြားထိုး တံကိုင် ထွက်လာပြီ။ ဒီနှစ် အဘိုးကြီးခမျာ တော်တော်ကျသွားရှာတယ်။ သေလုမျောပါးတစ်ခါဖြစ်တော့ ပစ်လိုက်ရပြီကို အောက်မေ့တာ။ ပွဲနားနီးတော့ ထူထူထောင်ထောင် ပြန်ဖြစ်လာတယ်။ သားတွေ ပြန်လာတတ်တာတွေးပြီး စိတ်ဆောင်သွားတာဖြစ်မယ်လို့ အမယ်ကြီး ထင်မိပြန်တယ်။
ကျောင်းဆရာအဘိုးအိုနဲ့ လယ်သူမအမေအို သင်ပေးလိုက်တဲ့အတန်းပညာတွေနဲ့ သားခြောက်ယောက်လုံး မြို့ပြဘဝမှာ လက်ပစ်ကူးလိုက်၊ ပိုးလိုးပက်လက်မျောလိုက် နေနေကြလေရဲ့။ ရွာမှာကျန်ခဲ့တဲ့သားကြီးက သမီးတစ်ယောက်မွေးပြီး တစ်နှစ်သမီးကတည်းက အမယ်ကြီးတို့လက်အပ်ထားခဲ့တာ ခု လမ်းဗိုလ်ကျောင်းတက်တဲ့ အချိန်ထိပဲ။
ကိုယ်နဲ့ ရွယ်တူတန်းတူတွေလည်း ရွာထဲမှာ သိပ်မကျန်တော့ဘူး။ ဘေးရွာတွေမှာလည်း အမှည့်တဝင်းဝင်း အကင်းတဖြုတ်ဖြုတ်ဆိုတာလို မှည့်ရုံတင်မကတော့ဘူး။ ဝင်းအိနေကြပြီ။ ဆိုတော့ အမယ်ကြီးတို့အိမ်မှာ ဧည့်က ပါးတယ်။
“အဘိုး ကြီး ဆေးသောက်ဖို့ မေ့နေဦးမယ်”
“အင်းပါ အမယ်ကြီးရဲ့ ကျုပ်ချည်းပြောမနေနဲ့။ အမယ်ကြီးလည်း ဒူးနာပျောက်ဆေးသောက်ရဦးမယ်လေ”လို့ပြန်ပြောမှ ဟုတ်ပါကလားလို့ ဆေးကို ပြန်အမှတ်ရတယ်။ ရေနှစ်ခွက်ကို သောက်ရေအိုးထဲက ခပ်၊ အဖုံးပန်းကန်ပြားပေါ်တင်ပေးတော့ အဘိုးကြီးက တစ်ခွက်ယူပြီး အင်္ကျီဘေးအိတ်ထောင်ထဲက ဆေးတစ်တွဲထုတ် ပါးစပ်ထဲပစ်ထည့် ရေနဲ့မော့လိုက်တာ ကွတ်ခနဲ။
အမယ်ကြီးကတော့ အဲလိုမသောက်နိုင်ဘူး။ ခပ်နီနီအလုံး နှစ်လုံးနဲ့ ခပ်ဝါဝါအပြား နှစ်ပြားကို တစ်တောင့်ချင်း တစ်လုံးချင်း ရေနဲ့ရောမျို ရတယ်။ စိတ်ကတော့ မီးလှည့်တန်းဆီ ရောက်နေပြီ။ ပွဲခင်းထဲက လူသံ၊ ဆိုင်ကယ်သံ၊ ကားသံတွေကလည်း ကြွက်ကြွက်ညံနေပြီ။ အဘိုးကြီးကတော့ ထိုင်မိတာနဲ့ ကုလားထိုင်ကျောမှီတော့တာပဲ။
“တော့်မြေးနောက် ကျုပ်လိုက်ဦးမယ်”လို့ပြောတော့ “သူတို့ဆရာမတွေပါနေတာပဲ အမယ်ကြီးရယ်၊ အေးအေးနေစမ်းပါ”လို့ တားပေသိ အမယ်ကြီးကိုက သွားချင်နေတာ။
“ခဏပါတော်၊ ဓမ္မာရုံနားတင်ပါ”လို့ပြောရင်း စကားပြန်တောင်မစောင့်တော့ဘဲ အမယ်ကြီး အိမ်ထဲက ထွက်တယ်။ ပွဲဆီ စိတ်ရောက်တာနဲ့ ဒူးနာကလည်း ပျောက်ချင်ချင်ရယ်၊ နတ်တော်လပြည့်ည လ က ထိန်ထိန်သာနေသလို မီးရောင်တွေနဲ့လမ်းဝါဝါကြီးက အမယ်ကြီးရှေ့မှာ တန်းတန်းကြီး။
ကျောင်းဆီ ပရမ်းပတာမောင်းလာတဲ့ဆိုင်ကယ်တွေကို ဝန်းထရံနားကပ်ကပ်ပြီး ရှောင်ပေးရသေးတာ၊ ဓမ္မာရုံနားရောက်တော့ “ဘွားရော ပွဲလာကြည့်တာလား၊ ခရုမ က ဟိုမှာ”လို့ အိမ်လာတဲ့ဆရာမလေးက နှုတ်ဆက်ရင်းပြတယ်။
ဘုရား ဘုရား မရွှေချောက ဘောင်းဘီရှည်နဲ့ပါလား။ ဆရာမနှစ်ယောက်ကြားထဲဝင်ပြီး ခါးဖက် ရပ်နေတာများ သူငယ်ချင်းတွေကျလို့၊ အိမ်က ကျောင်းဆရာအိုကြီးကို မြင်စမ်းစေချင်တယ်။ မီးလှည့် ရှေ့ပြေးဒိုးပတ်အဖွဲ့ဆီက ဒိုးသံ ပုလွေသံထက် တဒုန်းဒုန်းထော်လာဂျီသံက ရှေ့က ဦးအောင် ရောက်လာတယ်။ ဒီလောက်အသံကျယ်ရင် ကံကြီးမောင် ထော်လာဂျီဖြစ်ရမယ်။ လူတန်းက တရွေ့ရွေ့နဲ့ အမယ်ကြီးတို့နား နီးလာတယ်။ ဒိုးပတ်အဖွဲ့က ကားပေါ် အခံ့သား ထိုင်တီးနေတာပါကလား။ ဦးရွှေရိုးနဲ့ ဒေါ်မိုးအက ကလည်း အဟုတ်သားပါလား။ ဆရာမလေးတွေဆီက ခစ်ခနဲရယ်သံကြားတော့ အမယ်ကြီးပါ ရောယောင်ပြုံးဖြစ်တယ်။
မီးလှည့်လူတန်းကလည်း များလှပါလား။ မှန်း ဒါ ဘယ်သူ့သမီးလဲ။ ဓမ္မာရုံထောင့်ကထွန်းထားတဲ့ နှစ်ပေဖန်ချောင်းနဲ့ မီးခြာထဲက ဖယောင်းတိုင်မီးဝါဝါကို လက်နဲ့ကာပြီး အမယ်ကြီး ကြည့်တယ်။ အလိုတော် ဘောင်းဘီရှည်တွေနဲ့ပါလား။ ဟင် နောက်ကဟာတွေကလည်း စကတ်တွေနဲ့၊ ဒါ ဒါ ရွာဘုရားပွဲ မီးလှည့်တဲ့လား၊ ဘုရား ဘုရား။
အမယ်ကြီး အမြင်မှားသလားလို့ တွေးမိသေးတယ်။  အသက် ၇ဝ ကျော် မှုန်တိမှုန်ဝါးဆိုပေမယ့် ထဘီနဲ့စကတ်၊ စကတ်နဲ့ဘောင်းဘီကိုတော့ မမြင်သာအောင် မျက်လုံးကမမွဲသေးပါဘူး။ ဒိုးပတ်အဖွဲ့က ကျောင်းမုခ်ဝ ရောက်နေပြီ။ နောက်ကကျန်ခဲ့တဲ့ အက ကားကို စောင့်ရဦးမတဲ့။ မှန်မှန်သွားနေတဲ့လူတန်းက ရပ်သွားပြန်ရော။
လောကမှန်ကင်းဘုရားကြီးကတော့ သူ့ဆီ မီးလာလှူတဲ့ ဘောင်းဘီတလွှားလွှား၊ စကတ်တကားကားနဲ့ ခေတ်ကာလသားသမီးတွေကို ကရုဏာတော်ရှေ့ထား ပြုံးကြည့်နေမလားလို့ အမယ်ကြီးတွေးမိတော့ ဘုရားရှင်ကို သည်းခံတော် မူပါဘုရား၊ ခွင့်လွှတ်တော်မူပါဘုရားလို့ စိတ်ထဲက အကြိမ်ကြိမ်လက်အုပ်ချီမိတယ်။
ခုနစ် သံချီက အဲဒီလို အဲဒီလိုဆွယ်တယ်။ ပွဲဦး ကရန် ပေါ့။
+++++++++++++++++++++++++++++++++++++++++++++++
ရွာတောင်ဖျား ကျန်နေခဲ့တဲ့ အကကား ရောက်တဲ့အထိစောင့်နေမှာဆိုတော့ ရွာပတ်လာတဲ့ မရွှေချောတွေ ညောင်းလို့ထင်ရဲ့၊ မီးခြာတွေကိုင် ငုတ်တုတ်လေးတွေ ထိုင်ကြတယ်။ လက်က မေ့ပြီး စောင်းမိရင် ပူနေတဲ့မှိုင်းခံစက္ကူက ဟုန်းခနဲ မီးထတောက်တာဆိုတော့ မီးတောက် တဲ့နေရာက လန့်အော်သံ၊ ရယ်သံတွေကြားထဲ အမယ်ကြီးစိတ်တွေ ပြန်ပြီးနုပျိုလာပြန်ရော။
ထိုင်နေလိုက်ကြတာများ ဒူးလေးတွေကျုံ့လို့၊ မီးရောင်အောက်မှာ ခြေသလုံးသားဖွေးဖွေးက အထင်းသား၊ စကတ်တိုနံ့နံ့ကို ဆွဲဆွဲဖုံးနေ ကြပေမယ့် အမယ်ကြီး ကြက်သီးတွေတဖြန်းဖြန်း ထသွားတယ်။ ရာသီကလည်း အေးတဲ့ရာသီကိုး။ ဒီထဲမှာ ကိုယ့်သွေးကိုယ့်သားက ဘယ်နှယောက်ပါမတုံးလို့တွေးမိတော့ အတွေးက မလုံမခြုံဖြစ်နေပြန်ရော။
“ဘွားနု အလှည့်လာကြည့်တာလား”ဆိုတဲ့အသံနဲ့ အနားလာရပ်တဲ့တစ်ယောက်ကို မီးရောင် လက်နဲ့ကာပြီး  မနည်းကြည့်ယူရတယ်။ ဆံပင်တွေဖြောင့်ထားလိုက်တာများ စင်းလို့။ တော်ပါသေးရဲ့ ထဘီတွေပြန်တွေ့လို့။ “အေးဟဲ့ ညည်းကဘယ်သူတုံး”လို့ မေးယူရတယ်။ “ဘွားနုကလည်း ကိုရွှေမောင်းသမီး ဆွေကြည်မလေ။ ကိုယ့်မြေးကို မမှတ်မိဘူးလား”တဲ့။
“ဟဲ့ နင်က ဆံပင်တွေ ပြောင်းဖူးမွေးရောင်ဆိုးထားတာကိုး”လို့ပြောတော့ ကလေးမတွေရယ်သံက အုန်းအုန်းထလို့။ ကိုယ့်သွေးသားတွေ ထဘီနဲ့ ပြန်တွေ့ရတော့ အမယ်ကြီး စိတ်တစ်ခြမ်းလောက် သက်သာသွားတယ်။
“ခရုမ ငါ့မီးခြာ ကိုင်ပေးစမ်း၊ ထဘီပြင်ဝတ်မလို့”ဆိုတော့ အမယ်ကြီးရှေ့နားက ဆရာမလေးကပြုံးရင်း လှမ်းကူယူတယ်။ ဟင်း ထဘီကလည်း ကွင်းကျဉ်းကျဉ်းနဲ့။ “ဟဲ့ အင်္ဂလိပ်မရဲ့ နင့်ထဘီက အထက်ဆင့်လည်း မပါပါလား”လို့ အမယ်ကြီးစပ်စုတော့ “ဘွားနုကလည်း ဒါက ထဘီစကတ်” တဲ့။ ခြေသလုံးနားကအကွဲကြီးက ဒူးနားထိရောက်နေတာဆိုတော့ အမယ်ကြီး ဘုရား တစ်ခါတမိပြန်တယ်။
အကကား ရှေ့ရောက်လာတော့ မီးတန်းက ကျောင်းထဲ တရွေ့ရွေ့ဝင်သွားကြပြီ။ အက ကား နောက်မြှီးဖျားက ဆောင်းဘောက်စ်ဆိုတာကြီးနဲ့ အမယ်ကြီးရပ်နေတဲ့နေရာက တန်းတန်းကြီး၊ ကြည့်ရတော့မယ်၊ တစ်ပင်တိုင်လား၊ ယိမ်းလားလို့တွေးနေတုန်း (မင်္ဂလာပါ)ဆိုတဲ့ နက်ကြောကြော စူးရှရှအော်သံကြီးက  အမယ်ကြီးရဲ့ပိန်ပါးပါးကိုယ်လုံးလေးကို ပစ်ဆောင့်လိုက်တာ နောက်လန်ကျသွားမတတ်ဘဲ။

နားတစ် ဖက်ဖောက်၊ နားဆွဲတန်းလန်းနဲ့ ဘုမသားက ကုန်းကုန်းကြီးအော်နေတာ။ နောက်က ငါးယောက်တန်းရပ်နေတဲ့ မရွှေချောတွေက ပေါင်လယ်လောက်စကတ်တွေနဲ့။ အောက်က ပရိသတ်ကမော့ကြည့်နေရတာဆိုတော့ ဘယ်နှကြိမ်မြောက်မှန်းမသိတဲ့ဘုရားကို အမယ်ကြီး တမိပြန်တယ်။
အနားကလှည့်ထွက်တော့ “ဘွား ပြန်တော့မလား၊ သမီးတို့ လိုက်ပို့ပေးမယ်”လို့ပြောတဲ့ ဆရာမလေးတွေကို “ရပါတယ်မြေးတို့ရဲ့၊ ကြည့်ကြ ကြည့်ကြ”လို့ပြောပြီး ခြေလှမ်းစရုံရှိသေးတယ်။ ပွစိပွစိ ဗျစ်တောက်ဗျစ်တောက် ရန်ဖြစ်သလိုထွက်လာတဲ့သီချင်းသံကို အမယ်ကြီး ဒူးနာနေတဲ့ ခြေလှမ်းတွေနဲ့လွတ်အောင်မပြေးနိုင် မရှောင်နိုင်တော့ဘူး။
တည့်တည့်ကြီးလာမှန်တာဆိုတော့ အမယ်ကြီး ကတုန်ကယင်တွေကိုဖြစ်ရော။
ပွဲဦး ကရန် ခုနစ် သံချီက အဲဒီလို...အဲဒီလို...ဆွယ် တယ်။
++++++++++++++++++++++++++++++++++++++++++++++
အိမ်ထဲဝင်တော့ အဘိုးကြီးက ပက်လက်ကုလားထိုင်မှာ ငုတ်တုတ်ပဲ။ ရင်တုန်ပြေအောင် ရေတစ်ခွက်ကို အမယ်ကြီး အမြန်ခပ်သောက လိုက် ရတယ်။
“မီးလှည့်က စည်ရဲ့လားအမယ်ကြီးရဲ့”တဲ့။
“စည်ပါ့တော် စည်ပါ့၊ ဒူးအောက် စကတ်တွေရော၊ ဘောင်းဘီတိုရှည်တွေရော၊ ထဘီ မမြင်ရအောင်ကို စည်တယ်”လို့ဖြေတော့ အဘိုးကြီး ဆီကရယ်သံထွက်လာတယ်။
“ရယ်မနေနဲ့၊ တော့်မြေးတွေလည်းပါတယ်။ တော့်တပည့်တွေမွေးထားတဲ့ဟာတွေချည်းပဲ”လို့ အငေါ်တူးသံနဲ့ပြောတော့ ၈ဝ နားနီး ကျောင်းဆရာအိုကြီးဆီက“ဟေ” ခနဲ ထွက်လာတဲ့အသံကအကျယ်ကြီး၊ ဒီတစ်ခါတော့ အမယ်ကြီးမလန့်တော့ဘူး။
အဘိုးကြီးခမျာ ဘာသံမှ ဆက်မထွက်နိုင်ဘဲ ငူငူကြီးငေးနေတယ်။ အမယ်ကြီးစကားနဲ့မြင်ကွင်းကို တိုတိုလေးတွေးနေတာဖြစ်နိုင်သလို ရန်ကုန်၊ မန္တလေးက မြေးတွေအတွက် ပူပူပင်ပင်အတွေးတွေ ရှည်ထွက်နေတာလည်းဖြစ်နိုင်တယ်။
အဘိုးကြီးက အဲဒီလို တနုံ့နုံ့တွေးပူတတ်တယ်။ ပညာတတ်တွေဆိုတော့ ခေါင်းတင် မဟုတ်ဘူး၊ တစ်ကိုယ်လုံးပါပူတတ်တာ အမယ်ကြီးက သိနေတယ်။ ပြောပြီးမှ မှားပြန်ပကောရယ်လို့ နောင်တ ရမလိုရှိသေး “ဒီနှစ် နင့်သားနင့်မြေးတွေ တစ်ယောက်မှပေါ်မလာဘူးနော် အမယ်ကြီး”တဲ့။
စလာပြီ၊ စလာပြီ။ သူနဲ့မဆိုင်သလိုဘဲ။ နင့်သားနင့်မြေးတဲ့။ ခါတိုင်းလို သားတွေတစ်ယောက်မှပေါ်မလာတာကို အဘိုးကြီး စကားဦး သန်းတော့ အမယ်ကြီးပါငြိမ်ကျသွားတယ်။
ပွဲခင်းထဲကအသံမျိုးစုံကိုကျော်ပြီး အမယ်ကြီး အတွေးတွေက အတိတ်ငယ်ဘဝတွေဆီ ရိပ်ရိပ်လေးပြန်ပြေးတယ်။ အဲဒီတုန်းက...
++++++++++++++++++++++++++++++++++++++++++++++

အမယ်ကြီတို့မျိုးရိုးက သီပေါမင်းနဲ့တိုက်ရိုက်မပတ်သက်ပေမယ့် အဲဒီခေတ်က မှူးကြီးမတ်ကြီးတစ်ဦးရဲ့ အနွယ်တော်တွေဆိုတာ လောက်တော့ ငယ်ဘဝက ဘကြီးပြောသံကြားဖူးတယ်။ အမယ်ကြီးတို့ဘကြီးက အင်္ဂလိပ်လက်ထက်က ဆိုးပေ့ဆိုတဲ့ရွာ ခုနစ်ရွာကိုအုပ်ချုပ်ရတဲ့ နှစ်လုံးပြူးဆုရသူကြီး ဦးဘအေးဆိုတာလည်း ကောင်းကောင်းမှတ်မိတယ်။ အဲဒီအကြောင်း မြေးတွေရှေ့မပြောရဲဘူး။ ရှက်သတဲ့။
ဘကြီးကို မြင်လည်းမြင်ဖူးလိုက်တယ်။ သျှောင်တစောင်းနဲ့၊ ပေါင်မှာလည်း ထိုးကွင်းမင်ကြောင်တွေ မည်းခဲနေတယ်။ ပဒိုင်းခြုံရွာကနေ မြင်းညိုကြီးစီးစီးပြီး သူ့သမီးရှိရာ အမယ်ကြီးတို့ရွာကို လာတတ်တယ်။
အမယ်ကြီးတို့အဖေက ပေါင်လောင်ကန်ဆိုတဲ့ ဒီဘက်ရွာက မြေယာတွေ လက်ညှိုးထိုးမလွဲတဲ့မြေပိုင်ရှင်သား၊ ခုနစ်ရွာပိုင် နှစ်လုံးပြူးကိုင်သူကြီးသမီးနဲ့ ဒီဘက်ရွာက ဘန်ကောက်လုံချည်တလွှားလွှား အမယ်ကြီးတို့အဖေနဲ့ညားပြီး အမယ်ကြီးကိုမွေးခဲ့တာ။
တောသူဌေးတွေပေါ့။ သူ့ခေတ်နဲ့သူ့အခါ မင်းပေါက်စိုးပေါက်လို့လည်း ပြောလို့ရတယ်။ အမယ်ကြီးတို့က ရွာနေရပ်ထိုင်ကွမ်းတောင်ကိုင်၊ အဘိုးကြီးဇာတိက အောက်ပြည်အောက်ရွာက တော်တော်ကြီးဝေးတာ။ ခုနစ်တန်းအောင်ရင် ကျောင်းဆရာဖြစ်တဲ့ခေတ်မှာ လခ ၁ဝဝ မကျော်တဲ့ကျောင်းဆရာပေါက်စနဘဝနဲ့ ရွာကျောင်းရောက်လာရာကနေ အမယ်ကြီးနဲ့ နဖူးစာကျောင်းလည်ခဲ့တာ။
အမယ်ကြီးက တောသူ အညာသူဆိုပေမယ့် အသားက ဖြူနုနေတာ။ အရပ်ကလည်း ခုခေတ် မော်ဒယ်လ်တွေဆိုတာလောက်တော့ ပျင်းတယ်။ ခေတ်ပညာမတတ် ဘုန်းကြီးကျောင်းထွက်ဆိုပေမယ့် အမယ်ကြီးစတိုင်လ်က ကျောင်းဆရာလေးအသည်းကို သင်ပုန်းကြီးမှာ မြေဖြူနဲ့ထင်အောင်ခြစ်သလို ချစ်နိုင်တယ်။
အဘိုးကြီးခမျာ အစက ရွံ့တွန့်တွန့်ရယ်၊ တစ်ရာမကျော်တဲ့သူ့လစာက တောသူဌေးအိမ်က စာရင်းငှားလစာလောက်ရှိတာဆိုတော့ အမယ်ကြီးနား တော်တော်နဲ့မကပ်ရဲရှာဘူး။ တံကောက်အောက်ရောက်နေတဲ့ ဆံပင်အရှည်ကြီးနဲ့အမယ်ကြီးကို ဘေးရွာက သူကြီးသားတွေ ဝိုင်းနေတာလည်း သီဟတင်စိုး တော်လှန်ရေးကားထဲက အတိုင်းပေါ့။
အမြော်အမြင်ကြီးတဲ့ အမယ်ကြီးတို့အဖေက သူ့မြေးမြစ်တွေ ပညာတတ်တွေဖြစ်၊ လယ်တောယာတောပစ်အောင် အဘိုးကြီးကို ဆွဲထား လိုက်တာ။ မင်္ဂလာဆောင်တဲ့နေ့က အဖေကြီးက ပြောင်ပြောင်ပဲ။
“ကျောင်းဆရာပေါက်စရဲ့၊ မင်းလခက မက်လောက်စက်လောက်တော့ မရှိပေဘူး။ ဒါပေသိ ငါ့မျိုးဆက်ကို ပြောင်းပစ်ချင်လို့ ငါ့သမီးကို မင်းလက်အပ်သယ်။ ငါ့မြေးတွေကို ပညာတတ်တွေဖြစ်အောင်လုပ်ပေတော့” လို့ပြောတော့ အဲဒီတုန်းက အဘိုးကြီးခမျာ ခေါင်းကြီးတွင်တွင် ငုံ့ပြီး မျက်နှာကြီး ရဲပတောင်းခတ်နေတာပေါ့။
တွေးရင်းနဲ့ အမယ်ကြီး ရင်တွေခုန်ပြီး အဘိုးကြီးကို မလုံမလဲမော့ကြည့်တယ်။ ဇာတ်ကတော့ ဘုရားကန်တော့ခန်းနဲ့ စထွက်နေပြီ။
“အမယ်ကြီး”
တစ်ချိန်လုံးငြိမ်နေတဲ့အဘိုးကြီးခေါ်သံကြားမှ အမယ်ကြီးအတွေးတွေ ရပ်သွားတယ်။ မီးရောင်က ဝါ နေပေမယ့် အဘိုးကြီးမျက်ဝန်းတွေ ဝေ့သီကြည်နေတယ်လို့လည်း ထင်လိုက်မိတယ်။
“အမယ်ကြီး၊ ဒီညရော ပွဲကြည့်ဦးမှာလား”
အလိုတော်၊ အထူးအဆန်းပါကလား၊ တစ်သက်နဲ့တစ်ကိုယ် မကြားဖူးခဲ့တဲ့စကား။
“ကြည့်လည်း ရတယ်။ မကြည့်လည်း ရတာပေါ့တော်။ အိမ်ကထွက် ဇာတ်စင်ရောက်တဲ့ဟာ” လို့ပြောတော့ “ကျုပ်လည်း ကြည့်ချင်တယ် အမယ်ကြီးရယ်”တဲ့။ ကျားသားမိုးကြိုး နားရှိလို့သာကြားရတယ်။ တစ်သက်လုံး အိမ်စောင့်ကြက်နှင်နေခဲ့သူက အခုမှ ပွဲကြည့်ချင်ပြန်သတဲ့။ တစ်သက်တစ်ကိုယ် မကြားဖူးတဲ့စကားကို ဆိုပါရောလား။
“အခု မဟုတ်ပါဘူးအမယ်ကြီးရဲ့ နှစ်ပါးသွားနဲ့ နောက်ပိုင်းမှပါ။ အမယ်ကြီးနဲ့ တစ်ခါမှပွဲမကြည့်ဖူးတော့ ကြည့်ဖူးတယ်ရှိအောင်လို့”
စကားဆုံးတော့ ပက်လက်ကုလားထိုင်ပေါ် ကျောပြန်မှီတယ်။ တစ်ဘဝစာ နားခိုခဲ့တဲ့ရင်ခွင်ရိုးရိုးကြီး၊ ကွမ်းဆေးအရက် လောင်းကစား မဖက်ဘဲ ရေနွေးတောင် ဖျားမှနာမှ သောက်တယ်။ ရမယ့်ရတော့ အဆုတ်ရောဂါတဲ့။ ဆရာဝန်တောင် မျက်စိလည်တယ်။ “ဘာအလုပ် လုပ်သလဲ”လို့ ဆရာဝန်မေးတော့ “ကျောင်းဆရာ”လို့ ဝင့်ဝင့်ကြွားကြွားဖြေရှာတယ်။ တစ်ဘဝစာ ရေးခဲ့ဖျက်ခဲ့တဲ့မြေဖြူမှုန့်တွေလေ။   ကြောက်သလားဆိုတော့ ဆောင်းတွင်းရောက်မှာ အမယ်ကြီးကြောက်တယ်။ အဘိုးကြီးကို မကြည့်ရက်လို့။
ပွဲကြည့်ချင်ပြန် သတဲ့။ “ပွဲက ခုမှ စထွက်တာပါတော် နှစ်ပါးသွားနောက်ပိုင်းဆိုတာ မိုးလင်းပိုင်းမှ။ အိပ်ချင် အိပ်လိုက်ဦး၊ ပြဇာတ်ပြီးမှ နှိုးမယ်” ဆိုတော့ ယဲ့ယဲ့လေးပြုံးတယ်။
+++++++++++++++++++++++++++++++++++++++++++
ဇာတ်က ချောက်ဇာတ်၊ မြို့ခံမဟုတ်ဘဲ ဇာတ်စိမ်းဆိုတော့ ဘေးရွာတွေနဲ့ စက်မှုဇုန်ပရိသတ်က ပြုံကျလာတယ်။ အမယ်ကြီးခမျာ လူကြားသူကြား နင်းကန်တိုးနေတာတောင် အလှူခံရှိတဲ့ ဘုရားတန်ဆောင်းထဲ တော်တော်နဲ့မရောက်နိုင်ဘူး။
ပွဲခင်းတစ်ခုလုံးလည်း ရွစိရွစိ အသက်ဝင်နေပြီ။ အကြော်ဆိုင်ကညှော်နံ့တွေကလည်း အမယ်ကြီးကိုဆီးတယ်၊ ကြိုတယ်။ (စကတ်လေးတွေ ဘောင်းဘီလေးတွေအတွက်) ခွင့်လွှတ်တော်မူပါလို့ အကြိမ်ကြိမ်တောင်းပန်ပြီးမှ ဦးချတယ်။
စိတ်က အဘိုးကြီးဆီ ရောက်သွားပြန်ရော။
ချွေးခံအင်္ကျီအနားစထဲက ကုတ်ကတ်ချန်ထားတဲ့ ၅ဝဝဝ တန်တစ်ရွက်ကိုထုတ် ဖြတ်ပိုင်းရေးတဲ့စားပွဲပေါ် ချပေးတော့ တစ်ဝမ်းကွဲမြေးက ရေးရင်းနဲ့ “အဘမြ နေကောင်းပလား ဘွားနု”တဲ့။ မေးဖော်ရသေးတယ်။
“အေး...ကောင်းပ ဟဲ့”လို့ဖြေရင်း ဘုရားထဲကထွက်တော့ ပိန်ပါးပါးအမယ်ကြီးကိုယ်လုံးလေး လူတွေကြား ပြားချပ်သွားပြန်ရော။ မြေးတွေထိုင်တဲ့ခုတင်နားရောက်တော့ “ဘွား”ဆိုပြီး ခရုမက အသံပေးတယ်။ “ဘွား လာလာထိုင်”ဆိုပြီး ဆရာမလေးတွေက ခရီးဦးကြိုတော့ စိတ်နှယ် ဘယ်နေလိမ့်မတုံး။ အဘိုးကြီးဆီ နောက်ဆံတငင်ငင်နဲ့ အဘိုးကြီးနဲ့ပွဲ မဲခွဲနေတုန်း “ယခုတစ်ဖန် လာရောက်လှူဒါန်းသွားတဲ့ ကုသိုလ်ရှင်ကြီးများကတော့ ကျောင်းအုပ်ဆရာဟောင်းကြီးဦးမြချစ်နဲ့ ဘွားလေးတင်နုမိသားစုမှလာရောက်ပြီးသကာလ အလှူတော်ငွေ ၅ဝဝဝ ကျပ်ပါဘုရား”ဆိုတဲ့အော်သံဆုံးတော့ ဘေးက မြေးမက ဖျတ်ခနဲ အမယ်ကြီးကိုလှည့်ကြည့်တယ်။
မုန့်ဖိုးပေးဆိုတဲ့မျက်နှာနဲ့။ ဇာတ်စင်ပေါ်မှာတော့ မြန်မာသံစတိတ်ခ်ျရှိုး စထွက်နေပြီ။
ဒီလောက်ဆို မဆိုးသေးဘူး။ မြန်မာဝတ်စုံနဲ့။ သီချင်းတွေက အမယ်ကြီးနဲ့မရင်းနှီးပေမယ့် မြန်မာသီချင်းမှန်းကောင်းကောင်းသိတယ်။ နားထောင်ရတာ လိပ်ပတ်လည်သေးတယ်။ တစ်ခုကောင်းတာက လူနံ့တွေ ထောင်းထောင်းထမနေပြန်ဘူး။ ဗလာဇာတ်မို့ ဘုရားပွဲအနံ့အသက်က တစ်ခါတည်း နတ်ပြည်များ တက်လေရော့လားလို့ အမယ်ကြီး ဉာဏ်မိသလိုတွေးသေးတယ်။
အောင်မယ်...ဒီတစ်ခါ ပြဇာတ်မင်းသမီး အလှည့်တဲ့။ အမယ်ကြီးအကြည့်တွေ ဇာတ်စင်က မခွာတော့ဘူး။ လူမမြင်ရသေးဘူး။ အသံက အရင် ကြားနေရတာ။ ဘာတဲ့...။
xxx ညိုပြာပြာxxx လတာပြင်ခြေရင်းxxx လှိုင်းတက်ရာ ဗေဒါတက်xxx လှိုင်း သက်ရာဆင်းxxxတဲ့။ အမယ်ကြီး လည်ပင်း လက်တဆစ်လောက် ရှည်သွားတယ်။ ဒါ အဘိုးကြီးကြိုက်တဲ့ သီချင်းပါလား။
မင်းသမီးအသံကကြည်မြနေသလို အောက်ကပရိသတ်လည်း ငြိမ်ကြသွားတယ်။ မြန်မာသံကို ဘာခံနိုင်လိမ့်မတုံး။ တုတ်တုတ်တောင် မလှုပ်ကြဘူး။ စင်း လို့၊ ဘယ်သူမှမလှုပ်ပေမယ့် အမယ်ကြီးလှုပ်လာတယ်။  အစက ရောက်သခိုက် အော်ပရာလေးပြီးမှပြန်မဟဲ့ စိတ်ကူးတာ။ အဘိုးကြီးကြိုက်တဲ့သီချင်းသံကြားတော့ အမယ်ကြီးလည်း မခံနိုင်ဘူး။ အိမ်ဘက် ပြန်ကူးလိုက်ရတယ်။
အဘိုးကြီးကတော့ ကုလားထိုင်မှာပက်လက်ပါပဲ။ ဆေးရှိန်နဲ့ မှိန်းနေသလား။ စောင်တစ်ထည်ယူပြီးခြုံပေးတော့ ခြေတွေလက်တွေက အပြင်ထွက်နေပြန်ရော။ တစ်သက်စာမြေဖြူကိုင်ခဲ့တဲ့လက်တွေက ခုတော့ အရိုးပြိုင်းပြိုင်းထပြီး လက်ခုံမှာသွေးကြောဖုဖုတွေ ထင်းနေတယ်။ လက်နှစ်ဖက်ကို စောင်ထဲ အသာသွင်းပေးပြီးတော့ အဘိုးကြီးကို အမယ်ကြီး တစိမ့်စိမ့်ငေးနေမိပြန်ရော။

++++++++++++++++++++++++++++++++++++++++++++++++++++++
ရွာသမိုင်းတလျှောက် ဆရာမြ၊ ဆရာချစ်နဲ့ပီတိကိုသာ စားခဲ့ရှာတဲ့အဘိုးကြီး၊ အလံနီ၊ အလံဖြူခေတ်တွေကိုဖြတ်၊ အုပ်စုဥက္ကဋ္ဌ၊ သမဥက္ကဋ္ဌ တာဝန်တွေနဲ့ ရပ်ရွာအကျိုးသယ်ပိုးခဲ့ရှာသူကြီးခမျာ ခုတော့ ကုလားထိုင်မှာပက်လက်။
ပါတီမှာလည်း တင်းပြည့်ပြန်သတဲ့။ အဲဒီနေ့က“အဘိုးကြီးနှယ် နွားကြိုးမကိုင်တတ်၊ ထယ်မထိုး တတ်၊ ထွန်မလှည့်တတ်တဲ့ တော်က ဘယ့်နှယ် တင်းပြည့်သတုံး။ ကျုပ်သာဆို ပုတ်ပါပြည့်မယ်ထင်တယ်”လို့ အမယ်ကြီးပြောတော့ အဘိုးကြီးရယ်တာ မျက်ရည်များတောင် ထွက်ကရော။
“ဟုတ်တာပေါ့၊ အမယ်ကြီးရဲ့ ခေါင်းဆောင်ကြီးတွေ အဲသဟာမျိုးစဉ်းစားမိဖို့ ကောင်းတာပေါ့”ဆိုပြီး ထပ်ရယ်တာ တော်တော်နဲ့မရပ်ဘူး။ အဘိုးကြီးနှယ် ဘယ့်နှယ် ရယ်နေသတုံးလို့ အမယ်ကြီးတွေးတယ်။ ဉာဏ်က မမီပြန်ဘူး။ အရေးမကြီးတဲ့ဟာ နေပစီဆိုပြီး အသာထားလိုက်ရ တာပေါ့။
စာရေးလောက်တောင် အိမ်တစ်ဆောင်မီးတစ်ပြောင်ဖြစ်တဲ့ခေတ်မှာ ဆိုရှယ်လစ်ခေတ်ကြီးကို တာဝန်ကျေတဲ့တင်းပြည့်ကြီးခမျာ သစ်သားရေဒီယိုတစ်လုံးပဲ စီးပွားဖြစ်တယ်။ အဲသဟာမျိုးဆိုတော့ ရွာရပ်က ငုံထားမတတ်ချစ်တယ်။ တုန်နေအောင် ရိုသေတယ်။
“ရွှေနန်းတော်ရဲ့ မြူးကြွကြွစတိတ်ခ်ျရှိုးအစီအစဉ် စတင်ပါပြီ”ဆိုတဲ့အသံအဆုံး တအုန်းအုန်းအသံကြီးတွေက လေးထောင့်ဗီရိုလောက် ဟာကြီးတွေထဲကနေ ကဆုန်စိုင်းပြီး အမယ်ကြီး အတွေးတွေကို တက်နင်းလေမှ ဖုတ်ဖက်ခါပြန်ထရတယ်။ အော်ဟံ ဟစ်သံ (ပရိသတ်ကြီး ...မင်္ဂလာပါ)ဆိုတဲ့ အသံထိတ်တုံးက  အမယ်ကြီးအတွေးတွေကို သော့ခတ်ပစ်တယ်။ ခုတော့ ခုနစ်သံချီတောင် ဘယ်ရောက်ကုန်မှန်း မသိတော့ဘူး။
“ပွက် ပွက်ညံနေပါပကော အမယ်ကြီးရဲ့”
အဘိုးကြီးဆီက အသံထွက်လာမှ သူ့ခမျာလန့်နိုးပါပကောရယ်လို့ သတိထားဖြစ်တယ်။
“အဲသဟာကြောင့်ပြောတာပေါ့ အဘိုးကြီးရဲ့။ ခုနေသွားရင် လူနင်းခံရမှာကျိန်းသေတယ်။ နှစ်ပါးသွား စမှ သွားရအောင်”ဆိုတော့ “အေး အေး”ဆိုပြီး ကျောပြန်မှီပြန်ရော။
စောင်ထဲကထွက်နေတဲ့ခြေထောက်ကို အမယ်ကြီးက ခြေအိတ်စွပ်ပေးတော့ အဘိုးကြီးက မြိန့်မြိန့်ကြီးပြုံးတယ်။ မျက်နှာတင် မဟုတ်ဘူး၊ ရင်ဘတ်ကြီးပါ နိမ့်လိုက်မြင့်လိုက် ပြုံးတယ်။ အမယ်ကြီးအတွေးတွေက သားခုနစ်ယောက်ဆီ ခုနစ်သံချီပြီးပြေးပြန်ရော။ အတွေးတွေက မွားတားတားကနေ ရိုးရိုးအေးအေး ကျောင်းဆရာကြီး အသက်ကြီးမှ အမှုတွေကြီးရတဲ့နေရာမှာရပ်တော့ စိတ်ထဲမှာဖျဉ်းခနဲ။
(အရုဏ်ဦးက ကြယ်နီပြာကဗျာ သင်လို့တဲ့)
တစ်ပတ် ၁ဝ ရက် လောက် စစ်လားဆေးလား အလုပ်ခံရသေးတယ်။ တချို့က ပြေပြေလည်လည်၊ တချို့က ငေါက်လားငမ်းလားကို မေးကြတာ။ ဘယ်လိုမေးမေး အဘိုးကြီးက တစ်ခုတည်း ထပ်ကာထပ်ကာဖြေတယ်။ “ဒီကဗျာကို ငါ ကျောင်းဆရာပေါက်စန ဘဝကတည်းက သင်ခဲ့တာ။ ဒီ ကဗျာသင်ပြီး အရာရှိကြီးတွေဖြစ်ကုန်တဲ့ငါ့တပည့်တွေ အများကြီးရှိတယ်”တဲ့။
နေ့လား၊ ညလား၊ ၉ နှစ်လား၊ ၁ဝ နှစ်လားတွေတောင် ဖြစ်လာတယ်။
ဘုရားမ သလား၊ သား မသလား မသိဘူး။ အလတ်ကောင် အိမ်ဝင်လာတုန်း စစ်လားဆေးလားတွေနဲ့ တွေ့ဖြစ်ကြတော့ “ဒါ ကျွန်တော့် အဖေလေ၊ ခင်ဗျားတို့ မသိဘူးလား”ဆိုတာလေးနဲ့တင် ၉ နှစ် ၁ဝ နှစ် ရောဂါတွေက  အုံဖွဆိုမန်းလိုက်သလို ပျောက်ကုန်တယ်။
တစ်ပူအေးလို့ ပြီးပလားမှတ်တယ်။ မပြီးသေးဘူး။ သားကြီးအိမ်လာတော့ အလတ်ကောင်က “အစ်ကို မင်းအရင်အလုပ်တွေ လုပ်တုန်းလား” တဲ့။ အကြီးလူက ခပ်အေးအေးဖြေတယ်။ “အေး”တစ်လုံးတည်း။ “မင်း မိန်းမနဲ့ကလေးတွေ မသနားဘူးလား”တဲ့။ “ငါ လူတွေအကုန်လုံးကို သနားတယ်”လို့ အကြီးလူကပြန်ပြောတော့ အမယ်ကြီးနားမလည်တဲ့စကားတွေပြောပြီး ညီအစ်ကိုနှစ်ယောက်စကားတွေများ နပန်း ထလုံးတယ်။ နှစ်လုံးပြူးဆုရ သူကြီးဘအေးရဲ့မြေးမပဲ။ ဘယ်နေ မတုံး။ အမယ်ကြီး ငယ်ဇတွေ ပြတဲ့ပြီး လေးဆယ်ကျော် ၅ဝ နားနီး သားတွေကို ထတဲ့တီးလိုက်တာ ဝါးခြမ်းပြားကျိုးမှ ရပ်တယ်။ ဘာပြောတယ်မှတ်တုံး၊ “အရသာရှိလိုက်တာ အစ်မရာ၊ အစ်မရိုက်တာမခံရတာ ကြာပြီဗျ”တဲ့။
ကလေးဘဝတုန်းက ကျောင်းဘောလုံးပွဲမှာအဲဒီလိုဖြစ်လို့ နွားကန်ကျိုးအောင် တစ်ခါရိုက်ဖူးတယ်။ ညီအစ်ကိုနှစ်ယောက် တစ်သင်းတည်း မကျဘူး။ တစ်ယောက်က အစိမ်းအသင်း ခေါင်းဆောင်၊ တစ်ယောက်က အနီအသင်း ခေါင်းဆောင်။ ဘောလုံးကွင်းထဲတင် သတ်ကုန်ကြတော့ ဖအေကျောင်းဆရာက ပြုံးပြုံးကြီး။ အမယ်ကြီးက နှစ်ကောင်လုံးဆွဲခေါ်ပြီး အိမ်ကျမှ စိတ်ကြိုက်တွယ်တာ။
“မှတ်ပလား၊ ငါ့ရှေ့မှာ  ဟိုဟာတွေဒီဟာတွေ လာမလုပ်နဲ့။ အစိမ်းတွေ၊ အနီတွေ လာမလုပ်နဲ့။ ဒီမြေဒီရေမှာ ဒီဗိုက်ကမွေးမှတော့ သွေးပေါ့ သားပေါ့။ အဲသဟာထက်အရေးကြီးတာ ဘာရှိသတုံး။ ပညာတွေတတ်ပါရက်နဲ့ ဒီလောက်တောင် မတွက်တတ်မချက်တတ်ဘူးလား။ ဦးသောဘိတကျောင်းထွက် အေဘီစီဒီမတတ်တဲ့ ငါအမေအိုတောင် တွက်တတ်ချက်တတ်တယ်”ဆိုပြီးတော့ တွယ်တာ။ အလတ်ကောင်က “အဖေကမှာထားလို့ပါ အစ်မရဲ့။ ကိုယ့်အသင်းကို နိုင်အောင်ကန်ရ မတဲ့ဗျ”ဆိုပြီး ငိုရင်း ဆင်ခြေလဲသေးတာ။ အမယ်ကြီးဒေါသက အဘိုးကြီးဘက် လှည့်ကန်တယ်။
“နင်တို့ ဖအေပညာရှိကြီးက နိုင်အောင်ကန်ဖို့ပဲ သင်တာ။ ညီအစ်ကိုဆိုတာ မသင်ဘူးမို့လား။ ဟဲ့ အကောင်တွေရဲ့၊ ဒါ နင့်အဖေကျောင်း မဟုတ်ဘူး။ ငါ့ကျောင်း၊ ဆရာမြကျောင်းရောက်ရင် ဆရာမြ စာအံ၊ မယ်နုကျောင်းရောက်ရင် မယ်နုစာအံ”ဆိုပြီး အော်လိုက်တာ...။
အဲဒီစကားက ခုချိန်ထိ ရွာမှာ (ဆရာမြကျောင်းရောက်ရင် ဆရာမြ စာအံ၊ မယ်နုကျောင်းရောက်ရင် မယ်နု စာအံ)ဆိုပြီး ရွာလက်သုံးစကား အဖြစ်ကို တွင်ကျန်ရစ်တာ။ အမယ်ကြီးက အဲဒီလို ခုနစ်သံချီတတ်တယ်။
ညရောက်တော့ “စာမတတ်ပေမတတ်လူတွေများ တယ်လဲပြောရဆိုရ လက်ပေါက်ကတ်တတ်တယ်”ဆိုပြီး အဘိုးကြီးက ပြုံးပြုံး ပြုံးပြုံးနဲ့ စတယ်။ အမယ်ကြီးကလည်း ကြိုက်တာပြော၊ စာမတတ်ပေမတတ်လို့ပြောရင် ဆတ်ဆတ်တုန်တတ်မှန်းသိရက်နဲ့ကို မခံချင်အောင် တမင်ပြောတာ။ ဒါပေမယ့် ခပ်ဖျင်းဖျင်းမိန်းမတွေလို (နင့်လစာလေး ဘယ်လောက်၊ ငါ့မြေတွေယာတွေကြောင့်)ဆိုပြီး ဂုဏ်မမောက်ဘူး။ အဘိုးကြီးကို ငွေဂုဏ်နဲ့ တစ်ခါမှ အနိုင်မယူဘူး။ “ကျုပ်လည်း ဦးသောဘိတကျောင်းထွက်ပါ ကျောင်းဆရာရယ်။ တော့်လို ခုနစ်တန်း မအောင်သာဘဲရှိတယ်။ ကျောင်းဆရာမို့သာပေါ့။ မြို့အုပ်တို့၊ အရေးပိုင်တို့သာဆို မခက်လား။ တော့်ကျောင်းလောက်တော့ ဆရာမ လုပ်နိုင်သေးတယ်”လို့ နှုတ်လှန်ထိုးတယ်။ ငိုသံကတော့ ပါနေပြီ။
အဘိုးကြီးက မရပ်ဘူး။  “လာချေသေး မယ်နုရယ်၊ ငါ့ကျောင်းများ ဆရာမ လုပ်ဦးမတဲ့။ ဆရာမအသာထား (မယ်နုစိတ်တိုနေသည်)လို့ တစ်ကြောင်းဖြောင့်အောင်ရေးခဲ့”ဆိုပြီး စာရွက်နဲ့ ခဲတံချပေးတော့ အမယ်ကြီးက ဆတ်ခနဲထယူတဲ့ပြီး ရေနံဆီမီးခွက်နဲ့ စာကျက်နေတဲ့ အရိုက်ခံထားရတဲ့ကောင်တွေနား သွားထိုင်တယ်။ ဘုန်းကြီးအသံဝါဝါကြီးသာ ပြန်ကြားနေရတယ်။ စာတွေကပေါ်မလာပြန်ဘူး။ ခဲတံကို တံတွေး ဆွတ်ဆွတ်နေတာနဲ့တင် ကွမ်းတစ်ယာညက်လောက်ကြာတယ်။ စိတ်ကြိုက်ရေးပြီးတော့မှ “ဟဲ့ နှစ်ကောင် ကြည့်ကြစမ်း”လို့ တိုးတိုးပြပေသိ နွားကန်ကျိုးအောင်အရိုက်ခံထားရတော့ မလှုပ်ကြဘူး။
နေဟာ...ဆိုပြီး စာရွက်နဲ့ခဲတံ အဘိုးကြီးပြန်ပေးတော့ စာရွက်ကိုကြည့်ပြီး အဘိုးကြီးပြုံးနေတာများ ဝင်းလို့မွတ်လို့။ “ဟေ့ကောင်တွေ မင်းတို့အစ်မရေးထားတာ လာဖတ်ပြစမ်း”လို့ အဘိုးကြီးခေါ်တော့ ဆတ်ခနဲထပြီး စာရွက်ကိုင် ပြူးပြဲကြည့်နေတဲ့ သားနှစ်ယောက်ဆီက တော်တော်ကြာမှ အသံထွက်လာ တယ်။ (မဲနု ဆိတ် တိုးနေ သီ) တဲ့။ အဘိုးကြီးရယ်သံနဲ့ သားနှစ်ကောင်ရယ်သံ အုန်းအုန်းထသွားတာ မီးခွက်တောင် လန့်ပြီး ငြိမ်းမတတ်ရယ်။ အမယ်ကြီးက အဘိုးကြီးကို ဥပုသ်နှစ်ခါစောင့်လောက် စကားမပြောဘူး။ ရှက်လို့။
အတွေးတွေနဲ့တင် အတိတ်ရှေးဟောင်းနှောင်းဖြစ်တွေက အမယ်ကြီးစိတ်ထဲ စွတ်စွတ်စိုလာသလို ပါးပေါ်မှာပါ ရွှဲရွှဲတောက်လာတော့တာ။ ဒီနှစ် တစ်ယောက်မှ ပေါ်မလာကြဘူးတော်...လို့ အသံထွက်မတတ်ဖြစ်သွားရာက အဘိုးကြီးကိုသတိရပြီး ပါးစပ်ကိုလက်ဝါးဘရိတ်နဲ့ ဒုံးပိတ် ပစ်ရတယ်။
“ပွဲခင်းမှာ လုံခြုံရေးတာဝန်ကျသူများအားလုံး မင်းခုတင်မှာ စုရုံးကြဖို့ အုပ်ချုပ်ရေးမှူးမှခေါ်နေပါတယ်” လော်စပီကာကအသံအဆုံးမှာ ဝရုန်းသုန်းကား အော်သံဟစ်သံတွေထွက်လာသလို တီးမှုတ်ကခုန်တွေ တိခနဲရပ်ပြီး လူသံ သြသြတွေက စည်းရိုးသာခြားတဲ့အိမ်ဘက် လွင့်တက်လာတော့ အရွယ်နဲ့မလိုက် အမယ်ကြီး ဆတ်ခနဲထတယ်။ ပွဲကြည့်သက်က ဆိတ်မရအောင် ရင့်ထော်နေတာဆိုတော့။
သေချာပြီ။ ဒါ ပွဲလန့်တာ၊ ရန်ဖြစ်ကုန်ကြပြီ။ တုတ်နဲ့ရိုက်သလား၊ ဓားနဲ့ထိုးသလား။ သူ့လူ ခံရသလား၊ ကိုယ့်ရွာ ခံရတာလား။ ထင်းပုံထဲက ထင်းတစ်ချောင်းဆွဲပြီး ပွဲခင်းထဲ အမယ်ကြီးလှစ်ခနဲ ပြေးတယ်။
ဇာတ်ခုံထောင့်မှာ ဖုန်တွေအလိပ်လိုက်ထနေသလို ထိတ်တုံးထားတဲ့နေရာမှာ လူတွေက အုံလို့၊ ဝိုင်းနေတဲ့လူတွေကို ဦးဇင်းလေးတွေနဲ့ ရွာကာလသားတွေက တုတ်တယမ်းယမ်းနဲ့ လူစုခွဲပစ်နေတယ်။ အရက်စော်က ဟိုကနံဒီကနံဆိုတော့ ဖြစ်တော့မပေါ့။ အမယ်ကြီး လူအုပ်ကို တိုးမရဘူး။ သတင်းတော့ နီးရာကရတယ်။
ဇာတ်ခုံထောင့်မှာ မူးကြကကြရင်းရန်ဖြစ်ကြတော့  နှစ်ယောက်လုံး ဓားဆွဲအထုတ်မှာ အရိပ်အခြည်ကြည့်နေတဲ့လုံခြုံရေးက တုတ်နဲ့ရိုက်တော့ လက်ကျိုးသွားလို့ ဆေးရုံပို့ရမတဲ့။ ရွာက ညီလို့သာပေါ့။ စတိတ်ခ်ျရှိုးတော့ ပြန်မထွက်ရတော့ဘူး။ ဆရာတော်လည်း ဓာတ်မီးတဝင်းဝင်းနဲ့ ကျောင်းပေါ်က ဆင်းချလာတယ်။
အမယ်ကြီးမြေးတွေရှိရာ ခုတင်နားရောက်တော့ “အယ်...ဘွား တုတ်ကြီးနဲ့”ဆိုပြီး ဆရာမလေးတွေခမျာ အမယ်ကြီးသတ္တိကို မျက်လုံးလေးတွေပြူးလို့။ အဘိုးကြီးကိုအမှတ်ရနေပေမယ့် အမယ်ကြီးမြေးတွေကို စိတ်မချနိုင်တော့ တုတ်ကို ခုတင်တိုင်ထောင်ပြီး စွေ့ခနဲ ဝင်ထိုင်တော့ ပြဇာတ်ပထမဆုံးအခန်းက သေနတ်သံတွေနဲ့စတယ်။
“ခုခေတ် ဇာတ်ပွဲသေနတ်သံကလည်း ဝါးခြမ်းပြားကျိုးသလောက် မြည်သကိုး”လို့ အမယ်ကြီးပြောတော့ ဆရာမလေးတွေဆီက ရယ်သံတွေ ထွက်လာတယ်။ “အေးပေါ့အေ...ခေတ်ကလည်း ယမ်းမီးခြစ်ခေတ် မဟုတ်တော့ဘူး။ ဂတ်ဆီမီးခြစ်ခေတ်ကိုး”လို့ထပ်ပြောတော့ ဘေးခုတင်က ရယ်သံတွေအုန်းအုန်းထလို့။
သေနတ်ကြီးတကားကားနဲ့ ဟန်ပါပါထွက်လာတဲ့လူကြမ်းခမျာ ရန်ဖြစ်ထားတဲ့အရှိန်နဲ့လန့်ပြီး သူ့ဇာတ်ကွက်တွေမေ့၊ အမယ်ကြီးတို့ ခုတင်ဆီ ပြူးပြဲကြည့်နေတော့ တစ်ခါရယ်ကြပြန်တယ်။
နတ်တော်လပြည့်ညဆိုတော့ နှင်းတွေက မီးချောင်းတွေဆီမှာ အုံကျင်းဖွဲ့ချင်နေကြပြီ။
ပြဇာတ်မပြီးခင် နှစ်ခေါက်လောက် အဘိုးကြီးဆီပြန်ဖို့ အမယ်ကြီးစိတ်ကူးရှိသေးတယ်။ ပြဇာတ်လည်းထွက်ရော မပြန်နိုင်တော့ဘူး။ ဇာတ်က တော်တော်ကောင်းလာတယ်။ ပြဇာတ်မင်းသမီးနဲ့ မင်းသမီးကြီးက အပြင်မှာ သားအမိတဲ့။ ရွှေတံဆိပ်ကလည်း လေးငါးခုရထားတာဆိုတော့ ဇာတ်သိမ်းပိုင်းမှာ ပရိသတ်ခမျာ မျက်ရည်လေးတွေစမ်းစမ်းစမ်းစမ်း နဲ့။ အမယ်ကြီးခမျာလည်း ရွှေတံဆိပ်ဆုရှင်မင်းသမီးနှစ်လက် ကျပြတဲ့မျက်ရည်ထဲ ပိုးလိုးပက်လက်မျောသွားလိုက်တာ။ ကတ္တီပါကန့်လန့်ကာအနီကြီးကျလာမှ အိမ်ဘက် မနည်းပြန်ကူးရတယ်။

++++++++++++++++++++++++++++++++++++++++++++++++++++++++++++++++++++

ပွဲ ခင်းထဲမှာ လူငွေ့နဲ့နွေးနေပေမယ့် အပြင်မှာ လပြည့်ညက နှင်းမှုန်တွေနဲ့စိမ့်စိမ့်တုန်နေပြီ။ အိမ်ထဲဝင်တော့ နှစ်ပေမီးချောင်း ရောင်အောက်မှာ အဘိုးကြီးက ပက်လက်ကုလားထိုင် ကျောမှီလျက်ပဲ။
ခြုံပေးထားတဲ့စောင်က အောက်ရောက်နေတယ်။ ဘယ့်နှာတုံးလို့ အမယ်ကြီးတွေးရင်း စူးစမ်းကြည့်တော့ အဘိုးကြီးပေါင်ပေါ်မှာ ဓာတ်ပုံတွေ ထည့်ထားတဲ့ဘုတ်အုပ်ကြီးက ပွင့်လို့ လန်လို့။ အဲသဟာကြီးထယူရင်း စောင်မခြုံမိဘဲအိပ်ပျော်သွားတာဖြစ်မယ်။
တစ်သက်နဲ့တစ်ကိုယ် မဆိုဖူးတဲ့စကား၊ အမယ်ကြီးနဲ့များ ပွဲတောင်ကြည့်ဦးမတဲ့။ ကြည့်ရချေသေးလို့ စိတ်ထဲကပြောပြီး ဘုတ်အုပ်ကြီးကို အမယ်ကြီးကောက်သိမ်းတယ်။
ဒီဘုတ်အုပ်ကြီးထဲမှာ သားတွေမြေးတွေ လှူတုန်းကရိုက်ထားတဲ့ အဖြူအမည်းဓာတ်ပုံတွေရှိတယ်။ မင်္ဂလာဆောင်ပုံတွေ၊ ဘွဲ့ယူတုန်းကပုံတွေ ရှိတယ်။ ဆုရတဲ့တပည့်တွေကို ဆုပေးနေတဲ့ပုံတွေရှိတယ်။ အဘိုးကြီးက သူ့သားမြေးတွေ၊ တပည့်တွေကိုအမှတ်ရတိုင်း ဘုတ်အုပ်ကြီးနဲ့ တိုင်တည်တတ်တယ်။ လွမ်းတိုင်း လှန်တယ်။
“အဘိုးကြီး ထ၊ ပြဇာတ် ပြီးပြီ။ နှစ်ပါးသွားနဲ့ နောက်ပိုင်း စ တော့မယ်”လို့ နှိုးလိုက်တယ်။ အဘိုးကြီးက မလှုပ်ဘူးရယ်။ သြော်...ခက်ပြန် ပကော ဒီအဘိုးကြီးနှယ်လို့ စိတ်ထဲကညည်းတယ်။
“တော့် ကျောင်းဆရာ ထ၊ တစ်သက်နဲ့တစ်ကိုယ် ဒီတစ်ခါတော့ တော်နဲ့ကျုပ် စုံတွဲ ပွဲကြည့်ဖြစ်တော့မယ်။ တော်ကြည့်ချင်လို့သာရယ်၊ ဒီအရွယ်ကြီးရောက်မှ မြေးတွေကြား ကျုပ်ကတော့ ရှက်တတ်တတ်ပဲ”လို့ အမယ်ကြီး ရယ်မြူးသံနဲ့ပြောတာကို အဘိုးကြီးကမကြားဘူး။ အိပ်ပျော်နေတုန်းပဲ။
အမယ်ကြီး စိတ်မရှည်သလို အဘိုးကြီးခေါင်းကို မ နှိုးတော့ အဘိုးကြီးက တောင့်တောင့်ကြီးပါလာတယ်။ ဟင်...၊ ဘုရား... ဘုရား...။ အဘိုးကြီး... အဘိုးကြီးလို့ အသံမထွက်ဘဲရေရွတ်ရင်း ကုလားထိုင်ပေါ် ပြန်ချတယ်။ အမယ်ကြီး အသက်ရှူရပ်မတတ်မွန်းကျပ်ပြီး မျက်လုံးတွေပြာလာတယ်။
တွေတွေကြီး ရပ်ငေးကြည့်နေရင်း ကုလားထိုင်ရှေ့မှာ အမယ်ကြီး ဒူးတွေညွှတ်ခွေကျသွားတယ်။ အဘိုးကြီးရင်ခွင်ထဲ ခေါင်းထိုးအပ်တော့ ခါတိုင်းကြားနေကျ ရင်ခုန်သံက တိတ်လို့ဆိတ်လို့။ တဖြည်းဖြည်းကျလာတဲ့ကတ္တီပါကန့်လန့်ကာကြီးကို မျက်စိထဲပြန်မြင်တော့ အဘိုးကြီးရင်ခွင်ထဲက အမယ်ကြီးပိန်ပိန်ပါးပါးကိုယ်လုံးလေးက ဆတ်ခနဲ စ တုန်သွားတယ်။

++++++++++++++++++++++++++++++++++++++++++++++++++++
ပွဲခင်းထဲမှာ ပြဇာတ်ပြီး နောက်ပိုင်းကဖို့ မင်းသားမင်းသမီးတွေ အဝတ်လဲနေသလို၊ ပရိသတ်ကလည်း အကြော်ဆိုင်တွေထဲ ဝင်ကြထွက်ကြ နဲ့။ ဇာတ်ပွဲထုံးစံအတိုင်း ခဏနားသခိုက်မှာ ဇာတ်စင်က သီချင်းတွေ စဖွင့်ပေးတယ်။ ပွဲဦးတုန်းက ပြဇာတ်မင်းသမီး ဆိုခဲ့တဲ့သီချင်းက အုံ့ဖွဲ့ဖွဲ့နှင်းထုကိုဖြတ် အမယ်ကြီးတို့ကိုပွတ်သပ်ပြီးမှ ရွာဘက်ကိုထွက်သွားတယ်။

xxxညိုပြာပြာxxx လ တာပြင်ခြေရင်းxxx လှိုင်းတက်ရာ ဗေဒါတက်xxx လှိုင်း သက်ရာ ဆင်းxxx တဲ့။
အမယ်ကြီးဆီက အင့်ခနဲရှိုက်သံတစ်ချက် စ ထွက်လာတယ်။ သီချင်းက ပြန်ကျော့လာပြန်ပြီ။
xxxညိုပြာပြာxxx လ တာပြင်ခြေရင်းxxx လှိုင်းတက်ရာ ဗေဒါတက်xxx လှိုင်း သက်ရာ ဆင်းxxx တဲ့။
အမယ်ကြီးရှိုက်သံနဲ့ တဆတ်ဆတ်တုန်နေတဲ့ကိုယ်လုံးက စည်းချက်မှန်လာတယ်။
xxx နောက်တစ်ချီ xxx ဒီတစ်လုံးကxxx ဖုံးလိုက်ပြန်ရာxxx မြုပ်လေ ပေါ့xxx ပေါ်မလာxxx
မဖြစ်ဘူးလို့ စိတ်ကသိနေပေမယ့် တစ်နှစ်တခါ ရွာဘုရားပွဲကို စည်စည်ကားကားပြီးစေဆုံးစေရမယ်လို့ အမယ်ကြီး သည်းအူပြတ်မတတ် ဆုံးဖြတ်ချက်ချတယ်။ သီချင်းသံက အေးစိမ့်စိမ့်နှင်းထုထဲ လွင့်နေတုန်းပဲ။
xxxချောင်းအဆွယ် xxx မြောင်းသွယ်ထဲကxxx ဘဲထွက်လို့လာxxx ဘဲအုပ်က တစ်ရာနှစ်ရာxxx မဗေဒါက တစ်ပင်တည်းxxx
လယ်သူမအိုကြီးရဲ့ရှိုက်ငိုသံက ကျောင်းဆရာအိုကြီးရဲ့ ရင်ဘတ်ထဲကနေ ကွဲအက်အက်ကြီးထွက်လာသလို အားကိုးရာမဲ့ ဆုပ်ကိုင်ဖျစ်ညှစ်နေတဲ့အမယ်ကြီးလက်က အဘိုးကြီးလက်ထဲက စာရွက်တစ်ပိုင်းတစ်စကို စမ်းမိတယ်။
စာရွက်ကိုဆွဲထုတ်ပြီး အဘိုးကြီးရင်ခွင်ထဲမှာပဲ ဖြန့်တယ်။ ဝါကြင်ကြင်စာရွက်ဟောင်းထဲက ခဲတံရာတွေ အိုဟောင်းနေပေမယ့် အမယ်ကြီး မှတ်မိတယ်။ ကိုယ်တိုင်ရေးခဲ့တဲ့ စာ။ (မဲနု ဆိတ်တိုး နေသီ) တဲ့။
အမယ်ကြီးတစ်ကိုယ်လုံး အဘိုးကြီးရင်ခွင်ထဲ ပုံကျသွားတယ်။ ဒီတစ်ခါ တော့ ရှိုက်ငိုသံတောင် ထွက်မလာတော့ဘူး။ တဆတ်ဆတ်တုန်နေတဲ့ အမယ်ကြီးကိုယ်လုံးလေးလည်း ငြိမ်ကျသွားတယ်။
မြူးကြွတဲ့ ရှေ့ပိုင်းနဲ့ ငိုချင်းချတဲ့နောက်ပိုင်းကိုခွဲခြားထားတဲ့ ကတ္တီပါကားလိပ်ကြီးကတော့ ဇာတ်စင်ပေါ်က မီးရောင်အောက်မှာ ဖိတ်ဖိတ်လက်လို့။
အရုဏ်ဦး တုံးမောင်းခေါက်သံက နှင်းတွေကို လှုပ်ခါချနေသလိုပဲ။ ဖွေးဖွေးလှုပ်အောင် ကြွေကျလာတယ်။

အောင်ဖြိုးကျော်၊ ပခုက္ကူ၊

(ရွှေအမြုတေ မဂ္ဂဇင်း မေလ ၂ဝ၁၃)

ယူတာက ဒီနေရာကပါခင်ဗျား။ http://phopa-dwm.blogspot.com/2013/05/blog-post.html#more

read more

ဖိနှိပ်သွေးစုပ်မှုတွေရှိနေသမျှ တော်လှန်ရေးတွေရှိနေမယ် (ရဲဘော် ထင်ဦး)

ဖိနှိပ်သွေးစုပ်မှုတွေရှိနေသမျှ  တော်လှန်ရေးတွေ ရှိနေမယ်(ရဲဘော် ထင်ဦး)(အရေးတော်ပုံဂျာနယ် အတွဲ ၂၊ အမှတ် ၂ မှ) အုပ်စိုးသူလူတန်း စားက တော်လှန်ရေးဆိုတဲ့စကားလုံးကို မှေးမှိန်၊ သေးသိမ်အောင် ရည်ရွယ်ချက်ရှိရှိနဲ့လုပ်နေခြင်း၊ တိုင်းရင်းသူလွတ်တော်အမတ် တယောက်က ယခုတလော ကျင်းပနေဆဲ ပြည်သူ့လွတ်တော် အစည်းအဝေးတခုတွင် “တိုင်းရင်းသားတော်လှန်ရေးတပ်များ” ဆိုတဲ့ စကားလုံးအသုံးအနူန်းကို  သွေးရိုးသားရိုးပြောမိလိုက်တယ်။  လွတ်တော်ဥက္ကဌလုပ်တဲ့သူက ဟန်မဆောင်ပဲ ချက်ခြင်းဆိုသလို တူထုပြီး ရာဇသံပေး ဟန့်တားလိုက်တယ်။ ပြီးတော့ တော်လှန်ရေးဆိုတဲ့စကားလုံးကိုအသုံးမပြုဖို့ ပိတ်ပင်တားဆီးခြင်းခံလိုက်ရကြောင်း လွန်ခဲ့တဲ့ ရက်သတ္တ ၂ ပါက်လောက်က မီဒီယာအချို့တွင်ဖော်ပြခဲ့၊ ထုတ်လွင့်ခဲ့ကြတယ်။

ထို့အပြင် တော်လှန်ရေးဆိုတဲ့စကားလုံးကို တပြည်လုံးအပစ်အခတ်ရပ်စဲရေးသဘောတူညီချက်မူကြမ်း မှာလည်း “လက်နက်ကိုင် တော်လှန်ရေး”ဆိုတဲ့စကားလုံးကို ပယ်ဖျက်(အသုံးမပြုရန်)ပေးဖို့ အာဏာရအစိုးရဖက်ကတောင်းဆိုသံတွေကိုလည်း ကြားသိနေရတယ်။ လက်နက်ကိုင်တော်လှန်ရေးဆိုတဲ့စကားလုံးကို အခြားစကားလုံးများဖြင့်အစားထိုးဖို့ တောင်းဆိုလာတယ်။ ဒီအချက်ကလည်း  တိုင်းရင်းသားလက်နက်ကိုင်အင်အားစုအသီးသီးရဲ့ နိုင်ငံရေးသဘောထားကို သွေးတိုးစမ်းသပ်လိုက်တာသာဖြစ်တယ်။ ဒါ့အပြင် နိုင်ငံရေးအရအသာစီးယူကာ ချုပ်ချယ်ကန့်သတ်လိုက်တာလည်းဖြစ်တယ်။

အာဏာပိုင်တွေရဲ့ နိုင်ငံရေးသဘောထားကတော့ ရှင်းလင်းပြတ်သားလှတယ်။ တော်လှန်ရေးဆိုတဲ့စကားလုံး အသုံးအနှုန်းကို အစီအစဉ်ရှိရှိနဲ့ မှေးမှိန်၊ သေးသိမ်အောင်လုပ်ပြစ်မယ်။ ရုပ်ပျက်ဆင်းပျက်ဖြစ်အောင် လုပ်ပြစ်မယ်ဆိုတဲ့သဘောပဲ။  ဘာ့ကြောင့် ဒီလိုလုပ်ဆောင်နေတာလဲ။ အဓိက အချက် ၂ ချက်ကြောင့်ဖြစ်တယ်။ ပထမအချက်ကတော့ မည်သည့် လက်နက်ကိုင်တော်လှန်ရေးအင်အားစုတွေပဲဖြစ်ပါစေ၊ ယင်းတို့ရဲ့ နိုင်ငံရေးအဆင့်အတန်းကို နိမ့်ချပစ်ဖို့ (နိုင်ငံရေးအရ အသိအမှတ်မပြုလိုလို့) ဖြစ်တယ်။ ဒုတိယအချက်ကတော့ လူထုက တော်လှန်ရေးနည်းဖြင့် အုပ်စိုးသူလူတန်းစားကို တိုက်ခိုက်၊ ချေမှုန်းပစ်မှာကြောက်လန့်နေလို့ ဖြစ်တယ်။

အုပ်စိုးသူလူတန်းစားဟာ ရွံမုန်းခြင်းတဝက်၊ ထိတ်လန့်ခြင်းတဝက်နဲ့ တော်လှန်ရေးဆိုတဲ့စကားလုံးကို ပျောက်ကွယ်အောင် ရည်ရွယ်ချက်ရှိရှိ လုပ်ဆောင်နေတယ်ဆိုတာ မေ့မထားကြဖို့ပဲ။ တော်လှန်ရေးတွေပေါ်ပေါက်စေတဲ့အကြောင်းအရင်းက ဘယ်မှာတည်ရှိနေသလဲ၊ တော်လှန်ရေးလို့ပြောရင် လူမှုတော်လှန်ရေးကိုပဲရည်ညွှန်းပြီး ပြောဆိုကြတာပါ။ လူ့အဖွဲ့အစည်းဖြစ်ပေါ်တိုးတက်မှု (ဖွံ့ဖြိုးမှု)တိုင်းဟာ လူမှုတော်လှန်ရေးတွေဆင်နွှဲခဲ့ကြလို့သာ ရှေ့တဆင့်ပြီးတဆင့် မြင့်တက်လာခဲ့ကြတာဖြစ်တယ်။ လူ့အဖွဲ့အစည်းဖြစ်ပေါ်တိုးတက်မှုနှုန်း နှေးကွေး၊ ရပ်တန့်လာပြီဆိုရင်တော့ လူမှုပဋိပက္ခတွေ သည်းသန်ပြင်းထန်လာတတ်ပါတယ်။ လူ့အဖွဲ့အစည်းတိုင်းရဲ့ ဖြစ်ပေါ်တိုးတက်မှုဟာ လူမှုပဋိက္ခတွေကိုရင်ဆိုင်ရုန်းကန်ပြီးမှသာ ရရှိလာတဲ့ အကျိုးရလာဒ်တွေဖြစ်တယ်။ ဆိုလိုတာက ဘယ်လူ့အဖွဲ့အစည်းမဆို တော်လှန်ရေးနည်းဖြင့်သာ ရှေ့သို့ဖြစ်ပေါ်တိုးတက်သွားကြတယ်ဆိုတာပါပဲ။

လူမှုပဋိပက္ခတွေအကြောင်းပြောရင် လူတန်းစားတိုက်ပွဲအကြောင်း ပြောရတာချည်းပါပဲ။ လူတန်းစားတွေနဲ့ဖွဲ့တည်နေတဲ့ လူ့အဖွဲ့အစည်းတိုင်းမှာ လူတန်းစားတိုက်ပွဲတွေ အဆက်မပြတ် စက္ကန့်မခြားဖြစ်ပေါ်နေတယ်။ လူတန်းစားတိုက်ပွဲကို နိုင်ငံရေးတိုက်ပွဲ၊ စီးပွားရေးတိုက်ပွဲ၊ အတွေးအခေါ်တိုက်ပွဲဆိုတဲ့ပုံသဏ္ဍာန်တွေနဲ့ဖော်ပြကြတယ်။ လူတန်းစားတိုက်ပွဲဖြစ်တဲ့နေရာတိုင်းမှာ လူမှုအုပ်စုတွေက ဘက် ၂ ဘက်အဖြစ် အမြဲတမ်းတွေ့ရလေ့ရှိတယ်။ အဲဒီအုပ်စုတွေကတော့ အုပ်စိုးသူနဲ့အုပ်စိုးခံ၊ သွေးစုတ်သူနဲ့သွေးစုတ်ခံ၊ အခွင့်အရေးရသူနဲ့ အခွင့်အရေးမဲ့သူ စသည်တို့ဖြစ်တယ်။ အဲဒီဆန့်ကျင်ဘက်အုပ်စု ၂ ခုဟာ အကျိုးစီးပွားအရ အမြဲတမ်းအတိုက်အခံ(ပဋိပက္ခ)ဖြစ်နေတယ်။ နေရာတိုင်းမှာ၊ စက္ကန့်တိုင်းမှာ ဗြောင်တမျိုး၊ တိတ်တိတ်တမျိုး ဖြစ်ပေါ်နေတယ်။ ဒီပဋိပက္ခတွေ ပြေငြိမ်းသွားခြင်းမရှိတော့တဲ့အခါ လူတန်းစားတိုက်ပွဲ (နိုင်ငံရေး၊ စီးပွားရေးနဲ့အတွေးအခေါ်အယူအဆတိုက်ပွဲများ)အဖြစ် ဗြောင်ဖော်ပြလာကြတယ်။

ဒီအခြေအနေရောက်လာတဲ့အခါ လူအဖွဲ့အစည်းတွင် အုပ်စိုးသူလူတန်းစားက ဖိနှိပ်သွေးစုတ်မှုတွေကို နည်းသဏ္ဍာန်ပေါင်းစုံကျင့်သုံး လာတတ်တယ်။ အုပ်စိုးခံလူတန်းစားဘက်ကလည်း နည်းသဏ္ဍာန်ပေါင်းစုံနဲ့ ခုခံတော်လှန်ကြတော့တာပါပဲ။ တော်လှန်ရေးတွေ ပေါ်ပေါက်လာရခြင်းရဲ့အဓိကအကြောင်းအရင်းကတော့  နိုင်ငံရေးအရဖိနှိပ်မှုနဲ့ စီးပွားရေးအရသွေးစုတ်မှုတွေ ပြင်းထန်ရက်စက်တဲ့ နေရာတိုင်းကနေ သန္ဓေတည်မွေးဖွားပေးနေတယ်ဆိုတာပါပဲ။

မျက်မှောက် ဗမာပြည်လူ့အဖွဲ့အစည်းမှာကော လူမှုတော်လှန်ရေးတွေ တကယ်ပဲဆိတ်သုဉ်းသွားပြီးလား၊

မျက်မှောက်နိုင်ငံရေးလောကတွင် အုပ်စိုးသူလူတန်းစားမပြောနဲ့ အုပ်စိုးသူလူတန်းစားကိုအတိုက်အခံလုပ်မယ်ဆိုတဲ့သူတွေကတောင် လူတန်းစားနဲ့ လူတန်းစားတိုက်ပွဲအကြောင်းပြောမိရင် မသိမသာ နှာခေါင်းရှုံ့ကြတာမျိုး ကြုံတွေ့ခဲ့ရဖူးတယ်။ တော်လှန်ရေးဆိုတဲ့ စကားကိုလည်း မိုးမွမ်အောင်ပြောဆိုနေရာမှ တဖြည်းဖြည်း အသံများတိမ်နစ်သွားတဲ့အဖြစ်မျိုးကိုလည်း မြင်တွေ့ခဲ့ရဖူးတယ်။ လူတန်းစားနဲ့ လူတန်းစားတိုက်ပွဲတွေ၊ လူမှုတော်လှန်ရေးစတဲ့အချင်းအရာတွေက တကယ်ကော လူ့အဖွဲ့အစည်းအတွင်းမှာ မရှိတော့ဘဲ ပျောက်ကွယ် သွားပြီးလား တွေးထင်စရာ ဖြစ်လာတယ်။

ဒါဆိုရင် လူ့အဖွဲ့အစည်းထဲက တကယ့်ဖြစ်ရပ်မှန်(လူမှုလက်တွေ့)များကိုတော့ ကြည့်မြင်တတ်ဖို့လိုအပ်လာပြီလို့ ယူဆမိတယ်။ လူ့အဖွဲ့အစည်းရဲ့ တကယ့်ဖြစ်ရပ်မှန်ကိုလေ့လာတော့မယ်ဆိုရင် လူမှုဘဝတွေထဲက ရူန်းကန်လှုပ်ရှားမှုများပေါ်အခြေခံပြီး စဉ်းစားဆင်ခြင် ကြရတာပါပဲ။ လူမှုဘဝတွေကိုပဲ ထပ်မံခွဲခြမ်းစိတ်ဖြာကြည့်မယ်ဆိုရင် လူ့အဖွဲ့အစည်းထဲက နိုင်ငံရေးဘဝ၊ စီးပွားရေးဘဝ၊ လူမှုရေးဘဝတွေရဲ့ ဖြစ်တည်နေမှု၊ ရုန်းကန်လှုပ်ရှားနေမှု၊ ဖြစ်ပေါ်တိုးပွားနေမှုတွေကို မုချ စူးစမ်းလေ့လာမှုလုပ်ကြရတာပဲ မဟုတ်ပါလား။

“တကယ့်ဖြစ်ရပ်မှန်မှ အမှန်တရားကိုရှာဖွေကြ”ဆိုတဲ့ သိပ္ပံနည်းကျသဘောတရားကိုလမ်းညွှန်အဖြစ်ထားပြီး လူ့အဖွဲ့အစည်းထဲက လူမှုလက်တွေဘဝတွေကို လေ့လာကြည့်ဖို့လိုအပ်လာပါပြီ။ အထူးသဖြင့် လူထု၊ လူတန်းစား၊ လူ့အလွှာများရဲ့ ရုန်းကန်လှုပ်ရှားနေမှုတွေကို အာရုံစိုက်ကြည့်ရတော့မယ်။ လူထုတွေရဲ့ရုန်းကန်လှုပ်ရှားမှုထဲကပေါ်ထွက်လာတဲ့အသံတွေက မျက်မှောက်လူ့အဖွဲ့အစည်းမှာဖြစ်ပေါ်နေတဲ့ နိုင်ငံရေးဘဝ၊ စီးပွားရေးဘဝတွေရဲ့အခြေအနေများ ထင်ဟပ်စေတယ်။ လူ့အဖွဲ့အစည်းရဲ့လက္ခာဏာကို သိနားလည်စေရာတွင် အထောက်အကူရစေပါလိမ့်မယ်။

ထိ"တွေ့ သိမြင်လာတာတွေထဲမှာ အထင်အရှားဆုံးနဲ့အပေါ်လွင်ဆုံးဖြစ်ရပ်မှန်တွေကတော့ လူထုတွေရဲ့ နိုင်ငံရေးအရတောင်းဆိုတိုက်ပွဲဝင် သံများ၊ စီးပွားရေးအရ တောင်းဆိုတိုက်ပွဲဝင်သံများ၊ အခွင့်အရေးအတွက် တောင်းဆိုတိုက်ပွဲဝင်သံများ၊ လွတ်လပ်မှုအတွက် တောင်းဆိုတိုက် ပွဲဝင်သံများ၊ တရားမျှတမှုအတွက် တောင်းဆိုတိုက်ပွဲဝင်သံများစတဲ့ အသံမျိုးစုံကို  နေရာတိုင်းထောင့်တိုင်းမှာ တွေ့မြင်၊ ကြားသိနေရတယ်။

လူထုတွေရဲ့ နိုင်ငံရေးအရ တောင်းဆိုတိုက်ပွဲဝင်သံတွေထဲမှာ အထင်ရှားဆုံးနဲ့အသိသာဆုံးက ၂ဝဝ၈ ဖွဲ့စည်းပုံအခြေခံဥပဒေပြင်ဆင်ရေး၊ ဖျက်သိမ်းရေးလူထုတိုက်ပွဲဖြစ်တယ်။ လူထုအင်အား ထောင်၊ သောင်း၊ သိန်းဂဏန်းချီပြီး စုဝေးဆန္ဒပြတောင်းဆိုနေကြတယ်။ လွတ်တော်ထဲမှာလည်း ဥပဒေတွင်းတိုက်ပွဲသဏ္ဍာန်နဲ့ တောင်းဆိုကန့်ကွက်သံတွေပေါ်ထွက်လာနေတယ်။ ဒါ့အပြင် တိုင်းရင်းသားဒေသအချို့ (ကချင်ပြည်နယ်၊ တအောဝ်း(ပလောင်)ဒေသ၊ ရှမ်းပြည်နယ်)မှာတော့ လက်နက်ကိုင်တိုက်ပွဲများဆင်နွဲပြီး တန်းတူရေးနဲို့ယ်ပိုင်အုပ်ချုပ်ခွင့် အခွင့်အရေးတွေတောင်းဆို ဖော်ပြနေကြတယ်။

စီးပွားရေးတိုက်ပွဲဖက်ကကြည့်ရင်လည်း လယ်သမားတွေရဲ့ မြေယာပြန်လည်ရရှိရေးတိုက်ပွဲဟာ နေရာများစွာမှာ နေ့စဉ်ဖြစ်ပေါ်နေတယ်။ လယ်သမားတွေရဲ့အကျိုးစီးပွား အများဆုံးထိခိုက်နစ်နာနေတဲ့ ဒေသတွေမှ (လက်ပံတောင်း၊ ထားဝယ်၊ အောင်ကုန်း၊ ညောင်ဝန်း၊ ဆင်ပေါင်ဝဲ၊ မိချောင်းကန်၊ ပေကြီး၊ ထောက်ရှာအိုင်၊ ဧရာဝတီတိုင်းစတဲ့)ဒေသတွေမှာ ထွန်တုံးတိုက်ပွဲများနဲ့ ဆန္ဒပြပွဲများ အဆက်မပြတ်နေ့စဉ်ဖြစ်ပေါ် နေတယ်။ လယ်သမားတွေရဲ့တောင်းပွဲတိုက်ပွဲတွေကို အာဏာပိုင်အဖွဲ့အစည်းများက လက်နက်ကိုင်တပ်ဖွဲ့များဖြင့် အကြမ်းဖက်ဖြိုခွဲ ခဲ့ကြတယ်။ ဖြိုခွဲနေဆဲလည်းဖြစ်တယ်။ လယ်သမားအများအပြားကို အုပ်ချုပ်ရေးအာဏာအသုံးပြုပြီး ထောင်သွင်းအကျဉ်းချခဲ့တယ်။ တရားဥပဒေဖြင့်နှိပ်ကွပ်နေဆဲလည်း ဖြစ်တယ်။

စီးပွားရေးတိုက်ပွဲဘက်ကကြည့်ရင် လယ်သမားလူတန်းစားသာမ အလုပ်သမားလူတန်းစားတွေရဲ့ လုပ်အားခတိုးမြှင့်ပေးရေးသပိတ်တိုက်ပွဲ တွေကလည်း ဆက်တိုက်ပေါ်ထွန်းလာနေတယ်။ ဖိနှိပ်မှုတွေပေါ်လာတိုင်း ကျောင်းသားထုရဲ့အခွင့်အရေးတိုက်ပွဲ၊ (အမျိုးသာပညာရေးဥပဒေ မူကြမ်းကို ကန့်ကွက်ဆန္ဒပြခြင်း) ၊ ချင်းပြည်နယ် အမျိုးသမီးများရဲ့အမျိုးသမီးအခွင့်အရေးတိုက်ပွဲ၊ သတင်းထောက်တွေရဲ့မီဒီယာလွတ်လပ်ခွင့် အတွက်ဆန္ဒပြပွဲများ စတာတွေကလည်း တခုပြီးတခုပေါ်ထွက်လာနေတယ်။ ဒီဖော်ပြချက်တွေကလည်း လူ့အဖွဲ့အစည်းအတွင်းမှာ လွတ်လပ်မှုနဲ့တရားမမျှတမှုမရှိတာ၊ ဖိနှိပ်ချုပ်ချယ်မှုတွေက နေရာမလပ်ဖြစ်တည်နေတယ်ဆိုတာကို သက်သေခံနေပါတယ်။

နိုင်ငံရေးတိုက်ပွဲ၊ စီးပွားရေးတိုက်ပွဲတွေဆိုတာက အလိုအလျှောက်ဖြစ်ပေါ်နေတာမဟုတ်။ တိုင်းပြည်ရဲ့အာဏာရလူတန်းစားတွေက နိုင်ငံရေးအရဖိနှိပ်မှု၊ စီးပွားရေးအရလက်ဝါးကြီးအုပ်သွေးစုပ်မှုတွေကို မခံမရပ်နိုင်ဖြစ်ကာ  တောင်းဆိုတိုက်ပွဲဝင်ကြရတာ၊ ခုခံရေးစစ်ပွဲတွေ ဆင်နွဲကြရတာဖြစ်တယ်။ အဖိနှိ်ပ်ခံ၊ သွေးစုပ်ခံ လူတန်းစားပေါင်းစုံဟာ “ဖိရင်ကြွမယ်၊ ထိရင်ချမယ်”ဆိုတဲ့သဘောတရားကိုကိုင်စွဲပြီး ဖိနှိပ်အုပ်စိုးသူ၊ သွေးစုပ်သူအဆက်ဆက်ကို ရင်ဆိုင်တုံ့ပြန်ခဲ့ကြတယ်။လူ့အဖွဲ့အစည်းမှာပေါ်ပေါက်ခဲ့တဲ့၊ ပေါ်ပေါက်နေတဲ့လူမှုပဋိက္ခတွေဟာ စနစ်ကျသော၊ ဦးတည်းချက်ရှိသော လူမှုတော်လှန်ရေးတရပ်ဆီသို့ တဖြည်းဖြည်း ဖြစ်ပေါ်တိုးတက်သွားခဲ့တာချည်းဖြစ်တယ်။ လူထုတွေရဲ့  လွတ်မြောက်ရေးတိုက်ပွဲမှန်သမျှဟာ လူမှုတော်လှန်ရေးတွေပဲဖြစ်တယ်။ မျက်မှောက်ကာလမှာဆိုရင် လူမှုတော်လှန်ရေးတွေဟာ ပျောက်ကွယ်မသွားတဲ့အပြင် ပိုမိုကျယ်ပြန့်လာ၊ ပိုမိုနက်ရှိုင်းလာတယ်လို့တောင် ပြောလို့ရပါတယ်။ ဖိနှိပ်သွေးစုပ်မှုတွေရှိနေသမျှ  တော်လှန်ရေးတွေရှိနေမယ်လက်ရှိ ကြံ့ဖွံအစိုးရဟာ နိုင်ငံရေးအာဏာကိုတရားဝင်ဆုပ်ကိုင်ခွင့်ရလိုက်ပြီဆိုတာနဲ့ ယခင် စစ်အုပ်စု အဆက်ဆက်ရဲ့အမွေဆိုး (နိုင်ငံရေးအရဖိနှိပ်မှု၊ စီးပွားရေးအရလက်ဝါးကြီးအုပ်မှု)တွေကို ထိန်းသိမ်းကာကွယ်ခွင့်၊ တိုးချဲ့ခွင့်တွေ အလိုလို ရလာခဲ့တယ်။ ဒီလိုအခွင့်အလမ်းရလိုက်တာနဲ့ပဲ ခေတ်မီနိုင်ငံတော်ကြီးကို ဘယ်လိုတည်ဆောက်မယ်၊ ဆင်းရဲမှုပပျောက်ရေးကို တနှစ် ရာခိုင်နှုန်းဘယ်လောက်ကျဆင်းစေရမယ်ဆိုပြီး ဟိတ်ဟန်ထုတ် ကြွေးကြော်ဝါဒဖြန့်ခဲ့တယ်။ တကယ်လက်တွေ့တွင် တိုင်းပြည်ဟာ ဆင်းရဲတွင်းနက်သထက် နက်လာတယ်။ လူမှုမတည်ငြိမ်မှုတွေကနေရာတိုင်းမှာ ဖြစ်ပေါ်လာနေတယ်။ လူမှုပဋိပက္ခတွေကလည်း သည်းသန်ပြင်းထန်လာနေတယ်။ တိုင်းပြည်ရဲ့ဖွံ့ဖြိုးတိုးတက်မှုနှုန်း နှေးကွေး နောက်ဆုတ်လာနေတယ်။ ဒီလိုဖြစ်ပျက်နေတာတွေကို အာဏာရအစိုးရက မမြင်ချင်ယောင်ပြုနေပေမယ့် ကမ္ဘာကြီးကတော့ ဗမာပြည်ရဲ့ဖွံ့ဖြိုးတိုးတက်မှုနူန်းကို မျက်ခြေမပြတ်စောင့်ကြည့် နေခဲ့တယ်။ မကြာမီကထုတ်ပြန်ခဲ့တဲ့ ကုလသမဂ္ဂဖွံ့ဖြိုးရေးအစီအစဉ် UNDP က ထုတ်ပြန်ခဲ့တဲ့ လူသားဖွံ့ဖြိုးမှုအစီရင်ခံစာ (၂ဝ၁၄) အရဆိုလျှင် ဗမာပြည်ဟာ အဆင့် ၁၅ဝ မှာ ရပ်တည်နေတယ်။ မနှစ်ကထက် အဆင့်တဆင့်လျှောကျသွားတယ်လို့ဆိုတယ်။ ဗ

မာနိုင်ငံဟာ လူသား ဖွံ့ဖြိုးမှုအညွှန်းကိန်း HDI အရ  အရှေ့တောင်အာရှနိုင်ငံများတွင် အောက်ဆုံးအဆင့်ကရပ်တည်နေတယ်လို့လည်း ဖော်ပြထားပါသေးတယ်။ တိုင်းပြည်တပြည်ရဲ့ လူအဖွဲ့အစည်းတခုလုံး ဆင်းရဲမွဲတေမှုဖြစ်သွားရတာ၊  လူမှုမတည်ငြိမ်မှုတွေ၊ လူမှုပဋိပက္ခတွေ အဆက်မပြတ်ပေါ်ပေါက်နေတာ အကြောင်းမဲ့မဟုတ်ဘူး။ အဲဒီတိုင်းပြည်ကိုအုပ်စိုးတဲ့သူလူတန်းစားတွေရဲ့ဖိနှိပ်သွေးစုပ်မှု ပြင်းထန်ရက်စက် လွန်းတာကြောင့် ဖြစ်တယ်။ ဒါကြောင့်လည်း လူမှုတော်လှန်ရေးတွေ ပေါ်ပေါက်လာခဲ့ရတာပါ။ လူမှုတော်လှန်ရေးတွေ ပေါ်ပေါက်လာပြီ ဆိုတာနဲ့ အုပ်စိုးသူလူတန်းစားတိုင်းဟာ တော်လှန်ရေးတွေကို အစွမ်းကုန်နှိပ်ကွပ်တော့တာပါပဲ။ တော်လှန်ရေးတွေရဲ့အခန်းကဏ္ဍကိုလည်း  မှေးမှိန်၊ သေးသိမ်အောင်လုပ်တတ်ကြတယ်။ အဖိနှိပ်ခံလူတန်းစားတွေဖြစ်တဲ့ လူထု၊ လူတန်းစားအသီးသီးကလည်း မိမိတို့လွတ်မြောက်ရေး အတွက် “သူသေ၊ကိုယ်ရှင်” ရုန်းကန်တိုက်ပွဲဆင်နွဲရတော့တာပါပဲ။ အုပ်စိုးသူနဲ့အုပ်စိုးခံတို့ရဲ့လူတန်းစားတိုက်ပွဲဟာ မျိုးဆက်ချီပြီးကြာမြင့် တတ်ပါတယ်။ တကယ်တော့ လူမှုတော်လှန်ရေးဆိုတာ ဖောက်ပြန်တဲ့လူနေမှုစနစ်ဟောင်းကို ဖြိုဖျက်တဲ့ဖြစ်စဉ်တခုဖြစ်တယ်။ ဒီအပြင် တိုးတက်သစ်လွင်တဲ့လူနေမှုစနစ်သစ်ကို ဖန်တီးတီထွင်တဲ့ဖြစ်စဉ်တခုလည်းဖြစ်တယ်။ ပြီးတော့ လူမှုတော်လှန်ရေးတွေကို တဦးတယောက်တည်းက ဖန်တီးလို့မရသလို၊ တစုံတယောက်က မကြားလို၊ မမြင်လိုလို့ မှေးမှိန်ပျောက်ကွယ်သွားအောင်လည်း လုပ်လို့မရပါဘူး။ အကြောင်းမှာ လူမှုတော်လှန်ရေးဆိုတာ အလွန်ပြင်းအားကြီးတဲ့စွမ်းအားတွေပိုင်ဆိုင်နေလို့ပါပဲ

။အုပ်စိုးသူလူတန်းစားဟာ ဘယ်လောက်ပဲ တော်လှန်ရေးတွေကို ချိုးနှိမ်ဖိနှိပ်ပါစေ၊ တော်လှန်ရေးဆင်နွှဲရမယ့်အချိန်ကာလ ဘယ်လောက်ပဲ ကြာမြင့်ပါစေ သမိုင်းဖြစ်ပေါ်တိုးပွားမှုတရား (သမိုင်းရုပ်ဝါဒအမြင်)အရကြည့်ရင် လူထုဟာ သမိုင်းကိုဖန်တီးသူဖြစ်တယ်။ လူထုဟာ တော်လှန်ရေးနည်းဖြင့် အုပ်စိုသူလူတန်းစားရဲ့ဖောက်ပြန်တဲ့လူနေမှုစနစ်ဟောင်းကိုဖြိုဖျက်ကာ အောင်ပွဲခံအနိုင်ယူကြပါလိမ့်မယ်။ ဒါဟာ ရှောင်လွဲမရတဲ့ သမိုင်းဖြစ်ပေါ်တိုးပွားမှုတရားဖြစ်တယ်။

read more

စစ်အာဏာရှင်စနစ်ကိုတိုက်ဖျက်မယ့်တပ်ပေါင်းစုတရပ် လိုအပ်နေပြီ (မောင်မိုးဦး)

စစ်အာဏာရှင်စနစ်ကိုတိုက်ဖျက်မယ့် တပ်ပေါင်းစုတရပ် လိုအပ်နေပြီ (မောင်မိုးဦး)သမ္မတ ဦး(ဗိုလ်)သိန်းစိန်က သူ့အစိုးရအဖွဲ့ဝင်ဝန်ကြီး၊ ဒုဝန်ကြီးတွေ ပါဝင်တက်ရောက်တဲ့ အစိုးရအဖွဲ့အစည်းအဝေးမှာ လုပ်ငန်းတွေ ပထမအဆင့်၊ ဒုတိယ အဆင့်တွေပြီးမြောက်လို့ တတိယအဆင့်ကို တက်လှမ်းရမယ်လို့ပြောပါတယ်။ သမ္မတက လှိုင်း(Wave)လို့ သုံးနှုန်း သွားပါတယ်။

သမ္မတဦး(ဗိုလ်)သိန်းစိန် သမ္မတသက်တမ်းမှာ ဘာတွေများ လုပ်ကိုင်ဖြေရှင်းခဲ့တာရှိသလဲ။ သန့်ရှင်းတဲ့အစိုးရ၊ ကောင်းမွန်တဲ့ စီမံအုပ်ချုပ်မှုကောင်းတဲ့အစိုးရဆိုပြီး အသံကောင်းဟစ်ကာ တက်လာတဲ့အစိုးရက ဘာပြဿနာတွေကို ဘယ်လိုဖြေရှင်းခဲ့သလဲ။

အလုပ်သမားတွေရဲ့ပြဿနာတွေကိုဖြေရှင်းဖို့  အခြေခံကလေးတောင် မချမှတ်နိုင်တာတွေ့ရတယ်။ အလုပ်သမားတွေမှာ တနေ့အလုပ်ချိန်(၈) နာရီထက်ကျော်ပြီး အလုပ်လုပ်နေရတယ်။ အဲ့ဒီအလုပ်လုပ်နေတာတောင် ရရှိတဲ့လုပ်ခဟာ အလုပ်သမားတယောက်အတွက် စားဖို့ဝတ်ဖို့နေဖို့အတွက် လုံလောက်မှုမရှိဘူး။ မိသားစုအတွက်ဆိုရင် ဝေလာဝေးပဲ။ ဒီလောက်နိမ့်ကျ ကျပ်တည်းနေတဲ့ အလုပ်သမားဘဝကို အဆင်ပြေအောင် သမ္မတဦး(ဗိုလ်)သိန်းစိန်အစိုးရက ဘာများဖြေရှင်းပေးခဲ့သလဲ။၊

လယ်သမားတွေရဲ့ မြေယာပြဿနာ၊ စားဝတ်နေရေး ပြဿနာတွေကို သမ္မတဦး(ဗိုလ်)သိန်းစိန် ဘယ်လိုဖြေရှင်းခဲ့သလဲ၊ လယ်သမားတွေမှာ မြေမဲ့ယာမဲ့ဘဝတွေဖြစ်ပြီး ဆင်းရဲငတ်ပြတ်နေ၊ ကြွေးလည်း လည်ပင်းခိုက်နေ၊ လူစဉ်မမီဖြစ်နေတာကိုမျက်ကွယ်ပြုပြီး အကြွေးဆပ်နိုင်ဖို့ ထမင်းတနပ်လျှော့စားခိုင်းတဲ့နည်းနဲ့ လယ်သမားပြဿနာကိုဖြေရှင်းတဲ့အစိုးရမျိူး ဖြစ်နေတယ်။

ဆင်းရဲမွဲတေမှုပပျောက်ရေးကြွေးကြော်ပြီး ဆင်းရဲသားတွေဘဝကို ဘယ်လိုမြှင့်တင်ခဲ့သလဲ။ ဆင်းရဲသားတွေ ချောင်လည်လာအောင်နဲ့ လူလူသူသူနေနိုင်အောင် လုပ်ပေးတာတခုမှမရှိဘဲ ဆင်းရဲသားတွေ နေစရာထိုင်စရာပါမရှိတော့အောင်လုပ်ပြီး စားရမဲ့သောက်ရမဲ့ဖြစ်အောင် လုပ်တာပဲတွေ့နေရတယ်။  ဆင်းရဲမွဲတေမှု မပပျောက်ဘဲ ဆင်းရဲသားတွေအသက်ပျောက်ရမယ့်ကိန်းပဲ ဆိုက်နေတယ်။

လူမှုရေး၊ ကျန်းမာရေး၊ ပညာရေး၊ ယဉ်ကျေးမှုနယ်ပယ်တွေမှာလည်း သပွတ်အူလည်နေတယ်။ အဲဒီနယ်ပယ်တွေမှာ သမ္မတ ဦး(ဗိုလ်)သိန်းစိန်အစိုးရက ဘာတခုလေးများ ပြေလည်အောင်ဖြေရှင်းပြီးပြီလဲ။ ပညာရေးမြှင့်တင်ဖို့လမ်းစလေးတောင် မဖော်နိုင်သေးဘူး။

လူမျိူးရေး၊ ဘာသာရေး ပဋိပက္ခတွေကို ပြေလည်အောင်ဖြေရှင်းတာမလုပ်တဲ့အပြင် မီးလောင်ရာလေပင့်တာတွေတောင် လုပ်နေတယ်။ ဗိုလ်နေဝင်းရဲ့ပေါ်လစီဖြစ်တဲ့ ဘုန်းကြီးတွေကိုဘုန်းကြီးတွေနဲ့တိုက်ဆိုတဲ့ပေါ်လစီကို ဆက်ပြီးခန့်ခွဲနေတာပဲတွေ့နေရတယ်။

သမ္မတဦး(ဗိုလ်)သိန်းစိန်ရဲ့ အစိုးရသက်တမ်းတလျှောက်မှာ ထုတ်လုပ်ရေးတွေကျဆင်းနေတယ်။ ဒါပေမယ့် သယံဇာတပစ္စည်းတွေ ရောင်းချတာ၊ သစ်နဲ့သစ်တောထွက်ပစ္စည်းတွေ ရောင်းစားတာ၊ ရေကာတာတည်ဆောက်ပြီး မြေစာတွေ (ရွှေစရွှေနတွေပါတဲ့မြေစာ) ရောင်းစားတာအထိလုပ်ပြီး  GDP မြင့်တက်အောင်တော့ လုပ်ပြတယ်။

သမ္မတဦး(ဗိုလ်)သိန်းစိန်က သူ့သမ္မတသက်တမ်းမှာ ငြိမ်းချမ်းရေးရအောင် တည်ဆောက်မယ်လို့ပြောတယ်။ ဦး(ဗိုလ်)အောင်မင်းကို ပြေးလွှားလွန်းထိုးခိုင်းပြီး လက်နက်ကိုင်အဖွဲ့အစည်းတွေက အပစ်အခတ်ရပ်စဲရေးကိုလက်ခံလာအောင် နားချဖြားယောင်းတာတွေလုပ်တယ်။ ဦး(ဗိုလ်)အောင်မင်းက လက်နက်ကိုင်အဖွဲ့အစည်းတွေကိုအယုံသွင်းရာမှာ နှုတ်လွန်သွားတဲ့အတွက် ဝန်ကြီး(ဗိုလ်) ဦးအောင်မင်းက ကာကွယ်ရေးဦးစီးချုပ်ဗိုလ်မင်းအောင်လှိုင်ကို ခယဝပ်တွား တောင်းပန်ရတဲ့အခြေဆိုက်သွားတယ်။ အဲဒီလို တောင်းပန်လိုက်တဲ့အခါမှာ အပစ်အခတ်ရပ်စဲရေး ငြိမ်းချမ်းရေးဆွေးနွေးတာတွေဟာ တကယ်တော့ လက်နက်ကိုင်အဖွဲ့အစည်းတွေကို လက်နက်ချဖို့ ဖြားယောင်းနေတာပဲဆိုတာ ဘူးပေါ်သလိုပေါ်သွားတယ်။ ဘာ့ကြောင့်လဲဆိုတော့ အပစ်အခတ်ရပ်စဲရေးအတွက် ဗိုလ်မင်းအောင်လှိုင် ချပေးတဲ့မူ(၆)ချက်ဟာ လက်နက်ချအညံ့ခံရေးပဲဆိုတာ ရှင်းရှင်းလင်းလင်း ဖော်ပြထားလို့ပါပဲ။ သမ္မတဦး(ဗိုလ်)သိန်းစိန်အစိုးရရဲ့ ရည်ရွယ်ချက်ကိုက လက်နက်ချပြီးမှ ငြိမ်းချမ်းရေးဆွေးနွေးမယ်ဆိုတဲ့သဘောပါ။ ဒါကြောင့် အခု အပစ်အခတ်ရပ်စဲရေးကိစ္စတွေမှာပဲ တစ်ဆို့ဖြစ်နေတာပါ။

ဗမာပြည် ပြည်တွင်းစစ်တလျှောက် ငြိမ်းချမ်းရေးဆွေးနွေးပွဲ (ဗြောင်ရော လျှို့ဝှက်ပါ) အကြိမ်အတော်များများ လုပ်ခဲ့ဖူးပါတယ်။ ဘယ်ဆွေးနွေးပွဲမှာမဆို အပစ်အခတ်ရပ်စဲရေးဆွေးနွေးတဲ့အဆင့်မှာပဲ အမြဲပျက်သွားပါတယ်။ အဲဒီ အပစ်အခတ်ရပ်စဲရေးအဆင့်မှာ လက်နက်ချသွားသူတွေကိုတော့ လက်နက်နဲ့ဒီမိုကရေစီလဲတယ်၊ လက်နက်နဲ့ ငြိမ်းချမ်းရေးလဲတယ်၊ ငြိမ်းချမ်းရေးနဲ့ ဖွံ့ဖြိုးရေးလုပ်တယ်ဆိုပြီး အမျိူးမျိူးသုံးနှုန်းခဲ့တယ်။ လက်နက်မချသူတွေကိုတော့ သောင်းကျန်းသူအဖျက်သမားများဆိုပြီး၊ အမြစ်ပြတ်ချေမှုန်းရေးလုပ်ကြပါတယ်။ အခု သမ္မတဦး(ဗိုလ်)သိန်းစိန်အစိုးရဟာ အုပ်စိုးသူအဆက်ဆက်ရဲ့အမွေခံပီပီ အဲဒီပေါ်လစီကိုခန့်ခွဲနေတာပါပဲ။ နဝတ၊ နအဖနဲ့ အခု ဦး(ဗိုလ်)သိန်းစိန်အစိုးရတို့မှာ တခုထူးလာတာကတော့ လက်နက်နဲ့ပါမစ်လဲတာပါပဲ။ ဒါနဲ့ပဲ ဗမာပြည်မှာ သစ်တောပြုန်းတာပါပဲ။  မြေပေါ်မြေအောက်သယံဇာတတွေ ဖောဖောသီသီကြီး ပြည်ပကိုထွက်ကုန်တာပဲ။ စစ်အစိုးရနဲ့ သူ့ရောင်ရင်း (ခရိုနီ)တွေ ချမ်းသာသည်ထက် ချမ်းသာသွားတာပဲ။ ဗိုလ်သန်းရွှေလက်ထက်ကစပြီး အခုသမ္မတ ဦး(ဗိုလ်) သိန်းစိန်လက်ထက်တို့မှာတော့ ဒီအချက်ဟာ ပိုသိသာထင်ရှား လာပါတယ်။

နိုင်ငံတကာဆက်ဆံရေးမှာ ဘက်မလိုက်ကြားနေရေးကိုအသုံးချပြီး နိုင်ငံကြီးတွေအကြား နှစ်ဖက်ခွစာရေးပေါ်လစီကိုကျင့်သုံးခဲ့လို့ အခုတော့ လှေနံနှစ်ဖက်နင်းထားတဲ့ဘဝ ရောက်နေပြီ။ တရုတ်ကို ကြောက်ရတယ်လို့ပြောသူကပြော၊ တရုတ်ဟာ ကျေးဇူးရှင်ဖြစ်တယ်လို့ ပြောသူက ပြော၊ အမေရိကန်၊ ဂျပန်နဲ့ အီးယူ ကူပါကယ်ပါဆိုပြီး ပြောသူကပြောနဲ့ သမ္မတဦး(ဗိုလ်) သိန်းစိန်အစိုးရမှာ ကသောင်းကနင်း ဖြစ်နေပါတယ်။

၂ဝဝ၈ အခြေခံဉပဒေကို ပြင်မယ်ပြောသူကပြော၊ မပြင်ဘူးပြောသူကပြော၊ ၂ဝဝ၈ အခြေခံဉပဒေကို ကာကွယ်မယ်ပြောသူကပြော၊ အခြေခံဉပဒေကိုမထိပါးနဲ့ ပြောသူကပြောနဲ့ သမ္မတဦး(ဗိုလ်)သိန်းစိန်အစိုးရနဲ့ သူ့နိုင်ငံရေးပါတီဖြစ်တဲ့ကြံ့ဖွံ့မှာ ပွက်လောရိုက်နေတယ်။

ဒါတွေအားလုံးကို ခြုံငုံကြည့်ရင် သမ္မတဦး(ဗိုလ်)သိန်းစိန်အစိုးရဟာ ပြည်သူလူထုကြီးလိုလားတဲ့ဒီမိုကရေစီစနစ်ကို လမ်းဖွင့်ပေးဖို့ ဘယ်တော့မှမလုပ်ဘူးဆိုတာကို ဖော်ပြနေတာဖြစ်တယ်။ ပြည်သူလူထုအတွက် အကျိုးရှိမယ့်အလုပ်မှန်သမျှကို ပိတ်ပင်တားဆီးမယ်ဆိုတာပဲ ဖြစ်နေတယ်။ စစ်အာဏာရှင်စနစ်တည်မြဲဖို့ ၂ဝဝ၈ အခြေခံဉပဒေခိုင်မာဖို့ကိုပဲ ဇောက်ချလုပ်မယ်ဆိုတာပါပဲ။

သမ္မတပြောတဲ့ တတိယလှိုင်း (Third Wave) ဆိုတာဟာ ဒါပါပဲ။ ၂ဝ၁၅ ခုနှစ်အထိ ဒီအတိုင်း ဆက်သယ်ဆောင်သွားမယ်ဆိုတာပါပဲ။

ဗမာပြည်အခြေအနေဟာ တကယ် ဒီမိုကရေစီအပြောင်းအလဲလုပ်ဖို့ လိုအပ်နေတယ်။ ဒါကို အုပ်စိုးသူစစ်အုပ်စုက သိပါတယ်။ ဒါပေမယ့် တကယ် ဒီမိုကရေစီအပြောင်းအလဲလုပ်ရင် သူတို့အာဏာနဲ့ဘဏ္ဍာကိုလက်ဝါးကြီးအုပ်ထားရတာကို လက်လွတ်သွားရမယ်ဆိုတာလည်း သိတယ်။ ဒါကြောင့် သမ္မတဦး(ဗိုလ်)သိန်းစိန်အစိုးရအဖွဲ့ကို အယောင်ဆောင်အပြောင်းအလဲတွေ လုပ်ခိုင်းနေတာဖြစ်တယ်။

ပြည်သူလူထုကြီးရဲ့ဘဝကလည်း တကယ်ဒီမိုကရေစီအပြောင်းအလဲ မလုပ်ရင်မဖြစ်တော့တဲ့အခြေအနေဖြစ်နေတယ်။ ဒါကြောင့် သမ္မတဦး(ဗိုလ်)သိန်းစိန်အစိုးရရဲ့ အယောင်ဆောင်အပြောင်းအလဲလုပ်နေတာနဲ့ အမြဲထိပ်တိုက်တိုးနေတာပဲ။ ဒီလိုအခြေအနေမျိူးဟာ အုံကြွပေါက်ကွဲမှုဆီကို ဦးတည်စေပါတယ်။ လူ့အဖွဲ့အစည်းတခုမှာ ဒီလိုအခြေအနေမျိူးဖြစ်ရင် မတည်မငြိမ်ဖြစ်လေ့ရှိတာပဲ။

ပြည်သူလူထုရဲ့ တရားတဲ့အခွင့်အရေးတောင်းဆိုမှု၊ တရားမျှတတဲ့အခွင့်အရေးအတွက်လှုပ်ရှားမှုကို အုပ်စိုးသူတွေက  ဆူပူမှုလို့စွပ်စွဲ သတ်မှတ်လေ့ရှိတယ်။ ဗမာပြည်ဟာ လွတ်လပ်ရေးရပြီးကတည်းက ဒီလိုလှုပ်ရှားမှုဟာ ဆက်တိုက်လိုပဲဖြစ်တယ်။ ဒါကြောင့်လည်း ၁၉၄၈ ခုနှစ်၊ မတ်လ ၂၈ ရက်နေ့ကစပြီး ပြည်တွင်းစစ်ဖြစ်ရတဲ့အထိ ပေါက်ကွဲခဲ့တယ်။ ၁၉၆၂ ခုနှစ်မှာ ဇူလိုင် ၇ ရက် အရေးအခင်းဖြစ်တယ်။

၇၄-၇၅-၇၆ တို့တွေမှာ အလုပ်သမားအရေးအခင်း၊ ကျောင်းသားအရေးအခင်းကစပြီး ပြည်သူတွေပါ  ပါလာတဲ့ အရေးအခင်းတွေ ဖြစ်သွားတယ်။ ၁၉၈၈ ဒီမိုကရေစီလှုပ်ရှားမှုအရေးအခင်းဟာ လူထုအုံကြွမှုအထိ ပေါက်ကွဲတယ်။၂ဝဝ၇ ခုနှစ် သံဃာ့အရေးအခင်းကြီးကလည်း လူထုတရပ်လုံးပါဝင်လာပြန်တာပါပဲ။ ဒီအရေးအခင်းအားလုံးမှာ အုပ်စိုးသူတွေက အကြမ်းဖက် နှိမ်နင်းတာချည်းပဲ။

အခုလည်း လူထုအုံကြွမှုတခုကို ဦးတည်နေပြီဖြစ်တယ်။ နိုင်ငံရေးပါတီတွေ၊ နိုင်ငံရေးအင်အားစုတွေ၊ တိုးတက်တဲ့အမြင်ရှိသူတွေ ပြည်သူ့ဘက်ကရပ်မလား၊ အုပ်စိုးသူဘက်ကရပ်မလား၊ နိုင်ငံရေးပါတီတွေ၊ နိုင်ငံရေးအင်အားစုတွေ တိုးတက်တဲ့အမြင်ရှိသူတွေဘာလုပ်ကြ မလဲ၊ ဘယ်လိုလုပ်မလဲ။

ပြည်သူလူထုဘက်က ပြတ်ပြတ်သားသားရပ်တည်တဲ့ နိုင်ငံရေးအင်အားစုအသီးသီးပါဝင်တဲ့တပ်ပေါင်းစုတခု အရေးတကြီးလိုအပ်နေပါကြောင်း။

အရေးတော်ပုံဂျာနယ် အတွဲ(၂)၊ အမှတ်(၂)က ဆောင်းပါးဖြစ်ပါတယ်။

read more