ဗိုလ်မှူးချုပ်ဟောင်းကျော်ဇောကိုယ်တိုင်ရေးအထုပ္ပတ္တိ
ဒုတိယပိုင်း၊ အခန်း(၁၃)
ဒုတိယပိုင်း
“စစ်တိုက်တယ်ဆိုတာ
လွယ်ကူတဲ့ကိစ္စမဟုတ် တဦးနှင့်တဦး ရင်ဆိုင်ပစ်ကြခတ်ကြ၍ သေကြကြေကြခြင်းဖြစ်တယ်၊ တဦးနဲ့တဦး
သေရဲသတ်ရဲတဲ့စိတ်ဓာတ်ရှိရမယ်၊ စစ်တပ်ကောင်းရဲ့အင်္ဂါတရပ်မှာ အဲဒီစိတ်ဓာတ်မျိုးမွေးပေးရတယ်၊
ဂျပန်တပ်မှာဆိုရင် သူတို့ရှင်ဘုရင်ကြီးကို ယုံကြည်ချက်နဲ့တိုက်နေကြတယ်၊ အချို့တပ်များမှာတော့
ကြေးစားစိတ်နဲ့ ကျေဇူးသစ္စာတော်ကိုသိရမယ်ဆိုတဲ့ စိတ်ဓာတ်နဲ့တိုက်ရတယ်၊ ကျနော်တို့အဖို့တော့
လွတ်လပ်ရေးရလိမ့်မယ်ဆိုတဲ့ ယုံကြည်ချက်နဲ့တိုက်ခိုက်တယ်၊ စစ်တပ်တိုင်းစစ်တပ်တိုင်း၊
ဒီလိုယုံကြည်ချက်မျိုးဟာ အရေးကြီးတယ်၊”
“ဒီယုံကြည်ချက်
အနည်းငယ်တိမ်းစောင်းရုံနဲ့ ချက်ချင်း တိုက်ခိုက်နေတဲ့သေနတ်သံ၊ အမြောက်သံ ရပ်စဲသွားနိုင်တယ်၊
ကျနော်တို့ တပ်သားတွေလည်း လွတ်လပ်ရေးနဲ့ပတ်သက်ပြီး ဒီလို ယုံမှားသံသယနဲ့စိုးရိမ်လာတဲ့အခါ
တိုက်စိတ်ခိုက်စိတ် ထိခိုက်လာတာကို တွေ့ရပါတယ်၊ နောက်ဆုံးတော့ - ငါတို့ဟာ ဒီစစ်မှာ
ငါတို့မတိုက်ရင် ငါတို့ပြည်သူပြည်သားတွေပဲနစ်နာမယ်၊ ဒီစစ်ဟာ ပြည်သူ့စစ်၊ ဒီရန်သူကို
ငါတို့ဟာငါတို့တိုက်ရမယ်၊ ဘာပဲဖြစ်ဖြစ်လောလောဆယ် ဒီရပ်သူရွာသားဒုက္ခသည်တွေအတွက် ငါတို့ရှေ့တန်းက
အသေခံကြရမယ်၊ နောက် မသေလို့ကျန်ခဲ့တဲ့ရဲဘော်တွေဟာလည်း ဗမာပြည်ရဲ့လွတ်လပ်ရေးကို မသေမချင်းတိုက်ခိုက်ပါမယ်ဆိုပြီး
ကျနော့်တို့ရဲ့ စိတ်ဓာတ်အားကို အားသစ်မွေးပြီး တိုက်ခဲ့ရပါတယ်၊”
“ကျနော်တို့
စစ်တိုင်း(၄)က တိုက်တဲ့တိုက်ပွဲစာရင်းချုပ်ကို ကြည့်မယ်ဆိုရင် စပြီးဖက်ဆစ်ဂျပန်ကိုတော်လှန်တဲ့နေ့က
ဂျပန်လက်နက်ချတဲ့နေ့ အထိ တိုက်ပွဲပေါင်း (၃၂၄)ပွဲ၊ ရန်သူ (၂၇၇၄) ယောက် သေပြီး (၁၁၈၄)ယောက်
ဒဏ်ရာရကာ (၂၅)ယောက်ကို သုံ့ပန်းအဖြစ်ဖမ်းမိခဲ့တယ်၊ ရန်သူဘက်က လက်နက်ခဲယမ်းမီးကျောက်
အမြောက်အမြားရရှိပြီး ရန်သူရဲ့မီးရထားနဲ့ လော်လီကားများကိုလည်း ဖျက်ဆီးနိုင်ခဲ့တယ်၊
ကျနော်တို့ဘက်က (၇၆)ယောက် ကျဆုံးပြီး (၇၂)ယောက် ဒဏ်ရာရခဲ့တယ်၊ အဲဒီစာရင်းချုပ်မှာ ဖက်ဆစ်တိုက်ဖျက်ရေးအဖွဲ့
ရပ်သူရွာသား ပြည်သူများရဲ့တိုက်ခိုက်မှုများမပါသေးပါ၊ ထိုသို့ ပြည်သူပြည်သားတို့က တိုက်ခိုက်တဲ့တိုက်ပွဲများ
ကျနော်တို့နှင့်ပူးပေါင်းပြီး ဆောင်ရွက်ခဲ့တဲ့ အခြားအချက်တွေချန်လှပ်ထားခဲ့ရပါတယ်၊
ပြည်သူပြည်သားတွေ ဂျပန်ဖက်ဆစ်ကိုတိုက်တဲ့နေရာမှာ တပ်မတော်နဲ့ပူပေါင်းတိုက်ခဲ့တာတွေ
နောင်ဆိုင်ရာက စာအုပ်တွေထုတ်လို့ရှိရင် သိရပါလိမ့်မယ်၊”
ဤနေရာတွင်
အကြောင်းတိုက်ဆိုင်လာသဖြင့် ကျနော်ဖော်ပြလိုသော အကြောင်းအချက်အချို့ရှိပါသည်၊ ကျနော်
ဤ ၁၉၄၅ ခုနှစ် ဖက်ဆစ် တော်လှန်ရေးကြီး အဘယ်ကြောင့်အောင်မြင်ခဲ့ရသည်ကို ဆန်းစစ်ရေးသားထားသည့်
ဆောင်းပါးတစောင်ရှိခဲ့ပါသည်၊ ထိုဆောင်းပါးကို ၁၉၉၅ ခုနှစ် မတ်လထုတ် ဖက်ဆစ်တော်လှန်ရေးရွှေရတုအထိမ်းအမှတ်
“ပြည်သူ့အာဏာ”ဂျာနယ်တွင်ဖော်ပြပြီး ဖြစ်ပါသည်၊ ထိုဆောင်းပါးမှ အချက်အလက်အချို့ကို ပြန်လည်
ဖော်ပြလိုပါသည်၊
-
အဘယ်ကြောင့် ကျနော်တို့ဤ ဖက်ဆစ်တော်လှန်ရေးကြီးကို အောင်မြင်ခဲ့သနည်း၊
-
အဓိက အကြာင်းရင်း (၄)ချက်မျှရှိသည်ဟု ကျနော်ယူဆပါသည်၊
ပထမမှာတော်လှန်ရေး၏
ခေါင်းဆောင်မှု၊ ရဲရင့်မှန်ကန်ကောင်းမွန်မှုဖြစ်သည်၊ ယင်းမှာနိုင်ငံရေးအရ ကွန်မြူနစ်ပါတီ၏ခေါင်းဆောင်မှုနှင့်
စစ်ရေးအရ ဗိုလ်ချုပ်အောင်ဆန်းတို့၏ခေါင်းဆောင်မှုအရ သေနင်္ဂဗျူဟာနှင့် နည်းပရိယာယ်လမ်းစဉ်သတ်မှတ်ချက်များ၊
လူထုစည်းရုံးရေးများ အလွန်ကောင်းမွန်မှန်ကန်မှုပင်ဖြစ်သည်၊
ဒုတိယအကြောင်းမှာ
တတိုင်းပြည်လုံးစည်းလုံးညီညွတ်စွာဖြင့် (ဖတပလ) (နောင် ဖဆပလ)ဖက်ဆစ်တော်လှန်ရေး အမျိုးသားညီညွတ်ရေး
တပ်ပေါင်းစု အဖွဲ့ချုပ်ကြီးဖွဲ့စည်းပြီး လက်ဝဲ၊ လက်ယာ နိုင်ငံရေးပါတီအဖွဲ့အစည်းများ၊
လူမှုရေးအဖွဲ့အစည်းများ၊ ပုဂ္ဂိုလ်များ၊ ဘာသာရေး ရဟန်းသံဃာများ၊ လူမျိုးစုအဖွဲ့များနှင့်
အားလုံးသောလူထုကြီးတရပ်လုံး ပါဝင်လာအောင်စည်ရုံးဖွဲ့စည်းပြီး တော်လှန်နိုင်သောကြောင့်
ဖြစ်သည်၊
တတိယအကြောင်းက
ကျနော်တို့ဖက်ဆစ်တော်လှန်တိုက်ခိုက်ရေးတွင် တော်လှန်သောပြည်သူ့စစ်ပွဲသဘောတရားနည်းနာများအတိုင်း
လုပ်ဆောင်ဖြစ်ပွားခဲ့ခြင်း ဖြစ်သည်၊ ယင်းမှာ မိမိတို့ဘဝအသိဖြင့် ဖက်ဆစ်တို့ကို အလွန်တူးခါးစွာ
မုန်းတီးရွံရှာနေကြသော ပြည်သူတရပ် လုံးက အဖက်ဖက်က တိုက်ခိုက်ရေး၊ ထောက်ပံ့ကူညီရေးအမျိုးမျိုးတွင်ပါဝင်ကာ
ထိုပြည်သူများအတွင်းမှ ပေါင်းစပ်တဲ့ပြည်သူ့စစ်ပွဲကြီး ဆင်နွှဲနိုင်ပြီးနောက် ပါဝင်တိုက်ခိုက်ကြသူ
အားလုံးလိုလိုလောက်ကလည်း အလွန်ရဲရင့်တက်ကြွပြောင်မြောက်စွာ တိုက်ခိုက်ခဲ့ခြင်း ကြောင့်လည်းဖြစ်သည်၊
စတုတ္ထˆအကြောင်းမှာ
ကျနော်တို့တော်လှန်ရေးမှာ တဦးတည်းမဟုတ် တကမ္ဘာလုံးကဆန့်ကျင်တိုက်ခိုက်ကြတဲ့ ကမ္ဘာ့ဖက်ဆစ်တော်လှန်ရေး
တပ်ပေါင်းစုကြီးထဲအပါအဝင်ဖြစ်ပြီး ကမ္ဘာ့တော်လှန်ရေးရေစီးကြောင်းကြီးထဲတွင် ပါဝင်တော်လှန်ခဲ့ရသဖြင့်
ကမ္ဘာ့နိုင်ငံအသီးသီးရဲ့ အမျိုးမျိုးသောအထောက်အပံ့အကူအညီများကို ရရှိခဲ့ခြင်းကြောင့်လည်းဖြစ်သည်၊
ဤဖက်ဆစ်တော်လှန်ရေးအောင်ပွဲမှာ
ကျနော်တို့ပြည်သူတရပ်လုံး ထာဝရဂုဏ်ယူကြရမည့် သမိုင်းဝင်အရေးတော်ပုံကြီးဖြစ်သည်၊
(ပြည်သူ့အာဏာ၊
အမှတ် ၁၃၊ ၁၉၉၅၊ မတ်လထုတ် - နှာ ၂၉ )
ကျနော်
“နေသူရိန်မိန့်ခွန်း” မှ အကြောင်းအရာများကို ဆက်လက် ဖော်ပြပါအုံးမည်၊
“ကျနော်တို့
ဒီလိုဆင်းဆင်းရဲရဲ ရဲရဲဝံ့ဝံ့တိုက်ခိုက်ခဲ့တာတွေဟာ ဘာကြောင့်လည်းဆိုတာ ထပ်လောင်းပြီး
ရှင်းပြချင်ပါတယ်၊”“မဟာမိတ်တွေက ပြောကောင်းပြောလိမ့်မယ်၊ ဗမာတွေဟာသတ္တိရှိတယ်၊ တိုက်စိတ်ခိုက်စိတ်ရှိတယ်
စတဲ့ လူမိုက်ဂုဏ်မြောက်စကားမျိုးနဲ့ ချီးမွမ်းကောင်း ချီးမွမ်း လိမ့်မယ်၊ ကျနော်တို့ဟာ
ဒီလိုဦးနှောက်မရှိတဲ့ တိရစ္ဆာန်တွေမဟုတ်ဘူး၊ နှစ်ပေါင်း (၁ဝဝဝ)လောက်က ကမ္ဘာ့ရာဇဝင်မှာ
ရဲစွမ်းသတ္တိ ရှိတယ်ဆိုတဲ့ မိုက်တဲ့လူတွေလိုမဟုတ်ဘူး၊ ဒီခေတ်ကြီးမှာ လူတွေဟာ အသိပညာနဲ့ယဉ်ကျေးနေတဲ့လူတွေဖြစ်လို့
တဦးနဲ့တဦး အကျိုးမဲ့ သတ်ဖြတ်သေကြေတာကို လူတိုင်းကြောက်ပါတယ်၊
ကျနော်တို့လည်း သေရမှာကြောက်တဲ့လူတွေပါ၊ ဒီလိုကြောက်ရဲ့သားနဲ့ ဇွတ်တိုးပြီး အသေခံနေရတာတွေဟာ
ဒီကမ္ဘာစစ်ကြီးပြီးလို့ရှိရင် ကျနော်တို့ လွတ်လပ်ရေးရတော့မယ်ဆိုတဲ့ယုံကြည်မှုကြောင့်ပါ၊”
“လွန်ခဲ့တဲ့
ပထမကမ္ဘာစစ်ကြီးတုန်းက စစ်ပြီးတော့ စစ်နိုင်တဲ့နိုင်ငံကြီးတွေဟာ ကိုလိုနီတွေကိုခွဲဝေယူခဲ့ကြတယ်၊
ယခုကမ္ဘာစစ်ကြီးမှာ ဆိုရင်တော့ စစ်ကြီးပြီးရင် တိုင်းငယ်ပြည်ငယ်တွေဟာ ဖက်ဆစ်ကိုတိုက်ခိုက်ခဲ့တာနဲ့အမျှ
မဟာမိတ်တွေကိုကူညီခဲ့တာနဲ့အမျှ လွတ်လပ်ရေးကို ရလိမ့်မယ်ဆိုတဲ့ ပြည်သူ့စစ်သဘောအရ ကျနော်တို့ယုံကြည်ခဲ့တယ်၊”
“ကျနော်တို့ဒီယုံကြည်ချက်အရ
(၅)လတိတိ ဖက်ဆစ်တွေကိုတိုက်ခဲ့တဲ့တိုက်ပွဲတွေမှာ သေတဲ့သူတွေသေကြပြီး မချိမဆန့် တသက်လုံးသုံးမရ
အောင် ဒဏ်ရာတွေအကြီးအကျယ်ရခဲ့တဲ့လူတွေလည်းရခဲ့ပါပြီ၊ ကမ္ဘာတခွင်မှာ ဖက်ဆစ်ဝါဒကိုတိုက်ခိုက်ခဲ့တဲ့တိုင်းပြည်တွေအနက်
ယူဂိုစလပ် ပြည်မှတပါး ပြင်သစ်ထက်ပင် ကျနော်တို့ဗမာပြည်က သာလွန်တိုက်ခိုက်နိုင်တယ်ဆိုတာ
ကမ္ဘာကသိနေပြီ၊”
‘ကမ္ဘာသူကမ္ဘာသားတွေအတွက်
တိုက်နေရပါတယ်ဆိုတဲ့ ကမ္ဘာ့ခေါင်းဆောင်ကြီး(၅)ဦးမှာ တဦးဖြစ်တဲ့ဗြိတိသျှဟာ ကျနော်တို့ကို
တန်ဖိုးနဲ့အမျှ ရသင့်ရထိုက်တဲ့အခွင့်အရေးတွေကို ပေးလိမ့်မယ်လို့ မျှော်လင့်ပါတယ်၊”
“ကျနော်တို့ရဲ့နိုင်ငံရေးအခြေအနေကို မျှော်တွေးကြည့် လိုက်ရင် ကျနော်တို့ နှစ်ပါင်းများစွာကလိုချင်တောင့်တခဲ့တဲ့
လွတ်လပ်ရေးပန်းတိုင်ဟာအလွန်နီးကပ်နေပြီး ပန်းကိုဆွတ်ခူးရုံလောက်သာ ရှိပါတော့တယ်၊”
“အဲဒီလွတ်လပ်ရေးပန်းကို
ဆွတ်ခူးဖို့နေရာမှာ တခုတည်းသောအခက်အခဲက ကျနော်တို့နိုင်ငံရေးခေါင်းဆောင်တွေ ပါတီတွေမညီညွတ်ရင်
လွတ်လပ်ရေးဟာ နောက်ထပ် (၅)နှစ်လည်းကြာနိုင်တယ်၊ (၁ဝ)နှစ်လည်းကြာနိုင်တယ်၊ ကျနော်တို့
တတိုင်းပြည်လုံး တညီတညွတ်တည်း တသံထဲထွက်ဖို့အရေးကြီးနေပါတယ်၊ ကျနော်တို့ဝမ်းထဲမှာ ဒီအချက်ဟာ
မီးတောက်နေပါတယ်၊”
“တိုင်းပြည်တပြည်ရဲ့စစ်တပ်ဆိုတာဟာ
နိုင်ငံရေးရဲ့အစိတ်အပိုင်းတခုပါ၊ တနည်းအားဖြင့်ဆိုလျှင် တိုင်းပြည်ရဲ့လက်သီးပါ၊ ပြည်သူပြည်သား
တွေဟာ မိမိတို့လိုအင်ဆန္ဒမရရင် ပထမ ပါးစပ်နဲ့တောင်းတယ်၊ ပါးစပ်နဲ့တောင်းမရရင် အော်ဟစ်ရန်တွေ့ပြီးတောင်းတယ်၊
ဒီလိုနဲ့ မရသေးရင် နောက်ဆုံး လက်သီးနဲ့ထိုးတောင်းရပါတယ်၊ ကျနော်တို့ဗမာပြည်ရဲ့ နိုင်ငံရေးရာဇဝင်ကိုပြန်ကြည့်မယ်ဆိုရင်
ရိုးရိုးပါးစပ်နဲ့လည်း တောင်းခဲ့ တယ်၊ အော်ဟစ်ပြီးတော့လည်း တောင်းခဲ့တယ်၊ ကျနော်တို့လိုချင်တဲ့
‘လွတ်လပ်ရေးမရခဲ့ပါဘူး၊ အဲဒီတော့ (၁၉၄၁)ခုနှစ်ကစပြီး ကျနော်တို့ လိုချင်တဲ့ ‘လွတ်လပ်ရေးကို
လက်သီးနဲ့ထိုးပြီးတောင်းခဲ့ရတယ်၊”
“ယခုအခြေအနေအရ
ကျနော်တို့ လွတ်လပ်ရေးခရီးဆုံးကို ကျနော်တို့ ညီညီညွတ်ညွတ်အရေးဆိုခဲ့လို့ရှိရင် ရတော့မယ်လို့ယုံကြည်နေပါ
တယ်၊”
“ရှေ့အဖို့
ကျနော်တို့ရဲ့လမ်းစဉ်ဟာ ဘုရင်ခံရဲ့အတိုင်ပင်ခံအမှုဆောင်အစိုးရကို အမျိုးသားယာယီအစိုးရဖြစ်အောင်
(၉၁)ဌာနအုပ်ချုပ်ရေးအရ ရွေးကောက်မယ့်ရွေးကောက်ပွဲကြီးကို ပြည်သူ့လွှတ်တော်ဖြစ်အောင်
ဒီပြည်သူ့လွှတ်တော်ကြီးက ဗမာပြည်ရဲ့ကံကြမ္မာကို လွတ်လွတ်လပ်လပ် ရေးဆွဲနိုင်တဲ့ ဗမာပြည်အုပ်ချုပ်ရေးစည်းမျဉ်းဖြစ်လာအောင်
ဒီအချက်တွေကို ပြည်သူပြည်သားတွေက တညီတညွတ်တည်း ပြုလုပ်ကြမယ် ဆိုရင် လွတ်လပ်ရေးဟာ မကြာခင်အတွင်းရမှာပဲ၊
ကျနော်တို့ မညီညွတ်ရင် ဝေးမှာပဲ၊”
“ဒီတော့
တိုတိုပြောရမယ်ဆိုရင် နိုင်ငံရေးမှာ ညာတာဝါးတာလုပ်မယ့်လူတွေ၊ ပါတီတွေဟာ တိုင်းပြည်နဲ့ကျနော်တို့ရဲ့မျက်နှာကိုထောက်ပြီး
တညီတညွတ်တည်း ဖြစ်ကြစေချင်တယ်၊ ဗမာပြည်ရဲ့နိုင်ငံရေးအစီအစဉ်တွေကို စနစ်တကျလုပ်သွားမယ့်
ဖက်ဆစ်တိုက်ဖျက်ရေး ပြည်သူ့ လွတ်လပ်ရေးအဖွဲ့ချုပ်ကြီးထဲသို့ ခြေစုံပစ်ဝင်စေလိုပါတယ်၊
တတိုင်းပြည်လုံး ဒီအဖွဲ့ကြီးထဲဝင်စေလိုပါတယ်၊ ဒီအဖွဲ့ချုပ်ကြီးကရေးဆွဲတဲ့ စည်းကမ်းအတိုင်း
အားလုံးညီညီညွတ်ညွတ်လိုက်နာလုပ်ကိုင်ကြရင် ကျနော်တို့ အင်မတန်လိုလားတဲ့လွတ်လပ်ရေးဟာ
မကြာမီရောက်လာ မှာပဲ၊ ညီညွတ်ကြပါ၊ အားလုံးညီညွတ်ကြပါလို့တောင်းပန်တဲ့အနေနဲ့ ကျနော်ဟာ
ရဲဘော်တွေရဲ့ကိုယ်စား နိုင်ငံညီညွတ်ဖို့ပြောရပါတယ်၊”
ဤသည်တို့မှာ
၁၉၄၅ ခုနှစ် သြဂုတ်လ (၁၉)ရက်နေ့တွင် ရန်ကုန်မြို့ နေသူရိန်ပြည်သူ့အစည်းအဝေးကြီးတွင်
တပ်မတော် တိုင်း(၄)တိုင်းမှူးဖြစ်သူ ကျနော်က တတိုင်းပြည်လုံးညီညွတ်ရေးအဆို တင်သွင်းသည့်မိန့်ခွန်းမှ
ကောက်နုတ်ချက်များ ဖြစ်ပါသည်၊
