(ဆောင်းကြက်သွန်ဖြူ)
မနှစ်ကဆောင်းအဝင်မှာ ဆောင်းကြက်သွန်ဖြူလေးတွေ အမေ့အတွက်ဆိုပြီး ညီမအိမ်မှာ စိုက်ပေးခဲ့တယ်။ တဆောင်းလုံး နှင်းအောက် ရေခဲအောက်နေပြီး နွေဦးပေါက်မှအမြိတ်စထွက်ပြီး နွေလည်ဆိုနှုတ် ဥသိမ်းရတဲ့ ဆောင်းကြက်သွန်ဖြူပါ။
ကျနော့်အိမ်မှာတော့ မြေကလည်းကျယ် ပေါင်လေးတွေလည်း အသေလုပ်ထားပြီး မြေမှာချစိုက်ပေမယ့် အမေ့အိမ်မှာက ပေါင်အသေလုပ်ထားတာမရှိတော့ မြေကြီးမှာချစိုက်တာမဟုတ်ပါ။ အနက် ၉ လက်မ၊ အကျယ် ဆယ်ပေလောက်ရှိတဲ့ အိမ်မွေးခွေးလေးတွေရေချိုးတဲ့ ပလပ်စတစ်ခွက်ကြီးကို ရေထွက်အောင် အောက်နေအပေါက်လေးတွေဖေါက်ဖေါက်ပြီး မြေဆွေးရယ် ကြက်ချေးရယ် ဆတူနီးပါး ရောသမပြီးစိုက်တာပါ။
စိုက်တာက ကြက်သွန်ဖြူမျိုးဥ ၃ ဥထဲပါ။ လယ်သမားဈေးမှာ မျိုးဥ တဥကို တဒေါ်လာပေးရပါတယ်။ ရှားချိန်ဆို တဒေါ်လာခွဲအထိ ရောင်းကြပါတယ်။ တဥမှာ ပျမ်းမျှအတက်ကြီးက ဆယ်တက်လောက်ဆိုတော့ အပင်သုံးဆယ် ဥသုံးဆယ်ပြန်ရမှာပါ။
မနေ့ကတော့ နေကလည်းသာ ရာသီကလည်း နည်းနည်းနွေးတော့ အပြင်ထွက်ကြရင်း အမေ့အိမ်ဘက်ဝင်ဖြစ်ပါတယ်။ ကြက်သွန်တွေဘယ့်နှယ်နေလဲသိချင်လို့ ထွက်ကြည့်တော့ အမြိတ်လေးတွေတောင် မနည်းရှည်နေပါပြီ၊ တချို့အမြိတ်လေးတွေက ၄ လက်မလောက်တောင်ရှိနေပါပြီ။ ဒါနဲ့ တလက်စတည်း ပေါင်းလိုက်ပေးခဲ့ဦးမှဆိုပြီး ပေါင်းလိုက်နေတုန်း အမေပါအိမ်အပြင်ထွက်လာပြီး ကျနော်လုပ်နေတာကြည့်ရင်း "မင်းညီမကတောင် ပြောနေတာ အကိုစိုက်ထားတဲ့အပင်တွေက ဘာလုပ်ပေးဖို့လိုမလဲမသိဘူးဆိုပြီး။ အမေကတော့ ပြောလိုက်တယ်။ ဘာမှလုပ်မပေးနဲ့ သူလုပ်ထားတာ သူသိတယ်။ အချိန်တန် သူ့ဟာသူလာ လုပ်စရာရှိတာလုပ်လိမ့်မယ် ဒီကောင်မနေဘူး။ အေး ရေဘလးဘာလေး လောင်းဖို့အချိန်ရောက်လို့ လောင်းဆိုရင်တော့ တို့ရေလောင်းကြတာပေါ့လို့ အမေကပြောထားတာ။ ခု ဘာလုပ်ပေးဖို့ လိုပြီလဲ"လို့ ဘေးကေနမေးပါတယ်။
"မလိုဘူးအမေ ဘာမှမလုပ်နဲ့။ ကျနော်အခု ပေါင်းလိုက်ပေးသွားတာ။ ဒါပေမယ့် မကြာဘူး ပြန်ထလာလိမ့်မယ်။ မြေဩဇာက လွှတ်ကောင်းတော့ ပေါင်းက အပင်ထက်တောင်သန်လိမ့်မယ်။ ဒါပေမဲ့ မြေဆွေးသားကဲတော့ မြေကပွနေတယ်။ ပေါင်းနှုတ်ရလွယ်တယ်။ အမေ နေသာလို့ အပြင်ထွက်တဲ့အခါ ကြည့်ပေါ့။ ပေါင်းတွေ့ရင်တော့နှုတ်ပလိုက်ပေါ့။ ပင်ခြေကပ်ပေါက်တဲ့ ပေါင်းလေးတွေကျ သတိထားနှုတ်အမေ အောက်ကကြက်သွန်ဥပါ ရောပါလာတတ်တယ်။ သတိထားပေါ့။ ပေါင်းနှုတ်ရင်း ဥပေါ်လာရင် အာလေး ဘေးကမြေနဲ့ ပြန်ဖုံးပေးထားလိုက်။ ဒီလောက်ပဲ။ နွေကျ ရေလိုမှ နည်းနည်းနည်းနည်း ဖြန်းတာပေါ့။ အဲ့ဒီကျ ကျနော်ပြောပါ့မယ်"ဆိုတော့ သေသေချာချာနားထောင်ရင်းကနေ "ဟုတ်တယ် ကြက်သွန်က ရေသိတ်မကြိုက်လောက်ဘူး။ ဗမာပြည်မှာဆို မြေလတ်နဲ့ အညာဘက်အစိုက်များကြတာမဟုတ်လား။ အဲ့ဘက်တွေက မိုးခေါင်တာပဲ။ ရေလောင်းပြီးသာ စိုက်ရရင် သေရချည်ရဲ့"လို့ သူဘာသာသူပြောတယ်။
တကယ်က အမေက အညာမှာနေဖူးတာ မဟုတ်ပါဘူး။ ဖြတ်သွားဖြတ်လာလောက် အညာဖြတ်ဖူးတာပါ။ ကျနော်က အညာနေလာခဲ့သူဆိုတော့ အညာက ကြက်သွန်ခင်းတွေအကြောင်း အမေ့ထက်စာရင် နည်းနည်းပိုသိပါတယ်။ "ရေသိတ်မကြိုက်တာတော့ ဟုတ်တယ်အမေ ဒါပေမဲ့ လိုတဲ့အခါတော့ ရေသွင်းရတယ်"လို့ပြောပြီး ပေါင်းလိုက်တာကို လက်စသတ်နေတုန်း "ဘယ်နှပင်လောက် ပေါက်ပြီလဲသား"တဲ့ "စုစုပေါင်းတော့ ၃ ဆယ်လောက်ရမယ်အမေ။ ခုတော့ အမြိတ် ၂ ဆယ်လောက်ထောင်နေတယ်"ဆိုတော့ "အင်း ဥ ၂ ဆယ်ရလည်း နည်းလား။ လူက ဘာမှ ဒီလောက်လည်း လုပ်ပေးရတာမဟုတ်ပဲနဲ့" လို့ပြောပါတယ်။
"ဟုတ်တယ်အမေ သူက အလုပ်နည်းတယ်။ နှုတ်ချိန်ကျ ကျနော်ပြောမယ်လေ။ သူ့ အမြိတ်တွေထဲမှာ ဖူးတံပါ ပါတယ်။ ဖူးတံလေးက ဖူးပြီးပွင့်ပြီဆို အမြိတ်တွေက သွေ့လိုက်လာတာပဲ။ အမြိတ်ခြောက်တဲ့အထိ စောင့်စရာမလိုဘူး။ အမြိတ်ခြောက်တဲ့အထိ စောင့်ရင် ဖွပ်မြီးထိုးတဲ့အခါကျ မကောင်းဘူး"ဆိုတော့ "ကြက်သွန်ကို ဘယ်လိုဖွပ်မြီးထိုးတာလဲ"လို့မေးတာနဲ့ "အမြိတ်တွေ မခြောက်ခင်မှာနှုန်လိုက်ရောအမေရာ။ ပြီးတော့ တဥနဲ့တဥ အမြိတ်အမြိတ်ချင်း ဆံပင်ကျစ်ဆံမြီးကျစ်သလို တဥပြီးတဥ ထပ်ထပ်ထိုးပြီး ကျစ်သွားလိုက်တာအမေရာ။ အဲ့သလို တဥထိုးလိုက် ကျစ်လိုက်၊ နောက်တဥထိုးလိုက် ကျစ်လိုက်နဲ့ ဥသုံးဆယ်လောက်ဆို အနေတော်ပဲ။ အဖျားလေးတွေစုချည်ပြီး ချိတ်နဲ့ဇောက်ထိုး ချိတ်ထားလိုက်ရုံပဲ။ ဒါဆို ဥလေးတွေက အမြိတ်အူတိုင်မှာ ပတ်လည်နေရာမလပ်အောင်စီနေပြီး ဆင့်ထားသလို တပတ်လည်လည် အတွဲလိုက်လေးပေါ့။ တဖြည်းဖြည်း လေငွေ့နဲ့ကြက်သွန်တွေလည်း သွေ့သွေ့လိုက်လာ၊ လူကလည်း စားဖို့လိုသလောက် အထက်ကနေအောက် တဥချင်းတဥချင်းဖြတ်ပြီးစားရတာပေါ့အမေရာ။ သိမ်းရတာလည်း ဝန်ကျဉ်းတယ်။ လှလည်းလှတယ်။ ကြက်သွန်ဥတွေလည်း သပ်သပ်ကြီး လေသလပ်ခံပေးစရာမလိုဘူးပေါ့"ဆိုတော့ "ကယ်ရင်န်လုပ်တတ်လား"တဲ့။ "လုပ်တတ်တယ်အမေ။ အမေ့ဥတွေ ဥပေ့စေ နှုတ်ချိန်ကျမှ သူလာပြီးလုပ်ပေးလိမ့်မယ် အဲ့ဒီကျအမေကြည့်ပေါ့" ဆိုတော့ "အေးအေး ငါ့ချွေးမကြီးက ဘယ်ဆိုးလို့တုန်းဆိုပြီးပြောရင်း ပြုံးနေပါတယ်။ သူ့စိတ်ထဲတော့ ဖွပ်မြီးထိုးထားတဲ့ ကြက်သွန်ဖြူတွဲလေးပဲ ပေါ်နေမလားမပြောတတ်ပါ။
မျိုးမြင့်ချို
၉။ မတ်။ ၂၀၂၀
မနှစ်ကဆောင်းအဝင်မှာ ဆောင်းကြက်သွန်ဖြူလေးတွေ အမေ့အတွက်ဆိုပြီး ညီမအိမ်မှာ စိုက်ပေးခဲ့တယ်။ တဆောင်းလုံး နှင်းအောက် ရေခဲအောက်နေပြီး နွေဦးပေါက်မှအမြိတ်စထွက်ပြီး နွေလည်ဆိုနှုတ် ဥသိမ်းရတဲ့ ဆောင်းကြက်သွန်ဖြူပါ။
ကျနော့်အိမ်မှာတော့ မြေကလည်းကျယ် ပေါင်လေးတွေလည်း အသေလုပ်ထားပြီး မြေမှာချစိုက်ပေမယ့် အမေ့အိမ်မှာက ပေါင်အသေလုပ်ထားတာမရှိတော့ မြေကြီးမှာချစိုက်တာမဟုတ်ပါ။ အနက် ၉ လက်မ၊ အကျယ် ဆယ်ပေလောက်ရှိတဲ့ အိမ်မွေးခွေးလေးတွေရေချိုးတဲ့ ပလပ်စတစ်ခွက်ကြီးကို ရေထွက်အောင် အောက်နေအပေါက်လေးတွေဖေါက်ဖေါက်ပြီး မြေဆွေးရယ် ကြက်ချေးရယ် ဆတူနီးပါး ရောသမပြီးစိုက်တာပါ။
စိုက်တာက ကြက်သွန်ဖြူမျိုးဥ ၃ ဥထဲပါ။ လယ်သမားဈေးမှာ မျိုးဥ တဥကို တဒေါ်လာပေးရပါတယ်။ ရှားချိန်ဆို တဒေါ်လာခွဲအထိ ရောင်းကြပါတယ်။ တဥမှာ ပျမ်းမျှအတက်ကြီးက ဆယ်တက်လောက်ဆိုတော့ အပင်သုံးဆယ် ဥသုံးဆယ်ပြန်ရမှာပါ။
မနေ့ကတော့ နေကလည်းသာ ရာသီကလည်း နည်းနည်းနွေးတော့ အပြင်ထွက်ကြရင်း အမေ့အိမ်ဘက်ဝင်ဖြစ်ပါတယ်။ ကြက်သွန်တွေဘယ့်နှယ်နေလဲသိချင်လို့ ထွက်ကြည့်တော့ အမြိတ်လေးတွေတောင် မနည်းရှည်နေပါပြီ၊ တချို့အမြိတ်လေးတွေက ၄ လက်မလောက်တောင်ရှိနေပါပြီ။ ဒါနဲ့ တလက်စတည်း ပေါင်းလိုက်ပေးခဲ့ဦးမှဆိုပြီး ပေါင်းလိုက်နေတုန်း အမေပါအိမ်အပြင်ထွက်လာပြီး ကျနော်လုပ်နေတာကြည့်ရင်း "မင်းညီမကတောင် ပြောနေတာ အကိုစိုက်ထားတဲ့အပင်တွေက ဘာလုပ်ပေးဖို့လိုမလဲမသိဘူးဆိုပြီး။ အမေကတော့ ပြောလိုက်တယ်။ ဘာမှလုပ်မပေးနဲ့ သူလုပ်ထားတာ သူသိတယ်။ အချိန်တန် သူ့ဟာသူလာ လုပ်စရာရှိတာလုပ်လိမ့်မယ် ဒီကောင်မနေဘူး။ အေး ရေဘလးဘာလေး လောင်းဖို့အချိန်ရောက်လို့ လောင်းဆိုရင်တော့ တို့ရေလောင်းကြတာပေါ့လို့ အမေကပြောထားတာ။ ခု ဘာလုပ်ပေးဖို့ လိုပြီလဲ"လို့ ဘေးကေနမေးပါတယ်။
"မလိုဘူးအမေ ဘာမှမလုပ်နဲ့။ ကျနော်အခု ပေါင်းလိုက်ပေးသွားတာ။ ဒါပေမယ့် မကြာဘူး ပြန်ထလာလိမ့်မယ်။ မြေဩဇာက လွှတ်ကောင်းတော့ ပေါင်းက အပင်ထက်တောင်သန်လိမ့်မယ်။ ဒါပေမဲ့ မြေဆွေးသားကဲတော့ မြေကပွနေတယ်။ ပေါင်းနှုတ်ရလွယ်တယ်။ အမေ နေသာလို့ အပြင်ထွက်တဲ့အခါ ကြည့်ပေါ့။ ပေါင်းတွေ့ရင်တော့နှုတ်ပလိုက်ပေါ့။ ပင်ခြေကပ်ပေါက်တဲ့ ပေါင်းလေးတွေကျ သတိထားနှုတ်အမေ အောက်ကကြက်သွန်ဥပါ ရောပါလာတတ်တယ်။ သတိထားပေါ့။ ပေါင်းနှုတ်ရင်း ဥပေါ်လာရင် အာလေး ဘေးကမြေနဲ့ ပြန်ဖုံးပေးထားလိုက်။ ဒီလောက်ပဲ။ နွေကျ ရေလိုမှ နည်းနည်းနည်းနည်း ဖြန်းတာပေါ့။ အဲ့ဒီကျ ကျနော်ပြောပါ့မယ်"ဆိုတော့ သေသေချာချာနားထောင်ရင်းကနေ "ဟုတ်တယ် ကြက်သွန်က ရေသိတ်မကြိုက်လောက်ဘူး။ ဗမာပြည်မှာဆို မြေလတ်နဲ့ အညာဘက်အစိုက်များကြတာမဟုတ်လား။ အဲ့ဘက်တွေက မိုးခေါင်တာပဲ။ ရေလောင်းပြီးသာ စိုက်ရရင် သေရချည်ရဲ့"လို့ သူဘာသာသူပြောတယ်။
တကယ်က အမေက အညာမှာနေဖူးတာ မဟုတ်ပါဘူး။ ဖြတ်သွားဖြတ်လာလောက် အညာဖြတ်ဖူးတာပါ။ ကျနော်က အညာနေလာခဲ့သူဆိုတော့ အညာက ကြက်သွန်ခင်းတွေအကြောင်း အမေ့ထက်စာရင် နည်းနည်းပိုသိပါတယ်။ "ရေသိတ်မကြိုက်တာတော့ ဟုတ်တယ်အမေ ဒါပေမဲ့ လိုတဲ့အခါတော့ ရေသွင်းရတယ်"လို့ပြောပြီး ပေါင်းလိုက်တာကို လက်စသတ်နေတုန်း "ဘယ်နှပင်လောက် ပေါက်ပြီလဲသား"တဲ့ "စုစုပေါင်းတော့ ၃ ဆယ်လောက်ရမယ်အမေ။ ခုတော့ အမြိတ် ၂ ဆယ်လောက်ထောင်နေတယ်"ဆိုတော့ "အင်း ဥ ၂ ဆယ်ရလည်း နည်းလား။ လူက ဘာမှ ဒီလောက်လည်း လုပ်ပေးရတာမဟုတ်ပဲနဲ့" လို့ပြောပါတယ်။
"ဟုတ်တယ်အမေ သူက အလုပ်နည်းတယ်။ နှုတ်ချိန်ကျ ကျနော်ပြောမယ်လေ။ သူ့ အမြိတ်တွေထဲမှာ ဖူးတံပါ ပါတယ်။ ဖူးတံလေးက ဖူးပြီးပွင့်ပြီဆို အမြိတ်တွေက သွေ့လိုက်လာတာပဲ။ အမြိတ်ခြောက်တဲ့အထိ စောင့်စရာမလိုဘူး။ အမြိတ်ခြောက်တဲ့အထိ စောင့်ရင် ဖွပ်မြီးထိုးတဲ့အခါကျ မကောင်းဘူး"ဆိုတော့ "ကြက်သွန်ကို ဘယ်လိုဖွပ်မြီးထိုးတာလဲ"လို့မေးတာနဲ့ "အမြိတ်တွေ မခြောက်ခင်မှာနှုန်လိုက်ရောအမေရာ။ ပြီးတော့ တဥနဲ့တဥ အမြိတ်အမြိတ်ချင်း ဆံပင်ကျစ်ဆံမြီးကျစ်သလို တဥပြီးတဥ ထပ်ထပ်ထိုးပြီး ကျစ်သွားလိုက်တာအမေရာ။ အဲ့သလို တဥထိုးလိုက် ကျစ်လိုက်၊ နောက်တဥထိုးလိုက် ကျစ်လိုက်နဲ့ ဥသုံးဆယ်လောက်ဆို အနေတော်ပဲ။ အဖျားလေးတွေစုချည်ပြီး ချိတ်နဲ့ဇောက်ထိုး ချိတ်ထားလိုက်ရုံပဲ။ ဒါဆို ဥလေးတွေက အမြိတ်အူတိုင်မှာ ပတ်လည်နေရာမလပ်အောင်စီနေပြီး ဆင့်ထားသလို တပတ်လည်လည် အတွဲလိုက်လေးပေါ့။ တဖြည်းဖြည်း လေငွေ့နဲ့ကြက်သွန်တွေလည်း သွေ့သွေ့လိုက်လာ၊ လူကလည်း စားဖို့လိုသလောက် အထက်ကနေအောက် တဥချင်းတဥချင်းဖြတ်ပြီးစားရတာပေါ့အမေရာ။ သိမ်းရတာလည်း ဝန်ကျဉ်းတယ်။ လှလည်းလှတယ်။ ကြက်သွန်ဥတွေလည်း သပ်သပ်ကြီး လေသလပ်ခံပေးစရာမလိုဘူးပေါ့"ဆိုတော့ "ကယ်ရင်န်လုပ်တတ်လား"တဲ့။ "လုပ်တတ်တယ်အမေ။ အမေ့ဥတွေ ဥပေ့စေ နှုတ်ချိန်ကျမှ သူလာပြီးလုပ်ပေးလိမ့်မယ် အဲ့ဒီကျအမေကြည့်ပေါ့" ဆိုတော့ "အေးအေး ငါ့ချွေးမကြီးက ဘယ်ဆိုးလို့တုန်းဆိုပြီးပြောရင်း ပြုံးနေပါတယ်။ သူ့စိတ်ထဲတော့ ဖွပ်မြီးထိုးထားတဲ့ ကြက်သွန်ဖြူတွဲလေးပဲ ပေါ်နေမလားမပြောတတ်ပါ။
မျိုးမြင့်ချို
၉။ မတ်။ ၂၀၂၀
0 comments:
Post a Comment