(လက်နက် ကိုင်ကိုင် မကိုင်ကိုင်)
လက်နက်ကိုင်ထားမှ လူရာဝင်တယ်၊ လက်နက်ရှိမှ စကားပြောတယ်ဆိုတာကြောင့် လူတွေလက်နက်ကိုင်နေကြတာမဟုတ်။ လက်နက်ကိုင်ဖိနှိပ်သူကို လက်နက်နဲ့ပြန်တွန်းလှန်ခုခံမှရမယ်၊ ခုခံတာမှန်တယ်၊ မိမိတို့အခွင့်အရေးနဲ့ရပိုင်ခွင့်ကို လက်နက်ကိုင်တိုက်ယူမှရမယ်လို့ ဘဝပြဌာန်းမှုအသိအရ ကိုင်နေကြတာဖြစ်တယ်။ ဒါနဲ့ပြောင်းပြန် လက်နက်ကိုင်တော်လှန်ရေးနည်းကို မယုံကြည်သူကလည်း လက်နက်နဲ့ဖိနှိပ်အုပ်စိုးသူကို သူယုံကြည်ရာ အကြမ်းမဖက် အနုနည်းနဲ့ဆန့်ကျင်တာပါပဲ။ သူက သေသာသွားမယ် လက်နက်တော့ မကိုင်ဘူး။ တခုတော့ရှိတယ် အကြမ်းမဖက်(အဟိံသ)နည်းမှာ အာဏာဖီဆန်ရေးပါတယ်။ အနုနည်းအကြမ်းမဖက်နည်းပြောပြီး အာဏာဖီဆန်ရေးမပါရင် လုပ်သမျှခံရေးပဲဖြစ်သွားတယ်။ ဖိနှိပ်အုပ်စိုးမှုကို ဆန့်ကျင်တွန်းလှန်ရာမှာ ဘယ်နည်းပဲသုံးသုံး လူထု(ပြည်သူ)မပါရင် မအောင်မြင်ပါ။ လူထုလည်းပါ နှစ်နည်းလုံးလည်း မှန်မှန်ကန်ကန်ပေါင်းစပ်နိုင်လို့ တော်လှန်ရေးတွေအောင်မြင်ခဲ့ ခေတ်တွေစနစ်တွေပြောင်းခဲ့တာ အထင်အရှားပါ။ ဖိနှိပ်သူတိုင်းကလည်း အဲ့ဒီနှစ်နည်း ပေါင်းစည်းမသွားရအောင် နည်းလမ်းစုံသုံးပြီး မီးကုန်ယမ်းကုန်ဖြိုခွဲ သွေးခွဲသပ်သျှိုပါတယ်။ အဲ့ဒါကိုပြပါဆိုရင် ဗမာပြည်လက်တွေ့မျက်မှောက်အခြေအနေက အမြင်သာဆုံးပြယုဂ်ပါ။
မျိုးမြင့်ချို
သြဂုတ် ၁၇၊ ၂ဝ၁၉
လက်နက်ကိုင်ထားမှ လူရာဝင်တယ်၊ လက်နက်ရှိမှ စကားပြောတယ်ဆိုတာကြောင့် လူတွေလက်နက်ကိုင်နေကြတာမဟုတ်။ လက်နက်ကိုင်ဖိနှိပ်သူကို လက်နက်နဲ့ပြန်တွန်းလှန်ခုခံမှရမယ်၊ ခုခံတာမှန်တယ်၊ မိမိတို့အခွင့်အရေးနဲ့ရပိုင်ခွင့်ကို လက်နက်ကိုင်တိုက်ယူမှရမယ်လို့ ဘဝပြဌာန်းမှုအသိအရ ကိုင်နေကြတာဖြစ်တယ်။ ဒါနဲ့ပြောင်းပြန် လက်နက်ကိုင်တော်လှန်ရေးနည်းကို မယုံကြည်သူကလည်း လက်နက်နဲ့ဖိနှိပ်အုပ်စိုးသူကို သူယုံကြည်ရာ အကြမ်းမဖက် အနုနည်းနဲ့ဆန့်ကျင်တာပါပဲ။ သူက သေသာသွားမယ် လက်နက်တော့ မကိုင်ဘူး။ တခုတော့ရှိတယ် အကြမ်းမဖက်(အဟိံသ)နည်းမှာ အာဏာဖီဆန်ရေးပါတယ်။ အနုနည်းအကြမ်းမဖက်နည်းပြောပြီး အာဏာဖီဆန်ရေးမပါရင် လုပ်သမျှခံရေးပဲဖြစ်သွားတယ်။ ဖိနှိပ်အုပ်စိုးမှုကို ဆန့်ကျင်တွန်းလှန်ရာမှာ ဘယ်နည်းပဲသုံးသုံး လူထု(ပြည်သူ)မပါရင် မအောင်မြင်ပါ။ လူထုလည်းပါ နှစ်နည်းလုံးလည်း မှန်မှန်ကန်ကန်ပေါင်းစပ်နိုင်လို့ တော်လှန်ရေးတွေအောင်မြင်ခဲ့ ခေတ်တွေစနစ်တွေပြောင်းခဲ့တာ အထင်အရှားပါ။ ဖိနှိပ်သူတိုင်းကလည်း အဲ့ဒီနှစ်နည်း ပေါင်းစည်းမသွားရအောင် နည်းလမ်းစုံသုံးပြီး မီးကုန်ယမ်းကုန်ဖြိုခွဲ သွေးခွဲသပ်သျှိုပါတယ်။ အဲ့ဒါကိုပြပါဆိုရင် ဗမာပြည်လက်တွေ့မျက်မှောက်အခြေအနေက အမြင်သာဆုံးပြယုဂ်ပါ။
မျိုးမြင့်ချို
သြဂုတ် ၁၇၊ ၂ဝ၁၉
0 comments:
Post a Comment