သွေးဆေးကန် ဆိုတာ(ရန်နောင်စိုး)

သွေးဆေးကန် ဆိုတာ

ဒီမနက်စောစော လမ်းထွက်လျှောက်တာ ရွှေတိဂုံဘုရားမြောက်မုခ် သွေးဆေးကန်ထဲက ပန်းခြံလေးအထိရောက်ခဲ့ပါတယ်။ သွေးဆေးကန်ဆီရောက်တော့ ကန်နဲ့တစ်ဆက်တည်းရှိနေတဲ့ ပန်းခြံလေးကိုသဘောကျသွားတာနဲ့ ခုံတန်းလေးတစ်ခုမှာ ဝင်ထိုင်လိုက်တယ်။ ပြီးတော့ လမ်းလျှောက်တာကိုလည်း အဆုံးသတ်လိုက်ပါတယ်။

ပန်းခြံလေးထဲ လာထိုင်ရတာ စိတ်လက်ကြည်လင် လန်းဆန်းပြီး သိပ်ကိုအမောပြေတာပါ။ ပန်းခြံလေးထဲထိုင်နေရင်းက ကိုယ့်မျက်စိအရှေ့မှာ မြင်နေရတဲ့သွေးဆေးကန်အကြောင်း မှတ်သားခဲ့ဖူးလေးတွေ ပြန်ပြီးသတိရလာနေမိပါတယ်။ ကျွန်တော့မျက်နှာစာအရှေ့မှာ သွေးဆေးကန် သမိုင်းကြောင်းကို သရုပ်ဖော်ထားတယ်လို့ထင်ရတဲ့ ပလာစတာအရုပ်တွေ ပြုလုပ်ထားကိုတွေ့နေရတာပါ။ မြန်မာအမျိုးသားကြီးတစ်ယောက် ဓားသွေးနေတဲ့ရုပ်ထုတစ်ခုနဲ့ အမျိုးသားကြီးတစ်ဦးနဲ့ အမျိုးသမီးငယ်တို့ သွေးပေကျံနေတဲ့ဓားကို ဆေးကြောနေတဲ့ဟန် ရုပ်ထုတွေထုလုပ် ထားတာ သိပ်ကိုအသက်ဝင်ပါတယ်။

ရွှေတိဂုံဘုရားဆီ အခေါက်ပေါင်း မရေတွက်နိုင်အောင် ရောက်နေတတ်တဲ့ကျွန်တော်က သွေးဆေးကန်ထဲကိုတော့ အခုမှ ပထမဆုံးတစ်ခါ ရောက်ခဲ့ဖူးတာပါ။ ဒီကန်ထဲမရောက်ဖူးပေမယ့် သွေးဆေးကန်အပြင်ဘက် ဘုရားပတ်လမ်းနဘေးမှာစိုက်ထူထားတဲ့ ကျောက်စာချပ်ကိုတော့ တွေ့ဖူးနေကျဖြစ်ပါတယ် ။ အဲဒီကျောက်စာချပ်မှာ …..

(သွေးဆေးကန်)
ဤကန်၌ မြန်မာသူရဲကောင်းများသည် ပထမအင်္ဂလိပ်မြန်မာစစ်ပွဲ (ခရစ်နှစ် ၁၈၂၄ - ၂၆) နှင့် ဒုတိယအင်္ဂလိပ်မြန်မာစစ်ပွဲ(ခရစ်နှစ် ၁၈၅၂ - ၅၄) တွင် မိမိ၏တိုက်ပွဲဝင် သွေးစွန်းသောဓားများကို ဆေးကြောခဲ့ကြသည်ဆိုပြီး အင်္ဂလိပ် မြန်မာနှစ်ဘာသာနဲ့ ရေးထိုးထားတာကိုလည်း ဖတ်ဖူးနေကျပါပဲ။ ဒါကြောင့် ကျွန်တော်အပါအဝင် လူတော်တော်များများက သွေးဆေးကန်သမိုင်းကြောင်းကိုပြောရင် အဲဒီကျောက်စာမှာ ပါတဲ့အတိုင်းပဲ ပြောကြလေ့ရှိပါတယ်။

ပထမနဲ့ ဒုတိယ မြန်မာ - အင်္ဂလိပ်စစ်ပွဲဖြစ်တဲ့အချိန်တွေတုန်းက အင်္ဂလိပ်နယ်ချဲ့တို့ကို ခုတ်ထစ်ထားလို့ မြန်မာမျိုးချစ်တို့ရဲ့ဓားမှာပေကျံနေတဲ့ သွေးတွေ ဆေးကြောသန့်စင်ရာကန်၊ ဓားတွေမှာပေနေတဲ့သွေးတွေ ဆေးတဲ့ကန်၊ ဒါကြောင့် သွေးဆေးကန်ဆိုပြီး အမည်တွင်လာတာ ဖြစ်တယ်လို့ လက်ခံထားကြပါတယ်။ တကယ်တာ့ အဲဒီအဆိုက မမှန်နိုင်ပါဘူး။

သွေးပေနေတဲ့ဓားတွေကို ဆေးတဲ့ရေကန်မို့ သွေးဆေးကန်လို့ အမည်တွင်တယ်ဆိုတဲ့အချက် မမှန်ဘူးဆိုတာကို သက်သေပြလို့ရပါတယ်။

အမရပူရခေတ် (ဘိုးတော်ဘုရား ဗဒုံမင်းလက်ထက်)မှာ အင်္ဂလိပ်သံကိုယ်စားလှယ် ကပ္ပတန် ဟီရမ်ကောက်စ် (Captain Hiram Cox) ဆိုသူ တစ်ယောက် မြန်မာပြည်ကို ရောက်ရှိလာခဲ့ပါတယ်။ သူရေးခဲ့တဲ့ Journal OF A Residence In The Buhrmann Empire မှာ ကောက်စ် က ရွှေတိဂုံဘုရားအနီးမှာ ကန်တစ်ကန်ရှိခဲ့ကြောင်း၊ အဲဒီကန်ကရေတွေဟာ ဆေးဖက်ဝင်ကြောင်း၊ အဲဒီလို ဆေးဖက်ဝင်တယ်ဆိုတာကို ဒေသခံ တိုင်းရင်းသားတို့နဲ့ ဥရောပတိုက်သားတို့ မသိရှိကြသေးဘူးဆိုပြီး မှတ်တမ်းတင်ခဲ့တယ်လို့ သိရပါတယ်။

ကောက်စ်ဟာ ရွှေတိဂုံအနီး ရေကန်တစ်ကန်ကရေတွေ ဆေးဖက်ဝင်ကြောင်း သူ့မှတ်တမ်းမှာရေးသားဖော်ပြရုံသက်သက် မဟုတ်ဘဲ သူကိုယ်တိုင် စူးစမ်းလေ့လာခဲ့ဟန်တူပါတယ်။ ရေကန်အနားက တောင်ကုန်းရဲ့ အပေါ်ဆုံးမြေလွှာမှာ စီလီကာကြွယ်ဝတဲ့ မြေလွှာပါးရှိကြောင်း၊ ဒုတိယမြေလွှာက သံဓာတ်ကြွယ်ဝကြောင်း၊ တတိယမြေလွှာကျတော့ မြေရောင်မှာ အနီ အဝါ အပြာရောင်ရှိတဲ့ သတ္တုရိုင်းတွေ ပိုမိုပါဝင် ကြောင်း၊ စတုတ္တမြေလွှာမှာ မြေစေးဖြူလွှာ ပါဝင်ကြောင်း၊ ပဉ္စမမြေလွှာမှာ သံသတ္တုရိုင်းပမာဏများပြားပြီး ဆာဖြူရစ်အက်ဆစ်ဓာတ် ကြွယ်ဝကြောင်း၊ ဆဌမအလွှာမှာတော့ စရစ်ဖြုန်းကျောက်လွှာဖြစ်ကြောင်း၊ သံသတ္ထုရိုင်းပမာဏနဲ့ ဆာလဖြူရစ်အက်ဆစ်ဓာတ်ပမာဏ ပိုများကြောင်း စတာတွေ ဖော်ပြထားတယ်လို့ဆိုပါတယ်။

ဒါ့အပြင် ကန်ထဲကရေကို စမ်းသပ်စစ်ဆေးပြီး တွေ့ရှိချက်များကိုလည်း မှတ်တမ်းမှာဖော်ပြထားခဲ့ပါတယ်။ အဲဒီမှတ်တမ်းမှာ …..
ဤရေတွင် သံသတ္တုသည် ဆာလဖြူရစ်အက်ဆစ်နှင့်ဓာတ်ပြု၍ သံသတ္တုဆား ပျော်ဝင်နေသောရေဖြစ်သည်။ ထို့အပြင် မဂ္ဂနီဆီယမ် အောက်ဆိုက် အနည်းငယ်နှင့် ပိုတက်ဆီယမ်ကလိုရိုဒ်ဓာတ်ဆားများပါ ပျော်ဝင်နေကြောင်း၊ သတ္တုများ ပျော်ဝင်သောရေ (Mineral Water) ဖြစ်သည်ဆိုပြီး ဖော်ပြထားတယ်လို့ သိရပါတယ်။

ဟီရမ်ကောက်စ် (Captain Hiram Cox) မှတ်တမ်းထဲမှာပါတဲ့ ရွှေတိဂုံဘုရားအနားကရေကန်ဆိုတာ သွေးဆေးကန်ကို ဆိုလိုတယ်ဆိုတာ ထင်ရှားပါတယ်။ ကောက်စ် က သူ စမ်းသပ်တွေ့ရှိခဲ့တဲ့ရေကန် (သွေးဆေးကန်)ထဲက ရေတွေဟာ ဆေးဖက်ဝင်တဲ့ရေဖြစ်ကြောင်း ဖော်ပြ ထားပြီး သူစမ်းသပ်လေ့လာ တွေ့ရှိချက်တွေကိုပါ မှတ်တမ်းမှာဖော်ပြထားတယ်လို့ဆိုပါတယ်။ သွေးဆေးကန်ထဲကရေတွေဟာ ဆေးဖက်ဝင်တဲ့ရေတွေဖြစ်ကြောင်းကို သက်သေထူဖို့ အတွက် သူ့ရဲ့ စမ်းသပ်တွေ့ရှိချက်တွေကိုပါ ဖော်ပြထားတာမျိုးလည်း ဖြစ်နိုင်ပါတယ်။

ကောက်စ်က သူ့မှတ်တမ်းမှာ သွေးဆေးကန်ကရေတွေဟာ ဆေးဖက်ဝင်ရေဖြစ်တယ်ဆိုတာကို ဒေသခံတိုင်းရင်းသားတို့နဲ့ ဥရောပတိုက် သားတို့ မသိရှိကြသေးဘူးဆိုပြီး မှတ်တမ်းတင်ခဲ့တယ်လို့ သိရပါတယ်။ တကယ်တော့ အဲဒီ ဆေးဖက်ဝင်ရေအကြောင်းကို အမရပူရ နေပြည်တော်က ဘိုးတော်ဘုရား ဗဒုံမင်းသိနေပါတယ်။ ပြည့်ရှင်မင်းတစ်ပါးအနေနဲ့ သူ့နိုင်ငံထဲက ထူးခြားတဲ့နေရာတစ်ခုအကြောင်း သိနေတာ အဆန်းတော့မဟုတ်ပါဘူး။ ဒါမှမဟုတ် ကောက်စ် ဖော်ထုတ်ခဲ့လို့ ဆေးဖက်ဝင်ကန်ရေအကြောင်း ဗဒုံမင်းသိသွားတာလည်း ဖြစ်နိုင်ပါတယ်။ ဒါကြောင့်လည်း ဘိုးတော်ဘုရားဟာ 1811 ခုနှစ် နိုဝင်ဘာလ 5 ရက်နေ့စွဲနဲ့ အမိန့်တစ်ခုထုတ်ပြန်ခဲ့ပါတယ်။

အမိန့်တော်ကတော့
……………. ရန်ကုန်မြို့  ၊ သွေးဆေးကန်က ရေလုံးရေ ၁ဝ ကို ဟံသာဝတီမြို့ဝန်က ရွှေဖဝါးတော်အောက် ကောင်းမွန်အောင် ဆောင်ယူ ဆက်သလှာစေ …….. ဖြစ်ပါတယ် ။

ဒီနေရာမှာ ဟီရမ်ကောက်စ် (Captain Hiram Cox) မှတ်တမ်းထဲမှာပါတဲ့ကန်ရေ ဆေးဖက်ဝင်တယ်ဆိုတဲ့ကိစ္စကို အသာထားလို့ ဘိုးတော်ဘုရားရဲ့အမိန့်တော်ကိုပဲ အရင်လေ့လာကြည့်ကြရအောင်ပါ။

အဲဒီအမိန့်တော်ကိုကြည့်ရရင် ရွှေတိဂုံအနားကရေကန်ဟာ ဘိုးတော်ဘုရား ဗဒုံမင်းလက်ထက် (အေဒီ 1782 – 1819) ကတည်းက သွေးဆေးကန်ဆိုတဲ့နာမည်နဲ့ ထင်ရှားနေပြီးသားဖြစ်တယ်ဆိုတာ ထင်ရှားပါတယ်။ တနည်းအားဖြင့်ပြောရရင် 1811 ခုနှစ်ကတည်းက သွေးဆေးကန်လို့ အမည်တွင်နေတဲ့ကန်ဟာ ပထမနဲ့ဒုတိယ မြန်မာ-အင်္ဂလိပ်စစ်ပွဲတွေဖြစ်တဲ့အချိန် (1824-26 ခုနှစ်/1852-54 ခုနှစ်) တွေကျမှ ဓားတွေကသွေးကိုဆေးခဲ့လို့ သွေးဆေးကန်ဆိုပြီး အမည်တွင်ခဲ့တယ်ဆိုတာ လုံးဝမဖြစ်နိုင်ဘူးလို့ဆိုချင်တာပါ။

ဘိုးတော်ဘုရားရဲ့အမိန်တော် အထောက်ထားတစ်ခုကိုရလို့သာ အဲဒီအချိန်ကတည်းက သွေးဆေးကန်နာမည် ထင်ရှားနေပြီဖြစ်ကြောင်း ပြောရတာဖြစ်ပါတယ်။ တကယ်တော့ အဲဒီအချိန်ထက်စောရင် စောနိုင်သေးတာပါ။ ဘာကြောင့် သွေးဆေးကန်လို့ ခေါ်ဆိုတယ်ဆိုတာ ကတော့ ပဟေဠိတစ်ခုအဖြစ်နဲ့ ဆက်လက်တည်ရှိနေဦးမှာ ဖြစ်ပါတယ်။ 

( ရေးသူ = ရန်နောင်စိုး )
အကိုးအကား ။ ။ နှစ်လေးဆယ် သမိုင်းရှာပုံတော် (ဒေါက်တာကျော်ဝင်း)ဒီနေရာကယူတာပါ https://www.facebook.com/yannaung.soe.1422…