(ပုံရိပ်မထိခိုက်ချင်ရင်)
မနေ့က ဒုဝန်တယောက်ကပြောတယ် နိုင်ငံပုံရိပ်ထိခိုက်တယ်ဆိုပြီး။ ဒီနေ့ ပြောခွင့်ရတပါးက မြွက်တယ် ပါတီပုံရိပ်ထိခိုက်မယ်လို့။ ဟိုငတိက အစိုးရကိုယ်စား ဒီပုဂ္ဂိုလ်က ပါတီကိုယ်စား။ တရားအတိုင်းသွားမယ်တို့ စုံစမ်းစစ်ဆေးရေးကော်မရှင်ဖွဲ့ စစ်ဆေးမယ်တို့ တခွန်းမှမဟကြဘူး။ ညှိနှိုင်းပေးမယ်ဆိုတာက နင်တန်နင်တန် ပန်းကန်ကွဲလုပ်ဖို့ နှပ်ကြောင်းပေးတာ။
အစိုးရမှာ အဂတိလိုက်စားမှုတိုက်ဖျက်ရေးကော်မရှင်ရှိတယ်။ ပါတီမှာ ပါတီစည်းကမ်းထိန်းသိမ်းရေး ရှိတယ်။ အဲ့ဒါတွေကိုင်ပြီး မလုပ်ဝံ့တာ ဘာအဟန့်ရှိနေလို့လဲ။
ခု ဒေါက်တာညိုညိုသင်း လုပ်ပြီ။ သူလုပ်တာ တရားလမ်းကြောင်းကျတယ်။ ပရောဆက်အရမှန်တယ်။ အစိုးရအနေနဲ့ ကော်မရှင်ဖွဲ့စစ်တာမျိုး၊ ဒါမှမဟုတ် ရှိထားပြီးသားယန္တရား (အဂတိလိုက်စားမှု တိုက်ဖျက်ရေးကော်မရှင်) သုံးပြီး တခုခု လုပ်ကို လုပ်ရတော့မယ်။ မလုပ်ကာမှ အစိုးရပုံရိပ်ရော ပါတီပုံရိပ်ပါထိခိုက်မှာ။ ခုက မထိခိုက်သေးဘူး။ ရုပ်ပျက်ဆင်းပျက်ဖြစ်တာလောက်ပဲ ရှိသေးတယ်။
လွှတ်တော်ဘက်က မှန်တယ်ဆို အရေးပါယူရမှာ။ အရေးယူတဲ့နေရာမှာလည်း ပါတီစည်းကမ်းအရရော အစိုးရစည်းမျဉ်း(ဥပဒေ)အရရော အရေးယူရမယ်။ မီဒီကတော့ ပြောမှာပဲ။ မပြောနဲ့ သွားလုပ်လို့မရဘူး။ လုပ်လည်း မလုပ်ရဘူး။ သူ့အလုပ်ကိုး။ သူ့အသက်မွေးဝမ်းကြောင်းကိုး။ ပုဂ္ဂိုလ်ရေးအရလုပ်လုပ် နိုင်ငံရေးအရလုပ်လုပ် လုပ်ပေ့စေပေါ့။ မဟုတ်ရင် မဟုတ်တဲ့သူခံပေါ့။ မီဒီယာမှား မီဒီယာခံ၊ နိုင်ငံရေးသမားမှား နိုင်ငံရေးသမားခံပေါ့။ ဘက်သဘောအရ ဆန့်ကျင်ဘက်သမားကို မီဒီယာသမားဆိုပြီး မီဒီယာခေါင်းစဉ်အောက်သွင်းပြီး အကြွင်းမဲ့ဘေးမဲ့ပေးထားတာ ဘယ်နိုင်ငံမှာမှ မရှိဘူး။ အဲ့လိုပဲ ကိုယ့်ဆန့်ကျင်ဘက်ကို ထောမဏာပြုချီးမွမ်းတဲ့ မီဒီယာလည်း ဘယ်ကမ္ဘာမှာမှမရှိဘူး။
မျိုးမြင့်ချို(အောက်တိုဘာ ၁၃၊ ၂ဝ၁၈)
0 comments:
Post a Comment