သုခမြို့တော်၊ ဟာစရီပါးနှင့် ကျွန်မ ဖေဖေ(မြူမြူ)(၁)ရန်ကုန်ဆေးရုံကြီး၏ အထူးကြပ်မတ်ဆောင် (ICU) ထဲရှိ ခုတင်တစ်လုံးပေါ်ရှိ လူမမာ၏ တစ်ကိုယ်လုံးတွင် ပိုက်များ ရှုပ်ယှက်ခတ်စွာ တပ်ဆင်ထားသည်။ ခုတင်၏ ဘယ်ဘက်ရှိတိုင်တွင် ချိတ်ဆွဲထားသော သွေးပုလင်းထဲမှ သွေးများက တစ်စက်ချင်း၊ တစ်စက်ချင်းကျနေကာ ပလတ်စတစ် ပိုက်ဖြူဖြူထဲမှ လူနာ၏ခန္ဓာကိုယ်ထဲ စီးဝင်နေသည်။Fresh Blood သွေးများ။ဆေးရုံ၏အပြင်ဘက်စင်္ကြံ တွင် များစွာသော မိတ်ဆွေများက တံခါးပိတ်ထားသော ထိုအခန်း ဆီသို့ မျှော်နေကြသည်။ သူတို့အားလုံး၏မျက်နှာတွင် အလွန်အမင်း စိတ်ထိခိုက်သည့်...
