Saturday, January 31, 2015

ဆီမီးဆင်ဖိုနီ၊ နီတျာတျာ၊ ဘယ်သူနဲ့မှ မတွေ့ချင်ဘူးနဲ့တူတယ်ဟု ဆိုသောအခါ(ဆူးငှက်)

0 comments
ဆီမီးဆင်ဖိုနီ၊ နီတျာတျာ၊ ဘယ်သူနဲ့မှ မတွေ့ချင်ဘူးနဲ့တူတယ်ဟုဆိုသောအခါ(ဆူးငှက်)
လိုက်ကာ အဖြူစလေးက ရှားရှားပါးပါးလေမှာ ကော့ခနဲ တစ်ချက်လန်သွားသည်။ မှန်ပြတင်းက ခပ်ဝါးဝါးမြင်လိုက်ရသော စိန်ပန်းပင်အိုကြီးက သူ၏ရောင်ဝတ်စုံတွင် အနီရောင်ဘော်ကြယ်များခပ်စိပ်စိပ်ထိုးထား၏။
စိန်ပန်းပွင့်နီနီ။
ကျွန်တော်သည် မြမန္တလာဟိုတယ်၏ အရှေ့ဘက်အစွန်ခပ်ကျကျအခန်းအတွင်းမှ အပြင်ဘက်ရှိ စိန်ပန်းပွင့်များကို ငေးရီကြည့်နေမိ၏။ ဆရာဒဂုန်တာရာက ၁၉၅ဝ ခု ဒီဇင်ဘာလ စာဆိုတော်ရက်ကာလအတွင်း မန္တလေးရောက်သည့်ခရီးစဉ်ကို တူးဆွပြနေသည်။ လူထုဇနီးမောင်နှံ၊ တက္ကသိုလ်မောင်စောလွင်၊ တောင်သမန် ဦးပိန်တံတား၊
“ကျွန်တော် မန္တလေးရောက်တော့ အတွေ့ချင်ဆုံးပုဂ္ဂိုလ်က ဆရာမြို့မငြိမ်းပဲ၊ နတ်သျှင်နောင်၊ သက်ဝေ၊ ပျို့မှာတမ်းသီချင်းတွေ နားထောင်ပြီးကတည်းက တွေ့ချင်နေတာ။ ပျို့မှာတမ်းက ထပ်ဆိုအပိုဒ်မှာ အနောက်ဟန်ပါတာကိုက နှစ်သက်စရာကောင်းနေတာ။ မြန်မာသံနဲ့အနောက်သံကို လှလှပပတွဲဖက်ထားတာ သိပ်သဘောကျတယ်ဗျာ” ဟု ဆရာက ပြောပြသည်။
သည်တစ်ခေါက် မြမန္တလာမှာ ဆရာဒဂုန်တာရာက မြို့မငြိမ်းအကြောင်းအတော်ပြောချင်နေ၏။ ကျွန်တော်က ဘာမှမပြောနိုင်။
“အဲဒီအခေါက် မန္တလေးရောက်တုန်းက မိတ်ဆုံစားပွဲမှာ ဆရာမြမျိုးလွင်ကိုမေးရတယ်။ “ကျွန်တော် ဆရာမြို့မငြိမ်းကိုတွေ့ချင်တယ်။ မိတ်ဆက်ပေးစမ်းပါ” လို့ပေါ့။ ဒါပေမယ့် ဆရာမြမျိုးလွင်က ပြန်ပြောတယ်ဗျ။ အခုအခါမှာတော့ မြို့မငြိမ်းက ဘယ်သူနဲ့မှ မတွေ့ချင်ဘူးနဲ့ တူတယ်တဲ့ဗျာ။ ကျွန်တော်လည်း ဘာပြန်ပြောရမှန်းမသိဘူး၊ ဆရာမြမျိုးလွင်စကားကိုလည်း ဘယ်လိုနားလည်ရမှန်းမသိဘူး”
ဆရာဒဂုန်တာရာ၏ အသံတိုးညှင်းညှင်းတွင် အတိတ်အား လွမ်းဆွတ်မှုရီဝေနေသည်။ ဆရာက ယခုနှစ် ၅ဝ ကျော်တိုင် ထိုကိစ္စ၏အဖြေကို သိလိုစိတ်ပြင်းပြနေသည့် အားတက်သရောအသံလည်း စွက်နေ၏။
ကျွန်တော် သက်ပြင်းမျှင်းမျှင်းချမိသည်။
ဟိုတယ်အပြင်ဘက် ရေကူးကန်နဘေးက စိန်ပန်းပင်ဆီအကြည့်က ခပ်ငေးငေးရောက်သွားပြန်၏။
စိန်ပန်းပွင့်နီနီ။
(၁)
နီတျာတျာ၊ ရှေးစာ ရာမလေးလို၊ သန္တာသွေးနဲ့နှုတ်ခမ်းနဲ့ ဆင်တူအောင်ရယ် တစ်ကမ္ဘာလုံး နှုတ်ခမ်းနီခြယ်သကြလို့ စကြဝဠာမယ်စော်နံတယ်၊
နှင်းဆီရောင် ပါးပြင်နီမြန်းလို့ရယ်၊
မန္တလေးတရုတ်တန်းရှေ့ တော်ပြေးဝင်းမြောက်ပေါက်နှင့် ဓားလွယ်ခုတ်နေရာ ၂၈ လမ်းမြောက်ဘက်ခြမ်းတွင်ရှိသည့် ဦးရိပ်၊ ဒေါ်လေးတို့ အိမ်ဝင်းအတွင်းမှ တူရိယာသံစုံတီးမှုတ်သံများ မနက်လင်းကတည်းက ထွက်ပေါ်နေ၍ဖြစ်သည်။ ယခင်က သည်အိမ်ဝင်းအတွင်းရှိ အဆောက်အဦးမှာ စစ်ကြီးအတွင်း မီးလောင်ပြာကျသွားသဖြင့် ယခုအခါ ဝါးကပ်မိုးထရံကာ မြေစိုက်အိမ်ပဲရှိသည်။ ထိုအိမ်ဝင်းအတွင်း တီးသံမှုတ်သံတွေကတော့ ဟိုရှေးယခင်ကတည်းက အခုထိမပြောင်းမလဲရှိနေဆဲ။ ကနဦးတုန်းကတော့ မယ်ဒလင်၊ ဘင်ဂျို၊ ဗျက်စောင်း၊ မြန်မာဂီတာတွေဖြစ်မှာပေါ့။ 
အခုတော့ စန္ဒရား၊ အကော်ဒီယံ၊ ကလယ်ရီနက်၊ ထရန်ပက်၊ ဆိုက်ဆိုဖုန်းစသည့် အနောက်တိုင်းတူရိယာပစ္စည်း အသံများဖြစ်သည်။ ဦးရိပ်၊ ဒေါ်လေးတို့ကလည်း အသက်အရွယ်ကြီးရင့်၍ ရှိသည့်ဥစ္စာထုခွဲစားသောက်နေရငြား၊ မိတဆိုးမြေးကလေး ကိုဘညိန်းကို အလိုလိုက်လွန်း၏။ သူဖြစ်ချင်သည်ကို ဖြစ်အောင်ကြံဆောင်ပေးသည်။ ကိုဘညိန်းကလည်း ကျောင်းစာထက် ဂီတကို ပို၍ခုံမင်သည်။ အိမ်နီးချင်း ရွာစားစိန်ဗေဒါ ကြီးကပင် လက်ဖျားခါရသည့် ပါရမီရှင်ဖြစ်သည်။ ငယ်စဉ်ကတည်းက အနောက်တိုင်းဆင်ဖိုနီဓာတ်ပြားတွေ နားထောင်၊ နန်းတွင်းထဲက ကလပ်မှာ ဝင်တီး၊ ရွှေတိုက်ဝင်းမှာ ဂီတသင်္ကေတတွေသင်၊ ဆိုင်းတန်း ဦးတော်လုံကို ဥက္ကဌတင်ပြီး အပျော်တမ်းတူရိယာအသင်းပင် ထောင်လိုက်သေးသည်။ 
ကိုဘညိန်းဖြစ်ချင်တာက ဆင်ဖိုနီသြခက်စတြာတဲ့။ သူ့မိတ်ဆွေ သူဌေးသား ဓားတန်းကိုသန့်နှင့်ပေါင်းကာ မြဝတီမင်းကြီးဦးစ၏ “ဘုံပျံနေနန်း” ကို ဆင်ဖိုနီသြခက်စတြာဝိုင်းဖွဲ့သံစုံတီးဝိုင်းကြီးဖြင့် တီးခတ်ပြလိုသည်။ ဒါက သူတို့ရည်မှန်းချက်။ ထိုရည်မှန်းချက်ကား စစ်ကိုလည်း ကြုံ၊ ခြအုံလည်းဖြစ်၊ ဓားထစ်လည်းခံရသော်လည်း အညွန့်အညှောက်ထွက်ကာရှင်သန်နေဆဲ။ ထို့ကြောင့် စစ်ကြီးအပြီး မြို့မတူရိယာအသင်းကို ပြန်လည်စုစည်းကြတော့ လုပ်သင့်လုပ်နိုင်သည့် ကိစ္စတွေကို တစ်ထစ်ချင်းဆောင်ရွက်သည်။ ကိုဘညိန်းမှာ စီမံကိန်းရှိနေ၏။ ဘယ်သူ့မှလည်း စကား ဖွယ်ဖွယ်ရာရာပြောမနေ၊ အမြဲတွေးအမြဲငေးကာ သူစီမံကိန်းကိုရေးဆွဲနေသည်။ အသင်းတိုက်မှာ လူငယ်ဂီတဝါသနာရှင်တွေကို စုစည်းသည်။ အနောက်တိုင်းဂီတ သင်္ကေတနည်းပညာတွေကို ပို့ချသည်။ လုပ်ဖော်ကိုင်ဖက်များနှင့်လည်း သူဖြစ်ချင်တာတွေပူးပေါင်းသည်။
ဂီတနှင့်ပတ်သက်လျှင် နေ့မရှိ၊ ညမရှိ၊ အိမ်မရှိ၊ အိပ်ရာမရှိ၊ ဇနီးမယားသမီးသားမရှိ။ အိမ်မှာ ညပြန်အိပ်ချင်မှလည်း အိပ်သည်။ သို့မဟုတ် အိမ်မှာပဲ အပေါင်းအသင်း တပည့်တပန်းတွေတရုန်းရုန်းနှင့် ဂီတကိုပဲ နေ့စဉ်ရက်ဆက် လုပ်ကိုင်နေတတ်သည်။
ဘယ်ဘက်မျက်လုံးက ငယ်စဉ်မှာပင် တိမ်ထိထား၍ ချိုင့်ခွက်ကာ မျက်သားဖြူဖြူတွေ များနေတတ်သည့် လူပုံစံက ဘယ်လိုမှ “ပန်တျာ” မလာသော စန္ဒရားအေးမောင်ဆိုသည့် တပည့်ကလည်း ထိုအိမ်က မပြန်တော့။ သူက စန္ဒရားခုံရှေ့ထိုင်သည်ကပင် ခပ်စောင်းစောင်း။
ဝတ်ပုံစားပုံ ဘိုဆံဆံ၊ နှစ်ထပ်ကော်လံ ဟာဝေယံရှပ် အဆင်အကွက်များကို ဘောင်းဘီရှည်နှင့်ဝတ်တတ်သူ၊ တစ်ခါတစ်ရံ ဘောင်းဘီတိုနှင့် ဝတ်တတ်သူ၊ ဘောင်းဘီနှင့်မဟုတ်ဘဲ လုံချည်နှင့်ဆိုပါက ထိုဟာဝေယံရှပ်တို လုံချည်အပြင်ဘက် ထုတ်ဝတ်တတ်သူ၊ တစ်ခေါင်းလုံး ငွေရောင်ဆံပင်၊ အသားကဖြူနီစပ်စပ်၊ ရုပ်က ဘိုကပြားရုပ်။ ရုပ်သွင်ဟန်ဟန် အမူအရာစမတ်ကျကျနှင့် ကိုဘသင်ကလည်း ထိုအိမ်က မပြန်တော့ ။ 
ဆံပင်တိုတို၊ မျက်ဆံကြောင်ကြောင် ဂယောင်ဂယင် မအူမလည်ရုပ် စန္ဒရားအေးမောင်နှင့်တွဲဖက်သူက ထိုကဲ့သို့သော စမတ်ကျကျ ဘိုဆံဆံ ကိုဘသင်။ ကိုဘသင်က ဂျပ်ဇ်နှင့် ဒယ်ဘယ်လ်ဘေ့စ်ကို တီးခတ်သည်။ သူတို့နှစ်ယောက်က ခွဲလို့မရ။ စန္ဒရားနှင့်ဂျပ်ဇ်၊ ဒယ်ဘယ်လ်ဘေ့စ်။
စန္ဒရားဆိုရာတွင် ကိုအေးမောင်က လက်ဆယ်ချောင်းဖြင့် အသံအကွာအဝေး၊ အနိမ့်အမြင့်၊ အတိုအရှည်၊ အတိုးအကျယ်လိုသလို အတိအကျ ရိုက်ခတ်မိအောင် ထိနိုင်ဖိနိုင်တီးနိုင်သူတဲ့။ စန္ဒရားကို အနောက်တိုင်းဂီတသင်္ကေတ(notes)ဖြင့် ကျွမ်းကျင်စွာတီးခတ်နိုင်သူ။ စန္ဒရားကို “ကော့ဒ်” နှင့် ကျွမ်းကျင်စွာတီးခတ်နိုင်သဖြင့် “ကော့အေးမောင်”ဟု ဝိသေသပြုခံရသူ။ ဒီလို ဘိုဆံဆံစန္ဒရားလက်သံနှင့် ဘိုရုပ် ကိုဘသင်၏ ဂျပ်ဇ်နှင့် ဒယ်ဘယ်လ်ဘေ့စ်နှင့် ၂ ယောက်သား တီးခတ်နေကြလျှင်များ ငေးကြည့်ကြရသတဲ့။ 
ဤကဲ့သို့ လိုက်ဖက်ညီသောတပည့်များ စိတ်ရည်တူ လုပ်ဖော်ကိုင်ဖက်များနှင့်အတူ ကိုဘညိန်း(ဝါ)မြို့မငြိမ်းက “ဆီမီးဆင်ဖိုနီ” သီချင်းတစ်ပုဒ် ရေးထုတ်ခဲ့သည်။ သီချင်း၏ကနဦးအစ သံဖြူတန်းက မိတ်ဆွေကြီးကိုလှဒင်အိမ်မှာဖြစ်၏။ ကိုလှဒင်ဆိုတာ မြို့မငြိမ်းနှင့် မြို့မမှာ ကနဦး ထူထောင်ခဲ့သူတစ်ဦးအပါအဝင်။ သူကလည်း ဂျပ်ဇ်သမား။ ကိုလှဒင်အိမ်မှာ မြို့မငြိမ်းက စန္ဒရားအေးမောင်ကို “ရွေတညာ”လေး လုပ်စမ်းပါ ဆို၏။ “ရွေတညာ” ဆိုတာ ပြင်စည်မင်းသားကြီး၏ အလွမ်းဘွဲ့ ယိုးဒယားသီချင်းဖြစ်သည်။
“ရွေတညာ၊ ဖျော်ဖြေဘွေကြော့၊ မြန်မြေချာဝယ်၊ လွန်သာထွေလို့ ဖန်ရွှေစာငယ် မူရာပိုဖွဲ့ဆိုယောင်မှား” အစချီသီချင်းဖြစ်သည်။ အတီးသမားများ အကြိုက်တွေ့သည့် သီချင်းလည်း ဖြစ်၏။ မြို့မငြိမ်းက စန္ဒရားအေးမောင်ကို “ရွှေတညာ”တီးခိုင်းတော့ တပည့်လုပ်သူ ကလည်း စန္ဒရားခုံမှာတစောင်းလေးထိုင်ပြီး ညက်ညက်ကျေနေသော “ရွေတညာ”ကို ဒေါင်းဒေါင်းပြေး တီးခတ်တော့၏။ “အသော” ဒေါင်လို့ မချမီရပ်ခိုင်းသည်။ ထပ်တီးခိုင်းသည်။ အသော “ဒေါင်”လို့ မချမီ ရပ်ခိုင်းပြန်ပြီး လက်ထဲက နုတ်(စ်)စာရွက်တွေပေးကာ “ဒါကိုဆက်တီး” ဟု ခိုင်းသည်။ စန္ဒရားအေးမောင်က ခပ်ကြောင်ကြောင်မျက်လုံးကို ခပ်စောင်းစောင်း အားစိုက်ကာ နုတ်(စ်)တွေကိုကြည့်သည်။ 
လက်ဆယ်ချောင်းနှင့်စန္ဒရားခလုတ် အဖြူ၊ အနက်တွေကို ခပ်သွက်သွက်တို့ထိသည်။ ဘိုဆံဆံတေးသွားတစ်စ။ ရပြီ။ ခပ်သွက်သွက် တီးခတ် လိုက်သည်။ နုတ်(စ်) နှင့်အတူ ရေးမှတ်ထားသော သူ့ဆရာ၏ လက်ရေးခပ်စောင်းစောင်းတွေကို လိုက်ဖတ်ရင်းစိတ်ထဲက အသံထွက်လိုက် ဆိုမိ၏။
“ဝါရွှေညိုနီ၊ ဟို အနောက်တိုင်းဆီဝယ်
ပလက်တီနံဘလွန်း၊ ရောင်စုံခြယ်
မြန်မာလုံမယ်၊ မင်ညိုပိတုန်းရောင်ခြယ်
သွယ်သွယ်ပျော့ပျောင်း၊ ယဉ်ကေဆံသီနွယ်
အနက်ရောင်တစ်မျိုးနဲ့ ဒို့မယ်၊ ကြက်တောင်ဆံရစ်ဆံပတ်ထုံးတယ်
ဒေါက်ချာမြင်းမိုရ် ကြီးငယ်၊ အိုးစည်ခေတ်မီသုံးတယ်
ဗျာပါဆံကေသွယ်၊ ဘောင်ဘောင်ဗွေထဲဆီဝယ်
စွန်တောင်ကိုဆွဲ၊ မူရာတော်တွေကြွယ်”
(၂)
“လှကြစမ်းပါဗျာတို့” သီချင်း၏အစ“နီတျာတျာ၊ ရှေးစာ ရာမလေးလို သန္တာသွေးနဲ့” မှ “နှင်းဆီရောင်၊ ပါးပြင်နီမြန်းလို့ရယ်” အထိမှာ “ရွေတညာ” ယိုးဒယားအသွား ဖြစ်သည်။ စာလုံးအရေအတွက်၊ အသံအကွာအဝေးကြောင့် စည်းဝါးတော့နည်းနည်းကွာသည်။ “ဝါရွှေညိုနီ” မှသည် “စွန်တောင်ကိုဆွဲ” အထိအပိုဒ်က စန္ဒရားအကော်ဒီယံတွေကို “ဂျပ်ဇ်”၊ “ကော့ဒ်”တွေနှင့် ဘိုသံညက်ညက် တီးခတ်ရသည်။ “ယဉ်တစ်ကိုယ် ပါးကျပ်ကိုလဲ” မှ “လှကြစမ်းဗျာတို့ လွတ်လပ်တယ်”ထိက မြန်မာသံ မြန်မာအသွားပြန်ဝင်လာ၏။ 
ထိုအပိုဒ်တွင်ပို၍ မြန်မာဆံလာအောင် ပန်းချီဦးဘသက်က ဝါးပတ္တလားအသံကျဲကျဲလေးနှင့် ဆော့ကြည့်ချင်သေးတယ်ဟု ဆိုသည်။ ၂၈ လမ်းအိမ်ကလေးမှာ “လှကြစမ်းပါဗျာတို့”ကို အပြန်ပြန်အလှန်လှန် အညက်ကြီးညက်အောင် စိတ်လိုလက်ရ နှစ်နှစ်သက်သက် တီးမှုတ် နေကြတာ နေ့စဉ်ရက်ဆက်။ မြို့မငြိမ်း၏ အဘွားဒေါ်လေးကလည်း သူ့မြေးနှင့် အပေါင်းအသင်းတွေ ပျော်ရွှင်နေကြတာကြည့်ပြီး ကျေနပ် နေသည်။ မြေးဖြစ်သူ ဘာလိုသလဲ၊ လိုသမျှဆောင်ကြဉ်းပေးရတာကိုပဲ အဘွားအိုက ဝမ်းသာနေ၏။ “လှကြစမ်းပါဗျာတို့” ကို မြန်မာ ဝါးပတ္တလားသာမက အခြားအနောက်တိုင်းတူရိယာတွေ ကြိုးတတ်တူရိယာတွေနှင့်ပါ အသံတွေထပ်မံ ဖြည့်စွက်ကြဦးမည်။ တူရိယာပစ္စည်း အသီးသီးနှင့် ပိုင်နိုင်ကျွမ်းကျင်မှုကို နာရီမလပ်မပြတ် လေ့ကျင့်နေကြသည်။ မကြာမီ ဆရာမြို့မငြိမ်းလိုချင်သော ဆီမီးဆင်ဖိုနီကို အကောင်အထည် ဖော်နိုင်ကြတော့မည်။
“ယဉ်တစ်ကိုယ်၊ ပါးကျပ်တိုပဲ
ဆိုးလက်သဲလက်သဲ၊ ရဲနီမြန်းနီမြန်း။ ပန်းနွယ်ကော့သွယ်
စင်အောင်နှုတ်လို့သာပေး၊ ရေးမင်ရေး မင်ရေး
ကွေးကောက်ကွေးမျက်ခုံးသုံးရက်လနှယ်
အစ်မကြီးတို့ရဲ့ ဓနဉ္စရူပံ၊
ကြံဖန်ထင်သလို၊ လှကြစမ်းဗျာတို့ လွတ်လပ်တယ်”
နန်းရှေ့အောင်ပင်လယ်ကန်ပေါင်ရိုးအနီးက ကျွန်တော့အိမ်ကလေးသို့ အန်တီဒေါ်တင်ကြည်က သူ့ခြံကိုလာကြည့်ရင်း ဝင်ဝင်လာတတ်သည်။ အန်တီဒေါ်တင်ကြည်ဆိုတာ ဆရာမြို့မငြိမ်း၏သမီးကြီး၊ ပန်းချီဆရာပေါ်ဦးသက်၏ဇနီးဖြစ်သည်။ သူ့ခြံက ကျွန်တော့အိမ်၏ အရှေ့ဘက်မှာ ကပ်လျှက်။ အန်တီဒေါ်တင်ကြည်က ကျွန်တော့အိမ်မှာ စိမ်ပြေနပြေထိုင်ရင်း ရှေးဟောင်းနှောင်းဖြစ်တွေ ပြောပြသည်။ 
အကြောင်းအရာ အစပ်အဟပ်တည့်သွားပြီဆိုမှဖြင့် သူ့သားကိုမိုးကြီးကို ကားနှင့်ပြန်လွှတ်လိုက်ပြီးနောက် ၁ နာရီကျော်မှ ပြန်လာခေါ်လှည့်ဟု ပြောတတ်၏။ အန်တီဒေါ်တင်ကြည်သည် သူ့ဘဘ ဆရာမြို့မငြိမ်းအကြောင်း၊ သူ့ဘဘ၏ သီချင်းတွေအကြောင်းကို မမောနိုင်မပန်းနိုင် ပြောသည်။ တခါတရံ သီချင်းတွေလည်း သံနေသံထားနှင့်ဆိုပြ၏။ သီချင်းသံကြားတော့ အိပ်ရာထဲက အသက် ၉ဝ ကျော်အရွယ် ကျွန်တော့ အမေကလည်းထလာပြီး ကျွန်တော်တို့ဆီထွက်လာ၏။ အန်တီဒေါ်တင်ကြည်က အမေ့ကိုမြင်တော့ “သြော် အမေ ကန်တော့နော် ကန်တော့” ဟု ဆိုသည်။ အမေက “ရတယ် ပြောပြော၊ အမေလည်း နားထောင်ချင်လို့”ဟု ဆိုသည်။ 
“အိမ်မှာက မနက်လင်းတာနဲ့ တရုန်းရုန်းပဲကွယ့်၊ အန်တီတို့ ဘေးမကြီးကလည်း အဘွားကြီးလုံးလုံးဖြစ်နေတာတောင် သူ့မြေး၊ အန်တီတို့ ဘဘကို မျက်နှာအညှိုးမခံရဘူး၊ လိုတာကို မရှိတဲ့ကြားက ထုခွဲပေးနေတာ။ စစ်ကြီးမှာ အိမ်လည်းပြာကျ၊ လုပ်ငန်းလည်းပျက်ဆိုတော့ ဘယ်မှာဝင်ငွေရှိမှာတုန်း၊ မေမေကလည်း ဈေးထွက်တယ်ဆိုပေမယ့် အရောင်းအဝယ်ဖြစ်လှတယ်မှမဟုတ်ဘဲ။ အန်တီက အပျို မဖြစ်တဖြစ်ပေါ့။ လွတ်လပ်ရေးရပြီးတော့လည်း တိုင်းပြည်က ငြိမ်တာမှမဟုတ်တာ။ ကရင်ဝင်လိုက်၊ ဟိုနားဒီနားပစ်လိုက်ခတ်လိုက် ဆိုတာတွေကြားနေရတာ။ အန်တီတို့ ဘဘမှာ ညီအစ်ကိုအရင်းအချာလို အလွန်ချစ်တဲ့ညီတစ်ယောက်ရှိတယ်၊ သူက အဲဒီတုန်းက အလံနီကွယ့်။ တစ်နေ့တော့။
(၃)
၁၉၄၉-၅ဝ ဝန်းကျင်တွင် ဆရာမြို့မငြိမ်းက ညီအရင်းတစ်ယောက်ကဲ့သို့ချစ်ခင်ရင်းနှီးသော ဝမ်းကွဲညီတစ်ယောက်သည် လက်နက်ကိုင် အဖွဲ့အစည်းတစ်ခုထဲပါဝင်နေသဖြင့် အစိုးရစစ်တပ်က ဖမ်းဆီးမိသွားသည်။ မန္တလေးအရှေ့ဘက် ပုသိမ်ကြီးရေထွက်စခန်းတွင် တပ်စွဲထားသော အစိုးရစစ်တပ်ကဖမ်းဆီးမိသဖြင့် လက်နက်ကိုင်တိုက်ပွဲ အရှိန်အဟုန်ပြင်းထန်သောကာလမို့ ရန်ကင်းတောင်ခြေ၌ပင် ကွပ်မျက်သည်ဟုဆို၏။ မြို့ကိုပင် မောင်းထုကြေညာသော ကွပ်မျက်သည့်ပွဲကို ဆရာမြို့မငြိမ်းက သူ့မိတ်ဆွေဦးလေးစိန်တို့နှင့် သွားကြည့် မိသည်ဆို၏။ 
ရန်ကင်းတောင်က ပြန်လာကတည်းက ဆရာမြို့မငြိမ်း ငူငူငေါင်စင်းစင်းဖြစ်နေသည်။ အလွန်နုနယ်သော အနုပညာသမား၏ဦးခေါင်းမှာ ရက်စက်ကြမ်းကြုတ်မှုအမည်းကွက်က ရုတ်ချည်းစွဲထင်သွားခြင်းဖြစ်၏။ ဘယ့်နှယ်ခံနိုင်ပါ့မလဲ။ အစကတော့ သတိမထားမိ။ သူ့နဂိုနေ ပုံစံပဲထင်ကြ။ ဖြည်းဖြည်းချင်းမှ သိသာလာသည်။ သမီးဖြစ်သူ၏ အိမ်မှာလှန်းထားသော အင်္ကျီအနီကိုမြင်တော့ ရုတ်ချည်းဆွဲယူကာ ဆုတ်ဖြဲလွှင့်ပစ်လိုက်သည်။ တဘက်အနီကိုမမြင်ရဲ။ အိမ်ရှေ့က ဖြတ်သွားလေ့ရှိသည့် အိန်္ဒိယအမျိုးနွယ်များ၏ ဘင်ခရာနှင့်လှည့်လာသော မင်္ဂလာဆောင်အခမ်းအနားများတွင် အနီရောင်ရဲရဲဝတ်ဆင်လာသော သတို့သားသတို့သမီးကို တွေ့ရာခဲနှင့် ပစ်ခတ်တတ်သည်။ 
သည်ကြားတွင် အစစအလိုလိုက်သော ဘွားအေကြီးကလည်းဆုံးပါးသွားတော့ တစ်ပူပေါ်နှစ်ပူဆင့်လာ၏။ အိမ်မှာအမြဲ စုစည်းဝိုင်းဖွဲ့ နေကြသည့်အပေါင်းအသင်းများ၊ တပည့်များက လက်သားကျနေသော “လှကြစမ်းပါဗျာတို့” ကိုလည်း မတီးမှုတ်ရဲ။ “နီတျာတျာ” ဆိုသည်နှင့် ဆရာမြို့မငြိမ်းက ပိုသည်းလာသည်။ ပိုဆိုးလာသည်။ အားလုံးလည်း လူစုကွဲသွား၏။ ဓားတန်း အသင်းတိုက်သို့လည်း မသွားနိုင်တော့။
တစ်ခါတစ်ရံ တစ်ယောက်တည်းထွက်သွားပြီး နန်းဦးလွင်က ဦးလေးစိန်ဆီ ရောက်ချင်ရောက်သွားသည်။ တစ်ခါတစ်ရံ ဝါးတန်းမှာ တစ်ယောက်တည်း၊ တစ်ခါတစ်ရံ ဒေါင်းရိုးမှာ၊ ဆရာငြိမ်းကို တစ်ယောက်တည်းတွေ့သည့်သူတိုင်းက အိမ်သို့ပြန်ပို့ပေးသည်။ မန္တလေးဆိုတာကလည်း တောင်ပြင်၊ မြောက်ပြင်၊ အရှေ့ပြင်၊ အနောက်ပြင် ဘယ်နေရာသွားသွားမသိသူမရှိ။ ဆရာငြိမ်းလို ပုဂ္ဂိုလ်မျိုးမို့ လူတိုင်းကသိသည်။ ဝိုင်းဝန်းသည်။ စောင့်ရှောက်သည်။ မြို့မအသင်းကတော့ ဓားတန်းမှာ ဆရာမြို့မငြိမ်းမရှိတော့သော်လည်း သူ့နည်းသူ့ဟန် ဆက်လက်ချီတက်နေဆဲ။
ဆရာမြို့မငြိမ်း၏ စိတ်မကျန်းမာမှုသတင်းက တစ်မြို့လုံးသိထားပြီး တစ်မြို့လုံးက စာနာထောက်ထားနေကြသည်။ ထိုစဉ်ကာလမှာပဲ ဆရာဒဂုန်တာရာ မန္တလေးရောက်လာပြီး စာပေမိတ်ဆုံညစာစားပွဲတွင် ဆရာမြမျိုးလွင်အား “မြို့မငြိမ်းကို တွေ့ချင်တယ်ဆရာ၊ မိတ်ဆက် ပေးစမ်းပါ” ဟု ပြောလိုက်ခြင်းဖြစ်၏။ 
ဆရာဒဂုန်တာရာကတော့ သူအလွန်တွေ့ချင်သော မြို့မငြိမ်းကို မတွေ့ခဲ့ရဟုဆိုသည်။ ဆရာကြီး မြမျိုးလွင်၏စကားရပ်ကိုလည်း ကေင်းစွာ နားမလည်ဟု မြို့မစိန်ရတုမဂ္ဂဇင်းတွင် ရေးသားခဲ့သည်။ ဆရာဒဂုန်တာရာ၏ဆောင်းပါးကိုဖတ်ပြီးနောက် ကျွန်တော်တို့လည်း ဆရာကြီး မြမျိုးလွင်၏စကားကို နားမလည်ခဲ့။ ကျွန်တော်တို့အချင်းချင်းပင် အငြင်းပွားမိကြသေးတော့။ အမြင်အမျိုးမျိုး။ 
ကဲ၊ တစ်မြို့လုံးသိနေသော ကိစ္စမှာ နာမည်ကျော်စာရေးဆရာကြီးမြမျိုးလွင်က ဧည့်သည်စာရေးဆရာကို ဘယ်လိုအဖြေပေးရပါ့မလဲ။ ဝတ္ထုတိုင်းတွင် ဖွယ်ရာယဉ်ကျေးလွန်းလှသည့် အပြန်ပြန်အလှန်လှန် စကားပြောများကြောင့် လက်ကမချချင်အောင် စွဲမက်ကြ၊ ချီးမွမ်းခဲ့ကြ ရသည့် မန္တလေးသား ဆရာကြီးမြမျိုးလွင်က အလွန်ဖွယ်ရာယဉ်ကျေးသောအသုံးအနှုန်းဖြင့် ဆရာဒဂုန်တာရာကို အဖြေပေးခဲ့သည်။ 
“ယခုအခါမှာတော့ မြို့မငြိမ်းက ဘယ်သူနဲ့မှ မတွေ့ချင်ဘူးနဲ့တူတယ်” တဲ့။
စာလုံးတစ်လုံးချင်းကို ရေရွတ်ကြည့်လိုက်ပါဘိ။ အလွန်ယဉ်ကျေးဖွယ်ရာသော အဖြေစကားပါပေ။ ဘယ်သူ့ကိုမှလည်း မထိခိုက်။ ဆရာကြီး မြမျိုးလွင်၏စကားရပ်ကို ကျွန်တော်စိတ်ဝင်စားသည်။ ထိုအချိန်က ဆရာမြို့မငြိမ်းက ဘယ်သူနှင့်မှ မတွေ့ချင်သောအနေအထားကို စေ့ငု ကြည့်မိသည်။ သည်လိုနှင့်။ 
(၄)
မြမန္တလာတွင် ဆရာဒဂုန်တာရာလာသည့်အခေါက်က ထိုအကြောင်းကို မပြောမိလိုက်။ ဘာပဲပြောပြော သည်ကိစ္စက ဆရာဒဂုန်တာရာ့ကိုသာ မက အားလုံးကိုပြောပြချင်မိသည်။ ကွယ်လွန်သူ အန်တီဒေါ်တင်ကြည်ကလည်း သူ့ဘဘအကြောင်းသူပြောပြတာ ကျွန်တော်ကတဆင့် မိတ်ဆွေတို့ကို အခုလို ပြန်ဖောက်သည်ချခြင်းကိုလည်း ခွင့်ပြုမှာသေချာသည်။
ဆူးငှက်

ဗိုလ်မှူးချုပ်ဟောင်းကျော်ဇောကိုယ်တိုင်ရေးအထုပ္ပတ္တိ အပိုင်း(၁) အခန်း(၅)

0 comments
ဗိုလ်မှူးချုပ်ဟောင်းကျော်ဇောကိုယ်တိုင်ရေးအထုပ္ပတ္တိ အပိုင်း(၁) အခန်း(၅)

နောက်နေ့ ကျနော်သင်္ဘောဆင်းရမည့်နေ့ ညဦးပိုင်း ၇ နာရီလောက်တွင် ကိုညိုပြောလိုက်သော ရန်ကုန်အရှေ့ပိုင်းရပ်ကွက် လူမရှိသော အိမ်တအိမ်သို့ ကျနော်သွားပြီး တခါးကို အသာတွန်းဝင်သွားပါသည်။ အိမ်တွင် အိမ်ထောင်ပရိဘောဂတွေအစုံရှိသော်လည်း အိမ်ရှင်များ မရှိပါ၊ အိမ်တွင်းမှာ အတော်မှောင်နေပါသည်။ နောက် ကိုညိုမှာလိုက်သည့်အတိုင်း အိမ်ခန်းအတွင်း ၂ ယောက်အိပ်ကုတင်အောက်မှ ဂျပန်ရေတပ်ဝတ်စုံကိုယူရန် ကုတင်အောက်ကိုဝင်လိုက်ရာ ကုတင်အောက်တွင် လူတယောက်နှင့်တွေ့ထိမိပါတော့သည်။ ၂ ဦးစလုံးက ပြိုင်တူ ခင်ဗျားဘယ်သူလဲဟု မေးကြပါသည်။ နောက်စကားသံကိုကျက်မိသဖြင့် ကျနော်က ခင်ဗျားသခင်သန်းတင်လားဟု လည်းကောင်း သူကလဲ ခင်ဗျားသခင်ရွှေမဟုတ်လားဟုပြောကြပြီး ကုတင်အောက်ကထွက်၍ ခပ်မှောင်မှောင်တွင် လက်ချင်းဆက်ပြီး ၂ ယောက်စလုံး ဒီည ဂျပန်သင်္ဘောကိုဆင်းကြတော့မည်၊ ဂျပန်စစ်ပညာသင် သွားကြရမည်ကိုပြောကြပြီး ဂျပန်သင်္ဘောသားဝတ်စုံကို ဝတ်ဆင်ကြပါသည်။ ကျနော်တို့မှာ တယောက်တည်းမဟုတ် ရဲဘော်မိတ်ဆွေနှင့် ၂ ယောက် အတူတူသွားကြရမည်ဖြစ်၍ အလွန်ဝမ်းသာသွားကြပါသည်။

သခင်သန်းတင်မှာ ခေါင်းဆောင်ကြီးသခင်မြအိမ်တွင်နေပြီး ကျနော်တို့ကို ဗမာ့လက်ရုံးတပ် စစ်သင်တန်းလေ့ကျင့်ခန်းများ လာပြီးပေးခဲ့သူ ရဲဘော် ဖြစ်ပါသည်။ ၂ ယောက်စလုံး ဂျပန်အတူသွားရမည်ဖြစ်၍ ဝမ်းသာနေကြပါသည်။

ကျနော်တို့ ၂ ယောက်သည် ကိုညိုမှာလိုက်သည့်အစီအစဉ်အတိုင်း ထိုအိမ်မှနေပြီး အတွင်းဝန်ရုံးကြီးဘက်ကို သွားကြပါသည်။ အတွင်းဝန် ရုံးကြီးနားရောက်သောအခါ ကျနော်တို့ လန်ချားစီးပြီး အတွင်းဝန်ရုံးကြီး၏အနောက်ဘက်မျက်နှာပြင်ကို တပတ်ပတ် ပါသည်။ ထိုအတွင်း အတွင်းဝန်ရုံးကြီး၏ အနောက်မြောက်ထောင့် စပတ်လမ်းပေါ်ရောက်သောအခါ ကျနော်က ကိုသန်းတင်ကို ထောင့်သုံးရာပြည့် ကျနော်တို့ ကျောင်းသားတွေ အရိုက်ခံရသောနေရာကိုရောက်သောအခါ ဒီနေရာမှာ ထောင့်သုံးရာပြည့်တုန်းက ကျနော်တို့အရိုက်ခံရတဲ့နေရာဟု ပြောပြ ပါသည်။ ဤတွင် လန်ချားကုလားက ဂျပန်အဝတ်အစားနှင့် ဗမာစကားပြောသံကိုကြားပြီး အံ့သြတကြီး လန်ချားဆွဲနေရာက နောက်ပြန် လှည့်ကြည့်တော့မှ ကျနော်တို့အမှားကို သတိပြုမိပါသည်။

ကျနော်တို့ အချိန်နည်းနည်းစောနေသဖြင့် လန်ချားမှဆင်းပြီးလမ်းလျှောက်ကာ ကိုညိုမှာလိုက်သည့်အတိုင်း အတွင်းဝန်ရုံးကြီး၏ အရှေ့မြောက်ထောင့်နေရာ ညာဘက်လမ်းမပေါ်သို့ ငှက်ပျောသီးတဖီးစီကိုင်ပြီးလျှောက်လာရာ ဂျပန်သင်္ဘောသားတစု ကျနော်တို့နောက်က သင်္ဘောဆိပ်ဘက်သို့ သွားနေသည်ကိုတွေ့ရသဖြင့် ကိုညိုမှာလိုက်သည့်အတိုင်း ၎င်းဂျပန်သင်္ဘောသားအုပ်စုနှင့် ရောပြီးလိုက်သွားပြီး နောက်ဆုံး ဂျပန်သင်္ဘောပေါ်သို့ ရောက်သွားပါတော့သည်။

နောက်ဂျပန်တဦးက ကျနော့်တို့ ၂ယောက်ကို ဂျပန်သင်္ဘောဆန်အိတ်တွေတင်ရာတွင် တမင်လုပ်ထားသော ဆန်အိတ်လိုဏ်ခေါင်းတခုသို့ ငုံ့လျှိုးပြီး ခေါ်ဆောင်သွားပါသည်။ ထိုနေရာသည် ကျနော်တို့ပုန်းခိုနေရမည့်နေရာ ဖြစ်ပါသည်။ ရေပုလင်းအနည်းငယ်လည်း ရှိပါသည်။

ကျနော်တို့ နောက်မှသိရသည်မှာ ကျနော်တို့သင်္ဘောပေါ်အတက်တွင် တံခါးဂိတ်ဝတွင် အင်္ဂလိပ်အစိုးရဘက် အကောက်ဌာနတာဝန်ခံရှေ့က ဖြတ်သန်းသွားရရာ ထိုအင်္ဂလိပ်အကောက်ဌာနတာဝန်ခံက ကျနော်တို့ ၂ယောက်ကိုဖမ်းဆီးလိုက်ရင် ဂျပန်တယောက်က မြန်မာငွေတွေ အများကြီးပေးပြီး လာဘ်ထိုးကယ်ယူဖို့ ဂျပန်တဦး ငွေထုပ်နှင့် ကျနော်တို့အနားတွင် ရှိနေသည်ဆိုသည်။ ကျနော်တို့ချောမောစွာ လွတ်မြောက်ပြီး ဂျပန်သင်္ဘောပေါ်သို့ ကောင်းစွာရောက်ရှိခဲ့ပါသည်။ ဒီတော့မှ ကျနော်တို့ စိတ်အေးရပါသည်။

နောက်နေ့ ၁၁ နာရီလောက်ကစပြီး လိုဏ်ခေါင်းထဲမှာ အတော်ပူပြင်း အိုက်စပ်လာပါသည်။ ကျနော်တို့ထံသို့ ဦးလေးအရွုယ် ဂျပန်လူကြီး တယောက်က ထမင်းစားချိန် ထမင်းဟင်း လာပို့တတ်ပါသည်။ သူ့ကိုယ်သူ “အိုကြီးစံ”ဟု မိတ်ဆက်ထားပါသည်။ (ကျနော်သည်ထိုဂျပန် အဘိုးကြီး၏ယုယကြင်နာမှုများကြောင့် သူပြောသောနာမည်ကို ယခုအထိမမေ့ပေ၊ ကျနော့်စိတ်ထင် ထို“အိုကြီးစံ”ဆိုသောနာမည်မှာလည်း သူ့နာမည်ရင်းဟုတ်မည်မထင်။ ဂျပန်လို ဦးလေးကြီးဟုခေါ်သော စကားလုံးဖြစ်ပုံရသည်)

ခဏကြာသောအခါ ၎င်းအိုကြီးစံသည် မျာက်နှာသုတ်ပဝါကလေးများယူလာပြီး ကျနော်တို့ကို ပေးသည်။ ကျနော်တို့ ပူအိုက်ပြီး ချွေးထွက်နေတာကို သူတွေ့သွား၍ ချွေးများသုတ်ရန် နောက်တခေါက်လာပေးခြင်းဖြစ်သည်။

၏မှတ်ချက်၊  ၊ ကျနော်သည် ဂျပန်ပြည်စစ်ပညာသင်သွားမှတ်တမ်းကို ဗမာပြည်ကစထွက်သည့်နေ့မှ BIA တပ်နှင့် ရန်ကုန်မြို့သို့ ပြန်ဝင်လာ ခါနီးအထိ လအချို့၏အဖြစ်အပျက်များကို မှတ်တမ်းစာအုပ် ၂ အုပ်။ ဗလာစာအုပ်နှစ်အုပ်နှင့် ရေးသားထားခဲ့ပါသည်။ ၎င်းစာအုပ် ၂အုပ် အကြောင်းကို ဗမာ့တပ်မတော်မော်ကွန်းတိုက်များကိုအုပ်ချုပ်ရသော ဗမာ့တပ်မတော်ဌာနချုပ်ရုံးမှ ဒုဗိုလ်မှူးကြီးဘသန်းကို ကျနော် ဗမာ့တပ်မတော်မြောက်ပိုင်းတိုင်းမှူးဖြစ်စဉ် ၁၉၅၅ ခုနှစ်လောက်က ပြောမိသည်။ ထိုစာအုပ်များကို စစ်ကြီးအတွင်း ကျနော်သိမ်းဆည်း ထားခဲ့ကြောင်းပြောမိသည်။ ဤတွင် ဒုဗိုလ်မှူးကြီးဘသန်းက ဟာ ဒါသိပ်အရေးကြီးတာပဲ၊ ဒီစာအုပ် ၂အုပ်ဟာ သမိုင်းဝင်တဲ့စာအုပ်တွေ ဖြစ်တယ်၊ ခင်ဗျားထံမှာသိမ်းထားရင် နောင်ဆွေးမြေ့ပျက်စီးသွားနိုင်တယ်၊ နောက် ခင်ဗျားမရှိတော့ရင်လည်း ဒီစာအုပ်တွေ ပျောက်ပျက်လည်း သွားနိုင်တယ်၊ ဒီကိစ္စဘယ်မှာမှ မှတ်တမ်းရှိတာမဟုတ်ဘူး၊ ဒီတခုသာ ရှိတာ။ အလွန်အဖိုးတန်တာ၊ ထာဝရမပျက်စီးအောင် ကျနော်တို့ မော်ကွန်းတိုက်က သိပ္ပံနည်းကျ လေလုံမိုးလုံမှာထိန်းသိမ်းထားချင်ပါတယ်၊ ထာဝရ ထိန်းသိမ်းထားနိုင်ပါတယ်၊ နောင်ခင်ဗျားကြည့်ချင်လည်း မော်ကွန်းတိုက်က ယူကြည့်နိုင်ပါတယ်၊ ကျနော်တို့ မော်ကွန်းတိုက်ကို ပေးထားပါ၊ ထာဝရ ထိန်းသိမ်းထားသွားပါ့မယ်ဟု အတင်းနင်းပြီး အားတိုက်ခွန်တိုက် ပြောပါတော့သည်။ ကျနော်လည်း တုန်လှုပ်သွားသော်လည်း ဒီစာအုပ်များ ကျနော်တဦးတည်းပိုင် ဖြစ်ရတာထက် နိုင်ငံတော်ပိုင်ဖြစ်သွားတော့မှာမို့ သဘောတူပြီးပေးလိုက်ပါသည်။

၎င်းမှတ်တမ်းစာအုပ် ၂အုပ် တပ်မတော်မော်ကွန်းတိုက်တွင်ရှိနေကြောင်း ကျနော်ရန်ကုန်မှာရှိနေစဉ်က သိနေရပါသည်။ ၁၉၉ဝ ခုနှစ် မိမိ၏ မိသားစု ပြေးရင်းလွှားရင်း တရုတ်ပြည်သို့ရောက်လာပြီး တရုတ်အစိုးရစောင့်ရှောက်မှုနှင့် တရုတ်ပြည်မှာနေစဉ် ၁၉၉၉ ခုနှစ် ဒီဇင်ဘာလတွင် မိမိ၏ဇနီးသည် ဒေါ်သန်းစိန်ကွယ်လွန်ပြီးနောက် ၂ဝဝဝ ခုနှစ်တွင် သားကိုမြမောင်က ရွှေလီမြို့မှနေပြီး မြန်မာပြည် ဗမာ့တပ်မတော်မော်ကွန်း တိုက်မှ ၁၉၉၄ ခုနှစ်တွင်ထုတ်ဝေသော တပ်မတော်သမိုင်းစာအုပ်တွဲများကိုပို့ပေးရာတွင် ထိုစာအုပ်ပါ အချက်အလက်အချို့ကို “ဗိုလ်မှူးချုပ် ကျော်ဇော ဂျပန်စစ်ပညာသင်သွားမှတ်တမ်းမှ” ဟုကိုးကားဖော်ပြပြီး ရေးသားထားသည်ကိုတွေ့ရ၍ မိမိမှတ်တမ်းစာအုပ်နှစ်အုပ် တပ်မတော် မော်ကွန်းတိုက်တွင် ဆက်ရှိနေသည်ကိုသိရပါသည်။

၎င်းမှတ်တမ်းများမပေးလိုက်ခင် ကျနော်ကော်ပီတစောင် ကူးယူထားလိုက်ပါသည်။ ကော်ပီကူးစဉ် ကူးပေးသူ မြောက်ပိုင်းတိုင်းစစ်ရုံး လက်နှိပ်စက်စာရေးက ကျနော့်ထံလာပြီး ထိုမှတ်တမ်းများမှာ အလွန်စိတ်ဝင်စားစရာကောင်းသဖြင့် သူ့ကိုကော်ပီတစောင် ရယူခွင့်ပြုပါရန် လာတောင်းပါသည်။ ကျနော်က ဒီမှတ်တမ်းတွေဟာ ကျနော်ပိုင် မဟုတ်တော့ဘူး၊ တိုင်းပြည်က ပိုင်သွားပြီဖြစ်သဖြင့် မပေးနိုင်တော့ပါဟု တောင်းပန်လိုက်ပါသည်။ ကျနော်နှင့်သားသမီးများ (၁၉၇၆) ခုနှစ်က တောခိုလာရာတွင် ထိုမှတ်တမ်းကော်ပီမှာ ကျနော့်စမ်းချောင်းအိမ်တွင် ကျန်ရစ်ပါသည်။ ထိုစဉ်က ကျနော့်ဇနီးဒေါ်သန်းစိန်ထံမှ ကျနော်သိမ်းထားသော ဓာတ်ပုံပေါင်း(၄၉၉)ပုံကို ထောက်လှမ်းရေးကသိမ်းယူသွား ပါသည်။ ၁၉၈ဝ ခုနှစ်တွင် ဒေါ်သန်းစိန် ကျနော်တို့နောက်လိုက်လာရာ ကျနော့်အိမ်တွင် ဒုတိယသမီး စန်းစန်းတို့အိမ်ထောင်စုသာရှိရာမှ သမီးစန်းစန်းကို ၁၉၈၉ ခုနှစ်တွင် နဝတအစိုးရကဖမ်းပြီး ကျနော့်စာအုပ်စာတမ်းအားလုံးကို ကားနဲ့တိုက်ပြီး ထောက်လှမ်းရေးက သိမ်းယူ သွားရာ ထိုစာတမ်းများပါသွားနိုင်ပါသည်။ ထိုအကြောင်းများကို ဒေါ်သန်းစိန်နှင့် စန်းစန်းတို့က ပြန်ပြောပြဖူးပါသည်။

ကျနော် ၎င်းမှတ်တမ်းရေးရခြင်း၏ အဓိကအကြောင်းရင်းမှာ နောင်ကျနော်တို့ဗမာပြည်ပြန်ပြီး ဗမာစစ်တပ်ဖွဲ့စည်းရာတွင် ကျနော်တို့ကပြန်ပြီး စစ်သင်တန်းပေးလျှင် မမေ့မလျော့ ပြန်ပြီးသင်ကြားနိုင်ရန်အတွက် ဂျပန်ဆရာများက ကျနော်တို့ကို ၁၉၄၁ ခုနှစ်က ဟိုင်နန်ကျွန်းနှင့် ဖော်မိုဆာကျွန်းတို့တွင် စစ်ပညာသင်ပေးသော သင်ကြားချက်များကို နေ့စဉ်မှတ်စုထုတ်ထားခြင်းဖြစ်ပါသည်။ သို့သော် ၎င်းမှတ်တမ်းများတွင် စစ်ပညာမှတ်စုများသာမက ထိုစဉ်ကကျနော်တို့ နေထိုင်စားသောက်သွားလာရပုံ။ ဂျပန်ဆရာများနှင့် မသင့်မမြတ်ဖြစ်ပြီး ဂျပန်ဆန့်ကျင်ရေး စိတ်ဓာတ်များ ထိုစဉ်ကတည်းကဝင်ခဲ့ပုံတွေပါ ပါဝင်နေပါသည်။ ထို့ပြင် ထိုစဉ်က မြန်မာမျိုးချစ်လူငယ်တဦး၏ စိတ်နေသဘောထားကိုလည်း ဖော်ပြထားသလို ဖြစ်ပေသည်။

ယခုတွင် ထိုကျနော်၏ ဂျပန်စစ်ပညာသင်သွား မှတ်တမ်းစာအုပ်နှစ်အုပ်မှာ ဗမာ့တပ်မတော်မော်ကွန်းတိုက်တွင် တိုင်းပြည်၏ သမိုင်းဝင်ပစ္စည်း အဖြစ် ကောင်းစွာထိန်းသိမ်းထားပြီဖြစ်၍ စိတ်အေးချမ်းရပေသည်။

ကျနော်တို့ ဂျပန်ဆန်တင်ကုန်သင်္ဘော၏လိုဏ်ခေါင်းထဲနေရသည်မှာ နေ့လည်ပိုင်းရောက်လေ ပူပြင်းအိုက်စပ်လာလေဖြစ်ရာ အတော်အနေရ ခက်လာပါသည်။ မတတ်သာ၍ ကျနော်တို့အဝတ်အစားများချွတ်ကာ အတွင်းခံဘောင်းဘီတိုနှင့်စွပ်ကျယ်နှင့်သာ ပင်ပန်းခက်ခဲစွာနေခဲ့ ရသည်။ အပူဒဏ်မှာ နေဝင်ပြီး ညဦး ညနေ ၆ နာရီ ၇ နာရီလောက်ကျမှ သက်သာလာပါသည်။ ညစာထမင်းလာပို့သော “အိုကြီးစံ”မှာ ကျနော်တို့အဖြစ်ကိုကြည့်ပြီး များစွာစိတ်မကောင်း ဖြစ်သွားပုံရသည်။ ကျနော်တို့လည်း အပူဒဏ်ကြောင့် ညစာကောင်းစွာ မစားနိုင်ကြပေ၊

ထိုည ကျနော်တို့အိပ်ခါနီး ကျနော်တို့လိုမြန်မာလူငယ် ၂ ဦးကို အိုကြီးစံက ကျနော်တို့ထံ လာပို့ပါသည်။ ကျနော်တို့အံ့အားသင့်ပြီး အချင်းချင်း မိတ်ဆက်ကြတော့မှ သူတို့လည်း ကျနော်တို့လို ဂျပန်ကိုစစ်ပညာသင်သွားရန်စေလွှတ်ခြင်းခံရသော လူငယ်တွေဖြစ်ကြောင်း ဝမ်းမြောက်စွာ သိရှိရပါတော့သည်။

နောက်နေ့တွင်လည်း ယမန်နေ့လိုပင် အပူဒဏ်ကို ခံကြရပြန်ပါသည်။ ကျနော်တို့က လူသစ် ၂ ယောက်ကို ထိုအပူဒဏ်အကြောင်း မိတ်ဆက် ထားပါသည်။ ထိုအတွင်း ကိုသန်းတင်မှာ ပူအိုက်လွန်းသဖြင့်ပင်ပန်းနွမ်းနယ်ပြီး မူးဝေလဲကျသွားပါသည်။ ကြမ်းပြင်ကလည်း အလွန်ပူ နံရံကလည်းအလွန်ပူ ဖြစ်သဖြင့် ကျနော်ကသူ့ကိုဖေးမပြီး လဲမကျအောင် မှေးဖက်ထားရပါသည်။ အတော်လေးကြာမှ သူသက်သာလာ ပါသည်။ နေ့လည်လောက်တွင် သင်္ဘောပေါ်ပါလာသူ ကျနော်တို့ကို ဂျပန်သို့ခိုးထုတ်သူ ဂျပန်တာဝန်ခံလူကြီးထံမှ အင်္ဂလိပ်လို စာတိုလေး တစောင်ကို အိုကြီးစံက ထမင်းပို့ရင်းပေးသွားပါသည်။ စာမှာ “ကျနော်တို့ အပူဒဏ်ဒုက္ခကိုခံနေရကြောင်း သူသိရပါသည်။ စိတ်မကောင်းပါ၊ တခြားလည်းစီစဉ်မပေးနိုင်ပါ၊ ခင်ဗျားတို့မျိုးချစ်တွေ ဒီဒုက္ခကိုခံသွားနိုင်မည်ဟု ယုံကြည်ကြောင်း”ဟူသော သဘောဖြစ်ပါသည်။  ကျနော်တို့လည်း ထိုအပူဒဏ်ဒုက္ခကို ကြိတ်မှိတ်ပြီးခံရပါသည်။ သို့သော် ကျနော်တို့မှာ နောက်ထပ် ၂ ဦးတိုးလာ၍ အားတက်ဝမ်းသာ နေပါသည်။

ထိုညတွင်လည်း နောက်ထပ်မြန်မာလူငယ် ၂ ဦး ကျနော်တို့လိုဏ်ခေါင်းသို့ ထပ်ရောက်လာပြန်ပါသည်။ ကျနော်တို့အားလုံးမိတ်ဆက်ကြပြီး ပျော်ရွှင်ဝမ်းမြောက် ကြပါသည်။ နောက်နေ့ညတွင်လည်း နောက်ထပ်မြန်မာလူငယ်တဦး လိုဏ်ခေါင်းသို့ ထပ်ရောက်လာပါသည်။
ထိုညပြီး နောက်ညတွေမှာ မလာတော့ပါ၊ အားလုံးစုံပြီလို့ ယူဆရပါသည်။ ကျနော်တို့အားလုံး၏အမည်များမှာ သခင်စောလွင်(ဗိုလ်မင်းခေါင်)။ သခင်သန်းတင်(ဗိုလ်မြဒင်)။ နောက်ကျနော် သခင်ရွှေ(ဗိုလ်ကျော်ဇော)။ သခင်ထွန်းရွှေ(ဗိုလ်လင်းယုံ)။ ကိုအောင်သိန်း(ဗိုလ်ရဲထွဋ်)။ သခင်တင်အေး(ဗိုလ်ဘုန်းမြင့်)။ သခင်စိုး(ဗိုလ်မြင့်အောင်)။ ပေါင်း ရဲဘော် (၇)ယောက်ဖြစ်ပါသည်။

နောက်ဆုံးရဲဘော် ရောက်လာပြီးနောက် တရက်နှစ်ရက်ကြာသောအခါ ကျနော်တို့သင်္ဘောကြီး စက်ခုတ်မောင်းသံကြားရပြီး မကြာမီ သင်္ဘောကြီးသွားနေသည်ဟု ယူဆရပါတော့သည်။ ထိုနေ့ကို ကျနော်တို့ကောင်းစွာ မှတ်မိနေပါတော့သည်။ ကျနော်တို့ ဂျပန်သင်္ဘောကြီး ဂျပန်သို့စပြီး ထွက်ခွာပြီဟုသိရှိနားလည်ပြီး ကျနော်တို့ များစွာပျော်ရွှင်ကြကာ မြန်မာသင်္ကြန်တွင်းကာလလည်းဖြစ်၍ မိမိတို့ကိုသောက်ဖို့ ပို့ပေးထားသော သောက်ရေပုလင်းမှရေနှင့် ကျနော်တို့အချင်းချင်း လိုဏ်ခေါင်းထဲတွင် ရေပက်ကစားကြပါသည်။

ထိုနေ့ဟာ ဗမာ့တပ်မတော်သမိုင်းစာအရရော(ကျနော်မှတ်မိသလောက်ပါ)၁၉၄၁ ခုနှစ် ဧပြီလ ၁၃ ရက်နေ့ဖြစ်ပြီး ကျနော်တို့စီးနေသော သင်္ဘော၏အမည်မှာ “ကိုင်ရှိမာရူး”ဖြစ်ပါသည်။

မှတ်ချက်၊  ၊ ယခုကျနော်သည် ကျနော်တို့ဂျပန်ပြည် စစ်ပညာသင်သွားသည့်အကြောင်း ရေးရတော့မည်ဖြစ်ရာ ထိုအကြောင်းများကို ကျနော် ရေးထားသောမှတ်တမ်းများ ကျနော့်ထံတွင် မရှိတော့ပါ၊ ဗမာ့တပ်မတော်မော်ကွန်းတိုက်တွင်သာ ရှိနေပါသည်။ ထို့အပြင် ထိုအကြောင်း ကိုးကားကြည့်ရှုရန် တပ်မတော်သမိုင်းစာအုပ်နှင့် စာအုပ်အချို့သာရှိပါသည်။ အဓိက ကျနော်၏မှတ်ဉာဏ်ကိုသာအားကိုးပြီး ရေးရပါမည်၊ ကျနော့်အသက်မှာလည်း ၈၄ နှစ် ရှိနေပြီဖြစ်၍ အတော်ကြိုးစားအားထုတ်ပြီး တဖြည်းဖြည်းခြင်းရေးရပါတော့သည်။

ဗိုလ်မှူးချုပ်ဟောင်းကျော်ဇောကိုယ်တိုင်ရေးအထုပ္ပတ္တိ အပိုင်း(၁) အခန်း(၄)

0 comments
ဗိုလ်မှူးချုပ်ဟောင်းကျော်ဇောကိုယ်တိုင်ရေးအထုပ္ပတ္တိ အပိုင်း(၁) အခန်း (၄)

ကျနော်သည် ဟဲရားဂရိတ်ခေါ် မြန်မာအထက်တန်းဆရာဖြစ်သင် စာမေးပွဲအောင်ပြီးခဲ့ပြီး မြန်မာလိုပညာရေးအရ ရှေ့ဆက်သင်စရာ အတန်းကျောင်းမရှိတော့ပေ၊

ထိုအချိန်တွင် ကျနော့်မှာ ပညာဗဟုသုတလဲ အတော်ပြည့်စုံကြယ်ဝလာသဖြင့် အင်္ဂလိပ်စာတတ်ချင်သောစိတ် အတော်ပြင်းထန်နေပါသည်။ ရန်ကုန်မြို့တွင် ကိုယ်ပိုင်အင်္ဂလိပ်စာတဘာသာ အလွတ်ပညာသင်တန်းဖွင့်ထားသော “အိမ်ကျောင်း” တချို့ ရှိပါသည်။ ထိုကျောင်းကလေးများ တွင် အင်္ဂလိပ်စာတဘာသာကို ဆက်ပြီးသင်ကြားလိုသောဆန္ဒရှိပါသည်။

သို့ရာတွင် ကျနော်မိဘတို့က ကျနော်ဟာ မြန်မာအထက်တန်းကျောင်း ဆရာလည်းဖြစ်လာပြီ။ သင်စရာအတန်းလဲဆုံးပြီ။ အသက်မွေး ဝမ်းကြောင်း လုပ်ကိုင်စားသောက်နိုင်ပြီဖြစ်၍ အင်္ဂလိပ်စာသင်ကျောင်းဆက်မထားလိုဘဲ မိဘများထံ ပြန်လာရန်သာ ပြောပါတော့သည်။ နောက်မိဘများက ကျနော်ရန်ကုန်တွင် ကျောင်းသားသပိတ်ခေါင်းဆောင်လုပ်ခဲ့သဖြင့်လည်း ရန်ကုန်မြို့တွင် ကြာကြာနေပါက ကျနော် လူလည်ကြီးတယောက် ဖြစ်သွားမှာလည်းစိုးပုံရသည်။ ထို့ကြောင့် ကျနော်ကျောင်းဆက်နေရေး ဆက်ပြောသော်လည်း မရတော့ပြီဖြစ်၍ ကျနော်သုံးဆယ်မြို့ ဇာတိဆိုင်းစုရွာသို့ မိဘများထံပြန်ခေါက်ခဲ့ရပါသည်။ ကျနော့် ပညာရေးအတွက်ဝမ်းနည်းစွာနှင့် မိဘများထံ ပြန်ခဲ့ ရပါသည်။

ကျနော်မိမိဇာတိပြန်ရောက်ပြီး ဘာမှလည်းအထွေအထူးအလုပ်မရှိသဖြင့် အင်္ဂလိပ်စာကိုဆက်ပြီးသင်ရန် ကြိုးစားပါသည်။ သုံးဆယ်မြို့တွင် နေထိုင်သော အင်္ဂလိပ်-မြန်မာကျောင်းဆရာ ဆရာပိုင်ဟုခေါ်သော ဆရာတယောက်နှင့်သိကျွမ်းလာပြီး ကျနော့်ကို အင်္ဂလိပ်စာ သင်ကြားပေး ပါရန် ပန်ကြားပါသည်။ ဆရာကလည်းသဘောကောင်း၍သင်ကြားပေးရန် သဘောတူသဖြင့် ဆရာအားလပ်ချိန် ဆရာ့အိမ်ကိုသွားပြီး အင်္ဂလိပ်စာ ဆက်သင်ပါသည်။

သို့သော် ဆရာပိုင်မှာ ကိုယ်ရေးကိစ္စများ၍ အချိန်သိပ်မပေးနိုင်လို့ စာသင်ချိန်နည်းပါးသည်က တကြောင်း။ နောက် ဆရာပိုင်မှာ သက်ကြီး အရွယ်များ ပညာသင်ကြားပေးရသောနည်းနာ မကျွမ်းကျင်၍တကြောင်း တို့ကြောင့် ကျနော် အင်္ဂလိပ်စာသင်ကြားမှုမှာ သိပ် ထိထိရောက်ရောက် မရှိလှပါ၊ သို့သော် ကျနော် ဤအတိုင်း ဆက်လက်သင်ကြားသွားပါသည်။

ထိုအတွင်း သုံးဆယ်မြို့မြောက်ပိုင်း ဆင်ခြေဖုံးရှိ ပန်းဆွဲရွာ မြန်မာစာသင်ကျောင်းတွင် မူလတန်းဆရာတယောက်ကိစ္စဖြင့် ခွင့် ၂ လ ယူပါသည်။ ထိုကျောင်း၏ ကျောင်းအုပ်ဆရာကြီးက ကျနော်နှင့်သိရှိနေပြီး ကျနော့်ပညာရေးအခြေအနေအကြောင်းလည်း သိနေ၍ ကျနော့်ကို ထိုနေရာသို့ ခေတ္တယာယီ ဆရာဝင်လုပ်ရန်လာပြီး ပြောပါသည်။ ကျနော့်ကိုသာမက ကျနော့်မိဘများအိမ်သို့ပါလိုက်လာပြီး မိဘများကိုပါ ပြောပါသည်။ သို့ဖြင့် ထိုကျောင်းတွင် ကျနော်မူလတန်းပြဆရာ ယာယီဝင်လုပ်ပါတော့သည်။

ထိုကျောင်းမှ ဆရာများကလည်း ကျနော်ရန်ကုန်က အထက်တန်းဆရာဖြစ်စာမေးပွဲအောင်လာသူဖြစ်၍ လေးစားကြပါသည်။ နေ့လည် လက်ဖက်ရည်သောက်ချိန်တွင် ထိုဆရာများကိုကျနော်က နိုင်ငံရေးတရားများဟောပြောပါတော့သည်။ ဆရာများမှာ တဖြည်းဖြည်း စိတ်ဝင်စား နှစ်ခြိုက်လာကြပါသည်။ ကျနော့်ကိုလည်း များစွာလေးစားလာကြပါသည်။ ကျနော်လည်း နောက်ဆုံး ခွင့်ရက်ကုန်ဆုံးသည်အထိ ထိုဆရာများနှင့် ရင်းနှီးစွာဟောပြောသွားပါတော့သည်။

ထိုအတောအတွင်း သာယာဝတီမြို့တွင် တို့ဗမာသခင်အစည်းအရုံးမှ လူထုတရားပွဲတပွဲလုပ်ရာ ကျနော်သွားပြီးတက်ပါသည်။ တရားပွဲတွင် စီမံလုပ်ကိုင်နေသော ခေါင်းဆောင်လူကြီး သခင်ခင်အောင်အား ကျနော်ကဝင်ပြီး ကျနော်သခင်အသင်းဝင်ဖြစ်ကြောင်းနှင့် ကျနော့် အကြောင်းတို့ကိုမိတ်ဆက်ပြီး ကျနော်သာယာဝတီခရိုင် တို့ဗမာအစည်းအရုံးတွင် အကူအညီပေးလိုကြောင်းပြောရာ သခင်ခင်အောင်က များစွာသဘောကျသဖြင့် ယခုတရားပွဲမှာ ကျနော်တို့သခင်အသင်းဝင်တွေချည်း ဖြစ်တယ်၊ ခင်ဗျားနည်းနည်းတက်ပြီး ဟောပြောပါလားဟု ပြောရာ ကျနော်သဘောတူပြီး မကြာခင် သခင်ခင်အောင်က ကျနော့်ကို လူထုနှင့်မိတ်ဆက်ပေးပြီး တရားတက်ဟော ခိုင်းပါသည်။

ကျနော်ကထွက်ပြီး ယခုမြန်မာပြည်ကို အင်္ဂလိပ်နယ်ချဲ့တို့လာသိမ်းပိုက်ပြီး ကျွန်လုပ်ထားကြောင်း။ ကျနော်တို့ထံမှ ပစ္စည်းတွေကို သွေးစုပ်နေကြောင်း။ ကျနော်တို့အင်္ဂလိပ်အောက်မှလွတ်မြောက်အောင် အင်္ဂလိပ်တွေကို တိုက်ထုတ်ကြရမည်ဖြစ်ကြောင်းတို့ကို ပွင့်ပွင့် လင်းလင်းဟောပြောရာ လူထုက တော်တော်သဘောကျ ကြပါသည်။ ထိုမှစပြီး သာယာဝတီခရိုင်တရားပွဲများတွင် ဟောပြောရန် ကျနော့်ကို ဖိတ်ပါသည်။ ထိုတရားပွဲတွင် ကျနော်တို့ရွာမှ သခင်များလည်းတက်ရောက်သဖြင့် ရွာပြန်ရောက်သောအခါ ၎င်းတို့ကကျနော့်ကို လေးစားလာ ကြပါသည်။

ကျနော့်ဇာတိတွင် ကျနော်နေထိုင်စဉ် ကိုယ်ရေးကိုယ်တာကိစ္စတခု ဖြစ်ပျက်လာပါသည်။ သုံးဆယ်မြို့တွင် ကျနော်တို့နှင့် ဆွေမျိုးနီးစပ် တော်သော သာယာဝတီအရေးပိုင်ရုံး ရုံးအုပ်စာရေးကြီး ဦးဘအုံး-ဒေါ်တင်တို့အိမ် ရှိပါသည်။ ကျနော်မှာ ထိုအိမ်သို့ဝင်ထွက် သွားလာ နေပါသည်။ သူတို့တွင် ကျနော့်ထက်အသက် ၂ နှစ်မျှငယ်သော သမီးတယောက်နှင့်သားငယ်တယောက် ရှိပါသည်။ သမီးမှာ မသန်းစိန်ဆိုသူ ဖြစ်ပါသည်။ မိဘများက သမီးမူလတန်းအောင်ပြီးနောက် ကျောင်းဆက်မထားဘဲ အိမ်မှာပဲထားပါသည်။

ကျနော်နှင့် မသန်းစိန်မှာ ရင်းနှီးသိကျွမ်းလာ၍ ကျနော်က နိုင်ငံရေးတရားတွေဟောပြောပြီး နိုင်ငံရေးစာအုပ်များလည်း ပေး၍ ဖတ်စေခဲ့ ပါသည်။ မသန်းစိန်နှင့် ကျနော်မှာ ရင်းနှီးခင်မင်လာပြီး ဘာကြောင့်မှန်းမသိ တဦးနှင့်တဦး စိတ်ရင်းသဘောထားခြင်းတူညီလာသည်ကို တွေ့ရပါသည်။ နောက် တဦးနှင့်တဦးခင်မင်ရာက မေတ္တာရှိလာကြပါသည်။ ကျနော်က မေတ္တာရှိကြောင်းဖွင့်ပြောပြီးနောက် မကြာခင်ပင် သမီးရည်းစား ဖြစ်လာပါတော့သည်။ ကျနော်တို့များစွာ ပျော်ရွှင်မိကြပါသည်။

ကျနော်သည် သခင်ခင်အောင်တို့နှင့်ပေါင်းပြီး ကျနော့်ဇာတိရွာတွင် တို့ဗမာအစည်းအရုံးသခင်ပါတီ၏ ဗမာ့လက်ရုံးတပ်ကလေးတခုကို လူ ၁၄-၅ ယောက်ဖြင့် စတင်ထူထောင်ပါသည်။ ကျနော့်မှာ ရဲတပ်စစ်လေ့ကျင့်ခန်းသာတက်ဖူးပြီး ဗမာ့လက်ရုံးတပ် စစ်သင်တန်းမတက်ဖူး၍ စစ်သင်တန်းပေးရန် သခင်ခင်အောင်ကိုအကူအညီတောင်းရာ သခင်ခင်အောင်က သူတို့အိမ်တွင်အတူနေသော သခင်သန်းတင်ဆိုသော ရဲဘော်တယောက်ကိုစေလွှတ်ပြီး သင်တန်းပေးစေပါသည်။ ထိုသခင်သန်းတင်ဆိုသည်မှာ နောင် ကျနော်နှင့် ဂျပန်စစ်ပညာသင်သွားဘက် ရဲဘော် ဖြစ်ပါသည်။

ကျနော်ထိုသိုဏ္ဍနေထိုင်ရင်း မိမိသည်လုပ်ငန်းကြီးများကိုလုပ်ရတော့မည်ကို သိနားလည်လာပါသည်။ ထိုစဉ်က ကျနော် အင်္ဂလိပ်စာ မတတ်သေးသည်ကိုတွေးမိပြီး များစွာစိတ်အားငယ်လာပါသည်။ အင်္ဂလိပ်စာမတတ်မချင်း မိမိလူ့ဘဝမပြည့်စုံသေးဟုယူဆပြီး များစွာ စိတ်အားငယ်ခဲ့ပါသည်။

ကျနော့်ကို အင်္ဂလိပ်စာသင်ရန် အကြီးအကျယ် လှုံ့ဆော်လာသောအကြောင်းမှာ ၁၃ဝဝ ပြည့်အရေးတော်ပုံ ကျောင်းသားအရေးအခင်း လှုပ်ရှားမှုတွင် ဖြစ်ပါသည်။ နောက် ယခုသာယာဝတီခရိုင်တွင် နိုင်ငံရေး စတင်လုပ်ဆောင်လာသောအခါ ထိုစိတ်ဓာတ် ထပ်မံ ပြင်းထန် လာပါသည်။

ထိုအတွင်း BA Bed ဆရာဖြစ် ဘွဲ့ရဆရာမကြီးဒေါ်မမက ရန်ကုန်မြို့တွင် အင်္ဂလိပ်စာအလွတ်သင်ကိုယ်ပိုင်ကျောင်း ဖွင့်လှစ်သင်ကြားနေရာ တော်တော်အောင်မြင် ကောင်းမွန်နေသည့်သတင်းကိုလည်း ကျနော်ကြားသိလာရာ ထိုအခွင့်ကောင်းကြုံခိုက် ထိုကျောင်းသို့ ကျနော် သွားရောက် သင်ကြားလိုစိတ် ပြင်းထန်လာသည်။

ထို့ကြောင့် ကျနော့်မိဘများကို ထိုအကြောင်းတွေတင်ပြပြီး ကျနော်ရန်ကုန်သွှုား ထိုကျောင်းတွင် အင်္ဂလိပ်စာသင်လိုကြောင်း ပန်ကြားပြောဆို ပါသည်။ မိဘများက ကျနော်ရန်ကုန်ကိုသွားပြီး ထပ်မံကျောင်းနေမှာကို နည်းနည်းမှသဘောမတူပါ၊ သို့သော် ကျနော်က ထိုအခွင့်ကောင်းများ ကြုံဖို့မလွယ်ကြောင်း ကျနော်အင်္ဂလိပ်စာတတ်မှ ကျနေည့်ဘဝ ပိုအဆင်ပြေ ပြည့်စုံမည်ဖြစ်ကြောင်း ဇွဲနှင့်အကြိမ်ကြိမ် ပြင်းထန်စွာတောင်းပန် ပြောကြားလာရာ မိဘများမှာ ကျနော့်အပေါ် သနားလာသည်ထင်သည်။ နောက်ဆုံးခွင့်ပြုတော့သည်။

ခွင့်ရလျင်ရချင်း ကျနော်ရန်ကုန် ကြည့်မြင်တိုင်ရှိ အဒေါ့်အိမ်ကိုသွားပြီး ဆရာမကြီးဒေါ်မမ၏ အင်္ဂလိပ်စာအလွတ်သင်ကျောင်းသို့ အမြန် တက်ရောက်သင်ကြား ပါတော့သည်။

ကျနော် ရန်ကုန်မသွားမီ သာယာဝတီရှိ သခင်ခင်အောင်ထံသွားပြီး ကျနော် ခေတ္တရန်ကုန်တွင်ကျောင်းသွားနေမည့်အကြောင်း သတင်း သွားပို့ခဲ့ပါသည်။
ဆရာမကြီးဒေါ်မမသည် ကျနော်၏ စာသင်ကြားရေးစိတ်အားထက်သန်မှုကို သဘောကျပုံရပြီး သူကိုယ်တိုင် ကျနော့်ကို အင်္ဂလိပ်စာ တနေ့ကို ၁နာရီခွဲ (၂)နာရီမျှ သင်ကြားပေးပါတော့သည်။

ကျနော်သည် အင်္ဂလိပ်စာသင်ရင်း တနေ့တနေ့တွေ့ရသော အင်္ဂလိပ်ဝေါဟာရစကားလုံးအသစ် အလုံး ၂ဝလောက်၏ အဓိပ္ပါယ်များကို အလွတ်မခံ အကုန်ညက်ညက်ကျေအောင် ကျက်မှတ်လေ့ကျင့်ပါသည်။

ကျနော်၏ အင်္ဂလိပ်စာသင်ကြားမှုမှာ လျင်မြန်စွာတိုးတက်လာနေပါသည်။ ယခုကဲ့သို့ စာကို အားခဲသင်ကြားနေစဉ် တဖက်ကလည်း အဒေါ့်အိမ်မှ အိမ်မှုလုပ်ငန်းများလည်း ကူညီလုပ်ကိုင်နေရရာ ကျနော့်အဖို့တနေကုန် အားလပ်ချိန်မရှိ ပင်ပန်းနွမ်းနယ်နေပါသည်။ သို့သော် ကျနော်၏စိတ်အားထက်သန်မှုကြောင့် ရွှင်ရွှင်လန်းလန်းရှိနေပါသည်။

ဤလိုနှင့် ကျနော်သင်ကြားလာရာ (၆)လမျှ ကြာသောအခါ ကျနော့်အင်္ဂလိပ်စာမှာ တဟုန်ထိုးသိသာထင်ရှားစွာ အောင်မြင်တိုးတက် လာပါတော့သည်။ ကျနော်ဤအတိုင်း သင်ကြားသွားပါလျှင် နောက် (၆လ)ကြာလျှင် ကျနော်မုချ အင်္ဂလိပ်စာတတ်ပုဂ္ဂိုလ်ဖြစ်တော့မည်ဟု ကောင်းစွာ ယုံကြည်လာပါတော့သည်။ လူလည်းထက်သန် တက်ကြွနေပါတော့သည်။ ကျနော့်ဦးနှောက်လည်း တော်တော်ကောင်းနေသည် ထင်ပါသည်။

ကျနော် ထိုနေ့ကို ကောင်းစွာမှတ်မိနေပါသည်။ ၁၉၄၁ ခုနှစ် ဧပြီလဆန်း ၈ ရက်ဖြစ်ပါသည်။ ကျနော့် အင်္ဂလိပ်စာဖတ်စာအုပ်ဖြစ်သော “မွန်တီခရစ္စတို” ဆိုတဲ့ အင်္ဂလိပ်စာအုပ်ကလေး ကုန်ဆုံးသောနေ့ဖြစ်ပါသည်။ ကျနော်ဖတ်စာအုပ်အသစ်ကို ကိုင်ရတော့မည်ဖြစ်၍လည်း ဝမ်းသာနေပါသည်။

ကျနော်ထိုနေ့ နေ့လည် ဆရာမကြီးဒေါ်မမ၏ကျောင်းရှိရာ ကြည့်မြင်တိုင် မအူပင်လမ်းအတိုင်းလျှောက်၍ ကျနော့်အိမ် ဇလွန်လမ်းရှိရာသို့ အပြန်တွင် မအူပင်လမ်းဆုံနှင့်ရှမ်းလမ်းမကြီးတို့ ဆုံတဲ့နေရာရောက်သောအခါ ရဲစစ်လေ့ကျင့်ရေးတာဝန်ခံသင်ကြားပေးသူ ရန်ကုန်ရဲတပ်ဖွဲ့မှ ကိုညိုဆိုသောသူက လက်ဖက်ရည်ဆိုင်တဆိုင်က လမ်းဆုံသို့ထွက်လာပြီး ကျနော့်ကို ပြုံးရွှင်စွာနှုတ်ဆက်ကာ လမ်းထောင့်တနေရာသို့ ခေါ်သွားပါသည်။

နောက်သူကပြောသည်မှာ ကျုပ်တို့ဗမာပြည်အရေးတော့ ပေါ်လာပြီ၊ ခင်ဗျား ဗမာပြည်လွတ်လပ်ရေးအတွက် ဘာမဆိုလုပ်မယ်မဟုတ်လား ဟု မေးပါသည်။ ကျနော်က လုပ်မည့်အကြောင်း စိတ်အားတက်ကြွစွာပြန်ပြောသောအခါ သူက ဆက်ပြောတာက ကျနော်တို့အင်္ဂလိပ်ကို တိုက်ဖို့ စစ်ပညာကို ဂျပန်ကသင်ပေးမည်ဆို၍ ဂျပန်ပြည်ကို မျိုးချစ်လူငယ်တွေ စေလွှတ်မယ်၊ ခင်ဗျားလိုက်မယ်မဟုတ်လား ဟုမေးပါသည်။ ကျနော်က စိတ်အားတက်ကြွလာသော်လည်း တဖက်ကအင်္ဂလိပ်စာသင်နေတာကိုသတိရပြီး ကျနော်လိုက်ချင်ပါတယ်၊ ဒါပေမယ့် ကျနော် အင်္ဂလိပ်စာသင်နေတာ နောက် (၆လ)ဆိုရင် တကယ်တတ်တော့မှာ။ နောက် (၆ လ)လောက်ကြာမှ သွားလို့မဖြစ်ဘူးလားလို့ ပြန်မေးပါတယ်၊ သူကရယ်မောပြီး အင်္ဂလိပ်စာသင်တာက ဘယ်တော့မဆို သင်နိုင်ပါတယ်ဗျာ။ တော်လှန်ရေးဆိုတာက အချိန်အခွင့်အခါသင့်သလို လုပ်ကြရ တာဗျ။ အခွင့်သင့်တုန်းသွားကြရမှာဖြစ်တယ်လို့ ပြောသည်။

ကျနော်က နောက်မှစဉ်းစားမိသည်။ ဂျပန်သွားရေးကိစ္စ ဘယ်ပါတီကလုပ်နေတာလဲ သိဖို့လိုသည်။ ဦးစောလည်းဂျပန်နှင့်ဆက်နေသဖြင့် ဦးစောတို့ကများလွှတ်တာလားဟု သံသယဝင်လာပါသည်။ သူက ဘယ်ပါတီကလွှတ်တယ်ဆိုတာ လျှို့ဝှက်ချက်ဖြစ်လို့ မပြောနိုင်ဟုဆို ပါသည်။ ကျနော်လည်း ဒီကိစ္စအရေးကြီးသည်။ ငါ့ဘာသာငါစုံစမ်းမယ်ဆိုပြီး ကျနော်လိုက်မလိုက်ဆုံးဖြတ်ချက်ကို နောက် ၂ရက်မှာ ခင်ဗျား အိမ်ကိုလာပြောမယ်ဗျာ၊ ကျနော့်ကိုစိတ်ချပါ၊ ဒီကစ္စ ကျနော်လျှို့ဝှက်ထားပါ့မယ်ဟုပြော၍ လူချင်းခွဲကြသည်။ သခင်ပါတီကလွှတ်တာ မဟုတ်ရင် မသွားဘူးဟု စိတ်ထဲရှိထားပါသည်။

နောက်နေ့တွင် ကျနော်သည် လွှတ်တော်အစည်းအဝေးတက်နေသော သခင်မြထံသွားတွေ့ပါသည်။ သခင်မြသည် လွှတ်တော်မှထွက်ပြီး ကျနော့်ကို တွေ့ပါသည်။ ကျနော်က ကိုညိုပြောပြသော ဂျပန်သွားရေးကိစ္စကိုအတိုချုံးပြောပြပြီး ကျနော်သည် ဂျပန်သွားရေးကိစ္စကို သခင်မြတို့၏ သခင်ပါတီမှစေလွှတ်မှသာ သွားလိုသည်။ ထို့ကြောင့် တိုက်ရိုက်လာပြီးမေးမြန်းရကြောင်း ပြောပြပါသည်။

သခင်မြသည် ရုတ်တရက်ပြန်ဖြေရန် ခက်နေပုံရသည်။ ထို့ကြောင့် နက်ဖန်နံနက် သူတည်းခိုနေသောရွှေတောင်တန်းအိမ်သို့ လာပြီးတွေ့ဖို့နှင့် သူ့လိပ်စာ ကျနော့်ကိုပေးလိုက်ပါသည်။
နောက်တနေ့နံနက် ကျနော်သခင်မြအိမ်ခန်းသို့သွားပြီး သခင်မြနှင့်တွေ့ဆုံပါသည်။ သခင်မြတည်းခိုသောအခန်းမှာ ရွှေတောင်တန်းရှိ တိုက်တတိုက်အောက်ဆုံး မြေညီထပ်ရှိ အခန်းတခန်းဖြစ်ပါသည်။ ကော်ဇောကြီးတချပ်ခင်းထားသည်ကို မှတ်မိနေပါသည်။

သခင်မြထွက်လာပြီး ကျနော့်ကိုလက်ခံတွေ့ဆုံပြီး ကျနော့်အကြောင်းအနည်းငယ်မေးမြန်းပြီး ဂျပန်စစ်ပညာသင် သွားရေးကိစ္စဟာ တို့လုပ်နေတာဖြစ်တယ်ဟု တိတိလင်းလင်းပြောပြီး ဂျပန်လိုက်သွားဖို့လည်းတိုက်တွန်းပါသည်။ ကျနော်လည်း စိတ်ထဲကြည်လင် ဝမ်းမြောက် သွားပြီး ကျနော်နက်ဖန် ကိုညို့ကို ဂျပန်သွားမယ်လို့ ပြောလိုက်ပါတော့မယ်ဟု ပြောပါသည်။ သခင်မြက ဂျပန်သွားရေးကို ကိုညိုတို့ ဆက်စီစဉ်ပါလိမ့်မယ်ဟု ပြောပါသည်။ ကျနော်သခင်မြအိမ်မှ ပြန်လာခဲ့ပါသည်။

ကျနော် နောက်နေ့ ကိုညို့အိမ်သွားပြီး ကျနော်ဂျပန်သွားမည်ဟု ကတိပေးပါသည်။ ကိုညိုကဝမ်းသာပြီး ဂျပန်သွားဖို့ ရက်မဝေးတော့ပါဘူး ပြောပြီး နောက်ထပ်တွေ့ဆုံရန် ရက်ချိန်းလိုက်ပါသည်။ နောက် ကိုညိုပြောလိုက်တာက ဂျပန်သွားရင် သင်္ဘောနှင့်သွားရမှာ၊ သင်္ဘောပေါ် သင်္ဘောဘေးက လှေခါးနဲ့တက်ရမှာ။ ဂျပန်သင်္ဘောသားတွေနဲ့ရောပြီးတက်ရာမှာ သူတို့လို မြန်မြန်တက်နိုင်အောင် အိမ်ကလှေခါးမှာ အတက် လေ့ကျင့်ထားရင်ကောင်းမယ် ပြောပါတယ်၊ ဆက်ပြီးပြောတာက သင်္ဘောအတက်မှာဖမ်းမိသွားရင်တော့ ရေထဲခုန်ချလိုက်ဟုပြောရာ ကျနော်က ဟာ ကျနော်ရေမကူးတတ်ဘူးလို့ပြောတော့ ကိုညိုက စိတ်တိုပြီး ဒီတော့ သေလိုက်ပေါ့ဗျာလို့ ခပ်တည်တည်နဲ့ပြောတော့ ကျနော်လည်း တရားအတိုင်းလည်း ဟုတ်မှန်နေ၍ ဟုတ်ပါပြီဗျာဟု ပြန်ပြောခဲ့ရသည်။

ကျနော်အိမ်ပြန်သွားပြီး ကိုညိုချိန်းသည့်ရက်ကို စောင့်နေပါသည်။ ထိုအတွင်း သူမှာလိုက်တဲ့အတိုင်း လှေခါးအတက်ကို အိမ်သားတွေ အလစ်တွင်လေ့ကျင့်ပါသည်။ တကြိမ်တွင် လေ့ကျင့်နေစဉ် ကျနော့်အဒေါ် မီးဖိုချောင်ကအထွက်တွင်တွေ့မြင်သွားပြီး ဒါလောက် ဆော့ရသလားဟု ကြိမ်းမောင်းသွားပါသည်။

ကျနော်ထိုရက်အတွင်း ကျနော်တို့ကျောင်းသားတွေကို ၁၃ဝဝပြည့် ဒီဇင်ဘာ ၂ဝ ရက်က ဗမာပြည် အင်္ဂလိပ်နယ်ချဲ့အစိုးရ ရိုက်နှက်ဖြိုခွဲ ခဲ့သော အတွင်းဝန်ရုံးကြီး၏ အနောက်မြောက်ထောင့် စပတ်လမ်း (ယခုဗိုလ်အောင်ကျော်လမ်း)နေရာကိုသွားကြည့်ပြီး အင်္ဂလိပ်အစိုးရအပေါ် မုန်းတီးရေးစိတ်ဓာတ်ကို မြှင့်တင်ခဲ့ပါသည်။

နောက် ကိုညိုချိန်းသည့်ရက်ကို ရောက်လာပြီး ကိုညိုနှင့်တွေ့ပါသည်။ သူက ခင်ဗျားနက်ဖန်ည သင်္ဘောဆင်းရမည်ဟုပြောပြီး အသေးစိတ် အစီအစဉ်တွေ ပြောပါသည်။ နောက် ကိုညိုက ခင်ဗျားပျောက်သွားရင် ခင်ဗျားမိဘက အကြီးအကျယ်လိုက်ရှာပြီး မတွေ့ရင် တိုင်ကြားမှုတွေ ဖြစ်မှာစိုးရတယ်၊ ဒီတော့ ခင်ဗျားက ခင်ဗျားမိဘထံကိုစာရေးပို့လိုက်ပါ၊ ကျနော်ဟာ “မိဘတို့ထက်ပိုပြီး ချစ်တဲ့သူနောက်လိုက်သွားပါသည်” ဟူတဲ့သဘော စာရေးပါဟုမှာကြားပြီး နှုတ်ဆက်ကာ လူချင်းခွဲကြပါသည်။

ထိုရဲတပ်ဗိုလ် မြန်မာကျောင်းဆရာ ရဲဘော်ကြီးကိုညိုဆိုသူမှာ နောက်ကျနော်တို့ ဗမာ့ကာကွယ်ရေးတပ်မတော် BDA တွင် ပါဝင်လာပြီးနောက် ဗိုလ်မှူးသူရဖြစ်လာပြီး ဗိုလ်ချုပ်အောင်ဆန်း၏ကိုယ်ရေးအတွင်းဝန်ဖြစ်လာသူ ဖြစ်သည်။ လူချစ်လူခင်ပေါများသူလည်းဖြစ်သည်။ နောင် တပ်မတော်တပ်ရင်းမှူးဖြစ်လာပြီး မကြာမီ ငှက်ဖျားရောဂါဖြင့် BDA ကာလအတွင်း စောစွာ ဝမ်းနည်းဖွယ်ကွယ်လွန်ကျဆုံးသွားရသူ မျိုးချစ် ပုဂ္ဂိုလ်ကြီးဖြစ်သည်။

ကျနော် အဒေါ်အိမ်ပြန်သွားပြီး ကပြာကယာပင် မိဘများထံစာရေးပါသည်။ မိဘထက်ချစ်သူနောက် လိုက်သွားပြီ စကားလုံးကို အဘက်ဘက်က လိုအပ်သဖြင့် ရေးထည့်လိုက်ရသည်ကို စိတ်မကောင်းပါ၊ နောက် ကျနော် ရက်ရှည်ခရီးထွက်မည့်အကြောင်းတနည်းတဖုံ ကျနော့်ရည်းစား မသန်းစိန်ထံလည်းစာရေးသင့်သည်ထင်သော်လည်း တိုင်းပြည်၏ လျှို့ဝှက်ရေးလုံခြုံရေးကြောင့် မရေးတော့ပါ၊

Thursday, January 29, 2015

ဗိုလ်မှူးချုပ်ဟောင်းကျော်ဇောကိုယ်တိုင်ရေးအထုပ္ပတ္တိ အပိုင်း(၁) အခန်း(၃)

0 comments
ဗိုလ်မှူးချုပ်ဟောင်းကျော်ဇောကိုယ်တိုင်ရေးအထုပ္ပတ္တိ အပိုင်း(၁) အခန်း(၃)

ကျနော်တို့ကျောင်းသားများ နယ်ထွက်၍ တရားပွဲများလုပ်ပြီးနောက် ရန်ကုန်ရှိ တချို့ သပိတ်ကောင်းစွာမမှောက်သေးသောကျောင်းများ၏ ကျောင်းဝင်ပေါက်များတွင် သပိတ်မှောက်ကျောင်းသူကျောင်းသားများသွား၍ သပိတ်တားမှုများလုပ်ကြ၏၊ ကျောင်းလာသူတချို့ကိုတားဆီးပြီး သပိတ်မှောက်ရန် ဟောပြောလွှတ်ရသည်။

ကျနော်တို့ကျောင်းမှ ကျောင်းသားသမဂ္ဂဥက္ကဌ ကိုမိုးမှာ သပိတ်စခန်းသို့ မလာတော့သဖြင့် ကျနော်ကပင် ကျနော်တို့ဆရာဖြစ်သင် ကျောင်းကို ခေါင်းဆောင်သွားရပေသည်။

ကျနော်တို့ ထိုသို့သပိတ်တားနေစဉ် ကျောင်းသားလှုပ်ရှားမှုကို တဆင့်တိုးသည့်အနေဖြင့် ကျောင်းသားများ အစာငတ်ခံဆန္ဒပြရန်ဆုံးဖြတ်ပြီး ကြေညာလိုက်သည်။ ထိုကိစ္စမှာ အလွန်ရဲဝံ့စွာဆုံးဖြတ်ကြရခြင်း ဖြစ်သည်။ ထိုသို့ကျောင်းသားများ အစာငတ်ခံဆန္ဒပြမည်ဟု ကြေညာ လိုက်သောအခါ အင်္ဂလိပ်အစိုးရ အတော်ထိတ်လန့်သွားမည်ထင်ရသည်။ မြို့မကျောင်း ကျောင်းသားသပိတ်စခန်းကြီးတွင် အစာငတ်ခံကြ တော့သည်။ အားလုံးတိတ်ဆိတ်သွားတော့သည်။ သို့ရာတွင် ပြည်သူတွေက ကျောင်းသားများ မကျန်းမမာဖြစ်လာမှာကိုစိုးရိမ်ကြပြီး ချက်ချင်းပင် ထိုအစာငတ်ခံဆန္ဒပြမှုကိုဆန့်ကျင်ကြသည်။ အထူးသဖြင့် ရန်ကုန်လူထုနှင့်ကျောင်းသားမိဘတို့က ပို၍ဆန့်ကျင်ကြသည်။ လူထုဆန့်ကျင်မှုကြီးမားလာသဖြင့် အစာငတ်ခံဆန္ဒပြမှုကို နှစ်ရက်ကြာလုပ်ပြီးနောက် ကျောင်းသားခေါင်းဆောင်များက ရပ်စဲလိုက်ရန် ဆုံးဖြတ်ပြီး ထိုအစာငတ်ခံဆန္ဒပြမှုကို ရပ်စဲလိုက်သည်။

ထို့နောက်ကျောင်းသားများသည် နေ့အခါ သပိတ်တားမှုများသွားလုပ်ကြပြီး ညအခါ မြို့မကျောင်းကြီးတွင် စည်းဝေးပွဲနှင့် တရားပွဲများ လုပ်ကြသည်။ အချိန်မှာလည်း မိုးဦးကျစပြုလာပြီဖြစ်သည်။ ထိုအတွင်း အင်္ဂလိပ်အစိုးရက ကျောင်းသားများတောင်းဆိုထားချက်များအပေါ် စေ့စပ်ဆွေးနွးရန် ကျောင်းသားခေါင်းဆောင်များကို စည်းဝေးရန်ဖိတ်ကြားသဖြင့် ကျောင်းသားခေါင်းဆောင်များနှင့် အစိုးရမျက်နှာချင်းဆိုင် အစည်းအဝေးထိုင်ကြရသည်။

ကျောင်းသားများနှင့် အစိုးရစည်းဝေးပွဲကို တနိုင်ငံလုံးအာရုံစိုက်နေကြသည်။ ကျနော်တို့လည်း များစွာအာရုံစိုက်မျှော်လင့်နေကြသည်။ ရက်အချို့ကြာ အကြိတ်အနယ်ဆွေးနွေးကြပြီးနောက် ဆွေးနွေးပွဲပြီးပြီ၊ ကျောင်းသားများကျေနပ်ကြပြီ။ ကျောင်းသားသပိတ်ကြီးလှန်တော့မည် ဟူသောသဘောထားဖြစ်သည့် သတင်းကြေညာချက် ထွက်လာတော့သည်။ ဤအစည်းအဝေးတွင် ကျနော်တို့တောင်းဆိုချက်နှင့် ရရှိချက် အချက်အလက်များကို ကျနော်မမှတ်မိတော့ချေ၊

ထိုသတင်းကြောင့် မြန်မာပြည်ရှိကျောင်းသားများအပါအဝင် ပြည်သူတရပ်လုံးက ကျောင်းသားများစည်းဝေးပွဲတွင် ကျေနပ်ကြပြီ၊ ကျောင်းသားသပိတ်လှုပ်ရှားမှုကြီးအောင်ပွဲရပြီ၊ သပိတ်လှန်တော့မည်ယူဆကြပြီး များစွာပျော်ရွှင်ဝမ်းမြောက်ကြသည်။ နောက်ကျနော်တို့သည် ကျနော်တို့တောင်းဆိုချက်နှင့်ရရှိချက်တို့ကိုသိရှိလာသောအခါ ကျနော်အပါအဝင် အချို့က မကျေမနပ်မှုများ ဖြစ်လာသည်။ နောက်ဆုံးတွင် ရန်ကုန်မြို့ကျောင်းပေါင်းစုံ၏သပိတ်ခေါင်းဆောင်နှင့် မြို့မကျောင်းသားအဖွဲ့ခေါင်းဆောင် ကိုသန်းတင် ကိုယ်တိုင်ပါ မကျေမနပ်ဖြစ်တော့သည်။

ထိုအခြေအနေတွင် အကြောင်းတခုကို ဖော်ပြရန်ရှိပေသည်။ ၎င်းမှာ အစိုးရက ယခုနှစ်စာမေးပွဲများကို လအချို့ နောက်ရွှေ့ပြီးစစ်ဆေးရန် စီစဉ်သည်။ ယင်းအစီအစဉ်မှာ သပိတ်မှောက်ကျောင်းသားများ စာမေးပွဲဝင်ဖြေနိုင်ရန်အတွက်ဖြစ်သည်။ သပိတ်မှောက် ကျောင်းသား များအတွက် အကျိုးရှိသည်။ ၎င်းကိုကျောင်းသားများက တောင်းဆိုလို့ပေးတာလား သို့မဟုတ်အစိုးရက လက်တွေ့အရလဲဖြစ်ပြီး သပိတ်မှောက်ကျောင်းသားများကို သွေးဆောင်ရည်ရွယ်ပြီးလုပ်သလား ကျနော်မသိတော့ပေ၊

ကျောင်းသားများ သပိတ်လှန်ရေးကိစ္စ နောက်ဆုံးတွင် မြို့မကိုသန်းတင်ခေါင်းဆောင်ပြီး ရန်ကုန်ကျောင်း ၄-၅ ကျောင်းမှ ကျောင်းသားခေါင်း ဆောင်များက သပိတ်မလှန်ဘဲ ဆက်မှောက်ရန်ဆုံးဖြတ်ကြသည်။ အများစုကြီးကတော့ ဆုံးဖြတ်ချက်အတိုင်း သပိတ်လှန်ရန် သဘောတူ ကြသည်။

ထို့နောက် ကျနော်တို့အချင်းချင်း ငြင်းကြခုံကြတော့သည်။

ထိုအတွင်း ကျနော်မှာပင်ပန်းခြင်း။ စိတ်ဓာတ်ထိခိုက်ခြင်းတို့ကြောင့် အဖျားနည်းနည်းဝင်လာပြီး နေမကောင်းဖြစ်လာ၍ အဒေါ့်အိမ်ပြန်ပြီး ဆေးကုနေရသည်။ အိမ်တွင် ၃-၄ ရက်ဆေးကု အနားယူပြီး နည်းနည်းသက်သာလာတာနဲ့ ချက်ချင်းပင် သပိတ်စခန်းရှိရာ မြို့မကျောင်းသို့ ပြန်သွားသည်။

မြို့မကျောင်းသို့ရောက်သောအခါ ကျနော့်မှာ များစွာစိတ်ထိခိုက်ပြီး (အင်အားလဲနည်းနေသဖြင့်) အရုပ်ကြိုးပြတ်မတတ် ဖြစ်သွားတော့သည်။ အကြောင်းမှာ မြို့မကျောင်းမှာ သပိတ်စခန်းမဟုတ်တော့ဘဲ ကျောင်းပြန်ဖွင့်နေပြီး ကျောင်းသားများ ကျောင်းတက်နေကြတာကို တွေ့ရ တော့သည်။ ကျနော်ကြီးစွာ ဝမ်းနည်းပက်လက်ဖြစ်ရသည်။

ထိုမှသိရသည်မှာ ကိုသန်းတင်တို့သပိတ်စခန်းသည် ရွှေတိဂုံဘုရားအရှေ့ဘက်မုခ် ဗဟန်းစောင်းတန်းရှိ ဇရပ်တဆောင်သို့ ပြောင်းရွှေ့သွားပြီ ဟုသိရသည်။ ကျနော် ထိုနေရာကိုလိုက်သွားပြီး သပိတ်ဆက်မှောက်နေသော ကိုသန်းတင်တို့အဖွဲ့နှင့် ပြန်ပေါင်းဆုံမိတော့သည်။ ကျနော်တို့ အဖွဲ့မှာလည်း လူ ၁၄-၅ ယောက်ခန့်သာ ရှိတော့သည်။

ထိုကျောင်းသားသပိတ်ကြီးအတွင်း ကျနော်မမေ့နိုင်ဘဲမှတ်မိနေသူ သပိတ်မှောက်ဖက်ကျောင်းသားတဦး ရှိပါသည်။ ထိုသူမှာ ရခိုင် အမျိုးသားတဦးဖြစ်သူ မြို့မကျောင်းသား ကိုမြတ်သာအောင်ဆိုသူဖြစ်ပါသည်။ သူက ဘဏ္ဏာရေးမှူးတာဝန်ယူထားသူ ဖြစ်ပါသည်။ အလွန်ရိုးသားဖြောင့်မတ်ပြီး စည်းကမ်းတကျရှိသူမို့ ကျနော်တို့ကျောင်းသားများအဝန်းအဝိုင်းအတွင်းမှာတောင် ဟေ့ ငွေရေးကြေးရေးဆိုရင် ရခိုင်သားဘဲထားကွဟူသောစကားတောင် တွင်ခဲ့ဖူးပါသည်။
ကျနော်တို့ ထိုဗဟန်းဇရပ်သပိတ်စခန်းတွင် ရက်အချို့ကြာပြီးနောက် ကျနော်တို့အခြေအနေကို စဉ်းစားလာကြတော့သည်။ ဗမာတပြည်လုံး ရန်ကုန်မြို့ကစပြီး ကျောင်းတွေပြန်ဖွင့်နေကြပြီ၊ ဘယ်ကျောင်းမှ သပိတ်ဆက်မှောက်ခြင်း မရှိတော့ချေ၊ ကျနော်တို့ လူနည်းစုကလေးမှာ သပိတ်တားလို့လည်းမဖြစ်ဘဲ ဘာမှအလုပ်မရှိသလိုဖြစ်လာသည်။ သပိတ်ဆက်မှောက်နေသော ကျနော်တို့ကို ဗမာပြည်လူထုနှင့် ကျောင်းသားအများစုကြီးကပင် မထောက်ခံတော့တဲ့အခြေအနေဖြစ်နေပြီ ဖြစ်သည်။ ကျနော်တို့ကို မြန်မာသတင်းစာများအနက် “ဆယ်သန်း” ဟုထင်ရသော သတင်းစာတစောင်ကသာ ကျနော်တို့အပေါ် ကြင်နာစွာထောက်ခံရေးသားနေတာ မှတ်မိသည်။ ပြည်သူနှင့်ကျောင်းသားထု၏ ထောက်ခံမှုမရတာအဆိုးဆုံး ဖြစ်သည်။ နောက်သပိတ်ကိစ္စများတွင်လည်း တောင်းဆိုတိုင်းရကြတာမဟုတ်ဆိုတာ စဉ်းစားမိသည်။ ကျနော်တို့တောင်းဆိုချက်တွေ အကုန်မရသော်လည်း ကျနော်တို့ ကျောင်းသားများ၏ ပြီးခဲ့သောလှုပ်ရှားမှုတိုက်ပွဲမှာ ဗမာပြည် ဗြိတိသျှနယ်ချဲ့ အစိုးရအဖို့ ကြီးစွာထိုးနှက်ခံရပြီး များစွာအထိနာသွားပြီဟုလည်း ကျနော်တို့ နားလည်လာကြသည်။

ထို့ကြောင့် ကျနော်တို့တချို့သည် လူထုကလည်းမထောက်ခံ ဘာမှလည်းဆက်လုပ်လို့မရပြီဖြစ်၍ ကျနော်တို့ သပိတ်မှောက်မှုလုပ်ငန်းကို ရပ်တန်းကရပ်သင့်ပြီလားဟု စဉ်းစားမိလာကြသည်။ ကျနော်တို့ထိုစဉ်က များစွာဝမ်းနည်းစိတ်ရှုပ်ထွေးနေကြသည်။

နောက်ဆုံးကျနော်တို့အထဲမှ အများသည် သပိတ်မှောက်မှုကိုအဆုံးသတ်ကြပြီး မိမိတို့အိမ်ကိုပြန်ကြရန် ဆုံးဖြတ်ကြတော့သည်။ နောက်ဆုံး ဗဟန်းဇရပ် သပိတ်စခန်းကိုစွန့်ခွာပြီး ကိုယ့်အိမ်ကိုယ် ပြန်ကြတော့သည်။

ကျနော်အိမ်ပြန်ရောက်ပြီးနောက် ဦးနှောက်ရှုပ်ထွေးပြီး ဝမ်းနည်းနေမှုများကိုပယ်ချလိုက်ပြီး ကျောင်းပြန်တက်ဖို့ ဆုံးဖြတ်လိုက်သည်။ မိဘများဘက်ကိုလည်း စဉ်းစားမိသည်။ မိဘများမှာ ချောင်လည်ကြသူများမဟုတ်၊ ကျနော်စာမေးပွဲ တနှစ်မအောင်လျှင် မိဘတွေတနှစ် ငွေပို၍ ကုန်ကျရမည်ကိုလည်း စိုးရိမ်လာသည်။

ထို့ကြောင့်ကျောင်းပြန်တက်ပြီး ကျန်သေးသော ၂ လ။ ၃ လ အတွင်း စာတွေဖိကြိုးစားခဲ့သည်။ ထို့ကြောင့် နောက်ဆုံးအစိုးရ အထက်တန်း ဆရာဖြစ်စာမေးပွဲကို ကောင်းစွာဖြေဆိုနိုင်ခဲ့သည်။

မကြာခင် ကျောင်းအောင်စာရင်းများထွက်လာသောအခါ ကျနော်တို့သပိတ်မှောက်ကျောင်းသားအများစု ကျနော်အပါဝင် အားလုံးလိုလို အောင်မြင်ကြသည်။ ကျနော်တို့ကျောင်းအုပ်ဆရာကြီးဦးညီပုက နောင်တွင်ကျနော်တို့ကိုပြောတာက သပိတ်မှောက်ကျောင်းသားတွေဟာ ကျောင်းတက်ပျက်ခဲ့သော်လည်း သပိတ်အတွင်းတွင် လူမှုရေးအတွေ့အကြုံသင်ခန်းစာတွေ များစွာရရှိကြပုံရသည်။ ဒါတွေက စာမေးပွဲကို အထောက်အကူပြုဟန်ရှိသည်။ စာမေးပွဲအအောင်များကြသည်ဟု ပြောသည်။

ကျနော်သည် ဆရာဖြစ်စာမေးပွဲဖြေပြီး အောင်စာရင်းအထွက်ကိုစောင့်နေစဉ် ကျနော့်ဘဝကို ပြန်လည်သုံးသပ်မိသည်။ ၁၃ဝဝ ပြည့် အရေးတော်ပုံအတွင်း ကျနော်တို့ကျောင်းသားများလှုပ်ရှားမှုတိုက်ပွဲက ကျနော်၏ နိုင်ငံရေးအတွေးအခေါ်အယူအဆကို ကြီးစွာတဆင့် တိုးတက်မြှင့်တင်စေခဲ့ပါသည်။ ၎င်းမှာ ယခုအခါမြန်မာ မျိုးချစ်ပြည်ချစ်တို့၏တာဝန်သည် ဗြိတိသျှအင်္ဂလိပ်တို့၏လက်အောက်မှ မြန်မာ့ လွတ်လပ်ရေးကို မုချပြန်ရအောင်တိုက်ယူရမည့်တာဝန်ဖြစ်သည်ဟု ဖြစ်ပါသည်။

မြန်မာပြည်လွတ်လပ်ရေးတိုက်ပွဲကြီး ပါဝင်ဆင်နွှဲရန်ဆိုလျှင် မိမိတို့သည် ဗမာပြည်နိုင်ငံရေးပါတီတခုခုတွင် ပါဝင်ပြီးဆင်နွှဲမှဖြစ်မည်ကို နားလည်လာသည်။ လက်ရှိ ဗမာပြည်နိုင်ငံရေးပါတီများတွင် ဗမာ့လွတ်လပ်ရေးတိုက်ပွဲအတွက် အားထားစိတ်အချရဆုံးဆောင်ရွက်မည့် နိုင်ငံရေးပါတီမှာ ထိုစဉ်က“တို့ဗမာအစည်းအရုံးသခင်ပါတီကြီး”သာရှိသည်ဟု ယုံကြည်မိပါသည်။

ထို့ကြောင့် ကျနော်နှင့်သူငယ်ချင်း ကိုကြည်ညွန့်(နောင် ဗိုလ်ကျော်ဆန်း) သူငယ်ချင်းနှစ်ယောက်တို့သည် ရန်ကုန်မြို့ပန်းဆိုးတန်းရှိ တို့ဗမာသခင်အစည်းအရုံးဌာနာချုပ်သို့ သွားကြပြီး တို့ဗမာသခင်အစည်းအရုံးအသင်းသို့ သခင်အသင်းသားအဖြစ် အသင်းဝင်ကြသည်။ ကျနော်တို့သည် အသင်းဝင်ကြေးအဖြစ် တဦးကို ငွေတမတ်စ ပေးဆောင်ခဲ့ရသည်ထင်ပါသည်။ ထိုအချိန်တွင် တို့ဗမာအစည်းအရုံး သခင်ပါတီဌာနချုပ်သို့ ထိပ်တင်ကိုယ်တော်ကြီးဆိုသော ပုဂ္ဂိုလ်ရောက်၍ ဧည့်ခံစကားပြောနေကြသည်ထင်ပါသည်။ ကျနော်တို့ တို့ဗမာအစည်းအရုံးဌာနာချုပ်မှထွက်လာသောအခါ အလွန်စိတ်လက်ပေါ့ပါး ရွှင်လန်းလာကြပါသည်။

ဗိုလ်မှူးချုပ်ဟောင်းကျော်ဇော ကိုယ်တိုင်ရေးအထုပ္ပတ္တိ အပိုင်း(၁) အခန်း(၂)

0 comments
ဗိုလ်မှူးချုပ်ဟောင်းကျော်ဇော ကိုယ်တိုင်ရေးအထုပ္ပတ္တိ အပိုင်း(၁) အခန်း(၂)

ကျနော် မြန်မာ (၇)တန်းအောင်ပြီးနောက် ညောင်ဝိုင်းဆရာတော်က ကျနော်နှင့်အတူ ညောင်ဝိုင်း မူလတန်းကျောင်းအုပ်ဆရာကြီးဦးအုံးပန်း၏ သား ကျနော်ကဲ့သို့ (၇)တန်းအောင်လာသော မောင်သိန်းဟူသောကျောင်းသားနှင့် ကျနော်တို့ (၂)ယောက်ကို ၁၉၃၆ ခုနှစ်လောက်တွင် သူ့ဆရာတော်ရှိရာ ဟင်္သာတမြို့ လယ်တီကျောင်းတိုက်တွင် မြန်မာ (၁ဝ)တန်းအထိ အထက်တန်းကျောင်းရှိရာသို့ အထက်တန်းဆက်သင် ကြားရန် စေလွှတ်လိုက်ပါသည်။

ကျနော်တို့ ဟင်္သာတလယ်တီကျောင်းတွင် သင်္ကန်းဝတ်ပြီးနောက် (၈)တန်းကစ၍ စာသင်ရပါသည်။ ကျနော့်အတွက် ကောင်းတာတခုက ကျနော်မှာ အပြင်စာပေ၊ မဂ္ဂဇင်း စာစောင်စသည်တို့ကို ဖတ်ရှုတဲ့ဝါသနာရှိသူဖြစ်ရာ လယ်တီကျောင်းတွင် စာကြည့်တိုက်ကလေးတခုရှိသဖြင့် စာပေ။ မဂ္ဂဇင်း စသည်တို့ကို အားလပ်ချိန်တွင် ကျနော်ဖတ်ရှုနိုင်ခဲ့ပါသည်။

လယ်တီကျောင်းမှ (၈)တန်းကျောင်းသားတချို့ကို တနှစ်အတွင်း မြန်မာ (၉)တန်း အစိုးရစစ်စာမေးပွဲကို ခုန်ကျော်ပြီးဖြေဆိုရန်စီစဉ်ပါသည်။ ဤသို့စီစဉ်ရာတွင် (၈)တန်းကျောင်းသား (၃)ယောက်ကိုရွေးပါသည်။  (၂)ယောက်မှာ ကျနော်၊ ကျနော်နှင့် ညောင်းဝိုင်းကျောင်းမှလာသူ မောင်သိန်းတို့ဖြစ်ပြီး၊ ကျန်တယောက်မှာ လယ်တီကျောင်းမှ ကျောင်းသား (၁)ယောက်တို့ဖြစ်ပါသည်။

နောက် (၉)တန်းစာမေးပွဲကို ၁၉၃၆ ခုနှစ်တွင် ကျနော်နှင့် လယ်တီကျောင်းသားတို့က ခုန်ကျော်အောင်မြင်ပြီး မောင်သိန်း ကျ ကျန်ခဲ့ပါသည်။

နောက်နှစ်တွင် ကျနော်ဟင်္သာတ လယ်တီကျောင်းတွင်မနေတော့ဘဲ။ ကျနော့်အဒေါ်ရှိရာ ရန်ကုန် ကြည့်မြင်တိုင်အိမ်မှာသွားနေပြီး ထိုမှ ၁၉၃၇ ခုနှစ်လောက်တွင် ရန်ကုန် ပုဇွန်တောင်မြူနီစပယ်အထက်တန်းကျောင်းတွင် မြန်မာ (၁ဝ)တန်းကို ဆက်၍သင်ပါသည်။

ကျောင်းတက်ခါစ အနည်းငယ်ခက်ခဲသော်လည်း အတော်ကြာသောအခါ ကျနော်ကောင်းစွာလိုက်နိုင်ပြီး ထိုနှစ် (၁ဝ)တန်းကို ကောင်းမွန်စွာ အောင်မြင်ပါသည်။

ရန်ကုန်တွင် ကျနော့်အတွက် ကျောင်းနေရတာ တခုကောင်းသည်မှာ စာကြည့်တိုက်များပေါများသဖြင့် ကြည့်လိုသော စာပေမဂ္ဂဇင်းများ ငှားရမ်းကြည့်နိုင်ပါသည်။ ထို့ပြင် အိမ်နီးနားချင်းကလည်း စာဖတ်သူပေါများ၍ စာအုပ်များငှားရမ်းကြည့်နိုင်ပါသည်။ ထို့ကြောင့် ကျနော့်တွင် အချိန်ရှိသမျှ စာပေမဂ္ဂဇင်းများဖောဖောသီသီ ဖတ်ရှုချင်သမျှကို ဖတ်ရှုနိုင်ခဲ့ပါသည်။

ကျနော် ရန်ကုန်တွင် ကျောင်းတက်နေသော ပုဇွန်တောင် မြူနီစပယ်အထက်တန်းကျောင်း ကျောင်းဆရာတချို့မှာ သခင်အသင်းဝင်များဖြစ်ပြီး ကျောင်းသားများမျိုးချစ်စိတ်ကို အခွင့်ကြုံတိုင်းသွင်းပေးပါသည်။ ဤကျောင်းမှာ ကျနော့်နိုင်ငံရေးအသိနှင့် မျိုးချစ်စိတ်ကို တဆင့်မြှင့်တင် ပေးလိုက်သော ကျောင်းဖြစ်ပါသည်။

ကျနော်ငယ်စဉ်က ဗန္ဓုလအကြောင်းဖတ်ပြီး စစ်ဘက်ဝါသနာပါလာရာ အရပ်ထဲတွင်လည်း ဦးမောင်ကြီးရဲတပ်ဗိုလ်များဖြစ်သည့် ဆရာ ဦးဘစိန်၊ ဦးမြစိန်တို့နှင့်ရင်းနှီးလာပြီး ၎င်းတို့၏ ရဲတပ်သို့ဝင်လိုက်တော့သည်။ ၁၉၃၇ ခုနှစ် ရန်ကုန်အမျိုးသားအောင်ပွဲလှည့်လည်ပွဲတွင် ကျနော်သည် ရဲတပ်သားဝတ်စုံဖြင့် ပါဝင်ခဲ့သည်။

ကျနော် မြန်မာ (၁ဝ)တန်းအောင်ပြီးနောက် ရန်ကုန်တက္ကသိုလ်သို့ဆက်ပြီး ပညာသင်လိုပါသည်။ ထိုစဉ် အင်္ဂလိပ်ခေတ်ပညာရေးစနစ်အရ ကျနော်တက္ကသိုလ်တက်ခွင့် မရှိပါ၊ အင်္ဂလိပ်ပညာရေးစနစ်မှာ ယခုခေတ်လို တမျိုးတစားတည်းမဟုတ်ဘဲ (၃)မျိုး ခွဲခြားထားပါသည်။

ပထမအမျိုးမှာ အင်္ဂလိပ်စာသက်သက် သင်ကျောင်း။ ဒုတိယမှာ အင်္ဂလိပ်-မြန်မာနှစ်ဘာသာသင်ကျောင်းနှင့် တတိယ မြန်မာစာသက်သက် သင်ကျောင်းဖြစ်ပါသည်။ ပထမအမျိုးနှင့်ဒုတိယအမျိုးသင်ကျောင်းမှ (၁ဝ)တန်းအောင်သူတို့သာ တက္ကသိုလ်သို့တက်ခွင့်ရှိပြီး မြန်မာ သက်သက်နှင့် (၁ဝ)တန်းအောင်သူများ တက္ကသိုလ်တက်ခွင့်မရှိပါ၊ တက္ကသိုလ်တက်လိုပါက နောက်ထပ် အင်္ဂလိပ်စာ တဘာသာနှင့် (၁ဝ) တန်းအောင်မြင်ရမည် ဖြစ်ပါသည်။

ထို့ကြောင့် ကျနော်တက္ကသိုလ်တက်နိုင်ရန် အင်္ဂလိပ်စာတဘာသာ (၁ဝ)တန်းစာမေးပွဲအောင်ရန် လိုပါသည်။ ထို့ကြောင့် ရန်ကုန်မြို့တွင် အင်္ဂလိပ်စာ တဘာသာတည်း (၁ဝ)တန်းအထိ အလွတ်သင်ပေးသော ပုဂ္ဂလိကကျောင်းများကို စုံစမ်းလေ့လာပါသည်။ ဘယ်မှာမှ ထိုကျောင်းမျိုး ဟုတ္တိပတ္တိမရှိပါ၊ ထို့ကြောင့် အင်္ဂလိပ်စာသင်ရန်အ}ကံကို စွန်ဏ္ဍလွှတ်လိုက်ရပါသည်။

ကျနော်မြန်မာ (၁ဝ)တန်းအောင်ပြီးနောက် မြန်မာလိုဆက်ပြီးသင်ကြားနိုင်ရန် အတန်းတတန်းကျန်နေပါသည်။ ၎င်းမှာ “Highergrade” (ဟိုင်းရားဂရိတ်) ခေါ် အထက်တန်းဆရာဖြစ် သင်တန်းဖြစ်ပါသည်။ ထိုသင်တန်းကိုသာ တက်ရောက်သင်ကြားရမည် ဖြစ်ပါသည်။

ထို့ကြောင့် ကျနော်သည် အသက် (၁၉)နှစ် ၁၉၃၈-၃၉ ခုနှစ်တွင် ကြည့်မြင်တိုင် အထက်တန်းဆရာဖြစ်သင်တန်းကျောင်းသို့တက်ပြီး သင်ကြားပါသည်။ ထိုကျောင်းတွင် ကျောင်းသားသမဂ္ဂ မရှိသဖြင့် ကိုမိုးဟုထင်ရသောကျောင်းသားတဦးကို ဥက္ကဌတင်ပြီး ကျနော်က အတွင်းရေးမှူးလုပ်၍ ကျောင်းသားသမဂ္ဂတည်ထောင်ခဲ့ပါသည်။

ထိုနှစ်တွင် ဗမာပြည်တွင် ကုလား-ဗမာရိုက်ပွဲ အဓိကရုဏ်းဖြစ်သောနှစ်ဖြစ်ပါသည်။ ထိုကိစ္စ ကျနော်တို့ထံသို့လည်း ရိုက်ခတ်လာပါသည်။ ကျနော်တို့စာသင်ကြားနေစဉ် ဘတ်စ်ကားတစီး ကျနော်တို့ကျောင်းရှေ့ထိုးရပ်ကာ ဘတ်စ်ကားထဲက လူတယောက် မျက်နှာမှာသွေးသံရဲရဲနှင့် ဘတ်စ်ကားအမိုးပေါ်တက်ပြီး “ဟေ့ မြန်မာတွေ ကုလားပြည်က ကုလားတွေဟာ တို့ဗမာပြည်ထဲလာပြီးစီးပွားရှာကြတယ်၊ ငါတို့ဗမာတွေရဲ့ စီးပွားရေးကိုဝင်လုပြီး လုပ်ကြတယ်၊ ဒီလိုစီးပွားရှာရုံမကဘူး၊ ငါတို့လဲ စော်ကားကြတယ်၊ အခုငါ့မျက်နှာပေါ်ကဒဏ်ရာတွေ သွေးတွေဟာ ဒီကုလားတွေက ခုတ်လွှတ်လိုက်တာဖြစ်တယ်၊ ဒီကုလားတွေကို မောင်းထုတ်ရမယ်၊ လက်စားချေရမယ်၊ အခုငါ့ကို ခုတ်လွှတ်လိုက်တဲ့ ကုလားတွေကို ပြန်ပြီးလက်စားချေဖို့ ငါတို့သွားမယ်၊ ခင်ဗျားတို့ မလိုက်ကြဘူးလား”ဟု အော်ဟစ်ပြောဆိုပါသည်။

ထိုအခါ ကျနော်အပါအဝင် ကျောင်းသား ၁၄-၅ ယောက် နီးရာတုတ်တို တုတ်စတွေကောက်ယူကြပြီး ၎င်းဘတ်စ်ကားပေါ် ပြေးတက် ကြသည်။ ဒဏ်ရာနှင့်လူက ကားကိုရန်ကုန်မြို့ဘက်ကို မောင်းသွားစေပါသည်။ ရန်ကုန် ကြည့်မြင်တိုင်နယ်စပ် မော်တော်ကားလမ်းပေါ်က သံချောင်းမောင်းတံကြီးကို ချထားပြီး ကားလမ်းကိုပိတ်ထားပါသည်။ ပုလိပ်တချို့ရပ်စောင့်နေပြီး ကျနော်တို့ ဘတ်စ်ကားကို ပြန်လှည့်စေ ပါသည်။ ကျနော်တို့ဘာမှမတတ်နိုင်ဘဲ လှည့်ပြန်ခဲ့ရပါသည်။

နောက်တနေ့ ကျနော်ကျောင်းကအပြန် ကြည့်မြင်တိုင်ဘူတာရုံ ဂုံးတံတားကြီးထိပ်ရှိ ကုလားဆိုင်ကြီးတဆိုင်ကို ဗမာတချို့ ဝင်ရောက်ဖျက်ဆီး ထုခွဲနေရာ ကျနော်လည်း မှားယွင်းသောမျိုးချစ်စိတ်နှင့် ထိုလူစုထဲပါဝင်ပြီး ထိုကုလားဆိုင်ကြီးကိုဝင်ရောက် ဖျက်ဆီးမိပါသည်။  

ကျနော်တို့ မြန်မာဆရာဖြစ်သင်ကျောင်းတွင် ကျနော်တို့ကျောင်းသားသမဂ္ဂကကြီးမှူးပြီး အပြင်လူကြီးတချို့ကိုဖိတ်ပြီး တရားဟောပြောပွဲများ ကျင်းပပါသည်။ ရန်ကုန်တက္ကသိုလ်သမဂ္ဂအမှုဆောင်လူကြီးများကိုလည်း ဖိတ်၍ဟောပြောမှုများပြုလုပ်ပါသည်။ တချီတွင် ရန်ကုန်တက္ကသိုလ် သမဂ္ဂအမှုဆောင်လူကြီး ကိုထွန်းရှိန်ဆိုသောကျောင်းသားကြီး ပါလာပါသည်။ ၎င်းကိုထွန်းရှိ်န်ဆိုသူမှာ နောင်ကျနော်တို့ရဲဘော်သုံးကျိပ်ဝင် ဟိုင်နန်ကျွန်းတွင် ကျနော်တို့အတူတူ ဂျပန်စစ်ပည်သင်ကြားခဲ့ကာ ဘီ၏အိုင်၏အေတပ်ကြီးဖွဲ့ပြီး အင်္ဂလိပ်တို့ကို ကျနော်တို့နှင့်အတူ တိုက်ခိုက်ခဲ့သော နာမည်ကျော်တပ်မှူးကြီးဗိုလ်ရန်နိုင်ဆိုသူ ဖြစ်ပါသည်။

ကျနော်တို့ကျောင်းသည် ရန်ကုန်မြို့ကျောင်းသားများ လှုပ်ရှားမှုများတွင် ပါဝင်ခဲ့ပါသည်။ ထိုနှစ်မှာ ၁၉၃၈-၃၉။ ၁၃ဝဝပြည့် အရေးတော်ပုံနှစ် ဖြစ်ပါသည်။

၁၃ဝဝပြည့်နှစ် ၁၉၃၈ ခုနှစ် ဒီဇင်ဘာ ၂ဝ ရက်နေ့တွင် ရန်ကုန်မြို့ ကျောင်းသူကျောင်းသားများက ရန်ကုန်မြို့ အင်္ဂလိပ်အစိုးရ၏ အတွင်းဝန် ရုံးကြီးကို ဝိုင်းရံပိတ်ဆို့သပိတ်တားသည့် အရေးအခင်းကြီး ဖြစ်ပွားပေါ်ပေါက်လာပါသည်။

အတွင်းဝန်ရုံးကြီးမှာ ဗမာပြည်ကို အင်္ဂလိပ်ကိုလိုနီအစိုးရတို့ကအုပ်ချုပ်လွှမ်းမိုးထားသော ဗဟိုရုံးချုပ်ကြီးဖြစ်ပါသည်။ ဗြိတိသျှအုပ်စိုးမှုကို အရှိုက်ထိုးလိုက်သော ထိုးနှက်ချက်ဖြစ်ပါသည်။

ထို့ကြောင့်လည်း အင်္ဂလိပ်တို့က ကျောင်းသားများကိုရိုက်နှက်တိုက်ခိုက်ရာတွင် မြန်မာတိုင်းရင်းသား ပုလိပ်လက်နက်ကိုင်တွေ အသုံးမပြုဘဲ မျက်နှာဖြူ အင်္ဂလိပ်ဂေါ်ရာပုလိပ်တွေကိုသာ အသုံးပြုသည်။ မှတ်လောက်အောင်လည်း ဖိနှိပ်ရိုက်နှက်လိုက်မည်ဟု ဆုံးဖြတ်ထားပုံလည်း ရသည်။

ကျနော်တို့ရန်ကုန်ကျောင်းသားများသည် အတွင်းဝန်ရုံးကြီးသို့ ထိုနေ့ (ဒီဇင်ဘာ ၂ဝရက်) နံနက်ခပ်စောစော (ရုံးမဖွင့်မီ)ရောက်လာကြပြီး အတွင်းဝန်ရုံးကြီး၏ သံတိုင်ခြံစည်းရိုးရှိ တခါးပေါက်အားလုံးကိုပိတ်ဆို့ သပိတ်တားကြပါတော့သည်။

ကျနော်တို့ ဆရာဖြစ်သင်ကျောင်းမှ တကျောင်းလုံး (လူ ၆ဝ လောက်ရှိ)ကို အတွင်းဝန်ရုံးကြီး၏ဗဟို အဓိကဝင်ပေါက်ထွက်ပေါက်ကြီးတွင် သပိတ်တားရန် တာဝန်ကျပါသည်။ ၎င်းဗဟိုသံတခါးပေါက်မှာ စပတ်လမ်းဘက်က ဖြစ်ပါသည်။

ကျောင်းသားများသည် အတွင်းဝန်ရုံးကြီးကို တဦးတယောက်မှ မဝင်နိုင်မထွက်နိုင်အောင် တားဆီးနိုင်ကြပါသည်။ ထိုနေ့ ရုံးမတက်နိုင် ကြတော့ပါ၊

ကျနော်တို့၏ အတွင်းဝန်ရုံးသပိတ်တားဆီးမှုမှာ အားလုံးချောမောစွာ အောင်မြင်ထမြောက်ပြီးကြသဖြင့် နေ့လည် ၂ နာရီကျော်လောက်တွင် သပိတ်တားမှုကိုရုပ်သိမ်းပြီး အသီးသီးမိမိတို့ကျောင်းသို့ တပ်ဖွဲ့လိုက်ပြန်ကြရန် စီစဉ်ကြသည်။ ကျောင်းသားတပ်ဖွဲ့များမပြန်မီ အတွင်းဝန် ရုံးကြီးကို အပြင်မှတပတ်တန်းစီပြီး ကျောင်းတပ်ဖွဲ့လိုက် လှည့်ပတ်ကြသည်။ ကြွေးကြော်သံများတိုင်တည်ပြီး လှည့်ပတ်ကြရာ ပထမ ရှေ့ဆုံးက တက္ကသိုလ်ကျောင်းသားတပ်ဖွဲ့ဖြစ်၍ ၎င်းနောက် ဒုတိယတပ်ဖွဲ့မှာ ကျနော်တို့ဆရာဖြစ်သင်ကျောင်း တပ်ဖွဲ့ဖြစ်သည်။ လှည့်လည်မှု တပတ်ပြည့်ခါနီး ကျနော်တို့သည်အတွင်းဝန်ရုံးကြီးနှင့် စိန်ပေါကျောင်းအကြား အနော်ရထာလမ်းကြီးအတိုင်းချီတက်လာရာ တပ်ဦး တက္ကသိုလ်ကျောင်းသားတပ်ဖွဲ့သည် အတွင်းဝန်ရုံးကြီးထောင့် အနော်ရထာလမ်းနှင့် စပတ်လမ်းဆုံသည့်ထောင့်သို့ ရောက်ရှိလာသည်။

ထိုအချိန်တွင် စပတ်လမ်းအတိုင်း အင်္ဂလိပ်မျက်နှာဖြူ ဂေါ်ရာပုလိပ်များ အချို့ မြင်းစီး၍လည်းကောင်း။ အချို့ ခြေလျင်ဖြင့်လည်းကောင်း သုံးလေးဆယ်လောက် (ထင်ရသည်)ပြေးဆင်းလာပြီး စပတ်လမ်းအတွင်းရောက်နေသော ထိပ်ဆုံးမှတက္ကသိုလ်ကျောင်းသားများတပ်ဖွဲ့ကို ဝင်ပြီးရိုက်နှက်ဖြိုခွဲပါသည်။ ၎င်းတက္ကသိုလ်ကျောင်းသားတပ်ဖွဲ့နောက်က ကပ်ပါလာသော ဒုတိယကျောင်းသားတပ်ဖွဲ့ဖြစ်သည့် ကျနော်တို့ ဆရာဖြစ်သင်ကျောင်းသားတပ်ဖွဲ့တပ်ဦးမှာ စပတ်လမ်းနှင့်အနော်ရထာလမ်းထောင့် စပတ်လမ်း၏ အရှေ့ဘက်နှုတ်ခမ်းသို့ရောက်လာပြီ ဖြစ်၍  ပထမတက္ကသိုလ်ကျောင်းသားတပ်ဖွဲ့ကို မျက်နှာဖြူဂေါ်ရာများ နင်းရိုက်နေသည်ကို ကျနော်တို့ကျောင်းသားတပ်ဦးက ကောင်းစွာ မြင်နေ ရသည်။ ကျနော်မှာ ကျနော်တို့ဆရာဖြစ်သင်ကျောင်း တပ်ဦးကဦးဆောင်လာသူဖြစ်၍ ထိုရိုက်ပွဲကို စပတ်လမ်း၏ အရှေ့ဘက်နှုတ်ခမ်းပေါ်က ကောင်းစွာမြင်တွေ့နေရသည်။ တက္ကသိုလ်ကျောင်းသားတပ်ဖွဲ့မှ ဗိုလ်အောင်ကျော် ဆင့်ကာဆင့်ကာအရိုက်ခံရပြီး လဲကျသွားသည်ကိုလည်း မြင်တွေ့ရသည်။
ဗိုလ်အောင်ကျော် လဲကျသွားပြီးနောက် တက္ကသိုလ်ကျောင်းသားတပ် ပြိုကွဲသွားပြီးသောအခါ ဂေါ်ရာပုလိပ်များက ဒုတိယတပ်ဖြစ်သော ကျနော်တို့ဆရာဖြစ်သင် ကျောင်းသားတပ်ဘက်သို့လှည့်လာပြီး ဆက်ရိုက်ပါသည်။ ပြီးနောက် နောက်က တပ်ဖွဲ့အချို့ကိုလည်း ဆက်လက်ပြီး ရိုက်သွားကြသည်။

ထိုသို့ရိုက်ပြီး လူစုခွဲနေစဉ် အတွင်းဝန်ရုံး သံတိုင်ခြံစည်းရိုးအပြင်က ခါးလောက်နက်သည့်ရေမြောင်းထဲသို့ ဂေါ်ရာပုလိပ်
နှစ်ယောက်လောက် အားလွန်ပြီးကျသွားရာ ကျောင်းသားအချို့က အပေါ်ကအုတ်ခဲတွေ ကျောက်ပြားတွေနှင့်ပေါက်သဖြင့် တယောက်လဲကျ သွားသည်ကိုလည်း မြင်တွေ့လိုက်ရပါသည်။ နောင် အစိုးရကြေညာချက်တွင် ဂေါ်ရာပုလိပ်နှစ်ဦးသုံးဦး ဒဏ်ရာရကြောင်း ကြေညာတာ မှတ်မိပါသည်။

ခဏအကြာတွင် အတွင်ဝန်ရုံးကြီးဝိုင်းရံသော ကျနော်တို့ကျောင်းသားတပ်ကြီး ပြိုကွဲသွားပါတော့သည်။

ကျနော်တို့ မိမိကျောင်းအသီးသီးမှ ဒဏ်ရာရကျောင်းသားများကို ကောက်ကြသည်။ ကျနော်တို့ကျောင်းမှ ဒဏ်ရာရသူ (၁ဝ)ယောက်နီးပါး လောက်ရှိရာ မိန်းကလေးကျောင်းသူထဲမှ တယောက်မှမပါချေ၊ ကျနော်တို့ကျောင်းမှ ဒဏ်ရာရသူများထဲတွင် ကိုခင်မောင်ရွှေဟူသော ကျောင်းသားမှာ နည်းနည်းပြင်းသည်။ ကျောင်းသူတချို့မှာလည်း သွေးသံရဲရဲနှင့်ဒဏ်ရာရနေကြသော မိမိမိတ်ဆွေကျောင်းသားများကို ကြည့်ပြီး ငိုယိုကြသည်။

ဒဏ်ရာရသူ ကိုခင်မောင်ရွှေကိုတွေ့ရှု ကျနော်အံ့သြပါသည်။ အကြောင်းမှာ ၎င်းသည် နောင်ဟာသစာရေးဆရာကြီးသော်တာဆွေ ဖြစ်လာမည့် ကျောင်းသား ကိုကြင်မောင်ဆိုသူနှင့်အတွဲဖြစ်ပြီး ကျနော်တို့ ကျောင်းသားလှုပ်ရှားမှုများတွင်မပါဝင်ကြဘဲ ဘေးထိုင်နေတတ် သူများ ဖြစ်သောကြောင့်ဖြစ်ပါသည်။ ကိုခင်မောင်ရွှေမှာ သော်တာဆွေလို ရုပ်ရည်ခန့်ညားချောမောသူဖြစ်သည်။

ကိုခင်မောင်ရွှေကို နောင်နှစ်ပေါင်းများစွာကြာမှ ကျနော် ထပ်ပြီးတွေ့ရသည်။ တွေ့ရပုံမှာ ၁၉၅၇ ခုနှစ်က ကျနော်တပ်မတော်မှ ထွက်ရပြီး နောက် တရုတ်ဖြူများ ဒုတိယအကြိမ် ဗမာပြည်ကိုကျူးကျော်လာသဖြင့် ယင်းကို ဆန့်ကျင်တိုက်ထုတ်ရန် ပြည်သူတို့ကို လှုံဆော်စည်းရုံးဖို့ ကျနော်သည် “တရုတ်ဖြူကျူးကျော်မှုနှင့် နယ်ချဲ့ဆန့်ကျင်ရေးကော်မတီ” ဥက္ကဌအဖြစ် တိုင်းပြည်တဝှမ်း လှည့်လည်ဟောပြော လှုံဆော် ရာတွင် မြို့နာမည်မမှတ်မိသော ဗမာပြည်အလယ်ပိုင်း ဧရာဝတီမြစ်အရှေ့ဘက်ကမ်းရှိ မြို့တမြို့က ဖိတ်ကြား၍ရောက်သွားရာ ကျနော်တို့ကို ကြိုဆိုနေသောလူအစုထဲတွင် ၎င်းကျောင်းသားဟောင်းကိုခင်မောင်ရွှေကို တွေ့ရတော့သည်။ ကျနော်တို့ ဝမ်းသာအားရနှုတ်ဆက်မိကြသည်။

အတွင်းဝန်ရုံးရိုက်မှုပြီးနောက် ဗိုလ်အောင်ကျော်ကျဆှုံး ဗိုလ်အောင်ကျော်ဈာပနကို ကျောင်းသားများ လိုက်ပို့ကြရသည်။ ဗိုလ်အောင်ကျော် သည် ရန်ကုန်ဂျပ်ဆင်ကောလိပ်မှကျောင်းသားဖြစ်သည်။ ဈာပနတွင် ဗိုလ်အောင်ကျော့်မိခင်ကြီးက မိန့်ခွန်းတိုလေးပြောကြားရာ လူတွေ အတော်စိတ်ထိခိုက်ကြသည်။

အတွင်းဝန်ရုံးတွင် ကျောင်းသားတွေရိုက်မှုကြီးပြီးလျှင်ပြီးချင်း နိုင်ငံအဝှမ်းကျောင်းသားတွေ သပိတ်မှောက်လာကြတော့သည်။ ရန်ကုန်မြို့ ကျောင်းအားလုံးလည်း သပိတ်မှောက်လိုက်ကြတော့သည်။ ရန်ကုန်မြို့ကျောင်းသားများသပိတ်စခန်းကို ရန်ကုန်မြို့ မြို့မကျောင်းကြီးတွင် ဖွင့်လိုက်သည်။ မြို့မကျောင်းကြီးလည်း ကျောင်းလုံးဝပိတ်ထားသည်။ ရန်ကုန်မြို့ရှိ ကျနော်တို့ကျောင်းအသီးသီးမှ သပိတ်မှောက် ကျောင်းသားခေါင်းဆောင်များနှင့် နောက်လိုက်အချို့တို့သည် မြို့မကျောင်းကြီးသို့ ပြောင်းရွှေ့နေထိုင်ကြတော့သည်။ ထိုစဉ်က မြို့မကျောင်း သပိတ်စခန်းတွင် ကျောင်းသားသုံးရာ (၃ဝဝ)ကျော်လောက် ရှိမည်ထင်ရသည်။ ကျနော်တို့သည် စောင်တထည်ပိုက်ပြီး မြို့မကျောင်းကြီးသို့ ပြောင်းရွှေ့ နေထိုင်ကြတော့သည်။ သပိတ်မှောက်ကျောင်းသူတွေကတော့ နေ့ကို မြို့မကျောင်းလာပြီး ညတွင် မိမိတို့အိမ် ပြန်အိပ်ကြသည်။ များစွာသော သပိတ်မှောက်ကျောင်းသားများ ကိုယ့်အိမ်တွင်ပင်နေကြပြီး တခါတရံမြို့မကျောင်းသို့ လာတတ်သည်။ မြို့မကျောင်းသပိတ်စခန်း စားသောက်ရေးမှာ ရန်ကုန်မြို့အတွင်း အလှည့်ကျရပ်ကွက်လိုက် ထမင်းထုပ်များကောက်စားကြသည်။

အတွင်းဝန်ရုံးကျောင်းသားရိုက်မှုကြီးကြောင့် တပြည်လုံးပြည်သူလူထု တုန်လှုပ်ချောက်ချားသွားပြီး နယ်ချဲ့အင်္ဂလိပ်အစိုးရကို မုန်းတီးမှုနှင့် ကျောင်းသားများအပေါ် များစွာချစ်ခင်လေးစားမှုကြီး တဟုန်ထိုးဖြစ်လာကြတော့သည်။ အထူးသဖြင့် ရန်ကုန်မြို့လူထုက နယ်ချဲ့အင်္ဂလိပ် အစိုးရကို ပြတ်ပြတ်သားသားမုန်းတီးပြီး ကျောင်းသားတွေကို ထောက်ခံလာကြသည်။

ကျောင်းသားခေါင်းဆောင်များက ကျောင်းသားအရေး ဒုတိယခြေလှမ်းအဖြစ် ရန်ကုန်ကျောင်းသားခေါင်းဆောင်များ တိုင်းပြည်တဝှမ်း နယ်အသီးသီးသို့ဆင်းကြပြီး ကျောင်းသားများအရေးအခင်းဖြစ်ပျက်ပုံကို ပြည်သူလူထုအား တိုင်ကြားဟောပြောမှုလုပ်ရန် စီစဉ်ကြသည်။

ထိုအတောအတွင်း သုံးဆယ်မြို့ ကျနော့်မိဘများက ကျနော် မြင်းအနင်းခံရသည်ကြားရပြီး ကျနော့်အဖေ ရန်ကုန်မြို့သို့လိုက်လာကာ ကျနော့်ကို မြို့မကျောင်းတွင်လာတွေ့ဆုံသည်။ ကျနော်က ခြေမကပတ်တီးကိုဖွင့်ပြပြီး ဒဏ်ရာ ဘာမှမကြီးကြောင်းပြောရသည်။ အဖေက ကျနော့်ကို သုံးဆယ်မြို့သို့ ပြန်ခေါ်သွားချင်နေသည်။ ခေါ်လို့မရနိုင်ကြောင်းလည်း သူသိပုံရသည်။ ထို့ပြင် တခြားဒဏ်ရာရသော ကျောင်းသား အချို့ ခေါင်း၊ လက်စသည်တို့တွင် ပတ်တီးများဖြင့်သွားလာလှုပ်ရှားနေကြသည်ကိုလည်း သူမြင်တွေ့နေရသဖြင့် ဘာမှမပြောဘဲ သုံးဆယ်မြို့သို့ ပြန်သွားပါသည်။

နယ်များသို့ ကျောင်းသားများ တရားဟောဆင်းရန်အစီစဉ်အရ ကျနော့်မှာတခြားကျောင်းသားနှစ်ဦးနှင့်အတူ ပုသိမ်ခရိုင်သို့သွားရန် တာဝန်ကျ ပါသည်။ ပုသိမ်မြို့သို့သွားပြီး ပုသိမ်မြို့အပါအဝင် အခြားမြို့ (၄)မြို့လောက်မှာ တရားဟောရသည်။ ပုသိမ်ခရိုင်ကျောင်းသားအဖွဲ့၏ အစီအစဉ်ဖြင့် လှည့်ပြီးဟောပြောရသည်။

ကျနော့်မှာ လူထုကိုတရားဟောဖူးသော အတွေ့အကြုံမရှိ။ ငယ်ငယ်ရွယ်ရွယ်ကျောင်းသားက လူထုကိုတရားဟောရမှာဖြစ်သည်။ ထိုစဉ်က ကျနော့်အသက် (၁၉)နှစ်အရွယ်သာဖြစ်ရာ အတော်ထိတ်လန့် ကြောက်ရွံ့နေသည်။

ကျနော်တို့သည် အဓိကကျောင်းသားများအရေးအခင်းကိုသာ ဟောပြောရာ အဓိကအတွင်းဝန်ရုံး ကျောင်းသားများအရိုက်ခံရသော အရေးအခင်းကိုသာ ပြောပြသည်။ ထိုကိစ္စမှာ လတ်လတ်ဆတ်ဆတ် ဖြစ်ပျက်သောကိစ္စ။ ကျနော်တို့ စိတ်အထိခိုက်ဆုံးကိစ္စ။ လူထု စိတ်အဝင်စားဆုံးကိစ္စဖြစ်၍ စိတ်ပါလက်ပါ တိတိကျကျအသေးစိတ်လည်းပြောနိုင်သဖြင့် ပရိတ်သတ်လူထု အတော်စိတ်ဝင်စားကြသည်။ တပွဲနှစ်ပွဲဟောပြောပြီးနောက် ကျနော်တို့ ပြောဆိုမှုရဲတင်းလာသည်။ နောက်ပိုင်းတွင် ကျနော်တို့ကျောင်းသားအရေးအခင်းသာမက ဗမာပြည်အပေါ် အင်္ဂလိပ်တို့ဘယ်လို သွေးစုပ်အမြတ်ထုတ်နေပုံတွေပါ ဗမာပြည်မှ ဆန်စပါးအပေါ် ဘယ်လိုဘယ်လောက် သွေးစုပ်သည်။ ကျွန်းသစ်၊ ရေနံ၊ ဓာတ်သတ္တုတွေအပေါ် ဘယ်လိုဘယ်လောက် သွေးစုပ်ကြသည်ကို ကျနော်တို့အထူးသဖြင့် “နဂါးနီ” စာအုပ်တိုက်ထုတ် စာအုပ်များမှ ဖတ်မိမှတ်မိသလောက်တွေပါ ထည့်ပြောတတ်လာ၍ တရားပွဲမှာ အင်္ဂလိပ်နယ်ချဲ့ဆန့်ကျင်ရေးတရားပွဲကြီးဖြစ်လာပြီး လူထု ကလည်း ကျနော်တို့ ကလေးတွေမျှသာဖြစ်သော်လည်း အတော်လေးစားချစ်ခင်လာကြပါသည်။

ဗိုလ်မှူးချုပ်ဟောင်းကျော်ဇော ကိုယ်တိုင်ရေးအထုပ္ပတ္တိ အပိုင်း(၁) အခန်း(၁)

0 comments
ဗိုလ်မှူးချုပ်ဟောင်းကျော်ဇော ကိုယ်တိုင်ရေးအထုပ္ပတ္တိ အပိုင်း(၁) အခန်း(၁)
ကျနော့်ကို ကျနော်တို့လေးစားသောပုဂ္ဂိုလ်တဦးက လွန်ခဲ့သော ၃ - ၄ နှစ်ခန့်က ကျနော့်အထုပ္ပတ္တိကိုရေးသားရန် တိုက်တွန်းခဲ့ပါသည်။ ကျနော်က အလွန်ခက်မည်ထင်၍ ငြင်းပယ်ခဲ့ပါသည်။ ယခုကျနော့်အသက် ၈၄ နှစ်ရောက်မှ မိမိအထုပ္ပတ္တိရေးလျှင် အများအတွက် အကျိုးရှိနိုင်မည်ယုံကြည်ယူဆလာသဖြင့် မသေခင်တာဝန်တရပ်အနေဖြင့် ရေးသားရန်ဆုံးဖြတ်ပြီး ရေးသားရပါတော့သည်။

၁၊ ကျနော့်မွေးနေ့မှာ ၁၉၁၉ ခုနှစ်။ ဒီဇင်ဘာ (၃) ရက် ဖြစ်သည်။ ဇာတိမှာ မြန်မာပြည် သာယာဝတီခရိုင်။ သုံးဆယ်မြို့ ဆိုင်းစုရွာဖြစ်သည်။

၂၊ လယ်သမားကြီးဦးပန်း-ဒေါ်တင့်တို့၏သားသမီး (၆)ယောက်အနက် ဒုတိယသား ဖြစ်ပါသည်။

၃၊ မိဘများမှာ ချစ်တီးထံမှ လယ်ဧက ၄ဝ ကျော်ကို အငှားချပြီး စာရင်းငှားများနှင့် လယ်သီးစားလုပ်သောသူများဖြစ်သည်။ ချမ်းသာတဲ့လယ်သမားအနေအထား ဖြစ်ပါသည်။ အသင့်အတင့်ချောင်ချိသော လယ်သမားများဖြစ်ပါသည်။

၎၊ ကျနော်တို့သည် ငယ်စဉ်က မိမိဖခင်၏နှမ အပျိုကြီးဒေါ်စောနှင့်နေခဲ့ရပြီး မိဘနှင့်ဒေါ်စောတို့၏ ဆုံးမပဲ့ပြင်မှုနှင့်ကြီးပြင်းခဲ့ရသည်။ အဒေါ် ဒေါ်စောမှာ ကွပ်ညပ်မှုအတော်တင်းကျပ်သဖြင့် အများတန်းတူမကစားရ၊ မပျော်ရွှင်ရဘဲ မိန်းခလေးတယောက်လို ပိပိရိရိနေခဲ့ရသည်။

ကျနော်တို့ဆိုင်းစုရွာမှာ သုံးဆယ်မြို့ မြောက်ပိုင်းမှစပြီးစီးလာသော သုံးဆယ်ချောင်းကမ်းပါးတွင်ရှိရာ အများရေကူးတတ်ကြသော်လည်း ကျနော်တို့မှာ အဒေါ်ရဲ့ပညတ်ချက်ကြောင့် ရေမကူးတတ်ခဲ့ပါ၊ ရေကူးအတတ်ကို စစ်ပညာသင်ရာ ဟိုင်နန်ကျွန်းရောက်မှသာ နည်းနည်း တတ်ခဲ့ရပါသည်။ ထို့ကြောင့်လည်း ကျနော့်မှာ ငယ်စဉ်ကတည်းက စာတတ်ပြီးနောက် စာဖတ်ဝါသနာကြီးခဲ့ပြီး တွေ့သမျှ မြန်မာစာအုပ်မှန်သမျှဖတ်ခဲ့မိသည် ထင်ပါသည်။ ကျနော်ငယ်စဉ်က ဖတ်မိစွဲလန်းနေမိသော စာအုပ် တအုပ်မှာ ဦးဖိုးကျား၏ “မြန်မာ့ဂုဏ်ရည်” စာအုပ် ဖြစ်ပါသည်။ ကျနော် (၃)တန်းအရွယ်လောက်တွင် ဖတ်မိခြင်း ဖြစ်သည်ထင်ပါသည်။ စာဖတ်ခြင်းကြောင့် ကျနော့်မှာ ငယ်စဉ်ကတည်းက မျိုးချစ်စိတ်ဝင်ခဲ့ပုံရပါသည်။ ပညာတတ်တယောက်လည်း ဖြစ်ချင်စိတ်ရှိခဲ့ပါသည်။ ကျနော်ကလေးအရွယ်တွင် သူငယ်နာရောဂါဖြစ်ခဲ့သဖြင့် အသက်ကယ်ခဲ့ရသည် ဟုဆိုပါသည်။

၅၊ ကျနော့်အသက် (၇) နှစ်အရွယ်တွင် မိဘများက သုံးဆယ်မြို့နှင့် ကျနော်တို့ ဆိုင်းစုရွာအကြား ရွာမရွာရှိ မြန်မာမူလတန်းကျောင်းကို အပ်ပါသည်။

၆၊ ကျောင်းတွင် ကျနော်တို့ အတန်းငယ်ကို ကိုင်သောဆရာမမှာ အမည်ဒေါ်သိန်းခင်ဟုထင်ရသော အပျိုဆရာမ ဖြစ်ပါသည်။

၇၊ ဆရာမမှာ အတော်အတန်ချောမောသော်လည်း စိတ်ထားတင်းမာသဖြင့် ကျနော်တို့ကြောက်ရပါသည်။ ကျနော့်မှာ ငယ်စဉ်က သူငယ်နာ ရောဂါစွဲကပ်ခဲ့ဖူးသဖြင့် ဉာဏ်နည်းနည်းထိုင်းနေပါသည်။ အထူးသဖြင့် သင်္ချာဘာသာတွင် ထိုင်းမှိုင်းခြင်းဖြစှု ဆရာမ၏ ပြစ်ဒဏ်ပေးခြင်းကို ခဏခဏခံရပါသည်။ ကျနော်၏ ဉာဏ်ထိုင်းမှုမှာ အသက် (၁၄) နှစ် (၁၅) နှစ် အရွယ် (၇) တန်းကျောင်းသား အရွယ်လောက်ထိ ဖြစ်ပါသည်။  ယင်းနောက်မှ ဉာဏ်ထိုင်းမှုက သက်သာလွတ်မြောက်လာပါသည်။    

ကျနော် (၉) နှစ်သားအရွယ် (၂) တန်းရောက်ပြီးနောက် ကျနော့်မိဘများက ကျနော်နှင့် ကျနော့်အစ်ကိုကို ကျနော်တို့ရွာ၏ တဖက်ကမ်းတွင် ရှိသော ညောင်ဝိုင်းဘုန်းတော်ကြီးကျောင်းတွင် အတော်အသင့်ခမ်းနားစွာဖြင့် ရှင်ပြုပွဲလုပ်ပေးပါသည်။ ညောင်ဝိုင်းဘုန်းကြီးကျောင်းတွင်လည်း အစိုးရမူလတန်းကျောင်း ဖွင့်ထားသဖြင့် သင်္ကန်းဝတ်ကိုရင်ဘဝမှထွက်ပြီး နောက် ရွာမ မူလတန်းကျောင်းသို့ ပြန်မသွားတော့ဘဲ ညောင်ဝိုင်း ကျောင်းမှာပဲ ဆက်ပြီး (၂)တန်းကစပြီး ကျောင်းနေပါတော့သည်။  မိုးဥတုတွင်  သုံးဆယ်ချောင်းကို လှေဖြင့်ဖြတ်ပြီး ကျောင်းတက်ခဲ့ရပါသည်။

ကလေးဘဝကျောင်းနေစဉ် နေအိမ်၏အသေးအဖွဲအလုပ်ကိစ္စများ လုပ်ခဲ့ရပါသည်။ အဒေါ်အိမ်ထောင်ပြုသွားသော်လည်း ကျနော်တို့မိခင် အမေမှာအလွန် လုံ့လဝိရိယရှိပြီး စိတ်ထားအလွန်ကြံ့ခိုင်တင်းမာပြီး စိတ်ဓာတ်အလွန်ကောင်းသူ ဖြစ်သည်။ သားသမီးများအပေါ်လည်း အလွန်စည်းကမ်းကောင်းသူဖြစ်ပါသည်။ စာရိတ္တလည်း အလွန်ဖြောင့်မတ် ကောင်းမွန်သူဖြစ်သည်။ အိမ်မှုဝတ္တရားများကိုလည်း ကျနော်တို့ စေ့စေ့စပ်စပ်လုပ်ကိုင်ခဲ့ရပါသည်။ အဒေါ်လိုပင် အမေကလည်း ကျနော်တို့ကို ကစားခုန်စားမှု သိပ်မလုပ်ရပါ၊
ကျနော့်မှာ မိုးတွင်း ဝါတွင်း (၃)လတွင် သင်္ကန်းစီးခြင်းကို (၂)တန်းမှ (၆)တန်းပြီးသည်အထိ(၅ နှစ် ၅ ဝါ) ဝါဆို သင်္ကန်းဝတ်ခဲ့ပါသည်။ မိဘများကလည်း မိုးတွင်း၌ချောင်းကိုဖြတ်၍သွားရတာအန္တရာယ်များ၍ သင်္ကန်းစီးပြီး ဝါဆိုတာကို ကြိုက်ပါသည်။ ကျနော်လည်း ညောင်ဝိုင်း ဆရာတော်နှင့်ကျောင်းကို ခင်မင်နေပါသည်။

ကျနော်ညောင်ဝိုင်းကျောင်းတွင်နေစဉ် (၅) တန်းကျောင်းသား အရွယ်လောက်တွင် ကျနော်ထီပေါက်သည်ဟူသောသတင်း ဖြစ်လာပါသည်။ ဖြစ်ပုံမှာ ကျနော့်အဖေမှာ သာယာဝတီရုံးအမှုတခုတွင် သမာဓိလူကြီးအဖြစ် လိုက်ရပါသည်။ သာယာဝတီရုံးတွင် ဗေဒင်ဆရာတယောက် တွေ့ရသဖြင့် ဗေဒင်တွက်ရာ ဗေဒင်ဆရာက ခင်ဗျားသားသမီးတွင် ဗုဒ္ဓဟူးသားဖြစ်သူက ထွန်းကားလာပြီး မိဘတွေကို အကူအညီပေး လိမ့်မည်ဟု ဟောပါသည်။ ဗုဒ္ဓဟူးသားမှာ ကျနော်ဖြစ်နေ၍ အဖေက နာမည်။ ရွာလိပ်စာနှင့် ချက်ချင်း သာယာဝတီရုံးတွင်ရှိနေသော ထီစာရေးထံသွား၍ အိုင်ယာလန်ထီကိုထိုးပါတော့သည်။

မကြာခင် ကျနော်တို့ရွာကို မောင်ရွှေနာမည်နှင့် အိုင်ယာလန်ထီရုံးက စာတစောင်လာရာ ရွာမှမောင်ရွှေကြီးဆိုသောလူကြီးက ထိုစာကိုရယူပြီး အင်္ဂလိပ်စာတတ်သော စာရေးကြီးဗိုလ်စိန်မှန်ကိုသွားပြရာ ဗိုလ်စိန်မှန်က အိုင်ယာလန်ထီရုံးကပေးသောစာဟုဆိုသဖြင့် ထီပေါက်သည်ထင်၍ စာကိုသိမ်းထားပါသည်။ အဖေကသတင်းကြား၍ စာကိုသွားတောင်းပါသည်။ မပေးပါ၊ ထို့ကြောင့် အဖေက သာယာဝတီ ထီစာရေးကို သွားပြောရာ ထီစာရေးက စာဟာအရေးမကြီးပါ၊ ခင်ဗျားထီထိုးတာငွေရကြောင်း ပြန်ကြားစာသာဖြစ်သည်။ ထီလက်မှတ်သာ ခင်ဗျားလက်ထဲ ရှိပါစေဟု ပြောသဖြင့် အဖေကရွာပြန်ပြီး မောင်ရွှေကြီးထံပြန်ပြောပြပြီး စာရွက်တောင်းပါသည်။

ကျနော်မူလတန်းအောင်ပြီး အလယ်တန်းကို သုံးဆယ်မြို့ အာရ်စီအမ် ကျောင်းတွင် နေရမည်ဖြစ်သော်လည်း မူလညောင်ဝိုင်းကျောင်းက ထွက်ပြီး ရန်ကုန်က အလယ်တန်းဆရာဖြစ် စက္ကင်ဒရီစာမေးပွဲအောင်ထားသော ဆရာဆင်ဆိုသူဆရာက ညောင်ဝိုင်းမူလတန်းကျောင်းကို အလယ်တန်းကျောင်းဖြစ်အောင်လုပ်နေသည်ဆို၍ အလယ်တန်းကို သုံးဆယ်မြို့ သွားမသင်ဘဲ ၅ တန်း ၆ တန်းကို သူ့ထံတွင်ပင် သင်ကြား နေပါသည်။

နောက် ၇ တန်းရောက်သောအခါ ညောင်ဝိုင်းကျောင်းလည်း အလယ်တန်းကျောင်း ဖြစ်မလာဘဲရှိသည်။ ကျနော်လည်း မြန်မာ (၇)တန်းမှာ အစိုးရစာမေးပွဲ စစ်ခံရမည်ဖြစ်၍ တရားဝင်အလယ်တန်းကျောင်းတက်ရန်လိုသဖြင့် သုံးဆယ်မြို့ အာရ်စီအမ်ကျောင်းသို့ နေအိမ်မှ သွားတက် ပါသည်။

(၇) တန်းဆရာမှာ ဦးစိန်ခဲဆိုသော ခရစ်ယာန်ဆရာ ဖြစ်ပါသည်။ ကျနော်ဘုန်းကြီးကျောင်းသားမှန်းသိ၍ ဘာသာရေးနှင့်ပတ်သက်ပြီး မကြခဏ ကျနော်ကို စ ပါသည်။ ကျနော်လည်း ပြန်လည်ချေပသဖြင့် တဖြည်းဖြည်း ဆရာနှင့်ကျနော် ရင်းနှီးလာပါသည်။

ကျနော် (၇) တန်း ပထမနှစ်ဖြေဆိုရာ ကျောင်းပြောင်း ကျောင်းလဤဲတွေကြောင့် ကောင်းကောင်းစာမလိုက်နိုင်ဘဲ စာမေးပွဲကျခဲ့ပါသည်။

နောက်(၇) တန်း ဒုတိယနှစ်ကို ၎င်း အာရ်စီအမ်ကျောင်းတွင်ပင် ဆက်နေပါသည်။ (၇)တန်းဆရာမှာ အသစ်ဖြစ်ပြီး အသက်သိပ်မကြီး သေးသော ဆရာဖြစ်ပါသည်။ ကျနော်သူ၏ နာမည်မေ့နေပါသည်။ ၎င်းဆရာသင်ပုံပြပုံမှာ အလွန်ကောင်းပါသည်။ ကျနော် ဉာဏ်ရွှင်လန်း ထက်မြက်လာပါသည်။ ၎င်း၏သင်ကြားပုံနည်းကို နောင်ကျနော် Highergrade ခေါ် အထက်တန်းဆရာဖြစ်သင်တန်း တက်ရောက်သင်ကြား ရတော့မှ သဘောပေါက်လာပါသည်။

၎င်းသင်နည်းမှာ ဆရာဖြစ်သင်ဆရာများ၏လက်စွဲဖြစ်သော ပြဿနာတခုသင်ကြားရာတွင် ဆရာကပြဿနာ၏အဖြေကို တိုက်ရိုက် ပြောမပြဘဲ တပည့်များ မူလသိရှိထားသည့်အချက်များမှ တပည့်များ၏ မူလဉာဏ်ပညာကိုဆွဲဆန့်ထွက်လာအောင် တဖြည်းဖြည်း မေးခွန်းများမေးပြီး ပြဿနာ၏အဖြေကို တပည့်များ တဖြည်းဖြည်း အလိုအလျောက်သိရှိလာစေသောနည်းမျိုးဖြစ်ပါသည်။

ဥပမာ - သုံးနှင့်သုံးပေါင်းခြင်းကို သင်မည်ဆိုလျှင် ဆရာကအဖြေဟာခြောက်ဟုမပြောဘဲ တပည့်များသိပြီးဖြစ်သော လက်တဖက်စီကို လက် (၃)ချောင်းစီထောင်စေကာ ၎င်းလက်ချောင်းကလေးများကို ရေတွက်စေပါသည်။ ပထမလက်မှ (၃)ချောင်းကို တစ်။ နှစ်။ သုံး ဟုရေတွက်စေ ပြီးမှ ဒုတိယလက်မှ (၃)ချောင်းကိုဆက်ပြီး ရေတွက်ရပါသည်။ တပည့်ဖြစ်သူက လေး၊ ငါး၊ ခြောက်ဟုဆက်ပြီး ရေတွက်ရပါသည်။ သို့ဖြင့် သုံးနှင့်သုံးပေါင်းလျှင် အဖြေ ခြောက်ဆိုတာ တပည့်ကိုယ်တိုင် သိလာစေခြင်းဖြစ်ပါသည်။ ဤသင်နည်းမျိုးကို ကျနော်တို့၏ (၇) တန်းဆရာ အသစ်က သင်ကြားပေးသဖြင့် ကျနော်တို့ ဉာဏ်ပွင့်လင်းပြီး လျင်မြန်စွာတက်မြောက်လာခဲ့ပါသည်။ ကျနော့်မှာ အတန်းထဲတွင်လစဉ် စာမေးပွဲ အစမ်းစစ်များတွင် အမြဲတန်း ပထမ။ ဒုတိယ ရပြီး အမြဲဝမ်းသာ ရွှင်လန်းနေပေသည်။

သို့သော်လည်း ထိုနှစ် (၇)တန်း အစိုးရစစ်စာမေးပွဲတွင် မမျှော်လင့်ဘဲ ကျနော်စာမေးပွဲကျပြန်သည်။ ကျနော်များစွာ ထိတ်လန့် ဝမ်းနည်းသွား ပါသည်။

နောက်မှ အကြောင်းကိုရှာရာတွင် ကျနော်သည် ငယ်စဉ်ကတည်းက ဘုန်းကြီးကျောင်းတွင်ပညာသင်ကြားခဲ့ရာ အတန်းထဲတွင် ပထဝီ ဘာသာအစား ပါဠိဘာသာကိုသာ သင်ယူခဲ့ရာ အာရ်စီအမ်ကျောင်း (၇)တန်း ဒုတိယနှစ်ကျမှ (ပါဠိဘာသာသင်ပေးမည့်ဆရာ မရှိသဖြင့်) ပထဝီဘာသာရပ်ကို ပြောင်းပြီးသင်ပါသည်။ သို့သော် ကျနော်သည် နောက်မှလိုက်သင်ရသည့် ပထဝီဘာသာရပ်ကို အာရုံစိုက်ဖိပြီး မကြိုးစားမိဘဲ ထိုဆရာ အသင်အပြကောင်းသော တခြားဘာသာရပ်တွေသာ ပျော်ရွှင်စွာအာရုံစိုက်မိသဖြင့် စာမေးပွဲကျရပေသည်။ ယင်းမှ ကျနော်ကြီးစွာနောင်တရပြီး ကျနော့်ပညာသင်ကြားရေးတွင် လေးနက်သော အတွေ့အကြုံကြီးဖြစ်ခဲ့ပါသည်။ ကျနော်သည် ပညာသင်ကြား ရေးနှင့် စာမေးပွဲများအကြောင်း တဆင့်တိုး၍နားလည်လာပါတော့သည်။ ထိုသည်နောက် ပညာရေးတွင် ကျနော်နောက်ထပ် တခါမှ စာမေးပွဲမကျတော့ချေ၊

နောက် (၇)တန်း တတိယနှစ်တွင် ကျနော် အာရ်စီအမ်ကျောင်းတွင် မနေတော့ဘဲ။ သုံးဆယ်မြို့။ လိပ်အင်းရွာ ဆရာကြီးဦးအုံး၏ အလယ်တန်းကျောင်းသို့ပြောင်းနေပြီး ထိုကျောင်းမှ (၇)တန်းကို တတိယနှစ်တွင် ချောမောစွာအောင်မြင်ပါတော့သည်။