“သပိတ်စုံ - အကုန်ရ” ဦးဝင်းတင်အမှာစကား မမေ့မလျော့ အကောင်အထည်ဖော်ကြ(တူမောင်ညို)
(၂၀၁၄ ခုနှစ်၊ ဒီဇင်ဘာ ၂၅ ရက်)
(၂၀၁၄ ခုနှစ်၊ ဒီဇင်ဘာ ၂၅ ရက်)
မည်သည့် အတိုက်အခံနိုင်ငံရေးအင်အားစု (ဥပဒေတွင်း/ဥပဒေပ)ဖြစ်စေ“နိုင်ငံရေးအရ တွေ့ဆုံ ဆွေးနွေးအဖြေရှာရေး”ဆိုသည်ကို အခြေခံအားဖြင့်လက်ခံကိုင်စွဲထားကြသည်၊ တောင်းဆိုနေကြ သည်ကို အထင်အရှားတွေ့မြင်နိုင်ပါသည်။ မည့်သည့်အဖွဲ့အစည်း၏ ထုတ်ပြန်ကြေညာချက်မဆို တွေ့ဆုံဆွေးနွေးရေးဘူတာတွင် ဂိတ်ဆုံးနေသည် မဟုတ်ပါလော။
အတိုက်အခံများဘက်မှ တင်ပြတောင်းဆိုနေသည့် “နိုင်ငံရေးအရတွေ့ဆုံဆွေးနွေးရေး အဖြေရှာရေး” ဆိုသည်မှာ ဆွေးနွေးဖက်များအကြား အပြန်အလှန်တန်းတူရည်တူရှိပြီး၊ ဒီမိုကရေစီနည်းလမ်း ကျသော တွေ့ဆုံဆွေးနွေးအဖြေရှာခြင်းကိုသာ ရည်ညွန်းဆိုလိုခြင်းလည်း ဖြစ်သည်။ ပုံစံတမျိုးမျိုးနှင့် တစ်ဖက်သတ်အပေါ်စီးယူထားသည့် ဟန်ပြဆွေးနွေးပွဲမျိုးကို လုံးဝမလိုလားချေ။
ပူပူနွေးနွေးရှိသော သာဓကများကိုတင်ပြရလျှင် ပထမဦးစွာ သမ္မတ(ဗိုလ်)ဦးသိန်းစိန်ကြံ့ဖွံ့အစိုးရက ပြုခဲ့သော“၁၄ ပွင့်ဆိုင် တွေ့ဆုံဆွေးနွေးမှု”ကို ကြည့်ကြပါစို့။
အတိုက်အခံဘက်ကတောင်းဆိုသော “ ၄ပွင့်ဆိုင်တွေ့ဆုံရေး”ကို တုန့်ပြန်ခြင်းဖြစ်ပြီး၊ ဤတွေ့ဆုံမှု သည် ဟန်ပြတွေ့ဆုံမှုသာ ဖြစ်သည်။ ဓါတ်ပုံရိုက်ခံ၊ မိတ်ဆက်စကားပြော၊ မိတ်ဆုံ ထမင်းစားကြရုံ မျှသာဖြစ်သည်။
တဖန် “၆ ပွင့်ဆိုင်” ဆိုသည်ကို ပွဲထုတ်လာပြန်သည်။ ယင်းကိုပင် “၁၂ ပွင့်ဆိုင်” ဆိုပြီး အဆိုတွေ တင်ကာ အတိုက်အခံများအကြားရှုပ်ထွေးတွေ၊ အငြင်းပွားမှုတွေ၊ ကွဲလွဲမှုတွေ တသီတတန်းကြီး ဖြစ်ပေါ်လာအောင် ဖန်တီးပေးလိုက်ပြန်သည်။ သို့ဖြင့်တွေ့ဆုံ ဆွေးနွေးမှုသည် “၄ ပွင့်လော/၆ ပွင့် လော/ ၁၂ ပွင့်လော”၊ သူပါထိုက်သည်/ငါသာလျှင်ပါဝင်ထိုက်သည် စသဖြင့် မဆုံးနိုင်သော အငြင်း ပွားမှုများဖြင့် မူလဦးတည်ချက်မှ ဝေဝါးသွားစေတော့သည်။ ဤသည်မှာ ဥပဒေတွင်းအတိုက်အခံများ တောင်းဆိုချက်ဖြစ်သော “နိုင်ငံရေးအရ တွေ့ဆုံဆွေးနွေးအဖြေရှာရေး” ဆိုသည့်ကိစ္စကို ဗဟိုပြု၍ ဖြစ်ပေါ်နေသောကိစ္စရပ်များဖြစ်ပါသည်။
တိုင်းရင်းသားလက်နက်ကိုင်အင်အားစုများနှင့် တွေ့ဆုံဆွေးနွေးမှုကို ကြည့်ကြပါဦးစို့၊
ယင်းကိစ္စတွင် အပွင့်ကိစ္စမပြော၊ ဟိုတုန်းကလို အဖွဲ့ကြီးအဖွဲ့ငယ်တွေ မပြောတော့၊ လက်နက်နယ်မြေရှိသူများနှင့် စကားပြောနေသည့်ကိစ္စဖြစ်သည်။ “တပ်ရှိ”သော်လည်း “ပိုင်နက် နယ်မြေမရှိ” သဖြင့် စကားပြောခွင့်မရဘဲရှိနေသည်ကို တွေ့ရသည်။ အစိုးရစစ်တပ်မှ ၁၀၅ မမ ဖြင့် လိုင်ဇာဗိုလ်သင်တန်းကျောင်းသို့ပစ်သဖြင့် ကျဆုံးရသည့်အထဲတွင် “ပိုင်နက်နယ်မြေမရှိ”သော “တပ်”မှ ဗိုလ်လောင်း ၂ ဦးကျဆုံးသွားရသည်။
တိုင်းရင်းသားလက်နက်ကိုင်အင်အားစုများ၏ အခြေခံစခန်းများသို့ အစိုးရစစ်တပ် ထိုးစစ်ဆင်မှုများကို ခုခံကာကွယ်ရာတွင် ထိုသို့ ပိုင်နက်နယ်မြေမရှိသောတပ်မှရဲဘော်များ အသက်နဲ့ခန္ဓာကိုယ်အစိတ်အပိုင်းများ စွ့န်လွှတ်ခဲ့ရသူတွေ အမြောက်အများရှိခဲ့သည်။ ထိုတပ်ဖွဲ့သည် အပစ်အခတ်ရပ်စဲရေးတွင် ပါဝင်ဆွေးနွေးခွင့်မရသည်လား/မရှိသည်လား မသိပါ။
ယင်းကိစ္စတွင် အပွင့်ကိစ္စမပြော၊ ဟိုတုန်းကလို အဖွဲ့ကြီးအဖွဲ့ငယ်တွေ မပြောတော့၊ လက်နက်နယ်မြေရှိသူများနှင့် စကားပြောနေသည့်ကိစ္စဖြစ်သည်။ “တပ်ရှိ”သော်လည်း “ပိုင်နက် နယ်မြေမရှိ” သဖြင့် စကားပြောခွင့်မရဘဲရှိနေသည်ကို တွေ့ရသည်။ အစိုးရစစ်တပ်မှ ၁၀၅ မမ ဖြင့် လိုင်ဇာဗိုလ်သင်တန်းကျောင်းသို့ပစ်သဖြင့် ကျဆုံးရသည့်အထဲတွင် “ပိုင်နက်နယ်မြေမရှိ”သော “တပ်”မှ ဗိုလ်လောင်း ၂ ဦးကျဆုံးသွားရသည်။
တိုင်းရင်းသားလက်နက်ကိုင်အင်အားစုများ၏ အခြေခံစခန်းများသို့ အစိုးရစစ်တပ် ထိုးစစ်ဆင်မှုများကို ခုခံကာကွယ်ရာတွင် ထိုသို့ ပိုင်နက်နယ်မြေမရှိသောတပ်မှရဲဘော်များ အသက်နဲ့ခန္ဓာကိုယ်အစိတ်အပိုင်းများ စွ့န်လွှတ်ခဲ့ရသူတွေ အမြောက်အများရှိခဲ့သည်။ ထိုတပ်ဖွဲ့သည် အပစ်အခတ်ရပ်စဲရေးတွင် ပါဝင်ဆွေးနွေးခွင့်မရသည်လား/မရှိသည်လား မသိပါ။
သို့သော်လည်း မြင်သာသည့်အချက်မှာ နိုင်ငံရေးအဆင့်နေရာမပေးလိုသည့်အချက် ပေါ်လွင် နေပါသည်။ အုပ်စိုးသူများဘက်ကလည်း “ပိုင်နက်နယ်မြေရှိသူများ”နှင့်ဆွေးနွေးလိုက်လျှင် “မှီခိုနေသူများ”နှင့် ဆွေးနွေးစရာဘာမျှမလိုဆိုသည့်အချက်ကို သဘောပိုက်ထားပုံလည်းရပါသည်။
တိုင်းရင်းသားလက်နက်ကိုင်အင်အားစုများနှင့် တွေ့ဆုံဆွေးနွေးရေးကိစ္စပြန်ဆက်ပါမည်။
အပစ်အခတ်ရပ်စဲရေးစာချုပ်(မူကြမ်း) ညှိနှိုင်းရေးမှာပင် ရှေ့တိုးမရဘဲဖြစ်နေပါသည်။ ထိုသို့ ထစ်ငေါ့နေရသည်မှာ အဓိကအား ဖြင့် “ကာချုပ်၏ မူ ၆ ရပ်” ကြောင့်ဖြစ်သည်။ ကာချုပ်၏ မူ ၆ ချက် (ဝါ)တပ်မတော်၏ငြိမ်းချမ်းရေးမူ ၆ ချက်ဆိုသည်မှာ အရင်းစစ်လိုက်လျှင် တိုင်းရင်းသား လက်နက်ကိုင်အဖွဲ့အစည်းများသည် မိမိတို့တပ်ဖွဲ့ကိုစစ်တပ်ထံအပ်နှံ၍ ဥပဒေဘောင်ထဲဝင်ရန် ဖြစ်သည်။ တည့်တည့်တန်းတန်း အားမနာတန်းပြောရလျှင် “အကြွင်းမဲ့လက်နက်ချရေး”ဖြစ်သည်။
အပစ်အခတ်ရပ်စဲရေးစာချုပ်(မူကြမ်း) ညှိနှိုင်းရေးမှာပင် ရှေ့တိုးမရဘဲဖြစ်နေပါသည်။ ထိုသို့ ထစ်ငေါ့နေရသည်မှာ အဓိကအား ဖြင့် “ကာချုပ်၏ မူ ၆ ရပ်” ကြောင့်ဖြစ်သည်။ ကာချုပ်၏ မူ ၆ ချက် (ဝါ)တပ်မတော်၏ငြိမ်းချမ်းရေးမူ ၆ ချက်ဆိုသည်မှာ အရင်းစစ်လိုက်လျှင် တိုင်းရင်းသား လက်နက်ကိုင်အဖွဲ့အစည်းများသည် မိမိတို့တပ်ဖွဲ့ကိုစစ်တပ်ထံအပ်နှံ၍ ဥပဒေဘောင်ထဲဝင်ရန် ဖြစ်သည်။ တည့်တည့်တန်းတန်း အားမနာတန်းပြောရလျှင် “အကြွင်းမဲ့လက်နက်ချရေး”ဖြစ်သည်။
ယခု (ဗိုလ်)ဦးအောင်မင်းတို့နှင့် တိုင်းရင်းသားလက်နက်ကိုင်အင်အားစုများ ညှိနှိုင်းနေသည့်ကိစ္စမှာ လက်နက်ချရေးအတွက် အပြန်အလှန်အချိန်ဆွဲ ဈေးဆစ်ကြနေရသည့်ပွဲသာ ဖြစ်နေပါသည်။
“တပ်မတော်၏ ငြိမ်းချမ်းရေးမူ ၆ ချက်” နှင့်ပတ်သက်၍ “တိတိကျကျလိုက်နာရန်”ဆိုသည်ထက် “အလေးထားဆောင်ရွက်စေလို”ကြောင်းဆိုပြီး ကာချုပ်က ပြင်ဆင်လျော့ပေ့ါပေးသည်ဟု ကြားရသည်။
“တိတိကျကျလိုက်နာ” နဲ့ “အလေးထားဆောင်ရွက်” ဆိုတဲ့စကားစု ၂ ခုဟာ ဘာများခြားနားပါသလဲ။ ဆရာက တပည့်ကို ပညာပေး ဆုံးမစကားပြောတာပါပဲ။ ၂ ခုစလုံး အထက်စီးကနေပြောနေတဲ့ စကားတွေသာဖြစ်သည်။
ထို့အပြင် အတိုက်အခံပါတီကြုံတွေ့ခဲ့သော “၂၀၀၈ အခြေခံဥပဒေလေးစား/လိုက်နာကိစ္စ” သင်ခန်းစာကိုလည်း ယူဖို့လိုလိမ့် မည်။
သို့ဖြင့် (ဗိုလ်)ဦးအောင်မင်းတို့တစ်သိုက် လှည့်စားအကွက်ဆင် ကျုံးသွင်းနေခဲ့သော အပစ်အခတ် ရပ်စဲရေးသည် ရှေ့မဆက်နိုင်ဘဲဖြစ်နေသည်။ အပစ်အခတ်ရပ်စဲရေးအဆင့်မှာ ဤသို့ ထစ်နေငေါ့ နေသဖြင့် နိုင်ငံရေးဆွေးနွေးပွဲသည် မျှော်တိုင်းဝေးနေတော့သည်။
သို့ပါ၍ အတိုက်အခံအင်အားစုများနှင့်ဖြစ်စေ၊ တိုင်းရင်းသားလက်ကိုင်အင်အားစုများနှင့်ဖြစ်စေ တွေ့ဆုံဆွေးနွေးရေးကို ချယ်လှယ်နေသူကြိုးကိုင်နေသူမှာ လက်ရှိအာဏာရစစ်အုပ်စုသာ ဖြစ်သည်။
သူတို့သည် (အစိုးရ/လွှတ်တော်/တပ်မတော်)စသဖြင့် ခွဲခြားပြောဆိုနေကြသော်လည်း တစ်စိတ်တည်း တစ်ဝမ်းတည်း၊ တသွေးထဲ တသားထဲသာဖြစ်သည်။ ထိုအချက်ကို အတိုက်အခံများ အားလုံး လေးလေးနက်နက် သဘောပေါက်ရမည်။
သို့မဟုတ်ပဲ “သမ္မတဦးသိန်းစိန်အစိုးရက သဘောကောင်း လိုက်လျောပြီး၊ ကာချုပ် ဗိုလ် မင်းအောင်လှိုင်နဲ့စစ်တပ်က ခေါင်းမာနေတာ၊ ဦးရွှေမန်းတို့ လွှတ်တော်ဘက်က သမာသမတ်ကျ ပါတယ်”စသဖြင့် ထင်မှတ်မှားနေကြမည်ဆိုလျှင် လက်ရှိအုပ်စိုးသူများ နှပ်ကြောင်းလှည့်စားတာကို လှလှကြီးခံကြရလိမ့်မည်သာဖြစ်သည်။
ခြုံငုံ၍ပြောရလျှင် တွေ့ဆုံဆွေးနွေးရေးသည် အတိုက်အခံအားလုံး၏ဘုံလိုလားချက် ဖြစ်နေသည်။ တွေ့ဆုံဆွေးနွေးရေးကို အုပ်စိုးသူများလက်ခံမှသာ ဖြစ်မြောက်လာနိုင်မည်ဆိုသည့် အချက်မှာလည်း ရှင်းနေပြီ။ အုပ်စိုးသူများဘက်မှ စစ်မှန်သည့်ဆွေးနွေးပွဲများကို ငြင်းပယ်အချိန်ဆွဲနေပြီး ဟန်ပြတွေ့ဆုံ မှုများဖြင့် လှည့်စားနေတာလည်း ပေါ်လွင်ထင်ရှားနေသည်။
သို့ပါ၍ အုပ်စိုးသူများငြင်းပယ်၍မရနိုင်အောင် တွေ့ဆုံဆွေးနွေးပွဲစားပွဲပေါ်တက်လာအောင် ပြည်သူလူထုအင်အားဖြင့် အကြပ်ကိုင်ကြရလိမ့်မည်။ ယင်းသို့လုပ်ဆောင်နိုင်စရာ ၂၀၁၅ ခုနှစ်တွင် ရေခံမြေခံများ၊ အလားအလာများကို အတိုက်အခံအင်အားစုအားလုံးက စနစ်တကျစည်းရုံး ဖော်ဆောင်ကြရလိမ့်မည်။
၂၀၁၅ တွင် အုပ်စိုးသူများ မဖြစ်မနေလုပ်ပေးရမည့် “လူထုဆန္ဒခံယူပွဲ”တို့၊ “ရွေးကောက်ပွဲ”တို့ကို အဖက်ဖက်က စည်းရုံးပြင်ဆင်မှုရှိရှိ လှည့်ပြောင်းပစ်နိုင်မည်ဆိုလျှင်၊ အသုံးချနိုင်မည်ဆိုလျှင် ပြည်သူလူထုအင်အားဖြင့် အုပ်စိုးသူများအား အကြပ်ကိုင်နိုင်ရေးအတွက် တိုက်ကွက်ကောင်းများ ဖြစ်လာနိုင်စရာရှိပါသည်။
“သပိတ်စုံ - အကုန်ရ” ဆိုသည့် ဦးဝင်းတင်အမှာစကားကို မမေ့မလျော့ အကောင်အထည်ဖော် ကြရမည်။
မန်ဒဲလားနှင့် ဒီကလပ်အကြောင်းချည်း ပြောနေတာထက် ANC တို့ CPSA တို့လုပ်ခဲ့ကြသည့် အလုပ်မျိုးကိုလည်း အင်အားအားလုံးက ဝိုင်းဝန်းလုပ်ကြမှာသာ တွေ့ဆုံဆွေးနွေးရေးဖြစ်ပေါ် လာနိုင်ပါလိမ့်မည်။
အလုပ်သမား၊ လယ်သမား၊ ကျောင်းသား အစရှိသော နယ်ပယ်ပေါင်းစုံမှ လူထုလူတန်းစား တိုက်ပွဲများ ကိုပေါင်းဆုံ ဆက်စပ်ကာ လူထုအင်အားပြပွဲကြီးတစ်ခု ဖော်ဆောင်ပြီး လက်ရှိအုပ်စိုးသူ အစိုးရအား အကြပ်ကိုင်ခြင်းဖြင့် ၂၀၁၅ နှစ်သစ်တွင် မြန်မာ့နိုင်ငံရေး သမိုင်းစာမျက်နှာသစ်ကို ဖွင့်လှစ်ကြရလိမ့်မည်။
၂၀၁၄ ခုနှစ်သည် သမ္မတဦးသိန်းစိန် စစ်တပိုင်းအစိုးရ၏ အကြမ်းဖက်မှု/မှိုင်းတိုက်လှည့်စားမှုများဖြင့် ကုန်ဆုံးပေတော့မည်။
၂၀၁၅ နှစ်သစ်ကို လူထုတိုက်ပွဲများဖြင့် ဖွင့်လှစ်ကြိုဆိုကြပါစို့။
0 comments:
Post a Comment