Wednesday, September 28, 2011

စစ်မြေပြင်မှပုံရိပ်များ(အပိုင်း၃ဝ) (မျိုးမြင့်ချို)

0 comments

စ်မြေပြင်မှပုံရိပ်များ (အပိုင်း၃ဝ) လပိုင်း ၂၈ ရက်၂ဝ၁၁ ခုနေ့က 
အာရ်အက်ဖ်အေက ထုတ်လွှင့်ပြီးဖြစ်ပါတယ်။
ဒီလိုနဲ့ ၈၈ အရေးတော်ပုံကြီးရဲ့မီးလျှံတွေအောက်မှာ ကျနော်တို့လည်းလူထုနဲ့ အတူပါနေခဲ့ပါတယ်။ လောကမှာ ဘယ်အရာမဆိုအသွားနှစ်ဘက်ရှိစမြဲ၊ အလင်းအမှောင်ရှိစမြဲပါ။  လွတ်မြောက်ရေးအတွက် နှလုံးရည်နဲ့တိုက်ကြရတဲ့ ၈၈ အရေးတော်ပုံကြီးမှာလည်း ဒီသဘောတွေမကင်းခဲ့ပါဘူး။ အဲသလို မကင်း ခဲ့လို့ဒီအရေးတော်ပုံကြီးရဲ့တန်ဖိုးကိုလျှာ့ချပစ်လို့မရပါဘူး။ ဘယ်လူ့အဖွဲ့ အစည်းမှာမဆို လူထုဆန္ဒပြလှုပ်ရှားမှုနဲ့အကြမ်းဖက်မှုတွေကြား ခြားထားတဲ့နံရံဟာပါးပါးလေးပဲရှိတာပါ၊ အချိန်မရွေး ပေါက်ထွက်သွားနိုင်ပါတယ်။  ဖိနှိပ်ထားတဲ့အာဏာရှင်နိုင်ငံတွေမှာဆိုရင် ပိုပြီးထင်ရှားပါတယ်။

အရေးတော်ပုံအတွင်းလှုပ်ရှားရင်းနဲ့ နံရံပေါက်သွားတဲ့အခြေအနေမျိုးနဲ့ ကျနော်တို့တွေ့ကြုံခဲ့ရပါတယ်။ ခေတ်ကလည်း ပျက်နေပြီ။ အုပ်ချုပ်ရေးယန္တရားကြီးတခုလုံးလည်း ကသောင်းကနင်းဖြစ်နေပြီ။ တသက်လုံးအဖိနှိပ်ခံလာခဲ့ရသူတွေရဲ့ ဒေါသအမျက်ကလည်း ဆည်ကျိုးရေလိုဖြစ်နေပြီ။ ဒီကြားထဲ လက်ခမောင်းထခတ်တဲ့ တောကြောင်တွေလည်း ပေါ် လာနေပြီ။ ထောင်တွေဖွင့်ပေးလိုက်လို့ အပြင်ရောက်လာတဲ့ရာဇဝတ်သားတွေနဲ့ အပြင်မှာရှိနေတဲ့လူဆိုးလူမိုက်တွေေ ပါင်းမိ၊  လူငယ်တချို့ကိုစည်းရုံးသိမ်းသွင်း၊ သွေးထိုးပြီးလူမိုက်ဂိုဏ်းဖွဲ့နေတာတွေလည်းမြင်နေရပြီ။ ဒီလိုအခြေအနေ မှာ  ကိုယ့်အရပ်သူအရပ်သားချင်း၊ ကိုယ့်မြေမှာသွေးမစွန်းစေချင်လို့ ဝင်ထိန်းခဲ့ရတာတွေလည်းရှိခဲ့ပါတယ်။ အဲသလို ဝင်အထိန်းကောင်းလို့ အသက်နဲ့ကိုယ်အိုးစားကွဲရမယ့်ကိန်း ဆိုက်ရတာတွေလည်းရှိခဲ့ပါတယ်။

ဥပမာလေးတစ်ခု ပြောပြချင်ပါတယ်။ မဆလတန်ခိုးထွားစဉ်က ဘယ်သူ့မှလူမထင်ဘူးဆိုတဲ့အချိုးနဲ့ လူထုအပေါ် မောက်မာဗိုလ်ကျခဲ့၊ ကိုယ်ကျိုးရှာခဲ့တဲ့ မဆလအမာခံတစ်ဦးကို မိသားစုလိုက်ကြိုးတုတ်ပြီး အိမ်ပါမီးတင်ရှို့မယ်ဆိုတဲ့ အသံတွေထွက်လာပါတယ်။ အမှန်ပြောရရင် ကျနော်တို့ကိုယ်တိုင်လည်း အရင်ကတည်းက ဒီလူရဲ့စရိုက်ကို မကြိုက် ခဲ့ပါဘူး။ အာဏာရှိချိန်မှာ သူတပါးကိုတတောင်နဲ့ထောင်းဖို့ဝန်မလေးသူဟာ အာဏာလက်မဲ့ဖြစ်ပြီဆိုရင် ဒူးထောက်ဖို့ လည်းအပမ်းမကြီးတတ်ပါဘူး။ ဒီလူက အဲသလိုလူစားပါ။ အခု သူ ဒူးထောက်နေပါပြီ။ ဒူးတုန်နေပါပြီ။ သတင်းတွေ ကလည်း ဘယ်နေရာမှာ ဘယ်သူ့ကို ဘယ်လိုသုတ်သင်လိုက်ပြီဆိုတာတွေ တလစပ်ဝင်နေတာကိုး။ ဒီလူ အိမ်ထဲက အိမ်ပြင်မထွက်ရဲတဲ့ဘဝ ရောက်နေပါပြီ။ သူ့အိမ်တဝိုက်မှာလည်း သူတို့မိသားစုလွတ်ထွက်မသွားအောင် နေ့ည မပြတ်စောင့်ကြည့်နေသူတွေလည်း ရှိနေတာကိုး။ တချို့ဆို တမင် ကြားအောင်ကို ဓါးကြိမ်းကြိမ်းနေတယ်လို့ ဆိုပါ တယ်။ အဲဒီမှာတင် အဲဒီပုဂ္ဂိုလ်က သူနဲ့သူ့မိသားစုကို အကာအကွယ်ပေးပါ။ သူမှားခဲ့ပါတယ်။ သူ လူထုကိုတောင်းပန် ပါတယ်။ ကျနော်တို့ကို အားကိုးပါတယ် ဘာညာ စာရေးပြီး ကြားလူကတဆင့် စာခိုးပို့လာပါတယ်။

ကျနော်တို့ အကျပ်ရိုက်ရတဲ့ကိစ္စဖြစ်လာပါပြီ။ အမြင်ကပ်ကပ်နဲ့ မသိချင်ယောင်ဆောင်ပြီးလွှတ်ပေးလိုက်ရင် တမိသား စုလုံးအရှင် လတ်လတ်မီးတိုက်ခံရပြီး အသေဆိုးနဲ့သေတော့မယ်။ သူ့အိမ်ကိုရှို့တဲ့မီးက မနိုင်ရင် ရပ်ကွက်ပါပြာကျ မယ်။ တခါ လုပ်မယ်တကဲကဲဖြစ်နေသူတွေကို သွားတားပြန်ရင်လည်း သူတို့ဒေါသက ကိုယ့်ဘက်လှည့်လာဦးမယ်။ အဲဒီထဲမှာ တကယ့်လက်ရဲဇက်ရဲ ရာဇဝင်လူဆိုးတချို့လည်း ပါနေတယ်။ ဒါပေမဲ့ နိုင်ငံရေးအရ ဒီမိုကရေစီရေး အတွက်တိုက်ပွဲဝင်နေချိန်မှာ လူမိုက်လုပ်ရပ်မျိုးတွေ ခေါင်းမထောင်စေချင်ပါဘူး။ ဒီတော့ ကျနော်တို့ တဖြည်းဖြည်း ချင်းညှိယူရပါတယ်။ ဟိုမိသားစုကိုလည်း ကျနော်တို့မသိဘဲထွက်မပြေးဖို့၊ ကြားဝင်ပေးနေချိန်မှာ ဘာတုန့်ပြန်မှုမှ မလုပ်ပဲ အေးအေးဆေးဆေးနေဖို့ပြောပြီး၊ နောက်တဘက်ကိုလည်း အရင်ဆုံး အိမ်ကိုမီးတင်ရှို့တာမလုပ်ဖို့ ပြောရပါ တယ်။ အဲဒီအဆင့်ကို နှစ်ဘက်လုံးက သဘောတူပြီဆိုတော့မှ နောက်တဆင့်တက်ရပါတယ်။ ဒီလူလုပ်ခဲ့တာတွေ ဟာ မကျေနပ်စရာကောင်းပေမယ့် သူ့ကြောင့် ဘာအပြစ်မှမရှိတဲ့ တမိသားစုလုံးသေရမယ်ဆိုတာတော့ သဘာဝမ ကျကြောင်းပြောပြရ ပါတယ်၊  ဒီအဆင့်ကိုသဘောတူပြီဆိုတော့မှ  အခု လောလောဆယ်မှာ တမိသားစုလုံးလည်း ကြေက်နေကြပြီ၊ ထွက်လည်းမပြေးဖို့ ကတိလည်းရထားပြီပဲ၊ ဒါကြောင့် သူ့အိမ်ကိုစောင့်ကြည့်တာ၊ ဓါးကြိမ်းကြိမ်း တာတွေမလုပ်ဖို့ ပြောရပါတယ်။

ဒီလိုနဲ့ ရက်လောက်အတွင်းမှာ ကျနော်တို့ရော နှစ်ဘက်လုံးကလူတွေပါ ခေါင်းနည်းနည်းအေးလာကြပါတယ်။ ဒါပေမဲ့ စိုးရိမ်စိတ်ကတော့ရှိနေတုန်းပါပဲ။ ကျနော်တို့သဘောထားကတော့ သွေးမြေမကျရေးနည်းနဲ့ ဖြစ်နိုင် သလောက်သွားရေးပါပဲ။ တစ်ရက်မှာ သမဂ္ဂပေါင်းစုံသပိတ်ချီတက်ပွဲ တနေကုန်လုပ်ဖြစ်ပါတယ်။ သက်ဆိုင်ရာအဖွဲ အစည်းတွေကလူတွေရော၊ ရပ်ကွက်ထဲကလူတွေပါ ခြေကုန်လက်ပမ်းကျ မောမောနဲ့အိမ်ပြန်အိပ်နေချိန်။ ညလူခြေ တိတ်ချိန်ကျတော့မှ ကျနော်တို့ထဲကလူတယောက်ရဲ့အစီအမံနဲ့ အဲဒီတမိသားစုလုံးကို ကားငှားပြီးအပြင်ခိုးထုတ်ပေး လိုက်နိုင်ခဲ့ပါတယ်။ သူတို့လွတ်သွားကြပြီဆိုပြီး စိတ်အေးရပေမယ့် ဒါ ကျနော်တို့လက်ချက်ဆိုတာ တဘက်ကလူတွေ သိရင် မိုး မီးလောင်မယ်ဆိုတာတွေးမိပြီး လန့်တော့လန့်နေကြပါတယ်။ တညလုံးလိုလိုလည်း ကျနော်တို့တွေ အိပ် မပျော်နိုင်ပါဘူး။

မနက်လင်းချိန် အိမ်ထဲကဘာအသံဗလံမှမကြားလို့ ကျနော်တို့တက်ကြည့်တော့မှ တမိသားစုလုံးလစ်ထွက်သွား တာကို သိရသလိုမျိုးလုပ်ပြနိုင်ခဲ့ပါတယ်။ ဟိုလူတွေ ဒေါသထွက်တာများမပြောပါနဲ့။ မင်းတို့ကြောင့်၊ မင်းတို့ကြောင့် ဆိုပြီး ဓါးကြိမ်းကြိမ်းရုံတင်မက ဂျင်ဂလိတွေ၊ ပုဆိန်တွေထုတ်ပြီး ကျနော်တို့ကို ခုတ်မယ်ထစ်မယ်တကဲကဲ လုပ်သူက လုပ်ကြပါသေးတယ်။ ကျနော်တို့လည်းလန့်နေပေမဲ့ ဟန်ကိုယ့်ဖို့ပုံဖမ်းပြီး တည်တည်ငြိမ်ငြိမ်ရင်ဆိုင်ဖြေရှင်းနိုင်ခဲ့ကြ ပါတယ်။ နောက်ဆုံး အဲဒီလူကိုမသတ်ရရင် အိမ်ကိုမီးတင်ရှို့မယ်ဆိုပြီး ဖြစ်လာတာကိုတော့ အိမ်မီးတင်ရှို့ရင် ရပ်ကွက် ပါအန္တရာယ်ရှိတယ်ဆိုတာအကြောင်းပြပြီး အိမ်ထဲကပစ္စည်းတွေအကုန် ဖျက်ဆီးချင်ရင်ဖျက်ဆီးပါ။ အိမ်ပါဖြိုချချင်ရင် ဖြိုချကြပါလို့ ညှိကြပါတယ်။ နောက်ဆုံးတော့ တမိသားစုလုံးလည်းလွတ်၊ ပစ္စည်းတွေလည်းမပျက်စီး၊ အိမ်လည်းမီး မလောင်နဲ့ ကိစ္စတစ်ခုပြီးငြိမ်းသွားခဲ့ပါတယ်။

၈၈ အပြီး ပါတီတွေထောင်စမှာ အဲဒီမဆလဟောင်းဟာ တစည ခဏဖြစ်လိုက်ပါသေးတယ်။ တစညအခြေအနေ ဟန်ပုံမပေါက်တော့တဲ့အချိန်လည်းရောက်ရော ကြံ့ခိုင်ရေးအသင်းကိုပြောင်းဝင်ပြီး အရပ်ထဲမှာ လူတွင်ကျယ်ပြန်လုပ်၊ ကိုယ်ကျိုးပြန်ရှာ၊ လူထုအပေါ် ဗိုလ်ကျတဲ့သူ ပြန်ဖြစ်လာပြန်ပါတယ်။

ကျနော် ထောင်ထဲကနေ အပြင်ပြန်ရောက်တော့ ရပ်ကွက်ထဲကလူတယောက်ကအဲဒါမင်းတို့ကြောင့်လို့ အပြစ် တင်တာခံရပါတယ်။ ကျနော့်စိတ်ထဲမတော့ ဒေါသမာန်တွေကြားမှာ သွေးမြေမကျရေး၊ ငြိမ်းချမ်းရေးတည်ဆောက် ရတဲ့စစ်မြေပြင်ဟာ  နှစ်ဘက်အသေအကြေ ပစ်ခတ်တိုက်ခိုက်သတ်ဖြတ်ကြတဲ့ စစ်မြေပြင်တွေထက် ပိုပြီးခက်ခဲပါ လားလို့တွေးတောနေမိပါတော့တယ်။  
နောက်တပတ်ဆက်ပါဦးမယ်။
ကျနော်မျိုးမြင့်ပါခင်ဗျား။
မျိုးမြင့်။

Tuesday, September 27, 2011

ကမ္ဘာမြေရွေ့နေပါသည်။(မျိုးမြင့်ချို) --/၁၁/၂ဝ၁၀

0 comments
ကမ္ဘာမြေရွေ့နေပါသည်။
“ကျနော်   ညတုန်းကဖျားလို့ဗျာ၊ အဲဒါဆေးမှူးက ထမင်းမစားနဲ့ဦး၊ ကော် ဖီလေးနို့လေးသောက်ဆိုလို့၊ အကိုတို့ဝိုင်းမှာများ နို့မှုန့်ရှိမလားလို့” ကျနော် စာခိုးဖတ်နေ ရင်း အသံကြားလို့မော့ကြည့်လိုက်တော့ ကိုညီညီ။ “ရှိတယ်၊ ကိုညီ ခဏလေး” ပြောပြီး ဟိုနှိုက်သည်နှိုက် လုပ်ရတော့သည်။ အနားတွင်ပုတီးစိတ်နေသည့် ကိုအောင်ခိုင်က အစအဆုံးကြားပုံရ၏။ စိတ်လက်စပုတီးကိုရပ်ပြီး ထလာ၏။ “ရော့ တဝက်လောက် ရှိသေးတယ်၊ ယူသာသွားတော့” “ဟာ..အများကြီးပဲ၊ နည်းနည်းခွဲယူသွားမယ်” “ရတယ် ကိစ္စမရှိဘူး၊ ယူသာသွား၊  ထောင်ဝင်စာနီးပြီ၊ လိုရမယ်ရဆောင်ထားတာပဲဟာ”
            ကျနော့် နို့မုန့်ထုတ်ကိုကြည့်ရင်း ကိုအောင်ခိုင်က “မှန်းစမ်း” ဟုဆိုကာ အထုတ်အောက်ခြေပိုင်းကိုကပ်ပြီး သေသေချာချာကြည့်၏။ “အင်း..သက်တမ်းတော့ မကုန်သေးဘူး၊ ကောင်းတော့ကောင်းဦးမယ် ထင်တာပဲ၊ မသေချာဘူး၊ ကျနော့်မှာအသစ်ရှိတယ် ကိုညီ၊ လတ်လည်းလတ်တယ်၊ အမျိုးအစားလည်းပိုကောင်းတယ် ကာနေရှင်း ပဲ၊ ရော့ ဒါယူသွား၊ အဲဒါ ပြန်ပေးလိုက်”ဟုဆိုတော့ ကျနော့်စိတ်ထဲ ခုတုတုဖြစ်သွားသည်ကို ကိုညီရောသူပါ ရိပ်မိပုံရသည်။ ကိုညီက အားတုံ့အားနာဖြင့် “ရပါတယ် ကိုအောင်ခိုင်၊ နေပါ့စေ၊ ကျေးဇူးပဲ၊ ကျနော် ဒါပဲယူသွားမယ်” “မဟုတ်တာ ကိုညီရယ် ကျနော်က စေ တနာနဲ့ပြောတာပါ၊ အဲဒါက တရုပ်လုပ်ကြီးဗျာ၊ ဖေါက်လည်း ဖေါက်ထားပြီးသားကြီး၊ သာမန်အချိန်သောက်ရင်တောင် အာဟာရ မပြည့်ပါဘူး၊ အခုဟာက ဖျားလည်းဖျားနေတာ၊ အားရှိဖို့လိုတယ်လေ၊ မတော် ဝမ်းတွေဘာတွေပျက်ရင် ဖျားနေရတဲ့အထဲ ပိုဆိုး မယ်၊ ရော့ ယူသာသွား အားမနာနဲ့” ပြောလည်းပြော ပေးလည်းပေးလိုက်သည်။ ကိုညီလည်း ယူသာသွားရသည် ကျနော့်ကို အားနာနေသယောင်။ ကာနေးရှင်းဘယ်လောက်ကောင်းမှန်း ကျနော်အသေအချာမပြောနိုင်သော်လည်း တရုပ်ထုတ် လိပ်ပြာနို့မှုန့် ကား ကျနော်တို့ငယ်ငယ်ကသောက်ခဲ့သည့် လူရည်ချွန်နို့မှုန့်လောက်မကောင်းကြောင်းသိပါသည်။ ယခု လူရည်ချွန်လည်း မရှိတော့။ ဈေးသက်သာပြီးအများသုံးလိပ်ပြာများ မြန်မာပြည်နေရာအတော်များများတွင် ပျံဝဲနေကြလေပြီ။
             ဆော်ဒီအာရေဗျနိုင်ငံ မက္ကာဘုရားဖူးမှပြန်လာသည့် အမေ့နားတွင် ဆွေမျိုး၊ မိတ်ဆွေများဝိုင်းဝိုင်းလည်။ တချို့က အမေ့ကို နိုင်ငံခြားဆိုတာ ဘာနဲ့တူကြောင်း။ တချို့ ရာသီဥတုအကြောင်း၊ တချို့က အစားအသောက်အကြောင်း၊ တချို့ လေယဉ်စီးတဲ့ အကြောင်း၊ တချို့က မက္ကာမဒီနာအကြောင်း စုံနေသည်။ ဘေးကနားထောင်နေသည့်ကျနော်ကသာ မောနေသော်လည်း အမေ ကတော့မမောတမ်းပြန်ဖြေ၏။ နည်းနည်းလေးအချိန်လင့်လာတော့မှ အမေက ဆော်ဒီမှ သူဝယ်လာသည့် လက်ဆောင်ပစ္စည်းထုတ် ကို ထုတ်ခိုင်းပြီးဖြည်၏။ တော်တော်လေးစုံသည်။ ဒါတွေအားလုံးကို သူဆော်ဒီအာရေဗျက ဝယ်လာမှန်းကျနော်သိသည်။ အာရဗစ် စာများ ထွင်းထုရေးသားထားသည့် ဖန်တုံးဖန်ပြားလေးများ၊ ဘာသာရေးသမိုင်းဝင်နေရာများကို ရုပ်ကြွပုံသွင်းထားသည့်ဖန်ထည် များ၊ ပရောဖက်မိုဟာမက်ဝတ်ပြုခဲ့ရာ ကျောင်းတော်ပုံစံငယ်၊ အစ္စလာမ်ဘုရားဖူးအမျိုးသမီးဝတ်စုံ၊ ခြုံထည်များပုဝါများ၊ အစ္စလာမ် ဘာသာဝင်တိုင်း အထွဋ်အမြတ်တန်ဖိုးထားကြသည့် အမှတ်တရအောက်မေ့ဖွယ်များ စုံနေသည်။ ဒါက ဘယ်သူ့အတွက် ဒါက ဘယ်ဝါ့အတွက်ပြောပြီး ခွဲတမ်းချနေသည့်အမေ့ဘေးတွင်ထိုင်ကာ ကျနော်က ထိုပစ္စည်းများကို ကြည့်နေမိ၏။ လက်ရာလေးတွေက ဖန်စီဆန်ပြီးလှနေသည်။ သိပ်အခန့်ကြီးတွေမဟုတ်ကြ။ ဈေးကလည်း အလွန်သက်သာသည်။ လိုချင် သိမ်းချင်စရာလေးတွေ။ “ဟယ်..တရုပ်လုပ်တွေတော့” ဟုဆိုသည့် တအံ့တသြ အသံကြားတော့မှ သေချာကြည့်မိတော့၏။ ဟုတ်သည်။ ဘုရားဖူးပြန် အထွဋ်မြတ်အမှတ်တရပစ္စည်းတိုင်းတွင် နဂါးကြီးခံတွင်းမှ မှုတ်ထုတ်လိုက်သည့်မီးလျှံများ ဟပ်နေပြီကော။
            ကျနော်ထိုင်းရောက်တော့ ကွန်ပြူတာနှင် စတွေ့ရသည်။ ဒီ့အရင်က ကွန်ပြူတာဆိုတာ လက်နှိပ်စက်နဲ့တယ်လီဗေးရှင်းစပ် ထားတဲ့ ဟာလို့သာထင်၏။ နောက်တော့ အခန့်သင့်ပြီး ကွန်ပြူတာတလုံးဝယ်ဖြစ်ရန် ဖန်လာ၏။ နားလည်သည့်သူငယ်ချင်းတဦးက အကြံပေးသည်။ “ဒီမှာတော့ အိပ်ခ်ျပီနဲ့ ဒဲလ် လူသုံးများတယ်။ ခင်ဗျား သုံးမယ့်အနေအထားနဲ့ဆို အိပ်ခ်ျပီဝယ်တာပိုကောင်းတယ်..” ဆိုသောကြောင့် ကျနော် သူပြောတာပဲဝယ်မည်ဟု ဆုံးဖြတ်လိုက်သည်။ အိမ်ပြန်ရောက်တော့ သူကပဲ ဆင်ပေးသည်။ ကျနော် ဘေးထိုင်ကြည့်ငေးသူသက်သက်။ “ခင်ဗျား ဆော့ဖ်ဝဲအသစ်တချို့ ဝယ်ရမယ်။ ကျနော့်ရှိတာတော့ တခါတည်း အင်စတောလ်လုပ်ပေးသွားမယ်။” “ အင်းလေ၊ ခင်ဗျားပဲကြည့်ကျက် လုပ်ပေးပါ၊ ကျနော် နားလည်တာမဟုတ်တော့” “ရပါတယ် မနက်ဖြန်လောက်ပေါ့ဗျာ”။ “ဒါပေမယ့် တခုတော့ရှိတယ်နော် ကျနော် တရုပ်ပစ္စည်းတွေတော့ မလိုချင်ဘူး” “ဘာဖြစ်လို့လဲဗျ” “သူများတွေပြောတာပဲ တရုပ်ပစ္စည်းတွေက ညံ့တယ်တဲ့” “အင်းလေ၊ အမေရိကန်လုပ် ဂျပန်လုပ် အစစ်တွေလောက်တော့ မကောင်းဘူး၊ အမှန်ပဲ၊ ဒါပေမယ့် အခုခင်ဗျားရှိတဲ့ပိုက်ဆံနဲ့လည်း အဲဒါမျိုးတွေမဝယ်နိုင်ဘူးဗျ။ အခု ခင်ဗျားကွန်ပြူတာကိုယ်တိုင်က တရုပ်လုပ်လေဗျာ။ အလုပ်ဖြစ်ပါတယ်။ ဆော့ဖ်ဝဲတွေဆိုလည်း အပြင်က ကော်ပီတွေဝယ်တာ ဈေးပိုသက်သာတယ်၊ သုံးတော့လည်း မထူးဘူး၊ အတူတူပါပဲ” “အေးဗျာ..ကျနော်က မသိပါဘူး သူများတွေပြောလို့”  မိတ်ဆွေက “ကျနော်လည်း အကောင်းစားသုံးချင် တာပေါ့ဗျ၊ ဒါပေမယ့် ဒါနဲ့လည်းအလုပ်ဖြစ်နေတာပဲဟာ။ ငွေပိုကုန်လည်း ကိုယ်ကသုံးမှာဒီလောက်ပဲဆိုတော့ ဒါနဲ့ပဲကိုက်တယ်ဗျ”  “ အေးလေ.. ဒါဆိုလည်းပြီးတာပဲ”  သည်လိုနှင့် အနုထည်အကြမ်းထည် နည်းပညာနယ်ပယ်၏ အစိတ်အပိုင်းတချို့ကို ဂရိတ်ဝေါ တံတိုင်းကြီးနောက်ခံတွင် မြင်လာရ၏။
            ၂၀၁၀ ကမ္ဘာ့ဖလားဘောလုံးပွဲကြီးကို တောင်အာဖရိကတွင် လုပ်သွားသည်။ ကျနော်က ဘောလုံးပွဲကို ဝါသနာမပါလှ။ သို့သော် လူပြောများသော အကြောင်းအရာ ၃ ခုကိုတော့နားစွင့်မိ၏။  ဂျာမနီ ရေဘဝဲ၊ စင်္ကာပူ ကြက်တူရွေးနှင့် ဗူဗူဇီလာ။ ထိုရေဘဝဲ က ပွဲမစမီ ဘယ်အသင်းနိုင်မည် ရှူံးမည်ကိုကြိုဟော၏။ သူ ဟောသလို အမှန်များသည်ဟုလည်းပြောကြသည်။ တချို့က ရွှေရေဘဝဲလေးဆိုပြီး အချစ်ပိုကြသလို  တချို့က ရေဘဝဲစုတ်အသုတ်စာဖြစ်ချင်လို့ ဆိုပြီးကြိမ်း၏။ စင်္ကာပူကြက်တူရွေး ကတော့ ရေဘဝဲလောက်လူချစ်လူမုန်းမများသလို လူသိလည်းနည်း၏။ နောက်တခုက ဗူဗူဇီလာ။ အာဖရိကန်ရိုးရာ လေမှုတ်တူရိယာ။ ပွဲကြည့်စင်တွေကနေ  ဗူဗူဇီလာမှုတ်ကြတာ နားကွဲမတတ်။ ဒိုင်တွေလည်း စိတ်ညစ်၏။ ကွင်းထဲမှာ ဘောလုံးသမားအချင်းချင်းရော ဒိုင်တွေပါ တယောက်ကိုတယောက်မကြားရတော့။ နောက်ပိုင်းပွဲတွေမှာ ဗူဗူဇီလာမှုတ် တာတွေကိုတားပေးဖို့ ဘောလုံးအဖွဲ့ချုပ်ကို ဒိုင်တွေ၊ ဘောလုံးသမားတွေ၊ အသင်းနည်းပြတွေကတိုင်သည်။ အဖွဲ့ချုပ်က သူတို့ရိုးရာ တူရိယာဖြစ်သည်။ တားခွင့်မရှိ။ မတားစကောင်း ဟု အကြောင်းပြန်၏။  ပူညံပူညံနှင့်ပွဲသာပြီးသွားသည် ဗူဗူဇီလာသံတွေ ကွင်းထဲမှာ ညံတုန်း။ ကမ္ဘာ့ဖလားမှာ ဗူဗူဇီလာတွေ သန်းချီရောင်းလိုက်ရ၏။ ထုတ်လုပ်သူ၊ တင်ပို့ရောင်းချသူတွေ တော်တော်လေးပွသွားကြ သည်ဆို၏။  ဗူဗူဇီလာကား ရှေးတုန်းက စစ်ပွဲ၊ ဘာသာရေးနှင့်ရိုးရာအခမ်းအနားတွေမှာ  အာဖရိကတိုက်သားတွေသုံးသည့် ရိုးရာတူရိယာ။ သူက အာဖရိကမှာမွေးပြီး လူလားမြောက်သည့် အာဖရိကားသားအစစ်။ အခု ထိုအာဖရိကသွေးအစစ်သည် ယန်စီမြစ်ထဲကနေရေကူးပြီး သူ့ဇာတိမြေကဘောလုံးပွဲကို ဘယ်ကဘယ်လိုရောက်လာသည်မသိ။
            ကျနော့်နားလည်ထားချက်အရ တိုင်းပြည်တခု၏ အလံနှင့်နိုင်ငံတော်အမှတ်တံဆိပ်ဆိုသည်မှာ ထိုတိုင်းပြည်၏သင်္ကေတ။ အထွဋ် အမြတ်ပြုရာ။ အလံပေါ်တင်ထားသည့် သင်္ကေတရုပ်တို့ အမျိုးမျိုးဖြစ်နိုင်မည်။ အသေမဟုတ်။ ပြင်လို့ရ သည်။ ပြင်လည်းပြင်ကြသည်။  လက်ရှိသင်္ကေတကို လက်ရှိလူတွေက ကြိုက်လို့သုံးနေတာဖြစ်ဖြစ်၊ ကြောက်လို့လက်ခံနေရ တာဖြစ်ဖြစ် ကိစ္စမရှိ။ အကြိုက်နှင့်အကြောက်ပြောင်းလျှင် သင်္ကေတရုပ်လည်းပြောင်း၏။ တိုင်းပြည်တပြည်ကို သိမ်းပိုက်ပြီးပြီးခြင်း အရင်ဆုံးလုပ်သည်မှာ အလံလဲခြင်းဖြစ်သည်။ အလံဟောင်းနှင့်အတူ အလံဟောင်း၏အတိတ်ကို၊ မျိုးချစ်စိတ်ကိုချိုးပြခြင်းဖြစ်၏။  တချို့နိုင်ငံများ၏ အလံအပေါ်အလေးအမြတ်ပြုမှုက တချို့ နိုင်ငံတွေထက်ပို၏။ ဘယ်လောက်ပိုပို ဘယ်လောက်လျော့လျော့ သူတို့အလံကိုမီးရှိူ့လျှင် ဇောက်ထိုးလွှင့်လျှင် တိုင်းပြည်ကိုထိပါးခြင်းဟု ခံယူ ကြသည်။ အမေရိကန်အလံကို အတွင်းခံဘောင်းဘီ လုပ်ဝတ်လို့ရသော်လည်း မည်သူမျှမီးရှိူ့ခွင့်မရှိ။ ၉/၁၁ အမွှာမျှော်စင်ကြီးများနှင့် ပင်တာဂွန်ကို အစ္စလာမ်အစွန်းရောက်အချို့တိုက် ခိုက်ပြီးနောက်ပိုင်း အမေရိကန်မှာအလံထူတာတွေ ပိုများလာသည်ဟု ပြောသံကြားဖူးသည်။ ခပ်လှမ်းလှမ်းမှပင် မြင်နိုင်လောက်အောင်လွှင့်ထားသည့်ဧရာမအလံကြီးများ ကျနော်နေသည့်မြို့ကလေးတွင် အမြောက်အများရှိ သည်။ တခြား မြို့များတွင်လည်းထိုအတိုင်း။ “အရင်က အဲဒီအလံကြီးတွေမရှိ” ဟု မြို့ခံတွေကပြောပြသည်။ ၉/၁၁ အပြီးမှာ အမေရိကန်တွေ သူတို့အလံကိုပိုပြီး ချစ်လာကြတာများလား ဟု ကျနော်တွေးမိသည်။ အလံသည် တိုင်းပြည်၏သင်္ကေတ။ အလံကိုချစ်ခြင်းသည် တိုင်းပြည်ကိုချစ်ခြင်း။ အလံကို ဘီကီနီချုပ်ဝတ်ထားသည့် အမေရိကန်မတဦးကို “ဘာလို့ဝတ်လာလဲ” ဟု မေးကြည့်တော့ “ငါတို့အလံကိုမြတ်နိုးလို့ပေါ့” ဟု ဆို၏။ ချစ်ပုံချစ်နည်းများကွာသလောဟုတွေးစရာကောင်းသည်။
            ကျနော် ပြီးခဲ့သည့်အပတ်က ကိစ္စတခုဖြင့်မြို့ပြင်ဘက်ရောက်သည်။ အပြန်ကျတော့ လိုက်ပို့ပေးသူက အလာတုန်း ကနဲ့ မြင်ကွင်းမတူအောင် အခြားလမ်းကမောင်းပြီးပြန်မည်ဆိုသည်။ အလာတုန်းကလမ်းမှာ စက်ရုံအလုပ်ရုံတွေ မတွေ့ရသလောက် အပြန်လမ်းကြတော့ ပေါလိုက်သည့်စက်ရုံများ။ ကားအသွားအလာကလည်းထူသည်။ မီးပွိုင့်ခနခနမိပြီး ခရီးသိပ်မတွင်လှ။ ဘေးဘီ ကိုကြာကြာကြည့်ရသဖြင့် ကျနော်ကကြိုက်သည်။ ဖတ်လို့မီသမျှ ကြော်ငြာဆိုင်းဘုတ်တွေကိုဖတ်ရင်း မရှင်းတာတွေ သူ့ကိုမေးရ သည်။ စက်ရုံကြီးတခုနားရောက်တော့ မီးပွိုင့်အကြာကြီးမိသည်။ စက်ရုံကြီးဘေးမှာ စက်ရုံငယ်လေးတွေလည်းမြင်ရသည်။ သည်မှာ ကျနော် ဆိုင်းဘုတ်တခုဆီမျက်စေ့ရောက်သွား သည်။ Here!!! American Flags, Made in America, Buy one, Get one Free. သဘောကတော့ “ဟောဒီမှာ အမေရိကန်လုပ် အမေရိကန်အလံတွေနော်၊ တခုဝယ်ရင်တခုအလကားရမယ်” ဆိုခြင်းပင်။ ဖတ်ပြီး သူ့ကိုလှည့်မေးမယ်အလုပ်မှာပဲ သူက ရယ်ပြီး “ဘာလဲ.. မျိုး.. မင်း အံ့သြသွားလား..”တဲ့။ ကျနော်က “အင်း..” ဆိုတော့။ “အမေရိကန်အလံအများစုက တရုပ်လုပ်လေ၊ ဒီမှာလုပ်တာနဲ့ ဟိုကလာတာနဲ့ ဈေးကတော်တော်ကွာတယ်ကွ။ အရည် အသွေးကတော့ သိတ်မထူးပါဘူး.. ငါတို့လည်း တရုပ်လုပ်အမေရိကန်အလံတွေပဲ အသုံးများတယ် Made in China, of America ပေါ့ကွ” တဲ့။ ပြောပြနေသည့် သူ့အမူအရာနှင့်လေသံတွင် ထူးထူးခြားခြားမရှိ။ ပြောရိုးပြောစဉ်ကိစ္စတခုလို။ ကျနော် ကသာ တွေးနေမိသည်။ “မင်းကလည်းကွာ..တခြားပစ္စည်းတွေကတော့ထားပါတော့..အခုဟာက အလံလေကွာ”ဟု ကျနော့်စကား ကို သူက “ အလံပဲဖြစ်ဖြစ် ဘာပဲဖြစ်ဖြစ်လေ.. ကုန်ပစ္စည်းပဲမဟုတ်လား.. အရည်အသွေးတူပြီးဈေးသက်သာရင် သက်သာတာကိုပဲ ဝယ်မှာပေါ့၊ စီးပွားရေးအခြေအနေကလည်း မင်းသိတဲ့အတိုင်းပဲ.. မင်းဆိုရင်ကော..”တဲ့။ ကျနော် ဘာမှပြန်မပြောဖြစ်ခဲ့။
            စက်မှုလုပ်ငန်းများတဟုန်ထိုးတက်လာပြီး စက်မှုအရင်းရှင်ကြီးများ ကမ္ဘာပတ်အမြတ်ရှာနေချိန်။ အိမ်တွင်းမှုနှင့်အမျိုးသား ပိုင် တနိုင်လုပ်ငန်းလေးများ နေညိုစ။ စက်ယက္ကန်းများက လက်ယက္ကန်းများကို တွန်းတိုက်ဖယ်ချစ။ လက်လှည့်ဗိုင်းငင်စက်ကလေး တလုံးနှင့် မဟတ္တမဂန္ဓီကြီး။ ပြည်တွင်းဖြစ်ကိုအားပေးပါ ကြွေးကြော်သံနှင့်ပွဲဝင်ခဲ့သည့် ဗမာပြည်ဝံသာနုခေတ်အမျိုးသားရေး လှုပ်ရှားမှု။ အရင်းရှင်စနစ်၊ ဆိုရှယ်လစ်စနစ်၊ ဘုံဝါဒတည်ဆောက်ခြင်း၊ တံခါးဖွင့်ဝါဒ၊  ဈေးကွက်စီးပွားရေး၊ ဂလိုဘယ်လ်လိုက်ဇေး ရှင်း၊ စီးပွားရေးအကျပ်အတည်းများ၊ ငွေကြေးဈေးကွက်ပြိုလဲခြင်း၊ ငွေတန်ဖိုးအနိမ့်အမြင့်၊ ပါဝါအပျော့အမာ စသည့် ကျနော် နားမလည်သည့် ပြဿနာပေါင်း သောင်းခြောက်ထောင်ဖြင့် ရွေ့နေသည့်ကမ္ဘာမြေကား ကျနော်တို့ကားလေးနှင့်အတူ ကျနော့်အတွေးများနှင့်အတူ လိုက်ရွေ့နေပါပကော။

မျိုးမြင့်ချို (၂ဝ၁၀)

Sunday, September 25, 2011

လမင်းကိုထရံပေါက်မှကြည့်ခြင်း (ဟောပြောသူ-မြသန်းတင့်)

0 comments
ပန်းချီ-မုတ်သုန်
လမင်းကိုထရံပေါက်မှကြည့်ခြင်း
(ဟောပြောသူ မြသန်းတင့်) (ကျနော်က ဒီစာကိုမာယာအွန်လိုင်းမဂ္ဂဇင်း-လမင်းတရာစာပေဆက်ဆံရေး- ကနေပြန်ကူးယူဖော်ပြတာဖြစ်ပါတယ်)
အခမ်းအနားကို တက်ရောက်လာတဲ့ စာရေးဆရာကြီးများနဲ့ စာပေမိတ်ဆွေများခင်ဗျား။
ဒီနေ့ ဖြူးမြို့ မိတ်ဆွေများစာကြည့်အသင်း စာပေဆုပေးပွဲမှာ စကားပြောခွင့်ရတဲ့အတွက် ၀မ်းသာပါတယ်။ ကျေးဇူး တင်ပါတယ်။ ဒီနေ့ စာပေဆုပေးပွဲဟာ ထူးခြားတဲ့လက္ခဏာနှစ်ချက်ကိုဆောင်ပါတယ်။ တချက်ကတော့ ဒီ စာပေဆုဟာ စာဖတ်သူများကပေးတဲ့ဆု ဖြစ်လို့ပါပဲ။ နောက်တချက်ကတော့ ဖြူးမြို့မိတ်ဆွေများ စာကြည့် တိုက်အသင်းက အမှုဆောင်လူငယ်များဟာ သူတို့မြို့မှာမလုပ်ဘဲ သူများရပ်ရွာ စာရေးဆရာတွေရှိရာကို လာပြီးဆုပေးတဲ့ပွဲ ဖြစ်လို့ပါ။ သူများရပ်ရွာမှာ ကိုယ်က အိမ်သည်လုပ်ပြီး ဧည့်သည်တွေကို ဖိတ်ခေါ်ကျင်းပ ရတာဟာ တော်တော်စွန့်စားရတဲ့ ကိစ္စဖြစ်ပါတယ်။ တော်တော်တာဝန်ကြီးတဲ့ကိစ္စဖြစ်ပါတယ်။ တော် တော်လည်း ငွေကုန်ကြေးကျများတဲ့ကိစ္စ ဖြစ်ပါတယ်။ ဒါကြောင့် ဒီဆုပေးပွဲဟာ ထူးခြားတဲ့လက္ခဏာနှစ် ချက်ရှိတယ်လို့ ကျွန်တော်ပြောခြင်း ဖြစ်ပါတယ်။

အမှန်ကတော့ ကျွန်တော်ဟာ ဒီစင်မြင့်ပေါ်ကို တက်ရောက်ပြီးဟောပြောစရာ အကြောင်းမရှိပါဘူး။ ဒီစင်မြင့်နေရာဟာ ကျွန်တော့်နေရာမဟုတ်ပါဘူး။ ရှေ့တန်းမှာ ထိုင်နေကြတဲ့ ဆရာကြီးတက်တိုး၊ ဆရာမကြီးဒေါ်နုယဉ်၊ ဆရာကြီး ထင်လင်း၊ ဆရာကြီး တက္ကသိုလ်နေ၀င်းတို့ရဲ့ နေရာဖြစ်ပါတယ်။ သူတို့သာလျှင် ဒီနေရာမှာရပ်ပြီး ပြောသင့်ပါတယ်။ ဒီပုဂ္ဂိုလ်ကြီး တွေဟာ အသက်အားဖြင့်၊ ဂုဏ်အားဖြင့်၊ ပညာအားဖြင့် ကျွန်တော့်ထက်ကြီးမြင့်တဲ့ပုဂ္ဂိုလ်တွေဖြစ်ပါ တယ်။ တကယ်တော့ ဒီနေရာဟာ သူတို့ ရပ်ပြောရမယ့်နေရာ ဖြစ်ပါတယ်။
ဒါပေမယ့် ဆရာကြီးတွေဟာ အသက်ကလည်းကြီး၊ (အင်္ဂလိပ်တွေပြောလေ့ရှိသလို) "ရက်စက်သောတိတ်ဆိတ်မှု" ကိုလည်း ဆောင် နေကြတဲ့အတွက် အသက်မကြီးတကြီးဖြစ်တဲ့ကျွန်တော်က "ရက်စက်သောဆူညံမှု" ကို ပြုလုပ်နေရခြင်း ဖြစ်ပါတယ်။ ဒါကြောင့်မို့ ကျွန်တော်ရဲ့ "ရက်စက်သောဆူညံမှု" အတွက် ခွင့်လွှတ်ပါရန် တောင်းပန်ချင်ပါ တယ်။
ကျွန်တော် ဒီအခန်းအနားမှာဟောပြောဖို့ အချက်ငါးချက်လောက်ကို စိတ်ထဲမှာမှတ်လာခဲ့ပါတယ်။ အဲဒါတွေကတော့......
(၁) စာအုပ်ဆိုတာ ဘာလဲ၊
(၂) စာကို ဘယ်လိုဖတ်ကြ မလဲ၊
(၃) ဘယ်လိုအချိန် အခါမှာ ဘယ်လိုစာတွေကိုဖတ်ကြမလဲ၊
(၄) ဘယ်အရွယ်မှာစာဖတ်ရင် ဘယ်လိုအကျိုးသက်ရောက်မှုကို ရစေသလဲ ဆိုတာနဲ့
(၅) စာဖတ်ရာမှာ ဘယ်လိုသဘောထားမျိုးနဲ့ဖတ်ရမလဲဆိုတဲ့ အချက်များဖြစ်ပါ တယ်။
ဒီအချက်တွေဟာ ကျွန်တော့်ခေါင်းထဲက၊ ကျွန်တော့်ဦးနှောက်ထဲက ထွက်လာတဲ့အတွေးတွေ မဟုတ်ပါဘူး။ ဆရာသမား ပညာရှိနှစ်ဦးကပြောခဲ့တဲ့ အဆိုအမိန့်များကို ကျွန်တော်မှတ်သားထားတဲ့ အချက်များ ဖြစ်ပါတယ်။ ဒီအချက်တွေကို ကျွန်တော်သဘောကျလွန်းလို့ စာအုပ်ထဲမှာမှတ်သားထားပြီး မကြာခဏ ပြန်ဖတ်လေ့ရှိပါတယ်။ ကျွန်တော့် ကိုယ်ပိုင်အတွေးတွေကိုပြောတာထက် ပညာရှိများရဲ့ အဆိုအမိန့်က ပိုပြီးတန်ဘိုးရှိတဲ့အတွက် ဒီအချက်များကို ဖောက်သည်ချရခြင်းဖြစ်ပါတယ်။
အဲဒီပညာရှိ နှစ်ဦးကတော့ ၁၉ ရာစုမှာ ပေါ်ထွန်းခဲ့တဲ့ အင်္ဂလိပ်စာပေအနုပညာ ဝေဖန်ရေးဆရာ၊ ပန်းချီဝေဖန်ရေး ဆရာ၊ ဗိသုကာဝေဖန်ရေးဆရာ၊ စာတမ်းဆရာ ဂျွန်ရပ်စကင်း ဖြစ်ပါတယ်။ နောက်ပညာရှိတဦးကတော့ ၁၇ ရာစုနှစ်ကပေါ်ခဲ့တဲ့ တရုတ်စာဆို ကျန်းကျောက်ရဲ့ အဆိုအမိန့် ဖြစ်ပါတယ်။ သူတို့ နှစ်ဦးရဲ့ အဆိုအမိန့် တွေကိုပေါင်းပြီး ကျွန်တော်ပြောသွားပါမယ်။


(၁) စာအုပ်ဆိုတာ ဘာလဲ။
ပညာရှိတယောက်၊ စာရေးဆရာတယောက်က ရိုးသားစွာနဲ့စေတနာရှိစွာ ရေးသားထားတဲ့စာပုဒ်ဟာ စာအုပ်တအုပ်ပါပဲ။ စာအုပ်တွေထဲမှာ မကောင်းတာတွေ၊ အပေါ်ယံကျတာ တွေ၊ ကရော်ကမယ်ရေးထားတာတွေ၊ ဟန်လုပ်ရေးထားတာတွေ၊ ပါကောင်းပါနိုင်ပါတယ်။ ဒါပေမယ့် ကိုယ်က မှန်ကန်စွာဖတ်တတ်လို့ရှိရင် အဲဒီအထဲမှာ ကောင်းမွန်တဲ့အပိုင်းအစတွေ တွေ့လိမ့်မယ်။ အဲဒီ အပိုင်းအစတွေဟာ စာအုပ်ပဲ။
စာအုပ်အမျိုးအစားအားလုံးကို ခွဲကြည့်လိုက်ရင် နှစ်မျိုးပဲရှိတယ်။ တမျိုးက ခုလောလောဆယ် ဖတ်ရမယ့်စာအုပ်၊ ခုနာရီပိုင်းသာခံတဲ့ စာအုပ်ဖြစ်တယ်။ နောက်တမျိုးက ရေရှည်ဖတ် ရမယ့်စာအုပ်၊ ခေတ်တိုင်း ခေတ်တိုင်းခံတဲ့ စာအုပ်ဖြစ်တယ်။ နာရီပိုင်းသာခံတဲ့စာ၊ ခုချက်ချင်းဖတ်ရမယ့် စာဆိုတာကတော့ ဗဟုသုတကိုပေးတဲ့စာတွေ ဖြစ်ပါတယ်။ သတင်းစာတို့၊ ဂျာနယ်တို့ဟာ တနေ့လုံးဖတ်ရ မယ့်စာတွေ မဟုတ်ပါဘူး။ မနက်ပိုင်း ဖတ်လိုက်ရင်ကုန်သွားတာပဲ။ ခေတ်တိုင်းခံတဲ့စာ ဆိုတာကတော့ ခံစားချက်၊ အတွေးအခေါ်ကို လှုံ့ဆော်ပေးတဲ့စာ ဖြစ်ပါတယ်။
ဒီစာအုပ်အမျိုးအစားနှစ်ခုကို ရပ်စကင်းက နောက်တနည်း ပြောပါသေးတယ်။ အသံကိုပွါးစေတဲ့စာအုပ်နဲ့ အသံကိုထိန်းသိမ်းထားတဲ့စာအုပ်လို့ ပြောပါ သေးတယ်။ အသံကိုပွါးစေတဲ့စာအုပ်ဆိုတာ လူပေါင်းများစွာကို တခါတည်းမပြောနိုင်တဲ့အတွက်၊ တနေရာ တည်းမှာပြောလို့မရတဲ့အတွက် ကူးယူပုံနှိပ်ပြီးပြောရတာ။ တိုင်း မဂ္ဂဇင်းတို့၊ ဘာတို့ဆိုတဲ့ သတင်းမဂ္ဂဇင်း တွေဟာ တချိန်တည်း၊ တနေရာတည်းမှာပြောလို့မဖြစ်နိုင်တဲ့အတွက် အဲဒီအထဲမှာပါတဲ့သတင်းတွေကို ပွါးပြီး၊ ကူးယူပြီးဖြန့်ဝေရတယ်။ ဒါကြောင့်မို့ အသံကိုပွါးစေတဲ့စာအုပ်လို့ ရပ်စကင်းက ခေါ်ပါတယ်။ အသံကိုထိမ်းသိမ်းပေးတယ်ဆိုတဲ့စာအုပ်ကတော့ အတွေးအခေါ်များ၊ အဆိုအမိန့်များ၊ ခံစားချက်များကို နောင်မှာ မပျောက်ကွယ်သွားအောင် နောင်လာနောက်သားတွေ မှတ်နိုင်ဖတ်နိုင်အောင် ထိန်းသိမ်းထားတဲ့ စာအုပ်တွေပါ။
ဒီနှစ်မျိုးကိုပဲ ရပ်စကင်းက နောက်တနည်းထပ်ပြောပါသေးတယ်။ စကားပြောထားတဲ့ စာအုပ်နဲ့ စာရေးထားတဲ့စာအုပ်လို့ သူက ခေါ်ပါတယ်။ စကားပြောထားတဲ့စာအုပ်ဆိုတာ မနှစ်က ဒီနေရာ မှာ ဘယ်လိုရာသီဥတု ရှိခဲ့တယ်။ လမ်းပန်းက ဘယ်လိုရှိတယ်။ စားသောက်ဆိုင်က ဘယ်နှစ်ဆိုင်ရှိတယ်၊ ဘယ်နားမှာ ဘာ ဘုရားရှိတယ်ဆိုတဲ့ စာမျိုးတွေပါ။ သူတို့ အဲဒီလိုစာတွေကို ဘယ်လောက်ပဲ လှပခန့်ညား တဲ့ သားရေဖုံးကြီးတွေနဲ့ချုပ်ထားသည်ဖြစ်စေ၊ အဲဒီစာအုပ်ဟာ တကယ့်စာအုပ်မဟုတ်ဘူး။ ပြောပြထားတဲ့ စာအုပ်ဖြစ်တယ်။ တကယ့်စာအုပ်ကတော့ ရေးပြထားတဲ့၊ ဖတ်ပြီးသိရုံရေးထားတဲ့အရာမဟုတ်ဘဲ ဖတ်ပြီး ခံစားရအောင်ရေးထားတဲ့စာအုပ်လို့ ပြောတယ်။
သုတစာပေနဲ့ရသစာပေကို ပြောတာပါပဲ။ ဒီတော့ စာအုပ် ဟာ အမျိုးအစားခွဲလိုက်ရင် နှစ်မျိုးပဲရှိတယ်။ တမျိုးက ရေတိုခံတဲ့စာအုပ်နဲ့ နောက်တမျိုးက ရေရှည်ခံတဲ့ စာအုပ်၊ တနည်းပြောရရင် သုတစာအုပ်နဲ့ရသစာအုပ်။ ဒါပါပဲ။
ဒီနေရာမှာ ရေတိုခံတဲ့စာအုပ်ဟာ မကောင်း ဘူး၊ ရေရှည်ခံတဲ့စာအုပ်ဟာကောင်းတယ်လို့ အဆိုးအကောင်းပြောတာ မဟုတ်ဘူး။ နှစ်မျိုးစလုံးဟာ စာကောင်းချည်းပဲ။ ဒါပေမယ့် တမျိုးက ရေတိုအတွက်ဖတ်တာ။ သုတအတွက် ဖတ်တာ။ နောက်တမျိုးက ရေရှည်အတွက်ဖတ်တာ၊ ရသအတွက်ဖတ်တာ၊ အဲဒါကို ပြောနေတာ။


(၂) စာကို ဘယ်လိုဖတ်ကြမလဲ။
စာဖတ်တဲ့လူတယောက်ဟာ ရွှေတွင်းတူးသမားတယောက်နဲ့ တူတယ်။ ကျွန်တော်အနေနဲ့ကြည့်လိုက်ရင် လျှပ်စစ်စွမ်းအားစုတွေဟာ မြေကြီးထဲမှာရှိတဲ့ရွှေတွေကို ဘာဖြစ်လို့ တခါတည်း တောင်ထိပ်ပေါ်အသင့်ဖြစ်နေအောင် အလွယ်တကူပို့မပေးလိုက်သလဲ။ ဘာဖြစ်လို့ မြေကြီး ထဲမှာ ဟိုတစသည်တစရှိနေရသလဲလို့ မချင့်မရဲဖြစ်ချင်စရာပဲ။ ဒီလိုဆိုရင် ကျွန်တော်တို့အတွက် ရွှေတူးရ တာ မလွယ်ပေဘူးလား။ ခုတော့ ကျွန်တော်တို့မှာတူးလိုက်ရတာ။ မြေအောက်မှာ အနက်ကြီးအချိန်ကုန်ရ တယ်။ လူပင်ပန်းရတယ်။ စိုးရိမ်သောကဖြစ်ရတယ်။ တခါတလေမှာ ဘာမှမရဘဲအချည်းနှီးဖြစ်ရ တယ်။
သဘာဝကြီးဟာ ရွှေတွေကို မြေကြီးပတ်ကြားအက်တွေမှာ ဟိုတစသည်တစနည်းနည်းစီပဲ သိုမှီး ထားတယ်။ ဘယ်နေရာမှာ ဘာရှိတယ်ဆိုတာ ဘယ်သူမှမပြောနိုင်ဘူး ပင်ပန်းကြီးစွာရက်ပေါင်းများစွာ တူးပေမယ့် ရွှေလေးတစကို ရချင်မှရတာ။
ပညာရှိတွေရဲ့ အကောင်းဆုံးသောအသိဥာဏ် ပညာတွေဟာ လည်း ထိုနည်းလည်းကောင်းပဲ။ ဒီတော့ စာအုပ်ကောင်းတအုပ်ကိုကောက်ကိုင်ပြီး ကိုယ့်ကိုယ်ကို မေးခွန်း ထုတ်ကြည့်ရလိမ့်မယ်။ ငါဟာ ရွှေတူးသမားတယောက်လို လုပ်နိုင်ပါ့မလား။ ကိုယ့်ပေါက်တူးတွေ၊ ဂေါ်ပြား တွေ၊ လက်နက်ကရိယာတွေကောင်းရဲ့လား။ ကျန်းမာရေး ကောင်းရဲ့လား။ စိတ်ဓါတ်ကြံ့ခိုင်ရဲ့လား။ အဲဒီမေး ခွန်းတွေ မေးဖို့လိုတယ်။ ဒီမေးခွန်းတွေဟာ အရေးကြီးပါတယ်။ ခင်ဗျား ခွဲချေထုထောင်းပြီး အရည်ကျိုရ မယ့် ကျောက်ခဲတုံးတွေဟာ စာရေးဆရာရဲ့စကားလုံးတွေ ဖြစ်ပါတယ်။ ခင်ဗျားသုံးရမယ့် ပေါက်တူးတွေ ဂေါ်ပြားတွေဟာ ခင်ဗျားရဲ့အလေးထားမှု၊ စိတ်အားထက်သန်မှု၊ စိတ်ရှည်မှု၊ ပညာအခံတို့ ဖြစ်ပါတယ်။ ခင်ဗျားရဲ့မီးဖိုဟာ ခင်ဗျားရဲ့ကိုယ်ပိုင်စဉ်းစားဥာဏ်၊ ကိုယ်ပိုင်အတွေးအခေါ် ဖြစ်တယ်။ ရွှေရှိမယ်လို့ ထင်ရ တဲ့စာအုပ်ကို ခင်ဗျားဖတ်ပြီး၊ ခင်ဗျားပညာအခံနဲ့ ခင်ဗျားမျှော်လင့်ချက်ဆိုတဲ့ပေါက်တူးတွေ ဂေါ်ပြားတွေနဲ့ တူးပြီး၊ အဲဒါတွေကို ခင်ဗျားကိုယ်ပိုင်ဥာဏ်၊ ကိုယ်ပိုင်အတွေးအခေါ်ဆိုတဲ့မီးဖိုပေါ်မှာ ကျိုလိုက်ပြီ။ အဲဒီအခါ မှာ တချို့သောကျောက်ခဲတွေဟာ အဖြုန်းတွေဖြစ်ပြီး၊ အချို့သော ကျောက်ခဲတွေမှာ ရွှေစတွေ ပါလာတာ ကိုတွေ့ရလိမ့်မယ်။ ဒါကြောင့် ရွှေလေးတစကိုလိုချင်ရင် ကိုယ့်မှာ လက်နက်ကရိယာရှိရလိမ့်မယ်။ စာအုပ် တအုပ်ကိုဖတ်ပြီဆိုရင် ကိုယ့်မှာလက်နက်ကရိယာ ရှိရလိမ့်မယ်။ စိတ်ရှည်မှုနဲ့၊ စိတ်အားထက်သန်မှုတို့၊ ကိုယ့်ပညာအခံတို့ဆိုပါတော့။ စကားလုံးတွေကို ထုထောင်းခွဲချေပြီး ကိုယ်ပိုင်ဥာဏ်၊ ကိုယ်ပိုင်အတွေးနဲ့ မီးပြင်းတိုက်ကျိုရလိမ့်မယ်။ စာအုပ်တအုပ်ကို ဆယ်မျက်နှာလောက်ဖတ်ပြီး၊ အဲဒီဆယ်မျက်နှာလောက်ထဲ က စာလုံးတွေ တလုံးချင်းရဲ့အဓိပ္ပါယ်ကို တိတိကျကျ၊ သေသေချာချာနားလည်ပြီဆိုရင် တစုံတခုသော အတိုင်းအတာအထိ စာပေကျွမ်းကျင်သူတဦးလို့ ခေါ်နိုင်တယ်။ စာတတ်ခြင်း၊ မတတ်ခြင်းဟာ အဲဒီ စကား လုံးတွေကို တိကျစွာနားလည်ခြင်း မလည်ခြင်းပေါ်မှာတည်တယ်။ ပညာသင်ကြားခြင်းရဲ့ရည်ရွယ်ချက်ဟာ ရာထူးရဖို့မဟုတ်၊ အမှားနဲ့အမှန်ကိုဆုံးဖြတ်တတ်ဖို့၊ တရားမှုနဲ့မတရားမှုကို ခွဲခြားတတ်ဖို့ဖြစ်ပါ တယ်။
ဒါဟာ စာကို ဘယ်လိုဖတ်မလဲဆိုတာနဲ့ပတ်သက်လို့ ရပ်စကင်းက ပြောခဲ့တဲ့စကားဖြစ်ပါတယ်။


(၃) ဘယ်အချိန်အခါမှာ ဘယ်စာတွေကို ဖတ်ကြမလဲ။

ဒါကိုတော့ တရုတ်ပညာရှင် ကျန်းကျောက်က ဒီလိုပြောပါတယ်။ ရှေးဟောင်းဂန္ထ၀င်ကိုဖတ်ချင်ရင် ဆောင်းတွင်းမှာ ဖတ်ရမယ်။ ဘာဖြစ်လို့လဲဆိုတော့ ဆောင်းတွင်းမှာ စိတ်ဟာပျံ့လွင့်ခြင်းကင်းပြီး တည်ငြိမ်တဲ့အတွက်ဖြစ်တယ်။ သမိုင်းကို နွေရာသီမှာ ဖတ်ရ မယ်။ ဘာဖြစ်လို့လဲဆိုရင်၊ နွေရာသီမှာ နေ့ဟာရှည်လျားပြီး အချိန်များများရလို့ ဖြစ်တယ်။ ဒဿနကို ဆောင်းဦးပေါက်မှာ ဖတ်ရမယ်။ ဘာဖြစ်လို့လဲဆိုတော့ ဆောင်းဦးပေါက်ဟာ နှစ်သက်စဖွယ်စိတ်ကူးတွေ ကို ပေါ်ပေါက်စေတယ်။ ခေတ်ပေါ်စာပေကို နွေဦးပေါက်မှာ ဖတ်ရမယ်။ ဘာဖြစ်လို့လဲဆိုတော့ နွေဦးမှာ သဘာဝလောကကြီးဟာ အသက်ပြန်ဝင်လာလို့ ဖြစ်တယ်လို့ သူက ပြောတယ်။ သေသေချာချာ စဉ်းစားကြည့်ရင် ဒီအဆိုအမိန့်ဟာ တော်တော်မှတ်သားဖို့ကောင်းပါတယ်။



(၄) စာပေဟာ ဘယ်အသက်အရွယ်ကို ဘယ်လို အကျိုးသက်ရောက်မှု ရှိစေသလဲ။
သူက လူငယ်အရွယ်မှာစာဖတ်ရတာဟာ လမင်းကို ထရံပေါက်ကြား၊ နံရံအက်ကြားကချောင်းကြည့်ရတာနဲ့ တူတယ်။ လူငယ်ဆိုတော့ အတွေ့အကြုံမရင့်သန်သေးဘူး။ အတွေးအခေါ် မလေးနက်သေးဘူး။ ဒါကြောင့် မို့ ရိုးတိုးရိပ်တိတ်ပဲ မြင်လိုက်ရတယ်။ လူလတ်ပိုင်းအရွယ်မှာစာဖတ်ရတာဟာ လမင်းကို အိမ်ရှေ့တလင်း ပြင်ကရပ်ကြည့်ရတာနဲ့တူတယ်။ ကိုယ့်ပတ်ဝန်းကျင်ကိုမြင်နိုင်ပြီ။ လရောင်ဘယ်လောက်လင်းသလဲ။ ပတ်ဝန်းကျင်မှာ လရောင်ဖြာပုံဟာ ဘယ်လိုအနေအထားရှိသလဲဆိုတာ အကဲခတ်ခွင့်ရပြီ။ လူကြီးပိုင်းမှာ စာဖတ်ရတော့ လမင်းကို လသာဆောင်ဝရန်တာပေါ်က တက်ကြည့်ရတာနဲ့တူတယ်။ ကိုယ့်နောက်မှာ အတွေ့အကြုံတွေ အများကြီးကျန်ရစ်ခဲ့ပြီ။ ပတ်ဝန်းကျင်ကို ခြုံငုံသုံးသပ်နိုင်ပြီ။
ခရီးသည်ကောင်း တယောက်ဟာ သွားလေရာရာမှာ ရှုခင်းကိုမြင်တတ်တယ်။ သူ့အဖို့ စာအုပ်တွေနဲ့သမိုင်းဟာလည်း ရှုခင်းပဲ။ ၀ိုင်အရက်နဲ့ကဗျာဟာလဲ ရှုခင်းပဲ။ လမင်းနဲ့ပန်းပွင့်ဟာလဲ ရှုခင်းပဲ။ အလားတူပဲ စာဖတ်ကောင်း သူတယောက်ဟာလဲ သွားလေရာရာမှာ စာအုပ်ကိုပဲမြင်တယ်။ သူ့အဖို့ တောင်နဲ့ရေဟာ စာအုပ်ပဲ။ စစ်တုရင်ခုံနဲ့ဝိုင်အရက်ဟာလဲ စာအုပ်ပဲ။ လမင်းနဲ့ပန်းပွင့်ဟာလဲ စာအုပ်ပဲ။



(၅)
စာဖတ်ရာမှာ ဘယ်လိုသဘောထားမျိုးနဲ့ ဖတ်ရမလဲ။
စာအုပ်တအုပ်ကိုဖတ်ရာမှာ ပညာရှိတွေရဲ့ အဆုံးအမကို နာခံလိုတဲ့ဆန္ဒရှိရမယ်။ ဆရာသမားတွေရဲ့ အတွေးအခေါ်တွေထဲကို ၀င်ရောက်နိုင်အောင် ကြိုးစားရမယ်။ သူတို့နဲ့အတူနေထိုင်ပြီး သူတို့ခံစားချက်တွေကို ခွဲဝေခံစားနိုင်အောင်ကြိုးစားရမယ်။
ဒါတွေ တော့ ရပ်စကင်းနဲ့ကျန်းကျောက်တို့ရဲ့အဆိုအမိန့်တွေ ဖြစ်ပါတယ်။
နိဂုံးချုပ်အနေနဲ့ စာဖတ်တာ အရေးကြီး ပုံနဲ့ပတ်သက်လို့ ရပ်စကင်းရဲ့ဟောပြောချက်ထဲကစာတပုဒ်ကို ကျွန်တော် ဖတ်ပြပါမယ်။ ကောက်နုတ်ချက် က နည်းနည်းရှည်တဲ့အတွက် ကျွန်တော် အလွတ်မရပါဘူး။ ဒါကြောင့်မို့ဖတ်ပြရတာ ခွင့်လွှတ်ကြ ပါ။
ဒီစကားတွေကို ပြောခဲ့တဲ့အချိန်ဟာ ၁၉ ရာစုရဲ့ ဒုတိယပိုင်းကာလ ဖြစ်ပါတယ်။ အဲဒီတုန်းက အင်္ဂလန် နပိုလီယန်စစ်ပွဲတွေပြီးလို့ ကရိုင်းမီးယားစစ်ပွဲကိုတိုက်နေချိန် ဖြစ်တယ်။ အာဖရိကမှာ စစ်ပွဲတွေတိုက်နေ
ချိန် ဖြစ်တယ်။ အာရှတိုက်မှာ အာဖဂန်စစ်ပွဲကိုတိုက်နေချိန် ဖြစ်တယ်။ မြန်မာပြည်မှာ ဒုတိယစစ်ပွဲကို တိုက်ပြီးချိန် ဖြစ်တယ်။ အရှေ့ဖျားမှာ ဘိန်းစစ်ပွဲကိုတိုက်နေချိန် ဖြစ်တယ်။ တနည်းပြောရရင် ဗြိတိသျှ အင်ပိုင်ယာကြီးကို ချဲ့ထွင်နေချိန် ဖြစ်ပါတယ်။
အဲဒီအချိန်မှာ ရပ်စကင်းဟာ ဒီစကားတွေကိုပြောခဲ့ခြင်း ဖြစ်ပါတယ်။ သူ့စကားကို ကျွန်တော် ကောက်နှုတ်ဖော်ပြပြီး ဖတ်ပြပါမယ်။ နားထောင်ကြည့်ကြပါ။
ကြီးမြတ်တဲ့လူမျိုးတမျိုးဟာ ဒီစစ်ပွဲမှာ ဘယ်ဘက်က မှန်သလဲ၊ ဘယ်ဘက်က မှားသလဲဆိုတာ မကြည့်ဘဲ၊ ဒီစစ်ပွဲပြီးရင် ငါတို့ ကုန်အရောင်းအ၀ယ် ဘယ်လိုနေမလဲ၊ ငါတို့ အမြတ်တွေ ဘယ်လောက်ရမလဲ ဆိုတာကိုပဲတွေးပြီး စစ်မြေပြင်မှာ လူငယ်တွေ နေ့စဉ်နဲ့အမျှသေနေကြတာကို လက်ပိုက်ကြည့်မနေဘူး။
ကြီးမြတ်တဲ့လူမျိုးတမျိုးဟာ သစ်ကြားသီးခြောက်လုံးလောက် ခိုးမိတာနဲ့ ကလေးတွေကို ထောင်ထဲမပို့ဘူး။ ကြီးမြတ်တဲ့လူမျိုးတမျိုးဟာဆင်းရဲသားတွေရဲ့စုငွေနဲ့ ချမ်းသာနေကြတဲ့ ဘဏ်သူဌေးကြီးတွေ ခိုးဝှက်နေတာကို ဒီအတိုင်း လက်ပိုက်ကြည့်မနေဘူး။
ကြီးမြတ်တဲ့လူမျိုးတမျိုးဟာ တောင်တရုတ်ပင်လယ်တ၀ိုက်မှာ လက်နက်အပြည့်အစုံတပ်ဆင်ထားတဲ့သင်္ဘောကြီးတွေနဲ့ အမြောက် ကြီးတွေချိန်ပြီး သူများတိုင်းပြည်ကိုသွားပြီး ဘိန်းရောင်းနေတာကို ဒီအတိုင်း လက်ပိုက်ကြည့်မနေ ဘူး။
ကြီးမြတ်တဲ့လူမျိုးတမျိုးဟာ ပိုက်ဆံပေးမလား၊ အသက်ပေးမလားဆိုတဲ့ လမ်းဓားပြတို့ထက်ပိုကဲပြီး ပိုက်ဆံရော၊ အသက်ရောပေးလို့ နှစ်ခုစလုံးကိုတောင်းနေတဲ့ ဓားပြအကြီးစားကြီးတွေ ဓားပြတိုက်နေတာ ကို ဒီအတိုင်း လက်ပိုက်ကြည့်မနေဘူး။
ကျွန်တော်တို့တတွေဟာ ဘာဖြစ်လို့ လူတွေ စာဖတ်ဖို့ အကြောင်း ကို ပြောနေရသလဲ။ အခုအခြေအနေမှာ ကျွန်တော်တို့လူမျိုးဟာ စာမဖတ်နိုင်ဘဲ ဖြစ်နေတယ်။ ဒီလို စိတ်ဓာတ်ပျက်ပြားနေတဲ့လူမျိုးတမျိုးဟာ စာမဖတ်ချင်ဘဲ ဖြစ်နေတယ်။ ဘယ်လောက်ကြီးကျယ်တဲ့ စာရေးဆရာက ရေးခဲ့တဲ့စာပဲဖြစ်စေ စိတ်ဓာတ်ပျက်ပြားနေတဲ့လူမျိုးတမျိုးဟာ နားဝင်မှာမဟုတ် ဘူး။
ခုလက်ရှိအခြေအနေမှာ ကျွန်တော်တို့ အင်္ဂလိပ်လူမျိုးဟာ လေးနက်တဲ့အတွေးအခေါ်ပါတဲ့စာတွေကို ဖတ်နိုင်မှာမဟုတ်ဘူး။ လောဘတွေ၊ ဒေါသတွေ၊ မောဟတွေ ဖုံးနေတဲ့အတွက် ဘယ်အတွေးအခေါ်ကိုမှ လည်း လက်ခံနိုင်မှာမဟုတ်ဘူး။
လူမျိုးတမျိုးဟာ စာပေကိုအထင်သေးနေရင်၊ သိပ္ပံပညာကို အထင်သေး နေရင်၊ အနုပညာကိုအထင်သေးနေရင်၊ သဘာဝကိုအထင်သေးနေရင်၊ မေတ္တာဂရုဏာကို အထင်သေးနေ ရင်၊ ပိုက်ဆံနောက်ကိုသာ ငမ်းငမ်းတက်လိုက်နေရင် အဲဒီလူမျိုးဟာ ရေရှည်တည်တံ့နိုင်မှာ မဟုတ် ဘူး။
ကျွန်တော်ပြောခဲ့တဲ့စကားတွေဟာ ရင့်သီးတယ်လို့များထင်ကြရင် သည်းခံနားထောင် ကြပါ။
ရပ်စကင်းရဲ့ စကားပါ။ ဒါပါပဲ။ ကျေးဇူးတင်ပါတယ်။

[၁၉၉၄၊ ဒီဇင်ဘာ ၅ ရက်၊ ရန်ကုန်မြို့၊ ၀ိုင်အမ်စီအေခန်းမတွင် ကျင်းပသော ဖြူးမြို့ မိတ်ဆွေများ စာကြည့်အသင်း စာပေဆုပေးပွဲ အခန်းအနားတွင် ပြောသည့်စကား]
{မြသန်းတင့် ရဲ့ လမင်းကိုထရံပေါက်မှကြည့်ခြင်း စာအုပ် ၂၀၀၀ ခု၊ ပထမနှိပ်ခြင်း မှ ကူးယူဖော်ပြပါတယ်။}

သမဂ္ဂတွေပေါ်ပေါက်ရေး ဘယ်လောက်နီးပြီလဲ(ရဲဘော် ဖိုးသံချောင်း)

0 comments

သမဂ္ဂတွေပေါ်ပေါက်ရေး ဘယ်လောက်နီးပြီလဲ
ပြီးခဲ့တဲ့ စက်တင်ဘာလ ၂၄ရက်နေ့ထုတ်မြန်မာ့အလင်းသတင်းစာထဲက ကြပ်ပြေးလွှတ်တော် ထဲမှာဗိုလ်ကျော်ဆန်းပြောသွားတဲ့ သမဂ္ဂသုံးမျိုးနဲ့ပတ်သက်တဲ့စကားတွေကိုဖတ်ရတော့မှ ဗိုလ်ချုပ် ဦးသိန်းစိန်အစိုးရရဲ့ အကြံအစည်တွေ၊ ဆင်ခြေတွေကိုအထင်းသားမြင်လိုက်ရပါတယ်။
သူပြောတာက တခေတ်ကပေါ်ခဲ့တဲ့ လယ်သမားအဖွဲ့အစည်းတွေ၊ အလုပ်သမားအဖွဲ့အစည်းတွေ၊ ကျောင်းသားအဖွဲ့အစည်းတွေဟာ နိုင်ငံရေးအဖွဲ့အစည်းတွေရဲ့သြဇာတွေသက်ဝင်ခဲ့လို့ ဘာဖြစ် တယ်ညာဖြစ်တယ်၊ ဒါကြောင့်မို့ လယ်သမားအဖွဲ့အစည်းကို အခြေအနေ အရပ်ရပ်ကိုလေ့လာပြီး မှသာ ဥပဒေပြဋ္ဌာန်းပြီးဖွဲ့စည်းရမယ် စသဖြင့် အချက်အလက်တွေ အမှားမှားအယွင်းယွင်းနဲ့ပြော သွားပါတယ်။ အချက်အလက်အမှားဆိုတာက “ပမညတက ဗကသများအဖွဲ့ချုပ်”ကိုဖွဲ့စည်း ခဲ့တယ်လို့ပြောတာမျိုးပါ။
ဒီလိုပြောကြားချက်ကနေ ပြသနေတဲ့အရေးကြီးတဲ့အချက်တခုက ဒီကြံ့ဖွတ်အစိုးရဟာ ၁၉၆၂ခုနှစ်မှာအာဏာသိမ်းခဲ့တဲ့ ဗိုလ်နေ၀င်းအစိုးရကစလို့ ဗမာပြည်ကိုရာစုနှစ်တ၀က်အုပ်စိုးခဲ့တဲ့ စစ်အာဏာရှင်အစိုးရအဆက်ဆက်ရဲ့ အခြေခံတွေးနည်းခေါ်နည်း၊ ရှုမြင်နည်းတွေကိုတသွေမတိမ်းဆက်ခံ၊ လက်ခံထားတယ်ဆိုတာပါပဲ။ အဲဒီတွေးခေါ်နည်းဆိုတာက တပ်ထဲမှာ တသွေး၊ တသံ၊ တမိန့်တည်ရသလို နိုင်ငံထဲမှာလည်း တသွေး၊ တသံ၊ တမိန့်တည်စေချင်တာဖြစ်ပါတယ်။ လူ့အဖွဲ့အစည်းတရပ်ကို စစ်တပ်လိုကြည့်မြင်၊ ချုပ်ကိုင်ချင်တာနဲ့ သူတို့တတွေဟာ လူ့အဖွဲ့အစည်းကိုကြည့်မြင် နားလည်ရာမှာလည်းမှားကုန်တာဖြစ်ပါတယ်။
လောကမှာဘယ်လူ့အဖွဲ့အစည်းမှ (နိုင်ငံတခုမဆိုထားနဲ့) လူတမျိုးထဲနဲ့ပါဝင်ဖွဲ့စည်းထားတာမဟုတ်ပါဘူး။ လူမျိုးမတူတာ၊ ဘာသာမတူတာတွေ အပြင် မတူတဲ့နိုင်ငံရေးအယူအဆကိုကိုင်ဆွဲထားသူတွေနဲ့ ဖွဲ့စည်းထားပါတယ်။ ဒါ့အပြင် လူတန်းစားလူ့အလွှာတွေ၊ ကိုယ်စားပြုတာတွေကလည်း ကွဲကြတာဆိုတော့ လူတွေရဲ့လိုလားချက်တွေဟာမတူကွဲပြားပြီး (တချို့နေရာတွေမှာ အလုပ်သမားတွေရဲ့လိုလားချက်နဲ့ လယ်သမားတွေရဲ့လိုလား ချက်တွေ ပဋိပက္ခဖြစ်နေတာတောင် ရှိတတ်ပါတယ်) အကျိုးစီးပွားတွေကလည်းကွာခြားကြပါတယ်။ ဒါဟာသဘာဝကျတဲ့ လူ့အဖွဲ့အစည်းတရပ်ရဲ့ လက္ခဏာဖြစ်ပါတယ်။
အဲဒီလိုမတူကွဲပြားမှုတွေတည်ရှိနေတဲ့ လူ့အဖွဲ့အစည်းတရပ်(နိုင်ငံတခု)မှာ မတူကွဲပြားတဲ့နိုင်ငံရေးအယူဝါဒတွေကိုကိုယ်စားပြုတဲ့ နိုင်ငံရေး အဖွဲ့အစည်းတွေပေါ်ပေါက်တည်ရှိတာဟာ ဖြစ်လည်းဖြစ်သင့်၊ သဘာဝလည်းကျတဲ့အချင်းအရာ ဖြစ်ပါတယ်။ ဒီလိုမပေါ်ပေါက်ဘူးဆိုတာကမှ ထူးဆန်းတာ၊ သဘာဝမကျတာတွေဖြစ်ပေါ်နေတာလို့ ဆိုရမှာပါ။ ဒါ့အပြင် အဲဒီလိုလူ့အဖွဲ့အစည်းထဲက အလုပ်သမားသမဂ္ဂ၊ လယ်သမားသမဂ္ဂ၊ ကျောင်းသားသမဂ္ဂဆိုတာတွေမှာ အဲဒီနိုင်ငံရေးအယူအဆတွေ၊ အစွဲအလန်းတွေသက်ရောက်တာ၊ ၀င်ရောက်တာဟာလည်း သဘာဝကျတယ်လို့ ပဲဆိုရမှာပါ။ လွတ်လပ်ရေးဒီဘက်ပိုင်းလို နိုင်ငံရေးအယူအဆတွေ၊ နိုင်ငံရေးအဖွဲ့အစည်းတွေ အပြိုင်းအရိုင်းပေါ်ပေါက်နေချိန်မှာ သမဂ္ဂတွေထဲ ကိုဒီအဲဒီဂယက်တွေဝင်တာဟာ ဘာမှမဆန်းပါဘူး။ မ၀င်ဘူးဆိုတာကမှဆန်းတာပါ။ ဥပမာပြရရင် အဲဒီတုန်းက ပြင်ပနိုင်ငံရေးအယူအဆတွေ လုံးဝအ၀င်မခံဘူးဆိုပြီး စစ်တပ်ကိုဗိုလ်နေ၀င်းနဲ့ဆိုရှယ်လစ်စစ်ဗိုလ်တွေက သူတို့ တလက်ကိုင်စစ်တပ်အဖြစ် ပုံသွင်းထားတာမျိုးကမှဆန်းတာပါ။ ဒါကြောင့်လည်း ဒီစစ်တပ်ဟာအဲဒီလူတွေအာဏာသိမ်း ချင်တဲ့အခါတိုင်းသုံးလို့ရတဲ့ ခါးပိုက်ဆောင်တပ်၊ ကြေးစားတပ်လိုဖြစ်ခဲ့တာပါပဲ။
အထက်မှာပြောခဲ့သလို ကျောင်းသားသမဂ္ဂတွေနဲ့ပတ်သက်လို့ အချက်အလက်မှန်မသိတဲ့ ကြံ့ဖွတ်အစိုးရ၀န်ကြီး ဗိုလ်ကျော်ဆန်းကို ထပ်ပြီးထောက်ပြဖို့လိုတာက ဟိုတခေတ်ကကျောင်းသားတွေအကြားမှာ အယူအဆတွေ၊ အသင်းအဖွဲ့တွေအမျိုးမျိုးကွဲပြာနေခဲ့ပေမဲ့ ဒီအဖွဲ့တွေ အကြားမှာ ဘယ်တုန်းကမှကတောက်ကဆဖြစ်တယ်၊ နှစ်ဘက်ရိုက်ကြနှက်ကြတယ်ဆိုတာမျိုး လုံးဝမရှိခဲ့ဖူးဘူးဆိုတဲ့အချက်ဖြစ်ပါတယ်။ ကျောင်းသားညီညွတ်ရေးတပ်ဦးနဲ့ဒီအက်စ်အို (နောင်မှာရဲခေါင်) တို့ဟာ သမဂ္ဂရွေးကောက်ပွဲမှာ တဘက်ကိုတဘက်တိုက်ခိုက်ပြောဆို ရေးသားကြတာတွေရှိပေမဲ့ ခေါင်းဆောင်တွေဟာ လူချင်းတွေ့ရင် ရင်းရင်းနှီးနှီးပြောဆိုနှုတ်ဆက်ကြပါတယ်။ အဲဒီတုန်းက တက္ကသိုလ်နယ်မြေမှာ ရုတ်ရုတ်သဲသဲ၊ ၀ရုန်းသုန်းကားဖြစ်တယ်ဆိုတာမှန်သမျှဟာ အာဏာရအစိုးရက ကျောင်းသားလှုပ်ရှားမှုတွေကို အင်အားသုံးအကြမ်းဘက်နှိမ်နင်း ကြလို့သာဖြစ်ပါတယ်။ ဥပမာ ၁၉၅၃ခုနှစ်အောက်တိုဘာအရေးတော်ပုံ၊ ၁၉၆၂ခုနှစ်ဇူလိုင်()ရက်အရေးတော်ပုံနဲ့ မန္တလေး တက္ကသိုလ်က ၁၉၆၃ခုနှစ် ဒီဇင်ဘာလတိုက်ပွဲတို့ဖြစ်ပါတယ်။
ဒါ့အပြင် အဲဒီတုန်းကကျောင်းသားသမဂ္ဂတွေနဲ့ပတ်သက်လို့ ပြောသင့်တဲ့ကိစ္စတခုကတော့ ကျောင်းသားသမဂ္ဂရွေးကာက်ပွဲတွေပဲဖြစ်ပါတယ်။ ပြင်ပကဘယ်အာဏာပိုင်မှမပါ၊ ဆရာဆရာမများရဲ့ကြီးကြပ်မှုအောက်မှာကျင်းပလေ့ရှိတဲ့ ရွေးကောက်ပွဲတွေဟာ အဲဒီအခါတုန်းကဗမာပြည်မှာ စည်းကမ်းအရှိဆုံးရွေးကောက်ပွဲတွေဖြစ်တယ်လို့ ပြောစမှတ်ပြုရပါတယ်။ မဲခိုးတာမရှိ၊ မဲရှုံးလို့ရမ်းတာမရှိ၊ ရှုံးလည်းပျော်ပျော်-တေးတကြော်ကြော်၊ နိုင်လည်းပျော်ပျော်-တေး တကြော်ကြော်။ မဲရေတွက်ချိန်မှာဆိုင်းတွေဗုံတွေနဲ့ ကသူက ဆိုသူဆို။ ဒီမြင်ကွင်းကိုပဲ ကြက်သရေရှိလွန်းလို့၊ မျက်စေ့ ပသာဒဖြစ်လွန်းလို့ဆိုပြီး တမင်သွားရောက်ကြည့်ရှုတဲ့လူတွေလည်း များပြားလှပါတယ်။ ဒါကြောင့်လည်း ကျောက်လှည့် ခါးကြားထိုးပြီး မဲရေတွက် သူ၊ မဲရုံကိုယ်စားလှယ်တွေကို ၄လောင်းပြိုင်၊ ၆လောင်းပြိုင်သတ်သူတွေ စိုးမိုးခြယ်လှယ်ခဲ့တဲ့ ဖဆပလအစိုးရရဲ့ ရွေးကောက်ပွဲတွေဟာ ဒီတက္ကသိုလ် သမဂ္ဂရွေးကောက်ပွဲတွေကို အတုယူသင့်လှတယ်လို့ အဲဒီတုန်းက သတင်းစာတွေက ရေးခဲ့ကြတာပါ။
အဲဒါနဲ့ပြောင်းပြန် ကျောင်းသားသမဂ္ဂတွေမရှိပဲ ဖြတ်သန်းခဲ့တဲ့မဆလခေတ်ကာလများကို ပြန်ကြည့်ပါ။ ကျောင်းသားလှုပ်ရှားမှုတွေလျော့ပါးသွား တယ်လို့ ရှိခဲ့ပါရဲ့လား။ ကျောင်းသားလောကထဲကို မူးယစ်ဆေးဝါးတွေနဲ့ လောင်းကစားတာတွေ အများအပြားလှိမ့်ဝင်လာတာဒီကာလတွေပဲ မဟုတ်ပါလား။ အဲဒီကာလတွေအတွင်း တက္ကသိုလ်နယ်မြေတွေမှာ ရုတ်ရုတ်သဲသဲဖြစ်တယ်ဆိုတာမှန်သမျှဟာလည်း စစ်အစိုးရတွေကအကြမ်း ဘက်ဝင်ရောက်လို့ချည်းပဲ မဟုတ်ပါလား။
နိုင်ငံတနိုင်ငံမှာ မတည်ငြိမ်တာတွေဟာ မတူတဲ့အမြင်တွေတည်ရှိနေလို့၊ မတူတဲ့နိုင်ငံရေးအဖွဲ့အစည်းတွေတည်ရှိနလို့လုံးဝမဟုတ်ပါဘူး။ မဆလတပါတီတည်းရှိ၊ သူတို့ရဲ့အလုပ်သမားလယ်သမားအစည်းအရုံးတွေရှိ၊ ကျောင်းသားသမဂ္ဂတွေလုံးဝမရှိတဲ့ မဆလလက်ထက်တလျှောက်၊ ရှစ်လေးလုံးကာလအထိ ဒီတိုင်းပြည်မှာ မတည်ငြိမ်မှုတွေ ဘယ်လာက်တောင်များခဲ့သလဲ၊ အသတ်ခံရတဲ့ဆန္ဒပြသူတွေ ဘယ်လောက်တောင်များ ခဲ့သလဲ။ န၀တ-နအဖတို့က ဘယ်တခြားနိုင်ငံရေးအင်အားစုကိုမှ တည်ရှိခွင့်မပြုပဲ တိုင်းပြည်ကိုသံဖနောင့်တဲ့နင်းထားတဲ့ကာလမှာရော၊ ဆန္ဒပြ တာတွေ လမ်းပေါ်တက်တာတွေ မဖြစ်ခဲ့ဘူးလား။ သံဃာတွေအပါအ၀င် အသတ်ခံရခဲ့သူတွေနည်းသလား။ ရေအိုးအောက်က ကရွတ်လို အကျဉ်းထောင်တွေထဲမှာ တရိရိဆွေးမြေ့သူတွေ၊ ကျဆုံးသွားသူတွေမှတ်မိကြတယ်မဟုတ်ပါလား။
တိုင်းပြည်တပြည်ရဲ့နိုင်ငံရေးလေထု သန့်ရှင်းလန်ဆန်းဖို့ဆိုရင် မတူတဲ့အယူအဆတွေတည်ရှိစေ၊ မတူတဲ့ပါတီတွေ ထူထောင်စေ အဲဒီမတူတာတွေရဲ့ အတူတည်ရှိညီညွတ်မှုကနေ တိုးတက်မှုကိုရှာရမှာဖြစ်ပါတယ်။ လူ့အဖွဲ့အစည်းရဲ့သမိုင်းကိုက ဒီလိုပဲမတူတဲ့ဆန့်ကျင်ဘက်တွေရဲ့ ပဋိပက္ဖတွေထဲ ကနေ ရှေ့ကိုတက်လှမ်းခဲ့တာဖြစ်ပါတယ်။
ဒါပေမဲ့ ကြံ့ဖွတ်အစိုးရ၀န်ကြီးမင်း ဗိုလ်ကျော်ဆန်းကတော့ “အတိတ်ကသင်ခန်းစာများကိုရယူပြီး အနာဂတ်အတွက် အကောင်းဆုံးဖြစ်အောင် ဆောင်ရွက်သွားရန်လိုအပ်သွားမည် ဖြစ်ပါကြောင်း”လို့ သမဂ္ဂတွေပေါ်ပေါက်ရေးကိစ္စကို စကားမျက်လှည့်ပြသွားပါတယ်။ တည်ထောင်ခွင့်၊ ဖွဲ့စည်းခွင့်ပေးမယ်လို့ တိတိကျကျမပြောပါဘူး။ အချိန်အကန့်အသတ်လည်း မပြောပါဘူး။ ဒီတော့ သူတို့ရဲ့ဖွဲ့စည်းပုံအခြေခံဥပဒေပုဒ်မ ၃၅၄မှာ ရေးထားတဲ့“အသင်းအဖွဲ့ သို့မဟုတ်အစည်းအရုံးများ ဖွဲ့စည်းဆောင်ရွက်ခွင့်”ဆိုတာကိုဘယ် လိုအနက်ဖွင့်ရမယ်ဆိုတာ စဉ်းစားစရာဖြစ်လာ ပါတယ်။ သူတို့ရဲ့ဖွဲ့စည်းပုံဥပဒေထဲကစာသားနဲ့ သူတို့ထဲက၀န်ကြီးရဲ့ စကား ဘယ်ဟာကအဓိကလဲဆိုတာ ရှင်းသွားတယ်လို့ပဲပြောရတော့မှာပါ။ ကိုယ် ရေးထားတဲ့ဖွဲ့စည်းပုံအခြေခံဥပဒေမို ကိုယ်ကြိုက်သလိုအဓိပ္ပါယ်ဖွင့်မယ်လို့ ၀န်ခံသွားတာလို့ပဲ ထင်မိပါတယ်။

ရဲဘော်ဖိုးသံချောင်း