Friday, September 23, 2011

ကမ္ဘာကြီးပေါ်မှာငါတို့ဟာ(အပိုင်း၁) ရည်မွန်

0 comments

ပန်းချီစံမင်း
ကမ္ဘာကြီးပေါ်မှာငါတို့ဟာ(အပိုင်း၁)ရည်မွန်
(ကောင်းကင်နိုင်ငံပြုအနုပညာမဂ္ဂဇင်းမှကူးယူဖော်ပြပါသည်)
ကမ္ဘာကြီးပေါ် မှာ 
ငါတို့ဟာ

ငါတို့စိုက်တဲ့သစ်ပင်ထက်၊
ငါတို့ခုတ်တဲ့သစ်ပင်က ပိုများတယ်။

ကမ္ဘာကြီးပေါ်မှာ ငါတို့ဟာ

ငါတို့ ပျော်ရွှင်ဘို့အတွက်

ကမ္ဘာကြီးကို တောလည်ခဲ့တယ်။



ကမ္ဘာကြီးပေါ်မှာ 
ငါတို့ဟာ

ငါတို့ စားသောက်နိုင်တာထက်ပိုပြီး၊
ကမ္ဘာကြီးကို ချက်ပြုတ်ခဲ့ကြတယ်။



ကမ္ဘာကြီးပေါ်မှာ
ငါတို့ဟာ
ငါတို့နေ နိုင်တာထက်ပိုပြီး၊
ကမ္ဘာကြီးကို နယ်ချဲ့ခဲ့တယ်။



ကမ္ဘာကြီးပေါ်မှာ
ငါတို့ဟာ

ငါတို့လိုအပ်တဲ့ အနွေးဓါတ်ထက်ပိုပြီး၊
ကမ္ဘာကြီးကို မီးဖိုခဲ့တယ်။



ကမ္ဘာကြီးပေါ်မှာငါတို့ဟာ၊
ကမ္ဘာကြီးကို စက္ကူတစ်ရွက်ထောင်ပြလို့
အဲဒီစက္ကူနဲ့
ကမ္ဘာကြီးကိုရောင်းစားခဲ့တယ်။

အဲဒီ စက္ကူအတွက်
ကမ္ဘာကြီးကိုလုယက်ခဲ့တယ်။

ကမ္ဘာကြီးပေါ်မှာငါတို့ဟာ၊
ငါတို့သန်မာဘို့
ငါတို့ ရောဂါဘယကင်းဘို့
ကမ္ဘာကြီးကို အဆိပ်ခတ်ခဲ့တယ်။



ကမ္ဘာကြီးပေါ်မှာ ငါတို့ဟာ

သရော်မော်ကားနဲ့
ကမ္ဘာကြီးက မမြင်စေချင်လို့ဖုံးဖိထားတဲ့
ကမ္ဘာကြီးရဲ့အရှက်ကိုမှ
ငါတို့ဟာ
မရမကလှန်လှောကြ
အဓမ္မ နှိုက်ထုတ်ကြ။



ကမ္ဘာကြီးပေါ်မှာ ငါတို့ဟာ

ငါတို့ကိုယ်တိုင်တော့
ရှိူးစမိုးအပြည့်နဲ့
ဖက်ရှင်ပြပွဲတွေကမ္ဘာလှည့်ပြီး ကျင်းပကြလို့

ကမ္ဘာကြီးကိုတော့ ကိုယ်တုံးလုံးချွတ်ခဲ့တယ်။


ကမ္ဘာကြီးဟာ
အအေးပတ်ခဲ့ပြီ၊။


ကမ္ဘာကြီးဟာ
အဖျားတက်ခဲ့ပြီ။

ကမ္ဘာကြီးဟာ
စိတ်လွတ်ပြီး 
ကယောင်ကတန်းတွေပြောခဲ့ပြီ။

ကမ္ဘာကြီးဟာ
 မျော့မျော့သာကျန်သော
ကမ္ဘာကြီးပေါ့။

ကမ္ဘာကြီးဟာ အရေးပေါ်ကုသရန်လိုသော ကမ္ဘာကြီးပေါ့။


တစ်ယောက်တည်းကြိတ်ပြီး
 ငိုကြွေးနေရုံကလွဲပြီး
ဘာမှ မတတ်နိုင်သောကမ္ဘာကြီးပေါ့။
ကမ္ဘာကြီးရဲ့မျက်ရည်တွေမှာ 
ကျိန်စာတွေပါတယ်ဆိုတာ 

ငါတို့ မသိကြတော့
။

ငါတို့ဟာ ပျော်ပျော်ပါးပါး။
ငါတို့ဟာ စိတ်တိုင်းကျ။

ကမ္ဘာကြီးပေါ်မှာ
ငါတို့ဟာ
ကမ္ဘာကြီးကို အဆီတစ်ရစ် အသားတစ်ရစ်
ဒင်နာများ တည်ခင်းကြလို့။

ကမ္ဘာကြီးရဲ့စတိုထဲက
အဟောင်းဆုံးဝိုင်ကို ထုတ်သောက်ရင်း၊

ငါတို့ရေချိန်ခိုက်တဲ့အခါ၊

ငါတို့ဟာ ဇိမ်ခန်းထဲကထွက်လာသလို
ကမ္ဘာကြီးကို မျက်နှာလွဲခဲပစ် ဖြစ်ချင်သလိုဖြစ်။

ငါတို့ဟာ
ပစ်စလက်ခတ်ကြီးပစ်ထားခဲ့ကြကာ

အငွေ့ပျံသလို၊ ထွက်ခွါသွားကြပေါ့။
    

ရည်မွန်
                                                      
နိုဝင်ဘာ ၂၀၀၂

0 comments:

Post a Comment