Monday, July 27, 2015

၂ဝ၁၅ မေအကုန်ဇွန်နဲ့ဇူလိုင်လတွေက တိုနန့်နန့်လေးတွေ ၁ (မျိုးမြင့်ချို)

0 comments
၂ဝ၁၅ မေအကုန်ဇွန်နဲ့ဇူလိုင်လတွေက တိုနန့်နန့်လေးတွေ ၁ (မျိုးမြင့်ချို)
(ခေါင်းစည်းနီနဲ့ ငှက်ပျောသီး)
သစ်ကောင်းအိမ်နဲ့ မနေ့ညနေက စကားပြောရင်း မင်းလောင်းမျှော်နဲ့ ပုဂ္ဂိုလ်ရေးကိုးကွယ်မှုဘက်ရောက်တော့ သူက “............ဟေ့လူရာ လူတွေက ကိုးကွယ်စရာမရှိရင် မနေနိုင်ကြတာဗျ။ ဘာမှကုိုးကွယ်စရာမရှိရင် ကုိုယ်အိပ်တဲ့အိမ်ခန်းထဲမှာ အုန်းသီးတွေ ငှက်ပျောသီးတွေ ချိတ်ထားတယ်။ ခေါင်းစည်းအနီတောင် ပတ်ပေးထားသေးတယ် အုန်းသီးကုို”လို့ပြောတော့ ကျနော်က “ပြီးတော့ အဲ့ဒီအုန်းသီးနဲ့ ငှက်ပျောသီးကို ပြန်ကြောက်နေရ ပြန်ပူဇော်ပသနေကြသေးတာဗျ”လို့ပြောလိုက်တယ်။
ကျနော်တို့လည်း ခေါင်းဆောင်ဆိုပြီး ငှက်ပျောသီးတွေအုန်းသီးတွေကို ခေါင်းစည်းအနီများ ပတ်ပေးမိလိုက်ကြသလား မပြောတတ်ပါဘူး။
မေ ၃၁ ၂ဝ၁၅

(အာဇာနည်တွေနေတဲ့တိုင်းပြည်)
ဒီပဲယင်းနိုင်ငံရေးလုပ်ကြံမှုမှာ အကြမ်းဖက်သတ်ဖြတ်ခံရသူတွေကိုရည်စူးပြီး ဖို့တ်ဝိန်းရောက် မသေကြွင်းကျန်ဒေါ်ညွန့်ညွန့်က ဓမ္မရက္ခိတကျောင်းမှာ ဘာသာရေးအလှူဒါနနဲ့ နိုင်ငံရေးအာသီသဖြည့်မယ်ပြောတယ်။ မနေ့ကတွေ့တော့ ဖိတ်လိုက်တယ်။ ဘုန်းကြီးဆွမ်းကပ်တာ တရားနာတာ ရေစက်ချသာဓုခေါ် အမျှဝေချိန်ပြီးလောက်မှာ သွားဖြစ်အောင်သွားဖို့ ဆုံးဖြတ်ထားတယ်။ ဘာလိုလိုနဲ့ ၁၂ နှစ်မြောက်ပါရောလား။
နိုင်ငံရေးလုပ်ကြံမှုမှန်သမျှ ကျနော် ဆန့်ကျင်တယ်။ အလုပ်ကြံခံရတာခြင်းအတူတူ အသတ်အဖြတ်ခံရတာခြင်းအတူတူ အာဏာနဲ့သေနတ်ရှိနေချိန်မို့အာဇာနည်ဖြစ်တဲ့ အစဉ်အလာကိုလည်း မနှစ်မြို့ဘူး။
အာဏာရတွေရဲ့ဖိနှိပ်မှုကိုဆန့်ကျင်တော်လှန်ရင်း ထောင်ထဲမှာ မြို့ပြလမ်းမတွေထက်မှာ လူသူမနီးကျေးလက်ဒေသတွေမှာ တောကြီးမျက်မည်းစစ်မြေပြင်တွေမှာ လုပ်ကြံသတ်ဖြတ် ခံခဲ့ရတဲ့လူတွေမှနည်းလား။ ဒီ စစ်အုပ်စုဖိနှိပ်မှုအောက်မှာပေါ်ခဲ့တဲ့ အာဇာနည်တွေမှနည်းလား။
လူတန်းစားတိုင်းမှာ အလွှာတိုင်းမှာ လူမျိုးစုတိုင်းမှာ အာဇာနည်တွေရှိတယ်။
ကျနော်တို့ဟာ အခြားသူတွေကိုလိုက်ပြီး ကိုယ့်အာဇာနည်ကိုပဲ အတင်းနည်ခိုင်းနေတာ နိုင်ငံရေးကျင့်ဝတ်အရ မှန်သလား။ ဖိနှိပ်ခံခြင်းမို့ ဘက်တဘက်တည်းရှိကြောင်း မပြနိုင်တာဟာ အတွေးအခေါ်သီလကြောင်ရာ မကျဘူးလား။ ဇူလိုင်(၁၉)ကြ သူတို့ကိုလာစေချင်ပြီး စောဘဦးကြီးနေ့အထိမ်းအမှတ်ပြုတာကြ ဘာလို့ အသိအမှတ်ပြုမသွားတာလဲ။ ဘာသဘောလဲ။ ဘာနိုင်ငံရေး ရေချိန်လဲ၊ ဖိနှိပ်ခံရသူခြင်း အတူတူ ဗမာလူမျိုးကြီးဝါဒကို အာဇာနည်နေ့ထဲထိအောင်တောင် သွပ်သွင်းနေတာလား။
ဖိနှိပ်မှုတွေရှိနေသမျှ တွန်းလှန်ဖယ်ရှားတိုက်ပွဲဝင်တာတွေလည်းရှိနေမှာပဲ။ အောင်ပွဲဟာလည်း အနှေးနဲ့အမြန် ရ ရမှာပဲ။ ဖိနှိပ်သူကလည်း လုပ်ကြံသတ်ဖြတ်မှုကို ဖိနှိပ်ရေးနည်းနာတခုအနေနဲ့ သုံးနေဦးမှာပဲ။ အလုပ်ကြံအသတ်ဖြတ်တွေလည်း ခံနေရဦးမှာပဲ။ အာဇာနည်တွေလည်း ပေါ်နေဦးမှာပဲ။
ငြိမ်းချမ်းရေး၊ ဒီမိုကရေစီ၊ လူ့အခွင့်အရေး၊ လူမျိုးစုအားလုံး တန်းတူရည်တူသွေးစည်း ညီညွတ်မှုရှိတဲ့လူ့အဖွဲ့အစည်းဖြစ်မှ စစ်အာဏာရှင်စနစ်ဆိုးနဲ့ ဖိနှိပ်မှုမျိုးစုံကင်းမှ အာဇာနည်တွေ မပေါ်တော့မှာပဲ။ ဒါမှ အာဇာနည်တွေမနေတဲ့တိုင်းပြည်ဖြစ်မှာပဲ။ အာဇာနည်တွေနေတဲ့တိုင်းပြည် ဆိုတာ သံနဲ့သွေး တော်လှန်ရေးနဲ့စစ်ပွဲ သေကွဲရှင်ကွဲ မျက်ရည်နဲ့ငိုညည်းသံတွေလွှမ်းနေတဲ့ ဖုန်းဆိုးမြေပဲ။
ကျနော်ကတော့ “အာဇာနည်နေတဲ့တိုင်းပြည်”ဆိုတဲ့ စစ်ကျိန်စာမိဘဝကနေ ဗမာပြည်ကို လွတ်စေ့ချင်တာပဲ။ မေ ၃၁ ၂ဝ၁၅

(လူထုမနာမယ့်သောက်နည်း)
အရက်အကောင်းစားတွေကို ဘယ်လိုလေး ဘာအမြည်းနဲ့ ဘယ်နည်းသောက်ရတယ်ပြုရတယ်ဆိုတာ ကြာဖူးနားဝတွေတော့ ကျနော့်မှာ အတော်များပါတယ်။
အဲ့ဒါ ဒီမနက် မိတ်ဆွေတယောက်နဲ့ တောပြောတောင်ပြောပြောကြရင်း စကားက ဝီစကီသောက်တဲ့ဆီရောက်သွားတော့ ကျနော်က “ဝီစကီကို ဘာနဲ့မှမရောဘဲ သူ့အတိုင်းလေး ပါးစပ်ထဲအရက်ကလေးကိုငုံထားပြီးအရသာကို တစိမ့်စိမ့်ခံရင်း မျှဉ်းပြီးသောက်တဲ့နည်၊ ရေရိုးရိုး အေးအေးလေးနဲ့ အနေတော်စပ်ပြီးသောက်တဲ့နည်း၊ ရေခဲထဲအရက်ထည့်သောက်တဲ့နည်း အရက်ထဲရေခဲထည့်သောက်တဲ့နည်း၊ ဆော်ဒါနဲ့ရောသောက်တဲ့နည်း စသည်ဖြင့်ပေါ့ဗျာ ရှိကြတယ်။ ခင်ဗျားကရော လုပ်ပါဦး ဘာနည်းနဲ့သောက်မှာလဲဗျ” ဆိုတော့
သူက “လူထု မနာမယ့်နည်းပေါ့ဗျ”တဲ့။
ကျနော်လည်း ဘာပြောရမှန်းမသိတော့။ မေ ၂၉ ၂ဝ၁၅

(လကျော် ဒွေးတော်လွမ်း)
“အမေ့သားသမီးတချို့” ဇွန် တလလုံးကိုကျော်ပြီး အာဇာနည်နေ့ကို လှမ်းအောက်မေ့ခိုင်းနေတာ အလကားမဟုတ်ပါ။ မတော်တဆနဲ့ အမှတ်တမဲ့မဟုတ်ပါ။ မသိလို့ မဟုတ်ပါ။
ဇွန် ၆ ရက်လို အုတ်ကျင်း၊ ဆင်မလိုက်၊ ပုလိပ်ချည်မျှင်နဲ့အထည်စက်အပါအဝင် မဆလခေတ် အလုပ်သမားသပိတ်တွေအရေးအခင်းတွေ အသတ်အဖြတ်ခံအကြမ်းဖက်ဖြိုခွဲခံရတာတွေကို ချန်ခဲ့တာမပြောနဲ့ ဇူလိုင်ဆဲဗင်န်းလို စစ်အာဏာရှင်စနစ်ကို အဦးဆုံးဆန့်ကျင် ဖီဆန်ခဲ့တဲ့ သမိုင်းဝင်ဖြစ်ရပ်ကြီးကိုပါကျော်ခွပြီး “အာဇာနည်နေ့ တို့မမေ့”လုပ်နေတာ တခြားမဟုတ်ဘူး။
စစ်အာဏာရှင်စနစ်ကို ရင်မြေကတုတ်လုပ်ပြီး ကာကွယ်နေတဲ့ခြေလှမ်းတွေထဲက တခုမျှသာပဲ။
ကျွန်ဝါး အလုအယက် ဝ လှချည်လား
သဘောက်မသားတွေ။ မေ ၂၈ ၂ဝ၁၅

(ကြောင့်ကြဗျာပွေ)
ကျနော် အမေရိကားရောက်စက "ခင်ဗျား နိုင်ငံရေးမလုပ်တော့ဘူးလား။ ကြာရင် ခင်ဗျားနိုင်ငံရေးသေသွားမယ်နော်"လို့ စိုးရိမ်တကြီးမေးဖူးသူက
ဟိုတလောကတွေ့တော့
"ခင်ဗျား ခုထက်ထိ ဒီနိုင်ငံရေးကို စိတ်မကုန်သေးဘူးလား"လို့ ကြောင့်ကြောင့်ကြကြပြောပြန်ရှာတယ်။ မေ ၂၂ ၂ဝ၁၅


၂ဝ၁၅ မေအကုန်ဇွန်နဲ့ဇူလိုင်လတွေက တိုနန့်နန့်လေးတွေ ၂ (မျိုးမြင့်ချို)

0 comments
၂ဝ၁၅ မေအကုန်ဇွန်နဲ့ဇူလိုင်လတွေက တိုနန့်နန့်လေးတွေ  ၂ (မျိုးမြင့်ချို)
(သရဲခြောက်တာများ အဆန်းလုပ်လို့)
ကျနော် သရဲအခြောက်ခံရဖူးတဲ့အကြောင်း လံကြုပ်ဇာတ်လမ်းဆင်ပြီး လူ ဆယ်ယောက်လောက်ကိုပြောကြည့်တာ သရဲရှိတာလုံးဝမယုံဘူးဆိုတဲ့လူတောင် “ခင်ဗျားဟာက ဟုတ်ရော ဟုတ်ရဲ့လားဗျာ”လို့ သူ့ကိုယ်သူ သံသယပြန်ဝင်တဲ့အထိပဲ။
ဗုဒ္ဓမြတ်စွာကို God ကို ယုံသလိုယုံသူ မဟုတ်ဘူးလို့ကြွေးကြော်သူတယောက်ကတော့ မနက်ဖြန် စီရင်ချက်ချတော့မယ်လည်းဆိုရော သူ့လက်နဲ့သူကိုယ်တိုင်ထုထားတဲ့ ရွှေဝါဆပ်ပြာ ဆင်းတုတော်လေးရှေ့မှာ ပုဆစ်တုပ်ထိုင်ပြီး တတွတ်တွတ်တွေ လုပ်တာတွေ့တော့ မေးကြည့်မိတယ် “ခင်ဗျား ဘာဆု့တွေတောင်းနေတာလဲဗျ”ဆိုတော့ “ဆုတောင်းတာ မဟုတ်ပါဘူး၊ ဘုရားရှေ့မှာ သစ္စာပြုတာပါ။ ကျနော်ဟာ တသက်လုံး အရက်သေစာ မသောက်စားခဲ့ဖူးပါဘူး ဤသစ္စာမှန်သောကြောင့် မနက်ဖြန်စီရင်ချက်ချတာမှာ ကွင်းလုံးကျွတ်လွတ်ပါရစေလို့ သစ္စာဆိုတာ”လို့ပြောတယ်။
ဘာမှမဟုတ်ပါဘူး နတ်မြင်းပျံဆိုလည်း ပျံလိုက်
နဂါးဆိုလည်း ဂါးလိုက်တွေ များသထက်များများလာတာတွေ့လို့ပါ။
နောက်မှပြောဦးမယ်ဗျာ။

(ရိုဟင်ဂျာမလေး နစီမာ)
ဖို့တ်ဝိန်းကို ဒုက္ခသည်လူဝင်မှုအဆင့်အတန်းနဲ့ရောက်လာကြတဲ့ ရိုဟင်ဂျာမိသားစုတိုင်းမှာ ရင်နာစရာအဖြစ်ဆိုးတွေ နာကျင်ကြေကွဲစိတ်ထိခိုက်စရာတွေ ကိုယ်စီပါလာကြတယ်။ (ကျနော်တို့လည်း ထို့နည်းတူပါပဲ) လွန်ခဲ့တဲ့ ၅ လကျော်လောက်က ၈ လသမီးအရွယ် ကလေးလေးတယောက်ကို ခါးထစ်ခွင်ချီလို့၊ အရောင်လွင့်အဆင်မပေါ်တော့တဲ့ ပါတိတ်ထမိန်ဟောင်းလေးကို ကျစ်ကျစ်ပါအောင်စည်းလို့၊ ကြွပ်ကြွပ်အိပ်လေးတလုံးကို လက်တဖက်ကလျော့တိလျောရဲဆွဲလို့၊ အားငယ်စိုးရွံ့မျက်လုံးအစုံနဲ့ လောကကိုကျီးကြည့်ကြောင်ကြည့် ကြည့်ရင်း လေဆိပ်ရိုးရိုးလှေကားပေါ်ကဆင်းချလာတဲ့ ရွက်ကြမ်းရည်ကျိုရုပ်ရည်နဲ့ ပိန်ပိန်ပါးပါးအသားညိုညို အသက် ၃ဝ ဝန်းကျင် မိခင်ငယ်တယောက်ကို ကျနော်တို့ဇနီးမောင်နှံ သွားကြိုခေါ်လာပြီး ပြန်လည်နေရာချထားရေးပရိုဂရမ်က လုပ်ပေးရမယ့်ကိစ္စမှန်သမျှ တခုမှအလစ်ဟင်းမရှိရအောင် လုပ်ပေးခဲ့ကြတယ်။ (ကျနော်က စေတနာ့ဝန်ထမ်းအနေနဲ့ဖြစ်ပါတယ်၊ အဲ့သလို လုပ်ခဲ့တဲ့စေတနာ့ဝန်ထမ်းအကြိမ်ပေါင်းဟာ ရာဂဏန်းနဲ့ချီနေပါပြီ။)
ခုတော့ အဲ့ဒီ ရိုဟင်ဂျာမလေးမှာ အားမန်နဲ့ခွန်အားသစ်တွေ၊ မျှော်လင့်ချက်နဲ့စိတ်ကူးတွေ၊ သူ့သမီးငယ်အတွက် အနာဂတ်ရောင်ခြည်တွေ လင်းလက်ယှက်သန်းနေပါပြီ။ သူ အလုပ် လုပ်နေပါပြီ။ သူ့ဝင်ငွေနဲ့သူ့ခြေထောက်ပေါ် သူရပ်တည်နေနိုင်ပါပြီ။ ဘယ်သူ့အမှီအခိုမှ မလိုတော့ပါ။ သိတ်မကြာခင်မှာ သူ့ခင်ပွန်းသည်လည်း ရောက်လာတော့မယ့်အကြောင်း မနေ့က သတင်းကောင်းသွားပါးတော့ သူ့မျက်ဝန်းအစုံမှာ မျက်ရည်တွေပြည့်လို့။ အကြိမ်ပေါင်းများစွာ မျက်တောင်ခပ်ရင်း ကျမလာအောင် မနည်းအားတင်းထိန်းနေတဲ့ကြားကပဲ မျက်ရည်ကြည်တွေ ပေါက်ကနဲပေါက်ကနဲကျလာတာမြင်တော့ ကျနော့်ဇနီး အသံတွေတုန်ပြီ။ သူပါ ရော မျက်ရည်လည်ပြီ။
ခနတဖြုတ်ထိုင် အားပေးစကားပြောပြီး ပြန်မယ်လုပ်တော့ ကျနော့်ဇနီးကို “ယောင်းမကို ဘယ်လိုကျေးဇူးတင်ရမှန်းတောင် မသိတော့ဘူး”လို့ပြောတော့ ဇနီးက “ရဘာဒယ်”လို့ အမေရိကန်အသံထွက်ဗမာစကားနဲ့ ပြန်ပြောတယ်။ သူရောက်ပြီး နောက်နေ့ 24 hours home visit သွားကတည်းက သူက ကျနော့်ကို “အကိုကြီး”တဲ့ ကျနော့်ဇနီးကိုကြ “ယောင်းမ” တဲ့။
အခုလာမယ့် ဇွန်လ ၂ဝ ရက်နေ့ ကမ္ဘာ့ဒုက္ခသည်များနေ့ World Refugee Day ကို Catholic Charities Refugee Department က ကျင်းပတဲ့အခါ ဒီရိုဟင်ဂျာမလေးတက်ပြီး သူ့ဘဝဇာတ်လမ်းအကျဉ်းချုပ်လေး ဗမာလိုပြောလိမ့်မယ်။ အင်္ဂလိပ်လို တယောက်ယောက်က ဘာသာပြန်ပေးရမယ်။ မိတ်ဆွေတို့လည်း စိတ်ဝင်စားရင်လာပြီးနားထောင်ကြည့်စေချင်ပါတယ်။ ထုံးစံအတိုင်း ဗမာ၊ အာဖရိကန်နဲ့ လက်တီနို.အကတွေ အတီးအမှုတ်တွေအပြင် အမေရိကန်စာ ဗမာစာနဲ့အာဖရိကန်စာတချို့လည်း အခမဲ့စားကြမြည်းကြတာပေါ့။
အဲ့ဒါပြီးတော့မှ သူ့ဘဝအကြောင်း သူ့ခွင့်ပြုချက်တောင်းပြီး ရေးမယ်လို့စိတ်ကူးထားပါတယ်။ ဇွန် ၉ ၂ဝ၁၅

(ဖိတ်တာလား တောက်တာလား)
အင်န်အယ်လ်ဒီဟာ ဒီမိုကရေစီရေးတပ်ဦးက အလံကိုင်အဖွဲ့အစည်းကြီးဖြစ်နေသေးတယ်ဆိုရင်
ဒေါ်စုဟာ
လူထုခေါင်းဆောင် ဒီမိုကရေစီခေါင်းဆောင် ဖြစ်နေသေးတယ်ဆိုရင်
ခုလို တွေ့ချင်တယ်ဆိုပြီး လူကြုံပါးတဆင့်ခံနှုတ်နဲ့ဖိတ်တာမျိုးမပြောနဲ့ ကိုယ့်ဘက်ကတောင် တွေ့ပါရစေလို့ မရမကတောင်းဆိုပြီးတွေ့ရမှာပဲ။
တွေ့လည်းတွေ့ခဲ့တာ အထင်အရှားရှိခဲ့တာပဲ။
ခုက အင်န်အယ်လ်ဒီဟာ နိုင်ငံရေးပါတီတခုပဲ။
ဒေါ်အောင်ဆန်းစုကြည်ဟာ အဲ့ဒီပါတီရဲ့ဥက္ကဌပဲ။
နိုင်ငံရေးပါတီတခုခုက ခုလိုမျိုး ဖိတ်တာမျိုးမပြောနဲ့ စာနဲ့ပေနဲ့တရားဝင်ထုတ်ပြီး ဖိတ်တယ်ဆိုရင်တောင် ဗကသလို လွတ်လပ်တဲ့ကျောင်းသားအဖွဲ့အစည်းမှာ သွားတက်ဖို့အခက်အခဲရှိတာ
သွားတက်ဖို့မဖြစ်နိုင်တာတွေရှိတယ်။
ဗကသအနေနဲ့မဟုတ်ပဲ ဗကသကိုကိုယ်စားပြုမှုမပါပဲ
ဗကသဝင်တွေ ကိုယ့်ဆန္ဒအလျှောက်သွားတွေ့တာကတော့ တပိုင်းပဲ။
ခု(ဖိတ်တယ်ပဲထားပါဦး) ကျနော့်အမြင်ပြောရင် လုပ်တဲ့ပုံစံက
ဖိတ်တယ်ဆိုတာထက် ဘာသံထွက်လာမလဲလို့ တောက်ကြည့်တဲ့သဘော တို့ကြည့်တဲ့သဘောပဲ။ ဇွန် ၇ ၂ဝ၁၅

(ငါးပိသံနဲ့ ဘိုလိုမှုတ်)
ကျနော်တို့ စကားပြန်တို့ ဘာသာပြန်တို့သာလုပ်နေတာ ကျနော်တို့ပြောတဲ့ အမေရိကန်အသံထွက်အင်္ဂလိပ်စကားက ဘယ့်နှယ်လို့ နေးတစ်ဗ်တွေလို ပီပါ့မလဲ။ ငါးပိသံဆားသံတွေ ကဲနေတာပေါ့။ ဝဲနေတာပေါ့။ ဒီကို ငယ်ငယ်ကလေးနဲ့ရောက်လာတဲ့ ဒါမှမဟုတ် ဒီမှာမွေးတဲ့ဗမာကလေးတွေပြောတဲ့အင်္ဂလိပ်စကားက လူသာမမြင်ရလို့ကတော့ တကယ့် အမေရိကန်တွေပြောတဲ့အတိုင်းပါပဲ။ လေယူလေသိမ်းရော ဝေါဟာရရွေးချယ်တာရော အစစအရာရာဆိုပါတော့။ ကျနော်တို့အင်္ဂလိပ်လိုပြောရင် သူတို့နားထဲ သိတ်အစပ်မတည့်လှသလို တခါတလေ သိတ်လည်း နားလည်ပုံမပေါ်ပါဘူး။
နားလည်တာမလည်တာ အစပ်တည့်တာမတည့်တာက ပြဿနာမဟုတ်ပါဘူး။ ဘာလို့လဲဆိုတော့ သူတို့ပြောတဲ့ဗမာစကားကလည်း ကျနော်တို့ပြောတဲ့ အင်္ဂလိပ်စကားလိုပဲမဟုတ်လား။ ဒါပေမယ့် လူတဖက်သားရဲ့အားနည်းချက်ကို လှောင်တာပြောင်တာသရော်တာဟာ မယဉ်ကျေးတဲ့အပြုအမူမှန်း က ကညစ်ပေမှာခြစ် အရွယ်ကတည်းက ခေါင်းထဲရိုက်သွင်းခံရတဲ့လူ့အဖွဲ့အစည်းမှာ ကျနော်တို့ရဲ့ ငါးပိသံဆားသံကို လှောင်မိသရော်မိတဲ့ ဗမာမိဘများကမွေးတဲ့ကလေး ၂ ယောက်အဖို့ အပြစ်ထက် အဖြစ်ပိုကြီးသွားတာလေး ပြောမယ်တွေးထားပါတယ်။
ပရိုက်ဗေစီလို့ဆိုတဲ့ တပါးသူ့အတွင်းရေး အပြင်မပေါက်ကြားအောင် ထိန်းသိမ်းပေးရမယ့်အခြေခံကနေ ပြောပါမယ်။ မနက်ဖြန်လောက်ပေါ့။
ဇွန် ၃ ၂ဝ၁၅

(ရိုဟင်ဂျာတွေနေတဲ့တိုင်းပြည်)
ဗမာပြည်ဘယ်နားမှန်းမသိပေမယ့် အောင်ဆန်းစုကြည်နေတဲ့တိုင်းပြည်လို့ပြောရင် “သြော်...သိပြီ သိပြီ” ဆိုတဲ့ခေတ်တခေတ် အမေရိကားမှာဖြစ်ခဲ့ဖူးတယ်။
ခုများမှာတော့ “ရိုဟင်ဂျာတွေနေတဲ့တိုင်းပြည်”လို့ပြောပြော “ဘာသာရေးအစွန်းရောက် အကြမ်းဖက်ဘုန်းကြီးတွေနေတဲ့တိုင်းပြည်” လို့ဆိုဆို သိသူများတဲ့ခေတ်ဖြစ်လာတယ်။
ရိုဟင်ဂျာကိစ္စကို ကျနော်တို့က စကားလုပ်ပြောရုံတင်မကဘူး အသံကျယ်နိုင်သမျှကျယ်အောင် ပြောရမှာပဲ။ ဒါဟာ လူတဦးတယောက်အပေါ်ကျူးလွန်တဲ့ သာမန်ရာဇဝတ်မှုမျှမဟုတ်ပဲ လူမျိုးတမျိုးပေါ် နှစ် ဆယ်နဲ့ချီပြီး စနစ်တကျသုတ်သင်သတ်ဖြတ်နေတဲ့ လူသားထုအပေါ် ကျူးလွန်တဲ့ရာဇဝတ်မှုကြီးဖြစ်နေလို့ပဲ။
လက်သည်ဟာ အစွန်းရောက်အမျိုးသားရေးအတွေးအခေါ်နဲ့ ဗမာလူမျိုးကြီးဝါဒကို ဘုံအကျိုးစီးပွားအဖြစ်အလံတင်ထားတဲ့ စစ်အာဏာရှင်စနစ်ဖြစ်နေလို့ပဲ။ ဒါဟာ အစွယ်အပွားပြဿနာမျှမဟုတ်ဘူး။
ကျနော်တို့ အချိန်ကုန်ခံသင့်တဲ့ကိစ္စဖြစ်တယ်။ လက်သည်ကို မျက်ချေမပြတ်ဖို့ သတိပြုရမယ်။ ဇွန် ၃ ၂ဝ၁၅

(လက်နဲ့ကန်တဲ့ဘော)
အသက် ၂ဝ အောက် ဘောလုံးကန်ပွဲမှာ ဗမာအသင်းကရှူံးပြီး အမေရိကန်အသင်းက နိုင်သွားတယ်လို့ ဇနီးကိုပြောတော့ ဘယ်တုန်းက ဘယ်မှာကန်တာလဲလို့မေးတယ်။ နူးဇီလန်မှာ ဟိုနေ့ကလို့ပြောတော့ သြော်..တဲ့။ ခနနေတော့ "ခြေထောက်နဲ့ချည်းပဲကန်တဲ့ Soccer မှာတောင် နိုင်တယ်ဆိုတော့ လက်ရောခြေရော တကိုယ်လုံးရောပါတဲ့ American Football သာဆို အမေရိကန်တွေ ဘယ်လောက် ဗိုလ်လုပ်လိုက်မလဲမသိဘူးနော်"တဲ့။ ဒီတခါ မ အင်းဘဲ "သြော်"လိုက်ရတာက ကျနော်။ မေ ၂ဝ၁၅

(ပူဒီနာနဲ့ဒီပဲယင်း)
ဒီပဲယင်း နိုင်ငံတော်နိုင်ငံရေးလုပ်ကြံမှု ၁၂ နှစ်မြောက် အကျဉ်းရုံးပွဲလေးသွားတော့ မိုးကစရွာပြီ။ ရာသီပဲအေးလို့လား နိုင်ငံရေးပဲသွေးမနွေးကြတော့လို့လားမပြောတတ် လာတဲ့လူက လက်ဆယ်ချောင်း မပြည့်တတ်ပြည့်တတ်။ ဒီပဲယင်းကိစ္စ လောလောလတ်လတ် ဦးတင်ဦးပြောတဲ့အကြောင်းလေး ပြန်ပြောပြတော့ ဒေါ်ညွန်ွှညွန့်က ကျမနားမထောင်ရသေးဘူးလို့ အစချီပြောရင်း ဒီပဲယင်းကိစ္စ နောက်ကြောင်းနည်းနည်းပြန် လက်ရှိ အမျိုးသားပြန်လည်သင့်မြတ်ရေးခေါင်းစဉ်အောက်က အကြမ်းဖက်မှုမှန်သမျှ ရာဇဝတ်မှုမှန်သမျှ ဇွတ်အတင်း တဘက်သတ်သင်ပုန်းချေပြနေရတဲ့ မျက်ရည်ရည်ခံထိုး နိုင်ငံရေးဘဝတွေအကြောင်းပြောဖြစ်ကြတယ်။ "အထဲမှာလည်း ဒီမှာလိုနေမှာပါပဲ ကိုမျိုးမြင့်ရယ်"ဆိုတဲ့ သူ့စကားက ရင်ဝကို လှံသွားမြမြနဲ့ ဇွပ်ကနဲဇွပ်ကနဲ ထိုးထိုးချခံနေရသူရဲ့ နာကျင်ကြေကွဲသံတွေစွက်ဖက်နေလေရဲ့။
အတွေးတွေ အနာအကျင်တွေနဲ့ အိမ်ပြန်ရောက်တော့ မိုးကတော့တိတ်ပြီ။ မြေတင်ရေနဲ့ မြက်ခင်းကစိုစိစိ။ ဒါနဲ့ အိမ်ရှေ့က သပျစ်ပင်တွေဘက် ပြူတင်းကနေလျမ်းကြည့်တော့ အသိုက်အမြုံလေးထဲက မွေးချင်းငှက်ပေါက်စတွေ တတီတီတတျာတျာနဲ့ အမေမျှော်နေကြလေရဲ့။ ခနနေတော့ အမေလာပြီး နှုတ်သီးနဲ့ကိုက်ချီရုံမက လည်ဇလုပ်ထဲမြိုထားတဲ့ အင်းဆက်ပိုးမွှားလေးတွေ အန်အန်ချပြီး တကောင်ချင်းစီကို အလှည့်မကျန်ရလေအောင် အစာခွံ့နေလေရဲ့။ ကြည့်ကောင်းကောင်းကြည့်နေတုန်း ဇနီးက "ဦးဦးဖျားဖျား စထရော်ဘယ်ရီမှည့်နေတာလေးတွေ သွားခူးလိုက်မယ် ပူဒီနာတွေလည်း နည်းနည်းညှပ်ဦးမှ"ဆိုပြီး အနားလာ လော တယ်။ သူ စထရော်ဘယ်ရီ သွားဆွတ်နေတုန်း ကျနော်က ပူဒီနာလေးတွေညှပ်တယ်။
ပူဒီနာဆိုလို့ ရီစရာပြောချင်လာတယ်။ တကယ်ဖြစ်ခဲ့တာပါ။ ကျနော်တို့ အတူနေစက တနေ့ သူက စမူဆာလုပ်နည်း ကျနော့်ညီမဆီကသင်လာပြီး လက်စွမ်းပြချင်တယ်။ အာလူး၊ မဆလာ ဘာညာတွေစပ်နေတုန်း ကျနော်က "ပူစီနံလေးနည်းနည်းထည့်ရင် ပိုမွှေးတယ်"လို့ပြောတော့ မျက်လုံးပြူးမျက်ဆန်ပြူးနဲ့ပြောရင်း"ဘာ..ပူစီနံ..."ဆိုပြီး စကားတန်းလန်းနဲ့ အူကြောင်ကြောင်ဖြစ်သွားတယ်။ ဒီတော့မှ ကျနော် သဘောပေါက်သွားပြီး"မဟုတ်ပါဘူး
ဒို့ဗမာပြည်သားတွေက ပူဒီနာကို ကိုယ့်အသံထွက်နဲ့ကိုယ် ပူစီနံလို့ခေါ်တာပါ"လို့ရှင်းပြတော့မှ "တော်သေးတာပေါ့"ဆိုပြီး မချိုမချဉ်မျက်နှာပေးနဲ့ စပ်ဖြဲဖြဲလုပ်နေတယ်။ တော်ပါသေးရဲ့ ကျနော်လည်း အချိန်မီလေး အလျှောက်ကောင်းလို့ နို့မို့ဆို "နင်က အစားအသောက်အကြောင်း အကောင်းပြောလည်း ညစ်တီးညစ်ပတ်တွေကပါသေး"ဆိုပြီး အကလိခံရဦးမှာ။
အဲ့ဒီကစ ကျနော်လည်း ဗမာဗမာချင်းပြောတောင် ပူစီနံလို့မပြောတော့ဘူး။ မေ ၃၁ ၂ဝ၁၅

(ဘာသာဖျက်တဲ့ကောင်)
ဟိုနေ့က မင်္ဂလာဆောင်တခုသွားရင်း အမေရိကန်မွေး/ကြီးတဲ့ အာဂျင်တီးနားတယောက်နဲ့ စကားလက်ဆုံတယ်။
သူ့အဖေက အာဂျင်တီးနားအာဏာရှင်ဆန့်ကျင်ရေးလုပ် ထောင် ၈ နှစ်ကျ၊ ထောင်ကလွတ်တော့ အိမ်နီးခြင်းနိုင်ငံကို ထွက်ပြေး။ ပြည်ပနိုင်ငံရေးကို ပြည်ပြေးဘဝနဲ့အကြာကြီးလုပ်။ ဟိုနိုင်ငံဒီနိုင်ငံတွေမှာ နိုင်ငံမဲ့ဘဝတလည်လည်နဲ့ နှစ်တွေအတန်ကြာပြီးမှ အမေရိကန်ကို နိုင်ငံရေးခိုလှုံခွင့်နဲ့ရောက်လာ။ ဒီရောက်တော့ ဘဝတူ ယုံကြည်ချက်တူ အာဂျင်တီးနားမလေးတယောက်နဲ့ အိမ်ထောင်ကျ။ သူ့ကိုမွေး။
သူက ဒီမှာ ဘွဲ့ရပြီးကတည်းက ကျောင်းဆရာလုပ် ခုတော့အထက်တန်းပြဆရာ။ စာဖတ်တယ်။
ပြောရင်း ဗမာပြည်က ဘာသာရေးအစွန်းရောက် အကြမ်းဖက်သတ်ဖြတ် လုယက်မှုတွေဆီရောက်လာတော့ ဂျပန်က ဥုံရှင်ကျူရီ၊ ဗမာပြည်က ၉၆၉ ဂိုဏ်း၊ မဘသဂိုဏ်း၊ သီရိလင်္ကာက Bodu Bala Sena (BBS or Buddhist Force Militia)တို့လို ဂိုဏ်းတွေကိုထောက်ပြပြီး “ကမ္ဘာပေါ်မှာ ခုဆို ဗုဒ္ဓဝါဒီအကြမ်းဖက်သမားတွေလည်း မနည်းတော့ဘူးနော်"လို့ မှတ်ချက်ချလေရဲ့။ မေ ၃၁ ၂ဝ၁


၂ဝ၁၅ မေအကုန်ဇွန်နဲ့ဇူလိုင်လတွေက တိုနန့်နန့်လေးတွေ ၃ (မျိုးမြင့်ချို)

0 comments
၂ဝ၁၅ မေအကုန်ဇွန်နဲ့ဇူလိုင်လတွေက တိုနန့်နန့်လေးတွေ ၃ (မျိုးမြင့်ချို)
(ဘောချစ်တွေမျိုးချစ်တော့)
ဘယ်သူနိုင်မယ်ရှူံးမယ်လည်း မပြောတတ်ပါ။ ဘောလုံး ဝါသနာ လုံးဝမပါပါ။ ဒါပေမယ့် ထိုင်းနဲ့ကန်လို့ ဗမာအသင်းနိုင်ခဲ့ရင် ထိုင်းက ဗမာအလုပ်သမားနင်းပြားတွေရဲ့ဘဝတော့ မတွေးဝံ့စရာပဲ။ ဘောလုံးရှူံးလို့ ရိုးရိုးဖြစ်တာမျိုး မဟုတ်ဘူး။ ပါးစပ်သရမ်းလက်သရမ်းမယ့်လူတွေကြောင့် ဖြစ်လာမယ့်အကျိုးဆက်မျိုးကိုဆိုလိုတာပါ။
အဲ့သလို လက် ပါးစပ်သွားသရမ်းရင် ရှူံးရတဲ့ကြားထဲ ရှူံးမဲ မဲမှာကတမျိုး မနိုင် နိုင်ရာလက်စားချေမှာကတမျိုးတွေနဲ့ သွေးပျက်စဖွယ်ကြောက်ခမန်းလိလိ အဖြစ်ဆိုးတွေကြားရမှာသေချာတယ်။ စင်္ကာပူက ပညာတတ်ဗမာဆိုသူတွေတောင် စင်္ကာပူကိုနိုင်တုန်းကလည်း တက်ထောင်မောင်းနင်းတွေပြောကြတယ် မဟုတ်လား။ စင်္ကာပူကဥပဒေအောက်မှာ လူတိုင်းအညီအမျှလိုလိုဆိုတော့ ပြန်ပြောတာ ပြန်နှိမ်တာလောက်ပဲရှိတယ်။ ဗီယက်နမ်ကိုနိုင်တော့လည်း သွေးကြွေးဆပ်လိုက်နိုင်ပြီလို့ လူရမ်းကားစကားတွေထွက်လာတယ်။
အားကစားပဲ သူ့ဟာသူ နိုင်ချင်နိုင် ရှူံးချင်ရှူံးမှာပေါ့။ လောင်းထားတာရှိလည်း ကြွေတလက်ကြက်တခုန်ပေါ့။ နိုင်လို့ပျော်တဲ့အရသာလည်း ခနပဲ။ ရှူံးလို့မှိုင်လည်း ခနပဲဟာ။ ပြီးတော့လည်း ကိုယ့်နေ့စဉ်လူမှုဘဝတွေထဲက စားဝတ်နေရေးတွေနဲ့ ပြန်လုံးလည်ချာလည် လိုက်ကြတာပဲမဟုတ်လား။ ဒီ ခနတာခံစားမှုလေးကို အမျိုးသားရေးတို့ ဘာရေးတို့ခေါင်းစဉ်တပ်ပြီး နိုင်ငံရေးလုပ်ချင်လည်း လုပ်ပေ့စေပေါ့။ စီးပွားရေးသမားတွေကတော့ အဲ့ဒါတွေပေါ်တည်ပြီး သိန်းသန်းချီ အမြတ်ကြီးမြတ်ကြတာပဲ မဟုတ်လား။ ဘောလုံးဟာ နိုင်ငံရေးသမားအတွက် နိုင်ငံရေး၊ စီးပွားရေးသမားအတွက် စီးပွားရေးဖြစ်နေတာ ဘယ်လောက်ကြာပြီလဲ။ အရှူံးအနိုင်ကို ရိုးရိုးမခံစားပဲ အမျိုးသားရေးတွေ ရာဇဝင်ကြွေးတွေ အငုံ့စိတ်နဲ့အလွဲမာနတွေကပ်ကပ်ပြီး သွေးနားထင်ရောက်ကြတော့ ခက်တယ်။
ထိုင်းက နဂိုကမှ လူမပြောနဲ့ သူတို့အိမ်မွေးခွေးလေး ခြေနဲ့သွားခတ်မိရုံနဲ့တင် ဗမာအိမ်စေမလေးကို လျှပ်စစ်မီးပူနဲ့ကပ် အက်ဆစ်နဲ့မျက်နှာကိုပက်တာမျိုး၊ လုပ်ခပိုတောင်းရကောင်းလားဆိုပြီး ရာဘာခြံကဗမာအလုပ်သမားကို လက်ပြန်ကြိုးတုပ်ပြီး အရှင်လတ်လတ် ကားတာယာကွင်းစွပ် မီးရှိူ့သတ်တာမျိုးမဟုတ်လား။
ကျနော်တော့ ရင်လေးတယ်။ အောင်ဇေယျတို့ ဝါးရင်းတုတ်တို့က ပြည်တွင်းကနေ လှမ်းသရမ်းတာ။ ခံရတော့ ဟိုက ဗမာပြည်သားတွေ။
ကျနော်တော့ စိတ်ပူတယ်။ တွေးရင်း ကျောချမ်းတယ်။ ဇွန် ၁၃ ၂ဝ၁၅(ရေလောင်သီး)
မနေ့နဲ့ တနေ့က ၂ နေ့လုံး မိုးစွေတယ်။ ညကဆို သည်းတောင်သည်းတယ်။ ဖားလက်တက်လို ကျော်စံကေးလိုအကောင်လေးတွေ အော်လိုက်ကြတာလည်း တညလုံးကို ကြွက်ကြွက်ကိုညံရော။ လေလည်း ပါတယ် မိုးတင်မကဘူး။ ကြက်သွန်ပေါင် လေကာတွေက ဟိုနေ့ကမှဖြုတ်လိုက်တာဆိုတော့ အင်း သူတို့ခမျာ မိုးနဲ့လေထဲ အတုန်းအရုန်း ကျဆုံးနေကြမလား၊ စထရော်ဘယ်ရီခင်းလေးဘက် သွားကြည့်ရမှာတောင် ဝန်လေးနေတယ်။ ၂ ရက်ဆက်တိုက်မိုးရွာလို့ မဆွတ်ဖြစ်တဲ့ ပင်မှည့် စထရော်ဘယ်ရီတွေလည်း ရေလောင်ပြီး ယော်ကုန်ကြရော့မယ်လို့တွေးပြီး ဆင်း ဆွတ်တော့ မဆိုးပါဘူး အတော်လေးတော့ကျန်သေးသားပဲ။ ဒါ ၄ ကြိမ်မြောက်ဆွတ်တာပဲ။ ဒုတိယအကြိမ်နဲ့ တတိယအကြိမ်က ဒီ့ထက်အများကြီးပိုများတယ်။ အိမ်လာသူတွေချကျွေး ဖျော်တိုက် လက်ဆောင်လေးဘာလေးလည်းပေး၊ ဦးဖေအောင်ဆို အခင်းဘေးတင် မြေကြီးပေါ်ဖင်ချထိုင်ပြီး ဘီယာမော့လိုက် စထရော်ဘယ်ရီအမှည့်တွေ ခေါင်းကောက်ရွေးဆွတ်စားလိုက်နဲ့။ ပြောသေးတယ် ဒါမှ တကယ့်သဘာဝဗျ တယ်ကောင်းဆိုပဲ။ သူပြောနေတုန်း ကြက်ဖကြီးက အနားလာတွန်တော့ အင်း..အမေရိကန်ကကြက်လည်း ဗမာပြည်ကလိုပဲတွန်တာပဲနောလို့ အရွှန်းဖေါက်သေးရဲ့။ ခု ရလိုက်သလောက်စထရော်ဘယ်ရီရဲ့ ၃ ပုံ တပုံလောက် ရေလောင်သီးတွေကတော့ ကြက်စာဖြစ်ကုန်တာပဲ။ ကြက်သွန်ဖြူ/နီတွေကြည့်တော့ တော်သေးတယ် ဘာမှ သိတ်မဖြစ်လိုက်ဘူး။ တပင်စနှစ်ပင်စလောက်ပဲ ခါးကျိုးတာရှိတယ်။ ကြက်သွန်ဖြူအမိတ် ဦးဇောက်ဆင်းတာကြည့်ရင်း ထူးထူးခြားခြား နှလုံးသားပုံ ဦးဇောက်ဆင်းတာလေးလည်းတွေ့ခဲ့တယ်။ ဇွန် ၁၃ ၂ဝ၁၅

(ကစ်ချင်န်းကက်ဘိနက်)
ဒေါ်စု ပါတီတည်ဆောက်နေတဲ့ပုံစံက သူမရှိတော့တဲ့နောက် အင်န်အယ်လ်ဒီပါ မရှိရတော့အောင် သေသေချာချာအကွက်ချစီမံနေသလိုပဲ။ ခု သူ ပစားပေးနေတဲ့သူတွေဟာ ထမိန်ခေါက် ဖိနပ်ကိုင် ထီးမိုး ထမင်းချိုင့်ဆွဲနဲ့ သူ့စိတ်သာယာမှုဖြည့်ဆည်းပေးမယ့်သူတွေချည်းလို့ အသံထွက်တယ်။ အဲ့လူတွေကို နိုင်ငံရေးတန်းအရ ဘယ်သူကမှ လူလူသူသူသူ မထားတဲ့သူတွေချည်းလိုလိုပဲတဲ့။ သူမရှိရင် ဘယ်သူကမှ အဲ့ဒီလူတွေကို နိုင်ငံရေးအရဆေးဖော်ကြောဖက်လုပ်ကြဖို့ မဖြစ်နိုင်ဘူး..တဲ့။ ကြည့်တော့ကြည့်ချင်သား မီလည်းမီချင်သား ဒေါ်စုမရှိတော့တဲ့အင်န်အယ်လ်ဒီနဲ့ ဇေယျာသော် ဖြိုးမင်းသိမ်း မိုက်ကယ်လ်မိုးမြင့်မိန်းမနဲ့ တင်မာအောင်တို့ဘဝတွေ။ ဇွန် ၁၁ ၂ဝ၁၅

(လာပါ လားမားလုပ်ချင်ပြီ)
တရုတ်ကို တဇောင်းစေးလုပ်ပြနေတုန်းက ဘုန်းတော်ကြီးဒလိုင်လားမားဟာ အမေရိကန်အတွက် အလွန်တန်ဖိုးကြီးတဲ့လာဘ်ကောင်ဖြစ်ခဲ့တာပဲ။ ဈေးခေါ်ကောင်းတဲ့ ဇီးကွက်ရုပ်ပဲ။ ပွဲထုတ်ရတာလည်း အမောပဲ။
နောက်ပိုင်း “တိဘက်ခြေကုပ် တရုတ်ဆန့်ကျင်ရေးလိုင်း” အလုပ်မဖြစ်တော့တဲ့အခါ ဘုန်းတော်ကြီးလည်း သိတ် ပွဲအထုတ်မခံရတော့ဘူး။ အလုပ်မဖြစ်တော့တာကလည်း ကမ္ဘာ့အခင်းအကျင်းကြီးတခုလုံး ပြောင်းသွားတာအပြင် အန်ကယ်လ်ဆမ် အထည်ကြီးပျက်သလိုလိုဖြစ်နေချိန်မှာ လူငယ်ခြေတက်စီးပွားရေသမားဖြစ်လာတဲ့တရုတ်ရဲ့ နိုင်ငံရေး၊ စစ်ရေး၊ သံတမန်ရေးနဲ့စီးပွားရေးရင်းနှီးမြှုတ်နှံမှုက ဒုကြီးထည်ကြီးဖြစ်လာလို့ပဲ။
တရုတ်သြဇာဖြန့်ကျက်မှုကြီးလာသလို တရုတ်ထီးရိပ်ခိုနိုင်ငံငယ်တွေ မှိုလိုပေါက်လာတာကြောင့်ပဲ။
နောက်တခုက တရုတ်ရဲ့ ၂၁ ရာစုပေါ်လစီပဲ။ သူ့ပေါ်လစီက ၂၁ ရာစုဟာ “ဖွံ့ဖြိုးရေးနဲ့ငြိမ်းချမ်းရေးရာစု”ဖြစ်တယ်လို့ဆိုတာပဲ။ ကမ္ဘာ့ပြဿနာတွေကို ငြိမ်းချမ်းအေးဆေးငြင်သာတဲ့နည်းနဲ့ ချဉ်းကပ်ဖြေရှင်းရေးပဲလို့ဆိုတယ်။ ကမ္ဘာ့နိုင်ငံတွေ ချမ်းသာဖွံ့ဖြိုးဖို့ပဲလို့ဆိုတာပါပဲ။ စစ်ဖြစ်နေတဲ့တိုင်းပြည်တွေကို လက်နက်ရောင်းတာမျိုး ပြည်တွင်းပဋိပက္ခတွေမှာ တဘက် ဘက်ကနေအပြတ်ဝင်ရပ် ကျားကန်ပေးတာမျိုးကိုရှောင်လာတာပဲ။ လက်တွေ့မှာ ဘယ့်အထိဖေါ်နိုင်မနိုင်ခနထား လူတိုင်း သည်းခြေခိုက်တဲ့ပေါ်လစီပဲ။ ဒါကလည်း တိန့်ရှောင်ဖိန်အမွေ ဆက်ခံလာမှုလို့ ဆိုရမယ်ထင်တယ်။
ဒီကိစ္စမှာ တခြားမကြည့်နဲ့ နှစ်ပေါင်းများစွာ ပါတီပါတီခြင်းဆက်ဆံရေး အလွန်ကောင်းခဲ့ရုံမက တရုတ်-ဗမာအရေးအခင်းအကြောင်းခံလို့ လက်နက်ငွေကြေးပါ ပုံအောထောက်ပံ့ခဲ့တဲ့ ဗမာပြည်ကွန်မြူနစ်ပါတီလို ပါတီကိုတောင် အထောက်အပံ့မှန်သမျှဖြတ်ချခဲ့တာပဲ။
ဆိုတော့ နိုင်ငံတချို့အဖို့ တရုတ်ကွန်မြူနစ်တွေကိုမကြိုက်ဦးတောင် စီးပွားရေးအရ မှီခိုလာရတော့ နိုင်ငံရေးမှာပါ နဂါးမျက်စောင်းအထိုးမခံနိုင်ကြတော့ဘူး။ နတ်နဲ့နဂါးမလှည့်စားနဲ့တို့ နဂါးမျက်စောင်းအကြောင်းသုံးပါမရွေးဘူးတို့ ဘယ်လိုပဲရှိရှိ တကယ့်လက်တွေ့ခေတ်ပြိုင်သမိုင်းမှာ တရုတ်ဟာ ကျူးကျော်နယ်ချဲ့သူဆိုတဲ့ အမည်းစက်ကင်းနေတာအမှန်ပဲ။ ဗီယက်နမ်နဲ့ကိစ္စကိုလည်း သေချာပြန်ဆန်းစစ်ကြည့်။ နယ်ချဲ့သမားလို့ပြောလို့ရတဲ့ အကြောင်းချက်လက်မတွေ့ရဘူး။
စစ်အေးကာလများတွေဆီက ဘုန်းတော်ကြီးဒလိုင်လားမားဟာ နဂါးမျက်စေ့ထဲစိုက်နေတဲ့ ဆူးပဲ။ နဂါးနှလုံးသားထဲ စူးဝင်နေတဲ့ မြားတစင်းပဲ။ အခြားနိုင်ငံတွေက တရုတ်ငြိုငြင်မှာစိုးပြီး ပြည်ဝင်ခွင့်ဗီဇာအငြင်းခံရတဲ့အကြိမ်ပေါင်းမှ နည်းလား။ အလားတူပဲ ဒေါ်စုဟာလည်း တရုတ်အတွက် ရတက်မအေးဖွယ်ရာ အနာဂတ်ဗမာပြည်ရဲ့ခေါင်းဆောင် ဖြစ်လာခဲ့ရင်ဆိုတဲ့အတွေးမျိုး အခိုင်အမာရှိခဲ့တာပဲ။
မိုင်သောင်းချီဝေးတဲ့အမေရိကန်ကတောင် ဗမာပြည်မှာ သူ့လိုလားတဲ့အစိုးရနဲ့ ခေါင်းဆောင်မျိုးလိုချင်သေးတာပဲ။ မိုင်ထောင်ချီနယ်နမိတ်ခြင်းထိစပ်နေတဲ့တရုတ်က သူအိမ်နီးခြင်းနိုင်ငံမှာ သူ့ဆန့်ကျင်တဲ့အစိုးရမျိုးခေါင်းဆောင်မျိုးဖြစ်လာမှာမကြိုက်တာကို နားလည်လို့ရနိုင်တာပဲ။ ဒါပေမယ့် (၉ဝ)ရွေးကောက်ပွဲပြီးပြီးခြင်း အောင်ပွဲခံအင်န်အယ်လ်ပါတီဌာနချုပ်ကို အဦးဆုံးလာပြီး နိုင်ငံရေးအသိအမှတ်ပြုခဲ့တာ တရုတ်သံအမတ်ကြီးပဲ။ ဒီအချိန်ကတည်းက သူ့မှာ တစုံတရာမျှော်လင့်ချက်နဲ့ ချဉ်းကပ်ခဲ့တာမှန်ပေမယ့် ဒေါ်စုအပေါ် ဒွိဟစိတ်ကတော့ ရှိနေခဲ့မှာသေချာတယ်။ သတိကြီးကြီးထားပြီး အဝင်အထွက်အဆက်အဆံနဲ့ အသွားအပြန် လုပ်နေခဲ့တာတွေလည်းရှိတယ်။
အခုခရီးစဉ်မှာ တရုတ်နိုင်ငံအကြီးအကဲတွေက (ပါတီခေါင်းဆောင်ခြင်းတွေ့ကြတာပါလို့ ဘယ်လိုပြောပြော) ဒေါ်စုကို နိုင်ငံတော်ဧည့်သည်သဖွယ် လက်ခံတွေ့ဆုံတယ်ဆိုကတည်းက ဒွိဟစိတ်လျော့လာတဲ့လက္ခဏာလို့ယူဆတယ်။ လက်ပန်းတောင်ကြေးနီစီမံကိန်းကြောင့် ဒေါ်စုကို ယုံကြည်မှတ်တိုးပေးတာ ခုလို ဖိတ်တာဆိုတဲ့အမြင်ကိုတော့ လက်ခံလို့မရဘူး။ ၂ဝ၁၅ မှာ အင်န်အယ်လ်ဒီနိုင်ပြီး အစိုးရများဖြစ်လာခဲ့ရင် မြစ်ဆုံပြန်စလို့ရတန်ကောင်းရဲ့ဆိုပြီး ဖိတ်တာပါကွာဆိုတဲ့ ခတ်နုတ်နုတ်ကောက်ချက်လည်း လက်ခံဖို့မဖြစ်နိုင်ဘူး။ ၂ဝ၁၅ အလွန် ဗမာ့နိုင်ငံရေးအရွေ့ကိုတွက်တာမှာ တရုတ် အဲ့သလောက်မညံ့ဘူး။ လက်ပန်းတောင်းတို့ မြစ်ဆုံတို့တို့တာ တရုတ်စီးပွားရေးကြီးနဲ့ယှဉ်ကြည့်တော့ သဲတပွင့်စာတောင်ရှိလှတာ မဟုတ်ဘူး။
ခုတော့ ကမ္ဘာ့နိုင်ငံရေး စီးပွားရေးအနေအထားနဲ့ အခင်းအကျင်းတွေ အလှည့်အပြောင်းဖြစ်ချိန် တကြော့ပြန်ဝင်လာပြီ။ အမေရိကန်ရဲ့နိုင်ငံခြားရေးပေါ်လစီဖိုးကပ်စ်ဟာ စစ်အေးပြီးကတည်းက အရှေ့ဥရောပတို့ အရှေ့အလယ်ပိုင်းတို့ကနေ အာရှ-ပစိဖိတ်ဒေသဘက် ခြေဦးလှည့်ချင်နေတာ။ အကြမ်းဖက်မှုတိုက်ဖျက်ရေးစစ်နွံထဲ နစ်နေလို့သာ မလှည့်အားတာ။ ခုတော့ လှည့်လာပြီ။ တရုတ်ကလည်း ကမ္ဘာ့ဒုတိယအကြီးဆုံးစီးပွားရေးကြီးဖြစ်လာပြီ။ အာရှပစိဖိတ်ဒေသကလည်း စီးပွားရေး လုပ်အကောင်းဆုံးဂွင်ကြီးဖြစ်လာပြီ။ တရုတ်နဲ့ ပတ်လည်နိုင်ငံတွေမှာလည်း နယ်မြေဆိုင်ရာ မီးပွားလေးတွေရှိနေပြီ။
ဒီလို အနေအထားမျိုးမှာ ဘုန်းတော်ကြီးဒလိုင်လားမားဟာ အန်ကယ်လ်ဆမ်အတွက် ဈေးခေါ်ကောင်းတဲ့ဇီးကွက်ရုပ်ဘဝကနေ စုတေစပြုပြီဖြစ်သလို တရုတ်အတွက်လည်း အရင်လို မျက်လုံးထဲကဆူး နှလုံးသားထဲကမြားအနေအထား သိတ်မဟုတ်တော့ဘူး။ တိဘက်အရေးဟာ ကြီးတဲ့ကိစ္စထဲမပါတော့ဘူး။
တခါ ကွန်မြူနစ်ဆန့်ကျင်ရေးအတွက် တပြားတချပ်မှမကုန်ပဲ အခါခါရခဲ့တဲ့စစ်အုပ်စုဟာ အမေရိကန်အတွက်တော့ ရွှေပဲ။ အခြေအနေတရပ်ကြောင့်သာ ငေါက်လားငန်းလား လုပ်ခဲ့ရပေမယ့် ခုတော့ ရွှေလမ်းငွေလမ်းပြန်ဖေါက်နိုင်ခဲ့ပြီ။ စစ်အုပ်စုဟာ ကွန်ုမြူနစ်ဆန့်ကျင်ရေးအတွက် အမေရိကန်အဖို့ လုံးဝစိတ်ချရတဲ့ အိပ်ထဲက တမတ်ပဲ။ ဒေါ်စုကြတော့ သေချာမချာ ဘယ်သူအာမခံနိုင်မလဲ။ ဆိုတော့ ခုသွားနေတဲ့အခင်းအကျင်းမှာ တရုတ်ရန်လုပ်ရေးအရင်းခံနဲ့ပေါင်းကြမယ့် အမေရိကန်-ဗမာ့စစ်အုပ်စုဆက်ဆံရေးနဲ့ နိုင်ငံရေးကစားပွဲမှာ ဒေါ်စုမပါလည်း စခန်းဆက်သွားလို့ရပြီလို့ အန်ကယ်လ်ဆမ်သိသွားပြီ။ ဒေါ်စုကကလည်း သူ့ကိုယ်သူ“ကျမ နိုင်ငံရေးသမား”လို့ဆိုကာ လူထုခေါင်းဆောင်ဘဝ ဒီမိုကရေစီခေါင်းဆောင်ဘဝကို အတိအလင်းခဝါချပြီး “လိမ္မာရင်ကိုယ့်အတွက်ချည်းပဲ” ပေါ်လစီ ပြောင်းကိုင်လိုက်ပြီမဟုတ်လား။
ဆိုတော့ ဘုန်းတော်ကြီးဒလိုင်လားမားလည်း ဘယ်နိုင်ငံဝင်ဝင် ပြည်ဝင်ရေးမှာ တရုတ်အငြိုအငြင်ခံစရာ သိတ်မလိုတော့ပြီ။ ဗမာပြည်ဝင်မယ်ဆိုတောင် ပြည်ဝင်ခွင့်ပေးလို့ရပြီ။ ဒေါ်စုလည်း တရုတ်ပြည်ဖိတ်လို့ရပြီ။
တကယ်တော့ မိမိကြမ္မာ မိမိဘာသာဖန်တီးရေးလို့ ဘယ်လိုပဲကြွေးကြော်ကြွေးကြော် နိုင်ငံငယ်တွေရဲ့ ကံကြမ္မာဟာ နိုင်ငံကြီးတွေရဲ့ကစားကွက်အောက်ကနေသာ ဖြစ်ထွန်းနေကြရတာပဲမဟုတ်လား။ ခုလည်း ဒီအတိုင်း စခန်းသွားနေတုန်းမဟုတ်လား။
ဇွန် ၁၁ ၂ဝ၁၅

(သိပ္ပံနည်းကျချင်သလား)
နေပါဦး ဘာလို့ ကိုယ်ယုံကြည်ရာဘာသာကို “သိပ္ပံနည်း”ကျချင်ရတာတုန်း။
ကိုးကွယ်ယုံကြည်မှုဆိုတာ “မဖြစ်နိုင်စရာမရှိ”ဆိုတဲ့အခြေခံကနေ ဖြစ်ရတာမဟုတ်လား။
ကိုးကွယ်ယုံကြည်မှုမှာ ပရောဖက်မိုဟာမက် ကောင်းကင်ခရီးသွားတာပဲဖြစ်ဖြစ်၊ မြတ်ဗုဒ္ဓ မယ်တော်မိနတ်သားကို တာဝတိံသာ သွားတရားသွားဟောတာဖြစ်ဖြစ်၊ သခင်ယေရှု ပြန်လည်ရှင်သန်ထမြောက်တာဖြစ်ဖြစ် အကုန်ဖြစ်နိုင်တာပဲမဟုတ်လား။
သိပ္ပံပညာဆိုတာ “မဖြစ်နိုင်ဘူးနဲ့တူတယ်”ဆိုတဲ့အခြေခံကနေ အကြောင်းခံတာမဟုတ်လား။
သိပ္ပံပညာမှာ ဘုရားသခင်က လူနဲ့တကွ အလုံးစုံသောစင်္ကြဝဠာကို ဖန်ဆင်းတယ်ဆိုတာ၊ ၃၁ ဘုံဆိုတာ၊ ကောင်းကင်ကျကျမ်းဆိုတာတွေအကုန် ဖြစ်နိုင်ပါ့မလားလို့ စတွေးတာမဟုတ်လား။
ကိုယ့် “မဖြစ်နိုင်စရာမရှိ”တွေကို “ဖြစ်နိုင်ပါ့မလား”ဆိုပြီး ဂွတိုက်နေတဲ့ကောင်တွေကိုများ မျက်နှာလုပ်လို့ “သိပ္ပံနည်းကျ ဘာ ဘာသာ၊ ဘာ ဘာသာ”ဆိုပြီး အတင်းလိုက် နသားပါယား လုပ်နေတာတော့ တဆိတ် လွန်လွန်းတယ်ထင်တာပဲ။
မှတ်ထား
“သိပ္ပံနည်းကျ”မှဆို
ခင်ဗျားဘုရား
တရားတောင်မရဘူး။ ဇွန် ၁ဝ ၂ဝ၁၅

(ဆပ်မကုန်နိုင်ကျေးဇူးများ)
ငယ်ငယ်ကတည်းက လယ်သမားတွေကို ကျေးဇူးရှင်ဘာညာနဲ့ပြောသံကြားတိုင်း ဘာလို့များပါလိမ့်လို့တွေးမိတယ်။ ဒါပေမယ့် မမေးတတ်တာရယ် ကြောက်တာရယ်နဲ့ပေါင်းပြီး မမေးမိခဲ့ဘူး။ မေးရမှာကြောက်တယ်ဆိုတာက ထစ်ကနဲရှိ “ကျေးဇူးရှင်ကို မပြစ်မှားနဲ့“ ဆိုတဲ့ခြိမ်းခြောက်ရန်ပြုသံကြီး အဆီးအတားမရှိ ထွက်တတ်လွန်းတဲ့လူ့အဖွဲ့အစည်းမဟုတ်လား။
အမေ့ဘက်က အမျိုးရင်းတချို့နဲ့ ရပ်ဆွေရပ်မျိုးတွေထဲမှာ လယ်သမားတွေမှ အများကြီးရယ်။ မဆလခေတ်မတိုင်မီက မြေရှင်အလတ်စားလောက် (အမေရိကန်အနေအထားနဲ့ “လယ်သမားလေးလို့” ခေါ်မယ်ထင်တယ်) တွေတောင် မနည်းဘူး။ ငယ်ငယ်လေးက သူတို့ဆီသွားလည်တိုင်း ပျော်တာပါပဲ။ မြို့နဲ့မှမတူတာကိုး။ ပျော်ရလို့ ကျေးဇူးတော့ တင်မိတာပါပဲ။
နောက်တခါ လယ်သမားကြီး ဦးသာအောင် စပါးစိုက်ကာပြည်ကျိုးဆောင်ဆိုတာကိုလည်း အလွတ်ကျက်ပြီး စာမေးပွဲမှာဖြေအောင်ခဲ့တာမှန်ပေမယ့် သိတ်နားမလည်တာ ခုချိန်ထိပဲ။
မဆလခေတ်ကဆို တာဝန်ကြေစပါးသွင်းတာ မပြည့်လို့ဆိုပြီး ကန်သင်းရိုးပေါ် နေလှန်းလား လှန်းရဲ့၊ လယ်ပြန်သိမ်းလား သိမ်းရဲ့၊ ဖမ်းလား ဖမ်းရဲ့၊ ထောင်ချလားချရဲ့၊ ဘဝဖျက်လား ဖျက်ရဲ့လုပ်ပေမယ့် လယ်သမားကို “ဦးကြီး”များလို့ အစည်းအဝေးတွေမှာခေါ်တာပါပဲ။ တခါတလေများ “ကျေးဇူးရှင် ဦးကြီးများ”ဆိုပြီးတောင် နာမဝိသေသနလေးကွန့်ပြီး အာလုပ်သံကြီးနဲ့ပြောကြသေးတာပဲ။
တနေ့တော့(၁၉ နှစ်သားလောက်လို့ထင်တယ်) လုပ်သားပြည်သူ့နေ့စဉ် သတင်းစာဆောင်းပါးတစောင်မှာ သစ်ထုတ်လုပ်ရေးကသစ်ဆွဲဆင်ကြီးတွေကို “ဆင်လုပ်သားကြီးများ”လို့ ရေးထားတာတွေ့လိုက်တော့မှ လယ်သမားတွေကို ဘာ့ကြောင့် “ကျေးဇူးရှင်”လို့ခေါ်ကြမှန်း သဘောပေါက်သွားတော့တာ။
ဆင်ကို ကုန်ထုတ်လုပ်ရေးမှာသုံးတယ်ဆို အဲ့ဒီဆင်ဟာ ဖြစ်ခြင်းဖြစ် ကုန်လုပ်ကိရိယာပဲဖြစ်ရမယ် မဟုတ်လား။ နည်းနည်းချဲ့ချင်ရင် “သက်ရှိ ကုန်လုပ်ကိရိယာ“လို့သာ ခေါ်ထိုက်တယ်မဟုတ်လား။ ဆင်လုပ်သားကြီးများလို့ တင်စားခေါ်ပြီး ဆင်ကို မဝရေစာကျွေး ချွန်းနဲ့ပေါက် ဦးကင်းကို ဓားမြာင်နဲ့ထိုးကြက်သားသိပ် နံပါးကိုလှံနဲ့ထိုးဆွကြပြီး မသေမချင်းခိုင်းကြတယ် မဟုတ်လား။ ဒါပေမယ့် သူတို့လည်း “လုပ်သား”အမည်တပ်ကြတာပဲ မဟုတ်လား။
ဗမာပြည်က လယ်သမားတွေဘဝကရော သစ်ထုပ်လုပ်ရေးကဆင်တွေနဲ့ ဘာထူးလဲ။ ခုခေတ်မှာဆို ပိုတောင်ဆိုးသေးတာပဲ။ ဓားမဦးချလက်ငုတ်လယ်လေး စစ်တပ်ကသိမ်း ခရိုနီကသိမ်း၊ ပြီးတော့ ကိုယ့်လယ်မှာ ကိုယ်ပြန်လယ်ကူလီလုပ်ရတဲ့ဘဝ၊ အကြားလှအောင် သီးစားချတယ်ဆိုသေးတာပဲ။ မတရားသဖြင့် လယ်သိမ်းခံရလို့ထွက်ဆန္ဒပြတော့ ဖမ်းချုပ် ထောင်ချ ပစ်သတ်တွေကလည်း ဒုနဲ့ဒေး။ ဒါပေမယ့်လည်း ကျေးဇူးရှင် နေရာမှာတော့ တင်ထားနေတာပါပဲ။
ကျနော်တို့တွေးရမှာက ဗမာပြည်သားတွေဆန်စားလို့ စပါးစိုက်သူကို ကျေးဇူးရှင်ခေါ်ရမယ်ဆိုတာ မဟုတ်သေးဘူးဆိုတာပဲ။ လယ်သမား စပါးစိုက်တာ သူ့အသက်မွေးမှုဖြစ်သလို စက်ရုံမှာ လူတယောက် အလုပ်လုပ်တာလည်း သူ့အသက်မွေးမှုပဲ။ အလားတူပဲ ရုံးဝန်ထမ်း ရုံးအလုပ်လုပ်တာ၊ စစ်သား စစ်တိုက်တာ၊ ဘုန်းကြီး ဆွမ်းခံစားတာတွေလည်း ကိုယ့်အလုပ် ကိုယ်လုပ်နေကြတာပဲ မဟုတ်လား။ ကိုယ့်အသက်မွေးမှု ကိုယ်ပြုနေကြတာပဲ မဟုတ်လား။ ကိုယ့်အသက်မွေးမှုကိုယ်ပြုနေတာကို ကျနော်တို့က ဘာကိစ္စ “ကျေးဇူးရှင်”ခေါ်ရမှာတုန်း။ သူတို့စိုက်လို့ စားနေရတာဆိုတဲ့ ပေါက်ပန်းသေးလောဂျစ်လောက်နဲ့တော့ ဆင်ခြေပေးလို့မရဘူး မှတ်တာပဲ။ လူဟာ မိမိ အသက်မွေးမှုနယ်ပယ်မှာ ကျွမ်းကျင်အောင်အားထုတ်ဖို့နဲ့ စေတနာကောင်းထားပြီးလုပ်ဖို့သာ အဓိကမဟုတ်လား။ ခက်တာက ကျန်တဲ့ အသက်မွေးဝမ်းကြောင်းပြုသူတွေကြတော့ ကျေးဇူးရှင်စာရင်းမဝင်ပဲ စစ်သား၊ ဘုန်းကြီးနဲ့ လယ်သမားမှ ကွက်ပြီး ကျေးဇူးရှင်စာရင်းသွင်းထားတာရော ဆန်းတယ်မထင်ဘူးလား။
ကျေးဇူးရှင်အခေါ်ခံရတာခြင်းအတူတူ စစ်သားနဲ့ဘုန်းကြီးက လယ်သမားလို ဘယ်ကုန်ထုပ်လုပ်ငန်းမှာမှလည်းမပါ တိုင်းပြည်အတွက် ဘာဝင်ငွေမှလည်းရှာမပေး ဘာအခွန်မှလည်းမဆောင်တဲ့နိုင်ငံ့ဝန်ထုံ့ဝန်ပိုကြီးတွေက လူထုနဲ့တိုင်းပြည်ဂုတ်ခွစီးထားပြီး အနေအစားချောင်သလောက် တိုင်းပြည့်ပုံရိပ် လူမျိုးပုံရိပ် ဘာသာပုံရိပ်စတာတွေကို တရားဝင်ဖျက်ဆီးခွင့်ရနေပြီး လယ်သမားတွေကြ ဖိနှိပ်မှုမခံနိုင်တော့တဲ့အဆုံး ကိုယ့်ကိုယ်ကို မီးရှိူ့သတ်သေပြရတဲ့ဘဝရောက်မှတော့ ဒီတိုင်းပြည်မျိုး ကောင်းနိုင်စရာရှိပါဦးမလား။
ဇွန် ၁ဝ ၂ဝ၁၅


၂ဝ၁၅ မေအကုန်ဇွန်နဲ့ဇူလိုင်လတွေက တိုနန့်နန့်လေးတွေ ၄ (မျိုးမြင့်ချို)

0 comments
၂ဝ၁၅ မေအကုန်ဇွန်နဲ့ဇူလိုင်လတွေက တိုနန့်နန့်လေးတွေ ၄ (မျိုးမြင့်ချို)

(ရဲ စားတဲ့ဘိန်းမှာ သဒ္ဒတွေပါတယ်)
တနေ့လောက်တော့ ကျနော် စစ်သားဘဝတုန်းက မိုးမိတ်က ဘိန်းခန်းမှာ ဘိန်းသွားစမ်းရှူဖူးတဲ့အကြောင်း ပြောပြဦးမယ်။ တယောက်တည်းတော့မဟုတ်ဘူး။ ရဲကင်းက ရဲတပ်ကြပ်အိုကြီးတယောက်နဲ့အတူပေါ့။ သူက ရဲ။ ရဲမှ (သူ့ကိုယ်သူပြောတာ) ပြည်သူ့ရဲတဲ့။ ပြည်သူတွေ စေတနာရှိလို့ပေးရင်ကျွေးရင် ယူတယ်စားတယ်တဲ့။ “တာကော...ဆရာကြီးက ရဲနော်။ ရဲမှပြည်သူ့ရဲ့။ ပြည်သူ မသဒ္ဓါရင် ရေတခွက်တောင် တောင်းမသောက်ဘူး။ ခုလည်း ဘိန်းရှူဖို့သာလာတာ တာကော မသဒ္ဓါရင် တလုံးတောင်မရှူဘူး။ သဒ္ဓါရော သဒ္ဓါရဲ့လား။ သဒ္ဓါမှလုပ်နော်”ဆိုတာက ညနေတိုင်း ဘိန်းခန်းသွားတိုင်း သူပြောနေကြစကား။
ဘိန်းခန်းရှင် တာကောကြီးကလည်း “ရပါတယ် ဆရာကြီးရဲ့ သဒ္ဓါပါတယ်”ဆိုရင် “အေး..ဒါဆို နောက်တပြောင်း နောက်တပြောင်း”နဲ့ အစွပ်မပါ ဂျီးဝပြီးပြောင်နေတဲ့ခေါင်းအုံးလေးပေါ်မှာ မျက်စေ့တွေစင်းသွားတဲ့အထိမှိန်းရင်း၊ အခန်းထောင့်ကြမ်းပြင်ပေါ်က အသေကောင်တွေလို အပုံလိုက်အပုံလိုက် အိမ်မြောင်တွေအကုန်လှုပ်ရွလာကြပြီး မျက်နှာကျက်ပေါ်တက်ကပ်ကာ ဆရာကြီးပြောင်းကထွက်လာတဲ့ ဘိန်းငွေ့တွေကြား ယစ်မူးငြိမ့်ငြောင်းပြန်ငြိမ်သက်ကုန်တဲ့အထိ စည်းဇိမ်ကျရင်းနဲ့ပေါ့။
ကျနော်ကတော့ ပြည်သူ့ရဲမဟုတ်တော့ ဘိန်းတလုံး(ရွေးစေ့ ၃ စေ့စာလောက်ကို) ၅ ကျပ် ၅ ကျပ်နဲ့ တနေ့တနေ့ နှစ်ဆယ်အစိတ်ကုန်တာပါပဲ။ ၆ ရက်လောက်ရှိတော့ မသွားတော့ဖို့ ယတိပြတ်ဆုံးဖြတ်လိုက်ရတယ်။ ငွေကြောင့်တော့ မဟုတ်ပါ။ ကောင်းလွန်းလို့ အတောမသတ်နိုင်မှာစိုးတာပါပဲ။ တော်သေးတယ် စိတ်အလိုကို အနိုင်မပေးခဲ့လို့။ နို့မို့ဆို ဟိုပြည်သူ့ရဲ့အကြပ်အိုကြီးလို ဘိန်းစားဘဝနဲ့ နိဌိတံမှာ။ သူ ဘိန်းကြောင့်ပဲ အရစ်ပြုတ် ထောင်ကျ ဘဝပျက် ထောင်ထဲတင်ဆုံးသွားရှာတယ်။ ဇွန် ၁၈ ၂ဝ၁၅



(လူအိုရုံပို့တာ)
ဟိုနေ့ကလည်း ဗမာပြည်သားမိတ်ဆွေတယောက်နဲ့ သူ့မဖိဘများကို လူအိုရုံ (ဒီမှာခေါ်တော့ Nursing Home) သွားရေးကိစ္စဆွေးနွေးကြတယ်။ သူ့စိတ်ထဲ အဖေအမေကို လူအိုရုံသွားနေခိုင်းရမှာ တကယ့်အရင်းခံ ခံစားမှုနဲ့ လိပ်ပြာပဲမသန့်သလိုလိ စိတ်မလုံသလိုလို၊ ပတ်ဝန်းကျင်ကဲ့ရဲ့ခံရမှာကိုပဲ တွေးကြောက်နေသလိုလိုနဲ့ ဆုံးဖြတ်ချက်ချရေးမှာ နှောင့်နှေးနေတယ်။
သူလည်း ကျနော့်နည်းတူပဲ မိဘဝတ်တို့ သားသမီးဝတ်တို့ ဘာဝတ်တို့ညာဝတ်တို့ ပဒေသရာဇ်စနစ်ရဲ့ မြှောက်ထိုးပင့်ကော်လောကနီတိတွေနဲ့အသားကြလာတဲ့ လူ့အဖွဲ့အစည်းမှာ မွေးဖွားကြီးပြင်းခဲ့သူမဟုတ်လား။ သုဝဏ္ဏသျှံကို အထွဋ်အတင်းတပ်တဲ့လူ့အသိုင်းမှာ ခေါင်းအကိုင်ခံရသူမဟုတ်လား။ နောက်တချက်က မိမိကိုယ်ပိုင်ဆုံးဖြတ်ချက်ခံစားချက်ထက် ပတ်ဝန်းကျင်အကဲဖြတ်ချက်ကို ပိုအလေးထားတတ်တဲ့ဉာဉ်မျိုး မပေါက်ပေါက်အောင် သင်ကြားခြင်းခံခဲ့ရသူတွေ မဟုတ်လား။ အရေးအကြီးဆုံးက အခွန်သာကောက်ပြီး လူအိုလူမင်းတွေအပေါ် ဘာတာဝန်ယူမှုမှ မရှိတဲ့အခါ မိဘမေတ္တာကို ပိုကြီးကြီးပေးရတဲ့နိုင်ငံတွေက လာခဲ့ကြသူကိုး။
ဒါနဲ့ပြောလိုက်တယ် "ဗမာပြည်ရဲ့ပြဿနာက အမိအဖ လူအိုလူမင်းတွေကိုပို့စရာ လူအိုရုံမရှိတာဗျ။ သက်ကြီးရွယ်အိုတွေကို အစိုးရတာဝန်ယူမှ ဘာမှမရှိတာဗျ။ အမေရိကန်ရောက် ဗမာတွေရဲ့ပြဿနာက အမိအဖလူအိုလူမင်းတွေကို တာဝန်ယူမှုရှိတဲ့ ကျေပွန်တဲ့လူအိုရုံပို့တာကို ပြဿနာလုပ်နေကြတာဗျ။ ဒီမှာ လူအိုလူမင်းတွေအတွက် တိုင်းပြည်က တာဝန်ယူနေတာလေဗျာ။ ခင်ဗျားအိုတဲ့အခါလည်း အဲ့သလိုပဲပေါ့ဗျ။ ခင်ဗျားကိုပြောနေသူတွေကို ပြန်ကြည့်ဗျာ။ ဘဝရဲ့နောက်ဆုံးအချိန်တွေမှာ သူတို့လည်း ခုခင်ဗျားမိဘများလိုပဲ နိဌိတံရမှာပဲလေ။ ဒါ ဝမ်းနည်းစရာမဟုတ်သလို သားသမီးဝတ် မကျေပွန်ဘူးလို့ယိုးစွပ်စရာ ဘာအကြောင်းမှ မရှိဘူးဗျ။ ခင်ဗျား မိဘတွေကို ခင်ဗျားအတူနေ ခြေဆုပ်လက်နယ်ပြု အချိန်ပြည့်ဂရုစိုက် ဆေးတိုက်ချိန်စက္ကန့်မလွတ်၊ ဆေးထုတ်ချိန် ဆေးခန်းပြချိန် ဆေးရုံခေါ်ချိန်တွေ နောက်မကျစေရ၊ ထမင်းဟင်းခွံ့ကျွေး ကျင်ကြီးကျင်ငယ်စွန့် သန့်ရှင်းရေးလုပ်၊ ရေမိုးချိုး အဝတ်အစားလဲ ပြောရရင်အများကြီးဗျာ အသေးစိတ်တွေ။ အဲ့ဒါတွေအကုန် ခင်ဗျားမှာ လုပ်ပေးချင်လို့သေပေ့စေ ခင်ဗျားလုပ်ပေးလို့ မရဘူးဗျ။ ဘယ်သူမှလည်း လာလုပ်မပေးနိုင်ဘူး။ ဒါ အမေရိကန်ဗျ။ ခင်ဗျားအိမ်လခ မီးခ တယ်လီဖုန်း ကားပေးမင်န့် ဟိုပေးမင်န့်ဒီပေးမင်န့်တွေ လစဉ်ပေးရမှာလေ။ အဲ့ဒါတွေအတွက် ဘယ်သူက လာပူမှာတုန်း။ လာပေးမှာတုန်း။ ခင်ဗျား အလုပ် လုပ်ရမှာပဲ၊ ဝင်ငွေရှာရမှာပဲ။ ခင်ဗျားမိဘတွေကို ခင်ဗျား ၂၄ နာရီ ထိုင်ပြုစုနေချိန်မှာ တယောက်ယောက်က (အထူးသဖြင့် ခင်ဗျားကို ကဲ့ရဲ့တင်းဖျင်းစကား ဆိုနေသူတွေထဲက) တယောက်ယောက်က အဲ့ဒီပေးမင်န့်တွေ ပေးပေးမယ်ဆိုရင်တော့ ကောင်းတာပေါ့ဗျာ။
ဆိုတော့ သူတို့လည်း လာလုပ်မပေးနိုင်၊ ကိုယ်လည်း လုပ်ပေးချင်ရဲ့နဲ့လုပ်ပေးလို့မရ၊ လူအိုရုံမှာကမှ ဆေးချိန်တန်ဆေး အစားချိန်အစား အိပ်ချိန်တန်အိပ်နဲ့ ပိုအနေအစား မှန်မှာလေ။ နောက်တချက်က ခင်ဗျားကို အဲ့လို ကဲ့ရဲ့တင်းဖျင်းစကားဆိုနေသူက ခင်ဗျားကိုပြစ်တင်လိုတာထက် သူတို့ဟာ သားသမီးဝတ်ကျေပွန်သူတွေပါလို့ ပတ်ဝန်းကျင်ရဲ့အထင်ခံချင်စိတ် ပိုကဲနေတတ်တဲ့သဘာဝကိုလည်း ခင်ဗျား နားလည်စာနာပေးလိုက်ပါဗျ။ ဆိုတော့ ခင်ဗျားအဖေကို သေချာပြောပြရှင်းပြပါ အခြေအနေတွေကို။ လုပ်စရာရှိလည်း လုပ်ပါဗျာ။ တချိန်ကြ ခင်ဗျားလည်း အဲ့ဒီကိုသွားပြီး အဲ့ဒီမှာသေမှာပါဗျ။ ခင်ဗျားကိုပြောနေကြသူတွေလည်း ခင်ဗျားအဖေလိုကံကြမ္မာမျိုး အနည်းနဲ့အများကြုံရမှာပါဗျ။ လုပ်စရာရှိတာ စိတ်သန့်သန့် လိပ်ပြာလုံလုံနဲ့ လုပ်ပါဗျ။ ပြောပေ့စေ့ဗျာ လူပဲဟာာ။ ခင်ဗျားလည်း သူများအကြောင်းပြောနေတာပဲမဟုတ်လား။ သူများလည်း ခင်ဗျားအကြောင်း ပြောပေ့စေပေါ့ဗျာ။ လွှတ်သာထားလိုက်။ လူပဲဟာ ကိုယ်ကောင်းကြောင်း သူများမကောင်းကြောင်းပြောတတ်သမို့လား။ တခုပဲ တတ်နိုင်သမျှတော့ ခင်ဗျားမိဖများကို သွားသွားတွေ့ လိုအပ်တာရှိလုပ်ပေး။ အနည်းဆုံးသူနဲ့ မကြာမကြာ စကားသွားသွားပြောဗျာ။ မပြောချင်တောင် သူပြောချင်ရာပြောနေတာတွေ သွားနားထောင်ဗျ။ တခုပဲ စိတ်ပါလက်ပါသာ နားထောင်ဗျာ။ လူဟာ ဘဝရဲ့နောက်ဆုံးအချိန်တွေမှာ ပြောစရာပိုများတတ်ကြတယ်မဟုတ်လား။ အသက်ကြီးသူတွေဆို ပြောစရာများလှတယ်ဗျ"ဆိုတော့
သူ မျက်လုံးပြူးမျက်ဆန်ပြူးနဲ့
"ဟုတ်ကဲ့ ဟုတ်ကဲ့"တဲ့။
မခက်ဘူးလား။ ဇွန် ၁၇ ၂ဝ၁၅

(ကိုယ့်ကြတော့လိုချင်ပြီး)
ခုနက ဗမာပြည်သားမိတ်ဆွေတယောက်ရဲ့ အလုပ်ကိစ္စအတွက်လိုက်သွားပေးရင်း ကိစ္စပြီးတော့ အလ္လာပသလ္လာပပြောရင်း သူက "ဗမာပြည်ဖွားမိဘတွေလည်း ပြဿနာနော်အကို။ အမေရိကန်မွေး အမေရိကန်မှာလူဖြစ်ရတဲ့သူတို့သားသမီးတွေကို ဇွတ်အတင်း ဗမာဇာတ်သွင်းတာမရတော့ စိတ်နောက်ဗျာပွေနဲ့ ယဉ်ကျေးမှုသွေးပျက်ရင်း ယူကြုံးမရ အပူလုံးကြွဖြစ်နေကြတယ်"တဲ့။
ကျနော်ကတော့ အဲ့သလိုမတွေးတဲ့ကျနော့်အမြင်ကို ခုလိုပြန်ပြောဖြစ်တယ်။ "ခင်ဗျားတို့ကျနော်တို့ အမေရိကန်လိုလူ့အခွင့်အရေးလိုချင်လွန်းလို့ တောင်းရင်းတိုက်ရင်း ဒီအထိရောက်လာကြပြီဗျာ။ ကိုယ်လိုချင်တဲ့လူ့အခွင့်အရေးကို ကိုယ့်သားသမီးကို မပေးချင်တာက ပြဿနာရဲ့သော့ချက်ဗျ။ ကိုယ့်ကလေးကို ဘယ်လိုကြီးစေ့ချင်သလဲဆိုတာထက် ကိုယ်က ဘယ်လူ့အစုအစည်းမှာဖြစ်တည်နေသလဲကို အရင်တွေးရမှာဗျ။ ဒီလာပြီး ဗမာ့ယဉ်ကျေးမှု ဗမာ့ယဉ်ကျေးမှုနဲ့ပါးစပ်က အမြှုတ်ထွက်အောင်ကြုံးဝါးနေဦးတောင် ကိုယ့်သားသမီးလေးတွေက အခမ်းအနားအထိမ်းအမှတ်နဲ့ ဘုန်းကြီးကျောင်းလိုဟာမျိုး သွားတဲ့အခါလောက် ထမိန်လေးပုဆိုးလေး ပုံမကျပန်းမကျဝတ်ပေးတယ်ဆိုရင်ပဲ ကလေးတွေကို ကျေးဇူးတင်စရာကောင်းလှပြီ။ ဝမ်းသာဖို့သင့်လှပြီ။ မဝတ်လို့လည်း ခင်ဗျား ဘာမှ သွားမပြောသင့်ဘူးလေ။ ဖြစ်နေတဲ့ကိစ္စက ကိုယ်လိုချင်တဲ့လူ့အခွင့်အရေးကို ကိုယ့်သားသမီးကိုမပေးချင်တာမှာ အခြေခံတာဗျ။ ဘာ ယဉ်ကျေးမှု မယဉ်ကျေးမှုပြဿနာလည်းမဟုတ်သလို ဘာစိတ်နောက်ဗျာပွေမှလည်း ဖြစ်နေစရာမလိုဘူးထင်တယ်ဗျ"လို့ပြောမိတော့ သူပါ "ဟင်"နဲဖြစ်သွားခဲ့။ ဇွန် ၁၇ ၂ဝ၁၅

(ကျေးဇူးကလည်း တော်နိုင်လွန်းလှ)
ကျနော်တို့ အမေရိကန်ရောက် နိုင်ငံတကာဒုက္ခသည်များ တပတ်လောက်ကြာတဲ့တွေ့ဆုံပွဲတွေလုပ်ကြတော့ ပြည်နယ် ၅ဝ ထဲက တပြည်နယ်ရဲ့ကိုယ်စားလှယ် ဗမာပြည်သားကောင်မလေးတယောက် ပါလာတယ်။
အင်္ဂလိပ်စကားတတ်လို့ ပြည်နယ်ဒုက္ခသည်ကိုယ်စားလှယ်ဆိုပေမယ့် ဒုက္ခသည်ဘဝဆိုတာ ဘာမှန်းမှမသိပဲ ဒုက္ခသည်လူဝင်မှုအနေအထားနဲ့ ဒီရောက်လာသူပဲ။
မနက်တိုင်း မနက်စာဆောင်မှာ စကားပြောကြရင်"ဘုရားသခင်ကျေးဇူးတော်ကြောင့်" လို့ပြောပြီး စကားတွေဖေါင်ဖွဲ့တယ်။
နေ့လည်စာ စားချိန်ကြတော့လည်း "ဘုရားခင်ကျေးဇူးတော်ကြောင့်" လို့ဆိုပြီး အားပါးတရ စားတယ်။
ညစာစားချိန်ကြတော့လည်း "ဘုရားသခင်ကျေးဇူးတော်ကြာင့်" ဆိုပြီး ဝိုင်တွေပါ မူးအောင်သောက်တယ်။
ဘုရားသခင်ကျေးဇူးတော်ကိုချီးမွမ်းတိုင်း ချီးမွမ်းတိုင်း ရင်ဘတ်ဘယ်ညာအစုံနဲ့ နဖူးကိုလည်း တလေးတစားထိတာပဲ။ ခေါင်းလေးတောင် ညွှတ်လို့။
မနက်ဖြန်ပြန်ရမယ့်ည နှုတ်ဆက်ကြတော့ ယစ်ကလေးထွေထွေနဲ့ အမေရိကားကို အာဖရိကနိုင်ငံတနိုင်ငံက ဒုက္ခသည်အဖြစ်ရောက်လာတဲ့ လူမည်းအမျိုးသားတယောက်နဲ့ ခွဲရမှာ သည်းမြညှာရယ်တွေ ဖြစ်တော့တာပဲ။
အမှန်က ဘာမှ မဆန်းဘူး။ သူလည်း သာယာချင်သာယာမှာပါ။ လူပဲလေ။ သူ့လောက် အူရိုင်းမပြောနဲ့ အမေရိကန်အမှိုက်ဖြူ White Trash တချို့တောင် အမည်းဆီတခါသွား တသက်လုံးပြန်မလာပေါင် Once go to black never come back လို့တောင် ဆိုရိုးရှိသမို့ မဟုတ်လား။
ဒါပေမယ့်သူကတော့ ဘာသာတရားကိုင်းရှိူင်းသူမို့ထင်တယ် "ဘုရားသခင့် ကျေးဇူးတော်ကြောင့်"လို့ ချီးမွမ်းရှာတယ်။ ဇွန် ၁၅ ၂ဝ၁၅

(ငြိမ်းချမ်းရေး ၂ သီးစား)
စစ်အုပ်စုဆီသွားပြီး သေနတ်နဲ့ ဟိုဟာဒီဟာနဲ့လဲတာကို တချို့ကတော့ အပစ်အခတ်ရပ်စဲရေးလို့ပြောပြီး တချို့ကကြ ငြိမ်းချမ်းရေးဆိုတဲ့အထိတောင်ပြောတာပါပဲ။ ထားပါတော့ ငြိမ်းချမ်းရေးလို့ပဲ။
အဲ့ဒီ ငြိမ်းချမ်းရေးဆိုတာကိုပဲ နှစ်သီးစား သုံးသီးစား စားနေသူတွေလည်း မြင်နေရတာပါပဲ။ ဗမာပြည်မှာ ကျန်တဲ့ကောက်ပဲသီးနှံတွေသာ ဘယ်နှသီးစားစိုက်ရမရနဲ့ အောင်မြင်မမြင်သာမပြောနိုင်တာ။
ငြိမ်းချမ်းရေး နှစ်သီးစားသုံးသီးစားတွေကတော့ ကားတဝီဝီ အနီရောင်ပါသောအရက်များနဲ့ ဘောလုံးတောင်ပါသေး။
အေးလေ သူတို့က ငြိမ်းချမ်းရေးအရသာ သိနေကြမင့်ကိုး။ ဇွန် ၁၅ ၂ဝ၁၅

(မျိုးချစ်ဘောလောင်းပွဲ)
ကျနော့်မိတ်ဆွေ အာအိုင်တီ အိုဗာစီယာ အရပ်ထောင်ထွက် သူဌေးစာရင်းဝင် ဘွဲ့ရည်မည်ရည်များရှင်လုပ်ငန်းရှင် သာကီဇာနည်မျိုးချစ် သူကြွယ်ကြီးကတော့ ခုလောက်ဆို အောင်ပွဲခံလောက်ပြီ။
ငွေတွေ သောက်သောက်လဲပြီ။
ငွေထုပ်ကြီးပိုက်လောက်ပြီ။
ညနေလောက်ဆို အောင်ပွဲနဲ့မူးပြီ။
မျိုးချစ်တာချစ်တာပဲ ပိုက်ဆံကပိုက်ဆံပဲ။
ငါ ထိုင်းဘက်က အောထားတာ..တဲ့။
သူတို့မျိုးချစ်ပုံများ အားတောင်ကျချင့်စရာ။  ဇွန် ၁၅ ၂ဝ၁၅

(ဗုဒ္ဓခြင်းတော့မတူပါလေ)
ဗမာပြည်ကနေ အမေရိကန်လာရင်း ဖို့တ်ဝိန်းရောက်နေတဲ့ စာရေးဆရာကို မနေ့က ဟိုဟိုဒီဒီလိုက်ပို့လိုက်ပြရင်း အလန်ကောင်တီ ဗဟိုစာကြည့်တိုက်ကြီးကို ခေါ်သွားတယ်။ စင်ချစာအုပ်တွေ တအုပ် တမတ်၊ ၅ အုပ် တဒေါ်လာဆိုတော့ ဆရာသမား မင်သက်ပြီး သူ့မြေးလေးဖတ်ဖို့ ၅ အုပ်ဝယ်တယ်။ ကျနော်လည်း City of Joy ကို ပြားနှစ်ဆယ်နဲ့ ဝယ်ခဲ့တယ်။ ဗမာစာအုပ်တွေထားတဲ့နေရာရောက်တော့ ကျနော်လည်း ပါလာတဲ့စာအုပ်တချို့ လာလှူခဲ့ဦးမဗျာလို့ပြောတယ်။ ကျနော့်ဇနီးက ဆရာဦးဘကြည်သရုပ်ဖော်တဲ့ ဇာတ်တော်ကြီး ဆယ်ဘွဲ့ကောက်ကိုင်တော့ သူက ကောင်းတယ်ကောင်းတယ် ဖတ်ဖတ်..တဲ့။ ဇနီးက ကျနော့်ကို ဘယ့်နှယ်လဲ ငှားခဲ့ရမလားဆိုတဲ့အမေးပါတဲ့မျက်လုံးနဲ့ကြည့်တယ်။ ကျနော်လည်း အမေရိကန်တွေ တွန့်နည်းကား ပခုန်းပဲတွန့်ပြလိုက်မိတယ်။ အင်း..ကိုယ့်ဆရာကလည်း မြှောက်ပေး။ ကိုယ့်ဇနီးကလည်း ဗမာစာဗမာစကားမှာ ဘာမှသာမဟုတ်တာ တခါတခါပြောလိုက်ရင် ကမ္မဝါပဲ ခု ထဖတ်တော့မှာလိုလိုနဲ့။ အိမ်တောင်မရောက်သေးဘူး "တေဇသုနေမဘူစန်နာဝိဝေ ဆိုတာဘာလဲ"တဲ့။ ကျနော်ပြောတဲ့မြတ်ဗုဒ္ဓရယ်၊ သူလေ့လာသိရှိထားတဲ့မြတ်ဗုဒ္ဓရယ်၊ ဒီစာအုပ်ထဲကမြတ်ဗုဒ္ဓရယ်တော့ တွေ့ကြတော့မယ်ထင်တာပဲ။ ရင်လေးတယ်။ ဇွန် ၁၅ ၂ဝ၁၅

(ဆယ်တန်းအောင်ဖို့မလိုဘူး အလိုက်သိဖို့ပဲလိုတာ)
သူငယ်ချင်းတယောက်က ဆယ်တန်းအောင်တော့ ဘာတက္ကသိုလ်မှမလျှောက်ပဲ ဂျီတီအိုင်သွားတယ်။ ဂျီတီအိုင်ပြီးတော့ ဂျီးအီးတပ်ထဲဝင်တယ်။ အိုဗာစီယာလို့ခေါ်တဲ့ သုံးရစ်အကြပ်ကြီးဖြစ်တယ်။ တပ်သစ်တည်တာ တပ်ဟောင်းပြင်တာတွေမှာ သူက မီး/ရေ ကိုင်ရတယ်။ ဆီကိုင်တဲ့လက်ဆီပေတယ်ဆိုတဲ့ မဆလခေတ် ငို့ဘဆင်ခြေအောက်မှာ သူလည်း တကိုယ်လုံးဆီတွေရွှဲနစ်နေတာပါပဲ။ အဲ့ဒီအချိန်မှာ ကျနော်က ဘီအီးတပ်မှာ တပ်သား။ နေ့ပြတ်မလား ညပြတ်မလားနဲ့ မိုင်းကွင်းတွေထဲ ဆူးထိုးမိုင်းရှာ။ တနေ့တော့ ၂ ယောက်သား အညာက မြို့နီးချုပ်စပ်မှာ ဆုံတယ်။ ဆုံတဲ့အချိန်မှာ သူက ပြဿနာတွေ တပုံတခေါင်းကြီးနဲ့။ သူ့မိန်းမကလည်း သားဦးလေးနေ့စေ့လစေ့ မပေါ့မပါးကြီးနဲ့။ သူ့အနေအထားက မလျော်နိုင်ရင် ထောင်ကျတော့မတဲ့။ ထောင်မှ အရပ်ထောင်တဲ့။ ၂ နှစ် တောင်တဲ့။ ကျနော်လည်း စိတ်ထဲမကောင်းဘူး။ သူ့ကြည့်ရတာတော့ စားစရာမရှိလျော်စရာရှိနဲ့ပြောင်းပြန် “မလျော်တော့ဘူးကွာ ထောင်ကျလည်း ခံလိုက်ရုံပဲ”လို့ပြောပြီး မထေမဲ့မြင်ဟန်ပြုတယ်။ မတရားအလုပ်ခံရလို့ မဖြေရှင်းနိုင်မယ့်အတူတူ အရွဲ့တိုက်ပြီး ဖြစ်ချင်ရာဖြစ်မောင်ဘချစ်မူနဲ့ သွားတော့မယ့်ပုံပဲ။ သူ့ဇနီးကလည်း “မောင်သာ ကျန်းမာရေးဂရုစိုက်။ ဘယ်ထောင်ရောက်ရောက် ညီမ လာတွေ့မယ်။ ညီမအတွက် မပူနဲ့။ ကလေးကို မြစ်သားတို့၊ ကျောက်ဆည်တို့၊ မြစ်ငယ်တို့မှာ မမွေးဘူး။ အမေတို့ဆီ ရန်ကုန်ပြန်မွေးမယ်”နဲ့ ကျနော့်ရှေ့တင် လင်တော်မောင်ကို အားပေးစကားပြောတယ်။ အားငယ်နေဟန်တော့မပေါက်ဘူး။
တိုတိုပြောရရင် အဲ့ကောင် ထောင် ၂ နှစ်ကျသွားတယ်။ ထောင်ထဲမှာ လိုင်းဝင်ပြီး အပ်ထည်လုပ်နေတယ်။ ရဲဘက်မပါဘူး။ ထောင်လျှော့ရက် ၃ ပုံတပုံနဲ့ ၈၇ လောက်မှာ ပြန်လွတ်လာတယ်။ ကျနော်က ခြေလက်ပြတ်ပြီးတပ်ကထွက်လာတယ်။ ရတဲ့လျော်ကြေးငွေလေးနဲ့ စာအုပ်အငှားဆိုင်လေးဖွင့်ဖို့လုပ်တယ်။ စာရေးကိရိယာလေးတွေလည်း တွဲရောင်းမယ်ဆိုတဲ့စိတ်ကူးနဲ့။ နောက်တော့ စတိုင်းဆိုင်ပေါက်စလေး ဖွင့်ဖြစ်သွားတယ်။ ခုန သူငယ်ချင်းက ထောင်က လွတ်လွတ်ချင်း ရန်ကုန်ဆင်ခြေဖုံးမှာ ခြံတွေဝယ်ပြီး ဘာပင်တွေဆိုလားစိုက်တယ်။ နောက်တော့ နို့ဆီချက်စက်ရုံတည်တယ်။ နောက်လည်း တခြား ဘာတွေလည်းမသိဘူး လုပ်တယ်။ အဆင်တော့ အတော်ပြေပုံပဲ။ တနေ့လူချင်းဆုံတော့ “ဟေ့ကောင် မင်းက အရပ်ထောင်ကျပြီးသာထွက်တယ် အဆင်ပြေလှချည်လား”ဆိုတော့ “ဒီလိုပေါ့ကွာ ကြံဖန်လုပ်ရတာပဲ”လို့ပြောတယ်။ “ဒါနဲ့ နေပါဦး မင်း ကွိုင်တက်တုန်းက ငွေက ဘယ်လောက်တောင်ကွာလို့ မင်းကို အရပ်ထောင် ၂ နှစ်တောင် ချရတာလဲကွ”ဆိုတော့ “တခြားသူတွေဆီက ဆွဲစားထားတာတွေအပါဆိုရင်တော့ သိန်း ၂ဝ နီးပါးပဲကွ။ ငါ့ ဂွင်ကတော့ အဲ့လောက်မကြီးပါဘူး။ သူများဟာတွေပါ ခံပေးလိုက်တာပါ၊ ကော်မရှင်သဘော သူတို့ပြန်စုပေးတာလေးက ထောင်ထဲမှာ ၂ နှစ်စာ ဖြတ်သွားလို့ ကုန်တာပါပဲကွာ။ ကိုယ့်ဟာလေးပဲကျန်တာပါ”လို့ပြောတယ်။ “ကိုယ့်ဟာလေးက ဘယ်လောက်လဲကွ”ဆိုတော့ “ဆယ့်နှစ်လောက်ပါ”တဲ့။ ၁၂ သိန်းကိုပြောတာပဲ။ အဲ့တုန်းက ရွှေတကျပ်သားမှ ၃ ထောင် မပြည့်တတ်ပြည့်တတ်ခေတ်လေ။
၈၈ ပြီးတော့ သူလည်း “လုပ်ငန်းရှင်”ဖြစ်လာတယ်။ ငွေလည်း သောက်သောက်လဲ ဝင်လာတယ်။ ဘာဘွဲ့တွေဆိုလားရတယ်။ ဘုရားတွေကျောင်းတွေလည်း ဆောက်တယ်။ တိုင်းပြည်နဲ့လူမျိုးကိုလည်း အတော်ချစ်လာတယ်။ အမျိုးသားရေးလည်း နိုးကြားလာတယ်။ ခုတော့ မျိုးချစ်စိတ်အပြည့်နဲ့ သူဌေးကြီးစာရင်းပေါက်နေတယ်။
မနက်က ကျနော်ရေးတဲ့ ဘောလုံးစတေးတပ်စ်လေးဖတ်ပြီး “မင်းလည်း ခုထိ မိုက်လုံးကြီးတုန်းပဲ။ ဒါ့ကြောင့် လူ မဖြစ်တာ”လို့ပြောတယ်။ ဒါနဲ့ ကျနော်က “ငါပြောတာ မှားနေလို့လားကွ”ဆိုတော့ “မမှားလို့ပေါ့ကွ။ မှားမှတော့ ပြောနေပါ့မလား”တဲ့။ ကျနော် မျက်စေ့လည်သွားတယ်။ “ဟေ့ကောင် ငါက ဗမာကို ထိုင်းကို နိုင်စေရှူံးစေလိုစိတ်နဲ့ပြောနေတာ မဟုတ်ဘူးကွ” လို့ပြောတော့ “မင်းရေးတဲ့အထဲမှာ မြန်မာနိုင်စေ့ချင်ကြောင်းလေး အရိပ်အမြွက်လောက်ဖြစ်ဖြစ်လေးထည့်ရေးရင် ခုလောက် ဘယ်အဆဲခံရပါ့မလဲကွ။ ပြီးမှ မင်းပြောချင်တာလေး ဖေါ့ဖေါ့လေးပြောပေါ့၊ မင်းက နပ်မှ မနပ်ပဲ။ စောက်ရမ်းတွေလျှောက်ပြောနေတာပဲ”တဲ့။ ကျနော်လည်း စကားဆက်ပြောချင်စိတ် ကုန်သွားတယ်။ ဒါနဲ့ စကားဖြတ်မလို့လုပ်နေတုန်း သူက “ငါတို့လည်း မျိုးချစ်စိတ်အပြည့်နဲ့ မြန်မာအသင်းကို အားပေးတာပဲကွ။ ဒါပေမယ့် ပေးတာကပေးတာပဲ။ ငွေက ငွေပဲကွ”တဲ့။ ကျနော် မျက်စေ့ နှစ်ခါပြန်လည်ပြန်တယ်။ “ဘာလဲကွ မင်းဟာ ငွေကငွေ မျိုးချစ်စိတ်က မျိုးချစ်စိတ်”ဆိုတော့ “ငါ ထိုင်းဘက်က အောထားတယ်”တဲ့။
ကျနော့်ပါးစပ်က “သြော်”လို့ပဲ ထွက်သွားတယ်။ ဇွန် ၁၄ ၂ဝ၁၅

(ငယ်ငယ်တုန်းက မခင်နှင်းဆီ)
အမေ အထည်ဆိုင်ဖွင့်ချိန်က ကျနော် လူပျိုပေါက်။ မျက်နှာချင်းဆိုင် ဆိုင်ပိုင်ရှင်မှာက တူမလေးတယောက်ရှိတယ် မနှင်းဆီ..တဲ့။ ပိန်ပိန်ပါးပါး ညိုညိုဖျော့ဖျော့လေး။ ဆံပင်တွေကတော့ ဒူးကောက်ခွက်ရောက်လုနီးပါး ရှည်လျားသန်စွမ်းတာပဲ။ ပါးချိုင့်လေးခွက်ဝင်သွားအောင်များ ပြုံးလိုက်ရင် သွားတက်လေးတွေ လက်ကနဲလက်ကနဲပေါ်လာတာကလား။ မျက်နှာကျက ကာတွန်းမောင်ရှိန် ဇာတ်ကောင်တွေထဲက ဟို ပိန်ပိန်ပါးပါးမလေးလိုပဲ။ ခုနေပြန်တွေးတော့ စိတ်ထဲ သိတ်လှတယ်လို့ မထင်တော့ဘူး။ ဟိုတုန်းကတော့ သူကလွဲ ဖွဲနဲ့ဆန်ကွဲ။ သူသာလျှင် လှထိပ်ထား xxx ဇမ္ဗူတခွင်မှာ အလှမန်ကြွား xxxx ရွှေစင်မြသားနှယ် တင့်တယ်စိုပြေသား xxx မြင်သူတကာ နှလုံးဘဝင်ပြုံးရွှင် မျက်နှာထား xxxx တိတ်တိတ်လေး ချစ်စိတ်ပွားရတာ မောင့်အသည်းကြား xxx နတ်ပန်းချီတနှုံး ရှူံးလောက်အောင် ထင်ဝိုးဝါး xxxx ဆိုတဲ့သီချင်းကို မနက်တိုင်း အမေ့ဆိုင် သွားခင်းကူရင်း တိုးတိုးညည်းရတာလည်း အမော။
ကိုယ်နဲ့ရွယ်တူကောင်တချို့က ရည်းစားနဲ့ဘာနဲ့ ဟန်ကျနေချိန်မှာ ကိုယ်က အချစ်ဝတ္ထုတွေ အချစ်ကဗျာတွေဖတ်ပြီး စကားလုံးအနုအရွတွေနဲ့ ချစ်သွေးသာကြွနေတာ ရည်းစားတော့ မရှိ၊ ရည်းစားစာမရေးတတ်၊ ရည်စားစကားပြောဖို့ သေမလောက်ကြောက်တတ်တုန်း။
ဒါပေမယ့် ဘယ်ရမလဲ အုံ့ပုန်းချစ်ဆိုတာ ကြာကြာခံနိုင်ရိုးလား။ ကိုယ့်ချစ်သူကို ဘယ်သူ ကြာကြာ ခိုးခိုးကြည့်နေချင်ပါ့မလဲ။ ဝတ္ထုတွေထဲက ညွန့်ပေ့တွေချည်းရွေးပြီး ဗလာစာရွက် တမျက်နှာစာ ချစ်တေးတွေသီချစ်စာတွေစီပြီး သူမရောက်ခင် သူဆိုင်ခင်းတဲ့အခါ မြင်သာမယ့်နေရာမှာ အသာလေးသွားချထားလိုက်တယ်။ အဲ့ဒီခေတ်က ရည်းစားစာခေါက်နည်းအတိုင်း တရိုတသေလေးခေါက်လို့ပေါ့။
ကံကဆိုးချင်တော့ ခါတိုင်း သူဆိုင်ခင်းပြီးမှရောက်တတ်တဲ့ သူ့အဒေါ်က အဲ့နေ့က အရင်ပေါက်ချလာတယ်။ ရန်ကုန်သွားဈေးဝယ်ဖို့တဲ့။ ပုဆိုးတွေအခေါက်လိုက် ဆင့်ဆင့်တင်တဲ့ လှေကားထစ်လို နိမ်မြင့်စီနေရာမှာတင်ထားတဲ့ကိုယ့်စာတွေ့တော့ ကောက်ယူဖြည်ကြည့်ပြီး ဖတ်တယ်။ သဘောပေါက်လိုက်ပြီ “သွားပြီ”ဆိုပြီး။ သူ စာဖတ်မဆုံးခင်ပဲ ကိုယ်လည်း ခင်းလက်စဆိုင်ကိုထားခဲ့ပြီး လစ်တော့တာပေါ့။ ကိုယ့်လက်ချက်မှန်း သိတော့မှာကိုး။ စာဆုံးရင် အောက်မှာ “ထာဝရ ချစ်နေမယ့် မျိုးမြင့်”တို့ဘာတို့ပါတယ်လေ။
အဲ့မနက်ပဲ စာက ကိုယ့်ဆီပြန် ဆိုက်ဆိုက်မြိုက်မြိုက်ရောက်လာတယ်။ အမကြီးက “မင်း မနှင်းဆီကို ရည်းစားစာသွားပေးတာ သူ့အဒေါ်က လာတိုင်တယ်။ ရော့ ဒီမှာ မင်းစာ”တဲ့။ ကိုယ်လည်း ရှက်လိုက်တာ နေရာတင်လဲသာသေလိုက်ချင်တယ်။ အပြစ်တခုခု ကျူးလွန်မိတဲ့လူလို စိတ်ကမလုံဘူး။ ရှက်လည်းရှက် မွှန်လည်းမွှန် သူ့အဒေါ်ကိုလည်း “ရန်ကုန်သွားရင်း လမ်းမှာ ကားမှောက်သေပါစေ”တွေဘာတွေ ကျိန်ဆဲတာပေါ့။
အဲ့ဒီကိစ္စက နေ့မကူးဘူး တလမ်းလုံး တဈေးလုံးသိကုန်ပလားမှတ်ရတယ် သတင်းအပြန့်မြန်ပုံများ ခုခေတ်ဖေ့စ်ဘွတ်ခ်ထက်တောင်မြန်သေး။ ထားပါတော့လေ။ ဒါနဲ့ ကိုယ်လည်း ရှက်ရှက်နဲ့ အဲဒီနေ့က အမေ့ကို ဆိုင်တောင်ပြန်ကူသိမ်းမပေးရဲတော့ဘူး။ မျက်နှာတွေလည်းပူ လူလည်း ဘယ်နေလို့နေရမှန်းမသိတာနဲ့ ဘားလားချောင်းဘေးသွား ငါးမျှားနေလိုက်တာပဲ။ မိုးချုပ်ချိန်မှ အမှောင်အားကိုးနဲ့ အိမ်ကို တိတ်တိတ်ပြန်လာတယ်။ ဒါပေမယ့် မရပါဘူး မလွတ်ပါဘူး။ အကိုကြီးက မျက်နှာထားတင်းတင်းနဲ့“မင်း ရည်းစားထားရမယ့် အရွယ်လား”ဆိုပြီး ဆူတယ်။ အကိုကြီးတော့ ကြောက်တော့ဘာမှပြန်မပြောရဲဘူး အသာပဲ ငြိမ်ခံလိုက်ရတယ်။
နောက်နေ့မနက်လည်းကြရော အမလတ်က အဲ့ကိစ္စ အစပြန်ဖော်ပြီး ပြောပြန်တယ်။ အမလတ်ကိုတော့ အကိုကြီးလိုမကြောက်သလို အမကြီးလောက်လည်း သိတ်မလန့်ဘူး။ ဒါနဲ့ ပြန်ခံပက်တာပေါ့ ဘယ်ရမလဲ။ ဒီတင် အမလတ်က “ဟဲ့ အကောင် နင် လူကြီးတွေ မျက်နှာပျက်အောင်လုပ်လို့ ငါပြောနေတာ။ နင့်ဟာနင် တခြားဘာလုပ်လုပ်ကိစ္စမရှိဘူး”ဆိုပြီး စကားလက်စသတ်မလို့လုပ်နေတာကိုတောင် ကြက်ခေါင်းဆိတ်မခံအထာနဲ့ “ဘာဖြစ်လဲ ကိုယ့်ဟာကိုယ် ရည်းစားစာပေးပေး မပေးပေး။ ဘယ်သူ့အပူမှ မပါဘူး။ မကြေနပ် လဲသေ။ မျက်နှာပူ ရေဖျန်း“ ဘာညာတွေနဲ့ အပြတ်ကောထည့်လိုက်တော့ အမလတ်လည်း ထောင်းကနဲဖြစ်သွားတယ်ထင်တယ်။ “ဟဲ့ ငါ အကောင်းပြောနေတာ။ နင့်ဟာနင် ရည်းစားမွှန်တာက အရေးမကြီးဘူး။ ငါတို့ပါ အရှက်ခွဲခံရသလိုဖြစ်တာ၊ ဟိုကောင်မလေးက သူတို့တူမသာဆိုတယ် အိမ်စေလိုနေရ လုပ်ရစားရတာ။ အိမ်စေလိုထားတာ လူတိုင်းသိတယ်။ သူတို့ဘာသာသူတို့လည်း အဲ့ဒါကို မလုံမလဲဖြစ်နေတာ။ ခုနင်က ရည်းစားစာ သွားပေးတော့မှ အကွက်ရသွားပြီး သူတို့တူမကို “လာစော်ကားတာ၊ ဒို့မှာ ဒီတူမလေးကို အသက်လိုချစ်နေရတာ၊ လာတော့ မထိနဲ့”တွေဘာတွေပြောပြီး ကောင်မလေးကို တပင်တိုင်မင်းသမီးလို လုပ်ပြောနေလို့ဟေ့”တဲ့။ အမလတ်စကား မမှားတာသိပေမယ့် “အိမ်စေ”လို့ပြောလိုက်တာကို စိတ်ထဲသိတ်မခံချင်ဘူး။ ရင့်သီးတယ် တဖက်သားကိုနှိမ်တယ်လို့လည်း ထင်တယ်။ ထားပါတော့လေ။ သူနဲ့ကိုယ် ဘာဆိုဘာမှ မဖြစ်ခဲ့ကြပါဘူး။ အချစ်ဦးက မချစ်ရခင်ကတည်းက လွဲခဲ့တာကိုး။
အသက် ၅ဝ လောက်ရောက်တော့မှ အဲ့ဒီကိစ္စ ကျကျနနပြန်တွေးမိတယ်။ ဟုတ်တယ်။ ကိုယ် အဲ့ဒီအချိန်က မစိတ်တွေမွှန်နေခဲ့တယ်။ တကယ်လို့သာ အကိုကြီး အမကြီး အမလတ်တွေ ကိုယ့်ကို ပိုးစိုးပက်စက်ပြောခဲ့ရင် တခုခု ထလုပ်ဖို့တောင် ဝန်လေးနေမိမယ်မထင်ဘူး။ ချစ်သူထိ ဓားကြည့်တွေဘာတွေပေါ့။
နောက်တခုက ကိုယ်သူ့ကို ဘာလို့ ရည်းစားဖြစ်ချင်တာလဲကိုလည်း ခုမှ ပြန်စေ့ငုကြည့်တယ်။ အဲ့ဒီ “အိမ်စေ”အဖြစ်အနေသဘောကြောင့်ပဲ။ ဆိုင်မှာ သူထမင်းစားတဲ့အခါ သူ့အဒေါ်စားပြီးမှ လက်ကျန်ထမင်းနဲ့ဟင်းကို ပန်းကန်နဲ့ခွက်နဲ့မဟုတ်ပဲ ထမင်းချိုင့်ထဲလက်နှိုက်ပြီး စားရတာမျိုး၊ သူ့ကိုယ်ပေါ်ဆင်သမျှဟာ သူ့အဒေါ်လက်ကျ အဝတ်တွေချည်း ဖြစ်နေတာမျိုး၊ အဒေါ့်သားသမီး (သူ့မောင်နှဝမ်းကွဲတွေ)ကို သခင်လိုကြောက်ပြီး ပြုစုပေးရတာမျိုးတွေ ကိုယ့်မျက်စေ့ရှေ့မှာ နိစ္စဓူဝတွေ့နေရတာကလား။ ဒီတင် ကိုယ့်ချစ်စိတ်က “အိမ်စေ”မလေးဘက် တည့်တည့်ကို ကျသွားခဲ့တာပါလားလို့ပြန်မြင်တယ်။
ထိုင်း-ဗမာဘောလုံးအကြောင်း ကျနော့်စတေးတပ်စ်အောက်မှာ ရေးကြတဲ့ကွန်မန့်တချို့ကို ဖတ်မိပြီး ငယ်ငယ်တုန်းက မနှင်းဆီကိုပြန်သတိရတယ်။ ဇွန် ၁၄ ၂ဝ၁၅

(ဆရာငပြတ်ကိုပေးဖို့စာ)
ကျနော့်ကို "ဒုက္ခိတကောင်၊ ခြေပြတ်၊ ငကျိုး"စသည်ဖြင့်ခေါ်ရင် နာလိမ့်မယ်လို့ထင်ပြီးခေါ်တဲ့သူတွေကို ပြောပြချင်တာလေးရှိလို့ဗျ။
ကျနော် ဒီရောက်ပြီး ၅ လအတွင်းမှာ အင်ဒီယားနားပါရ်ဒျူးယူနီဗားစတီးက ဘာသာဗေဒပါမောက္ခတယောက်ပို့ချတဲ့ အင်္ဂလိပ်စကားကို ဒုတိယဘာသာစကား English for Second Language အဖြစ်သင်ကြားခွင့် အောင်လက်မှတ်ပေးတဲ့ အတန်းတတန်း တက်တယ်ဗျ။ ဗမာပြည်သားက ကျနော်အပါ ၃ ယောက်။ ကျန်တာတွေက နိုင်ငံစုံက လူမျိုးပေါင်းစုံ။ စုစုပေါင်း အတန်းသား ၃ဝ လောက် ရှိမယ်မှတ်တယ်။ ကျနော် သင်တန်းကို အဆင့်မီမီအောင်မြင်ပါတယ်။ (ဆရာဖြစ်အောင်လက်မှတ်ပဲ)ဆိုပါတော့ဗျာ ရတယ်။ အဲ့ဒီကစ အေဘီစီဒီဝေလာဝေး ကကြီးရေကတောင်မသိတဲ့ ဗမာပြည်သားလူကြီးတွေကို အခမဲ့ စာသင်ပေးတယ်။ ၄ နှစ်နီးပါးပဲ။ ခုတော့ နားထားပါတယ်။ လုပ်အားပေး အမေရိကန်ဆရာတွေလည်း ပါတာပေါ့။
သင်တော့ တချို့ လူကြီးတွေက မှတ်ဉာဏ်သိတ်မကောင်းရှာကြဘူး။ ဒီနေ့သင် မနက်ဖြန်မေ့။ မနက်သင် ညနေမေ့။ ခုသင် ခုမေ့တွေလည်း ပါသပေါ့။ ပြီးတော့ ဘဝတွေကလည်း ကြမ်းကြမ်းတမ်းတမ်းဖြတ်သန်းခဲ့ရလေတော့ စိတ်တွေလည်း တခါတလေ ခက်ခက်ထန်ထန်၊ နှုတ်တွေလည်း တချက်တချက်ပါးဖဲ့နားဖဲ့ပြောတာတွေလည်း ရှိတတ်ကြတာပါပဲ။ တယောက်ဆို မှတ်ဉာဏ်ကမကောင်းရတဲ့အထဲ အသက် ၈ဝ ကျော်မှ စီအေတီ ကက်တ် ကြောင်၊ အေပီပီအယ်လ်အီး အော့ပ်ပယ်လ်ပြန်လုပ်ရတာ။
မှတ်ဉာဏ်မကောင်းကြရှာတော့ စေတနာ့ဝန်ထမ်း အမေရိကန်ဆရာ(အဖြူ/အမည်း)တွေရဲ့ နံမည်တွေကို ဘယ့်နှယ်လို့ မှတ်မိနိုင်ပါ့မလဲ။ ဆိုတော့ သူတို့နည်းနဲ့ သူတို့ဘာသာ ဆရာဆရာမတွေကို သညာပြုကြတယ်။ ဇေဗီးယားကို ဆရာဇီးပြား၊ ကက်သီပိင်းဂ်ကို ဆရာမကေသီပန်၊ ပိတီကို ဆရာတွတ်ပီ၊ ကယ်ရိုလိုင်းကို ဆရာမ ကလနားစသည်ဖြင့်ပေါ့။ အင်္ဂလိပ်နံမည်တွေမို့ မှတ်ရခက်လို့ အဲ့သလိုခေါ်တယ်မထင်နဲ့ဗျ။ ကျနော့်နံမည် မျိုးမြင့်ကိုလည်း သူတို့ တခါတလေ မေ့တယ်။ တချက်တချက် မမှတ်မိဘူး။
တရက် ကျနော်စာသင်နေတုန်း အသက် ၇ဝ လောက်လောက်ရှိတဲ့ အဖွားတယောက်က "လူလေး မနေ့က ဆရာမ ကလနား က စာတစောင်ပေးတယ် လူလေးကိုပေးဖို့တဲ့။ အဲ့ဒါ အဖွားအိမ်မှာမေ့ကျန်ခဲ့တယ်။ ဒီနေ့ကျောင်းပြီးရင် အဖွားမြေး လာခေါ်လိမ့်မယ် အဲ့ဒါ သူ့ဆီခု ဖုန်းဆက်ပြောချင်တယ်။ လာရင် စာယူလာပေးဖို့၊ ဖုန်းခေါ်ပေးပါ"လို့ပြောတာနဲ့ ခေါ်ပေးပြီး ဟိုဘက်က ဟဲလိုအသံထွက်တော့ သူ့လက်ထဲဖုန်းပေးလိုက်တယ်။ သူက "ဟဲ့ အကြီးကောင်လား၊ နင်လာခေါ်ရင် မနေ့က အဖွားပြတဲ့ ဆရာငပြတ်ကိုပေးဖို့စာ ယူလာခဲ့ဦး၊ ရေခဲ့သေတ္တာမှာ ကပ်ထားတယ်"တဲ့။
ကဲ..ဘာပြောဦးမလဲ။ ဇွန် ၁၃ ၂ဝ၁၅