Saturday, January 3, 2015

တတိုင်းပြည်လုံးသို့ ဗမာပြည်ကွန်မြူနစ်ပါတီ၏ နှစ်သစ်ကူးသဝဏ်လွှာ

0 comments
တတိုင်းပြည်လုံးသို့ ဗမာပြည်ကွန်မြူနစ်ပါတီ၏ နှစ်သစ်ကူးသဝဏ်လွှာ
( - - ၂ဝ၁၅)
()
ရဲဘော်တို့ မိတ်ဆွေတို့၊ ပြည်သူလူထုအပေါင်းတို့
နှစ်သစ်တနှစ် ကူးခဲ့ပြန်ပါပြီ။ နှစ်သစ်ကူးကာလမှာ ပြည်သူတွေအတွက် ကျွန်တော်တို့ ဘာတွေ လုပ်ပေးနိုင်မလဲလို့ စဉ်းစားပါတယ်။ နိုင်ငံရေးပါတီတရပ်အနေနဲ့ တိုင်းပြည်အခြေအနေနဲ့ကိုက်ညီမယ် လမ်းစဉ်တခုဟာ အကောင်းဆုံးလက်ဆောင် ဖြစ်ပါလိမ့်မယ်။ လမ်းစဉ်ကိုတော့ ၂ဝ၁၄ နှစ်ဦးပိုင်း၊ ပါတီရဲ့ အထူးကွန်ဖရင့်မှာ ကျွန်တော်တို့ တင်ပြခဲ့ပြီးဖြစ်တယ်။ လုပ်ငန်းစဉ်တွေ ဆက်လက်ဖြည့်စွက် အကောင်အထည်ဖော်ဖို့လည်းလိုအပ်ပါတယ်။
အခု ပြောင်းလဲနေတဲ့ အခြေအနေတွေပေါ်မှာ ထပ်ဆင့်တင်ပြမှုတွေ လုပ်လိုက်ပါတယ်။
()
၂ဝ ရာစုဟာ စစ်နဲ့တော်လှန်ရေးခေတ် ဖြစ်တယ်။
၂၁ ရာစုကိုတော့ ငြိမ်းချမ်းရေးနဲ့ ဖွံ့ဖြိုးရေးခေတ်လို့ ဆိုကြတယ်။
ဗမာပြည်ကွန်မြူနစ်ပါတီဟာ စစ်နဲ့တော်လှန်ရေးခေတ်ထဲမှာ ပေါ်ပေါက်ခဲ့တာဖြစ်တယ်။ ပါတီဟာ လူမှုတော်လှန်ရေးလုပ်ဖို့ ထူထောင်ခဲ့တာဖြစ်တယ်။ အဲဒီအချိန်ကလွှတ်တော်ထဲဝင်ဖို့ ထူထောင်ခဲ့တာ မဟုတ်ပါ။ ၁၉၄၇ ခုနှစ်မှာကျတော့ တိုင်းပြည်နိုင်ငံရေးအခြေအနေနဲ့  ကိုယ့်ကိုထောက်ခံသူများရဲ့ တောင်းဆိုချက်အရ ရွေးကောက်ပွဲဝင်ခဲ့၊ လွှတ်တော်ထဲကို ဝင်ခဲ့ပါတယ်။

ဒါပေမယ့် ၁၉၄၈ ခုနှစ် နှစ်စဦှးမှာပဲ ဖဆပလ အစိုးရကပါတီကိ လွှတ်တော်ပြင်ပ၊ ဥပဒေပြင်ပရောက်အောင်လုပ်ပစ်တာ ခံခဲ့ရပါတယ်။ ပါတီဟာ ခေတ်ရဲ့တောင်းဆိမှုအတိုင်း တာဝန်ယူခဲ့ပြီး ဒီတာဝန်ကျေခဲ့တယ်လို့ ဆိုချင်ပါတယ်။

ရာစုနှစ်ရဲ့ ပုံ ပုံ သက်တမ်းရှိလာတဲ့ ပါတီစိန်ရတုကာလမှာ ငြိမ်းချမ်းရေးနဲ့ဖွံ့ဖြိုးရေးခေတ်ဆိုတဲ့ အသံက ကျယ်လောင်လာတယ်။ ကျွန်တော်တုိ့အနေနဲ့ ခေတ်ပြောင်းလဲမှုကို မျက်ခြည်ပြတ်မခံပါ။ ဘယ်လို ပြောင်းနေသလဲ၊ ဘယ်လောက်ပြောင်းသလဲ၊ ဘယ်လောက်ကြာမလဲဆိုတာကိုလည်း အမြဲတွက်ဆနေပါတယ်။

အခု ကျွန်တော်တို့တိုင်းပြည်မှာ ပွင့်ဆိုင်၊ ပွင့်ဆိုင်၊ ၁၂ ပွင့်ဆိုင်၊ ၁၄ ပွင့်ဆိုင်ဆိုပြီး အာဏာပိုင်တွေဘက်ကရော၊ အတိုက်အခံတွေဘက်ကပါ စိတ်ကူးဉာဏ်ကွန့်သလောက် ဖော်ထုတ်နေကြတာ တွေ့ရတယ်။ ဒါကိုလည်း ဘယ်လောက်အရာရောက်မလဲ စောင့်ကြည့်နေပါတယ်။ စိတ်ရင်းမှန်ရင် ထွက်လမ်းတွေ့ကြမှာပါ။

အုပ်စိုးသူတွေဘက်ကလည်း ၂ဝဝ၈ ဉပဒေနဲ့တော ရှေ့ဆက်သွားလုိ့မရနိုင်ဘူးဆိုတာ လက်တွေ့က သိလာနေပြီ။ သူတို့ရဲ့ ၂ဝဝ၈ အောက် ခေါင်းလျှိုခိုင်းတဲ့နည်းနဲ့တော့ ပြဿနာတွေဖြေရှင်းလို့မရနိုင်ပါ။ ဒါကြောင့် လက်တွေ့မှာ စက်ရုံအလုပ်ရုံက အလုပ်သမားတွေရဲ့ကိစ္စ၊ တောင်သူလယ်သမားတွေရဲ့ မြေယာကိစ္စတွေ ဖြေရှင်းလို့မရနိုင်ဖြစ်နေတယ်။

လက်ပတောင်းကိစ္စဟာ တပ်မတော်ရဲ့ဦးဆောင်မှု အခန်းကမြစ်ဖျားခံလာပြီး မြေယာတွေကို သူတို့အပိုင် သိမ်းတဲ့ကိစ္စတွေထဲက တခုပါ။ တခါ ကျောင်းသားတွေ ဆန့်ကျင်တိုက်ပွဲဝင်နေတဲ့အမျိုးသားပညာရေးဥပဒေဆိုတာကြီးကလည်း ကိုလိုနီခေတ်ကပင် အသိအမှတ်ပြုပေးထားတဲ့ ကျောင်းသားအခွင့်အရေးတွေ နင်းချေဖျက်ဆီးခံရတာပါ။

ဒါတွေအားလုံးကို သူတို့မဖြေရှင်းတတ်ဖြစ်နေတယ်။ ဒီအကြောင်းအရာတွေဟာ တပ်မတော်ရဲ့ ခေါင်းဆောင်မှုအခန်း အကျပ်အတည်းဆိုက်မှာကို ဖော်ပြနေတာပါ။

ကျွန်တော်တို့တိုင်းပြည်ဟာ စိန်ခေါ်မှုအသစ်တွေကို ရင်ဆိုင်နေရတဲ့အချိန် ဖြစ်တယ်၊ အင်အားကြီးနိုင်ငံတွေ မျက်စိကျနေတဲ့နိုင်ငံ ဖြစ်တယ်။

ငြိမ်းချမ်းရေး၊ ဒီမိုကရေစီရေး၊ အမျိုးသားစည်းလုံးညီညွတ်ရေးမရှိဘဲ အကျပ်အတည်းတွေကို ကျော်လွှားနိုင်မှာ မဟုတ်ပါ။

ဒီအမျိုးသားရေးကိစ္စကြီးမာ ဗကပအနေနဲ့ တတပ်တအား ပါဝင်ဖြေရှင်းလိုကြောင်း ဖော်ပြလိုပါတယ်။
ကျွန်တော်တုိ့မှာ အခြေခံမူတွေရှိပြီးဖြစ်တယ်။ တိုင်းပြည်အေးချမ်းသာယာရေးအတွက်၊ စည်ပင်ဝပြောရေးအတွက်၊ စည်းလုံးညီညွတ်ရေးအတွက်၊ ဒီမိုကရေစီရေးအတွက် အထောက်အကူ ပြုတယ်ဆိုရင် ဘယ်သူလုပ်လုပ် ဘယ်နှပွင့်ထိုင်ထိုင် အသိအမှတ်ပြုပါမယ်။ ဒီအထဲမှာ တိုင်းရင်းသား လက်နက်ကိုင်အဖွဲ့အစည်းတွေရဲ့ ကိုယ်စားပြုအခန်းကဏ္ဍလည်း ထည့်သွင်းထားဖို့လိုတယ်။

သို့သော် ၂ဝဝ၈ အခြေခံဥပဒေအောက်မှာတော့ ပါးစပ်ကတိတွေ ဘယ်လောက်ပေးပေး ပြည်သူတွေရဲ့ မျှော်မှန်းချက်တွေ အကောင်အထည် ပေါ်လာမယ် မထင်ပါ။

နောက်တကြောင်းက ဗကပ ဟာ တခြားတရားဝင်ပါတီတွေနဲ့ မတူတဲ့အခြေအနေ အချက်အလက်တချို့ ရှိနေသေးတယ်ဆိုတာလည်း တင်ပြထားချင်ပါတယ်။
လွတ်လပ်ရေးခေတ် ပြည်ထဲရေးဝန်ကြီး ဆိုရှယ်လစ်ဦးကျော်ငြိမ်း ဆွဲသုံးခဲ့တဲ့ မတရားသင်း ဥပဒေကြီးကြောင့် မတရားသင်း ဖြစ်နေတာ နှစ်ပေါင်း ၆ဝကျော်၊ ၇ဝ ဝန်းကျင် ရှိခဲ့ပါပြီ။

ဗကပ ဟာ လက်ရှိအချိန်မာ ယူဂျီ(မြေအောက်)ပါတီအဖြစ် ကိုယ်တိုင်ကြေညာထားတဲ့ပါတီလည်း ဖြစ်ပါတယ်။ အုပ်စိုးသူတွေက တရားဝင်ပါတီထူထောင်ချင်ရင် လိုက်နာရတဲ့အချက်တွေ သတ်မှတ်ထားတာရှိတယ်။ ဥပမာ-ပါတီဝင်စာရင်းပေးရမယ်ဆိုတဲ့ တောင်းဆိုချက်ရှိတယ်။

ဖက်ဆစ်ဂျပန်တွေ ဗမာပြည်ထဲဝင်လာတော့ သူတို့ ဘယ်လိုပြုစုထားသလဲမသိတဲ့ဗကပ စာရင်းဆိုတာ ပါလာတယ်။ အဲ့ဒီစာရင်းနဲ့ ဖမ်းဆီးနှိပ်ကွပ်လာလို့ ရှောင်ရတိမ်းရ၊ မရှောင်နိုင်သူတွေ အဖမ်းခံရ၊ အသတ်ခံကြရတယ်။ ဖဆပလ ခေတ်မှာလည်း တပြည်လုံးက ပါတီရုံးတွေမှာ
သူတို့ စောင်ကြည့်ပြီးပြုစုထားတဲ့စာရင်းတွေနဲ့ ၁၉၄၈ မတ်လမှာ ဖမ်းဆီးနှိပ်ကွပ်လာတာကို ခံခဲ့ရတယ်။

ဒီတောင်းဆိုချက်မျိုး ဖဆပလ ခေတ်တုန်းကလည်း မကြားဖူးပါ။ နိုင်ငံခြားမှာလည်း ရှိတယ်မထင်ပါ။ ယူဂျီပါတီတရပ်က ပိုပြီးတောင် ပေးလို့မဖြစ်ပါ။

ပြဿနာတွေကို ငြိမ်းချမ်းစွာဖြေရှင်းတာဟာ တိုင်းပြည်အတွက် ကောင်းပါတယ်။ နှစ်ဘက် လှုပ်သာရှားသာအောင် လမ်းပေါက်ဖွင့်ပေးနိုင်ရင် နိုင်ငံရေးပါတီတွေရော လက်နက်ကိုင်ထားသူတွေနဲ့ ပြည်သူတွေပါ တိုင်းပြည်အကျိုး ဆောင်နိုင်ကြမှာပါ။

ဒါပေမယ့် ငြိမးချမ်းစွာ ဖြေရှင်းနိုင်ဖို့ကလည်း အုပ်စိုးသူအစိုးရအပေါ်မှာပဲမူတည်နေပါကြောင်း တင်ပြလိုက်ပါတယ်။

နှစ်သစ်မှာ ပြည်သူတွေအားလုံး လိုအင်ဆန္ဒများ ပြည့်ဝနိုင်ကြပါစေ။
လေးစားစွာဖြင
ဗဟိုစည်းရုံးရေးကော်မတီ
ဗမာပြည်ကွန်မြူနစ်ပါတီ
၂ဝ၁၅ ခ၊ နှစ်သစ်ကူးနေ့
(၁၊ ၁၊ ၂ဝ၁၅)


0 comments:

Post a Comment