Opendrive
Friday, October 14, 2022
Mid-Term နဲ့ထရမ့်ရဲ့ကံကြမ္မာ
နိုဝင်ဘာ ၈ ရက်နေ့မှာ House of Representatives ခေါ်တဲ့ အောက်လွှတ်တော်အတွက် Mid-Term Election သက်တမ်းလည် ရွေးကောက်ပွဲရှိပါတယ်။ ကြိုတင်မဲပေးတဲ့သူတွေ ပေးနေကြပါပြီ။ လက်ရှိမှာက အထက်အောက် လွှတ်တော်နှစ်ရပ်လုံးကို ဒီမိုကရက်တွေကစီးထားတာပါ။ ဒါ့ကြောင့် အစိုးရနဲ့လွှတ်တော် ပလဲနံပသင့်ပြီး ကြံတိုင်းအောင်ဆောင်တိုင်းမြောက်ဖြစ်နေတာပါ။ ဒါတောင် ရေနံထုတ်လုပ်တင်ပို့သူများအဖွဲ့ OPEC ကိုဦးဆောင်တဲ့ ဆော်ဒီအာရေးဗျက ရေနံအထုတ်လျှော့ဖို့ ဆုံးဖြတ်ခဲ့တာကြောင့် ဆော်ဒီကို ဒဏ်ခတ်ရေးမှာ ဒီမိုကရက်အမတ်တွေနဲ့ အစိုးရအကြား ပွတ်တိုက်မှုတချို့ရှိနေပါတယ်။ ဒီမိုအမတ်တချို့က ဆော်ဒီရဲ့ ဒီဆုံးဖြတ်ကြောင့် အမေရိကန် အထိနာတယ်ဆိုပြီး ဆော်ဒီကို လက်နက်တင်ပို့ရောင်းချပေးနေတာကို ရပ်ထားစေချင်ကြောင်း သမ္မတကိုဖိအားပေးနေကြတာပါ။
ခုနောက်ဆုံးဖြစ်ပေါ်တိုးတက်မှုမှာ သမ္မတဟောင်းထရမ့်ကို လွှတ်တော်မှာ ကျမ်းကျိန်ပြီး လာရောက်ထွက်ဆိုဖို့ အဲ့ဒီကော်မတီက မဲခွဲဆုံးဖြတ်လိုက်ပါတယ်။ ခေါ်တာကို မလာရင် ဗဟိုအစိုးရဥပဒေအရ ထောင် ၁ လကနေ ၁၂ အထိ ကျခံရပါလိမ့်မယ်။ အဲ့ဒါကို ထရမ့် ဘယ်လို တုံ့ပြန်မလဲကတော့ စောင့်ကြည့်ရမှာပါ။ စိတ်လည်း ဝင်စားစရာပါ။ သုံးသပ်သူတချို့ကတော့ ခုလုပ်နေတာတွေဟာ ထရမ့်ကို အပြစ်ပေးရေးမပေးရေးထက် သူ့နိုင်ငံရေးကိုသတ်ပြီး အာဏာအဝန်းအဝိုင်းထဲ တခါပြန်ဝင်မလာနိုင်အောင် လုပ်နေကြတာလို့ မြင်ကြပါတယ်။
ပြန်ကောက်ရရင် လွှတ်တော်သစ်က ၂၀၂၃ နှစ်ဆန်းမှာခေါ်ယူမှာပါ။ အကယ်၍ ရီပတ်ဘလီကင်တွေသာ အောက်လွှတ်တော်မှာ အများစုဖြစ်ခဲ့ရင် ခု ကြားနာစစ်ဆေးနေတဲ့ ကော်မတီလည်း ဖျက်သိမ်းခံရနိုင်ဖွယ်ရှိပါတယ်။ ဒါဆို ဇန်နဝါရီ ၆ လွှတ်တော်စီးနင်းမှုကြားနာ စစ်ဆေးရေးကိစ္စကြီးလည်း အီလည်လည်နဲ့ပြီးသွားမလားက တွေးစရာပါ။
Subscribe to:
Post Comments (Atom)
0 comments:
Post a Comment