၂ဝ ရာစုမှ ၂၁ ရာစုသို့ယူလာရသော မပြတ်သေးသည့်ပြဿနာများ(နှစ်)

၂ဝ ရာစုမှ ၂၁ ရာစုသို့ယူလာရသောမပြတ်သေးသည့်ပြဿနာများ

(ကောက်နုတ်ချက် ၂)

ပြည်ထောင်စုပြဿနာများ

(ကောက်နုတ်တင်ပြနေတာသာ ဖြစ်ပါတယ်။ အပြည့်အစုံဖတ်ရှုလိုပါက ဗမာပြည်ကွန်မြူနစ်ပါတီဝဘ်ဆိုက် ပြည်သူ့အာဏာဂျာနယ် အမှတ် ၂၂ တွင် ကြည့်ပါ။)

“လက်စားချေရေး” စိတ်မှာ အင်္ဂလိပ်ထားခဲ့သည့်သမိုင်းအမွေ ဖြစ်သည်။ အပြည့်အစုံပြောမှ ရှင်းမည်။

၁၉၄၂ ခုနှစ်က ဂျပန်ထိုးစစ်ကြောင့် အင်္ဂလိပ်ဖွဲ့ပေးထားသည့်တပ်များ တပ်ပျက်သည်။ အနည်းစု ဗိုလ် အကြပ်တပ်သားများ အိန္ဒိယ ပါသွားသည်။ အများစုကြီးက လက်နက်ယူပြီး တပ်ပြေးများဖြစ်သွားသည်။ မိမိတို့၏ဇာတိရပ်ရွာ ပြန်ကြသည်။ တပ်ပြေးများမှာ ကရင်၊ ကချင်၊ ချင်းများဖြစ်သည်။ (အင်္ဂလိပ်က ရခိုင်၊ မွန်၊ ဗမာများကိုမယုံ၍ သေနတ်ပေးမကိုင်ဝံ့၊ စစ်သားလုပ်ခွင့်မပေး။ ၆ လက်မအသွားရှိသည့်ဓားမြှောင် ကိုပင် ကိုင်ခွင့်မပေး။ ပုန်ကန်လွန်း၍ဖြစ်သည်။ ကရင်၊ ကချင်၊ ချင်းများမှာ “သာသနာအစစ်အမှန်” ခရစ်ယာန်ဘာသာတွင်း သွတ်သွင်းပြီးလည်းဖြစ်ရုံမက ရှေးခေတ်ဟောင်းတမ်းတပြီး “မင်းလောင်းသူပုန်”လုပ်စရာလည်းအကြောင်းမရှိ။ ထို့ကြောင့် ယုံသည်။ သေနတ်ပေးကိုင်ဝံ့သည်)

အင်္ဂလိပ်အုပ်စိုးမှုတည်ငြိမ်နေလျှင် ပြဿနာမဖြစ်နိုင်ပါ။ သို့သော် ဂျပန်ထိုးစစ်ကြောင့် အင်္ဂလိပ်အုပ်စိုးမှု မရှုမလှကျဆုံးသည်။ ဂျပန်ကလည်း ဗုဒ္ဓဘာသာကို ခုတုံးလုပ်သည်။

ဤတွင် အင်္ဂလိပ်“သခင်ကြီး”၏ ခရစ်ယာန်ဘာသာနှင့် ဂျပန်“မာစတာ”၏ ဗုဒ္ဓဘာသာပဋိပက္ခကြွထသည်။ ဗုဒ္ဓဘာသာကိုးကွယ်သူ ဗမာ၊ မွန်၊ ရခိုင်တို့၏ ဘီအိုင်အေ (BIA)နှင့် လက်နက်ကိုင်စစ်ပြေး ထိပ်တိုက်တွေ့ကြသည်။ ဂျပန်ကလည်း မြှောက်ပေးသည်။ ထို့ကြောင့် ကရင် ဗမာ အဓိကရုဏ်း မြစ်ဝကျွန်းပေါ်တွင်ဖြစ်သည်။ အနောက်ဖျား ရခိုင်ဘက်တွင် ရခိုင်ကုလားအဓိကရုဏ်း ဖြစ်သည်။ မြောက်ဖျားတွင် ရှမ်းနီ ကချင် ပဋိပက္ခဖြစ်သည်။ ရှမ်းပြည်တွင် ပလောင်ကချင် ပဋိပက္ခဖြစ်သည်။ ကရင်ဗမာ အဓိကရုဏ်းလောက်တော့ မကြီးကြပါ။

ကရင်ဗမာအဓိကရုဏ်းက လူနေစိပ်သော ကရင်ဗမာရောနှောနေထိုင်ကြသော မြစ်ဝကျွန်းပေါ်တွင်ဖြစ်သည်။ စစ်ပြေးများသလို ဘီအိုင်အေ များသည်။ ဘီအိုင်အေတွင် လက်စားချေရေးစိတ်ဓာတ်ပြင်းပြသည်။ သို့ဖြင့် အလွန်အကျွံတွေလုပ်သည်။ ဂျပန်ကလည်း အင်္ဂလိပ်တပ်ပြေး ချေမှုန်းရေးကို အတင်းအကျပ်လုပ်ခိုင်းသည်။ ဒွေးရောဥပဒ်ရောဝင်မွှေသဖြင့် အဓိကရုဏ်းကြီးဖြစ်ခဲ့ရသည်။ ကရင်ဗမာ နိုင်ငံရေး ခေါင်းဆောင်ကြီးများ၏ အမြော်အမြင်ကြီးမားမှုကြောင့်သာ ခဏနှင့်ပြီးသွားသည်။ ဘီဒီအေ (BDA), (PBF) မျိုးချစ်ဗမာ့တပ်မတော်တွင် စောကြာဒိုးကို ရာထူးကြီးပေးသည်။ (ဗမာစစ်အုပ်စုက စောကြာဒိုးကို နောင်တွင်လည်းနေရာပေးသည်ကို သတိပြုပါ)

ကရင်ဗမာလူမျိုးရေး အဓိကရုဏ်းမှာ ဂျပန် “မာစတာ”ခေတ်ကတည်းက ပြီးပြီးပျောက်ပျောက် ဖြစ်ခဲ့ပြီးဖြစ်သည်။ “လက်စားချေရေး စိတ်ဓာတ်” ပြန်လည်နိုးကြွလာသည်မှာ အင်္ဂလိပ် “သခင်ကြီး”ခေတ် ပြန်ရောက်လာ၍ဖြစ်သည်။

စစ်ပြေးဘဝ အိန္ဒိယတွင်နေစဉ်ကပင် “လက်စားချေရေးစိတ်ဓာတ်”ကို စစ်ပြေးဘုရင်ခံအစိုးရက မွေးမြူပေးနေသည်။ ဘီအိုင်အေကြောင့် ခွေးပြေးဝက်ပြေး အသက်လုပြေးခဲ့ရသည်ကို အခဲမကျေ။

ဘုံဘေဘားမားသစ်ကုမ္ပဏီ၊ ဘီအိုစီရေနံကုမ္ပဏီ၊ စတီးဘရားသားကုမ္ပဏီ၊ ဧရာဝတီရေကြောင်းကုမ္ပဏီစသည့် နယ်ချဲ့ကုမ္ပဏီများမှ ဗမာစကားတတ် အင်္ဂလိပ်သခင်ကြီးများ အိန္ဒိယရောက်မှ စစ်ဗိုလ်များဖြစ်နေကြသည်။ ဗမာ့အရေးကျွမ်းကျင်သူများ လုပ်နေကြသည်။ အင်္ဂလိပ်ကဖွဲ့သော ကချင် လဲဗီးတပ်၊ အမေရိကန်ကဖွဲ့သော ကချင်ရိမ်းဂျားတပ်တို့၏ဗိုလ်များ လုပ်နေကြသည်။ စစ်တော့ မတိုက်တတ်ကြပါ။ သို့သော် ထောက်လှမ်းရေး၊ စိတ်ဓာတ်စစ်ဆင်ရေး၊ သိမ်းပိုက်နယ်မြေအုပ်ချုပ်ရေးလုပ်ငန်းများတွင် တာဝန်ခံများဖြစ်နေကြသည်။ ဗမာပြည် ပြန်ရောက်လျှင် တို့ဗမာသခင်တွေနဲ့ နယ်ချဲ့ဆန့်ကျင်ရေးသမားတွေကို “လှလှကြီး လက်စားချေကြစို့”ဟု သွေးထိုးပေးသည်။

မြစ်ကြီးနားသိမ်းသောအခါ “သခင် သခင် သတ် သတ် ”ဟု ကြွေးကြော်ပြီး ဝင်လာသည်။ တကယ်လည်း လက်စားချေသည်။ ဒေသခံ သခင်များ အဖမ်းခံရသည်။

မန္တလေး၊ ရွှေဘို၊ မုံရွာ ရောက်သည်အထိ ထိုအတိုင်းလုပ်သည်။ ဖက်ဆစ်တော်လှန်ရေးတွင် ဘာမှမလုပ်ခဲ့သော နောင်အခါ ဖဆပလ ပြည်ထဲရေးဝန်ကြီး၊ ဖဆပလတွဲဘက်အထွေထွေအတွင်းရေးမှူးလုပ်သော သခင်သာခင်သည် လက်စားချေမခံရရန် ရွှေဘိုကပြေးပြီး မန္တလေး၊ စစ်ကိုင်း ကွန်မြူနစ်ပါတီတွင် ခိုလှုံနေရသည်။

လူထုဦးလှ၏အတ္ထုပ္ပတ္တိတွင် လည်းကောင်း၊ လင်းယုန်မောင်မောင်၏ ဆောင်းပါးများတွင်လည်းကောင်း စစ်မြေပြင်အချုပ်စခန်းများတွင် ချုပ်နှောင်ခံရသောအကြောင်း ရေးထားသည်ကို တွေ့နိုင်သည်။ လက်နက်ကိုင်ပြီး ဖက်ဆစ်တော်လှန်ရေးလုပ်နေသူများကလွဲလျှင် ဘီအိုင်အေအားလုံး စစ်ကြိုခေတ် နယ်ချဲ့ဆန့်ကျင်ရေးသမား အများအပြား စစ်အချုပ်တွင်အဖမ်းခံရသည်။ စစ်ဆေးသူများမှာ ဗိုလ်ဖြစ်နေသော ကုမ္ပဏီဝန်ထမ်းများဖြစ်သည်။

ဖက်ဆစ်တော်လှန်ရေးသာ မရှိလျှင် “လက်စားချေပွဲကြီး” တပြည်လုံးတွင်ပေါ်မည်မှာ သေချာသည်။

ဗိုလ်အောင်ဆန်းကိုအရေးယူဖို့ လုပ်ခဲ့သေးသည်။ တောင်ငူတွင် နယ်ချဲ့တော်လှန်ရေးခေါင်းဆောင် ကရင်နီလူမျိုး စောသန်းတင် အဖမ်းခံရသည်။ လူထုအုံကြွလာမှ ပြန်လွှတ်ပေးသည်။

ပုံစံဟောင်းအတိုင်းအုပ်စိုးရန် ပြန်ဝင်လာသောအင်္ဂလိပ်မှာ ၁၉ ရာစု အင်္ဂလိပ် မဟုတ်တော့ပါ။ မဟုတ်နိုင်တော့ပါ။ ထို့ကြောင့် လွတ်လပ်ရေး ပေးရသည်။ ဖဆပလကို အာဏာအပ်ရသည်။ လက်စားချေခွင့်မရခဲ့။ လက်စားချေရေးစိတ်ဓာတ် သွင်းပေးထားခံရသောသူများ ဆတ်တငံ့ငံ့ ဖြစ် ကျန်ရစ်သည်။

ပြည်တွင်းစစ်ဖြစ်လာသောအခါ လက်စားချေခွင့်ရသွားပါသည်။ ဗမာတပ်ရင်းများက မတက်မကြွဖြစ်နေသောအခါ ကရင် ကချင် တပ်ရင်းများက ဖဆပလအစိုးရခိုင်းတိုင်း လုပ်ကြသည်။

သူတို့တိုက်သည်မှာ ပြည်ထောင်စုမပြိုကွဲရေးအတွက် မဟုတ်ပါ။ မဆင်နွှဲလိုက်ရသောလက်စားချေပွဲကို လုပ်ကြခြင်းဖြစ်သည်။
လက်စားချေပွဲကို ကွန်မြူနစ်များအပေါ်သာ သဲကြီးမဲကြီးလုပ်ကြပါသည်။ ဖဆပလ (ဘီအိုင်အေ၊ ပီဘီအက်ဖ် )တခုလုံးကို မလုပ်နိုင်လျှင် ကွန်မြူနစ်များအပေါ်လုပ်ရ နည်းသလားဆိုပြီး လုပ်ကြပါသည်။

စစ်ဆင်ရေးအမိန့်ပေးပုံကလည်း ဖြစ်ကတတ်ဆန်းပေးခြင်း ဖြစ်သည်။ ဖဆပလအစိုးရက ဆိုရှယ်လစ်များပေးသည့်သတင်းကိုအခြေခံကာ “ကွန်မြူနစ်ရွာများ”ဟု သတ်မှတ်ထားသော တောင်သူလယ်သမားသမဂ္ဂရှိရာရွာများစာရင်းကို စစ်ဦးစီးဌာနချုပ်သို့ပေးသည်။ စစ်ဦးစီးဌာနချုပ်က ထိုရွာများကို ခဲနီတံဖြင့်ဝိုင်းပြထားသောမြေပုံအပ်ကာ ကရင်၊ ကချင်၊ ချင်း၊ ဂေါ်ရခါးတပ်များကို စစ်ဆင်ရေးလုပ်ခိုင်းခြင်း ဖြစ်သည်။

လုပ်ချင်ရာလုပ်ခွင့်ပေးလိုက်သော စစ်ဆင်ရေးအမိန့်ဖြစ်သည်။ လက်စားချေရေးစိတ်ဓာတ် ပြင်းပြသောတပ်များက မီးကုန်ယမ်းကုန် ကြမ်းသည်။ ချင်းတပ်များက (ဘီအိုင်အေခေတ် ရန်ငြ်ိုးမရှိ၍) ဝတ်ကျေတမ်းကျေ လုပ်သည်။ ဂေါ်ရခါးတပ်များကတော့ စစ် စည်းကမ်းအတိုင်း လုပ်သည်။ ဂေါ်ရခါးတပ်၊ ချင်းတပ်နှင့်ရင်ဆိုင်ရသောရွာများ သက်သာသည်။ ကရင်ကချင်တပ်များနှင့်တွေ့သောရွာများ ပြာကျသည်။ လူတွေ အသတ်ခံရသည်။ အလယ်ဗမာပြည်မှရွာများ၊ အထက်ဗမာပြည်မှရွာများ မသက်သာကြပါ။

အကုန်ရှို့အကုန်သတ်စစ်ဆင်ရေးကြောင့် ဧရာဝတီတကြောတွင် ဟိုတပြောက်ဒီတပြောက် မီးခိုးဖုံးကာ သွေးညှီနံ့လွှမ်းခဲ့သည်။ မိန်းမများ ပျိုပျိုအိုအို မုဒိန်းကျင့်ခံရသည်။

အနိဌာရုံများကို အကျယ်မချဲ့ချင်တော့ပါ။ ရဲဘော်နော်ဆိုင်း၏ မိမိကိုယ်ကိုဆန်းစစ်ချက်ဖြင့် နိဂုံးချုပ်ပါမည်။ (ကွန်မြူနစ်ပါတီဝင်လိုသူတိုင်း မိမိတွင်ရှိခဲ့သော မှားယွင်းသည့်အတွေးအခေါ်များကို ပါတီသို့ ပုံအပ်ရပါသည်။ ဆန်းစစ်ချက်တင်ရပါသည်။ ဗိုလ်နော်ဆိုင်းမှ မဟုတ်ပါ)
ရဲဘော်နော်ဆိုင်းက ဗမာတွေအပေါ်လက်စားချေချင်နေတာနဲ့အတော်ပဲ၊ ဗမာအစိုးရက ဗမာတွေသတ်ခိုင်း၊ ဗမာရွာတွေမီးရှို့ခိုင်းတော့ ထင်တိုင်းကြဲ လက်စားချေခဲ့ပါတယ်တဲ့။

ထိုစဉ်က ဗြိတိသျှစစ်မစ်ရှင်ရှိသည်။ နုအက်တလီစာချုပ်အရရှိနေခြင်း ဖြစ်သည်။ “လက်စားချေပွဲ”တွင် သူ့ခြေရာလက်ရာမည်မျှပါမည်ကို ကျွန်တော်မသိပါ။ နေဝင်း-အောင်ကြီးသိပါလိမ့်မည်။ သူတို့က ဘာမျှမပြောကြ၊ မရေးကြပါ။

ပြောသူတဦးတော့ရှိပါသည်။ စစ် မစ်ရှင်အကြောင်း မဟုတ်ပါ။ “အားလုံးသတ်အားလုံးရှို့”ပေါ်လစီ ရှိခဲ့သည်ဆိုသည်ကိုဝန်ခံခြင်း ဖြစ်ပါသည်။
ဩစတြေးလျတွင်အခြေချနေသော မောင်အောင်မျိုးဆိုသူက စာတမ်းတခုပြုစုသည်။ ထိုအထဲတွင် အမေရိကန်အခြေချ ဗိုလ်ချစ်မြိုင်၏ ပြောဆိုချက်များပါသည်။

ဗိုလ်ချစ်မြိုင်က ဗိုလ်လက်ျာကို တပ်မတော်တခုလုံးကို ကရင်တွေအုပ်စီးနေပြီ၊ ကရင်တပ်တွေက ဗမာရွာတွေကို မီးလောင်တိုက်သွင်းနေပြီ၊ အားလုံးသတ်၊ အားလုံးရှို့လုပ်နေပြီဟုတိုင်ကြောင်း၊ ဗိုလ်လက်ျာက ကရင်တွေဘက်ကကာကွယ်ကြောင်း ရေးထားပါသည်။

ဗိုလ်ချစ်မြိုင်အပြောအရဆိုလျှင်- ကွန်မြူနစ်တွေထံမှသိမ်းဆည်းရမိသည်ဟုဆိုသောလက်နက်များမှာ ကွန်မြူနစ်တို့၏ လက်နက် အစစ်အမှန်များမဟုတ်၊ လူသတ်မီးရှို့လုပ်ချင်တိုင်းလုပ်ပြီး သက်သေပြသည့်အနေနှင့် အခြားမှလက်နက်များကို သက်သေခံပစ္စည်းအဖြစ် တင်ပြနေကြတာဖြစ်သည်ဟိုသည်။

လူတွေသတ်၊ မီးတွေရှို့တာတော့ တောင်သူလယ်သမားတွေက သက်သေခံလိမ့်မည်။