(ကျနော်တို့ဖျက်ချင်တာက)ဥပဒေရှုထောင့်က ဖွဲ့စည်းပုံပျက်ပြီဟု မည်မျှပြောပြော ပကတိနိုင်ငံရေး၏သဘောအရမူ ဖွဲ့စည်းပုံက မပျက်။ သူတို့လက်ထဲတွင် ဖွဲ့စည်းပုံအခြေခံဥပဒေတခု ဆုပ်ဆုပ်ကိုင်ကိုင်ရှိနေသည်မှာ ငြင်းမရ။ ထိုဖွဲ့စည်းပုံနှင့်အညီ ရွေးကောက်တင်မြှောက်ခံရသည့် အစိုးရနှင့်လွှတ်တော်ရှိခဲ့ဖူးတာလည်း မှန်၏။ အမတ် ၇၀ ကျော်ဖြင့် ကိုယ့်ဘာသာခေါ်ယူသည့်လွှတ်တော်ကလည်း ထိုဖွဲ့စည်းပုံနှင့်ပင် ကျမ်းကျိန်ထားသည်မှာလည်း မှန်၏။ ၂၀၂၀ ရွေးကောက်ပွဲရလာဒ် အကောင်အထည်ဖော်ရေးဆိုသည်မှာလည်း ထိုဖွဲ့စည်းပုံအောက်က အစိုးရနှင့်လွှတ်တော်ပေါ်ပေါက်လာရေးပင်ဖြစ်၏။...
