ရဲဘော်ကြင်မောင်ရဲ့ အရေးတော်ပုံ ဆောင်းပါး(၁)
အရေးတော်ပုံဂျာနယ် အတွဲ(၁)အမှတ်(၄)
၂၀၁၁ ခုနှစ်၊ ဧပြီလ
ဧရာဝတီကို ကယ်တင်ကြဖို့ ရဲဘော်ကြင်မောင်က စောစွာကတည်းက ပြောလာခဲ့ပါတာပါ။
ဒီဆောင်းပါးကို (သစ်လွင်မင်း) နာမည်နဲ့ ရေးခဲ့ပါတယ်။
ဧရာဝတီကို ကယ်တင်ပါ။
(၁)နွေဦးပေါက်စမှာပဲ ဧရာဝတီမြစ်ကြောင်းမှာ သဲသောင်တွေ ထွန်းပြီး မြစ်ကြောင်းကျဉ်းလာတယ်လို့ သိရတယ်။ ဒါဟာ ဧရာဝတီမကျန်းမာတော့ဘူးဆိုတဲ့ လက္ခဏာပါ။(၂)ဧရာဝတီဟာ ဗမာပြည်ရဲ့ အသက်သွေးကြောဖြစ်တယ်။ ဗမာပြည်ရဲ့ သမိုင်းက ဧရာဝတီကို အမှီပြုပြီး ဖြစ်ပေါ်ခဲ့တာပဲ။ ဧရာဝတီပေါ်မှာပဲ ဗမာပြည်ရဲ့သမိုင်း ရေးခဲ့ကြတာပဲ။ ဧရာဝတီ တိမ်ကောရင် တိုင်းပြည်တိမ်ကောမှာပဲ။(၃)ဧရာဝတီ မကျန်းမမာ စပြီးဖြစ်တာ န၀တ/နအဖ ခေတ်မှာကျမှဖြစ်တာပါ။ ဟိုတုန်းကဆိုရင် ဧရာဝတီ ကျန်းကျန်းမာမာ ရှိခဲ့တယ်။ ရေစီးရေလာကောင်းခဲ့တယ်။ န၀တ/နအဖ ခေတ်ကျမှစပြီးမကျန်းမမာဖြစ်တာပဲ။ ဖြစ်စဉ်ကိုကြည့်ရင် -
တောပြုန်းတာက စတယ်။
- ဗကပ ဖြိုခွဲရေးအတွက် န၀တ က ငြိမ်းအဖွဲ့တွေကို နိုင်ငံရေးမလုပ်ရင်ပြီးရော ကျန်တာအကုန်လုပ်ခွင့်ပေးခဲ့တယ်။ ဗကပ‘၁၀၁’ ဒေသ(ကချင်ပြည်နယ်အထူးဒေသ ၁) ခွဲထွက်တွေကသစ်ပင်တွေရှိသမျှခုတ်ပြီးရောင်းတယ်။ ၁၀၁ ဒေသမှာ သစ်တွေကုန်တော့မြစ်ဖျားဒေသရှိ တိုင်းမှူး၊ ဗျူဟာမှူး၊တပ်ရင်းမှူးကစပြီး စစ်တပ်အာဏာပိုင်တွေက သစ်တွေကို ပြောင်အောင် ခုတ်ခွင့်၊ သယ်ဆောင်ခွင့်တွေကို ပေးခဲ့ကြတယ်။ တရုတ်ကုန် သည်က ဒီလိုကိစ္စမှာ ကျွမ်းကျင်တယ်။ အဲဒီလိုနဲ့ ဧရာဝတီမြစ်ဖျားမှာ တောတွေ အကုန်ပြုန်းတယ်။ အဲဒီအခါကျမှ မြစ်ဖျားဧရာမှာ တောလုံးပြောင် တောင်လုံးရှင်းတော့တယ်။
-၁၉၇၈ ခုနှစ်အထိ (၂ ပါတီသဘောတူညီချက်အရ) စပါးတစေ့သစ်တစမှ ဗမာပြည်က တရုတ်ပြည်ကို ထုတ်ခွင့် မပေးခဲ့ဘူး။(၈၉) ကျတော့ တောင်ကတုံးဖြစ်အောင်ခုတ်ပြီး ထုတ်ရောင်းတယ်။ ရှေးပဝေသဏီကတည်းက ရှိခဲ့တဲ့ သဘာဝတောကြီးတွေ ပြောင်ကုန်အောင် ခုတ်ပြီး ရောင်းတယ်။
-တရုတ်ပြည်ကလည်း တံခါးဖွင့်ပေါ်လစီကျင့်သုံးစ၊‘ရောင်းနိုင်တာ အကုန်ရောင်းမယ် - ဝယ်နိုင်တာအကုန်ဝယ်မယ်’ ဆိုတဲ့ပေါ်လစီ လုပ်ကာစဆိုတော့ တောပြုန်း တောင်ကတုံးဖြစ်တာမဆန်းဘူး။-ဧရာဝတီရဲ့အစက မေခ၊ မေလိခပါ။ သူ့ရေအရင်းအမြစ်ကမိုးတွင်းမှာ မိုးရေ၊ နွေခါမှာ အရည်ပျော်ကျတဲ့ ရေခဲရေပဲ ရှိတာဖြစ်တယ်။ သိပ်များတာ မဟုတ်ဘူး။ အောက်ပိုင်းက မြစ်လက်တက်တွေကပဲ ရေအရင်းအမြစ် ဖောဖောသီသီရတာ ဖြစ်တယ်။ တာပိန်မြစ်၊ ရွှေလီမြစ်၊ မြစ်ငယ် (ဒုဋ္ဌာဝတီ)၊ ချင်းတွင်းတို့ဖြစ်တယ်။ တာပိန်နဲ့ရွှေလီက တရုတ်ပြည်မှာ မြစ်ဖျားခံတာပဲ။တရုတ်ပြည်ထဲမှာ ဆည်တွေဆောက်၊ လျှပ်စစ်ထုတ် လုပ်ကြတော့ ရေသွား ရေလာတွေ တန့်တယ်။ ခါတိုင်းလို ဖောဖောသီသီ မရနိုင်တော့ဘူး။ ဒုဋ္ဌာဝတီ (မြစ်ငယ်)၊ ချင်းတွင်းကတော့ပြည်တွင်းမှာ အခြေခံတာပါပဲ။ ဒါပေမဲ့ အခုတော့ ရဲ (ရမန်း)ရေကာတာကြီး တည်ဆောက်ထားလို့၊ ရွှေကျင် ကျောက်တူးကြလို့ ခါတိုင်းလို ရေသွားရေလာ မကောင်းတော့ဘူး။မြစ်ငယ်မြစ်ရေက ဧရာဝတီထဲ စီးဝင်တာ အင်းဝ (စစ်ကိုင်း)တံတားအောက်မှာ ဖြစ်တယ်။ တံတားဆောက်ပြီးကတည်းက တံတားအောက်မှာ သောင်ထွန်းတာ ကိုလိုနီခေတ်ကတည်းကပဲ။ ဒါပေမဲ့ မိုးတွင်းမှာ မြစ်ငယ် (ဒုဋ္ဌာဝတီ) ရေအဟုန်က တိုက်စားပစ်ပေးလို့ ရေလမ်းကြောင်းက တည်ငြိမ်ခဲ့တယ်။အခုတော့ တံတားက (၂) စင်း။ ဒုဋ္ဌာဝတီ (မြစ်ငယ်) က ရေအဟုန် မကောင်းတော့ဘူး။ ဒါကြောင့် သောင်ထွန်းတာက ကြာလေ ကျယ်ပြန့်လေ ဖြစ်လာတယ်။ အထက်ပိုင်းမှာ တောပြုန်းလို့ တိုက်စားလာတဲ့ သဲတွေကလည်း ပိုပြီး များလာတယ်။ကြာရင် ဧရာဝတီမြစ်က ကောမှာပဲ။ မြစ်ကောလာရင် မြစ်အတွင်းမှာ ရေစီးရေလာ ရပ်သွားမယ်။ အပိုင်းပိုင်း အပြတ်ပြတ်ရေသေကြောင်းတွေ ဖြစ်သွားမယ်။ ဒါမဖြစ်နိုင်တာ မဟုတ်ဘူး။ တခြားနိုင်ငံတွေမှာ ဖြစ်တာကို တွေ့နေရတာပဲ။
ကမ္ဘာ့ရာသီဥတု ဖောက်ပြန်တာ။
ဒါကလည်း တကြောင်းပဲ။ ဒီကိစ္စက မိမိတို့ချည်းတတ်စွမ်းနိုင်တဲ့ကိစ္စ မဟုတ်ဘူး။ ကမ္ဘာနဲ့ညှိပြီး လုပ်ရမှာပါ။မိမိတို့တတ်စွမ်းနိုင်တာက တံတားဆောက်၊ ဆည်တည်တာတွေမှာ ရေရှည်အမြင်ရှိရှိ လုပ်ဖို့ပဲ။ အခုတော့ ချောင်းတွေ၊မြစ်တွေမှာ အရမ်းကာရော ဆည်တွေဖို့၊ တံတားတွေ ထိုးနေကြတယ်။ (စစ်ဗိုလ်လုပ်တတ်တာလည်း အဲဒီလို တည်ဆောက်ရေးမှာ ကန်ထရိုက်နဲ့ ပေါင်းစားဖို့ပဲ။) ဧရာဝတီရဲ့ရေအရင်းအမြစ်တွေက ကြာလေလျော့ပါးလေ ဖြစ်နေပြီ။ချောင်းကောတာ၊ မြောင်းကောတာတွေ ရှိနေပြီ။ အင်းလေးကန် ရေခန်းစပြုနေပြီ။
လူဦးရေ တိုးလာတာ။
ဗမာပြည်ရဲ့ လူဦးရေ ဘယ်လောက်ရှိသလဲဆိုတာအတိအကျ တရားဝင်ထုတ်ပြန်တာ မတွေ့ရဘူး။ များလာတာကတော့ သေချာတယ်။ သန်း (၆၀) လား၊ ဘယ်လောက်လဲမသိဘူး။ ဒါပေမဲ့ နအဖ ကတော့ ရှေးဘုရင်ခေတ်က စပါးအထွက်နှုန်းကိုတောင် သိနေသလိုပဲ။ မကြာခင်က ထုတ်ပြန်တဲ့စပါးအထွက် စာရင်းအင်းမှာ ဖော်ပြထားတာ တွေ့လိုက်တယ်။သူတို့လက်ထက်မှာ စပါးတွေ ဗုံးပေါလအော ထွက်ကြောင်းကြွားချင်လို့ ရှေးဘုရင်ခေတ် စပါးထွက်နှုန်းတွေနဲ့ နှိုင်းယှဉ်ဖော်ပြထားတာပါ။လူဦးရေ များလာရင် စားသုံးသူများမယ်။ စားဖို့ စပါးစိုက်ကြမယ်။ ဧရာဝတီမြစ်ရေတင်ပြီး စိုက်တာ ရှိမယ်။ ချောင်းမြောင်းတွေပိတ်ပြီး ရေယူမယ်။ စိုက်မယ်။ အဲဒီတော့ ဧရာဝတီရဲ့ရေအရင်းအမြစ် ကြာလေ ကုန်ခန်းလေ ဖြစ်မှာပဲ။
(၄)အချိန်မနှောင်းသေးဘူး။
ဧရာဝတီကို ကယ်တင်မယ့်အစိုးရ။ဧရာဝတီကို ကုစားမယ့်ပညာရှင်။ဧရာဝတီကို ချစ်မြတ်နိုးတဲ့ပြည်သူ။အဲဒီ(၃) ဦးပေါင်းပြီးလုပ်ရင် ဧရာဝတီရှင်သန်နိုင်တယ်။အချိန်မနှောင်းသေးဘူး။ ကုစားလို့ ရသေးတယ်။ဗကပ က ဧရာဝတီကို ချစ်တယ်။ အကြောင်းအမျိုးမျိုးကြောင့် တိုင်းခြားပြည်ခြားမှာ ကွယ်လွန်တဲ့ ဗကပ များဟာသူတို့ရဲ့ အရိုးပြာကို ဧရာဝတီအထိ စီးဝင်သွားအောင် မျှောပေးပါလို့ပဲ မှာခဲ့ကြသူချည်းပဲ။ ကျန်ရစ်သူ မိသားစုကလည်း တကူးတက မျှောပေးခဲ့ကြတယ်။ဧရာဝတီကိုကယ်တင်တဲ့ လုပ်ငန်းမှာ ဗကပ တက်တက်ကြွကြွ ပါဝင်ပါမယ်။ ကျွမ်းကျင်တဲ့ ပညာရှင်များရဲ့ ခေါင်းဆောင်မှုနောက်မှာ၊ တာဝန်သိအစိုးရရဲ့နောက်မှာ အမြဲရှိနေမှာပါ။ ဧရာဝတီကို အချိန်မီ ကယ်တင်ကြပါစို့။
(ထိုအခြေအနေ၊ ထိုစဉ်က အချက်အလက်အရ ရေးတာဖြစ်ကြောင်း သတိပြုစေလိုပါတယ်)
အရေးတော်ပုံဂျာနယ် အတွဲ(၁)အမှတ်(၄)
၂၀၁၁ ခုနှစ်၊ ဧပြီလ
ဧရာဝတီကို ကယ်တင်ကြဖို့ ရဲဘော်ကြင်မောင်က စောစွာကတည်းက ပြောလာခဲ့ပါတာပါ။
ဒီဆောင်းပါးကို (သစ်လွင်မင်း) နာမည်နဲ့ ရေးခဲ့ပါတယ်။
ဧရာဝတီကို ကယ်တင်ပါ။
(၁)နွေဦးပေါက်စမှာပဲ ဧရာဝတီမြစ်ကြောင်းမှာ သဲသောင်တွေ ထွန်းပြီး မြစ်ကြောင်းကျဉ်းလာတယ်လို့ သိရတယ်။ ဒါဟာ ဧရာဝတီမကျန်းမာတော့ဘူးဆိုတဲ့ လက္ခဏာပါ။(၂)ဧရာဝတီဟာ ဗမာပြည်ရဲ့ အသက်သွေးကြောဖြစ်တယ်။ ဗမာပြည်ရဲ့ သမိုင်းက ဧရာဝတီကို အမှီပြုပြီး ဖြစ်ပေါ်ခဲ့တာပဲ။ ဧရာဝတီပေါ်မှာပဲ ဗမာပြည်ရဲ့သမိုင်း ရေးခဲ့ကြတာပဲ။ ဧရာဝတီ တိမ်ကောရင် တိုင်းပြည်တိမ်ကောမှာပဲ။(၃)ဧရာဝတီ မကျန်းမမာ စပြီးဖြစ်တာ န၀တ/နအဖ ခေတ်မှာကျမှဖြစ်တာပါ။ ဟိုတုန်းကဆိုရင် ဧရာဝတီ ကျန်းကျန်းမာမာ ရှိခဲ့တယ်။ ရေစီးရေလာကောင်းခဲ့တယ်။ န၀တ/နအဖ ခေတ်ကျမှစပြီးမကျန်းမမာဖြစ်တာပဲ။ ဖြစ်စဉ်ကိုကြည့်ရင် -
တောပြုန်းတာက စတယ်။
- ဗကပ ဖြိုခွဲရေးအတွက် န၀တ က ငြိမ်းအဖွဲ့တွေကို နိုင်ငံရေးမလုပ်ရင်ပြီးရော ကျန်တာအကုန်လုပ်ခွင့်ပေးခဲ့တယ်။ ဗကပ‘၁၀၁’ ဒေသ(ကချင်ပြည်နယ်အထူးဒေသ ၁) ခွဲထွက်တွေကသစ်ပင်တွေရှိသမျှခုတ်ပြီးရောင်းတယ်။ ၁၀၁ ဒေသမှာ သစ်တွေကုန်တော့မြစ်ဖျားဒေသရှိ တိုင်းမှူး၊ ဗျူဟာမှူး၊တပ်ရင်းမှူးကစပြီး စစ်တပ်အာဏာပိုင်တွေက သစ်တွေကို ပြောင်အောင် ခုတ်ခွင့်၊ သယ်ဆောင်ခွင့်တွေကို ပေးခဲ့ကြတယ်။ တရုတ်ကုန် သည်က ဒီလိုကိစ္စမှာ ကျွမ်းကျင်တယ်။ အဲဒီလိုနဲ့ ဧရာဝတီမြစ်ဖျားမှာ တောတွေ အကုန်ပြုန်းတယ်။ အဲဒီအခါကျမှ မြစ်ဖျားဧရာမှာ တောလုံးပြောင် တောင်လုံးရှင်းတော့တယ်။
-၁၉၇၈ ခုနှစ်အထိ (၂ ပါတီသဘောတူညီချက်အရ) စပါးတစေ့သစ်တစမှ ဗမာပြည်က တရုတ်ပြည်ကို ထုတ်ခွင့် မပေးခဲ့ဘူး။(၈၉) ကျတော့ တောင်ကတုံးဖြစ်အောင်ခုတ်ပြီး ထုတ်ရောင်းတယ်။ ရှေးပဝေသဏီကတည်းက ရှိခဲ့တဲ့ သဘာဝတောကြီးတွေ ပြောင်ကုန်အောင် ခုတ်ပြီး ရောင်းတယ်။
-တရုတ်ပြည်ကလည်း တံခါးဖွင့်ပေါ်လစီကျင့်သုံးစ၊‘ရောင်းနိုင်တာ အကုန်ရောင်းမယ် - ဝယ်နိုင်တာအကုန်ဝယ်မယ်’ ဆိုတဲ့ပေါ်လစီ လုပ်ကာစဆိုတော့ တောပြုန်း တောင်ကတုံးဖြစ်တာမဆန်းဘူး။-ဧရာဝတီရဲ့အစက မေခ၊ မေလိခပါ။ သူ့ရေအရင်းအမြစ်ကမိုးတွင်းမှာ မိုးရေ၊ နွေခါမှာ အရည်ပျော်ကျတဲ့ ရေခဲရေပဲ ရှိတာဖြစ်တယ်။ သိပ်များတာ မဟုတ်ဘူး။ အောက်ပိုင်းက မြစ်လက်တက်တွေကပဲ ရေအရင်းအမြစ် ဖောဖောသီသီရတာ ဖြစ်တယ်။ တာပိန်မြစ်၊ ရွှေလီမြစ်၊ မြစ်ငယ် (ဒုဋ္ဌာဝတီ)၊ ချင်းတွင်းတို့ဖြစ်တယ်။ တာပိန်နဲ့ရွှေလီက တရုတ်ပြည်မှာ မြစ်ဖျားခံတာပဲ။တရုတ်ပြည်ထဲမှာ ဆည်တွေဆောက်၊ လျှပ်စစ်ထုတ် လုပ်ကြတော့ ရေသွား ရေလာတွေ တန့်တယ်။ ခါတိုင်းလို ဖောဖောသီသီ မရနိုင်တော့ဘူး။ ဒုဋ္ဌာဝတီ (မြစ်ငယ်)၊ ချင်းတွင်းကတော့ပြည်တွင်းမှာ အခြေခံတာပါပဲ။ ဒါပေမဲ့ အခုတော့ ရဲ (ရမန်း)ရေကာတာကြီး တည်ဆောက်ထားလို့၊ ရွှေကျင် ကျောက်တူးကြလို့ ခါတိုင်းလို ရေသွားရေလာ မကောင်းတော့ဘူး။မြစ်ငယ်မြစ်ရေက ဧရာဝတီထဲ စီးဝင်တာ အင်းဝ (စစ်ကိုင်း)တံတားအောက်မှာ ဖြစ်တယ်။ တံတားဆောက်ပြီးကတည်းက တံတားအောက်မှာ သောင်ထွန်းတာ ကိုလိုနီခေတ်ကတည်းကပဲ။ ဒါပေမဲ့ မိုးတွင်းမှာ မြစ်ငယ် (ဒုဋ္ဌာဝတီ) ရေအဟုန်က တိုက်စားပစ်ပေးလို့ ရေလမ်းကြောင်းက တည်ငြိမ်ခဲ့တယ်။အခုတော့ တံတားက (၂) စင်း။ ဒုဋ္ဌာဝတီ (မြစ်ငယ်) က ရေအဟုန် မကောင်းတော့ဘူး။ ဒါကြောင့် သောင်ထွန်းတာက ကြာလေ ကျယ်ပြန့်လေ ဖြစ်လာတယ်။ အထက်ပိုင်းမှာ တောပြုန်းလို့ တိုက်စားလာတဲ့ သဲတွေကလည်း ပိုပြီး များလာတယ်။ကြာရင် ဧရာဝတီမြစ်က ကောမှာပဲ။ မြစ်ကောလာရင် မြစ်အတွင်းမှာ ရေစီးရေလာ ရပ်သွားမယ်။ အပိုင်းပိုင်း အပြတ်ပြတ်ရေသေကြောင်းတွေ ဖြစ်သွားမယ်။ ဒါမဖြစ်နိုင်တာ မဟုတ်ဘူး။ တခြားနိုင်ငံတွေမှာ ဖြစ်တာကို တွေ့နေရတာပဲ။
ကမ္ဘာ့ရာသီဥတု ဖောက်ပြန်တာ။
ဒါကလည်း တကြောင်းပဲ။ ဒီကိစ္စက မိမိတို့ချည်းတတ်စွမ်းနိုင်တဲ့ကိစ္စ မဟုတ်ဘူး။ ကမ္ဘာနဲ့ညှိပြီး လုပ်ရမှာပါ။မိမိတို့တတ်စွမ်းနိုင်တာက တံတားဆောက်၊ ဆည်တည်တာတွေမှာ ရေရှည်အမြင်ရှိရှိ လုပ်ဖို့ပဲ။ အခုတော့ ချောင်းတွေ၊မြစ်တွေမှာ အရမ်းကာရော ဆည်တွေဖို့၊ တံတားတွေ ထိုးနေကြတယ်။ (စစ်ဗိုလ်လုပ်တတ်တာလည်း အဲဒီလို တည်ဆောက်ရေးမှာ ကန်ထရိုက်နဲ့ ပေါင်းစားဖို့ပဲ။) ဧရာဝတီရဲ့ရေအရင်းအမြစ်တွေက ကြာလေလျော့ပါးလေ ဖြစ်နေပြီ။ချောင်းကောတာ၊ မြောင်းကောတာတွေ ရှိနေပြီ။ အင်းလေးကန် ရေခန်းစပြုနေပြီ။
လူဦးရေ တိုးလာတာ။
ဗမာပြည်ရဲ့ လူဦးရေ ဘယ်လောက်ရှိသလဲဆိုတာအတိအကျ တရားဝင်ထုတ်ပြန်တာ မတွေ့ရဘူး။ များလာတာကတော့ သေချာတယ်။ သန်း (၆၀) လား၊ ဘယ်လောက်လဲမသိဘူး။ ဒါပေမဲ့ နအဖ ကတော့ ရှေးဘုရင်ခေတ်က စပါးအထွက်နှုန်းကိုတောင် သိနေသလိုပဲ။ မကြာခင်က ထုတ်ပြန်တဲ့စပါးအထွက် စာရင်းအင်းမှာ ဖော်ပြထားတာ တွေ့လိုက်တယ်။သူတို့လက်ထက်မှာ စပါးတွေ ဗုံးပေါလအော ထွက်ကြောင်းကြွားချင်လို့ ရှေးဘုရင်ခေတ် စပါးထွက်နှုန်းတွေနဲ့ နှိုင်းယှဉ်ဖော်ပြထားတာပါ။လူဦးရေ များလာရင် စားသုံးသူများမယ်။ စားဖို့ စပါးစိုက်ကြမယ်။ ဧရာဝတီမြစ်ရေတင်ပြီး စိုက်တာ ရှိမယ်။ ချောင်းမြောင်းတွေပိတ်ပြီး ရေယူမယ်။ စိုက်မယ်။ အဲဒီတော့ ဧရာဝတီရဲ့ရေအရင်းအမြစ် ကြာလေ ကုန်ခန်းလေ ဖြစ်မှာပဲ။
(၄)အချိန်မနှောင်းသေးဘူး။
ဧရာဝတီကို ကယ်တင်မယ့်အစိုးရ။ဧရာဝတီကို ကုစားမယ့်ပညာရှင်။ဧရာဝတီကို ချစ်မြတ်နိုးတဲ့ပြည်သူ။အဲဒီ(၃) ဦးပေါင်းပြီးလုပ်ရင် ဧရာဝတီရှင်သန်နိုင်တယ်။အချိန်မနှောင်းသေးဘူး။ ကုစားလို့ ရသေးတယ်။ဗကပ က ဧရာဝတီကို ချစ်တယ်။ အကြောင်းအမျိုးမျိုးကြောင့် တိုင်းခြားပြည်ခြားမှာ ကွယ်လွန်တဲ့ ဗကပ များဟာသူတို့ရဲ့ အရိုးပြာကို ဧရာဝတီအထိ စီးဝင်သွားအောင် မျှောပေးပါလို့ပဲ မှာခဲ့ကြသူချည်းပဲ။ ကျန်ရစ်သူ မိသားစုကလည်း တကူးတက မျှောပေးခဲ့ကြတယ်။ဧရာဝတီကိုကယ်တင်တဲ့ လုပ်ငန်းမှာ ဗကပ တက်တက်ကြွကြွ ပါဝင်ပါမယ်။ ကျွမ်းကျင်တဲ့ ပညာရှင်များရဲ့ ခေါင်းဆောင်မှုနောက်မှာ၊ တာဝန်သိအစိုးရရဲ့နောက်မှာ အမြဲရှိနေမှာပါ။ ဧရာဝတီကို အချိန်မီ ကယ်တင်ကြပါစို့။
(ထိုအခြေအနေ၊ ထိုစဉ်က အချက်အလက်အရ ရေးတာဖြစ်ကြောင်း သတိပြုစေလိုပါတယ်)
0 comments:
Post a Comment