“တွေးမြင်မှုကိုသင်ယူခြင်း”ထောင်ထဲတွင် အကြောင်းအရာ များစွာဖြစ်ခဲ့ပါသည်။ လေ့လာစရာ သင်ယူစရာများလည်း များပါသည်။ ထောင်ဝင်စာသတင်းများလည်း စုံပါသည်။ လူလည်းစုံ အတွေးအခေါ်လည်းစုံပါသည်။ ထိုလူစုံ အတွေးအခေါ်စုံတို့သည် ခဲဆန်လေးတချောင်း၊ ဘောလ်ပင်န်လေးတခု၊ စာရွက်ကလေးတရွက် လက်ထဲမိသည်ဆိုလျှင်ပင် မချိမဆန့်နှိပ်စက်ခံရပင်ခံရငြားလည်း နည်းနည်းလေးအခွင့်သာချိန် အနေချောင်ချိန်များတွင် သတင်းစာ၊ စာအုပ်နှင့် ရေဒီယိုများပင် ခိုးသွင်းကာ ဖတ်ရှုနားထောင်ခဲ့ကြပါသည်။ မိသွားလျှင် ထောင်တွင်းပြစ်ဒဏ်သာမက နောက်အမှုတွဲ၍ ထောင်ထပ်ကျနိုင်ပါသည်။...
