လျှောမွေးကို ဗာရာဏသီချဲ့နေတဲ့ ဆင်ဖြူတော်ငြိမ်းချမ်းရေး(တူမောင်ညို)

လျှောမွေးကို ဗာရာဏသီချဲ့နေတဲ့ ဆင်ဖြူတော်ငြိမ်းချမ်းရေး(တူမောင်ညို)

(၂ဝ၁၅ ခုနှစ်၊ ဧပြီလ ၉ ရက်)

သမ္မတဦးသိန်းစိန်ရဲ့အပြောကဒီလိုပါ

“ငြိမ်းချမ်းရေးအတွက် မျှော်လင့်ချက်ရောင်ခြည်တင် မကပါဘူး၊ အလင်းတန်းတွေပေါ်လာပြီဖြစ်တယ်လို့ ကျွန်တော်တို့ပြောလို့ရပါပြီ။ မကြာခင် ငြိမ်းချမ်းရေးရဖို့လည်း အားလုံးဝိုင်းပြီး ဆုတောင်းပေးကြပါ”တဲ့။

တကယ်မြင်တွေ့နေရတာကတော့ စစ်လေယာဉ်ပေါ်ကနေကြဲချနေတဲ့ ငရဲဗုံးတွေရဲ့အလင်းတန်းတွေ၊ အမြောက်ကြီးတွေနဲ့ ပစ်ခတ်နေလို့ ပေါ်လာထွက်လာနေတဲ့ သေမင်းရဲ့အလင်းရောင်တန်းတွေသာဖြစ်ပါတယ်။ ဒီအလင်းတန်းတွေထဲကနေ ဖျက်ကနဲမြင်နေရတာတော့ နေ့စဉ်နဲ့အမျှ အတုံးအရုံးသေဆုံး၊ ဒဏ်ရာရနေကြတဲ့ အောက်ခြေတပ်ဗိုလ်တပ်သားတွေ၊ ကျန်ရစ်သူမိသားစုဝင်များရဲ့ မျက်ဝန်းတွေထဲမှ မျက်ရည်စတွေသာဖြစ်ပါတယ်။

ပြန်ကြားဝန်ကြီးအပြောက ဒီလိုပါ

“ဒီနေ့မှာတော့ နိုင်ငံ့ခေါင်းဆောင် နိုင်ငံတော်သမ္မတကြီးနှင့် တပ်မတော်ခေါင်းဆောင် ဗိုလ်ချုပ်မှူးကြီးမင်းအောင်လှိုင်တို့က ငြိမ်းချမ်းရေးကို ဖော်ဆောင်နိုင်တဲ့ ရှားရှားပါးပါးနိုင်ငံ့ခေါင်းဆောင်၊ တပ်မတော်ခေါင်းဆောင်များအဖြစ် သမိုင်းဝင်သွားပြီပြောလို့ရပါတယ်” တဲ့။

ပြန်ကြားရေးဝန်ကြီးပြောတာကို ဖတ်လိုက်ရတဲ့အခါ ရှားပါးပြီး မျိုးတုန်းပျောက်ကွယ်လုနီးပါးဖြစ်နေတဲ့ ဧရာဝတီလင်းပိုင်နဲ့ပန်ဒါနီဝက်ဝံ ၂ ကောင်ရဲ့ဓါတ်ပုံတွေကို မျက်စေ့ထဲပြေးမြင်မိပါတယ်။ ရှားရှားပါးပါး နိုင်ငံခေါင်းဆောင်၊ တပ်မတော်ခေါင်းဆောင်ဖြစ်တဲ့  သမ္မတနဲ့ကာချုပ် ကိုလည်း မျိုးတုန်းပျောက်ကွယ်မသွားဖို့ ဘယ်လို ထိန်းသိမ်းစောင့်ရှောက်ကြမလဲဆိုတာ (WWF)နဲ့ အခုကတည်းကစတင်ပြီး အလျှင်အမြန် ဖိတ်ခေါ်ညှိနှိုင်း တိုင်ပင်ဆောင်ရွက်သင့်ပြီလို့မြင်ပါတယ်။

အားမနာတမ်းပြောရရင် စာချုပ်မူကြမ်း လက်မှတ်ထိုးကြတာကို “ငြိမ်းချမ်းရေး” မနက်ဖန်ရတော့မလောက် လျှာအရိုးမရှိတိုင်း လျှောမွေးကို ဗာရာဏသီချဲ့ ပြောဆိုနေကြတာပါ။

သူတို့ စစ်တပိုင်းအစိုးရထိပ်ပိုင်းတွေ အာတွေ့ပြီးပြောနေတဲ့ “ထာဝရငြိမ်းချမ်းရေး”ဆိုတာက ထာဝရဝေးကွာနေဆဲဖြစ်ပါတယ်။ တကယ်တော့ မတ်လ ၃၁ ရက်နေ့က (NCA)စာချုပ်မူကြမ်းကို (NCCT)နဲ့ (UPWC)တို့ သဘောတူ လက်မှတ် ထိုးကြတာသာဖြစ်ပါတယ်။ ဒီထက် ဘာဆို ဘာမှ မပိုပါဘူး။ အဖြစ်မှန်ကိုဖုံးကွယ်ပြီး၊ လိုသလို ပုံကြီးချဲ့ပြောနေလုပ်နေတာတွေဟာ လိမ်ညာကောက်ကျစ်မှုဖြစ်ပါတယ်။ မျှော်လင့်ချက် မှားတွေပေးပြီး မှိုင်းတိုက်နေတာဖြစ်ပါတယ်။

သူတို့ ပြောနေတဲ့ ပြည်တွင်းပြည်ပ၌ အလွတ်သဘော(၂၂) ကြိမ်၊ တရားဝင်(၇)ကြိမ် ဆွေးနွေးခဲ့ကြတယ်ဆိုတဲ့ တစ်နှစ်နဲ့ငါးလဆိုတဲ့ အချိန်တို အတွင်းကိုပဲ မူတည်ပြောရရင် အပစ်အခတ် တကယ်မရပ်စဲနိုင်သေးပါဘူး။ မပစ်မခတ်ပဲ ရက်ပေါင်း၃ဝ ကြာအောင် နေခဲ့တဲ့ရက် မရှိခဲ့ပါဘူး။ (၇)ကြိမ်မြောက်ဆွေးနေစဉ်အတွင်းမှာလည်း အပစ်အခပ်မရပ်စဲနိုင်ခဲ့သလို၊ မတ်လ ၃၁ ရက်နေ့ (NCA)စာချုပ်မူကြမ်း လက်မှတ်ရေးထိုးပြီး နောက်ပိုင်း ရက်သတ္တပတ်အတွင်းမှာလည်း အပစ်အခတ်ရပ်စဲသွားတယ်လို့မရှိခဲ့ပါ။

ရေရှည်တည်တံ့နိုင်မယ့် အပစ်အခတ်ရပ်စဲကိုတောင် ပီပီပြင်ပြင် မဆောင်ရွက်နိုင်သေးဘဲ၊ “ငြိမ်းချမ်းရေး အလင်းတန်းတွေပေါ် လာပြီ” လို့ပြောနေဟာ အိပ်မပျော်တဲ့ညတွေများပြီး စိတ်ကစဥ့်ကလျားဖြစ်လို့ စိတ်ကူးပေါက်ရောက် လျှောက်ပြောနေတာမျိုးနဲ့တူပါတယ်။

တကယ်တော့ ငြိမ်းချမ်းရေးဆိုတာ တည်ရှိနေတဲ့နိုင်ငံရေးပြဿနာတွေကို ဘယ်လောက်အတိုင်းအတာအထိဖြေရှင်း၊ ပြေလည်စေနိုင်ခဲ့သလဲ ဆိုတဲ့အချက်အပေါ်မှာ ငြိမ်းချမ်းရေးရဲ့နယ်နိမိတ်အဝန်းအဝိုင်း၊ ငြိမ်းချမ်းရေးတည်တံ့နိုင်တဲ့ကာလ အကန့်အသတ်က တည်နေတာဖြစ်ပါတယ်။

ငြိမ်းချမ်းရေးဆိုတာ မိုးပေါ်ကကျလာမှာ မဟုတ်သလို၊ မြေကြီးထဲကနေ အလိုအလျောက်ပေါ်ထွက်လာမှာ မဟုတ်ပါဘူး။ တိုင်းပြည်နဲ့ ပြည်သူများအတွက် ရာစုနှစ်ဝက်ကျော်ကြာထိခိုက်နစ်နာနေရတဲ့ ပြည်တွင်းစစ် နာတာရှည်ရောဂါဆိုးကြီးရဲ့ဇစ်မြစ်ကို ခုတ်ဖြတ်ပြီး၊ ဒီမိုကရေစီလည်းရှိ၊ တန်းတူသွေးစည်းမှုလည်းရှိတဲ့အခြေခံအပေါ်မှာ ငြိမ်းချမ်းရေးကိုအခိုင်အမာ တည်ဆောက်သွားကြရမှာ ဖြစ်ပါတယ်။  တန်းတူမှုလည်းရှိ၊ ဒီမိုကရေစီလည်းရှိမှ ငြိမ်းချမ်းရေးနဲ့ညီညွတ်ရေးကို တည်ဆောက်နိုင်မယ်၊ ငြိမ်းချမ်းရေးနဲ့ညီညွတ်ရေးရှိမှ တိုင်းပြည်နဲ့ ပြည်သူခေတ်မီဖွံ့ဖြိုးတိုးတက်ရေး၊ အခြားနိုင်ငံများနဲ့ ရင်ဘောင်တန်းနိုင်ရေးဆိုတဲ့လမ်းကို လျှောက်လှမ်းနိုင်မှာဖြစ်ပါတယ်။

ဒါကြောင့် ဒီမိုကရေစီနဲ့တန်းတူမှုကို အခြေခံကျကျ ဖြေရှင်းပြေလည်စေနိုင်မှသာလျှင် ရေရှည်တည်တံ့ပြီး အာမခံချက်ရှိစေမယ့် ငြိမ်းချမ်းရေးကို အခိုင်အမာတည်ဆောက်နိုင်ပါလိမ့်မယ်။ “၂ဝဝ၈ အခြေခံဥပဒေ”ဟာ ဒီမိုကရေစီစံနှုန်းလည်းမပြည့်ဝ၊ တန်းတူရည်တူ လည်းမရှိတဲ့ ဖွဲ့စည်းပုံအခြေခံဥပဒေတစ်ခုဖြစ်ပါတယ်။ ဒီအခြေခံဥပဒေကို အတင်းအဓမ္မလက်ခံစေခြင်း၊ ၂ဝဝ၈ အခြေခံဥပဒေဘောင်ထဲ ဇွတ်အတင်းသွတ်သွင်းနေခြင်းတို့ဟာ ငြိမ်းချမ်းရေးရရှိစေနိုင်မည့် မှန်ကန်သောဖြေရှင်းနည်းမဟုတ်ပါ။

“၂ဝဝ၈ အခြေခံဥပဒေ” ဘောင်ထဲဇွတ်အတင်းသွတ်သွင်းနေခြင်း၊ အဓမ္မလက်ခံစေခြင်းတို့ဟာ နိုင်ငံရေးပြဿနာကို တစ်ဖက်သတ် အနိုင်ကျင့်ဖြေရှင်းနည်း၊ နိုင်ငံရေးပြဿနာကို အပေါ်ယံဟန်ပြဖြေရှင်းနေသည့် နည်းလမ်းများသာဖြစ်ပါတယ်။

နိုင်ငံရေးပြဿနာကို အပေါ်ယံပဲဖြေရှင်းနိုင်ခဲ့တယ်ဆိုရင် ရရှိလာတဲ့ငြိမ်းချမ်းရေးဆိုတာကလည်း  လူကြားကောင်းရုံ၊ ဝါဒဖြန့်ကောင်းရုံ၊ ကုလ၊ ဂျပန်၊ နော်ဝေ အစရှိတဲ့ ပြည်ပနိုင်ငံအချိ့ထံမှ ပရိုပိုဆယ်တင် ပိုက်ဆံလက်ဖြန့်တောင်းနိုင်တဲ့ ၊ အပေါ်ယံဟန်ပြငြိမ်းချမ်းရေး၊ တနပ်စား ငြိမ်းချမ်းရေးပဲ ဖြစ်နေမှာပါ။

“တပ်မတော်ရဲ့သဘောထားရပ်တည်ချက် ၆ ချက်” ဆိုသည်ကို စစ်တပ်က၊ စစ်အုပ်စုက၊ စစ်တပိုင်းအစိုးရက အမြဲစွဲကိုင်ထားသမျှ ကာလပတ်လုံး “ထာဝရငြိမ်းချမ်းရေး”သည် ထာဝစဉ်ကွာဝေးနေမှာပဲဖြစ်ပါတယ်။ ညီညွတ်ရေးနဲ့ငြိမ်းချမ်းရေးကင်းဝေးနေတဲ့တိုင်းပြည်မှာ ဒီမိုကရေစီလည်းမရှိနိုင်သလို၊ ခေတ်မီဖွံ့ဖြိုးတိုးတက်ဖို့ဆိုတာလည်း ဘယ်လိုမှမဖြစ်နိုင်ပါ။  (၆၇) နှစ် ကြာမြင့်လာပြီဖြစ်တဲ့ လွတ်လပ်ရေး သတ်တမ်း - ပြည်တွင်းစစ်သက်တမ်းကာလဖြစ်ရပ်များက ဤအချက်ကို အထင်အရှားသက်သေခံနေပါတယ်။

(ဗိုလ်) ဦးသိန်းစိန်စစ်တပိုင်းအစိုးရအနေနဲ့ ဒီမိုကရေစီနဲ့တန်းတူမှုရှိတဲ့အခြေခံအပေါ်မှာ ပြည်တွင်းစစ်ကိုရပ်ဆိုင်းပြီး၊ ပြည်တွင်း ငြိမ်းချမ်းရေးကိုတည်ဆောက်ဖို့လိုပါတယ်။ “တပ်မတော်ရဲ့သဘောထားရပ်တည်ချက် ၆ ချက်” အလျှင်အမြန် စွန့်လွှတ်ဖို့လိုအပ်ပါတယ်။ သို့မှသာ “ထာဝရငြိမ်းချမ်းရေး”ဆိုတဲ့ အဆင့်သို့ တက်လှမ်းနိုင်ပါလိမ့်မယ်။