ခေါင်းငုံ့ခံလေ အနိုင်ကျင့်လေ(ရွှေကြာ)

ခေါင်းငုံ့ခံလေ အနိုင်ကျင့်လေ
RED LOTUS·THURSDAY, MARCH 10, 2016
(ရွှေကြာ)

ဗိုလ်မင်းအောင်လှိုင် မိန့်ခွန်းပြောတာတွေ ခုတလောကို မနည်းဘူး။

ခု နောက်ဆုံးပြောတာက သမ္မတလောင်းများအမည်စာရင်းမတင်သွင်းမီ တရက်အလိုမှာပြောတာ။ ၉ ရက်နေ့က နိုင်ငံတော်ကာကွယ်ရေးတက္ကသိုလ်မှာ ပြောတာ။

အရင်မိန့်ခွန်းလို စစ်တပ်အာဏာကိုင်ထားသူရဲ့ အစွယ်ငေါငေါစကားကို ထုတ်ဖော်တာမှတပါး ဘာအရည်အချင်းမှမရှိ။ ဘာပရိယာယ်မှ မရှိ။ ဘာသမိုင်းအမြင်မှ မရှိ။

တခါလာလည်း နိုင်ငံခြားသွေးနှော။ တခါလာလည်း နိုင်ငံခြားသွေးနှော ဆီသည်မလက်သုတ်ဖတ်လို ညစ်ပေနံစော်နေပြီ။ ကိုလိုနီနယ်ချဲ့စနစ်အုပ်စိုးမှုစနစ်ကို စနစ်အကြောင်း တိတိပပပြောဆိုပြတာမလုပ်နိုင်ဘဲ နိုင်ငံခြားသားသွေးနှော ကပြားများကြောင့်လိုလို ပြောတာ သူ့ဦးနှောက်သေးသိမ်၊ အမြင်တိမ်မှုကိုဖော်ပြလိုက်တာ။ လွတ်လပ်ရေးရပြီး တိုင်းပြည်အကျပ်အတည်းတွေအကြောင်းလည်း နိုင်ငံရေးအရ သမိုင်းကြောင်းအရ မှန်မှန်ကန်ကန်မပြောဘဲ နိုင်ငံခြားသွေးနှောအကြောင်းကိုပဲ လိုသလိုဆွဲပြောနေတာ ကာချုပ်တယောက်လုပ်ပြီး အင်မတန်ကို နုံချာကြောင်း၊ အရည်အချင်း တပြားသားမှမရှိကြောင်း ဖော်ပြနေတယ်။ ဒါ ထားတော့။

သူ တလျှောက်လုံးပြောနေတာ စစ်အုပ်စုကို မထိနဲ့၊ စစ်အာဏာရှင်စနစ်ကို မထိနဲ့။ တို့တာဝန်အရေးသုံးပါးကို မထိနဲ့။ ၂ဝဝ၈ ဖွဲ့စည်းအုပ်ချုပ်ပုံအခြေခံဥပဒေကို မထိနဲ့…ဆိုတာတွေက အနှစ်သာရပဲ။ အရှင်းဆုံးပြောရရင် တို့အကျိုးစီးပွားနဲ့ တို့အာဏာ မထိနဲ့ဆိုတာပဲ။

သူပြောတာတွေအရ ဘယ်အစိုးရတက်တက်--ပြည်တွင်းစစ်ဆိုတာ တို့ဖန်တီးထားတဲ့အခင်းအကျင်းပဲ။ ဘယ်သူတွေ ဝင်ရောက်ဆွေးနွေးနွေး တို့တိုက်ချင်တိုက်မယ်။ တို့မတိုက်ချင်တဲ့အခါ မတိုက်ဘူး။

ဘယ်သူတွေဖြစ်ဖြစ် ၂ဝဝ၈ ဥပဒေအောက် ခေါင်းငုံ့ဒူးထောက် အေးအေးနေရင် လုပ်ခွင့်တချို့တလေတော့ရမယ်။ စစ်အုပ်စုအာဏာတော့ လာမထိနဲ့။

ဘာမဆို သူတို့ကသာ ပလ္လင်ပေါ်က ဖြစ်ကြောင်း သံလျက်တဝင်းဝင်းနဲ့ ခြိမ်းခြောက်ပြနေတာ။

ပြည်သူလူထုက ရွေးကောက်တင်မြှောက်လိုက်တဲ့ အမျိုးသားဒီမိုကရေစီအဖွဲ့ချုပ်က သိမ်သိမ်မွေ့မွေ့လမ်းကြောင်းရွေးချယ်ပြီး စစ်တပ်နဲ့ ထိပ်တိုက်မတွေ့လိုဘဲ သင့်မြတ်ရေးလုပ်ချင်လေလေ သူတို့က အပေါ်စီးကတင်းမာလေလေ။ အမြတ်ထုတ်ချင်လေလေ။

ခု သူပြောတာ နောင်အစိုးရ ငါးနှစ်သက်တမ်းကို တရားဝင်အမိန့် ရာဇသံပေးလိုက်ပြီ။
လက်ရှိအခြေအနေများမှယိမ်းယိုင်မှုကို လက်မခံတဲ့။ လက်ရှိအခြေအနေဆိုတာ ဘာတိုးတက်မှုများရခဲ့တဲ့ လက်ရှိအခြေအနေလဲ။ အဖက်ဖက်ကဖိအားတွေကြောင့် ဒီမိုကရေစီလမ်းကြောင်းဆိုပြီး ဟန်ဆောင်ချင်ကြတာ။ ဒီမိုကရေစီနဲ့ကစားတာ သူတို့တွက်ကိန်းလွဲပြီး ရွေးကောက်ပွဲမှာ ဒီချုပ်အနိုင်ရသွားတာ။ ဒါကိုပဲ လက်မတထောင်ထောင်နဲ့ သူတို့ကပဲ ဒီမိုကရေစီဖခင်ကြီးတွေလိုလို။ မာဖီးယားဂုဏ်းခေါင်းဆောင်ကြီးက ပြောနေလိုက်တာ။

သူတို့က တကယ့်မာဖီးယားဂုဏ်းခေါင်းဆောင်တွေလိုပဲ ပြည်တွင်းပြည်ပ သူတို့လူမိုက်တွေအပေါင်းပါတွေနဲ့ တိုင်းပြည်အကျိုးစီးပွားကို ထင်သလို ရောင်းစားဝေစုခွဲနေကြတာ။ လက်ပံတောင်းတောင်ကိစ္စဆိုတာ သူတို့ဂိုဏ်းအုပ်စုရဲ့အကျိုးစီးပွား အဓိကပါနေလို့ ဝမ်ပေါင်ကို အကာအကွယ်ပေးတာ။ ဖားကန့်မှာ ကျောက်စိမ်းတွေ တူးချင်သလိုတူးနေတာ သူတို့က ဝါးစေစားစေ ခွင့်ပြုထားတာ။ အပစ်ရပ်ပြီး တို့နဲ့သာပေါင်း။ သစ်တောခုတ်စေ၊ ကျောက်တူးစေ။ ဘိန်းလုပ်စေ--ဆိုပြီး မာဖီးယားဆရာကြီးက ညွှန်ကြားထားတာ။

အားလုံး သူတို့စစ်အုပ်စုအကျိုးစီးပွားကြောင့် ဖြစ်ပျက်နေရတာတွေ။ ဘယ်တရုတ်ကိုမှ သူတို့ကြောက်နေတာ မဟုတ်ဘူး။ သူတို့အကျိုးစီးပွားထိပါးမှာသာ သူတို့အကြောက်ဆုံး။ ကုလား-တရုတ်မုန်းတီးရေးကို သူတို့က တစစမီးမွေးထားပြီး သူတို့လိုအပ်တဲ့အချိန် မီးတောက်ရှိူ့ပြီး ထုတ်အသုံးချဖို့ပြင်ထားတဲ့အကွက်တွေ။

ပြည်သူတွေ ရွေးကောက်တင်မြှောက်လိုက်တဲ့ ရွေးကောက်ပွဲအနိုင်ရဒီချုပ်ကိုတော့ ငါးနှစ်သက်တမ်းအတွင်း ဒီအခြေအနေတွေကနေ မယိမ်းယိုင်စေနဲ့။ တို့အကျိုးစီးပွားတွေ မထိပါးစေနဲ့။ တို့သဘောမကျတာတွေ မလုပ်နဲ့။ တို့ငြိုငြင်မှာတွေ မလုပ်နဲ့။ တို့ခွင့်ပြုတာတွေကို တို့ခွင့်ပြုသလောက်ပဲလုပ်ကြလို့ပြောလိုက်တာ။

ခေါင်းငုံ့ခံလေ- အနိုင်ကျင့်လေ။

တက်လာမယ့် ဒီချုပ်အစိုးရကို ခင်ပုပ်နဲ့ကျီး ရန်မီးလို အငြိုးတကြီးနဲ့တိုက်ခိုက်ဖို့ပြင်ထားတယ်ဆိုတာ လက်တွြေု့ဖစ်ရပ်တွေက ပိုပြီးရှင်းအောင် ပြသလာနေတယ်။

သူ ရှေ့ကထွက်ပြောပြီးရင် အမျိုးသားဒီမိုကရေစီအဖွဲ့ချုပ်ကို စစ်တပ်ပါတီ ကြံ့ဖွံ့နဲ့ သူမွေးထားတဲ့အပေါင်းပါးတွေ လူမိုက်အင်အားတွေက လိုအပ်ရင်လိုအပ်သလို တအာအာနဲ့ ဝိုင်းဝန်းထိုးဆိတ်ဖို့ အသင့်အနေအထားပြင်ထားကြမှာ မုချမလွဲပါပဲ၊
(Hla Win ဆီကနေတဆင့်ယူပါတယ်)