ဗိုလ်မြင့်ဆွေကိစ္စ(၂) မျိုးမြင့်ချို

ဗိုလ်မြင့်ဆွေကို ဆက်ပိတ်ဆို့ထားမယ်ဆို သူဒုသမ္မတတက်လုပ်နေတဲ့အစိုးရနဲ့ အမေရိကန်အစိုးအတွက် အစိုးရအစိုရခြင်းဆက်ဆံရေးလုပ်ဖို့မလွယ်ဘူး။ ပိတ်ဆို့ထားကို မပယ်ဖျက်ပဲ မျက်ခွက်ပြောင်ပြောင်နဲ့ စခန်းသွားဖို့ဆိုတာမဖြစ်နိုင်ဘူး။ ဒီတော့ မြင့်ဆွေကို နံမည်ပျက်စာရင်းကနေ ဖျက်ကိုဖျက်ပေးရလိမ့်မယ်။ မဖျက်ပေးလည်း အင်န်အယ်လ်ဒီက ဖျက်ပေးဖို့ပြောလာမယ်ဆိုတာ အမေရိကန်ဘက်က တွက်ပြီးသား။ အောင်သောင်းကိစ္စမှာကတည်းက အန်ကယ်လ်ဆမ်ကြီး သဘောပေါက်သွားပြီ ဒေါ်စုရဲ့ အင်န်အယ်လ်ဒီနဲ့စစ်တပ် ပြန်လည်သင့်မြတ်ရေးမူကို။ အဲ့သလို အင်န်အယ်လ်ဒီဘက်က တင်လာတဲ့အထိ သူစောင့်လိမ့်မယ်။ သူ့သဘောနဲ့ သူဖျက်တာမဟုတ် လူထုကရွေးချယ်တင်မြှောက်ထားတဲ့ အနိုင်ရပါတီကတောင်းဆိုလို့ဖျက်ပေးတာဆို သူလည်းမျက်နှာလှတယ်။ ဘယ်သူ့မှ မျက်နှာပျက်စရာလည်း သိတ်မရှိလှဘူး။

အင်န်အယ်လ်ဒီအဖို့ကတော့ သန်းကောင်ထက် ညည့်နက်စရာမရှိတော့ဘူး။ အောင်သောင်းကိစ္စမှာလည်း ဖွတ်ဖွတ်ကြေအောင် အပြောအဆိုခံခဲ့ရပြီးပြီ။ ဒေါ်စုထောက်ခံသူတွေနဲ့ အမေစုအမေစုလုပ်နေသူတွေကတော့ အမေဘာလုပ်လုပ်မှန်တယ်ဆိုပြီး မျက်စေ့မှိတ်ထောက်ခံကြမှာပဲ။ အဲ့ဒီလူအများစုမှာ ကိုယ်ကျိုးစီးပွားနဲ့ယှဉ်တဲ့ အကြောင်းခြင်းရာတွေလည်းရှိနိုင်သလို ကောင်းနိုးအနိုးကောင်းနိုးနိုး ဟုတ်နိုးနိုးဟုတ်နိုးနိုးနဲ့ ရိုးရိုးသားယုံကြည်ကိုးစားရင်း အကောင်းကိုမျှော်သူတွေလည်းပါပါတယ်။ အင်န်အယ်လ်ဒီနဲ့ ဒေါ်စုအတွက်ကတော့ ဒီလောက်နဲ့ပြီးသွားမှာပဲ။

မပြီးမှာက ဗမာစစ်အုပ်စုနဲ့အမေရိကန်ပဲ။ စစ်အုပ်စုက မြင့်ဆွေကိုထိုးတင်လိုက်တည်းကိုက သေချာတွက်ချက်ပြီး ခြေလှမ်းရှိရှိလုပ်တာပဲ။ ဗိုလ်သန်းရွှေဇယားပဲ။ ဗိုလ်သန်းရွှေဟာ လူရွေးတဲ့နေရာနဲ့ လူနေရာချတဲ့နေရာမှာ အင်မတန်ကျင်လည်တယ်။ စစ်ထိပ်သီးတကာထက် ပါးနပ်အကွက်မြင်တယ်။ ကမ္ဘာ့အခြေအနေအခင်းအကျင်းနဲ့ ပြည်တွင်းအနေအထားကို ကျကျနနတွက်တတ်ရုံမက အင်န်အယ်လ်ဒီ့ အကြောကိုပါသိပြီး ဘယ်လိုကိုင်ကစားရမယ်မှန်း နပ်တယ်။ အစိုးရသစ်နဲ့ပြေလည်ဖို့ (အစိုးရသစ်နဲ့လွှတ်တော်ကြီးက တောင်းဆိုလို့) မြင့်ဆွေအပေါ်ဖွင့်ပေးလိုက်ရပါတယ်ဆိုရင် သန်းရွှေအပါအဝင် အပိတ်ဆို့ခံထားရဆဲလူတွေကိုပါ ဖွင့်ပေးဖို့အထိ အစိုးရသစ်ကတဆင့် တောင်းဆိုခိုင်းမယ့်ခြေလှမ်း လှမ်းလာလိမ့်မယ်။ အခြားပိတ်ဆို့ထားမှုတွေ (လက်နက်အရောင်းအဝယ်မလုပ်တာ အပါအဝင်)တွေပါ ဖွင့်ပေးဖို့ တရစ်ပြီးတရစ်ဆင့်ထက်ကဲတင်လာလိမ့်မယ်။

ဒါဆိုအမေရိကန်ဘာလုပ်မလဲ။ အမေရိကန်ရဲ့ နိုင်ငံခြားရေးပေါ်လစီ ကြမ်းကြားလေတိုးတာပဲ။ ဖင်ကြားခဲခုတာပဲ။ အမေရိကန်ဘက်မှာ ဗမာပြည်အပေါ်ထားတဲ့ သူ့နိုင်ငံခြားရေးပေါ်လစီ၊ လူ့အခွင့်အရေးမှတ်တမ်း၊ ပစ်မှတ်ထားစီးပွားရေးပိတ်ဆို့မှု၊ လူတဦးချင်းအလိုက် ပိတ်ဆို့တားမြစ်ချက် စတာတွေနဲ့ပတ်သက်လို့ အရှက်နည်းနည်း ကွဲရမယ့်ကိန်းရှိတယ်။ မျက်နှာနည်းနည်းအပူခံပြီး မျက်နှာပြောင်တိုက်ရမှာတွေ ရှိလာနိုင်တယ်။

မျက်နှာပြောင်ကဘယ်လိုတိုက်မလဲ ဘယ်လောက်တိုက်မလဲတော့ ရာခိုင်နှုန်းနဲ့မပြောနိုင်ပေမယ့် စစ်အုပ်စု အလိုကျနိုင်သမျှကျတဲ့အထိ လိုက်လျောပေးလိမ့်မယ်လို့မြင်တယ်။

ဒါကလည်း အကြောင်း(၂)ခုကြောင့်လို့ ပြောရမယ်ထင်တယ်။ တခုက ဒေါ်စု ရဲ့စေလိုရာစေသမ္မတဦးဆောင်တဲ့အစိုးရသစ်နဲ့(တနည်း ဒေါ်စု)နဲ့ မျက်နှာအပျက်မခံနိုင်တာပဲ။ သူဖွင့်မပေးလို့ ပိတ်ဆို့မြဲဆက်ပိတ်ထားမယ်ဆို ဒေါ်စုဘက်ကလည်း ဂျီတိုက်နေမယ်ဆို လိပ်ခဲတည်းလည်းနဲ့ ဆက်ဆံရေးမှာအဖုအထစ်ဖြစ်လာနိုင်တယ်။ အမေရိကန်သံ ဒဲရစ်မစ်ချယ်လ်နဲ့ ဒေါ်စု သိတ်အဆင်မပြေမှန်းသိလို့ စစ်တပ်နဲ့စိတ်ကြိုက်ပလူးလို့ဝပြီ လိုသလောက်လည်းသုံးပြီးပြီဆိုမှ ပြန်ရုပ်သွားတာလည်း သိသာတယ်။ သိတ် တဇောင်းစေးနဲ့မျက်ချေးဖြစ်နေရင် ပေါက်ဖော်ကြီးကလည်း ပျော်မှာပဲ။ ငြိမ်နေမှာမဟုတ်ဘူး။ ဒေါ်စုနဲ့ပေါက်ဖော်ကြီးဆက်ဆံရေးကလည်း အန်ကယ်လ်ဆမ့်အကြိုက်မျိုးတော့လည်း မဟုတ်ဘူး။ နောက်အကြောင်းတခုက အမေရိကန်အဖို့ ကွန်မြူနစ်ဆန့်ကျင်ရေးဒေါင်ဒေါင်မြည်ပြီး တပြားတချပ်မကုန်ပဲရခဲ့ဖူးတဲ့ ဒီဗမာစစ်တပ်ကို ဘယ်သောအခါမှ ဥပေက္ခာမပြုဘူး။ ဒီလောက် ကွန်မြူနစ်ဆန့်ကျင်တဲ့ တပ်မျိုးရဖို့ဆို တချို့နေရာတွေမှာ ဒေါ်လာဘီလီယံရာထောင်ချီပြီးသုံးမှရတာ။ ဗမာစစ်အုပ်ကို ပေါပေါပဲပဲ အလကားမတ်တင်းနီးနီးရထားတာ။

ဆိုတော့ ဗိုလ်မြင့်ဆွေကနေစပြီး တဦးချင်းအပေါ်ပိတ်ဆို့ထားတာတွေကို တစတစဖွင့်လိမ့်မယ်။ ဖြစ်နိုင်သမျှ သိုသိုသိပ်သိပ်နဲ့ လုပ်လိမ့်မယ်။ ဒေါ်စုနဲ့ကြိတ်ညှိမယ်။ (ဒေါ်စုဘက်ကလည်း ဒီဖဲလေးကိုင်ပြီး စစ်တပ်ဆီက ဈေးတော့နည်းနည်းဆစ်ကြည့်မယ် ထင်တယ်။ မရကာမှမရရောပေါ့။ မရလည်း ဘာမှမဖြစ်ပါဘူးဆိုတဲ့မူကိုင်ပြီးပေါ့) မြင့်ဆွေပွင့်သွားရင် စစ်အုပ်စုအတွက် ကျန်တဲ့ တကောင်ခြင်းအပိတ်အဆို့တွေ ပွင့်ဖို့လမ်းစရသွားပြီ။ ပြီးရင် ပစ်မှတ်ထားပိတ်ဆို့အရေးယူမှုလက်ကျန် အကုန်ပြန်ပွင့်သွားပြီး နှစ်ပြည့်တပြည် ရွှေလမ်းငွေလမ်းကြီးများပေါက်ဖို့ အလားအလာတွေ ပေါ်လာလိမ့်မယ်ထင်တယ်။ (အဲ့ဒါ ဟိုတနေ့က မြင့်ဆွေကိစ္စဗီအိုအေနဲ့ပြောတာမှာ ပါတယ်။ ရေဒီယိုအချိန်အကန့်အသတ်သဘောအရရော ဗီအိုအေရဲ့မူကိုနားလည်လို့ရော ခုလောက် ဖြည်ဖြည်ဖြန့်ဖြန့်နဲ့ ကျယ်ကျယ်ပြန့်ပြန့်ပြောမရမှန်းသိလို့ ချုံ့ပြီး ဒီသဘောပါအောင်ပြောခဲ့တယ်။ (ဗီအိုအေဆိုတာ အမေရိကန်အစိုးရဲ့အာဘော်ဖြစ်ကြောင့် သူတို့အမြဲပြောတယ်မဟုတ်လား) ဒါပေမယ့် တရုတ်ဓားစာမိသွားတယ်။ ခုတော့ ကိုယ့်ဖေ့စ်ဘွတ်ခ်ကနေပဲ ကိုယ့်ဘာသာပြောပါတယ်။)

မျိုးမြင့်ချို

မတ် ၁၅၊ ၂ဝ၁၆