ဗမာပြည်ကခရိုနီတောဝါ
ကမ္ဘာ့နိုင်ငံရေးနဲ့စီးပွားရေးလောက၊
နောက်ပြီး မီဒီယာလောကမှာ ခရိုနီဆိုတဲ့အသုံးအနှုန်းကို ပေါပေါများများသုံးတာဟာ ၁၉၉ဝ
စုနှစ် အစပိုင်းကစခဲ့ပြီး ၁၉၉၇ ခုနှစ်မှာ အထွတ်အထိပ်ရောက်တဲ့ အာရှတိုက်ငွေကြေးအကျပ်အတည်းက
စတယ်လို့ ပြောကြပါတယ်။
တကယ်က
အဲဒီလိုခရိုနီလို့ခေါ်ရမယ့်လူတွေက စောစောကတည်းကပေါ်နေတာပါ။ အထူးသဖြင့်
မဖွံ့ဖြိုးသေးတဲ့နိုင်ငံတွေ၊ စစ်အာဏာရှင်နိုင်ငံတွေမှာ အများဆုံးနဲ့အဆိုးဆုံးဖြစ်ပါတယ်။
ဗမာပြည်မှာကတော့ ဗမာပြည်ရဲ့စစ်အုပ်စုပထမမျိုးဆက်လို့ခေါ်ရမယ့်
ဗိုလ်နေဝင်း-ဗိုလ်အောင်ကြီးတို့ရဲ့ ၁၉၅၈ ခုနှစ် အာဏာသိမ်းပွဲလောက်ကစပြီး
သန္ဓေတည်တယ်လို့ဆိုရမယ်ထင်ပါတယ်။ ကူမင်တန် တရုတ်ဖြူနဲ့တိုက်တဲ့စစ်တပ်တွေထဲက
ထိပ်သီးတချို့ဟာ ဘိန်းရာဇာတွေနဲ့ချိတ်ဆက်မိကြ၊ ယိုးဒယားနဲ့ဆက်တဲ့ မှောင်ခိုလမ်းကြောင်းတွေအကာအကွယ်ပေးကြနဲ့
ခရိုနီမွေးပြီး စားရသောက်ရတဲ့အရသာကို စပြီးခံတွင်းတွေ့ခဲ့ကြတာ ဖြစ်ပါတယ်။ ဒါတွေနဲ့
တပြိုင်နက်တည်းလိုမှာလည်း ဂျပန်စစ်လျော်ကြေးထဲကစားပေါက်တွေကိုကြုံရပြန်တော့ စစ်တပ်ထိပ်သီးတွေရဲံ
ခရိုနီတွေ စပေါ်လာပါတော့တယ်။
ဒီနေ့ ဗမာပြည်က ခရိုနီတွေထဲမှာ
နာမည်ကြီးတဦးဖြစ်တဲ့ဦးတေဇရ့ယောက်ခမ ဒေါ်ထူးတို့ဟာ အဲဒီတုန်းက စစ်အုပ်စုရဲ့
ခရိုနီတွေလို့သတင်းကြီးခဲ့ပါတယ်။ သည့်အရင်တုန်းက ဖဆပလ၊ ပထစ လက်ထက်တွေမှာ
အာဏာရသူတို့ကိုထောက်ခံတဲ့၊ သူတို့နဲ့ရင်းနှီးတဲ့တိုင်းရင်းသားဓနရှင်တွေ မရှိမဟုတ်၊
ရှိခဲ့ပါတယ်။ ဒါပေမဲ့ သူတို့ဟာ အခုခေတ် ခရိုနီတွေလောက် ကြီးပွားချမ်းသာ၊
အခွင့်ထူးတွေရကြတာမဟုတ်ပါဘူး။ နောက်ပြီး လွတ်လပ်ရေးရပြီးနောက်ကနေ ပထမအကြိမ်
အာဏာသိမ်းတဲ့အထိဆိုတဲ့ကာလဟာ အင်မတန်မှတိုတောင်းလွန်းပါတယ်။ ဒါ့အပြင် သူတို့ရဲ့စီးပွားရေးတွေက
တစ်ကနေ စတည်ထောင်ရသလိုလည်းဖြစ်နေခဲ့တောင် အရှိန်ရကာစမှာ ဗိုလ်နေဝင်းရဲ့မဆလ“ပြည်သူပိုင်”ထိသွားကြပါတယ်။
၁၉၈၈ ခုနှစ် နောက်ပိုင်း ဗိုလ်သန်းရွှေတို့ကျတော့ ဗိုလ်နေဝင်းရဲ့ မဆလ
စနစ်ကြီးက“ပြည်သူပိုင်သိမ်း”ပြီး စုဆောင်းပေးခဲ့တဲ့ အဆောက်အအုံကြီးရှိပြီးသားဆိုတော့
စစ်အာဏာက ကျောထောက်နောက်ခံပြုထားတဲ့ဦးပိုင်ဟာ အရှင်မွေးနေ့ချင်းကြီး အချမ်းသာကြီးချမ်းသာခဲ့ပါတယ်။
ဒီဗမာပြည်ရဲ့ဒုတိယမျိုးဆက်စစ်အုပ်စုလို့ဆိုရမယ့် ဗိုလ်သန်းရွှေတို့က ခရိုနီစနစ်ကို
စတင်ပျိုးထောင်ပေးလိုက်တဲ့ ၁၉၈၈ – ၈၉ ကာလကနေ ဒီနေ့အထိဆိုရင် နှစ်ပေါင်းသုံးဆယ်နီးပါးရှိပြီမို့
ဒီနေ့အခါမှာ ဒီခရိုနီတွေဟာ အမွေးအတောင်သာမက၊ အတက်တွေ၊ ချိုတွေ၊ ဆူးတောင်တွေအကုန်ပေါက်ပြီး
အဆီယစ်ဝဖီးနေကြသူတွေ ဖြစ်ပါတယ်။
ဒီနေ့ဗမာပြည်ရဲ့ အဓိကစီးပွားရေးလုပ်ငန်းကြီးတွေကို
ကြည့်လိုက်ပါ၊ သွင်းကုန်ထုတ်ကုန်လုပ်ငန်း၊ ဆက်သွယ်ရေးလုပ်ငန်း၊ ဘဏ်လုပ်ငန်း၊
ဆောက်လုပ်ရေးလုပ်ငန်း၊ သတ္တု၊ သစ်၊ ကျောက်မျက်ရတနာ အားလုံး ခရိုနီတွေရဲ့လက်ထဲမှာပဲ
မဟုတ်လား။ အရပ်သားပြော ပြောရရင် ကောင်းတာဆို ဘာတခုမှ မချန်ဘူးဆိုတဲ့လူမျိုးတွေပါ။
ဒါသာမက မူးယစ်ဆေးဝါးတောင် မကျန်ဘူးလို့လည်း ဖြည့်နိုင်ပါသေးတယ်။
ဒီနိုင်ငံမှာက ခရိုနီဆိုတာဟာ စစ်အာဏာရှင်စနစ်နဲ့အတူပေါ်လာတာဖြစ်လို့
အများစုဟာ စစ်ဗိုလ်ချုပ်တွေရဲ့ဆွေမျိုးသားချင်း၊ ထောက်လှမ်းရေးနဲ့ပတ်သက်သူ၊
ဘိန်းဘုရင်၊ မူးယစ်ဆေးဝါးရာဇဝတ်သားတွေသာ ဖြစ်တယ်။ သဘာဝသယံဇာတတွေကို အဖြုံးတီးဆုံး၊
သဘာဝပတ်ဝန်းကျင်ကိုအဖျက်ဆီးဆုံး၊ လူ့မျိုးဆက်တွေကိုအပျက်စီးစေဆုံး
(မူးယစ်ဆေးဝါးစတာနဲ့) ဟာလည်း သူတို့တတွေပဲ ဖြစ်ပါတယ်။
ဒီနေ့ ဗမာပြည်ရဲ့စီးပွားရေးလောကမှာ
ဆက်တည်ရှိနေတဲ့ခရိုနီတွေဟာ စစ်အစိုးရ၊ စစ်အုပ်စုရဲ့အဓိကဒေါက်တိုင်တွေ
ဖြစ်မြဲဖြစ်နေပါတယ်။
နှစ်လတာရှည်ဖြစ်နေတဲ့(မွေးထားတဲ့)
ပြည်တွင်းစစ်ကြီးဖြစ်နေတဲ့ဒေသတွေက ခရိုနီလောင်းတွေဟာ အဲဒီက စစ်မျက်နှာပြင်တွေက
စစ်အရာရှိကြီးတွေကို ပဏ္ဍာဆက်၊ ဆရာမွေးရာကနေ သူတို့ရဲ့အမည်းရောင်ငွေတွေကို ခဝါချ၊
မြို့တွေမှာ ရင်းနှီးမြှုပ်နှံတာတွေလုပ်ရင်းကနေ စစ်တပ်ထိပ်ပိုင်းတွေနဲ့ဆက်မိသွားကြပါတယ်။
ထောက်ပြသင့်တာက အခုလို ဆရာမွေး၊ တပည့်မွေးလောကမှာ ဆရာလုပ်သူကရော၊ တပည့်လုပ်သူကပါ
တဖက်သားကို ကိုယ့်အိတ်ထဲထည့်ထားနိုင်တယ်လို့ တွက်ထားကြတယ်ဆိုတာပါပဲ။ ဒါကြောင့်လည်း
ကွယ်လွန်သူ ဦးဝင်းတင်က ဒီခရိုနီတွေကို အာဏာကပ်ပါးဓားပြများလို့ တင်စားပြောခဲ့တာ
ဖြစ်ပါတယ်။ တကယ်တော့ ဗမာပြည်မှာသာမက တခြားနိုင်ငံတွေမှာရော ခရိုနီစနစ်ဆိုတာဟာ
အကျင့်ပျက်ခြစားမှုနဲ့ တိုက်ရိုက်ဆက်စပ်နေတာပါ။ အာဏာရှိသူတွေက ရိုးသားတည်ကြည်ရင်
ဒီလိုဖြစ်မလာပါဘူး။
ကမ္ဘာမှာ ခရိုနီဆိုတာ
နိုင်ငံတိုင်းလို့ဆိုရမလောက် ရှိတာပါ။ ဒါပေမဲ့ ဗမာပြည်က ခရိုနီအများတကာ့အများစုဟာ
ဗမာပြည်သူတွေကို ဆယ်စုနှစ်ပေါင်းများစွာနှိပ်စက်နေတဲ့ စစ်အုပ်စုနဲ့ ပတ်သက်နေတာ၊
စစ်အုပ်စုကိုအထောက်အကူပြုနေတာမို့ ပြဿနာက ပိုကြီးနေတာပါ။
ခရိုနီတွေကလည်း အာဏာရှိသူတွေကို
အိတ်ထဲမှာထည့်ထားနိုင်တယ်လို့ ကိုယ့်ကိုယ်ကိုယူဆကြောင်း အထက်မှာရေးခဲ့ပါတယ်။
တစ္ဆေမွေးထားမိတဲ့မှော်ဆရာဟာ တစ္ဆေရဲ့အမိန့်ကိုနာခံရတာလည်းရှိတတ်တယ် မဟုတ်ပါလား။
ဗိုလ်သိန်းစိန်တို့တတွေ ဗိုလ်သန်းရွှေမြေးတွေကိုကြောက်ရတယ်ဆိုတာ ဘာမှမဆန်းပါဘူး။ ဒီလိုနဲ့
ဒီတစ္ဆေတွေသက်တမ်းရှည်လာ၊ ခိုင်မာလာ၊ ဆွေမျိုးအရ-နောက်ကြောင်းအရ- လူမျိုးအရ-
ဘာသာရေးအရ စသဖြင့် သူတို့ချင်းပေါင်းမိလာကြတဲ့အခါမှာ တိုင်းပြည်မှာ ဧရာမအင်အားကြီးတရပ်
ဖြစ်လာပါတယ်။ အစတော့ စီးပွားရေးလောကမှာပါ။ နောက်တော့ နိုင်ငံရေးလောကကိုပါ
သြဇာပေးလာပါတယ်။
ခရိုနီစနစ်ထွန်းကားပြီးဖြစ်နေတဲ့နိုင်ငံတခုမှာ
အသစ်တက်လာတဲ့အစိုးရတရပ်ဟာ တိုင်းပြည်နဲ့ပြည်သူတွေအတွက် ဆိုးကျိုးပေးနေတဲ့ခရိုနီစနစ်ကို
ဖျက်သိမ်းမလား။ ခရိုနီတွေကိုတည့်အောင်ပေါင်းပြီး ရှေးရိုးအတိုင်းသွားမလား၊
ကိုယ့်ခရိုနီ ကိုယ်မွေးပြီး ခရိုနီဟောင်းတွေကိုပြန်ရင်ဆိုင်မလားဆိုတဲ့ပြဿနာမျိုး
ကြုံရတတ်ပါတယ်။ ဗမာပြည်က ခရိုနီတွေက အထက်မှာပြောခဲ့သလို စစ်အာဏာရှင်တွေနဲ့တိုက်ရိုက်ပတ်သက်နေတော့
တော်ရုံတန်ရုံပြတ်သားမှုနဲ့တော့ လုပ်မရပါဘူး။
