Monday, July 25, 2016

မလုံခြုံတော့တဲ့အခါ(မျိုးမြင့်ချို)

0 comments
ခင်ဗျားတို့ကလည်းဗျာ သေနတ်ခါးကြားထိုးပြီး စစ်တပ်ကြီးတတပ်လုံး ကိုင်ထားတဲ့ကောင်တွေတောင် အိမ်ရှေ့အိမ်နောက် အိမ့်ပတ်ဝန်းကျင်တဝိုက် လုံခြုံရေးတွေအထပ်ထပ်ချထား၊ အိမ်ထဲကအိမ်ပြင်ထွက်ရင် အနီးကပ်ရော အဝေးခွာရော လုံခြုံရေး ၂ ရက် ၃ ရက်ကြိုတင်ချထားတဲ့အပြင် ရပ်ကွက်ထဲ လမ်းထဲ ဈေးထဲ အရပ်ဝတ် ထောက်လှမ်းရေးတွေ ခြေချင်းလိမ်အောင်ပို့ထားပြီးမှ ထွက်ရဲ ထွက်ဝံ့တာ လက်တွေ့ မျက်မြင်ရှိနေရဲ့သားနဲ့ စစ်တပ်ကို ရဲကို ဘယ်လက်နက်ကိုင်ကိုမှ အမိန့်ပေးနိုင်စွမ်းမရှိတဲ့ နိုင်ငံတော်၏အတိုင်ပင်ခံပုဂ္ဂိုလ်၊ နိုင်ငံခြားရေးဝန်ကြီး၊ သမ္မတရုံးဝန်ကြီး၊ ကာလုံအဖွဲ့ဝင်၊ အစိုးရအဖွဲ့ဝင် ဒေါ်အောင်ဆန်းစုကြည်အနားမှာ လက်နက်ကိုင်လေး တယောက်စ နှစ်ယောက်စ ချထားပေးတာကို မထိတထိမပြောကြပါနဲ့ဗျာ။ ပြောရင် ထိထိမိမိသာပြောလို့ ပြောတာ မဟုတ်ဘူးနော်။

စစ်တပ်ကြီးကိုင်ထားတဲ့ကောင်တွေတောင် ကိုယ့်ကိုယ်ကို မလုံခြုံဘူးလို့ ခံစားနေတာလေ။ ဒေါ်အောင်ဆန်းစုကြည်က အခု အစိုးမရတရရဲ့အဖွဲ့ဝင်လေ။ အာဏာတပိုင်းတစရထားပြီလေ။ လုံခြုံရေးတွေရှိရဲ့သားနဲ့ ရှေ့ကနေကာဆီးကာဆီးနဲ့ လူထူပြီးလေပိတ်လို့ လေတိုးပေါက် ဖွင့်ပေးတာလိုလို၊ ယင်မောင်းခြင်မောင်းတာလိုလို၊ ငှက်ပျောခွံတက်နင်းမိမှာစိုးလို့လိုလို လက်ကားယားခြေကားယား လိုက်လုပ်နေတာတွေတော့ ကျနော်လည်း အတော်လေး မျက်စေ့နောက်တယ်။

၁၉၈၈ ကတည်းကနေစပြီး လူထုခေါင်းဆောင်ဘဝတုန်းက ဒီမိုကရေစီခေါင်းဆောင် ဘဝတုန်းက၊ ဘာအာဏာမှမရှိသေးခင်ဘဝတုန်းက သူ့အနားမှာ အပ်တိုတောင်ကိုင်မထားပဲ အသက်နဲ့ဘဝနဲ့ရင်းပြီး သူ့လုံခြုံရေးလိုက်လုပ်ပေးခဲ့တဲ့လူတွေ ခု ဘယ်ဆီဘယ်ဝယ် ရောက်ကုန်ကြတယ်မသိ။ ဘယ်ချောင် ကပ်ကုန်ကြမှန်းမသိ။ ဒါပေမယ့် သူတို့တွေ သူ့အတွက် ရှိခဲ့ဖူးတယ်။ သူ့အတွက် ဘဝတွေ အသက်တွေရင်းခဲ့ကြတယ်။ သူလည်း လူထုခေါင်းဆောင်ဘဝမို့ လူထုမေတ္တာနဲ့ လူထုအကာအကွယ်ရခဲ့တယ်။ သူ့ဘဝဟာ လုံခြုံခဲ့တယ်။ သူ့မှာ ရန်သူဆိုလို့ စစ်အုပ်ပဲရှိခဲ့တယ်။ ဘယ်နေရာသွားသွား သိန်းသောင်းချီတဲ့လူထုတွေက အေးအေးချမ်းချမ်းနဲ့ ဒေါ်အောင်ဆန်းစုကြည် ကျန်းမာပါစေ အော်သံတွေဟာ တိုင်သူမပါပဲ လှုံ့ဆော်သူမပါပဲ ဘဝဂ်ညံအောင် သောင်းသောင်းဖျဖျ ရှိခဲ့တယ်။ ဗမာ့နိုင်ငံရေးမှာ ဘယ်ခေါင်းဆောင်မှ သူ့လောက် ပြည့်မေတ္တာမရခဲ့ဖူးဘူး။

ဒါကို စစ်အုပ်စုက မကြေနိုင်နိုင်မချမ်းနိုင် ကြိတ်မနိုင်ခဲမရဖြစ်တော့ နည်းမျိုးစုံနဲ့တိုက်ခိုက် အပုတ်ချပေမယ့် သဲထဲရေသွန်ဖြစ်တော့ ဒီပဲယင်းလို လုပ်ကြံမှုနဲ့ အသက်အန္တရာယ် ခြိမ်းခြောက်တဲ့အထိပါ လုပ်ခဲ့တာပဲ။ ဒါပေမယ့် လူထုရှိနေတော့၊ ဘာလက်နက်မှမပါတဲ့ သူ့လုံခြုံရေးတွေ အသက်ပေးကာကွယ်ခဲ့တော့ သူ ခလုပ်မထိ ဆူးမညိဖြစ်ခဲ့တာပဲမဟုတ်လား။ လူထုခြုံရင် လုံတယ်မဟုတ်လား။

ခု သူ နိုင်ငံရေးသမားဖြစ်သွားပြီ။ နိုင်ငံရေးသမားမှာမှ လူထုထောက်ခံမှုအပြည့်ရထားတဲ့ ပရော်ဖက်ရှင်နယ်လ် နိုင်ငံရေးသမားစစ်စစ်ကြီး။ အာဏာအဝန်းအဝိုင်းထဲလည်း ခြေချမိသွားပြီ။ လူထုခေါင်းဆောင် ဒီမိုကရေစီခေါင်းဆောင်ဘဝတုန်းကလိုနေလို့ မရတော့ဘူး။ နေလို့မဖြစ်တော့ဘူး။ သူ့မှာ အခု ရန်သူတွေရှိလာပြီ။ မိတ်ဆွေဖြစ်နေတဲ့ ရန်သူဟောင်းတွေ၊ ရန်သူဖြစ်သွားတဲ့မိတ်ဆွေဟောင်းတွေ၊ အတိုက်အခံတွေ၊ လုပ်ကြံမယ့်သူတွေ၊ အာဏာလုမယ့်သူတွေရှိလာပြီ။ မကြိုက်တော့တဲ့လူတွေ၊ အကြိုက်နည်းသွားတဲ့လူတွေ၊ ကြည်ညိုစွဲလျော့တဲ့သူ လျော့လာပြီ။ ဒါ ဘာမှ မဆန်းဘူး။ နိုင်ငံရေးသမားဖြစ်သွားရင် ရင်ဆိုင်တွေ့ကြုံရမယ့်အရာတွေပဲ။ နိုင်ငံရေးလောကဓံပဲ။

ဗိုလ်ချုပ်အောင်ဆန်းကိုကြည့် ကိုအောင်ဆန်းဘဝ၊ သခင်အောင်ဆန်းဘဝ၊ ဗိုလ်ချုပ်အောင်ဆန်းဘဝ၊ ဖဆပလဥက္ကဌဦးအောင်ဆန်းဘဝနဲ့ အစိုးမရတရ အစိုးရခေါင်းဆောင်ဘဝတွေ ယှဉ်ကြည့်ပေါ့။ ဘယ်ဘဝမှာ သူ လုံခြုံခဲ့လဲ။ ဘယ်ဘဝရောက်တော့ သူ မလုံခြုံတော့ဘူးလဲ။ အစိုးရဘဝရောက်တော့ လက်တွဲခဲ့တဲ့ သေဖော်သေဘက်တွေ တော်လှန်ဖော်တော်လှန်ဘက်တွေ၊ မိတ်ဆွေတွေကို ရန်ပြန်လုပ်ရတာပဲ။ ရန်သူတွေကို မိတ်ဖွဲ့တန်ဖွဲ့ခဲ့တာပဲ။ မတရားသင်းကြေညာတန် ကြေညာရတာပဲ။ တိုက်ခိုက်တန် တိုက်ခိုက်ရတာပဲ။ အာဏာကိုင်နိုင်တဲ့လူ လုပ်ရမှာမှန်သမျှ သူလုပ်ခဲ့တာပဲ။ မလုပ်လို့မှမဖြစ်တာကိုး ကလေးကစားတာမှ မဟုတ်တာကိုး၊ ဧည့်သည်ထမင်းဖိတ်ကျွေးတာမှမဟုတ်တာကိုး၊ အာဏာကိစ္စကြီးကိုး။ အာဏာပြသနာ ရှင်းကြတာကိုး။ နောက်ဆုံး သူကိုယ်တိုင် နိုင်ငံရေးအရအလုပ်ကြံခံရပြီး သေပွဲဝင်ခဲ့ရတာ မဟုတ်လား။

တကယ်တော့ အာဏာနိုင်ငံရေးမှာ ဒါတွေဟာ ဘာမှမဆန်းဘူး။ အာဏာရနိုင်ငံရေးသမားနဲ့ လူထုခေါင်းဆောင်ဘဝဟာ မိုးနဲ့မြေလိုကွာတယ်။ အာဏာအဝန်းအဝိုင်းထဲရောက်သွားရင် လူထုခေါင်းဆောင်ဟောင်းမှမဟုတ်ဘူး ဘယ်သူမှ မလုံခြုံတော့ဘူး။ ရန်သူတွေ ပတ်လည်ဝိုင်းလာပြီ။ နိုင်ငံရေးသမားချင်း အာဏာလုကြ အာဏာဝေစုမတည့်ကြလို့ တယောက်နဲ့တယောက် အပျောက်ရှင်းကြတာကို လူထုကဝင်ပြီး ကာကွယ်ပေးလို့ မရတော့ဘူး။ လူထုက အနားတောင်မကပ်နိုင်တော့ဘူး။

ပြန်ချုပ်ရရင် ဘယ်သူဖြစ်ဖြစ် အာဏာရသွားရင် အာဏာရှိသူလို ကျင်သုံး လိုက်နာ နေထိုင် ကျင့်ကြံရတာပဲ။ ဘယ်သူမှ ဒါကို လွန်ဆန်လို့မရဘူး။ တခါတလေ လူတွေနဲ့ ရထားစီး ကားစီ လယ်ကွင်းထဲဆင်း လမ်းဘေးဆိုင်မှာ စားသောက်ပြတွေကတော့ အမေရိကန်သမ္မတတောင် လုပ်ပါတယ်။ ဒါပေမယ့် သူ ဗမာပြည်လာတုန်းက ဘယ်လိုလုံခြုံရေးနဲ့လာတာ ခင်ဗျားတို့ မြင်ပါတယ်။

ဒေါ်အောင်ဆန်းစုကြည်ဘဝဟာ ခုဆို အရင်လို မလုံခြုံတော့ဘူး။
သူကိုယ်တိုင်လည်း လုံခြုံတယ်လို့ ခံစားချင်မှ ခံစားရတော့မှာပဲ။ လူထုကလည်း သူ့ကို
အရင်လို လုံခြုံပေးချင်ဦးတောင် ခြုံပေးခွင့်မရတော့ဘူး။ မရှိတော့ဘူး။ အဲ့ဒီတော့ သူ့အနေနဲ့ အစိုးရအစီအစဉ်နဲ့ လက်နက်ကိုင်လုံခြုံရေးလေးတော့ ယူရတော့မှာပဲ။ ထားရတော့မှာပဲ။

သူမှ မလုံခြုံတော့တာကိုး။ သူမှ ပြည်သူကို မခြုံတော့တာကိုး။
မလုံခြုံရင် လုံခြုံရေးတော့ ယူရမှာပါပဲ။
မျိုးမြင့်ချို ဇူလိုင် ၂၃၊ ၂ဝ၁၆

0 comments:

Post a Comment