ခွေးလေးတွေလို အိပ်ချင်တာ(မျိုးမြင့်ချို)

ကမ္ဘာပေါ်မှာ အကြမ်းဖက် ခြိမ်းခြောက်သတ်ဖြတ်မှုတွေဟာ စစ်ပွဲတွေလိုပဲ သဏ္ဍန်စုံ နည်းနာစုံနဲ့ပေါ်လာနေပြီဆိုရမယ်ထင်တယ်။ ကားဗုံးခွဲ၊ လူနဲ့အသေခံဗုံးခွဲ၊ လေယျဉ်ပျံနဲ့ဝင်တိုက်၊ ချောင်းမြောင်း ပစ်ခတ်၊ လူစုလူဝေးထဲ စက်သေနတ်နဲ့မွှေ စတာတွေကနေ ခုဆို ထရပ်ကားကြီးနဲ့ လူအုပ်ကြီးကိုင်ဝင်တိုက်သတ် ကြိတ်သတ်ဆိုတဲ့အထိ ဖြစ်လာပြီ။ နောက်ထပ် ဘယ်ပုံစံတွေ တွေ့ရဦးမလဲ မပြောတတ်ဘူး။ သွေးပျက်စရာ ခြောက်ခြားစရာ တုန်လှုပ်စရာ ရူးသွားချင်စရာတွေချည်းပဲ။ အဲ့ဒါတွေမြင်တိုင်းကြားတိုင်း နဂိုကမှ ကိုယ့်ရုပ်ပိုင်းမှာရခဲ့ဒဏ်ရာတွေကြောင့်၊ စစ်ကြောရေးစခန်း ညှဉ်းပမ်းနှိပ်စက်ခံနဲ့ ၁၅ နှစ်တာ အကျဉ်းစံဘဝတွေကြောင့် ရလာခဲ့တဲ့စိတ်ဝေဒနာ၊ ခြောက်အိပ်မက်တွေနဲ့ ပင်ပမ်းကြီးစွာဖြတ်သန်းနေရတဲ့ ညတွေဟာ ပိုပြီး ကြောက်စရာကောင်းလာတယ်။ ပိုပြီးမှောင်လာတယ်။ ပိုပြီးတိတ်ဆိတ်လာတယ်။ ပိုပြီးကျယ်လောင်လာတယ်။ ဆည်းဆာချိန်ကို မကြည့်ချင်ဘူး။ နေဝင်သွားမှာကို မမြင်လိုဘူး။ ညရောက်မှာ ကြောက်နေတယ်။ အိပ်ယာဝင်ရမှာ လန့်နေတယ်။ အိပ်ပျော်သွားမှာ စိုးနေတယ်။ မအိပ်မိအောင် စိတ်တင်းပြီးနေတော့လည်း အပမ်းကြီးလှတယ်။ မိုးလင်းပေါက် မအိပ်ဖြစ်တဲ့ညတွေ ခုတလော များသထက်များများလာတာ ကိုယ့်ဘာသာသိနေတယ်။

စစ်နဲ့ အကြမ်းဖက်ခြိမ်းခြောက်သတ်ဖြတ်မှုတွေ ဘာမတူသလဲ တူသလဲ လည်း တွေးမိနေတယ်။
စစ်ပွဲတွေမှာ စစ်တိုက်နည်းအသစ်သာ ထပ်မပေါ်သေးပေမယ့် စစ်လက်နက်အသစ်အဆန်းတွေ နည်းပညာအသစ်အဆန်းတွေ မောင်းသူမဲ့လေယဉ်တွေ ပဲ့ထိန်းဒုံးတွေ တိုက်ချင်းပစ်ဒုံးတွေ ဒုံးခွင်းဒုံးတွေ စတာတွေကတော့ နေ့စဉ်နဲ့အမျှပေါ်နေတာပဲမဟုတ်လား။ ထုတ်နေတာပဲ မဟုတ်လား။ အဲ့ဒါတွေနဲ့ တိုက်နေကြတာပဲ မဟုတ်လား။

နိုင်ငံကြီးတွေက အဲ့ဒါတွေနဲ့ အင်အားတွေအဆမတန်သုံးပြီး ကိုယ့်နိုင်ငံပေါ် ကျည်တတောင့်မှ မကျစေရပဲ ကြားနိုင်ငံတွေမှာ(အကြောင်းမျိုးစုံပြ ရမယ်မျိုးစုံရှာပြီး) စစ်လက်နက်ပစ္စည်းအရောင်းပြပွဲနဲ့ လက်နက်သစ် စမ်းသပ်ပစ်ပြ ကြော်ငြာတာတွေ အရောင်းမြှင့်တင်တာတွေ လုပ်နေကြတာမဟုတ်လား။ စစ်ပွဲစားနဲ့ စစ်ကုန်သည်တွေ ကုဋေကြွယ်ကြီးတွေဖြစ်ကြတာမဟုတ်လား။ ဒါကိုပဲ စစ်ပွဲလို့ ကင်ပွန်းတပ်ကြတာ မဟုတ်လား။

လူ့သမိုင်းမှာ တချိန်တခါကရှိခဲ့ဖြစ်ခဲ့ဖူးပေမယ့် ဒီဘက်ခေတ်သမိုင်းမှာ စစ်ပွဲကြီးတွေဟာ ဘာသာရေး လူမျိုးရေးကြောင့်ဖြစ်တာ မရှိတော့ဘူး။ ကိုယ်ကျိုးစီးပွားအခြေပြုနိုင်ငံရေး၊ စစ်ရေးအရ ဒေသစိုးမိုးရေး၊ သယံဇာတ၊ လောင်စာ၊ ဈေးကွက် စတဲ့များမြောင်တဲ့ အကျိုးစီးပွားအခြေခံ အခြင်းအရာတွေကြောင့် ဖြစ်ကြတာပဲ။ နောက်တချက်က ဟိုဘက်ခေတ်စစ်ပွဲတွေဆိုတာ နိုင်ငံသိမ်း ပြည်သိမ်း ဒေသသိမ်းပိုက် စိုးမိုးဗိုလ်လုပ်ဖို့ပဲ။ ဒီဘက်ခေတ်ကြတော့ သူ့လူထဲက ကိုယ့်ဘက်သားကို ပလ္လင်ပေါ်တင်ပေးပြီး ကိုယ့်စိတ်ကြိုက် ကိုင်ကစားဖို့ပဲ။

စစ်ပွဲလည်းလူသတ်တာပဲ၊ အကြမ်းဖက်ခြိမ်းခြောက်သတ်ဖြတ်တာလည်း လူသတ်တာပဲမဟုတ်လား။ အတူတူပဲလို့ ထင်စရာရှိပေမယ့် မတူဘူး။ စစ်ပွဲမှာ အရပ်သူအရပ်သားတွေ ကလေးတွေ မိန်းမတွေ သက်ကြီးရွယ်အိုတွေ အချောင် အသတ်အဖြတ်ခံရ သေကြေရ မြို့လုံးကျွတ် ရွာလုံးကျွတ်အသတ်ခံရ အနုမြူဗုံးစာမိကြတာတွေမှန်ပေမယ့် တကယ့်စစ်မြေပြင်မှာတော့ လက်နက်ကိုယ်စီကိုင်ထားတဲ့ စစ်သား စစ်သားခြင်း သတ်ကြဖြတ်ကြတာမျိုးပါ။ လက်နက်မဲ့သူတွေကို သတ်တာဖြတ်တာ အနိုင်ကျင့်တာ လုယက်တာ စတာတွေကို ပြစ်တင်ရှုတ်ချဆန့်ကျင်ရမှာမှန်ပေမယ့် စစ်တကယ်ဖြစ်ပဟေ့ဆို အဲ့ဒါတွေက ရှောင်လွှဲလို့ရတဲ့ကိစ္စတွေ မဟုတ်တော့ဘူး။ စစ်ကြောင့် မဖြစ်မနေ ဖြစ်ကုန်ကြတဲ့ကိစ္စတွေဖြစ်ကုန်တယ်။ အနုမြူဗုံးကြဲမယ် မကြဲဘူးကတော့ ရှောင်လွှဲမယ်ဆို လွှဲလို့ရတဲ့ကိစ္စလို့ မြင်လို့ရနိုင်မှာပါပဲ။

အကြမ်းဖက်ခြိမ်းခြောက်သတ်ဖြတ်မှုကြတော့ ဘာကိုမှ သိမ်းပိုက်ဖို့လည်းမဟုတ်ဘူး။ ဘယ်သူ့ကိုမှလည်း နန်းတင်ဖို့မဟုတ်ဘူး။ ပစ်မှတ်ကလည်း စစ်နဲ့ဆိုင်တဲ့ဟာတွေကိုချည်း ရွေးတိုက်တာမဟုတ်ဘူး။ အရပ်ဘက်ပစ်မှတ်တွေရော အရပ်သူအရပ်သားတွေရော လူစည်တဲ့နေရာမှန်သမျှရော အကုန်ဖြစ်နိုင်တယ်။ အကြမ်းဖက်သတ်ဖြတ်သူကလည်း စစ်သားဟုတ်ချင်လည်းဟုတ်မယ် မဟုတ်ချင်လည်းမဟုတ်ဘူး။ သူ သတ်ဖြတ်မယ့်သူတွေဟာ လက်နက်မဲ့တွေ သူ့ကို ခုခံနိုင်စွမ်းမရှိသူတွေမှန်း သူသိသိနဲ့ ရက်ရက်စက်စက် သွေးအေးအေးနဲ့လုပ်ပစ်တာမျိုးပဲ။ အလွန်အံ့သြထိတ်လန့် သွေးပျက်စရာကောင်းတဲ့ စိတ်နှလုံးသားမျိုးရှိသူပဲ။ သူ့ရည်ရွယ်က သူ တိုက်ခိုက်သတ်ဖြတ်ရမယ့် လူ့အစုအစည်းထဲကလူတွေကြားမှာ အကြောက်တရား စိုးရွံ့ထိတ်လန့်မှုနဲ့ ဘဝမလုံခြုံမှု စိတ်မလုံခြုံမှုတွေဖြစ်နေအောင်လို့ပဲ။

တခါတလေမှာ ဒီအကြမ်းဖက်ခြိမ်းခြောက်သတ်ဖြတ်မှုဟာ လူတယောက်တည်း သူ့အသက်သူရင်းပြီးလုပ်တာမျိုးဖြစ်နိုင်သလို ဗမာပြည်မှာလို လူများစုက လူအုပ်ကြီးတွေစုပြီး လက်နက်ကိုယ်စီနဲ့ လူနည်းစုတွေ ဥပဒေအရအကာအကွယ် အပေးမခံရသူတွေအပေါ် ကျူးလွန်တာမျိုးလည်းဖြစ်နိုင်တယ်။ အသတ်ဖြတ်ခံ အနိုင်ငျင့်ခံရသူ လူနည်းစုတွေစိတ်ထဲ ဘဝထဲ ဘာလုံခြုံမှမရှိအောင်လုပ်ထားဖို့က လူများစုအကြမ်းဖက်သမားတွေရဲ့ ရည်ရွယ်ချက်မဟုတ်လား။ လူနည်းစုတွေကို သတ်ဖြတ်ရုံတင်မက သူတို့ပိုင်ဆိုင်တဲ့ဓနဥစ္စာတွေကိုလုယက်ဖျက်ဆီး သူတို့စီးပွားရေးလုပ်ငန်းတွေကို သိမ်းပိုက်၊ သူတို့အသက်မွေးမှုလေးတွေပါမကျန်ပိတ်ပင်ရင်း ဒုက္ခရောက်သထက်ရောက် ဆင်းရဲသထက်ဆင်းရဲ ကြပ်တည်းသထက်ကြပ်တည်း အလုပ် လုပ်စားစရာမရှိလို့ အမျိုးသမီးတွေဖာဖြစ်၊ အမျိုးသားတွေခိုးဆိုးလုယက် ရာဇဝတ်မှုကျူးလွန်သူတွေ မဖြစ်ဖြစ်အောင်ဖန်တီး၊ မခံချင်စိတ် တန်ပြန်ဂလဲ့စားချေလိုစိတ်တွေ မပေါ်ပေါ်အောင် အကွက်ချပြီး ရည်ရွယ်ချက်ရှိရှိလုပ်နေတာ မဟုတ်လား။

ထားပါတော့လေ ပြောလိုရင်းကို ပြန်ကောက်ပါ့မယ်။ ကိုယ်တိုင် အောက်ခြေစစ်သားဖြစ်ခဲ့ဖူးတယ်။ စစ်မြေပြင်တွေ ရောက်ခဲ့ဖူးတယ်။ ပြည်တွင်းစစ် မရှိစေချင်ဘူး။ တိုင်းပြည် ငြိမ်းငြိမ်းချမ်းချမ်းရှိစေချင်တယ်။ ဒါ့ကြောင့် စစ်အာဏာရှင်ဆန့်ကျင်ရေး စစ်ဝါဒီဆန့်ကျင်ရေးလုပ်တယ်။ အဖမ်းခံရတယ်။ စစ်သားဖြစ်ရက်သားနဲ့ စစ်တပ်ကိုပြန်ဆန့်ကျင်တဲ့ သစ္စာဖောက်ကောင်ဆိုပြီး မတန်တဆ အနှိပ်စက်ခံရတယ်။ ထောင်ကျတယ်။ နိုင်ငံရေးအကျဉ်းသား ၁၅ နှစ်ဖြစ်ခဲ့တယ်။ ငြိမ်းချမ်းရေးကို အရင်ကထက်ပို တောင့်တ ငတ်မွတ်လာတယ်။ စစ်ပွဲတွေ ဘာ့ကြောင့်ဖြစ်ရမှန်း ဆဝါးမိလာပေမယ့် စစ်နဲ့ အကြမ်းဖက်ခြိမ်းခြောက် သတ်ဖြတ်မှုတွေကို အရင်ကထက်ပို စက်ဆုပ်ရွံရှာလာတယ်။
ဘယ်သူက ဘယ်သူ့ကို အနိုင်ကျင့်ကျင့်၊ ဘယ်သူက ဘယ်သူ့ကို ဘာအကြောင်းပြချက်နဲ့ဖြစ်ဖြစ် ဘယ်ပုံစဲနဲ့ဖြစ်ဖြစ် အကြမ်းဖက်ခြိမ်းခြောက် သတ်ဖြတ်တာမှန်သမျှ ပြတ်ပြတ်သားသားဆန့်ကျင်တယ်။
မသေခင် တညလောက်ဖြစ်ဖြစ် ကျနော့်ခွေးလေး ၂ ကောင်လို နှစ်နှစ်ခြိုက်ခြိုက် အိပ်ပျော်ချင်တာပါပဲ။
ဇူလိုင် ၁၅၊ ၂ဝ၁၆