(ခြေလှမ်း)

(ခြေလှမ်း)

ခု လွှတ်တော်ထဲကနေပဲ ဖွဲ့စည်းပုံပြင်ရေးဘက်က အရေးနိမ့်နေတာကိုကြည့်ပြီး စစ်အုပ်စုကအပြီးသတ်အောင်ပွဲခံသွားပြီလိ့ ကော့ကရိတ်သိန်းညွန့်က တွက်ဟန်တူတယ်။ ဦးကျိုးသွားပြီ၊ နောက်နောင် ဖွဲ့စည်းပုံပြင်ရေး လေသံတောင်မဟဝံ့တော့ဘူးလို့လည်း တွေးပုံရပါတယ်။ ပြင်ရေးအင်အားစုတွေ ရမလားလို့အကဲစမ်းကြည့်တာလို့လည်း သူမြင်ပုံပေါ်ပါတယ်။ ဟိုလူတွေဘက်မှာလည်း နှဲကျိုးကြီးတက်နင်းမိတာလိုလို ဖြစ်သွားတာတော့ရှိတယ်။ 

ကော့ကရိတျသိနျးညှနျ့က ဒီလိုဖွစျနတောကို အခှငျ့ကောငျးယူပွီး နိုငျငံတောျအတိုငျပငျခံဥပဒကေို စစျအုပျစုအနနေဲ့ ဖကြျသိမျးလိုကျိဖို့ မီးထိုးပေးနတောဖွစျတယျ။ နိုငျငံတောျအတိုငျပငျခံကို စစျအုပျစုက တိုငျပငျတာမပငျတာ၊ လူတယောကျတညျးအတှကျက သကျတမျးပါကနျ့သတျပွီးပွဌာနျးတာ မပွဌနျးတာတှကေ တပိုငျးပဲ။ သူ့ရဲ့တရားဝငျသဘောအရတညျရှိနမှေုကတပိုငျးပဲ။ 

ဆိုတော့ အများစုအနိုင်ရပါတီက လွှတ်တော်မှာဥပဒေတခုပြဌာန်းလိုက်တယ်။ အဲ့ဒီဥပဒေ အတည်ဖြစ်နေတယ်။ ဒါကို ၂၀၀၈ ဖွဲ့စည်းပုံပါ ပုဒ်မ ၁၉၈နဲ့ မကိုက်ညီလို့ ခုနေ အခွင့်သာခိုက်မှာ ဖျက်လိုက်ပါလားလို့ မသမာစိတ်နဲ့ တဘက်လှည့်နဲ့ စစ်အုပ်စုကိုဆွပေးနေတယ်။ 

မှန်တယ် အဲ့ဒီဥဒေပြဌာန်းချိန်က စစ်တပ်ကသဘောမတူဘူးဆိုတာ။ အဲ့သလိုပဲ စစ်အုပ်စုအငိုက်မိသွားတယ် ဆိုတာလည်းအမှန်ပဲ။ ကျနော့်တဦးချင်းသဘောထား ဘယ်လိုပဲရှိရှိ အဲ့ဒီရာထူးတာဝန် တီထွင်ဖန်တီးယူသွားတာကိုတော့ လူအများစုက(လူထုက)နှစ်သက်တာပဲ။ သဘောကျတာပဲ။ လက်တွေ့မှာ ဘာဖြစ်ဖြစ်မဖြစ်ဖြစ် အဆောင်အယောင်သဘောအရ နိုင်ငံတော်အင်္ဂါစဉ်အရတော့ နံပတ် ၂ ဖြစ်နေတာကိုး၊ ကာချုပ်အထက်မှာရှိနေတာကိုး။ 

ဒါကို စစ်အုပ်စု မခံချိမခံသာဖြစ်မယ်ဆိုဖြစ်လောက်ပေမယ့် ဒေါ်စုအဲ့သလိုအနေအထားနဲ့ရှိနေတာက သူတို့အတွက်ကို ကောင်းနေပြန်တယ်။ နိုင်ငံတကာ့အမြင်မှာလည်း အပြကောင်းနေတယ်။ အင်္ဂါစဉ်အရ ဘာကြီးဖြစ်နေဖြစ်နေ ကာလုံထဲ အဲ့ရာထူးနဲ့ပါခွင့်မရှိဘူး၊ ဖွဲ့စည်းပုံထဲမှာမပါဘူး၊ ဒီရာထူးက ဒေါ်စုမရှိတော့ရင် ရှိတော့မှာမဟုတ်ဘူး။ စစ်အုပ်စုကတော့ ဒေါ်စုရှိသည်ဖြစ်စေမရှိသည်ဖြစ်စေရှိနေဦးမှာပဲ။ ဒီတော့ ခု ဒေါ်စုအနေအထားကို စစ်အုပ်စုကကြိုက်နေတာအမှန်ပဲ။ ဒီထက် တရားဝင်ကြီးမလာဖို့(တနည်းပြောရရင် သမ္မတမဖြစ်ဖို့)ပဲ အရေးကြီးတယ်။

ခု အနေအထားမှာ သူတို့လိုအပ်တဲ့အခါ ခေါင်းရင်းပေးဖို့ ဗိုက်အငှားအလကားရဖို့ အသုံးတည့်နေတာအမှန်ပဲ။ ဒီရာထူးပေါ်ကနေ လက်တွေ့အရ အကျိုးအမြတ်အများဆုံးခံစားနေရတာ စစ်အုပ်စုပဲ။ ဒီတော့ ဒီ နိုင်ငံတော်အတိုင်ပင်ခံကိစ္စကို တမင့်ကိုလက်ရှောင်နေတာဖြစ်ပါတယ်။ ဒီရာထူးက သူတို့အကျိုးစီးပွားကို အာဏာကိုမထိပါးသရွေ့ သူတို့လက်ဖျားနဲ့တောင် တို့ဦးမယ်မဟုတ်ဘူး။

ဒါကို ကော့ကရိတ်သိန်းညွန့် မတွက်မိပဲတော့မနေဘူး။ သူလည်း အကင်းပါးသူပဲ။ ပါးလွန်းလို့တောင် ခက်နေတာတဲ့လူပဲ။ ဒါဆို သူဘာလို့ ဒီစကားပြောသလဲ။ ဒီ‌ခြေလှမ်း လှမ်းရသလဲ။ တခွန်းတည်းပြောရရင် "ဒီအချိန်"ဖြစ်နေလို့ပါပဲ။ "ဒီအချိန်"ဟာ စစ်အုပ်စုကိုရော နိုင်ငံတော်အတိုင်ပင်ခံရာထူးတည်ရှိနေမှုနဲ့ အဲ့ဒီဥပဒေကိုဖျက်ပစ်ရေး မျက်စပြစ်ကြည့်ဖို့ မျက်စောင်းထိုးကြည့်ဖို့ အာဘော်ဖန်တီးဖို့ အကောင်းဆုံးအချိန်ဖြစ်နေလို့ပါပဲ။ 

ဟိုလူတွေသဘောကျလို့ သူပြောသလိုဖြစ်လာရင် သူ့ဘက်ပါလာရင် ဥပဒေပျက်တာမပျက်တာထက် အဲ့ဒီလူတွေအပေါ်မှာ နိုင်ငံရေးအရ "သေးသေးတင်လိုက်တာ ဒါမှမဟုတ် နငယ်အမြီးတပ်နိုင်"တဲ့ အနေအထားမျိုး အဆင့်နေရာမျိုး သူရနိုင်တယ်ဆိုတဲ့တွက်ချက်မှုဖြစ်ဖို့များပါတယ်။ အဲ့ဒီကမှတဆင့် ကြီးမားတဲ့နိုင်ငံရေးရာထူး(ဒုသမ္မတတို့ဘာတို့လို)တခုခုအထိ တက်လှမ်းနိုင်မယ်လို့တွက်တာလည်း ပါနိုင်ပါတယ်။ 

ဒါ ကျနော်တွေးမိတာပြောတာပါ။ လိုအပ်တာတွေမပြည့်စုံတာတွေ မတွေးမိတာတွေလည်း များမှာပါ။ ဒီအတွေးနဲ့ အခြားသူတွေ တွေးမိတာနဲ့ဆက်စပ်ချင်လို့ ပြောတာဖြစ်ပါတယ်။
မျိုးမင့်ချို
၁၃။ မတ်၊ ၂၀၂၀