“နိုင်ငံသားတွေရဲ့ လွတ်လပ်စွာဟောပြောခွင့်၊ ဘယ်လို ကာကွယ်ရမလဲ ”စည်သူအောင်မြင့်

“နိုင်ငံသားတွေရဲ့ လွတ်လပ်စွာဟောပြောခွင့်၊ ဘယ်လို ကာကွယ်ရမလဲ ”စည်သူအောင်မြင့်
မြန်မာပို့စ်ဂျာနယ်၊ ၁၇-၂-၁၄။ မျက်နှာဖုံးဆောင်း ပါး။ပြီးခဲ့တဲ့ ဖေဖေါ်ဝါရီ ၁၂ ရက် နေ့က ရန်ကုန် မြောက်ဥက္ကလာပမှာ ပြည်ထောင်စုနေ့ အထိမ်းအမှတ်စာပေဟောပြောပွဲလုပ်ဖို့ စီစဉ်ပါတယ်။ အဲဒီ ဟောပြောပွဲမှာ ၈၈ ပွင့်လင်းလူ့အဖွဲ့အစည်းက ကိုမြအေး၊ စာရေးဆရာ သန်းစိုးနိုင်၊ ဆင်ဖြူကျွန်းအောင်သိန်းနဲ့ အင်န်အယ်လ်ဒီက တရားလွှတ်တော်ရှေ့နေဦးကိုနီ (၄)ယောက် ဟောပြောဖို့စီစဉ်ထားတာပါ။ ဒါပေမယ့် ဟောပြောပွဲမကျင်းပခင် “မျိုးချစ်မြန်မာရဟန်းတော်များသမဂ္ဂ”ဆိုတဲ့အဖွဲ့က ဦးကိုနီနဲ့ကိုမြအေးတို့နှစ်ယောက်ကို အစ္စလာမ်ဘာသာဝင်တွေဖြစ်တာကြောင့် ဟောခွင့်မပြုနိုင်ဘူးဆိုပြီး ကန့်ကွက်၊ ဟန့်တားခဲ့တာကြောင့် စာပေဟောပြောပွဲပျက်ခဲ့ပါတယ်။ အလားတူ ဖေဖေါ်ဝါရီ ၁၅ ရက်နေ့ကလည်း မန္တလေးမြို့မျက်ပါးရပ်မှာလုပ်တဲ့ စာပေဟောပြောပွဲမှာလည်း သံဃာတစ်ချို့ကနေ ဟောပြောသူတွေထဲက ကိုမြအေးကိုထုတ်ပယ်ပစ်ဖို့ အကြပ်ကိုင်တောင်းဆိုခဲ့ပါတယ်။ ဒါကြောင့် စာပေဟောပြောပွဲမပျက်လိုတာကြောင့် ကိုမြအေး အဲဒီပွဲမှာ ဟောပြောခြင်းမပြုတော့ပါဘူး။ အလားတူ ပြီးခဲ့တဲ့လက ပေါင်းတည်မှာလုပ်မယ့်စာပေဟောပြောအတွက်ဖိတ်ကြားခံရတဲ့ မသီတာ(စမ်းချောင်း)ကို မျိုးစောင့်ဥပဒေ မထောက်ခံတဲ့အတွက်၊ မူဆလင်ကုသိုလ်ဖြစ်ဆေးရုံမှာလုပ်အားပေးတဲ့အတွက် ဟောပြောခွင့်မပြုနိုင်ဘူးလို့ ဒေသခံသံဃာတစ်ချို့က ကန့်ကွက်အကြပ်ကိုင်တာကြောင့် စီစဉ်သူတွေကနေ ဟောပြောပွဲဖျက်သိမ်းပေးလိုက်ရပါတယ်။ ခုတလော အဲလိုအဖြစ်အပျက်မျိုးတွေ ခပ်စိတ်စိတ်ဖြစ်လာနေပြီပါ။ ဘယ်လိုဖြစ်တာပါလဲ၊ ဒါဟာ ဘာသဘောဆောင်တာပါလဲ၊ ဘယ်လိုဖြေရှင်းကြရင်ကောင်းမလဲဆိုတာ ခုတစ်ပါတ် ဆွေးနွေးတင်ပြသွားပါ့မယ်။

ဖြစ်စဉ်တစ်ချို့
မြောက်ဥက္ကလာပဖြစ်စဉ်မှာ ပွဲစီစဉ်သူတွေဟာ သက်ဆိုင်ရာအာဏာပိုင်အဆင့်ဆင့်ကို ခွင့်ပြုချက်တောင်းခံပြီးမှ ကျင်းပဖို့စီစဉ်တာပါ။ ဒါပေမယ့် စာပေဟောပြောပွဲမကျင်းပခင် မျိုးချစ်မြန်မာရဟန်းတော်များသမဂ္ဂကလို့ဆိုတဲ့ သံဃာတစ်ပါးက ပွဲစီစဉ်သူတွေကို ဦးကိုနီနဲ့ ကိုမြအေးတို့ဟာ အစ္စလာမ်ဘာသာဝင်တွေဖြစ်တယ်ဆိုတဲ့အကြောင်းပြချက်နဲ့ သူတို့ကိုဟောပြောခွင့်မပြုနိုင်ဘူး၊ ဖယ်ရှားပေးပါဆိုပြီး တယ်လီဖုန်းနဲ့ နှစ်ကြိမ်တိုင်အကြပ်ကိုင်ခဲ့တယ်လို့ဆိုပါတယ်။ သက်ဆိုင်ရာ မြို့နယ်အုပ်ချုပ်ရေးမှူးဆီကိုလည်း “မဖြစ်သင့်တာဖြစ်သွားနိုင်လို့ တားဆီးပေးပါ”ဆိုပြီး စာပေးပို့အကြောင်းကြားခဲ့တယ်လို့ ဆိုပါတယ်။ ပွဲစီစဉ်သူတွေဘက်က ကောင်းကောင်းမွန်မွန်စီစဉ်ခဲ့ပြီဖြစ်လို့ ဖယ်ရှားအစားထိုးဖို့မဖြစ်နိုင်ကြောင်း ပြန်လည်လျောက်ထားခဲ့ကြပါတယ်။ တကယ် ပွဲစတဲ့ညမှာတော့ သံဃာတစ်ချို့ လိုက်ထရပ်ကား (၄) စီးနဲ့ရောက်လာပြီး တစ်ချို့သံဃာတွေကလည်း လမ်းလျောက်ကြွချီလာခဲ့ကြပါတယ်။ အဲဒီနောက် ပွဲစီစဉ်သူတွေကို ဟောပြောမယ့်သူ နှစ်ယောက်ကိုဖယ်ရှားပေးဖို့ ထပ်ဖိအားပေးခဲ့ပြန်ပါတယ်။ ဒီအခါ ဦးကိုနီနဲ့ကိုမြအေးတို့က ပဋိပက္ခ တစ်စုံတစ်ရာမဖြစ်ပွားရလေအောင် မဟောပြောတော့ပဲ နောက်ဆုတ်ပေးလိုက်ပါတယ်။ ဒီအခါ ကျန်စာရေးဆရာနှစ်ယောက်ကလည်း ဒါဟာ လွတ်လပ်စွာဟောပြောခွင့်ကို ဥပဒေမဲ့တားမြစ်တာမျိုးဖြစ်တဲ့အတွက် သူတို့လည်းမဟောနိုင်ဘူးဆိုပြီး သပိတ်မှောက်ခဲ့ကြလို့ စာပေဟောပြောပွဲပျက်သွားခဲ့ပါတယ်။
မန္တလေးမျက်ပါးရပ်မှာလည်း အလားတူဖြစ်ရပ်ခပ်ဆန်ဆန်ပါပဲ။ အဲဒီ စာပေဟောပြောပွဲကို စာရေးဆရာတွေဖြစ်တဲ့ ဆရာညီမင်းညို၊ ဆရာမောင်သွေးသစ်၊ ဆရာဦးဘုန်း (ဓာတု)၊ ဆရာဇော်ခိုင်ဦး၊ ရုပ်ရှင်သရုပ်ဆောင် နာရေးကူညီမှုအသင်းဥက္ကဌဦးကျော်သူနဲ့ ကိုမြအေးတို့ ဟောပြောမယ့်အကြောင်း မူလက ကြေညာထားခဲ့ပါတယ်။ အဲဒီညမှာ သံဃာတစ်ချို့ရောက်လာပြီး ကိုမြအေးကို အစ္စလာမ်ဘာသာဝင် ဖြစ်တယ်ဆိုတဲ့အကြောင်းပြချက်နဲ့ ဖယ်ရှားပေးဖို့အကြပ်ကိုင်တောင်းဆိုကြပါတယ်။ ဒီအခါ ကာယကံရှင်ကိုမြအေးက သူ့ကြောင့် ပွဲပျက်တာ မဖြစ်ရလေအောင် မဟောတော့ပါဘူးလို့ဆိုပါတယ်။ ပွဲစီစဉ်သူတွေဘက်က ကိုမြအေးကျန်းမာရေးကြောင့် မဟောနိုင်ဘူး၊ စာရေးဆရာ နေဝင်းမြင့်ကိုအစားထိုးဟောစေမယ်လို့ကြေငြာမယ်ပြောတာကိုတောင် ကြွလာတဲ့သံဃာတွေက လက်မခံကြပါဘူး။ "မြအေး အကြောင်း အမျိုးမျိုးကြောင့်မတက်နိုင်တော့ဘူး၊ အစားထိုးရမယ်စကားလုံး မသုံးနဲ့၊ ဘာမှမသုံးနဲ့"။ "အဲဒီအစားထိုးတယ်ဆိုတာတောင် လက်မခံချင်ဘူး၊ အဲဒီ အစားထိုးတယ်ဆိုတဲ့စကားလုံးမသုံးနဲ့၊ မြအေးဆိုတဲ့လေသံကို မြန်မာလူမျိုးတွေကြားထဲမရောက်ချင်ဘူး၊ ဟုတ်လား၊ ဘာအခုမှ သဘောပေါက်တယ်လာပြောနေတာလဲ၊ ရန်ကုန်မှာလည်းပဲ ပယ်ခဲ့ပြီးပြီ"ဆိုပြီးတောင် တုန့်ပြန်ပြောဆိုခဲ့ကြပါတယ်။ အလားတူ ပေါင်းတည်မြို့ ဟောပြောပွဲပျက်သွားတာလည်း ဒီပုံစံအတိုင်းပါပဲ။

စလာပြီ
ဖြစ်စဉ်အားလုံးကိုခြုံငုံကြည့်ရင် သံဃာတော်တစ်ချို့ဟာ စာပေဟောပြောမယ့်လူပုဂ္ဂိုလ်တစ်ချို့ကို အစ္စလာမ်ဘာသာဝင်ဖြစ်လို့၊ မူဆလင် ကုသိုလ်ဖြစ်ဆေးရုံမှာဆေးကုပေးလို့ဆိုတဲ့အကြောင်းပြချက်တွေနဲ့ ဟောပြောခွင့်တားမြစ်ဟန့်တားလုပ်တာ အတူတူပါပဲ။ ပွဲရှိရာကို သံဃာအစုအဝေးနဲ့အရောက်လာပြီး သူတို့တောင်းဆိုသူကို ဖယ်ပေးရင်ဖယ်ပေး၊ ဖယ်မပေးရင် တစ်ခုခုဖြစ်နိုင်တယ်ဆိုတဲ့သဘောမျိုး ခြိမ်းခြောက်အကြပ်ကိုင်ရာမှာလည်း တူညီကြပါတယ်။
ဒီ့မတိုင်ခင်တုန်းကတော့ သံဃာတစ်ချို့ဟာ တရားပွဲတွေမှာ ဘာသာခြားတွေကို အမုန်းပွားစေမယ့်အကြောင်းအရာတွေကို ဟောပြောတာ လုပ်ခဲ့ကြပါတယ်။ အဲလို ဟောပြောထားတဲ့ ဓာတ်ပြား၊ အသံဖိုင်တွေလည်း မြန်မာပြည်အနှံ့၊ နိုင်ငံတကာအနှံ့ပျံ့နှံ့စခဲ့ပါတယ်။ နောက်ပိုင်း နိုင်ငံရေးအကြောင်းအရာဖြစ်တဲ့ ပုဒ်မ ၅၉(စ) ဆက်ပြီးထားဖို့နဲ့ ဒေါ်အောင်ဆန်းစုကြည်မကောင်းကြောင်း ပြောင်ပြောင်တင်းတင်း ဟောပြော လာကြပါတယ်။ ရွေးကောက်ပွဲရောက်လာရင် ဒေါ်အောင်ဆန်းစုကြည်ကို မဲမပေးဖို့ တရားပွဲတွေမှာဟောပြောတာ လုပ်လာပါတယ်။ အဲဒီ ဓာတ်ပြားအသံဖိုင်တွေ ပြည်တွင်းပြည်ပ ပျံ့နှံ့စေခဲ့ပါတယ်။ အခုတော့ သံဃာတစ်ချို့လမ်းပေါ်ထွက်လာပြီး ဟောပြောပွဲတက်မယ့်သူတွေကို အကြပ်ကိုင်ဟန့်တားတဲ့အဆင့် လုပ်လာပါပြီ။

ဘာအဓိပ္ပါယ်ဆောင်သလဲ
တကယ်တော့ ဒါဟာ စစ်အာဏာရှင်ခေတ်လွန်မြောက်စပြုလို့ ဒီမိုကရေစီနဲ့အတူရလာကာစ နိုင်ငံသားတွေရဲ့ လွတ်လပ်စွာဟောပြောပိုင်ခွင့် ကို တိုက်ရိုက် ခြိမ်းခြောက်ဟန့်တားတာဖြစ်ပါတယ်။ အရင်ကတော့ ဒီလုပ်ရပ်မျိုး စစ်အာဏာပိုင်တွေလုပ်လေ့ရှိပြီး လက်ရှိအခြေအနေမှာ အာဏာပိုင်တစ်ချို့လုပ်နေဆဲလည်း ဖြစ်ပါတယ်။ အခု သံဃာတစ်ချို့ရဲ့လုပ်ရပ်ဟာ အရင်ခေတ် စစ်အာဏာရှင်တွေလုပ်ခဲ့တဲ့ လုပ်ရပ်ထက်တောင်ဆိုးပါသေးတယ်။ စာရေး ဖုန်းဆက် အကြောင်းကြားဟန့်တားမယ်၊ မရရင် အင်အားပြခြိမ်းခြောက်၊ ပဋိပက္ခဖန်တီး အကြပ်ကိုင်မယ်ဆိုတဲ့နည်းပါပဲ။ တကယ်တော့ ဒီလုပ်ရပ်ဟာ အစ္စလာမ်ဘာသာဝင်တွကိုလုပ်တဲ့လုပ်ရပ်လို့ယူဆလို့ မရပါဘူး။ မြန်မာနိုင်ငံသားတွေရဲ့ လွတ်လပ်စွာထုတ်ဖော်ဟောပြောပိုင်ခွင့်အပေါ်ကျူးလွန်တဲ့လုပ်ရပ်မျိုးပဲ ဖြစ်ပါတယ်။

နောက်တစ်ချက်ကတော့ ဗုဒ္ဓဘာသာရဲ့ပုံရိပ်ပါ။ အခု မြောက်ဥက္ကလာနဲ့ မန္တလေးမျက်ပါးရပ်ကသတင်းတွေ နိုင်ငံတကာအထိ ပျံ့နှံ့သွားပါပြီ။ ဗုဒ္ဓဘာသာ သံဃာတော်တစ်ချို့ဟာ ကိုယ့်နိုင်ငံသားအချင်းချင်းဖြစ်ပါလျက် အစ္စလာမ်ဘာသာဝင်ဖြစ်တယ်ဆိုတဲ့အကြောင်းပြချက်နဲ့ လူပုဂ္ဂိုလ်တစ်ချို့ရဲ့ လွတ်လပ်စွာဟောပြောပိုင်ခွင့်ကို အင်အားပြ အကြပ်ကိုင်ခြိမ်းခြောက်ဟန့်တားခဲ့တယ်ဆိုတဲ့သတင်း ပျံ့နှံ့သွားခဲ့ပါပြီ။ အဲဒီ သတင်းကနေ နိုင်ငံတကာမိသားစုဝင်တွေက ဗုဒ္ဓဘာသာရဟန်းတော်တွေကို၊ ဗုဒ္ဓဘာသာဝင်နိုင်ငံသားတွေကို ဘယ်လိုသဘောထား မလဲဆိုတာ ပြောနေစရာတောင်မလိုတဲ့ကိစ္စဖြစ်သွားပါပြီ။ ဗုဒ္ဓဘာသာရဲ့ အေးမြငြိမ်းချမ်းတဲ့ မေတ္တာထားတယ်ဆိုတဲ့ပုံရိပ် ညှိုးနွမ်းခဲ့ရတဲ့ သတင်းပါ။

ဘာတွေ ဆက်ဖြစ်လာမလဲ
သံဃာတော်တစ်ချို့ရဲ့ ဒီလုပ်ရပ်တွေကိုမတားဆီးနိုင်ဘူးဆိုရင် နောက်အဆင့်ဆင့်တက်ပြီး လွတ်လပ်စွာဟောပြောခွင့်ကို ပိတ်ပင်လာကြမှာ ဖြစ်ပါတယ်။ အခုတော့ အစ္စလာမ်ဘာသာဝင်ဖြစ်လို့ နောင်ဆိုရင် အစ္စလာမ်ဘာသာကောင်းကြောင်းပြောလို့၊ မျိုးစောင့်ဥပဒေကို မထောက်ခံ လို့၊ ၅၉ (စ) ကိုဖျက်မယ်ပြောလို့၊ သံဃာတော်တွေရဲ့လုပ်ရပ်ကိုဝေဖန်လို့၊ ဒေါ်အောင်ဆန်းစုကြည်ကိုထောက်ခံလို့ စသဖြင့် ပိတ်ပင်တားမြစ် လာကြမှာ အမှန်ပဲဖြစ်ပါတယ်။ ဟောပြောပွဲတစ်ခုခုလုပ်ရင် သက်ဆိုင်ရာအာဏာပိုင်တွေရဲ့ခွင့်ပြုချက်တင်မက သံဃာအုပ်စုတစ်ချို့ရဲ့ ခွင့်ပြုချက်ရမှလုပ်နိုင်မယ်ဆိုတာမျိုးဆိုရင် တွေးတောင်မတွေးရဲစရာပါပဲ။ ဒါမျိုး ဖြစ်လာနိုင်ပါတယ်။ အဲလို သံဃာတော်တွေ သတင်းစာတိုက် တွေ၊ ဂျာနယ်တိုက်တွေဘက်ခြေဦးမလှည့်ဘူးလို့လည်း မပြောနိုင်ပါဘူး။

ဘာလုပ်ကြမလဲ
ဒါဟာ သံဃာတော်တစ်ချို့ရဲ့ အစ္စလာမ်ဘာသာအပေါ်အမုန်းပွားရာကနေ ပေါ်လာတဲ့ပြဿနာဆိုပြီး လွယ်လွယ်တွေးလို့မရပါဘူး။ ဒီလုပ်ရပ်တွေဟာ နိုင်ငံသားတွေရဲ့ လွတ်လပ်စွာဟောပြောခွင့်ကိုပိတ်ပင်တာမို့ နိုင်ငံသားတိုင်း လွတ်လပ်စွာထုတ်ဖော်ရေးသား ဟောပြောခွင့်ကိုကာကွယ်လိုတဲ့အဖွဲ့အစည်းတိုင်း တားမြစ်ဖို့လိုပါတယ်။ ရဲရဲဝန့်ဝန့် ကြေငြာချက်တွေထုတ်ပြန်ဖို့လိုပါတယ်။ ကာယကံရှင် စာရေးဆရာတွေကိုယ်တိုင်လည်း မြောက်ဥက္ကလာမှာလုပ်ခဲ့သလို အခြားသူတွေကိုပိတ်ပင်ရင် ငါတို့လည်းမဟောဘူး၊ မပါဝင်ဘူးဆိုတာမျိုး လုပ်ဖို့လိုပါတယ်။ အဲဒီလူတွေကိုပိတ်ပင်တာပဲ၊ ငါတို့နဲ့မဆိုင်ဘူး၊ အနေသာကြီး၊ ငါတို့ကတော့ဆက်ဟောမယ်၊ ဆက်ပြောမယ်ဆိုတဲ့ သားစဉ်မြေးဆက်အရှက်ရစေမယ့်လုပ်ရပ်မျိုး မလုပ်မိကြဖို့လိုပါတယ်။
ဗုဒ္ဓဘာသာပုံရိပ်ညှိုးနွမ်းစေတဲ့ကိစ္စနဲ့ပါတ်သက်ပြီး ဆရာတော်သံဃာတော်ကြီးများက ဦးဆောင်အကာအကွယ်ပေးသင့်ပါတယ်။ ဆရာတော် သံဃာတော်ကြီးများရဲ့ ဗုဒ္ဓဘာသာပုံရိပ်မြှင့်တင်ရေးဦးဆောင်လှုပ်ရှားမှုနောက်ကို ဗုဒ္ဓဘာသာဝင်ပြည်သူတွေကလည်း လိုက်ပါကြရမှာ ဖြစ်ပါတယ်။
အရင် စစ်အာဏာရှင်တွေဟာ နိုင်ငံသားတွေရဲ့ လွတ်လပ်စွာရေးသားထုတ်ဝေခွင့်၊ လွတ်လပ်စွာဟောပြောခွင့်အားလုံးကို ပိတ်ပင်နင်းခြေခဲ့လို့ အရှက်ရစရာသမိုင်း ဖြစ်စေခဲ့ပါပြီ။ အခု သမ္မတ ဦးသိန်းစိန်အစိုးရ၊ လွှတ်တော်နဲ့တပ်မတော်ကကိုင်တွယ်ထားတဲ့ ပြည်ထဲရေးဝန်ကြီးဌာန စဉ်းစားဖို့လိုပါပြီ။ ပြည်သူတွေရဲ့ လွတ်လပ်စွာဟောပြောခွင့်ကို အကာအကွယ်ပေးမလား၊ အတိုက်အခံတွေကိုထိခိုက်တာပဲ ငါတို့ထိခိုက်တာ မဟုတ်ဘူးဆိုပြီး မသိကျိုးကျွံပြုမလားဆိုတာမျိုး ဖြစ်ပါတယ်။ ဒီ ရွေးချယ်မှုကနေ သမ္မတဦးသိန်းစိန်၊ လွှတ်တော်နဲ့ တပ်မတော်ခေါင်းဆောင် တွေရဲ့သမိုင်းကို အဆုံးအဖြတ်ပေးမှာဖြစ်ကြောင်း သုံးသပ်တင်ပြလိုက်ရပါတယ်။
စည်သူအောင်မြင့်။

ယူတာက https://www.facebook.com/sithu.aungmyint