Tuesday, November 8, 2016

လိပ်ပတ်မလည်သေးတဲ့ လိပ်ကျွန်း (မျိုးမြင့်ချို)

0 comments
နိုဝင်ဘာ ၁ဝ ရက်နေ့မှာ ထိုင်းနိုင်ငံ လိပ်ကျွန်းလူသတ်မှုအတွက် သေဒဏ်အချခံထားရတဲ့ ဗမာပြည်သား လူငယ် ၂ ယောက်ရဲ့အမှုအတွက် ပထမဆုံးအယူခံလွှာတင်သွင်းမယ်လို့ဆိုတယ်။ ကမ္ဘာလှည့်ခရီးသွား ဗြိတိတိန်စုံတွဲ အသတ်ခံရတဲ့အမှုမှာ ဒီ ၂ ယောက်ဟာ လက်သည်တရားခံတွေဖြစ်တယ်ဆိုတဲ့စွဲချက်နဲ့ ထိုင်းတရားရုံးက သေဒဏ်ချမှတ်ခဲ့တာဖြစ်ပါတယ်။ ဒီအမှုကို ထိုင်းမှာရှိတဲ့ ဗမာရွှေ့ပြောင်းအလုပ်သမားအရေး ဆောင်ရွက်နေသူတွေရော ထိုင်းလူ့အခွင့်အရေးရှေ့နေတွေရော တခြားအဖွဲ့အစည်းတချို့အပြင် ထိုင်းနိုင်ငံဆိုင်ရာ ဗမာသံရုံးကနေပါ တိုက်ရိုက်ဝင်ရောက် ကူညီနေတာဖြစ်ပါတယ်။ ဖြစ်ကာစက မျိုးချစ်စိတ်ပြင်းထန်လွန်းလို့ပါဆိုပြီး နိုင်ငံရေးဝင်အမြတ်ထုတ်တဲ့ခရိုနီတွေ၊ နိုင်ငံရေးသမားတွေ သည်းသည်းလှုပ်ခဲ့ကြသလောက် အမှုအခြေအနေလည်း မရေမရာဖြစ်ရော အသာလေးလက်လျှိုကုန်ကြတာ သတိထားမိတယ်။
ခုလည်း အယူခံက ဘာဖြစ်ဦးမယ်မှန်း တိကျသေချာမပြောတတ်သေးဘူး။ တရားသူကြီးပါးစပ်ကထွက်သမျှ စီရင်ချက်ဖြစ်တယ်ဆိုတဲ့ ပြောဆိုမှုမျိုးကတော့
တဆိတ် လွန်လွန်းတယ်ထင်တာပဲ။ စစ်တပ်က အာဏာသိမ်းထားတာမှန်ပေမယ့်၊ ရွှေ့ပြောင်းဒအလုပ်သမားအပေါ် မတရားဖြင့်နှိပ်စက်ညှဉ်းပမ်း သတ်ဖြတ် လုယက် အနိုင်ကျင့်တာတွေ ဒလမန်းကြမ်းဖြစ်နေတာမှန်ပေမယ့် ဒါဟာ တရားဝင်သဘောဖြစ်နေတာတော့လည်း မဟုတ်ဘူး။ နောက်ပြီး ထိုင်းရဲ့တရားစီရင်ရေးစနစ်ဟာ ဗမာစစ်အာဏာရှင်တွေထက်စာရင် လွတ်လပ်ပွင့်လင်းမှု ရှိတယ်။ နောက်တခုက တရားဥပဒေစိုးရေးလည်း ဗမာပြည်ထက် အပုံကြီးသာတယ်။ လူထုရဲ့ ဒီမိုကရေစီကျင့်သုံးမှုနဲ့ မိမိအခွင့်အရေး မိမိဘာသာကာကွယ်တတ်မှုတွေမှာလည်း ဗမာပြည်ကထက် သိသိသာသာကြီးကို ကွာတာတွေ့ရတယ်။ နိုင်ငံခြားသားတွေ ပြည်ပမီဒီယာတွေ သံတမန်တွေကိုဆိုလည်း သွားခွင့်လာခွင့် သတင်းယူခွင့်စတာတွေမှာ ဗမာစစ်အစိုးရလောက် တင်းကြပ်ထားတာမရှိဘူး။
ဒီအမှုဆို သာမန်လူသတ်မှုရာဇဝတ်မှုတခုထက်ပိုတယ်လို့ပြောလို့ရတယ်။ ကမ္ဘာသိဖြစ်နေတဲ့အမှု။ ဆိုတော့ ထိုင်းအနေနဲ့ ထင်သလိုလုပ်ဖို့ လက်လွတ်စံပယ်ပြုဖို့
ခက်တာအမှန်ပဲ။ ကျနော်တို့ စောင့်ကြည့်ရင်း နားစွင့်နေရုံပဲ။
ဟုတ်တယ်မှန်တယ် တကယ်ကျူးလွန်တာထင်ရှားတယ်ဆိုရင် ဥပဒေကြောင်းအရ အရေးယူအပြစ်ပေးတာခံရပါစေ။ မဟုတ်မမှန်လုပ်ကြံစွပ်စွဲတာဆို အမှုမှန်ပေါ်ပြီး ကွင်းလုံးကျွတ်လွတ်ပါစေ။ လွတ်ခဲ့တယ်ဆို နစ်နာကြေးတွေ လျော်ကြေးတွေတောင်းရုံတင်မက မဟုတ်မမှန်လုပ်ခဲ့သူတွေကို ပြန်တရားစွဲတာတွေအပြင်
ထိုင်းအာဏာပိုင်(အစိုးရ)ကိုပါ တရားဝင်တောင်းပန်ခိုင်းရမယ်လို့မြင်ပါတယ်။

နိုဝင်ဘာ ၇၊ ၂ဝ၁၆

0 comments:

Post a Comment