ခေတ်သစ်မြန်မာ့သမိုင်း - ၄၃ ဒေါက်တာသန်းထွန်းရေးတဲ့ A MODERN HISTORY OF MYANMAR
1752 - 1948 ကို ဘာသာပြန်တာပါ။
အခန်း(၂).
#ကုန်းဘောင်ခေတ်အခြေအနေများ
#ကုန်းဘောင်ခေတ်အခြေအနေများ
ဘုရားသခင်အလိုကျ ဘုရင်ဖြစ်မှု သဘောတရားဟာ မြန်မာဘုရင်နဲ့ မသက်ဆိုင်ဘူး။ ဘုရားသခင်အလိုကျ သဘောတရားဟာ ပကတိလူသားကို ဘုရားသခင်က ကောင်းချီးပေးပြီး အုပ်ချုပ်စေတယ်ဆိုတာကို လက်ခံထားတယ်။ မြန်မာဘုရင်တွေရဲ့ ဘုရင်ဖြစ်မှုသဘောတရားကတော့ ဇာတိသန္ဓေ အမြတ်ဆုံးလူက အုပ်စိုးရတယ်ဆိုတဲ့ ဗုဒ္ဓအဘိဓမ္မာက လာတာပါ။ မြန်မာတွေက လက်ရှိဘဝမှာ ကောင်းတာလုပ်သူဟာ နောင်ဘဝမှာလည်း ကောင်းကျိုးပေးတယ်ဆိုတဲ့ အယူအဆနဲ့ လူဝင်စားဆိုတာကိုလည်း ယုံကြည်ကြတယ်။ ဘုရင်ဟာ အတိတ်ကံကြီးလို့ ပစ္စုပ္ပန်အကျိုးပေးတာပဲ။ ဘုရင့်ထက် ဘုန်းကံပိုကြီးလာရင် နောင်ဘဝမှာ ဘုရားအလောင်း ဖြစ်ရတော့တယ်။ နောက်တခုက မြန်မာဘုရင်ဟာ သွေးသားမျိုးဆက်အရ ဘုရင်ဖြစ်တာကိုလည်း တွေ့ပါတယ်။ အလောင်းမင်းတရား ဘုရင်ဖြစ်လာတော့ ရာဇဝင်ဆရာတွေက သူ့ကို ပုဂံအနော်ရထာကနေ ဆင်းသက်တာလို့ ကောက်ချက်ဆွဲဖို့ ကြိုးစားကြတယ်။ အနော်ရထာကိုလည်း ကမ္ဘာအစ မဟာသမ္မတကနေ ကောက်ကြောင်းဆွဲခဲ့တာပါ။
မြန်မာရာဇောဝါဒမှာ ကွဲပြားတဲ့ အသွင် ၂ ရပ်ရှိတယ်။ ပထမတစ်ခုက စစ်နိုင်တဲ့သူက သေချာပေါက် အုပ်စိုးခွင့်ရတယ်။ ဒုတိယကတော့ မျိုးရိုးဆက်ခံခွင့်ပဲ။ အဲဒီပုံစံ ၂ မျိုးမှာ ပထမတစ်ခုက အသေချာဆုံးပဲ။ ဒါကြောင့်လည်း မင်းညီမင်းသားတွေ မကြာခဏ သူပုန်ထကြတာပါ။ ထီးရေးနန်းရေး ပေါ်တဲ့အခါတိုင်း မင်းဆွေမင်းမျိုးလူသတ်ပွဲတွေ သွေးထွက်သံယိုမှုကြီးတွေ ဖြစ်ခဲ့ရတာပါ။ မြန်မာဧကရာဇ်လောက် ဆိုးတဲ့ညစ်တဲ့မင်းမျိုး ကမ္ဘာမှာ မရှိတော့ဘူး။ သူစိတ်တိုင်းမကျလို့ကတော့ သေဒဏ်ပေးလိုက်တာပဲ (ဆန်ဂျာမနဲနို၊ ၁၉၆၆၊ ၇၃)။ ဘုရင့်အာဏာကို ထိန်းညှိထားတဲ့ပုံစံ တစ်ခုမှမရှိဘူး။ ဗုဒ္ဓဘာသာစည်းမျဉ်းတွေကို ဘုရင်ကိုယ်တိုင်က အလေးထားမှသာ ဗုဒ္ဓဘာသာက ဘုရင့်အာဏာရဲ့တစ်ခုတည်းသော အကန့်အသတ်ဖြစ်လာနိုင်တာပါ။ သနားကြင်နာမှုနဲ့အုပ်ချုပ်ရမယ်ဆိုတဲ့ အသိတော့ ရှိပါတယ်။ တစ်နည်းအားဖြင့် ဘုရင်ဟာ တိုင်းသူပြည်သားတွေရဲ့ အသက်အိုးအိမ် စည်းစိမ်အားလုံးရဲ့ အရှင်သခင်ပါပဲ။ ဘုရင့်နိုင်ငံထဲမှာ ဘိုးစဉ်ဘောင်ဆက် အမွေခံနိုင်တဲ့ ဘွဲ့ထူးရာထူး မရှိပါဘူး။ အလုပ်အကိုင် အဆင့်အတန်းကသာ ရာထူးရဲ့ တစ်ခုတည်းသော အမှတ်လက္ခဏာပါ။ အလုပ်အကိုင်တွေကိုလည်း ဘုရင့်စိတ်တိုင်းကျ ခန့်အပ်နှုတ်ပယ်တယ်။ အလုပ်ပြုတ်တယ်ဆိုတာ ဘဝပျက်တာပါပဲ။ ဒါက နန်းတွင်းကနေ အောက်ခြေအထိ သက်ရောက်တယ်။ တစ်နည်းဆိုရင် ကျေးကျွန်နဲ့ အပယ်ခံတွေကို နိုင်ငံရဲ့ အမြင့်ဆုံး ရုံးတော်ကသာ ပယ်ဖျက်ပေးနိုင်တာပါ။
နိုင်ငံသားတိုင်းဟာ ဘုရင့်ကျွန်အဖြစ် မွေးဖွားလာရတာပါ။ ဒါကြောင့် လူတိုင်းကို ဘုရင်က ငါ့ကျွန်လို့ ခေါ်တယ်။ သူ့ကို အရိုအသေပေးရမယ်လို့ ယူဆတယ်။ သူတို့ရဲ့ ဂါဝရတရားကို ဖော်ပြဖို့ရာ ဘုရင့်အနားကိုရောက်တာနဲ့ ခယဝတ်တွားပြီး ခစားရတယ်။ ခေါင်းပေါ်မှာ လက်အုပ်ချီပြီး ခေါင်းငုံ့ထားရတယ်။ မျက်နှာကို မော်မဖူးရဘူး။ တိုင်းသူပြည်သားမှန်သမျှ အစေအပါးချည့်ပဲလို့ ဘုရင်က မှတ်ယူတယ်။ လစာငွေမပေးဘဲ အမှုတော်ထမ်းခိုင်းတယ်။ အမှုထမ်းတာကို ကျေနပ်လို့ ဆုလာဘ်ပေးတာကလည်း တရားမျှတမှုရှိအောင်ပေးတဲ့ သဘောမျိုး မဟုတ်ဘူး။ ချီးမြှင့်မြှောက်စားတာ သက်သက်ပါ။ သူမြတ်နိုးတဲ့ ဘယ်အမျိုးသမီးကိုမဆို ကိုယ်လုပ်တော်အဖြစ် သိမ်းယူတယ် (ဥမ္မာဒန္တီဇာတက၊ နံပါတ် ၃၂၇)။ အမှန်တော့ လက်ထပ်ပြီးသား အမျိုးသမီး လင်ကစွန့်ပြီးသူ မဟုတ်ရင် ခြွင်းချက်ပေးပါတယ်။
အဘိသေကလို့ခေါ်တဲ့ ဘုရင်မြှောက်တဲ့ အခန်းအနားမှာ မင်းဆိုးမင်းညစ်နဲ့ ဆိုင်တာတွေကို ဖြစ်နိုင်သမျှ ထပ်စစ်ပါတယ်။ ဘုရင်ဟာ ကျိန်စာသင့်သူမဟုတ်ကြောင်း ဥပဒေကို လိုက်နာစောင့်ရှောက်ဖို့ တာဝန်ရှိသူအဖြစ် အသေအချာခံယူကြောင်း သစ္စာပြုရတယ်။ ဗုဒ္ဓါဘိသေကသဘင် ဆင်ယင်သူ ဘုရင်ဟာ သူ့ရဲ့လက်အောက်ခံ ပြည်သူအားလုံးက ရိုသေကိုင်းညွှတ်ဖွယ် ဂုဏ်ရှိသူဖြစ်ရမယ်။ အရာရှိရာထူးတွေကို အရိုးအစဉ်အတိုင်း ဆက်ခံခွင့် မရှိဘူးဆိုပေမဲ့ ကျေးရွာသူကြီးတာဝန် ထမ်းဆောင်သူတွေကိုတော့ အရိုးအစဉ်အတိုင်း ဆက်ခံခွင့်ပေးပါတယ်။ အရိုးအစဉ်အတိုင်း ဆက်ခံခွင့်ရှိတဲ့ မူဝါဒကို ကျင့်သုံးတာက
၁။ ကျေးရွာသူကြီးဆက်ခံခွင့်
၂။ ရိုး၊ စော်ကဲနဲ့ မှူးတို့မှာ သင့်တော်တဲ့ အကြီးဆုံးသားကို အာဏာလွှဲအပ်ပြီး မျိုးရိုးအရ ဆက်ခံစေတယ်။ အဲဒီလို မျိုးရိုးအရ ဆက်ခံနိုင်တဲ့ အရာရှိတွေရဲ့ လုပ်ပိုင်ခွင့်အာဏာဟာ အရေးကြီးပါတယ်။ အဲဒီအလုပ်တွေကို လူ ၂ ယောက် ခွဲဝေပြီး အာဏာမပေးနိုင်ဘူး။
၂။ ရိုး၊ စော်ကဲနဲ့ မှူးတို့မှာ သင့်တော်တဲ့ အကြီးဆုံးသားကို အာဏာလွှဲအပ်ပြီး မျိုးရိုးအရ ဆက်ခံစေတယ်။ အဲဒီလို မျိုးရိုးအရ ဆက်ခံနိုင်တဲ့ အရာရှိတွေရဲ့ လုပ်ပိုင်ခွင့်အာဏာဟာ အရေးကြီးပါတယ်။ အဲဒီအလုပ်တွေကို လူ ၂ ယောက် ခွဲဝေပြီး အာဏာမပေးနိုင်ဘူး။
အမျိုးသမီးတွေကိုလည်း မျိုးရိုးအရ ဆက်ခံခွင့်ပြုထားတယ်။ တချို့ကျေးရွာ ဒေသတွေမှာ မိန်းမသူကြီးတွေ ရှိကြတယ်။ ရှမ်းစော်ဘွား ရာထူးဟာလည်း အရိုးအစဉ်အတိုင်း ဆက်ခံခွင့် ရှိတယ်။ အရိုးအစဉ်အတိုင်း ဆက်ခံခွင့်ရှိတဲ့ ရာထူးတွေက အောက်ပါတို့ပါပဲ။
၁။ ထောင်ကဲ (အကျဉ်းထောင် အရာရှိ)
၂။ ကူးတို့ကဲ(သယ်ယူပို့ဆောင်ရေး လိုင်စင်ရသူ)
၃။ ဝင်းမှူး(နန်းတော်ရာကို ထိန်းသိမ်းစောင့်ရှောက်ရသူ)
၄။ အိုးစားကြီး(သို့) သွေးသောက်(ရဲမက်အကြီးအကဲ၊ တပ်ကြပ်ကြီး)
၅။ မြင်းခေါင်း(သို့) ပဲ့နင်း(မြင်းစီးရဲမက်ခေါင်းဆောင်(သို့) လှေသူကြီး)စသူများ
၂။ ကူးတို့ကဲ(သယ်ယူပို့ဆောင်ရေး လိုင်စင်ရသူ)
၃။ ဝင်းမှူး(နန်းတော်ရာကို ထိန်းသိမ်းစောင့်ရှောက်ရသူ)
၄။ အိုးစားကြီး(သို့) သွေးသောက်(ရဲမက်အကြီးအကဲ၊ တပ်ကြပ်ကြီး)
၅။ မြင်းခေါင်း(သို့) ပဲ့နင်း(မြင်းစီးရဲမက်ခေါင်းဆောင်(သို့) လှေသူကြီး)စသူများ
တွင်းစား(သို့) တွင်းရိုး (ရေနံတွင်းပိုင်ရှင်သူဌေး) တို့ကိုလည်း အရိုးအစဉ် စားခွင့်ပြုထားတယ်။ သူတို့ကို အထူးအခွန် ကင်းလွတ်ခွင့် ပြုထားတယ်။ မြေကို အိမ်ဆောက်ဖို့ #နေမြေ နဲ့၊ စိုက်ပျိုးဖို့ #စားမြေ ဆိုပြီး ပေးထားတယ်။ သွေးသောက်ကိုတော့ အင်္ဂလိပ် သူကောင်းမျိုး အစဉ်အလာအတိုင်း ဖွဲ့စည်းထားတာပါ။ လက်မှုပညာသည် #စုမှူး နဲ့ #တွင်းသင်း လို အစောင့်တပ်ဖွဲ့ခေါင်းဆောင် #သင်းမှူး ရာထူးတွေကိုလည်း မိသားစုအလိုက် ထိန်းသိမ်းထားကြတယ်။ နေရာလပ်မှာ ဆက်ခံသူမရှိတော့မှ အဖွဲ့ဝင်တွေထဲက အကောင်းဆုံးလူကို ရွေးပြီး ခေါင်းဆောင်သစ် ခန့်တာပါ။
0 comments:
Post a Comment