နာဂစ် … လပြည့်ည ကမာပုလဲ
လရောင်ရဲ့ အထိအပွေ့မှာ
ဘ၀ဟာ လမင်းနဲ့ ဝေးနေခဲ့ …။
ဘယ်လိုကြမ္မာမျိုးလဲ
မြစ်တွေတောင် ငိုချင်းရှည်ဖွဲ့လို့
ဟောဒီ …
ရေပြင်ကန္တာရကြီးမှာ …။
ဒို့တတွေအတွက်
ကမ္ဘာကြီးဟာ
ကိုယ်ချင်းစာ ငိုကြွေးခဲ့လေသတဲ့
အဲဒီနေ့တွေတုန်းကတဲ့ …
ခုတော့လည်း …။
တမိုးတွင်းလုံး
မိုးစက်မြားတံတွေက
အကာအကွယ်မဲ့ခဲ့ရတဲ့
ဒို့ရဲ့ အသားအရေတွေကို ဖောက်ထွင်း
ဒို့ရဲ့ အညတရဘ၀တွေကို ပစ်ခွင်း
အောင်သေအောင်သား စားနေကြသလို
လရောင်ရဲ့ ပွတ်သပ်ယစ်မူးနေမှုအောက်မှာ …။
ခုတော့
ကြွေစရာ တောလည်းမရှိ
ဝေစရာ မျက်ရည်တွေလည်း ခမ်းခြောက်ခဲ့ …
သီတင်းကျွတ် လပြည့်ညတဲ့
သိခဲ့သားပဲ …
ဒီည …
လမင်း ဘယ်လိုသာမယ်ဆိုတာ ။ ။
ကမာပုလဲ
0 comments:
Post a Comment