၂၀၀၈ ဖွဲ့စည်းပုံအခြေခံဥပဒေအတွင်းက ဥပဒေအချင်းချင်းပဋိပက္ခဖြစ်နေမှုများ (အပိုင်း ၄)(ဦးမျိုး-ဥပဒေ)

၂၀၀၈ ဖွဲ့စည်းပုံအခြေခံဥပဒေအတွင်းက ဥပဒေအချင်းချင်းပဋိပက္ခဖြစ်နေမှုများ (အပိုင်း ၄)(ဦးမျိုး-ဥပဒေ)

ရေးတာက (ဦးမျိး) ဥပဒေ

(ယူတာကဒီနေရာ) http://www.dpnsburmese.org/?p=309

အခန်း ( ၅ )

အုပ်ချုပ်ရေး

ပြည်ထောင်စု အစိုးရအဖွဲ့

ဤအခန်းတွင် ပုဒ်မ- ၁၉၉ မှ ပုဒ်မ -၂၉၂ အထိ ပါရှိသည်။ နအဖ ဥပဒေအမှတ်-၁၅/၂၀၁၀ ဖြစ်သော

ပြည်ထောင်စုအစိုးရအဖွဲ့ဥပဒေကို ၂၀၁၀ ပြည့်နှစ်၊ အောက်တိုဘာ ၂၁ ရက်နေ့ကပင် ပြဋ္ဌာန်းထားသည်။

၁၉၄၇ ခုနှစ် ဖွဲ့စည်းအုပ်ချုပ်ပုံအခြေခံဥပဒေ အခန်း ၇ ၊ ပြည်ထောင်စုအစိုးရ၊ ပုဒ်မ -၁၁၄ တွင်

”ပြည်ထောင်စုနိုင်ငံအစိုးရအဖွဲ့ကို ပုဒ်မ -၅၆ အရ ခန့်ထားသော ၀န်ကြီးချုပ်နှင့်ဝန်ကြီးများဖြင့် ဖွဲ့စည်းရမည်”ဟု ပါရှိသည်။ ပုဒ်မ -၅၆(၁) တွင် ”နိုင်ငံတော်သမ္မတသည် ပြည်သူ့လွှတ်တော်က အမည်တင်သွင်းသောပုဂ္ဂိုလ်အား ၀န်ကြီးချုပ်ခန့်ထားရမည်။ ထိုဝန်ကြီးချုပ်သည် ပြည်ထောင်စုအစိုးရအဖွဲ့၏အကြီးအမှုးဖြစ်ရမည်” ဟုလည်းပြဋ္ဌာန်းထားသည်ကိုတွေ့ရှိရပါသည်။

ယခု ၂၀၀၈ ခုနှစ် ဖွဲ့စည်းပုံအခြေခံဥပဒေပုဒ်မ ၁၉၉ (က) တွင် ”နိုင်ငံတော်အုပ်ချုပ်ရေးအကြီးအကဲသည်

နိုင်ငံတော်သမ္မတ ဖြစ်သည်”ဟုဖော်ပြပါရှိသည်။ သမ္မတအုပ်ချုပ်ရေးစနစ်ဖြစ်ကြောင်း ပေါ်လွင်ပါသည်။

ပြည်ထောင်စုဝန်ကြီးချုပ်ကို ဤ ၂၀၀၈ အခြေခံဥပဒေတွင်ဖော်ပြထားသည်ကို လုံးဝမတွေ့ရှိရပါ။

ပုဒ်မ -၂၀၀ (ဂ) တွင်” ပြည်ထောင်စုဝန်ကြီးများ”ဟု ဖော်ပြထားသောဝန်ကြီးများကိုကြီးကြပ်ကွပ်ကဲရန် ပြည်ထောင်စုဝန်ကြီးချုပ်က မလိုအပ်တော့ပြီလော။ လက်တွေ့အကောင်အထည်ဖော်နေရသော ၀န်ကြီးဌာနအားလုံးကို သမ္မတနှင့်ဒုသမ္မတနှစ်ဦးတည်းက အကွက်စိအောင် ကြီးကြပ်ကွပ်ကဲနိုင်ပါမည်လော။

သမ္မတစနစ်ကိုအကောင်အထည်ဖော်ရုံမျှဖြင့် ၀န်ကြီးချုပ်လုံးဝမထားရှိခြင်းမှာ တိုင်းပြည်၏ကွက်လပ်ကြီးတခုအဖြစ် အုပ်ချုပ်ရေးစနစ်ကိုအားနည်းစေပြီး လာဘ်ပေးလာဘ်ယူ အကျင့်ပျက်ခြစားမှုများကိုအားပေးအားမြှောက်ပြုရန် လမ်းဖွင့်ပေးထားသလိုဖြစ်နေပါသည်။ သမ္မတသည် ဥပဒေပြုအာဏာကိုရော အုပ်ချုပ်မှုအာဏာကိုပါ နှစ်ကြိုးသုံးကြိုးကိုင်စနစ်ကိုကျင့်သုံးနိုင်ရန် ဤကဲ့သို့ပြဋ္ဌာန်းထားကြောင်းတွေ့ရှိရပါသည်။

ပုဒ်မ – ၂၁၆ တွင် ”ဖွဲ့စည်းပုံအခြေခံဥပဒေပါပြဋ္ဌာန်းချက်များနှင့်မဆန့်ကျင်လျှင် ပြည်ထောင်စု၏အုပ်ချုပ်မှုအာဏာသည် ပြည်ထောင်စုလွတ်တော်ကဥပဒေပြုနိုင်သော

အုပ်ချုပ်မှုဆိုင်ရာကိစ္စရပ်များသို့လည်း သက်ရောက်ပျံ့နှံ့သည်”ဟုဖော်ပြချက်မှာ ဥပဒေပြုအာဏာကိုပင် အုပ်ချုပ်ရေးအာဏာကလွှမ်းမိုးထားသည်ကို ထင်ဟပ်စေသည့်ပြဋ္ဌာန်းချက်ဖြစ်နေပါသည်။ ပြည်ထောင်စုလွှတ်တော်၏အထက်တွင် ပြည်ထောင်စုအစိုးရကိုထားရှိခွင့်ပေးထားခြင်းမှာ နိုင်ငံအတွက်ကြီးမားသည့်အန္တရာယ်ကိုသာ ဖြစ်ပေါ်စေနိုင်ပါသည်။ ထိုသို့ဖြစ်ပျက်ခဲ့သော အဖြစ်အပျက်များ၊ နိုင်ငံတကာသင်ခန်းစာများကို လေ့လာအတုယူပြီး ဤကိစ္စကို လုံးဝပြင်ဆင်သင့်ပါသည်။ စစ်ဗျူရိုကရေစီအုပ်ချုပ်ရေးကပြဋ္ဌာန်းခိုင်းသည့်ဥပဒေများကို ပြည်ထောင်စုလွှတ်တော်ကြီးကလိုက်နာ၍ ပြဋ္ဌာန်းနေရသည်ကို ထွက်ပေါ်လာသည့်လောလောဆယ်ဥပဒေများကို ကြည့်ရှုလေ့လာခြင်းအားဖြင့် တွေ့မြင်ရမည် ဖြစ်ပါသည်။

ပုဒ်မ – ၂၀၁ တွင် အမျိုးသားကာကွယ်ရေးနှင့်လုံခြုံရေးကောင်စီကို အဖွဲ့ဝင် (၁၁) ဦးဖြင့်ဖွဲ့စည်းထားသည်။

၁၁ ဦးတွင် တစ်ဦးတည်းသာ အရပ်သားဖြစ်နေသည်ကို အထင်အရှားတွေ့ရှိနေရပါသဖြင့် စစ်ဗျူရိုကရက်လုံခြုံရေးကောင်စီကသာ  တိုင်းပြည်ကိုအုပ်ချုပ်နေကြောင်း ငြင်းကွယ်၍မရတော့ပါ။

ထို့အပြင် ပုဒ်မ ၂၀၁အရ အမျိုးသားကာကွယ်ရေးနှင့်လုံခြုံရေးကောင်စီကိုဖွဲ့စည်းထားသောအဖွဲ့ဝင်
(၁၁)ဦးအနက် ဒုသမ္မတ တဦး၊ တပ်မတော်ကာကွယ်ရေးဦးစီးချုပ်၊ ဒုတိယ တပ်မတော်ကာကွယ်ရေးဦးစီးချုပ်၊ ကာကွယ်ရေးဝန်ကြီးဌာန ၀န်ကြီး၊ ပြည်ထဲရေးဝန်ကြီးဌာန ၀န်ကြီးနှင့် နယ်စပ်ရေးရာဝန်ကြီးဌာန ၀န်ကြီး စသည့် ၆ ဦးတို့မှာ တပ်မတော်မှဖြစ်ကြရမည်ဟုပြဌာန်းထားပြီး ဖြစ်ပါသည်။ ထို ပြဋ္ဌာန်းချက်အရ  ၁၁ ဦးတွင် တပ်မတော်က ၆ ဦး အပိုင်ယူထားပြီဖြစ်နေရာ  အများစုမဲ ဖြစ်နေသည့်အတွက် သမ္မတသည်အရပ်သားဖြစ်သည့်တိုင် စစ်အုပ်စုအလိုမကျပါက ဘာတခုမျှဆောင်ရွက်နိုင်စွမ်းရှိတော့မည် မဟုတ်ပါ။

ဤအချက်များအရ အရပ်သားအစိုးရတရပ်ကို မည်သို့ထူထောင်ပါမည်နည်း။ 
အရပ်သားပြည်သူ့အစိုးရတရပ်ကို ဖွဲ့စည်းတည်ထောင်လိုသည့်ဆန္ဒသဘောထားဖော်ပြချက် တချက်တလေမျှပါမလာသည်ကိုသာ တွေ့မြင်သုံးသပ်ရပါသည်။ နိဒါန်းဖော်ပြချက်ပါ ”နိုင်ငံတော်၌ တရားမျှတခြင်း၊ လွတ်လပ်ခြင်း၊ ညီမျှခြင်းတည်းဟူသော လောကပါလတရားများထွန်းကားစေလျက် တိုင်းရင်းသားပြည်သူအများ ငြိမ်းချမ်းသာယာဝပြောရေး”ဆိုသည့်မူနှင့် လုံးဝဆန့်ကျင်နေပါသည်။ ပြည်သူအများ ငြိမ်းချမ်းသာယာဝပြောရေးဖြစ်သည့် ပြည်သူ့အုပ်ချုပ်ရေးမူကိုဆန့်ကျင်ထားသော စစ်ဗျူရိုကရက်အုပ်ချုပ်ရေးကိုအကောင်အထည်ဖော်မည့် မည်သည့်ပုဒ်မကိုမဆို ပယ်ဖျက်သင့်ပါသည်။

ပုဒ်မ – ၂၁၅ တွင် ”နိုင်ငံတော်သမ္မတသည် ဖွဲ့စည်းပုံအခြေခံဥပဒေအရသော်လည်းကောင်း၊ ဥပဒေတစ်ရပ်ရပ်အရသော်လည်းကောင်း မိမိအားအပ်နှင်းထားသည့်တာဝန်နှင့်လုပ်ပိုင်ခွင့်များကို ကျင့်သုံးဆောင်ရွက်မှု သို့တည်းမဟုတ် ကျင့်သုံးဆောင်ရွက်နေသည့်အနေဖြင့်ပြုခဲ့သော ပြုလုပ်မှုအတွက် မည်သည့်လွှတ်တော် မည်သည့်တရားရုံးတွင်မျှ ဖြေရှင်းရန်တာဝန်မရှိစေရ။ သို့ရာတွင် ဤကဲ့သို့တာဝန်မရှိခြင်းသည် နိုင်ငံတော်သမ္မတအား ဖွဲ့စည်းပုံအခြေခံဥပဒေပါ စွပ်စွဲပြစ်တင်ခြင်းနှင့်စပ်လျဉ်းသည့်ပြဋ္ဌာန်းချက်များနှင့် သက်ဆိုင်ခြင်း မရှိစေရ”ဟု ဖော်ပြထားချက်သည်

နိုင်ငံတော်၏တရားစီရင်ရေးအာဏာကို ဗြောင်စိန်ခေါ်လိုက်ခြင်းဖြစ်ပါသည်။ တရားဥပဒေ၏အထက်တွင်မည်သူမျှ မရှိစေရဟုဆိုသော်ငြားလည်း သမ္မတရှိနေသည်ကို ဤပုဒ်မက ငြင်းပယ်ဆန့်ကျင်ထားသဖြင့် ပြင်ဆင်ပြဋ္ဌာန်းရမည့် ပုဒ်မစာရင်းတွင်ထည့်သွင်းသင့်ပါသည်။

ပြည်ထောင်စုဝန်ကြီးများခန့်အပ်တာဝန်ပေးခြင်း ပုဒ်မ ၂၃၂ (ခ) (၁) တွင် ”လွှတ်တော်ကိုယ်စားလှယ်များထဲက ဖြစ်စေ၊ လွှတ်တော်ကိုယ်စားလှယ်မဟုတ်သူများထဲကဖြစ်စေ 
ပုဒ်မခွဲ (က) ပါ သတ်မှတ်ထားသည့်အရည်အချင်းများနှင့်ပြည့်စုံသော သင့်လျော်သည့်ပုဂ္ဂိုလ်များကို ရွေးချယ်ရမည်” ဟုပါရှိသည့်အတွက် လွှတ်တော်ကိုယ်စားလှယ်မဟုတ်သူလည်း ပြည်ထောင်စုဝန်ကြီး ဖြစ်နိုင်ပါသည်။ ပြည်သူ့ကိုယ်စားပြုမှုမရရှိသည့် မည်သူ့ကိုမဆို ပြည်ထောင်စုအဆင့်တွင် တာဝန်ပေးအပ်ရန် မသင့်တော်ပါ။ သမ္မတက လက်သင့်ရာစားတော်ခေါ်နိုင်သည့်အာဏာ ရရှိထားခြင်းမှာ ဒီမိုကရေစီမူနှင့် ဆန့်ကျင်နေပါသည်။ ထို့ပြင် ပုဒ်မ ၂၃၂ (ည) (၁) တွင် ”ပြည်ထောင်စုဝန်ကြီးသည် နိုင်ငံ့ဝန်ထမ်းဖြစ်လျှင် ပြည်ထောင်စုဝန်ကြီးအဖြစ် ခန့်အပ်တာဝန်ပေးခြင်းခံရသည့်နေ့မှစ၍ တည်ဆဲဝန်ထမ်းစည်းမျဉ်း စည်းကမ်းများနှင့်အညီ နိုင်ငံ့ဝန်ထမ်းအဖြစ်မှ အငြိမ်းစားယူပြီးဖြစ်သည်ဟု မှတ်ယူရမည်” ဟုပါရှိသော်လည်း ပုဒ်မ ၂၃၂ (ည) (၂) တွင်” ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာနနှင့် နယ်စပ်ရေးရာဝန်ကြီးဌာနများအတွက် ပြည်ထောင်စုဝန်ကြီးများအဖြစ် ခန့်အပ်ထားခြင်းခံရသောတပ်မတော်သားများသည် တပ်မတော်မှအငြိမ်းစားယူရန် သို့မဟုတ် နုတ်ထွက်ရန်မလို”ဟု ပြဋ္ဌာန်းထားချက်မှာ ၀န်ထမ်းနှင့်တပ်မတော်သားကို အကျိုးခံစားခွင့်ခွဲခြားလိုက်ခြင်း သက်သက်ဖြစ်နေပါသည်။ စကားရပ်များအရလည်း တပ်မတော်သားသည် ၀န်ထမ်းဖြစ်ကြောင်းပြဆိုထားပြီးဖြစ်သဖြင့် ပုဒ်မ ၂၃၂(ည) (၁) နှင့်ညီညွတ်စေရန် ဤပုဒ်မ ၂၃၂ (ည) (၂) ကို လုံးဝပယ်ဖျက်သင့်ပါသည်။

တိုင်းဒေသကြီးအစိုးရ သို့မဟုတ် ပြည်နယ်အစိုးရ၏အုပ်ချုပ်မှုအာဏာကိုဖေါ်ပြသည့် ပုဒ်မ ၂၄၉ တွင်
”ဖွဲ့စည်းပုံအခြေခံဥပဒေပါပြဋ္ဌာန်းချက်များနှင့်မဆန့်ကျင်လျှင် တိုင်းဒေသကြီး သို့မဟုတ် ပြည်နယ်အစိုးရ၏အုပ်ချုပ်မှုအာဏာသည် တိုင်းဒေသကြီး သို့မဟုတ် ပြည်နယ်လွှတ်တော်ကဥပဒေပြုနိုင်သော ကိစ္စရပ်များသို့ သက်ရောက်ပျံ့နှံ့သည်။ ထို့ပြင် ပြည်ထောင်စုဥပဒေတရပ်ရပ်အရ တိုင်းဒေသကြီး သို့မဟုတ် ပြည်နယ်အစိုးရအား ဆောင်ရွက်ခွင့်ပြုသည့်ကိစ္စရပ်များသို့လည်း သက်ရောက်ပျံ့နှံ့သည်” ဟုဖော်ပြထားသည်မှာ အစိုးရ၏အုပ်ချုပ်မှုအာဏာက တိုင်းဒေသကြီးနှင့် ပြည်နယ်လွှတ်တော်၏ဥပဒေပြုနိုင်သောကိစ္စရပ်များပေါ် လွှမ်းမိုးထားကြောင်းတွေ့ရသည်။ ပုဒ်မ ၂၁၆ ကဲ့သို့ ပြည်ထောင်စုမှာအတိုင်း ဖြစ်နေပါသည်။ ဤနေရာတွင် ပြည်ထောင်စုဖွဲ့စည်းပုံအရသာ ဖွဲ့စည်းမည်ဆိုပါက ပြည်နယ်လွှတ်တော်ဥပဒေပြုရေးအာဏာအထက်တွင် ပြည်နယ်အစိုးရ လုံးဝမရှိရပါ။ ဥပဒေပြုလွတ်တော်ကပြဋ္ဌာန်းလိုက်သည့်ဥပဒေကိုသာ အစိုးရက လိုက်နာကျင့်သုံးရပါမည်။ ထို့ကြောင့် ပြည်နယ်လွှတ်တော်များ၏အခန်းကဏ္ဍကို မြှင့်တင်ရန်လိုအပ်ပါသဖြင့် ဤပုဒ်မအားလည်းဖျက်သိမ်းပြီး ပြည်ထောင်စုပီပြင်သည့် ပြည်နယ်ဥပဒေပြုလွှတ်တော်များကို တည်ဆောက်နိုင်မည့်ပုဒ်မများကိုသာ ထည့်သွင်းပြဋ္ဌာန်းသင့်ပါသည်။

တိုင်းဒေသကြီး သို့မဟုတ် ပြည်နယ်ဝန်ကြီးချုပ် ခန့်အပ်တာဝန်ပေးခြင်းဆိုင်ရာ ပုဒ်မ ၂၆၁ (ဂ) တွင်

”နိုင်ငံတော်သမ္မတသည် တိုင်းဒေသကြီး သို့မဟုတ် ပြည်နယ်လွှတ်တော်၏သဘောတူညီချက်ရရှိပြီးသည့် လွှတ်တော်ကိုယ်စားလှယ်အား သက်ဆိုင်ရာတိုင်းဒေသကြီး သို့မဟုတ် ပြည်နယ်ဝန်ကြီးချုပ်အဖြစ် ခန့်အပ်တာဝန်ပေးရမည်”ဟုဖော်ပြထားသည်။

ပုဒ်မ ၂၄၇ (က)တွင် ”တိုင်းဒေသကြီး သို့မဟုတ် ပြည်နယ်၏အုပ်ချုပ်ရေးအကြီးအမှူးကို တိုင်းဒေသကြီး သို့မဟုတ် ပြည်နယ်ဝန်ကြီးချုပ်ဟု ခေါ်ဝေါ် ရမည်” ဟုသာဖော်ပြပါသည်။ ပြည်ထောင်စုမှာကဲ့သို့ သမ္မတဟုခေါ်ဝေါ်ရမည်ဟု မဖော်ပြသော်လည်း ”အကြီးအမှူး သို့မဟုတ် အကြီးအကဲ” ဟုဖော်ပြသင့်ပါသည်။ ပြည်ထောင်စု မပီသမှုတချက်ကို တွေ့ရှိရပါသည်။ လက်ရှိ တိုင်းဒေသကြီးနှင့် ပြည်နယ်ဝန်ကြီးချုပ်များသည် မိမိတိုင်းဒေသကြီးနှင့် မိမိပြည်နယ်မှ ရွေးချယ်ထားခြင်းခံရသည့်ပုဂ္ဂိုလ်များမဟုတ်သည်များကို ကြည့်ခြင်းအားဖြင့် တိုင်းဒေသကြီးနှင့်ပြည်နယ်တို့ရှိ ပြည်သူလူထု၏ရွေးချယ်ခန့်ထားသည့် ပုဂ္ဂိုလ်များမဟုတ်ဘဲ ခန့်အပ်အုပ်ချုပ်သည့်ဗျူရိုကရေစီအုပ်ချုပ်ရေးယန္တယားဖြစ်ကြောင်း ပီပြင်စွာတွေ့ရှိရပါသည်။ ပြည်သူ့အုပ်ချုပ်ရေးနှင့်ဝေလာဝေးပြီး တလွဲတချော်ဒီမိုကရေစီစနစ်ကို အကောင်အထည်ဖော်နေသည့်အခြေအနေကို ရောက်ရှိနေသည့်အတွက် အုပ်ချုပ်ရေးယန္တယားတစုံလုံးကို အသစ်ပြင်ဆင် ပြဋ္ဌာန်းသင့်ပါသည်။

တိုင်းဒေသကြီး အစိုးရအဖွဲ့ရုံး သို့မဟုတ် ပြည်နယ်အစိုးရအဖွဲ့ရုံးဆိုင်ရာ ပုဒ်မ- ၂၆၀ တွင် ”တိုင်းဒေသကြီး သို့မဟုတ် ပြည်နယ်အထွေထွေအုပ်ချုပ်ရေးဦးစီးဌာနအကြီးအမှူးသည် ရာထူးအလျောက် သက်ဆိုင်ရာတိုင်းဒေသကြီး သို့မဟုတ် ပြည်နယ်အစိုးရအဖွဲ့၏အတွင်းရေးမှူးဖြစ်သည်။ ထို့အပြင် တိုင်းဒေသကြီး သို့မဟုတ် ပြည်နယ်အထွေထွေအုပ်ချုပ်ရေးဦးစီးဌာနသည် သက်ဆိုင်ရာတိုင်းဒေသကြီး သို့မဟုတ် ပြည်နယ်အစိုးရအဖွဲ့ရုံးလည်းဖြစ်သည်” ဟုလည်းကောင်း၊ ခရိုင်နှင့် မြို့နယ်အုပ်ချုပ်ရေးဆိုင်ရာ ပုဒ်မ- ၂၈၈ တွင်” ခရိုင်အဆင့်နှင့်မြို့နယ်အဆင့်၏အုပ်ချုပ်ရေးကို နိုင်ငံ့ဝန်ထမ်းများအား တာဝန်ပေးဆောင်ရွက်စေရမည်”ဟု လည်းကောင်း ဖော်ပြထားသည်ကိုတွေ့ရပါသည်။ မြန်မာနိုင်ငံလွတ်လပ်ရေးမရမီက ကိုလိုနီအုပ်ချုပ်ရေးယန္တယားဖြင့် တိုင်းပြည်ကိုအုပ်ချုပ်ခဲ့သည့်ပုံသဏ္ဍာန်နှင့် ဘာများကွာခြားပါသနည်း။ ပါလီမန်ခေတ်၊ မ ဆ လ ခေတ်နှင့် ဘာများကွာခြားပါသနည်း။

ဆန်းစစ်ကြည့်လိုက်လျှင် မျောက်လောင်း မျောက်လောင်းပင် အတူတူနှင့်အနူနူ ဖြစ်နေသည်ကို တွေ့ရှိရပါသည်။ ဗျူရိုကရေစီအုပ်ချုပ်ရေးမှသည် ဒီမိုကရေစီအုပ်ချုပ်ရေးသို့ အသွင်ကူးပြောင်းချင်သည်ဆိုလျှင် ယန္တယားတစုံလုံးကို ပြောင်းလဲပစ်ရန်လိုပါသည်။ ပြည်သူ့အတွက် ပြည်သူတွေကိုယ်တိုင်အုပ်ချုပ်သည့် ပြည်သူ့ဒီမိုကရေစီအုပ်ချုပ်ရေးသို့ မုချပြောင်းလဲပစ်ရမည့်ခေတ် ရောက်နေပါသဖြင့် ဤပုဒ်မအားလုံးကို ပြန်လည်ပြုပြင် ပြဋ္ဌာန်းသင့်ပါသည်။

ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးနှင့်စပ်ဆိုင်သည့်ပုဒ်မ ၂၈၉ အရ ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးဥပဒေကိုပြဋ္ဌာန်းသကဲ့သို့ မြို့နယ်၊ ခရိုင်၊ တိုင်းဒေသကြီးနှင့် ပြည်နယ်အုပ်ချုပ်ရေးဥပဒေများကိုပြဋ္ဌာန်းလာနိုင်လျှင် တနည်းတဖုံ ပြောင်းလဲလာနိုင်ပါသည်။ ပြည်သူ့အုပ်ချုပ်ရေးကိုဖော်ဆောင်နိုင်သည့်ဥပဒေများကို ပြည်ထောင်စုလွှတ်တော်စစ်စစ်ကသာလျှင် ဖော်ဆောင်နိုင်မှာဖြစ်ပါလိမ့်မည်။

တိုင်းဒေသကြီး သို့မဟုတ် ပြည်နယ်ဥပဒေချုပ်ခန့်အပ်တာဝန်ပေးခြင်းဆိုင်ရာ ပုဒ်မ ၂၆၆ (ခ) တွင် ”နိုင်ငံတော်သမ္မတသည် တိုင်းဒေသကြီး သို့မဟုတ် ပြည်နယ်ဥပဒေချုပ်အဖြစ်တာဝန်ပေးအပ်ရန် သက်ဆိုင်ရာတိုင်းဒေသကြီး သို့မဟုတ် ပြည်နယ်ဝန်ကြီးချုပ်က သက်ဆိုင်ရာလွှတ်တော်၏သဘောတူညီချက်ဖြင့် တင်ပြလာသည့်ပုဂ္ဂိုလ်အား တိုင်းဒေသကြီး သို့မဟုတ် ပြည်နယ်ဥပဒေချုပ်အဖြစ် ခန့်အပ်တာဝန်ပေးရည်”ဟု ပြဋ္ဌာန်းထားချက်ကိုတွေ့ရပါသည်။ ပုဒ်မ ၂၆၆ (က) အရ လွှတ်တော်ကိုယ်စားလှယ်မဟုတ်သူများထဲကဖြစ်စေ-ဟုလည်းကောင်း ပုဒ်မ ၂၆၆(က)(၂) အရ အသက်ကန့်သတ်ချက်မှအပ ပုဒ်မ ၁၂၀ တွင် ဖော်ပြထားသည့် ပြည်သူ့လွှတ်တော်ကိုယ်စားလှယ်များအတွက်သတ်မှတ်ထားသောအရည်အချင်းများနှင့် ပြည့်စုံသူဟုလည်းကောင်း ဖော်ပြထားပါသည်။

ပုဒ်မ ၁၂၀ (ဂ) တွင် ”ပြည်သူ့လွတ်တော်ကိုယ်စားလှယ်အဖြစ်ရွေးကောက်တင်မြှောက်ခံရသည့်အချိန်နှင့် တစ်ဆက်တည်း ပြည်ထောင်စုမြန်မာနိုင်ငံတော်တွင် အနည်းဆုံး ၁၀ နှစ် အခြေချနေထိုင်ခဲ့သူ။

(ဃ) ရွေးကောက်တင်မြှောက်ခြင်းဆိုင်ရာဥပဒေတွင်သတ်မှတ်ထားသည့် အရည်အချင်းနှင့်ပြည့်စုံသူဟု အထင်အရှားပြဋ္ဌာန်းထားချက်နှင့် ပုဒ်မ ၂၆၆(က) အရ လွှတ်တော်ကိုယ်စားလှယ်မဟုတ်သူများထဲက ဟု ဖော်ပြချက်တို့သည် ဆန့်ကျင်ကွဲလွဲလျှက် ရှိပါသည်။

လက်ရှိ တိုင်းဒေသကြီးနှင့်ပြည်နယ်တွင်ခန့်အပ်ထားသည့် တိုင်းဒေသကြီးနှင့်ပြည်နယ်ဥပဒေချုပ်အားလုံးမှာ ၀န်ထမ်းများဖြစ်ကြောင်းတွေ့ရှိရပါသည်။ ပြည်သူကရွေးကောက်တင်မြှောက်ထားခြင်းမရှိသော တပ်မတော်သားလွှတ်တော်ကိုယ်စားလှယ်များနည်းတူ တူညီခန့်အပ်ထားခြင်းဖြစ်သည်ကို တွေ့ရှိရပါသည်။ တရားခွင်တွင်သာ အမှုလိုက်ပါဆောင်ရွက်နေရသည့် တိုင်းဒေသကြီးနှင့်ပြည်နယ်အဆင့်ရှိ ဥပဒေ၀န်ထမ်း အဆင့်(၁) သို့မဟုတ် (၂) တို့အနေဖြင့် ၀န်ထမ်းသက်သက်သာ ထမ်းဆောင်ဖူးသူများဖြစ်ပါသည်။ ပြည်သူရေးရာကျွမ်းကျင်သူ၊ ပြည်သူ့ကိုယ်စားလှယ်များမဟုတ်သည့်အတွက် တိုင်းဒေသကြီးနှင့်ပြည်နယ်အဆင့်လွှတ်တော်ကိုယ်စားလှယ်များလောက် ပြည်သူကိုကိုယ်စားပြုနိုင်လိမ့်မည်မဟုတ်ပါ။ ပြည်သူ့ကိုယ်စားလှယ်စစ်စစ်များဖြစ်မှသာ ပြည်သူ့လွှတ်တော်တွင် ပြည်သူကိုကိုယ်စားပြုခွင့်ရှိပါသည်။

ဤသည်မှာ ဒီမိုကရေစီမူ ဖြစ်ပါသည်။ ဒီမိုကရေစီပြောင်းပြန်ဖြင့် ခန့်အပ်တာဝန်ပေးသည့်စနစ်ကိုဖော်ဆောင်နေသည့် ယခုကဲ့သို့သောပုဒ်မအားလုံးကို ပြန်လည်ပြင်ဆင်ရေးဆွဲသင့်ပါသည်။

ပြည်နယ်နှင့်တိုင်းဒေသကြီးအဆင့်ရှိလွှတ်တော်များ၏ဥပဒေပြုမှုအခန်းကဏ္ဍကို မှေးမှိန်စေပါသည်။ တိုင်းနှင့် ပြည်နယ်အသီးသီးရှိ တိုင်းရင်းသားအမျိုးသားပြည်သူများဆိုင်ရာဥပဒေပြုမှုများကို အလေးအနက်ထားရန် အထူးလိုအပ်ပါသဖြင့် ရှေးရေး အမြော်အမြင်ကောင်းကောင်းဖြင့် သဘောထားမှန်သင့်ပါသည်။

ထို့ကြောင့် ကောင်းမွန်သောအစိုးရတရပ်အား အကောင်အထည်ဖော်ဆောင်နိုင်မည့် အုပ်ချုပ်ရေးအခန်းကဏ္ဍကို အသစ်ပြန်လည်ပြဋ္ဌာန်းသင့်ပါသည်။ အနာဂတ်ပြည်ထောင်စုစစ်စစ်နှင့် ကောင်းမွန်သောအစိုးရတရပ်ပေါ်ပေါက်ရေး လှုပ်ရှားမှုတိုင်းကို အားပေးမြှင့်တင်ပေးရပါလိမ့်မည်။

ဦးမျိုး(ဥပဒေ)

၁၉ – ၅ -၂၀၁၂