မျိုးစောင့်မယ်ဆို ယဉ်ကျေးဖို့ပါလိုမလားပဲ (မျိုးမြင့်ချို)

အမေရိကားမှာ ညုဘိခ်ျလို့ခေါ်တဲ့ ဝတ်လစ်စားလစ် ကမ်းခြေတွေမှ တစ်ပုံကြီး။ သွားရင် အဝတ်ချည်းစီး နဲ့ နေဖို့ပဲ။ သူ့ သတ်မှတ်ကန့်သတ်ချက်နဲ့ ကိုက်သူတိုင်းသွားလို့ရတယ်။ ဒါပေမယ့် သာမန်အများသူငါသွားနေတဲ့ ကမ်းခြေတွေ၊ အိုင်ကြီးတွေ၊ အများဆိုင်ရေကူးကန်တွေမှာကြတော့ ယောင်္ကျားတွေ အတွင်းခံဘောင်းဘီချည်း သက်သက်ဝတ်ရင်တောင်အမြင်ရိုင်းလို့ အပေါ်က ပွပွဖါးဖါး ဒူးအထက်အောက်မရောက် တရောက်ဘောင်းဘီတထပ် ထပ်ဝတ်ကြတယ်။ အမျိုးသမီးတွေကတော့ တူးပီစ်ဝတ်ဝတ်၊ ဘီကီနီဝတ်ဝတ်၊ ရေကူးဝတ်စုံဝတ်ဝတ် ဘာကိစ္စမှမရှိဘူး။ ကိုယ့်နှမ သူ့နှမ၊ ကိုယ့်မယား သူ့မယား၊ ကိုယ့်သမီး သူ့သမီး၊ ကိုယ့်အမေ သူ့အမေ ဒီလိုပဲနေနေကြ တာပဲ။ ယောက်ျားတွေကလုံပြီး မိန်းမတွေကြဖော်လိုက်တာ၊ ချွတ်မချရုံတမယ်ပဲသွားမပြောနဲ့။ မကြိုက်ရင်မကြည့်ပဲနေ၊ မဝတ်နဲ့လို့လည်းမပြောနဲ့၊ အဲ့ဒီလည်းမသွားနဲ့။

အမေရိကားမှာ အဝတ်အစားဝတ်တာ အင်္ဂလန်လောက်ကိန်းကြီးခန်းကြီးမနိုင်တာ စိတ်သက်သာစရာ လို့ပြောတဲ့အမေရိကန်တွေမှ ရိုက်သတ်လို့တောင်မကုန်ဘူး။ ပွဲတက်ဝတ်စုံတွေ ဒရက်စ်ကုဒ်တွေရှိတဲ့ အခမ်းအနားဆို ဖိတ်ကတည်းကကြိုပြောတယ် ဘာဝတ်လာခဲ့ကြဖို့။ အဲ့သလိုမဟုတ်လို့ကတော့ ပေါ့ပေါ့ ပါးပါးဝတ်ကြတာပဲ။ သမ္မတလည်း အပြင်ထွက်လည်ရင် ဂျင်းပင်န်နဲ့တီရှပ်နဲ့၊ ဖာ့တ်စ်လေဒီလည်း ဒူးပေါ်ပေါင်ပေါ်စကပ်တိုနဲ့ ရင်သားကွဲကြောင်းပေါ်လယ်ဟိုက်ဝတ်ပြီး တုန်တုန်-တုန်တုန်နဲ့။ အဲ့ဒါသွားပြီး ပုဝါစုံချ မလုံရကောင်းလားတို့ မတင့်တယ်လိုက်တာတို့သွားပြောရင် အဟားခံရလောက်တယ်။ ကိုယ်မကြိုက်ရင် မဝတ်နဲ့၊ ကဲ့လည်းမကဲ့ရဲ့နဲ့။

အမေရိကားမှာ ဆက်ရှော့ပ်လို့ခေါ်တဲ့ လိင်မှုပစ္စည်းအသုံးအဆောင်တွေရောင်းတဲ့ဆိုင်တွေမှ လက်ညှိုးထိုး မလွဲပဲ။ စီးပွားရေးလုပ်ငန်းတစ်ခုပဲ။ လိင်အဖော်အဖက်မရှိသူတွေနဲ့ လိင်တူချစ်ခင်စုံမက်သူတွေ
အတွက်တော့ လက်မလွှတ်တမ်းသွားဖို့ရှိတဲ့ဆိုင်တွေပဲ။ ဖေါက်သည်အများစုကလည်း တကိုယ်ရည် တကာယသမားတွေနဲ့ လိင်တူစုံတွဲတွေပဲ။ ဆိုင်းဘုတ်တွေဗြောင်ချိတ်ပြီး တရားဝင်ဆိုင်ဖွင့်ရောင်းသလို စားသုံးဝယ်ချမ်းသူတွေလည်း ပုံမှန်သွားလာဝယ်ချမ်းအားပေးနေကြတာပဲ။ မဝယ်ပဲဝင်ကြည့်လည်း ဘာမှမပြောဘူး။ အဲ့ဒါသွားပြီး အရှက်မရှိလိုက်ကြတာတို့ ဟီရိသြတ္တပတရားမရှိဘူးတို့သွားပြောရင် လူထူးလူဆန်းဆိုပြီး အကြည့်ခံရမှာသေချာသလောက်ပဲ။ ကိုယ်မလိုရင် သွားအားမပေးနဲ့။ သူများလိုလို့ သွားဝယ်တာ သူ့ကိစ္စ။

အမေရိကားမှာ ရှိူးဂရဲလ်တို့ နိုက်ကလပ်တို့ ဘာပါတီညာပါတီတို့မှ တမိုးလုံးဖျောက်ဆိပ်ပဲ။ ပြီးတော့ ကြိုးတွေဝတ်ပြီးကတဲ့ မိန်းကလေးများပွဲရှိသလို ဖင်တုံးလုံးနဲ့ယောင်္ကျားလေးများ ကပြတဲ့ပွဲလည်းရှိတာပဲ။ ပရိသတ်ကတော့ ပြောင်းပြန်နေမှာပေါ့။ သူ့စည်းကမ်းနဲ့ညီရင် ပိုက်ဆံပေးပြီးလူတိုင်းဝင်ကဲလို့ရတာပဲ။ ဒါလည်း ငွေရှာနည်းတွေထဲက တစ်ခုပဲ။ လာလာသသူ သွားသသူတွေမှ ဝင်လာမစဲတသဲသဲပဲ။ စင်ပေါ်ကနေ မဖွယ်မရာလုပ်ပြတာလေးမှ အရသာခံကြည့်ချင်လွန်းလို့ ငွေကုန်ကြေးကျခံပြီးသွားကြတာပဲ။ အဲ့ဒါသွားပြီး ယဉ်ကျေးမှုမရှိဘူးတို့ မိစ္ဆာအာဇီဝတို့သွားမပြောနဲ့။ ကိုယ်မကြည့်ချင် မသွားနဲ့။ သူများ စီးပွားရေးနဲ့ထမင်းလုပ်လည်းပုတ်မချနဲ့။

အမေရိကားမှာ တရားဝင် လင်တစ်ယောက် မယားတစ်ယောက်ထက်ပိုယူလို့မရဘူး။ တရားမဝင်ကတော့ လက်သာမထပ်နဲ့ ကြိုက်သလောက်အတူနေ။ လူလွတ်/လင်မရှိမယားမရှိတွေမပြောနဲ့ လင်ကြီးငုတ်တုတ် မယားကြီးထိုင်ရက်ရှိလည်နေကြတာပဲ။ ကလေးတွေလည်း မွေးချင်သလောက်မွေး၊ မွေးစာရင်းမှာ အဖေနံမည်သာခံခိုင်း စင်ဂယ်လ်မားသားဆိုပြီး တိုင်းပြည်က အထိုက်အလျှောက်ထောက်ပံ့ပေးတယ်။ မယားနှစ်ယောက် ဒါမှဟုတ် လင်နှစ်ယောက် တပြိုင်တည်းလက်ထပ်ကြည့်ပါလား တရားပါအစွဲခံရမယ်။ အသက်ပြည့်ပြီး ပုံမှန်စိတ်အခြေအနေရှိသူတိုင်း ကိုယ့်လူမှုစီးပွားဘဝ ကိုယ့်လိင်မှုကိစ္စဘဝတွေကို လွတ်လွတ်လပ်လပ်ဆုံးဖြတ်လုပ်ပိုင်ခွင့်ရှိတယ်။ လုပ်လည်းလုပ်တယ်။ လင်ခိုးမှု မယားခိုးမှုဥပဒေမရှိဘူး။ တရားစွဲလို့မရဘူး။ လင်မယားကွဲလို့ အသက်မပြည့်သေးတဲ့ကလေးတွေရှိရင် ကလေးစားရိတ်ကတော့ (ဝင်ငွေရှိနေသရွေ့ ကလေးတွေ အသက်မပြည့်မချင်း) ပေးဖို့သာပြင်ထား၊ တရားရုံးဆုံးဖြတ်မိန့်နဲ့ကို
လာတာ။ လင်ကွဲမယားကွဲတွေ လင်ဆက်/မယားဆက်များတာတွေလည်းအများကြီး၊ သေတပန်သက်တဆုံး ရိုးမြေကျပေါင်းနေတာတွေလည်း အများကြီး။ အဲ့ဒါသွားပြီး ကိုယ်ကျင့်တရားပျက်တယ်တို့ မိန်းကလေးဘက်ကနစ်နာတယ်တို့ သွားမပြောနဲ့။ ငါ့လူမှုစီးပွားဘဝ ငါ့ချစ်ရေးချစ်ရာကိစ္စ ငါ့လိင်မှုဘဝ ငါ့ဘာသာငါဆုံးဖြတ်မယ် သူတပါးအဆုံးအဖြတ်နာခံပြီး သူတပါးအလိုကျမနေနိုင် မလုပ်နိုင်ဘူးလို့ ပြန်ကက်ကက်လန် ရန်အတွေ့ခံရမယ်။ ကိုယ်မကြိုက်ရင် ကိုယ်လင်ကိုယ်မယား တယောက်ဆိုတယောက် ပိတောက်ဆိုပိတောက်သာနေ။ လစ်ဗင်န်းလည်း တူမဂဲသားနဲ့။

အမေရိကားမှာ ပချုပ်ဆိုင်နဲ့ပြည့်တန်ဆာလုပ်ငန်း တရားဝင်မရှိဘူး။ ဒုစရိုက်မြို့တော်လို့ကမ္ဘာကျော်တဲ့ လားစ်ဗေးဂတ်စ်မှာတောင်မှ ညဥ့်ငှက်မရှိဘူး။ အကုန် နေ့ခင်းကြောင်တောင်ပျံနေကြတာမှ ကြက်ပျံမကျပဲ။ ညဆိုလည်း မီးရောင်တွေက ထိန်လို့။ ဟော်တယ်လ်မှာ လောင်းကစားရုံမှာ ဘားမှာ နိုက်ကလပ် မှာ နေရာတကာမှာ အလွမ်းသင့်လို့ အပေးအယူမျှရင် ခဏတာလိင်မှုပွေကြ လိင်စိတ်နဲ့ငွေအလဲအထပ် လုပ်ကြတာပဲ။ ဥပဒေမှာကိုက မည်သူကမျှမည်သူ့ကိုမျှ ငွေပေးပြီးလိင်ဖျော်ဖြေစေခိုင်းခြင်းမပြုလုပ်ရ ဆိုတဲ့သဘော အတိအလင်းပြဌာန်းထားတာပဲ။ ပြည့်တန်ဆာတဦးနဲ့ တရားမဝင်ဆောင်ကြာမြိုင်တခုခုမှာ လက်ပူးလက်ကြပ်မိလို့ကတော့ ပြည့်တန်ဆာရော အပျော်လိုက်စားသူရော ဖါခန်းထောင်သူပါအရေးယူ ခံရတာပဲ။ ရွှေပြည်ကြီးမှာလို ညဥ့်ငှက်မလေးထောင်ချဖို့ ငွေပေးပျော်ပါးတဲ့ကိုကိုကာလသားက တရားရုံးမှာသက်သေ လာထွက်ပေးရတာမျိုးမဟုတ်ဘူး။ အဲ့ဒါသွားပြီး လိုင်စင်ရပြည့်တန်ဆာဥပဒေ မရှိရကောင်းလားလို့ ငြိုငြင်လို့မရသလို ဘုရားလက်ထက်ကတောင်ရှိသေးတာပဲဆိုပြီး ပဒေသရာဇ်စော် သွားညှော်မပြနဲ့။ ဟားလွှတ်လိုက်လိမ့်မယ်။ ကိုယ်မကြိုက်ရင် မသွားနဲ့။ အိမ်မှာ ကိုယ့်ဇနီးနဲ့ ကိုယ့်လင်သားနဲ့ တင်းတိမ်ရောင့်ရဲရုံပဲ။

ခုပြောနေတာတွေက ယဉ်ကျေးမှုဆိုတာအပေါ် နားလည်ပုံနားလည်နည်းမတူသူတွေကို ရည်ညွှန်းတာပဲ။ နေရာတကာ ကိုယ့်စံနဲ့ထိုးပြီး ဇတုတ်(ဆန်တုတ်)တိုက်ကြည့်၊ မကိုက်ရင် မကောင်းဘူးဘာညာပြော ပြစ်တင်ရှူတ်ချ သရော်မော်ကားလုပ်တာဟာ မယဉ်ကျေးတဲ့အပြုအမူလို့ ယူဆလို့ပဲ။ ကိုယ့်ယဉ်ကျေးမှု ကိုယ်ထိန်းသိမ်းတယ်ဆိုတာ သူများယဉ်ကျေးမှုကို အပြစ်ရှာ မကောင်းပြောတာမှ မဟုတ်တာ။ အမျိုးစောင့်မယ်ပြောပြီး အမြင်မကျယ်ရင် ဝါးလုံးခေါင်းထဲကလရောင်ကို ကမ္ဘာလုပ်ပြီးသာနေလေ။