နိုင်ငံရေးပါတီနဲ့ရွေးကောက်ပွဲဟာ ဗိုလ်တင်အေးလက်ခုပ်ထဲက ရေ (တူမောင်ညို)

နိုင်ငံရေးပါတီနဲ့ရွေးကောက်ပွဲဟာ ဗိုလ်တင်အေးလက်ခုပ်ထဲ က ရေ (တူမောင်ညို)(၂ဝ၁၄ ခုနှစ်၊ ဧပြီလ ၁၃ ရက်)

ကြာလေ၊ ကြာလေ ဗိုလ်သိန်းစိန်၊ ဗိုလ်ရွှေမန်း၊ ဗိုလ်မင်းအောင် လှိုင်၊ ဗိုလ်တင်အေးတို့ရဲ့“စည်းကမ်းပြည့်ဝသောပါတီစုံဒီမိုကရေ စီစနစ်”ဟာ မရှိတဲ့“ဒီမိုကရေစီ”ပိန်လှီလာသလောက်၊ “စည်း ကမ်း”တွေကတော့ဖြင့် ကုန်ဈေးနှုန်းနဲ့အပြိုင် မိုးလုံးပြည့်လျှံတက် လို့လာနေပါတယ်။ ကော်မရှင်ဥက္ကဋ္ဌဗိုလ်တင်အေး ပြော စကားတွေ (ပိတ်ပင်၊ ကန့်သတ်၊ ချုပ်ချယ်ရေးဥပဒေဖြစ်လာ မယ့်စကားတွေလို့ဆိုရင် ပိုမှန်ပါ့လိမ့်မယ်) နဲ့ပတ်သက်ပြီး၊ ဒီချုပ်ပါတီကနေ ဒီမိုကရေစီရပ်ခံချက်ရှိရှိနဲ့ ဝေဖန် ချက်တွေ၊ ကြေညာချက်တွေထွက်လာမလားဆိုပြီး ကျနော် မျှော်ကြည့်နေမိပါတယ်။ မတရားတဲ့ “အမိန့်၊အာဏာ၊ ဥပဒေ၊ ဥပဒေဖြစ်လာမည့်စကား” စတာတွေကို တာဝန်အရ ဖီဆန်ကြရမယ်၊ တွန်းလှန်ကြရမယ်မဟုတ်လား။ ဒီလိုကိစ္စမျိုးတွေမှာ ဒီမိုကရေစီဘက်တော်သား ပါတီတွေအဖို့ လက်နှေးနေဖို့၊ တွေဝေနေဖို့၊ ပျက်ကွက်နေဖို့ မသင့်တော်ဘူးမဟုတ်လား။ တစ်စုံတစ်ယောက်နဲ့တစ်စုံတစ်ခုကို စောင့်ဆိုင်းနေကြလေသလားလို့လည်းစဉ်းစားမိပါတယ်။ သူ့ဝမ်းနာ သူသာသိကြပါလိမ့်မယ်။

ဒီချုပ်ပါတီ လှည်းကူးအမတ်ပြောသံတော့ ကြားရပါတယ်။ ဒါပေမယ့် လွှတ်တော်အမတ်တစ်ယောက်အနေနဲ့ပြောတာလား၊ ပါတီကိုယ်စားပြုပြီးပြောတာလားဆိုတာ မကွဲပြားပါဘူး။ ဒီလိုကိစ္စမျိုးဆိုတာ လွှတ်တော်အမတ်တစ်ယောက်အနေနဲ့ရော၊ ဒီမိုကရေစီ ပါတီတစ်ရပ်အနေနဲ့ရော တညီထဲ၊ တစ်သံထဲထွက်ပြီး တိတိကျကျ ရှင်းရှင်းပြောဆို၊ ဝေဖန်၊ ကန့်ကွက်၊ဆန့်ကျင်ကြရမယ့်ကိစ္စမဟုတ်လား။ ကျနော့်အမြင်ကတော့ ဒီကိစ္စဟာဒီမိုကရေစီအခွင့်အရေးတွေကို ပိတ်ပင်ကန့်သတ်ချုပ်ချယ်တဲ့ကိစ္စတွေဖြစ်တဲ့အတွက် ဒီမိုကရေစီကို တကယ်တန်းလိုလားတဲ့ နိုင်ငံရေးပါတီတွေ၊ လွှတ်တော်အမတ်တွေစုပေါင်းပြီး ညီညီညွတ်ညွတ်၊ ပြတ်ပြတ်သားသား ဆန့်ကျင်ကန့်ကွက် ရမယ်လို့မြင်ပါတယ်။

ဒီချုပ်ပါတီအပေါ် သရော်စော်ကားပြောဆိုတဲ့ ကြံ့ဖွံ့အမတ်ဗိုလ်လှဆွေကို တရားစွဲမယ်ဆိုတဲ့ ကိစ္စလည်း ဘယ်အခြေဆိုက်နေပြီလည်း မသိပါဘူး။ ဗိုလ်လှဆွေကတော့ ဗိုလ်တင်အေးပြောတဲ့ စကားတွေကိုထောက်ခံပြီး ဒီချုပ်ပါတီကို ထပ်မံစော်ကားမော်ကား ပြောနေတုန်းဖြစ်ပါတယ်။ မှန်းကြည့်ရတာတော့ ဗိုလ်လှဆွေကိုတရားစွဲဆိုမယ်လို့ဆိုတဲ့ ခြေလှမ်းကလေးတွေလည်း “ပြန်လည် သင့်မြတ်ရေး မြူမှုန်မှိုင်း”တွေကြားမှာ တွေဝေတုန့်ဆိုင်းပြီး ခရီးဘယ်မတွင် ဖြစ်နေရှာတယ်နဲ့တူပါရဲ့။

ကော်မရှင်ဥက္ကဋ္ဌဗိုလ်တင်အေးကလည်း ဗိုလ်သိန်းစိန်၊ ဗိုလ်ရွှေမန်း၊ ဗိုလ်မင်းအောင်လှိုင်တို့နဲ့ တစ်ကျိတ်ထဲတစ်ဉာဏ်ထဲ၊ တစ်သွေးထဲတစ်သံထဲ “၂ဝဝ၈အခြေခံဥပဒေကိုထိန်းသိမ်းကာ ကွယ်စောင့်ရှောက်သူ”ဖြစ်ပါတယ်။ “စစ်သား ၂၅% လွှတ်တော်ထဲမှာရှိရမယ်”လို့ ရပ်တည်စွဲမြဲနေသူဖြစ် ပါတယ်။ ဒီပုတ်ထဲကဒီပဲ ဆိုတာလိုပဲ။ ဒီတပ်ထဲက ဒီငနဲတွေဟာ [သမ္မတ၊ နာယက၊ ကာချုပ်၊ ကော်မရှင် ဥက္ကဋ္ဌဆိုပြီး နေရာတွေ၊ ဌာနတွေ၊ အသွင်သဏ္ဍာန်တွေကွဲနေပေမယ့်၊ ၂ဝဝ၈ အခြေခံဥပဒေနဲ့ပတ်သက် လာရင်၊ ပုဒ်မ ၆ (စ) စတာတွေနဲ့ ပတ်သက်လာရင်] ဒီသဘောထားနဲ့ဒီရပ်တည်ချက်ကို တစ်သံထဲပြောကြ တာ ဘာမှမဆန်းပါဘူး။
ရွေးကောက်ပွဲကော်မရှင်ဥက္ကဋ္ဌ ဗိုလ်တင်အေးပြောတဲ့စကားတွေကို အသေချာနားထောင်ကြည့်ပါ၊ ဖတ်ကြည့်ပါ၊ “နိုင်ငံရေးပါတီနဲ့ ရွေးကောက်ပွဲ”ဆိုတာတွေဟာ င့ါလက်ခုပ်ထဲကရေလို့ ပြောတာပါ။

 “၂ဝ၁၂ ဧပြီလ၊ ကြားဖြတ်ရွေးကောက်ပွဲ” ဆိုတာ ဒီချုပ်ပါတီကို လွှတ်တော်ထဲဝင်အောင် ကျုံးသွင်း တဲ့ရွေးကောက်ပွဲဖြစ်ပါတယ်။ ဒါကြောင့် ပြည်တွင်း/ပြည်ပမှာ “သူ့ကော်မရှင်အပေါ်လည်းအမြင်လှစေ/ ဒီချုပ်ပါတီလည်း လွှတ်တော်ထဲဝင်စေ” ဆိုတဲ့ မျှော်မှန်းချက်နဲ့ “အလွတ်လပ်လွန်းအောင်”တမင်တကာ “ဟပေး/လွှတ်ပေး”ခဲ့တာပါ၊ နောင်မှာပြုလုပ်ပေးမယ့်ရွေးကောက်ပွဲတွေကို “၂ဝ၁၂ ကြားဖြတ်ရွေးကောက်ပွဲ”ကဲ့သို့  “ဟပေး/လွှတ်ပေး”တော့မှာမဟုတ်ဘူးလို့ ပြောချင်တာပါ။

ဗိုလ်တင်အေးပြောတဲ့အထဲမှာ ၂ဝ၁၂ ကြားဖြတ်ရွေးကောက်ပွဲမဲဆွယ်မှု (Election campaign)ဟာ “ဆန္ဒပြနေသလား၊ ၈၈ အရေးအခင်းပြန်ရောက်နေသလား မှတ်ရတယ်၊ နဖူးစီးလည်းပါတယ်။ ကြယ်ငါးပွင့် အလံလည်းပါတယ်။ ဘယ်သူကမှလည်း ကန့်ကွက်သူ မရှိဘူး။ ကန့်ကွက်ရင် ကျနော်အရှုံးပေးပစ်မှာပါ။ ၂ဝ၁၅ မှာ ကန့်ကွက်ပါ။ ကျနော်အရှုံးပေးပစ်ပါမယ်”ဆိုတဲ့အချက်ကို သတိပြုမိကြပါလိမ့်မယ်။

ပြည်သူများအတွက်တော့ ရွေးကောက်ပွဲဆိုတာ ဆန္ဒပြပွဲပါပဲ။  ဗိုလ်တင်အေးတို့လို စစ်အုပ်စုအဖို့ လူစုလူဝေး၊ သပိတ်မှောက်ခြင်း၊ လူထုဆန္ဒပြမှုတို့ဆိုတာ သွေးလေခြောက်ခြားစရာတွေပါ။ “၈၈အရေးတော် ပုံကြီး”တို့၊ “ရွှေဝါရောင်တော်လှန်ရေး”တို့ဟာ သူတို့အတွက် တကယ့်(shock)ရှော့ခ်ကြီးတွေဖြစ်ပါ တယ်။ ပြည်သူတွေ စုကြ၊ ရုန်းကြ၊ စည်းလုံးညီညွတ်ကြပြီဆိုရင် စစ်အာဏာရှင်တွေ၊ စစ်အုပ်စုတွေ ကြောက်ဒူးတုန်ကြပါတယ်။

 “ ၈၈အရေးတော်ပုံကြီး”ကဲ့သို့ လူထုအုံကြွမှုကြီးတွေဟာ  စစ်အာဏာရှင်တွေရဲ့ဇီဝ်ိန်ကို နှုတ်ယူနိုင် တယ်၊ သူ့တို့ယူထားတဲ့အာဏာကို လက်လွတ်သွားအောင်လုပ်ဆောင်နိုင်တဲ့ အစွမ်းသတ္တိထူးရှိတယ်ဆိုတာ သူတို့ကောင်းကောင်းကြီးသိပါတယ်။

ဒါ့ကြောင့် လူစုလူဝေးမြင်ရင် သူတို့သွေးလေခြောက်ခြားကြပါတယ်။ ဒါ့ကြောင့် တစ်ဖက်က ပြည်သူ များအတွင်း သွေးစည်းညီညွတ်မှုပြိုကွဲ၊ ပျံ့ကြဲနေအောင် လူမျိုးရေး၊ ဘာသာရေးသွေးခွဲ ရန်တိုက်မှုတွေကို အစီအစဉ်ရှိရှိလုပ်ကြံဖန်တီးနေပါတယ်။ အခြားတစ်ဖက်ကလည်း ပေါ်ပေါက်လာနေတဲ့ ဆန္ဒပြမှုတွေကို “ပုဒ်မ၁၈” နဲ့ တားမြစ်၊ ချုပ်ချယ်၊ ကန့်သတ်နေပြီး၊ လူထုအုံကြွမှုကြီးတွေပေါ်ပေါက်လာခဲ့ရင် အကြမ်း ဖက်နှိမ်နင်းနိုင်ဖို့အတွက် (EU)ကလာပြီး လေ့ကျင့်သင်ကြားပေးနေတဲ့ “လူထုအုံကြွမှုအကြမ်း ဖက်နှိမ်နင်းရေးသင်တန်း”တွေကို ဖုတ်ပူမီးတိုက် လေ့ကျင့်နေကြတာပဲဖြစ်ပါတယ်။

ကော်မရှင်ဥက္ကဋ္ဌဗိုလ်တင်အေးက “လာမယ့်ရွေးကောက်ပွဲမှာ (Election Campaign) ရွေးကောက်ပွဲမဲဆွယ်မှု အချိန်၊ လူ၊ နေရာကန့်သတ်မယ်၊ မဆိုင်တဲ့လူလာမပြောနဲ့၊ ဝင်ချင်ဝင် မဝင်ချင်နေ၊ ဒါသူ့လုပ်ပိုင်ခွင့်”လို့ဆိုပြီး ဟိန်းဟောက် စိမ်ခေါ်နေပါတယ်။  

အုပ်စိုးသူတွေဘက်က ပိတ်ပင်မယ်၊ ကန့်သတ်မယ်၊ ချုပ်ချယ်မယ်၊ ဖိနှိပ်မယ်၊ အကြမ်းဖက်ချေမှုန်းမယ်ဆိုရင် အုပ်စိုးခံတွေ၊ ပြည်သူတွေဘက်က လုပ်စရာကတော့ ရဲရဲအာခံ၊ ရဲရဲချိုးဖောက်၊ ရဲရဲတော်လှန်မယ်ဆိုတဲ့လမ်းကလွဲလို့ အခြားနည်းလမ်းမရှိပါကြောင်း။