ဆေးလိပ်အရက်၊ ဆဲဆိုသူနှင့်သာဓုအခေါ်လွယ်သူများ (အပြင်လူရဲ့ဘားမားရုဒ် အမှတ် ၇)

ဆေးလိပ်အရက်၊ ဆဲဆိုသူနှင့်သာဓုအခေါ်လွယ်သူများ

ကျနော့်စာတွေဖတ်ပြီး တချို့လည်း မိုးမွှန်အောင်ဆဲ၏။ တချို့မထိတထိ ရိသဲ့သဲ့လုပ်၏။ တချို့ကလိတိတိ မခံချိမခံသာဆို၏။ တချို့ ကြိမ်းဝါး ခြိမ်းခြောက်၏။ ချက်နှင့်လက်နှင့် တိတိပပ ကျကျနနပြောသူနည်း၏။ မည်သို့ဖြစ်စေ ကိစ္စမရှိ။ ကျနော်က တုန့် ပြန်လေ့ နည်း၏။ မတုန့်ပြန်သည့်အတွက် သည်းခံခြင်းသည်အောင်မြင်ရာတို့ ပြိုင်လာလျှင်အရှူံးပေး နှလုံးအေးတဲ့ဆေးစသည်တို့အား နှလုံးသွင်းသည့်သဘောလည်း မဟုတ်။ အချိန်ကုန် မခံချင်၍ဖြစ်၏။

အမေရိကန်တွေက အချိန်သည်ပိုက်ဆံဟုဆို၏။ ကျနော်က အချိန်သည်ဘဝဟူသော အကောက်အယူကို အသက် (၅ဝ) ရောက်မှ နောက်ကျစွာသိမြင်လာသူ။ ထို့ ကြောင့် အချိန်သည် ကျနော့်အတွက် တန်ဖိုးရှိလာ၏။ ဘဝလက်ကျန်အချိန်တို့ ပါးသထက်ပါး ရှားသထက်ရှားလာနေချိန်တွင် (ကျနော့်အထင်) ဘာမဟုတ်သည့်ကိစ္စတွေအတွက် အချိန်လက်ကျန်လေးထဲက ဖဲ့မပေးချင်တော့။ ပြန်ပြောဖို့ ဆိုဖို့လိုသည်ဟုထင်သည့်အခါ စာတပုဒ်နှင့်ပြန်ပြောလေ့ရှိ၏။ များသောအားဖြင့် လိုသည်ဟုလည်း မထင်တတ်။

နောက်တချက်က ကိစ္စတို့သည် တကယ်ဖြစ်နေသည်ကတမျိုး၊ ဖြစ်နေသူအချင်းချင်းကြား ထင်နေကြသည်ကတမျိုး၊ ပတ်ဝန်းကျင်ထင်နေတာက တမျိုးတွေလည်း ရှိသေး၏ ယခု အချိန်နည်းနည်းအပွန်းခံ၍ ဤအကြောင်းတွေးမိ၏။

ကျနော်ဆေးလိပ်ဖြတ်တာက ဆေးလိပ်ဖိုးနှင့်ဆေးလိပ်ဒဏ်ကိုမခံနိုင်ခြင်းမှာ ရာခိုင်နှုန်းအားဖြင့် မဆိုစလောက်သာပါ၏။ အဓိက က ဆေးလိပ်သောက်ရသည့်ဒုက္ခကို မခံချင်တော့၍ဖြစ်၏။ အမေရိကားတွင် ဆောင်းတွင်းလည်းဆောင်းတွင်းမို့၊ နွေလည်းနွေမို့၊ အိမ်တွင်းလည်း အိမ်တွင်းမို့၊ အိမ်ပြင်လည်း အိမ်ပြင်မို့၊ ကားတွင်းလည်း ကားတွင်းမို့၊ ရုံးကန္နားလည်း ရုံးကန္နားမို့၊ အများဆိုင်နေရာတွေလည်း အများဆိုင် နေရာတွေမို့ ဆေးလိပ်အကန့်အသတ်တွေက တဖြည်းဖြည်း များသထက်များများလာ၏။ လူတွေကို ဆေးလိပ်မသောက်ရဟုလုပ်မထား သောက်မရအောင်လုပ်ထားတာဟု စိတ်ထဲခံစားလာရ၏။ ဤတွင် စိတ်စနိုးစနောင့်ဖြစ်လာ၏။

ဆေးလိပ်နံ့မခံနိုင်သူက အမူအယာတခုခုဖြင့် မကြိုက်မှန်းပြလျှင် စိတ်ထဲခံရခက်၏။ အဆိုးဆုံးက ကော်ဖီဆိုင် ထိုင်ချိန်များ။ ဗမာပြည်မှာလို လက်ဘက်ရည်လေးငုံလိုက် ဆေးလိပ်လေးဖွာလိုက်နှင့် လက်ဘက်ရည်ဆိုင်ထိုင်ရသည့် အဓိပ္ပါယ်နှင့်အရသာကို ဒီမှာမရ။ ကော်ဖီတကျိုက်လောက် ကျိုက်ပြီး ဆေးလိပ်လေးတဖွာ ဖွာလို့မရ။ ကြာတော့ ကော်ဖီဆိုင်ထိုင်ရခြင်း၌ မပျော်မွေ့တော့။ သို့ဖြင့် မထိုင်ဖြစ်တော့။ ဤနှယ်လုပ်ထားခြင်းကို ကောင်း၏ဆိုး၏လည်း မပြောချင်တော့။ ဆေးလိပ်မီးခိုးကြောင့် ကျန်းမာရေးထိခိုက်သည်ဟုဆိုလျှင် စက်ရုံခေါင်းတိုင်တွေက မီးခိုးတွေကြတော့ရော၊ ဆေးလိပ်သွင်းရတာ နိုင်ငံခြားငွေ ကုန်သည်ဟုဆိုလျှင် ကျည်ဆန်တွေဝယ်နေတာကြတော့ရောဟု ပြန်မေးချင်လာ၏။ ထားတော့ အကျယ်အကျယ် မငြိမ်းဖွယ်လည်းမဖြစ်ချင်။ ကိုယ့်ဒုက္ခလည်း ကိုယ်မခံချင်တော့။ ဘဝလက်ကျန် တိုရည်ရှားရည် အချိန်ကလေးကိုလည်း ဆေးလိပ်အတွက် ဖဲ့ မပေးချင်တော့။ ဒီတော့ အသောက်ရပ်လိုက်၏။

နောက်တခုက အရက်။ သုရာမေရယတွေ၊ အရက်သမား အမှားတရာတွေကြောင့် အသောက်ရပ်လိုက်ခြင်းမဟုတ်မှန်း ကိုယ့်ကိုယ်ကိုသိ၏။ “အရက်မသောက်တော့ဘူး”ဟုဆိုတော့ သာဓုခေါ်သူ ခေါ်၏။ မိမိကနားမလည်။ “သာဓုခေါ်တာကောင်းတဲ့ကိစ္စပဲ ဘာနားမလည်စရာရှိလို့လဲ” ဟု ဆိုသူလည်းဆို၏။ မိမိနားမလည်ခြင်းက နှစ်ချက်ရှိ၏။ ပထမတချက်က အရက်မသောက်တော့ခြင်းသည် ဘာအဆုံးအမ ညာအဆုံးအမတွေ၌တည်ကာ ဘုရားကို အရက်လှူလိုက်ခြင်းမျိုးမဟုတ်။ မိမိက အရက်ကြိုက်သူတွေထဲပါ၏။ နှစ်နှစ်ခြိုက်ခြိုက် မက်မက်စက်စက်သောက်ခဲ့၏။ တန်ဖိုးထားပြီးကို သောက်ခဲ့၏။ ကုန်ကုန်ပြောရလျှင် မျက်နှာမဲ့ပြီးအရက်မျိုချလျှင်ပင် မကြိုက်။ ကြိုက်တယ်ပြောပြီး မဲ့သောက်သူအား သိတ် ကြည့်မရ။

နောက်ပြီး သောက်လျှင်လည်း မူးမှကြိုက်၏။ ဘဝတွင် လူမှုရေးသောက် တခါဘူးမျှ မသောက်စဖူး။ အမူးသောက်၏။ အမူးပြေလျှင် ပြန်သောက်၏။ ပြန်မူး၏။ အရက်မူးပြီး မှားသည့်အမှားရော၊ မမူးပဲမှားသည့်အမှားပါ ဘဝတွင်အပြည့်။ ဆိုတော့ မိမိအရက်သောက်ခြင်း မသောက်ခြင်းသည် အမှားကျူးလွန်ခြင်းမလွန်ခြင်းနှင့် တိုက်ရိုက်အချိုးမကျ။ ကျူးခဲ့သမျှအမှားတိုင်း အရက်ကြောင့်ဆိုလျှင် ယခု မသောက်ခြင်းအတွက် သာဓုခေါ်ခြင်းသည်မဆိုး။ “ကဲ ဒါဆို ခုမသောက်တော့ဘူး။ အမှားကတော့ မသေမချင်းလုပ်ဖြစ်ဦးမှာပဲ၊ အဲ့ဒါတွေအပေါ်ကျတော့ရော”လို့လည်း မမေးချင်။

ဒုတိယတချက်က သာဓုခေါ်သူနှင့်ဆိုင်၏။ လူတချို့ သာဓုအခေါ်လွယ်၏။ အလွယ်ခေါ်၏။ ထိုသူတို့အနက် အများစုမှာ သူတပါးအား သာဓုခေါ်ထိုက်အောင် အကျင့်၊ သီလ၊ သိက္ခာမည်မျှရှိမှန်း မိမိလည်းမသိ။ သူတို့ကိုယ်သူတို့လည်း သိဟန်မတူ။ မကောင်းမှုဟု သူတို့ယူဆသည့်အရာကိုပြုခဲ့ဖူးသူက ယခုထိုအပြုကို မပြုတော့ပါဆိုလျှင် သာဓုခေါ်ရန် နှုတ်ပြင်ထားနှင့်ပြီးကြ၏။ နှုတ်လည်းလွယ်၏။

အရက်မဟုတ်သည့် အခြား မကောင်းမှုတွေကို သူတို့ကိုယ်တိုင် ဘယ်နှကြိမ်ကျူးလွန်ခဲ့ကြပြီးပြီနည်း။ ထိုသို့ကျူးလွန်တိုင်း အပြစ်သားဆိုလျှင် အပြစ်သားချင်း သာဓုခေါ်ထိုက်ပါသလား။ ခေါ်ရော ခေါ်အပ်ပါသလားလည်း သူတို့စဉ်းစားကြသည်မဟုတ်။ သို့သော် ခတ်တည်တည်နှင့် သာဓုကား အခေါ်မပျက်။ တချို့က “နှစ်ကြိမ်ပဲခေါ်ဦးမယ်”ဆိုတာ နှစ်ထပ်ကွမ်းကြောင်သူတော် လုပ်သေး၏။ လူထူထူတွင် သာဓုခေါ်တိုင်းသာ သူတော်ကောင်းကြေးဆို ဘုန်းကြီးကျောင်းက ကြေးစည်ထုတိုင်း အူတတ်ကြသည့်ခွေးတွေ သူတော်အကောင်းဆုံးဖြစ်မည်ထင်၏။ “ဘာ့ကြောင့်သာဓုခေါ်တာလဲ”ဟု ပြန်လည်းမမေးချင်။ သူတို့ကိုလည်း သာမန်လူတွေထက် ပိုသဘောထားလို့မရတဲ့အတူတူ ရေငုံနှုတ်ဆိတ်သာနေလိုက်၏။

အရက်မသောက်တော့သဖြင့် သောက်၍ ကုန်ရသည့်အချိန်တွေ ပိုထွက်လာ၏။ နေရသမျှ ရှည်ရမည့်အသက်ကလေးထဲတွင် အရက်နှင့်
 

ဆေးလိပ်ကြောင့် ပေးရဦးမည့်အချိန်တွေ အများကြီးပိုထွက်လာ၏။ ဤကား အမြတ်ပင်။

အစကိုပြန်ကောက်ကာ အဆုံးထိပြန်ဆက်ပါမည်။ ကျနော်ရေးတာတွေဖတ်ပြီး ဆဲသူ၊ ရိသူ၊ ကလိသူ၊ ခြိမ်းခြောက်သူတို့အား ဘဝလက်ကျန် အချိန်လေးတွေတွင်၊ ရှည်ရသမျှ အသက်တာလေးတွင် ကျန်းမာအောင်နေကြစေချင်၏။ ကျနော့်အတွက် အချိန်အကုန် မခံကြစေချင်။ တကယ် ဖြစ်နေတာ၊ မိမိတို့ထင်နေတာ၊ ပတ်ဝန်းကျင်ကထင်နေတာတို့သည် အခါများစွာတွင် မှားနေတတ်ပါ၏။ လွဲချော်နေတတ်ပါ၏။

သာဓုလည်းအခေါ်မစောကြပါနှင့် မေတ္တာလည်း အပို့ မဦးကြပါနှင့်။ ကျနော်လည်း ရေးဖြစ် ပြောဖြစ်နေသရွေ့ ရေးနေပြောနေ ပါဦးမည်။
မျိုးမြင့်ချို ဇွန် ၂၈၊ ၂ဝ၁၃

read more

တရုတ်-အမေရိကန်ကုန်သွယ်ရေးစစ်- ကြည်ဝင်း (အရေးတော်ပုံဂျာကဆောင်းပါးဖြစ်ပါတယ်)

တရုတ် - အမေရိကန် ကုန်သွယ်ရေးစစ်
ကြည်ဝင်း (အရေးတော်ပုံဂျာကဆောင်းပါးဖြစ်ပါတယ်)
အရေးတော်ပုံဂျာနယ်၊ အတွဲ(၂) အမှတ်(၁၂) မှာ ဖော်ပြမယ့်ဆောင်းပါး
ဒီနှစ် ဇူလိုင် ၆ ရက်နေ့မှာ အမေရိကန်က ဒေါ်လာ ၃၄ ဘီလျံတန်ဖိုးရှိတဲ့ တရုတ်သွင်းကုန်တွေအပေါ် အခွန် ၂၅% စည်းကြပ်ဖို့ သတ်မှတ်ခဲ့တယ်။ တရုတ်ပြည်ကလည်း အလားတူပဲ ဒေါ်လာ ၃၄ ဘီလျံတန်ဖိုးရှိ
အမေရိကန်သွင်းကုန်တွေအပေါ် အခွန်တိုးမြှင့်စည်းကြပ်မယ်လို့ ကြေညာခဲ့တယ်။ နောက်မကြာခင်မှာပဲ သမ္မတထရမ့်က ဒေါ်လာ ၂၀၀ ဘီလျံတန်ဖိုးရှိတဲ့ တရုတ်သွင်းကုန်စာရင်း ထုတ်ပြန်ပြီး အခွန် ၁၀% စည်းကြပ်မယ်လို့ ဆိုပါတယ်။ တရုတ်နိုင်ငံကလည်း ဒီလုပ်ရပ်ဟာ လုံးဝကျိုးကြောင်းမဆီလျော်ဘူး၊ လုံးဝလည်း လက်ခံနိုင်စရာမရှိဘူးလို့ တုံ့ပြန်ပြောဆိုခဲ့တယ်။ ဒါ့အပြင် တရုတ်ပြည်အနေနဲ့ အလားတူ လက်တုံ့ပြန်သွားမှာဖြစ်တယ်လို့လည်း ဆိုပါတယ်။

သမ္မတထရမ့်ဟာ သမ္မတရွေးပွဲမဲဆွယ်ကာလကတည်းက တရုတ်-အမေရိကန်ကုန်သွယ်ရေးဟာ တရားမျှတမှုမရှိဘူး။ တရုတ်နိုင်ငံဟာ သူ့နိုင်ငံရဲ့ငွေကြေးတန်ဖိုးကို ရှိသင့်တဲ့တန်ဖိုးထက် လျှော့ချ သတ်မှတ်တဲ့နည်းအပါ အခြားနည်းပေါင်းစုံနဲ့ အမေရိကန်နဲ့ကုန်သွယ်ရေးမှာ မတရား အမြတ်ထုတ်နေတယ်။ ဒါကို လက်သင့်မခံနိုင်ဘူး စသဖြင့် ပြောဆိုမဲဆွယ်ခဲ့တာဖြစ်တယ်။ တရုတ် - အမေရိကန်ကုန်သွယ်ရေးမှာ အမေရိကန်ဘက်က နှစ်စဉ် နှစ်စဉ် အမေရိကန်ဒေါ်လာ ဘီလျံ ၂၀၀ မှ ၆၀၀ အကြားအရှုံးပေါ်နေတယ်လို့လည်း ဆိုပါတယ်။ နောက်ပြီး တရုတ်နိုင်ငံဟာ အမေရိကန်ရဲ့ ဉာဏပစ္စည်း (Intellectual Property IP) တွေကိုလည်း နည်းမျိုးစုံနဲ့ ခိုးယူသုံးစွဲနေတယ်လို့လည်း စွပ်စွဲပါတယ်။ ဒါတွေကို သူသမ္မတဖြစ်လာရင် ဖြေရှင်းမှာဖြစ်တယ်လို့ ဆိုခဲ့ပါတယ်။ အခုတော့ ရွေးကောက်ပွဲကတိကို အကောင်အထည်ဖော်လာတာလို့ ဆိုသူတွေလည်း ရှိပါတယ်။ ဒါပေမဲ့ ဒီနှစ် နိုဝင်ဘာမှာကျင်းပမယ့် အမေရိကန်လွှတ်တော်နှစ်လည် ရွေးကောက်ပွဲနဲ့ အချိန်ကိုက်နေတာကတော့ စဉ်းစားစရာ ဖြစ်လာပါတယ်။

တရုတ်နိုင်ငံဟာ ၁၉၇၈ မှာ တံခါးဖွင့်ပေါ်လစီ စတင်ကျင့်သုံးခဲ့စဉ်ကစပြီး စီးပွားရေးဖွံ့ဖြိုးတိုးတက်လာခဲ့တာ ဖြစ်ပါတယ်။ အခုအချိန်မှာတော့ အမေရိကန်ပြီးရင် ကမ္ဘာ့ဒုတိယအကြီးဆုံး စီးပွားရေးနိုင်ငံဖြစ်လာခဲ့ပါပြီ။ မကြာခင်မှာ အမေရိကန်နေရာကို ဝင်ယူတော့မှာဖြစ်တယ်လို့လည်း အများက ခန့်မှန်းနေကြတာဖြစ်တယ်။ ဒါကြောင့် အမေရိကန်ဟာ လက်ဦးမှုယူပြီး တရုတ်ပြည်အပေါ် စီးပွားရေးထိုးစစ် စတင်လိုက်တာလို့ ဆိုနိုင်ပါတယ်။

ဒီနှစ် မတ်လမှာ အမေရိကန်နိုင်ငံထဲတင်သွင်းတဲ့ သံမဏိကို ၂၅% နဲ့ အလူမီနီယမ်ကို ၁၀% အခွန် စည်းကြပ်မယ်လို့ သမ္မတထရမ့်က ကြေညာခဲ့တယ်။ ဒါပေမဲ့ နောက်ပိုင်းမှာ ကနေဒါ (သံမဏိအများဆုံး  တင်သွင်းတဲ့နိုင်ငံ)၊ ဘရာဇီးလ် (ဒုတိယအများဆုံးတင်သွင်းနိုင်ငံ)၊ ဂျာမနီနဲ့တောင်ကိုးရီးယား စတဲ့နိုင်ငံတွေကို ဒီစာရင်းကနေ ပယ်ဖျက်ပေးခဲ့တယ်။ ဒါကြောင့် အမေရိကန်ရဲ့ အဓိကဦးတည်ချက်ဟာ တရုတ်နိုင်ငံပဲဆိုတာ ပိုထင်ရှားလာတယ်။

အမေရိကန်နိုင်ငံအနေနဲ့ တရုတ်နိုင်ငံဆီက အဓိကအချက် ၃ ချက်လိုချင်နေတာ ဖြစ်တယ်။ ပထမအချက် အနေနဲ့ အမေရိကန်ဘဏ်ကြီးတွေနဲ့ကော်ပိုရေးရှင်းကြီးတွေဟာ တရုတ်နိုင်ငံတွင်းရှိ သူတို့လုပ်ငန်းတွေ အပေါ် ပိုင်ဆိုင်ခွင့် ၅၁% ရပြီး နောက်ပိုင်းမှာ ၁၀၀% ပိုင်ဆိုင်ခွင့်အထိ ရချင်တယ်။ ဒုတိယအားဖြင့် နှစ်စဉ် အမေရိကန်ကုန်ပစ္စည်း အထူးသဖြင့် အနောက်အလယ်ပိုင်းဒေသထွက် (ရီဘတ်ပလီကန်ရဲ့အမာခံ မဲဆန္ဒနယ်တွေဖြစ်တယ်။ တရုတ်နိုင်ငံကလည်း ဒီနယ်တွေကထွက်တဲ့ ပဲပုပ်၊ ဝက်သား စတာတွေကို ပစ်မှတ်ထားတယ်။) လယ်ယာထုတ်ကုန်တွေ အနည်းဆုံး အမေရိကန်ဒေါ်လာ ၁၀၀ ဘီလျံဖိုး ထပ်ဝယ်စေချင်တယ်။ တတိယအချက်ကတော့ ဉာဏပစ္စည်းဆိုင်ရာဖြစ်တယ်။ တရုတ်နိုင်ငံတွင်း လုပ်ငန်းလာလုပ်တဲ့ အမေရိကန်ကုမ္ပဏီတွေဟာ တရုတ်ပြည်ကို နည်းပညာမျှဝေပေးရတာကို ပယ်ဖျက်ပေးဖို့ ဖြစ်တယ်။ ဒါဟာ အမေရိကန် အထူးသဖြင့် ကာကွယ်ရေးနဲ့ထောက်လှမ်းရေးဌာနတွေက အစိုးရိမ်ဆုံးကဏ္ဍဖြစ်တယ်။ နောက်လာမယ့် နည်းပညာမျိုးဆက်တွေဖြစ်တဲ့ ၅ ဂျီ (5G) နည်းပညာ၊ ဉာဏ်ရည်တုနည်းပညာ (Artificial Intelligence) နဲ့ ဆိုက်ဘာလုံခြုံရေးဆိုင်ရာကဏ္ဍတွေမှာ အမေရိကန်ကို တရုတ်က ကျော်တက်သွားမှာကို အထူးစိုးရိမ်နေကြတာ ဖြစ်တယ်။ ဒီကဏ္ဍတွေမှာ အမေရိကန်ကို တရုတ်က ကျော်တက်သွားရင် စီးပွားရေးမှာသာမက စစ်ရေးဘက်မှာပါ တရုတ်နိုင်ငံက အသာစီးရသွားမှာ ဖြစ်တယ်။ အမေရိကန်ရဲ့စီးပွားရေးကော စစ်ရေးအရပါ ကမ္ဘာ့နံပါတ်တစ်နေရာကို တရုတ်က ဝင်ယူသွားမှာကို ကြိုစိုးရိမ်နေတာ ဖြစ်တယ်။ ဒီနံပါတ်တစ်နေရာကို နှစ်ပေါင်းများစွာရယူထားတဲ့ အမေရိကန်နိုင်ငံဟာ နည်းမျိုးစုံသုံးပြီး အသေအလဲ ကာကွယ်မယ်ဆိုတာ ဧကန်မုချပဲ ဖြစ်တယ်။

တရုတ်နိုင်ငံကလည်း နည်းပညာမှာ နောက်ကျကျန်ခဲ့လို့မဖြစ်ဘူးဆိုတာ သိတယ်။ ဒီ ၃ ချက်မှာ ပထမ ၂ ချက်ကို တရုတ်နိုင်ငံက လိုက်လျောနိုင်တယ်လို့ ဆိုတယ်။ တတိယ ဉာဏပစ္စည်းကဏ္ဍမှာ ထစ်နေတာ ဖြစ်တယ်။ နောက်ပြီး ထရမ့်ဟာ ဒီလွှတ်တော် သက်တမ်းဝက်ရွေးကောက်ပွဲမပြီးခင်မှာ မဲဆွယ်နိုင်ဖို့ တရုတ်ဖဲချပ်ကိုင် ကစားနေဖို့များတယ်လို့ ခန့်မှန်းတာတွေလည်းရှိတယ်။ ဒါကြောင့် တရုတ်နဲ့ဒီကြားထဲ သဘောတူညီချက်ရသွားဖို့ ဖြစ်နိုင်ခြေနည်းတယ်လို့ ဆိုတယ်။

 အခု အမေရိကန်နဲ့တရုတ် အပြန်အလှန် အခွန်တိုးကောက်နေကြတဲ့ပမာဏဟာ တကယ်ပြောရရင် များလှတယ်လို့ မဆိုနိုင်ပါ။ တရုတ်နိုင်ငံက အမေရိကန်ထံတင်သွင်းတဲ့ ကုန်ပစ္စည်းတန်ဖိုး အမေရိကန်ဒေါ်လာ ၃၄ ဘီလျံနဲ့ သံမဏိနဲ့အလူမီနီယမ် ၂-၃ ဘီလျံ ပဲ ရှိပါသေးတယ်။ ၂၀၁၇ စုစုပေါင်း အမေရိကန်သွင်းကုန်တန်ဖိုး အမေရိကန်ဒေါ်လာ ၂.၃၆ ထရီလျံနဲ့ နှိုင်းယှဉ်ရင် များလှတာ မဟုတ်ပါ။
အခုလို အခွန်တိုက်ပွဲဖြစ်လာတာကြောင့် ဘယ်လိုဆုံးရှုံးမှုတွေ ဖြစ်သလဲ။ လောလောဆယ်တော့ တရုတ်အပါအဝင် နိုင်ငံအတော်များများရဲ့ငွေတန်ဖိုးဟာ ဒေါ်လာနဲ့ယှဉ်ရင် ကျကုန်ပါတယ်။ အမေရိကန်ဒေါ်လာ တန်ဖိုးမြင့်လာတာဟာ ကုန်သွယ်ရေးစစ်ပွဲကြောင့်သက်သက်တော့ မဟုတ်ပါ။ အမေရိကန်ဗဟိုဘဏ်က အတိုးနှုန်းမြှင့်လိုက်တာကြောင့်လည်း ပါပါတယ်။ ဒီကုန်သွယ်ရေးစစ်ပွဲရဲ့ သက်ရောက်မှုဟာ စိတ်ဓာတ်ပိုင်းဆိုင်ရာက ပိုများတယ်လို့ ပညာရှင်တဦးကတော့ ကောက်ချက်ပေးပါတယ်။ အထက်မှာ ဆိုသလို အခွန်တိုးကောက်တဲ့ ကုန်ပစ္စည်းပမာဏဟာ များလှတယ်လို့ မဆိုနိုင်ပါဘူး။ ဒါပေမဲ့ တရုတ်နိုင်ငံတွင်းမှာ စတော့ရှယ်ယာဈေးတွေ ကျပါတယ်။ အမေရိကန်စတော့ဈေးကတော့ အနည်းငယ်တက်တာ တွေ့ရတယ်။

တရုတ်နိုင်ငံဟာ ပို့ကုန်အပေါ်အဓိကမှီခိုပြီး စီးပွားရေးကြီးထွားအောင်လုပ်ခဲ့တာဖြစ်တယ်။ ဒါပေမဲ့ နောက်ပိုင်းမှာ ပြည်တွင်းစားသုံးအားကို ချဲ့ထွင်တဲ့နည်းနဲ့ စီးပွားရေးကြီးထွားစေတဲ့နည်းဘက် ပြောင်းလာနေတာ ဖြစ်ပါတယ်။ ပြည်ပပို့ကုန်အပေါ်မှီခိုတာဟာ ပြီးခဲ့တဲ့ ဆယ်စုနှစ်အတွင်းမှာ လျော့ကျလာခဲ့တာ တွေ့ရတယ်။ တရုတ်နိုင်ငံရဲ့ ပြည်ပပို့ကုန်ဟာ ၂ဝဝ၆ ခုနှစ်မှာ ပြည်တွင်း စုစုပေါင်းထုတ်ကုန် (GDP) ရဲ့ ၃၅.၅% ရှိခဲ့ရာက ၂၀၁၇ ခုနှစ်မှာတော့ ၁၈.၁% ပဲ ရှိတော့တယ်။ တရုတ်နိုင်ငံရဲ့ပြည်ပပို့ကုန် ကြီးထွားနှုန်းဟာ ၁၉၉၈-၂၀၀၇ ဆယ်စုနှစ်က ၂၂.၆% ရှိပြီး ၂ဝဝ၈-၂ဝ၁၇ ဆယ်စုနှစ်မှာတော့ ၇.၉% ပဲ ရှိတော့တယ်။ အလားတူပဲ အမေရိကန်နိုင်ငံကို တရုတ်နိုင်ငံက တင်ပို့တဲ့ပို့ကုန်ကြီးထွားနှုန်းဟာ ၁၉၉၈-၂၀၀၇ ဆယ်စုနှစ်တုန်းက ၂၂% ရှိရာက ပြီးခဲ့တဲ့ ဆယ်စုနှစ်မှာတော့ ၇% ပဲ ရှိတော့တယ်။ ပြည်ပပို့ကုန်ဟာ တရုတ်နိုင်ငံရဲ့စီးပွားရေးကို အဓိကမောင်းနှင်နေတဲ့ အင်ဂျင်မဟုတ်တော့ဘူး။ ဒါကြောင့် အခွန်တိုးကောက်တာကြောင့် တရုတ်နိုင်ငံရဲ့ ပို့ကုန်ကျဆင်းမှုဟာ စုစုပေါင်းပြည်တွင်းထုတ်ကုန် (GDP) အပေါ် သက်ရောက်မှု နည်းပါလိမ့်မယ်။

တရုတ်-အမေရိကန်ကုန်သွယ်မှုကိုကြည့်ရင် အမေရိကန်တင်ပို့ကုန်တွေက အများစု လယ်ယာထွက် ပစ္စည်းတွေနဲ့ အပြီးသတ်ကုန်ချောတွေ ဖြစ်တယ်။ အများစုက အမေရိကန်ကုမ္ပဏီပိုင်တွေ အမေရိကန်ပြည်တွင်းမှာပဲ ထုတ်လုပ်တာတွေ ဖြစ်တယ်။ ရာနှုန်းပြည့်အမေရိကန်ပိုင်လို့ ဆိုနိုင်တယ်။ တရုတ်ပြည်က တင်ပို့ကုန်တွေကျတော့ တခြားနိုင်ငံမျိုးစုံကလာတဲ့ ပစ္စည်းအစိတ်အပိုင်းတွေကို တရုတ်ပြည်တွင်းမှာတပ်ဆင်ထားတဲ့ ကုန်ပစ္စည်းတွေများတယ်။ တရုတ်ပြည်တွင်းရှိ အမေရိကန်ကုမ္ပဏီနဲ့ ကုမ္ပဏီခွဲတွေရဲ့ထုတ်ကုန်တွေလည်း ပါကြတယ်။ ဥပမာ တရုတ်ပြည်မှာတပ်ဆင်တဲ့ အိုင်ဖုန်းအိတ်စ် (iPhone x) မှာ ပါဝင်တဲ့အစိတ်အပိုင်းတွေဟာ တောင်ကိုးရီးယား၊ ဂျပန်နဲ့အမေရိကန်အပါ နိုင်ငံအတော်များများက ထုတ်တာတွေဖြစ်တယ်။ (iPhone x) ရဲ့ ထုတ်လုပ်တပ်ဆင်ကုန်ကျစရိတ်ဟာ အမေရိကန်ဒေါ်လာ ၃၇ဝ ဖြစ်တယ်။ အဲဒီတန်ဖိုးရဲ့ ၃-၆% သာ တရုတ်ပြည်နဲ့သက်ဆိုင်တယ်။ (iPhone x) လက်လီရောင်းဈေးကတော့ ၉၉၉ ဒေါ်လာ ဖြစ်ပါတယ်။ တရုတ်ပြည်မှာတပ်ဆင်ပြီး အမေရိကန်နိုင်ငံကို တင်ပို့တာကြောင့် အဲဒီ ၃၇ဝ ဒေါ်လာက တရုတ်ပြည်ပို့ကုန်စာရင်းထဲ ဝင်သွားပေမယ့် တရုတ်နဲ့ဆိုင်တာက အဲဒီတန်ဖိုးရဲ့ ၃ - ၆% ပဲ ဖြစ်တယ်။ (iPhone x) က အခွန်တိုးကောက်တဲ့အထဲတော့ မပါပါဘူး။ ရှင်းပြရာမှာလွယ်ကူလို့ ဥပမာပေးတာ ဖြစ်ပါတယ်။ ဆိုလိုချင်တာက တရုတ်ပြည်ပို့ကုန်ဆိုပြီး အခွန်တိုးကောက်တာမှာ တရုတ်နိုင်ငံတနိုင်တည်း ထိခိုက်မှာမဟုတ်ဘဲ အမေရိကန်ကုမ္ပဏီတွေအပါ အခြားနိုင်ငံအတော်များများကိုပါ ထိလိမ့်မယ်ဆိုတာပါ။

သမ္မတထရမ့်က သံမဏိနဲ့အလူမီနီယမ်တွေအပေါ် အခွန်တိုးကောက်မယ်ဆိုတာကို အမေရိကန်ပြည်တွင်း က သံမဏိနဲ့အလူမီနီယမ်ထုတ်လုပ်သူတွေက ကြိုဆိုကြပေမယ့် အဲဒီကုန်ကြမ်းကိုသုံးပြီး ထုတ်လုပ်နေတဲ့ အလုပ်ရုံစက်ရုံတွေအတွက်ကတော့ သတင်းဆိုးပဲ ဖြစ်ပါလိမ့်မယ်။ ဥပမာသံမဏိကို ကြည့်ပါ။ သံမဏိကိုသုံးပြီး ကား၊ ရထား၊ လေယာဉ်တွေ ထုတ်လုပ်တယ်။ အဆောက်အအုံတွေ၊ တံတားတွေ တည်ဆောက်ရာမှာလည်း သံမဏိချောင်းကို သုံးရတယ်။ စက်မျိုးစုံ ထုတ်ရာမှာလည်း မပါမဖြစ်ဘူး။ အမေရိကန်နိုင်ငံမှာ သံမဏိနဲ့ဆက်နွယ်နေတဲ့လုပ်ငန်းမျိုးစုံမှာ အလုပ်သမား ၆.၅ သန်းရှိတယ်။ သံမဏိထုတ်လုပ်တဲ့ စက်မှုလုပ်ငန်းတွေမှာတော့ အလုပ်သမား ၁၄ဝ, ဝဝဝ ပဲ ရှိတယ်။ သံမဏိဈေးတက်ပြီဆိုရင် သံမဏိသုံးထုတ်ထားတဲ့ပစ္စည်းတွေလည်း ကျွဲကူးရေပါ တက်ကြမှာဖြစ်တယ်။ သိသာတဲ့ ဥပမာတခုပေးရရင် အမေရိကန်ထုတ် မော်တော်ကားတွေ နိုင်ငံတကာဈေးကွက်မှာ ယှဉ်ပြိုင်တဲ့အခါ တပန်းရှုံးတော့မှာ ဖြစ်တယ်။

နေရောင်ခြည်ကနေစွမ်းအင်ထုတ်ပေးတဲ့ ဆိုလာပြားတွေမှာလည်း အလားတူတွေ့ရမှာ ဖြစ်တယ်။ အမေရိကန်မှာ ဆိုလာပြားထုတ်လုပ်မှုမှာ တိုက်ရိုက်လုပ်ကိုင်နေတဲ့အလုပ်သမားဟာ ၂, ဝဝဝ ပဲ ရှိတယ်။ ဒါပေမဲ့ ဆိုလာပြားတပ်ဆင်တာနဲ့ထိန်းသိမ်းရေးအပိုင်းမှာတော့ အလုပ်သမားပေါင်း ၂၆ဈ, ဝဝဝ ရှိတယ်။ အခု အဲဒီလုပ်ငန်းဟာတုံ့ဆိုင်းနေပြီမို့ အဲဒီအလုပ်သမားတွေအတွက်တော့ ရင်လေးစရာပါ။

အခု ထရမ့်က ဒုတိယအကျော့အဖြစ် အမေရိကန်ဒေါ်လာ ၁၆ ဘီလျံတန်ဖိုးရှိ တရုတ်သွင်းကုန်တွေအပေါ် အခွန် ၂၅% ကောက်မယ်လို့ ကြေညာလိုက်ပြန်ပါတယ်။ အမေရိကန် ကုန်သွယ်ရေးကိုယ်စားလှယ်ရုံး (US Trade Representative Office) မှာ အမေရိကန်ကုမ္ပဏီတွေနဲ့စက်မှုလုပ်ငန်းအုပ်စုကြီးတွေ ဒါဇင်ပေါင်းများစွာက လာရောက်အစစ်ခံရာမှာ အခွန်တွေ ဆက်တိုးကောက်နေမယ်ဆိုရင် သူတို့အနေနဲ့ မတတ်သာဘဲ ကုန်ဈေးနှုန်းတွေတိုးမြှင့်ရလိမ့်မယ်လို့ ထွက်ဆိုခဲ့ကြတဲ့ကြားက အခုလို ထပ်တိုးစာရင်းကို ထုတ်ပြန်ခဲ့တာပါ။ တရုတ်နိုင်ငံကလည်း ချက်ချင်းပဲ အခွန်တိုးကောက်မယ့်စာရင်းထုတ်ပြီး လက်တုံ့ပြန်ခဲ့ပါတယ်။

အမေရိကန်ဟာ တရုတ်နိုင်ငံအပြင် တူရကီနဲ့လည်း အမေရိကန်နိုင်ငံသား တရားဟောဆရာကို ဖမ်းထားတဲ့ကိစ္စနဲ့ပတ်သက်ပြီး အငြင်းပွားနေတာ ဖြစ်တယ်။ အဲဒါကို အကြောင်းပြုပြီး ဒဏ်ခတ်အရေးယူမှု လုပ်နေတာကြောင့် တူရကီနိုင်ငံသုံးငွေကြေးတန်ဖိုး ထိုးကျပြီး အကျပ်ဆိုက်နေတယ်။ ဒီထက်ပိုဆိုးမှာက အီရန်ဖြစ်တယ်။ တရုတ်၊ ရုရှား၊ ဂျာမနီ၊ ပြင်သစ်၊ အင်္ဂလန်စတဲ့နိုင်ငံတွေနဲ့ အမေရိကန်ပါ သဘောတူ လက်မှတ်ထိုးထားတဲ့ အနုမြူဆိုင်ရာ အီရန်နဲ့သဘောတူစာချုပ်ကနေ အမေရိကန်က နုတ်ထွက်ခဲ့တယ်။ သူ့တနိုင်ငံတည်းသဘောနဲ့ စည်းကမ်းချက်အသစ်တွေ တောင်းဆိုတယ်။ စီးပွားရေးပိတ်ဆို့ဒဏ်ခတ်မှုတွေ ကြေညာထားတယ်။ ဒီပိတ်ဆို့မှုကိုဖောက်ဖျက်ပြီး အီရန်နဲ့ကုန်သွယ်မှုလုပ်တဲ့ ကုမ္ပဏီတွေကိုပါ အရေးယူမယ်လို့ဆိုထားတာ ဖြစ်တယ်။ ဘယ်လိုဆက်ဖြစ်မလဲဆိုတာတော့ စောင့်ကြည့်ရမှာဖြစ်တယ်။
အခု ဖြစ်နေတဲ့ အမေရိကန် - တရုတ်ကုန်သွယ်ရေးစစ်ပွဲက အစပဲ ရှိပါသေးတယ်။ အရပ်ရပ်ကုန်သွယ်မှုပမာဏနဲ့ ယှဉ်ရင်လည်း များလှတယ်လို့ မဆိုနိုင်သေးပါဘူး။ ဒါပေမဲ့ ကမ္ဘာ့အကြီးဆုံးစီးပွားရေးပိုင်ရှင်နဲ့ ဒုတိယအကြီးဆုံးစီးပွားရေးပိုင်ရှင်တွေအကြားမှာ ဖြစ်နေတာမို့ ဂယက်ကတော့ သေးမှာမဟုတ်ပါ။ ဂလိုဘယ်လိုက်ဇေးရှင်းခေတ်မို့ ဒီ ၂ နိုင်ငံအကြားမှာပဲ ပြီးသွားမှာလည်း မဟုတ်ပါ။

အခုလို အမေရိကန်က အခွန်တိုးကောက်နေတာကို ကမ္ဘာ့ကုန်သွယ်ရေးအဖွဲ့ (WTO) ဆီ တရုတ်နိုင်ငံက တိုင်ကြားမယ်လို့ ဆိုပါတယ်။ ဒါပေမဲ့ (WTO)လည်း ဒီကိစ္စ ဖြေရှင်းပေးနိုင်မယ် မထင်ပါ။ ဖြေရှင်းချိန်ကလည်း တနှစ်ကျော်ကြာလေ့ရှိပါတယ်။ အခု ကုန်သွယ်ရေးစစ်ကနေ ငွေကြေးစစ်အထိ ဖြစ်သွားမယ်၊ ဘဏ်လုပ်ငန်းတွေ ဖရိုဖရဲဖြစ်လာမယ်ဆိုရင် အခြေအနေတွေက ပိုဆိုးသွားမှာ ဖြစ်ပါတယ်။ အခုကိုပဲ နိုင်ငံတကာငွေကြေးရန်ပုံငွေအဖွဲ့က ဒီကုန်သွယ်ရေးစစ်ပွဲကြောင့် ၂ဝ၂ဝ ခုနှစ် ကမ္ဘာလုံးဆိုင်ရာ စီးပွားရေးကြီးထွားမှု ထိခိုက်ကျဆင်းလိမ့်မယ်လို့ ထုတ်ပြန်လာပါတယ်။ တရုတ်က အဆောက်အအုံဆိုင်ရာ ပြုပြင်ပြောင်းလဲမှုတွေ အစောကြီးကတည်းကလုပ်ထားတာဖြစ်တဲ့အတွက် တောင့်ခံနိုင်သော်လည်း တူရကီလို အလယ်အလတ်ဖွံ့ဖြိုးဆဲနိုင်ငံတခုအဖို့ အတော်ဖရိုဖရဲဖြစ်သွားတာ မြင်တွေ့ရပါတယ်။ မည်သို့ပင်ဆိုစေ ကျွဲနှစ်ကောင်ကြားနိုင်ငံငယ်များက မြေဇာပင်ဖြစ်ကြမှာပါ။
ကြည်ဝင်း

read more

၂ဝဝ၈ အခြေခံဥပဒေရဲ့အထက်ကနေ စစ်တပ်က ထင်သလိုလုပ်နိုင်တယ်

(၂ဝဝ၈ အခြေခံဥပဒေရဲ့ အထက်ကနေ စစ်တပ်က ထင်သလိုလုပ်နိုင်တယ် )
အရေးတော်ပုံဂျာနယ်သတင်းနဲ့မှတ်ချက်
တောင်ကြီးက စစ်တပ်ထဲမှာ“လေးလောင်းပြိုင်လူသတ်မှု”ဖြစ်ပွားပါတယ်။ သေဆုံးသူတွေထဲမှာ အပြစ်မဲ့တဲ့ လူမမယ်ကလေးငယ်တစ်ဦး ပါနေတယ်။ ဒီအကြောင်းကို ဆိုရှယ်မီဒီယာမှာ ဓာတ်ပုံနဲ့တကွ ဖော်ပြနေကြပါတယ်။ တာဝန်ထမ်းဆောင်ဆဲ စစ်ဗိုလ်စစ်သားကိုစစ်တပ်က စီမံနိုင်တယ်ထားပါဦး။ ကျန်တဲ့ စစ်သားမယားနဲ့ကလေးကတော့ အရပ်သားပဲ။ သူတို့အရေးကိစ္စနဲ့နစ်နာမှုကို အရပ်ဘက်တရားဥပဒေက ကိုင်တွယ်ခွင့်ရှိရမှာပေါ့။ လူသတ်မှုဆိုတာ ရာဇဝတ်ပြစ်မှုကြီးပဲ။

စစ်တပ်က အရပ်သားပြည်သူတွေကို မထင်ရင် မထင်သလို ပစ်ခတ်သတ်ဖြတ်နိုင်တယ်။ စစ်တပ်ထဲမှာ သတ်ဖြတ်မှုဖြစ်ရင်လည်း စစ်တပ်ကသာ ကိုင်တွယ်စီရင်ဆုံးဖြတ်တယ်။ ယုတ်စွအဆုံး လွှတ်တော်ထဲမှာ စစ်ဗိုလ်က ရိုင်းပြဆဲရေးနိုင်ပေမယ့် စစ်တပ်ရဲ့ရက်စက်ရိုင်းပျတဲ့ လူမဆန်မှုတွေကို ဝေဖန်သရုပ်ဖော်ပြသတဲ့ သတင်း၊ သီချင်း၊ သံချပ်၊ ပြဇာတ်၊ကာတွန်း၊ ပါဖောင့်မင့်တွေပါမကျန် လက်ညှိုးထိုးပြီး ကြိုက်သလို အပြစ် ရှာနိုင်ပါတယ်။ အမှုလုပ်တရားစွဲပါတယ်။ အဲဒါတွေဟာ “စည်းကမ်းပြည့်ဝတဲ့ ဒီမိုကရေစီ” ရဲ့ ပကတိသရုပ်မှန်တွေပဲ ဖြစ်ပါတယ်။ ဒီအချက်တွေက ဘယ်သူ့အတွက် ဒီမိုကရေစီရှိသလဲဆိုတာကို အထင်အရှား ဖော်ပြနေပါတယ်။

“အာ” ချောင်မိတဲ့ ဗိုလ်အောင်မင်းဆိုလည်း ကြည့်ပေါ့။ စာရေးပြီး ရှိခိုးတောင်းပန်ရတယ်။ 7day ဂျာနယ်။ ဗိုလ်ရွှေမန်းတို့လည်း ရွှေပေလွှာအရေးကောင်းလို့ တပ်မတော်သတင်းမှန်ပြန်ကြားရေးတို့၊ မြဝတီသတင်းစာတို့ကနေ အထုတ်ဖြေပြတာခံရတာပဲ မဟုတ်လား။ စစ်အုပ်စုက သူတို့ကို ချိုကိုင်တာ အမြီးနင်းတာ စသဖြင့် ထိပါးလာပြီဆိုရင် စိမ်းကျက်နီးဝေး မရွေးဘူး။ အာဃာတကြီးတယ်။

ဒီတော့ အနေအထားက “စစ်” ဆိုတာပါနေရင်၊ “စစ်”နဲ့ ဆက်စပ်ပတ်သက်နေရင် ဘယ်သူမှ တို့လို့၊ ထိလို့ မရဘူး။ ပြောင်းပြန် အားဖြင့် စစ်အုပ်စုကတော့ စစ်တပ်ကို ချုပ်ကိုင်ထားနိုင်တဲ့အောက်မှာ ဘာကိုမဆို၊ ဘယ်နေရာဘယ်ဒေသကိုမဆို စိတ်ကြိုက်လုပ်ပိုင်ခွင့်တွေ အပြည့်အဝရှိနေတယ်။
တခြားဝေးဝေးမကြည့်ပါနဲ့ ရှေ့နေကြီးဦးကိုနီ လုပ်ကြံသတ်ဖြတ်ခံရမှုအတွက် အလိုရှိနေတဲ့ ကွင်းဆက် တရားခံတစ်ဦးဖြစ်တဲ့ DSA အပတ်စဉ် ၃၆ ဆင်း ဒုတိယဗိုလ်မှူးကြီးဟောင်း အောင်ဝင်းခိုင်ဆိုရင် အခုထိ ဝရမ်းပြေးနေတုန်း ဘယ်မှာမှရှာလို့ မတွေ့နိုင်ဘူးဖြစ်နေတယ်။

အဲဒီလို စစ်တပ်နဲ့ပတ်သက်လာရင် မျက်စောင်းထိုးလို့တောင် မရနိုင်တဲ့ အနေအထားဆိုတော့ စစ်တပ်ဆိုတာ ဝရမ်းပြေးတွေ၊ ဒုစရိုက်ကောင်တွေအတွက် “စစ်မှန်သော ပုန်းခိုရာ” ဖြစ်နေပြီလား။
တကယ့်လက်တွေ့မှာလည်း စစ်တပ်ဟာ အရပ်ဘက်အုပ်ချုပ်ရေးက ဘယ်လိုမှ လက်လှမ်းမမီတဲ့နေရာ၊ ထိန်းချုပ်လို့မရတဲ့ နေရာလည်းဖြစ်နေပါတယ်။ ဒီလိုဖြစ်အောင် စစ်အုပ်စုက“၂ဝဝ၈အခြေခံဥပဒေ”ကို စိတ်ကြိုက်ရေးဆွဲပြီး လုပ်ပိုင်ခွင့်အာဏာတွေ အပိုင်စားရယူထားတာပဲ မဟုတ်ပါလား။ [ ၂ဝဝ၈ အခြေခံ ဥပဒေ၊ ပုဒ်မ ၂၀ (ခ)၊ ပုဒ်မ၂၉၁၊ ပုဒ်မ ၂၉၃ (ခ)၊ ပုဒ်မ ၃၁၉၊ ပုဒ်မ ၃၄၃ (က) (ခ) တို့ကို ကြည့်ပါ ]

တကယ်တော့ “စစ်ဘက်တရားရုံးနဲ့ စစ်ဘက်တရားစီရင်မှု” ဆိုတာ အများပြည်သူမသိအောင် အကျဉ်းနည်းနဲ့ နှုတ်ပိတ်ပစ်တာမျိုးပဲဖြစ်တယ်။ တကယ်တော့ စစ်ဗိုလ်စစ်သားဟာ ကျန်အခြားပြည်သူတွေထက် ပိုပြီး မြင့်မြတ်နေသယောင်ယောင် ရေးသားပြောဆိုနေတာတွေဟာ “ဂျာမန်လူမျိုးသာ အမြင့်မြတ်ဆုံး”၊ “ငါတို့ဂျပန်တွေဟာ နေနတ်မျိုးနွယ်က ဆင်းသက်လာတယ်” ဆိုတဲ့ ဖက်ဆစ်ဝါဒလို ဖက်ဆစ်ဝါဒအမျိုးအစား တမျိုးသာဖြစ်တယ်။ စစ်ဘုရင်ဝါဒသာဖြစ်တယ်။ ပြည်သူနဲ့စစ်သားကို သွေးထိုးရန်တိုက်ပေးမှုသာဖြစ်တယ်။

တချိန်တခါကဆိုရင် ဓားမြတွေ၊ ဝရမ်းပြေးတွေဟာ သူတို့နောက်က လိုက်နေတဲ့ ရဲတို့၊ စုံထောက် တို့ကို မျက်ခြည်ဖြတ်ချင်တဲ့အခါ ကတုံးရိတ်၊သင်္ကန်းဆီးပြီး ကိုယ်ရောင်ဖျောက်တတ်ကြတယ် မဟုတ်လား။
အခုခေတ်ကပြောင်းသွားပြီဆိုတော့ မူးယစ်ဆေးမှု၊ လူသတ်မှုတို့ ကျူးလွန်ပြီး၊ လက်စလက်နဖျောက်ချင်ရင် စစ်တပ်ထဲ ဝင်ခို နေလိုက်တာက ကတုံးရိတ် သင်္ကန်းဆီးတာထက် ပိုပြီးလုံခြုံဘေးကင်းပုံရတယ်။

read more

ရွှေပြည်စိုး၊ ဘိုင်အိုမင်းသစ်နှင့် ၆၆ နှစ်စာ သောက (အပြင်လူရဲ့ဘားမားရုဒ် အမှတ် ၆)

ရွှေပြည်စိုး၊ ဘိုင်အိုမင်းသစ်နှင့် ၆၆ နှစ်စာ သောက

ပြည်သူ့အမြင်စာစောင်၏တာဝန်ခံ ဆရာရွှေပြည်စိုးက ဒေါ်အောင်ဆန်းစုကြည် ၆၆ နှစ်မြောက်မွေးနေ့အတွက် အမှတ်တရ တခုခုရေးပါလားဟု တိုက်တွန်းတော့ ကျနော့်စိတ်က စာရေးဆရာ၊ ကျူရှင်ဆရာ ဘိုင်အိုမင်းသစ်ဆီရောက်သွား၏။

၁၉၈၈ ခုနှစ်လူထုအုံကြွမှုနှောင်းပိုင်းကာလတွင် စင်ပေါ်သို့ လူအတော်များများ တက်လာကြ၏။ ကိုယ်သန်ရာသန်ရာထောင့်များမှနေ၍ လူထုအား စည်းရုံးသိမ်းသွင်းလှုံဆော်ခဲ့ကြ၏။ သို့နှင့် ကျနော်တို့လည်း ထိုသူများအနက် သင့်ရာတော်ရာသူများအားဖိတ်ကြားကာ တရားပွဲများလုပ်ဖြစ်၏။

တကြိမ်တွင် အခြားသူများနှင့်အတူ ဆရာဘိုင်အိုမင်းသစ်လည်းပါ၏။ တယောက်ပြီးတယောက် ဟောကြပြောကြရင်း သူ့အလှည့်ရောက်တော့ သူက သူပရိသတ်သည် လူကြီးများမဟုတ်သဖြင့် မူလတန်းအလယ်တန်း ကလေးများအား ရှေ့ဆုံးတွင်နေရာယူခိုင်း၏။ ထို့ နောက် တရားဟောမည် မဟုတ်ပဲ သူနှင့်ကလေးများ အမေးအဖြေသာလုပ်မည်ဖြစ်ပြီး လူကြီးများ ကိုယ့်နေရာကိုယ်နေကာ သူတို့ကိစ္စတွင် ဝင်မပါပါနှင့်ဟုဆို၏။

စစခြင်း သူက သားတို့သမီးတို့ရေ ဗိုလ်မင်းရောင် ခေါ် ဗိုလ်လရောင်ကို သိကြသလား”ဟု မေး၏။ ကလေးများက “သိပါတယ် သိပါတယ်”ဟု ဆိုတော့ “သိရင် ဘယ်သူလဲ”ဟု ထပ်မေး၏။ ကလေးတို့က “ဗိုလ်ချုပ်အောင်းဆန်းရဲ့အဖိုးပါ”ဟု အုံးအုံးကြွက်ကြွက် ပြန်ဖြေ၏။ “ဒါဆိုရင် “ဦးဖာနဲ့ဒေါ်စုကိုရော”ဟုဆိုတော့ ကလေးတို့က “ဗိုလ်ချုပ်အောင်ဆန်းရဲ့ အဖေနဲ့အမေပါ”ဟု သံပြိုင်ဖြေပြန်၏။ “ဒါဖြင့် နောက်ဆုံးတခု မေးမယ်”ဟုဆိုပြီး“ဒေါ်အောင်ဆန်းစုကြည်ကိုရော”ဟု ထပ်မေးပြန်၏။ ကလေးတို့ကလည်း သိကြောင်းပြောပြန်၏။ “သိရင်ပြော ဘယ်သူလဲ” ဟု ဆိုတော့ ကလေးတို့က “ဗိုလ်ချုပ်အောင်ဆန်းသမီးပါ”ဟု သံပြိုင်ပြန်ဖြေ၏။ “မင်းတို့ကလည်း အကုန်သိနေတော့တာပါပဲလား”ဟုဆိုကာ နဖူးကို လက်ဖြင့်ရိုက်ဟန်ပြကာ“ကဲ ဒီလောက်တောင် သိတဲ့ကောင်တွေ” ဆိုပြီး“ဦးနေဝင်းကိုရောသိကြလား”ဟု အသံမြှင့်ပြီးမေး၏။
ကလေးတို့ကလည်း အားကျမခံအသံကုန်အော်ပြီး “သိပါတယ် သိပါတယ်” “ပါတီဥက္ကဋ္ဌကြီးပါ၊ ပါတီဥက္ကဋ္ဌကြီးပါ”ဟု ဖြေပြန်၏။ “ဟာ သိပြန်ပြီ။ ကဲ ဒါဆိုပြောကြစမ်း အဲဒီ ဥက္ကဋ္ဌကြီးရဲ့အဖေနဲ့အမေ နံမည်တွေ”ဟုလည်း ဆိုလိုက်ရော ကလေးတို့ဆီက ဘာသံမှထွက်မလာတော့။ အားလုံး တိတ်ပြီးငြိမ်ကျသွား၏။ သည်တော့မှ သူက “အဲဒါပဲ လူကြီးတွေပြောတဲ့ လူမှာအမျိုးကြက်မှာအရိုးဆိုတာ”ဟုဆိုကာ ပိတ်ချလိုက်တော့၏။ ကလေးပရိသတ်က ကြောင်နေဆဲ၊ လူကြီးပရိသတ်ထံမှ လက်ခုတ်သံတွေတဖြောင်းဖြောင်း၊ လက်ခေါက်မှုတ်သံတွေတရွှီရွှီ၊ ပရိသတ်ကား ပတ်တုတ်လို့မရတော့။

လောကတွင် လူတို့ မွေး၏။ နေ၏။ သေ၏။ ဘာမှမဆန်း။ သို့သော် လူတဦးခြင်းစီအလိုက် အမွေး၊ အနေ၊ အသေတွင်မူ ယုတ်ခြင်းနှင့်မြတ်ခြင်း ရှိ၏။ လူတို့က လူတဦးချင်းစီ၏တန်ဖိုးဆိုသည်ကိုလည်း ထို အယုတ်အမြတ်ဆိုသည့်နှုန်းစံတို့ဖြင့် ချင့်တွက်ကြ၏။ လူတို့အတွက် မဆန်းသောကိစ္စသည် လူတဦးချင်းစီအတွက်မူ ထူး၏။

မမွေးခင်ကပင် သန္ဓေမြတ်နှင့်သူ၊ မွေးမွေးခြင်း လောကကောင်းချီးရသူတို့အကြောင်း ဘာသာရေးကျမ်းစာများ၌သာမက သူမြတ်တို့အကြောင်း စာပေများတွင်ပါတွေ့ရ၏။ ထို သူကောင်းသူမြတ်တို့၏ မွေးခြင်းနှင့်နေခြင်းအတွက် လောကဝမ်းမြောက်ရသလို၊ ထိုသူတို့ဆုံးပါးခြင်း၌ လောက နာကျင်ရ၏။ ထိုသူတို့နေခြင်းအား ကမ္ဘာမြေသည် အမွန်မြတ် အထွဋ်တပ်သလောက် ထိုသူတို့သေခြင်းအား သင်္ခါရတို့၊ အနိစ္စတို့နှင့် နှလုံးသွင်းသည့်တိုင် စုပ်တသပ်သပ် ဖြစ်ရ၏။ “အသေစောလိုက်တာ” ဆိုသည့်မြည်တမ်းသံသည် ထိုသူတို့အားအကြောင်းပြုခြင်း ဖြစ်တန်ရာ၏။

မမွေးခင်ကပင် သန္ဓေယုတ်နှင့်သူ၊ မိခင်ဝမ်းရည်စပ်ရသူတို့အကြောင်းလည်း လောကီနှင့် လောကုတ္တရာစာပေတို့တွင်တွေ့ရ၏။ ထိုသူတို့ မွေးဖွားလာခြင်းအတွက် လောကနာကျင်ရသလို ထိုသူတို့သေဆုံးခြင်း၌ ပီတိဖြစ်စရာမဟုတ်သည့်တိုင် ဝမ်းမြောက်ရသည်လည်းရှိ၏။ “သက်ဆိုး တော်တော်ရှည်ခဲ့တာ”ဆိုသည့် ငြီးတွားသံသည် ထိုသူတို့အား အကြောင်းခံခြင်းဖြစ်တန်ရာ၏။

ကျနော်တို့သည် “အသေစောလိုက်တာ” ဟု ဆိုရလောက်အောင် ကြီးမြတ်သူတို့နှင့် ထိုက်တန်သူများဖြစ်သလို၊ “သက်ဆိုးရှည်”များနှင့်လည်း အောင့်အည်း နေနေရ၏။ ကျနော်တို့တွင် ကနောင်မင်းသားကြီးကို ရခဲ့ဖူး၏။ တန်ဖိုးထားရမှန်းမသိသူတို့လက်ချက်ဖြင့် သူရော သူ့နိုင်ငံပါ ဆုံးရှုံးခဲ့ဖူး၏။

ကျနော်တို့တွင် ဗိုလ်ချုပ်အောင်ဆန်းကို ရခဲ့ဖူး၏။ အထွဋ်တင်ရကောင်းမှန်း မသိသူတို့လက်ချက်ဖြင့် သူရော သူ့တိုင်းပြည်ပါနစ်နာရ၏။

ကျနော်တို့တွင် ယခုခေါင်းဆောင်တယောက်ရပြန်၏။ ယခုတိုင် ရှင်သန်နေရဆဲသည် ကောင်းပါ၏။ သို့သော် ပြည်ဖျက်သူတို့၏ လက်ဖျစ်တတွက်တွင် ထိုခေါင်းဆောင်၏အသက်တာသည် ရေပွက်ပမာဖြစ်မသွားဟု မည်သူမှမဆိုနိုင်ကြ။ ထိုခေါင်းဆောင်သည်
အကောင်းကိုသာ ဆောင်ကျဉ်းလာလိမ့်မည်ဟုလည်း ယုံမှတ်ရတန်ရာ၏။

သောကဖြင့် အကောင်းကိုမျှော်ကြည့်ရခြင်းသည်လည်း ပူလောင်၏။
ဒွိဟစိတ်ဖြင့် မျှော်ကိုးရခြင်းသည် မချင့်မရဲဖြစ်ရ၏။
အပူကင်းကင်းအကောင်းမြင်မြင် ဧကစိတ်ချင့်ချင့်ရဲရဲဖြင့်ကိုးစားရခြင်း၌ အသက်ရာကျော်ပါစေဟုသာဆိုချင်၏။
မျိုးမြင့်ချို ၂ဝ၁၁ ဇွန်

read more

ကျနော်နဲ့ဘားမားရုဒ်(အပြင်လူရဲ့ဘားမားရုဒ် ၅)

ကျနော်နဲ့ဘားမားရုဒ်

သိတ်မကြာသေးခင်က အမေရိကန်နိုင်ငံခြားရေးဋ္ဌာနမှ အဆင့်မြင့်ပုဂ္ဂိုလ်တဦး ဗမာပြည်ခရီးစဉ်သွားခဲ့၏။ ဦးသိန်းစိန်အစိုးရနှင့်ရော ဒေါ်အောင်ဆန်းစုကြည်နှင့်ပါ တွေ့ဆုံဆွေးနွေးဖြစ်ခဲ့ကြကြောင်း သတင်းများတွင်တွေ့လိုက်ရသည်။ ဦးသိန်းစိန်အစိုးရဘက်မှ “အမေရိကန် အစိုးရအနေဖြင့် သူတို့နှင့်ဆက်ဆံရေးကောင်းလိုလျှင် တိုင်းပြည်အမည်ကို Burma ဟု ခေါ်နေခြင်းအစား Myanmar ဟု
ပြောင်းခေါ်ရန်လိုကြောင်း”တောင်းဆိုခဲ့သည်ဟုလည်း သတင်းများတွင်ပါ၏။

ကုလသမဂ္ဂအပါအဝင် နိုင်ငံတိုင်းလိုလိုက တိုင်းပြည်အမည်အား သူတို့ ခေါ်စေချင်၍ပြောင်းသည့်အတိုင်း မြန်မာဟုခေါ်နေချိန်တွင် အမေရိကန်က ဗမာပြည်ဟုသုံးစွဲနေခြင်းအား သူတို့ နှစ်မြို့ဟန်မရှိ။ ယင်းတို့ အာဏာလက်လွှဲယူလိုက်ပြီးကတည်းက လူထုလိုချင်သည့်၊ နိုင်ငံ၏ လက်ငင်းလိုအပ်ချက်ဖြစ်သည့်၊ သမိုင်း၏တောင်းဆိုမှုဖြစ်သည့် နိုင်ငံရေးအနှစ်သာရမှတပါး အရာရာကိုပြောင်း၏။ တိုင်းပြည်အမည်မှ အစ ကြိုးကြီးချိတ်အဆုံးဖြစ်၏။ ဤတွင် ကျနော့်ခေါင်းထဲ Burma Road က ဝင်လာ၏။

တနေ့ Bowen Center မှာ ဗမာ့ယဉ်ကျေးမှုအကြောင်း ဟောပြောပွဲလေးတခုလုပ်၏။ Terry Noon ဆိုသည့် အမေရိကန်မိတ်ဆွေက အဖေါ်လိုက်ပြီး နည်းနည်းပြောပါဆိုသဖြင့် အတူပါသွား၏။ ဟောပြောပွဲကအပြန် လမ်းပေါ်ရောက်တော့ သူက ဒီနားလေးမှာ Burma Road ဆိုတဲ့အမည်နဲ့ လမ်းလေးတလမ်းရှိတာသိလားဟု မေးလာ၏။ ကျနော်က သိကြောင်း၊ လာကြည့်မည်ဟု စိတ်ကူးသာရှိပြီးတခေါက်မှ
မရောက်သေးကြောင်းပြန်ပြောဖြစ်ရာ သူက ဒါဆိုအတော်ပဲ၊ သွားကြည့်တာပေါ့ဆိုသဖြင့် ရောက်ခဲ့၏။ အဲဒါပဲ Burma Road ဟုဆိုသည့်
သူ့အသံကြောင့် ကားအပြင်ကိုကြည့်လိုက်မိ၏။ ကင်မရာ ပါမလာသည့်အတူတူ ကားပေါ်မှလှမ်းကြည့်ပြီး ပြန်ရုံသက်သက်။

နောက်တခေါက် အမေရိကန်မိတ်ဆွေတယောက်နှင့် ရောက်ဖြစ်ပြန်၏။ သူက ဗမာ့နိုင်ငံရေးအခင်းအကျင်းကို အထိုက်အလျှောက် တီးမိခေါက်မိ ရှိရုံမက၊ ဖို့ဝိန်းရောက် မြန်မာပြည်သားဒုက္ခသည်များအရေးကိုလည်း တော်တော်လေးစိတ်ဝင်စားသူဖြစ်၏။ မြန်မာပြည်သားများနှင့်ဆိုင်သည့်၊ ကျင်းပသည့်ပွဲတိုင်းလိုလို လာတတ်သလို မှတ်တမ်းဗီဒီယိုများ၊ ဓာတ်ပုံများရိုက်ပြီး သူ့ဝက်ဘ်ဆိုက်မှာ တခမ်းတနားလည်းတင်၏။ ဖို့ဝိန်းမြို့မှာ HBO က Burma Soldier ကားကို အကြိုမိတ်ဆက်ပွဲ ပြမည်ဆိုစဉ်ကလည်း အစစအရာရာ ကူညီဆောင်ရွက်ပေးခဲ့သူဖြစ်၏။

သို့နှင့် သူ့အား “မင်း အချိန်ရတဲ့အခါ ငါ့ကိုဓာတ်ပုံရိုက်ပေးပါလား”ဟု အကူအညီတောင်းဖြစ်၏။ သူက လိုလိုလားလားနှင့် ရိုက်ပေးမည် ပြောရုံမက နောက်ခံသမိုင်းလေးပါ ရှာဖွေမေးမြန်းပေးမည်ဆို၏။ တနေ့ စီဒီကူးထားသည့်ဓာတ်ပုံများလာပေးရင်း သူ စုံစမ်းလို့ရသမျှ Burma Road နောက်ခံအကြောင်းလေးများပါ ပြောပြခဲ့၏။ သို့နှင့် သည်ဆောင်းပါးရေးဖြစ်သွား၏။

အမေရိကန်ပြည်ထောင်စု အင်ဒီယားနားပြည်နယ် ဖို့ဝိန်းမြို့တွင် Goshen အမည်ဖြင့် အမှတ် ၃၃ ပြည်နယ်တွင်း အမြန်လမ်းမကြီးတခုရှိ၏။ Burma Road က Goshen ပေါ်တွင်ရှိပြီးစက်ရုံအလုပ်များ ပတ်လည်ဝိုင်းထား၏။ မလှမ်းမကမ်းတွင် Showgirls ဆိုသည့် မိန်းမလှနှင့်ယမကာ မြည်းသည့်ဆိုင်၊ အမိုးနီ Red Inn ဆိုသည့်စားပွဲရုံ၊ အငှားဂိုဒေါင်များ၊ လူနေရပ်ကွက်များ၊ အခန်းတွဲအိမ်ယာများနှင့် စည်စည်ကားကား။

Goshes ကနေ ညာဘက်ချိုးလိုက်လျှင် Burma road။ သည်လမ်းလေးအတိုင်း ဆက်လျှောက်သွားက လမ်းမဆုံးခင် နောက်ထပ်ဘယ်ဘက် ချိုးဝင်သွားသည့် Tierney ဆိုသည့် လမ်းသွယ်လေးတခုရှိသေး၏။ ၁၉၄၃ ခုနှစ်တွင် Burma Road ဆိုသည့်အမည်ဖြင့် သည်လမ်းလေးကို နာမည်ပေးကင်ပွန်းတပ် ဆိုင်းဘုတ်တင်ခဲ့ချိန်က သည်လမ်းတွင် လူနေအိမ်တလုံးမှမရှိသေး။ ၁၉၄၄ ခုနှစ်ရောက်တော့မှ ပထမဆုံးအိမ်ကို စဆောက်ခြင်းဖြစ်၏။ ကျနော်ရောက်ချိန်တွင် တရပ်ကွက်လုံး အိမ်အပြည့်။ အိမ်လေးတွေက သပ်သပ်ရပ်ရပ် သန့်သန့် ပြန့် ပြန့် လေးတွေမို့  နေချင်စရာလိုဖြစ်နေ၏။ ဤရပ်ကွက်တွင် ဗမာပြည်သားမိသားစု မည်မျှနေထိုင်ကြသနည်းကိုတော့မသိ။

နောက်တခုက ဒီနေရာမှာ ဒီလမ်းလေးကို ဘာကြောင့် ဒီနံမည်ပေးခဲ့ရသလဲ။ ဘယ်သူ့စိတ်ကူးလဲ။ ထိုစိတ်ကူး ဘယ်လိုရခဲ့သလဲ။ ဖို့ဝိန်းနေ ဗမာပြည်သားတွေကရော သည်လမ်းကို Burma Road လို့ပဲ ဆက်တွင်နေစေချင်သလား။ Myanmar Road ဟု အမည်ပြောင်းစေချင်သူတွေရော မရှိနိုင်ဘူးလား။ ရှိမည်ဆိုလျှင်ရော ဘယ်နှရာခိုင်နှုန်းလောက် ရှိနေမလဲ။ အကယ်၍ Myanmar Road အဖြစ်ပြောင်းပေးပါဟုဆိုလျှင်ရော သက်ဆိုင်ရာက ပြောင်းပေးလေမလား။ ကျနော်သိချင်တာတွေရော တွေးချင်တာတွေပါ တွေးနေမိ၏။

ဖို့ဝိန်းက အင်ဒီယားနားပြည်နယ်၏ ဒုတိယအကြီးဆုံးမြို့ဖြစ်ပြီး စီးတီးလိမစ်အတွင်းလူဦးရေ (၂)သိန်းခွဲ ဝန်းကျင်ခန့် ရှိ၏။ လူမျိုးစုံ၊ ဘာသာစုံ၊ စကားစုံသည့်မြို့ကလေး၊ လူဝင်မှုအနေအထားမျိုးစုံနှင့်ရောက်လာသည့် မြန်မာနိုင်ငံသား(၇)ထောင်ဝန်းကျင်ခန့် တစုတဝေး နေထိုင်ရာအရပ်။ တောမြို့လေးဖြစ်သည့်အလျှောက် နားအေးပါးအေးနှင့် တိတ်တိတ်ဆိတ်ဆိတ်။ ဗမာစာ၊ ဗမာဆေး၊ ဗမာပစ္စည်း၊ ဗမာဆိုင်များနှင့် ဗမာနံ့သင်းပြီး ဗမာပြည်အလွမ်း ဖျောက်ကောင်းသည့်အရပ်။

ကျနော်က ဗမာဗမာဆိုပြီးထပ်တလဲလဲသုံးသဖြင့် မြန်မာဟုသုံးရသည်ကို ခံတွင်းလိုက်သူများအဖို့ နားခါးစရာဖြစ်နိုင်၏။ ဤနေရာတွင် ဗမာနှင့်မြန်မာကိစ္စကို ပြောလိုရင်းမဟုတ်သော်လည်း ချက်မြုတ်မြေကို ဗမာပြည်ဟုပြောရခြင်းတွင် နှုတ်မြိန်သလို တယောက်ယောက်က ဗမာပြည်ဟုဆိုသံကြားလိုက်သည်လျှင်လည်း ကျနော်အဖို့ နားဝင်ချို၏။

နံမည်ဆိုသည်မှာ ပြောင်း၍ရ၏။ ပြောင်းလည်းပြောင်းကြ၏။ သို့သော် လူတယောက်နံမည်ပြောင်းခြင်းနှင့် တိုင်းပြည်တပြည်၏အမည်ကို ပြောင်းခြင်းကမူ ခြားနား၏။ မတူ။ လူနံမည်ပြောင်းခြင်းက ကာယကံရှင်၏ရွေးချယ်ဆုံးဖြတ်မှုဖြစ်ပြီး၊ လူထုနှင့် သမိုင်းနှင့်ဆိုင်သည့်အရာကို အမည်ပြောင်းခြင်းကား ထိုသို့မဟုတ်တော့။ လူထုသဘောထား ပါရလိမ့်မည်။ ငါ့မြင်းငါစိုင်းထင်တိုင်းကြဲပါမူ တိုင်းပြည်နှင့်လူထုအပေါ် နိုင့်ထက်စီးနင်းလုပ်ဆောင်ခြင်း ဖြစ်၏။

လူတဦးနံမည်ပြောင်းလိုက်ရုံဖြင့် သူ့ပင်ကိုယ်စရိုက်ဖျောက်မရသလို တိုင်းပြည့်အမည်ပြောင်းလိုက်ရုံဖြင့်လည်း လူမျိုး၏ဇာတိပုညဂုဏ်မာန ပျောက်မသွား။

ထို့ အတူ တို့ဗမာအစည်းအရုံး၊ ဗမာ့ထွက်ရပ်ဂိုဏ်း၊ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ ချုပ်၊ ဗမာပြည်ကွန်မြူနစ်ပါတီ စသည်တို့လည်း သမိုင်းတည်သရွေ့ရှိနေရမည့် အမည်များသာဖြစ်နေ၏။ ထင်တိုင်း ပြောင်းလို့မရ။ လူထုသဘောထားအမြင်ပေါ် အခြေခံကို ခံရမည်၊ အမည်ပြောင်းလိုက်ပြီးစေဦး သမိုင်းကိစ္စပြောလျှင် သမိုင်းစကားဆိုလျှင် မူရင်းအတိုင်း ဖော်ပြသုံးစွဲရလိမ့်မည်။

ပြည်သူလူထုကို သမိုင်းနှင့်မျက်ခြေဖြတ်လိုခြင်း၊ လူထုနှင့်သမိုင်းအဆက်အစပ်ကို လက်စဖျောက်လိုခြင်းသည် ကောင်းသည့်ရည်ရွယ်ချက်မဟုတ်။ မယဉ်ကျေးသေးသော၊ သမိုင်းတန်ဘိုးဆိုသည်ကိုနားလည်လောက်သည့်အသိဉာဏ် မရှိသည့်သေးသော သဘောလက္ခဏာဖြစ်၏။

ကျနော်တို့ကြိုက်သည်ဖြစ်စေ၊ မကြိုက်သည်ဖြစ်စေ သမိုင်းနှင့်အတူသမိုင်းဝင်ခဲ့ သမိုင်းတွင်ခဲ့သည့်အမည်များသည် သမိုင်းနှင့်ရှင်သန်နေရမည် ဖြစ်၏။ အတွေးအခေါ်၊ နိုင်ငံရေး၊ သမိုင်းစသည်များနှင့်ဆိုလျှင် အစွဲအလမ်းကြီးခြင်းနှင့် အညှာလွယ်လွန်းခြင်းတို့သည် ကိစ္စကောင်းမဟုတ်ဟု ထင်၏။ သို့သော် ယုံကြည်ချက်အပေါ်ခိုင်မာခြင်းနှင့် အစွဲအလမ်းကြီးခြင်းသည် ကိစ္စတခုစီဖြစ်၏။ တွေဝေခြင်းနှင့် တည်ငြိမ်ခြင်း၊ ပျော့ညံ့ခြင်းနှင့် ပျော့ပျောင်းခြင်း၊ ခိုင်မာခြင်းနှင့်တင်းမာခြင်းတို့သည် တခါတရံတွင် ဝေခွဲရခက်၏။ ကျနော်တို့သည် အစွဲကြီးရန်မလိုသော်လည်း သမိုင်းဆိုင်ရာတန်ဖိုးကိုမူ သမိုင်းအမြင်နှင့်ကြည့်၍ သမိုင်းအဖြစ် တန်ဖိုး ထားကိုထားတတ်ရမည်ဖြစ်၏၊

ယခု ဗမာပြည်တွင် အပြောင်းအလဲများဖြစ်နေပြီဟု ဆိုသူတို့လည်းရှိ၏။ ထိုအထဲတွင် ဗမာကနေ မြန်မာလည်း ပါပါသည်။ အပြောင်း အလဲဟုဆိုရာ၌ ဗမာကနေ မြန်မာဟုပြောင်းပြောင်း၊ မြန်မာကနေ နောက်တခုခုကိုထပ်ပြောင်းပြောင်း နိုင်ငံရေးအနှစ်သာရမပြောင်းလျှင် ဘာမှမပြောင်း။ တိုင်းပြည်၏လက်ငင်းလိုအပ်ချက်နှင့် သမိုင်း၏တောင်းဆိုမှုသည် အနှစ်သာရပြောင်းရေးဖြစ်၏။ ဘာမှမပြောင်းခြင်းတွင် ဘာ အပြောင်းအလဲမှ မရှိခြင်းသည်မဆန်း။
ထို့ ကြောင့် ပြောင်းရန်လို၏။ သို့သော် နံမည်မဟုတ်။
မျိုးမြင့်ချို ဇွန်၊ ၃၊ ၂ဝ၁၁

read more

အာဏာပါးကွက်၊ ခရစ္စတိုဖာဂါးနက်နှင့် (အပြင်လူရဲ့ဘားမားရုဒ်နံပတ် ၄ )

အာဏာပါးကွက်၊ ခရစ္စတိုဖာဂါးနက်နှင့်

အင်္ဂလန်က မြန်မာ့အရေးဆောင်ရွက်နေသူ(အသက်မွေးနေသူ)ဓာတ်ပုံဆရာ James Mackay က တရက်တွင် ကျနော့်ဆီ အီးမေးလ်ပို့ပြီး ဆက်သွယ်လာ၏။ သူက နိုင်ငံရေးအကျဉ်းသားတွေလွတ်မြောက်ရေးအတွက် ဓာတ်ပုံကမ်ပိန်းတခုလုပ်နေသည်။ မကြာခင် အမေရိကန်က ဖို့ဝိန်းမြို့ကို လာမည်။ ဒီက နိုင်ကျဉ်းဟောင်းတွေနှင့် တွေ့ချင်သည်။ မိမိလွတ်စေ့ချင်သူ နိုင်ကျဉ်းတဦးဦး၏အမည်ကို လက်ဖဝါးတွင်ရေးပြီး ဓာတ်ပုံရိုက်ယူမည်။ ပြီးလျှင် ထိုပုံတွေကိုစုပြီး ဓာတ်ပုံပြပွဲလုပ်မည်။ ပြီးလျှင် စာအုပ်ထုတ်မည်။ စီစဉ်ပေးနိုင်ပါသလားဟုမေး၏။ ကျနော်က အတတ်နိုင်ဆုံး အဆင်ပြေအောင်ကူညီမည်။ လာသာလာခဲ့ပါဟု အကြောင်းပြန်လိုက်၏။ ထို့နောက် ကျနော်လည်း ဒီမှာရှိသည့် လက်လှမ်းမီသမျှ နိုင်ကျဉ်းဟောင်းတွေကို အသိပေး၏။ ဖိတ်ခေါ်၏။ တချို့ပါကြသလို တချို့လည်း မပါ။ သူ့အကြောင်းနှင့်သူ ရှိကြလိမ့်မည်။ နောက်တော့ သူရောက်လာ၏။

လက်ဖဝါးပေါ်တွင် မိမိလွတ်စေ့ချင်သူတဦး၏နံမည်ရေးပါဆိုတော့ စိတ်မွန်းကျပ်ရတော့သည်။ ဖြစ်နိုင်လျှင် ထောင်ထဲက နိုင်ကျဉ်းအားလုံး၏ အမည်ကို ရေးချလိုက်ချင်၏။ သို့သော်မဖြစ်။ သူ့ကမ်ပိန်းက သူ့အစီအစဉ်သာဖြစ်သည်။ သူမလာခင်ကတည်းက လူဆယ်ဦးအမည်ကို ရွေးထုတ်ထားခဲ့၏။ ထိုသူတွေထဲမှ တဦးဦးကိုကျနော်ရွေးမည်။ သူများရွေးပြီးသူကို ထပ်ယူခွင့်မရှိဆိုတော့ ထိုဆယ်ဦးတွင် အနည်းဆုံး တဦးတော့ သူများ မရွေးရသေးသူ ဖြစ်ပါစေဟု ဆန္ဒဖြစ်မိ၏။ သူ့စာရင်းတွေထဲက မိမိတေးထားသူတွေကို လိုက်ရှာ၏။ တယောက်ကြည့်လည်း ရွေးပြီးသား။ နောက်တယောက်လည်း ရွေးပြီးသား။ ဒီလိုနှင့် ကျနော့်ဆယ်ဦးက ကုန်လုကုန်ခင်မှာပဲ တယောက်ကို သွားတွေ့သည်။ ဘယ်သူမှ မရွေးရသေး။ သို့နှင့် ကျနော်သူ့ကို ရွေးလိုက်၏။ ကျနော့်လက်ဖဝါးတွင် သူ့နံမည်ကိုတင်ပြီး ဓာတ်ပုံရိုက်က်၏။ သူက ဦးနေမင်း(ခေါ်)ဦးဝင်းရွှေ။

နိုင်ကျဉ်းတွေလွှတ်ပေးမည်ဟု အသံထွက်လာကတည်းက လွတ်လာလေမလားဟု စိတ်မောမောနှင့်မျှော်မိသူများထဲတွင် ကိုစိုးမြင့်(ဆရာစိုး) နှင့် ဦးနေမင်း ထိပ်ဆုံးကပါခဲ့၏။ ဆရာစိုးကိုမျှော်မိသည်က တဘဝလုံးတွင် ထောင်ထဲကုန်ရသည့်အချိန်က ပိုများသူဖြစ်နေ၍။ ဦးနေမင်းကို မျှော်မိသည်က ငါနံမည်ရွေးထားသူမို့ဆိုသည့် စိတ်အခံကြောင့်ဖြစ်သည်ကိုလည်း မိမိဘာသာသိနေ၏။ ဆရာစိုးနှင့်ကျနော်က သာယာဝတီတွင် တခန်းတည်း ၅ နှစ်ခန့်အတူနေခဲ့သူမို့ လက်ပွန်းတတီးရှိသော်လည်း ဦးနေမင်းအကြောင်းတော့ များများစားစားမသိ။ သို့သော် ထောင်တွင်း မတရားမှုများစွာအနက်မှတခုတွင် သူနှင့်ကျနော် အတူတိုက်ခဲ့ကြဖူးသဖြင့် စိတ်အမှတ်တွင် ထင်းနေသူဖြစ်၏။ သူကား ၁၉၈၈ အစမှအဆုံးတိုင် ပြည်ပမီဒီယာများနှင့်ဆက်သွယ်ပြီး ပြည်တွင်းအခြေအနေကို ဖော်ထုတ်တင်ပြသတင်းမျှခဲ့သူ၊ တချို့က သူ့ကို ခရစ္စတိုဖာဂါးနက်ဟုခေါ်၏။ လူပုံက ပုပြတ်ပြတ် သေးသေးညှက်ညှက်၊ ယုံကြည်ရာတွင် ပြတ်ပြတ်သားသားရှိသူ၊ စကားပြောလျှင် ဌာန်နှင့်မာန်နှင့်ပြောတတ်သူ၊ အပြုံးပိုတွေနှင့် လူမှုရေးကောင်းပြသူတော့ မဟုတ်။

သူနှင့်အတူလုပ်ခဲ့သည့်ကိစ္စကိုရေးမည်ဟု စိတ်တွင်ရှိနေသော်လည်း မရေးဖြစ်ခဲ့။ သူက ထောင်ထဲမှာမို့  သူ့ကိုထောက်ထားရ၏။ ခုတော့ ချရေးဖြစ်၏။ ဘယ်တော့ပြန်အဖမ်းခံရဦးမည်မဆိုနိုင်သော်လည်း ယခု သူ နောက်တကြိမ် လွတ်လာပြန်ပြီ။ ဒါကတချက်။ နောက်တချက်က လွန်ခဲ့သည့် အနှစ် ၂ဝ ကျော် က ထောင်တွင်းမှာဖြစ်ခဲ့သည့်ကိစ္စအတွက် သူ ပြန်အဖမ်းခံရစေဦး အာဏာပိုင်တို့အညှိုးအတေးပြေပြီး လက်စားလည်း မချေတန်ကောင်းရဲ့ဟု တွေးမိတာလည်းပါ၏။

ကျနော် ဒုတိယအကြိမ်ပြန်အဖမ်းခံရပြီး

အင်းစိန်ထောင် ၁ တိုက်သို့ ပုဒ်မ ၁ဝ(က)နှင့်ရောက်လာ၏။ ၁ တိုက်တွင် သူရှိနေပြီ။ ထိုအချိန်ကား အဖမ်းအဆီးကြမ်းပြီး စိတ်သလောက် အနှိပ်အကွပ်လည်းပြင်း၏။ တနေ့တနေ့ ထောင်ကိုရောက်သည့် နိုင်ငံရေးမှု မည်မျှများသလဲဆို ဝါဒါတွေကပင် ၅(ည)တွေကလည်း ကျိုင်းကောင်အုပ်ကျနေသလိုဟု ပြောရသည်အထိဖြစ်၏။ ရောက်လာသည့်သူအများစုကို တိုက်ဝင်းထဲ ပို့၏။ တိုက်ဝင်းထောင်မှူးများကလည်း စစ်ထောက်လှမ်းရေးအလိုကျ ၅(ည)တွေကို ပယ်ပယ်နယ်နယ်နှိပ်ကွပ်ပေး၏။

၅(ည)ဟု ဆိုရာတွင်လည်း စီးပွားရေး ၅(ည)များလည်းပါ၏။ ထိုသူတွေက ငွေကြေးတတ်နိုင်၏။ ထောင်မှူးထောင်ပိုင်တွေကို ဝယ်နိုင်၏။ ဝယ်ထား၏။ ထောင်နှင့်ထောက်လှမ်းရေးအမြင်တွင် ထိုသူများသည် ကိုင်တွယ်ရလွယ်ပြီး အန္တရာယ်နည်းသူများဖြစ်၏။ ထောင်ဘက်ကလည်း ၅(ည)ချင်းအတူတူ နိုင်ငံရေး ၅(ည)နှင့် စီးပွားရေး၅(ည)ကို အတူထားသော်လည်း ခွဲခြားကိုင်တွယ်ဆက်ဆံ၏။ တချို့ စီးပွားရေးသမား များကား နိုင်ငံရေးနှင့်နွယ်၍သာ ထောင်ထဲရောက်သည်မှန်သော်လည်း နိုင်ငံရေးစိတ်မဝင်စား။ အထူးသဖြင့် အခွင့်အရေးနှင့် ဂုဏ်သိက္ခာအတွက်တိုက်ရသည့် တိုက်ပွဲတို့တွင်ပါလေ့မရှိကြ။ ထိုသို့မပါသဖြင့် အပြစ်မဆိုသာဟုထင်၏။ တချို့က နိုင်ငံရေးသမားကို ကူညီပင်ကူညီကြသေး၏။

ကျနော် (၁)တိုက်သို့မရောက်ခင် ရက်ပိုင်းကလေးကမှ တိုးကျော်လှိုင်အမှုတက်ထား၏။ ကိစ္စက ပုံစံစောင်ပေါ်တွင် ကဗျာရေးမှု။ တလာစီတော့ သူ့အခန်းမှာ ထိုစောင်ကို ထောင်မှူးမောင်ပြုံးက မိသည်ဆို၏။ ထိုအချိန်က တိုက်ဝင်းထောင်မှူးများအနက် မောင်ပြုံးနှင့် ထောင်မှူးချစ်မောင်မှာ နံမည်ကြီးအာဏာပါးကွက်သားများ။ ပုံစံစောင်ပေါ်ကဗျာရေးမှုအတွက် တိုးကျော်လှိုင်ကို ကျန် ၅ (ည)များရှေ့တွင် ထောင်မှူးမောင်ပြုံးက နှိပ်ကွပ်ပြလိုက်၏။ ၅(ည)တွေ မကျေမချမ်းဖြစ်ကာ အခန်းများအတွင်းက အော်ဟစ်ဆန္ဒပြကြ၏။ မောင်ပြုံးကား မလျှော့။ မလျှော့သည့်အပြင် တိုးကျော်လှိုင်ကို စစ်ခွေးတိုက်သို့ပါ ပို့လိုက်သေး၏။ ပါးစပ်ကလည်း မင်းတို့ချစ်တဲ့တိုးကျော်လှိုင် အခုတော့ ဘာဖြစ်သွားပြီလဲဟုဆိုကာ မထေမဲ့မြင်ဆိုသေး၏။ တိုးကျော်လှိုင်က (ထိုအချိန်က)လူချစ်လူခင်များသူဆိုတော့ မောင်ပြုံးအပေါ် ၅(ည)တို့ အမျက် နှစ်ထပ်ကွမ်းသင့်၏။ သင့်လည်း သင့်ထိုက်သည်မြင်၏။

ကျနော်ရောက်တော့ တခန်းတည်းအတူနေ ကိုတင်ဆန်း(ရကသ) က ထိုအကြောင်းပြောပြရင်း မျက်ရည်လည်သည်ကိုလည်းကောင်း၊ ကိုအောင်လွင်(မင်းသား၊ ဒါရိုက်တာ)မျက်နှာပေါ်တွင် ကြိတ်မနိုင်ခဲမရ အမျက်ရိပ်တို့ ဖျတ်ဖျတ်ထနေသည်ကိုလည်းကောင်း၊ စစ်ကိုင်းတင်ဝင်းနှုတ်မှ ဒီကောင့်ကို တခုခုတော့ပြန်လုပ်မှဖြစ်မယ်ဟု အံကြိတ်ပြောသံကိုလည်းကောင်း ယခုတိုင်မှတ်မိနေသေး၏။ ကျနော်ကိုယ်တိုင်မတွေ့လိုက်ရလည်း လက်သဲဆိတ်တော့လက်ထိပ်နာ၏။ သို့နှင့် ထောင်မှူးမောင်ပြုံးအား တနည်းနည်းဖြင့်တုန့်ပြန်ရေးအတွက် အများနှင့်အတူတွေးမိ၏။

ထိုစဉ်က (၁)တိုက်တွင် ဦးရဲထွန်းအမှုတွဲ ဒါဝတ်ဂျင်းဝါးလား (ဒါဝတ်ဂျမားဟုလည်း တချို့ကဆိုသည်)ဟုခေါ်သည့် စူရတီမွတ်ဆလင်မ် အဖိုးကြီးတဦးရှိနေ၏။ ကျန်းမာရေးသိတ်မကောင်းလှ။ ဆေးဝါးအစုံ မှီဝဲနေရသူဖြစ်၏။ သူက စီးပွားရေးသမားမှန်သော်လည်း နိုင်ငံရေးနှင့်နွယ်ပြီး ရောက်လာသူ။ သူနှင့်တခန်းတည်းတွင် နိုင်ငံရေး ၅(ည) ၃ ဦးလည်း အတူနေရ၏။( ခု အင်န်အယ်လ်ဒီအမတ် ဝင်လုပ်နေသည် ကိုပြုံးချို၊ ခုနိုင်ကျဉ်းအရေးလုပ်နေသူကိုထွန်းကြည်တို့နှင့် တခန်းတည်းဟုထင်၏။ (အမည်များမမှတ်မိတော့ပါ၊ မှတ်မိသူများရှိပါက ဖော်ပေးပါရန်)။ ဦးဒါဝတ်လည်း အခြား ၅(ည)များနည်းတူ ထောင်ဝင်စာမရှိ။ တပတ်တကြိမ် အိမ်မှလာပေးသည့် ပါဆယ်လ်သာရနေ၏။ သို့သော် ထောင်မှူးမောင်ပြုံးနှင့်ချစ်မောင်က သူ့အိမ်သို့အဝင်အထွက်လုပ်ကာ သူလိုသမျှ ဒိုင်ခံသွင်းပေးထားသဖြင့် ဆေးဝါး၊ အစားအသောက်တင်မက ဖတ်စရာစာအုပ်တွေပါရှိနေ၏။ သူအဆင်ပြေနေ၊ စားနေ၊ ဖတ်နေရသည့်အတွက် ကျနော်တို့တွင် မကျေမနပ်ဖြစ်စရာအကြောင်းလည်း မရှိ။ သူ့အပေါ်လည်း အားလုံးက စာနာနားလည်ကြ၏။ သူကလည်း ဘယ်သူ့ကိုမှ ဒုက္ခမပေးသည့်အပြင် ကူညီပါ ကူညီသေး၏။ ပထမသော် ထောင်မှူးမောင်ပြုံး၏ခွဲခြားဆက်ဆံမှုနှင့် လာဘ်ပေးလာဘ်ယူမှုကိုဖွင့်ချပြီးမှ တိုက်ရမည်ဆိုလျှင် သူပါ မောင်ပြုံးနှင့် အမှုတွဲသွားနိုင်သဖြင့် ဘာမှမလုပ်ပဲနေနေကြ၏။

သို့သော် ယခုကား အခြေအနေပြောင်းသွားပြီ။ မောင်ပြုံးအပေါ်အမျက်က ကြီးသထက်ကြီးသွားပြီ။ သူ့ဖိနှိပ်မှုကလည်း အမြင့်ဆုံးစော်ကားမှုသို့ ရောက်သွားပြီ။ နောက်ဆုံးတော့ ဒါဝတ်ဂျင်းဝါးလားကြီးကိစ္စကို တည်ပြီး တိုက်မှရတော့မည်။ ဟိုလူကြီးပါ ထိသွားနိုင်သည်။ မတတ်နိုင်။ လုပ်တာကတော့လုပ်ရတော့မည်။ အားလုံးအကျိုးစီးပွားအတွက်ဆိုတာကိုသာ မျက်နှာမူရတော့မည်။ ရွေးစရာ အခြားနည်းလမ်းကမရှိ။ ဆိုတော့ စစ်ထောက်လှမ်းရေးကိုပြောရတော့မည်။ ထောင်အာဏာပိုင်ကိုတိုက်ဖို့ သူတို့နှင့်ပူးရမည်။ နိုင်ငံရေးမသတီစိတ်ဖြစ်သော်လည်း အခြားမရှိ။

ထောင်အာဏာပိုင်ကိုတိုက်ဖို့ ထောက်လှမ်းရေးနှင့် ပူးရမည်ဆိုသည့်အမြင်ကို လက်ခံဖို့ခက်သော်လည်း လောလောဆယ်မှာ သည်လမ်းပဲရှိ၏။ ထောင်အာဏာပိုင်ဆိုသည်က စစ်ထောက်လှမ်းရေးခိုင်းသည့်အတိုင်းလုပ်ရသူများ။ သူကြီးခိုင်း၍ ဆယ်အိမ်ခေါင်းက ရွာသားကိုရိုက်၏။ မခံနိုင်သည့်အဆုံး ရွာသားက သူကြီးကိုတိုင်၏။ အဖြေက ရှင်းနေသည်။ သူကြီးက ဆယ်အိမ်ခေါင်းကို ကာနိုင်သမျှကာမည်။ ဖေးမမည်။ မကာနိုင်၊ ဖေးလို့ပင်မရနိုင်တော့လျှင် ဆယ်အိမ်ခေါင်းကိုထိုးကျွေးပြီး သူတော့ အလွတ်ရုန်းမည်။ ဒါက ဥပဒေမဲ့သူတို့ လုပ်နေကြ။ ကျနော်တို့က သူကြီးကိုတိုက်ရင်း ထောင်ထဲရောက်လာတာမှန်သော်လည်း လက်ရှိအနေအထားက သူကြီးကိုမဖြုတ်နိုင်သေး။ ဆိုတော့ ဆယ်အိမ်ခေါင်းကိုလှန်ရင်း သူကြီးကို နှံရတော့မည်။ လောလောဆယ်မှာ ဆယ်အိမ်ခေါင်းတုတ်စာဝေးလျှင်ပဲ တော်လှပြီဟုတွေး၏။

နည်းလမ်းတော့ ရပြီ။ ဘယ်သူတွေလုပ်ကြမလဲဆိုသည့်အမေး ထပ်ထွက်လာ၏။ လက်သဲကြားအပ်စိုက်ပြီးရွေးရမည့် အနေအထားလည်း မဟုတ်။ ကျနော်လုပ်မယ်ဟု ဦးနေမင်းနှင့်တိုင်ပင်ဖြစ်၏။ လက်ပေါ်သွားလျှင် နည်းနည်းနာနိုင်သည်ကို ၂ ယောက်စလုံးတွက်ထားကြ၏။ တချို့ကိုသာ အသိပေးထားသော်လည်း အများစုကိုတော့လုံးဝအသိမပေး။

သို့နှင့် ဦးနေမင်းက စစ်ထောက်လှမ်းရေးနှင့်တွေ့ချင်သည်ဟု တောင်းဆိုလိုက်၏။ တွေ့တော့ သူက အခြေအနေအချို့ကို အရိပ်အမြွက်ပြောပြီး မျိုးမြင့်က ထောက်လှမ်းရေးကိုပြောစရာရှိနေဆိုကာ တည်ပေးလိုက်၏။ နောက်တော့ ကျနော့်ကို စစ်ထောက်လှမ်းရေးကခေါ်၏။ ကျနော်က (၁)တိုက်တွင်းမှ ထောင်မှူးမောင်ပြုံးနှင့်ချစ်မောင်တို့အကြောင်း သိထားသမျှအချက်အလက်တွေ အကုန်ဖွင့်ချလိုက်၏။ “ကျုပ်တို့ နိုင်ငံရေးသမားတွေကို ထောင်ကနှိပ်စက်နေတာတွေအတွက် အရေးယူပေးဖို့လာပြောတာ မဟုတ်၊ ၅(ည)ချင်းအတူတူ ခွဲခြားဆက်ဆံတာနဲ့ လာဘ်ပေးလာဘ်ယူမှုတွေကြောင့် ရေရှည်မှာထောင်အုပ်ချုပ်ရေးမှာ ပြဿနာပေါ်လာနိုင်စရာရှိလို့”ဟု အတိအလင်းပြောပြလိုက်၏။ ဒီတော့ စစ်ထောက်လှမ်းရေးက “ပြောသလိုမဟုတ်ရင် မင်းလည်းအရေးယူခံရမယ်”ဟုခြိမ်းခြောက်၏။ မမှန်သတင်းပေးမိလျှင် အရေးယူခံမည့် အကြောင်း ခံဝန်လက်မှတ်လည်းထိုးခိုင်း၏။ ချက်ခြင်းထိုးပေးလိုက်၏။

နောက်တနေ့မနက်မှာ စစ်ထောက်လှမ်းရေးနှင့် ထောင်အာဏာပိုင်တချို့ တိုက်ထဲပေါက်ချလာပြီး ဦးဒါဝတ်အခန်းကို တလာစီတော့၏။ ဒီတော့မှ ထောင်မှူးမောင်ပြုံးနှင့်ချစ်မောင်တို့ လိုင်းဝင်ပြီးသွင်းပေးသည့်ပစ္စည်းတွေ တပုံတခေါင်းကြီးထွက်လာ၏။ ရှောင်တခင်နှင့်အများရှေ့မို့  ဘာတခုမှ လက်စဖျောက်ချိန်မရတော့။ ကိစ္စကတော့ပြတ်ပြီ။ သို့သော် နောက်ဆက်တွဲကား ကျန်နေသေး၏။

ဘယ်သူ့လက်ချက်ဆိုတာ သူတို့ရိပ်မိသွား၏။ ကျနော်တို့ထဲက တယောက်ကလည်း ရလာဒ်အပီအပြင်ထွက်မလာသေး နှစ်ထောင်းစိတ်ဖြင့် နိုင်ငံရေးသမားကိုထိရင် ခုလိုခံရမယ်ဆိုကာ အနည်းငယ်ဝင့်ဝါလိုက်၏။ ဤတွင် နောက်နေ့မနက် ကျနော်တို့အခန်းသို့ ထောင်မှူးမောင်ပြုံး ရောက်ချလာက အကျဉ်းထောင်လက်စွဲဥပဒေအရခွင့်ပြုလို့မရဟုဆိုကာ ကျနော့်ဂျိုင်းထောက်တွေသိမ်းသွားတော့၏။ ကျနော်လည်း အခန်းတွင်း အပေါ့အလေးသွားသည့်အခါ ဖင်ရွှေ့ဖင်ရွှေ့ဖြင့်သွားရသလို အခန်းပြင်ထွက်ရေချိုးရသည့်အခါလည်း ကိုအောင်လွင်၊ စစ်ကိုင်းတင်ဝင်းနှင့် ကိုတင်ဆန်းတို့က ကျနော့်လူဂျိုင်းထောက်ဘဝ ရောက်ကြတော့၏။ ရေချိုးဖွင့်ချိန် ၄၅ မိနစ် သူများတွေ လမ်းလျှောက်ချိန်မှာ ကျနော်က သစ်သားကွပ်ပြစ်ကလေးပေါ်က ထိုင်ငေးနေရ၏။ ဦးနေမင်းအပါအဝင်အားလုံး စိတ်မကောင်းကြ။ ကျနော်လည်း မသက်သာလှ။

ဒီလိုနှင့် ၅ ပတ်လောက်အကြာမှာ မောင်ပြုံးနှင့်ချစ်မောင်ပြုတ်သွား၏။ ကျနော်လည်း ဂျိုင်းထောက်တွေပြန်ရ၏။ ထိုတော့မှ သက်ပြင်းလည်း ရဲရဲချနိုင်တော့၏။ ဦးနေမင်း၏ ‘အဲဒါပဲ ကိုမျိုးမြင့်၊ ခံနေလို့ကတော့ ခံနေရမှာပဲ၊ နာလည်း နာနာကွာဆိုတဲ့စိတ်နဲ့ပြန်ချတော့လည်း ထိသင့် သလောက်တော့ ထိတာပါပဲဗျ’ ဆိုကာ ရေချိုးအဆင်းမှာ လက်မထောင်ပြသည်ကို ခုတိုင် ပြန်အမှတ်ရမိ၏။

အခု သူပြန်လွတ်လာပြန်ပြီ။ ခြင်းထဲကကြက်တကောင် ခြံထဲထွက်လာသလို ထွက်လာပြန်ပြီ။ ဘယ်အချိန် ခြင်းထဲပြန်ရောက်မည် မပြောတတ်။ ကျနော်တောင်းသဖြင့် သူလွတ်တာမဟုတ်သော်လည်း သူလွတ်ရေးအတွက် ကျနော့်လက်ဖဝါးပေါ်တွင် သူ့အမည်ကို ကမ္ဗည်းတင်ကာတောင်းခဲ့ဖူးသည်ကိုကား သူသိစေချင်ပါ၏။ သူသိလျှင် ကျနော့်ကိုလည်း ပြန်အမှတ်တရရှိလိမ့်ကိုလည်း ယုံနေမိ၏။ ကျနော်ကား သူ့ကို အမှတ်တရရှိနေဆဲ။ (မျိုးမြင့်ချိ) မေလ၊ ၂ဝ၁၁

read more

‘ဒေါ်စုကိုမြှောက်၊ ဒေါ်စုနဲ့ခြောက်၊ ဒေါ်စုနဲ့ထိန်း’ ဗျူဟာသစ်(အရေးတော်ပုံဂျာနယ်မှ)

‘ဒေါ်စုကိုမြှောက်၊ ဒေါ်စုနဲ့ ခြောက်၊ ဒေါ်စုနဲ့ထိန်း’ ဗျူဟာသစ်
သတင်းနဲ့မှတ်ချက်
စစ်အုပ်စုက ဒီချုပ် ရွေးကောက်ပွဲနိုင်ကတည်းက နည်းမျိုးစုံသုံးပြီး ဒီချုပ်ကို လုံးပါးပါးအောင်လုပ်သလို တပြိုင်တည်းမှာ လူထုကို ငြိမ်ဆေးကျွေးတဲ့အလုပ် လုပ်ပါတယ်။ ဒီချုပ်လုံးပါးပါးလာနိုင်တဲ့ အခြေအနေတွေထဲမှာ လွှတ်တော်တွင်းအခြေအနေက အတော်ဆိုးတယ်လို့ ပြောရမှာပါ။ 

ဒီချုပ်အမတ်တွေထဲမှာ အရေခြုံ၊ အသွင်ပြောင်း၊ သာကူး၊ အချောင်သမားတချို့ကလွဲရင် ပြည်သူနဲ့အတူ တသားတည်းရပ်လိုသူတွေ ရှိပါတယ်။ အဲဒီလို ပြည်သူ့ဘက်သား လွှတ်တော်အမတ်တွေရဲ့ စစ်အုပ်စု၊ စစ်အာဏာရှင်စနစ်နဲ့ပတ်သက်လို့ ပြတ်ပြတ်သားသား ဆွေးနွေးတင်ပြတာတွေကို ပယ်ချတာ၊ ဖျက်သိမ်းတာ၊ ချောင်ထိုးတာတွေ မကြာခဏ တွေ့လာရတယ်။ 

တခြားတိုင်းရင်းသားပါတီတွေက စစ်အုပ်စု ငြိုငြင်မယ့် အသုံးအနှုန်းမျိုးသုံးမိလို့ ကန့်ကွက်ခံရရင်လည်း စစ်တပ်ဘက်ကိုရပ်ပြီး စစ်တပ်အကြိုက် ဖြေရှင်းတယ်။ “အခုလည်း မြေယာအဆိုတခုကို လွှတ်တော်တွင် ယမန်နေ့က ဆွေးနွေးစဉ် ရခိုင်ပြည်နယ်ကိုယ်စားလှယ်တဦးက သုံးစွဲခဲ့သည့် ‘အာဏာရှင်’ စကားရပ်ကို ပယ်ဖျက်ပေးရန် တပ်မတော်သားလွှတ်တော်ကိုယ်စားလှယ် ဒုတိယဗိုလ်မှူးကြီးအောင်ထွန်းလင်းက ကန့် ကွက်လာပါတယ်။ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းက ကန့်ကွက်ချက်နှင့်ပတ်သက်၍ ပြန်လည်စိစစ်ပြီး အဆိုနှင့်မသက်ဆိုင်လျှင် ပယ်ဖျက်ပေးမည်ဟု ဆိုပါတယ်။”

စစ်တပ်ကိုယ်စားလှယ်တွေ၊ ကြံ့ဖွံ့အမတ်တွေက ရလေလိုလေ အိုတစ္ဆေဖြစ်ပြီး ကန်းတက်လာတယ်။ စစ်အုပ်စုက ကိုယ်တိုင်ဖိနှိပ်ဖို့မလို အချက်ပြရုံနဲ့ ဒီချုပ်ခေါင်းဆောင်တွေက ကိုယ့်လူ ကိုယ် နာနာ ဖိထောင်းတဲ့အလုပ်ကို လုပ်လာတယ်။ ဒီချုပ်အမတ်တွေ ကြာရင်ဘာလုပ်ရမှန်းမသိ ဖြစ်လာမယ်။ စိတ်ကုန်လာမယ်၊ စိတ်ပျက်လာမယ်။ ကိုယ့်တပ်ကိုယ် ပြန်နင်းခံရလို့ တပ်ပျက်တဲ့အထိ ဖြစ်လာနိုင်ပါတယ်။

ဘာတွေကို အလျှော့ပေးမလဲ၊ ဘယ်ကိစ္စမှာတော့ မူပေါ်မှာ ကြံ့ကြံ့ခံမလဲရေရေရာရာမရှိဘဲ ရင်ကြားစေ့ရေး ဆိုင်းဘုတ်အောက်မှာ ဘာဖြစ်ဖြစ် စစ်အုပ်စုကို ငုံ့ခံလိုက်၊ အလျှော့ပေးလိုက်၊ အရှုံးပေးလိုက်ဆိုသလို ဖြစ်လာနေတယ်။ အသိုက်ထဲကနေ ကိုယ့်ဥကိုယ် ကန်ထုတ်တဲ့ ငှက်လို ဖြစ်လာတယ်။

ဒီချုပ်ခေါင်းဆောင်တွေက ရင်ကြားစေ့ချင်ပေမယ့် စစ်အုပ်စုက ပူးသတ်တဲ့အလုပ်ပဲ လုပ်နေတဲ့အခါ ဒီချုပ်ရဲ့အဖြစ်ဟာ လုံးပါးပါးလာဖို့ပဲ ရှိပါတယ်။

တချိန်တည်းမှာ ဒီချုပ်ထောက်ခံသူ အရေခြုံထားတဲ့ သူလျှိုဒလန်၊ သတင်းပေး၊ ထောက်လှမ်းရေးတွေ အပါအ၀င် စစ်အုပ်စုဘက်သားတွေက ‘ဒေါ်စုကိုမြှောက်၊ ဒေါ်စုနဲ့ခြောက်၊ ဒေါ်စုနဲ့ထိန်း’ ဆိုတဲ့ ဗျူဟာနဲ့ လူထုကို ခြေချုပ်၊ လက်ချုပ်လုပ်နေတာတွေ ရှိတယ်။

ဒီချုပ်လုံးပါးပါးအောင် နည်းမျိုးစုံနဲ့ ဝိုင်းကြံရင်း၊ ၀ိုင်းဖျင်ကြရင်း တိုင်းပြည်နဲ့လူထုအကျိုးအတွက် ဝေဖန်တည့်မတ်ပေးသူတွေကိုပါ နာနာနှက်ဖို့ လုပ်နေတာဖြစ်တယ်။ ရန်သူစစ်အုပ်စုရဲ့ ပရိယာယ်မာယာတွေကို ကောင်းကောင်းသတိပြုမိဖို့ လိုပါတယ်။

တိုင်းပြည်ရဲ့ အခြေအနေမှန်ကို ဖွင့်ချပြသူဆို သူတို့ သိပ်မုန်းပါတယ်။ တိုင်းပြည်ရဲ့ အခြေအနေမှန်တွေထဲမှာ ဒီချုပ်ရဲ့ပကတိအဖြစ်မှန်လည်း ပါပါတယ်။ ဒေါ်စုကိုမြှောက်တိုင်းလည်း လူကောင်းမထင်နဲ့။ ‘ဒေါ်စုနဲ့ခြောက်၊ ဒေါ်စုနဲ့ထိန်း’ လုပ်နေတာတွေကိုလည်း သတိပြုကြ။ စစ်အုပ်စု သွေးရူးသွေးတမ်းဖြစ်လာနေပြီလို့ သတိပေးလိုက်ပါတယ်။

read more

ခြင်းထဲကကြက်များ(အပြင်လူရဲ့ဘားမားရုဒ် အမှတ် ၃မျိုးမြင့်ချို

(၃)ခြင်းထဲကကြက်များ

တလောက လွတ်လပ်သောအာရှအသံ၏စီစဉ်ပေးမှုကြောင့် ဦးဝင်းတင်နှင့် ရေဒီယိုစကားပြောခန်းတခုတွင် ပြောခွင့်ရခဲ့၏။ ကိစ္စက နိုင်ငံရေးအကျဉ်းသားအစ်ရှူး။ မိတ်ဆက်ကြပြီးနောက် သူ့ဘက်မှပြောစရာများပြောပြသွားသလို ကျနော့်ဘက်ကလည်း တင်ပြစရာများ တင်ပြဆွေးနွေးဖြစ်ခဲ့၏။ ရသည့်အချိန်အတွင်း သူရောကျနော်ပါ ပြောလိုသလောက် ပြောချင်သလောက်ပြော၍ မဖြစ်နိုင်ခဲ့ကြ။

အချိန်အကန့် အသတ်အတွင်းမို့  သူ့ဘက်တွင်ပြောစရာများကျန်သေးသလို ကျနော့်ဘက်တွင်လည်း ဆွေးနွေးလိုသည်များ တို့လို့တန်းလန်း ဖြစ်ကျန်ခဲ့၏။ အားမလိုအားမရဖြစ်ကာ နောက်တကြိမ်ပြောခွင့်ကြုံရင်ဖြင့် ပြောဖြစ်အောင်ပြောမည်ဟု အားခဲပြီးနေလိုက်ရသော်လည်း ဘဝင်က မကျ။

အမေရိကန်ပြည်ထောင်စု ဝေါ်ရှင်တန်ဒီစီ (ဂျော့ခ်ျဝေါ်ရှင်တန်တက္ကသိုလ်တွင်) ဧပြီလ ၂ ရက်နှင့် ၃ ရက်နေ့များတွင် ကျင်းပခဲ့သည့် ယူအက်စ်ကင်ပိန်းဖေါ်ဘားမား၏ နှစ်ပတ်လည်ညီလာခံနှင့် ဗမာ့အရေးဆွေးနွေးပွဲသို့ တက်ရောက်ခွင့်ရခဲ့၏။ ဆွေးနွေးပွဲတွင် အမေရိကန် ဒုတိယလက်ထောက်နိုင်ငံခြားရေးဝန်ကြီး ဂျိုးဇက်ယွန်နှင့် သမတဘုရ်ှလက်ထက် အမျိုးသားလုံခြုံရေးကောင်စီမှ ဒေါက်တာမိုက်ကယ်လ်ဂရင်းတို့နှင့် တက်ရောက်သူများ အမေးအဖြေကဏ္ဍတခုလည်းပါ၏။ နောက်တကြိမ် ပြောခွင့်ကြုံသည်ဟုတွေးပြီး နိုင်ငံရေးအကျဉ်းသားအစ်ရှူး ပြောဖြစ်ခဲ့၏။ 

လှိုက်လှဲသည့်တုန့်ပြန်ချက်များအတွက်လည်း စိတ်တွင် နွေးနွေးထွေးထွေးခံစားရ၏။ နိုင်ငံရေးအကျဉ်းသားတွေ လွှတ်ပေးဟု တလျှောက်လုံးတောင်းဆိုလာခဲ့ကြ၏။ မလွတ်။ မလွတ်သဖြင့် အကျိုးမရှိ။ အကျိုးမရှိသဖြင့် အပိုအလုပ်။ အပိုအလုပ်သည် အလုပ်မဖြစ်ဆိုပြီးထားလိုက်မည်ဆိုလျှင် မဟုတ်သေး။

တောင်းရုံဖြင့်မလွတ်နိုင်ကိုသိသိနှင့် ဘာကြောင့်တောင်းဆိုနေရသနည်း။ ရှင်းပါသည်။ အနိုင်တိုက်ပြီး မိမိလက်ဖြင့် ထောင်တံခါးများ မဖွင့်နိုင်သေးသောကြောင့်။ ထောင်သော့ကိုင်ထားသူက ဖြစ်နိုင်လျှင်နိုင်ငံရေးသမားတွေ သူ့မျက်စေ့အောက်မှာ တဖြုတ်ဖြုတ် အသက်ပျောက်ကုန်တာ မြင်လို၏။ အသေထွက်ဖြင့် အနောက်ဗူးကသာ ထုတ်ပေးလို၏။ ကိုယ့်လက်နှင့်လည်း သော့မဖွင့်နိုင်၊ သူ့မျက်စေ့အောက် အသက်ပျောက်တာလည်း မခံချင်၊ အရှင်ထွက်ဖြင့် အရှေ့ဗူးက ထွက်လာစေချင်တော့ သော့ကိုင်ထားသူကို နားပူနားဆာလုပ်ရ၏။ အပေးအယူလုပ်ရ၏။ စကားပြောရ၏။ ဈေးဆစ် ရ၏။ ဤလျှော့အတင်းလုပ်ရ၏။ ဒါကိုပဲ နိုင်ငံရေးဝေါဟာရအရ တောင်းဆိုသည်ဖြစ်ရ၏။ လူမှုရေးတို့၊ လူသားချင်းစာနာမှုတို့ကြတော့ တမျိုး။ မေတ္တာရပ်ခံသည်တို့ စာနာထောက်ထားပါရန်တို့ဖြစ်မည်လား မပြောတတ်။ ကိုယ့်လက်ကိုယ့်ခြေမဖြစ်သေးသ၍ တောင်းဆိုခြင်းနှင့် မေတ္တာရပ်ခံခြင်းတို့ တလှည့်စီတော့ရှိနေရဦးမည်ထင်၏။

လွတ်လပ်ချင်လျှင် ရှိစုမဲ့စု တကိုယ်စာ လွတ်လပ်ခွင့်ကလေးကို အရင်းတည်ပြီးအရင်တိုက် ဆိုသည့်ဆိုရိုးစကား ရှိမရှိတော့ မသိ။ ဗမာပြည်တွင် တကိုယ်စာလွတ်လပ်ခွင့်ကလေး အရင်းတည်တိုက်ရင်း တဘဝလုံးချကျွေးသူများ၊ ယခင်၊ ယခုနှင့်နောင်တွင် ရှိခဲ့၊ ရှိနေ၊ ရှိနေရဦးမည်။ ထိုသူတို့အတွက် တိုက်သူကတိုက်နေသလို တောင်းသူကလည်းတောင်းပေးနေရဦးမည်။

နိုင်ငံရေးဆိုသည့်သဘောတွင် တောင်းပွဲရောတိုက်ပွဲပါအကျုံးဝင်၏။ သော့ကိုင်ဘက်ကလည်း မြက်မြက်ကလေးရလျှင် ဈေးစကားပြောချင်၏။ သူက နိုင်ငံရေးအကျဉ်းသားတွေကို ဓားစာခံလုပ်ပြီး အပေးအယူတိုင်းတွင် ဈေးဆစ်၏။ ၂ ဘက်စလုံးတွင် လည်း နိုင်ငံရေးအပြောင်းအလဲအတွက် ထိုသူတို့ မည်မျှအရေးပါကြောင်းကို သိမြင်ထား၏။ ဤတွင် နိုင်ငံရေးဈေးကွက်ပေါ် လာ၏။ ဖလှယ်ကုန်ကား ထိုသူတို့ဖြစ်လာပြန်၏။ ဤတွင် ဈေးစကားပြောရ၊ အပေးအယူတွေလုပ်ကြရ၊ ဈေးညှိတာတွေ လုပ်လာကြရတော့၏။

ရနိုင်သမျှထစ်ထားပြီး မတတ်သာ၍လွှတ်ရတော့မည့် အချိန်လေးအထိ အမြတ်ထုတ်တတ်သည့်သူတို့၏အကြောကို နောကြေလာသည့်အလျှောက် တောင်းသည့်နေရာတွင်လည်း လွှတ်ပေးပါဟု ရိုးရိုးပြောလို့မဖြစ်မှန်း သိမြင်ရန်လိုမည်ထင်၏။ လွှတ်ပေးဆိုသည့်ကြိယာပုဒ်တွင် ခြွင်းချက်မရှိဆိုသည့် ဝိသေသနထပ်ဖြည့်ရန်လို၏။ ထိုသို့ အစကတည်းက ဈေး“ဆိုင်” မထားလျှင် သူ့ဘက်က အဆုတ်အတက်သာ၏။
 

ထို့ကြောင့် တောင်းဆိုချက်သည် နိုင်ငံရေးအကျဉ်းသားများအား ခြွင်းချက်မရှိလွှတ်ပေးရေးဖြစ်ရလိမ့်မည်။

သူတို့လက်သူတို့ခြေ သူတို့လူတွေနှင့် အပိုင်တွက်ပြီး အနိုင်ပိုင်းခဲ့သည့် ၂ဝ၁ဝ ဇာတ်ထုတ်ကြီးတွင် ၂ဝဝ၈ ဖွဲ့စည်းပုံကို သစ္စာခံပါ့မည်ဟု ဒူးထောက်အောက်ကျို့ခဲ့သူတို့ပင်လျှင် နိုင်ငံတော်ပုန်ကန်ခဲ့လို့ဆိုကာ “ငါတို့ရုံနားမကပ်ရ”တွေ လုပ်ထား၏။ 

ဤတွင် ထပ်ပြောစရာပါပြန်၏။ လွှတ်ပေးရေးတောင်းဆိုချက်နှင့်တပါတည်း “လွတ်လာသည့်နိုင်ငံရေးအကျဉ်းသားဟောင်း များအား ဗမာ့နိုင်ငံရေးဖြစ်စဉ်၏အဆင့်တိုင်းတွင် ကန့်သတ်ချက်မရှိ ပါဝင်ခွင့်ရရှိရေး” ထပ်ဖြည့်ရမည်ဟုမြင်၏။

ချုပ်၍ဆိုသော် “နိုင်ငံရေးအကျဉ်းသားများအား ခြွင်းချက်မရှိလွှတ်ပေးရေး”နှင့် “လွတ်လာသည့် နိုင်ငံရေးအကျဉ်းသားဟောင်း များအား ဗမာ့နိုင်ငံရေးဖြစ်စဉ်၏ အဆင့်တိုင်းအဆင့်တိုင်းတွင် ကန့်သတ်ချက်မထားပဲပါဝင်ခွင့်ရရေး”သည် လက်ငင်း တောင်းဆိုချက်တွင် ဖြည့်စွက်ရန်လိုမည့် အချက်များဖြစ်ရပါမည်။

ဦးဝင်းတင်နှင့်ပြောဖြစ်ခဲ့စဉ်က မပြောဖြစ်ခဲ့သည်များကို ယူအက်စ်ကင်န်ပိန်းဖေါ်ဘားမားညီလာခံတွင် အမေရိကန် ဒုတိယလက်ထောက် နိုင်ငံခြားရေးဝန်ကြီးအား ပြောဖြစ်ခဲ့၏။
မျိုးမြင့်ချို ဧပြီ ၈၊ ၂ဝ၁၁

read more

လယ်ကြွက်နှင့်လယ်စာရင်းငှား(မျိုးမြင့်ချို

ကျနော်တခေါက် အိမ်ပြေးတော့ ဦးတာတီး ဒေါ်မြတင်တို့လယ်ပွဲမှာဖြစ်ပါသည်။ သူတို့လယ်ပွဲဆိုသော်လည်း သူတို့ပိုင်မဟုတ်ပါ။ သူတို့မှာ သူရင်းငှား(စရင်းငှား)များသာဖြစ်ပါသည်။
ငယ်သူငယ်ချင်းသိန်းစည် သူ့အကို ကိုဝင်းရွှေနှင့် သူတို့ညီမအငယ်ဆုံးလေး ပဲလှော်တို့ပါ လယ်ကုန်းတွင် လာနေကြပါသည်။ လယ်သိမ်းချိန် တလင်းသိမ်းချိန်အထိဖြစ်ပါသည်။

လယ်တဲနောက်တွင် ကန်လေးတကန်ရှိပါသည်။ ကန်ထဲတွင် ကနဖေါ့ ကညှို့ ကန်စွန်းရိုးနီ ကြာနီ ဥာဏ်ပင်နှင့် အခြားကျနော်မသိသော တို့စရာအပင်များရှိပါသည်။ ကွန်စိပ်လေးနှင့်တချက်လောက် အုပ်လိုက်လျင် ငါးပနော်လို ငါးဇင်ရိုင်းလို ငါးခူပေါက်လေးတွေလိုအပါအဝင် လည်ပုဇွန်လေးတွေ ပုဇွန်ဆိတ်လေးတွေလည်း တဟင်းခတ်ရတော့ပါသည်။

ညနေစောင်းပြီဆို ကိုဝင်းရွှေနှင့်ကျနော်သည် လည်ရှည်ဖိနပ်ကြီးတွေစီးကာ ကြွက်လည်ညှပ်တွေ တထမ်းကြီးထမ်းကာ မှဲ့ဝင်းနေသည့်စပါးခင်းတွေထဲ အသုတ်နှင်ကြပါသည်။ ကိုဝင်းရွှေက ကြွက်လမ်းကြောင်းတွေကြည့်ကြည့်ပြီး ညီလေး ဒီနေရာမှာ ဘိထောင်၊ ဒီနေရာမှာ လည်ညှပ်ထောင်ရတယ်ပြောကာ သူ့ဘာသာသူထောင်ပါသည်။ ကျနော်က မထောင်တတ်ပါ။ အကူသဘော လိုက်ဖြင်းဖြစ်ပါသည်။ ၄ နာရီလောက် ညှပ်တွေဘိတွေလိုက်ထောင်ရင်း နေညိုလာပါပြီ။ ကျနော်တို့ လည်ညှပ်တွေဘိတွေလည်း ကုန်ပါပြီ။

လယ်တဲကုန်းဆီပြန်လာကြသည့်အခါ ဒေါ်မြတင်က သွားကျိုးပါးကျိုးနှင့်ပြုံးပြီး လူလေး ပင်ပမ်းလာလားဟု ကျနော့်အားမေးပါသည်။ ထို့နောက် ငါးပိရည်တို့စရာ၊ လယ်ပုဇွန်ရင်ပုံသားပြုတ်တွေနှင့် ထမင်းပြင်ကာ တမိသားစုလုံးဝိုင်းထိုင်စားကြပါသည်။ တို့စရာကိုက်သည့်အသံမှာ အကျယ်ဆုံးဖြစ်ပါသည်။ ရေနွေးကြမ်းကလည်း ပါပါသေးသည်။ ကျနော်တော့ ထမင်းနှင့်ရေနွေးကြမ်း တွဲမသောက်တတ်သဖြင့် မသောက်ပါ။ တခါတလေ ငါးသနုတ်လေးတွေကို ငရုပ်သီးစိမ်းနှင့် အိုးကပ်လေးချက်ထားတတ်ပါသည်။

စားပြီနောက် ဦးတာတီး ကိုဝင်းရွှေတို့က တဲပြင်ထွက်ကာ ဂဠုန်ညီနောင်ဆေးလိပ် ကိုယ်စီဖွာကြချိန်တွင် ကျနော်နှင့်သိန်းစည်က ကန်စောင်းတွင်ထိုင်ရင်း အနော်ရထာကို ထိန်ပင်စောင့်နတ်က ကျွဲယောင်ဆောင်ပြီး ခတ်သည့်အကြောင်း၊ ပန်းဘဲမောင်တင့်တယ် တူတချက်ထုလျင် ဘယ်နှမိုင်ကကြားရကြောင်း၊ ကွင်းစောင့်နတ် ပုန်းမကျီနတ် စတာတွေပြောပါသည်။ ထိုအခါ ရှဥ့်မီးလေးနှင့် ပဲလှော်မက ကျနော်တို့နားထိုင်ရင်း ပါးစပ်လေးအဟောင်းသားဖြင့် နားထောင်ပါသည်။

ထိုအချိန်မှာ ဗျိုင်းတွေ အိပ်တန်းပြန်ချိန်ဖြစ်ပါသည်။ သိန်းစည်က စကားပြောနေရင်းတန်းလန်းမှ ထထပြီး ငါးခုံးမအသေလေးတွေထဲ ပေါ်တက်ထည့်ကာ သူဗျိုင်းထောင်ထားသည့်နေရာသို့ ထထကြည့်ပါသည်။ တခါတလေ တညနေထဲ ဗျိုင်း လေးငါးကောင်အထိရပါသည်။ ဗျိုင်းရလာလျင် ကန်စောင်းမှာတင် မောင်းချဓားလေးနှင့် ချက်ခြင်းရင်ခွဲ အူတွေအသဲတွေထုတ် အမွှေးဘာညာနှုတ်ပြီး ဒေါ်မြတင်ကို သွားပေးပါသည်။ ပိန်ညောင်ညောင်နိုင်သော်လည်း ဗျိုင်းသားမှာ စားလို့အလွန်ကောင်းပါသည်။ ပေါ်တက်နှင့်ထောင်သဖြင့် ဗျိုင်းတကိုယ်လုံးအဆိပ်မပြန့်ခင် ကလီစာတွေရှင်းထုတ်ရတာမှန်း အဲ့ဒီတုန်းက ကျနော်မသိပါ။

နောက်တော့ နေလည်းဝင် မိုးလည်းစုံးစုံးချုပ်ပါသည်။ ဦးတာတီး ဒေါ်မြတင်နှင့် ပဲလှော်မတို့က တဲအတွင်းက ၂ ပေလောက်မြင့်သည့် ဝါးကြမ်းခြင်းကွပ်ပျစ်ပေါ်အိပ်ကြပြီး ကျနော် သိန်းစည်နှင့် ကိုဝင်းရွှေက ကောက်ရိုးခင်းမြေအပြင်ပေါ်အိပ်ကြပါသည်။

ည ၁၂နာရီလောက်ကြတော့ ကိုဝင်းရွှေက ကျနော်နှင့်သိန်းစည်ကို အသာပုတ်နှိုးပြီး မီးအုပ်တွေ တောစီးဖိနပ်တွေနှင့် လယ်တွေထဲပြန်ထွက်ကြပါသည်။ ထိုအချိန်တွင် ချမ်းနေပါပြီ။ ရာသီလည်း အေးနေပါသည်။ ကျနော်တို့ ညနေကထောင်ခဲ့သည့်ဘိတွေ ချခဲ့သည့်လည်ညှပ်တွေကို လိုက်ဖြုတ်ကြပါသည်။ ဘိပိပြားနေသည့် လယ်ကြွက်ကြီးများရပါသည်။ တချို့ဘိများလည်း ဘာမှ ပိမနေပါ။ လည်ညှပ်ထိနေသည့်လည်ကြွက်ကြီးတွေရှိသလို ဘာမှမညှပ်မိသည်များလည်း ရှိပါသည်။ လိုက်ဖြုတ်ရင်း ပြန်သိမ်းရင်းနှင့် မနက်၎နာရီလောက်တွင် လယ်ကုန်းဆီပြန်ရောက်ပါသည်။

ထိုအချိန်တွင် ဒေါ်မြတင် နိုးနေပါပြီ။ ရေနွေးကြမ်းနှင့် ထမင်းလှော်လည်းလုပ်ထားပါသည်။ ငါးပိရည်လည်း အသင့်ဖြစ်နေပါသည်။ ကိုဝင်းရွှေက ရလာသည့်လယ်ကြွက်ကြီးတွေကို သူ့အားပေးပြီး ထမင်းလှော်စားကြပါသည်။ ကျနော်တို့ ထမင်းလှော်စားနေချိန်ရော စားပြီးနောက်ပြန်အိပ်ချိန်ရောအထိရော မိုးလင်းသည့်အထိ ကြွက်မီးမြှိုက် ကြွက်ကြပ်တိုက် ကြွက်ခေါင်းဖြတ် ကြွက်အရေခွာတွေလုပ်ပါသည်။

မနက် ၉ နာရီလောက်ရှိတော့ ဂျလောင်တခုထဲ ခေါင်းမပါသည့်ကြွက်ကြပ်တိုက်တွေကို သိန်းစည်က သယ်ပြီး ထောက်ကြန့်ဈေးထဲသွားရောင်းပါသည်။ တကောင်ကို ၂ ကျပ် ရပါသည်။ အပြန်တွင် ဒေါ်မြတင်မှာသည့် ငရုပ်သီးမှုန့် အချိုမှုန့် ငါးခြောက် ကုလားပဲစတာတွေဝယ်ပြီး ပိုငွေလေးကျစ်ကျစ်ဆုပ်ကာ လှည်းကူးထောက်ကြန့်ကားစီးပြီး ဘားလားချောင်းမှာဆင်း လယ်ကုန်းအထိပြန်လျှောက်လာပါသည်။

မနက်စာသည် နေ့တိုင်းလိုလို ကြွက်ခေါင်းဟင်းဖြစ်ပါသည်။ မနက်ကဖြတ်ထားခဲ့သည့်ကြွက်ခေါင်းများအား ငရုပ်သီးရှစ်စိတ်ကွဲလေးနှင့် အိုးကပ်လေးချက်ထားပါသည်။ အရည်သောက်မှာ လယ်ပုဇွန်ခပ်သည့် ကန်စွန်းနီချဉ်ရေဟင်းဖြစ်ပါသည်။ ငါးပိရည်ကျို တို့စရာလည်းစုံပါသည်။

ကျနော် စ စားကာစက အတော် ဒုက္ခရောက်ရပါသည်။ ကြွက်ခေါင်းတွေသည် သွားအပြူးသားကြီးတွေနှင့် သံပန်းကန်ပြားထဲက ကျနော့်ကိုကြည့်နေကြပါသည်။ သူတို့သွားကြီးတွေအရောင်လည်း ညိုတိုတိုကြီးတွေ ဖြစ်ပါသည်။ ချက်ပြုတ်လိုက်သဖြင့် မျက်နှာကြွက်သားတွေပုံပြောင်းကာ အပြင်သို့ခေါထွက်နေသည်မှာ ကြောက်စရာကြီးတွေလို ဖြစ်ပါသည်။ နားရွက်တွေကလည်း ထိုးထိုးထောင်ထောင်နှင့်နေပါသည်။ ဘယ်နေရာကနေ ဘယ်လိုစစားဖို့မပြောနှင့် သံပန်းကန်ထဲကကြွက်ခေါင်းပြူးတူးပြဲတဲတွေကြည့်ရင်း ကျနော်လန့်နေပါသည်။

ဤတွင် ဦးတာတီးက လူလေး ဒီမှာကြည့် အဘပြမယ်ဆိုကာ ကြွက်ခေါင်းချက်ကို ဘယ်လိုကိုင်ရ ဘယ်လိုကိုက်ရ ဘယ်လိုစုပ်ရကိုပြပါသည်။ ကျနော်လည်း သူပြောသည့်အတိုင်း လိုက်လုပ်စားတော့ သုံးလေးခုလောက်အပြီးမှာ အဆင်ပြေသွားပါသည်။ နောက်ဆို ကြွက်ခေါင်းဟင်းစားရ ကြွက်ခေါင်းကိုက်ရ သည်မှာ ဘာအခက်အခဲမှမရှိတော့ပါ။ လယ်ကြွက်ကြီးတွေမှာ အကောင်ကြီးပြီး ဆူဖြိုးသလောက် ဦးနှောက်သေးပါသည်။ ထို ဦးနှောက်သေးသေးလေးမှာ စားလို့အလွန်ကောင်းပါသည်။

လယ်ကြွက်ထောင်ရောင်းသည့် ဦးတာတီးတို့ ဒေါ်မြတင်တို့ ကိုဝင်းရွှေတို့ သိန်းစည်တို့ ပဲလှော်တို့ကား သေသာသွားရော လယ်ကြွက်တကောင်လုံးအသား စားဖူးသည်ဟုကျနော်မထင်ပါ။ ကျနော်ကတော့ ခု လယ်ကြွက်ခေါင်းစုပ်ချင်နေပါသည်။

read more

မေမှဆိတ်ဖလူးနံ့ရီဝေရာသို့(တာရာလင်းယုန်)

မေမှဆိတ်ဖလူးနံ့ရီဝေရာသို့
မေ
ရုပ်ပုံလွှာ
ဒဂုန်တာရာ၏ဒဂုန်တာရာ
သာမာန်လူတယောက်အတွက်ဆိုလျှင် ဤသုံးအုပ်ထဲမှ တအုပ်လောက်ရေးမိလျှင်ပင် တသက်လုံး ဂုဏ်ယူမဆုံး ဖြစ်နိုင်လောက်သည်။ သို့သော် ဆရာဒဂုန်တာရာရေးခဲ့သည်က တအုပ်ထဲမဟုတ်။ သုံးအုပ်၊ သုံးအုပ်ထဲမဟုတ်- လူ အမြောက်အမြားအနေဖြင့် ခေတ်သစ်ကဗျာများအတွက် စံပြုကြရသည့် ‘မတ်လာတော်လှန်ရေး’၊ ‘ပိတောက်ပန်း’၊ ‘တဟီတီ သွားရအောင်’ စသည့်ကဗျာများ။ နောက်ပြီး ကိုးကားပြီးရင်း ကိုးကားနေကြရသည့် ဗညားသီဟ၊ စာပေသဘောတရားဆောင်းပါးများ၊ နောက်ပြီး တာရာမဂ္ဂဇင်း၊ သမိုင်းတခေတ်ထူသည့်တာရာ၊ သမိုင်းတွင်သည့်တာရာ။
 
ဒဂုန်တာရာ၏ဒဂုန်တာရာကိုဖတ်ရသောအခါ၊ တနည်းဒဂုန်တာရာကိုယ်တိုင်ဝန်ခံထားသော သူဏ္ဍပင်ကိုယ်စရိုက်များကို ဖတ်ကြည့်သောအခါတွင် သူသည်စာပေအနုပညာတွင် ပျော်မွေ့လိုသော။ အေးချမ်းတည်ငြိမ်မှုကိုလိုလားသော၊ အမှန်တရားကိုလိုလားသော သာမန်လူတဦးမျှသာ ဖြစ်ကြောင်းတွေ့ရပေသည်၊ သို့သော်ထူးခြားသည်က သူလူဖြစ်လာသောကာလ၊ ပတ်ဝန်းကျင်နှင့် သူမိတ်ဆွေဖွဲ့ရသူများဖြစ်သည်။
 
သူသည် ဗမာပြည် သူ့ကျွန်ဘ၀တွင်လူဖြစ်လာရသည်။ ထို့ပြင် ဗမာပြည်တွင်ဗြိတိသျှကိုလိုနီစနစ်ကို တွန်းလှန်မှုတွေ အရှိန်ရလာသောကာလတွင် တက္ကသိုလ်သို့ရောက်ရှိလာသည်။ ထိုတက္ကသိုလ်သည် ထိုအခါက ထိုတိုက်ပွဲများ၏ ဗဟိုချက်မလိုလည်း ဖြစ်နေပြန်သည်။ ထို့ကြောင့် သူသည် ကိုအောင်ဆန်း၊ ကိုဗဟိန်း၊ ကိုနု စသည့် ထိုပုဂ္ဂိုလ်ကလေးများနှင့်လည်း အပေါင်းအသင်းဖြစ်သွားခဲ့သည်။
တဖန် သူ့အသိဉာဏ်ရင့်ကျက်လာချိန်နှင့် ဒုတိယကမ္ဘာစစ်ကြီးဖြစ်ပွားသည်နှင့် တိုက်ဆိုင်နေပြန်သည်။ ထိုအခါ အထက်တွင်ပြောခဲ့သော သူ့အပေါင်းအသင်းများသည် အင်္ဂလိပ်အခက်-တို့အချက်ဆိုပြီး လွတ်လပ်ရေးအတွက် လုံးပမ်းကြသည်။ သူ့အပါး။ သူ့မျက်စေ့အောက်မှာပင် ထိုသူများမနားမနေ အလုပ်များအလုပ်လုပ်နေကြသည်၊ တခါတွင် သူ့အား သခင်ဗဟိန်းက တရုတ်ကွန်မြူနစ်များနှင့် ဆက်သွယ်ရန် ရှမ်းပြည်နယ်မြောက်ပိုင်းသို့ ခရီးထွက်ရာတွင် အဖော်အဖြစ်ခေါ်ဆောင်သွားခဲ့သည်။၊ သူသည်ရှမ်းပြည်အလှကို ငေးမောရင်း လိုက်ပါသွားခဲ့သည်၊ ထိုအခေါက်တွင် သူတို့သည် တရုတ်ကွန်မြူနစ်များကို့တော့ မတွေ့ခဲ့ရ၊ ရှမ်းပဒေသရာဇ်တို့၏မတရားမှုကိုသာ တွေ့ခဲ့ရလေသည်။
 
ဂျပန်ခေတ်ရောက်ပြန်တော့လည်း သူ့ကိုသခင်အောင်ဆန်း၊ သခင်သန်းထွန်းစသူတို့က ဂိုလ်ဒင်ဗယ်လီ -ရွှေတောင်ကြားလမ်းတွင် သူ့အားစန္ဒရားတီးစေသလို နိုင်ငံရေးတာဝန်လည်းပေးခဲ့ကြပြန်သည်။ သူမငြင်းသာ။ သို့သော် လက်နက်ကိုင်ပြီး ဂျပန်တော်လှန်ခြင်းကို သူ မလုပ်တတ်၊ သူ့အလုပ်မဟုတ်။ သူနှင့်လက်နက်မှာ ဘုန်းကြီးနှင့်ဘီးဖြစ်၏။ ထို့ကြောင့် သူသည် မြေအောက်လုပ်ငန်းများတွင် ပါဝင်ခဲ့လေသည်၊
 
ဒုတိယကမ္ဘာစစ်ပြီးလို့ ဗမာနိုင်ငံသားတွေ လုံးဝလွတ်လပ်ရေးအတွက် တိုက်ပွဲဝင်ကြသောအခါတွင် ဆရာဒဂုန်တာရာသည် မာက်စ်ဝါဒကို အတော်လေ့လာမိပြီးဖြစ်နေသည်၊ ထို့ပြင် ထိုစဉ်က မာ့က်စ်ဝါဒီများနှင့်လည်း လည်ပင်းချင်းဖက်နေပြီဖြစ်သည်။ သို့ဖြင့် သူသည်သူသန်ရာစာပေနယ်တွင် တခေတ်ထူတော့သည်။ စာပေသစ်ခေတ်။ သူ့ တာရာမဂ္ဂဇင်းသည် နောင်ဆယ်စုနှစ်ပေါင်းများစွာ ဆက်လက်ထွန်းတောက် အလင်းရောင်ပေးနေခဲ့သည်၊ ထုတ်ပြီးနောက် နှစ်ပေါင်း ၃-၄ဆယ်ကျော်သော အခါတွင် စာပေ၀ါသနာပါသူများက တာရာမဂ္ဂဇင်းအဟောင်းများကို ဈေးကြီးပေးကာ တခုတ်တရ ၀ယ်ယူစုဆောင်းနေကြသည်။
 
သို့သော် သူ့စာပေခရီးသည် ပန်းခင်းသောလမ်းမဟုတ်ချေ။ စကတည်းက ဘက်စုံမှတိုက်ခိုက်ခြင်းကို ခံခဲ့ရသည်။ အစိုးရအားကိုးဖြင့်တိုက်သူ၊ အဖွဲ့အစည်းအားကိုးဖြင့်တိုက်သူ၊ သံရုံးအားကိုးဖြင့်တိုက်သူ၊ တိုက်သူတွေကတကယ့်ကို စုံမှစုံ ဖြစ်သည်။ တလောက စာရေးဆရာနီကိုရဲက ဆရာ့ကိုတိုက်သည်ကို မြင်ရသောအခါ ရယ်ချင်မိသည်။ ဆရာ့အဖို့ တိုက်ခိုက်ခံရခြင်းဆိုသည်မှာ အဆန်းမဟုတ်။ နောက်ပြီး ဆရာ့ကို တချိန်ကတိုက်ခိုက်ခဲ့သူများမှာ နီကိုရဲလို သာမညောင်ည ကလောင်ရှင်များမဟုတ်။ ထိုစဉ်က ဗမာပြည်စာပေလောက၏ ထိပ်တန်းရောက်နေသူများပါဝင်သည်၊ (နာမည်တွေမဖော်တော့ပါ) သို့သော် ဆရာက ထိုသူများနှင့် အခြေအတင်ငြင်းခုံနေမှုတွင် အချိန်ဖြုန်းတီးတာမလုပ်၊ သူလုပ်စရာရှိသည်ကိုသာ လုပ်သည်။
 
ထို့ပြင် ဆရာသည် “စာပေနှင့်နိုင်ငံရေးမရောယှက်သင့်”ဟူသော ပြောဆိုတိုက်ခိုက်မှုများ အကြားကပင် ကမ္ဘာ့ငြိမ်းချမ်းရေး၊ ပြည်တွင်းငြိမ်းချမ်းရေးလှုပ်ရှားမှုများတွင် တက်ကြွစွာပါဝင်ခဲ့သည်၊ ဆရာကြီး သခင်ကိုယ်တော်မှိုင်းအပါးမှာ မားမားရပ်ခဲ့သည်။ ဗိုလ်ချုပ်ကျော်ဇော၊ ဗန်းမော်တင်အောင်၊ ဒေါက်တာဆင်ဖိုး၊ ၀တ်လုံဦးထွန်းတင်စသူတို့နှင့်အတူ ဗောဓိပင်ရုပ်ပုံပါအလံအောက်တွင် လှုပ်ရှား တိုက်ပွဲဝင်ခဲ့သည်၊ ထိုစဉ်ကခေတ်စားခဲ့သော ကိုမြတ်လေး၏သီချင်းတပုဒ်ထဲကလိုပင် သူသည် ‘ငြိမ်းချမ်းရေးအတွက် အေးလျက်မနေသာပြီ’ဖြစ်ခဲ့သည်။
 
စာရေးဆရာအသင်း။ စာပေသမဂ္ဂစတာတွေမှာလည်း သူဟာသူ ယုံကြည်ရာအမှန်တရားဖက်က မတုန်မလှုပ် ရပ်တည်သူဟု နာမည်ရခဲ့သည်။ သူ့ကိုစာပေသဘောတရားအရ၊ နိုင်ငံရေးအရတိုက်ခိုက်လို့ မနိုင်ကြသောအခါ လူပုဂ္ဂိုလ်အရတိုက်ခိုက်ခြင်းများပင်ပြုလုပ်ခဲ့ကြသည်။ သို့သော် ဆံပင်ဖြူဖြူ။ မျက်စေ့မှုံမှုံနှင့်လူကြီးကတော့ ၂၁ရာစုနှစ်အတွင်းသို့ ပန်းပန်လျက်ချီတက်ခဲ့သည်။ နှစ်စဉ် သူ့မွေးနေ့ ရောက်တိုင်း စာပေအနုပညာသည်များက သူ့ကို သွားပြီးဂါရ၀ပြုနေကြသည်။ အနီတစ္ဆေ အမြဲအခြောက်ခံနေရသော ဖဆပလအစိုးရနှင့် မဆလအစိုးရတို့သည် ဒုတိယကမ္ဘာစစ်နောက်ပိုင်း အမေရိကန်နိုင်ငံတွင် မက္ကာသီဝါဒဖြင့် ကွန်မြူနစ်နှိမ်နင်းရေးလုပ်ခဲ့သလို ဗမာပြည်တွင်လည်း ကွန်မြူနစ်ဆန့်ကျင်ရေးကို အရေးကြီးလုပ်ငန်းကြီးတရပ်အဖြစ် လုပ်ခဲ့ကြသည်။ ထိုအာဏာရှိသူများက သူ့ကို‘အနီ’ဟုသတ်မှတ်ကာ မျက်စေ့ဒေါက်ထောက်ကြည့်နေခဲ့သည်။ ၀န်ကြီးကလှောင်၊ သံရုံးကပြောင်ခြင်းများခံခဲ့ရသည်။ ၁၉၆၃ခုနှစ်၊ ငြိမ်းချမ်းရေးဆွေးနွေးပွဲများပျက်သောအခါ သူ့ကိုအင်းစိန် ထောင်ထဲ ထည့်လိုက်ကြလေသည်။ သူကတော့ဆိတ်ဖလူးနံ့ကိုသာ အာရုံပြုနေခဲ့သည် ဟု ဆိုသည်။
 
ဆရာဒဂုန်တာရာ့ဘ၀ကို ပြန်ကြည့်လိုက်ရင် ဗမာပြည်လိုနိုင်ငံမှာ ကိုယ့်လိပ်ပြာကိုယ်ရှက်တတ်သူ တယောက် ဘယ်လို ဘယ်ပုံနဲ့လက်ဝဲစာရေးဆရာဟုအသတ်မှတ်ခံလာရသည်၊ လူထုတိုက်ပွဲတွေထဲ ပါလာသည်၊ ထောင်ထဲရောက်ရသည်ဆိုတာတွေကို တွေ့ရပါမည်၊ တရုတ်စကားတွင် ‘သူရဲကောင်းဆိုတာ တွန်းပို့ခြင်းခံရသူ’ဟူသော အဆိုတခုရှိပါသည်။ ဆရာမှာ ကဗျာလေးရေး။ ပန်းချီလေးဆွဲ။ စန္ဒရားလေးတီး နေချင်သော်လည်း ထောင်နှစ်ရှည်ကျရသည်အထိ နိုင်ငံရေးလုပ်လာသည့်ဘ၀ကိုရောက်လာပုံ တွေ့ရပါမည်၊ ထို့ပြင်သူ၏ နိုင်ငံရေးတွင်ပါဝင်မှုမှာလည်း ဒုတိယကမ္ဘာစစ်အစပိုင်းမှစလို့ ထောင်ထဲရောက်တဲ့အထိ တဆင့်ပြီးတဆင့် မြင့်တက်လာသည်။ နိုင်ငံရေးနယ်ပယ်နှင့် အဝေးကနေ အနီးသို့ရောက်လာခဲ့သည်၊ အပြင်ကနေ အတွင်းသို့ရောက်လာခဲ့သည်။
 
ဤစာကိုရေးရင်း ကျနော့်ဖာသာအချက်တချက် စဉ်းစားနေမိသည်။ စာဖတ်သူလည်း စဉ်းစားကြည့်စေ ချင်ပါသည်၊
အကယ်၍သာ ဒဂုန်တာရာဆိုသောပုဂ္ဂိုလ်ကြီးသည် သခင်အောင်ဆန်း။ သခင်ဗဟိန်း။ သခင်သန်းထွန်း စသူတို့နှင့် မပေါင်းမိခဲ့လျှင်-
အကယ်၍သာ ဒဂုန်တာရာသည် တာရာမဂ္ဂဇင်းကို မထုတ်ဝေခဲ့လျှင်-
အကယ်၍သာ ဒဂုန်တာရာသည် ကမ္ဘာ့ငြိမ်းချမ်းရေး၊ ပြည်တွင်းငြိမ်းချမ်းရေးလှုပ်ရှားမှုများတွင် ဆရာကြီး သခင်ကိုယ်တော်မှိုင်း၏ နောက်က မလိုက်ခဲ့ဘူးဆိုလျှင်-
အကယ်၍သာ ဒဂုန်တာရာသည် ဆိတ်ဖလူးနံ့သင်းသောနေရာသို့ ရောက်မသွားခဲ့လျှင်-

တာရာလင်းယုန်
(၂၀၀၈ခုနှစ်တုန်းက မာယာဝက်ဘ်ဆိုက်မှာတင်ခဲ့တဲ့ဆောင်းပါးလေးပါ)

read more

အတိတ်ကိုကြောက်သူတွေ (၈၈ ဗကသ ကျေင်သားဟောင်း)

အတိတ်ကိုကြောက်သူတွေ ( ၈၈ ဗကသ ကျေင်သားဟောင်း Zaw Win ရဲ့စာပါခင်ဗျ)
စကားပုံတခုရှိတယ်။ သူတော်ကောင်းတွေမှာ အတိတ်ရှိတယ်။ သူယုတ်မာတွေမှာ အနာဂတ်ရှိတယ် တဲ့။ စကားပုံက ဆိုချင်တာကတော့ သူတော်ကောင်းတွေဟာ သူတို့ဘဝတလျှောက်မှာ ကောင်းတာတွေကိုပဲ အများအပြားလုပ်ခဲ့ဖူးတော့ သူတို့အတိတ်ဟာလှပတယ်။ ပြန်တွေးချင်စရာ လွမ်းစရာတွေသိပ်များတယ်။ ဒါ့ကြောင့် သူတော်ကောင်းတွေမှာ အတိတ်ရှိတယ်။ သူယုတ်မာတွေကတော့ သူတို့တသက်မှာ သူတပါးကို မတရားလုပ်ခဲ့တာ၊ မမှန်မကန်လုပ်ခဲ့တာတွေကများနေတယ်။ သူတို့မှာ စည်းစိမ်ခံစားခဲ့ရတာ၊ ကာမဂုဏ် အာရုံတွေနဲ့ပျော်ပါးခဲ့တာ၊ သူတပါးအပေါ် သြဇာအာဏာပေးခဲ့တာတွေရှိပေမယ့် အဲဒီအရာအားလုံးဟာ မကောင်းမှုတွေနဲ့ချိတ်ဆက်နေတော့ လွမ်းစရာမကောင်းဘူး။ ကြောက်စရာကောင်းနေတယ်။ ဒါကိုတခြားသူတွေထက် သူတို့ကိုယ်တိုင်က ပိုသိတယ်။ ဒီတော့ အတိတ်ကို ပြန်မတွေးချင်ဘူး။ အတိတ်ဟာ သူတို့ကိုခြောက်လှန့်နေတဲ့ တစ္ဆေဖြစ်တယ်။ အတိတ်ကို တယောက်ယောက်က ပြန်ဖော်မှာကို သေလုခမန်းကြောက်တယ်။

အတိတ်ကိုပြန်ဖော်မှာကို သေလောက်အောင် ကြောက်သူတွေဟာ လူယုတ်မာတွေဖြစ်တယ်။ အတိတ်မှာ သူတို့မကောင်းမှုများစွာ ကျူးလွန်ခဲ့ကြတာကို သူတို့ဖာသာ သိကြသူတွေဖြစ်တယ်။ ကျနော်တို့ ဗမာပြည်မှာ စစ်အာဏာရှင်တွေက နောက်ကြောင်းမပြန်ရဆိုပြီး အခြေခံဥပဒေမှာ အဓမ္မထည့်သွင်းတယ်။ အဲဒီအခြေခံဥပဒေကို မတရားမဲခိုးပြီး အတည်ပြုတယ်။ အဲဒီနောက်မှာ အတိတ်အကြောင်းပြန်ပြောသူ
မှန်သမျှကို ရန်သူလို့သဘောထားတယ်။ ဒါဘာ့ကြောင့်လဲဆိုတာ သိပ်ရှင်းပါတယ်။

စကားပုံကထွက်ပေါက်ပေးထားတယ်။ သူယုတ်မာတွေမှာ အနာဂတ်ရှိတယ်တဲ့။ ဆိုချင်တာက သူယုတ်မာတွေဟာ မကောင်းမှုမျိုးစုံနဲ့ ပြည့်နှက်ထုံမွှမ်းနေတဲ့အတိတ်သာရှိလို့ သူတို့ဟာ အကုသိုလ်တုံးကြီးတွေဖြစ်နေပေမယ့် သူတို့ဟာ အနာဂတ်မှာ ကောင်းတာလေးတွေလုပ်မယ်ဆိုရင် မျှော်လင့်ချက်ရှိသေးတယ်လို့ ပြောထားတာဖြစ်ပါတယ်။

ဒါပေမယ့် ကိုယ်လုပ်ခဲ့တဲ့ကံဆိုတာက လှည်းသွားတဲ့နောက်မှာ လှည်းဘီးရာပါနေသလို တကောက်ကောက် လိုက်နေတာဆိုတော့ ဖြတ်ဖို့ခက်တယ်။ အတိတ်ကမကောင်းမှုကို ဖုံးဖိဖို့ကြိုးစားရင်း နောက်မကောင်းမှုကို ပြုမိတတ်ကြတယ်။ vicious circle လို့ခေါ်တဲ့ အဆိုးသံသရာစက်ဝိုင်းကနေ ရုန်းမထွက်နိုင်ကြဘူး။ အဲဒီ အဆိုးသံသရာစက်ဝိုင်းက ရုန်းထွက်နိုင်ဖို့ဆိုရင် ပြီးခဲ့တဲ့အမှားကို ဝန်ခံရတယ်။ ဝန်ချတောင်းပန်ရတယ်။ ထိုက်သင့်တဲ့အပြစ်ဒဏ်ကိုခံယူပြီး အပြစ်ကိုဆေးကြောရတယ်။ အဲဒီအလုပ်ကို ရှောင်ဖယ်ဖို့ကြိုးစားနေသမျှမှာ နောက်ထပ်မကောင်းမှုတွေကို မလွှဲမရှောင်သာ ထပ်လုပ်ရတော့မှာပဲ။ အတိတ်က မကောင်းမှုတွေကို လိမ်လည်တယ်၊ ဖုံးဖိတယ်၊ ကာကွယ်တယ်ဆိုတာမျိုးဟာ နောက်ထပ် မကောင်းမှုမလုပ်ဘဲ မဖြစ်နိုင်ဘူး။ အဲဒါမျိုးတွေဆက်လုပ်ပြီး ထပ်ကာထပ်ကာမိုက်နေမယ့် သူယုတ်မာတွေအတွက်တော့ အတိတ်ရော၊ အနာဂတ်ရော မရှိဘူး။

ဒါ့ကြောင့် အမျိုးသားပြန်လည်သင့်မြတ်ရေးဆိုတာဟာ ဥပဒေနဲ့အညီ တရားမျှတမှုဖော်ဆောင်ရေးမရှိဘဲ မဖြစ်နိုင်ဘူးလို့ ကျနော်တို့က ထပ်ဖန်တလဲလဲ ပြောနေတာဖြစ်တယ်။

အတိတ်ရဲ့ အကျဉ်းသားမဖြစ်စေနဲ့လို့ပြောတဲ့လူ ၂ မျိုး ၂ စားရှိတယ်။ တမျိုးက ဗိုလ်ချုပ်မင်းအောင်လှိုင်တို့ ဗိုလ်ချုပ်သန်းရွှေတို့လို အများပြည်သူလူထုအပေါ်မှာ ရာဇဝတ်မှုကျူးလွန်ခဲ့တဲ့လူစားတွေ။ တနေ့က မိန့်ခွန်းထဲမှာ ဗိုလ်ချုပ်မင်းအောင်လှိုင် ထည့်ပြောသွားတာကို ကြားလိုက်ကြမှာပါ။ အဲဒီလိုလူတွေထဲမှာ သူရရွှေမန်းတို့ သူရအောင်ကိုတို့လည်းပါတယ်။ သူတို့ဟာလည်း ဘက်ပြောင်းဟန်ဆောင်နေကြပေမယ့် သူတို့အတိတ်ကို သူတို့ပြန်မကြည့်ရဲတဲ့သူတွေပဲ။

ဒုတိယတမျိုးကတော့ ဒေါ်အောင်ဆန်းစုကြည်တို့လို ဦးနုတို့လို မူမဲ့အမျိုးသားပြန်လည်သင့်မြတ်ရေး လုပ်ချင်တဲ့သူတွေ ဖြစ်တယ်။ သူတို့က ပြီးခဲ့တာတွေကိုမေ့လိုက်ရင် သင်ပုန်းချေလိုက်ရင် အားလုံး အသစ်ကပြန်စလို့ရမယ်လို့ ထင်နေကြတယ်။ ရာဇဝတ်မှုကျူးလွန်ခဲ့တဲ့လူတွေကို ရင်ဆိုင်ရဲတဲ့ သတ္တိမရှိတာကတကြောင်း၊ မတရားမှုကို တကယ် ဆိုးဆိုးဝါးဝါး ခါးခါးသီးသီးခံခဲ့ရတဲ့သူတွေက သူတို့ကိုယ်တိုင် မဟုတ်တာလည်းတကြောင်းမို့ လွယ်လွယ်နဲ့မေ့ပစ်လိုက်စေချင်တယ်။

စစ်အာဏာရှင်တွေကို တည့်တည့်မရင်ဆိုင်ရဲတာကြောင့် တရားမျှတမှုဖော်ထုတ်ဖို့ဟာ သူတို့အတွက် အခက်ကြီးခက်နေတယ်။ သူတို့အတွက် လွယ်တဲ့လမ်းက မေ့လိုက်ပါ၊ အသစ်ကပြန်စရအောင်ဆိုတဲ့ လမ်းပဲ။ အားနည်းပျော့ညံ့တဲ့သူဟာ အလွယ်လမ်းကို လိုက်စမြဲပဲ။

တပါးသူတွေကို အတိတ်ရဲ့အကျဉ်းသားလို့စွပ်စွဲနေတဲ့ သူတို့တတွေဟာ အမှန်တရားကိုရင်မဆိုင်ရဲတဲ့ အသည်းငယ်သူ လူကြောက်တွေဖြစ်နေကြတယ်။ ကိုယ်တိုင်အပြစ်ကျူးလွန်လို့ မရင်ဆိုင်ရဲတဲ့သူရှိတယ်။ လက်နက်အင်အားကိုကြောက်လို့ မရင်ဆိုင်ရဲတဲ့သူရှိတယ်။

ဒါပေမယ့် သမိုင်းကြောင်းနဲ့ချီပြီး ဖြစ်ခဲ့တဲ့အဖြစ်တွေကို ပြန်မလှန်ပဲ၊ မဖြေရှင်းဘဲ ရှေ့ဆက်တိုးလို့မရဘူးဆိုတာ ခုတော့ သူတို့ တဖြည်းဖြည်းသဘောပေါက်လာပြီ။ ၂၁ ရာစုပင်လုံ တတိယအစည်းအဝေးဟာ သက်သေပဲ။

ပြီးခဲ့တဲ့ ၂၁ ပင်လုံမှာ နိုင်ငံရေးမဆွေးနွေးဘူး၊ လုံခြုံရေးမဆွေးနွေးဘူးဆိုပြီး အကြောက်တရားနဲ့ ပုန်းရှောင်ခဲ့ကြတယ်။ အခုတော့ ဒါဟာ အမှန်တရားကို ရင်ဆိုင်ရမှာကြောက်လို့ သက်သက်အချိန်ဖြုန်း၊ ငွေဖြုန်း ပုန်းကွယ်နေတာပဲဆိုတာ သူတို့ဖာသာ တဖြည်းဖြည်း သဘောပေါက်စပြုလာပြီ။

နိုင်ငံရေးသမားတယောက်အနေနဲ့ အမှန်တရားကိုရင်ဆိုင်ဖို့ရာ သိပ်ခက်ခဲလာပြီဆိုရင် လုပ်လေ့ရှိတဲ့ နည်း ၂ နည်းရှိတယ်။ ပထမနည်းက ပြည်သူလူထုရဲ့အကူအညီကို ရယူတဲ့နည်း။ ဒုတိယနည်းက ပြည်သူလူထုကို လိမ်ညာတဲ့နည်းပဲ။
ဇော်ဝင်း
၈၈ ဗကသကျောင်းသားဟောင်း

read more

ကျွန်းဆွယ်အရေးအခင်းမှ အမှတ်တရများ။ (လှကျော်ဇော)

ကျွန်းဆွယ်အရေးအခင်းမှ အမှတ်တရများ။ (လှကျော်ဇော)
အခုတလော ရှေးခေတ်ဟောင်း အောက်မေ့ဖွယ်တွေ- များလိုက်တာ။ ကျွန်မတို့တတွေမှာလည်း ရှေ့မီ နောက်မီသူများ ဖြစ်မှန်းမသိဖြစ်လာနေကြလေတော့ ကိုယ်ကြုံခဲ့ဆုံခဲ့ရတာလေးတွေ မှတ်မိတုန်း ရေးရပါဦးမယ်။
ကျွန်းဆွယ်အရေးအခင်းကာလက ကျွန်မတို့မိသားစုဖြတ်သန်းခဲ့ရတဲ့အတွေ့အကြုံလေးပါ။
ဗိုလ်ချုပ်ကြီးနေဝင်းရဲ့ တော်လှန်ရေးကောင်စီ အစိုးရခေတ်- ၁၉၆၉ခုနှစ်မှာ ရန်ကုန် အောင်ဆန်းကွင်းမှာ အရှေ့တောင်အာရှ ကျွန်းဆွယ်နိုင်ငံများရဲ့အားကစားပွဲကြီး(S.E.A.P.Games)ကို ကျင်းပခဲ့ပါတယ်။ ဒီဇင်ဘာ-၆-ရက်မှာ ဖွင့်ပွဲအခမ်းအနား အကြီးအကျယ် ကျင်းပပါတယ်။ ပြီးတော့ အားကစားပွဲစဉ်များကို နေရာတွေခွဲ ကျင်းပကြပါတယ်။ ၉ ရက်နေ့ သမိုင်းကောလိပ်မှာကျင်းပတဲ့ လက်ဝှေ့ပွဲ ကျောင်းသားအများအပြား လက်မှတ်ဝယ်မရတဲ့အမှုကစပြီး (လက်မှတ် မှောင်ခိုထုတ်ရောင်းတယ်-ဆိုတဲ့ သတင်းကလည်း ပြန့်နေတာဖြစ်လို့) ပြဿနာတွေတက်ပါတော့တယ်။ တခါ ဘွဲ့နှင်းသဘင်ခန်းမမှာကျင်းပတဲ့ ဂျူဒိုပွဲမှာလည်း ကျောင်းသားတွေ မကျေမနပ်ဆန္ဒပြကြပြီး မြို့ထဲ ချီတက်ဖို့ကြိုးစားကြပါသေးတယ်။

အောင်ဆန်းအားကစားကွင်းမှာပြုလုပ်တဲ့ ဘောလုံးပွဲစဉ်တခုမှာလည်း လက်မှတ်ဝယ်မရကြတဲ့ ကျောင်းသားလူငယ်တချို့ ဒေါသပေါက်ကွဲပြီး လူစုလူဝေးနဲ့ ရန်ကုန်မြို့လယ်ခေါင်ဆင်းချလာပြီး လမ်းတလျှောက် တွေ့သမျှ ကားတွေ၊ အဆောက် အဦးတွေ (ရုပ်ရှင်ရုံတွေ) စတာတွေကို မီးတင်ရှို့ဖျက်ဆီး လုပ်ကြပါတယ်။ ဒီအထဲမှာ ဒေါ်ခင်မေသန်း (ဗိုလ်ချုပ်နေဝင်းဇနီး) ပိုင်တယ်လို့ သတင်းကြီးနေတဲ့ အင်းဝစာအုပ်တိုက်လည်း ပါသွားပါတယ်။ အဲဒီကာလက ကွမ်းယာဆိုင်ကအစ ပြည်သူပိုင်သိမ်းတဲ့ လုပ်ငန်းတွေအပေါ် လူထုကမကျေမနပ်ဖြစ်နေတဲ့အရှိန်နဲ့လည်း ဆက်နေဟန်ရှိပါတယ်။

လူထုမကျေနပ်တာလည်း မပြောနဲ့လေ။ သူတို့လုပ်ပုံတွေကလည်း ကြည့်ဦး။ ကားတွေ-တိုက်တွေ အကုန်သိမ်းပစ်ပြီးတဲ့နောက်နေ့ အဲဒီကားတွေ-အိမ်တွေပေါ် စစ်ဗိုလ်တွေ အခန့်သားတက်မောင်း-တက်နေကြနဲ့။ ပြောဆိုဆက်ဆံတာတွေကလည်း မောက်မာသလားမပြောနဲ့။ တချို့ လုပ်ငန်းပိုင်ရှင်ကြီးတွေ ရုတ်တရက်ကြုံလိုက်ရတဲ့ လောကဓံတရား မခံနိုင်ဖြစ်ပြီး ဦးနှောက်သွေးကြောတွေပြတ်ကုန်-ပိတ်ကုန်နဲ့ ကျွန်မတို့ရန်ကုန်ဆေးရုံကြီးက အရေးပေါ်ဌာန လက်မလည်အောင်အလုပ်များခဲ့ဖူးပါတယ်။
ဒါတွေကြောင့်လည်း ပါဟန်တူပါရဲ့။ အဲဒီလူအုပ်ကြီးက တဖက်ကလည်း မီးရှို့ဖျက်ဆီးမှုတွေလုပ်-တဖက်ကလည်း အစိုးရဆန့်ကျင်ရေး ကြွေးကြော်သံများ(ပုဂွိုလ်ရေးတွေလည်း ပါတယ်။ ဗိုလ်နေဝင်းကို နံမည်နဲ့ဖော်-ဆဲတာတွေလည်းပါသတဲ့) အော်ကြဟစ်ကြပါတယ်။ အစိုးရအနေနဲ့ကလည်း အခုလို နိုင်ငံတကာပွဲကျင်းပပြီး မိမိရဲ့တရားဝင်မှု(legitimacy)ကို ပြသဖို့လုပ်ဆောင်ရာမှာ-အရှက်တကွဲ အကျိုးနည်းဖြစ်ရလေတော့ အတော်စိတ်ဆိုးသွားဟန်ရှိပါတယ်။ အဲဒီ ရန်ကုန်မြို့လည်ခေါင် တခွင်တပြင်ကြီးကိုပိတ်လိုက်ပြီး တွေ့သမျှလူတွေကို သိမ်းကျုံးဖမ်းပါတော့တယ်။ ပြီးတော့ ထရပ်ကားတွေပေါ်တင်ပြီး အင်းစိန်ထောင်ကို ပို့လိုက်ပါတော့တယ်။

အဲဒီကာလက ကျွန်မတို့မောင်နှမတတွေထဲမှာ အငယ်ဆုံးမောင်လေးကလွဲလို့ ကျန်အကြီး-၄-ယောက်စလုံး တက္ကသိုလ်ရောက်နေကြ ပါပြီ။ အကြီးဆုံးကျွန်မက ဆေး-နောက်ဆုံးနှစ်(ခ)။ စန်းက စီးပွားရေးတက္ကသိုလ်နောက်ဆုံးနှစ်၊ ကိုအောင်နဲ့ကိုကျော် တို့ ၂ယောက်က ဝိဇွာ-သိပ္ပံမှာ။ အဲဒီနေ့ ကိုကျော်(ကျော်ဇောဦး)က ဗိုလ်အောင်ကျော်လမ်းက ကျူရှင်ကိုသွားတက်ပါတယ်။ သူ့တို့သူငယ်ချင်းတွေ စုတက်တဲ့အထဲ ပင်စီရွှေ(တော်လှန်ရေးကောင်စီဝန်ကြီး-ဗိုလ်မှုးကြီးမောင်ရွှေသမီး)လည်း ပါပါတယ်။ အဲဒီခေတ်က တော်လှန်ရေးကောင်စီဝင်တွေက မာစီးဒီးဘက်န်စ်တွေ စီးကြပါတယ်။ ပင်စီတို့ကားကြီးက ကျူရှင်ကျောင်းရှေ့ရပ်ထားပြီး ကျောင်းအဆင်းကို စောင့်နေတတ်ပါတယ်။ အောင်ဆန်းကွင်းထဲ ပြဿနာတက်ပြီး လူအုပ်ကြီးက ထိမ်းမနိုင်သိမ်းမရ လမ်းတွေ့သမျှကားတွေမီးရှို့နေပြီ-ဆိုတဲ့ သတင်းထွက်လာတော့-ကျူရှင်ဆရာက ကျောင်းပိတ်လိုက်ပြီး ကျောင်းသားတွေကို အိမ်ပြန်ခိုင်းပါတယ်။ သူ့ကျောင်းရှေ့က ကားကြီးကြောင့် သူကျောင်း တုတ်ဆက်မှာ စိုးဟန်တူပါတယ်။
ပင်စီက ကိုကျော့်ကို သူ့ကားနဲ့လိုက်ဖို့ ခေါ်ပါတယ်။ သူတို့က ဝင်ဒါမီယာကို ပြန်တာဖြစ်တော့ မြေနီကုန်းမှာချပေးမယ်လို့ ပြောပါတယ်။ ကိုကျော်က မလိုက်ရဲပါဘူးဗျာ။ ကိုယ့်ဟာကိုယ်သာ သတိထားပြန်ပါ။ နင် အိမ်ပြန်ရောက်ရင် မေမေ့ကိုသာ ဖုန်းဆက်ပြီး ငါ ပြန်လာနေပြီ-ဆိုတာသာပြောပေးပါလို့မှာလိုက်ပါတယ်။ ကိုကျော်က ရုတ်ရုတ်ရက်ရက်တွေဖြစ်ရင် လိုင်းကားတွေလည်း ပိတ်တတ်တာကြောင့် လမ်းလျှောက်ပြန်ရကောင်း ပြန်ရနိုင်တာကြောင့် မေမေစိတ်ပူနေမှာစိုးလို့ မှာလိုက်တာပါ။

သူထင်တဲ့အတိုင်းပဲ ဘာလိုင်းကားမှ မရှိတော့ဘူး။ ဒီတော့ လမ်းဆက်လျှောက်နေတုန်းမှာပဲ လမ်းထိပ်တွေကို ထရပ်ကားတွေနဲ့ပိတ်ရပ်ပြီး အဲဒီကားတွေပေါ်က ရဲတွေဆင်းလာပြီး တွေ့သမျှလူကိုဆွဲ ကားတွေပေါ်တင်တော့တာပဲ။ ဒီတော့ သူလည်း တွေ့တဲ့လမ်းထဲထိုးဝင်ပြီး တိုက်လှေကားထစ်တွေမှာ ဝင်ထိုင်နေလိုက်တယ်တဲ့။ တိုက်ခန်းတခန်းကို တံခါးခေါက်ပြီး သူ အထဲဝင်နေပါရစေလို့ တောင်းပန်ပေမယ့် တိုက်ခန်းရှင်က တံခါးဖွင့်မပေးဘူးတဲ့။ ဒီလိုနဲ့ လမ်းမကြီးပေါ်ကလူတွေအကုန်ဖမ်းပြီးတော့ ဘေးလမ်းတွေကို တလမ်းစီဝင်ရှင်းပါတယ်။ တိုက်တတိုက်ပြီးတတိုက် လှေကားတွေကိုတက်ရှင်းတာမှာ ကိုကျော်လိုပဲ လှေကားထစ်တွေမှာ ဝင်ထိုင် ပုန်းနေကြသူတွေအားလုံးကိုလည်း ဖမ်းပြီး ထရပ်ကားတွေပေါ်တင် အင်းစိန်ခေါ်သွားပါတော့တယ်။

ပင်စီက သူ့အိမ်ပြန်ရောက်တော့ မေမေကို ဖုန်းနဲ့လှမ်းပြောပါတယ်။ “အန်တီ-ကျော်ဇောဦးက မှာလိုက်တယ်။ သူ အိမ်ပြန်လာနေပြီ။ စိတ်မပူပါနဲ့” တဲ့။ ဒီတော့ ကျွန်မတို့လည်း အေးအေးပဲပေါ့။ ဒါပေမဲ့ တော်တော်နဲ့ ပြန်ရောက်မလာတော့ အိမ်မှာ ဘယ်သူမှ မထိုင်နိုင်တော့ပါဘူး။ ည ၈ နာရီ- မြန်မာ့အသံသတင်းမှာတော့ ဆူပူသောင်းကျန်းမှုတွေအကြောင်းနဲ့ အဲဒီဆူပူသူတွေအားလုံးကို ဖမ်းဆီးထိန်းသိမ်း လိုက်ပြီးဖြစ်ကြောင်းသတင်းတွေ ပါလာပါတယ်။ အစောပိုင်းကတည်းက ထရပ်ကားကြီးတွေနဲ့လူတွေဖမ်းတင်ပြီး အင်းစိန်ဘက် မောင်းသွားတယ်ဆိုတဲ့သတင်းလည်း ကြားထားပြီးပါပြီ။ ဒါနဲ့ မေမေလည်းပင်စီကို ထပ်ဖုန်းဆက်ပြီး ကိုကျော် ပြန်မရောက်သေးကြောင်း၊ အဲဒီဖမ်းသွားသူတွေထဲ ပါသွားမသွား စုံစမ်းပေးပါလို့ပြောတော့ ပင်စီက သူ့အဖေ အခုထိ အိမ်ပြန်မလာသေးဘူး။ အိမ်ပြန်လာလာချင်း မေးပေးပါ့မယ်လို့ပြောပါတယ်။ အတော်မိုးချုပ်မှ ပင်စီက ဖုန်းပြန်ဆက်လာပြီး သူ့အဖေပြန်ရောက်လာလို့ သူ အကျိုးအကြောင်းမေးကြည့်တာ အားလုံးကိုသိမ်းကျုံးဖမ်းထားပေမယ့် စစ်ဆေးပြီးရင်-ဆူပူမီးရှို့မှုတွေထဲမပါဝင်ရင် ပြန်လွှတ်မှာဖြစ်ကြောင်း ဘာမှ စိတ်မပူဖို့ ပြောပါတယ်။ မေမေက ဖမ်းသွားတဲ့ထဲ ပါမပါသေချာအောင် စုံစမ်းပေးပါ။ ဘယ်ဆီဘယ်ဝယ်ရောက်နေမှန်းမသိလို့ပါလို့သာ ထပ်ပြောလိုက်ပါတယ်။

ပြောလို့သာပြောရတာ။ ဖေဖေ့နံမည်ပါလာရင် ဘယ်သူမှ သိပ်မကူညီရဲပါဘူး။ ဗိုလ်နေဝင်း ဘုန်းမီးနေလတောက်လေ ကျွန်မတို့မိသားစု အနေကျပ်လေ ဖြစ်နေတဲ့ကာလပါ။ တကယ်တော့ အဲဒီကာလက ရန်ကုန်တိုင်း တိုင်းမှူးက ဗိုလ်ချုပ်ကျော်ထင်ပါ။ ဂျပန်တော်လှန်ရေးအတွင်းတုန်းက ဖေဖေ့တိုင်း(၄)ကပါ။ ဒုတိုင်းမှူး ဗိုလ်မှူးကြီးမျိုးညွန့်(ကွယ်လွန်)က ကျွန်မတို့နဲ့ ဦးလေး တော်ပါတယ်။ မေမေ့ မောင်ဝမ်းကွဲပါ။ ဦးလေးက သူဆယ်တန်းကျတော့ စိတ်ဓာတ်ကျပြီး စစ်တပ်ထဲဝင်ပါရစေဆိုပြီး မေမေ့ အမေ(ဦးလေးအဖေနဲ့ မောင်နှမ တော်ပါတယ်။) ကို လာပြောတော့ အဘွားက မေမေတို့ဆီလာအပ်ပါတယ်။ ဖေဖေက ဆယ်တန်းတော့ အောင်အောင်သင်ပါကွာ။ ငါတို့ ကျောင်းထားပေးပါ့မယ်ဆိုပြီး ကျောင်းထားပေးပါတယ်။ အဲဒီနှစ်မှာပဲ ဦးလေး ဆယ်တန်းအောင်ပြီး ဖေဖေက တပ်ထဲသွင်းပေးပြီး ဗိုလ်သင်တန်းဝင်သွားတာပါ။ (ဗိုလ်ချုပ်မှုးကြီးသန်းရွှေနဲ့ O.T.S.ကျောင်းတပတ်ထဲပါ။) ဦးလေးက သူ စစ်ဗိုလ်ဖြစ်ကတည်းက သူညီ သူညီမတွေ တယောက်ပြီးတယောက် မြို့ခေါ် စာသင်ပေးခဲ့ပါတယ်။ ဦးလေးက နယ်မှာ တာဝန်ကျတာများလို့ အဲဒီဦးလေးညီရောညီမရော ကျွန်မတို့စမ်းချောင်းအိမ်လေးမှာပဲနေခဲ့ကြရပြီး ဒီိကပဲ ကျောင်းတက်ကြ၊ ဘွဲ့ရတဲ့သူ ရကြ၊ အလုပ်ဝင်ကြနဲ့ အိမ်ထောင်တွေကျမှပဲ ကျွန်မတို့အိမ်က ခွဲသွားကြတာပါ။ ဒါကြောင့် ဦးလေးကရော ကျွန်မတို့အဘွားအပါ ဖေဖေနဲ့မေမေကို သူတို့မိသားစုရဲ့ကျေးဇူးရှင်လို့ သဘောထားပါတယ်။ ဒါတွေကို သူက ဗိုလ်ချုပ်ကျော်ထင်ကို အကြောင်းစုံပြောပြ ထားပါတယ်။ သူ့အနေနဲ့ ဖေဖေကို တနှစ်ကို(၂)ကြိမ်လောက်တော့ သွားကန်တော့ပါရစေလို့လည်း ခွင့်တောင်းထားပါတယ်။ အဲဒီတုန်းက ကျွန်မတို့အဘွားကလည်း ကျွန်မတို့နဲ့ နေနေပါတယ်။ ဦးလေးက သီတင်းကျွတ်တို့ သင်္ကြန်တို့မှာ လာကန်တော့တတ်ပါတယ်။ (တခါတရံ)အဘွားနေမကောင်းတာကြားရင်လည်း လာတတ်ပါတယ်။ လာခွင့်တောင်းပြီးမှ လာရတာတောင် ဦးလေးက ညအတော် မိုးချုပ်မှလာရဲပြီး ကားကိုလည်း ကျွန်မတို့အိမ်ရှေ့ထိ မောင်းမလာရဲပါဘူး။ မြေနီကုန်းမှာဖြစ်ဖြစ်၊ ရှမ်းလမ်းထိပ်မှာဖြစ်ဖြစ် ရပ်ထားခဲ့ပြီးမှ အိမ်ကို လမ်းလျှောက်လာရတာပါ။ ကျွန်မတို့အိမ်ရှေ့ရပ်တဲ့ကားတိုင်း နောက်နေ့ ထောက်လှမ်းရေးက ခေါ်စစ်တတ်ပါတယ်။ ဖေဖေရော မေမေရော ဦးလေးလာတိုင်း နောင် မလာပါနဲ့ကွာ။ တို့နားလည်ပါတယ်။ မင်းတို့ အနေရအထိုင်ရကျပ်ပါ့မယ်လို့ ပြောလေ့ရှိပါတယ်။ ဦးလေးကလည်း ကန်တော့ရင်း တခါတရံ မျက်ရည်ကျတတ်ပါတယ်။

အဲဒီကာလက ကျွန်မတို့ရဲ့ ဆီဆုံလမ်းအိမ်လေးဟာ ပတ်ပတ်လည် ထောက်လှမ်းရေးတွေနဲ့ဝိုင်းနေတာပါ။ အိမ်လာလည်တဲ့လူတိုင်း နောက်ကိုလည်း လိုက်လေ့ရှိပါတယ်။ တမင် ခြိမ်းခြောက်တာပါ။ ဒါကြောင့် တော်ရုံလူဘယ်သူမှ မလာရဲပါဘူး။ စစ်အာဏာရှင် လက်အောက် အလွန်သတိကြီးစွာ၊ စိတ်ကျဉ်းကျပ်စွာနေလာရတာဖြစ်လို့ အဲလိုဘဝမျိုးဖြတ်သန်းရသူတွေကို ကျွန်မတို့က စာနာတတ်-လေးစားတတ်နေတာပါ။

ဖေဖေကလည်း ကိုယ့်ကြောင့် သူများဒုက္ခရောက်မှာ သိပ်စိုးရိမ်ပါတယ်။ ဒါပေမဲ့ အခု ကိုကျော့်ကိစ္စ ပေါ်လာတော့ မတတ်နိုင်တော့ပါဘူး။ အဓိက က အဲဒီဖမ်းသွားတဲ့သူတွေထဲ သူပါသွားလားသိချင်တာပါ။ ဒါ့အပြင် ဆောင်းတွင်း (ဒီဇင်ဘာလ)ကြီးဖြစ်တာကြောင့် မေမေက သူ့သား တိုက်ပုံလေးပဲ ဝတ်သွားတာဖြစ်လို့ အနွေးထည်ပို့ချင်လာပါတယ်။ ဒီတော့ ဦးလေးကိုပဲ လှမ်းဆက်သွယ်ရပါတော့တယ်။ ဦးလေးရဲ့ညီဖြစ်တဲ့ ဆရာဦးဘဌေးကိုလွှတ်ပြီး စုံစမ်းမေးမြန်းရပါတယ်။ ဒီတင် ကိုကျော် အင်းစိန်ထောင်ထဲ ရောက်နေတာသိရပြီး အဝတ်အစားလည်း ပို့လို့ရသွားပါတယ်။ ဦးလေးက ဘာမှမပူကြဖို့ အားလုံး စစ်ဆေးပြီးရင် ပြန်လွတ်လာမှာပါလို့ အကြောင်းကြားလာပါတယ်။ ဗိုလ်မှူးကြီးမောင်ရွှေကလည်း သူ့သမီးနဲ့ ကျူရှင်တကျောင်းတည်း အတူတက်နေတာဖြစ်ကြောင်း၊ အဲဒီကျောင်းအလွှတ်မှာ ရောပါသွားတာဖြစ်ကြောင်း အင်းစိန်ထောင်တာဝန်ခံတွေကို လှမ်းပြောကြောင်းလည်း ကြားရပါတယ်။

ဒီလိုနဲ့ နောက်(၂)ပတ်လောက်ကြာပြီး တနေ့မှာ ရန်ကုန်ုမြို့တော်ခန်းမကနေ ဖုန်းဝင်လာပါတယ်။ (အဲဒီကာလက ရန်ကုန်မှာ အရေးပေါ်အမိန့််ထုတ်ထားလို့ ရန်ကုန်တိုင်းစစ်ဌာနချုပ်က မြို့တော်ခန်းမမှာ ရုံးထိုင်နေပါတယ်။) ရန်ကုန်တိုင်းမှူးရဲ့ကိုယ်ရေးအရာရှိ(ပီအေ) က ဖေဖေနဲ့စကားပြောပါရစေလို့ဆိုပါတယ်။ ဖေဖေ ဖုန်းကိုင်လိုက်တော့ ဗိုလ်ချုပ် ကျွန်တော်တို့ ကျော်ဇောဦးကို မြို့တော်ခန်းမကို ခေါ်လာပါပြီ။ သူ့ကို လာခေါ်လို့ရပါပြီလို့ပြောပါတယ်။ ဒီတော့ ဖေဖေက မင်းတို့ လွှတ်မှာဆိုရင် လွှတ်လိုက်ပေါ့။ ဘာလာခေါ်စရာလိုသလဲလို့ ပြောတော့ အဲဒီစစ်ဗိုလ်က ဗိုလ်ချုပ်ကိုယ်တိုင် လာစရာမလိုပါဘူး။ အစ်မကြီးကိုလွှတ်လည်း ရပါတယ်။ ကျွန်တော်တို့က လူကြီးမိဘတွေ လက် ပြန်အပ်တယ်ဆိုတဲ့သဘောပါ။ အုပ်ထိန်းသူတယောက်ယောက်က လက်မှတ်ထိုး လက်ခံဖို့လိုပါတယ်လို့ ထပ်ပြောပါတယ်။ ဖေဖေက စိတ်တိုသွားပြီး ဟေ့ငါလည်း မလာနိုင်ဘူး။ သူ့ အမေလည်း မလွှတ်နိုင်ဘူး။ နေပါဦး။ မင်းတို့က ငါ့သားကို လမ်းပေါ်က ဖမ်းသွားတာ။ လမ်းပေါ်ဘဲပြန်လွှတ်လိုက်။ ဒီကောင် အိမ်ပြန်လာတတ်တယ်လို့ဆိုပြီး ဖုန်းချလိုက်ပါတယ်။ အဲဒီအချိန် ဖေဖေ ဖုန်းပြောနေတာကို နောက်က ရပ်နားထောင်နေတဲ့ မေမေရဲ့သောကရိပ်တွေနဲ့ညိုနေတဲ့ မျက်နှာလေး ရုတ်တရက်ညှိုးကျသွားတာကို ကျွန်မ အခု စာရေးနေရင်း ပြန်မြင်ယောင်လာပြီး စိတ်ထဲမကောင်းလိုက်တာလေ။ မေမေကိုလည်း သနားလိုက်တာ။
နောက်တနာရီလောက်ကြာတော့ မြေနီကုန်းရဲဌာနက ဌာနမှူးဆိုသူဆီက ဖုန်းလာပါတော့တယ်။ ဒီနေရာမှာ တခုတော့ ပြောရဦးမယ်။ ကျွန်မက ရဲဌာနလို့မှတ်မိနေပါတယ်။ ကိုအောင် (အောင်ကျော်ဇော)ကတော့ လဝကရုံးလို့ဆိုပါတယ်။ ထားပါတော့။ အဲဒီလူက ကျော်ဇောဦး သူတို့ဆီရောက်နေပြီ။ အိမ်ကလူကြီးတယောက်ယောက် လာကြိုပါတဲ့။ ဒီတော့ ဖေဖေက ဦးလေး ကိုဘဌေးနဲ့ကိုအောင်ကို- သွားကြိုကြဆိုပြီး လွှတ်လိုက်ပါတယ်။ အဲဒီရောက်တော့ ကိုကျော်ကို လက်ခံရပါတယ်ဆိုတာကို ဦးလေးက လက်မှတ်ထိုးပေးခဲ့ရပါတယ်။ ဒါပေမဲ့ ဦးလေး ကိုဘဌေးက ဒီကိစ္စ ဖေဖေကို ပြန်မပြောပြရဲဘဲ မေမေကိုပဲ တိုးတိုးကြိတ်ကြိတ် ပြောပြထားပါတယ်။ ဖေဖေ တောက်လျှောက် သိမသွားပါဘူး။

နောင်မှသိရတဲ့ ဇာတ်လမ်းစုံကတေ့ာ ဖေဖေက ငါတို့ ဘယ်သူမှလာမခေါ်နိုင်ဘူးဆိုတော့ သူတို့ ရန်ကုန်တိုင်းကလူကြီးတွေ ခေါင်းချင်းရိုက်ပြီး ဘယ်လိုဆက်လုပ်ကြမလဲလို့ တိုင်ပင်ကြသတဲ့။ ကျွန်မတို့ဦးလေးဒုတိုင်းမှူးက ကဲဒီလိုဆိုရင် ကျွန်တော်ရုံးကအပြန် ခေါ်သွားပြီး အိမ်ပြန်ပို့လိုက်ပါ့မယ်လို့ ဆိုတော့ ဗိုလ်ချုပ်ကျော်ထင်က ပျာပျာသလဲနဲ့(အထက်ကအမိန့်ရ ထားဟန်တူတယ်တဲ့)ဟာ အိမ်တိုင်ရာရောက် ပြန်ပို့တယ်ဆိုတာတော့ မဖြစ်ဘူး။ ပြီးတော့ လက်မှတ်ကလည်း ထိုးခိုင်းရဦးမှာလို့ ဆိုပြန်သတဲ့။ လွှတ်တာကတော့ ဒီနေ့ ဖြစ်အောင်ကိုလွှတ်ရမှာလို့လည်း ဆက်ပြောသတဲ့။ ဒီတော့ ဦးလေးက ကဲပါ ဗိုလ်ချုပ်ရယ်။ ကျွန်တော်ပဲခေါ်သွားပြီး ရဲဌာနကို အပ်လိုက်ပါ့မယ်။ ပြီးတော့မှ အိမ်က လူတယောက်ယောက်ကို လာခေါ်ခိုင်းလိုက်ပါ့မယ်ပြောပြီး ကိုကျော် ကို သူ့ကားနဲ့တင်ခေါ်လာတာပဲ။

ဇာတ်လမ်းက ဒီတင် မဆုံးသေးပါဘူး။ နောက်ဆက်တွဲဖြစ်ရပ်ကလေး ရှိပါသေးတယ်။ အဲဒါပါ ထည့်ပြောမှ ပြည့်စုံမှာပါ။ အဲဒီကာလတုန်းက ကျွန်မနဲ့ဖေဖေက တခါတရံ(ဥပမာ-စနေ-တနင်္ဂနွေလိုနေ့မျိုး) မနက်အစောထ လမ်းလျှောက်တတ်ပါတယ်။ တော်လှန်ရေးပန်းခြံထဲလျှောက်ဖြတ်ပြီး ရွှေတိဂုံဘုရားတက် အလယ်ပစ္စယံတပတ်ပတ်ပြီး တခါတရံ အနောက်မုဒ် တခါတရံ မြောက်ဘက်မုဒ်က ဆင်းပြန်တတ်ပါတယ်။
အဲဒါ တနေ့ တော်လှန်ရေးပန်းခြံထဲ လမ်းလျှောက်နေတုန်း ရှေ့မှလည်း ဘောင်းဘီတိုနဲ့လူတယောက် မျက်နှာချင်းဆိုင်က ပြေးလာနေတာတွေ့ရပါတယ်။ မနက်အစောလည်းဖြစ် ဆောင်းတွင်းလည်းဖြစ်တော့ မြူတွေနဲ့ဆိုင်းနေပြီး လူလုံးမကွဲလှပါဘူး။ ကျွန်မတို့သားအဖရှေ့ ရောက်လာတော့ အဲဒီပြေးနေတဲ့သူ ဖျတ်ခနဲရပ်သွားပြီး၊ ဟာ ဗိုလ်ချုပ်ဆိုတဲ့။ အာမေဍိတ်သံနဲ့အတူ သတိဆွဲပြီး အလေးပြုလိုက်တာ တွေ့လိုက်ရပါတယ်။ ဖေဖေလည်းအံ့သြသွားဟန်ရှိပြီး သြော်မင်းကိုးတဲ့။ ဖေဖေက သူ့လက်အောက် အလုပ်လုပ်ဖူးသူတွေကို မာဖီ (အရပ်ဝတ်)နဲ့ တွေ့လည်း မှတ်မိတတ်တယ်လို့ မေမေပြောဖူးတာ သတိရလိုက်မိပါတယ်။ တန်တော့။ ဖေဖေတော့ အဲဒီလူကို မှတ်မိသွားပြီလို့ စိတ်ထဲထင်လိုက်မိရုံရှိသေး ဖေဖေကဆက်ပြီး ဒါနဲ့ မင်း အင်းစိန်ထောင် ထောင်ပိုင်ဖြစ်နေတယ်ဆိုလို့ မေးလိုက်ပါတယ်။ ဟုတ် ဟုတ်ကဲ့လို့ အဲဒီလူ အထစ်ထစ်အငေါ့ငေါ့နဲ့ ဖြေလည်းဖြေလိုက်ရော။ ဖေဖေက နေစမ်းပါဦးကွာ။ မင်းတို့လုပ်ပုံက။ ခွေးကို ရိုက်တောင် ခွေးရှင်မျက်နှာကြည့်ရသေးတယ်။ အခုတော့ ငါ့သားကို သူဟာသူ ကျောင်းသွားတက်တာ။ သောရောဖမ်းသွားပြီး ရိုက်လွှတ်လိုက်တာ။ အိမ်ပြန်ရောက်တော့ ချောင်းဆိုးတိုင်းသွေးပါနေလို့ ဓာတ်မှန်ပြေးရိုက်လိုက်ရသေးတယ်။ မင်းးတို့တတွေ ဆူပူသူတွေဘာတွေကို ဖမ်းတာ ဖမ်းပေါ့ကွာ။ ဖမ်းရမှာပေါ့။ ဖမ်းပီးရင်တော့ လူလိုသူလိုဆက်ဆံမှပေါ့။ သားချင်းသမီးချင်း စာနာမှပေါ့။ မင်းတို့သားရွယ် သမီးရွယ်တွေပဲ။ မင်းတို့က ဒီလိုလုပ်လိုက်ရင် မင်းတို့ကိုကြောက်သွား လိမ့်မယ်လို့ ထင်တယ်။ ဟုတ်လား။ မုန်းသွားတာကွ။ မုန်းသွားကြတာ။ အခု မင်းတို့ကို လူတွေ ဘယ်လောက် မုန်းနေတယ်ဆိုတာသိကြရဲ့လားလို့ ဆက်တိုက်ကြီး ပြောလိုက်ပြီးမှ၊ ကဲပါကွာ။ မင်းလည်းချွေးတွေသံတွေနဲ့။ သွားတော့ သွားတော့။ ငါလည်း ဆက်လမ်းလျှောက်လိုက်ပါဦးမယ်ဆိုပြီး ကျွန်မတို့သားအဖ ထွက်လာခဲ့ပါတယ်။ တော်တော်လျှောက်လာပြီးမှ ကျွန်မလှည့်ကြည့်လိုက်တော့ အခုနလူ ကျွန်မတို့ ထားခဲ့တဲ့နေရာမှာဘဲ ငူငူကြီး ဆက်ရပ်နေတာတွေ့လိုက်ရပါတယ်။

ဖေဖေကတော့ သူပြောချင်တာတွေ ပြောလိုက်ရလို့ထင်ပါရဲ့။ စိတ်လွတ်လက်လွတ် ခပ်သွက်သွက်ဆက်လျှောက်နေလို့ ကျွန်မမှာ အမောတကောအမီလိုက်-လိုက်ရတာ။
အဲဒီကာလ(လွန်ခဲ့တဲ့-၄၇-နှစ်က)-ကျွန်မမှတ်မိသလောက် အဖြစ်အပျက်ကလေးပါပဲ။
လှကျော်ဇော။
၁၃-၆-၂ဝ၁၆။

read more

ဘာစန်းသီး အောင်မေသုနှင့်အမှတ်ရစရာများ (အပြင်လူရဲ့ဘားမားရုဒ် နံပတ် ၂)

ဘာစန်းသီး အောင်မေသုနှင့် အမှတ်ရစရာများ

“နင့် နံမည်လေးက အတော်လှတာပဲ”ဟု ဆိုချိန်တွင် မစန်းသီမျက်နှာ ဝင်းကနဲဖြစ်သွားသည်ကို သတိထားလိုက်မိသည်။ “လူကော ဦးလေး”တဲ့ “အင်း လူလား လူလည်းချောပါတယ်ဟာ”ဟု မယုတ်မလွန်ပြန်ဖြေမိသည်။

တကယ်က မစန်းသီသည် မိန်းမလှစာရင်းဝင်ဟု မဆိုနိုင်သော်လည်း ဟိန္ဒူသွေးစစ်စစ်ဖြစ်သည့်အတိုင်း မျက်လုံးမျက်ခုံးကောင်းကောင်း နှာတံပေါ်ပေါ်နှင့် ကြည့်ကောင်းသည်။ မဲသော်လည်း အသားအရည်စိုစိုပြေပြေရှိသည်။ မျက်နှာချို၏။ စိတ်ထားကောင်း၏။ ဗမာစကားကို အိန္ဒိယတိုက်သားအသံထွက်နှင့် တတ်နိုင်သလောက် သိမ်သိမ်မွေ့မွေ့ ကြိုးစားပြောတတ်၏။ စာမတတ်၊ ကျောင်းမနေဖူး။ လမ်းထိပ် ထမင်းဆိုင်က တောက်တိုမယ်ရအလုပ်သမား။ နိုင်ငံရေးနှင့် စင်္ကြဝဋ္ဌာတခုစာလောက်ဝေးသူ။

၁၉၈၉ ခုနှစ်။ အင်းစိန်ထောင် တိုက်ဝင်းများရှိ ၄ တိုက် ၃ ခန်း။ ၁၂ ပေ ၈ပေ အခန်းကျဉ်းလေးတခု။ အတူနေသူများက ဦးအောင်မေသု (မင်းလှ အမျိုးသားဒီမိုကရေစီအဖွဲ့ချူပ်)၊ ကိုမြင့်လှိုင်(ခေါ်)ကိုမြင့်(ထောက်ကြန့် )၊ ကိုမျိုးကြည်(မှော်ဘီ)၊ ကိုသိန်းထူး(ခေါ်) ကိုသက်ဇင်(ပုသိမ်)နှင့် ကျနော်။ အားလုံးတွင် ဦးအောင်မေသုက အသက်အကြီးဆုံး။

ကျနော်တို့က သူ့ကို ဦးသုဟုခေါ်သည်။ အစ္စလာမ်ဘာသာဝင်။ လူမျိုးကတော့ ကျနော်လည်း မမေးမိခဲ့။ ၅ ယောက်ထဲတွင် နိုင်ငံရေးဘဝ အတွေ့အကြုံအစုံလင်ဆုံး။ ကျွန်းပြန်။ (၉)တန်းကျောင်းသားဘဝမှစတင်ခဲ့သည့် သူ့နိုင်ငံရေးလမ်းတလျှောက်လုံး ဆူးညှောင့်ခလုပ် ကန်သင်းများ တင်းကြမ်း။ မဆလတခေတ်လုံး လှုပ်မရလွန့်မရအောင် နှိပ်ကွပ်ခံရသည့်ကြားမှ ဘဝကို အပမ်းတကြီးထူထောင်ခဲ့ရသူ။ အသားညိုညို၊ လူကောင် သေးသေး၊ ခါးကလည်း မဆိုစလောက်လေး ခပ်ယိုင်ယိုင်၊ အူကျရောဂါ ဆိုးဆိုးရွားရွား၊ ထောင်ဝင်စာဆိုသည် ကလည်း လာတချက် မလာတချက်။ သို့နှင့်တိုင် ဘယ်တော့မှ ဘဝကိုစိတ်မပျက်။ မညီးညူတတ်။ ရယ်ရယ်မောမော ပျော်ပျော်ရွှင်ရွှင်နှင့် ကြိတ်မှိတ်ပေတေပြီးခံ၏။

တယောက်နှင့်တယောက် တနေ့လျှင် ၂၃ နာရီခန့် မျက်နှာချင်းဆိုင်ချင်ချင် မဆိုင်ချင်ချင် ဆိုင်နေရသည့်အနေအထား။ အိပ်ချိန်မှတပါး စကားတွေပြောကြသည်။ နိုင်ငံရေး၊ ဒဿန၊ စာပေအနုပညာ၊ သူ့အကြောင်းကိုယ့်အကြောင်း အကြောင်းပေါင်းလည်းစုံသလို တခါတရံ မတူသည့်အမြင်များက လေးလေးနက်နက် ပြင်းပြင်းထန်ထန် ငြင်းကြခုံကြဆီအထိ ဆိုက်သွားသည်လည်းရှိ၏။ ထိုအခါမျိုးတွင် သူက ဘယ်တော့မှ ခုံသမာဓိမလုပ်သလို သူ့တရားကိုလည်း ဇွတ်ထူထောင်လေ့မရှိ။ သူ့အမြင်သူပြောပြီး သူ့ရပ်ခံချက်အတိုင်းသူရပ်သည်။

“မဟာအောက်တိုဘာတော်လှန်ရေးကြီးအပြီးနဲ့ ဒုတိယကမ္ဘာစစ်အပြီး နှောင်းပိုင်းကာလတွေမှာ ကမ္ဘာ့ပြည်သူတွေရဲ့တိမ်းညွှတ်မှုက လက်ဝဲတိမ်းညွှတ်မှုနဲ့ဆိုရှယ်လစ်ရေး၊ ပြည်သူ့ဒီမိုကရေစီထူထောင်ရေးဗျ၊ အခုဟာက လက်ယာတိမ်းညွှတ်မှုနဲ့ဈေးကွက်စီးပွားရေး၊ ပါတီစုံဒီမိုကရေစီထူထောင်ရေး၊ ဆိုတော့ ကျနော်တို့ အမြင်တွေတင်မကဘူး လုပ်ဟန်နည်းနာတွေပါ ပြောင်းကိုပြောင်းရမယ်။ မပြောင်းရင် ပြတ်ကျန်ခဲ့လိမ့်မယ်”

“ကွန်မြူနစ်ဆန့်ကျင်ရေးလုပ်တာဟာ ဒီမိုကရေစီရေးတိုက်ပွဲဝင်တာဖြစ်တယ်၊ ကွန်မြူနစ်ကိုတိုက်ဖို့ဆို စစ်အာဏာရှင်နဲ့တောင်ပေါင်းမယ် ဆိုတဲ့ အတွေးအခေါ်ရှိသူတွေရဲ့နိုင်ငံရေးလားရာကို ဘာမှပြောစရာမရှိပါဘူး၊ သူတို့ရွေးချယ်တဲ့လမ်းက သူတို့ကို ခေါ်သွားမှာပါဗျာ”

“နိုင်ငံရေးလုပ်တယ်ဆိုတာ အာဏာလိုအပ်လို့လုပ်ရတာပဲ၊ တနည်းပြောရရင် အာဏာလိုချင်လို့ဗျာ၊ အာဏာလိုချင်တယ်ဆိုတာကလည်း ပဒေသရာဇ်တွေစကားနဲ့ပြောရရင် ရှင်ဘုရင်လုပ်ချင်တာပဲ၊ တခုတော့ရှိတယ်ဗျ ဘုရင်လုပ်ချင်သူဆိုတာ ညံ့လို့မရဘူးဗျ၊ ညံတဲ့သူလည်း ဘယ်တော့မှ ဘုရင်မဖြစ်ဘူး” စသည်ဖြင့် သူပြောခဲ့ဖူးသည့် စကားများစွာအနက်မှတချို့ကို ယခုတိုင် မှတ်မှတ်ထင်ထင်ရှိနေသေး၏။

တနေ့ကျနော်က သူ့ကို “ဦးသုရဲ့နံမည်က တော်တော်ထူးခြားတယ်နော်၊ ဒီလိုနံမည်မျိုးက အမှည့်နည်းတယ်လို့ထင်တာပဲဟုဆိုကာ သူ့အမည်ကို စပ်စုမိ၏။ သူက ထုံးစံအတိုင်း ပါးချိုင့်ပေါ်သည်အထိ တချက်ပြုံးလိုက်ပြီး“ကျနော်က အရင်တုန်းက နီအောင်မေသုဗျ၊ နံမည်ရှေ့မှာ နီပါတယ်။ ဗိုလ်စက်ရောင်ကတော့ ခင်ဗျားတို့ကြားတဲ့အတိုင်းပဲ ဧဝံမေသုတံတဲ့၊ ကျနော်တို့ခေတ်က နီ ဆိုတာကို လက်ဝဲ အတွေးအခေါ်ရှိသူတချို့ နံမည်ရှေ့မှာ မြတ်မြတ်နိုးနိုးတပ်ကြတာဆိုတော့ ကျနော်လည်းတပ်တာပေါ့ဗျာ”ဟုဆို၏။

“ကျနော်ဆိုလိုတာက အောင်မေသုဆိုတာကိုပါ၊ ရုတ်တရက်ဆို ပါဋ္ဌိလိုလိုဘာလိုလိုနဲ့၊ ဥပမာဗျာ သုမောင်ဆိုပါတော့ ကောင်းသောလူကလေး ဆိုတာမျိုး”ဟုဆိုတော့ သူပြုံးသာနေသည်။ ဘာမှမပြော။

သည်တော့မှ ကျနော်က မစန်းသီအကြောင်းသူ့ကိုပြောပြသည်။ “ဒါနဲ့ မစန်းသီ၊ နင့် ဒီနံမည်ကို ဘယ်သူပေးတာလဲဟ၊ ပြောပါဦး၊ နင့်မိဘ ပေးတာလား” ဗမာစကားပင် အနိုင်နိုင်ပြောနေကြရသည့် မစန်းသီ၏မိဘများက မစန်းသီဆိုသည့်နံမည်လှလှလေးကို ရွေးပေးနိုင်လောက်မည်မထင်သဖြင့် မေးမိလိုက်၏။ “မဟုတ်ဘူး ဦးလေးကျမ ၁၃ နှစ်လောက်က ရပ်ကွက်ထဲကို မှတ်ပုံတင်ရုံးကလူကြီးတွေ လာတယ်။ မှတ်ပုံတင်မရှိသေးသူတွေကို မှတ်ပုံတင်လုပ်ပေးတော့ အမေနဲ့ကျမ သွားတယ်၊ အဲဒီ စာရေးတဲ့လူကြီးက ကျမနံမည်မေးတော့ ကျမက နံမည်ပြောပြတယ်၊ ကျမမှာ ဗမာနံမည် မရှိဘူး၊ ကုလားနံမည်ပဲ ရှိတာ၊ ဟိန္ဒူလို ဘာစန်းသီးလို့ခေါ်တယ်၊ ဘာစန်းသီးလို့ပြောတော့၊ သူက ၂ ခါ ၃ ခါ ပြန်မေးတယ်၊ ကျမကလည်း ဘာစန်းသီး ဘာစန်းသီးလို့ပဲ ပြန်ပြန်ဖြေတယ်၊ သူက ဘယ်လို ကြားသလဲတော့မသိပါဘူး ဦးလေးရာ၊ နောက် မှတ်ပုံတင်ရတော့မှ ဘေးအိမ်ကလူကိုပြတော့ သူက “ဟဲ့ နင်က ဗမာနံမည်တွေ ဘာတွေနဲ့ပါလား”လို့ ပြောပြီး“ဒီမှာလေ နင့်နံမည်က မစန်းသီဖြစ်သွားပြီတဲ့၊ ဒါနဲ့ပဲ မစန်းသီဖြစ်သွားတာ ဦးလေးရ”ဟု ကျနော့်ကို ပြောဖူးကြောင်း ဦးသုကို ကျနော် ပြန်ပြောပြ၏။

ကျနော့စကားဆုံးတော့ “ခင်ဗျားက ကျနော့နံမည်ကိုရော ဘယ်ကနေဘယ်လို ဖြစ်လာတယ်ထင်လို့လဲ”ဟု မေး၏။ “ကျနော့်အသိထဲမှာ ရမ်းမသူးတို့ အူမူရ်သူးတို့ဆိုတဲ့နံမည်နဲ့ မွတ်စလင်မ်တွေရှိတယ်၊ ကျူလီယာတွေလို့ထင်တာပဲ၊ သိတ်တော့ မသေချာဘူး၊ ဗမာစကားပြောတာ လည်း မစန်းသီလိုပဲ ခပ်ယိုင်ယိုင်ရယ်၊ တခါ ဦးသုကလည်း အစ္စလာမ်ဘာသာဝင်၊ အစ္စလာမ့်နံမည်လည်း ရှိမှာပေါ့၊ နောက်ပြီးဦးသု ပြောတာမှာလည်း ဦးသုအဖေက ဗမာလိုသိပ်မပီဘူးဆိုတော့၊ ကျနော်တွေးမိတာက မစန်းသီလိုမျိုး မှတ်ပုံတင်အရာရှိ၊ ဒါမှမဟုတ်လည်း ကျောင်းစအပ်တုန်းက ကျောင်းစာရေးက အကြားလွဲပြီးရမ်းမသူးတို့ အူမူရ်သူးတို့ကနေများ အောင်မေသု ဖြစ်လာသလားလို့ပါ”ဟု ပြန်ဖြေ၏။

ကျနော့်စကားဆုံးတော့ ထူထဲရှည်လျားလှသည့် မျက်ခုံးမွှေးကြီးများကို အသာအယာ ဆွဲယူပွတ်သတ်နေရင်းက “ခင်ဗျား တော်တော် ကြံကြံဖန်ဖန်တွေးတဲ့သူပဲ၊ ယုတ္တိလည်းကျ၊ ဟုတ်လည်းအဟုတ်ပဲ၊ ဒါပေမယ့် ခင်ဗျားတွေးမိသလို ဟုတ်တယ်မဟုတ်ဘူးဆိုတာထက် ဒီ အောင်မေသုဆိုတဲ့နံမည်က ကျနော့်အဖေကိုယ်တိုင် ရွေးပြီးပေးခဲ့တာဗျာ၊ ဘာပဲ ဖြစ်ဖြစ်လေ၊ ရမ်းမသူးကနေ ဒါမှမဟုတ် အူရ်မူသူးကနေ အောင်မေသု ဖြစ်တာဖြစ်ဖြစ်၊ အောင်မေသုကနေပဲ အောင်မေသုဖြစ်တာ ဖြစ်ဖြစ်ပါ၊ အရေးမကြီးပါဘူး၊ ကျနော် အောင်မေသုအဖြစ်နဲ့ အောင်မေသုဖြစ်နေရတာကိုပဲ ကြိုက်ပါတယ်၊ နောက်လည်း အောင်မေသုပဲဖြစ်နေဦးမှာပါ”ဟု ဆိုကာ ထုံးစံအတိုင်း ခပ်ပြုံးပြုံး၊

သည်လိုနှင့် သည်ညနေခင်းကား ကုန်ဆုံးသွားရပြန်သည်။ ကျနော်မြင်ခဲ့ဖူးသည့်အောင်မေသုကား အောင်မေသုအဖြစ်နှင့်သာ နေသွား သေသွားခဲ့ပါသည်။
မျိုးမြင့်ချို၂ဝ၁၁ မတ်

read more

"ချင်တယ်" မျိုးမြင့်ချို

"ချင်တယ်"
အမေရိကန်နေလို့ အထင်မကြီးနဲ့။ ခြံလေးစိုက်တယ် ကြက်လေး ငှက်လေးမွေးတယ်။ ခွေးလေး၂ ကောင်ရှိတယ်။ ကွန်ပြုတာ ၂ လုံးရှိတယ်။ အိုင်ဖုန်းတလုံး ရှိတယ်။ ရှက်ဗီ ၉၉ မော်ဒယ်လ် ထရပ်ပစ်ကပ်တစီးရှိတယ်။ အကြွေးနဲ့ နှစ်သုံးဆယ်အပေါင်ချထားရတဲ့အိမ်လေးတလုံးရှိတယ်။ စကားပြန်နဲ့ဘာသာပြန်အလုပ်ကို အဆိုင်မင်န်ရတဲ့အခါ လုပ်တယ်။ လကုန်ရင် ဟိုဘီလ် ဒီဘီလ်တွေနဲ့ နှလုံးနောက်ခေါင်းခြောက်ရတယ်။ ရှာသမျှငွေလေး ဓနရှင်တွေဆီပြန်ပေးရင်း အသက်ကိုတရက်ချင်း လီလီပြီးဆက်ရတယ်။

သာရေးတော့သွားခဲတယ်။ နာရေးတော့ တတ်နိုင်သမျှသွားတယ်။ သေခြင်းတရားကို စေ့ငုတယ်။ လူတွေအများကြီးထဲမှာ လူလေး လေးငါးယောက်လောက်ကိုဘဲ သဟာယပြုတယ်။ လူအများကြီးဆက်ဆံရမှာကို စိုးတယ်။ လူတွေကို လူ့မနောလူ့သဘောတွေကို သိချင်ပေမယ့် သူများအကြောင်းတွေ မသိချင်ဘူး။ ကိုယ့်အကြောင်းကိုယ်သိရင် လူ့အကြောင်းသိတယ်လို့သဘောပေါက်တယ်။

စိတ်ကျဝေဒနာ Depression ရှိတယ်။ PTSD ရှိတယ်။ Anxiety ရှိတယ်။ တခါတလေ ဘာသံတွေမှန်းမသိဘူး အလိုလိုကြားတယ်။ တခုခုလုပ်ခိုင်းနေသလိုလို၊ အမိန့်ပေးတာလိုလို၊ ဆဲဆိုကြိမ်မောင်းသလိုလို၊တိုင်းတိုင်းထွာထွာ ပြောသလိုလို၊ ကျိန်စာတိုက်နေတာလိုလို၊ ငိုချင်းချသံတွေလိုလို၊ ကြောင်တွေကိုက်နေတာလိုလို အသံဗလံတွေ ဆူညံပွက်နေတာဘဲ။ တခါတလေ အိပ်ခန်းထဲ ဆင်တွေဝင်လာသလိုလို၊ ကိုယ့်ရင်ဘတ်ကို တယောက်ယောက်က ဓါးမြှောင်နဲ့ ထိုးစိုက်ချတော့မယ့်ဟန် ပြင်နေတာလိုလို၊ မှင်စာလို လူသေးသေးအကောင်လေးတွေ ကိုယ့်တကိုယ်လုံး ရွပိုးထိုးသလို ရွစိတက်သလို ထိုးလာ တက်လာသလိုလိုတွေဖြစ်တယ်။ ဘာရုပ်မှန်းမသိတဲ့အရုပ်တွေ အကောင်တွေ မြင်တယ်။ သေကြောင်းကြံဖူးတယ်။ အိမ်မက်ဆိုးတွေ ခြောက်အိပ်မက်တွေနဲ့ ညတိုင်းနီးပါး နပမ်းလုံးရတယ်။ လန့်နိုးလာရင်တကိုယ်လုံး ချွှေးတွေနစ်နေတယ်။ တညလောက် ညလုံးပေါက် ဘာအိပ်မက်မှမမက်ဘဲ နှစ်နှစ်ခြိုက်ခြိုက်အိပ်ချင်တယ်။ နိုးတဲ့အခါလည်း စိတ်ကြည်ကြည်လင်လင်လေးနဲ့ နိုးချင်မိတယ်။

ဆေးတွေသောက်ရတယ် ပဲကြီးလှော်စားသလိုဘဲ။ လူကဒုက္ခိတဖြစ်ရတဲ့အထဲ စိတ်ကပါမသန်မစွမ်းဖြစ်တယ်။
တခါတလေ အရက်ကို မသောက်ရင်ပုလင်းထဲ သိုးသွား ပုပ်သွားမှာစိုးသလိုမျိုး နေ့မနားညမအား ရွပ်ရွပ်ချွန်ချွန်သောက်တယ်။ အားလုံးကို မေ့ပြစ်လိုက်တယ်။ အမူးပြေရင် စိတ်က ပိုကျတယ်။ သေတဲ့အကြောင်းချည်း တွေးတယ်။

တခါတရံ ဝင်သက်ထွက်သက်လေးမှတ်ရင်း meditation လုပ်တယ်။ ထောင်ထဲမှာ ၅ နှစ်လောက်ဆက်တိုက်န နေ့တိုင်း meditation Practice လုပ်ခဲ့တော့ စိတ်တည်ငြိမ်အေးချမ်းနေတဲ့ အရသာကို တဝကြီးခံစားဖူးတယ်။ မျက်နှာလည်း ကြည်လင်နေတယ် အဲ့ဒီတုန်းက။

meditation လုပ်တာကို စိတ်လေ့ကျင့်ခန်းလို့သဘောမထားသလို ဘာဝနာပွားတယ် တရားမှတ်တယ်လို့လည်း မမှတ်ဘူး။ meditation ဆိုတာ ဘယ်သူမှ မပိုင်တဲ့အရာဖြစ်တယ်။ ဘယ်ဘာသာတရားဆိုင်းဘုတ်မှ လာကပ်လို့မရတဲ့အရာဖြစ်တယ်။ နိဗ္ဗန်ကိုမတောင့်တဘူး။ ကောင်းကင်ဘုံလည်း မမျှော်လင့်ဘူး။ ရှေ့ဘဝနောက်ဘဝတွေ ခေါင်းထဲမရှိဘူး။ ရှိနေတဲ့ဘဝကိုလည်း မပျော်မွေ့ဘူး။ မနှစ်ခြိုက်ချင်ဘူး။

ဗမာပြည်ကိုလည်း လွမ်းတယ်။ ငယ်သူငယ်ချင်းတွေ အဆွေအမျိုးတွေ နိုင်ငံရေးလုပ်ဖော်ကိုင်ဘက် ထောင်ကျဖော်ကျဘက်တွေနဲ့လည်း ပြန်ဆုံချင်တယ်။ ဖေ့စ်ဘွတ်ပေါ်ကနေ သိကျွမ်းခင်မင်ရသူတွေနဲ့လည်း လူချင်းဆုံဖူးချင်တယ်။ လဘက်ရည်ဆိုင် ထိုင်ချင်တယ်။ ဖြတ်ထားတဲ့ဆေးလိပ်လည်း ပြန်သောက်မိမယ်။ စာအုပ်တန်းဘက် လမ်းလျှောက်ချင်တယ်။ ငှက်ပျောရွက်ပေါ် ပုံကျွေးတဲ့ချစ်တီးထမင်းကို နယ်နယ်ဖတ်ဖတ်စားချင်ပေမယ့် လက်မရှိတော့ ဇွန်းခက်ရင်းနဲ့ဘဲ စားရမယ်။ အငြိမ့်ကောင်ကောင်းလေး တပွဲလောက် ကြည့်ချင်တယ်။ ကွက်စိပ်ဟောတာ နားထောင်ချင်တယ်။ ချင်တယ်တွေ များတယ်။ ဘာမှတော့ဖြစ်မလာဘူး။

ထိုင်လည်းမနေချင်ဘူး။ ထိုင်နေလို့လည်း ဘာမှဖြစ်မလာဘူး။ ဒါပေမယ့် ထိုင်နေတာက လောကကြီးကိုလိမ်လည်လှည့်ဖျား မကောင်းကြံနေတာထက်တော့ကောင်းတယ်။ ဒါကြောင့်တခါတလေ တနေကုန်တယောက်တည်း ထိုင်နေတတ်တယ်။
ကျနော်ပြောတာတွေကြောင့် ခင်ဗျားစိတ်ညစ်မှာလည်းစိုးတယ်။
ဇူလိုင် ၂၁၊ ၂၀၁၈

read more