၂ဝ၁၄ မာခ်ျ အကုန်ပိုင်းမှာရေးဖြစ်တဲ့ တိုနန့်နန့်လေးတွေ-၂-(မျိုးမြင့်ချို)

၂ဝ၁၄ မာခ်ျ အကုန်ပိုင်းမှာရေးဖြစ်တဲ့ တိုနန့်နန့်လေးတွေ (မျိုးမြင့်ချို)ဒီနေ့ အိမ်မှာ မိတ်ဆွေတချို့နဲ့ ခေါက်ဆွဲကြော်စားတယ်။ ညီမက ကြော်ပေးတာ။ ကျနော့် ဗမာအမေရယ်၊ အမေရိကန်အမေရယ်၊ ယောက္ခမဘိုးတော် ဘွားတော်ရယ်လာကြတယ်။ စားပြီးပြန်ခါနီးတော့ ၄ ယောက်သားထိုင်ပေးပါပြောပြီး ဓါတ်ပုံလေးနှစ်ပုံ ရိုက်တယ်။ ရိုက်ပြီး ကွန်ပြူတာထဲကနေပြတော့ အမေရိကန်အမေက ”အင်း..၈၀ ကျော်များဆုံမိတာ အမှတ်တရပေါ့” တဲ့။ ဟုတ်ပါ့..သူပြောမှ ဗမာအမေက ၈၂ နှစ်၊ အမေရိကန်အမေက ၈၁၊ ယောက္ခမ ဘိုးတော်က ၈၆၊ ဘွားတော်က ၈၅ ထဲဝင်ကြပြီ။ ”သူတို့လောက်အသက်ရှည်ပြီး ကျန်းမာရေးတွေလည်း သူတို့လိုထိုက်သလောက်ကောင်းခဲ့ရင် တို့တွေဘယ်လိုနေမယ်မသိဘူးနော”လို့ ဇနီးကိုမေးပြော ပြောကြည့်တော့ ”အဲ့အရွယ်ထိနေရဖို့ပဲ ဆုတောင်းပါဦး”တဲ့။ ပြောရရင် ကျနော့်ဗမာအမေက အဲ့လူကြီးသူမ(၄)ယောက်ထဲမှာ ကျန်းမာရေးအကောင်းဆုံး၊ သွား(၂)ချောင်းကျိုးပြီ၊ သွေးတိုး ဆီးချို နှလုံးစတဲ့ရောဂါမျိုးတွေမရှိ၊ မျက်မှန်လွတ်စာဖတ်နိုင်၊ လက်ကိုင်တုတ်မဆောင်ရသေး။ ဆိုတော့ အခြား(၃)ယောက်က အမြဲလိုလို ”မင်းအမေကို အားလည်းကျ မနာလည်းမနာလိုဘူး” တဲ့။ ကျနော်ထင်တာတော့ ကံ စိတ် ဥတု အာဟာရတွေ နည်းနည်းစီကွဲကြလို့နေမှာပဲ။ ဒီနေရာမှာ ကျနော်ဆိုတဲ့”ကံ” က ”ကမ္မ”လို့ဆိုတဲ့ ”အလုပ်”သဘောကိုပဲ ရည်ညွှန်းတာပါ။ တခြားထွေလီကာလီတွေ မပါပါဘူး။ အမေက တဘဝလုံး အလုပ်နဲ့လက်နဲ့မပြတ်အောင် လုပ်လာခဲ့ရသလို ခုလည်း ဘယ်တော့ကြည့်လိုက်ကြည့်လိုက် တလှုပ်လှုပ်နဲ့ တခုမဟုတ် တခုတော့လုပ်နေတာပဲ။ အငြိမ်နေတာဆိုလို့ အိပ်တဲ့အချိန်ပဲရှိသလားထင်ရတယ်။ ပါးစပ်ကလေးကလည်း တဖြိုးဖြိုးတဖျောက်ဖျောက်နဲ့ ဟိုဟာလေးဝါးလိုက် ဒါလေးဝါးလိုက်နဲ့။ ထမင်းစားပြီတိုင်း ဦးချိန်တီလေးစားလိုက် လျှက်ဆားလေး လျှက်လိုက်နဲ့။ ပြီးတော့ပြောသေးတယ် ”ဝမ်းမှန်ဖို့အရေးကြီးတယ် ဝမ်းတလုံးကောင်းရင် ခါင်းရင်ခေါင်းမခဲဘူးဟဲ့၊ ဝမ်းနှုတ်ဆေးလေးဘာလေးလည်း မှန်မှန်စားကြ”တဲ့။ အင်း..အမေနားလည်တဲ့ ဝမ်းတလုံးကောင်းခေါင်းမခဲနဲ့ ကျနော်နားလည်တဲ့ ဝမ်းတလုံးကောင်းခေါင်းမခဲက မတူဘူး။ ဒါပေမယ့် ဘာပဲဖြစ်ဖြစ် အမေလည်း သူ့ဝမ်းတလုံးကောင်းခေါင်းမခဲနဲ့ 
သူ့ဟာသူ အလုပ်တော့ဖြစ်နေတာပဲ။ နေကောင်းထိုင်သာရှိနေတာသေးတာပဲ။ ကျနော့်မှာသာ ရွှေပြည်ကြီးကြည့်ကြည့်ပြီး တခါတခါနေမထိထိုင်မထိ။

ကျနော်မျှော်မှန်းတဲ့ ဒီမိုကရက်တစ်ဆိုစိုက်ယတီးက ဘာသာရေးနဲ့အာဏာ တနည်းပြောရရင် အစိုးရနဲ့ဘာသာရေးသတ်သတ်ခွဲထားတဲ့ ဘယ်သူ့ဘယ်သူမှ အပြန်အလှန်အသုံးချကိုယ်ကျိုးမရှာတဲ့ ဟာမျိုးပဲ။ လွတ်လပ်စွာတွေးခေါ်မြော်မြင်ခွင့်နဲ့ ဖြန့်ချိခွင့်မရှိတဲ့ အခြေအနေအောက်မှာ ”လူတိုင်း လွတ်လပ်စွာကိုးကွယ်ယုံကြည့်ခွင့်ရှိသလို လွတ်လပ်စွာမကိုးကွယ်မယုံကြည်ခွင့်လည်းရှိတယ်”လို့ ကွန်စတီကျူးရှင်းမှာပြဌာန်းထားစေဦး အချည်းနှီးကိစ္စမျှသာပဲ။ ခုက လွတ်လပ်စွာကိုးကွယ်ယုံကြည်ခွင့်လောက်လေး ထည့်ရေးပေးထားကိုပဲ ရွှေပြည်ကြီးမှာ စစ်ဗိုလ်ဆိုးတွေကို ကျေးဇူးရှင်လုပ်ပေးရမယ့်အချိုး။ အများစုကိုးကွယ်တဲ့ဘာသာကို နိုင်ငံတော်ဘာသာအဖြစ်သာ တရားဝင်စာနဲ့ပေနဲ့သာ မကြေငြာတာ ကြေငြာပြီးလုပ်တာထက်တောင် ရုပ်ပျက်ဆင်းပျက်ဖြစ်နေတာတွေ ရွှေပြည်ကြီးမှာ အနမတဂ္ဂ။ ခုမှမဟုတ်ဘူး လွတ်လပ်ရေးအစိုးရလက်ထက် ဝန်ကြီးချုပ် ဦးနုခေတ်ကတည်းက။ ဒီဘက်ခေတ် နိုင်ငံရေးသမားတွေလေသံကလည်း ၈၈ ပြီးစနဲ့ ခုဦးဗိုလ်သိန်းစိန်တို့ ဘုန်းကြီးဆိုးတွေမွေးပြီး လှည့်တိုက်ချိန်တောင် မတူတော့ဘူး။ ၈၈ ပြီးစ ကာလတချို့တွေအထိ နိုင်ငံရေးပင်မရေစီးကြောင်းထဲက ဒီမိုကရက်တစ်နိုင်ငံရေးခေါင်းဆောင်တွေနဲ့ နောက်လိုက်တွေရဲ့ကြွေးကြော်သံမှာ ”ဘာသာရေးနဲ့နိုင်ငံရေး မရောထွေးရေး”လေသံသဲ့သဲ့ပါသေးတယ်။ ယဲ့တော့ ခတ်ယဲ့ယဲ့ပါ။ ဒါပေမယ့်တော်သေးတယ်။ ပြောဖော်လေးတော့ ရသေးတယ်။ အားကောင်းရင် အသံကျယ်ပြီးပီပြင်ခိုင်မာလာမယ်၊ လက်တွေ့လည်း ကျင့်သုံးလာလိမ့်မယ်လို့ မျှော်လင့်လို့ရသေးတယ်။ ခု ရွှေပြည်ကြီးက ဒီမိုကရေစီဘက်တော်သားများဆီက ”ခင်ဗျားတို့ဖော်ချင်တဲ့ဒီမိုကရက်တစ်ဆိုစိုက်ယတီး မှာ ဘာသာရေးနဲ့နိုင်ငံရေးကို ဘယ်ပုံစံနေရာချမှာလဲဗျာ“လို့မေးတိုင်း ခိုင်မာပြတ်သားပြီး တိကျရှင်းလင်းတဲ့အဖြေ မပေးကြတော့ဘူး။ ကိုယ်တိုင်ကပဲ ခု စစ်တပိုင်းအရပ်သားအရေခြုံ စစ်ဗိုလ်ဆိုးများနည်းတူ ဘာသာရေးကိုသုံးမြဲသုံးချင်တာလား ဒါမှမဟုတ် မိမိယုံကြည်ချက်ကို အတိအလင်းမပြောဝံ့လောက်အောင် စိုးရွံ့ရတဲ့အခြေအနေနဲ့ စိတ်ခံစားမှုတွေရနေကြကုန်တာလား၊ ဒါမှမဟုတ် ဘာကြောင့်များလဲကတော့ ကာယကံရှင်တွေပြောမှသိရမှာပါ။ ”နိုင်ငံရေးသမားရဲ့ အကင်းပါးမှုဟာ ဘယ်အချိန်မှာ ဘာပြောရမယ်ဆိုတာကိုသိဖို့ထက် ဘယ်အချိန်မှာဘာမပြောရဘူး ဆိုတာသိဖို့ ပိုအရေးကြီးတယ်”ဆိုတာ နိုင်ငံရေးသဘော နည်းနည်းလေးစောကြောမိသူတောင် နားလည်ပါတယ်။ ဆိုတော့ ဒီအချိန်ဟာ ဘာမှမပြောရမယ့်အချိန် ဒါမှမဟုတ် ဒီအကြောင်းမပြောရမယ့် အချိန်လို့ဆိုရင်တော့ လက်ခံဖို့ခက်ပါလိမ့်မယ်။ ”ပရိယယ်”ဆိုတဲ့စကားနဲ့ အလိမ္မာသုံးတာမျိုးလည်း ရိုးလွန်းနေမလားပဲ။ ထားပါတော့ ဒီအချိန်ဟာပြောရမယ့်အချိန်လား မပြောရမယ့်အချိန်လား၊ ကိုယ်တည်ဆောက်မယ့် ဒီမိုကရက်တစ်ဆိုစိုက်ယတီးမှာ ဘာသာရေးလွတ်လပ်ခွင့်တန်းတူခွင့်ကို ဘယ်လိုသဘောထားမလဲ။ အစိုးရနဲ့ဘာသာရေး၊ အာဏာနဲ့ဘာသာရေးကို ဘယ်လိုနေရာချထားမလဲ ဆိုတဲ့မေးခွန်းတွေကို ဆင်ဝှေ့ရန်ရှောင်ဆက်လုပ်နေလို့ မရတော့မယ့်အနေအထားဟာ နီးသထက်နီးနီးလာပြီမှတ်တာပါပဲ။ (ဘာသာရေးနိုင်ငံရေးထွေးတဲ့ကိစ္စ)

လူမျိုးစုလက်နက်ကိုင်တော်လှန်ရေးအင်အားစုတွေနဲ့ တပြည်လုံးအပစ်အခတ်ရပ်စဲရေး
လက်မှတ်ထိုးပြီးရင် တပြည်လုံးလုံးတပ်ဖျက်လက်နက်ချပွဲကြီးလုပ်ဖို့ခြေလှမ်းပြင်ရာမှာ
ဒါးခုတ်ရာလက်လျှိုမယ့်သူနဲ့ ဗိုက်အငှားနဲ့ဓါးအထိုးခံမယ့်သူတွေကို
လက်သဲကြားအပ်စိုက်ပြီးတောင် ရွေးစရာမလိုဘူး..ဆိုပါ့လား။ တန်းစီနေလို့ မနည်းတောင်ရှင်းထုတ်နေရ..ဆိုပါ့လား။ လွှတ်တော်ကပဲဖွဲ့ဖွဲ့ သမ္မတကပဲဖွဲ့ဖွဲ့
ဖွဲ့ရင်ပါဖို့အဆင်သင့်ရှိတယ်လို့ ရေမလာခင်ကတည်းက မြောင်းပေးသူတွေရှိတယ်..
ဆိုပါ့လား။ ဖိတ်ရင်ပါမယ်တောင်မဟုတ်ပဲ ဖွဲ့ရင်ပါချင်တယ်ဆိုသူလည်းရှိ ဆိုပါ့လား။
ဟိုနေ့က လာသွားတဲ့ ကမ္ဘာ့လူကြီးသုမများကလည်း အဲ့သလိုဆိုကြိုမယ်ဆိုပါ့လား။ အင်း..လာဦးမယ်နဲ့တူတယ် (ပြည်တွင်းစစ်ရပ်စဲရေး ပြည်တွင်းငြိမ်းချမ်းရေးကော်မတီ)ဆိုပြီး။ စစ်တပ်ကဗိုလ်လုပ်တဲ့ ၂ဝဝ၈ ဖွဲ့စည်းပုံအောက်မှာခေါင်းလျှိုရင်း အတိုက်အခံသဘော ကူဖျောက်ရင်း ကိုယ်လိုပဲအမြီးပြတ်တွေချည်းဖြစ်အောင်ကြံဆောင်မယ့်သူတွေ ခုထက်ပို အုတ်အုတ်ကျက်ကျက် သောင်းသောင်းဖျဖျမြင်ရတော့မယ် ထင်ပါရဲ့။ (အပစ်ရပ် တပ်ဖျက်လက်နက်ချကိစ္စ)

ဦးဝင်းတင်ကျန်းမာရေးကြားရတာ အားမရဘူး။ မီးဇာကုန်ဆီခမ်းဆိုပေမယ့် သူ့မီးဇာနဲ့သူ့ဆီက ထောင်နဲ့စစ်ကြောရေးကြောင့် အကုန်နဲ့အခမ်းမြန်ရတာပဲ။ မလွန်စေချင်လည်း လွန်ဆန်မရတဲ့တရားမှန်းသိလည်း သိသိပဲ။ ဒီနေရာမတော့ အသိခေါက်ခက် အဝင်နက်လိုက်ချင်တာပဲ။ သူဆုံးရင် သူနဲ့အတူပါသွားမယ့်သမိုင်းတွေရှိပေသိ သူဆုံးလည်း ဘယ်တော့မှမဆုံးမယ့်သူ့သမိုင်းနဲ့ ဘယ်တော့မှမဆုံးမယ့်လူ့သမိုင်းကတော့ ဆက်ချီနေမှာပဲ။ ထောင်ဝင်စာမှာတစ်ကြိမ်ဖြတ်ကနဲလေးအဆုံ စစ်ထောက်လှမ်းရှေ့တင် ခေါင်းစွပ်ကိုဗျတ်ကနဲဆွဲမတည့်ပြီး နေကောင်းလားမမေးပဲ ”ဘာထူးသေးလဲဗျ”လို့ လှစ်ကနဲလှမ်းမေးတာ ခုထိအောက်မေ့နေတုန်း။ ကျနော် ၂၀၀၆ လောက်က ထိုင်းမှာနေတုန်းရေးဖြစ်ခဲ့တဲ့ ”ကွိ သို့မဟုတ် ယုံကြည်ချက်တွင်ရဲရင့်သူ” ပြန်ရှာပြီးတင်မယ်တွေးပါတယ်။ (ဦးဝင်းတင်ကျန်းမာရေးကိစ္စ)

"ဗမာ့တပ်မတော်ထဲက လက်ရှိအမှုထမ်းစစ်သည်များသို့"ကို (ရီပို့တ်လုပ်သူတွေရှိတယ်)လို့ ဖေ့စ်ဘွတ်ခ်က ခုနကပဲ အကြောင်းကြားလာပါတယ်။ ကျနော့် ခွန်အား အချိန် ချွေးနှဲစာရယ်၊ အမေရိကန်မိတ်ဆွေရဲ့ ကင်မရာနဲ့စက်ပစ္စည်း အတတ်ပညာ လုပ်အားတင်မက အင်္ဂလိပ်လိုဟာမှာ နောက်ခံစကားပါပြောပေး လို့မှ ဖြစ်ညှစ် ထွက်လာရတာပါ။ ကျနော် ကောင်းတဲ့စေတနာနဲ့လုပ်တာလို့ကိုယ့်ကိုယ်ကိုယ်ထင်လည်း လူအချို့အတွက် ဆိုးတဲ့စေတနာဖြစ်သွားရတာအတွက် စိတ်မကောင်းပါ။ ခက်တာကလည်း လောကမှာ "မင်းဘာသာမင်း ဘာလုပ်လုပ် ဘယ်သူ့မှမထိခိုက်ပြီးတာပဲ"ဆိုတာက ပြောရလွယ်သယောင်ရှိပေမယ့် လက်တွေ့မှာကျ မဖြစ်နိုင်ပဲ။ ဒီနေရာမယ်ကျနော်ဆိုလိုတဲ့"လက်တွေ့"ဆိုတာက"နိုင်ငံရေး"မှာ ဖြစ်ပါတယ်။ (ရီပို့တ်လုပ်သူတွေကိစ္စ)

ခုပဲ ရွှေပြည်ကြီးကတူမတစ်ယောက်နဲ့ စကားပြောနေတာ။ သူကပြောတယ် ဦးဗိုလ်သိန်းစိန် ၃ နှစ်မြောက်မိန့်ခွန်းပြောမယ်ဆိုတော့ သူ့လုပ်ဖော်ကိုင်ဘက် တစ်ယောက်ကပြောတယ်..တဲ့။ အဘက ဒီတခါ ဘာများသောက်ခိုင်းဦးမလို့လဲ မသိဘူး..ဆိုပြီး။ ဒီတော့ နောက်တစ်ယောက်က ဝင်ပြောတယ်..တဲ့၊ အလကားပါအေ..လေဖြတ်မစိုးလို့ ပါးစပ်လေ့ကျင်ခန်း လုပ်တာနေမှာ..လို့ဆိုသတဲ့။ တူမချောကတော့ ဦးသိန်းစိန်အကြောင်းမပြောသေးပဲ ”ဗိုလ်ရွှေမန်းအနံ့ပေးနေပြန်ပြီ လေးလေးရ”တဲ့။ ဒါနဲ့ သမီးရော သိန်းစိန်မိန့်ခွန်းနားထောင်ပြီး ဘယ်လိုထင်သလဲပြောပါဦးဆိုတော့ ”သမီးသူ့ကို အစကထဲက မလေးစားဘူး မယုံကြည်ဘူး။ သိချင်တာက ဘာ ဟာသများ ကြားရဦးမလဲပဲလေ၊ ထင်တဲ့အတိုင်းပဲလေ၊ စစ်တပ်အင်အားတောင့်အောင်တဲ့၊ ပထဝီကုန်ပြီ၊ အာပေါ ဝါယောကုန်ပြီ၊ ဒါမှ မတောင့်သေးလည်း စစ်တပ်တတပ်လုံး အတောင့်လိုက်သေလိုက်လို့ပဲပြောချင်တယ်”တဲ့။ ကဲကြည့် အဲဒါ နိုင်ငံရေးနဲ့ စင်္ကြဝဠာ ၇ ခုစာလောက်ဝေးတဲ့ ကလေးမတွေပြောကြတာများ သူတို့သမ္မတကြီးကို ရစရာမရှိဘူး။ ဒေါ်စုကဖြင့်ယုံလိုက်ရတာ သမ္မတကြီးကို၊ သဘောကျလိုက်ရတာ စစ်ဗိုလ်ကြီးတွေကို။ ဦးရွှေမန်းကိုများ ခုနလေးတင်ပြောနေတာ ဖြောင့်ဖြောင့်မတ်မတ် ရှိတဲ့အကြောင်း။ ဒီ မလိမ်မိုးမလိမ်မာဟာမလေးတွေ ဗလွတ်ရွှတ်တတ်ပြောနေတာ ဒေါ်စုသာကြားလို့ကတော့ ရင်ကျိုးမှာ။ (တူမချောနဲ့ပြောတဲ့စကား)

ရယ်စရာပြောတာမဟုတ်ပါ။ ရွှေပြည်ကြီးမှာ ခု ဥ နှစ် ဥ ခေတ်စားနေတယ်လို့ လူငယ်တယောက် ကပြောတယ်။ ခြေဥ ခြေဥနဲ့ လူပြောများတော့ ဥ တစ် ဥ ကတော့ သိနေပါပြီ။ ဒါနဲ့ နောက် တစ် ဥ က ဘာဥများပါလိမ့်လို့ မေးကြည့်တော့..မျိုးဥ..တဲ့။ သဘောမပေါက်တာနဲ့ မေးကြည့်တယ်။ ”မျိုးစောင့်ဥပဒေလေ ဦးလေးကလည်း လေပါတယ်”တဲ့။ ဟုတ်သားပဲ သူပြောမှ နောက် တစ်ဥလည်း သိတော့တယ်။ အင်း...နောက်ဆုံးတော့ ခြေဥပဲဖြစ်ဖြစ် မျိုးဥပဲဖြစ်ဖြစ် နှစ်ဥလုံးကတော့ စစ်ဗိုလ်တွေ အာဏာနဲ့စီးပွားရှာဖို့ ”ဥ”ထားတဲ့ ဥတွေသာပဲ။ (ဥနှစ်ဥကိစ္စ)

၂၀၀၈ စစ်စိုးမိုးဖွဲ့စည်းပုံပြင်ရေးဆန္ဒပြပွဲတွေ ဟောပြောပွဲတွေ ခြိမ့်ခြိမ့်သဲသဲဖြစ်လာတာ လက္ခာဏာကောင်း ကိစ္စကောင်းလို့မြင်ပါတယ်။ ၈၈-ငြိမ်း/ပွင့်တွေ လှုပ်ရှားမှုမှာဟောပြောပါဝင် ဦးဆောင်နေတာလည်း ကြေနပ်စရာပါပဲ။ ”ပြင်ပြင်/မပြင်ပြင်ဝင်မယ်”ဆိုတဲ့အင်န်အယ်လ်ဒီအနေနဲ့ ”ပြင်မှဝင်မယ်”လို့ ကိုယ့်အသံကိုယ် ပြန်ပြင်ချိန် တန်ပြီတွေးတယ်။ အလုပ်သမား/လယ်သမား/မြေယာအသိမ်းခံ/ အထွေထွေမကြေနပ်မှုတွေခါးစည်းခံနေရတဲ့ပြည်သူများရဲ့တိုက်ပွဲတွေနဲ့
ဒီလှုပ်ရှားမှုတွဲပြီးသာနွှဲလိုက်လို့ကတော့ လူထုလက္ခဏာအပြည့်ပါတဲ့ အကြမ်းမဘက်လူထုလှုပ်ရှားမှုကြီးဆီ ဦးတည်သွားမှာသေချာသလောက်ပဲ။ ပုဒ်ထီးပုဒ်မတွေနဲ့ အချုပ်အချယ်တွေကိုဘေးချိတ်ပြီး ရဲရဲတင်းတင်းဆက်တက်သွားရင် ”အကြမ်းမဘက် အာဏာဖီဆန်ရေးလှုပ်ရှားမှုကြီး”ဖြစ်လာမယ် မှတ်တာပါပဲ။ လူထုအားကြီးရင် ဘုန်ကြီးဆိုးတွေနဲ့လှည့်တိုက်တိုက် တစည၊ မဘသအပါအဝင် သဏ္ဍန်စုံစစ်အလိုတော်ရိတွေနဲ့လှည့်တိုက်တိုက် ဘာမှုစရာရှိမလဲ။ ဒီ စစ်အလိုတော်ရိတွေ စစ်အာဏာပြိုတာနဲ့ တနွယ်ငင်တစင်ပါ အရင်းလဲအဖျားထင်းမယ့် နောက်မြီးဆွဲတွေမျှသာပဲ။ ဒီမိုကရေစီအယောင်ဆောင် အရပ်သားအရေခြုံတွေရဲ့ ဓနနဲ့အာဏာအသက်ဗူး ဒါမှမဟုတ် ဝိညာဉ်သေတ္တာဟာ ၂၀၀၈ ဖွဲ့စည်းပုံမှန်း လူတိုင်းသိပြီးသားပါ။ (တဥပြင်နဲ့လူထုနစ်နာချက်အဆက်အစပ်ကိစ္စ)

ခုတလော ခြေနည်းနည်းငြိမ်နေသူတွေထဲမှာ သီတဂူလည်းပါတာ သတိထားမိတယ်။ ဝီရသူကတော့ ပွဲခံပြီးရင်းခံရင်းနဲ့ ကမ္ဘာကျော်ကြီးကိုဖြစ်လို့။ သီတဂူတို့ မနာလိုမယ်ဆိုလည်း မနာလိုချင်စရာ။ ဝီရသူကတစ်ယောက် ရာဇဝတ်မှုတွေနဲ့ထောင်ကျတုန်းကတော့ တရားပဲသွားဟောတာလိုလို ဒန်ပေါက်ပဲသွားကြွေးတာလိုလိုနဲ့ တကူးတကန့်တောင် သွားတွေ့ရရှာတာ။ ခု အပြင်လည်းကြ နံမည်ကြီးဟိုးဟိုးလည်းကျော်ရော၊ တိုင်မ်းမဂ္ဂဇင်းတို့ဘာတို့တွေထဲ မျက်နှာဖုံးကနေပါလာရော သူ့ကို အဖက်မလုပ်ချင်သလို မတူမတန်သလိုလိုတွေလုပ်နေတော့ စိတ်ထဲ မခံချည့်မခံသာဖြစ်ဖြစ်လာပုံပဲ။ ဒီတင်ရှိရင်းစွဲ ဘာသာခြားလူမျိုးခြားမုန်းတီးရေးစိတ်အခံရယ် ဝန်တိုမစ္ဆေရိယစိတ်ရယ်ပေါင်းပြီး ”အိမ်ရှင်-ဧည့်သည်”တွေထပြောလိုပြော ”လူ(၂ဝဝ)သေတာပါ မျိုးမတုန်းပါဘူး”တွေဟောလိုဟောနဲ့ ဝီရသူနဲ့ အရပ်ခြင်းတိုင်းဖို့ကြိုးစားတယ်မှတ်တယ်။ ဟိုကလည်း အပါး။ အတွင်းစည်းထဲက သူ့လူသူကိုင်ထားနိုင်တဲ့ သူ။ လူမွေးနိုင်တဲ့သူ။ ပလေးတတ်တဲ့သူ။ နဂိုကမှ ရှစ်စပ်က ဂျင်ခြေလည်ရတဲ့အထဲ ရာဇဝတ်ကောင် ထောင်ထွက်ဆိုတော့ ထောင်ဇယားလည်းကျသလားမမေးနဲ့ဆိုတဲ့အစား။ သီတဂူ ”လူလစ်ပြီဟ၊ ဘယ်သူမှ မသိလောက်ဘူး” ဆိုပြီး ဒေါ်စုကို ကွယ်ရာမှာ လက်သီးပုန်းကျိတ်ထိုးတဲ့ ”အလွတ်သဘော” ဆိုတာကို ကောက်ကိုင်ဖေါက်ချပြီး အထုတ်လည်းဖြည်လိုက်ရော သီတဂူ ခြေမကိုင်မလက်မကိုင်မိတွေနဲ့ ဘုန်းကြီးတန်မဲ့ စကားရှုပ်စကားရှင်း စာရင်းပေါက်သွားတော့တာပဲ။ ဇာတ်ခေါင်းကွဲတော့တာပဲ။ အမှန်က ဗိုလ်လုကြတာပါ။ ဇယားရွှေ့ကြရင်း ဇယားငြိကြတာပါ။ ဇယားညပ်သွားတာက သီတဂူ့နှုတ်ကတရရပြောတဲ့ ”အရတော်စွ ဒကာမကြီးဒေါ်စု” ပဲ။ သီတဂူ ဗိုလ်မဖြစ်ပဲ ခြေထိုးခံလိုက်ရတော့ အငန့်လေးတွေလို့တွက်မိမှားကြောင်း နောင်တရသွားမယ့်သဘောတော့ ရှိတယ်။ ဝီရသူက ဖြေဆေးတော့ပြန်ကြွေးရှာပါတယ်။ ဒါပေမယ့် ဆေးမမီတော့ဘူး ”မင်းတို့ ငါ့ကို အသုံးချတယ်” ဘာညာနဲ့ တကယ့်ပီဘိဘာမှမသိလေဟန်လုပ်ပြရတဲ့ဘဝ ရောက်သွားတယ်။ ဒီတင် ဒေါ်စုကိုဖုန်းဆက်ပြီး စကားဖါစကားထေးလုပ်ရရောပဲ။ ရဟန်းတို့ မကျူးလွန်အပ်ဘူးဆိုကာ ဗုဒ္ဓမြတ်စွာပြစ်တင်ရှုတ်ချလေတဲ့ ဝစီဒုစရိုက်နဲ့တန်းငြိတော့တာပဲ။ မျက်နှာဖုံးကွာကြတော့တာပဲ။ ဒီတင် လက်လျှိုပြီး ငုတ်နေလိုက်ပုံပဲ။ ခြုံထဲကတမြမြ လုပ်နေသလားပဲ။ အောက်ရေတိုးနေသလားပဲ။ ဘာပဲဖြစ်ဖြစ်ပါ ကြောင်ကြာရေမငုတ်ဆိုသလိုပဲ ပြန်ပေါ်လာမှာပါ။ ဝီရသူဇာတ်ရှိန်လည်း အမြင့်ဆုံးရောက်ပါပြီ။ ဇာတ်ကျချိန်မှာ ”ပျော်ရွှင်စွာပေါင်းစည်း ကြလေသတည်း”နဲ့ အဆုံးသတ်မယ့်ကိန်းတော့ ခုထိမမြင်သေး။ (နောင်တော်ကြီးနဲ့ညီတော်လေးကိစ္စ)

နေပါဦး ခု အရပ်သားအရေခြုံ ဒီမိုကရေစီအယောင်ဆောင် ဦးဗိုလ်သိန်းစိန် သမ္မဖြစ်တော့ ကောင်းလှချည့်ဆို၊ သမ္မတကြီးကိုယုံတယ်ဆို၊ မဟုတ်တာလုပ် လိမ်လည်ဖြီးဖြန်းနေ တာတောင် ချစ်စနိုးနဲ့နွဲ့ဆိုးလေးဆိုးပြီး ”ဘပြောင်” ဆို။ နောက်သိတ်မကြာဘူး ဇာတိရုပ်ပြန်ပေါ်တော့ မကောင်းတော့ဘူးဆိုသလိုလို၊ ခုတခါ ဖြစ်နေတဲ့ပြဿနာတိုင်းက အစိုးရကြောင့်ဆိုနေပြန်ရောလား။ ဦးဗိုလ်ရွှေမန်းကြ ဘာမှမပြောကြတာက ဘာဖြစ်လို့များတုန်း၊ ဘာလဲ လွှတ်တော်ထဲမှာ ဒေါ်စုနဲ့ကြည်အေးစေနဲ့ လပ်ခုတ်တီးပေးလိုက် ကွေးနေအောင်ကလိုက်ဖြစ်နေလို့လား။ ဖွဲ့စည်းပုံပြင်ပေးမယ်ပြောလို့ ဝမ်းသာကြရော့သလား။ ကျနော့်အမြင်အရတော့ ဦးဗိုလ်သိန်းစိန်ဖြစ်ဖြစ် ဦးဗိုလ်ရွှေမန်းဖြစ်ဖြစ် ဗိုလ်မင်းအောင်လှိုင်ဖြစ်ဖြစ် တူညီတဲ့အကျိုစီးပွားကို နည်းနာခွဲပြီးကာကွယ်နေကြတာပဲ။ တခြားအများကြီးမပြောနဲ့ ခုနေ ”စောမူးတူးဆေးဖိုးဖြစ်ဖြစ်၊ RNDP က ဦးအေးမောင်ဖြစ်ဖြစ်၊ ဒေါ်စုဖြစ်ဖြစ်၊ ၈၈-ငြိမ်းပွင့်တွေဖြစ်ဖြစ်၊ သီတဂူဖြစ်ဖြစ်၊ ဝီရသူဖြစ်ဖြစ်.....ဘယ်သူဖြစ်ဖြစ်” တယောက်ကနေ ”ဦးပိုင်ဖျက်”လို့ တစ်ခွန်းပဲပြောကြည့် မတူတဲ့အသံတွေနဲ့(အပြော့ဆွဲ၊ မန်မန်မဲမဲ၊ အော်အော်ငေါက်ငေါက်၊ ခြိမ်းခြိမ်းခြောက်ခြောက်၊ တုတ်ဆွဲဓါးဆွဲ၊ ခါးစောင်းကသေနတ်ဒင်ပုတ်ပြ) တူတူညီညီကာကွယ်ကြမှာပဲ။ ဒီလို ကာကွယ်ရိုးဟာ တခြားမကြည့်နဲ့ အနီးဆုံး ဗိုလ်(ဟောင်း)ခင်ညွန့်ပဲကြည့်၊ အေးနေဝင်းပဲကြည့်” တပ်တော့မထိနဲ့ တပ်အကျိုးစီးပွားတော့မထိနဲ့”လို့ အတိအလင်းပြောသေးတာပဲ။ ဗိုလ်ဦးလွန်းမောင် ထမင်းဆိုင်ဖွင့်စားတယ်။ သူ့ဖြုတ်လိုက်လို့ ရွှေမန်းတို့တစ်သိုက်ကို မကြိုက်ဘူးပဲ ခနဲ့တဲ့တဲ့လောက်သာပြောတာ။ တပ်ကလုပ်တာမှန်သမျှအကောင်းချည်းပဲလို့ မပြောပေမယ့် အဆိုးတခုတလေပါကြောင်းတောင် မပြောဘူး။ ဆိုတော့ ကိုယ့်ခေါင်းဆောင်နဲ့ ဘယ် စစ်ဗိုလ်ဟောင်း/သစ် အလွမ်းသင့်နေသလဲကြည့်ပြီး ဒီစစ်ဗိုလ်ကောင်း/မကောင်း လိုက်ခံစားဆုံးဖြတ်နေသူတွေဆီက သိတ်မကြာတော့ဘူးဗိုလ်ဦးရွှေမန်းမကောင်းဘူးပြောသံ ကြားရတော့မယ်မှတ်တယ်။ ဗိုလ်မင်းအောင်လှိုင်နဲ့ ပေးကစားတော့မှာလိုလို ဘာလိုလိုအသံ ထွက်လာတယ်။ သိန်းစိန် ရွှေမန်း မင်းအောင်လှိုင် မင်းသားပြောင်းပွဲထွက်ပြီး တပင်တိုင် မင်းသမီးဒေါ်အောင်ဆန်းစုကြည်တလက်တည်းမဟုတ်တော့ပဲ ဘယ်သူတွေပါ ယိမ်းထဲ ပါကြဦးမလဲ။ နှစ်ပါးသွားကြဦးမလဲ။ မြိုင်ထဆိုလည်း မခက်ပါလား။ စစ်အုပ်စုသဘာဝဟာ ငါးခုံးမတစ်ကောင်ကြောင့် တလှေလုံးပုတ်တာမဟုတ်ဘူး ငါးခုံးမပုတ်တွေချည်း လှေလုံးပြည့် တင်ထားတာ။ ဒီကြားထဲ လှေက လှေလူး၊ ဘုန်းကြီးရူးပေးလှော်တော့ တွက်သာကြည့်။ (ဦးပိုင်ဖျက်လို့ပြောကြည့်စမ်း)