ကေအန်ယူအကြံပေး ဗိုလ်မှုးကြီးစောထူးထူးလေးနဲ့ ဥပဒေအထောက်အကူပြုကွန်ရက်က ကိုအောင်ထူး(ရှေ့နေ) တို့ရဲ့ အပြန်အလှန်ပေးစာပါ။ (၂)

ကေအန်ယူအကြံပေး ဗိုလ်မှုးကြီးစောထူးထူးလေးနဲ့ ဥပဒေအထောက်အကူပြုကွန်ရက်ကိုအောင်ထူး(ရှေ့နေ)တို့ရဲ့ အပြန်အလှန်ပေးစာပါ။ (၂)
ဒါက ဦးအောင်ထူးတုန့်ပြန်စာပါ။

သို့ 

စောထူးထူးလေး
ကေအင်ယူဥက္ကဌ၏အကြံပေး၊ ဗိုလ်မှုးကြီး
အကြောင်းအရာ။ သူငယ်ချင်းရဲ့၂ဝ၁၄ ခုနှစ်အောက်တိုဘာ ၂၂ ရက်စွဲဖြင့် မိမိထံ အိပ်ဖွင့်ပေးစာကို ပြန်ကြားခြင်း။

သူငယ်ချင်း
ရှေးဟောင်းနှောင်းဖြစ်တချို့ထည့်သွင်းပြီးရေးလာတဲ့ မင်းရဲ့အိပ်ဖွင့်ပေးစာကိုရလို့ဝမ်းသာကြောင်း ပြောပါရစေ။ လက်ရှိကေအင်ယူထိပ်ပိုင်းခေါင်းဆောင်တချို့ရဲ့နောက်ကွယ်က အဓိကလှုပ်ရှားနေသူဟာ သူငယ်ချင်းဘဲဆိုတဲ့သတင်း ကြားနေတာတော့ ကြာပါပြီ။ မင်းပေးတဲ့စာပါ အချက်တချက်အရလည်း အဲဒီသတင်း မှန်ကောင်းမှန်နိုင်မယ်လို့ ယူဆစရာရှိတယ်။ အဲဒါကတော့ ဗိုလ်ချုပ်ကြီးမြ ရှိခဲ့စဉ်တုံးက နအဖနဲ့ဆွေးနွေးပွဲမှာ မင်းက ကေအင်ယူကိုယ်စားလှယ်အဖွဲ့ခေါင်းဆောင်ဖြစ်ခဲ့ပြီး လက်ရှိကေအင်ယူဥက္ကဌ ဗိုလ်ချုပ်ကြီးမူတူးဆေးဖေါက တပ်မဟာ (၆)မှုး ဗိုလ်မှုးချုပ်အဆင့်မှာ အဖွဲ့ဝင်အဖြစ်လိုက်ပါခဲ့ရတယ် ဆိုတာလေ။ ကာချုပ်မင်းအောင်လှိုင် အပါအဝင် ထိပ်သီးဗိုလ်ချုပ်ကြီးတွေခုနှစ်ယောက်နဲ့ ကေအင်ယူထိပ်ပိုင်းခေါင်းဆောင်ခြောက်ယောက် ဓါတ်ပုံတွဲရိုက်ရာမှာ (ဘယ်ဘက်ခြမ်း ဒုတိယနေရာ) သူငယ်ချင်းက ဒုတိယဗိုလ်ချုပ်ကြီးမြင့်စိုးနဲ့ လက်ခြင်းခိုင်ခိုင်တွဲထားတာလည်း  သတိထားလိုက်မိပါရဲ့။

ဘယ်လိုဘဲဖြစ်ဖြစ် မင်း အခုလိုပွင့်ပွင့်လင်းလင်းပြောလာတာကို ကြိုဆိုလျှက်ပါ။ ဘာကြောင့်လည်းဆိုတော့ ငြိမ်းချမ်းရေးဆိုင်ရာ ပြဿနာတွေကို လူထုကြီးတရပ်လုံးသိနိုင်တဲ့လမ်းကြောင်းလေးတွေ ပေါ်လာစေခြင်လို့ဘဲ။ All Inclusive အားလုံးပါဝင်ရေးဆိုတဲ့ ဆိုင်းဘုတ်အောက်ကနေ ငါးပွင့်ဆိုင်တွေ၊ သုံးပွင့်ဆိုင်တွေဘန်းပြပြီး စစ်အစိုးရက သူလက်သပ်မွေးထားတဲ့အင်အားစုတွေထည့်ဘို့ ကြိုးစားနေတာကို မကြိုက်လို့ဘဲ။ (စစ်အစိုးရလို့ပြောတာကို မင်းလက်ခံနိုင်မှာပါ။ အခုမင်းတို့ကေအင်ယူခေါင်းဆောင်တွေနဲ့ ဓါတ်ပုံတွဲရိုက်ထားတဲ့ ပုဂ္ဂိုလ်တွေကိုကြည့်ပါ။ ၂ဝဝ၈ ဖွဲ့စည်းပုံအရရော လက်တွေ့အရရော တကယ့်အာဏာလည်း သူတို့လက်ထဲမှာဘဲရှိနေတယ် မဟုတ်လား) ဒါကြောင့် ငြိမ်းချမ်းရေး ပြဿနာတွေကိုအဖြေရှာရာမှာ စစ်အစိုးရနဲ့သူ့လူတွေ အဓိကလွှမ်းမိုးမယ့် ʻအားလုံးʼဆိုတဲ့စကားလုံးထက် ʻလူထုပါဝင်ရေးʼိုတဲ့ဝေါဟာရကို ကိုယ်ကတော့ ပိုပြီးတန်ဘိုးထားတယ်။

သာဓကအားဖြင့် အခုပေးစာတွေ ထွက်လာသလိုပေါ့။ ကေအင်ယူရဲ့ထိပ်တန်းခေါင်းဆောင်တချို့နဲ့ တသားတည်းရှိနေတဲ့မင်းက ကိုယ့်ဆီကို အိပ်ဖွင့်ပေးစာပို့လာ၊ မင်းဘက်ကအမြင်ကို တင်ပြ၊ ကိုယ်ကလည်း ကိုယ့်အမြင်ကို ပြန်တင်၊ ဒီအခါမှာ သတင်းအချက်အလက်တွေကို လူထုတွေ ပိုသိရှိလာကြပြီး ပိုစဉ်းစားခွင့်ရ၊ မတူတဲ့သုံးသပ်ချက်တွေ ပေါ်ထွက်လာ၊ သူငယ်ချင်းလိုဘဲ အခြားတိုင်းရင်းသား လက်နက်ကိုင်တော်လှန်ရေးအဖွဲ့အစည်းခေါင်းဆောင်တွေကလည်း သူတို့အမြင်တွေ၊ ဆွေးနွေးပွဲမှာ ကြုံရတဲ့အခက်အခဲတွေကို အခုထက်ပိုပြီး ပွင့်ပွင့်လင်းလင်းတင်ပြချက်တွေပြု၊ အဲဒါတွေအပေါ်မှာအခြေခံပြီး လူထုတွေ လွတ်လပ်စွာစုစည်းဆွေးနွေးခွင့်ရ၊ ငြိမ်းချမ်းစွာ ဆန္ဒထုတ်ဖေါ်ခွင့်ရကြမယ်ဆိုရင် တဖြည်းဖြည်းနဲ့ လူထုလှုပ်ရှားမှုတွေ ဖိအားတွေပေါ်လာနိုင်တယ်။ ဒါဟာ ʻလူထုပါဝင်ရေးʼဘဲလို့ ကိုယ် နားလည်တယ်။ ဒီလို ဖြစ်စေခြင်တာပါ။ ပဋိပက္ခရဲ့ဘက်နှစ်ဘက် အစည်းအဝေးတွေမှာ ကိုယ်တိုင်တက်ခွင့်ရဘို့ မလိုပါဘူး။

မင်းရဲ့စာထဲမှာပါတဲ့အချက်တွေကို မပြန်ကြားခင် ကိုယ့်ရပ်တည်ချက်ကို နည်းနည်းကလေးပြောပါရစေ။ ပထမကတော့ မာနယ်ပလော တော်လှန်စစ်ကာလအတွင်းမှာရော နောက်ပိုင်းမှာပါ အဓိကအားဖြင့် ကေအင်ယူလွှမ်းမိုးတဲ့ဒေသနဲ့ အဲသည်နောက်ခံကိုအမှီပြုပြီး တော်လှန်ရေးလုပ်ခွင့်ရခဲ့တွက်ရော၊ စစ်အာဏာရှင်စနစ်ဆန့်ကျင်ရေးအခြေခံကနေ ဥပဒေစိုးမိုးရေးအထောက်အကူပြုလုပ်ငန်းတွေ လုပ်ခွင့်ရခဲ့တဲ့အတွက်ပါ ကေအင်ယူကိုတန်ဘိုးထားဆဲဘဲ ဆိုတာပါ။

ဒုတိယကတော့ အခု မင်းနဲ့အနီးကပ်နေပြီး ကေအင်ယူရဲ့ထိပ်ပိုင်းခေါင်းဆောင်တာဝန်ယူနေသူတွေထဲမှာ ကိုယ်နဲ့ပုဂ္ဂိုလ်အရပြဿနာဖြစ်ခဲ့တာ တဦးမှ မရှိဘူးဆိုတာဘဲ။ လက်ရှိဥက္ကဌဗိုလ်ချုပ်ကြီးမူတူးဆေးဖေါဟာ ကိုယ့်ရဲ့ ရေဒီယိုအင်တာဗျူး၊ ဥပဒေကြောင်းသုံးသပ်ချက်တွေကို အသိအမှတ်ပြုအားပေးလေ့ရှိသူတွေထဲက တဦးပါ။ ကိုယ်လည်း သူ့ကို တလေးတစားဆက်ဆံခဲ့တာဘဲ။ ငြိမ်းချမ်းရေး တကယ်ရစေခြင်တဲ့စေတနာ သူ့မှာရှိမယ်ဆိုတာ ကိုယ်ယုံကြည်တယ်။ ဒါပေမယ့် သူငယ်ချင်း။ စေတနာတခုထဲနဲ့ဆိုရင်တော့ ပြဿနာတက်တတ်တယ်လေ။ အဖေ့ရဲ့နဖူးပေါ်မှာ မှက်တကောင်ကိုက်နေလို့ အဖေ့အပေါ်စေတနာထားပြီး သားဖြစ်သူက အဲဒီ မှက်ကို သစ်ခုတ်တဲ့ပုဆိန်နဲ့ထခုတ်၊ မှက်က အသာလေးပျံထွက်သွား၊ အဖေကတော့ ပုဆိန်လက်ချက်နဲ့ အသက်ထွက်သွားခဲ့ရတဲ့ သစ်ခုတ်သမားသားအဖပုံပြင်ကို သူငယ်ချင်း မှတ်မိတယ်မဟုတ်လား။

အထွေထွေအတွင်းရေးမှုး စောကွယ်ထူးဝင်းနဲ့လည်း ၁၉၉၃ ခုနှစ် သူ ဘိတ်-ထားဝယ်ခရိုင်မှာ ခရိုင်ဥက္ကဌလုပ်ခဲ့စဉ်ကထဲက တစုံတရာ ရင်းနှီးခဲ့ကြသူတွေဘဲ။ သူ အကူအညီတောင်းလို့ အိန္ဒိယသမုဒ္ဒရာထဲက Landfall ကျွန်းပေါ်မှာအဖမ်းခံလိုက်ရတဲ့ ကေအင်ယူရဲဘော် ၁၁ ဦးနဲ့ ရခိုင်တပ်မတော်ကရဲဘော် ၂၅ ဦးလွတ်မြောက်ရေးအတွက် အဲဒီတုံးက အိန္ဒိယကာကွယ်ရေးဝန်ကြီး George Fernandes အိမ်အရောက် သွား၊ သူနဲ့ တွေ့ခွင့်မရမချင်း ထိုင်စောင့်၊ ည ၁၂ နာရီလောက်မှ တွေ့ခွင့်ရ၊ ပြောခွင့်လည်းရခဲ့၊ တစိပ်တပိုင်း နိုင်သလောက်လေးတော့ အဲသည်လို ဝိုင်းဝန်းကြိုးပမ်း ပေးခဲ့တာပါ။

ဓါတ်ပုံထဲက ဘယ်ဘက်အစွန်ဆုံးမှာရှိနေသူ ကေအင်ယူရဲ့ လက်ရှိ ကာကွယ်ရေးဌာနတာဝန်ခံ စောရော်ဂျာခင် ဆိုရင် မာနယ်ပလော တော်လှန်စစ်ကာလ နှစ်တချို့အတွင်း အနေနီးနီးကပ်ကပ်ရှိခဲ့ကြပြီး အခက်အခဲတွေကို အတူတကွရင်ဆိုင်ခဲ့ကြတာပါ။ လူကြီးတွေကသာ တာဝန်ပေးရင် သုံးနှစ်လောက် မပြန်တမ်းရှေ့တန်းထွက်ပြီး တော်လှန်ရေးကိုပြီးအောင်လုပ်ခြင်သဗျာလို့ မကြာမကြာပြောတတ်လို့ ကိုယ်အပါအဝင် သူနဲ့ရင်းနှီးတဲ့ရဲဘော်တွေက သူ့ကိုတန်ဘိုးထားခဲ့ကြပါတယ်။

ဒါတွေ ပြန်ပြောနေတာ တခြားကြောင့်မဟုတ်။ အခုလတချို့အတွင်း ကေအင်ယူကို အတိအလင်းဝေဘန်သတွေအနက် ရှေ့တန်းနေရာမှာ ကိုယ်ရှိလာလို့ မင်းကိုယ်တိုင် ကိုယ့်ဆီကို အခုလိုအိပ်ဖွင့်ပေးစာ ပေးလာရတယ်မဟုတ်လား။ ဒါပေမယ့် သူငယ်ချင်း။ ဒီ ဝေဘန်ချက်တွေ မှန်သမျှဟာ မရိုးမသားတခုမျှမပါ။ ကေအင်ယူကောင်းစေချင်တဲ့စေတနာအခြေခံကနေ တပြည်လုံးမှာ စစ်မှန်တဲ့ငြိမ်းချမ်းရေးရသွားစေချင်လို့ ဆိုတာကို တိုင်းရင်းသားနိုင်ငံရေးဇာတ်ခုံရဲ့ရှေ့တန်းနဲ့ လက်တကမ်းမှာရှိနေတဲ့ မင်းကိုယ်တိုင် ပြန်လည်စဉ်းစားစေချင်လို့ပါဘဲ။

ကဲ အခု မင်းရေးတဲ့စာထဲက အရေးကြီးတဲ့အချက်အချို့ကို ပြန်လည်တုန့်ပြန်ပါမယ်။ မင်းက သည်လိုရေးခဲ့တယ် မဟုတ်လား။
“သူငယ်ချင်း မင်းမှတ်မိသေးမယ်လို့ ထင်တယ်။ ဗိုလ်ချုပ်ကြီး စောဗိုလ်မြက KNU ကိုယ်စားလှယ်အဖွဲ့ခေါင်းဆောင်၊ ကိုယ်က ဒုတိယ အဖွဲ့ခေါင်းဆောင်အနေနဲ့ ယခင် နအဖနဲ့ တွေ့ဆုံဖို့မသွားခင် မင်းငါ့ကို မဲဆောက်မှာပြောသွားတဲ့ စကားလေ။ "မင်းတို့ မှားလိမ့်မယ်" တဲ့။”
မင်းရဲ့အဲသည်စကားကို ပြန်တုန့်ပြန်ပါရစေ။ "မင်းတို့မှားလိမ့်မယ်"လို့ ကိုယ်ပြောခဲ့တာ မှတ်မိတာပေါ့ သူငယ်ချင်း။ ဘာကြောင့်လည်းဆိုတော့ ဗိုလ်ချုပ်ကြီးမြဦးဆောင်တဲ့ မင်းတို့တဖွဲ့လုံးရဲ့ ငြိမ်းချမ်းရေးရည်မှန်းချက်ကို တန်ဘိုးထားပေမယ့် မဟာဗျူဟာအရတော့ လွဲသွားခဲ့တယ်လို့ ဆိုနိုင်တယ်။ အခြေအနေနှစ်ရပ်ကို ချိုးဖေါက်ရာရောက်သွားခဲ့လို့ဘဲ။
(၁) တပ်ပေါင်းစုနဲ့ဘဲဆွေးနွေးမယ်ဆိုတဲ့မူကို ကေအင်ယူကိုယ်တိုင်ချိုးဖေါက်လိုက်သလို ဖြစ်သွားတယ်။ အပြစ်တင်တာ မဟုတ်။ နောက်ဆုံးမှာ ကေအင်ယူကိုယ်တိုင် အခြေအနေရဲ့တွန်းပို့ခြင်းကို အဲသည်တုန်းက ခံလိုက်ရတာကို နားလည်နိုင်တယ်။ ဒါပေမယ့် အခုလက်ရှိအခြေအနေက တပ်ပေါင်းစုနဲ့စုစုစည်းစည်း တောင့်တောင့်တင်းတင်း ဆွေးနွေးခွင့်ရနေပါရက်နဲ့ အဲသည်စည်းဝိုင်းကနေ ထွက်ဘို့ကြိုးစားတာမျိုးဖြစ်နေတယ်။ ဒါကတော့ မဖြစ်သင့်ဘူးထင်တယ်။

(၂) တနိုင်ငံလုံးအပစ်အခတ်ရပ်စဲရေးဆိုတဲ့ ဝေါဟာရနဲ့တောင်းဆိုချက်ကို တပ်ပေါင်းစုက စတောင်းခဲ့တာပါ။ ကိုယ်မှတ်မိသလောက်ကတော့ မြန်မာပြည်ဒီမိုကရက်တစ်မဟာမိတ် အဖွဲ့ချုပ် (DAB) အားကောင်းစဉ် အချိန်တုံးကပေါ့။ အဲသည်တောင်းဆိုချက်အောက်မှာရလို့ ကေအင်ယူက သွားရောက်ဆွေးနွေးတာမျိုးဆိုရင် ဒုံဇရစ် တပ်စခန်းသိမ်းတိုက်ပွဲလိုမျိုး ပြဿနာမတက်နိုင်တော့ဘူးပေါ့။ အဲသည် မဟာဗျူဟာအားနည်းချက်ရဲ့အကျိုးဆက်ကို မင်းစာရဲ့စာမျက်နှာ ၂ မှာ “နှစ်နှစ်လောက် တိုက်ပွဲမဖြစ်လို့ လူထုတွေသက်သာရာရတယ်” ဆိုတဲ့ ခြွင်းချက်ကလွဲလို့ သူငယ်ချင်းကိုယ်တိုင် အောက်ပါအတိုင်းဝန်ခံထားခဲ့ရတယ် မဟုတ်လား။ “အကျဉ်းချုပ်သုံးသပ်ကြည့်ရင် အဲဒီ တွေ့ဆုံဆွေးနွေးပွဲတွေက ဘာအဖြေမှ မယ်မယ်ရရမထွက်ခဲ့ပါဘူး။ လူကြီးလူကောင်းသဘောတူညီချက်လို့ခေါ်တဲ့ Gentlemen Agreement နဲ့ဘဲ လုပ်သွားကြရတယ်။”

အဲသည် လူကြီးလူကောင်းသဘောတူညီချက်က လက်တွေ့မှာ ပြဿနာ တလျှောက်လုံးတက်ခဲ့တာပေါ့။ မင်းကိုယ်တိုင် အဓိကကျတဲ့ တဒေါင့်တနေရာကနေပါဝင်ပြီး ကေအင်ယူနဲ့စစ်အစိုးရတို့ ၂ဝ၁၂ ခုနှစ် ဇန်နဝါရီလ(၁၂) ရက်နေ့မှာချုပ်ခဲ့တဲ့ အပစ်ရပ်စာချုပ်ထဲမှာလည်း လူကြီးလူကောင်းသဘောတူညီချက်သာသာဘဲ ရှိခဲ့တယ်မဟုတ်လား။ သူငယ်ချင်းလည်း ရန်ကုန်တက္ကသိုလ်ဥပဒေဌာန B.A (Law) LL.B First Batch ကနေဆင်းလာတဲ့ ဥပဒေသမားတဦးဘဲ။ စာချုပ်တခုကို ချုပ်ဆိုတဲ့အခါမှာ တဘက်ဘက်ကနေ အလွယ်တကူ မချိုးဖေါက်ရဲအောင်၊ ချိုးဖေါက်ခဲ့သည်ရှိသော် ထိရောက်စွာအရေးယူဆောင်ရွက်နိုင်အောင် ဥပဒေသဘောဆောင်တဲ့အခြေခံကနေ စည်းနှောင်အား Binding Force ထည့်ပေးရမှာကို တို့နားလည်ကြတာဘဲ။ အဲသည်အတိုင်း လုပ်ခဲ့ရဲ့လားဆိုတာ ကေအင်ယူနဲ့စစ်အစိုးရ ချုပ်ဆိုခဲ့တဲ့စာချုပ်အပေါ် လူထုတရပ်လုံးလေ့လာခွင့်ရအောင် ထုတ်ပြန်ပေးပါလားသူငယ်ချင်း။
သာဓက တခုကနေ စတင်ဆွေးနွေးပါမယ်။

၂ဝ၁၄ ခုနှစ်စက်တင်္ဘာလ ၁၆ ရက်နေ့က မြဝတီမှာ ကေအင်ယူတပ်မဟာ ၆ က စောတာနိဆိုတဲ့ ရဲဘော်တဦးကို စစ်အစိုးရရဲ့ နယ်ခြားစောင့်တပ်က ဖမ်းဆီးစစ်ဆေးပြီးသတ်ပစ်လိုက်တာအထင်အရှားဘဲ မဟုတ်လား။ သူ့အလောင်းမှာ လက်ထိပ်တန်းလန်းကြီးနဲ့ဘဲ။ ကရင်ကို ကရင်ကသတ်တဲ့ဇာတ်လမ်း ဖန်တည်းထားပေမယ့် ဒါဟာ စစ်အစိုးရအာဏာပိုင်တွေလက်ချက်ဆိုတာ တွက်လို့ရနိုင်တာဘဲ။ ကျဆုံးသွားတဲ့ကရင်ရဲဘော်နဲ့ သူ့မိသားစုအပေါ် ဂရုဏာရိုးရိုးထားပြီး နိုင်းယှဉ်ထောက်ပြမယ်။  ထိုင်းနိုင်ငံမှာ မြန်မာလူငယ်နှစ်ဦးက အင်္ဂလိပ်နှစ်ဦးကိုသတ်တယ်လို့စွပ်စွဲခံရတဲ့အမှုမှာ စစ်အစိုးရအာဏာပိုင်တွေက ထိထိရောက်ရောက် နောက်ကလိုက်ပေးနေတယ်။

ကောင်းပါတယ်။ တစုံတရာ တိုးတက်လာတယ်လို့ပြောနိုင်တယ်။ ၂ဝဝ၃ ခုနှစ်မေလ ၁၄ ရက်နေ့တုံးက မဲဆောက်မြို့အနီးမှာ မြန်မာ ရွှေ့ပြောင်းအလုပ်သမား ၆ ဦး အသတ်ခံခဲ့ရတုံးက ဘန်ကောက်ပို့စ်နဲ့ နေးရှင်းသတင်းစာကြီးတွေမှာပါခဲ့တာတောင် စစ်အစိုးရက ဘာမှ လုပ်မပေးခဲ့တာဘဲ။ အဲသည်တုံးက မြန်မာနိုင်ငံရှေ့နေများကောင်စီကို ကိုယ်ဦးဆောင်ခဲ့တုံးဖြစ်တော့ ထိုင်းရှေ့နေအသင်း၊ ထိုင်းလူ့အခွင့်အရေး အဖွဲ့တွေနဲ့ပေါင်းပြီး ပြစ်မှုကျူးလွန်ခဲ့တဲ့ထိုင်းနိုင်ငံသားတွေ နှစ်ကြီးပြစ်ဒဏ်ကျခံသွားရအောင် ကြိုးပမ်းပေးနိုင်ခဲ့တယ်။ ဒါ ထားပါတော့။

အခုမျက်မှောက်အချိန်မှာ ထိုင်းနိုင်ငံမှာ မြန်မာလူငယ်နှစ်ဦးအဖမ်းခံ၊ စွပ်စွဲခံရရုံနဲ့ သူတို့ရဲ့အမှုမှန်ပေါ်ရေးအတွက် တကမ္ဘာလုံးသိအောင် ကြေငြာပြီး စစ်အစိုးရက ထိထိ ရောက်ရောက် နောက်ကလိုက်ပေးနေတဲ့တချိန်ထဲလိုလိုမှာဘဲ မြန်မာနိုင်ငံက မြဝတီမြို့မှာ ကေအင်ယူက ကရင် လူငယ်တဦးအသတ်ခံရတဲ့ကိစ္စ အမှုမှန်ပေါ်ရေးအတွက် တကမ္ဘာလုံးသိအောင်ကြေငြာပြီး ဘာကြောင့် လိုက်မပေးသလဲ။ ကရင် တယောက်ရဲ့အသက်ဟာ မြန်မာထက်ပိုပြီး ဈေးပေါနေလို့လား။ စစ်အစိုးရအာဏာပိုင်တွေက ကရင်နဲ့ကရင်အကြားမှာ ပြဿနာတက်အောင် ကြိုတင်စီစဉ်ပြီး သတ်လိုက်တဲ့မှုခင်းဖြစ်လို့ မသိချင်ယောင်ဆောင်နေတာလား။

ဒီသံသယတွေပျောက်စေချင်ရင် တရားမျှတတဲ့တရားခွင် Fair Trial အခွင့်အရေးကို ဘာကြောင့်ဖန်တည်း မပေးသလဲ။ အမှုဖြစ်စဉ် အစအဆုံး၊ အရေးယူဆောင်ရွက်မှုတွေကို လူထုတရပ်လုံး ရှင်းရှင်းလင်းလင်းသိအောင် သတင်းတွေ ဘာကြောင့်ပေါ်ထွက်မလာသလဲ။ အဲသည်လို ပေါ်ထွက်လာအောင် ကေအင်ယူကရော ဘာတွေဖိအားပေးလုပ်ဆောင်ပြီး ဘာတွေအခက်အခဲ ရှိနေသလဲ။ ဒီကိစ္စအမှုမှန် ပေါ်အောင်နဲ့ အထက်က အမိန့်ပေးသူကိုပါ အရေးယူနိုင်အောင် ဝါရင့်ဥပဒေသမားတဦးလည်းဖြစ်၊ ကေအင်ယူရဲ့ ထိပ်ပိုင်းခေါင်းဆောင်တွေနဲ့လည်း တလျှောက်လုံးအတူလုပ်နေတဲ့ သူငယ်ချင်းအနေနဲ့ ဘယ်လိုဆောင်ရွက်ထားသလဲဆိုတာ ကိုယ့်ကို အသိမပေးနိုင်ဘူးလား။
ဒါက သာဓက တမှုဘဲ ရှိပါသေးတယ်။ ကေအင်န်အယ်အေသာမကဘဲ ကေအင်ဒီအိုစစ်သားတွေပါ အသတ်ခံရတဲ့ အခြားအမှုတွေ အတော်များများ ရှိပါသေးတယ်။

သူငယ်ချင်းက ပိုပြီး သိမှာပါ။ လက်နက်ကိုင်ထားတဲ့ သူငယ်ချင်းတို့ရဲဘော်တွေကိုယ်တိုင်တောင်မှ အသက်ရှင်သန်ခွင့်အာမခံချက်မရှိရင် ရိုးရိုးကရင်လူထုတွေရဲ့ဘဝက ဘယ်လိုနေမလဲ။ ဒီလို ဆိုးဝါးတဲ့မှုခင်းမျိုးတွေကို ကိုင်တွယ်ဖြေရှင်းရာမှာ ပံ့ပိုးပေးနိုင်ဘို့ ကိုယ်တို့ရဲ့ ဥပဒေအထောက်အကူပြုကွန်ရက်နဲ့ပါ လက်တွဲဆောင်ရွက်ကြမယ်ဆိုရင် ဥပဒေစိုးမိုးရေးအတွက် တစုံတရာအကျိုးဖြစ်နိုင်မယ်လို့ စဉ်းစားစေချင်တယ်။ စစ်အစိုးရငြိုငြင်မှာကြောက်လို့ ကိုယ်တို့နဲ့လက်မတွဲရဲဘူးဆိုရင်တော့လည်း ဘာတတ်နိုင်မှာလည်း။ ကေအင်ယူနဲ့ စစ်အစိုးရတို့လက်မှတ်ထိုးခဲ့တဲ့အပစ်ရပ်စာချုပ်မှာ ဒီလိုပြဿနာတွေပေါ်လာရင် ထိရောက်စွာအရေးယူဆောင်ရွက်နိုင်မယ့် ယန္တယားတွေပါရဲ့လား။ ပါတယ်ဆိုရင် ဘာကြောင့် မသုံးသလဲ။ ကရင်လူထုတရပ်လုံးသိအောင် ထုတ်ပြန်ပေးပါလား။ ပြည်တွင်းပြည်ပမှာရှိနေကြတဲ့ ကရင်လူထုတွေအနေနဲ့ ဝိုင်းပြီးဖိအားပေးကြမယ်ဆိုရင် နယ်ခြားစောင့်တပ်က ကရင်စစ်သားအချို့ကို လက်ညှိုးထိုးပြပြီး အမှုပိတ်သွားတာမျိုးမဖြစ်တော့ဘဲ၊ အမှုမှန်ပေါ်လာပြီး နောင်ကို ဒါမျိုးမဖြစ်အောင် ကာကွယ်စောင့်ရှောက်ရာရောက်မယ် မဟုတ်လား။ ဒါမှသာ ဥပဒေစိုးမိုးရေးကို အထောက်အပံ့ဖြစ်စေမှာပေါ့။ ဥပဒေစိုးမိုးရေးရှိမှသာ စစ်မှန်တဲ့ငြိမ်းချမ်းရေးရမယ်။ ဒီလိုမဟုတ်ဘူးလား သူငယ်ချင်း။
သူငယ်ချင်းဆီကို စာရေးနေစဉ်မှာတင် သတင်းဝင်လာတယ်။ အလွတ်သတင်းထောက် ကိုအောင်ကျော်နိုင် ခေါ် ကိုပါကြီးဆိုသူဟာ ဒီကေဘီအေ ဒေသတွေကနေ သတင်းယူပြီးအပြန်လမ်းမှာ စစ်အစိုးရရဲ့ကျိုက်မရော 0942005526 အခြေစိုက် ခြေမြန်တပ်ရင်း ၂ဝ၈ က ဖမ်းပြီး သတ်ပစ်လိုက်ပြန်ပြီဆိုပါလား။ ဒီသတင်းမှန်ရင် တိုင်းရင်းသားလက်နက်ကိုင်အဖွဲ့အစည်းတွေရှိတဲ့နေရာကို သတင်းထောက်တွေ မလာရဲအောင်လုပ်လိုက်တာ မဟုတ်ဘူးလား။ ဒီလိုဆိုရင် လူထုတွေခံစားနေရတဲ့ ဘဝအမှန်တရားတွေကို ဘယ်သူတွေက ဖေါ်ထုတ် ပေးကြဦးမှာလည်း။ ဒီလို ဥပဒေမဲ့သတ်ဖြတ်မှုတွေရှိနေတော့ ဥပဒေစိုးမိုးရေးပျက်တော့တာပေါ့။ ဘယ်လိုလုပ်ပြီး ငြိမ်းချမ်းရေးရနိုင်ပါ့မလဲ။

“အမေရိကန်သမ္မတကြီး Franklin D. Roosevelt ရဲ့စကားနဲ့ "I kill my enemy by making him my friend" ဆိုတဲ့ အမေရိကန်သမ္မတကြီး Abraham Lincoln ရဲ့စကားဟာ ကိုယ့်ရဲ့လက်စွဲပဲ”လို့ မင်းရဲ့ ပေးစာမှာတွေ့ရတယ်။ ဒါကို အခြေခံအားဖြင့် မငြင်းပါဘူး သူငယ်ချင်း။ ဒါပေမယ့် ရန်သူကိုမိတ်ဆွေဖြစ်အောင်လုပ်ရုံနဲ့၊ ရန်သူနဲ့လက်ဆွဲနုတ်ဆက်ပြီး ဓါတ်ပုံတွေ အတူတွဲရိုက်ကြရုံနဲ့တော့ ငြိမ်းချမ်းရေးမရနိုင်ဘူး သူငယ်ချင်း။ ဥပဒေစိုးမိုးရေးတကယ်တမ်းရှိမှသာ ငြိမ်းချမ်းရေးကိုမြှော်မှန်းနိုင်မယ်။ အဲဒီ အမေရိကန်သမတကြီးကို သူ့ရန်သူကဘဲ သတ်လို့သေသွားခဲ့ရတာ ကြည့်ပါ။ (အမေရိကန်လို ဒီမိုကရေစီနိုင်ငံမှာထက် မြန်မာနိုင်ငံလို စစ်အာဏာရှင်စနစ်ကြီးစိုးနေတဲ့နိုင်ငံမှာ) ဥပဒေစိုးမိုးရေးဟာ အဆတရာလောက် ပိုပြီးအရေးကြီးကြောင်း သူငယ်ချင်းသဘောပေါက်နိုင်ပါတယ်။

ပြီးတော့ သူငယ်ချင်းက ဆက်ပြီးရေးပြသေးတယ်။
“ကိုယ့်ရဲ့အကြိုက်ဆုံး အဆိုအမိန့်ကတော့ ကိုယ့်ရဲ့ Commander in Chief ပြောတဲ့ "Blessed are the peacemakers, for they will be called children of God." – Matthew 5: 9 (NIV).”
ဒါကိုလည်း ကိုယ်မငြင်းပါဘူး။ တခုတော့ရှိတယ်။ ဘာသာရေးကရှာဖွေတဲ့ ငြိမ်းချမ်းရေးနဲ့ လူ့အဖွဲ့အစည်းတရားမျှတ၊ လွတ်လပ်၊ တည်ငြိမ်၊ တိုးတက်၊ ဖွံ့ဖြိုးဘို့လိုအပ်လို့ရှာဖွေတဲ့ ငြိမ်းချမ်းရေး၊ သည်နှစ်ခုက တထပ်တည်း ကျပါ့မလား။ သူငယ်ချင်း စဉ်းစားစေချင်တယ်။ နောက်တခုက စစ်အစိုးရနဲ့ စာပွဲဝိုင်းမှာဆွေးနွေးတာ၊ နေပြည်တော်ကိုသွားပြီး ဆွေးနွေးတာတွေဟာ အရေးမကြီးမဟုတ် ကြီးပါတယ်။ ဒါပေမယ့် သည်အရာတွေလောက်ကိုဘဲလုပ်နေရုံနဲ့ ငြိမ်းချမ်းရေးရှာဖွေသူ၊ တည်ဆောက်သူရယ်လို့ ပြောနိုင်ပါ့မလား။ သူငယ်ချင်းတို့က အစည်းအဝေးခန်းကျယ်ကျယ်ကြီးရဲ့ စားပွဲခန့်ကြီးတွေမှာ စစ်အစိုးရခေါင်းဆောင်တွေနဲ့ အစားအသောက်ကောင်ကလေးတွေ စားပြီး အေးအေးဆေးဆေး ဆွေးနွေးနေကြတဲ့အချိန်မှာ ပြင်ပလူ့အဖွဲ့အစည်းအတွင်းမှာ အထက်ကပြောခဲ့သလို ဖိနှိပ်မှု၊ သတ်ဖြတ်မှု၊ ရက်စက်မှု၊ မတရားမှုတွေအဆက်မပြတ်ဖြစ်နေရင်၊ ပြီးတော့ စစ်အစိုးရက သူကြိုက်တဲ့အချိန်မှာ အကြောင်းအမျိုးမျိုးပြပြီး စစ်ပွဲတွေထ ဆင်နွှဲနေရင် ဒါဟာ ငြိမ်းချမ်းရေးလမ်းကြောင်းအမှန် ဟုတ်ပါ့မလား။ ဒါတွေကို စစ်အစိုးရခေါင်းဆောင်တွေငြိုငြင်မှာစိုးလို့ လူထုတွေသိအောင်တောင် ပေါ်ပေါ်ထင်ထင်မပြောရဲဘူးဆိုရင် ငြိမ်းချမ်းရေးရှာဖွေရာရောက်ပါ့မလား။
ငြိမ်းချမ်းရေးရဲ့အဓိပ္ပါယ်က ဘာလဲ။ သူငယ်ချင်း ကိုယ့်ကိုပြောပြပေးပါလား။ (တနိုင်ငံလုံးဖြစ်စေ၊ ကရင်ပြည်နယ်အတွင်းမှာဖြစ်စေ) အပစ်အခတ်ရပ်စဲရေးလက်မှတ်ထိုးရုံနဲ့ ငြိမ်းချမ်းရေးလို့တော့ မပြောနဲ့နော်။ ဒီလိုပြောမယ်ဆိုရင် စစ်အစိုးရအကြိုက်ဖြစ်မှာ သေချာပေမယ့် တိုင်းရင်းသားလူငယ်လေးတွေတောင် ယုံဘို့မလွယ်တော့လို့ဘဲ။

ငြိမ်းချမ်းရေးကိစ္စကို ကိုယ့်ကြမ္မာကိုယ်ဖန်တည်းခွင့်အခြေခံကနေ ဆက်ပြီးဆွေးနွေးပါမယ်။
ကရင်အမျိုးသားခေါင်းဆောင် စောဘဦးကြီးမိန့်ကြားသွားတဲ့ ကရင့်ကြမ္မာ ကရင်ဖန်တည်းခွင့်ဆိုတာကို ဖက်ဒရယ်ပြည်ထောင်စု အခြေခံကနေကြည့်ရင် ကရင်ပြည်နယ်အပါအဝင် ပြည်ထောင်စုဖွဲ့စည်းရာမှာပါဝင်မယ့် ပြည်နယ်တွေမှာ ကိုယ့်ကြမ္မာကိုယ်ဖန်တည်းခွင့်၊ ကိုယ်ပိုင်ပြဌာန်းခွင့်၊ ကိုယ်ပိုင်အုပ်ချုပ်ခွင့်တွေရှိရမယ် မဟုတ်လား။ မင်းဒါကိုလက်ခံရင် သူငယ်ချင်းတို့ ဆွေးနွေးပွဲလုပ်နေကြတဲ့ သုံးနှစ်လောက်အတွင်းမှာ တိုင်းရင်းသားပြည်နယ်တွေရဲ့ အဲသည်အခွင့်အရေးအပေါ် ထိပါးတဲ့ဥပဒေတွေကို စစ်အစိုးရရဲ့လွှတ်တော်တွေက အတော်များများ ပြဌာန်းခဲ့တာ၊ ပြဌာန်းနေတာတွေကို ဘယ်လိုလုပ်ကြမလဲ။

မင်းတို့ ကေအင်ယူကိုယ်စားလှယ်အဖွဲ့ နေပြည်တော်ကိုသွားပြီး တွေ့ဆုံဆွေးနွေးခဲ့တဲ့ ခြောက်ကြိမ်အတွင်း တကြိမ်မှာ လွှတ်တော်ဥက္ကဌ သူရဦးရွှေမန်းနဲ့တွေ့ခဲ့တယ် မဟုတ်လား။ ဖက်ဒရယ်ပြည်ထောင်စုတည်ဆောက်ဘို့ သူ သဘောတူကြောင်း ထပ်ခါတလဲလဲပြောနေတဲ့ ဦးရွှေမန်းကို ခင်ဗျားတို့လွှတ်တော်က ဖက်ဒရယ်အခြေခံနဲ့ဆန့်ကျင်တဲ့ဥပဒေတွေ ဘာကြောင့် အထပ်ထပ်ပြဌာန်းနေတာလည်းလို့ သူငယ်ချင်းကိုယ်တိုင် မေးခဲ့တာရှိသလား။ သူငယ်ချင်းတို့ဥက္ကဌကြီး မေးဘို့ရော အကြံပေးခဲ့တာရှိသလား။ မေးခဲ့ရင် ဦးရွှေမန်းဘာဖြေသလဲ။ ကရင်လူထုရော ကိုယ်ပါ သိရှိခွင့်ရအောင်ထုတ်ဖေါ်ပေးရင် ပိုကောင်းမယ် ထင်ပါတယ်။

ဒါတွေက ခိုင်မာတဲ့တပ်ပေါင်းစုတခုရဲ့ အလံအောက်ကနေ စုပေါင်းတောင်းဆိုမှသာ ရနိုင်မှာပါ။ သူငယ်ချင်းတို့ကေအင်ယူ တဖွဲ့တည်းအနေနဲ့ နေပြည်တော်ကိုသွားပြီး ခြောက်ကြိမ်ဆွေးနွေးခဲ့ပြီးပြီ။ လက်တွေ့အရ ကရင်လူထုအတွက် အခိုင်အမာအခွင့်အရေး (Rights) တွေ ပေးမယ်လို့ စာနဲ့ပေနဲ့အာမခံချက် ဘာရသလဲပြောပါ။ တနိုင်ငံလုံး အပစ်ရပ်စာချုပ်လက်မှတ်ထိုးပြီးရင် အခွင့်အလမ်း (Opportunitiတွေ ဟိုဟာလေး ပေးမယ်၊ သည်ဟာလေးပေးမယ်လို့ နုတ်နဲ့ရွတ်ဆိုတဲ့အပေါ်မှာယုံစားပြီး ကေအင်ယူတခုလုံး အသုံးချခံလိုက်ရတဲ့ဘဝမျိုး မရောက်စေချင်ဘူး။
လက်ထဲက ငှက်တကောင်နဲ့ ချုံပုပ်ထဲကငှက်နှစ်ကောင်ဥပမာကို ပြန်စဉ်းစားစေချင်တယ်။ အခုလောလောဆယ် စစ်အစိုးရကတဘက် တိုင်းရင်းသားလက်နက်ကိုင်တော်လှန်ရေးအဖွဲ့အစည်းတွေကတဘက် ဘက်နှစ်ဘက် ဆွေးနွေးခွင့်ရနေတဲ့အခြေအနေဟာ လက်ထဲက ငှက်တကောင်ဘဲ။ အခုရရှိထားတာက သေချာတဲ့ အခွင့်အလမ်းဘဲ။ လာမယ့် နိုင်ငံရေးဆွေးနွေးပွဲဆိုတာက ချုံပုပ်ထဲက ငှက်နှစ်ကောင်ဘဲ။ ဆောက်ဖြစ်မှ ကျောင်းဒကာ မသေချာတဲ့အခွင့်အလမ်းဘဲ။ စစ်အစိုးရက သူတို့လိုချင်တဲ့ တနိုင်ငံလုံးအပစ်ရပ်စာချုပ်ကရသွားပြီးရင် နိုင်ငံရေးဆွေးနွေးပွဲဆိုတာကို (အမျိုးသားညီလာခံတုံးက ၁၅ နှစ် အချိန်ဆွဲခဲ့သလို) နောက်ထပ် နှစ်ပေါင်းသုံးဆယ်လောက်အချိန်ယူပြီး စစ်အာဏာရှင်စနစ် ဆက်လက်တည်မြဲအောင်လုပ်သွားရင် ဘယ်လိုလုပ်ကြမလဲ။

တနိုင်ငံလုံးအပစ်ရပ်စာချုပ်ကို ကေအင်ယူအနေနဲ့ ဘာဖြစ်လို့အလွယ်တကူ လက်မှတ်ထိုးချင်တာလဲ။ ၂ဝ၁၂ ခုနှစ် ဇန်နဝါရီလ (၁၂) ရက် နေ့မှာ အဲသလို လုပ်ခဲ့ပြီးပြီ။ အဲဒီ စာချုပ်က အခုဘာပြဿနာကိုမှ မရှင်းနိုင်တာဘဲ။ စစ်ခေါင်းဆောင်တွေကိုချော့မော့လို့ရရင် သူတို့စိတ် ကြည်လင်ရင်ရမယ့် သက်သာခွင့် (Easement)လောက်ရှိတာဘဲ။ စာချုပ်အရ ထမ်းဆောင်ရမယ့်တာဝန် (Obligation)အပေါ်အခြေခံပြီး ရတဲ့အခွင့်အရေး (Rights) မဟုတ်တော့ အခိုင်အမာတောင်းဆို အရေးယူလို့မရဘူးမဟုတ်လား သူငယ်ချင်း။
တနိုင်ငံလုံးအပစ်ရပ်စာချုပ်ကို အလွယ်တကူလက်မှတ်မထိုးဘဲ တိုင်းရင်းသားပြည်နယ်တွေ ရသင့်ရထိုက်တဲ့အခွင့်အရေး အခြေခံကျောရိုး တချို့လောက်ကို တခါထဲကျအောင်ဆွေးနွေးဘို့ လိုမှာပါ။ ပါသင့်ပါထိုက်တဲ့ နိုင်ငံရေးအခွင့်အရေးအချို့မျှဖြစ်တယ်။ အဲဒါအပြင် လူထုကိုကာကွယ်ပေးမယ့် လူ့အခွင့်အရေး၊ သဘာဝသယံဇာတဆိုင်ရာ ပူးတွဲစီမံခန့်ခွဲခွင့်၊ ဖက်ဒရယ်ပြည်ထောင်စတပ်မတော် တည်ဆောက်ရေးအာမခံချက်တွေ အနည်းဆုံးအားဖြင့်ပါတဲ့ စာချုပ်ဖြစ်စေချင်တယ်။ အဲဒါတွေပါပြီးတဲ့စာချုပ်ကို (အခုမျက်မှောက်မှာ ဖြစ်ပျက်နေသလို) အလွယ်တကူ ချိုးဖေါက်တာမျိုး ခွင့်မပြုသင့်ဘူး။ ဒါကြောင့် ချိုးဖေါက်မှုတွေမှန်သမျှကို ထိရောက်စွာ အရေးယူဆောင်ရွက်ခွင့်ရမယ့်ယန္တယားတွေ၊ နိုင်ငံတကာရဲ့ပါဝင်ပတ်သက်မှုတွေရှိလာအောင် ထည့်သွင်းချုပ်ဆိုဘို့လိုမှာပါ။ ဒီလို ငြိမ်းချမ်းရေးစာချုပ် Peace Agreement မျိုး ပေါ်ထွက်လာဘို့ စဉ်းစားစေချင်တယ်။

တပ်ပေါင်းစု ယူအင်န်အက်ဖ်စီနဲ့ အခြားတိုင်းရင်းသားတော်လှန်ရေးအဖွဲ့အစည်းတွေ ပူးပေါင်းကြပြီးတော့ ဒီလိုစိုးရိမ်ချက်တွေအပေါ် အခြေခံပြီး အလွယ်တကူလက်မှတ်မထိုးဘဲ ခိုင်မာတဲ့သဘောတူညီချက်တွေရအောင် တဆင့်ပြီးတဆင့် ဆွေးနွေးဘို့ကြိုးစားနေတယ်ဆိုရင် သူတို့ကို ငြိမ်းချမ်းရေးမလိုလားသူ၊ သဘောထားတင်းမာသူ (Hardliners)တွေ ဖြစ်တယ်ရယ်လို့ စွပ်စွဲမယ်ဆိုရင်မှန်ပါ့မလား သူငယ်ချင်း။
ယူအင်န်အက်ဖ်စီတပ်ပေါင်းစု စတင်ဖွဲ့စည်းတုန်းက ကိုယ်မပါခဲ့လို့ ဒီကိစ္စ ဘာမှ မပြောလိုဘူး။ ဒါပေမယ့် ယူအင်န်အက်ဖ်စီဖွဲ့စည်းပုံကို ကြည့်ပြီးပြီ။ နိုင်ငံရေးအရဦးဆောင်မှုကိုရှာဖွေရာမှာ တသွေး၊ တသံ၊ တမိန့်သဘောဆောင်တဲ့ပြဌာန်းချက်တော့ မတွေ့ရပါလား သူငယ်ချင်း။ တခုတော့ ရှိတယ်။ ပြည်ထောင်စုတပ်မတော်တည်ဆောက်ပြီဆိုရင်တော့ ဗဟိုချုပ်ကိုင်အမိန့်ပေးတဲ့စနစ် Commanding System ရှိရမှာပေါ့။ အဲဒီအထဲမှာ ကေအင်ယူလည်းပါလို့ရတာဘဲ။ ဘာပြဿနာရှိသလဲ။ တပ်ဆိုပြီးတော့ အဆင့်ဆင့်တောင်အမိန့်ပေးလို့မရ၊ အောက်ခြေမှာ ကိုယ်ထင်ရာလုပ်နေကြမယ်ဆိုရင် ဘယ်လိုလုပ်ပြီး တိုင်းရင်းသားလူထုကို ကာကွယ်စောင့်ရှောက်နိုင်တဲ့တပ် ဖြစ်ပါ့မလဲ။

ဒီ နှစ်ပိုင်းကိုတော့ ခွဲခြားဘို့လိုမယ်ထင်တယ်။ ဖက်ဒရယ်ပြည်ထောင်စုတပ်မတော် စတင်ဖွဲ့စည်းသင့်တဲ့အချိန်နဲ့ပတ်သက်လို့ သူငယ်ချင်းနဲ့ကိုယ် အမြင်မတူတာကို ခွင့်လွှတ်ပါ။ ကိုယ့်သဘောကတော့ ဖွဲ့စည်းသင့်တာကြာပြီ။ နှစ်ပေါင်းများစွာ နောက်တောင်ကျနေပြီ။ ဒီကသွားဖြဲပြလို့ ဟိုကအစွယ်ထုတ်ပြတယ်လို့ ကိုယ်မမြင်ဘူး။ ဟိုကအစွယ်ထုတ်ပြလို့ ဒီကသွားဖြဲပြဘို့ကြိုးစားတဲ့အဆင့်ဘဲ ရှိသေးတယ်။ ပြည်ထောင်စုအဆင့်မှာတောင် လက်မှတ်ထိုးထားပြီးပေမယ့် စစ်အစိုးရက ရှမ်းမြောက်ပိုင်းကတပ်တွေကို အကြိမ်ပေါင်းတရာကျော် တိုက်နေခဲ့တယ်မဟုတ်လား။ သူတို့ဘာဘဲလုပ်လုပ် ခေါင်းငုံ့ခံပြီး သူတို့မကြိုက်တာမှန်သမျှမလုပ်ရဲတဲ့ဘဝတော့ မရောက်သင့်ဘူးထင်တယ်။ တကယ်တော့စစ်ဘီလူးရဲ့အစွယ်ကို ရိုက်ချိုးသင့်ခဲ့တာကြာပြီ။
ဦးဟန်ရောင်ဝေ က ယူအင်န်အက်ဖ်စီကို ပြောင်ထုတ်ဖေါ်ဝေဘန်တိုက်ခိုက်တယ်လို့ ကိုယ်သုံးတဲ့အပေါ် သူငယ်ချင်းက ဘဝင်မကျဘူး ထင်တယ်။ လူတိုင်းပြောခွင့်ရှိပြီး ဂရိ အေသင်တို့ကစလို့ အနောက်နိုင်ငံတွေမှာလည်း ဒီလိုလုပ်မြဲဘဲလို့ကြားထဲကဝင်ပြီး စောဒကတက် ပေးတယ်။ ဒီမိုကရေစီနိုင်ငံတွေမှာတော့ မှန်တာပေါ့။ အခုဟာက စစ်အာဏာရှင်စနစ်နိုင်ငံဘဲ။ စစ်အာဏာရှင်စနစ်ကို ဘုံရန်သူလို သဘောထားနဲ့ဆန့်ကျင်တဲ့နေရာမှာ ကိုယ့်အချင်းချင်း အတွင်းကပြဿနာတွေကို ကိုယ့်အတွင်းပိုင်းမှာနည်းလမ်းရှာပြီး တမျိုးတဖုံရှင်းရမယ်လို့ ကိုယ်တော့မြင်တယ်။ အဲသလိုမရှင်းဘဲ စစ်အာဏာရှင်တွေအကြိုက်များ ဦးဟန်ရောင်ဝေလုပ်မိနေပြီလားဆိုတာကို စိုးရိမ်ပြီး ကိုယ်ကထောက်ပြတာဘဲ။

ဒီကိစ္စ သူငယ်ချင်းရဲ့အမြင်က ဘယ်လိုလဲ။ ယူအင်န်အက်ဖ်စီကိုဝေဘန်တဲ့ ဦးဟန်ရောင်ဝေမှာတော့ လူတိုင်းရသင့်တဲ့ထုတ်ဖေါ်ပြောဆိုခွင့် ရှိပြီး ကိုယ်က သူ့ကိုဝေဘန်တာကိုတော့ ထုတ်ဖေါ်ပြောဆိုခွင့်မရှိဘူးလို့ ကိုယ့်အခွင့်အရေးကို ပိတ်ချင်သလား။ သည်လိုဆိုရင်တော့ စိတ်မကောင်းစရာဘဲ။

မင်းရေးတဲ့ အောက်ပါစာပုဒ်ကိုဖတ်လိုက်ရတော့ ကိုယ် တော်တော်အံ့သြမိတယ်။
“အတွေးအခေါ်မတူတဲ့ဘက်နှစ်ဘက်ကို စင်ပေါ်တင်ပြီး Television ရှေ့မှာ သူ့အမြင်ကိုယ့်အမြင်တွေကိုပြောခိုင်းရင် မကောင်းဘူးလားလို့ ကိုယ်စဉ်းစားမိတယ်။ ခွန်ဥက္ကာတို့ နိုင်ဟံသာတို့ကို ကိုယ်မေးကြည့်မယ် မင်းတို့လုပ်မလား။ သူတို့ကလုပ်မယ်ဆိုရင် မင်း Facilitator လုပ်မလားသူငယ်ချင်း?။”
အထက်မှာ မင်းကို ကိုယ်ထောက်ပြခဲ့ပြီ။ မြန်မာနိုင်ငံမှာ စစ်အာဏာရှင်စနစ်က အားကောင်းရှင်သန်ကြီးစိုးနေဆဲဘဲ။ စစ်အာဏာရှင်စနစ်ကိုဆန့်ကျင်တဲ့ ကိုယ့်အချင်းချင်းကြားထဲမှာ မင်းတို့အချင်းချင်းကြားထဲမှာ နားလည်မှုညှိရမှာကို ဘာကြောင့် အာဏာရှင်တွေဝမ်းသာအောင် ပရိသတ်ဗိုလ်ပုံအလယ်မှာ ကိုယ့်အထုတ် ကိုယ်ဖြည်ပြရမှာလဲ။ ဒီ အလုပ်တော့ ကိုယ် မလုပ်နိုင်ဘူး သူငယ်ချင်း။

တခုတော့ ရှိတယ်။ မင်းလေသံကိုလေ့လာရတာ စစ်အစိုးရကိုပြောလို့ဆိုလို့ အတော်ရမယ့်သဘောရှိနေတယ်။ ကိုယ်စကားပြောချင်ရင် မင်းက ရန်ကုန်မှာ အစည်းအဝေးလုပ်ပေးမယ်ဆိုတာက တမျိုး၊ Television ရှေ့မှာ ပြောကြမယ်ဆိုတာက တဖုံ မဟုတ်လား။ ဒီတော့ ဒီလိုလုပ်ပါလား။ ကာချုပ်မင်းအောင်လှိုင်ကို မင်းပြောကြည့်လေ။ ငြိမ်းချမ်းရေကိစ္စ သူနဲ့ကိုယ် Television ရှေ့မှာ အပြန်အလှန်ပြောကြမယ်။ လုံခြုံရေးရှုဒေါင့်အပါအဝင် ကြိုက်တဲ့ရှုဒေါင့်ကနေ ဆွေးနွေးနိုင်တယ်။ မင်းက Facilitator လုပ်မလား။ ဒီလိုပြောခွင့်ရအောင်စီစဉ်ပေးမယ်ဆိုရင် သိတ်ကိုကျေးဇူးတင်မယ်။
စိတ်ကူး မယဉ်စေချင်ဘူး သူငယ်ချင်း။ စစ်အာဏာရှင်စနစ်ရှိနေသမျှ ဒီမိုကရေစီအတုအယောင်ဘဲရမယ်။ ဖက်ဒရယ် ဘယ်တော့မှ မရနိုင်ဘူး။ ၂ဝဝ၈ ဖွဲ့စည်းပုံအောက်မှာ ဘယ်တော့မှ စစ်မှန်တဲ့ဒီမိုကရက်တစ် ဖက်ဒရယ်ပြည်ထောင်စု မတည်ဆောက်နိုင်ဘူး။ အဲသလို ကိုယ်မြင်တယ်။ သူငယ်ချင်းရော အဲသလိုအမြင်တူရဲ့လား။ စစ်ခေါင်းဆောင်တွေနဲ့တွေ့တဲ့နေရာမှာ ခင်ဗျားတို့စစ်အာဏာရှင်စနစ်ကို စွန့်လွှတ်ဘို့လိုတယ်လို့ သူငယ်ချင်းကိုယ်တိုင်က ပြောခဲ့တာများရှိခဲ့ရင် ကိုယ်က သိတ်ကိုကျေးဇူးတင်မှာဘဲ။ တောင်အာဖရိကမှာတော့ မန်ဒဲလားက ဒီကလပ်ကို ခင်ဗျားတို့လူဖြူလူမဲခွဲခြားတဲ့ဝါဒကို စွန့်လွှတ်ဘို့လိုတယ်လို့ အတိအလင်းပြောခဲ့တာဘဲ။ စွန့်လည်းစွန့်လွှတ် ခဲ့ရတာဘဲ။
သူငယ်ချင်းရဲ့စာ နောက်ဆုံးအပုဒ်ကလေးကတော့ သိတ်ကို မင်္ဂလာရှိတာဘဲ။ ဘာတဲ့လဲ။ “ဒါတွေကိုကိုယ်ပြောနေတာ ဘယ်သူ့ကိုမှ အပြစ်ပြောနေတာ မဟုတ်ဘူး။ တစ်ယောက်ကိုတစ်ယောက် အပြစ်ရှာ၊ အပြစ်ဖို့၊ အပြစ်ပြောနေတာမျိုးဟာ အကျိုးယုတ်တာကလြွဲပီး ဘာအကျိုးမှဖြစ်လာမှာ မဟုတ်ဘူး။ အဲဒီတော့ မင်း အားရင်လာခဲ့ပါအုံး။ တို့တတွေအားလုံး နေရာတိုင်းမှာအမြင်မတူကြပေမယ့် စုစုစည်းစည်း အဖိုးအခပေးလုပ်ခဲ့တဲ့အကျိုးကြောင့် ဒီအခြေအနေကို ရောက်လာနေပြီ။ ဆက်ပြီးကြိုးစားကြည့်ကြစို့။” သူငယ်ချင်းပြောတာ ရာနုန်းပြည့် သဘောတူတယ်။ ဖိတ်ခေါ်တာလည်း ဝမ်းသာတယ်။ ကိုယ်လည်း လာချင်ပါတယ်။ ဒါပေမယ့် ဝတ္တရားကြေလောက်၊ ကိုယ့်ကို ချွေးသိပ်ဖို့လောက်ဖိတ်တာမျိုးတော့ မဖြစ်စေချင်ဘူး။ ကိုယ့်ဥပဒေပညာကို တန်ဘိုးထားတယ်ဆိုရင် ကေအင်ယူဗဟိုအလုပ်အမှုဆောင် ကော်မတီ သို့မဟုတ် ဗဟိုကော်မတီအစည်းအဝေးဆုံးဖြတ်ချက်နဲ့ တရားဝင်ဖိတ်စေချင်တယ်။ သူငယ်ချင်းတို့က ခရီးစရိပ်တော့ ကျခံရမှာပေါ့။ တခုတော့ရှိတယ်။ တောထဲကိုလမ်းလျှောက်ရမယ့်နေရာကိုတော့ မသွားနိုင်တော့ဘူး။ ကားနဲ့သွားလို့ရမယ့်နေရာလောက်ဘဲ ရောက်နိုင်မယ်။ ကြီးကျယ်တာ လုံးဝမဟုတ်ဘူး သူငယ်ချင်း။ မင်းလည်းတောတွင်းတိုက်ပွဲတနေရာမှာ စစ်အစိုးရရန်သူ့လက်နက်ကြီးကျည် အနီးကပ်ကျ ရောက်ပေါက်ကွဲပြီး နားတွေပျက်စီးကုန်တာကို ကိုယ်သိတယ်။

ကိုယ်လည်း ၁၉၇၄ အလုပ်သမားအရေးအခင်းဆန္ဒပြပွဲမှာ ကိုယ့်ရဲ့ငယ်သူငယ်ချင်း ကျောင်းသားခေါင်းဆောင်ဆလိုင်းတင်မောင်ဦးနဲ့အတူ ပါခဲ့တာကြောင့် သေနတ်မှန်ခံရ၊ ကျည်ဆန်က ခြေဖဝါးကနေဖြတ်ဖေါက် ခြေသလုံးရိုးသွင်သွင်ကျိုးသွားခဲ့၊ မင်္ဂလာဒုံစစ်ဆေးရုံက ကုပေးခဲ့လို့ ပြန်ကောင်းခဲ့ပေမယ့် အခု အသက်ကြီးပိုင်းရောက်လာတော့ ခြေသလုံးက ကျည်အပိုင်းအစတွေ ပြန်ထွက်လာ၊ ဒဏ်တွေပြန်ပေါ်ပြီး လမ်းမနည်းလျှောက်ရတဲ့ဘဝ ရောက်နေတယ်။ ဝေးဝေးလျှောက်လို့ လုံးဝမရတော့ဘူး သူငယ်ချင်း။

ဘာဘဲဖြစ်ဖြစ် စစ်အာဏာရှင်စနစ်ဆိုးကို မသေမချင်းတော့ ကိုယ်ကျွမ်းကျင်တဲ့အတတ်ပညာတွေနဲ့ ဆက် တိုက်သွားဦးမယ်။ ပြည်တွင်းငြိမ်းချမ်းရေးပြဿနာကို တိုင်းရင်းသားအခွင့်အရေးရှုဒေါင့်ကနေ အထူးတလည် ကာကွယ်ရှာဖွေသွားမယ်။ ဥပဒေစိုးမိုးရေး နဲ့လူ့အခွင့်အရေးအခြေခံတွေကို နိုင်သမျှ ဝိုင်းဝန်းတည်ဆောက်သွားမယ်။ ဒါကိုတော့ ကတိပေးလိုက်တယ်။
အိပ်ဖွင့်ပေးစာ အပြန်အလှန်ရေးတာတော့ ဒီလောက်ဆိုတော်လောက်ပြီထင်ပါတယ်

မင်းရဲ့သူငယ်ချင်း
အောင်ထူး (ရှေ့နေ)
ဥပဒေအထောက်အကူပြုကွန်ရက် တည်ထောင်သူ ၂ဝ၁၄ ခုနှစ် အောက်တိုဘာလ ၂၄ ရက်

။။။။။။။။။။။။။။။။။။။။။။။။။။။။။။။။။။

read more

ကေအန်ယူအကြံပေး ဗိုလ်မှုးကြီးစောထူးထူးလေးနဲ့ ဥပဒေအထောက်အကူပြုကွန်ရက်ကကိုအောင်ထူး(ရှေ့နေ)တို့ရဲ့ အပြန်အလှန်ပေးစာပါ။(၁)

ကေအန်ယူအကြံပေး ဗိုလ်မှုးကြီးစောထူးထူးလေးနဲ့ ဥပဒေအထောက်အကူပြုကွန်ရက်ကကိုအောင်ထူး(ရှေ့နေ)တို့ရဲ့ အပြန်အလှန်ပေးစာပါ။ ဒါက စောထူးထူးလေးစာပါ။

နေ့စွဲ - ၂ဝ၁၄ခုနှစ် အောက်တိုဘာလ (၂၂)ရက်
သို့
ကိုအောင်ထူး (ရှေ့နေ)
ဥပဒေအထောက်အကူပြုကွန်ရက်တည်ထောင်သူ
အကြောင်းအရာ။ ။ သူငယ်ချင်းထံသို့အိတ်ဖွင့်ပေးစာ။
သူငယ်ချင်း
မင်းမှတ်မိသေးမယ်လို့ထင်တယ်။ ဗိုလ်ချုပ်ကြီးစောဗိုလ်မြက KNUကိုယ်စားလှယ်အဖွဲ့ခေါင်းဆောင်၊ ကိုယ်က ဒုတိယအဖွဲ့ခေါင်းဆောင်အနေနဲ့ ယခင်နအဖနဲ့ တွေ့ဆုံဖို့မသွားခင် မင်းငါ့ကိုမဲဆောက်မှာပြောသွားတဲ့ စကားလေ။ "မင်းတို့မှားလိမ့်မယ်" တဲ့။  ၂ဝဝ၄ခုနှစ် ဇန်နဝါရီလ(၁၆)ရက်နေ့မှာ KNU ကိုယ်စားလှယ်အဖွဲ့ ဘန်ကောက်ကနေလေယဉ်စီးပြီး ရန်ကုန်ကိုသွားခဲ့တယ်။ ဗိုလ်ချုပ်ကြီး စောဗ်ိုလ်မြက ဗိုလ်ချုပ်ကြီးခင်ညွန့်ကို ပြတ်ပြတ်သားသား KNU ရဲ့သဘောထားကိုပြောပြတယ်။ ရိုက်ကူးထားတဲ့ ဗီဒီယိုအခွေတွေ ရှိပါသေးတယ်။ ဗိုလ်ချုပ်ကြီးခင်ညွန့်က "ဖထီးရာ - နောင်ဆိုရင် စစ်အာဏာရှင်စနစ်ဆိုတာ ဒီတိုင်းပြည်မှာမရှိတော့ပါဘူး" လို့ပြန်ပြောခဲ့တယ်။ အဲဒီ စကားဟာ သူ့အတွက်အထက်က ဗိုလ်ချုပ်မှူးကြီးနဲ့ ဒုဗိုလ်ချုပ်မှူးကြီးတို့ရဲ့အမျက်တော်ရှခြင်းဖြစ်စေခဲ့တယ်။ ဒီလို နီးနီးကပ်ကပ်လုပ်ဆောင်ခဲ့တဲ့အတွက် သူတို့ရဲ့အခြေအနေမှန်ကို တစ်စိတ်တစ်ပိုင်းသိရှိခွင့်ရခဲ့တယ်။

ဖေဖေါ်ဝါရီလအတွင်းမှာ ဒို့ KNU ကိုယ်စားလှယ်အဖွဲ့ မော်လမြိုင်မြို့ အရှေ့တောင်တိုင်းစစ်ဌာနချုပ်အတွင်းမှာ ညှိနှိုင်းဆွေးနေွးပွဲ လုပ်ခဲ့ပြန်တယ်။ KNU ဘက်က ကိုယ်ခေါင်းဆောင်ပြီး နအဖဘက်ကတော့ ဗိုလ်မှူးချုပ်ကျော်သိန်းဦးဆောင်ခဲ့တယ်။ အဲဒီလို ဆွေးနွေးတဲ့အချိန်မှာပဲ ဒို့တပ်မဟာ (၃)က တပ်ဖွဲ့တစ်ဖွဲ့က တပ်မတော်ရဲ့ ဒုံဇရစ်တပ်ရင်းစခန်းကိုတက်သိမ်းပြီး လက်နက်မျိုးစုံ (၃၉)လက် သိမ်းဆည်းရယူခဲ့တယ်။ ငြိမ်းချမ်းရေးဆွေးနွေးရေးကာလအတွင်း ဒီလိုဖြစ်တာ အင်မတန်အရုပ်ဆိုးတယ်။ လုံးဝမဖြစ်သင့်တဲ့ကိစ္စဘဲ။ ဒါကြောင့် ဗိုလ်ချုပ်ကြီးစောဗိုလ်မြက ကိုယ်တို့ကို ချက်ချင်းညွှန်ကြားချက်ပေးလိုက်တယ်။

(၁) လက်နက်တွေအားလုံးပြန်ပေးမယ်လို့ ပြောလိုက်ပါ။
(၂) မှားယွင်းလုပ်ဆောင်တဲ့တာဝန်ရှိသူတွေကို အရေးယူမယ်လို့ ပြောလိုက်ပါ။
(၃) တွေ့ဆုံဆွေးနွေးပွဲမပျက်စီးဘဲ ဆက်လက်လုပ်သွားနိုင်ဖ်ို့လုပ်ကြပါ။

စစ်လည်းတိုက်ရဲတယ်၊ ငြိမ်းချမ်းရေးလည်းလုပ်ရဲတယ်ဆိုတဲ့လူတွေဟာ ငြိမ်းချမ်းရေးအတွက် ဘယ်သူဘာပြောပြော ဂရုစိုက်မှာမဟုတ်ဘူး။ ဆက်လုပ်မှာဘဲ။ သူ့ယုံကြည်ချက်အတိုင်း သူ့ရည်မှန်းချက်ရောက်အောင် မဖြစ်မနေလုပ်မှာဘဲ။ သူ့အကျိုးအတွက်မဟုတ်ဘူး၊ အများအကျိုးအတွက်ဘဲ။ ဒါကို ဗိုလ်ချုပ်ကြီးစောဗိုလ်မြက သက်သေပြခဲ့တယ်။

ဒီလိုနဲ့ အောက်တိုဘာလအတွင်းမှာ နောက်တစ်ကြိမ် တွေ့ဆုံဆွေးနေွးဖို့အတွက် ရန်ကုန်ကိုသွားခဲ့ရပြန်တယ်။ ကိုယ်က ဦးဆောင်ပြီး ကိုယ်ဒို့ရဲ့ကိုယ်စားလှယ်အဖွဲ့မှာ တိုးလာတဲ့အဖွဲ့ဝင်သစ်တစ်ယောက်ကတော့ အဲဒီတုန်းက ဒူးပလာယာခရှိုင်ဥက္ကဌလည်းဖြစ်၊ တပ်မဟာ (၆)မှူးလည်းဖြစ်တဲ့ ဗိုလ်မှူးချုပ် စောမူတူးစေးဖိုးဘဲ။ ဒို့ ရန်ကုန်မရောက်ခင်လေးမှာဘဲ ဗိုလ်ချုပ်ကြီးခင်ညွန့်နဲ့ ကကလှမ်းတစ်ဖွဲ့လုံး အဖျက်ခံရ၊ အဖြုတ်ခံရ၊အဖမ်းခံရနဲ့ ရှုတ်ကုန်တော့တာဘဲ။ ဒို့တတွေအတွက်လည်း ပြည်တွင်းပြည်ပက လူအတော်များများ စိုးရိမ်ခဲ့ကြတယ်။

အဲဒီအထဲမှာ မင်းပါသလားသူငယ်ချင်း?
ဒါတောင်မှ တွေ့ဆုံဆွေးနွေးရေး မပျက်သေးပါဘူး။ နောက်ထပ်ပြီး ၂ဝဝ၅ခုနှစ် မတ်လအတွင်းမှာ တွေ့ဆုံဆွေးနွေးပွဲကို မော်လမြိုင်မြို့ အရှေ့တောင်တိုင်းစစ်ဌာနချုပ်မှာ လုပ်ဖြစ်တယ်။ ကိုယ်က ဦးဆောင်ပြီး နအဖဘက်က ဦးဆောင်သူအသစ်ဖြစ်သွားတယ်။ အရှေ့တောင်တိုင်း စစ်ဌာနချုပ်တိုင်းမှူးဖြစ်တဲ့ ဗိုလ်ချုပ်သူရမြင့်အောင်ဘဲ။ နောက်တစ်ကြိမ် နှစ်မကုန်ခင်အတွင်းမှာ အလွတ်တွေ့ဆုံဆွေးနွေးပွဲတစ်ခု မြဝတီမြို့တွင်းမှာ လုပ်တယ်။ ပဒိုဒေးဗစ်တောဦးဆောင်ပြီး သွားခဲ့တယ်။

အကျဉ်းချုပ်သုံးသပ်ကြည့်ရင် အဲဒီတွေ့ဆုံဆွေးပွဲတွေက ဘာအဖြေမှ မယ်မယ်ရရမထွက်ခဲ့ပါဘူး။ လူကြီးလူကောင်းသဘောတူညီချက်လို့ခေါ်တဲ့ Gentlemen Agreement နဲ့ဘဲ လုပ်သွားကြရတယ်။ ကိုယ်တို့ကို တချို့လူတွေက လက်နက်ချဖို့၊ အညံ့ခံဖို့လုပ်နေတဲ့ လူပျော့လူညံ့တွေလို့ပြောကြတယ်။ သစ္စာဖောက်မယ့်လူတွေလို့ စွပ်စွဲခဲ့ကြတယ်။ ဘာပြဲဖစ်ဖြစ်လေ - ဒါ သူတို့လုပ်ရမယ့်အလုပ်ဘဲ။ သူတို့ပြောကြမှာပေါ့။
ရလဒ်ကောင်းတစ်ခုကတော့ ၂ဝဝ၄ နဲ့ ၂ဝဝ၅ - နှစ်နှစ်လုံးလုံး ဘာတိုက်ပွဲမှမဖြစ်လို့ ရှေ့တန်းကပြည်သူလူထုတွေ သက်သာရာရတာကိုတော့ ကိုယ်ကျေနပ်မိတယ်။ ငြိမ်းချမ်းရေးအတွက် လမ်းစပွင့်မလားလို့ ကြိုးစားခဲ့တဲ့အပေါ် တွေ့ဆုံဆွေးနွေးရေးနဲ့ပတ်သက်ပြီး စာတွေ့၊ လက်တွေ့ အတွေ့အကြုံတွေကို တော်တော်များများရခဲ့တယ်။

အပြည်ပြည်ဆိုင်ရာထွက်ပြီး တွေ့ဆုံဆွေးနွေးရေးနဲ့ပတ်သက်လို့လေ့လာခွင့်ရတဲ့အခါ ဒီအတွေ့အကြုံတွေက အများကြီးအကျိုးဖြစ်ခဲ့တယ်။
ဒါကြောင့် - " ငါတို့မမှားဘူး။ လုံးဝကိုမမှားဘူး - သူငယ်ချင်းရေ"။
ဒီအတွေ့အကြုံတွေ၊ ဒီလေ့လာမှုတွေကြောင့် ဆက်လက်ပြီး အခုအချိန်အထိ ဒီအလုပ်ကိုလုပ်နေရတုန်းဘဲ။

"Do not fear to negotiate. Do not negotiate out of fear." ဆိုတဲ့ အမေရိကန်သမ္မတကြီး Franklin D. Roosevelt ရဲ့စကားနဲ့ "I kill my enemy by making him my friend" ဆိုတဲ့ အမေရိကန်သမ္မတကြီး Abraham Lincoln ရဲ့စကားဟာ ကိုယ့်ရဲ့လက်စွဲပဲ။ ကိုယ့်ရဲ့ အကြိုက်ဆုံးအဆိုအမိန့်ကတော့ ကိုယ့်ရဲ့ Commander in Chief ပြောတဲ့ "Blessed are the peacemakers, for they will be called children of God." – Matthew 5 : 9 (NIV).ငြိမ်းချမ်းရေးလုပ်လို့အသတ်ခံရတဲ့လူတွေ ဒီကမ္ဘာကြီးမှာ မနည်းတော့ပါဘူး။ ဒို့ရဲ့ ဥက္ကဌကြီးလည်း ဘယ်တော့အသတ်ခံရမလည်းမသိဘူး။ အပုတ်ချ၊ အပြစ်ပြော၊ နာမည်ဖျက်ခံနေရတာကတော့ နေ့တဓူဝဘဲ။ Character Assassination လုပ်တာခံနေရတာကြာပြီး။ ဒါပေမယ့် ဒို့ ဥက္ကဌကြီးနဲ့ သူ့လူတွေကတော့ - "When the going's tough, the tough get going" ဘဲ။
ဒါကြောင့် ကိုယ်အကြံပြုချင်တာကတော့ "Never Say Never" ဖြစ်ပြီး၊ နောက်တစ်ခုကတော့ အခု ဒို့ KNU တတွေလုပ်နေတာကို အမှန်တကယ်သိချင်ရင် ကိုယ်ဒို့နဲ့ မျက်နှာချင်းဆိုင်ပြီး ပြောဆိုဆွေးနွေးစေလိုပါတယ်။ ဒါမှ ဒို့ဘာတွေလုပ်နေတာကိုသိပြီး ကောင်းမွန်တဲ့အကြံကောင်းတွေ ပေးနိုင်မှာဖြစ်ပါတယ်။
နောက်တစ်ခုကတော့ UNFC နဲ့ပတ်သက်တဲ့ကိစ္စဘဲ။ ၂ဝ၁ဝခုနှစ်အတွင်းက "BGF လုပ်ရင်လုပ်၊ မလုပ်ရင်စစ်ရေးအရအရေးယူခံရမယ်" ဆိုတဲ့ တစ်ချက်လွတ်အမိန့်ကို အဲဒီအချိန်ကအပစ်ရပ်အဖွဲ့တွေရရှိခဲ့တယ်။ KNU အတွက်တော့အပစ်မရပ်ဘဲ တောက်လျောက်တိုက်နေတဲ့အတွက် ဘာမှပြဿနာမရှိဘူး။ တခြားတိုင်းရင်သား လက်နက်ကိုင်အဖွဲ့အစည်းတွေအတွက် EBO က ဆရာကြီးဟန်ရောင်ဝေနဲ့ ဗစ်တာဗျက်လျန်၊ ENC က ကိုယ်နဲ့ဒေးဗစ်တောတို့စိတ်ပူပြီး အဲဒီလက်နက်ကိုင်အဖွဲ့အစည်းတွေအတွက် အစညအဝေးတစ်ရပ်ကို KIO ဌာနချုပ် လိုင်ဇာမှာ လုပ်ဖို့စီစဉ်ခြဲ့ကတယ်။ ဆရာကြီးဟန်ကဦးဆောင်ပြီး ကိုယ်တို့က ဝိုင်းကူကြတယ်။ အဲဒီအစည်းအဝေးကို KNU ဘက်က ဗိုလ်ချုပ်ကြီး စောမူတူးစေဖိုး၊ ဗိုလ်မှူးချုပ်စောအိုင်းဇက်နဲ့ ပဒိုစောဒေးဗစ်တောတို့ တက်ရောက်တယ်။ EBO ဘက်က ဆရာကြီးဟန်နဲ့ ဗစ်တာဗျက်လျန်တို့ တက်တယ်။

တိုင်းရင်သား လက်နက်ကိုင်အဖွဲ့ခေါင်းဆောင်တစ်ချို့ တက်ရောက်ခဲ့တယ်။ အကုန်အကျကို (EBO)က အကုန်ခံတယ်။ ကိုယ်ကတော့ ခရီးလွန်လို့မသွားဖြစ်ဘူး။ အဲဒီလုပ်ရှားမှုကြောင့် ဖက်ဒရယ်ပြည်ထောင်စုပေါ်ထွန်းရေးကော်မတီ (Committee for Emergence of Federal Union)ကို ဖွဲ့စည်းနိုင်ခဲတယ်။ စစ်ရေးအရ အချင်းချင်းအကာအကွယ်ပေးနိုင်ဖို့အတွက် အဓိကလုပ်ဆောင်နေတဲ့အချိန်မှာဘဲ ဖက်ဒရယ် ပြည်ထောင်စုပေါ်ထွန်းရေးဆိုတဲ့ နိုင်ငံရေးရည်မှန်းချက်ကို ဦးတည်ထားတယ်။ အဲဒီ CEFU ရဲ့ဥက္ကဌဟာ ဗိုလ်ချုပ်ကြီး မူတူးစေးဖိုးဘဲ။

စစ်ရေးအတွက်ဘာမှ ဟုတ်တိပတ်တိ၊ မယ်မယ်ရရမလုပ်နိုင်သေးတဲ့အချိန်မှာဘဲ "ကြီးမားကျယ်ပြန့်တဲ့ တပ်ပေါင်းစုကြီးဖွဲ့စည်းရေး" ဆိုတဲ့ Idea ဝင်လာတယ်။ ယူလာသူကတော့ နိုင်ဟံသာပဲ။ UNFC ဖွဲ့ရေးဘဲ။ အဲဒါနဲ့ပတ်သက်ပြီး KIO ဗိုလ်ချုပ်ကြီး အန်ဘာလ က ကိုယ်နဲ့ ဒေးဗစ်တောကို အကြံပေးဖို့ အစည်းအဝေးမှာဖိတ်ခေါ်တယ်။ ကိုယ်တို့နှစ်ယောက်လုံးက မဖွဲ့ဖို့ပြောတယ်။ စစ်ရေးကိုအဓိကထား ဝိုင်းလုပ်ရင်း၊ ဝိုင်းကာကွယ်ရင်းနဲ့ တိုင်းရင်းသားလက်နက်ကိုင်အဖွဲ့အစည်းအားလုံးလက်ခံနိုင်တဲ့ ဘုံအခြေခံတစ်ရပ် (Common Ground) ကို ချမှတ်ပြီးမှ တပ်ပေါင်းစုတစ်ရပ်ကိုဖွဲ့စည်းဖို့အကြံပြုခဲ့တယ်။ တစ်သွေး၊ တစ်သံ၊ တစ်မိန့်ဆိုတဲ့ခံယူချက်နဲ့ ဗိုလ်ချုပ်ကြီးအန်ဘာလက လုပ်ချင်တယ်။ ဒါမဖြစ်နိုင်ဘူးဆိုတာ တပ်ပေါင်းစုသမိုင်းတစ်လျောက်လုံးမှာ တွေ့ခဲ့ရတာဘဲ။

နောက်ဆုံးတော့လုပ်ရိုးလုပ်စဉ်ဆိုတဲ့အခြေခံပေါ်မှာ အဖွဲ့တွေစုပြီး တပ်ပေါင်းစုလုပ်လိုက်တော့ အခုလိုဖြစ်လာတာဘဲ။ ပြောင်းလဲလာတဲ့ နိုင်ငံရေးအခြေအနေအရ တိုင်းရင်းသားလက်နက်ကိုင်အဖွဲ့အစည်းအားလုံး တွေ့ဆုံညှိနှိုင်းသဘောတူတဲ့အခြေခံပေါ်မှာရပ်တည်ပြီး အခြားတစ်ဖက်နဲ့တွေ့ဆုံဆွေးနွေးရမယ့်အစား တပ်ပေါင်းစုတစ်ခုကဦးဆောင်ပြီး ကျန်အဖွဲ့တွေက လိုက်လုပ်ရမယ်ဆိုတာ မဖြစ်နိုင်ပါဘူး။ အင်အားကြီးအဖွဲ့အစည်းတွေအနေနဲ့ ဒါမျိုးကိုလက်မခံဘူးဆိုတာ ကြိုမမြင်ဘူးနဲ့တူတယ်။
နောက်တစ်ခုက စည်းလုံးညီညွတ်ရေးကို မတူကြွဲပားခြားနားတဲ့အခြေခံပေါ် (Unity in Diversity) မှာလုပ်ရမှာဘဲ။ တစ်သွေး၊ တစ်သံ၊ တစ်မိန့်ဖြစ်တဲ့ တစ်ပုံစံတည်းသောညီညွတ်ရေး (Unity in Uniformity) နဲ့လုပ်လို့မရပါဘူး။ ဒီသဘောတရားကိုလက်မခံတော့ အခု ထင်ထင်ရှားရှား ဒီလိုဖြစ်လာရတာဘဲ။

အခြားတစ်ခုကတော့ မင်း UNFC ရဲ့ Constitution ကို သေသေချာချာလေ့လာကြည့်ပါ။ မင်းတွေ့ရပါလိမ့်မယ်။ KNU ရဲ့ Constitution နဲ့ Constitutional Rule ကို လေ့လာချင်ရင်ပို့ပေးမယ်။ နှိုင်းယှဉ်ပြီး လေ့လာကြည့်ပါ။
NCCT နဲ့ပတ်သက်ပြီးပြောရရင် ပထမ လိုင်ဇာအစည်းအဝေးမှာ ဖွဲ့ခဲ့တယ်။ UNFC ကဖွဲ့ပေးတာမဟုတ်ဘူး။ တိုင်းရင်းသားလက်နက်ကိုင်အဖွဲ့အစည်း (၁၆)ဖွဲ့က ဖွဲ့တာပါ။ နိုင်ငံရေးဦးဆောင်အဖွဲ့ ဖွဲ့ပြီး NCCT ကို ဦးဆောင်ဖို့ပြောတော့ UNFC က ဦးဆောင်လို့မရဘူးလားလို့ မေးတယ်။ ဦးဆောင်မှုပေးခြင်းမခံရတော့ နောက်ဆုံး အဖွဲ့ (၁၆)ဖွဲ့ရဲ့ ခေါင်းဆောင်တွေကပဲစုစည်းပြီး ဦးဆောင်မယ်လို့ ဖြစ်သွားတယ်။ ကိုယ်ကိုယ်တိုင် အဲဒီအစည်းအဝေးကို တက်ခဲ့တယ်။ နောက်တစ်ခါ လော်ခီးလာအစည်းအဝေးနဲ့ ဒုတိယလိုင်ဇာအစည်းအဝေးမှာလည်းဘဲ ခေါင်းဆောင်မှုပေးခြင်းမခံခဲ့ရဘူး။ ဒါကြောင့် နောက်ဆုံး UNFC ကွန်ဂရက်မှာ အတင်းအကျပ် ဆုံးဖြတ်ချက်ချခဲ့ကြတာဘဲ။

ကွန်ဂရက်တက်ရောက်တဲ့ တစ်ချို့ကိုယ်စားလှယ်တွေက NCCT ကို UNFC က အပိုင်စီးတယ်။ (Hijack) လုပ်တယ်လို့ပြောကြတယ်။ တိုင်းရင်းသားကိုယ်စားလှယ် (ကရင်မဟုတ်ပါ)တစ်ဦးကတော့ ခါးခါးသီးသီးနဲ့ "နိုင်ငံရေးမုဒိန်းကျင့်တာဘဲ"လို့ မှတ်ချက်ပြုခဲ့တယ်။ တစ်နည်းအားဖြင့် UNFC အဖွဲ့ဝင်(၁၁)ဖွဲ့က NCCTအဖွဲ့ဝင် KNU အပါအဝင်(၅)ဖွဲ့ကို ဝိုင်းပြီးပြုကျင့်တာဘဲ။ ဒါ လုပ်သင့်သလား သူငယ်ချင်း။
ဒါ့အပြင် "……UNFC သည် မြန်မာနိုင်ငံတိုင်းရင်းသားလူမျိုးပေါင်းစုံ၏ တစ်ဖွဲ့တည်းသော နိုင်ငံရေးဦးဆောင်မှုပေးနိုင်သည့်အဖွဲ့အစည်း ဖြစ်ပါသည်" လို့ပြောရင်ဖြစ်နိုင်ပါ့မလား။ (အဲဒီ လျှို့ဝှက်လို့သတ်မှတ်ထားတဲ့စာတစ်စောင်ကို လက်မှတ်မထိုးဘဲ ဖြန့်ဝေထားတာရှိတယ်။ စာ မှန်မမှန်ကိုယ်မပြောလိုဘူး။

အဲဒီလို အကောင်အထည်ဖေါ်နေကြတာတော့ အမှန်ဘဲ။ လုပ်ရပ်ကိုကြည့်ရင် သိသာပါတယ်။ မျက်စိမြင်၍ ကြည့်တတ်သောသူသည် မြင်သည်ဆိုတဲ့စကားရှိပါတယ်)။ တစ်ခုရှိသေးတယ် ဒီနှစ် စက်တင်ဘာလ (၂၂)ရကနေ့ ရန်ကုန်မြို့ ယုဒသန်ခန်းမမှာ KNU ခေါင်းဆောင်များနဲ့ ကရင်လူထုတို့ တွေ့ဆုံပွဲကိုကျင်းပခဲ့တာ မှန်တယ်။ ကိုယ်လည်း ဒီအစည်းအဝေးတက်ခဲ့တယ်။ UNFC အကြောင်းပြောဖို့ ကိုယ်တာဝန်ယူ ထားတယ်။

ဆရာကြီး ဟန်က ကိုယ်တို့နဲ့ တောက်လျောက်တွဲလုပ်ခဲ့တာ ကြာခဲ့ပြီ။ UNFC အကြောင်းကို ကရင်မဟုတ်တဲ့ ရှမ်းအမျိုးသားပညာတတ် တစ်ယောက်၊ တိုင်းရင်းသားနိုင်ငံရေးလောကတွင် လူသိများသူတစ်ဦး၊ အပြည်ပြည်ဆိုင်ရာမှာ ကျွမ်းကျင်နားလည်သူပုဂ္ဂိုလ်ကို ပြောစေချင်လို့ ကိုယ်အကူအညီတောင်းခဲ့တယ်။ UNFC ကို ဗြောင်ထုတ်ဖော် ဝေဖန်တိုက်ခိုက်တယ်လို့ပြောတာထက်သူ့ရဲ့ဝေဖန်သုံးသပ်ချက်ကို ဖော်ထုတ်တယ်လို့ ကိုယ်ကပြောချင်တယ်။ လူတိုင်းလည်းပြောခွင့်ရှိတာဘဲ။ အနောက်နိုင်ငံတွေမှာ ဒီလိုလုပ်မြဲမဟုတ်ဘူးလား။ ဂရိတို့၊ အေသင်နိုင်ငံတွေခေတ်မှာပင် လုပ်ခြဲ့ကတာဘဲ။ မင်းလည်းပြောချင်ရင် ရန်ကုန်မှာ ကိုယ်အဲဒီလိုမျိုးအစည်းအဝေးလုပ်ပေးပါ့မယ်။ ကိုယ်နဲ့အမြင်တူတူ မတူတူ မလိုပါဘူး။ တက္ကသိုလ်တုန်းက အစ္စရေးနဲ့ အာသံအမတ်ကြီးတွေခေါ်ပြီး မတူတဲ့သူတို့အမြင်တွေ ထုတ်ဖော်ပြောကြဖို့ ဒို့ဥပဒေဌာနမှာလုပ်ခဲ့ကြတာကို ကိုယ်မြင်ယောင်မိသေးတယ်။ အတွေးအခေါ်မတူတဲ့ ဘက်နှစ်ဘက်ကို စင်ပေါ်တင်ပြီး Television ရှေ့မှာ သူ့အမြင်ကိုယ့်အမြင်တွေကို ပြောခိုင်းရင်မကောင်းဘူးလားလို့ ကိုယ်စဉ်းစားမိတယ်။ ခွန်ဥက္ကာတို့ နိုင်ဟံသာတို့ကို ကိုယ်မေးကြည့်မယ် မင်းတို့လုပ်မလား။ သူတို့ကလုပ်မယ်ဆိုရင် မင်း Facilitator လုပ်မလား သူငယ်ချင်း?။ နောက်တစ်ခုရှိသေးတယ်။ စစ်မှန်တဲ့ဖက်ဒရယ်ပြည်ထောင်စုတည်ဆောက်ရေးဟာ တို့တတွေအားလုံးရဲ့ရည်မှန်းချက်ပါ။ မင်းတို့ဗမာတွေလည်း ပါတာဘဲ။ အဲဒီအတွက် နိုင်ငံရေးဆွေးနွေးပွဲတွေပေါ်လာရင် အခြေခံအနေနဲ့ဆွေးနွေးနိုင်ဖို့အဆိုပြု ဖက်ဒရယ်ပြည်ထောင်စုသမ္မတမြန်မာနိုင်ငံ ဖွဲ့စည်းပုံအခြေခံဥပဒေမူကြမ်းကို တို့တတွေရေးခဲ့ကြတယ် မဟုတ်ဘူးလား။ DAB ရဲ့မူကြမ်းကနေ NCUB ရဲ့ ပထမမူကြမ်း ဖြစ်သွားတာက တစ်ခု။ နောက်တစ်ခုကတော့ ဖက်ဒရယ်ဖွဲ့စည်းပုံအခြေခံဥပဒေ (မူကြမ်း)ရေးဆွဲရေးနှင့်ညှိနှိုင်းမှုကော်မတီ (FCDCC) ကတစ်ခု ပေါင်းနှစ်ခု ရေးဆွခဲ့ကြတယ်။ နှစ်ခါစလုံး ကိုယ်ပါခဲ့တယ်။ အဲဒီနှစ်ခုစလုံးမှာ ဖက်ဒရယ်ပြည်ထောင်စုတပ်မတော်ဖွဲ့စည်းရေးလည်းပါတယ်။ ဘယ်အခြေခံပေါ်မှာဖွဲ့မယ်၊ ဘယ်လိုဖွဲ့မယ်မှစ၍ ပြည့်ပြည့်စုံစုံစဉ်းစားထားကြတယ်။ ဒါကို နိုင်ငံရေးဆွေးနွေးပွဲမှာဆွေးနွေးပြီး အဖြေရှာဖို့ပဲလို့ တို့တတွေခံယူထားကြတယ်။ ချက်ချင်းဖွဲ့ဖို့ မဟုတ်ဘူး။ အခုတော့ ဒီလိုမဟုတ်ဘဲ (Federal Union Army) ကို ဖွဲ့ပြလိုက်တော့ အခြားတစ်ဖက်ကို စိန်ခေါ်လိုက်သလိုဖြစ်သွားတာပဲ။ ဒီလိုမျိုး ငြိမ်းချမ်းရေးအတွက် ဘာမှ မယ်မယ်ရရမဆွေးနွေးနိုင်သေးခင်မှာ၊ ထိလွယ်ရှလွယ်တဲ့အချိန်မျိုးမှာ ဒီလိုလုပ်ပြလိုက်တာ နိုင်ငံရေးအရ မှန်မမှန် မင်းဘဲဆုံးဖြတ်ပါ။ ဒီကသွားဖြဲပြတော့ ဟိုကအစွယ်ထုတ်ပြတာ သဘာဝပါဘဲ။
ဒါက ဘာလည်းဆိုရင် သဘောထားတင်းမာသူ (Hardline)တွေရဲ့ ဇာတိပြတာဘဲ။ ဒီအတိုင်းဆက်သွားရင်တော့ ဒို့တိုင်းပြည်ကြီး လမ်းမမြင်၊ ကမ်းမမြင်နဲ့ ဘယ်သောင်မှာတင်ပြီး၊ ဘယ်ကျောက်ဆောင်နဲ့တိုက်မလည်းဆိုတာ ဘယ်သူမှပြောနိုင်မှာမဟုတ်တော့ဘူး။ ဤလည်း တစ်ဒုက္ခပါဘဲလေ။

ကော်သူးလေတပ်မတော် (Kawthoolei Armed Forces) ဆိုတဲ့ဟာ တစ်ခုကလည်းထွက်လာပြီ။ အောက်တိုဘာလ (၂၃-၂၅)ရက်နေ့မှာ KNU ဗဟိုအမြဲတမ်းကော်မတီအစည်းအဝေးက UNFC နဲ့ KAF ကိစ္စကိုကိုင်တွယ်တော့မယ်။ ဘယ်လိုအဖြေထွက်လာမလည်းဆိုတာ စောင့်ကြည့်ကြစို့။ ကိုယ် ဗဟိုအမြဲတမ်းကော်မတီဥက္ကဌနဲ့ ဗဟိုကော်တီဝင်အားလုံးအတွက် စာတစ်စောင်ပို့ထားတယ်။ မင်းသိအောင် ကိုယ်ပို့ပေးလိုက်မယ်။

ဒါတွေကိုကိုယ်ပြောနေတာ ဘယ်သူ့ကိုမှ အပြစ်ပြောနေတာမဟုတ်ဘူး။ တစ်ယောက်ကို တစ်ယောက်အပြစ်ရှာ၊ အပြစ်ဖို့၊ အပြစ်ပြောနေတာမျိုးဟာ အကျိုးယုတ်တာကလြွဲပီး ဘာအကျိုးမှဖြစ်လာမှာမဟုတ်ဘူး။ အဲဒီတော့ မင်းအားရင်လာခဲ့ပါအုံး။ တို့တတွေအားလုံး နေရာတိုင်းမှာအမြင်မတူကြပေမယ့် စုစုစည်းစည်း အဖိုးအခပေးလုပ်ခဲ့တဲ့အကျိုးကြောင့် ဒီအခြေအနေကိုရောက်လာနေပြီ။ ဆက်ပြီးကြိုးစားကြည့်ကြစို့ ။
မင်းရဲ့သူငယ်ချင်း -
စောထူးထူးလေး (ကော်သူးလေ)

read more

ကိုပါကြီးနဲ့ပတ်သက်လို့ပြောခဲ့တာတွေ-၂(မျိုးမြင့်ချို)

ကိုပါကြီးနဲ့ပတ်သက်လို့ပြောခဲ့တာတွေ-၂(မျိုးမြင့်ချို)

(ပါကြီး သေတာ မဟုတ်ဘူး)

ပါကြီး
သေဆုံးတာမဟုတ်ဘူး။
အသတ်....ခံရတာ။
အသတ်ခံ....ရတာ။
အသတ်ခံရတာ။

ကျနော်ပြောနေတာမှာ ကိုပါကြီးချီးမွမ်းခန်းတစိုးတစေ့မျှမပါသလို

လူချင်း ရင်း/မရင်းတွေလည်းမပါပါ။

ပုဂ္ဂလသူ့ဘဝအကြောင်း မပါပါ။

ပါစရာလည်းမလိုပါ။

သူ့အကြောင်း

ကျနော်သိသလောက်ပြောရရင်

ကိုပါကြီးဟာ

ခင်ဗျားလို

ကျနော့်လို လူပါ

လူတစ်ယောက်ဖြစ်တဲ့ကိုပါကြီးဟာ

လူတစ်ယောက်ထက်ပိုပြီး မမြင့်မြတ် မယုတ်ညံ့ပါ။

လူတစ်ယောက်ထက်ပို မဖြူစင် မညစ်နွမ်းပါ။

လူတစ်ယောက်ထက်ပို မတော်ပါ မညံ့ပါ။

လူတစ်ယောက်ထက်ပို အထက်တန်းမကျ အောက်တန်းမကျပါ။

လူတစ်ယောက်ထက်ပို မမှန်ပါ မမှားပါ။

လူတစ်ယောက်ထက်ပို မကောင်းပါ မဆိုးပါ။

လူတစ်ယောက်ထက်ပို မကောက်ကျစ်ပါ မဖြောင့်မတ်ပါ။

လူတစ်ယောက်ထက်ပို မရိုးသားပါ မဖြူစင်ပါ။

လူတစ်ယောက်ထက် ပိုတာလိုတာ ဘာမှမရှိတဲ့လူပါ။

တခုပဲ

နိုင်ငံရေးနောက်ခံရှိတဲ့

စစ်ပွဲဆီကိုယ်တိုင်သွားသတင်းယူတဲ့

ဘယ်သူမှမခန့်တဲ့

လူထုသတင်းသမားပဲ။

(ကိုပါကြီးနိုင်ငံရေး)

ကိုပါကြီးကိစ္စတောင်းဆိုကြတာမှာ စစ်တပ်ကကျူးလွန်တဲ့အမှုကို စီရင်ပိုင်ခွင့်အာဏာဟာ ကာချုပ်လက်ထဲမှာ(တနည်းပြောရရင် စစ်တပ်လက်ထဲမှာ)ဆိုတာ သတိရှိကြမှာပါ။ ဘယ်လိုအမှုမျိုး(ရာဇဝတ်မှုအကြီးအသေး)ကို အရပ်ဘက်တရားရုံး (နယ်ဘက်တရားစီရင်ခွင့်)အောက်ထည့်ထားသလဲ လွှဲပေးသလဲဆိုတာလည်း သေချာသိမှဖြစ်မယ်။ ဒါကလည်း နိုင်ငံရေးသမားတွေက ”တရားမျှတမှုတို့ စုံစမ်းစစ်ဆေးဖော်ထုတ်အရေးယူပေးဖို့တို့ ဥပဒေကြောင်းအရတို့ တရားဥပဒေစိုမိုးရေးတို့” စတဲ့စကားတွေပြောနေလို့သာ ဝင်ပြောရတာပါ။

တကယ်က ဒါဟာ နိုင်ငံရေးပါ။ နိုင်ငံရေးအရ နိုင်ငံရေးစကားပဲ ပြောရမယ်မြင်ပါတယ်။ ဒါ လူသတ်အလောင်းဖျောက်တဲ့ သာမန်ရာဇဝတ်မှုအကြီးစားတခုအဖြစ်လောက်ပဲ 
ကွက်မြင်တယ်ဆို စစ်အုပ်စုနှစ်ခြိုက်မှာပါ။ သူတို့အကြိုက် ကြိုက်လုံးပစ်သလိုနေမှာပါ။ ဗိုလ်သိန်းစိန်အစိုးရကလည်း အဲ့ဒီဂွင်ထဲပဲဝင်သွားစေချင်မှာပါ။ ရာဇဝတ်မှုလောက်လို့မြင်တာကို သူတို့သိတ်ကြိုက်မှာသေချာပါတယ်။ ဥပဒေသမား (ရှေ့နေရှေ့ရပ်)စတာတွေက ဥပဒေစကားပြောပြီး ဥပဒေတွင်းကသွားတာ သူတို့အလုပ်ပါ သူတို့ကိစ္စပါ။

နိုင်ငံရေးသမားက လူထုဘက်ကရပ်ပြီး နိုင်ငံရေးအရ မူရှိရှိ ရပ်ခံချက်ရှိရှိ ရှင်းရှင်းလင်းလင်းပြောမှရပါမယ်။ အဲ့သလိုမဟုတ်ပဲ ရာဇဝတ်မှုနဲ့နိုင်ငံရေးပြသနာကို ပြည်သူတွေကြား ဘူးလုံးနားမထွင်းဖြစ်အောင်လုပ်ကြတယ်ဆို ဘာနဲ့တူသလဲဆိုတော့ (ကျနော်တို့အမှုတွဲထဲကတယောက် ထောင်ချခါနီး စစ်ခုံရုံးက စစ်ဗိုလ်ကမေးတယ် အပြစ်ရှိလား မရှိဘူးလားဆိုပြီး။ ဒီတော့ အမှုတွဲကဖြေတယ် ဥပဒေအရအပြစ်ရှိပါတယ်။ နိုင်ငံရေးအရတော့ အပြစ်မရှိပါ)ဆိုပြီး။

ခုလည်း ဒီကိစ္စကို လူသတ်အလောင်းဖျောက်တဲ့ရာဇဝတ်မှုအထိပဲမြင်ပြတာဆို ”ဥပဒေအရအပြစ်ရှိပါတယ် နိုင်ငံရေးအရတော့ မရှိ”ဆိုတာမှာ အဆုံးသတ်သွားမှာပါ။ နောင်တော့ ဖြည်ဖြည်ဖြန့်ဖြန့်လေးရေးပါဦးမယ်။

(ကိုပါကြီးအကြောင်း ဘာ့ကြောင့်ပြော

ကိုပါကြီးကိစ္စကြ တရစပ်ပြောပြီး

ဆရာအောင်သင်းသေတာကြ

ပါးစပ်မဟပါလားဆိုလို့။

ဦးအောင်သင်းက
ဘဝကို
ဝအောင်နေပြီး
သဘာဝအရသေသွားတာ

ပါကြီးက

ဘဝ မဝရေစာနဲ့

အသတ်ခံရတာ

သေတာနဲ့အသတ်ခံရတာ

အဲ့ဒါခြားနားတယ်

၂ ယောက်လုံး

လောကချမ်းသာရှိစေချင်တာမှာ တူမယ်

တန်ဖိုးရှိတာမှာ တူမယ်

ကျနော့်ကရုဏာက

အသတ်ခံရသူအပေါ် ပိုတယ်

read more

ကိုပါကြီးနဲ့ပတ်သက်လို့ပြောခဲ့တာတွေ(၁)(မျိုးမြင့်ချို)

ကိုပါကြီးနဲ့ပတ်သက်လို့ပြောခဲ့တာတွေ(မျိုးမြင့်ချို)

(ကိုပါကြီးသတင်းသမားမစစ်စစ် စစ်စစ်၊ စစ် စစ်စစ်)

ကိုပါကြီး သတင်းထောက်စစ်တယ် မစစ်ဘူးပြောနေတာထက် သူ့လိုသတင်းယူရင်း စစ်တပ်ကသတ်လို့သေရတဲ့လူ(သတင်းသမားစစ်စစ်ကြီး)ဘယ်နှယောက်ရှိသလဲ။ သူ့ဟာသူ သတင်းသမားစစ်စစ်/မစစ်စစ် သူ့လိုမျိုး စစ်တလင်းကို ကိုယ်တိုင်သွားပြီး သတင်းထောက်တဲ့သူ ဘယ်နှယောက်များရှိသလဲ ခုပြောနေကြတဲ့စတုတ္ထမဏ္ဍိင်ဆိုသူတွေထဲမှာ။ လွှတ်တော်မှာ မြို့တော်မှာ ရပ်ကွက်ထဲမှာ ဖါတန်းမှာ အရက်ဘားမှာ ဖက်ရှင်ရှိူးမှာ ရံပုံငွေပွဲမှာ ဧည့်ခံပွဲမှာ အစည်းအဝေးတွေမှာ ဆယ်လစ်ဗရတီတွေကြား သတင်းလိုက်သူ အတင်းအဖျင်းလိုက်သူမှာလည်း သူ့သတင်းတန်ဖိုးနဲ့ သူ့သတင်းသမားတန်ဖိုးရှိတာပါပဲ။ ကိုပါကြီးလည်း သူ့တန်ဖိုးနဲ့သူပဲ။ သူ့သတင်းတန်ဖိုးကတော့ လူ့အသက်တချောင်းပေးရတဲ့အထိ ကြီးတာပဲ။ သူ့မှတ်တမ်းမှတ်ရာ (ဓါတ်ပုံ ဗီဒီယို စသည်ဖြင့်)တွေထဲမှာ စစ်တပ်က လူမျိုးစုလက်နက်ကိုင်တော်လှန်ရေးသမားတွေအပေါ် အရပ်သူအရပ်သားတွေအပေါ် လူမဆန်တဲ့လုပ်ရပ်တွေ လူ့အခွင့်အရေးချိုးဖေါက်တာတွေ သတ်ဖြတ်ညှဉ်းပမ်းတာတွေမပါဘူးလို့ ခင်ဗျားပြောနိုင်မလား။ အနည်းနဲ့အများပါမှာတော့ သေချာတယ်။ အဲ့ဒါတွေ အပြင်ထွက်လာရင် ပြန့်ထွက်သွားရင် နဂိုကမှနံမည်ပျက်ပြီးသားတပ် ရစရာမရှိအောင်ထပ်ပွင့်ကျဦးမှာပဲ။ ပြောရရင် ပါကြီးသတင်းသမားစစ်မစစ်ထက် သူ့အသက်နဲ့ရင်းပြီး သတင်းရင်းမြစ်အထိလိုက်ခဲ့သူပဲ။ စစ်သတင်းထောက်လို စစ်ပွဲရှိရာကိုသွားခဲ့သူပဲ။ သူ့အကြောင်း နိုင်ငံတကာသတင်းမီဒီယာတွေ နယ်စည်းမခြား သတင်းသမားတွေ ခုထက်ပိုသိလာအောင် ဝိုင်းပြောကြစို့ ဝိုင်းအရေးဆိုကြစို့။

(ကိုပါကြီးတွေကို ပိုအလေးထားတယ်)
ထိုင်းမှာ ဗြိတိန်စုံတွဲကိုသတ်တယ်လို့ စွပ်စွဲခံထားရသူနှစ်ယောက်ကိစ္စ ကျနော်လည်း စိတ်ဝင်စားတယ်။ စိတ်ဝင်စားတယ်ဆိုတာထက် ထိုင်းအစိုးရ ထိုင်းတရားစီရင်ရေး ထိုင်းရဲဌာန ထိုင်းလူ့အခွင့်အရေး ထိုင်းရှေ့နေများအဖွဲ့စတဲ့ဘက်တွေက ဆက်ပြီး ဘယ်လို ကိုင်တွယ်မလဲ၊ နောက်ဆုံး ဘာအဖြေထွက်လာမလဲဆိုတာကိုပဲ။ ဒီနေရာမှာ ထိုင်းရဲ ထိုင်းထောက်လှမ်းရေး ထိုင်းတရားစီရင်ရေးစတာတွေနဲ့ ဒွေးရောယှက်တင်ဖြစ်တဲ့အခါဖြစ်တဲ့ ထိုင်းဂိုဏ်းဖွဲ့ရာဇဝတ်ကောင်တွေ ထိုင်းမာဖီးယားတွေကိစ္စလည်း ထည့်တွက်ကိုတွက်ရမှာပဲ။ အတွက်ရဆုံးစာရင်းထဲမှာထည့်ထားတာက ထိုင်းစစ်အာဏာရှင်အုပ်စိုးသူတွေကိုပဲ။ ပြဿနာရဲ့ဆုံချက်နဲ့ အခရာအကျဆုံးနေရာကထိုင်ပြီး အဆုံးအဖြတ်ပေးမှာကသူပဲ။

စစ်အာဏာရှင်ဆိုတာ သေနတ်တေ့ပြီးလူသတ်ဝါဒနဲ့သာ အရာရာကိုဆုံးဖြတ်လုပ်ကိုင်တာပဲ။ ယင်လတ်အစိုးရကို မကြိုက်ဘူး။ ယင်လတ်ဆီကနေအာဏာသိမ်းတဲ့ စစ်အစိုးရကိုပိုမကြိုက်ဘူး။ စစ်အာဏာရှင်ဆို ဘယ်နိုင်ငံကဖြစ်ဖြစ် ဆန့်ကျင်တယ်။ အခြေအနေတွေ ခုလောက်ခုလို ရှုပ်ထွေးကုန်ရတာက မြင်သာထင်သာမရှိတဲ့ထိုင်းရဲတွေ ထိုင်းအာဏာပိုင်တွေ(သမာတယ် မသမာဘူးဘာမျမှတ်ချက်မပေးလိုသေး)လုပ်ရပ်ကြောင့် ဖြစ်လေ့ရှိတဲ့ရာဇဝတ်မှုတခုကနေ
ကျော်ကျက်ပွင့်ပက်ထွက်လာပြီးဟိုးလေးတကြော်ဖြစ်ရတာပဲ။

ဒေသရဲ့နိုင်ငံရေးအိတ်ရှူးအထိ ဖြစ်မလာဘူးမပြောနိုင်ဘူး။ ခုကိုပဲကိစ္စက လူသတ်ရာဇဝတ်မှုတခုထက် ပိုလာပြီ။ ပြောကြဆိုကြရပြီ။ ဒါပေမယ့် ဒီအစွပ်စွဲခံ ၂ ယောက်လုံး ဟုတ်တဲ့မှန်တဲ့တရားအတိုင်းပဲဖြစ်စေ့ချင်တယ်။ ဟုတ်ရင်မှန်ရင် ခံပေ့စေ။ မဟုတ်ရင်မမှန်ရင် လွတ်သွားပါစေ။ ခက်တာက ဟုတ်တယ်မှန်တယ် မဟုတ်ဘူးမမှန်ဘူးကို ဘယ်သူက ဘာနဲ့ဘယ်လို သက်သေပြနိုင်မလဲ၊ ကာကွယ်နိုင်မလဲ စစ်အာဏာဓါးမိုးထားတဲ့နိုင်ငံမှာ။

ခုပဲကြည့် ရွှေပြည်ကြီးမှာ ဒီမိုကရေစီအရေခြုံစစ်အာဏာရှင်က ကိုပါကြီးကို (သူတို့အကြောင်းပြချက် ဘယ်လောက်ဟုတ်ဟုတ်/မဟုတ်ဟုတ်) ဖမ်းဆီးစစ်ကြော နှိပ်စက်ညှဉ်းပမ်းပြီး သတ်ပစ်လိုက်ပြီ။ ဒါတောင် အခြေခံဥပဒေတို့ တရားဥပဒေစိုးမိုးရေးတို့ လွှတ်တော်တို့ဘာတို့ညာတို့တွေ အပြသဘောရှိနေသေးတာ။ အရင်တုန်းက သေနတ်ခါးချိတ်ပြီး ကျည်ဆန်နဲ့အဆုံးအဖြတ်ပေးနေချိန်ကဆို တွေးသာကြည့်။ ခက်နေတာက ရွှေပြည်ကြီးက ဒီမိုကရေစီရေးလုပ်နေတယ်ဆိုတဲ့ မျက်နှာကြီးနိုင်ငံရေးသမားတွေပဲ။ ဟောင်ကောင်ကိစ္စမျိုး၊ ထိုင်းအမှုကိစ္စမျိုးတွေကြ အဲ့ဒီလူတွေ အသံကောင်းကို သူ့ထက်ငါအဦးပြိုင်သလားတောင် မှတ်ရတယ် မသိမသာရော သိသိသာသာရော ဟစ်ကြတာမျိုး.။ လက်ပန်းတောင်ကိစ္စ၊ မြေသိမ်းယာသိမ်းကိစ္စ၊ ဖြူနှင်းထွေးကိစ္စစတာတွေအပြင် ခုနောက်ဆုံးဖြစ်တဲ့ ကိုပါကြီး အသတ်ခံရတဲ့ကိစ္စမျိုးကြတော့ ရေငုံနှုတ်ပိတ်နေကြတာပဲ။ ပြောပါ ခင်ဗျားတို့ပြောကြပါ အရေးဆိုကြပါ။ ဒါ လူသားတယောက်ကို နိုင်ငံသားတယောက်ကို တရားလက်လွတ် ဖမ်းဆီးသတ်ဖြတ်တဲ့ကိစ္စပဲ။ ကိုယ့်နိုင်ငံသား အသတ်ခံရတဲ့ကိစ္စပဲ။ ဘက်သဘောအရ (ကိုပါကြီးကို ကိုယ့်လူ ပြည်သူဘက်ကလူလို့မမြင်ဘူးပဲထားဦး) အသတ်ခံရတာကို နိုင်ငံရေးအရလို့မြင်ပြီး နှုတ်ဆွံ့ချင်ဦးတောင် ဒါ လူသတ်မှုပဲ။ လူအသတ်ခံရတာပဲ။ အစိုးကျူးလွန်တဲ့လူသတ်မှုပဲ။ အစိုးရစစ်တပ်လုပ်တဲ့ လုပ်ကြံမှုပဲ။ မတရားမှုပဲ။

ဒီ့ထက်ပိုပြောရရင် လူတယောက်အသတ်ခံရရုံသက်သက်ကိစ္စမဟုတ်ဘူး။ လူ့အဖွဲ့အစည်းကို(အထူးသဖြင့် နိုင်ငံရေးနဲ့ မီဒီယာကို)မိုက်ဂုဏ်ပြလိုက်တာပဲ။

ပြောပါ ဟောင်ကောင်ကိစ္စလည်း။
ပြောပါ ထိုင်းကလူသတ်မှုကိစ္စလည်း။
ပြောပါ ကိုပါကြီးတို့လို နိုင်ငံရေးကျောမွဲတွေကိစ္စကို။
ပြောပါ ကိုပါကြီးတို့လို နိုင်ငံရေးမျက်နှာမွဲတွေကိစ္စကို။
ခင်ဗျားတို့မပြောရင် ခင်ဗျားတို့ကိုပြောကြမှာပဲ။
ခင်ဗျားတို့မပြောရင် ခင်ဗျားတို့အပြောခံရမှာပဲ။

ကျနော်တော့ ထိုင်းလူသတ်မှုထက် ကိုပါကြီးတွေကို ပိုအလေးထားတယ်။

(ကိုပါကြီးလိုမခံစေ့ချင်ဘူး)

ဘယ်လောက်ဟုတ်သလဲ မဟုတ်သလဲသာ အတည်မပြုနိုင်သေးတာ ကိုပါကြီး(လို့ထင်ရသူရဲ့)သတင်းတွေကြားရတာ စိတ်မချမ်းသာစရာပဲ။ ကိုပါကြီးမဟုတ်ပါစေနဲ့လို့လည်း
ဆု( တောင်းလို့ရရင်)တောင်းပေးချင်တယ်။
ကိုပါကြီးမှမဟုတ်ပါဘူး ဘယ်သူမှ အနှိပ်စက်အညှဉ်းပမ်း မခံရစေ့ချင်ပါ။ ကိုယ်တိုင်အနှိပ်စက်အညှဉ်းပမ်းခံဖူးလို့ ကိုယ်ချင်းစာတတ်သွားတာပါကွာလို့ပြော၊
မငြင်းဘူး အမှန်ပဲ။

လူလူချင်း ဘာအကြောင်းနဲ့ဖြစ်ဖြစ် နှိပ်စက်ညှဉ်းပမ်းတာကို ဆန့်ကျင်တယ်။ တရားတာမတရားတာ မှန်တာမှားတာခနထား
ဘက်သဘောအရ အပြတ်အသတ်လုပ်ရမယ့်အနေအထားမို့လုပ်ပစ်ရတယ်ဆိုလည်း
အသေလုပ်။
တချက်တည်းနဲ့အပြတ်လုပ်။
နားထင် နဖူး နောက်စေ့ ရင်ဝတည့်တည့် ပစ်သာထည့်လိုက် တတောင့်တည်းနဲ့ကိစ္စချောသွား အေးရော။

အဲ့သလိုမဟုတ်ပဲ
တတိတိ တရိရိ စိတ်ပိုင်းရုပ်ပိုင်းညှဉ်းပမ်းခံနေရချိန်မှာ
လူ့စိတ်ဘာဖြစ်နေသလဲ
ဘယ်လောက်ထိတ်လန့်တုန်လှုပ်နေမလဲ
ဘယ်လောက်သွေးပျက်နေလိမ့်မလဲ
ဘယ်လောက်ချောက်ခြားနေလိမ့်မလဲဆိုတာ စစ်ထောက်လှမ်းရေးစစ်ကြောရေးဖြတ်သန်းဖူးသူတိုင်းနဲ့
ရှေ့တန်းလို့ခေါ်တဲ့နေရာတွေကို
ကိုယ်တိုင်ကိုယ်ကြရောက်ဖူးကြုံဖူးသူတိုင်း
တကယ့်နှလုံးသားနဲ့ အသွေးအသားထဲကကိုသိတယ်။
တကယ့်နှလုံးသားနဲ့ အသွေးအသားထဲကကိုမုန်းတယ်။

ကျနော် စစ်သားဖြစ်ခဲ့တယ်။
ကျနော် နိုင်ငံရေးအကျဉ်းသားဖြစ်ခဲ့တယ်။
ကျနော် ရှေ့တန်းသွားခဲ့တယ်။
ကျနော် စစ်ကြောရေးဖြတ်သန်းခဲ့တယ်။

စစ်ကြောရေးဖြတ်သန်းတာမှ
ဗကပ ယူဂျီဆိုတဲ့အဖြစ်နဲ့
စစ်သားလုပ်ခဲ့ဖူးပြီး
စစ်တပ်ကိုပြန်သစ္စာဖေါက်ရပါ့မလားဆိုတဲ့
စစ်တပ်သစ္စာဖေါက်အဖြစ်နဲ့။

ဗကပနဲ့
စစ်တပ်သစ္စာဖေါက်ဆိုတာ
စစ်အာဏာရှင်ကအမုန်းဆုံးသူတွေထဲမှာမှ
ထိပ်ဆုံးက။

ကိုပါကြီးကတော့
စစ်သားလည်း မဖြစ်ခဲ့ဖူးဘူး
ဗကပလည်း မဟုတ်ခဲ့ဖူးဘူး
မဖြစ် ဖြစ်ဖြစ်
မဟုတ် ဟုတ်ဟုတ်
အနှိပ်စက်အညှဉ်းပမ်း မခံရစေချင်ဘူး

read more