မရွှေမပြောင်းအလုပ်သမားတွေအရေး(မျိုးမြင့်ချို)

ရွှေ့ပြောင်းအလုပ်သမား အနှိပ်ကွပ်မခံရတဲ့ပြည် ရှိလို့လား။ နည်းတာနဲ့များတာပဲကွာတယ်။ မခံရတဲ့ပြည် မခံရတဲ့နေရာမရှိဘူး။ ပြည်တွင်းမှာ/ဇာတိရပ်ရွာမှာ အလုပ်မရှိလို့ ဒါမှမဟုတ် ပိုအနှိပ်ကွပ်ခံရလို့ ပြောင်းပြီးလုပ်တာပဲ။ မိမိအလုပ်သမားရင်းတွေအတွက် တစုံတရာ အလုပ်သမားအခွင့်အရေးရှိတဲ့ပြည်တွေမှာတောင်မှ ရွှေ့ပြောင်းအလုပ်သမားကို ခွဲခြားဆက်ဆံတာမလုပ်ရဘူးလို့ ဘယ်လိုပဲဥပဒေနဲ့ပြဌာန်းပြဌာန်း တကယ့်လက်တွေ့မှာ လုပ်ငန်းခွင်မှာ နိုင့်ထက်စီးနင်းလုပ်တာ ကျားစီးဖားစီးလုပ်နေတာတွေ ငြင်းလို့မရဘူး။ တပြည်ပြည်ကို တရားဝင်အလုပ်သမားအဖြစ်နဲ့ရောက်လာသူတွေကိုတောင် ဒီလိုလုပ်သေးတာ တရားမဝင်ရောက်လာသူတွေဆို ဘယ်လိုနေမလဲ ပြေးကြည့်နေစရာတောင် လိုမယ်မထင်ဘူး။ ဒါလည်းပြောရမှာပဲ အရေးဆိုရမှာပဲ တိုက်ပွဲဝင်ရမှာပဲ။

ဒီ့ထက်ဆိုးတာလည်းရှိသေးတယ်။ အဲ့ဒါက ဘယ်နိုင်ငံနဲ့ဘယ်အရပ်ဒေသကိုမှလည်း ပြောင်းရွှေ့အလုပ်လုပ်နေတာမဟုတ်ရပါပဲ ကိုယ့်နေရပ်ရင်းမှာ ကိုယ့်ပြည်မှာ ကိုယ့်အမျိုးသားချင်းပြန်ပြီး ခွဲခြားဆက်ဆံခံရတာနဲ့ နိုင့်ထက်စီးနင်းလုပ်ခံနေတာပဲ။ တပြည်ထဲသားချင်း ဘာသာမတူလို့ လူမျိုးမတူလို့ဆိုပြီး အလုပ်ရှာဖွေတဲ့နေရာနဲ့ လုပ်ငန်းခွင်တွေမှာ ခွဲခြားဖိနှိပ်ဆက်ဆံတာမျိုး ရှိတယ်။ ဒါလည်း ရေငုံနှုတ်ပိတ်နေရမယ့်ကိစ္စမဟုတ်ဘူး။ ပြောရမယ် ဖွင့်ချရမယ် ဆန္ဒပြတောင်းဆိုရမယ် လိုအပ်ရင် တရားစွဲတာမျိုးအထိ သွားတန်သွားရမှာပဲ။

အဆိုးဆုံးကတော့ ကိုယ့်နေရင်းဒေသ တိုင်းပြည်ကိုလာပြီး ရင်းနှီးမြှုတ်နှံတာပဲဖြစ်ဖြစ် ဈေးဆိုင်လာဖွင့်တာပဲဖြစ်ဖြစ် ကုန်လာသွယ်တာပဲဖြစ်ဖြစ် တခုမဟုတ်တခုလာလုပ်ကြတဲ့ နိုင်ငံခြားကုမ္ပဏီတွေနဲ့လုပ်ငန်းရှင်တွေက ကိုယ့်နိုင်ငံသားအားလုံးအပေါ် ခွဲခြားဆက်ဆံတာ နိုင့်ထက်စီးနင်းလုပ်တာ ဖိနှိပ်ချိုးနှိမ်တာမျိုးပဲ။ 

တကယ်က အဲ့သလိုလုပ်မရအောင် လာမလုပ်ခင်ကတည်းက အခိုင်အမာစာချုပ်စာတမ်းတွေ ဥပဒေတွေ နည်းဥပဒေတွေနဲ့ မိမိတိုင်းသူပြည်သားကိုလည်းအကာအကွယ်ပေးရမယ့် လာလုပ်တဲ့သူကိုလည်းမနစ်နာစေရအောင် အာမခံပေးရမယ့်တာဝန်ဟာ အစိုးရတာဝန်ပဲ။ တိုင်းပြည့်ဝင်ငွေရပြီးရော ငါ့နိုင်ငံသားကိုဘာလုပ်လုပ်ဆိုတာမျိုးက အုပ်ချုပ်ရေးကျင့်ဝတ်နားလည်တဲ့ ဘယ်အစိုးရမျိုးမှ မလုပ်ဘူး။ အခြေအနေအရ တိုင်းပြည်မှာငွေသိပ်လိုနေလို့ မလွဲမရှောင်သာ လုပ်ရတာမျိုးဆိုရင်တောင် လျှော့ချိန်တန်ပြန်လျှော့ ဖြည်ချိန်တန်ပြန်ဖြည် တင်းချိန်တန်ပြန်တင်းရတာပဲ။ အဲ့ဒီအခါ တိုင်းပြည်ကို လူထုကို အလုပ်သမားထုကို တရားဝင် ဝန်ချတောင်းပန်ရတာပဲ။ ရွှေပြည်ကြီးက စစ်အစိုးရအဆက်ဆက်ဟာ အဲ့သလောက်လေး တိုင်းပြည်အပေါ် ကောင်းခဲ့ဖူးတယ်ဆိုရင်တောင် ကြံဖန်ခွင့်လွှတ်လို့ရသေးတယ်။ သြော်..သူတို့ကိုယ်ကျိုးအတွက်လုပ်နေတာမဟုတ်ပါလားဆိုပြီး ဖြေတွေးတွေးပေးလို့ရသေးတယ်။

ခုဖြစ်နေတာက တိုင်းပြည့်သယံဇာတအကုန်ရောင်းစား အိပ်ထဲထည့်၊ နိုင်ငံခြားရင်းနှီးမြှုတ်နှံလို့ရတဲ့ငွေအကုန် ကိုယ်ပိုင်ဘဏ်စာရင်းထဲထည့်၊ နိုင်ငံတကာကရတဲ့ ဖွံ့ဖြိုးရေးအကူအညီမှန်သမျှ အကုန်ဘုံး၊ ကမ္ဘာ့ဘဏ်အပါအဝင် တသီးပုဂ္ဂလနိုင်ငံတွေဆီကပါ တိုင်းပြည်နံမည်နဲ့ ငွေတွေလှည့်ပတ်ချေး ကိုယ်ကျိုးသုံးပြီးဝေစားမျှစားလုပ်၊ တင်တဲ့ အကြွေးမှန်သမျှက တိုင်းပြည်အမည်ပေါက်နဲ့ဖြစ်ရတာက အစိုးရအမည်ခံပြီး ချေးခဲ့တာချည်းကိုး။ သူတို့ခိုးဝှက်ဒမြတိုက်လို့ တိုင်းပြည်ကြွေးတင်နွံနစ်တော့ အကြွေးတွေလျှော်ပေးပါလို့ တိုင်းပြည်နဲ့လူထုအမည်သုံးပြီး ကမ္ဘာလှည့်မျက်ရည်ခံထိုး ခွက်လက်စွဲ ဖုန်းတောင်းယာစကာလုပ်။ ဒါကိုပဲ သမ္မတကြီးသနားပါတယ်၊ သမ္မတကြီးမျက်နှာငယ်ရှာတယ်၊ သမ္မတကြီး တိုင်းပြည်အတွက် မျက်နှာအောက်ချ ရို့ကျိုးနေရတယ်ဆိုတဲ့အပေါက်နဲ့ ကျေးဇူးရှင်ပြန်လုပ်ပြသေးတာ။ သူ့လူနဲ့သူ သူ့ဖဲသူချိုးပြီး သူတို့ကောင်းစားရေးလုပ်နေတာကိုပဲ ကိုယ့်လူအမည်ခံတွေကပါဝိုင်းပြီး သမ္မတကြီးကျေးဇူးရှင်လုပ်နေတော့ မခက်ဘူးလား။

ဆိုတော့ နိုင်ငံခြားမှာ မိမိနေရင်းရပ်မဟုတ်တဲ့နေရာတွေမှာ အဖိနှိပ်ခံ အနိုင်ကျင့်ခံ အစော်ကားခံ မတရားအလုပ်ခံနေရတဲ့ ရွှေ့ပြောင်းအလုပ်သမားတွေအရေးလည်း လုပ်ပါ ပြောပါ ဆိုပါ တောင်းဆိုပါ။ မိမိပြည်မှာ နေရပ်ရင်းမှာ တနိုင်ငံတည်းသားချင်းအတူတူ လူမျိုးဘာသာခွဲခြားဆက်ဆံ မတရားနိုင့်ထက်စီးနင်း အလုပ်ခံနေရတဲ့ အလုပ်သမားတွေ အရေးလည်း ပြောပါဆိုပါ ကူညီပါ။ မိမိပြည် မိမိနေရင်းရပ်ဆီလာပြီး မိမိပြည်သား အလုပ်သမားတွေကို မတရားသဖြင့်နှိပ်ကွပ်နေတဲ့ နိုင်ငံခြားလုပ်ငန်းများကုမ္ပဏီများကိုလည်း ပြောပါ ဆိုပါ တိုက်တွန်းပါ တောင်းဆိုပါ ဖွင့်ချပါ။

နောက်ဆုံးပြောချင်တာကတော့ လူတင်ပါလို့နွားကျားကိုက်တဲ့ကိစ္စမှာ ကျားကိုချည်းပြောနေလေတော့ လူတင်လာသူ အနေအစားချောင်ပါတယ်။ နိုင်ငံခြားလုပ်ငန်းရှင်တွေ ကုမ္ပဏီတွေ ကိုယ့်နိုင်ငံသားအလုပ်သမားတွေကို ဖိနှိပ်အနိုင်ကျင့်နေတာ အာဏာလက်ရှိအစိုးရ ခွင့်ပြုထားလို့ပဲ။ 

မသိလို့မှမဟုတ်ပဲ။
မသိချင်ယောင်ဆောင်နေတာမှ မဟုတ်ပဲ။

ပြည်တွင်းအလုပ်သမားတွေ ဒီဝဋ်ဒီဒုက္ခတွေကကျွတ်ဖို့ဆို အစိုးရကောင်း၊ လူထုဘက်မျက်နှာမူတဲ့အတိုက်အခံနိုင်ငံရေးကောင်းတွေတင်မကဘူး 

လွတ်လပ်တဲ့အလုပ်သမားသမဂ္ဂကောင်းတွေအပြင် 

တိုင်းပြည်ဘက် လူထုဘက်ကနေ အတိအကျဘက်လိုက်မှုတဲ့ မီဒီယာကောင်းတွေလည်း လိုကို လိုပါတယ်။