မြေနီကုန်း ဘော်လုံး အရူးနဲ့ သတင်းပေး (မျိုးမြင့်ချို)

အရင်တုန်းက သတင်းပေး (Informer) ဆိုတာ မွေးယူမှရတယ်။
ခုတော့ အမွေးခံပါရစေဖြစ်သူဖြစ်လာပြီ။
အရင်တုန်းကသတင်းတန်ဖိုးနဲ့ သူ့သက်ဆိုင်ရာနေရာရဲ့အရေးပါမှုအလိုက် ကြေးကစကားပြောတယ်။ ခုတော့ ငွေကြေးပိုက်ဆံရရ/မရရ အချင်းချင်းနှိပ်ကွပ်ဖို့ သခင်အားရကျွန်ပါးဝလောက်လုပ်ရလည်း မနည်းဘူးဆိုတာတွေရှိလာတယ်။
အရင်တုန်းကကျောင်းသားထဲ၊ နိုင်ငံရေးပါတီထဲ၊ လက်နက်ကိုင်အဖွဲ့အစည်းထဲ၊ ရပ်ကွက်ထဲစသဖြင့်ပေါ့လေ နေရာထိုင်းထောင့်တိုင်းမှာ သတင်းပေးယန္တယားကြီးခိုးကြောင်ခိုးဝှက်ရှိတယ်။
ခုလည်းရှိတယ် ဒါပေမယ့်ဗြောင်ကျကျကိုရှိလာတာ။
အရင်တုန်းက သတင်းပေးဆိုတာ လူသိမခံရဲဘူး။
ခုတော့ သတင်းပေးဟာ လူမသိမှာတောင်ကြောက်နေပုံပဲ။

ခုမြေနီကုန်းကိစ္စမှာ သိချင်ရင်ကျနော့်မေး
ဒီကောင်တွေဘယ်သူလဲဆိုတာပြောပြမယ်လို့
မဆိုရုံတမယ်ဈေးခေါ်နေသူရှိနေပြီ။

ကြည့်ကျက်လည်းလုပ်ဦး ကိုရင်လေး
သမိုင်းဆိုတာ စီးနေတဲ့မြစ်လိုပဲ
အမှိုက်သရိုက်တွေကို ကြာကြာလက်ခံထားလေ့မရှိဘူး။

ဟိုးတလောက မြန်မာတိုင်း သိုင်းတတ်ရမည်ဆိုတဲ့ ကျပ်မပြည့်တဲ့အမျိုးကောင်းသားလေး ခုတော့ ဘောလုံး ၉၆၉ ဖြစ်နေပြန်ပါရော။ မြန်မာနိုင်လို့မြန်မာတွေပျော်တာ ဦးလေးရော မပျော်ဘူးလားတဲ့။ တပြည်လုံးပျော်နေကြတာမှ ဝက်ဝက်ကွဲပဲတဲ့။ ဘယ်ပွဲမှာ ဘယ်သူနဲ့ကန်လို့ မြန်မာအသင်းနိုင်တာကိုရည်ညွှန်းပြီးပြောနေမှန်း ကျနော်သိပါတယ်။ ဒါပေမယ့် သိချင်တာနဲ့ ဘယ်သူနဲ့ကန်လို့နိုင်တာလဲကွဆိုတော့ ဦးအေအီးနဲ့ပွဲလေ ဦးလေးရတဲ့။ ကျနော် ရုတ်တရက် မျက်စေ့နည်းနည်းလည်သွားတယ် သူပြောတဲ့ ဦးအီးအေဆိုတာ ဘာလဲဆိုပြီး။ နောက်မှ UAE ကိုပြောတာမှန်းသဘောပေါက်တော့ ရယ်ချင်မိတယ်။ ဒါပေမယ့်မရယ်ပဲ ငါက ဘာကိစ္စပျော်ရ/ပျင်းရမှာတုန်းကွာ။ ငါမှ ဘောလုံးဝါသနာ မပါတာ။ နောက်ပြီး မင်းလိုလည်း မောင်သာကီမဟုတ်ရပေါင်ကွာ..ဆိုတော့။ ဦးလေးတို့ အဲ့ဒါကြောင့် ခက်တာပေါ့၊ ကိုယ့်လူမျိုးကိုယ့်နိုင်ငံကိုအားမပေးပဲ အချောင်သမားလိုနေလို့ပေါ့၊ ခုနေ ဒေါ်စုသာသမ္မတဖြစ်လို့ကတော့ ဦးအေအီးတွေကိုပဲ အားပေးမှာဗျ။ သူတို့က ကုလားတွေကိုး..တဲ့။ အဲ့ဒီတော့မှ ကျနော် အားရပါးရရယ်ဖြစ်တော့တယ်။

ဘုရင်ရူး၊ မင်းသားရူး၊ စစ်ဗိုလ်ရူး၊ ဆရာဝန်ရူးစသဖြင့် အဲ့သလိုမျိုးစိတ်မနှံ့ဖြစ်နေသူပေါင်းများစွာကို ခင်ဗျားတွေ့ဖူးမှာပဲ။ ဒါပေမယ့် ခင်ဗျား အရူးရူး ရူးနေသူတော့ တွေ့ဖူးမယ်မထင်။ ကျနော်တော့ ကံကြီးတယ်ပြောမလား ကံကောင်းတယ်ဆိုမလားမပြောတတ်ဘူး။ အရူးရူး ရူးနေတဲ့လူတယောက်နဲ့ ဆိုက်ဆိုက်မြိုက်မြိုက်တွေ့ဖူးတယ်။ သူ့ကိုယ်သူအရူးလို့သတ်မှတ်ထားတယ်။ သူ့စိတ်ထဲ အရူးတွေလုပ်တယ်လို့ထင်တာမှန်သမျှအကုန် လိုက်လုပ်တယ်။ ဆရာဝန်လို၊ စစ်ဗိုလ်လို၊ မင်းသားလို၊ ရှင်ဘုရင်လိုတွေစတာမျိုးတွေတင်မကဘူး တယောက်က မင်းက နတ်မင်းကြီးဇိယုပဲကွလို့ပြောလိုက်ရင်း ချက်ခြင်းထထက်ပြီး ဇိယုလိုက်တာပါပဲ။ သူ့စိတ်ထဲ သူဟာ အရူး ဒါ့ကြောင့်လူကောင်းတွေမလုပ်တာမှန်သမျှ လိုက်လုပ်ရမယ်လို့ ယုံကြည်ထားတယ်ထင်တယ်။ လူတွေက သူ့ကို မရူးဘူးလို့အထင်ခံရမှာ သေမလောက်ကြောက်တယ်။ လူတွေကလည်း ဒီလူမရူးဘူး စားကောင်းအောင်ရူးပြနေတာ၊ လက်ကြောတင်းတင်းလုပ်မစားချင်လို့ ရူးပြနေတာလို့ထင်နေတယ်။ တရက် သူ့ကို သောက်မြင်အတော်ကပ်တဲ့လူကြီးတယောက်က အရူးဆိုတာ ခွေးချီးစားတယ်ကွလို့ပြောတော့ ဒီလူ တကယ်ပဲ ခွေးချီးတွေကောက်စားတော့တာပဲ။ ဆိုတော့ အဲ့ဒီလူကို ကျနော်က အရူးရူး ရူးနေတဲ့အရူးလို့ခေါ်မိတာပါပဲ။

တခုတော့ရှိပါတယ် ခုပြောတဲ့အရူးက ခေတ်မကောင်းလို့ ရူးချင်ယောင်ဆောင်နေတဲ့အရူးတော့မဟုတ်ပါဘူး။ အဲ့ဒီ ရူးချင်ယောင်ဆောင်သူတွေဟာ ခေတ်လည်းကောင်းရော တကယ်လည်းရူးသွားတယ်လို့ကြားဖူးတာပါပဲ။ ဒီ အရူးရူး ရူးနေတဲ့အရူးကတော့ ခေတ်ကောင်းကောင်း မကောင်းကောင်း ရူးနေမယ်ပဲထင်ရတယ်။

၁၉-၁ဝ မြေနီကုန်း လျှပ်တပြက်ဆန္ဒပြမှုအကြောင်း သေချာဃဏမသိရသေး။ အခိုင်အမာအချက်အလက်များလည်း မရသေး။ မသိသေးမရသေးလို့ တစုံလုံးဆိုင်ရာကိစ္စ ယတိပြတ်ဘာမှမပြောနိုင်ဆိုပေမယ့် ပြောလို့ရတာတော့ပြောချင်ပါတယ်။
လမ်းလည်ကောင်မှာ စစ်အုပ်စုဆန့်ကျင်ရေးစာတမ်းပါပိုစတာမီးရှိူ့တာ ဘာဖြစ်သလဲ။ ဘာမှရေးကြီးခွင်ကျယ်ပြောနေစရာမလိုတဲ့ကိစ္စ။

တပြည်လုံး လှည့်ပတ်သတ်ဖြတ်လူသတ်မုဒိန်းကျင့်နေတဲ့စစ်အာဏာရှင်စနစ်ကိုတောင်
ပြာတစမကျန်အောင် ဖုတ်ကျည်း မြေမြှုတ်သဂြိုပစ်ရဦးမှာပဲ။
တပြည်လုံးလှည့်ပတ် အမုန်းတရားဟော ပစ္စည်းယူလူသတ်မီးရှိူ့နေတဲ့ ဘာသာရေးလူမျိုးရေးအစွန်းရောက်အကြမ်းဖက်သမားတွေကိုလည်း ဘယ်သောအခါမှ နွားလန်ပြန်မထနိုင်အောင် နှိပ်ကွပ်ပစ်ရဦးမှာပဲ။

အားကစားတကာ့ အားကစားမှာ ကျနော်မကြိုက်ဆုံးက လက်ဝှေ့၊ လက်ဝှေ့မှာမှ ဗမာ့လက်ဝှေ့တို့ ထိုင်းကစ်ဘောက်ဆင်န်တို့လိုဟာမျိုးဆို ပိုတောင်ဆိုးသေး။ ဂေါက်သီးရိုက်တာကိုလည်း အားကစားလို့ မြင်လို့မရသေးဘူး။ နောက်တခုက အုပ်စုလိုက်ကစားနည်းထဲမှာ အမေရိကန် ဖွတ်ဘောလ် American Football ဆိုတဲ့ကစားနည်း။ မကြိုက်တာမှ အတော့်ကိုမကြိုက်တာ။ ကြမ်းတမ်းလွန်းတယ်ထင်တာပဲ။ ဇနီးကတော့ ဖွတ်ဘောမဟုတ်ဘူး ဘူးလီးဘောလ် Bullyball လို့ အရွဲ့တိုက်ပြီးခေါ်တယ်။ အားကစားတစ်ခုဖြစ်တယ်မဖြစ်ဘူးဆိုတာ ကိုယ်ကြိုက်တာ/မကြိုက်တာ၊ ကိုယ့်အမြင် ဘယ်လိုရှိတာ/မရှိတာနဲ့တော့မဆိုင်ဘူး။ ကြိုက်တဲ့အားကစားမျိုးတော့ ပရိသတ်အဖြစ်နဲ့အားပေးတာပါပဲ။ အားပေးဖို့အတွက် ဘဝထဲက အချိန်နည်းနည်းပါးပါး အပွန်းပဲ့ခံတာလောက်ပါပဲ။ သိတ် ရူးသွပ်စွဲလမ်းတဲ့အားကစားတော့ ခုထိ တခုမှ မရှိသေးပါဘူး။ အဲ့သလိုမရှိမဖြစ်ရတွေထဲမှာ "အားကစားတခုခုကို သန့်သန့်ရှင်းရှင်း အားကစားစိတ်ဓာတ်နဲ့ယှဉ်ပြိုင်အနိုင်ယူတာ အရှူံးအနိုင်ပေါ်ခံစားတာထက် ပိုလွန်လွန်ကဲကဲဖြစ်လာပြီဆိုရင်၊ အနိုင်အရှူံးကြောင့် ကိုယ်တိုင်နဲ့ဝန်းကျင် ထိခိုက်စရာတွေထိဖြစ်လာပြီဆိုရင်တော့ အားကစားစိတ်ဓာတ်ကြောင့်လို့ ပြောဖို့ခက်တယ်" လို့ထင်တာကြောင့်လည်းပါတယ်။