Wednesday, October 22, 2014

နိုင်လေတိုင်းရှူံး(မျိုးမြင့်ချို)

0 comments
လောကုတ္တရာယုံကြည်မှု တနည်းပြောရရင် ဘာသာကိုးကွယ်ယုံကြည်မှုဆိုတာ လူတိုင်း ကိုယ်ယုံကြည်တာပိုကောင်းတယ် ထင်နေကြတာမျိုးချည်းပါ။ ဘယ်ဟာပိုကောင်းတယ် မကောင်းဘူးပြောရအောင် စံသတ်မှတ်ချက်လည်းရှိလို့မှမရတာ။ နောက်ပြီး ကိုယ့်ယုံကြည်မှုမှာ မဖြစ်နိုင်ဘူးဆိုတာလည်း မရှိဘူးမဟုတ်လား။ ဘာသာတရားကို မဖြစ်နိုင်ဘူးဆိုတဲ့သံသယနဲ့ သွားချည်းကပ်ရင် စစ်မှန်တဲ့သဒ္ဒါသဘောပျောက်သွားမှာပဲ။ သိပ္ပံဆိုတဲ့ပေတံလည်း ဘာသာတရားကိုတိုင်းစရာ အတိုင်းအတာမဟုတ်ဘူး။ သိပ္ပံနည်းကျတယ် မကျဘူးတွေလည်း အချိန်ကုန်ခံပြောနေလို့မဖြစ်ချေဘူး။ သိပ္ပံနည်းကျမှတော့ မဖြစ်နိုင်တာမရှိဘူးဆိုတဲ့ကြိုတင်စွဲမှတ်ထားမှု ပျောက်သွားတော့မပေါ့။ အဲ့ဒါပျောက်မှတော့ ခင်ဗျားယုံကြည်မှု ပွန်းပဲ့ပါးလျားသွားတော့မပေါ့။ လောကီအခြေပြုတွေးခေါ်ဆင်ခြင်တုံတရားတွေ
တွေးနည်းကားတွေနဲ့လည်း သွားမတွေးနဲ့။ အလကားပဲ။ လောကီအခြေပြုတွေးခေါ်မြော်မြင်မှုနဲ့ဆင်ခြင်တုံတရားကိုလည်း ယုံကြည်ရာကိုအမှန်ပြုဖို့ လက်ကိုင်သွားမပြုနဲ့။ လွဲမှာပဲ တက်တက်စင်အောင်ကို။ ဆိုတော့ ကောင်းတယ်မကောင်းဘူးလည်း ပြောမနေနဲ့၊ မဖြစ်နိုင်ဘူးဖြစ်နိုင်တယ်တွေလည်း ငြင်းမနေနဲ့။
သိပ္ပံနည်းအကျလည်းပြိုင်မနေနဲ့။ ကိုယ်ယုံကြည်ရာကို ကိုယ့်ဘာသာလွတ်လွတ်လပ်လပ်လေးယုံကြည်ခွင့်ရှိရုံမက သူတပါးယုံကြည်တာကိုလည်းလွတ်လွတ်လပ်လပ်လေး ကိုးကွယ်ခွင့်ရအောင်ဆောင်ကျဉ်းပေးနိုင်ဖို့ပဲ။ ယုံကြည်မှုမှာ သည်းခံစိတ်မွေးဖို့ပဲ။
စိတ်အနေရော စိတ်အထားပါကောင်းဖို့ပဲ။ အဲ့သလောက်လေး စိတ်အနေကောင်းပြီး
စိတ်အထားလေးတတ်မယ်ဆိုရင်တောင် ကိုယ်ယုံကြည်ရာဘာသာကပြောတဲ့
နတ်ပြည်တို့ နတ်သမီးလေးတွေတဘက်လေးငါးရာတို့ ထာဝရအသက်တာတို့ နောင်ဘဝဇိမ်ကျမယ်တို့တွေ မျှော်လို့ရမယ်ထင်တာပဲ။
အဲ့သလိုမဟုတ်လို့ကတော့ ကိုယ်ယုံကြည်ရာဘာသာတရားကပြောတဲ့ ငရဲအိုးထဲဇောက်ထိုးကျကြမှာပဲ။ တချို့ကလည်း ဒီဘာသာဝင်ဖြစ်ရလို့ဂုဏ်ယူတယ်တို့ ဒီဘာသာဝင်မိဘတွေဆီ သန္ဓေတည်လို့ ကံကောင်းတယ်တို့ ပြောကြတာရှိတယ်။
ဟိုး...သံသရာတို့၊ နောက်ဘဝရှေ့ဘဝတို့၊ ဘုရားသခင်အလိုတော်ကျတို့ ဘာတို့ညာတို့ဆိုပြီး ဘာအကြောင်းပြပြ ဒီအမိဒီအဖယုံကြည်ရာကို မိမိမှာ ဘာရွေးချယ်ဆုံးဖြတ်မှုမျိုးမှလုပ်ခွင့်မရပဲ မပါပဲ ဒီဘာသာဝင်ဖြစ်ရတာတွေပါ။
ဘာဂုဏ်ယူစရာ ဘာဝင့်ကြွားစရာလိုလိမ့်မလဲ။ လူဖြစ်ရခြင်း လူပီပီ လူလိုသူလိုနေရခြင်း လူ့လောကကောင်းကျိုးသယ်ပိုးနိုင်ခြင်း ကျန်းမာပျော်ရွှင်အသက်ရှည်ရခြင်း စတာမျိုးတွေအတွက်တော့ ယူစမ်းပါ အဲ့ဒီဂုဏ်ကြီး။
အဘိဓမ္မာတွေဘာတွေခဏထား ရိုးရိုးပဲတွေးကြည့် ဘာသာတိုင်းဟာ သူ့အယူသာသမ္မာဒိဌိ သူနဲ့မတူတာမှန်သမျှ မိစ္ဆာဒိဌိလို့ပဲဆိုတယ်မဟုတ်လား။ သူ့အယူ ယူတဲ့သူတွေ သူ့အယူကသတ်မှတ်တဲ့အတိုင်းသာ နေထိုင်ကျင့်ကြံပြုမူ သေချာတယ် အနည်းဆုံး သူ့ငရဲတော့ မကျဘူး။ နတ်ပြည်တို့ဘာတို့ ထာဝရအသက်တို့လည်း ရဦးမှာပဲ။ အေး..သူ့အယူနဲ့မတူသူတွေကတော့ သူ့အယူက
သတ်မှတ်ထားတဲ့ငရဲထဲသွားရမှာပဲ။ သေချာတယ်။
ဆိုတော့ ဒီဘာသာဒီအယူကိုးကွယ်သူဟာ ဟိုဘာသာဟိုအယူ့ငရဲထဲ တန်းကနဲအလိုလိုကျပြီးသား။ ဘာအယူခံမှဝင်လို့မရဘူး။ တခုတော့ရှိတယ် ငရဲချင်းအတူ အခံရသက်သာတဲ့ငရဲကိုရွေးတဲ့သဘောနဲ့ ဒီဘာသာကနေ ဟိုဘာသာပြောင်းလို့တော့ ရမယ်ထင်တာပဲ။ အဲ့ဒါလည်း သေချာသလားဆိုတော့ သေချာတယ်လို့ ဘယ်သူဖြေနိုင်မလဲ။

အဲ့တော့ ဘာမှ ငြင်းခုန်မနေကြနဲ့ ခင်ဗျားလည်း ဟိုအယူကနေဆို ငရဲကျမယ့်လူပဲ။
သူလည်း ဒီအယူကနေဆို ငရဲကျမယ့်သူပဲ။ ငရဲကျမယ့်သူအချင်းချင်း ငရဲသားလောင်းလေးတွေအချင်းချင်း ငရဲအိုးဇောက်ထိုးမဆင်းခင်လေး
ချစ်ချစ်ခင်ခင်နေကြတာ မကောင်းဘူးလားဗျာ။
(ရေးတာတော့ ရီစရာပဲ မရီရဘူးဆိုရင် ကျနော် ဟာသမရေးတတ်သေးဘူးလို့ဆိုရမှာပါ)

0 comments:

Post a Comment