(၂ဝ၁၅ အောက်တိုဘာ ၂၂ )
ရွေးကောက်ပွဲရက် တရွေ့ရွေ့နီးကပ်လာတာနဲ့အမျှ “နိုင်ငံတော်၊ တပ်မတော်၊ ကော်မရှင်တော်”တို့ရဲ့ ထောင့်စေ့ကွက်စေ့ ညစ်ပတ်မှုတွေကလည်း လက်ရဲဇက်ရဲ ပိုရှိလာပါတယ်။
တပ်မတော်၊ ကာချုပ်ကြီးနဲ့ ကော်မရှင်တော်ဥက္ကဋ္ဌကြီးတို့ရဲ့ပြောကြားချက်တွေကတော့ ဗြောင်အကျဆုံးဖြစ်ပါတယ်။
ကော်မရှင်တော်ဥက္ကဋ္ဌကြီးက ဝန်ထမ်းတွေအပေါ် အခုလို ခြိမ်းချောက်သွားပါတယ်။ “အစိုးရဝန်ထမ်းတွေ လက်ခုပ်တီးရင် အပြစ်ရှိတယ်၊ ပါတီနိုင်ငံရေးမကင်းပါလားဆိုပြီး အရေးယူ”လို့ ရတယ်တဲ့။
သမ္မတ၊ ကာချုပ်နဲ့ဝန်ကြီးဆိုတဲ့ ဝန်ထမ်းတွေ ပြောနေလုပ်နေတာက “ပါတီနိုင်ငံရေး”ကင်းလွတ်ပါရဲ့လား။
စစ်တပ်ဆိုတာ နိုင်ငံ့ဝန်ထမ်းအစုအဖွဲ့ဖြစ်ပြီး၊ ကာချုပ်ဆိုတာ နိုင်ငံ့ဝန်ထမ်းတစ်ဦးဖြစ်ပါတယ်။ နိုင်ငံတော်ရဲ့လစာစရိတ်ကို စားသုံးနေသူပါ။ ကာချုပ်ပြောဆိုနေတာတွေဟာ ပါတီနိုင်ငံရေးကင်းရှင်းရဲ့လား။ ပြောဆိုမှုတွေက မဲဆွယ်တာတင် မကဘဲ၊ မဲပေးဖို့ ဗြောင် အမိန့်ပေး ညွန်ကြားနေတာတွေဖြစ်ပါတယ်။ သာမန်အစိုးရဝန်ထမ်းတွေကို ပါတီနိုင်ငံရေးမကင်းရင် အရေးယူမယ်လို့ဖြဲချောက်နေတဲ့ ကော်မရှင်ဥက္ကဋ္ဌကြီးဟာ ကာချုပ်ရဲ့စကားတွေကိုတော့ နားမကြားလေဟန်ဆောင်နေပါတယ်။
ကာချုပ်ပြောတဲ့စကားထဲမှာ ပါတီနာမည်ဗြောင်ထုတ်မပြောတာပဲ ကျန်တော့တယ်၊ ကာချုပ်ဗိုလ်မင်းအောင်လှိုင်က “စဉ်းစား ရွေးချယ် အကြံပြုလိုကြောင်း”လို့ ပြောနေပေမယ့်၊ စစ်တပ်ထိပ်သီး ကာချုပ်ရဲ့အကြံပြုချက်ကို ဘယ်သူပယ်ရှားဝံ့မှာလဲ။ “ရေဘူးပေါက်တာ မလိုချင်ဘူး - ရေပါဖို့ အဓိက”ဆိုတဲ့ စစ်တပ်ထဲက တပ်ဗိုလ်တပ်သားတွေဟာ သူတို့မဲတွေ ဘယ်ပါတီကိုပေးရမယ်ဆိုတာ သိကြတာပေါ့။
ကာချုပ်က ဘယ်သူတွေကို ဘယ်လိုနေရာမှာ၊ ဘာတွေ ပြောတာလဲ။
- ပထမဆုံး စပြောတာ စက်တင်ဘာ ၁၈ ရက်နေ့ကဖြစ်ပါတယ်။
- ဒုတိယအကြိမ် ထပ်ပြီးပြောတာက အောက်တိုဘာလ ၂ဝ ရက်နေ့ကဖြစ်ပါတယ်။
ပထမဆုံး စပြောတာ စက်တင်ဘာ ၁၈ ရက်နေ့ကဖြစ်ပါတယ်။
“စစ်ဦးစီး၊ စစ်ရေး၊ စစ်ထောက်ဆိုင်ရာ ညှိနှိုင်းအစည်းအဝေး”မှာ ပြောတာပါ။ ဒီအစည်းအဝေးဆိုတာ စစ်တပ်ထဲက “အကောင်အကြီး ကြီးတွေ”ချည်း တက်ရတဲ့အစည်းဝေးဖြစ်ပါတယ်။ ဒီလိုအစည်းအဝေးမှာ ကာချုပ်ကပြောတဲ့စကားဆိုတာဟာ “အမိန့်နဲ့ မဖြစ်မနေ လုပ်ဆောင်ရမယ့်ညွန်ကြားချက်”ပဲ ဖြစ်ပါတယ်။ ဒီအမိန့်နဲ့ညွန်ကြားချက်ကို မလုပ်တဲ့သူမလိုက်နာတဲ့သူဟာ အမိန့်မနာခံသူပဲ ဖြစ်ပါတယ်။
နောက်တစ်ချက်က “စက်တင်ဘာလ ၁၈ ရက်”ဆိုတာ စစ်တပ်က ၁၉၈၈ ဒီမိုကရေစီ အရေးတော်ပုံကြီးကို အကြမ်းဖက်ဖြိုခွဲပြီး အာဏာသိမ်းတဲ့နေ့ ဖြစ်ပါတယ်။ ဒီနေ့မှာ ဒီစကားပြောတာဟာ သာမန်တိုက်ဆိုင်မှု မဟုတ်ပါဘူး။ အဲဒီတုန်းက ကာချုပ် ဘယ်လို စကားလုံးတွေသုံးပြီး ပြောခဲ့သလဲကြည့်ရအောင်။
“မဲဆန္ဒပေးမှုနဲ့ ပတ်သက်၍တပ်မတော်၏ ရပ်တည်ချက်မူဝါဒ”တဲ့ (ဘယ်လောက် ရှင်းပြီး၊ ဘယ်လောက် ပြတ်သားပါသလဲ၊ စစ်တပ်ရဲ့ “ရပ်တည်ချက်မူဝါဒ”ပါလုိ့ ဆိုနေမှတော့ ဘယ်သူက ဒါတွေကို ကျော်လွန်ဖောက်ဖျက်ဝံ့တော့မှာလဲ) ဘယ်လိုအချက်တွေ ပါသလဲ ဆက်ကြည့်ကြပါစို့။
(ကာချုပ် ပထမအကြိမ် ပြောကြားချက်)
- မိမိနိုင်ငံမိမိဒေသအတွက် ကောင်းအောင်ဆောင်ရွက်နိုင်သူ
- ဒို့တာဝန်အရေးသုံးပါးအား သိရှိနားလည်းစောင့်ထိန်းနိုင်သူ
- နိုင်ငံရေး၊ စီးပွားရေး၊ အုပ်ချုပ်ရေး၊ ကာကွယ်ရေးအမြင်လေးမြင်ရှိသူ
- တပ်မတော်အပေါ်နားလည်စာနာမှုရှိသူ ဖြစ်စေလိုကြောင်း -- တဲ့။
ဒီပြောဆိုချက်တွေက စစ်ဗိုလ်ဟောင်းတွေနဲ့ အမာခံဖွဲ့စည်းထားတဲ့ပါတီ၊ ဖုတ်ပူမီးတိုက် အငြိမ်းစားယူသွားတဲ့စစ်ဗိုလ်တွေ ချက်ချင်းဝင်ရောက်သွားနိုင်တဲ့ပါတီ၊ စစ်တပ်ရဲ့ခါးပိုက်ဆောင်ပါတီဖြစ်တဲ့ ကြံ့ဖွံပါတီကိုမဲပေးကြလို့ပြောနေတာ မထင်ရှားလွန်းဘူးလား။
ဒုတိယအကြိမ်ထပ်ပြီးပြောတာက အောက်တိုဘာလ ၂ဝ ရက်နေ့ကဖြစ်ပါတယ်။
နိုင်ငံတော်ကာကွယ်ရေးတက္ကသိုလ် (NDC)မှာ ပြောကြားတာပါ။ ဒီတွေ့ဆုံပွဲမှာ ဒုကာချုပ်ဗိုလ်စိုးဝင်းအပါအဝင် စစ်တပ်ထဲက အကောင်ကြီးတွေနဲ့ (NDC)သင်တန်းသား စုစုပေါင်း (၇၁၄)ဦး တက်ရောက်တယ်လို့ဆိုပါတယ်။ (NDC)ကို ဗိုလ်မှူးကြီးအဆင့်တွေသာ တက်ရောက်ရတာပါ။ အဲဒီပွဲမှာ ကာချုပ်က ဘာတွေပြောသလဲ။
လွန်ခဲ့တဲ့ တစ်လကျော် “စက်တင်ဘာ ၁၈ ရက်”က ပြောတာတွေထက် ပိုပြီးတိကျလာပြီး၊ ပထမ အကြိမ်ပြောကြားစဉ်က အချက် ၄ ချက်သာဖြစ်ပေမယ့် ဒုတိယအကြိမ်ပြောဆိုရာမှာ အချက် ၂ အချက် ထပ်မံဖြည့်စွက်ထားတာ တွေ့ရပါတယ်။ ဖြည့်စွက်ထားတဲ့အချက် ၂ ချက်အနက် ပထမအချက်က (မဘသ)နဲ့ (မဘသ)လှုပ်ရှားမှုတွေရဲ့ နောက်ကွယ်မှာ စစ်တပ်ရှိတယ်လို့ ဗြောင်ဖော်ပြတာဖြစ်ပြီး။ ဒုတိယ အချက်ကတော့ “ပုဒ်မ ၅၉ (စ)”လိုပါပဲ။ ဘယ်ပုဂ္ဂိုလ်နဲ့ ဘယ်ပါတီကိုရည်ရွယ်သလဲဆိုတာ သိပ်ကို ထင်ရှားပါတယ်။
ဒါကြောင့် ပထမအကြိမ်ပြောဆိုတာနဲ့ ဒုတိယအကြိမ်ပြောဆိုမှုနှိုင်းယှဉ်ကြည့်နိုင်အောင် မူရင်းအတိုင်းကောက်နုတ်ဖော်ပြ လိုက်ပါတယ်။
ဒုတိယအကြိမ်ပြောရာမှာ “တပ်မတော်သား မိသားစုများအနေဖြင့်လည်း ဆန္ဒမဲပေးရွေးချယ်ရာတွင်”လို့ အစချီထားတဲ့အတွက် ပထမအကြိမ်တုန်းကလို စစ်သားတွေချည်းသက်သက် ရည်ညွန်းနေတာမဟုတ်တော့ဘဲ။ မဲပေးနိုင်ခွင့်ရှိတဲ့ စစ်ဗိုလ်စစ်သား မိန်းမနဲ့ သားသမီးတွေကိုပါ အမိန့်ပေးညွန်ကြားနေတာပါ။
(ကာချုပ် ဒုတိယအကြိမ်ပြောကြားချက်)
- နိုင်ငံနဲ့ဒေသကိုအကျိုးပြုမည့်သူ
- နိုင်ငံရေး၊ စီးပွားရေး၊ အုပ်ချုပ်ရေး၊ ကာကွယ်ရေးအမြင်လေးမြင်ရှိသူ
- ဒို့တာဝန်အရေးသုံးပါးအားကို စောင့်ထိန်းစောင့်ရှောက်နိုင်သူ
- တပ်မတော်အပေါ်စာနာနားလည်မှုရှိသူ
- အမျိုးဘာသာ သာသနာကို မှန်မှန်ကန်ကန်နှင့် စနစ်တကျထိန်းသိမ်းနိုင်သူ
- ပြည်ပအဖွဲ့အစည်း၊ နိုင်ငံခြားသားများ၏ တနည်းနည်းအားဖြင့် လွှမ်းမိုးမှုမရှိသူ
များကို “စဉ်းစားရွေးချယ်ရန် အကြံပြုလိုကြောင်း” တဲ့။
ကာချုပ်ရဲ့ “စဉ်းစား ရွေးချယ်ရန်အကြံပြုချက်”ကို စစ်တပ်ထဲမှာ ဘယ်သူက ပယ်ရှားဝံ့မှာလဲ။ ဒီအမိန့်ညွန်ကြားချက်အတိုင်း တစ်သဝေမတိမ်း မဲပေးမှာသေချာတာပေါ့။ ဒီလို ဘက်စုံဒေါင့်စုံ ပိုင်နိုင်နေတဲ့အခြေအနေအောက်မှာ (EU)ရွေးကောက်ပွဲလေ့လာရေးအဖွဲ့ကို စစ်တပ်တွင်းကမဲရုံတွေမှာ လေ့လာခွင့်ပြုမယ်ဆိုတာဟာ ဘာမှမထူးဆန်းပါဘူး။ စစ်တပ်ထဲက သေချာပေါက်ရမယ့် ကြံ့ဖွံ့မဲတွေအတွက် “အရောင်တင်”ပေးတာမျိုးပဲ ဖြစ်လာမှာပါ။
ဒါ့အပြင ကာချုပ်ရဲ့အမိန့်ပေးညွန်ကြားမှုတွေဟာ စစ်တပ်တစ်ခုထဲမဟုတ်ဘဲ၊ စစ်တပ်ကချုပ်ကိုင်ထားတဲ့ ပြည်ထဲရေးဝန်ကြီးဌာန လက်အောက်မှာရှိ ရဲ အစရှိတဲ့ တပ်ဖွဲ့တွေ၊ နယ်စပ်ရေးရာရေးရာဝန်ကြီးလက်အောက်ကဝန်ထမ်းတွေပါ အကျုံးဝင်မှာပါ။
ကော်မရှင်ဟာ စစ်တပ်ထဲက “မဲတွေ”ကိုတော့ သာမန်ပြည်သူ အများစုကြီးပေးရမယ့်မဲတွေလို ကမောက်ကမဖြစ်အာင်၊ မှားစာရင်း မှားယွင်းမှုတွေဖြစ်အောင် မလုပ်ပါဘူး။ ဘာလို့လဲ ဒီမဲတွေဟာ သပိတ်ဝင်အိတ်ဝင် ကြံ့ဖွံ့ပါတီထဲကိုသွားမယ့်မဲတွေ ဖြစ်လို့ပါပဲ။
ကြံ့ဖွံ့ရဲ့ရမယ့် မဲတွေ၊ ကြံ့ဖွံ့လက်ပွားပါတီတွေ၊ ကြံ့ဖွံ့ရဲ့ စပွန်ဆာပါတီတွေ၊ ကြံ့ဖွံ့ရဲ့စပွန်ဆာတသီးပုဂ္ဂလအမတ်တွေရမယ့် မဲတွေနဲ့ ကာချုပ်ရဲ့ အသားတင် ၂၅ % ပေါင်းလိုက်ရင် လွှတ်တော်ထဲမှာ အစိုးရဖွဲ့နိုင်ဖို့ရော ပြိုင်ဖက်ပါတီကိုအကြပ်ကိုင်ဖို့ သိပ်ကို လွယ်ကူနေပြီ ဖြစ်ပါတယ်။ ကြံ့ဖွံ့အမတ်ဦးလှဆွေပြောခဲ့တဲ့စကားဟာ သက်သက်အာချောင်တဲ့စကား မဟုတ်ပါဘူး။ သူတို့စစ်အုပ်စုရဲ့ တကယ့်ခြေလှမ်း ဖြစ်ပါတယ်။
ရွေးကောက်ပွဲပြီးတဲ့နောက်မှာ ရွေးချယ်ခံရတဲ့ အတိုက်အခံပါတီအမတ်လောင်းများအနေနဲ့လည်း ကော်မရှင်ရဲ့“ ဥပဒေနဲ့ အညီ” ညစ်ပတ်မှုမျိုးစုံကို ရင်ဆိုင်ကြရဦးမှာပါ။ မပြီးနိုင်မစီးနိုင်တဲ့ စွပ်စွဲတိုင်ကြားမှုမျိုးစုံကိုလည်း ရင်ဆိုင်ဖြတ်သန်းကြရဦးမှာပါ။ ဒါတွေကို ဖြတ်သန်းပြီးမှ ကျန်ကောင်းကျန်ရာအမတ်တွေသာ လွှတ်တော်ထဲရောက်မယ်လုိ့ မျှော်လင့်ရပါတယ်။ ဒီလိုစွပ်စွဲတိုင်ကြားလာမယ့် ဖြစ်ရပ်တွေရဲ့ နိဒါန်းအစကိုတော့ အောက်တိုဘာ၂၁ ရက်နေ့က ရမည်းသင်းမှာဟောပြောခဲ့တဲ့ ဦးခင်အောင်မြင့်ရဲ့ပြောဆိုချက်ကို နားထောင်ကြည့်ရင် သဘောပေါက်ကြမှာပါ။
ဒီလို “နိုင်ငံတော်အစိုးရ၊ တပ်မတော်၊ ကော်မရှင်တော်”တို့ အတိုင်အဖောက်ညီညီ လုပ်ကြံဖန်တီး ညစ်ပတ်နေတာတွေကို
အတိုက်အခံပါတီရဲ့တုန့်ပြန်ချက်တာက အားတက်စရာမကောင်းလှပါ။ “အနည်းဆုံးဖြစ်ပါစေလို့ပဲ ဆုတောင်းတယ်”တဲ့။
ဒါဟာ သူတို့အတတ်နိုင်ဆုံးတုန့် ပြန်ချက်ဖြစ်မယ်ထင်ပါတယ်။
ပင်နီတိုက်ပုံနဲ့ကချင်ပုဆိုး မဝတ်ရ/ “ဟောပြောပွဲ” မလုပ်ရလို့လည်း ညွန်ကြားချက်တွေထုတ်ပြန်နေပါတယ်။ “ဟောပြောပွဲ” မလုပ်ရဆိုတဲ့ညွှန်ကြားချက် ဘာကြောင့်ထုတ်မှန်း နားမလည်ပါဘူး။ ဒါပေမယ့်“ရွေးကောက်ပွဲကော်မရှင်က ခွင့်ပြုထားခြင်းမရှိပဲနဲ့ လူထုကို လက်တစ်လုံးခြား ရွေးကောက်ပွဲပညာပေးဟောပြောပွဲဆိုပြီးမှ မိမိတို့နိုင်စေချင်တဲ့ပါတီဖက်က မဲဆွယ်စည်းရုံးတာ တရားမဝင်ဘူး”လို့ဆိုတဲ့ ဦးခင်အောင်မြင့်ရဲ့မဲဆွယ်ပွဲပြောစကားကို နားထောင်ရတော့မှ ဇာတ်ရည်လည်ပါတော့တယ်။
တကယ်တော့ “၂ဝ၁၅ ရွေးကောက်ပွဲ”ဆိုတာဟာ အစိုးရ၊ စစ်တပ်နဲ့ရွေးကောက်ပွဲကော်မရှင်တို့ရဲ့ ပူးပေါင်းညစ်ပတ်မှုအဖုံဖုံကို ပြည်တွင်းပြည်ပက ရှင်းရှင်းလင်းလင်းတွေ့မြင်ကြရမယ့် ပွဲ တပွဲသာဖြစ်ပါတယ်။ ၂ဝဝ၈ အခြေခံဥပဒေကို မဖျက်သိမ်းနိုင်သမျှ ဒီလို ညစ်ပွဲပေါင်းများစွာကို ကျနော်တို့ ကြည့်ရှုနေကြရဦးမှာဖြစ်ပါတယ်။
စစ်အုပ်စုက နိုင်ငံရေးကို ဗိုလ်ကျချုပ်ကိုင်ထားနေသမျှ စစ်အုပ်စု အလိုကျဒီမိုကရေစီ၊ စစ်အုပ်စုအလိုကျဖက်ဒရယ်၊ စစ်အုပ်စု ပြုသမျှနုရတဲ့ အစိုးရ၊ စစ်အုပ်စုအလိုကျ အပစ်အခတ်ရပ်စဲရေး၊ စစ်အုပ်စုအလိုကျငြိမ်းချမ်းရေး၊ စစ်အုပ်စုစိတ်ကြိုက်ရွေးကောက်ပွဲ၊ စစ်အုပ်စုလိုချင်တဲ့ ရွေးကောက်ပွဲရလဒ်တွေသာပေါ် ထွက်မြဲ ပေါ်ထွက်နေပါလိမ့်မယ်။
ဒါတွေဖျက်သိမ်းပစ်နိုင်ဖို့ဆိုရင် စစ်အုပ်စုနဲ့ ၂ဝဝ၈ အခြေခံဥပဒေကို ဖျက်သိမ်းပစ်မှပဲဖြစ်မယ်။
ညွန်း
- ကြေးမုံသတင်းစာ၊ (၂၁ - ၁ဝ - ၂ဝ၁၅)၊ ဗိုလ်ချုပ်မှူးကြီးမင်းအောင်လှိုင်၊ နိုင်ငံတော်ကာကွယ်ရေးတက္ကသိုလ် ၌ပြောကြားချက်
- ကြေးမုံသတင်းစာ၊ (၁၉ - ၉ - ၂ဝ၁၅) ဗိုလ်ချုပ်မှူးကြီးမင်းအောင်လှိုင် ၊ စစ်ဦးစီး၊ စစ်ရေး၊ စစ်ထောက်ဆိုင်ရာ ညှိနှိုင်းအစည်း အဝေး၌ ပြောကြားချက်
0 comments:
Post a Comment