၂ဝ၁၅ စက်တင်ဘာလထဲရေးဖြစ်တဲ့တိုနန့်နန့်လေးတွေ ၄ (မျိုးမြင့်ချိ)

(တရားသာနိုင်ပါစေ)

ထိုင်းမှာ ဗြိတိန်စုံတွဲကိုသတ်တယ်ဆိုပြီး အစွပ်စွဲခံတရားရင်ဆိုင်နေရတဲ့ကလေး ၂ ယောက်ကိုလွှတ်ပေးဖို့ ကာချုပ်မင်းအောင်လှိုင်ကနေ ထိုင်းအာဏာပိုင်တွေကို မေတ္တာရပ်ခံပေးပါဆိုပြီး စာရေးတောင်းခံတယ်ဆိုတာ ဘာသဘောမှန်း နားမလည်ပါ။

အမှုနဲ့စပ်ပြီး လိုက်လုပ်ကိုင်ပေးနေသူတွေပြောနေတာက အမှုက မခိုင်လုံဘူး၊ စွဲချက်တွေ ကချော်ကချွတ်တွေ၊ ဒီအင်န်အေစစ်တော့လည်း မကိုက်ဘူး၊ မမှန်သက်သေတွေ မတရား သက်သေတွေ၊ စကားပြန်ဘက်လိုက်မှုတွေ၊ ထိုင်းပုလိပ်နဲ့မှုခင်းတပ်ဖွဲ့ရဲ့ နှိပ်စက်ညှဉ်းပန်း အဓမ္မဝန်ခံခိုင်းတာတွေ၊ ပညာရှင်တွေလက်မခံတာတွေ စတာတွေပြောရရင်တော့ အများသားပါ။ ပြောနေကြသလောက်ကြည့်ရတာ အမှုက ကွင်းလုံးကျွတ်လွတ်မယ်လို့တောင် ကောက်ချက်ဆွဲလို့ရတဲ့အထိ ဖြစ်နေပါတယ်။ ဘာကိစ္စ မင်းအောင်လှိုင်ကို ဝင်မေတ္တာရပ်ခံ ခိုင်းနေရသလဲက စဉ်းစားစရာလည်းဖြစ်သလို မသင်္ကာစရာလည်းဖြစ်ရပါတယ်။

မတရားမှုမို့ လွတ်ဖို့ကျိန်းသေလို့ လက်ဝါးရိုက်ပြီး မင်းအောင်လှိုင် ဝင်အမြတ်ထုတ် နံမည်ကောင်းယူ ကယ်တင်ရှင်လုပ်ခိုင်းမယ့်ဇယားလား။ အမှုက တကယ့်မှန်နေလို့ နည်းနည်း သက်သာလည်းမနည်းဘူးဆိုပြီး ဆွဲမိဆွဲရာ ကောက်ရိုးတမျှင် လှမ်းဆွဲနေတာလားကတော့ ကာယကံရှင်တွေသာ သိလိမ့်မယ်။

အမှုဆင်ဖမ်းတာ လုပ်ကြံစွပ်စွဲတာဆို ခုပြောနေသလောက်နဲ့တင် လွတ်ကိုလွတ်ရမှာပါ။ လွှတ်ကို လွှတ်ပေးရမှာပါ။ လွှတ်ပေးရုံတင်မက ထိုင်းအာဏာပိုင်တွေကို ပြန်တရားစွဲတာ၊ လျော်ကြေး နစ်နာကြေးတွေပါ တောင်းလို့ရပါတယ်။ တောင်းလည်းတောင်း တရားလည်းပြန်စွဲရမှာပါ။

အမှုဟာ တရားအတိုင်းဖြစ်ပါစေ။ တရားက နိုင်ပါစေ။ အမှားဆိုတာ ရှူံးကို ရှူံးပါတယ်။

၂ဝ၁၅။ အောက်တိုဘာ ၃

(အလုပ်လက်ရှိကြေး)

ဒီနေ့ အဆိုင်းမင်န့်တခုလက်ခံထားတာရှိပါတယ်။ ၂ နာရီ ၃ နာရီလောက်ကြာအောင် တရစပ်ဘာသာပြန်ပေးရမှာပါ။ အလုပ်လက်မဲ့ကြေး လျှောက်ထား ထားသူနှစ်ဦး ထရိန်နင်ယူနေတဲ့သင်တန်းအခန်းထဲမှာ သူတို့ကြားသွားထိုင်ပြီး ရှေ့က ဘိုလိုပြောနေတာကို နောက်က မိနိုင်သမျှမိအောင်လိုက်ဖမ်းပြီး လေသံနဲ့ဘာသာပြန်ရမှာပါ။ လေသံနဲ့ပြောရတာက သင်တန်းတက်နေကြသူက အယောက် ၃ဝ လောက်ရှိပါတယ်။ အခြားသူတွေ အနှောင့်အယှက် မဖြစ်အောင်ပါ။ အင်္ဂလိပ်လိုမတတ်တဲ့ အခြားလူတွေအတွက်လည်း သူတို့စကားအလိုက် စကားပြန်တွေ ဘေးကထိုင် ကြားကထိုင် အနီးကပ်ထိုင်ပြီး လေသံလေးတွေနဲ့ ပြန်ပေးရပါတယ်။

အလုပ် လုပ်သက် ဘယ်လောက်ရှိရှိ စက်ရုံပိတ်လို့ ကုမ္ဗဏီရှူံးလို့ ဒေဝါလီခံလို့ ဒါမှမဟုတ် မိမိအခြေအနေအရ ထွက်လိုက်ရလို့ဆို မစို့မပို့အလုပ်လက်မဲ့ကြေးလေးအတွက် တက်လိုက်ရတဲ့သင်တန်း လျှောက်လိုက်ရတဲ့အလုပ် ဖြည့်လိုက်ရတဲ့ဖေါင် တွေ့လိုက်ရတဲ့ အင်တာဗျူးတွေမှ နည်းလား။

တခါတလေ ကိုယ့်ဘက်က အချက်အလက်ကလေး မဆိုစလောက်မှားယွင်းမိရင်တောင် ဒီ ဆင့်ပါးစပ်နှမ်းပက်ငွေကလေးပေးဖို့ အချိန်ရွှေ့လိုက်ရတာနဲ့ အငြင်းခံရတာနဲ့ ပြန်ပြင်ပြီး အယူခံသဘောတင်ရတာနဲ့ စိတ်မောစရာပါ။ ဟိုတလောကဆို ကောင်မလေးတယောက်က နိုင်ငံသားဖြစ်ပြီးတော့ နံမည်ပြောင်းလိုက်တယ်။ (ဒီမှာက နိုင်ငံသားဖြေပြီးလို့အောင်ရင်၊ ဒါမှမဟုတ် လက်ထပ်ပြီးရင် နံမည်ပြောင်းချင်သလားမေးပြီး ပြောင်းချင်ရင်ပြောင်းလို့ရတယ်၊ မပြောင်းလည်းရတယ် ဘာမှမဖြစ်ဘူး) သူ အလုပ်ဝင်တုန်းက တနံမည် ဟော အခု အလုပ်ထွက်ပြီး အလုပ်လက်မဲ့ကြေးလျှောက်တော့ တနံမည်။

ကျန်တာတွေတူပြီး နံမည်ကွဲနေတယ် ဗယ်ရီဖီကေးရှင်န်းလုပ်ရမယ်ဆိုပြီး စာရွက်တွေ ပို့ပြီးဖြည့်ခိုင်း စိစစ်တာတွေလုပ်တာ တလကျော်ကြာသွားတယ်။ ဒီမိန်းကလေး အလုပ်လက်မဲ့ ဝင်ငွေမရှိနဲ့ တလလောက် နည်းနည်းကသီသွားတယ်။ သူတို့ဘက်က မှားရင်တော့ ဆောရီးတို့ မိုင်အပေါ်လော်ဂျီတို့ အဆင်မပြေဖြစ်သွားရတာအတွက် စိတ်မကောင်းဖြစ်ရပါတယ်တို့ တို့မှာတာဝန်ရှိပါတယ်နဲ့ပြီးသွားတာများပါတယ်။ ဒီအလုပ်လက်မဲ့ကြေးယူတာကလည်း အသက်ပြည့်လို့ အလုပ်နားချိန် ရီတိုင်းယားယူချိန်မှာ နည်းနည်း သွားသက်ရောက်တာလည်းရှိတော့ လူအများစုက အလုပ်လက်မဲ့ကြေး လျှောက်စားရတာထက် အလုပ်တခုလက်မဲ့ပြီဆိုတာနဲ့ နောက်တခုကို အပြေးအလွှားရှာကြတာပါပဲ။ ပေးတာလေးက တပဲခြောက်ပြား သင်တန်းတက်ရတာနဲ့ မကာမိတဲ့သဘောပါပဲ။ လူလွတ်တွေထက် သားသမီးရှိတဲ့အိမ်ထောင်သည်တွေဆို ပိုရှောင်ကြပါတယ် ဒီအလုပ်လက်မဲ့ကြေးကို။

ပြန်ချုပ်ရရင် အလကားသက်သက်ရနေတာမဟုတ်သလို စေတနာရေစီးကမ်းပြိုလိုက်ပြီး ပေးနေတာ မဟုတ်မှန်း လူတိုင်းသိပေမယ့်လို့ အလုပ်လက်မဲ့ဖြစ်နေချိန်မှာ နောက်အလုပ်လေးတခုမရခင်စပ်ကြားမှာ မစို့မပို့လေးဖြစ်ဖြစ် အထောက်အပံ့ရနေတယ် ဆိုတာကတော့ ကောင်းတဲ့ကိစ္စပါ။

ရွှေပြည်ကြီးမှာဆို အလုပ် လုပ်နေရက်သားနဲ့တောင် အလုပ်လက်ရှိကြေး(လုပ်ခ) အပြည့်လေးတောင် မရကြရှာပဲကိုး။ အမှားတွေအထပ်ထပ်လွန်ကျူး မတရားတွေအကြိမ်ကြိမ်အပြုခံရတာတောင် ရှေးဘဝကဝဋ်ကြွေးဆိုပြီး ကုန်းခံခိုင်းထားတာမဟုတ်လားဗျာ။

၂ဝ၁၅။ စက်တင်ဘာ ၃ဝ

(အသေစောင့်သတဲ့)

သန်းရွှေ အသေကို စောင့်နေကြတာ..တဲ့။ သေတာနဲ့ “အတိတ်က ဖြစ်ခဲ့တာတွေအတွက် စိတ်မကောင်းပါဘူး”လို့ စစ်အုပ်စုဝင်တယောက်ယောက်က ထွက်ပြောပေးမှာ..တဲ့။ ဒါဆို တောင်းပန်တယ်ဆိုတဲ့သဘောမို့ “တောင်းပန်ဖို့ တောင်းပန်ပါတယ်”ဆိုတဲ့သူတွေလည်း စိတ်ကြေနပ်မှာ..တဲ့။ ၈၈ ကနေဖွားပြီး ခု နိုင်ငံရေးနဲ့အသက်မွေးနေကြသူတွေလည်း ပျော်ကြမှာ..တဲ့။ စစ်ဗိုလ်တွေလည်း ပျော်ကြမှာတဲ့..တဲ့။ ခရိုနီတွေလည်း ပျော်ကြမှာ..တဲ့။ သား ရွှေအိုးထမ်းလာတဲ့ကိန်း ဆိုက်ကရော..တဲ့။ အရင်တလျှောက်လုံး သတ်ခဲ့ဖြတ်ခဲ့ကျူးလွန်ခဲ့တာတွေအတွက် ဘာမှ ပြန်အရေးယူလို့မရအောင် ဖွဲ့စည်းပုံနဲ့ ကိုယ့်ဘာသာ လွတ်ငြိမ်းချမ်းသာခွင့်ယူထားပြီးသားဆိုတော့ “စိတ်မကောင်းပါဘူး” လေးလောက်တော့ ပြောမှကောင်းမယ်ထင်တယ်လို့ စစ်အုပ်စုထိပ်သီးတွေ ဆုံးဖြတ်ကြသတဲ့။

၂ဝ၁၅။ စက်တင်ဘာ ၃ဝ

(အသားနွှင်သူများ)

အမဲရိုးအပုံလိုက်ကြီးပတ်လည်မှာ ဆောင့်ကြောင့်လေးတွေထိုင်ပြီး အရိုးကပ်အသားစလေးတွေ နွှင်နေတဲ့ဓာတ်ပုံကို အတော်များများ ရှယ်ကြလိုက်ကြတာ သတိထားမိတယ်။
ဘာလူမျိုး ဘာ ဘာသာဝင်ဖြစ်ဖြစ် ဘယ်နိုင်ငံမှာဖြစ်ဖြစ် မရှိနွမ်းပါးသူတွေ စားရသောက်ရမဲ့ဘဝတွေတိုင်းဟာ ဒီနည်းနှင်နှင်ပါပဲ။

အမေရိကန်လိုပြည်မှာတောင် ကုန်စုံဆိုင်ကြီး ဆိုင်သေးတွေက ရက်လွန်ခါနီး သွန်ပစ်ရတော့မယ့် အစားအသောက်အသီးအနှံတွေကို Food Bank လို Community Harvest Center လိုဟာတွေ ဘုရားကျောင်းတွေ ပရဟိတအသင်းတွေကလက်ခံပြီး မရှိဆင်းရဲသားတွေကို တဆင့်ပြန်လှူဒန်းတာရှိတဲ့ကြားက ရပ်ကွက်ထဲက စားသောက်ဆိုင်တွေနားက အမှိုက်ပုံးကြီးတွေထဲမှာ စားကြွင်းစားကျန်တွေ ရက်လွန်လို့ပစ်ထားတဲ့ အသားဗူးငါးဗူးတွေ သစ်သီးတွေကို မွှေနှောက်ထိုးဆွရှာဖွေ စားသောက်နေရသူတွေရှိပါတယ်။

ဒီအမဲအရိုးကပ် အသားစမျှင်လေးတွေ ထွင်ယူနေကြတာမြင်တော့ ရင်ထဲ မကောင်းဘူး။ ပြောချင်သိစေ့ချင်ကြတာက ရည်ရွယ်ချက်က မဘသ ဘုန်းကြီးဆိုးတွေရဲ့ အစ္စလာမ်ဘာသာနဲ့ မွတ်စလင်မ်ဆန့်ကျင်ရေး အစွန်းရောက်အတွေးအခေါ်နဲ့ အကြမ်းဖက်လုပ်ရပ်တွေကို ရှုတ်ချ ဆန့်ကျင်ဖို့မှန်းသိပေမယ့် ကိုယ့်ပြည်ကဆင်းရဲသားတွေကို ခုလိုချပြကြတာတွေ့တော့ စိတ်ထိခိုက်မိတာပါပဲ။

ဒီလိုအဖြစ်မျိုးတွေဟာ ကိုယ့်ပြည်မှာမဟုတ် အခြားပြည်တွေမှာလည် မနီးရိုးစွဲဖြစ်တဲ့အကြောင်းနဲ့ ကိုယ့်ဆီကဖြစ်ရခြင်းရဲ့လက်သည်တရားခံဟာ လက်ဝါးကြီးအုပ် စစ်အရင်းရှင်စနစ်ကြောင့် ဆိုတာကို တိတိလင်းလင်းထောက်ပြကြရမှာပါ။ အလားတူပဲ မဘသအမည်ခံပြီး ဘုန်းကြီးဝတ်စားနေကြတဲ့ အားကောင်းမောင်းသန် အရွယ်ကောင်း ယောက်ျားသားကြီးတွေဟာလည်း ဝန်ထုံ့ဝန်ပိုကြီးတွေဖြစ်တဲ့အပြင် တိုင်းပြည်အသရေ ဗုဒ္ဓဘာသာပုံရိပ် ရဟန်းကောင်းတို့ရဲ့သိက္ခာ သမာဓိ ပညာကို ထိခိုက်စေတဲ့ လူသတ်ဝါဒီ ဘာသာရေးလူမျိုးရေးအစွန်းရောက် အကြမ်းဖက်သမားတွေရဲ့ပယောဂကြောင့်လည်း တိုင်းပြည်ဟာ လူထုဘဝဟာ ဆင်းရဲတွင်းနက်ရပြီး ဖွပ်သထက်ညစ်နေရတာဖြစ်ကြောင်း လူတွေ သတိပိုချပ်မိကြအောင် မီးမောင်းထိုးပြဖို့လိုမယ်တွေးပါတယ်။

စစ်သားငါးသိန်းနီးပါးနဲ့ သူတို့အဆွယ်အပွားမိသားစုဝင်တွေရဲ့ စားဝတ်နေရေးကြီးကိုတင်မက မဘသအမည်ခံ လောကဖျက်ဝါဒီတွေကိုပါ လူထုက နဖူးကချွေးခြေမကျတဲ့အထိ ရုန်းကန်ရှာဖွေကျွေးမွေးနေရတာပါ။ ဒီ လူစုကြီး ၂ စုဟာ တိုင်းပြည်ရဲ့ကုန်ထုတ်လုပ်ငန်း အင်အားစုထဲလည်းမပါ ဘာအခွန်မှလည်းမဆောင်တဲ့အပြင် ပြည်သူကကျွေးလည်းထားရသေး ကြောက်လည်းကြောက်လန့်နေရသေးတဲ့ တိုင်းပြည့်ဝန်ထုံ့ဝန်ပို လူထုဝန်ထုတ်ဝန်ပိုးကြီးတွေ ဆိုတာ ခုထက်ပို ပွင့်ကျအောင် ဖွင့်ချကြဖို့လိုမယ်ထင်ပါတယ်။

အမဲရိုးပုံအသားနွှင်နေတဲ့ပုံတော့ ထပ်မတင်ကြစေလိုပါခင်ဗျား။ မေတ္တာရပ်ခံပါတယ်။

၂ဝ၁၅၊ စက်တင်ဘာ ၂၉

(အမေနှင့်….)

ဖြောင့်ဖြောင့်ကြီး ပျောက်ချက်သားရော ငြိမ်ချက်သားရောကောင်းနေတယ်။ ဟိုးတလောက လယ်သူမကြီးတွေနဲ့ နသားပါးယားလုပ်တာတွေ့တယ်။ ပြီးတော့ သူ့နယ်သူပြန်ပြီး ဘေးမဲ့ပေးခါနီးနွားကြီးလို ပန်းကုံးတွေစွပ်ပြီး လူတွေကြား ဟီးဟီးဟားဟား လိုက်လုပ်နေတာ တချက် လှစ်ကနဲတွေ့လိုက်သေးတယ်။ ခု ငုတ်နေပြန်ပြီ။ သမ္မထက်ကြီးတာ သေနတ်ဆိုပြီး ညကြီးမင်းကြီး လက်နက်ကိုင်တွေဝိုင်းပြီး ပါတီဥက္ကဌရာထူးကနေ ဖြုတ်ပြလိုက်တာမှာတင် သမ္မတဆိုတာ လုပ်ချင်တိုင်း လုပ်မရဘူးဆိုတာ သူ့တင်မက အခြားသူတွေကိုပါ အချက်ပြလိုက်တာမှာတင် ကျွတ်ကြဲသွားပုံပဲ။

နောက် ယုံတော်မူသမ္မတကြီးလည်း ရိုးရိုးစင်းစင်းမနက်ခင်းတွေ လယ်တောအိမ်တွေပြီးကတည်းက ခွေနေပုံပဲ။ ဒီတခါတော့ ဗိုလ်ချုပ်အောင်ဆန်းပုံနောက်ခံနဲ့ ဓာတ်ပုံလေးတွဲရိုက်တာထက်ကောင်းမယ့်နည်း ကြံစည်နေပုံပဲ။ ဌေးဦးကတော့ ဇယားရှိပုံပေါ်တယ်။ စစ်အုပ်စုတစုလုံးအနေနဲ့ အပွင့်ဆိုင်တွေဘာတွေ လေသံတောင် မဟတော့ဘူး။

“ဒီပွဲကတော့ တင်အေးလောက်နဲ့တင်ပြီးပါတယ်ကွာ”ဆိုပြီးလုပ်ထားတာ ခု သိတ်ဟန်မယ့်ပုံမမြင်လို့ ဆိုးသွမ်းဘုန်းကြီး(မဘသ)တွေအပြင် စွမ်းအားရှင်တွေပါ ထုတ်သုံးရပြီ။ တဘက်ကလည်း ကြံ့ဖွံ့တွေ ဗြောင်တက်နှောင့်ယှက် ကိုယ်ထိလက်ရောက်လုပ်တွေအတိ အတင့်ရဲ ဇက်ရဲလက်ရဲဖြစ်လာပြီ။

မင်းအောင်လှိုင်(မအလ)ကတော့ စစ်တန်းလျားပြန်ချိန် မရေမရာပြောပြန်ပြီ။ တင်အေးကော်မရှင်ကအတည်ပြုပေးတဲ့ ရွေးကောက်ပွဲရလဒ်ကိုလက်ခံမယ်ဆိုပြီး “ပင်း”ထားတဲ့အကြောင်း အတိအလင်းပြောပြီ။ ဘယ်အချိန် ကာချုပ်ကနေ ပင်စင်ယူမလဲအမေးကို ဖြေတာလည်းရှင်းတယ်။ ဖွဲ့စည်းပုံပုဒ်မ ၁၉၁ ကောက်ကိုင်ပြီး “ကာချုပ်ဆိုတာ သူပင်စင်ယူချင်တဲ့အချိန်မှ ယူလို့ရတယ်ကွ”လို့ပါ ငေါက်ငန်းလိုက်သေး။

အမေကတော့ နှင်းဆီစံအိမ်တော်မှာ အနားမနေနိုင်ရှာ။ အသက်အရွယ် အိုမင်းကြီးရင့်ချိန်မှာတောင် ခမျာမယ် မမောနိုင်မပန်းနိုင် “လူမကြည့်နဲ့ ပါတီကြည့် မဲပေးထောက်ခံ”ဆိုပြီး တပြည်လုံး လှည့်ဆော်သြနေတာပဲ။
ပါတီတွင်းလည်း စည်းရုံးရေးရော တည်ဆောက်ရေးရော ကဖြဲကရုန်းပဲ။ အမတ်လောင်းတွေကြည့်ပြန်တော့လည်း လောက်လောက်လားလား အားထားစရာ နည်းပါးလှတယ်။ ကိုယ်ရည်ကိုယ်သွေးပြခွင့်လည်း မရကြရှာဘူး။ အမေ့မျက်နှာကြည့်ပြီး ခေါင်းညိတ်ခေါင်းခါသဘောတွေ ကဲနေတယ်။ အမေကိုယ်တိုင်လည်း သိန်းစိန်နဲ့ ရွှေမန်း တလှည့်စီ အကစားခံလိုက်ရပြီးကတည်းက စကားရှေ့နောက်မညီတာတွေပါ ပြောတဲ့အထိပဲ။ ဘာမှန်း ရေရောရာရာ မပြောနိုင်မယ့်အဖြေ ရလဒ်တခုအတွက် မီးကုန်ယမ်းကုန်ကြဲနေပေမယ့် မီးဇာကုန်ဆီခမ်းဖြစ်မှာတော့ စိုးရိမ်မိသား။ ခြေကုန်လက်ပမ်းကျမှာလည်း ကြောင့်ကြမိသား။ အမေ့သားသမီးတွေကတော့ အမေ အမေ လုပ်နေရရင်ပဲပျော်နေတာ များပါတယ်။

ပြောရရင် ခုဖြစ်နေတဲ့ နိုင်ငံရေးအခင်းအကျင်းဟာ “စည်းကမ်းပြည့်ဝသောဒီမိုကရေစီ”နဲ့ “တသွေးတသံတမိန့်ဒီမိုကရေစီ” အားပြိုင်တဲ့သဘောမျိုးထက် သိတ်မပိုဘူးထင်တာပဲ။

၂ဝ၁၅ စက်တင်ဘာ ၂၈

(မဖျက်သောသင်္ဂျီုင်းများ)

”ဒီအတိုင်းသာဆိုလို့ကတော့ တချိန်ချိန်ကြ ကမ္ဘာကြီးမှာ သဂျိုံင်းကုန်းတွေပြည့်ပြီး လူနေစရာတောင် ကျန်ပါ့မလားမသိဘူး”လို့ မသာပို့အတူသွားတဲ့ အမေရိကန်မိတ်ဆွေက ဆိုတယ်။ “လူတွေ အဲ့လောက်ကြီးအထိတော့ အဖြစ်ခံကြမယ်မထင်ပါဘူးကွာ”လို့ ကျနော်ကပြောတော့ “အေးလေ ငါကလည်း (ဒီအတိုင်းသာဆိုလို့ကတော့)လို့ စကားခံထားတာပါ”တဲ့။ သူက ရှေ့နေပါ။ အမေရိကန်အပါအဝင် နိုင်ငံအများမှာ သဂျိုံင်းဖျက်ရိုး မရှိပါ။ မြှုတ်စရာနေရာပြည့်ရင် ထပ်မမြှုတ်တော့ပေမယ့် သဂျိုံင်းကိုတော့ မဖျက်ပါ။ မြို့လည်ကောင်မှာ ပန်းခြံထက်လှတဲ့ သဂျိုံင်းသစ်/ဟောင်းတွေမှ တပုံကြီးပါ။ လှကွန့်ပြောသလို ကြံတောကပြောသောသမိုင်းတွေနဲ့ပါ။ ရွှေပြည်ကြီးမတော့ အရထူးမယ်ဆို ဘနဖူး သိုက်တူးတဲ့အကောင်တွေ ကြီးစိုးနေလေတော့ သဂျိုံင်းလောက်မပြောနဲ့ သာသနိက အဆောက်အဦတွေတောင် ဖြိုချဖျက်ချ မီးလောင်တိုက်သွင်းကြမဟုတ်လား။

၂ဝ၁၅၊ စက်တင်ဘာ ၂၇

(အပြောင်းအလဲဆိုပဲ)

ဘရက်ခ်အိုဘားမားက လူထူထူရှိတိုင်း သူ့ စမတ်ပေါ်လစီ ဘယ့်လောက်အောင်မြင်ကြောင်း ဗမာ့စစ်အုပ်စုနဲ့ဒေါ်စုကိုဇန်းတင်ပြီး လက်မထောင်ဝင့်ဝါလေ့ရှိတာ အတော့်ကို မြင်ပျင်းကပ်ခဲ့တာ။

စစ်အုပ်စုလုပ်ထားတဲ့ ပြည်တွင်းအလှည့်အပြောင်းဟာ အန်ကယ်လ်ဆမ်အပါအဝင် ပြည်လွန်မသားနိုင်ငံကြီးတွေရဲ့စနက်မပါဘူးလို့ မငြင်းပေမယ့် ပြည်သူတရပ်လုံးရဲ့ စစ်အာဏာရှင်စနစ်ဆိုး မလိုလားမှု မုန်းတီးမှုနဲ့ နိုင်ငံရေးရေချိန်မြင့်မှုရယ် ပြည်တွင်း မျက်နှာစာပေါင်းစုံကနေ သက်လုံကောင်းကောင်းနဲ့ ကြံ့ကြံ့ခံရပ်တည်လှုပ်ရှား ဆန့်ကျင်တိုက်ပွဲဝင်ခဲ့ကြတဲ့ နိုင်ငံရေးအင်အားစုတွေရယ်သာ အဓိကလို့ မြင်တယ် ပြောတယ် ရပ်ခံပါတယ်။

ကိုယ်ကသာ အဲ့သလိုတွေး အဲ့သလိုမြင် အဲ့သလိုရပ်ခံနေပေမယ့် တကယ့်လက်တွေ့မှာ အိုဘားမားပြောတာ မှားမှ မမှားဘဲကိုး။ သောက်မြင်ကပ်လည်း ငြိမ်ခံနေရမယ့်သဘော ရှိနေပါပကောလား။

သူ့တုန်းကလည်း Change နဲ့ Yes, we can နဲ့ ကော်ဇော်နီနင်းခဲ့တာမဟုတ်လား။ ခု ရွှေပြည်ကြီးက စစ်လွှတ်တော်ဝင်မယ့်သူတချို့ကလည်း အပြောင်းအလဲတို့ ပြောင်းလဲဖို့တို့ဆိုပြီး သူ့စကားကို တိုက်ရိုက်အနက်ဖလှယ်ပြီး ယူသုံးနေကြတာကိုး။

အိုဘားမားတို့များ အရှည်မြင်တတ်လိုက်တာ။ ဒါ့ကြောင့် ဘရက်ခ်ဟူစိန်အိုဘားမားပေမယ့် အိမ်ဖြူတော် တက်သွားခဲ့တာကိုး။

၂ဝ၁၅၊ စက်တင်ဘာ ၂၇

(မပြင်ရင်ဘာလုပ်မလဲ)

မဲစာရင်းနဲ့လည်း ရစရာမရှိအောင် မှားထားပေးတယ်။ မဲဆွယ်ပွဲတွေကိုလည်း စွမ်းအားရှင်တွေနဲ့ နှောင့်ယှက်ရုံမက ကိုယ်ထိလက်ရောက်ပါ ကျူးလွန်လာတယ်။ ဆိုးသွမ်းဘုန်းကြီး(မဘသ)တွေနဲ့ လူမျိုး/ဘာသာရေးမှိုင်း လှည့်တိုက်ထားတယ်။ ကြံ့ဖွံ့ကလည်း ဗြောင်ထိုးနှက်နေတယ်။ ပြည်နယ်တချို့မှာ ယမ်းပုံထားပြီးပါပြီ ရွေးကောက်ပွဲကြမှ မီးချမယ့်သဘောလည်း တွေ့ရပါတယ်။

ပြင်ပြင်မပြင်ပြင်ဝင်မှာပဲရဲ့အကျိုးဆက်ဟာ မဲပေးချိန်မှာ တဘက်သတ်အကြမ်းဖက်ခံ သွေးချောင်းစီးပြီး အလောင်းပုံဖြစ်မသွားဘူး ဘယ်သူ အာမခံနိုင်မလဲ။ အာဏာနဲ့ပတ်သက်လို့ စစ်အုပ်စုမှာ မလုပ်ဝံ့တာဘာမှမရှိပါ။ လက်ရဲဇက်ရဲ ကျားစီးဖားစီးလုပ်တဲ့စစ်အုပ်စုဟာ လူထုကိုသာကြောက်ပါတယ်။ လူထုတိုက်ပွဲသာကြောက်ပါတယ်။ လူထုနိုင်ငံရေး ရေချိန်ဟာ အမြဲမြင့်ပါတယ်။ အသင့်လည်း ရှိနေပါတယ်။ သတ္တိလည်း နိုင်ငံရေးသမားအများစုထက် ပြောင်ပါတယ်။ လှုပ်ရှားမှုတိုင်း အုံကြွမှုတိုင်း အရေးတော်ပုံတိုင်းမှာ ရှေ့ဆုံးက အသေခံအနာခံချသွားတာ ဆင်းရဲသားနင်းပြား အခြေခံလူတန်းစားတွေပါ။ အသက်ကလွဲလို့ ဘာမှဆုံးရှူံးစရာ မကျန်အောင် ဆုံးရှူံးရ ဖိနှိပ်ခံရ သွေးစုပ်ချယ်လှယ်ခံရသူတွေပါ။ သူတို့ရဲ့ ဘဝပေးအသိနိုင်ငံရေးအမြင်ဟာ လက်တွေ့ကပြဌာန်းတာမို့ လက်တွေ့အကျဆုံးပါ။ ၄၃၆ ပြင်ရေး လက်မှတ်တွေလိုက်ကောက်တော့ “ပြင်မပေးရင် ဘာလုပ်မလဲ”ဆိုတာ “ကျုပ်တို့ကတော့ တိုက်ပွဲဝင်ဖို့ အမြဲပြင်ထားတယ်”လို့ မက်ဆေ့ဂ်ျပေးတာပါ။ စကားမရှိစကားရှာ မေးတာမဟုတ်ပါ။

ရွေးကောက်ပွဲမှာ အလောင်းပုံရင် သွေးချောင်းစီးရင် အရင်ဆုံးလမ်းပေါ်ထွက်လာမှာ လူထုပါ။

၂ဝ၁၅ စက်တင်ဘာ ၂၆

(တကယ်လုပ်ရင် ကြောက်တယ်)

ဝီရသူတို့ သီတဂူတို့အုပ် စစ်တပ်ကို ကျွတ်တာကြောက်တာလည်း မပြောနဲ့။ ဟိုက သူ့အာဏာထိပါးလာပြီလို့ထင်လို့ လုပ်ပဟေ့ဆို ဘုန်းကြီးသော ကိုရင်သော ဖိုးသူတော်သော မယ်သီလသော ဘာမှ ချန်တာမဟုတ်ဘူး။ အာဏာနဲ့ပတ်သက်ရင် စစ်အုပ်စုဟာ နှမ်းတစေ့တောင်အထိမခံပဲ ကျားစီးဖားစီးလုပ်ခဲ့တာချည်းပဲ။ လုပ်နေတာပဲ။ ပါးစပ်ကသာ သူနဲ့အလွမ်းသင့်တဲ့ သူ့ဘုန်းကြီးကို ဘုရားဘုရားလုပ်တာ။ အလွမ်းမသင့်တဲ့သူဆို ပြောမနေနဲ့။ တွေးဝံ့စရာတောင်မရှိဘူး။ တကယ်တမ်း ကလန်လာရင် သူ့ဘုန်းကြီးတောင် ဘေးမဲ့ရန်မဲ့မထားဘူး။

ကိုယ့်ဘုန်းကြီးတွေကို ဓာတ်တိုင်မှာကြိုးတုပ်ပြီး သေနတ်ဒင်နဲ့ဆောင့်လိုဆောင့်၊ စစ်ကြောရေးမှာ သင်္ကန်းဆွဲချွတ်ပြီး လေယဉ်ပျံစီးခိုင်းလိုခိုင်း ခေါင်းစွပ်ပြီး ဖင်-ိုးမယ် လုပ်လိုလုပ်၊ ထောင်ထဲမှာ ပုံစံမထိုင်လို့ လေဘာချတာငြင်းလို့ ဒေါက်ခြေကျဉ်းသွင်းပြီး စစ်ခွေးတိုက်မှာ လူမဆန်အောင် ရိုက်လိုရိုက်၊ အခြားပုဒ်မတပ်ပြီး ရဲဘက်ထုတ်လိုထုတ် ထုတ်ပစ်တာပဲ။ ရဲဘက်ထုတ်တယ်ဆိုတာ မပြန်လမ်းပို့တဲ့သဘောပဲ။

လူထုဘက်က အမြဲတမ်းမားမားရပ် စစ်အာဏာရှင်စနစ်ဆန့်ကျင်တဲ့ ပြည်သူ့ဘုန်းကြီးတွေက ဒီလို သံဃာထုအပေါ် ရက်စက်ယုတ်မာမှုကို အသည်းခိုက်အောင်နာတယ်။ စစ်အုပ်စုက ပရိယယ်ပြောင်းပြီး ဘာနဲ့မျှားမျှား ခုချိန်ထိ ပါမသွားပဲ ကြံကြံ့ခံရင်ဆိုင်နေတာမြင်တော့ အားရဝမ်းသာဖြစ်မိသလို ဒီလောက်ဒုက္ခဆင်းရဲခံ စစ်တပ်အငြိုငြင်ခံ အနှိပ်စက်ခံနေရတဲ့ကြားက ယုံကြည်ချက်ကနေ တလက်မမှနောက်ဆုတ်တဲ့ စိတ်ဓာတ်ရေးရာ ခိုင်ကြည်လေးနက်မှုအပေါ် ဘာနဲ့မှတိုင်းမရတဲ့ လေးစားသမှုနဲ့ ဦးအခါခါသာညွှတ်မိတာပဲ။

၂ဝ၁၅။ စက်တင်ဘာ ၂၅