Sunday, December 11, 2016

စစ်အာဏာရှင်က သင်မရသူ (မျိုးမြင့်ချို)

0 comments
(စစ်အာဏာရှင်က သင်မရသူ)
ဘာလို့လည်း မသိဘူး။ ဒီမနက် အပြင်မှာ နှင်းတွေ ပိန်းပိတ်အောင်ကျနေတာကိုကြည့်ပြီး ဦးဝင်းတင်ကို သတိရလိုက်တာ။ သူနဲ့စစ်အာဏာရှင်စနစ်၊ သူ့နိုင်ငံရေးဘဝ၊ သတင်းစာဆရာဘဝ၊ ထောင်တွင်းရပ်တည်ချက်အကြောင်း စတာတွေကတော့ လူတိုင်းသိပြီးသားမို့ ဘာမှ ထပ်ဖြည့်စရာစွက်စရာမရှိပါ။ ကျနော် သူ့အကြောင်း တကွက်စာလောက်ကို ၂ဝဝ၅ ခုလောက်က “ကွိသို့မဟုတ် ယုံကြည်ရာ၌ရဲရင့်သူ“ဆိုပြီး တပုဒ်ရေးဖူးပါတယ်။ ခေတ်ပြိုင်မှာလို့ ထင်ပါတယ်။

ကမ္ဘာနီတွင်တဒင်္ဂတို့ဘာတို့နောက်ကိုင်းကစလို့ သူ့မှာ
လူတန်းစားဘက်သဘောရပ်ခံချက် ဝိုးတို့ဝါးတားဖြစ်သွားတယ်
ယွင်းသွားတယ်လို့ ထင်ပါတယ်။ နီတာလည်းမဟုတ် စိမ်းတာလည်းမဟုတ်
ပြာတာလည်းမဟုတ်တော့ဘဲ ရောင်စုံကာလာများဖြစ်သွားတာလား
မပြောတတ်ပါ။


သူ ဘယ်လိုပဲ ဒီမိုကရေစီ စီ ထောင်ထဲမှာတုန်းက ၉၀ အင်န်အယ်လ်ဒီအမတ်တချို့ တိတ်တိတ်ပုန်းတမျိုး ဗြောင်တမျိုးအုပ်စုဖွဲ့ဆန့်ကျင်ဒဏ် သူအတော်ခံခဲ့ရတယ်။ သတင်းစာနယ်ပယ် စာပေနယ်ပယ်နဲ့ နိုင်ငံရေးဝန်းကျင်က သူ့အရှိန်အဝါ
သူ့သြဇာကြီးနေ/ရှိနေလို့သာ ကိုယ်ထိလက်ရောက် မကျူးလွန်ကြတာပါ။

တချို့အမတ်တွေဆို သူ့ကို စိတ်နဲ့သတ်ပစ်ကြတာမှ အခါခါပဲ။ စစ်အစိုးရအပေါ် စစ်အာဏာရှင်စနစ်အပေါ် ထောင်တွင်းရပ်တည်ချက်အပေါ်လေးစားတဲ့ အင်န်အယ်အယ်လ်ထဲက အင်န်အယ်လ်ဒီပြင်ပက လူငယ်လူလတ်တွေ သူ့နောက်မှာ ရပ်နေရှိနေကြလို့သာ အမတ်တွေ လက်ဖျားနဲ့မတို့ဝံ့တာဘဲ။

တချိန်က သတင်းစာနယ်က သူ့တပည့်ဆိုတဲ့ သူ့ကျေးဇူးမကင်းတဲ့လူတချို့လည်း အမတ်ဖြစ်ပြီးနောက် သူ့ကို ပခုံးတိုင်းရုံမက အဖေထက်သားတလကြီးတွေလုပ်ကြ
မထော်မနှမ်းတွေပြောကြ ကလော်ကြဆော်ကြတာတွေလည်း ရှိခဲ့ပါတယ်။

သူ့ကို ဆန့်ကျင်တဲ့အမတ်တွေရဲ့စွဲချက်ကတော့ ကွန်မြူနစ်တဲ့၊ အနီ..တဲ့။ သူ နီမနီ ကွန်မြူနစ်မနစ် သူ့ဘာသာသူသိသလို အနီတွေ ကွန်မြူနစ်တွေကလည်း သိကြသဘောပေါက်ကြပါတယ်။ သူ့ကို ကွန်မြူနစ်လို့ဆိုတဲ့အမတ်တွေနဲ့
သူ့ကိုကွန်မြူနစ်လို့ဆိုတဲ့စစ်အာဏာရှင်တွေဟာ ခုတော့
နိုင်ငံရေးအကျိုစီးပွားတူရာမှာ ပလူးမိနေကြပါပြီ။
ဘက်တဖက်တည်းမှာ ရပ်သွားကြပါပြီ။

သူကတော့ ကွယ်လွန်ရှာပါပြီ ကျနော်တို့အတွက်နဲ့တိုင်းပြည်အတွက်တော့
ဆုံးရှူံးမှုကြီးပါတယ်။

ဒေါ်စုပြောတဲ့ လောကမှာ သင်ပေးလို့ရတဲ့သူနဲ့ မရတဲ့သူဆိုပြီး နှစ်မျိုးပဲရှိတယ်ဆိုတာ
တကယ်မှန်ရင်
“သူက စစ်အာဏာရှင်ရဲ့ အသင်မခံယူပါ“
“သူ့ကို စစ်အာဏာရှင်က သင်မရပါ“
“သူဟာ စစ်အာဏာရှင် သင်ပေးလို့မရတဲ့သူပါ“
ဒီဇင်ဘာ ၁၁၊ ၂ဝ၁၆

0 comments:

Post a Comment