Monday, December 19, 2016

သတင်းနဲ့မှတ်ချက်(၁၉-၁၂-၂၀၁၆) စုဖုရား မလွမ်းဝံ့လို့ သီပေါလွမ်းရတဲ့အဖြစ်

0 comments
သတင်းနဲ့ မှတ်ချက်(၁၉-၁၂-၂၀၁၆)
စုဖုရား မလွမ်းဝံ့လို့ သီပေါလွမ်းရတဲ့ အဖြစ်

နှစ်ပေါင်း ၁၀၀ ကြာတော့မှ “ ရတနာဂီရိအကျဉ်းသား” ကွယ်လွန်ခြင်းအတွက် အခုလို ကောက်ကာငင်ကာ ရေးကြီးခွင်ကျယ်ထလုပ်ကြတာ ဘာကြောင့်လဲ။ အကြောင်းတော့ ရှိကို ရှိလိမ့်မယ်။
 

ရတဲ့အချက်အလက်တွေအပေါ်ကနေ ထင်မြင်ယူဆချက်ကို ဖော်ထုတ်ကြည့်ကြရအောင်။
အဆင့်နေရာဘက်ကပြောရင် ဒုတိယသမ္မတအဆင့်နဲ့ စစ်တပ်ထိပ်သီးကာချုပ် တက်တဲ့ပွဲဖြစ်တယ်။ အစိုးရဘက်က ဒုတိယသမ္မတ(၁) ဦး(ဗိုလ်)မြင့်ဆွေ၊ စစ်တပ်ဘက်က “ကာချုပ်”ကိုယ်တိုင်တက်တယ်။ ကာချုပ်အနေနဲ့ စစ်ဝတ်စုံ ဝတ်ပြီးတက်လို့တော့ မဖြစ်ဘူးဆိုပြီး ကြိုတင်ဆုံးဖြတ်ခဲ့ကြပုံပဲ။ နှစ်ယောက်စလုံးဟာ အငြိမ်းစားစစ်ဗိုလ်နဲ့ တာဝန်ထမ်းဆောင်ဆဲ စစ်ဗိုလ်တွေဖြစ်တယ်။ ဒုတိယသမ္မတဗိုလ်မြင့်ဆွေကို ကာချုပ်စေလွှတ်တဲ့ စစ်ဗိုလ် (၁၆၆) ဦးအစုက ရွေးထားတာဖြစ်တယ်။ ပြီးတော့ ဒီနှစ်ယောက်စလုံးက အနားယူနေတဲ့ ကာချုပ် ဗိုလ်သန်းရွှေရဲ့အချစ်တော်တွေဖြစ်နေပြန်တယ်။
 

ဒီချုပ်ပါတီအစိုးရ ဒီကိစ္စနဲ့ကင်းကင်းရှင်းရှင်းနေချင်ပုံရပြီး စစ်တပ်(စစ်အုပ်စု) ဘက်က ရေးကြီးခွင်ကျယ်လုပ်ချင်တာဖြစ်လိမ့်မယ်လို့ ယူဆတယ်။ ဒါကြောင့် ဒီကိစ္စမှာ ဒီချုပ်ပါတီအစိုးရနဲ့ သူတို့ချင်း နားလည်မှုရှိရှိ (သို့မဟုတ်) သင့်မြတ်ရေးစိတ်ထားနဲ့ မတူတာကို ခွဲလုပ်လိုက်ကြတဲ့ပုံပဲ။ မြန်မာ့အလင်းနဲ့ကြေးမုံက “လက်နက်ကိုင်ပူးပေါင်းအဖွဲ့”လို့ ရေးပြီး၊ မြဝတီသတင်းစာ “အကြမ်းဖက်သောင်း ကျန်းသူပူးပေါင်းအဖွဲ့များ” လို့ ခွဲပြီးရေးကြသလိုမျိုးပေါ့။
 

ဒီကနေ့ ဗြောင်ကျကျလုပ်နေကြတဲ့ “အမျိုးသားရေး”ဆိုတာဟာ လက်တွေ့အားဖြင့် “စစ်အုပ်စု” ပင့်ဖိတ်ခေါ်ယူဖို့အတွက် ဖြန့်ချိနေတဲ့ ဝါဒဖြန့်ကြွေးကြော်သံသာဖြစ်တယ်။ “တပ်မတော်သည် အမျိုးသားရေးကို ဘယ်တော့မှသစ္စာမဖောက်/ တပ်မတော်အင်အားရှိမှ တိုင်းပြည်အင်အားရှိမယ်/ တပ်မတော်မရှိလို့မဖြစ်ဘူး/ သူ့ကျွန်ဘဝရောက်တာ တပ်မတော်မရှိလို့”ဆိုတဲ့ လော့ဂျစ်လိမ်တွေကို ဆင်ခြေကန်ဖို့ဖြစ်တယ်။ ၁၉၆၂ က စပြီး စစ်တပ်က တိုင်းပြည်နိုင်ငံရေးစီးပွားရေး ဘက်ပေါင်းစုံချုပ်ကိုင်ခဲ့တာပဲ။ ဘာဖြစ်ခဲ့သလဲ။ အဆင်းရဲဆုံး တိုင်းပြည်(LDC)ဖြစ်သွားခဲ့တယ်။ အခုထိ နာလန်မထူနိုင်သေးပါဘူး။ “ပါးစပ်နဲ့နယ်ချဲ့ဆန့်ကျင်ရေး/ကိုလိုနီလက်သစ် ဆန့်ကျင်ရေး”တွေအော်ပြီး လက်တွေ့မှာတော့ နိုင်ငံပေါင်းစုံကနေ အကူအညီမျိုးစုံယူခဲ့ကြတယ်။ ယူနေကြဆဲ။ ဒါဟာ လက်တွေ့ အကျဆုံး အဖြေပါပဲ။
 

တပ်မတော်ကို စစ်အုပ်စုက ရေရှည်ဂုတ်ခွစီးထားနိုင်ဖို့ဆိုရင် စစ်တပ်ထဲမှာ၊ အရပ်သားပြည်သူတွေထဲမှာ “အမျိုးသားရေး”အလံ ထူထားရလိမ့်မယ်လို့ တစ်ချက်ခုတ်နှစ်ချက်ပြတ်စဉ်းစားပြီး ခပ်မိုက်မိုက်လုပ်နေပုံပဲ။ သီတဂူဘုန်းကြီးလို “ဆရာတွေ”ကလည်း ဒကာရင်းတွေအတွက် ဝိနည်းတို့၊ သိက္ခာပုဒ်တို့ကိုဘေးချိတ်ပြီး ခပ်မိုက်မိုက်တရားတွေဟောပြီး သွေးထိုးလှုံ့ဆော်ပေးနေတယ် မဟုတ်လား။
 

“ရတနာဂီရိအကျဉ်းသား”ကို အရင်းတစ်ခုပြုပြီး သူတို့ကို သူတို့ အမျိုးသားရေးသိက္ခာ ထပ်ကြတာပါ။ ဒါကြောင့် “ရတနာဂီရိ အကျဉ်းသား” ကွယ်လွန်ခြင်းရာပြည့်ပွဲနဲ့အတူ သူတို့ကိုယ်သူတို့ “မျိုးချစ်တွေ” ဖြစ်ကြောင်း ကြော်ငြာတဲ့ပွဲသာဖြစ်တယ်လို့ ယူဆပါတယ်။
“မင်းသားနီ” သာ သက်ရှိထင်ရှားရှိနေအုံးမယ်ဆိုရင် သူ့ဘိုးလောင်းတော်ကို အသုံးချနေကြတာနဲ့ပတ်သက်ပြီး သူ့ဆီက ထက်မြက်စူးရှတဲ့ ဝေဖန်ချက်တော့ကြားရမှာ သေချာတယ်။
ဂျပန်ရောက်သွားတော့ ဖက်ဆစ်စစ်ဗိုလ် ကာနယ်ဆူဇူကီးအုတ်ဂူမှာ ပန်းစီးချ ဂါရဝပြုခဲ့တယ်။
ဖက်ဆစ်ဂျပန်တော်လှန်ရေး၊ အထက်ဗမာပြည်တိုင်းမှူး ဗိုလ်မှူးကြီးဗထူးရာပြည့်ပွဲတုန်းက ဝတ်ကျေတန်းကျေ လုပ်ခဲ့တဲ့၊ “ကာချုပ်” ခမျာ အကျဉ်းစံပဒေသရာဇ်ဘုရင်ကျတော့မှ ပန်းခွေချပြီး လက်အုပ်ချီမိုးရှိခိုးကန်တော့နေရှာပါကလား။(အရေးတော်ပုံဂျာနယ်မှ ကူးယူဖော်ပြတာဖြစ်ပါတယ်)

0 comments:

Post a Comment