လွတ်လပ်ရေး၊အမျိုးသားနိုင်ငံရေးနှင့်ကျောင်းသားလှုပ်ရှားမှု-၅-ဦးခင်မောင်ကြီး

လွတ်လပ်ရေး၊အမျိုးသားနိုင်ငံရေးနှင့်ကျောင်းသားလှုပ်ရှားမှု-၅-ဦးခင်မောင်ကြီး (ဗကသခေါင်းဆောင်ဟောင်း) ဗမာပြည်တွင် မကြုံစဖူး ၁၃ဝဝပြည့် အရေးတော်ပုံပေါ်ပေါက်ခဲ့တာဟာ နောက်ပိုင်းကာလမှာလည်း ဒီအရေးတော်ပုံရဲ့ဂယက်ရိုက်ခတ်မှုကြီးမားခဲ့တာဟာ တို့ဗမာအစည်းအရုံး ရဲ့ခေါင်းဆောင်မှုအနေနဲ့ ၁၃ဝဝ ပြည့်အရေးတော်ပုံနဲ့နောက်ပိုင်းကာလမှာ ၁၃ဝဝပြည့်မတိုင်မီနဲ့နှိုင်းစာရင် မတူခြားနားတဲ့ ထူးခြားချက်များရှိလာတာကြောင့်ပါပဲ။

(၁) ၁၃ဝဝ ပြည့်မတိုင်မီ တို့ဗမာအစည်းအရုံးကိုခေါင်းဆောင်တဲ့လူတန်းစားဟာ ယေဘူယျအနေနဲ့ ဓနရှင်ပေါက်စလူတန်းစားနဲ့ပညာတတ်များဖြစ်ရာက ၁၃ဝဝပြည့်နဲ့နောက်ပိုင်းကာလမှာ သီးခြားအားဖြင့်ခေါင်းဆောင်မှုမှာ တော်လှန်တဲ့ဓနရှင်ပေါက်စဒီမိုကရက်များ (Revolutionary Petty-Democrats) က လွှမ်းမိုးတဲ့အဆင့်နေရာရလာကြတယ်။

(၂) အတွေးအခေါ်အရကြည့်ရင် ၁၃ဝဝ ပြည့်မတိုင်မီ စခါစမှာ တို့ဗမာအစည်းအရုံးမှာ အမျိုးသားရေးသက်သက်အမြင်လွှမ်းမိုးခဲ့တယ်။ တဖြည်းဖြည်း ဆိုရှယ်လစ်ဝါဒအတွေးအခေါ်များဝင်လာပြီး အမျိုးသားရေးအမြင်နဲ့ဆိုရှယ်လစ်ဝါဒအမြင်ရောက်လာခဲ့တယ်။

၁၃ဝဝ ပြည့်နဲ့နောက်ပိုင်းကာလမှာ ဝိဇ္ဇာနည်းကျဆိုရှယ်လစ်ဝါဒရဲ့သြဇာသက်မှုကြီးမားလာခဲ့တယ်။ ၁၉၃၇ ခုနှစ်လောက်မှာ နဂါးနီစာအုပ်အသင်းပေါ်လာပြီး ၁၃ဝဝ ပြည့်နောက်ပိုင်းမှာ မာက်စ်ဝါဒနဲ့ရုရှားပြည်အောက်တိုဘာတော်လှန်ရေးအကြောင်းစာအုပ်စာတမ်းများ လက်ဝဲစာပေများကို အလုပ်သမားလယ်သမား ပညာတတ်လူငယ်များအတွင်းဝါဒဖြန့်ချိမှုဟာ ကျယ်ပြန့်လာခဲ့တယ်။ တဆက်တည်းမှာပဲ မာက်စ်ဝါဒလေ့လာရေးအစုများ ဗမာပြည်အနှံ့အပြားမှာ လျှို့ဝှက်စွာပေါ်ပေါက်လာခဲ့တယ်။

(၃) တပ်ပေါင်းစုဖြစ်နတဲ့ တို့ဗမာအစည်းအရုံးရဲ့ဝါဒလမ်းစဉ်များဟာ ၁၃ဝဝ ပြည့်မတိုင်မီက အမျိုးသားရေးသက်သက်သဘောဆောင်ရာက ၁၃ဝဝ ပြည့်နဲ့နောက်ပိုင်းမှာ ဆိုရှယ်လစ်ဝါဒအတွင်းသဘောများပါဝင်လာအောင် ပြုပြင်ရေးဆွဲခဲ့ကြတယ်။

၁၉၃၉ ခုနှစ် ဧပြီလမှာ တို့ဗမာအစည်းအရုံးရဲ့ မော်လမြိုင်ညီလာခံက ဆိုရှယ်လစ်ဝါဒအမြင်နဲ့ရေးဆွဲတဲ့ တို့ဗမာအစည်းအရုံးရဲ့ဝါဒလုပ်ငန်းစဉ်ကို ချမှတ်အတည်ပြုခဲ့ကြတယ်။ ဒီလမ်းစဉ်ဟာ နယ်ချဲ့ဆန့်ကျင်ရေး၊ အမျိုးသားလွတ်လပ်ရေး၊ ဆိုရှယ်လစ်နိုင်ငံထူထောင်ရေးလမ်းစဉ်ဖြစ်တယ်။

(၄) စခါစမှာ တို့ဗမာအစည်းအရုံးဟာ အခြေခံလူတန်းစားတွေကိုစည်းရုံးရာမှာ ပီပီပြင်ပြင်မရှိသေးဘူး။ ၁၃ဝဝ ပြည့်နဲ့နောက်ပိုင်းကာလမှာ အလုပ်သမား၊ လယ်သမား၊ ကျောင်းသား၊ အမျိုးသမီးများရဲ့သမဂ္ဂများကို လူတန်းစားအလိုက် လူထုအလိုက်ဖွဲ့စည်းခဲ့ကြတယ်။ လူတန်းစားနိုးကြားမှုကို တစုံတရာမြှင့်တင်ပေးနိုင်ခဲ့တယ်။ အလုပ်သမားလူတန်းစားနဲ့ လယ်သမားလူတန်းစားအပေါ်မှာအခြေခံတဲ့ ကျယ်ပြန့်တဲ့အမျိုးသားလွတ်လပ်ရေးလှုပ်ရှားမှုကြီးတရပ် ဖြစ်လာအောင် တစုံတရာအတိုင်းအတာအထိ စွမ်းဆောင်နိုင်ခဲ့တယ်။

ယင်းသို့ဖြင့် ၁၃ဝဝ ပြည့်အရေးတော်ပုံဟာ နိုင်ငံရေးအထွေထွေသပိတ်ကြီးအဆင့်ထိ ဖော်ဆောင်နိုင်ခဲ့တယ်။ ဗမာပြည်အမျိုးသားလွတ်လပ်ရေးသမိုင်းမှာ စစံနမူနာနဲ့တော်လှန်ရေးအစဉ်အလာကောင်းအဖြစ် ထာဝစဉ်တည်ရှိနေမှာဖြစ်တယ်။ နိုင်ငံရေးအထွေထွေသပိတ်မှ လက်နက်ကိုင်တိုက်ပွဲသို့ မကူးပြောင်းနိုင်ခဲ့တဲ့အတွက် နောက်ဆုံးအာဏာသိမ်းနိုင်တဲ့အဆင့်သို့မရောက်ခဲ့ဘူး။ နယ်ချဲ့အာဏာပိုင်များနဲ့စေ့စပ်လိုက်ရပြီး အရေးတော်ပုံကိုအဆုံးသတ်ခဲ့ရတယ်။

လုံးဝအောင်ပွဲမရဘဲအဆုံးသတ်ခဲ့ရတဲ့ အကြောင်းတွေကတော့ - -

(၁) တို့ဗမာအစည်းအရုံးကိုခေါင်းဆောင်တဲ့ ဓနရှင်ပေါက်စလူတန်းစားနဲ့ ပညာတတ်များရဲ့ ပင်ကိုယ်လက္ခဏာကြောင့်ဖြစ်တယ်။

ကိုလိုနီတိုင်းပြည်ဖြစ်တဲ့ ဗမာပြည်ရှိ ဓနရှင်ပေါက်စလူတန်းစားရဲ့အစိတ်အပိုင်းအသီးသီးဟာ နယ်ချဲ့ပဒေသရာဇ်နဲ့အရင်းရှင်ကြီးလူတန်းစားရဲ့ ဖိနှိပ်သွေးစုပ်မှုဒဏ်ကြောင့် တော်လှန်တဲ့လက္ခဏာရှိကြတယ်။ ယေဘုယျအားဖြင့်
တော်လှန်ရေးထဲပါဝင်နိုင်တယ်။ ထောက်ခံနိုင်တယ်။ တော်လှန်ရေးအဖို့ အလွန်ကောင်းတဲ့ စိတ်ချရတဲ့မဟာမိတ်ဖြစ်တယ်။ ပညာတတ်အမြောက်အများနဲ့ ကျောင်းသားလူငယ်များဟာ အလုပ်သမားလယ်သမားများနဲ့အတူ တော်လှန်ရေးထဲပါဝင်နိုင် ထောက်ခံနိုင်ပြီး အလုပ်သမားလူတန်းစားရဲ့အတွေးအခေါ်ကို လက်ခံနိုင်ကြတယ်။ အမျိုးသားလွတ်လပိရေးလှုပ်ရှားမှုအဆင့်အသီးသီးမှာ အမြဲလိုလိုပဲတပ်ဦးအဖြစ် ပေါင်းကူးတံတားအဖြစ်ပါဝင်ခဲ့ကြတယ်။ တော်လှန်ရေးလုပ်ရာတွင် တော်လှန်တဲ့ပညာတတ်တွေသာမပါရင် လုပ်ငန်းအောင်မြင်နိုင်မှာမဟုတ်ပါ။  

အခြားတဘက်မှာ စီးပွားရေးအရကြည့်ရင် သူတို့ဟာ ကုန်စည်ထုတ်လုပ်ရေးကလေးနဲ့ဆက်စပ်နေတဲ့အတွက် ဈေးကွက်ပြိုင်ဆိုင်မှုမှတဆင့် အရင်းရှင်စနစ်သို့တက်လှမ်းရာမှာ အနည်းစုသာအောင်မြင်မှုရပြီး အများစုကဆုံးရှူံးပျင်စီးမှုနဲ့ရင်ဆိုင်ရလေ့ရှိကြတယ်။ သူတို့အတွင်း နှစ်ဖက်အစွန်းကြွဲပားခြားနားမှုဟာ အစဉ်အမြဲလိုလိုတည်ရှိနေပြီး အဖြစ်မှန်ကိုကျောခိုင်းတဲ့ဆန္ဒစွဲဝါဒ (Subjectivism)၊ တကိုယ်ကောင်းဝါဒ (Individualism)၊ တကိုယ်ကောင်းဝါဒဖက်သို့ တိမ်းစောင်းလေ့ရှိကြတယ်။ သူတို့ဟာလေထဲ တိုက်အိမ်ဆောက်လေ့ရှိကြတယ်။ ပြုမူလုပ်ဆောင်ရာမှာ တွေဝေယိမ်းယိုင်လေ့ရှိကြတယ်။ သူတို့အထဲမှာမှ တစိတ်တပိုင်းဟာ တော်လှန်ရေးသေရေးရှင်ရေးတမျှအရေးကြီးချိန်ရောက်လာတဲ့အခါ
တော်လှန်ရေးတပ်ဖွဲ့ထဲမှ ထွက်ခွာသွားလေ့ရှိတယ်။ စိတ်ပျက်အားငယ်လေ့ရှိကြတယ်။ အနည်းစုဟာ တော်လှန်ရေးရဲ့ရန်သူပင် ဖြစ်သွားတတ်ကြတယ်။ ယင်း ချို့ယွင်းချက်များကို ရေရှည်လူထုတိုက်ပွဲအတွင်းမှာသာ ပြုပြင်နိုင်မှာဖြစ်တယ်။

(၂) ကမ္ဘာ့နယ်ချဲ့စနစ်အောက်မှလွတ်မြောက်ရေးအတွက်ဆင်နွှဲတဲ့ အမျိုးသားလွတ်လပ်ရေးတိုက်ပွဲဟာ အဖိနှိပ်ခံအမျိုးသားများ ကိုယ့်ကြမ္မာကိုယ်ဖန်တီးခွင့်ရရေးတိုက်ပွဲဖြစ်တယ်။ ကိုယ့်ကြမ္မာကိုယ်ဖန်တီးခွင့်ရရေးဆိုတာ နိုင်ငံရေးအရ ကိုယ့်ကြမ္မာကိုယ် ဖန်တီးခွင့်ရရေးကိုဆိုလိုတာဖြစ်တယ်။ ဒီတိုက်ိပွဲဟာ နိုင်ငံရေးအရလွတ်လပ်ပြီး အမျိုးသားနိုင်ငံထူထောင်ရေးအတွက်ဆင်နွှဲတဲ့တိုက်ပွဲဖြစ်တယ်။ နယ်ချဲ့စနစ်အောက်မှာ ဒီရည်မှန်းချက်ကို အလွယ်တကူအကောင်အထည်ဖော်နိုင်မှာမဟုတ်။ နယ်ချဲ့သမားများက အသာတကြည်ခွင့်ပြုလိမ့်မည်မဟုတ်။ ရေရှည်လက်နက်ကိုင်တိုက်ပွဲမပါဘဲ လက်နက်မကိုင်တဲ့လူထုတိုက်ပွဲသက်သက်နဲ့ အကောင်အထည်ဖော်နိုင်မှာမဟုတ်။